| 1 |
ལུང་རྐེད་ན་འདམ་ར་ལུག་ལྷས་ཙམ་ཞིག་ཡོད་པ་དེ་རུ་ག་ས་ག་ནས་ཆུ་མིག་མང་བོ་བརྡོལ་ཅིང་ཕན་ཚུན་འདྲེས་ཏེ་ཆུ་ཕྲན་དྭངས་མོ་ཞིག་ལུང་དཀྱིལ་བརྒྱུད་ནས་བཞུར་བཞིན་ཡོད། སྤྱི་ཟླ་བདུན་པ་དང་བརྒྱད་པའི་དུས་སུ་ལུང་བའི་མགོ་སྟོད་དུ་སྨག་ཤད་དང་། སྤེན་དཀར། སྤེན་ནག སུ་རུ་སོགས་ཚང་ཚིང་སྡོང་ཕྲན་གྱི་མགོ་ལ་མེ་ཏོག་སྣ་ཚོགས་བཞད་པ་དང་།. |
| 2 |
སྒང་རྒྱུད་དུ་སྤྲ་དང་རེ་ལྕག་ཆུན་པོ་དང་ཆུན་པོར་སྐྱེ་བ། སྟོན་དུས་སུ་སྤང་རྒྱན་བཞད་པ། ལུང་དཀྱིལ་གྱི་ཆུ་ཕྲན་དེའི་འགྲམ་གཉིས་སུ་བོང་སེར་དང་ལུག་རུ་སེར་པོ། མ་ནིང་གླང་སྣ། སྔོ་ཁྱུང་སྡེར་སྨུག་པོ་སོགས་བཞད་པ། ལུང་མཐིལ་གྱི་བདེ་ཐང་སྤང་གཞོང་དུ་རི་ཤོ་དང་རམ་བུ། རྟ་ལྤགས་པ། སྔོ་ཁྱུང་སྡེར་དཀར་པོ།. |
| 3 |
གཉིས། ལུས་པོ་སྐེམ་ཞིང་ཤ་མདོག་སྨུག་པའི་སངས་རྒྱས་ལོ་ལྔ་བཅུ་ཡིན་ལ། ཁོའི་གདོང་སྨད་ཡོངས་རྫོགས་རིང་ཐུང་མི་མཉམ་པའི་ཁ་སྤུ་ཐར་ཐོར་གྱིས་ཁེབས་འདུག ལོ་འགའི་སྔོན་ལ་ཁོར་ཕ་ཝང་གི་འབུར་རིས་ཅན་གྱི་འཇབ་ཙེ་ཞིག་ཡོད་པས་ད་ལྟ་ལྟ་བུའི་ཁ་སྤུ་འདི་འདྲ་མང་བོ་ཞིག་མེད་མོད། འོན་ཀྱང་ཐེངས་ཤིག་ཁོ་རང་ཉིད་དམ།. |
| 4 |
ཡང་ན་ཁོའི་ཆུང་མ་ཀླུ་སྒྲོན། ཡང་ན་ཁོ་ཚང་གི་བྱིས་པ་ཞིག་གིས་མཉམ་མ་བཞག་པར་འཇབ་ཙེ་དེའི་སྟེང་ལ་རྐང་པ་སྤོས་པའམ། ཡང་ན་པུས་བཙུགས་བྱས་ཏེ་ཁ་འཆོལ་དུ་བཅུག་པས་ཁ་སྤུ་ཟིན་ཚད་ཇེ་ཉུང་དུ་སོང་བ་དང་། དེ་བས་ཀྱང་ཕངས་པ་ཞིག་ལ་ཁོ་ཚང་གི་རུ་སྤོར་སྐབས་ཤིག་ལ་འཇབ་ཙེ་དེ་བོར་སོང་བས། དེ་ནས་བཟུང་ཁོའི་ཁ་སྤུ་ནི་ཇེ་མང་ནས་ཇེ་རིང་ལ་སོང་།. |
| 5 |
གཡས་ལག་གི་མཐེ་བོང་དང་གོང་མཛུབ་ཀྱི་སེན་མོས་ཁ་སྤུ་འཐོག་པར་བྱེད་ལ། ལྷག་པར་ཁོས་ཅི་ཞིག་ལ་བསམ་བློ་གཏོང་བའམ་བྲེལ་བ་ལང་སྐབས། མིག་གིས་ཟིན་དཀའ་བའི་མྱུར་ཚད་ཀྱིས་ཁ་སྤུ་འཐོག་པར་བྱེད་མོད། ཕངས་པ་ཞིག་ལ་སེན་མོས་ཟིན་ཚད་དེ་འཇབ་ཙེ་ཁ་འཆོལ་ལས་ཀྱང་ཤིན་ཏུ་ཞན། སངས་རྒྱས་ནི་ནམ་རྒྱུན་སྨྲ་བ་ཧ་ཅང་ཉུང་བའི་མི་ཞིག་ཡིན་ལ།. |
| 6 |
རང་ཉིད་ཕོ་རྐྱང་ཡིན་རབས་དང་བུ་མོ་དེར་དགའ་རོགས་ཡོད་མེད། གལ་ཏེ་མེད་ན་ཁོ་དང་འགྲོག་འདོད་ཡོད་མེད་སྐོར་གྱི་ལ་གཞས་གཅིག་འཕྲོར་གཅིག་གཏོང་བཞིན་རྗེས་དེད། བུ་མོ་དེ་ཧ་ཅང་སྐྲག་པ་ལྟར་གཡག་ལ་ཡོབ་རྡུང་བྱས་ཏེ་གང་མགྱོགས་ཀྱིས་གཡོལ་བར་བྱས་ནའང་། རྟ་ཡི་དོ་ཟླར་གཡག་གིས་ག་ལ་ནུས་ཏེ། མ་འགྱངས་པར་ཁོས་བུ་མོ་དེའི་རྗེས་ཟིན་དུས།. |
| 7 |
དེ་ནི་ཏག་ཏག་སྡེ་བ་གཞན་ཞིག་ལ་བག་མར་སོང་ཡོད་པའི་རང་གི་སྲིང་མོ་ཡིན་པས། ཁོ་ཧ་ཅང་ངོ་ཚ་ནས་ཅི་བྱེད་འདི་བྱེད་མ་ཤེས་པར་རྟ་ཁ་ཕྱིར་བསྐོར་ནས་བྲོས་སོང་བ་དེ་རེད། ནམ་རྒྱུན་གཉིད་ལོག་རེག་བར་དུ་སྐད་ཆ་ཚར་རྒྱུ་མེད་པའི་ཆུང་མ་ཀླུ་སྒྲོན་གྱིས་སྡེ་བའི་ཀྲི་པུའུ་ཧྲུའུ་ཅི་ཚང་གི་ཞི་ལི་རབ་ཏུ་བྱུང་བ་དང་།. |
| 8 |
སྲིད་གཞུང་གིས་ཁང་བ་ཡང་ལས་ནས་འཚག་འདུག ཁྱིམ་ཚང་མང་ཤོས་རྫོང་ཐོག་ལ་སྤར་སོང་། ཡང་གཅིག་བཤད་ན་རྩྭ་ས་ལ་ལོ་འགར་ངལ་གསོ་རུ་བཅུག་པ་ཙམ་ལས། རྩྭ་སའི་བདག་དབང་སྔར་བཞིན་འབྲོག་ཁྱིམ་རང་གི་ཡིན། གལ་ཏེ་ནམ་ཞིག་ངོ་མ་ཁ་མི་སོས་ན་དེ་དུས་ཕྱིར་ཡོང་། ད་ཨ་ཕ་ཨ་མ་གཉིས་ཀ་ལྷ་ས་ནས་ཕྱིར་བསླེབས་རྗེས་ང་ཚོའང་རྫོང་ཐོག་ལ་འགྲོ།. |
| 9 |
སློབ་ཆུང་མཐར་ཕྱིན་རྗེས་བླ་བྲང་ལ་སོང་ནས་རབ་བྱུང་བསྒྲུབས་ཏེ་མིང་ལ་དགེ་འདུན་རྒྱ་མཚོ་ཟེར། ཁོས་ཉིན་འགའི་སྔོན་ལ་སྤོ་བོ་སྤོ་མོ་གཉིས་དང་། ཨ་ཅེ་ལྷ་འཚོ་སྐྱིད་མ་སྨད་གཉིས་ཁྲིད་དེ་ལྷ་སར་གནས་མཇལ་དུ་བུད་སོང་། ད་ལྟ་སངས་རྒྱས་ལ་ལས་ཀ་ཅི་ཡང་མེད་ནའང་། ཁོའི་སེམས་ཁམས་ནི་སྔོན་ཆད་ལས་ཀྱང་འཇགས་ཐབས་བྲལ་བས།. |
| 10 |
སྟེང་ལ་སྐམས་ཤ་བུབས་གཅིག་དང་རྐྱལ་མར་གཅིག་སོགས་བཟའ་བཏུང་གི་སྐོར་དང་། བལྟེབས་ནས་གྲུ་བཞི་ནར་མོར་བསྡམས་ཡོད་པའི་མགོ་སྦྲ། སློག་པ། པགས་སྟན། སླ་ང་། དཀར་ཡོལ་སོགས་གྱོན་ཆས་དང་སྣོད་ཅ་ལག་རྣམས་བརྩིགས་པ་དང་། ཅིག་ཤོས་ཀྱི་ནང་ལ་རིལ་མ་སྒྱེ་འགའ་བརྩིགས་པའི་སྟེང་དུ་མཆོད་སྒྲོམ་དང་བཟའ་མི་དག་དང་།. |
| 11 |
བཟའ་མི་ཡོངས་ཀྱིས་མ་བགྲོས་རང་མཐུན་གྱིས་ཁོ་ཚང་གི་ས་ཁང་ཆུང་ཆུང་དེ་གཙོར་བྱས་པའི་ལུང་ཁོག་ཡོངས་ལ་ཕྱིར་མིག་ལྟ་བཞིན་སོང་། ཏག་ཏག་ཉག་ག་དེར་བསླེབས་སྐབས། སངས་རྒྱས་ཀྱིས་གློ་བུར་རུམ་ནས་རླུང་རྟ་བསྡམས་ལོག་གཅིག་བླངས་ཏེ་ནམ་མཁར་གཏོར་ཞོར། ཤུགས་གང་ཡོད་བཏོན་ནས་ཀི་བསྭོ་ལྷ་རྒྱལ་ཞིག་བསྒྲགས་ནའང་།. |
| 12 |
སྡེ་མི་དེས་སངས་རྒྱས་སྐྲ་དམར་པོ་ཁྲག་ལ་བྲན་འདྲ། ངོ་འཁྱག་པོ་དགུན་ཁ་འདྲ་བ། ལག་དལ་མོ་རུས་སྦལ་འདྲ་བའི་བུད་མེད་ལས་བྱེད་ཅིག་གི་གམ་ལ་ཁྲིད་པས། ཉོག་དྲ་མང་བོ་བརྒྱུད་མ་དགོས་པར་ལྡེ་མིག་མང་བོ་ཞིག་དང་མཉམ་དུ། སྒོ་རྟགས་ཨང་གྲངས་བྲིས་ཡོད་པའི་ཤོག་ལྷེ་ཞིག་ལག་ལ་ཐོབ་བྱུང་། དེར་ཁྱིམ་ཚང་རེ་ལ་ཁང་བ་གྱན་གསུམ་རེ་ཡོད་པ་དང་།. |
| 13 |
དེའི་མདུན་དུ་མེ་ཏོག་ལྡུམ་ར་རུ་འབོད་པའི་ར་སྐོར་ཆུང་ཆུང་རེ་ཡང་འདུག དེར་ལྕགས་སྦུག་གིས་ཀ་བ་བྱས་ཤིང་སྒོ་གླེགས་ལ་ལྕགས་ལེབ་སྤྲད་པའི་རྒྱ་སྒོ་ཞིག་ཀྱང་མཆིས། རྒྱ་སྒོའི་ཀླད་དུ་སྐར་མ་སེར་པོ་ལྔ་ཡོད་པའི་དར་དམར་རེ་བཙུགས་ཡོད་ཅིང་། རྩིག་གྱང་ནི་ཨར་འདམ་གྱི་གྱོ་མོ་ཁོག་སྟོང་ངོས་ལ་རྡོ་དཀར་ཕྱེ་མས་བྱུགས་པ་ཅན་ཏེ།. |
| 14 |
སྐབས་དེར་ཏག་ཏག་ཁོར་གཏང་རྒྱུ་ཞིག་ཡོད་པའི་སྣང་བ་འགོག་མེད་དུ་སྐྱེས་པས། དེ་མ་ཐག་ཤམ་ཐབས་ཡར་འདེགས་ཞོར་ཆབ་གཞོང་དེའི་སྟེང་དུ་ཙོག་སྟེ་སྐྱག་རྒན་ཞིག་བཏང་བྱུང་བ་དང་མཉམ་དུ་བདེ་སྣང་ཞིག་ཤར། འོན་ཀྱང་ཁོའི་བློ་ཡིད་ལས་འདས་པ་ཞིག་ནི་ཆུ་སྒོ་ཇི་ལྟར་མནན་ཡང་ཆུ་ཐིགས་པ་གཅིག་ཀྱང་དབབ་རྒྱུ་མ་བྱུང་།. |
| 15 |
ཁོས་ཞིབ་ཏུ་བལྟས་ཚེ་ད་གཟོད་ཆབ་གཞོང་འདིར་ཆུ་ཡར་འོང་མར་འབབ་ཀྱི་སྦུ་གུ་གཏན་ནས་མེད་པ་ཤེས། དེའི་ཕྱིར་ཁོའི་ཨ་ཅེ་ལྷ་མཚོ་སྐྱིད་ཀྱིས་གཡོན་ལག་གིས་ཁ་སྣ་བཀབ་ཅིང་གཡས་ལག་གིས་སྤྱོད་ཁང་ནང་གི་མི་གཙང་བ་ཕྱིར་བཏོན་ཏེ་གཙང་སྦྲ་མི་བྱེད་ཐབས་མེད་བྱུང་། ཁང་བའི་ནང་དུ་སྤྱོད་ཁང་ཡོད་ཀྱང་ཐབ་ཀ་མེད་པས།. |
| 16 |
མོས་ད་གཟོད་ཁྱི་རྒན་གྱིས་དེ་རིང་ཉིན་གང་བོར་ལྟོ་ཁམ་གང་ཡང་འཐུང་མེད་པ་ཡིད་ལ་ཤར་ཞིང་། སེམས་གཏིང་ནས་སྙིང་རྗེ་ཞིག་སྐྱེས་ཏེ་དེ་མ་ཐག་ཁྱིམ་ལ་འཛུལ་ནས་སྐམས་ཀྱི་ཁྲག་རྒྱུ་བཙོས་མ་སྤྱི་རྒྱ་གཅིག་ལྷག་ཡོད་པ་དེ་འདང་རྒྱག་མེད་པར་ཁྱེར་ཡོང་ནས་ཁྱི་རྒན་ལ་བྱིན། བློ་ཡིད་ལས་འདས་པ་ཞིག་ལ་འདི་ནི་སྐད་ཆ་སྨྲ་ཤེས་མི་ཤེས་པ་དང་།. |
| 17 |
སྒོ་ཕྱི་ཁྱིམ་ན་བསྡད་ཡོད་མེད་མ་གཏོགས་བཟའ་མི་རྣམས་དང་ཁྱད་མེད་པར། ལོ་ངོ་དྲུག་བདུན་ཙམ་ལ་གཟུགས་དང་གྲིབ་མ་ཇི་བཞིན་མཉམ་དུ་འགྲོགས་པའི་ཁྱི་རྒན་གྱིས་བཟའ་མི་རྣམས་དང་ལྷན་དུ་ཆེས་མཇུག་མཐའི་ཟས་ཐུན་ལ་རོལ་པ་ཡིན་འདུག རྒྱུ་མཚན་ནི་ཕྱི་ཉིན་ནམ་ལངས་དུས། ཁྱི་རྒན་ནི་ལྕགས་ཐག་དང་བཅས་པ་ས་འོག་ཏུ་འཛུལ་བ་བཞིན་མཐོང་རྒྱུ་མ་བྱུང་།. |
| 18 |
ཕྱོགས་གཅིག་ནས་བརྙན་འཕྲིན་འཕྲུལ་ཆས་དང་འཁྱག་སྒམ། མལ་ཁྲི། ཚ་དེམ། སྒེའུ་ཡོལ་སོགས་ཉོ་དགོས་པའི་དངོས་རྫས་དག་ལ་བསམ་བློ་གཏོང་བཞིན་འདུག སྐབས་འདིར་སྤྱི་ལུགས་ཀྱི་ལོ་གསར་འདས་ཟིན་པ་དང་ལུགས་རྙིང་གི་ལོ་གསར་བསླེབ་ལ་ཉེ། རྫོང་དང་ཡུལ་ཚོའི་མགོ་ཁྲིད་ཚོས་ཕྱུགས་དོར་རྩྭ་སྐྱོང་གི་ཁ་གསབ་སྒོར་མོ་དང་།. |
| 19 |
ད་དུང་ལོ་མང་བོར་ཉོ་མཁན་མ་བྱུང་བར་ཡུན་རིང་བཤམས་ནས་ཚོན་མདངས་ཀྱང་ཤོར་འདུག་པའི་སི་ཏ་ལིན་གྱི་འདྲ་པར་ཞིག་ཡོད་པ་དེའང་ཉོས་ཡོང་སྟེ། ཨ་ལགས་འབྲོང་སོགས་བླ་སྤྲུལ་ཆེ་ཆུང་མང་བོའི་འདྲ་པར་གྱིས་བཀང་འདུག་པའི་མཆོད་སྒྲོམ་དེའི་གོང་དུ་སྦྱར་བ་ན། ཁྱིམ་ཚང་འདིར་གཟི་འོད་དང་བཀྲག་མདངས་སྔར་ན་མེད་པ་ཞིག་བསྣན་པའི་སྣང་བ་སྟེར།. |
| 20 |
དུས་མཚུངས་སུ་རང་ཉིད་ནམ་ཡང་ཕྱི་རོལ་ཏུ་འགྲོ་བའི་སྐལ་བ་མེད་པས། གནས་དེ་རུ་བཙོན་ལ་བཅུག་པ་འདྲ་བའི་ཚོར་སྣང་སྡུག་པོ་ཞིག་སྐྱེས་བྱུང་། ཁོ་ཐབས་ཟད་དེ་ཉིན་ལྟར་གྲལ་ཤར་གཅིག་གིས་གཅིག་གི་མདུན་བཀག་སྟེ་རྒྱང་མི་མཐོང་བའི་ཁང་བའི་སྒོ་ཁར་བསྡད་དེ། ཐེངས་གཅིག་ལ་ཁྱི་རྒན་བཏགས་མྱོང་བའི་ར་སྐོར་གྱི་གྲུ་ཟུར་དེར་ཅེར་འདུག་ཅིང་།. |
| 21 |
མིག་ལམ་དུ་ཝ་ནག་ལུང་བ་ཤར། རྣ་ལམ་དུ་སྒོ་ཁྱིའི་ཟུག་སྐད་གྲགས། སྐད་ཆ་ཉིན་རེ་ནས་ཉིན་རེར་ཇེ་ཉུང་དུ་སོང་། སངས་རྒྱས་ཀྱིས་ཚོན་མདོག་གི་བརྙན་འཕྲིན་འཕྲུལ་ཆས་དང་འཁྱག་སྒམ། འབོལ་ཁྲི་སོགས་ཉོས་ཡོང་། བརྙན་འཕྲིན་འཕྲུལ་ཆས་ལས་བོད་སྐད་ཀྱི་ལེ་ཚན་ལ་ལྟ་ཐུབ་པས། ཁོ་ཚོའི་འཚོ་བར་སྤྲོ་སྣང་གསར་བ་གང་མང་ཞིག་བསྣན།. |
| 22 |
སངས་རྒྱས་ཚང་གིས་དོན་དག་ཆེན་པོ་གཉིས་བསྒྲུབས་པའི་ནང་གི་གཅིག་ནི་བུ་མོ་ལྷ་མཚོ་སྐྱིད་མི་རྐྱང་ཁ་ཤོ་ཚང་ལ་བག་མར་བྱིན་པ་དང་། ཅིག་ཤོས་ནི་གཡང་འཛོམས་ཀྱི་རེ་བ་ལྟར་ལྷ་མཚོ་སྐྱིད་ཀྱི་ནལ་ཕྲུག་ལྷ་རིས་སྐྱིད་མི་རྐྱང་ཚང་ལ་མི་འཁྲིད་པར། སངས་རྒྱས་ཚང་ངམ་ལྷ་མཚོ་སྐྱིད་ཀྱི་མ་ཁྱིམ་དུ་འཇོག་རྒྱུ་ཐག་བཅད་པ་དེ་ཡིན་ལ།. |
| 23 |
ཆ་རྐྱེན་ནི་སྟོན་མགོར་སློབ་མགོ་བརྩམས་ཚེ་མོ་སློབ་གྲྭར་བསྐྱལ་རྒྱུ་དེའོ།། དྲུག དཔྱིད་ཀ་བསླེབས་བྱུང་། དབྱར་རྩྭ་དགུན་འབུ་རྐོ་མཁན་དང་ཁང་བ་བཟོ་མཁན། གཞུང་ལམ་ལས་མཁན་སོགས་ཕོ་མོ་ཁྲི་སྟོང་མང་བོ་ཕལ་ཆེར་དུས་གཅིག་ལ་རྩེ་གཞུང་རྫོང་མཁར་དུ་འདུས་ཏེ། ཞོ་ཆགས་པ་ལྟ་བུའི་རྩྭ་ཐང་འདི་སྐད་ཅིག་ཙམ་ལ་ཆུ་གདུས་པ་བཞིན་དུ་གྱུར།. |
| 24 |
ཨོང་བ་དང་རིལ་མ་སོགས་འཕྲོ་རིམ་འཕྲོར་ཚར་སོང་བས། ཀླུ་སྒྲོན་དང་ཁོ་གཉིས་རེས་མོས་ལྟར་ཕལ་ཆེར་རྫོང་མཁར་ལ་མ་མཐར་ཡང་ཉིན་རེར་ཐེངས་རེ་སོང་ནས་དངོས་རྫས་ཉོ་དགོས་ལ། དངོས་རྫས་ཀྱི་རིན་གོང་ཡང་ཉིན་རེ་ནས་ཉིན་རེར་འཕར་གྱིན་འདུག སངས་རྒྱས་ཀྱིས་སྤྱི་ལེ་གསུམ་བཞིའི་ལམ་གྱི་རྫོང་མཁར་དུ་ལས་ཀ་ཞིག་ཀྱང་འཚོལ་བཞིན་ཡོད་པས།. |
| 25 |
འཇམ་དབྱངས་སྔར་བཞིན་ཉིན་གང་བོར་ཁང་བའི་སྒོ་འགྲམ་དུ་ཙོག་སྟེ་མ་ཎི་འཁོར་ལོ་སྐོར་ཞོར་དུ། དང་པོ་ཁྱི་རྒན་འདོགས་སའི་སྒོ་རའི་གྲུ་ཟུར་དེར་ཅེར་འདུག་པ་ལས་སྐད་ཆ་སྔར་ལས་ཀྱང་ཇེ་ཉུང་དུ་སོང་འདུག མཚམས་རེར་བཟའ་ཟླ་གཡང་འཛོམས་ཁོའི་གམ་ལ་ཡོང་ནས་རྡུལ་འཚུབ་ཅིག་གཙུབ་བཞིན་སར་ཙོག་སྟེ་སྐད་ཆ་རེ་བཤད་ནའང་།. |
| 26 |
ཁོས་ཚིག་གཅིག་གཉིས་ཀྱིས་ལན་ཐུང་ངུ་རེ་སྟེར་བ་ལས་དེ་འདྲའི་ཁ་ཡ་བྱེད་འདོད་མི་འདུག དེའི་ཕྱིར་གཡང་འཛོམས་ཀྱང་ཐབས་ཟད་དེ་ཅུང་ཙམ་བསྡད་རྗེས་སླར་ཡང་རྡུལ་འཚུབ་ཅིག་གཙུབ་བཞིན་ཡར་ལངས་ཏེ་ཁྱིམ་ལ་འཛུལ་ནས་མུ་མཐུད་དུ་བརྙན་འཕྲིན་ལ་ལྟ་བཞིན་སྡོད། མོར་རྒྱ་སྐད་བོད་སྐད་ལ་ཁྱད་མེད་པར་གཟུགས་རིས་ཡོད་པ་ཙམ་གྱིས་ཆོག་པར་བལྟས་ན།. |
| 27 |
པར་ལེན་པ་མང་བོས་བསྐོར་ཏེ་གཞི་ནས་བསླེབས་བྱུང་། ཡིན་ནའང་དེ་ནི་སངས་རྒྱས་ཀྱིས་བསམ་ཚོད་བྱས་པ་ལྟ་བུའི་འཇིགས་སུ་རུང་བ་ཞིག་གཏན་ནས་མ་ཡིན་པར་མ་ཟད། དེ་ལས་ལྡོག་སྟེ་ང་ཚོས་རྒྱུན་དུ་མཐོང་བའི་རྒྱ་ནག་ཧ་ཤང་གི་འདྲ་སྐུ་ཞིག་དང་འདྲ་བར་ལུས་པོ་ཤིན་ཏུ་ཚོ་ཞིང་ངོ་གདོང་འཛུམ་གྱིས་ཁེངས་པའི་མཛའ་ཞིང་བརྩེ་བའི་མི་ཞིག་རེད།. |
| 28 |
ཁྱིམ་ཚང་རེ་རེས་སྔ་གཞུག་ཏུ་ཆབ་གཞོང་བཀོག་ནས་སྒོ་ལ་གཡུགས་ནའང་མགོ་དམར་མས་ཅི་ཡང་མི་བཤད་པས། ཉིན་འགའི་རྗེས་སུ་སངས་རྒྱས་ཀྱིས་ཀྱང་སྤོབས་པ་ཆེ་རུ་བསྐྱེད་དེ་སླར་ཡང་ཆབ་གཞོང་དེ་བཀོག་ནས་སྒོ་ལ་གཡུགས། བདུན། བསྟུད་མར་ཟླ་གཉིས་ཙམ་ལ་རླུང་དམར་གཡུགས་རྗེས། གཞི་ནས་གངས་ཆར་འདྲེས་མ་ཞིག་བབས་པ་དང་།. |
| 29 |
དེའི་གམ་ལ་མི་འགྲོ་ཐབས་མེད་བྱུང་། སྟབས་ལེགས་པ་ཞིག་ལ་མོ་དེར་བསླེབས་དུས། མགོ་དམར་མའི་གཞུང་ལས་ཁང་དུ་རྩེ་གཞུང་ཡུལ་ཚོའི་ཧྲུའུ་ཅི་སོགས་མགོ་ཁྲིད་རྣམས་དང་འབྲོག་པ་ཕོ་མོ་མང་བོ་འདུས་ཡོད་ལ། བོད་སྐད་ཤེས་པའི་མགོ་ཁྲིད་ཅིག་གིས་བཤད་ན་ཁོ་ཚོས་གནས་ཚུལ་འདི་སྔར་ནས་རྫོང་ཨུ་དང་རྫོང་སྲིད་གཞུང་ལ་ཡར་ཞུ་བྱས་ཟིན་པ་དང་།. |
| 30 |
འདི་ངོ་མ་བཟང་བ་འདྲ་སྟེ། དེ་ནས་བཟུང་ཅི་འདྲའི་ཆར་ཞོད་ཆེན་པོ་བབས་ནའང་ཐིགས་ཆུ་གཅིག་ཀྱང་ཟགས་རྒྱུ་མེད་པར་གྱུར། ཡིན་ནའང་བློ་ཡིད་ལས་འདས་པ་ཞིག་ནི་ཕྱི་ལོའི་དཔྱིད་ཆར་བབས་དུས་ཁང་བ་ཡོངས་རྫོགས་ན་ནིང་བྱུང་བའི་དོན་དག་དང་འདྲ་བར་གྱུར། འབྲོག་པ་ཚོ་སླར་ཡང་མགོ་དམར་མའི་གཞུང་ལས་ཁང་དུ་འདུས་ཤིང་།. |
| 31 |
གང་ལྟར་ཡར་ལངས་ནས་སྒོ་ཕྱེ་བ་ན། བུ་དགེ་འདུན་རྒྱ་མཚོ་སྒོ་རའི་ནང་ལ་བསླེབས་འདུག དགེ་འདུན་རྒྱ་མཚོས་ཕ་མ་གཉིས་ཀྱི་གདོང་ནས་ཅི་ཞིག་ཤེས་སོང་བ་ལྟར། ལོ་ལོན་གཉིས་ཀར་ཁམས་འདྲི་བྱས་ཤིང་འོ་རེ་བྱས་རྗེས། སར་ཡང་མ་ཙོག་པར་རུམ་ནས་སྒོར་མོ་སྟོང་གཉིས་བཏོན་ནས་ཨ་ཕའི་ལག་ལ་བཞག་བྱུང་། དངོས་གནས་ད་ལྟ་གྲྭ་བ་མང་བོ་སྐྱ་སར་བབས་བྱུང་ལ།. |
| 32 |
གྲྭ་བ་བཞི་ལྔ་ཙམ་སྐྱ་སར་བབས་པར་མ་ཟད། དེའི་ནང་གི་གཅིག་ཕྱིར་དགོན་པར་སོང་ནས་དགོན་པ་ལས་ཀྱང་ལོ་རྒྱུས་རིང་བའི་དཔལ་ལྡན་ལྷ་མོའི་ནག་ཐང་རྩ་ཆེན་ཞིག་ཡོད་པ་དེ་བརྐུས་ནས། ས་གཞན་ལ་འབྲོ་རྩིས་བྱེད་སྐབས་འཛིན་བཟུང་བྱས་ཏེ་ད་ལྟ་ད་དུང་ལྟ་སྲུང་ཁང་ན་ཡོད་པ་སོགས་རྣ་བས་གོ་ན་སྐྱི་གཡའ་བའི་དོན་དག་བྱུང་དང་འབྱུང་བཞིན་མཆིས།. |
| 33 |
ཡིན་ནའང་དགེ་འདུན་རྒྱ་མཚོ་ནི་ཁ་ཏོན་དགེ་སྒྲུབ་ཁོ་ནར་གཞོལ་མཁན་ཞིག་སྟེ། གྲྭ་བ་གཞན་དང་འདྲ་བར་རྒྱས་ཟ་རྒྱས་འཐུང་མི་བྱེད་པར། དད་ལྡན་དག་གིས་ཕུལ་པའི་མང་འགྱེད་སྒོར་མོ་རྣམས་བསགས་ནས་རང་ཁྱིམ་ལ་རོགས་སྐྱོར་བྱེད་བཞིན་འདུག འདི་དག་དྲན་ཚེ་སངས་རྒྱས་ཀྱིས་དགེ་འདུན་རྒྱ་མཚོ་རང་གི་བྲང་ཁར་སྦྱར་ནས་འོ་ཞིག་བྱེད་བསམས་ནའང།. |
| 34 |
འབྲིའི་འོ་མ་ཡིན་ཟེར་ནས་བ་མོའི་འོ་མ་བཙོངས་པ་སོགས་ཏེ། དེ་ལས་ཀྱང་བདུད་ཀྱི་སེམས་ལའང་འཆར་དཀའ་བ་ནི། དབྱར་ཁར་དྲོད་ཚད་མཐོ་དུས་འོ་མའི་ནང་ལ་དུག་སྲིན་འགོག་སྨན་གྱི་རིགས་བཏབ་ཚེ་འོ་མ་རུལ་རྒྱུ་མེད་པ་སོགས་རེད། སངས་རྒྱས་ཀྱིས་འཕྲུལ་རྟའི་སྣུམ་སྒོ་ཆེ་རུ་ཕྱེ་ཡོད་པ་ལ། མོའི་སྐད་ཆ་མ་གོ་བའམ་གང་ལྟར་ཨ་ལན་མ་བྱིན་པས།. |
| 35 |
དང་པོར་ལྷ་མཚོ་སྐྱིད་གནས་ལ་འགྲོ་སྐབས་ཨུ་ཚུགས་བྱས་ནས་འཁྲིད་དུ་མ་བཅུག་པ་དང་། རྗེས་སུ་སློབ་གྲྭར་མངགས་པར་ཡང་དེ་འདྲའི་འཐད་པ་མིན། དེའི་ཕྱིར་ད་ཐེངས་ཁ་གཡར་ས་འདི་བེད་སྤྱད་དེ་ཞི་མོ་ཉིན་མཚན་གཉིས་ཀར་རང་གི་གམ་དུ་འཛིན་དགོས་བསམ་བཞིན་འདུག སྐབས་དེར་ཕྱི་རོལ་ནས་འཕྲུལ་རྟའི་སྒྲ་ཞིག་གྲགས་ཤིང་།. |
| 36 |
ཅང་མ་འགོར་བར་སངས་རྒྱས་ཀྱིས་ཕྲག་པ་གཡོན་པར་ལྗིད་ཏིག་ཏིག་གི་ཏ་ལེན་ཞིག་འཁུར་བའི་བུད་མེད་དར་མ་ཞིག་ཁྲིད་ཡོང་བ་དེ་ཁོའི་སྲིང་མོ་གཡུ་སྒྲོན་རེད། གཡུ་སྒྲོན་གནས་ལ་སོང་སའི་སྡེ་བ་དེ་ད་རུང་སྐྱེ་ཁམས་གནས་སྤོར་བྱས་མེད་པས། ཕྱུགས་ལས་ཐོན་རྫས་ཉོ་མི་དགོས་པར་མ་ཟད་བཙོང་རྒྱུ་ཡོད་ལ། ད་དུང་གཏོང་ཕོད་ཆེ་ན་གཞན་ལ་སྟེར་རྒྱུའང་ཡོད།. |
| 37 |
དེའི་ཕྱིར་མོ་རྫོང་མཁར་ལ་ཡོང་ཐེངས་རེར་ཕུ་བོ་ཚང་ལ་ཤ་དང་མར་ཆུར་འོ་ཞོ་སོགས་ཁྱེར་ཡོང་བཞིན་འདུག ད་ཐེངས་ཀྱང་མོས་ལུག་གི་ཚང་ར་ཞིག་དང་སྤྱི་རྒྱ་གཉིས་ཙམ་ཡོད་པའི་སྐམས་ཀྱི་ནང་ཁྲོལ་ཐུམ་ཞིག སྤྱི་རྒྱ་ལྔ་ཙམ་ཡོད་པའི་མར་རྡོག་ཅིག འགྱིག་ཤོག་ཁུག་མ་ནག་པོ་ཞིག་གི་ནང་ལ་ཆུར་བ་སྤྱི་རྒྱ་གསུམ་ཙམ། ཞོ་འགྱིག་ཟེའུ་གང་།. |
| 38 |
ཀླུ་སྒྲོན་གྱིས་དེ་མ་ཐག་ཤ་འཐག་ཅིང་ཕྱེ་བརྫིས་ནས་ཤ་ཁོན་བཅོས། རྡོ་སོལ་ཕངས་མེད་དུ་སྦར་ཏེ་ལྕགས་ཐབ་ཀྱི་རྐེད་པའང་དམར་པོར་གྱུར་ཅིང་། ཁྱིམ་ཡོངས་དྲོད་ཀྱིས་ཁེངས་འདུག ཁོ་ཚོས་ཁ་བརྡ་སྣ་ཚོགས་བྱས་པ་ན། མཚམས་ལན་རེར་ཁྱིམ་འདིར་དུས་ཡུན་རིང་བོར་གོ་དཀོན་པའི་དགོད་སྒྲ་ལྷང་ལྷང་ཞིག་ཀྱང་གྲགས་ཀྱིན་འདུག་པས།. |
| 39 |
ཆུ་ཚོད་འགའི་སྔོན་ལ་སངས་རྒྱས་ཁྱོ་ཤུག་གཉིས་ཀྱིས་ཧ་ཅང་སེམས་ཁྲལ་བྱེད་བཞིན་པའི་མེད་མུག་དེ་དག་དང་། ལྷ་རིས་སྐྱིད་ཀྱིས་བཤད་པའི་སློབ་གྲྭའི་ནང་བྱུང་བའི་སྐྱི་གཡའ་བའི་གནོད་འཚེ་དེ་དག་ཀྱང་བརྗེད་པར་གྱུར་པ་ལྟར་སྣང་། འཇམ་དབྱངས་སྔ་ས་ནས་ཉལ་བ་དང་། དེ་ནས་ཅང་མ་འགོར་བར་གཡང་འཛོམས་ཀྱིས་ཀྱང་ལྷ་རིས་སྐྱིད་རུམ་ནས་མལ་དུ་ཉལ།. |
| 40 |
སངས་རྒྱས་ཀྱིས་ཅི་ཞིག་བཤད་རྩིས་བྱེད་སྐབས། ཀླུ་སྒྲོན་གྱིས་གློ་བུར་རྣར་གཟན་ཞིང་སྙིང་ལ་ཟུག་པའི་ཨག་རིང་ཞིག་འདེབས་ཞོར་གོམ་པ་གསུམ་བཞི་ཙམ་ལ་ཕར་བྲོས་ཤིང་། སླར་ཡང་ཕྱིར་འཁོར་ནས་བླ་འཁྱམས་པ་བཞིན་ཁ་ཆེ་རུ་གདངས་འདུག སངས་རྒྱས་མྱུར་དུ་ཕྱིར་འཁོར་ནས་བལྟས་དུས་འཇམ་དབྱངས་ཁ་སྦུབ་ཏུ་འགྱེལ་འདུག་པས།. |
| 41 |
ཁོ་རྒྱུག་མ་མཆོང་གིས་སོང་ནས་ཁོའི་མགོ་བོ་ཡར་བསྐྱོར་ནའང་། དེ་དུས་ལུས་པོའང་ཕལ་ཆེར་འཁྱག་པར་གྱུར་འདུག ཀླུ་སྒྲོན་གྱིས་བཤད་ན་དང་པོར་ཨ་ཕ་དྲང་མོར་ཙོག་འདུག་པས། མོས་ཁོ་ཁྱིམ་ལ་འཁྲིད་བསམས་ནས་ཕུ་རུང་ནས་གཅིག་འཐེན་པ་ན། ཁ་སྦུབ་ཏུ་འགྱེལ་སོང་ལ། མོས་ཁོའི་མགོ་བོར་རེག་ཚེ་འཁྱགས་པ་རྡོ་དང་འདྲ་བས་སྐྲག་ཐག་ཆོད་སོང་ཟེར།. |
| 42 |
ཡིན་ནའང་ད་དེ་དག་ཚར་སོང་བས་འགྱོད་པ་སྐྱེས་ཀྱང་ཕན་པ་མེད། དེའི་ཕྱིར་རྒད་པོའི་རྗེས་སུ་ངེས་པར་ཆོས་ཡག་པོ་ཞིག་བསྒྲུབ་དགོས་བསམས་ཏེ། ཀླུ་སྒྲོན་ལ་མུ་མཐུད་དུ་སེམས་གསོ་མ་བྱས་པར་རས་ལྭ་རྙིང་བ་ཞིག་གིས་གཅུད་ཡོད་པའི་རང་གི་རྟ་སྒ་ཤན་མ་དེ་ཐུམ་ལས་གྲོལ་ཞིང་རྒྱབ་ལ་ཁུར་ནས་རྫོང་མཁར་དུ་འགྲོ་རྩིས་བྱས་པ་དང་།. |
| 43 |
བཅུ་གཅིག ཁྱོ་བོ་ཚེ་ལས་འདས་རྗེས། གཡང་འཛོམས་ཞོགས་པར་ཧ་ཅང་འཕྱི་བའི་དུས་སུ་ད་གཟོད་མལ་ལས་ལངས་པ་དང་། མལ་ལས་ལངས་རྗེས་ཀྱང་སྔོན་ཆད་ལྟར་བརྙན་འཕྲིན་ལ་མི་ལྟ་བར་སྒོར་བུད་དེ། སྔོན་ཆད་ཁྱོ་བོ་རྒྱུན་དུ་སྡོད་པའི་གནས་དེ་རུ་སྡོད་པ་དང་། རྒྱ་སྒོའི་ཁར་ཅེར་ནས་ལྷ་རིས་སྐྱིད་སློབ་གྲྭ་གྲོལ་ཏེ་ཡོང་བར་རེ་སྒུག་བྱས་ནས་འདུག་པ་རེད།. |
| 44 |
ལྷ་རིས་སྐྱིད་བསླེབས་ན་བརྙན་འཕྲིན་ལས་ཀྱང་གསར་འགྱུར་མང་བོ་བཤད་རྒྱུ་ཡོད་མོད། འོན་ཀྱང་ཕངས་པ་ཞིག་ལ་མང་ཆེ་བ་སྐྱི་གཡའ་བའི་དོན་རྐྱེན་ཏག་ཏག་སྟེ། དཔེར་ན་ཁ་སང་མོས་གསར་འགྱུར་གཉིས་བཤད་པའི་གཅིག་ནི། སློབ་གྲྭར་བཅའ་སྡོད་བྱེད་བཞིན་པའི་སློབ་མ་རྣམས་ལ་ཟས་དུག་ཕོག་སྟེ་ཚང་མ་སྨན་ཁང་དུ་བསྐྱལ་ནའང་།. |
| 45 |
འོན་ཀྱང་དེ་འདྲའི་ཆག་སྒོ་ཞིག་ཏག་ཏག་རང་ཚང་དང་ཇེ་ཉེར་ཡོང་བཞིན་པ་སུས་ཤེས་ཏེ། ཤིན་ཏུ་འཁྱག་ཅིང་བསེར་བུ་ལྡང་བའི་ཞོགས་པ་ཞིག་ལ། ལྷ་རིས་སྐྱིད་སྔ་མོ་ནས་སློབ་གྲྭར་སོང་ཞིང་། གཡང་འཛོམས་ད་དུང་མལ་དུ་ཉལ་འདུག སངས་རྒྱས་ཁྱོ་ཤུག་གཉིས་ཀྱིས་ཕྱི་རོལ་ན་སྐ་རགས་རྙིང་ཧྲུལ་ཞིག་གཤགས་ནས་ཁང་བའི་སྲུབས་ཀའི་ནང་ལ་རྫོང་གིན་ཡོད་མོད།. |
| 46 |
རྫོང་གི་ལས་ཁུངས་ཤིག་གིས་སྒོ་སྲུང་པ་སྡུད་ལེན་བྱེད་རྩིས་ཡོད་ཟེར་བ་དེའི་སྟེང་ལ་ཤོར་འདུག མཚམས་ཤིག་ཁོ་གཉིས་ཀར་རྐང་བ་ས་ལ་འཛུགས་དཀའ་བའི་ཚོར་སྣང་ཞིག་སྐྱེས་པ་དང་མཉམ་དུ། བལྟས་བལྟས་རིག་རིག་ལ་ཁང་བ་གྲལ་ཤར་དེ་སྐད་ཅིག་ཙམ་ལ་ཉིལ་ནས་ས་རྡུལ་ནག་པོ་ཞིག་འཕྱུར་བ་ལས་ཅི་ཡང་མཐོང་རྒྱུ་མེད་པར་གྱུར།. |
| 47 |
ཡིན་ནའང་སངས་རྒྱས་ཚང་སྔར་ནས་ཀྱང་འདི་རུ་སྡོད་འདོད་མེད་ནའང་བུ་མོ་ལྷ་རིས་སྐྱིད་སློབ་གྲྭར་འགྲོ་ཆེད་ད་བར་དུ་བཟོད་བསྲན་བྱས། ད་ནི་ལྷ་རིས་སྐྱིད་མེད་པར་བརྟེན་མུ་མཐུད་དུ་འདི་རུ་འདུག་འདོད་མ་བྱུང་བས། ཉིན་ཞིག་གི་ཞོགས་པར་ལག་སྐྱོར་འདྲུད་འཐེན་འཁོར་ལོ་ཞིག་གླས་ཡོང་སྟེ་ཝ་ནག་ལུང་བའི་ཕྱོགས་སུ་སྐྱོད།. |
| 48 |
སྔར་ནས་ཀྱང་སྙིང་ཁམས་མི་བདེ་བའི་ཀླུ་སྒྲོན་གྱིས་ཤུགས་རིང་འབྱིན་པ་དང་སྙིང་ཁར་ལག་པས་བྱིལ་བྱིལ་བྱེད་ཀྱིན་འདུག སངས་རྒྱས་ཀྱི་སེམས་ཁམས་ཀྱང་ཧ་ཅང་མི་བདེ་བ་འདྲ་སྟེ། ལམ་བར་དུ་དལ་མེད་ངང་ཁ་སྤུ་འཐོག་པ་ལས་སྐད་ཆ་ཚིག་གཅིག་ཀྱང་བཤད་རྒྱུ་མ་བྱུང་། རླངས་འཁོར་མང་དྲགས་པས་ལག་སྐྱོར་འདྲུད་འཐེན་འཁོར་ལོ་ཧ་ཅང་དལ་མོས་འགྲོ་དགོས་ལ།. |
| 49 |
འགྲོས་ཚད་དལ་དྲགས་པས་ཕལ་ཆེར་ཉི་མ་ནུབ་ལ་ཉེ་དུས། ཁོ་ཚོ་ད་གཟོད་ཝ་ནག་ལུང་བའི་ཉག་གར་བསླེབས། ཏག་ཏག་སྐབས་འདིར་ཁོ་ཚོ་ལྷ་རིས་སྐྱིད་ཤ་ཉོག་རུས་ཉོག་ཏུ་བཏང་བའི་དུས་ལས་ཀྱང་ཧ་ལས་ཤིང་ཧོན་ཐོར་སོང་། རྒྱུ་མཚན་ནི་ཝ་ནག་ལུང་བ་ཡོངས་རྫོགས་ས་རྐོ་རྡོ་སློག་བྱས་ཏེ་ནག་རོག་གེར་འདུག་ལ། ག་ས་གང་དུ་རྐོ་འཁོར་དང་ལྡུག་འཁོར།. |
| 50 |
འདྲེན་འཁོར། འདྲུད་འཁོར་རྣམས་གྲོག་ཚང་བརྡོལ་བ་ཇི་བཞིན་ཟང་ཟིང་ལང་ལོང་བྱེད་པ་དང་། ལྡིར་སྒྲ་སྣ་ཚོགས་འབྲུག་སྟོང་དུས་གཅིག་ཏུ་གྲགས་པ་བཞིན་འདུག་པས་རེད། ཉག་ག་ནས་ལུང་བའི་ནང་ལ་ལམ་མང་བོ་ཞིག་འཐེན་ཡོད་པས། ཁ་ལོ་པས་གང་ལ་ཞུགས་དགོས་པའང་མ་ཤེས་པར་བསྒགས་ཟྭ་མནན་ཏེ་གླ་བདག་གི་བཀོད་འདོམས་ལ་བསྒུགས་ནས་འདུག་མོད།. |
| 51 |
དེ་བས་ཀྱང་བཟོད་ཐབས་བྲལ་བ་ཞིག་ནི་མི་འགྱང་བའི་སྔོན་ལ་ཁོ་དང་མཉམ་དུ་གོ་གནས་ལས་བུད་པའི་རྫོང་སྲིད་གྲོས་ཀྱི་ཀྲུའུ་ཞི་ཟུར་བའི་བུ་མོ་ཆུང་བ་དེ་རྫོང་བུད་མེད་ལྷན་ཚོགས་ཀྱི་ཀྲུའུ་རེན་གཞོན་པར་བསྐོ་འཇོག་བྱས་པའི་མིང་ཐོ་ཡོད་འདུག གནས་ཚུལ་གློ་བུར་བ་དེས་ཅུང་ཙམ་མིན་ན་ཁོའི་ལག་གི་རྒྱང་འཛིན་ཡང་ཤོར་བ་དང་།. |
| 52 |
ཡིན་ནའང་འདི་ལྟར་མངོན་སུམ་འཛེམ་མེད་ཀྱིས་ཁྱད་པར་གཏོད་སྲོལ་གང་ན་ཡོད། ཡོན་ཏན་བྲང་འབུར་དང་ངེད་གཉིས་ལ་མི་འདྲ་ས་ཅི་ཞིག་ཡོད། གལ་ཏེ་མི་འདྲ་ས་ཞིག་ཡོད་ཟེར་ན་དེ་ནི་ང་རང་ཁོའི་སྔོན་ལ་གསར་བརྗེའི་བྱ་བར་ཞུགས་པ་དང་། ཁོའི་སྔོན་ལ་ཏང་ནང་དུ་ཞུགས་པ། ང་ནི་ཞིང་ཆེན་ཡོངས་ཀྱི་ཏང་ཡོན་ཕུལ་བྱུང་ཡིན་པ་དེ་རེད།. |
| 53 |
རྒྱུ་མཚན་ནི་སྐབས་བརྗེ་སྔོན་མའི་སྔོན་མ་སྟེ་ཁོ་པ་རྫོང་དཔོན་གཙོ་བོའི་གོ་གནས་སུ་འཇོག་དུས་ནས་ཁོ་གཉིས་བར་ལ་འགལ་བ་བྱུང་བའམ་དམར་རྗེན་དུ་བཤད་ན་ཁོ་གཉིས་ཀས་རྫོང་དཔོན་གྱི་གོ་གནས་བརྩད་ཅིང་། འགལ་བ་དེ་མུ་མཐུད་དུ་ཛ་དྲག་དང་ཉོག་འཛིང་། མངོན་གསལ་དུ་གྱུར་ཏེ་ད་ལྟ་ཕན་ཚུན་ཁ་བསྲེའང་མེད་པའི་ཚད་དུ་སླེབས་ཡོད་པས་རེད།. |
| 54 |
ཁོས་བསམས་ན་གལ་ཏེ་ཡོན་ཏན་ལ་དེ་འདྲའི་དབང་ཆ་ཡོད་ན་དེས་ཀྱང་འདང་རྒྱག་མེད་པར་ཁོ་པ་གསོད་སྲིད་སྙམ། སྐབས་འདིར་ཁོའི་ཆུང་མའམ་ཡང་ན་ཚ་མོ་སུ་ཞིག་གིས་དགོང་ཟས་བཟའ་རན་པའི་འབོད་བརྡ་བཏང་བྱུང་། ཁོ་པ་སྤྲོ་བ་སྤུ་ཙམ་ཡང་མེད་པར་ཡར་ལངས་ཏེ་ཟས་ཅོག་གི་མཐའ་རུ་བསྡད། དགོང་ཟས་ནི་ལུག་ཤ་བཙོས་མ་དང་འཐེན་ཐུག་ཡིན་ལ།. |
| 55 |
རིམ་བཞིན་སླར་ཡང་ཡོན་ཏན་གྱི་བུ་མོ་མགོ་ཁྲིད་ལས་གནས་སུ་བསྐོ་འཇོག་བྱས་པ་དེར་སྔར་ལས་ཁོང་ཁྲོ་ལངས་ཏེ་ཐ་མག་གཅིག་འཕྲོར་གཅིག་མཐུད་ནས་འཐེན། སྟབས་ལེགས་པ་ཞིག་ལ་སྐབས་འདིར་ཁོའི་རོགས་པ་ཞིག་གིས་ཁ་པར་བཏང་སྟེ་མཱ་ཅང་རྒྱག་ཏུ་ཤོག་ཟེར། སྤྱིར་བཏང་དུ་མཱ་ཅང་ནི་ཁོ་པ་གོ་གནས་ལས་མ་བབས་སྔོན་ནས་དགའ་ཕྱོགས་གཙོ་བོ་དང་།. |
| 56 |
དེ་བས་ཀྱང་ཉི་མ་གཏོང་བྱེད་གཙོ་བོ་ཡིན་ལ། རྫོང་དཔོན་གྱི་གོ་གནས་ལས་བབས་པ་དང་། ལྷག་པར་དུ་དམངས་ཆེན་ཀྲུའུ་རེན་གྱི་གོ་གནས་ལས་བབས་མ་ཐག་ཁོ་པ་གསོལ་སྟོན་ཆེན་པོ་ཞིག་གྲོལ་ནས་ཕྱིར་ཁྱིམ་སྟོང་དུ་ལོག་པ་བཞིན་གློ་བུར་དུ་ལུས་སེམས་གཉིས་ཀ་སྟོང་བར་གྱུར་ཏེ་ཡོད་ཚད་དང་ལེན་བྱེད་དཀའ་བའི་གནས་སུ་ལྷུང་།. |
| 57 |
ཁོའི་བློ་ཡུལ་ལས་འདས་པ་ནི་རང་གི་ཀླད་པའི་ནང་དུ་ད་སོ་མའི་ལས་བྱེད་བསྐོ་དབྱུང་གི་མིང་ཐོ་དང་རྫོང་ཨུའི་ཧྲུའུ་ཅི། ལྷག་པར་དུ་ཡོན་ཏན་བྲང་འབུར་སོགས་རེས་མོས་ཀྱིས་ཤར་ཏེ་སྔར་བཞིན་ཁོང་ཁྲོ་ལངས་པ་ལས་མཱ་ཅང་སྟེང་ལ་རྣམ་རིག་སྒྲིམ་ཐབས་བྲལ་བས་ཕལ་ཆེར་ཆུ་ཚོད་གསུམ་ཙམ་ལས་མ་འགོར་བར་སྒོར་མོ་དྲུག་སྟོང་ཙམ་ཤོར་སོང་།. |
| 58 |
གཡང་དུ་ལྷུང་བའི་སྣང་བ་ཞིག་སྐྱེས་པའི་དུས་མཚུངས་སུ་དཔྲལ་བ་ཚ་ལམ་མེར་གྱུར། སྐད་ཅིག་ཙམ་གྱི་རྗེས་སུ་རང་ཉིད་གནམ་མ་གཏོགས་མཐོང་རྒྱུ་མེད་པའི་དོང་ཞབས་སུ་ཡོད་པ་ཚོར་བ་དང་། ད་གཟོད་ཉིན་བཅུ་ཡས་མས་ཀྱི་སྔོན་ནས་སྲང་ལམ་འདིར་སྒེར་གཞུང་སུས་བརྐོས་པ་དང་ཅིའི་ཕྱིར་བརྐོས་པ་མི་ཤེས་པའི་ས་དོང་ཞིག་ཡོད་པ་དེ་ཡིད་ལ་དྲན།. |
| 59 |
ཡང་བསྐྱར་ཐ་མག་རྐང་གཅིག་བཏོན་ཏེ་མེ་བསྒོ་མིན་ལ་བསམ་བློ་ཏོག་ཙམ་བཏང་། རྒྱུ་མཚན་ནི་ད་ལྟ་ཁོས་ཐ་མག་གི་བྲོ་བ་མི་ཤེས་པར་མ་ཟད་ལྕེ་སྦྲིད་ཅིང་ཁ་ནང་ཡོངས་རྫོགས་ཧ་ཅང་མི་བདེ་བའི་ཚོར་བ་ཞིག་འདུག དོན་དངོས་སུའང་ཉིན་རེའི་ཞོགས་པའི་ཐ་མག་རྐང་དང་པོ་དེ་ཧ་ཅང་ཞིམ་སྣང་ལྡན་པ་མ་གཏོགས་དེ་ནས་རིམ་བཞིན་བྲོ་བ་དེ་ཚོར་རྒྱུ་མེད་པ་དང་།. |
| 60 |
ཟླ་འགའི་སྔོན་ཏེ་རང་ཉིད་གོ་གནས་ལས་བབས་མ་ཐག་པའི་ཉིན་ཞིག་ཁུལ་ཨུའི་ཧྲུའུ་ཅི་འདི་རང་རྫོང་དུ་ཕེབས་ཏེ་རྫོང་རིམ་པ་ཡན་ཆད་ཀྱི་མགོ་ཁྲིད་ལས་བྱེད་ཚོགས་འདུ་ཞིག་བསྡུས་པའི་སྟེང་ལ་ཁོ་པ་ལས་བྱེད་རྒན་པའི་འཐུས་ཚབ་ཏུ་གདན་འདྲེན་ཞུས་པ་དང་། ཁུལ་ཨུའི་ཧྲུའུ་ཅིས་ཧ་ཅང་དུངས་དུངས་ཀྱིས་ཁོ་པར་ལག་འཇུ་བྱས་པར་མ་ཟད།. |
| 61 |
ལྷག་པར་དུ་བློ་མཐུན་གསང་བདག་ནི་ཞིང་ཆེན་ཡོངས་ཀྱི་ཏང་ཡོན་ཕུལ་བྱུང་ཡིན་པ་དང་། ཁོང་གིས་རྩེ་གཞུང་རྫོང་གི་དཔལ་འབྱོར་འཛུགས་སྐྲུན་དང་མི་རིགས་མཐུན་སྒྲིལ་སོགས་ཀྱི་ཐད་ལ་བྱས་རྗེས་བཞག་ཡོད་པས་རྩ་འཛུགས་ཀྱིས་ངེས་པར་དུ་བློ་མཐུན་གསང་བདག་ཁོང་དང་ཁོང་ལྟ་བུའི་ལས་བྱེད་རྒན་པ་ཚོའི་ཆབ་སྲིད་དང་འཚོ་བའི་ཐད་ལ་ཐུགས་ཁུར་གནང་དགོས།. |
| 62 |
རུས་པ་ཁྱི་ལ་བྱིན། པགས་པ་སྟན་དུ་བཏིངས་ནའང་སྙིང་ནད་དྭངས་ཐབས་མེད་པའི་མ་རུངས་པ་སུ་ཞིག་གིས་ཁོ་པར་དཔལ་འབྱོར་གྱི་གནད་དོན་ཆེན་པོ་ཡོད་པ་བདེན་དཔང་དང་བཅས་གཏུག་བཤེར་བྱས། ཁོ་པར་དེ་མ་ཐག་སྔངས་འཚབ་ཆེན་པོ་ལངས་ཏེ་ཕྱོགས་གཅིག་ནས་རང་ཉིད་གཏུག་མཁན་སུ་ཡིན་པར་ཡོན་ཏན་བྲང་འབུར་གཙོ་བྱས་པའི་མི་མང་པོར་དོགས་པ་ཟོས་པ་དང་།. |
| 63 |
གོ་ཐོས་སུ་བཙོན་ཁང་དུ་ཆེས་སྐྱི་གཡའ་བ་ནི་འགྲིག་ལམ་དོག་མོ་དང་ངལ་རྩོལ་ལྗིད་མོ། ཁ་ཟས་སྡུག་པོ་སོགས་མ་ཡིན་པར་ཟེར་བའི་ཆེས་གཏུམ་སྤྱོད་ལྡན་ཞིང་ཆེས་སྙིང་རྗེ་བྲལ་བ། ཆེས་གནས་ལུགས་མི་རྩི་བ། རང་གཞན་གཉིས་ཀའི་ཚེ་སྲོག་འདོར་བ་ནི་རྩྭ་རྐང་གཅིག་བཏོག་པའི་སྣང་དོགས་ཙམ་ཡང་མེད་པའི་བཙོན་མའི་མགོ་དཔོན་དེ་དག་ཡིན་ལ།. |
| 64 |
འདི་ནི་ཁོ་པར་མཚོན་ན་རྣ་ཐོས་ཁོ་ན་ཙམ་མ་ཡིན་པར་གློག་བརྙན་དང་བརྙན་འཕྲིན་ཟློས་གར་སོགས་ལས་ཀྱང་མཐོང་མྱོང་བས་མ་འཁྱགས་གྲང་འདར་ཞིག་བརྒྱབ་ཅིང་། དེ་མུར་ཉིན་མཚན་གཉིས་ཀར་ཁོའི་ལག་མཐིལ་དང་རྐང་མཐིལ་རློན་པར་གྱུར་ཏེ་ཧ་ཅང་སུན་པོ་བཟོས། དེ་བས་ཀྱང་བཟོད་ཐབས་བྲལ་བ་ནི་དུས་མཚུངས་སུ་གཉིད་ཀྱང་བོར།. |
| 65 |
གང་ལྟར་ནུས་ཤུགས་ཡོད་རྒུ་བཏོན་ཏེ་འབྲེལ་བ་སྣ་ཚོགས་བརྒྱུད་ཅིང་རྒྱུ་ནོར་འབོར་ཆེན་བརླགས་མཐར་སྐྱི་གཡའ་བའི་དོན་དག་དེ་གླེང་རྒྱུ་མེད་པ་བཟོས་པར་མ་ཟད་མུ་མཐུད་དུ་རྫོང་དཔོན་གྱི་གོ་གནས་སུ་འདུག་ཐུབ་པ་བྱུང་། ཡིན་ནའང་ལག་མཐིལ་རྐང་མཐིལ་རློན་པར་གྱུར་པའི་སུན་སྣང་སྐྱེ་བའི་གནས་ཚུལ་འདི་ཡུན་རིང་བར་དུ་མ་དྭངས།. |
| 66 |
ནམ་གུང་སྔར་ནས་ཡོལ་ཟིན་ནའང་གཉིད་ཀྱི་གྲིབ་མ་ཙམ་ཡང་མི་འདུག དོ་དགོང་ནི་གཉིད་བོར་བའི་མཚན་མོ་ཞིག་ཡིན་པ་ཐག་ཆོད་རེད། གལ་ཏེ་གཉིད་བོར་བ་གཅིག་པོ་ཡིན་ན་ད་དུང་མི་སྐྱོན་ལ། ཆེས་སྙིང་ལ་གཟན་པ་ནི་ལས་བྱེད་བསྐོ་དབྱུང་གི་མིང་ཐོ་དང་ཡོན་ཏན་བྲང་འབུར་ཡིན་ལ། ཆེས་སུན་སྣང་སྐྱེ་བ་ནི་ལག་མཐིལ་རྐང་མཐིལ་རློན་པར་གྱུར་པ་དེ་རེད།. |
| 67 |
སྒོའི་ཕྱི་ངོས་སུ་རྣམ་བཅུ་དབང་ལྡན་ལག་མཐིལ་ཙམ་སྦྱར་ཡོད་པ་བཅས་ནི་ཁོ་ཚང་བོད་ཁྱིམ་ཞིག་ཡིན་པའི་མཚོན་རྟགས་ཉག་གཅིག་རེད། ཕངས་པ་ཞིག་ལ་ཁོ་རང་དགོང་ཁར་ཕྱི་རོལ་ཏུ་སོང་རྗེས་ངོ་ཚ་མེད་པའི་མགྲོན་པོ་ལྟོ་ཆེ་ཞིག་སླེབས་པའམ་ཡང་ན་ཡུལ་ཚོ་ཞིག་ན་ཏང་ཨུའི་ཧྲུའུ་ཅིའི་འགན་འཁུར་བཞིན་པའི་བུ་རྒན་པ་སླེབས་པ་གང་ཡིན་མི་ཤེས་མོད།. |
| 68 |
བརྙན་འཕྲིན་དུ་ཁོ་པ་ཆུང་དུས་ནས་ཆེས་དགའ་བའི་ཉི་ཧོང་དང་རྒྱ་ནག་བར་གཡུལ་འགྱེད་པའི་མུ་འབྲེལ་བརྙན་འཕྲིན་ཟློས་གར་ཞིག་གཏོང་བཞིན་ཡོད་མོད། འོན་ཀྱང་སྐར་མ་བཅུ་ཙམ་ལ་བལྟས་ནའང་ཀླད་པ་ཡོངས་རྫོགས་ལས་བྱེད་བསྐོ་དབྱུང་མིང་ཐོ་དང་ཡོན་ཏན་བྲང་འབུར་གྱིས་ཁེངས་ཏེ་བརྙན་འཕྲིན་སྟེང་ལ་རྣམ་རིག་སྒྲིམ་ཐབས་བྲལ།. |
| 69 |
ཁོས་བསྟུད་མར་གླལ་སྒྱིང་འགའ་བྱས་ཚེ་ད་གཟོད་རང་ཉིད་ཧ་ཅང་ཐང་ཆད་ཡོད་པ་ཚོར། མགྲོན་ཚོམས་ཡོངས་སུ་དུ་སྨུག་གིས་གང་སྟེ་ཐ་ན་ཁོ་རང་ཉིད་ཀྱི་མིག་ཟུང་ཡང་ཧ་ཅང་མི་བདེ་བའི་ཚད་དུ་སླེབས་ཡོད། ཁོ་ཡར་ལངས་ཏེ་འདྲུད་ལྷམ་ནང་ལ་རྐང་བ་བཅུག་ནས་སྒེའུ་ཁུང་འགྲམ་དུ་སོང་། འདི་ནི་ཐོག་བརྩེགས་ལྔ་ཅན་གྱི་ཁང་བརྩེགས་ཤིག་ཡིན་ལ།. |
| 70 |
ཁོ་པ་ཁང་བརྩེགས་བཞི་བར་ཡོད་པས་སྒེའུ་ཁུང་ཕྱེ་ཚེ་ཕལ་ཆེར་རྫོང་མཁར་ཡོངས་ཀྱི་ཕྱེད་ཀ་མིག་ལམ་དུ་མངོན་ཐུབ། ཕྱི་རོལ་ན་ད་དུང་ཆར་བ་ཟམ་ཟིམ་འབབ་བཞིན་ཡོད་པ་དང་། མཚམས་རེར་ཁྱིའི་ཟུག་སྐད་རེ་གྲགས་པ་མ་གཏོགས་ཉིན་མོར་རྣ་བ་འོན་པར་བྱེད་པའི་རླངས་འཁོར་དང་འཕྲུལ་རྟའི་སྒྲ་དེ་དག་གོ་རྒྱུ་མེད་པར་ཧ་ཅང་ལྷིང་འཇགས་རེད།. |
| 71 |
ཁོས་ལུས་སྟོད་ཕྱི་རུ་ཕུད་ཅིང་ལག་ངར་གཉིས་ཀ་སྒེའུ་ཁུང་ཁར་བསྙེས་ཏེ་ཐ་མག་འཐེན་བཞིན་ཕྱི་རུ་བལྟས་འདུག ཁོ་ཚང་སྡོད་པའི་ཁ་གཏད་ཀྱི་སྲང་ལམ་གྱི་ཕ་རོལ་ནི་རྩེ་གཞུང་རྫོང་ཆ་ཚང་སློབ་ཆུང་ཡིན་ལ། ལོ་ངོ་བཞི་བཅུ་ལྷག་གི་གོང་རོལ་ཏུ་ཁོ་པའང་སློབ་གྲྭ་འདིའི་ནང་གི་སློག་པ་རྙིང་ཧྲལ་གྱོན་ཞིང་། བདག་འཛིན་དང་འདོད་རྔམ།. |
| 72 |
ཁོས་སླར་ཡང་གླལ་སྒྱིང་ཞིག་བྱས་ཤིང་། རང་ཉིད་ཤིན་ཏུ་ཐང་ཆད་འདུག་པ་ཚོར་ནའང་མལ་དུ་ཉལ་ན་གཉིད་དུ་ཡུར་ཐབས་མེད་པ་རང་ཉིད་ལ་ཧ་ཅང་གསལ་ཆ་ཡོད། རྒྱུ་མཚན་ནི་ཁོ་པ་ནམ་རྒྱུན་སེམས་ཁྲལ་ཆེ་ཞིང་ཁོང་ཁྲོ་ལང་བའི་དོན་དག་ཅིག་ལ་ཕྲད་ཚེ་དགོང་མོ་དེ་དང་ཐ་ན་དེའི་ཕྱི་ཉིན་དགོང་མོའང་གཉིད་བོར་བའི་གནས་ཚུལ་མང་པོར་ཕྲད་མྱོང་བ་དང་།. |
| 73 |
ཡིན་ནའང་ཡོན་ཏན་བྲང་འབུར་གྱི་བུ་མོ་དང་ཁོའི་བུ་ཆུང་བ་གཉིས་ཀར་མི་འདྲ་ས་ཅི་ཞིག་ཡོད། གལ་ཏེ་མི་འདྲ་ས་གཅིག་ཡོད་ཟེར་ན་དེ་ནི་ངོ་ཚ་མེད་པའི་འདྲེ་ཕྲུག་མ་དེས་མགོ་ཁྲིད་ཚོའི་མདུན་དུ་རྐུབ་འཕོངས་གཡུག་པ་དང་ཐ་ན་རྐུབ་འཕོངས་ཕུལ་ཡོད་ཀྱང་སྲིད་པ་གཅིག་པོ་རེད། སྤྱིར་ནའང་ཡོན་ཏན་བྱ་བྲང་གི་རྒྱུད་ལ་བཟང་པོ་ཞིག་གང་ན་ཡོད།. |
| 74 |
དེང་སྐབས་ངེས་ངེས་རྒྱུ་འབྲས་ལུགས་མཐུན་ཟེར་བ་ཞིག་མི་འདུག དེ་ལྟར་བསམ་བཞིན་ཁོའི་སྙིང་རླུང་སྟོད་ལ་འཚང་ཞིང་ལག་མཐིལ་རྐང་མཐིལ་སྔར་ལས་རློན་པར་གྱུར་ནས་ཧ་ཅང་མི་བདེ་བར་གྱུར། ཁོས་འདྲུད་ལྷམ་ཕུད་དེ་རྐང་པ་གཉིས་ཀ་ཐད་ཀར་ས་གདན་སྟེང་བཞག་པ་དང་ལག་མཐིལ་གཉིས་ཀ་རང་གི་བརླ་སྒང་དུ་འབྱིད་ཙམ་བྱས་ནའང་ཕན་པ་ཅི་ཡང་མ་ཐོན།. |
| 75 |
འདི་ནི་གཉིད་བབས་པའི་གླལ་སྒྱིང་མ་ཡིན་པར་ཐང་ཆད་པའི་གླལ་སྒྱིང་རེད། ཁོས་ཡང་བསྐྱར་བྲོ་བ་ཅི་ཡང་མེད་པའི་ཐ་མག་རྐང་གཅིག་ལ་མེ་བསྒོས་ནས་རྔུབ་འཐེན་ཞིག་བྱས་པ་ན་མིད་ཐག་ནང་ལ་ཟ་འཕྲུག་ལངས་པ་དང་མཉམ་དུ་གློ་ལུ་དྲག་པོ་བརྒྱབ་པ་དང་། དུས་མཚུངས་སུ་སྙིང་རླུང་སྟོད་ལ་འཚང་ཞིང་ལག་མཐིལ་རྐང་མཐིལ་ཆུ་ལ་བྲན་པ་ཇི་བཞིན་རློན་པར་གྱུར།. |
| 76 |
ཕར་བལྟས་ན་ཧ་ཅང་སྐྱིད་པའི་རྨི་ལམ་གྱི་ཞིང་ཁམས་སུ་མྱུལ་བཞིན་ཡོད་པ་འདྲ། ངང་ཚུལ་འདི་མཐོང་རྗེས་ཁོའི་སེམས་ལ་ཁྱིམ་འདིར་རྒྱུ་ནོར་བཙལ་བ་དང་ཕྲུ་གུར་ལས་ཀ་བཙལ་བ། དེ་ནས་གོ་གནས་བཙལ་བ་སོགས་ཡོད་ཚད་ཀྱི་ཡོད་ཚད་རང་ཉིད་གཅིག་པོས་བསྒྲུབ་དགོས་པར་མ་ཟད་དཔེར་ན་དེ་རིང་གི་གནས་ཚུལ་འདི་ལྟ་བུའི་བཟོད་ཐབས་བྲལ་བའི་དོན་དག་དང་།. |
| 77 |
ཡིན་ནའང་འཇིག་རྟེན་འདི་གཅན་གཟན་གྱི་ཚོགས་བཞིན་འགྲན་རྩོད་དང་རྒྱལ་ཕམ་ངང་གནས་པ་ཁྱོད་ཀྱིས་ག་ལ་ཤེས་བསམ་བཞིན་བཟའ་ཟླའི་སྟེང་ལའང་ཁོང་ཁྲོ་ལངས། ནམ་རྒྱུན་ཡིན་ན་མལ་དུ་ཉལ་རྗེས་ཡུན་རིང་བར་དུ་དང་། ཐ་ན་གཉིད་མ་སད་ཀྱི་མཚམས་སུའང་རྣ་ལམ་དུ་མཱ་ཅང་གི་ཁྲོག་སྒྲ་གྲགས་པ་དང་མིག་ལམ་དུ་མཱ་ཅང་གི་རི་མོ་སྣ་ཚོགས་འཆར་སྲིད་མོད།. |
| 78 |
ལག་མཐིལ་རྐང་མཐིལ་སྔར་ལས་ཇེ་རློན་དུ་གྱུར་པས་ཁོ་པ་ཐབས་ཟད་དེ་ལག་མགོ་རྐང་མགོ་མལ་ཐུལ་ཕྱི་རུ་བསྲིངས་ནས་བསྡད། ཏག་ཏག་སྐབས་འདིར་ཁོའི་དཔྲལ་བའི་རྨ་ཁར་ཟ་འཕྲུག་གམ་ན་ཟུག་ཅིག་ལངས་ཏེ་རང་དབང་མེད་པར་འཕུར་ཙམ་བྱས་པ་ན་སྔར་ལས་ལྷག་པའི་ཟ་འཕྲུག་གམ་ན་ཟུག་ཅིག་ལངས་ཤིང་། དེ་མུར་མགོ་བོ་ཡོངས་རྫོགས་ན་བཞིན་པའི་ཚོར་སྣང་ཞིག་སྐྱེས།. |
| 79 |
སྐར་ཆ་བཞི་ལྔ་ཙམ་ལས་མ་འགོར་བར་སྔར་ལས་ཀྱང་མི་བདེ་བའི་ཚོར་སྣང་ཞིག་སྐྱེས་ཏེ་སླར་ཡང་ཁ་ཕྱིར་འཁོར། འདི་ལྟར་ལས་བྱེད་བསྐོ་དབྱུང་གི་མིང་ཐོ་དང་ཡོན་ཏན་བྲང་འབུར་གྱི་ངོ་གདོང་གཉིས་ནི་རང་གི་ཡན་ལག་ཅིག་དང་འདྲ་བར་སྐད་ཅིག་ཙམ་ལའང་འདོར་ཐབས་བྲལ་བའི་ངང་ཡུན་རིང་བར་དུ་ཁ་ཕར་འཁོར་ཚུར་འཁོར་གྱིས་འགྲེ་ལོག་བརྒྱབ།. |
| 80 |
ཕྱི་རོལ་ཏུ་ཆར་བ་འབབ་མཚམས་ཆད་འདུག་ནའང་བར་སྣང་སྤྲིན་པ་ནག་པོས་ཡོངས་སུ་གཡོགས་ཏེ་སྐབས་འདིའི་ཁོའི་སེམས་ཁམས་དང་འདྲ་བར་ནག་རོག་གེར་འདུག ད་ལྟ་ནི་ཞོགས་པའི་ཆུ་ཚོད་ལྔ་བ་སྟེ་ཉིན་གང་གི་ཆུ་ཚོད་ཉེར་བཞིའི་ནང་གི་ཆེས་འཁྱག་པའི་དུས་ཡིན་པས་སྐར་མ་བཞི་ལྔ་ཙམ་ལས་མ་འགོར་བར་ཁོའི་ལུས་པོ་ཡོངས་རྫོགས་འཁྱག་པོར་གྱུར་པ་དང་།. |
| 81 |
ཁོས་ནམ་ལང་བར་རེ་སྒུག་བྱས། ཡང་ནམ་ལངས་ན་དགེ་མཚན་ཅི་ཞིག་ཡོད་པ་ཁོས་ཀྱང་བཤད་མི་ཤེས། ཁོས་སྤྱི་ཐེར་དུ་གྱུར་འདུག་པའི་ཀླད་གོག་དམར་པོ་དེ་ལག་པས་བསྐྱོར་ཞིང་གྲུ་མོ་གཉིས་ཀ་བརླ་སྒང་དུ་གཏད་དེ་དབུགས་རིང་ཞིག་ཕྱུང་ནས་སྡོད་སྐབས་བཟའ་ཟླས་ཚ་མོ་ཁྲིད་ནས་མགྲོན་ཚོམས་སུ་སླེབས་ཏེ་ཧ་ལས་པའི་མིག་མདངས་ཀྱིས་ཁོ་པར་ཞིབ་ཏུ་བལྟས་ཤིང་།. |
| 82 |
ངེད་གཉིས་ཆེས་ཟང་ཟིང་ཆེ་བའི་སྲང་ལམ་ཞིག་ཏུ་འཕྲད་ཅིང་མིང་ལ་མུན་པ་ཟེར་བའི་ཁོ་ཧྥེ་ཁང་དེའི་ཕྱོགས་སུ་སོང་། མོས་གོས་ཚོང་རྟགས་གྲགས་ཅན་ཆ་ཚང་ཞིག་གྱོན་འདུག་ལ་མིག་ཤེལ་དམར་པོ་ཞིག་ཀྱང་བརྒྱབ་འདུག མིག་ཤེལ་ནང་དུ་ཡོད་པའི་མིག་དེ་ངས་གསལ་པོ་མི་མཐོང་ནའང་མོས་ངའི་རྐང་པ་ནས་མགོ་བར་ཞིབ་ལྟ་ཐེངས་གཅིག་བྱས་སོང་།. |
| 83 |
པེ་ཅིང་གི་མི་ཚོགས་ཀྱིས་ཅི་ཞིག་འཚོལ་གྱིན་འདུག ཁོ་ཚོས་འཚོལ་གྱིན་པ་ནི་རི་རབ་འདྲ་བའི་ཐོག་བརྩིགས་ཁང་ཆེན་གྱི་ནགས་ཚལ་ཁྲོད་དུ་རང་རང་ལ་དབང་བའི་བཙོན་ཁང་འདྲ་བའི་ཁང་ཆུང་རེ་རེར་ཡིན་ནམ། ཡང་ན་གློ་བུར་གློ་བུར་འགྱུར་བའི་མི་སེམས་གཞན་པ་ཞིག་ལ་ཁེན་ཏེ་རང་ཉིད་ཀྱི་ཁེར་རྐྱང་ལ་བདེ་དྲོད་རྫུན་མ་ཞིག་བླུག་བསམ་པ་ཡིན།. |
| 84 |
སྲང་ལམ་གང་སར་མི་འཚོལ་ཡིག་གིས་ཁེངས་འདུག ང་རང་བརྒྱུད་ཀྱིན་པའི་སྲང་ལམ་འདིའི་གློག་ཀ་ཞིག་གི་ཐོག་ཏུ་མི་འཚོལ་ཡིག་སྤུས་དག་ཞིག་གླན་འདུག དེར་ལོ་སུམ་ཅུ་ལ་ཟིན་པའི་འབུམ་རམས་པ་ཞིག་བོར་བཞག་ཅེས་བྲིས་འདུག མིའི་རིགས་པ་ལ་ཞིབ་འཇུག་བྱེད་མཁན་གྱི་འབུམ་རམས་པ་དེ་ཁ་སང་ཞོགས་པར་ལས་ཀར་སོང་རྗེས་དེ་རིང་ལོག་རྒྱུ་མི་འདུག་ཟེར།. |
| 85 |
ཁོ་ཚོ་ཁ་ཤས་མོ་ཊ་བཏང་ནས་འགྲོ་བཞིན་འདུག་ཅིང་ལ་ཤས་ས་འོག་གི་ལྕགས་ལམ་ནང་འཛུལ་གྱིན་འདུག ལ་ལ་ནི་གནམ་ལ་འཕུར་གྱིན་འདུག ང་དང་ང་འདྲ་བར་རང་ཉིད་ཀྱི་རྐང་པ་གཉིས་ལ་བརྟེན་དེ་འགྲོ་མཁན་ཡང་འདུག ཡོད་ཚད་ཅི་མགྱོགས་གང་མགྱོགས་ཀྱིས་ཅི་ཞིག་ལ་གང་འཐོབ་རྒྱག་གིན་འདུག ངས་རང་ཉིད་གང་ཞིག་ཏུ་འགྲོ་དགོས་པའང་མི་ཤེས།. |
| 86 |
ཡང་ན་ཕྱི་རོལ་གྱི་དངོས་ཡོད་ཟེར་བའི་གོམ་པ་སྤོ་ཆོག་པའི་གནས་འདི་རུ་ཅི་ཡང་མ་རྙེད་པས་ཁ་པར་ནང་གི་དྲ་ལམ་དུ་ཅི་ཞིག་འཚོལ་གྱིན་འདུག ཡིན་ཡང་ཁ་པར་གྱིས་མི་ཚོས་རྫུན་བཟོ་བྱས་པའི་ཕུགས་བསམ་ཞེས་པའི་མ་འོངས་ཀྱི་དག་ཞིག་དེ་སྔར་ལས་མག་མོག་ཏུ་བཏང་ཞིང་མི་ཚོས་བརྗེད་པར་བསམ་པའི་ཁ་སང་གི་རྨ་ཁར་ཚྭ་མང་པོ་བཏབ།. |
| 87 |
རྒྱུ་མཚན་ང་རང་སྡོད་སའི་འཇིག་རྟེན་འདི་རུ་མི་མང་པོ་ཞིག་གིས་རྫོགས་རྒྱུ་མེད་པ་ཞིག་འཚོལ་བཞིན་འདུག སྐྱེ་བ་ལ་གདམ་ག་མེད་ན་འཆི་བར་གདམ་ག་བྱེད་ཆོག་པ་འདུག ལོ་འདི་དག་གི་རིང་ངས་རང་ཤི་རྒྱག་པའི་ཚོད་ལྟ་ཐེངས་མང་བྱས། ཆོས་གཞུང་དུ་རང་ཤི་བརྒྱབ་ན་དམྱལ་བར་ལྷུང་འགྲོ་ཟེར། ང་ལ་མཚོན་ན་དེ་ནི་དགའ་འོས་པའི་བྱ་བ་ཞིག་རེད།. |
| 88 |
ཧ་ལམ་མོའི་མིག་ནང་དུ་སེམས་སྡུག་གི་ཁེངས་པའི་མི་ཚོགས་ནི་རྩྭ་ཐང་ཐོག་གི་མེ་ཏོག་དཀར་པོ་སྙིང་རྗེ་མོ་དག་ཡིན་པ་ལྟར། གདོང་ལ་འཚེར་སྣང་དང་དོགས་མི་བདེ་བ་གང་ཡང་མི་འདུག ངས་མོའི་གླུ་སྐད་ཐོས་པ་དང་ལྷད་མེད་དྭངས་གཙང་གི་རྣམ་འགྱུར་དེ་མཐོང་མ་ཐག ངའི་སེམས་ཀྱི་གཤོང་བར་ལོ་མང་ཁེངས་པའི་མིག་ཆུ་དག་ཐིགས་པ་རེ་རེ་བཞིན་ཟགས་ཤོར།. |
| 89 |
འབབ་ཚུགས་ཤིག་ཏུ་སླེབས་པ་དང་ང་རང་སྤྱི་སྤྱོད་རླངས་འཁོར་ནས་བུད། སྤྱི་སྤྱོད་རླངས་འཁོར་གྱིས་ང་རང་ས་འདིར་བཞག་རྗེས། བུ་མོ་ཆུང་ཆུང་དེའི་གླུ་སྒྲ་ཁུར་ནས་བུད་སོང་། ང་རང་ཆ་མེད་ཀྱི་སྲང་ལམ་འདིའི་ཐོག་ཏུ་འགྲོ་དུས། ངའི་རྐང་པ་གཉིས་པོ་སྐྱོན་ཕོག་པའི་འཁོར་ལོ་གཉིས་དང་འདྲ་བར་ལྗིད་པོ་ཡིན་པ་ཚོར།. |
| 90 |
ང་རང་སར་ཇི་ལྟར་འགྱེལ་བ་ལྟར་དེ་ལྟར་སྲང་ལམ་ན་གཡོ་འགུལ་མེད་པར་ཉལ་བསྡད། ལོ་ངོ་ཉེར་གཅིག་གི་རིང་ངའི་སེམས་པར་ལྷིང་འཇགས་འདི་ལྟར་ཞིག་བྱུང་མ་མྱོང་། དུས་རྒྱུན་དྲོ་འཇམ་གྱི་མལ་ཁྲི་ཐོག་ཉལ་བསྡད་དུས་ཀྱང་ངའི་སེམས་པ་ནི་དྲག་ཏུ་ལྡིང་བས་གཉིད་སྐྱིད་པོ་ཞིག་ཁུག་མི་སྲིད། ཁུག་ནའང་རྨི་ལམ་དུ་དམག་འཁྲུག་རྐྱང་རྐྱང་རྨིས་པར་བྱེད།. |
| 91 |
དག་གཙང་གི་གྲོང་ཁྱེར་འདིའི་ནང་གི་དངོས་པོ་གང་ལའང་མེད་པའི་ཐལ་རྡུལ་གྱི་དྲི་མ་ཞིམ་པོ་ཞིག་ངའི་སྣ་ལམ་དུ་འཛུལ། ཉེ་འགྲམ་དུ་ཕར་འགྲོ་ཚུར་འོང་བྱེད་ཀྱིན་པའི་མི་ཚོགས་ཀྱི་གོམ་སྒྲ་ནི་དབྱངས་ཅན་མས་དཀྲོལ་བའི་དབྱངས་རྟ་སྙན་མོ་ཞིག་དང་འདྲ། ང་རང་འཇིག་རྟེན་འདིའི་ཡོད་ཚད་ལ་ཁ་ཡ་མ་བྱས་པར་སྟོང་ཉིད་ཀྱི་ཞིང་ཁམས་སུ་འཐིམས།. |
| 92 |
ང་རང་ཡང་ནས་ཡང་དུ་ཡོང་མྱོང་བའི་མིང་མེད་ཀྱི་རྒྱ་མཚོ་དེའི་འགྲམ་དུ་སླེབས་འདུག ངས་རྒྱབ་ཀྱི་གྲོང་ཁྱེར་འདི་ལ་ཕྱི་ལྟ་ཞིག་བྱེད་དུས་གྲོང་ཁྱེར་འདི་ནི་ངའི་མིག་ནང་དུ་མི་ཤོང་བར་མིག་སྤུའི་མཐའ་རུ་འཐེན་འདུག ལོ་གཅིག་སྔོན་གྱི་ཟླ་དྲུག་པའི་ཚེས་གསུམ་ལ་ང་རང་པེ་ཅིང་འོང་དུས། དང་པོར་མིང་མེད་པའི་རྒྱ་མཚོ་འདིའི་ཁ་རུ་སླེབས།. |
| 93 |
ང་རང་སློབ་གྲྭའི་ནང་དུ་ཡིད་སྨོན་ཤོར་ཡུལ་ཉག་གཅིག་ནི་སློབ་གྲྭའི་སྒོ་ཁར་ནམ་ཡང་ཤིང་སྡོང་ཞིག་ལྟར་འགྲེང་ཡོད་པའི་སྒོ་སྲུང་དེའི་སྐེད་པར་བཏགས་པའི་མེ་མདའ་ཐུང་ཐུང་དེ་ཡིན། ང་རང་སློབ་ཚན་ཚོགས་སུ་ཡང་མ་སོང་བར་མེ་མདའ་དེ་ལ་རྒྱང་ལྟ་བྱས་ནས་བསྡད་མྱོང་། ཉིན་ཞིག་ཤིང་སྡོང་ཞིག་དང་འདྲ་བའི་སྒོ་སྲུང་དེ་འགུལ་བྱུང་།. |
| 94 |
ཁོ་རང་མུན་ནག་ཟེར་བའི་ཁོ་ཧྥེ་ཁང་དུ་འཛུལ་སོང་། ང་རང་ཡང་ནང་དུ་འཛུལ་ཏེ་ཁོ་ཧྥེ་ཁ་མོ་བཙན་དུག་འདྲ་བ་ཞིག་ཉོས་པ་ཡིན། སྒོ་སྲུང་ཁོ་རང་ཁོ་ཧྥེ་ཁང་དུ་བསྡད་དུས་ཀྱང་ཤིང་སྡོང་ཞིག་སར་བཙུགས་པ་བཞིན་གཡོ་འགུལ་མི་འདུག སྐབས་རེར་ཤིང་སྡོང་གི་ཡལ་འདབ་ལ་རླུང་བུ་ཕོག་པ་བཞིན་ལག་པ་དེ་འགུལ་ཙམ་གྱིས་ཁོ་ཧྥེ་འཐུང་བར་བྱེད།. |
| 95 |
ངས་ཁོ་ཧྥེ་ཁ་མོ་དེ་བཙན་འཐུང་བྱུང་རྗེས་ཕྱི་རོལ་དུ་ཐོན་པ་ཡིན། དེའི་ཕྱིར་སྙན་ངག་པ་མང་པོའི་ལྕེབས་སྟངས་དང་འདྲ་བར་ང་རང་མེ་མདའ་ཁ་ནང་དུ་བཅུག་ཏེ་ལྕེབས་ཐུབ་མ་སོང་། ལོ་གཅིག་གི་ནང་དུ་འོས་འཚམ་གྱི་ལྕེབས་ཐབས་ཤིག་རྙེད་མ་བྱུང་། ལོ་གཅིག་གི་རིང་ང་རང་ངོ་གདོང་འཁྱག་པ་མང་པོའི་ཁྲོད་དུ་གྲང་འདར་བར་མེད་དུ་ཤོར།. |
| 96 |
ང་རང་ཤིན་ཏུ་ངལ་བྱུང་། ང་རང་མི་ཡུལ་དུ་ལོ་ཉེར་གཅིག་བར་འཚོ་འདུག འཚོ་ཡུན་ཧ་ལས་པ་རིང་སོང་། ངས་ལྕེབས་ཐབས་ཤིག་མ་རྙེད་པར་ལོ་གཅིག་གི་སྔོན་དུ་རྒྱ་མཚོ་འདིའི་འགྲམ་དུ་བཞག་མྱོང་བའི་དམ་བཅའ་ལྟར་དེ་རིང་གི་སྐྱེས་སྐར་བེད་སྤྱད་དེ་རྒྱ་མཚོའི་ཁར་རང་ཤི་བརྒྱབ་པར་ཡོང་། ང་རང་ངོ་གདོང་འཁྱག་པའི་ནགས་ཚལ་དེ་བརྒལ་ཏེ།. |
| 97 |
ངའི་དམ་བཅའ་འགྱུར་མེད་ཀྱང་འཇིག་རྟེན་འདི་ཉིད་རྩ་བ་ནས་འགྱུར་འདུག ང་རང་བྱེ་ཐང་གི་ཁ་རུ་མཚམས་སྤྲིན་མ་ཤར་བར་ཙོག་བསྡད། ན་ཟུག་ཅིག་རྒྱུན་མི་ཆད་པར་ངའི་ཁོག་པའི་ནང་དུ་ཡར་འགྲོ་མར་འགྲོ་བྱེད། མཚམས་སྤྲིན་ཤར་བྱུང་། དེ་ནི་ནམ་མཁའ་རུ་འཁྲིགས་པའི་ཐལ་རྡུལ་དག་ལ་ཚོན་རྩི་དམར་སེར་ཞིག་བྱུག་པ་ཙམ་རེད།. |
| 98 |
མཚམས་སྤྲིན་ཤར་ནའང་སྤྲིན་ནི་རིག་སར་མི་འདུག ངས་ལོ་གཅིག་སྔོན་གྱི་ས་ཆ་འདི་ན་ཡོད་པའི་མཚམས་སྤྲིན་འོག་ཏུ་མེ་ལྟར་འབར་བཞིན་པའི་རྒྱ་མཚོ་དེ་དྲན། ང་མ་ལྕེབས་གོང་དུ་རྒྱ་མཚོ་ཁོ་རང་ལྕེབས་འདུག ང་རང་རང་ཤི་རྒྱུག་ཏུ་འོང་དུས་རྒྱ་མཚོ་ཁོ་རང་ནི་མཐའ་ཡས་པའི་བྱེ་ཐང་དུ་གྱུར་འདུག འཇིག་རྟེན་འདི་ན་མེ་མདའ།. |
| 99 |
ངས་ཁ་པར་ནང་ང་རང་བྱིས་པ་ཡིན་དུས་ཁྱིམ་མི་རྣམས་ཀྱིས་ཟླ་འོད་འོག་ཏུ་སྟོན་ལས་བྱེད་པའི་རྣམ་པ་དེ་ཡིད་སེམས་ཤིན་ཏུ་དགའ་བའི་ཡི་གེ་ལ་བརྟེན་ནས་ཡང་ཡང་གཏག་ཀྱང་ལག་པ་རློན་པས་ཁ་པར་གྱི་ནང་དུ་ཡི་གེ་ཚིག་གཅིག་ཀྱང་གཏག་མ་ཐུབ། ཆར་བ་བབས་དུས་གྲོང་ཁྱེར་འདིའི་མི་ཚོགས་རྣམས་རང་རང་ལ་དབང་བའི་བཙོན་ཁང་དུ་འཛུལ་པ་འདྲ་སྟེ།. |
| 100 |
ཁོ་རང་སྔར་བཞིན་ཤིང་སྡོང་ཞིག་ལྟར་སྒོ་ཁར་འགྲེང་བསྡད་པ་ལས་མིག་ཆུ་ཤོར་བཞིན་སྒོ་ནང་འཛུལ་ཡོང་བའི་ང་ལ་ཁ་ཡ་སྤུ་ཙམ་ཡང་བྱས་མ་སོང་། ངས་ཁོའི་ངོ་གདོང་འཁྱག་པ་དེ་མཐོང་མ་ཐག་སེམས་པ་རབ་ཏུ་དགའ་བ་བྱེད་པའི་ཡི་གེ་དག་ཀྱང་གཏག་མ་ཐུབ་པར་ལུས་པའི་ཁ་པར་ལྕགས་རྡོག་པོ་གཅིག་དེ་ཡང་ལམ་བར་ནས་བོར་ཟིན་པ་ཤེས་ཡོང་།. |
| 101 |
གནས་སྐབས་བྱ་བ་གང་ལ་ཡང་ལས་ཞུགས་མ་བྱས་པར་དེ་ལྟར་མདའ་རྟེན་མདུང་རྟེན་གྱིས་དམིགས་འདུན་ཞིག་ལ་སྒུག་ནས་ཡོད། གང་ལྟར་ང་ཅག་རེ་རེ་བཞིན་གྲོང་གསེབ་འདི་རུ་ལ་འདུས་ལུང་འདུས་བྱུང་འོང་དུས། ང་ཚོས་ཉིན་རེ་རེ་བཞིན་མཉམ་དུ་བསུ་སྐྱེལ་བྱེད་དགོས་པས་གནས་བབ་ཀྱི་སྟེང་ནས་ང་ཚོ་ནང་མི་ཞིག་དང་ཀུན་ནས་མཚུངས།. |
| 102 |
རྒྱུ་རྐྱེན་དེ་ལ་བརྟེན་ནས་ང་ཚོས་ཀྱང་ཁོ་ལ་ཀྱལ་ཀ་དང་དོན་དངོས་འདྲེས་མའི་ཚིག་གི་ཟོལ་བསྟོད་རེ་རེ་ཉིན་རེའི་ཟས་ཐུན་གྱི་དུས་ཚོད་སླེབས་ལ་ཁད་དུ་ལྷག་ཏུ་སྤུར། ཞོགས་པ་དེ་ལ་ཡང་ཁོས་མ་སྐུལ་རང་འགུལ་གྱིས་ང་ཚོར་ཞོགས་ཟས་གཡོ་བཞིན་འདུག ཁྲོག་་་་ ཁྲོག་་་གློ་བུར་དུ་སྒོ་རྡུང་བྱུང་། ང་རང་འཕྲལ་དུ་ལངས་ཏེ་སྒོ་ཕྱེ་པ་ན།. |
| 103 |
ཁང་མིག་འདི་ནས་མང་མཐར་གཟའ་འཁོར་གཅིག་ཙམ་འདུག་རྒྱུའི་དུས་ཚོད་ཡོད་པ་དང་དེ་ནས་ག་ཤེད་དུ་གནས་སྤར་དགོས་པ་འདྲ་སྙམ་བྱུང་། ནམ་ཚ་ཞོགས་པའི་དུས་ཚོད་བརྒྱད་དང་ཕྱེད་ཙམ་རེད་ལ་ང་རང་ལས་ཚོགས་སུ་འགྲོ་བའི་དུས་ཚོད་ལ་སླེབས་འདུག ངེད་ཅག་གིས་སེམས་ཁྲལ་དང་འཁང་ར་བྱེད་བཞིན་ཞོགས་ཟས་རོལ་རྗེས་རང་རང་སོ་སོའི་ལམ་དུ་ཆས།. |
| 104 |
ང་རང་ལས་ཚོགས་སུ་སླེབས་མ་ཐག་ཟླ་འདིའི་ཚགས་པར་སྒྲིག་ཚོད་ལ་ཐོན་འདུག་པས་ཚགས་པར་སྒྲིག་བཞིན་སེམས་ཀྱི་སྒོ་མོ་ནིཚེགས་ཆེ་ལ་ཆུང་བའི་ཁང་བ་སྤོ་བའི་སེམས་ཁྲལ་དེས་མནན་བྱུང་། ད་ཡང་ཁང་མིག་འདིའི་ནང་གི་ཅ་ག་ཆེ་ཆུང་ཡོད་ཚད་བསྡུ་གསོ་བྱ་རན་ལ། གཞན་གྱི་སྟངས་འཛིན་དང་བཀོད་འདོམས་འོག་ནས་འཚོ་བ་སྐྱོང་དགོས་པ་དེ་སུ་ལ་ལན་ནམ།. |
| 105 |
ཕྱོགས་གཞན་ཞིག་ནས་འཚོ་གནས་ངན་ངོན་འདིའི་ཕྱིར་དུ་གཞན་གྱི་བཀོད་ཇུས་ལ་ད་ནི་ཡོངས་སུ་ལོབས་ཟིན་པ་ཞིག་ཀྱང་རེད། གཡུང་གཤིས་རིགས་ཤིག་རྒྱུད་ལ་འཇགས་འོང་ཚུལ་འདི་བརྒྱུད་ནས་ང་ཡིས་རེ་བ་གཞན་ཞིག་བོར་བཞིན་གདའ། དུས་ཚོད་ནི་མགྱོགས་པ་ལ་ཨང་། ད་ནི་ཁང་པ་སྤར་ནས་གཟའ་འཁོར་ཁ་ཤས་འགོར་སོང་ལ་སེམས་ངལ་དེ་ལས་གྲོལ་ནས་དེ་ལྟར་འགོར།. |
| 106 |
ང་རང་ལྔ་རིག་དཔེ་ཁང་གི་སྒེའུ་ཁུང་གམ་གྱི་ཅོག་ཙེའི་འགྲམ་དུ་ཙོག་གིན་ལོ་རྒྱུས་ཀྱི་དཔེ་ཆ་ཞིག་ལ་ལྟ་ཞོར་མངར་ཇ་འཐུང་། ལོ་རྒྱུས་ཀྱི་དཔེ་ཆ་འདི་སྒྱུ་འཕྲུལ་དངོས་ཡོད་རིང་ལུགས་ཀྱི་བརྩམས་སྒྲུང་ཞིག་དང་འདྲ། དེང་དུས་ཀྱི་ལོ་རྒྱུས་ཉམས་ཞིབ་པ་རྣམས་ཀྱིས་དཔེ་ཆ་འདིའི་ནང་གི་དོན་དག་ཡོད་ཚད་རྫུན་རྐྱང་རྐྱང་རེད་ཟེར་མོད།. |
| 107 |
དམག་འཁྲུག་དང་སྒྱུ་འཕྲུལ་མེད་པའི་དུས་རབས་འདིའི་རྗེས་རབས་པ་རྣམས་ཀྱི་འཆར་སྒོ་མཚོན་ཡུལ་དུའང་གྱུར། ང་རང་ཡང་སྒྱུ་འཕྲུལ་དངོས་ཡོད་རིང་ལུགས་ཀྱི་བརྩམས་སྒྲུང་དང་འདྲ་བའི་ལོ་རྒྱུས་དེབ་འདིའི་ནང་དུ་ཞིབ་འབྲི་བྱས་པའི་མི་སྣ་དེ་དག་དང་འདྲ་བ་ཞིག་ཏུ་འགྱུར་སྲིད་དམ་སྙམ་གྱིན། ཕྱི་རོལ་ཏུ་ལྟ་སྐབས།. |
| 108 |
དེའི་ནང་གི་བརླ་ཤ་རྗེན་པར་ཕུད་པའི་རྒྱ་མོ་དང་མིག་ཤེལ་ཅན་གྱི་རྒྱ་བོད་སྙན་ངག་པ་རྣམས་ཀྱིས་མིག་ཆུ་འཆོར་བཞིན་ཚངས་དབྱངས་རྒྱ་མཚོའི་བརྩེ་དུང་གི་གཏམ་རྒྱུད་ཅིག་ནམ་ཡང་འཆད་ཀྱིན་ཡོད། དུས་མཐའ་ཡི་སྐྱེ་བོ་རྣམས་ཀྱིས་ངའི་བློ་ངོར་དྭངས་ཤིང་གཙང་བའི་བླ་ཆེན་དེ་བརྩེ་དུང་གི་མྱོས་པའི་རྒྱལ་སྲས་ཞིག་ཏུ་བསྒྱུར།. |
| 109 |
དེ་ནི་ང་རང་དེའི་ནང་དུ་འཛུལ་བསམ་པས་འཛུལ་བ་མ་ཡིན་པར་ལས་བྱེད་སྙན་ངག་པ་ཞིག་གིས་ང་རང་དེའི་ནང་དུ་འཕྲད་དགོས་ཅེས་ཁ་པར་ནས་བརྡ་བརྒྱབ་པས་ཡིན། ནང་དུ་སླེབས་དུས་ལས་བྱེད་སྙན་ངག་པ་དེ་སླེབས་མི་འདུག ང་རང་དུས་ཡུན་རིང་པོ་ཞིག་དེའི་ནང་དུ་ཆང་འཐུང་གིན་པའི་རྒྱ་མོ་རྣམས་ཀྱི་གདོང་གི་སྐྱོ་སྣང་ལ་ཧད་བསྡད།. |
| 110 |
ཁོང་མོ་ཚོའི་ངོ་འཁྱག་པ་མང་པོ་ལས་སྐྱོ་སྣང་རྣམ་པ་གཅིག་ཏུ་ཤར་བ་དག་མཐོང་མ་ཐག་ང་རང་དགའ་ལྷང་ལྷང་། ནག་མོ་ཚོའི་འཛུམ་མདངས་ལས་སྐྱོ་སྣང་གི་རྣམ་པ་མཛེས་ཀྱང་། ཁང་པ་འདིའི་ནང་གི་མི་རྣམས་ཀྱི་སྐྱོ་སྣང་ལ་དགོད་བྲོ་བའི་ཆ་ཞིག་འདྲེས་འདུག་པས་མཛེས་པའི་ཆ་གང་ཡང་མ་མངོན། སྒེའུ་ཁུང་གི་ཕྱི་རོལ་ཏུ་བར་སྐོར་སྐོར་མཁན་རྣམས་ལ་ལྟ་སྐབས།. |
| 111 |
ང་རང་ནི་མི་ལེ་ལོ་ཅན་ཞིག་ཡིན་པ་དང་གཉིད་རྒྱུར་དགའ་བས་ཞོགས་པ་ཡར་སད་དུས་ཞོགས་པ་རྫོགས་ལ་ཕྱི་དྲོ་སད་དུས་ཕྱི་དྲོ་ཡང་རྫོགས་ཤིང་མཚན་མོ་ནི་ཆང་འཐུང་བར་འགྲོ་དགོས་པས་དེ་རིང་ཟེར་བའི་ཉི་མ་མང་པོ་འདི་ལྟར་ཕར་འདས་ཀྱང་སེམས་སུ་ཉར་བའི་གཏམ་རྒྱུད་དག་སེམས་ནས་རུལ་པ་ལས་ཡི་གེ་ནག་ཆུང་དུ་འགྱུར་མ་ཐུབ།. |
| 112 |
སླར་ཡང་རོ་ཉལ་བརྒྱབ་ནས་ལོ་གཅིག་འདས་རྗེས་ཅུས་ཀྲང་གི་ང་རང་གཞུང་ལས་ཁང་ནས་བདས། དེ་ནི་གྲ་སྒྲིག་ཡོད་པའི་བདའ་སྟངས་ཞིག་སྟེ། གཞུང་ལས་ཁང་ནས་བདས་པ་ཙམ་མ་ཡིན་པར་ངའི་གཞུང་ཞབས་པའི་ཐོབ་ཐང་ཡང་མེད་པ་བཟོས་འདུག གནད་ཚུལ་འདི་ངས་གྲོགས་པོ་རྫོང་དཔོན་གཞོན་པ་དེ་ལ་ཡང་ཡང་བཤད་ཀྱང་ཁོས་ང་ལ་སེམས་གསོ་ཡང་ཡང་བྱས་པ་ལས་རོགས་གང་ཡང་མ་བྱས།. |
| 113 |
དོན་ཆུང་ཆུང་རྣམས་ཅི་ཐུབ་ཀྱིས་རོགས་བྱེད་མོད། དོན་ཆེན་པོ་འཕྲད་དུས་རང་མགོ་གང་ཐོན་གྱི་བུད་འགྲོ། ལས་ཀ་བོར་རྗེས་ལས་ཀ་ཡོད་པའི་ལོ་གཉིས་པོར་རྗེས་དྲན་ཞིག་བྱས་མོད། འདི་འདྲ་བྱས་པ་ཡིན་བསམ་བསམ་གྱི་ལས་ཀ་ཅི་ཡང་བྱས་མི་འདུག ལོ་གཉིས་རིང་ངའི་ལས་ཀ་ཉག་གཅིག་ནི་སྲོག་ཆགས་ཀྱི་རོ་མང་པོའི་ཁོག་པར་ནང་བརྫངས་རྗེས་སུ།. |
| 114 |
དེ་རིང་ལས་བྱེད་སྙན་ངག་པ་དེ་སྒོ་ནས་ཡར་ཐོན་པ་དང་རྒྱ་གར་ཞྭ་མོ་མར་ཕུད་པའི་སྐབས་དེ་ང་རང་མཐོང་ཐལ། ཁོའི་གཟུགས་ཇེ་ཐུང་དུ་གྱུར་འདུག་ལ་མགོ་བོ་ཡང་ཇེ་ཆུང་དུ་ཕྱིན་འདུག མིག་གཉིས་ནི་དོང་དུ་ལྷུང་བས་ཧ་ལམ་རིག་སར་མི་འདུག ཁོ་རང་ངའི་ཕྱོགས་སུ་འོང་བའང་ཤིན་ཏུ་དཀའ་ཚེགས་ཆེ་བའི་བྱ་བ་ཞིག་ཡིན་པ་བཞིན་དལ།. |
| 115 |
ལྔ་རིག་དཔེ་ཁང་དུ་འཛུལ་ནས་ལོ་རྒྱུས་ཀྱི་དེབ་དེར་བལྟས་ཏེ་ཕྱི་དྲོ་ཕར་བསྐྱལ། ངས་དེབ་ཀྱི་ཁ་བརྒྱབ་པ་དང་ཇ་ཕོར་ཡར་བླངས་ཏེ་འཐུང་ཉམས་ཤིག་བྱས་ཀྱང་འཁྱག་པར་གྱུར་འདུག་པས་རང་ས་མར་བཞག སྒེའུ་ཁུང་གི་ཕྱི་རོལ་དུ་བལྟས་པ་ན་གྱང་སེར་པོའི་ངོས་སུ་འཕྲོ་བའི་ཉི་འོད་ཀྱང་མཐོང་སར་མི་འདུག དཔེ་དེབ་དང་ཇ་རིན་སྦྱིན་བདག་ལ་ཡར་སྤྲད་དེ།. |
| 116 |
ང་རང་སུ་ཡིན་མི་ཤེས་མོད། ངས་མི་ཡུལ་དུ་གཏམ་རྒྱུད་མང་པོ་བཞག་མྱོང་། ལས་བྱེད་སྙན་ངག་པ་དེས་ང་ལ་གཏམ་རྒྱུད་རྣམས་ཡིག་ཐོག་ཏུ་ཕབ་ཟེར་བ་ནས་བཟུང་། ཡིག་ཐོག་ཏུ་ཕབ་པའི་བསམ་ཚུལ་ཡོད་ཀྱང་དེ་སང་ཉིན་བྱེད་རྒྱུ་བཞག་པས་དེ་རིང་མང་པོ་ཞིག་ཕར་འདས་ཤིང་ལོ་ཁ་ཤས་ཕར་འདས་ཀྱང་ངས་ཡིག་འབྲུ་གཅིག་ཀྱང་བྲིས་མེད།. |
| 117 |
ཁོ་ཚོས་ང་རང་ཐོན་ཡོང་བ་མཐོང་མ་ཐག ང་ལ་ཆང་ཕོར་ལྦུ་བ་སོབ་སོབ་ཞིག་བཀྱགས་ཤིང་ཞབས་དག་བརྒྱབ་རྗེས་གར་སྟེགས་ཐོག་ཕྱིན་སོང་། ངས་གར་སྟེགས་ཐོག་གི་གཡས་གཡོ་གཡོན་གཡོ་བྱེད་ཀྱིན་པའི་ལང་ཚོའི་ལུས་ཕུང་དག་ལ་ལྟ་ཡིན། ཁོ་ཚོ་སྨྱོས་སོང་བ་མིན་ནམ། མིན་ན་སྨྱོན་པ་བཞིན་གྱི་བྲོ་འཁྲབས་སྟངས་དེ་སུས་གསར་གཏོད་བྱས་པ་ཡིན་ནམ་སྙམ།. |
| 118 |
དེ་འདྲ་ཟེར་བའི་རྒྱུ་མཚན་ནི་མེ་ཏོག་དེ་ཏ་ཟིག་ནས་རྒྱ་ནག་ཏུ་དར་བ་དང་རྗེས་སུ་རྒྱ་དཔོན་ཀྲང་ཟེར་བ་ཞིག་གིས་ལྷ་ས་རུ་ཁུར་ཡོང་བ་རེད་ཟེར། དེའི་ཕྱིར་ལྷ་ས་བ་ཁ་ཤས་ཀྱིས་མེ་ཏོག་འདི་ལ་ཀྲང་སྐུ་ངོ་མེ་ཏོག་ཟེར་བ་རེད། ཨུ་སུ་མེ་ཏོག་ཟེར་བའི་རྒྱུ་མཚན་ནི་མེ་ཏོག་དེའི་འདབ་མ་ཨུ་སུ་ཟེར་བའི་ཚལ་དེར་འདྲ་བས་ཡིན།. |
| 119 |
ངས་སྐད་ཆ་འདི་དག་མེ་ཏོག་སྒྲོན་ལ་བཤད་བསམས་ཀྱང་མོ་རང་གིས་མེ་ཏོག་དེའི་སྐོར་གྱི་ཤེས་བྱ་མང་པོ་ཞིག་ཤེས་ནས་སེམས་པ་དགའ་བའི་ཚུལ་དེ་མཐོང་འདོད་མི་འདུག གློག་འོད་མེད་པའི་སྲང་ལམ་གཞན་ཞིག་ཏུ་སླེབས་མ་ཐག འགྲོ་ཞོར་དུ་མོའི་ལག་པ་འཇུ་ཙམ་བྱས་ཏེ་མོ་ལ་སེམས་གསོ་ཞིག་བྱེད་དགོས་བསམ་ཡང་མོས་གཡོལ་གང་ཐུབ་བྱས།. |
| 120 |
ཆང་རག་དང་དུ་བ། བུད་མེད་ཡོད་ཚད་མངའ་རྗེས་ཀྱང་ང་རང་མི་ཡུལ་དུ་དངོས་པོ་མེད་པོ་ཞིག་འཚོལ་བར་འགྲོ་བཞིན་མཆིས། མི་ཡུལ་གྱི་ལོ་ཉི་ཤུ་ལྷག་ནི་དེ་རིང་གི་ཉིན་མོ་དང་གཅིག་པ་རེད། ང་ལ་ཁོམ་པ་ཞིག་ཡོད་མ་མྱོང་ནའང་བྱ་བ་གང་ཡང་བྱས་མ་ཐུབ་ལ་བྱེད་དགོས་པ་ཡོད་ཚད་རྗེས་སུ་ལྷག ངའི་གྲོགས་པོ་ལས་བྱེད་སྙན་ངག་པ་དེར་ཁ་པར་ཞིག་བརྒྱབས་ཀྱང་།. |
| 121 |
ངས་ཆང་ཁང་ཞིག་འཚོལ་བཞིན་སོང་ནའང་། མཚན་མོར་ཆང་ཁང་གིས་ཁེངས་པའི་ལྷ་སའི་གྲོང་ཁྱེར་འདི། ཉིན་མོ་སླེབས་ཚེ་སྐོར་ལམ་ལས་ལྷག་མི་འདུག དེའི་ཕྱིར་ངས་ལྷ་སའི་མཚན་མོ་ལ་འདོད་ལྷའི་ས་ཞེས་འབོད་ཅིང་ཉིན་མོ་སླེབས་མ་ཐག་ངས་ལྷ་སའི་སྔོན་གྱི་འདོད་ཅེས་པ་དེ་བསུབས་པ་ཡིན། མེ་ཏོག་སྒྲོན་དང་ངེད་གཉིས་དགའ་རོགས་སུ་གྱུར་བ་ནས་བཟུང་།. |
| 122 |
ཉལ་ཁང་སོགས་ཉལ་ས་བདེ་མོ་གང་ཡོད་དུ་རོ་ཉལ་བརྒྱབ་ནས་བསྡད་པ་ལས་ལས་ཀ་གང་ཡང་བྱས་མ་མྱོང་། ང་རང་ཉིན་དཀར་ཉལ་དྲགས་པས་མཚན་མོའི་དུས་སུ་གཉིད་ཁུག་གི་མེད་ཀྱང་མེ་ཏོག་སྒྲོན་མགོ་སྙེས་འབོལ་གྱི་ཐོག་ཏུ་བཞག་མ་ཐག རྨི་ལམ་གྱི་ཞིང་དུ་ཕྱིན་འགྲོ མོའི་དབུགས་རྒྱུན་དལ་མོས་ང་རང་གཉིད་མི་འོང་བའི་སུན་སྣང་ཆེ་ཆེར་བཏང་བ་ན།. |
| 123 |
ནམ་རྒྱུན་ཞོགས་པར་ངའི་གཉིད་ལ་བར་ཆད་བཟོ་མཁན་གྱི་གྱང་ངོས་ཀྱི་ཆུ་ཚོད་འཁོར་ལོ་ཆེན་པོ་དེའི་མདའ་ཐུང་མཚན་མོའི་ཆུ་ཚོད་གསུམ་པར་ཐོན་ཏེ་གཡོ་འགུལ་མེད་པར་གནས་འདུག མོ་རང་བུད་སོང་རྗེས། ངས་ཆུ་ཚོད་འཁོར་ལོ་དེ་ལག་ཆ་དུ་མ་སྤྱད་དེ་གཏོར་པ་དང་སླར་གོ་རིམ་ལྡན་པའི་ངང་ཡར་སྤྲད་པ་ན་སྐར་མདའ་ཚག་སྒྲ་དང་བཅས་འགྲོ་བྱུང་།. |
| 124 |
དུས་རྒྱུན་ཞོགས་པའི་ཆུ་ཚོད་བདུན་པར་སྐད་འདི་ལྟར་བརྒྱབ་ནས་མོ་རང་མལ་ལས་བསླངས་པ་ཡིན་མོད། དེ་རིང་མོ་རང་ལས་ཀ་གྲོལ་ཏེ་ཁྱིམ་དུ་སླེབས་པ་ཐག་ཆུ་ཚོད་ལྡོག་འཁོར་དེས་སྐད་རྒྱག་འོང་དུས་ད་ལྟ་ནི་ཞོགས་པ་ཡིན་པའི་སྣང་བ་ཤར། ངས་མོས་ཆུ་ཚོད་ལྡོག་འཁོར་དེ་ལ་མཚར་སྣང་གིས་བརྟག་དཔྱད་བྱེད་ཚུལ་ལ་ཁ་ཡ་མ་བྱས་པར་ཕྱི་རོལ་ཏུ་ཐོན་པ་དང་།. |
| 125 |
མོས་གསོས་པའི་ཞི་མི་རྒྱགས་པ་དེས་ང་རང་བདག་པོ་རུ་འཁྲུལ་བ་འདྲ། མཱ་མཱ་ཟེར་གྱིན་མགོ་བོ་ཆེན་པོ་དེ་མེ་ཏོག་གི་གསེབ་ནས་ཚུར་ཐོན་པ་དང་ཡིན་རྒྱུ་ནི་རང་གི་བདག་པོ་མིན་པ། ཁྱིམ་དུ་རོ་ཉལ་རྒྱག་མཁན་གྱི་གཞོན་ནུ་ཐ་ཤལ་དེ་ཡིན་པ་ཤེས་ཏེ། ཁུ་སེམ་མེར་མེ་ཏོག་ཁྲོད་དུ་ཡལ། ང་རང་དང་པོར་མེ་ཏོག་སྒྲོན་གྱི་ཁྱིམ་དུ་འོང་དུས།. |
| 126 |
ཁོ་རང་ངའི་པང་དུ་ཉལ་བྱུང་བས་ངས་ཐལ་ལྕག་ཚ་ཐག་ཆོད་ཅིག་གཞུས་ནས་བདས་པ་ཡིན། ཅུང་ཙམ་འགོར་རྗེས་ན་ཟུག་འཇགས་པ་དང་ཐལ་ལྕག་དེ་བརྗེད་པ་འདྲ། སླར་ཡང་ངའི་འགྲམ་དུ་འོངས་ཏེ་ལུས་རྒྱགས་པ་དེ་ངའི་རྐང་པར་བྱིལ་ཙམ་བྱིལ་ཙམ་བྱས། ངས་ཁོ་ལ་རྡོག་ཐོས་འཕག་འཚག་རྒྱག་དགོས་པ་ཞིག་གཞུས། ཁོ་རང་སྐད་ངན་ཤོར་གྱིན་བྲོས་སོང་།. |
| 127 |
ངའི་སེམས་ནང་གི་ལས་བྱེད་སྙན་ངག་པ་དེ་སྨར་ཁམས་སྒང་གི་ཆང་ཁང་ནང་དུ་དཔོན་ཉམས་གང་ཡང་མེད་པར་སྐབས་རེར་ཧ་ཧ་བགད་ཅིང་ལན་རེར་གཤིས་ཀ་མི་འདྲ་བའི་མི་དག་གི་གཏམ་རྒྱུད་ལ་ཉན་གྱིན། སྙན་ངག་རླབས་པོ་ཆེ་ཞིག་བློས་སློང་གིན་མི་ཡུལ་དུ་ཇི་སྲིད་བར་འཚོ་འདུག ལས་བྱེད་སྙན་ངག་པ་དང་མ་སྐྱེས་ཨ་མའི་ཆང་ཁང་དུ་འཕྲད་ཉིན།. |
| 128 |
ངས་ཁོའི་འོད་ཤོར་བའི་མིག་གཉིས་ལས་ཁོས་འཆི་བ་ཞེས་པའི་གྲིབ་མ་ཞིག་འཁྲིད་ཡོད་པ་ཤེས། ཟླ་ཁ་ཤས་ཀྱི་རྗེས་སུ་འཆི་བ་ཞེས་པའི་གྲིབ་མ་དེས་ཁོ་རང་ཁྲིད་ནས་མི་ཡུལ་ནས་ཡལ་རྗེས། ང་ལ་ངའི་གཏམ་རྒྱུད་དག་ཡིག་ཐོག་ཏུ་ཕབ་པར་སྐུལ་མཁན་གསར་བ་ཞིག་ཐོན། དེ་ནི་མེ་ཏོག་སྒྲོན་རེད། མོས་ང་ལ་གཏམ་རྒྱུད་འབྲི་བར་གློག་ཀླད་དང་།. |
| 129 |
ངས་ལྷ་ས་རུ་གཏམ་རྒྱུད་མང་པོ་ཞིག་བསགས་ཡོད། གཏམ་རྒྱུད་དེ་དག་ལ་དབྱེ་བ་ཆེན་པོ་གཉིས་སུ་དགར་ཆོག གཅིག་ནི་ལྷའི་ས་ཞིབ་འབྲི་བྱེད་པའི་ཉིན་དཀར་གྱི་འཚོ་བ་དང་གཉིས་ནི་འདོད་ལྷའི་ས་ཞིབ་འབྲི་བྱེད་པའི་མཚན་མོའི་འཚོ་བ་རེད། དང་པོ་དེ་ཆོས་ཀྱིས་གྲུབ་ལ་གཉིས་པ་དེ་འདོད་སྲེད་དང་ཆང་རག རོ་ལངས་བརྒྱབ་པ་ལྟ་བུའི་ཞབས་བྲོ་དག་གིས་གྲུབ།. |
| 130 |
ཡིན་ཡང་ཕག་རོ་ཟ་རྒྱུའི་ཁ་པར་དེས་ངའི་རིག་པ་གསལ་པོར་བཏང་འདུག་པས་འདོད་མི་འདོད་ངང་མལ་ལས་ལངས་དགོས་བྱུང་། འཇིག་རྟེན་འདི་ན་ཆེས་སུན་པ་ནི་ཕ་ཡུལ་ཞེས་པའི་ཚིག་གཉིས་པོ་དེ་རེད། ཚིག་དེ་གཉིས་ལས་ང་རང་དམྱལ་བ་ཞེས་པའི་ཡིག་འབྲུ་གཉིས་པོ་དེ་ལ་དགའ་ཆེ། ཕ་ཡུལ་ཞེས་པའི་ཚིག་གཉིས་པོས་ང་ལ་སུན་སྣང་དང་།. |
| 131 |
ཁོང་ཁྲོ། ངོ་ཚ་སོགས་མང་པོ་ཞིག་ཁུར་ཡོང་། དེ་ལས་ལྡོག་སྟེ། དམྱལ་བ་ཞེས་པའི་ཚིག་གཉིས་པོ་དེས་ང་ལ་ལྟུང་བཤགས་བྱས་སུ་བཅུག ཕ་ཡུལ་ཞེས་པའི་དམྱལ་ཁམས་མན་ལ་གནས་པའི་ས་ཆ་དེའི་མི་རྣམས་ཀྱིས་རང་ཉིད་ཆེན་པོ་ཡིན་སྣང་གིས། ང་ལ་ཁོང་དགོད་ཤོར་ཞིང་ངའི་སྐྱོན་ཆ་མང་པོ་ཞིག་ཁོ་ཚོའི་སྐད་ཆ་དང་རྣམ་འགྱུར་བར་ནས་ཇེ་ཆེར་བཏང་།. |
| 132 |
ཁོ་ཚོ་ངའི་མིག་ལམ་ནས་ཇེ་ཉུང་ནས་ཇེ་ཆུང་མཐར་གྲོག་མ་ལྟར་གྱུར། ང་རང་མི་ཡུལ་ཞེས་པའི་རི་བོ་ཆེན་པོ་དེའི་ཐོག་ཏུ་ལངས་ཀྱིན་རྒྱང་ལྟ་ཞིག་བྱེད་དུས། དམྱལ་ཁམས་མན་ལ་གནས་པའི་ཁང་པ་དེ་ཚོ་ནི་གྲོག་ཚང་འགའ་དང་འདྲ་ལ། དེ་དག་གི་ཐོག་ཏུ་རྩམ་པ་གཏོར་བ་བཞིན་གྱི་རྩྭ་སྐམ་སྐྱེས་ཡོད་པ་རིག་པས་ངས་ཀི་ཞིག་བཏབ་པ་ཡིན།. |
| 133 |
ལྷ་སའི་ཉི་མ་དམར་པོ་དེ་ནུབ་ཀྱི་རི་རྩེ་རུ་ལྷུང་ལ་ཁད་འདུག སྒམ་དུ་བཅུག་ཡོད་པའི་མེ་ཏོག་སྒྲོན་གྱི་སྟོད་ཐུང་གི་པར་ཁུག་ནས་སྒོར་མོ་བརྒྱ་ལོར་ཁ་ཤས་བརྐུས་རྗེས་ཕྱི་རོལ་དུ་ཐོན། ས་སྲོད་སླེབ་ལ་ཉེ་བའི་ཕྱི་རོལ་གྱི་སྲང་ལམ་དུ་ཐ་མག་ཅིག་བརྔུབ་རྒྱུ་ཡོད་ན་ཅི་འདྲའི་སྐྱིད་ཨང་སྙམ། ངས་དུ་རྐང་མང་པོ་ཞིག་ཐལ་བར་བཏང་ཟིན་མོད།. |
| 134 |
ཡང་ན་སྐྱག་པ་བཏང་དུས་སུ་ཐ་མག་ཅིག་འཐེན་ན་ཅི་འདྲའི་ཞིམ་ཨང་སྙམ་ཡོང་། དེ་རིང་ང་རང་སྲང་ལམ་འདིའི་ཐོག་ཏུ་འགྲོ་དུས་ཐ་མག་ཅིག་འཐེན་རྒྱུ་ཡོད་ན་ཅི་འདྲའི་སྐྱིད་ཨང་སྙམ། དེ་བས་ཀྱང་དུ་རྐང་གི་སྲིན་བལ་དེ་ཆང་གི་ནང་བཅུག་ཙམ་བྱས་རྗེས་གཞིབས་ན་ཅི་འདྲའི་ཞིམ་ཨང་སྙམ། ཆང་ཕོར་ཞིག་མཁོ་དུས་ཆང་ཁང་དུ་འགྲོ་དགོས།. |
| 135 |
ལྷ་སའི་གནས་མཇལ་བ་མང་པོ་པོ་ཏ་ལ་དང་བར་སྐོར་གྱི་ཕྱོགས་ནས་ཆང་ཁང་ཆེས་མང་སའི་ཕྱོགས་སུ་དམིགས་ཏེ་འོང་གིན་པ་རིག ཡང་ན་ཁོ་ཚོ་ལྷ་ས་ནས་འདོད་ལྷའི་ས་རུ་ཆས་ཀྱིན་འདུག ས་སྲོད་ཡལ་རྗེས་མཚན་མོ་སླེབས། མཚན་མོ་དེར། ང་རང་ལམ་ནོར་ཤོར་བས་པོ་ཏ་ལའི་འོག་ཏུ་ཐོན། དུས་རྒྱུན་ངས་པོ་ཏ་ལ་ནི་ཉིན་མཚན་གཉིས་ཀ་ལྷའི་ས་ཡིན་པ་ཡིད་ཆེས་ཡོད་མོད།. |
| 136 |
པོ་ཏ་ལ་ཡང་འདོད་ལྷ་ཡིས་དབང་དུ་བྱས་འདུག རྒྱ་ཡིན་ནམ་བོད་ཡིན་མི་ཤེས་པའི་རྒན་མོ་ཁྱུ་གཅིག་གིས་སྣང་བ་ཤིན་ཏུ་སྤྲོ་པོ་བཟོ་བྱེད་ཀྱི་རོལ་དབྱངས་ཀྱི་སྟངས་སྟབས་དང་བསྟུན་ཏེ་བོད་གཞས་ཡིན་ནམ་རྒྱ་གཞས་ཡིན་མི་ཤེས་པའི་བྲོ་ཞིག་གཡས་བསྐོར་གཡོན་བསྐོར་བྱེད་ཀྱིན་པོ་ཏ་ལའི་ཐང་ཆེན་དུ་འཁྲབ་ཀྱིན་འདུག དགོང་ཟས་ཟོས་དྲགས་ཏེ།. |
| 137 |
གྲོད་པ་ན་བཞིན་པའི་མི་མང་པོས་གྲོད་པ་རྡུང་གིན་པོ་ཏ་ལར་གཡས་བསྐོར་དང་གཡོན་བསྐོར་ཅི་དགར་བྱེད། རྒྱབ་ཀྱི་ཀླུ་ཁང་དུ་ཐོན་དུས་གློག་འོད་འོག་ཏུ་ཆུ་ཁར་གཡེང་བའི་གསེར་ཉ་རྒྱགས་པ་དག་མཐོང་མ་ཐག ལྕེ་ལེབ་ཀྱིས་མཆུ་ཏོ་ལྡག་ཙམ་ལྡག་ཙམ་བྱས། ལག་གི་འཛུབ་མོས་མ་ཎིའི་ཕྲེང་བ་ཞིག་མགྱོགས་ཤིག་ཤིག་གིས་བགྲང་མོད།. |
| 138 |
རང་ཉིད་བརྒྱུད་དེ་འགྲོ་སྐབས། ཞིབ་ལྟ་ཡིད་ཚིམས་པ་རེ་བྱས། ང་རང་འདོད་ལྷའི་དབང་དུ་གྱུར་བའི་པོ་ཏ་ལ་ནས་འདོད་ལྷའི་ཕོ་བྲང་ཡོད་སའམ། ཡང་ན་ཆང་ཁང་མང་པོས་ཁེངས་པའི་སྲང་ལམ་ཡོད་སར་ཕྱིན། ང་རང་གློག་འོད་ལྗང་ཁུ་ཞེས་པའི་ཆང་ཁང་གི་ནང་དུ་འཛུལ་མ་ཐག བྲོ་འཁྲབ་ནས་ཆད་ཡོད་པའི་གྲོགས་པོ་དག་གར་སྟེགས་ནས་མར་བབས་ཏེ།. |
| 139 |
གཅིན་པ་ཐིགས་པ་གཅིག་ཀྱང་ཟགས་རྒྱུ་མི་འདུག ཁ་ཕྱིར་བསྐོར་ཏེ་སྲང་ལམ་དུ་ཐོན་ཚེ་ང་ལ་གཅིན་པ་གཏོང་ཟེར་མཁན་གྱི་གྲོགས་པོ་དེ་མཐོང་སར་མི་འདུག དེ་སྔོན་ངེད་གཉིས་ནུབ་ནས་ཤར་དུ་འགྲོའམ་ཤར་ནས་ནུབ་དུ་འོང་བ་དྲན་རྒྱུ་མེད་པས་ལམ་ནོར་ཤོར། ང་རང་ཡར་ཡར་བསྐྱོད་པ་ན་གློག་འོད་ལྗང་ཁུ་ཞེས་པའི་ཆང་ཁང་དེ་རླངས་པ་བཞིན་ཡལ་སོང་བ་འདྲ།. |
| 140 |
ང་རང་མེ་ཏོག་སྒྲོན་གྱི་ཁང་པའི་ནང་སླེབས་དུས། མཁའ་མཐའ་ནས་འོད་སྣང་ཞིག་ཐོན་ཏེ། གྲོང་ཁྱེར་འདིའི་མུན་པ་དང་མུན་པའི་ནང་གི་འདོད་ལྷ་རྣམས་ཕར་ཕར་བསྐྲད། མེ་ཏོག་སྒྲོན་རང་ཉིད་ཀྱི་མལ་ཁྲིའི་ཐོག་ཏུ་ཞི་ཕྲུག་ཆུང་ཆུང་ཞིག་ལྟར་གཉིད་སྐྱིད་པོ་ཞིག་ཁུག་འདུག ང་རང་ཧྲ་ཧྥ་ནག་ཆེན་དེའི་ཐོག་ཏུ་ཉལ་མ་ཐག་རྨི་ལམ་གྱི་ཞིང་དུ་ལྷུང་།. |
| 141 |
ངས་སྔས་འབོལ་དུ་ཡོད་པའི་ཡའོ་ཀུང་མནན་པ་ན། མོ་རང་ངའི་འཇིག་རྟེན་ནས་ཡལ་སོང་། འཇིག་རྟེན་འདི་ངའི་བསམ་འདུན་ལྟར་འཇམ་ཐིང་ཐིང་དུ་གནས། མི་ཟེར་བ་དེ་འཇིག་རྟེན་འདི་རུ་འུར་སྒྲ་བཟོ་རུ་ཡོང་བ་ཡིན་ནམ། གཉིད་ལས་སད་རྗེས། ངའི་འོག་སྨད་ནས་ཚ་དྲོད་རྒྱས་ཀྱིན་པ་ཚོར། དང་པོར་ཚ་དྲོད་ཕལ་བ་ཞིག་ཡིན་སྙམ་མོད།. |
| 142 |
པར་དེའི་འོག་གི་གསལ་བཤད་ཡི་གེ་རུ་སྐྱེས་པ་དེས་ལོ་གཅིག་གི་སྔོན་དུ་སྨད་འཚོང་མར་སྤྱོད་པས་མཚན་མའི་ནད་འདི་འགོས་པ་རེད་ཅེས་བྲིས་འདུག པར་དེ་མཐོང་བ་ནས་བཟུང་རྨི་ལམ་དུ་ང་ལའང་ནད་དེ་འདྲ་ཞིག་ཕོག་པ་ཡང་ཡང་རྨིས་ཤིང་བསྐྲགས་ཏེ། ཐེངས་མང་གཉིད་ལས་སད། གཉིད་ལས་སད་རྗེས། རང་ཉིད་ཀྱི་མཚན་མ་དང་བརླ་ཤ་ལ་ཞིབ་ལྟ་ཞིག་བྱས་པ་ན།. |
| 143 |
མི་རིང་བར་ཚལ་འཁྲུད་པའི་ཆུ་སྒྲ་གྲགས། མོས་ཟ་མ་དག་ཅོག་ཙེའི་ཐོག་ཏུ་བསྒྲིགས་རྗེས། ང་རང་བོས། ང་རང་ཡར་ལངས་བསམས་ནའང་མགོ་བོ་གཟེར་བྲེང་ངེར་བྱས་པས་མལ་ཐུལ་གྱིས་མགོ་བོ་བཏུམས་ཏེ་ཉལ་བསྡད། ཁང་པའི་ནང་མེ་ཏོག་སྒྲོན་སྐད་ཆུང་ངུས་ངུས་པའི་སྒྲ་གྲགས། དེ་ནས་མོས་དལ་མོས་ཟ་མ་བཟའ་བའི་སྒྲ་གོ མོ་ལ་ཁ་ཡ་བྱེད་ཁོམ་ག་ལ་ཡོད།. |
| 144 |
ང་རང་ལུས་པོ་འཁྲུད་དུ་བཅུག་ཅིང་གོས་གསར་པ་ཆ་ཚང་ཞིག་གྱོན་བཅུག དེ་ནས་ཟ་མ་བཟའ་རུ་བཅུག ངས་ཅི་ཡང་བྱེད་མི་བསམ་ཡང་མོས་ང་རང་ནི་བྱིས་པ་ཞིག་ལྟར་འདེད་ཡོང་གི་འདུག ང་རང་མོའི་རྗེས་སུ་འགྲོ་དུས། ཞོགས་པར་སྐོར་བར་འགྲོ་མཁན་ཚོས་ངའི་གསང་བ་ཤེས་ཡོད་པ་བཞིན་ང་ལ་ཡང་ཡང་བལྟས། མཐར་མོས་ང་རང་ཕོ་ནད་སྨན་ཁང་ཞིག་ཏུ་ཁྲིད་སོང་།. |
| 145 |
ལྷ་སའི་ཉི་འོད་ཕོག་པའི་མོའི་མཁུར་ཚོས་བདེ་སྐྱིད་ཀྱིས་དམར་འདུག་ཅིང་སྐྲ་ལོ་རྣམས་རླུང་གི་རྒྱུ་ཕྱོགས་དང་བསྟུན་ནས་ཕར་གཡོ་ཚུར་གཡོ་བྱས། སྣང་ཚུལ་འདི་མཐོང་མ་ཐག་ང་རང་མོ་ལ་སེམས་ཤོར། ཡིན་ཡང་སྐད་ཆ་འདི་དག་སྔོན་མ་མི་སྣ་སུ་ཞིག་གིས་བཤད་མྱོང་པ་དྲན་མ་ཐུབ། མོ་ལ་ངའི་ལན་མི་མཁོ་བ་འདྲ། སྐྲ་ལོ་རྒྱབ་ཏུ་ཤད་ཀྱིན་མདུན་དུ་ཕྱིན།. |
| 146 |
དེ་རིང་གི་ཉི་མ་ནི་ཧ་ཅང་རིང་། ཕྱི་དྲོ་གང་བོར་ངེད་གཉིས་ཆང་ཁང་ཞིག་གི་ཁང་སྟེང་དུ་ཡོད་པའི་ཉི་གདུགས་ཆེན་པོ་དེའི་འོག་ཏུ་ཙོག་གིན་རྒུན་ཆང་གྲང་མོ་འཐུང་། མོས་རྒུན་ཆང་གི་པེ་ཙེ་ཕར་སྒུལ་ཚུར་སྒུལ་བྱས་པ་ན། ནང་དུ་ཆབ་རོམ་གྱི་ཤང་སྒྲ་གྲགས། ང་རང་ཆབ་རོམ་པེ་ཙི་ལ་ཐུག་པའི་སྒྲ་དེ་ལ་ཉན་རྒྱུར་དགའ་ལ་མོ་རང་ཡང་དགའ་བ་འདྲ།. |
| 147 |
པེ་ཙི་ལག་པས་ཡང་ཡང་སྒུལ། ཁང་པ་འདིའི་སྟེང་དུ་ཙོག་དུས། ལྷ་སའི་གྲོང་ཁྱེར་ཧྲིལ་པོ་མིག་ལམ་དུ་མངོན། བར་སྐོར་དང་པོ་ཏ་ལའི་གཡས་གཡོན་དུ་ལྷ་བསང་གི་དུ་བ་དཀར་པོ་ནམ་མཁའ་རུ་འཐེན། ནམ་མཁའ་རུ་སྤྲིན་པ་མེད་ཀྱང་དུ་བ་དེ་ཚོ་བར་སྣང་དུ་ཡལ་སོང་བས་སྤྲིན་པ་རྡོག་པོ་གཅིག་ལའང་འགྱུར་མ་ཐུབ། མོས་ང་ལ་སྐད་ཆ་རེར་བཤད་རྗེས།. |
| 148 |
ཆུ་ཚོད་ལོག་འཁོར་གྱི་སག་སྒྲ་ལ་ཉན་བཞིན་དེ་རིང་ལམ་བར་དུ་ཆུ་ཚོད་གསུམ་ཙམ་འགོར་འདུག་ཨང་སྙམ། མེ་ཏོག་སྒྲོན་གྱིས་ངའི་ཁེར་རྐྱང་གི་ཚོར་བ་ལ་ཁ་ཡ་གང་ཡང་མ་བྱས་པར་རང་མགོ་གང་ཐོན་གྱིས་རྨི་ལམ་དུ་འགྲོ་བཞིན་འདུག ང་རང་མོའི་ཤི་སོང་བ་ལྟ་བུའི་གཉིད་སྟངས་དེ་ལ་སུན་ཞིང་སྣང་བ་སྐྱིད་དྲགས་པའི་གདོང་དངོས་ཀྱི་རྣམ་འགྱུར་ལ་ལྷག་ཏུ་སུན།. |
| 149 |
དེ་རིང་ང་རང་སུན་ཆེ་བ་ནི་མོ་རང་ཤི་སོང་བ་ལྟ་བུའི་གཉིད་སྟངས་དེ་རེད། ངའི་ལག་པས་མོའི་ཁ་སྣ་བཀབ་སྟེ། འགྲོས་སྙོམས་པའི་དབུགས་རྒྱུན་བཀག ངས་མོ་རང་དུས་རྒྱུན་ལྟར་འཕག་འཚག་བརྒྱབ་ནས་གཉིད་ལས་སད་པར་བསྒུགས་ཀྱང་གྲག་འགུལ་ཅི་ཡང་མི་འདུག འཇིག་རྟེན་འདི་ནི་ངའི་བསམ་འདུན་ལྟར་འཇམ་ཐིང་ཐིང་དུ་གྱུར། ཕྱི་ཉིན་གཉིད་ལས་སད་དུས།. |
| 150 |
མོ་རང་ཤི་སྟངས་དེ་ནི་མོ་རང་དུས་རྒྱུན་གཉིད་དུ་ཤོར་དུས་ཀྱི་རྣམ་པ་དང་ཨ་ན་མ་ན་རེད། གཉིད་དུ་འཆོར་སྐབས་ལྟར་ང་ལ་སུན་པོ་བཟོ་བྱེད་ཀྱི་དབུགས་རྒྱུན་སྙོམས་མོ་དེ་ཡང་མི་འདུག མོ་རང་མལ་ཁྲིའི་ཐོག་ཏུ་ཤི་ཡོད་པ་ཤེས་རྗེས་ང་རང་སླར་ཡང་ཉལ་ཞིང་གཉིད་ཀྱང་ཡུན་རིང་ཙམ་ཤོར། གྱང་ངོས་ཀྱི་ཆུ་ཚོད་ལོག་འཁོར་དེ་ལ་བལྟས་ན།. |
| 151 |
ངས་མེ་ཏོག་སྒྲོན་གྱི་ཕུང་པོར་འོ་ཞིག་བྱས་རྗེས། དོང་ནང་དུ་བཞག དོང་རློན་པ་དེ་ནི་མཚན་མོར་གཉིད་མི་ཡོང་དུས་ངའི་ཕྱོགས་སུ་ཡང་ཡང་ཡོང་བའི་ཁེར་རྐྱང་གི་སྣང་བའི་མུན་དོང་དེ་དང་འདྲ། ཡིན་ཡང་དེ་རིང་མུན་དོང་དེའི་ནང་དུ་ཉལ་མཁན་ནི་རང་ཉིད་མིན་པར་མེ་ཏོག་སྒྲོན་རེད། མེ་ཏོག་སྒྲོན་ལ་ཁེར་རྐྱང་གི་སྣང་བ་ཞིག་བྱུང་མྱོང་མེད་པ་འདྲ།. |
| 152 |
ས་དོང་རློན་པའི་ནང་དུ་ཉལ་ཡོད་པའི་མོའི་གདོང་ངོས་སུ་བཞད་པའི་འཛུམ་མདངས་ནི་མེ་ཏོག་ལྡུམ་རའི་ནང་གི་ཆར་བས་བརླན་པའི་མེ་ཏོག་ལས་ཀྱང་མཛེས། དོང་དུ་ཉལ་མ་ཐག་མོའི་མིག་སྤུའི་ངོས་སུ་ཟིལ་བ་མང་པོ་འཁྲུངས་འདུག ངས་མོའི་འཇམ་ཐིང་ཐིང་གི་མཛེས་པ་ལ་ལྟད་མོ་ཡུན་རིང་ཞིག་བལྟས་རྗེས། ས་བླུགས་པ་ན་མཛེས་པ་ཐ་དག་མུན་དོང་དུ་ཡལ་སོང་།. |
| 153 |
དེ་ནི་ངས་མོ་རང་གསལ་པོ་ཞིག་དྲན་མ་ཐུབ་པ་ཡིན་ནམ། ཡི་གེས་མོ་རང་མཚོན་མ་ཐུབ་པ་ཡིན་མི་ཤེས། ངའི་རྗེས་དྲན་གྱི་ཁྲོད་དུ་མེ་ཏོག་སྒྲོན་ནི་བྱ་བ་ཙག་ཙིག་མང་པོས་གྲུབ་པའི་འཚོ་བ་ཞིག་ལས་ཤ་ཁྲག་གི་ཕུང་པོ་ཞིག་རེད་མི་འདུག ངས་མེ་ཏོག་སྒྲོན་ཞིབ་འབྲི་བྱེད་མི་ཐུབ་དུས། ཐ་མག་ཅིག་འཐེན་རྒྱུ་ཡོད་ན་ཅི་མ་རུང་སྙམ་བྱུང་།. |
| 154 |
ལོ་གསུམ་གྱི་རིང་ལས་བྱེད་སྙན་ངག་པ་དང་མེ་ཏོག་སྒྲོན་གྱིས་ང་ལ་གཏམ་རྒྱུད་འབྲི་བར་ཡང་ཡང་དུ་བསྐུལ་ཀྱང་ཡིག་འབྲུ་གཅིག་ཀྱང་ཕབ་ཐུབ་མེད། ཡིན་ཡང་མི་འཚོལ་ཡིག་འདི་ངས་ཡིག་ཐོག་ཏུ་ཕབ་པའི་གཏམ་རྒྱུད་ཐོག་མར་གྱུར། མི་འཚོལ་ཡིག་དེ་ཚར་གཅིག་བཀླགས་རྗེས་གཏམ་རྒྱུད་ཡིག་ཐོག་ཏུ་ཕབ་པའང་དེ་འདྲའི་དཀའ་མོ་ཞིག་མ་རེད་སྙམ།. |
| 155 |
མོ་རང་ནི་མི་ཚོགས་ཀྱི་ཁྲོད་དུ་གློ་བུར་བཞད་པའི་ཉི་དགའ་མེ་ཏོག་རྐང་རིང་ཞིག་ལྟར། གོས་དཀར་ཁྲ་དམར་ཁྲ་གྱོན་པའི་མི་ཚོགས་ནས་ཡར་འཕག་སྟེ་པར་མིག་ཁྲོད་ཀྱི་མི་སྣ་གཙོ་བོར་གྱུར། ངས་མོའི་པར་ལ་ཇི་ལྟར་བལྟས་ན་དེ་ལྟར་རྨི་ལམ་ཉིད་ཇི་བཞིན་པར་དུ་བླངས་དང་མཚུངས། མི་འཚོལ་ཡིག་དེ་དྲྭ་ལམ་དུ་སྤེལ་རྗེས།. |
| 156 |
མི་མང་པོས་བརྒྱུད་བསྐུར་བྱས་སོང་ལ་ཉེན་རྟོག་པ་མང་པོ་ཞིག་ཀྱང་ཁྱིམ་དུ་འཛུལ་བྱུང་། ཁོ་ཚོས་ཁྱིམ་གྱི་ཁང་པ་རེ་རེ་ལ་ཞིབ་ལྟ་བྱས་རྗེས་བསྔགས་བརྗོད་རེ་རེ་བྱེད། ངས་ཁོ་ཚོ་ལ་མི་རིང་བརརྟགས་ཅན་གྱི་མོ་ཊ་ཞིག་ཉོ་རྒྱུ་ཡིན་ཞེས་བཤད་པ་ན་ཁོ་རང་ཚོ་ཧ་ལས་ནས་ངའི་ཕུན་སུམ་ཚོགས་པའི་འཚོ་བར་བསྟོད་ར་ཡང་ཡང་བྱས།. |
| 157 |
ཞི་མི་དེ་ཤ་རིད་པར་གྱུར་ཏེ་ཞི་མི་ཞིག་དང་མི་འདྲ་བར་སྤྲེལ་ཕྲུག་ཅིག་ལྟར་འགྱུར་ཡོད་པ་མཐོང་། ངས་ཁོ་ལ་ཞིབ་ལྟ་བྱེད་སྐབས་ཁོས་ཀྱང་ང་ལ་ཞིབ་ལྟ་བྱས། མཐར་ཁོ་རང་ང་ལ་སྐྲག་ནས་སླར་མེ་ཏོག་གི་ནང་དུ་འཛུལ་སོང་། ངས་ཁོའི་རྒྱབ་གཟུགས་ལས་ཁོ་རང་ནི་སྔོན་མར་མེ་ཏོག་སྒྲོན་གྱིས་གསོས་པའི་ཞི་མི་རྒྱགས་པ་དེ་ཡིན་པ་ངོ་ཤེས།. |
| 158 |
ངས་འཁྱག་སྒམ་དུ་བཅུག་ཡོད་པའི་ཤ་རྡོག་ཅིག་ཆུ་ཁོལ་ནང་སྦངས་ནས་ཚ་མོར་བཟོས་རྗེས། ཞི་མི་ཡོད་སར་འཕངས་པ་ན། ཁོས་དེ་ནི་རྡོ་འཕངས་ཡོང་བ་རེད་སྙམ་པ་འདྲ། འཕག་ཐེངས་གཅིག་གིས་ར་བའི་ཕྱི་ལ་མཆོངས་ཤིང་སྐད་ངན་འཆོར་གྱིན་ཐག་རིང་དུ་བྲོས་སོང་། མི་རིང་བར་མེ་ཏོག་སྒྲོན་སྦས་ཤུལ་དུ་སྐྱེས་པའི་མེ་ཏོག་དེ་དག་ལ་མེ་ཏོག་བཞད་ཡོང་བ་ན།. |
| 159 |
ངས་གཞི་ནས་སྐལ་བཟང་མེ་ཏོག་རྫུན་མ་དག་ཡིན་པ་ཤེས། མེ་ཏོག་སྒྲོན་གྱི་ཤ་ཁྲག་བཞིབས་ཏེ་སྐྱེས་ཡོང་བའི་མེ་ཏོག་དཀར་ཁྲ་དམར་ཁྲ་མང་པོ་ལྡུམ་རའི་གང་སར་ཁེངས་པས། མེ་ཏོག་སྒྲོན་སྦས་ས་ཞིབ་ཕྲ་དེ་གང་དུ་ཡིན་པའང་མི་ཤེས་པར་བཟོས། སྐབས་དེར་ངས་གནའ་སྔ་མོར་ང་རང་ཇག་ལ་སོང་ཚུལ་གྱི་གཏམ་རྒྱུད་ཅིག་འབྲི་སྒང་ཡིན།. |
| 160 |
འགྱུར་མེད་ནམ་མཁའ་སད་དུས། སྟོད་ཐུང་གི་པར་ཁུག་ཏུ་མེ་མདའ་ཞིག་བཅུག་ཡོད་པ་ཚོར། འགྱུར་མེད་ནམ་མཁའ་ཉལ་སྐབས་གོས་ཕུད་ནས་ཉལ་བའི་གོམས་གཤིས་མེད། དུས་རྒྱུན་ཁོ་རང་ཞྭ་མོ་ཡང་གྱོན་གྱིན་ཉལ་བཞག་དུས་ཉལ་ཁང་གཅིག་པའི་སློབ་མ་རྣམས་ཁོ་ལ་ལྟ་བཞིན་ཧ་ཧ་བགད་ངེས། ཁོའི་བློ་ངོར་མི་ཞེས་པ་དེ་ཡ་མཚན་ཞིག་རེད།. |
| 161 |
འདི་ལྟར་མི་གཅིག་དུས་མི་འདྲ་བ་གཉིས་ཀྱི་ནང་དུ་སྣ་ཁ་གཉིས་སུ་གྱུར་འགྲོ་བ་མཐོང་། དེ་རིང་ཡར་ལངས་དུས་སྟོད་ཐུང་པར་ཁུག་ཏུ་ལྗིད་ལྗིད་ཏིག་ཏིག་གི་མེ་མདའ་ཞིག་ལྷུང་འདུག གལ་སྲིད་ཁོ་རང་མཚན་མོར་སྟོད་ཐུང་གྱོན་ནས་ཉལ་བའི་གོམས་སྲོལ་ཞིག་མེད་ན་དོན་དག་འདི་འདྲ་ཞིག་ཁོའི་ལུས་ཐོག་ཏུ་བྱུང་མི་སྲིད།. |
| 162 |
མེ་མདའ་དེ་གནམ་རྒན་མས་ཁོས་སྟོད་ཐུང་གྱོན་ནས་ཉལ་བའི་གླ་ལ་སྟེར་བ་རེད་ཅེས་ཟེར་ནའང་ཆོག ཁོས་གློག་བརྙན་ནས་མངོན་སུམ་དུ་ལྷུང་བ་ལྟར་བུའི་མེ་མདའ་དེ་ལ་ལྟ་བཞིན་མངོན་སུམ་དུ་གློག་བརྙན་ཞིག་འཁྲབ་དགོས་སྙམ། ཁ་སང་དང་བཅས་པའི་བགྲང་བྱ་དུ་མའི་ནང་གི་གོམས་གཤིས་ལྟར། དེ་རིང་ཆུ་ཚོད་བཅུ་པ་ཕྱེད་ཀར་གཉིད་ལས་སད།. |
| 163 |
དེ་རིང་བློ་བསྟན་ཡང་སློབ་ཚན་ཚོགས་སུ་མི་འགྲོ་བར་གཉིད་བསྡད་ཡོད་པ་མཐོང་། ཁོས་ཉལ་ཁང་འགྲམ་གྱི་འཁྲུད་ཁང་ནང་གི་ཆུ་ཀ་ལ་ཁ་ཕྱེ་སྟེ། ཁ་ལག་བཀྲུས་རྗེས་སླར་ཉལ་ཁང་དུ་ཐོན་དུས་བློ་བསྟན་བྱ་རྨྱང་བྱེད་ཀྱིན་ཡར་ལངས་པའི་སྒང་རེད། ཁོ་རང་སླར་ཡང་མལ་ཁྲིའི་ཐོག་ཏུ་ཙོག་གིན་མེ་མདའ་ཐུང་ཐུང་དེ་ལ་ཞིབ་ལྟ་ཡིད་ཚིམས་པ་ཞིག་བྱས།. |
| 164 |
ལྗིད་ཏིག་ཏིག་གི་དངོས་པོ་དེ་ནི་འཇིག་རྟེན་འདིའི་དོན་དམ་བདེན་པའི་དངོས་པོ་ཉག་གཅིག་དེ་ཡིན་པ་བཞིན་ཁོའི་ལག་པར་གྲང་ངར་སྦྱིན། བློ་བསྟན་གྱིས་མལ་ཁང་དུ་རྒྱུན་ལྡན་མེད་པའི་དངོས་པོ་ཞིག་ཡོད་པ་ད་དུང་ཡང་ཚོར་མི་འདུག བློ་བསྟན་མིག་རུབ་རུབ་ངང་ཡར་ལངས་ཤིང་དག་རྫ་དང་ལག་ཕྱིས་སོགས་ལག་ཏུ་ཅི་ཟིན་ཁུར་ཏེ་ཆུ་ཀ་ལ་ཡོད་སར་བུད་སོང་།. |
| 165 |
ཡང་གཅིག་བཤད་ན་ཁོས་དེ་རིང་གི་འགྱུར་མེད་ནམ་མཁའ་ནི་ཁ་སང་དང་བཅས་པའི་བགྲང་བྱའི་ནང་གི་འགྱུར་མེད་ནམ་མཁའ་དེ་ཡིན་པ་ངོས་འཛིན་པ་འདྲ། དེ་ན་དུས་ནམ་ཡང་རོ་ཉལ་བརྒྱབ་ནས་བསྡད་པའི་འགྱུར་མེད་ནམ་མཁའ་ལ་ལྟ་རྒྱུ་ཅི་ཞིག་ཡོད་དམ། མིང་ལ་འགྱུར་མེད་ཅེས་ཐོགས་དོན་ཡང་། ཁ་སང་འགྱུར་བ་མེད་པ་དང་དེ་རིང་སྔར་བཞིན་འགྱུར་བ་མེད་པ།. |
| 166 |
ཕོ་ལོ་ཉི་ཤུར་སོན་པའི་ཁོ་ལྟ་བུའི་སྐྱེས་པ་ཕོས་དེ་དག་ལ་མེ་མདའ་བརྒྱབ་ག་ལ་སྲིད། མདའ་གཅིག་གིས་ཤྭ་བོ་གཉིས་གསོད་མི་ཐུབ་རུང་། ཤྭ་བོ་ལ་མེ་མདའ་ཚོད་ཀྱིས་བརྒྱབ་ན་ཕོག་ནའང་སྲིད། མི་ཕོག་ནའང་ཉེ་འགྲམ་དུ་རྡུལ་འཚུབ་འདྲ་བསླངས་སྟེ། ཤྭ་བ་ཁྱུ་གཅིག་དཀྲོག་ཐུབ། གལ་སྲིད། ཁང་པའི་ནང་གི་ཤེལ་དམ་སྟོང་པར་བརྒྱབ་པ་ཡིན་ན།. |
| 167 |
ཁོའི་ལག་ཕྱིས་དེ་ཡང་བློ་བསྟན་གྱི་སྐེ་ལ་གཟར་འདུག ལག་ཕྱིས་དེས་བློ་བསྟན་གྱི་གདོང་ངོས་སུ་ཡོད་པའི་འབྲུམ་བུ་དག་ཀྱང་ཕྱིས་ཡོད་ངེས། ད་དུང་ཁོའི་སོ་འཁྲུད་བྱེད་ཀྱི་སྤུ་ཤད་དེ་ཡང་བློ་བསྟན་གྱི་ཁ་ནང་བཅུག་འདུག་ལ་ལྦུ་བ་སེར་པོ་ཞིག་ཟགས་ཀྱིན་འདུག ལག་ཕྱིས་དེ་ལ་སྒོར་སུམ་ཅུ་སྤྲད་པ་ཡིན། དག་རྫས་ལ་སྒོར་བཅུ་རེད།. |
| 168 |
འདི་དག་ངའི་རེད་ཅེས་བློ་བསྟན་ལ་གསལ་བཤད་བྱེད་དགོས་དོན་ཡོད་དམ། གསལ་བཤད་བྱེད་ཀྱང་བྱ་བ་རྣམས་ཇེ་སྡུག་ཏུ་འགྱུར་བ་ལས་ཡག་ཕྱོགས་སུ་འགྲོ་མི་སྲིད། དེ་བས་བློ་བསྟན་མེད་པར་བཟོས་བཞག་ན་གནད་དོན་མང་པོ་ཞིག་ཐག་གཅོད་ཐུབ་ངེས། མཐར་ན་ཁོའི་གདོང་ངོས་ཀྱི་འབྲུམ་བུའི་ནད་དེའང་རང་བཞིན་གྱིས་མེད་པར་འགྱུར་འགྲོ།. |
| 169 |
ཁོས་བློ་བསྟན་གྱི་རོ་དེ་ཉི་ཁྱམས་སུ་དྲུད་པ་དང་སློབ་དེབ་རྙིང་པ་མང་པོའི་འོག་ཏུ་སྦས། ཁོའི་ལག་པ་ཁྲག་གིས་སྦངས་འདུག དུས་རྟག་ཏུ་གདོང་མདོག་ཤོར་ཡོད་པའི་ལྟས་ངན་དེའི་ལུས་པོ་ནང་ཁྲག་དམར་པོ་འདི་ལྟར་རྒྱུ་བཞིན་ཡོད་པ་རྟོགས་མ་ཐག ཁོ་རང་ཅུང་ཧ་ལས་སོང་། དག་རྫས་ཁུར་ཏེ། ཆུ་ཀ་ལའི་ཕྱོགས་སུ་རྒྱུག་འགྲོ་སྐབས།. |
| 170 |
ལག་པ་དེ་ཆུ་ཀ་ལའི་འོག་ཏུ་ཅི་ལྟར་བཀྲུས་ཀྱང་ངོས་ཀྱི་ཁྲག་དག་ཙམ་ཡང་མི་བྱེད་པར་ཇེ་དམར་དུ་གྱུར། ཁོས་དེའི་རྒྱུ་མཚན་ནི་ད་ལྟ་ཆུ་ཀ་ལ་ཡོད་ཚད་ཀྱི་ཁ་ཕྱེ་ཡོད་པས་རེད་སྙམ། སློབ་མ་མང་པོས་རང་ཉིད་མདུན་གྱི་ཆུ་ཀ་ལ་དེ་ཁ་ཕྱེས་ནས་དེའི་འོག་ཏུ་ལག་པ་དང་ཁ་ངོ་འཁྲུད་བཞིན་འདུག ཁོའི་ལག་ངོས་ཀྱི་ཁྲག་དམར་ལ་ལྟ་ཙམ་ཡང་བྱས་མ་སོང་།. |
| 171 |
ཁོ་རང་ཆུ་ཀ་ལའི་མདུན་དུ་འགྲེང་ཡོད་པའི་སྣང་དོགས་ཅི་ཡང་མེད་པའི་སློབ་མ་དེ་དག་ལ་སུན་བྱུང་། ལྷག་ཏུ་ཁོ་ཚོས་ལོ་ངོ་སྟོང་ཕྲག་ལྷམ་ཙམ་འཇིག་རྟེན་འདིའི་ཐོག་ཏུ་གསོན་རྒྱུ་ཡིན་པ་ལྟ་བུའི་ཚུགས་ཀ་ཞིག་ཁུར་བསྡད་པ་ལས། མི་གཞན་གྱི་ཁྲག་ལ་སྣང་དོགས་ཅི་ཡང་མི་འདུག དེ་དག་མཐོང་ཞིང་ཚོར་བས་ཁོ་ལ་ཁོང་ཁྲོ་ཚད་མེད་ལངས།. |
| 172 |
ཁོས་མེ་མདའི་མཆུ་ཏོ་མི་རེ་རེ་ལ་གཏོད་བཞིན་གྲངས་ཀ་ཞིག་བརྩིས་པ་ན། ཁྱོན་བསྡོམས་མི་བཅུ་འདུག ཡིན་ཡང་ཁོའི་མེ་མདའི་ནང་དུ་མདེའུ་ལྔ་ལས་གཅིག་འཐེན་པ་ན་བཞི་རེད། བཞི་མ་གཏོགས་ལྷག་མེད། མེ་མདའ་སླར་ཡང་པར་ཁུག་ཏུ་བཅུག་དགོས་བྱུང་། ཉལ་ཁང་སྟོང་པ་དེ་རྒྱབ་ཏུ་བཞག་ཏེ། བར་ཁྱམས་བརྒྱུད་དེ་འགྲོ་སྐབས།. |
| 173 |
ཁོ་རང་སློབ་རའི་ནང་གི་སྨྱུག་མ་ཆེས་མང་སའི་འདུག་སྟེགས་རིང་བོ་ཞིག་གི་ཐོག་ཏུ་ཙོག་གིན། དེ་རིང་གི་གནམ་གཤིས་འདི་འདྲའི་ཡག་དོན་ཅི་ཡིན་ནམ། པེ་ཅིང་གི་དུ་སྤྲིན་དག་གང་དུ་བུད་སོང་བ་ཡིན་ནམ་སྙམ་གྱིན། པེ་ཅིང་གི་ནམ་མཁའ་ནི་མེ་ལོང་ལྟར་སྔོ་ལྷང་ལྷང་ཡིན་དུས། དོན་དག་འདྲ་བྱུང་སྲིད་དམ་སྙམ་སྟེ་སེམས་ཁྲལ་ཡོང་བ་ཞིག་རེད།. |
| 174 |
སྐར་ཆ་གཅིག་གི་སྔོན་གྱི་མཛེས་མ་དེ་ད་ནི་བལྟར་མི་བཟོད་པར་གྱུར། བུ་དེས་རང་ཉིད་ཀྱི་མཛའ་མོའི་རྣམ་པ་མཐོང་མ་ཐག ཕྱི་བལྟས་མེད་པར་བྲོས་སོང་། ཁོས་ཁོའི་རྒྱབ་གཟུགས་ལ་མེ་མདའ་ཞིག་རྒྱག་བསམ་མོད། སྨྱུག་མ་མང་དྲགས་པས་ཁོ་རང་ག་སོང་ཆ་མེད་དུ་ཡལ། ཚུར་ལོག་པའི་ལམ་ཁར་སྨྱུག་མའི་ལོ་མ་སྐམ་པོ་སྤུངས་པའི་ཁྲོད་དུ།. |
| 175 |
མེ་ཏོག་དམར་ལ་ཆུན་པོ་ཞིག་བཞད་ཡོད་པ་མཐོང་། མི་རྣམས་ཀྱིས་མེ་ཏོག་འདི་ལ་རྒྱ་སེ་ཞེས་འབོད་ཅིང་ཕོ་མོའི་བརྩེ་བ་མཚོན་བྱེད་ཡིན་ཟེར། ཁོས་བལྟས་ན་སར་གཏོར་བའི་ཁྲག་སྤར་མོ་གང་དང་འདྲ་འདུག དེ་ནི་བརྩེ་དུང་གི་རྒྱབ་ཏུ་སྦས་པའི་མིང་ལ་འདོད་སྲེད་ཅེས་པའི་མེ་ལྕེ་དམར་ལམ་ལམ་ཅན་དེའི་མཚོན་བྱེད་དུ་འོས་སྙམ་གྱིན།. |
| 176 |
ཕྱི་རོལ་གྱི་མཁའ་རླུང་གཙང་མ་རྔུབ་སྐབས། ཞི་ཕྲུག་སྙིང་ལ་རྗེ་མོ་ཞིག་ཉི་འོད་འོག་ཏུ་མིག་རུབ་རུབ་བྱས་ནས་ཉལ་འདུག ཁོས་ཞི་ཕྲུག་དེ་པང་དུ་ལེན་མ་ཐག ལམ་འགྲམ་ན་ཡོང་བཞིན་པའི་བུ་མོ་གཉིས་ཀྱིས་སྙིང་རྗེ་མདོག་གིས་ཁོ་དང་ཞི་ཕྲུག་ལ་བལྟ། ཁོས་ཀྱང་ཁོ་གཉིས་ལ་སྙིང་རྗེ་མདོག་གི་འཛུམ་མདངས་སྟོན་གྱིན༼ སྙིང་རྗེ་མོ།. |
| 177 |
མིང་ནང་གི་ཡོད་ཚད་མུན་པར་གྱུར་ཞིང་མུན་པའི་ནང་སྐར་མ་བཅུ་ལྷག་ཤར་ཡོད་པ་རིག་པ་དང་རྣ་བའི་ནང་དུ་སིང་སྒྲ་གྲགས། དེ་ནས་མུན་པ་རྣམས་ཡལ་སོང་ཁོས་སླར་ཡང་སློབ་ཁང་གི་ནང་དུ་ཡོད་པའི་སློབ་གྲོགས་དང་དགེ་རྒན་མཐོང་བྱུང་། སློབ་གྲོགས་ཡོད་ཚད་ཀྱི་མིག་ནང་དུ་དགའ་སྤྲོའི་རྣམ་པ་ཞིག་ཤར་འདུག བློ་བསྟན་ནི་དེའི་ནང་ནས་དཔེར་འོས་པ་དེ་རེད།. |
| 178 |
དགེ་རྒན་གྱིས་ཁོའི་དཔེ་ཁུག་བླངས་ཏེ་སུམ་རྟགས་སློབ་དེབ་འཚོལ་གྱིན་འདུག ཡིན་ཡང་དཔེ་ཁུག་སྟོང་པའི་ནང་ནས་མེ་མདའ་ཐུང་ཐུང་ཞིག་མར་ལྷུང་པ་ལས་ཅི་ཡང་མི་འདུག དགེ་རྒན་གྱིས་རྩེད་ཆས་དང་འདྲ་བའི་མེ་མདའ་དེ་བླང་གྲབས་བྱེད་དུས་ཁོས་མགྱོགས་མྱུར་ལག་རིང་བཀྱངས་ཏེ་དགེ་རྒན་གྱིས་མེ་མདའ་མ་བླང་གོང་དུ་བཟུང་ཐུབ་པ་བྱས།. |
| 179 |
དགེ་རྒན་སླར་ཡང་ཁོའི་ཕྱོགས་སུ་མ་ཡོང་གོང་དུ་མེ་མདའ་ཡི་ཀང་པ་མནན། ཀག་སྒྲ་སྣ་ལ་གཟན་དགོས་པ་ཞིག་གྲགས་ཡོང་བ་དང་མཉམ་དུ་ནག་པང་ངོས་ཀྱི་ཕོ་མོ་མ་ནིང་གི་ཡི་གེ་ཡོད་ཚད་ཁྲག་གིས་དམར་སོང་། སློབ་གྲོགས་རྣམས་སྐད་ངན་ཤོར་གྱིན་སྒོ་ནས་གང་ཐར་གྱིས་བྲོས། ཁོས་མེ་མདའི་ཁ་ནས་ཐོན་པའི་རྫས་དྲི་བྲོ་བའི་དུ་བར་ཕུ་ཞིག་བཏབ།. |
| 180 |
གཡུ་སྒྲོན་མཚོ། སྟོན་ཟླ་མཐའ་མར་སྟོན་རླུང་གིས་བདས་པའི་ལོ་མ་སྣ་ཚོགས་ཟུར་བརྒྱད་སྲང་ལམ་གྱི་མཁའ་དབྱིངས་ནས་བར་མེད་དུ་འཕུར་ཞིང་། རེ་འཇགས་རེ་གཡུག་གི་སྟོན་རླུང་གྲང་མོ་ཞིག་འུར་གྱིས་ལྡང་ཚེ་ལོ་མའི་ཕོན་པོ་དག་གོ་རིམ་དང་ཆོས་ཉིད་ཅི་ཡང་མེད་པར་གཅིག་གིས་གཅིག་གནོན། གཅིག་མདུན་གཅིག་གིས་བཀག རྩེ་མོ་དང་རྩ་བ་ལྡོག་ཅིང་།. |
| 181 |
མདུན་རྒྱབ་དང་སྔ་ཕྱིའི་དབྱེ་བ་མི་གསལ་བར་གཅིག་ཐོག་ལ་གཅིག་བརྩེགས་ནས་བར་སྣང་གི་དཀྱིལ་འཁོར་ལས་འཚང་ཁ་ཏོག་ཙམ་བརྒྱབ་འགྲོ དེ་ནས་ལོ་མ་དེ་དག་སྲང་ལམ་གྱི་གཡས་གཡོན་ལ་ངེས་གཏན་མེད་པར་ས་གཞིའི་སྟེང་དུ་ལྷུང་ཞིང་། སེར་པོར་གྱུར་བའི་ལོ་མའི་སྟེང་དུ་དབྱིབས་གཟུགས་དང་ཆེ་ཆུང་མི་འདྲ་བའི་རི་མོ་སྣ་ཚོགས་མཆིས་ཏེ།. |
| 182 |
མོའི་མིང་ལ་གཡུ་སྒྲོན་མཚོ་ཟེར་ཞིང་། མོའི་སྐྲ་ལོའི་ཚོས་མདོག་ཁམ་སེར་ཏུ་བཅོས་ཡོད་པར་མ་ཟད། སྐྲ་འཇུ་ལི་བྱས་ནས་མཐོ་སར་བསྡམས་ཡོད། མིག་ཟུང་སྒོར་ཅིང་ཆེས་ཆེར་ཕྱེས་པ། སྨིན་མར་སྨིན་སྨྱུག་གིས་དཀྱིལ་འཁྱོགས་ཤིང་སྣེ་གཉིས་ཐད་དུ་བསྲིངས་ཏེ་བྲིས་འདུག མཆུ་སྒྲོས་སུ་ཚོས་མདོག་དམར་ནག་ཅིག་བང་རིམ་མཐུག་པོའི་སྒོ་ནས་བྱུགས་ཤིང་།. |
| 183 |
སོར་རྩེ་ལ་འཇའ་ཚོན་སྣ་ལྔ་ལྟ་བུའི་ཚོན་མདོག་ཁ་པོ་རེ་བྱུགས་ཡོད་སྟབས། བལྟས་ཚོད་ཀྱིས་གསེར་ལམ་ལམ་གྱི་འོད་མདངས་སྣ་ཚོགས་བཀྲ། མོས་གོ་ལྭ་གོང་ཁ་ན་སྤུ་རིང་ཅན་ཞིག་གྱོན་ཞིང་། ལྭ་བའི་ཁ་མདོག་དང་ངོ་གདོང་གི་སྐག་ཚོས་ལས་འཕྲོས་པའི་མདངས་དེས་ཟ་ཁང་གི་མགྲོན་པོ་ཚོར་བག་ཆགས་ཁྱད་མཚར་བ་རེ་བཞག་མེད་ཅི་ཆ།. |
| 184 |
མོ་རང་སྒེའུ་ཁུང་གི་ཁ་གཏད་ཀྱི་སྒྲོག་ཙེའི་གམ་དུ་ལངས་ནས་ཕྱི་རོལ་གྱི་ཡུལ་ལྗོངས་ལ་མིག་གཡེང་བྱས་ཐེངས་རེར། སྒེའུ་ཁུང་གི་དྲ་མའི་ངོས་སུ་སྦྱར་བའི་ཤོག་བྱང་རླུང་བུས་སྒུལ་ཏེ་ལྷབ་སེ་ལྷབ་བྱེད། རླུང་བུའི་ཤུགས་ཀྱིས་ཟད་པའི་ཤོག་བྱང་གི་སྣེ་མོས་སྲང་ལམ་གྱི་མི་ཚོགས་ལ་ལག་གཡུགས་བྱེད་པ་དང་འདྲ་བར་འགུལ་ཙམ་འགུལ་ཙམ་བྱེད་ན་ཡང་།. |
| 185 |
གཡུ་སྒྲོན་མཚོས་སྣང་དོགས་ཅི་ཡང་མི་བྱེད་པར་སར་ལྷུང་བའི་སྡོང་བོའི་ལོ་མའི་སྒང་ལ་སྤོ་མཁན་གྱི་ལམ་འགྲོ་བར་ཧད་ནས་བསྡད། ས་སྲོད་དེར། ཉི་འོད་ནི་ཁང་བརྩེགས་ཀྱིས་བསྒྲིབས་ཏེ་ཅི་ཡང་མི་མཐོང་ལ། ཕར་འགྲོ་ཚུར་འོང་གི་ལམ་འགྲོ་བ་ཚོ་སྡོང་ལོའི་སྟེང་དུ་སྤོ་ཞིང་། རང་རང་གི་གྲིབ་གཟུགས་དང་འགྲོགས་ནས་ལམ་ལ་ཆས།. |
| 186 |
ཟུར་བརྒྱད་སྲང་ལམ་གྱི་བོད་ཟས་ཁང་ནི་མི་རིགས་སློབ་ཆེན་གྱི་ཁ་གཏད་དུ་ཡོད་ཅིང་། དེ་ནི་སློབ་མཐར་ཕྱིན་ལ་ཉེ་བའི་སློབ་ཆེན་པ་སྐོར་ཞིག་གིས་བཙུགས་པ་རེད། ཟ་ཁང་དེར་སྒོ་ཆེན་ཞིག་དང་སྒོ་ཆུང་ཞིག་སྟེ། སྒོ་ཆེ་ཆུང་གཉིས་ཡོད། སྒོ་ཆེན་ནི་ཟ་ཁང་གི་ལྟག་རྒྱབ་ཏུ་ཡོད་ལ། སྒོ་ཆུང་ནི་ཏག་ཏག་ཟ་ཁང་གི་མདུན་ཕྱོགས་སུ་ཡོད།. |
| 187 |
རྒྱུན་ལྡན་མ་ཡིན་པ་ཞིག་ལ་ཟ་ཁང་དེར་ཕྱིན་མ་ཐག་ཏུ་རང་ཉིད་ཀྱི་མིང་དང་སྐྱེས་ཁོངས། ལས་གནས་བཅས་གསལ་བོ་འབྲི་དགོས། དེ་ནི་མགྲོན་པོ་ཚོར་མཚོན་ན་ཆེས་བློར་མི་འབབ་པའི་དོན་དག་ཅིག་རེད། མོ་རང་ཟ་ཁང་དུ་འཛུལ་མ་ཐག་ཏུ་ཁ་ཐུམ་རྒྱག་ཅིང་། སྟོད་ལྭའི་སྒྲོག་ཟྭ་ཚང་མ་དམ་པོར་བརྒྱབ་ནས་རང་ཉིད་ཀྱི་མིང་དང་སྡོད་གནས་འབྲི་རྒྱུ་ཁོ་ནར་བྲེལ།. |
| 188 |
མ་གཞི་ལས་གནས་གསལ་བོ་མི་འདུག་པའི་མགྲོན་པོ་ཚོར་ཟ་ཁང་གི་སྦྱིན་བདག་མ་གཡུ་སྒྲོན་མཚོས་དོ་སྣང་དེ་འདྲ། བོད་ཟས་ཁང་དེར་ཡོང་མཁན་མང་ཆེ་ཤས་ནི་རྩོམ་པ་པོ་དང་། སྒྱུ་རྩལ་པ་དང་། སློབ་ཆེན་གྱི་དགེ་རྒན་དང་། སློབ་ཆེན་པ་ཏག་ཏག་རེད། ཁོ་ཚོས་སོས་དལ་བག་ཡོད་ཀྱིས་སྒྲོག་ཙེ་བསྐོར་སྟེ་ནས་ཆང་བཏུང་ཞིང་།. |
| 189 |
སོ་སོས་སོ་སོ་རང་ཉིད་ལ་དབང་བའི་ཟས་ཐུན་གཅིག་ལོངས་སུ་སྤྱད་རྗེས་ཤར་ལམ་དེད་ནས་མཐར་ནུབ་ཕྱོགས་སུ་ཆས་འགྲོ། ནམ་རྒྱུན་དེ་འདྲ་རེད། ལམ་དེར་གྱ་གྱོག་དང་སྒང་གཤོང་སོགས་ཅི་ཡང་མེད་པར་ཐད་ཀར་མི་རིགས་སློབ་ཆེན་གྱི་ཁ་གཏད་དུ་བསྲིངས་ཡོད། མི་ཆེན་དེ་དག་ཟ་ཁང་གི་སྒོ་ཆེན་མ་གཏོགས་སྒོ་ཆུང་དེར་གཏན་ནས་བརྒྱུད་ཀྱི་མི་འདུག་པར་མ་ཟད།. |
| 190 |
སོ་སོས་རང་རང་གི་སྐྱེས་ཁོངས་ནི་གསང་བའི་ཚུལ་གྱིས་སུས་ཀྱང་བརྗོད་དུ་མེད། དགེ་རྒན་དང་རྩོམ་པ་པོ། སྒྱུ་རྩལ་པ་དག་ནི་དུས་རྒྱུན་སྒྲོག་ཙེ་གཅིག་གི་སྒང་ལ་འཛོམས་ནས་སོ་སོ་རང་རང་གི་དགའ་ཕྱོགས་དང་དམིགས་ཡུལ། གོ་དཀའ་བའི་བརྡ་དོན་ཁ་ཤས་ལ་འགྲེལ་བ་རྒྱག སློབ་ཆེན་པ་དག་མི་ཆེན་དེ་དག་ཐག་རིང་ས་ཞིག་ནས་སྒྲོག་ཙེ་བསྐོར་ནས་སྡོད་ཅིང་།. |
| 191 |
ཁོ་ཚོས་བརྩེ་དུང་དང་སྙན་ངག ཕུགས་བསམ་དང་བདེ་སྡུག་སོགས་ཤར་མར་ལབ། ཡང་མཚམས་རེར་སྙན་ངག་གྱེར། མཚམས་རེར་ཚན་རིག་དང་རིན་ཐང་ལྟ་བ་སོགས་བརྩད་ནས་ཡུན་རིང་འགོར་མོད། མཐའ་མཇུག་སྐུ་མགྲོན་དེ་དག་གིས་ཐག་ཅི་ཡང་མི་ཆོད་། སོ་སོ་རང་རང་གི་ལྟ་སྟངས་ཁོ་ནར་ཡང་དག་པའི་གོ་ཐོབ་བསྩལ་ཏེ་གཟི་བརྗིད་ཀྱིས་འདུག དགེ་རྒན་དང་རྩོམ་པ་པོ།. |
| 192 |
སླར་ཡང་ཟ་ཁང་གི་སྒོ་ཆུང་བརྒྱུད་ནས་ཕྱིར་འབུད་བྱེད། མོ་རང་ཟ་ཁང་དུ་སླེབས་ཐེངས་རེར་གོམ་སྟབས་མྱུར་མོས་ཟ་ཁང་གི་ཆེས་ནང་ལོགས་ཀྱི་སྒྲོག་ཙེའི་མཐའ་ནས་གཅིག་པུར་སྡོད་ཅིང་། མི་ཚོསག་དང་རིང་དུ་གྱེས་ཏེ་ཁ་ཁུ་སིམ་མེར་ནམ་རྒྱུན་སྡོད་སའི་གནས་དེར་འདུག མི་ཚོགས་ཀྱི་ཁྲོད་དུ་བསྡད་དེ་གླེང་མོལ་བྱེད་པ་དང་།. |
| 193 |
མི་ཚོགས་དང་ལྷན་དུ་ནས་ཆང་འཐུང་རྒྱུའི་གོ་སྐབས་རེག་མ་སོང་། བོད་ཟས་ཁང་གི་མགྲོན་པོ་མང་ཆེ་ཤོས་ནི་སྒོ་ཆེན་བརྒྱུད་ནས་ནང་དུ་སླེབས་མཁན་རྐྱང་རྐྱང་རེད། ཁོང་ཚོའི་ཁྲོད་ཀྱི་མང་ཆེ་ཤོས་ནི་རྩོམ་པ་པོ་དང་། སྒྱུ་རྩལ་པ། སློབ་ཆེན་གྱི་དགེ་རྒན་དང་། སློབ་ཆེན་པ་ཏག་ཏག་རེད། དེ་བས་མོ་རང་ཁོ་ཚོའི་བཟོ་ལྟ་ལས་བག་ཁུམ་པོར་བཟོས།. |
| 194 |
གཡུ་སྒྲོན་མཚོ་ཟེར་བའི་གཞོན་ནུ་མ་དེ་ནི་ཟ་ཁང་གི་སྦྱིན་བདག་མ་དེའི་མིང་ཡིན། མོ་རང་ཟ་ཁང་གི་སྟེགས་བུའི་སྟེང་དུ་སྡོད་མཁན་དེ་ཡིན། ཟ་ཁང་གི་ཞབས་ཞུ་བ་དང་རྩིས་གཉེར་བ། སྟེགས་བུའི་སྟེང་དུ་སྡོད་མཁན་སོགས་ཀྱི་འགན་གཅིག་ལྕོགས་ཏུ་ཁུར་ཡོད། གྲོང་ཁྱེར་གྱི་གློག་སྒྲོན་གྱི་འོད་ལས་མི་གཉིས་ཀྱི་གྲིབ་གཟུགས་མཐོང་བྱུང་།. |
| 195 |
མི་གཅིག་ཤོས་ནི་ལྟོ་ལྡིར་ཞིང་གཟུགས་པོ་ཐུང་བའི་སྐྱེས་པ་ཞིག་རེད། ལག་ཏུ་ཁུག་མ་ཆུང་ཆུང་ཞིག་ཐོགས་ཤིང་། ནུབ་ལྭ་ཆ་ཚང་ཞིག་གྱོན་འདུག འགྲོས་དལ་བའི་གོམ་སྟབས་ལ་བལྟས་ན་ཁོ་པའི་རྐང་པ་དེ་འདྲའི་ཐང་པོ་མེད་པ་འདྲ། དེའི་རྗེས་སུ་གཟུགས་པོ་རིང་ཞིང་སྒེག་ཉམས་ལྡན་པའི་བུད་མེད་ཅིག་འགྲོས་མགྱོགས་པོའི་སྒོ་ནས་སླེབས་བྱུང་།. |
| 196 |
གྲིབ་གཟུགས་ལས་ཁོ་རང་གཉིས་ཀའི་གཟུགས་པོའི་བོངས་ཚད་དང་རིང་ཐུང་མ་གཏོགས། གོན་པའི་ཁ་དོག་དང་བཟང་ངན་སོགས་ཅི་ཡང་མི་མཐོང་། མཚན་ངོགས་དེར། མི་དེ་གཉིས་སྔ་གཞུག་བྱས་ཏེ་ཟུར་བརྒྱད་སྲང་ལམ་གྱི་བོད་ཟས་ཁང་དུ་ལོག་གིན་གདའ། གཟུགས་པོ་རྒྱགས་པའི་སྐྱེས་པ་དེ་ཟ་ཁང་གི་སྒོ་ཆེན་བརྒྱུད་ནས་སྔོན་ལ་ཟ་ཁང་གི་ནང་དུ་སླེབས་ཤིང་།. |
| 197 |
ས་ལ་བསྡད་མ་ཐག་ཅུང་སྐྱེངས་པའི་ཚུལ་གྱིས་གདོང་གི་ཤེལ་མིག་སྟེང་དུ་ཆགས་པའི་ཚུལ་དྲེགས་གཙང་མར་ཕྱིས། དེ་ནས་ཕར་ལྟ་ཚུར་ལྟ་ཞིག་བྱེད་རྗེས་སླར་ཡང་གདོང་ལ་གྱོན། ཁ་པར་སྣོགས། ཕར་ཆེར་མི་ཞིག་ལ་སྒུག་གིན་པ་འདྲ། ཁོས་རྐང་བའི་སྟེང་དུ་རྐང་པ་བརྩེགས་ནས་ཡུད་ཙམ་ལ་བསྡད། དེ་ནས་གདོང་གི་མིག་ཤེལ་ཕུད་དེ་མིག་ཕུར་ཕུར་ལན་འགའ་བྱེད།. |
| 198 |
མིག་གི་ལྟ་ཕྱོགས་ཤིག་གིས་གམ་དུ་ལངས་པའི་གཡུ་སྒྲོན་མཚོའི་གྲིབ་གཟུགས་མཐོང་སོང་། མོ་ཡུན་རིང་ལ་སྐུ་མགྲོན་གྱི་གམ་དུ་ལངས་ནས་འདུག་པ་ལས་སྐད་ཆ་ཤོད་མ་སོང་བས། ཡུམ་སྐྱབས་ཟེར་བའི་སྐྱེས་པ་དེས་དོ་སྣང་མ་ཡོང་། དུས་རྒྱུན་ཡིན་ན་མཚན་ངོགས་སུ་མོས་སྐུ་མགྲོན་ཚོས་ཟ་མ་བདམས་མེད་པར་འདུག་ཡུན་ཅུང་རིང་ཚེ།. |
| 199 |
ཟ་ཁང་གི་ཆེས་ནང་ལོགས་ཀྱི་སྒྲོག་ཙེ་དེ་ནི་གློག་སྒྲོན་དང་ཁ་ཐག་རིང་ཞིང་། ཟ་ཁང་གི་སྐུ་མགྲོན་རྣམས་དང་འབྲེལ་ལམ་དོག་པ། སྒྲོག་ཙེ་ཡང་སྒྲོག་ཙེ་གཞན་དག་ལས་ཁྱད་མཚར་ཞིག་འདུག ་ཞེང་ཐུང་ལ་སྲིད་རིང་བ། བོངས་ཚད་དང་རྒྱ་ཁྱོན། ཡོད་ཚད་ཆུང་ཆུང་ཞིག དོག་མོ་དག་མོ་ཞིག བཙིར་འདུག་པའི་སྣང་བ་ཞིག་ཤར་ཡོང་།. |
| 200 |
དེའི་རྗེས་སུ། ་མི་མང་པོ་ཞིག་གཅིག་རྗེས་མཐུད་ཀྱིས་ཟ་ཁང་དེར་སླེབས་ཡོང་། དེ་དག་ནི་ཟ་ཁང་སྒོ་ཆེན་བརྒྱུད་ནས་ནང་དུ་སླེབས་མཁན་ཁོ་ན་རེད། ཁོ་རང་ཚོས་མ་བགྲོས་གཅིག་མཐུན་གྱིས་སྒྲོག་ཙེ་གཅིག་སྐོར་ནས་ལབ་གླེང་སྣ་ཚོགས་བྱེད། མང་ཆེ་ཤས་ནི་རྩོམ་པ་པོ་དང་། སྒྱུ་རྩལ་པ་དང་། སློབ་ཆེན་གྱི་དགེ་རྒན་དང་།. |
| 201 |
ནམ་རྒྱུན་དང་འདྲ་བར་ཟ་ཁང་སྐུ་མགྲོན་མང་ཆེ་ཤོས་ཀྱིས་ལག་ཁུག་ཁྱེར་ནས་བྲེལ་སྟབས་ཀྱིས་ཆས་སོང་། སྔར་བཞིན་ཤར་ལམ་དེད་ནས་ནུབ་ཕྱོགས་ཀྱི་ལམ་ཆེན་སྟེང་དུ་གོམ་པ་རེ་རེ་བཞིན་སྤོས། རིང་ཐུང་དང་སྦོམ་ཕྲ་མི་སྙོམས་ཤིང་། ལག་ཏུ་ཁུག་མ་ཐོགས་མཁན་དེ་ཚོའི་གྲས་སུ་ལྭ་རིང་གྱོན་མཁན་བརྒྱ་ཆའི་གཅིག་ཙམ་མ་གཏོགས་མེད་པ་འདྲ།. |
| 202 |
ཨག་མ་ལུགས་པ། ངོ་གདོང་སྣུམ་ཤ་དོད་པ། མགོ་བོ་མཐོན་པོར་དགྱེ་ཞིང་བྲང་ཁོག་མདུན་ཐད་དུ་བསྲིངས་པ་དེ་ཡིན། ཕྱིས་སུ་གཟུགས་པོ་སྐམ་ཞིང་ཤ་རིད་པ་དང་། གདོང་མདོག་དཀར་བའི་མགྲོན་པོ་ཁ་ཤས་ཀྱང་ཐད་ཀར་ཟ་ཁང་གི་སྒོ་ཆེན་བརྒྱུད་ནས་ལམ་ལ་ཆས། སྔར་བཞིན་ཤར་ལམ་དེད་ནས་ནུབ་ཕྱོགས་ཀྱི་ལམ་ཆེན་སྟེང་དུ་གོམ་པ་རེ་རེ་བཞིན་སྤོས།. |
| 203 |
སྒྱིད་པ་རིང་ཞིང་དོར་མ་ཐུང་བ། ལུས་པོ་སྐམ་ཞིང་མགོ་སྐྲའི་ཁ་དོག་མཛེས་པ། འཇའ་ཚོན་སྣ་ལྔ་ལྟ་བུའི་མིག་གི་དབང་བོ་འཕྲོག་འདྲའི་གོན་པ་སྣ་ཚོགས། ཆེ་ཆུང་དང་སྦོམ་ཕྲ་མི་འདྲ་བའི་ཁུང་བུ་མང་པོས་དེ་དག་གི་གོན་པར་རྣམ་པ་གཞན་ཞིག་བསྣན་འདུག དེ་ཚོར་དམིགས་བསལ་གྱིས་ཁྱད་ཆོས་ཤིག་ཡོད་པ་ནི་སྐྲ་ཚུགས་འཇོག་སྟངས་དེ་རེད།. |
| 204 |
ལ་ལ་ནི་ལྕོང་མོའི་དབྱིབས་ཅན། ལ་ལ་ནི་ཁེམ་བུ་དང་འདྲ་ལ། ལ་ལ་ནི་ལྷམ་སྟན་དང་། ལ་ལ་ནི་རྩྭ་ཕྱགས་དང་འདྲ་ལ། ལ་ལ་ནི་རས་ཕྱགས་དང་འདྲ།ད་དུང་གཞན་དག དབྱིབས་དང་ཁ་དོག་མི་འདྲ་བའི་སྐྲ་ལོ་གསེང་ནས་དུ་དྲི་དང་ཆང་དྲི་ལུ་ལུ་ལུ། ཟ་ཁང་གི་ཆེས་ནང་ལོགས་སུ་སྡོད་མཁན་གྱི་བུ་མོ་དེས་ཟེར་གཡོལ་ཤེལ་མིག་ཅིག་གྱོན་ཞིང་།. |
| 205 |
དེ་ནས་མོས་སུན་སྣང་དང་བཅས་གློག་འོད་དང་ཁ་ཐག་རིང་བའི་སྒྲོག་ཙེ་དེའི་སྒང་ལ་སེན་འདྲད་བྱས་ནས་བསྡད། སྒེའུ་ཁུང་གི་གམ་གྱི་སྒྲོག་ཙེའི་འགྲམ་དུ་སྡོད་མཁན་གྱི་སྐུ་མགྲོན་དེས་གཙང་ཤོག་གིས་མིག་ཤེལ་ཕྱིས་རྗེས། ཞབས་ཞུ་སྟེགས་བུའི་འགྲམ་དུ་གཉིད་ཡོར་བྱས་ཀྱིན་པའི་གཞོན་ནུ་མ་དེའི་ཕྲག་པར་རེག་ཙམ་བྱས་ཙ་ན།. |
| 206 |
ཁོས་ཕྱིར་བལྟས་བྱེད་རྗེས་ཁོང་འཛུམ་ཞིག་ལངས་བཞིན་མུ་མཐུད་དུ་མདུན་ཕྱོགས་སུ་ཆས་སོང་། ནད་ཁང་ཨང་བཅུ་བདུན་པ། ལོ་དེའི་དབྱར་ཁར། གནམ་གཤིས་སྐམ་ཤས་ཆེ་ལ། མཚམས་རེར་ཙད་པ་གཙེས་ཏེ་ཡིད་མུག་མུག་པོར་གཏོང་བར་བྱེད། ནད་གཞི་ཅུང་ཡང་བའི་ནད་པ་ཁ་ཤས་ཀྱིས་སྨན་ཁང་གི་སྤྱི་གླིང་དུ་བསྡད་དེ་ངལ་གསོ་བྱེད་པའམ།. |
| 207 |
ཁོ་ཚོས་སྤྱི་གླིང་གི་སྡོང་ལོའི་གྲིབ་བསིལ་འོག་ཏུ་བསྡད་དེ་རང་ཉིད་ཀྱི་ཁམས་དང་བསྟུན་པའི་ལབ་གླེང་བྱེད་པ་དང་། བྱ་སྒྲོའི་སྤོ་ལོ་རྩེ་བ་དང་། མིག་མངས་རྩེ་བ་སོགས་རང་རང་གི་དགའ་ཕྱོགས་དང་བསྟུན་པའི་རོལ་རྩེད་ལ་གཡེང་ནས་ངལ་གསོ་བྱེད། དེ་དག་ལས་ནད་པ་མང་ཆེ་ཤོས་ནི་ནད་པའི་ཁྱིམ་མི་དང་གཞན་དག་རེད།. |
| 208 |
ཁོ་རང་གཉིས་ཀའི་ནད་ཀྱི་གནས་ཚུལ་ཧ་ཅང་ལྕི་བའི་ཁར་ནད་བཅོས་བྱེད་སྐབས་ཀྱི་བརྒྱུད་རིམ་ཡང་རྙོག་འཛིང་ཅན་ཞིག་རེད། དེ་མིན་ནད་ཁང་གི་གཞི་རྒྱ་ཆུང་དྲག་པས་ཉལ་ཁྲི་གཉིས་མ་གཏོགས་མི་ཤོང་། ནད་པ་དེ་གཉིས་ཀ་སྡོད་སའི་ནད་ཁང་ཨང་བཅུ་བདུན་པ་དེར་སྨན་ཁང་གི་བཟོ་བཀོད་ལྟར་སྒོ་གཅིག་དང་སྒེའུ་ཁུང་གཅིག་མ་གཏོགས་མེད་ལ།. |
| 209 |
སྒེའུ་ཁུང་ཁོ་ན་བརྒྱུད་ནས་ད་གཟོད་ཕྱིའི་འཇིག་རྟེན་ལ་མིག་གཡེང་བྱེད་རྒྱུ་ལས་ཐབས་གཞན་མེད། སྒེའུ་ཁུང་དང་ཉེ་བར་བཅར་བའི་ནད་པས་ནད་བཅོས་ཀྱི་གནས་ཚུལ་དང་བསྟུན་ནས་ལུས་པོ་དགྱེ་དགྱེ་བྱས་ཏེ་ཆུ་ཚོད་གཅིག་གི་རིང་ལ་ཁམས་གཡེང་བྱས་ཆོག ཏག་ཏག་ཉིན་གཅིག་གི་དུས་ཚོད་གཅིག་སྤྱད་ནས་ཕྱིའི་འཇིག་རྟེན་ལ་ལྟད་མོ་བལྟས་ཆོག་པ་རེད།. |
| 210 |
ཟང་ཟིང་དང་འུར་སྒྲ་སོགས་གཏན་ནས་ཡོད་མི་ཆོག དེ་ནི་སྨན་པས་བཏོན་པའི་སྒྲིག་ལམ་དང་མཉམ་འཇོག་བྱ་དགོས་ས་དེའོ།། ཆེས་ཡིད་སྐྱོ་བ་ཞིག་ལ་ནད་པ་དེ་གཉིས་ཀས་ཚགས་པར་ལ་ལྟ་མི་ཆོག་པར་མ་ཟད། རླུང་འཕྲིན་ལ་ཉན་པ་དང་བརྙན་འཕྲིན་ལ་ལྟ་བ་སོགས་ཀྱི་བྱ་སྤྱོད་ནི་དེ་བས་ཀྱང་སྤེལ་ཆོག་གི་མ་རེད། ནད་ཁང་དེར་ཁོ་རང་གཉིས་མ་གཏོགས།. |
| 211 |
དུས་རྒྱུན་ནད་པ་གཉིས་ཀྱིས་ཨ་སྔོན་ནམ་མཁའི་སྐོར་ལབ་གླེང་བྱེད། ལབ་གླེང་ཐེངས་རེར་ཕལ་ཆེར་ཆུ་ཚོད་ཁ་ཤས་འགོར། ཡང་མཚམས་མཚམས་སུ་ནད་པ་དེ་གཉིས་ཀས་རང་ཁྱིམ་གྱི་ཆུང་མ་དང་། རང་ཉིད་ཀྱི་བྱ་བ། རང་ཉིད་ཀྱི་བརྩེ་དུང་དང་ཕུགས་བསམ། འདས་སོང་གི་ལོ་ཟླ་ལ་ཕྱིར་དྲན་བྱས་པ་སོགས་ཕན་ཚུན་གྱི་ལབ་གླེང་ནི་རྒྱུན་མི་ཆད།. |
| 212 |
ཁོ་རང་གཉིས་པོ་ སྨན་ཁང་ཀ་བའི་ཁང་མིག་ཅིག་ཏུ་བསྡད་དེ་མིའི་རིགས་ཀྱི་བདེ་ཐང་དང་མདུན་ལམ། བདེ་སྐྱིད་དང་སྡུག་བསྔལ་སོགས་སེམས་ལ་གང་དྲན་དང་ཡིད་ལ་གང་ཤར་བརྗོད་ཀྱིན་ཡོད། ཉི་མ་གཅིག ཉི་མ་གཉིས། ཉི་མ་གསུམ། ཉི་མ་མང་པོ་མང་པོ་ཞིག་འདས་རྗེས་ཀྱི་ཉིན་ཞིག་ལ། དུས་ཚོད་ཀྱི་སྐར་མདའ་དེ་སྐར་ཆའི་སྟེང་ནས་རིམ་གྱིས་སྐར་མའི་མདའ་དང་།. |
| 213 |
དགུང་ཕྱི་དྲོའི་ཉི་ཐིག་སྨན་ཁང་ཀ་བའི་ནད་ཁང་ཨང་བཅུ་བདུན་པར་འཕྲོས་བྱུང་། ཏག་ཏག་ཕྱི་དྲོའི་དུས་ཚོད་དེར་སླེབས། སྒེའུ་ཁུང་གི་གམ་དུ་ཡོད་པའི་ནད་པ་དེ་ཡར་དགྱེ་སྟེ་ཕྱི་རོལ་གྱི་ཡུལ་ལྗོངས་ལ་ཁམས་གཡེང་བྱེད་པའི་དུས་སུ་རན། ཁོས་རང་གི་མཐོང་ལམ་དུ་མངོན་པའི་སྒེའུ་ཁུང་ཕྱི་རོལ་གྱི་བྱེད་སྒོ་སྣ་ཚོགས་གམ་གྱི་ནད་པ་དེར་ལབ།. |
| 214 |
འདི་ལྟར་ཉི་མ་རེ་རེ་དང་། ཟླ་བ་རེ་རེ། ཐ་ན་ལོ་རེ་རེ་བཞིན་བགྲང་བྱ་ཁ་ཤས་འགོར་དུས། ག་ལེར་ལེར། དུས་ཡུན་ཆུ་ཚོད་གཅིག་གི་རིང་ལ་ལོངས་སུ་སྤྱད་པའི་ཕྱི་རོལ་གྱི་འཇིག་རྟེན་ནི་ནད་ཁང་ཨང་བཅུ་བདུན་པའི་འཚོ་བའི་ནང་དོན་ཆ་ཚང་དུ་གྱུར། ནད་ཁང་གི་སྒེའུ་ཁུང་ཉེ་སར་སྤྱི་གླིང་ཞིག་ཡོད། སྤྱི་གླིང་དུ་མཚོ་ཆུང་ཞིག་ཀྱང་སྐྱིལ་ཡོད།. |
| 215 |
ད་དུང་མིང་མི་ཤེས་པའི་བྱ་རིགས་སྣ་ཚོགས་ཁྱུ་དང་ཁྱུ་བྱས་ནས་བག་ཡངས་སུ་རྒྱུ། བྱིས་པ་བསམ་མེད་སྐོར་ཞིག་གིས་བག་ལེབ་མཚོ་ནང་དུ་གཡུགས་ནས་ཆུ་བྱར་གཟན་ཆས་སྟེར་གྱིན་གདའ། བྱིས་པ་ལ་ལ་མཚོ་ངོགས་སུ་གཡེང་ནས་ཆུ་རྐྱལ་གཏགས་པ་དང་། བྱིས་པ་ལ་ལས་ཉ་འཛིན་པ་དང་། བྱིས་པ་ལ་ལས་མཚོ་འགྲམ་གྱི་རྡེའུ་ཟེགས་བཏུས་ནས་རྩེད་མོར་གཡེང་པ།. |
| 216 |
དེ་དང་ཐག་མི་རིང་བའི་སར་གསོམ་ཤིང་དང་། རྒྱ་ལྕང་། དབྱར་སྡོང་སོགས་ལྗོན་ཤིང་སྣ་ཚོགས་བཙུགས་ཡོད། ལྗོན་ཤིང་གི་གྲིབ་བསིལ་འོག་ཏུ་གཞོན་ནུ་ཕོ་གཉིས་ཀྱིས་དུང་སེམས་ཀྱི་མཆུ་འདབ་སྦྱོར་བ་དང་། དགའ་བདེའི་དཔལ་ལ་རོལ་བཞིན་གནས་དེ་རུ་འཆམ་འཆམ་དུ་འགྲོ་བཞིན་མཆིས། སྤྱི་གླིང་དུ་མེ་ཏོག་རྣམ་པར་བཞད་ཅིང་།. |
| 217 |
ཁ་དོག་སྣ་ཚོགས་འཛིན་པའི་འགྱིག་བཟོས་མེ་ཏོག་དང་། འགྱིག་བཟོས་རྩེད་ཆས་སོགས་ལྟ་བས་ཆོག་མི་ཤེས་པ་ཞིག་ཏུ་སྣང་། དེ་དག་ལས་ཆེས་ཡིད་གར་འོང་བའི་མེ་ཏོག་པདྨ་ནི་བྱིས་པ་ཚོའི་ལག་ཆུང་གིས་སྒུལ་ཙམ་སྒུལ་བྱེད། སྤྱི་གླིང་གི་ཕྱོགས་གཅིག་ཏུ་བྱ་སྒྲོའི་སྤོ་ལོ་དང་ཕང་ཕིང་སྤོ་ལོ་རྩེད་སའི་ར་བ་ཆུང་ཆུང་ཞིག་མཆིས།. |
| 218 |
སྐབས་ལན་རེར་གནས་དེར་མི་མང་པོར་འདུས་ནས་འགྲན་སྡུར་ལ་ལྟ་བཞིན་འདུག ཛ་དྲག་ཆེ་བའི་འགྲན་སྡུར་རེ་རེ་ལས་ཆེས་ངོ་མཚར་བའི་ལྟད་མོ་རེ་རེ་མཐོང་གིན་པ་འདྲ། ནད་གཞི་ཡང་མོ་ཅན་གྱི་ནད་པ་ཁ་ཤས་གནས་དེར་བསྡད་དེ་ཉིན་གཅིག་གི་ཉི་མ་འཁྱོལ་ཐབས་བྱེད་ཀྱིན་གདའ། སྤྱི་གླིང་གི་ནང་ལོགས་སུ་རྩྭ་ཐང་ཆུང་ཆུང་ཞིག་ཀྱང་ཡོད།. |
| 219 |
དེ་མིན་ལ་ལས་ཉི་འབྲུ་དང་ལ་ལས་ཆང་བ་ལི་དང་ཚ་ལུ་མ་སོགས་བཟའ་བཏུང་ཅི་རིགས་ཉོ་བཞིན་པའི་ཚུལ། བྱིས་པ་ཞིག་རྒྱུགས་ནས་འཁྱགས་ཞོ་སར་ལྷུང་བ་དང་། སར་ལྷུང་བའི་འཁྱགས་ཞོ་དེ་ཧྭ་པས་ལྡག་ནས་བུད་སོང་ཚུལ། གཞོན་ནུ་མའི་སྒེག་ཉམས་དང་ཛ་དྲག་ཆེ་བའི་སྤོ་ལོ་འགྲན་བསྡུར་སོགས་ཆེས་གསོན་ཉམས་ལྡན་པའི་སྒོ་ནས་གམ་དུ་སྡོད་མཁན་གྱི་ནད་པ་དེར་ལབ།. |
| 220 |
མཐོང་ལམ་གྱི་འཇིག་རྟེན། བདེ་ཐང་ངང་ནར་སོན་གྱིན་པའི་བྱིས་པ་བསམ་མེད་ཚོ། རང་དབང་གིས་འཚོ་བའི་ཕར་འགྲོ་ཚུར་ལོང་གི་ལམ་འགྲོ་བ། ལུས་རྩལ་སྦྱོང་མཁན་དང་འཁྱགས་ཞོ་ཉོ་མཁན། ད་དུང་ལྟད་མོ་བ་དང་འགྲན་རྩོད་པ། ཆེས་ཡིད་དུ་འོང་པའི་འཇིག་རྟེན་ཞིག་ཨང་། ཡར་དགྱེ་མི་ཐུབ་པའི་ནད་པས་ཉན་ཐེངས་རེར་ཆེས་བདེ་སྐྱིད་ལྡན་པ་ཞིག་ཨང་།. |
| 221 |
ཨ་ཨ་་་ཡག་པོ་རེད་ཅེས་སྒེའུ་ཁུང་གམ་དུ་སྡོད་མཁན་གྱི་ནད་པས་ཕྱི་རོལ་གྱི་སྤོ་ལོ་རྩེད་མཁན་ཞིག་བརྗོད་བྱུང་། སྒེའུ་ཁུང་གི་གམ་དུ་སྡོད་མཁན་གྱི་ནད་པ་དེས་རང་གི་མཐོང་ལམ་གྱི་བྱ་དངོས་དག་ནད་པ་གཞན་དེར་ལབ་རྗེས། ནད་པ་གཞན་དེའི་ནི་མིག་མདངས་མི་ལེགས་ཤིང་། སྙིང་གི་འཕར་ལྡིང་དང་ཁྲག་གི་འཁོར་རྒྱུག་སོགས་ཚད་མཐོ་རུ་ཕྱིན་ཏེ།. |
| 222 |
རླུང་ཁམས་ཀྱི་ཚོར་བ་དང་ལུས་ཀྱི་བ་སྤུ་རེ་རེར་འཇིགས་སྣང་སྟེར། དེ་ནས་བཟུང་། ནད་ཁང་ཨང་བཅུ་བདུན་པར་སྡོད་མཁན་གྱི་ནད་པ་ཅིག་ཤོས་དེར་སྡུག་བསྔལ་དང་ཞེ་སྡང་དྲག་ཏུ་སྐྱེས། ཁོས་ཉིན་མཚན་དབྱེར་མེད་དུ་སྒེའུ་ཁུང་གི་གམ་དུ་སྡོད་མཁན་དེར་ཕྲག་དོག་བྱེད། རིམ་བཞིན་མཚན་མོར་གཉིད་མི་ཁུགས་ཤིང་ཉིན་དཀར་ཟས་ཟ་མི་ཐུབ་པར་གྱུར།. |
| 223 |
གམ་གྱི་ནད་པ་དེའང་ལུས་སེམས་བདེ་རུ་འབབ་ཏུ་མ་བཅུག ཉིན་ཞིག་གི་དགོང་མོར། ནད་ཁང་གི་བར་ཁྱིམ་དང་ཁ་གཏད་དུ་ཡོད་པའི་ནད་པ་དེས་སེམས་ཚེགས་ཆེན་པོས་སྨན་ཁང་གི་གནམ་གཅལ་ལ་བཅེར་ནས་བསྡད། ཡིད་ཕངས་པ་ཞིག་ལ། ནད་ཁང་ཨང་བཅུ་བདུན་པ་ནི་སྔར་ལས་ལྷིང་འཇགས་སེ། གཅིག་སེམས་གཅིག་ལ་ཁེན་ནས་ཡིད་ཀྱི་དྲན་ཚོར་མི་བརྗོད་པའི་ཁར།. |
| 224 |
ག་དུས་ཤིག་ལ་རང་ཉིད་སྨན་ཁང་ནས་སྒོར་འབུད་རྒྱུ་ཁོ་ནར་རེ་སྒུག་བྱེད། སྐབས་དེར། ཁོའི་འདུག་གྲོགས་ནད་པ་དེས་ལུ་མགོ་བརྩམས་བྱུང་། དབུགས་ཀྱི་རྒྱུ་བས་གློ་བའི་འཕར་ལྡིང་བསྒག་པ་དང་། ཁོས་ལག་པ་འདར་བཞིན་དུ་ནད་པ་གཞན་དེར་ལག་བརྡ་ཞིག་བསྟན་མོད། ནད་པ་གཞན་དེས་ནི་འགུལ་ཙམ་ཡང་མི་བྱེད་པར་འགྱིང་ནས་བསྡད།. |
| 225 |
སེམས་སུ་ཅིའི་ཕྱིར་རང་ཉིད་སྒེའུ་ཁུང་གི་གམ་དུ་སྡོད་མཁན་དེ་མ་ཡིན་ནམ་ཞེས་གནམ་རྒན་མར་ལེ་བདའ་བྱེད་བཞིན་པ་འདྲ་བར་གནམ་ལ་མཛུབ་མོ་ཀེར་ཀེར་བྱེད། ཁོས་མ་རུང་བའི་ཉམས་ཤིག་བསྟན་པས་གམ་གྱི་ནད་པ་དེའང་ལྷོད་ཅག་གེར་གྱུར། རུས་གཟེར་རྒྱག་འདྲའི་གློ་ལུ་དེས་མཚན་ལམ་གྱི་སྨག་རིམ་དང་ལྷིང་འཇགས་གཏོར། ལུ་ཐེངས་གཅིག་ལུ་ཐེངས་གཉིས།. |
| 226 |
ལུ་ཐེངས་གསུམ། རིམ་གྱིས་ལུ་ཐེངས་ཇེ་མང་དང་འགྲོས་ཚད་ཇེ་མགྱོགས་སུ་སོང་། དེ་དང་བསྟུན་ནས་ངོ་མདོག་ཡང་དམར་པོར་གྱུར། ཁོས་མ་ཁར་སོ་བཏབ་ནས་བསྲན་ཅི་ཐུབ་བྱེད་མོད། གློ་ལུ་དེ་ཇེ་བཙན་ནས་ཇེ་བཙན་དུ་སོང་སྟེ་མཐར་དབུགས་འཚང་བྱུང་། དབུགས་ཀྱི་རྒྱུ་བ་འགག ལག་པ་དང་རྐང་པ། རེ་རེ་བཞིན་འཁྱགས་པར་གྱུར།. |
| 227 |
མོས་སྒེའུ་ཁུང་གི་གམ་དུ་སྡོད་མཁན་གྱི་ནད་པ་དེས་ཨ་ལན་མི་སྟེར་དོན་ཅི་ཡིན་ནམ་སྙམ་སྟེ་ནང་དུ་ཕྱིན་ཙ་ན། ཁོའི་ལུས་ཧྲིལ་བོ་འཁྱགས་པར་གྱུར་ཏེ་སྙིང་གི་འཕར་ལྡིང་ཡང་མཚམས་བཞག་འདུག ནད་གཡོག་མས་ནད་པའི་དབུགས་ཀྱི་རྒྱུ་བ་སྔ་མོ་ནས་འགག་ཟིན་པ་ཤེས་མ་ཉིད། ཁ་རོག་ཁ་རོག་གེར་བེམ་པོ་བཀྱགས་ནས་ནད་ཁང་ལས་བུད་སོང་།. |
| 228 |
ནད་གཡོག་མར་རང་ཉིད་སྒེའུ་ཁུང་གམ་གྱི་ཉལ་ཁྲི་དེའི་སྒང་ལ་སྤོར་རྒྱུའི་རེ་བ་བྱེད། ནད་གཡོག་མས་ཀྱང་སྒོ་འགྲམ་དུ་སྡོད་མཁན་གྱི་ནད་པ་དེ་་སྒེའུ་ཁུང་དང་ཉེ་བའི་ནད་ཁྲིའི་སྟེང་དུ་གནས་སྤོར་དུ་བཅུག ས་སྲོད་ཀྱི་མཚམས་སུ། སྨན་ཁང་ཀ་བའི་ནད་པ་ཚོར་སྨན་བཅོས་མཚམས་འཇོག་ལ་ཉེ། ནད་ཁང་གི་དྲ་ཡོལ་ཀྱང་ཕྱེས་མེད།. |
| 229 |
ནད་ཁང་ཨང་བཅུ་བདུན་པའི་གློག་སྒྲོན་བཀར་མེད་ལ། ནད་ཁང་གི་སྒོ་གསེང་ནས་ལྡང་ཡོང་བའི་རླུང་བུ་འཇམ་པོ་ཞིག་གི་འགྲོས་དངབསྡོངས་ནས་སྨིན་དྲི་ཐུ་ལུ་ལུ། སྒེའུ་ཁུང་བར་གསེང་ཞིག་ལས་ནུབ་ཁའི་ཉི་ཐིག་ཅིག་འཕྲོས་ཏེ་ནད་པའི་སྐྲ་གསེང་ནས་འོད་ལམ་ལམ་བྱེད། སྨན་པ་ནད་ཁང་ལས་སྒོར་བུད་མ་ཐག་ནད་པས་སྡུག་བསྔལ་ཆེན་པོས་འཕག་འཚག་བྱེད་ཅིང་།. |
| 230 |
རྨོ་རྨོ་དགོད་ཀྱིན་དགོད་ཀྱིན་དགོན་པའི་ཕྱོགས་སུ་ཕྱིན་སོང་། ང་དང་ཞང་པོ་སློབ་གྲྭའི་ཕྱོགས་སུ་སོང་། སྐབས་དེར་ང་རང་ཕོ་ལོ་བཅུ་ལྔ་ལ་སོན་ཡོད་ཀྱང་། ཡུལ་མི་རྣམས་ཀྱིས་ང་རང་ཕྲུ་གུ་ཆུང་ཆུང་ཞིག་ལ་རྩི་བཞིན་འདུག སྐབས་དེར་ཡུལ་མི་ཚོས་ང་རང་ཕྲུ་གུ་ཞིག་ཏུ་རྩིས་དོན་མི་ཤེས་ནའང་ད་ལྟ་ངས་ཤེས་སོང་།. |
| 231 |
དོན་དག་ཆེན་པོ་ཅི་ཞིག་བྱུང་ཡང་ང་དང་འབྲེལ་བ་ཅི་ཞིག་ཡོད་དམ་སྙམ་གྱིན་གྱང་ཟུར་དུ་བྱེ་མས་རྩེད་མོ་རྩེས་ནས་བསྡད། ཡིན་ཡང་གློ་བུར་བའི་འཚུབ་མ་ཞིག་གིས་རྡུལ་རྣམས་ངའི་ཁ་ནང་བརྫངས་ཡོང་བས་སོ་བར་ནས་སི་སི་ཞེས་སྒྲ་གྲགས་ནས་ལུས་ཡོངས་མི་བདེ་བར་འདྲ་ཞིག་བྱུང་བས་ང་རང་བྱེ་མ་དང་ཁ་བྲལ་ཏེ་སློབ་ཁང་གི་ཕྱོགས་སུ་ཕྱིན།. |
| 232 |
སློབ་མ་ཀུན་འུར་ཟེང་ངེར་བྱས་ནས་བྱེ་བའི་ཁེངས་པའི་གླིང་རའི་ནང་དུ་བརྒྱུགས། ང་ཡང་ཁོ་ཚོ་དང་མཉམ་དུ་བརྒྱུགས་སོང་བ་ཡིན། ང་ཚོ་བྱེ་མའི་ཁྲོད་དུ་བང་རིམ་བསྒྲིགས་རྗེས་མར་ཙོག་ཏེ་སློབ་གཙོ་དང་ལས་བྱེད་པའི་ཁ་ནས་གཅིག་གཅིག་བྱེད་མི་ཆོག གཉིས་གཉིས་བྱེད་མི་ཆོག་ཅེས་བཤད་པར་ཡུན་རིང་བསྒུགས་ཀྱང་སྐད་ཆ་ཚིག་གཅིག་ཀྱང་བཤད་རོགས་མ་བྱས།. |
| 233 |
ངས་རེ་རེ་བཞིན་བརྩིས་པ་ཡིན། མོ་ཊ་ཁྲ་ཁྲ་ཞིག་སྒོ་འགྲམ་དུ་བཞག་རྗེས། དེའི་ནང་ནས་ཉེན་རྟོག་པ་མང་པོ་ཐོན་བྱུང་ལ་ཁོ་ཚོས་སྒོ་བྱང་ངོས་ཀྱི་ཡི་གེ་ལ་པར་ཡང་ཡང་བརྒྱབ་རྗེས་ང་ཚོའི་ཕྱོགས་སུ་བསླེབས། ཉེན་རྟོག་པ་མ་ཐོན་པའི་སྔོན་གྱི་བར་གསེང་དུ་ངས་ང་རང་སློབ་གྲྭར་དང་པོ་ཡོང་དུས་ཀྱི་རྣམ་པ་ལ་རྗེས་དྲན་ཞིག་བྱས།. |
| 234 |
ཡིན་ཡང་ང་རང་སློབ་གྲྭ་འདིའི་ནང་དུ་ལོ་གཉིས་ཙམ་བསྡད། དེའི་རིམ་ཡིག་རྡོག་གཅིག་ལའང་ངོ་མི་ཤེས་ཀྱང་དགེ་རྒན་གྱི་དབྱུག་པ་དང་ངོ་ཤེས་སུ་གྱུར། ཉིན་རེར་ལ་དབྱུག་པ་དེ་ངའི་ལུས་ལ་ཐེངས་མང་ལྷན་ཡོང་། ད་ནི་དབྱུག་པ་དེ་ངའི་ལུས་ཀྱི་ཆ་ཤས་ཤིག་ཡིན་པ་བཞིན་ན་ཟུག་དེ་ཙམ་སྐྱེས་ཀྱི་མེད། ད་ལྟ་ངས་ཡི་གེ་ཚིག་གཅིག་ཀྱང་འདོན་མི་ཤེས་ནའང་།. |
| 235 |
རློན་པ་འགྱུར་མེད་པ་ཚོར་བས་སེམས་བདེ་མོའི་ངང་ནས་བྱེ་མའི་ནང་དུ་ཉལ་བསྡད། ལུང་པ་ཆུང་ཆུང་འདི་ནང་དུ་འཚོ་བའི་མི་རྣམས་ཀྱི་དྲན་པ་ནི་ནམ་མཁའ་བཞིན། ཁོ་ཚོའི་ལག་ཏུ་ས་སྨྱུག་དཀར་པོའམ་སོལ་བ་ནག་པོ་ཞིག་ཐོབ་མ་ཐག ས་དང་རྡོ་སོགས་ཡི་གེ་འབྲི་ཆོག་པའི་དངོས་པོ་རྣམས་ཀྱི་ངོས་སུ་རང་ཉིད་ཀྱི་ལྟ་བ་འབྲི་སྲིད།. |
| 236 |
བཀླགས་ཀྱང་ཤེས། དེ་རིང་ཞོགས་པ་ཡང་ང་རང་སློབ་གྲྭའི་སྒོ་འགྲམ་དུ་འགྲེང་ནས་སྒོ་བྱང་ངོས་ཀྱི་ཡི་གེ་དག་ཐེངས་གཅིག་འདོན་པ་ཡིན། ཡི་གེ་དེ་དག་ངས་བྲིས་པའི་ཡི་གེ་དང་རྩ་བ་ནས་འདྲ་པོ་མི་འདུག ཡིག་གཟུགས་ཡག་པོ་ཞིག་གིས་བྲིས་པ་རེད་འདུག ཤིན་ཏུ་མཛེས། ཤིན་ཏུ་མཛེས་པའི་ཡི་གེ་དེ་དག་གིས་མི་མང་པོ་ལ་ན་ཟུག་སྦྱིན་སོང་།. |
| 237 |
ང་རང་བྱ་འཕུར་བ་ལྟར་ར་བའི་ཕྱི་རོལ་དུ་ཡོད་པའི་གསང་སྤྱོད་ཀྱི་ཕྱོགས་སུ་རྒྱུགས་སོང་། གསང་སྤྱོད་ཀྱི་ཁུང་ནས་འབུ་དཀར་པོ་མང་པོ་ཡར་རྡོལ་ཡོང་བ་མཐོང་བ་དང་དེ་དག་གི་ཐོག་ཏུ་གཅིན་ཤགས་སེར་བཏང་མ་ཐག་ག་སོང་ཆ་མེད་དུ་ཡལ། ངས་གཅིན་ཡུན་རིང་བཏང་བས་རང་ཉིད་ཀྱི་མཁལ་མ་ཡང་གཅིན་པ་དང་མཉམ་དུ་བཏང་ཤོར་བའི་སྣང་བ་བྱུང་།. |
| 238 |
སྒོ་ནས་བུད་མ་ཐག གང་ནས་ཡོང་བ་མི་ཤེས་པའི་འཚུབ་མ་ལོག་འཁོར་ཞིག་གིས་ང་རང་བསྐོར། ཁ་མིག་དམ་དུ་བཙུམས་ནས་བསྡད། ཁ་མིག་ཕྱེ་བ་ན་ནང་དུ་བྱེ་རྡུལ་འཛུལ་མེད་པ་ཚོར་བས་དགའ་བ་ངང་ནས་ར་བའི་ནང་ཕྱོགས་སུ་ཕྱིན། གོམ་པ་སྤོས་ཐེངས་རེར་སྐྲ་ལོའི་བར་ནས་བྱེ་རྡུལ་བར་མེད་དུ་ཟགས། དེ་དག་ངའི་ཁ་དང་མིག་ནང་འཛུལ་འོང་།. |
| 239 |
ཁོའི་འཛུམ་མདངས་མ་ཡལ་གོང་དུ་ངའི་ལྟག་རྒྱབ་ཏུ་ཀག་སྒྲ་ཞིག་གྲགས་པ་དང་ངའི་ཀླད་པའི་ནང་དུ་དངོས་པོ་གང་ཞིག་བཙན་གྱིས་འཛུལ་ཞིང་མེས་འཚིག་པ་ལྟར་ཚ་བྱུང་། མིག་ལམ་དམར་པོ་ནས་ནག་པོར་གྱུར། ང་རང་དོན་དངོས་ཡིན་པ་འདྲ་བའི་འཁྲུལ་སྣང་ལས་སད་དུས། བྱེ་ཐང་གི་ཁྲོད་དུ་འབྲོ་བཞིན་འདུག ང་རང་ཤུག་པའི་ཁེངས་པའི་ནགས་རི་དེ་ལ་འཛིགས་སོང་།. |
| 240 |
རི་རྐེད་ནས་སློབ་གྲྭའི་ཕྱོགས་སུ་ལྟ་དུས། སློབ་གྲྭའི་ར་བའི་ནང་མི་མང་པོ་ཞིག་གིས་ཟང་ཟིང་བྱེད་ཀྱིན་པ་མཐོང་། ཁོ་ཚོ་ནི་ཆར་བ་མ་འབབ་སྔོན་གྱི་གྲོག་མ་དང་འདྲ ང་རང་རྐེད་ཀྱི་རྐང་ལམ་ཕྲ་མོར་བརྒྱུད་དེ་ཕ་རོལ་གྱི་ནགས་ཚལ་སྟུག་པོ་ཡོད་སར་ཕྱིན། ང་རང་ནགས་ཁྲོད་ཀྱི་ཐང་ཤིང་སྡོང་པོ་ཆེན་པོ་ཞིག་གི་འོག་ཏུ་ངལ་གསོ་ནས་ཅུང་ཙམ་བསྡད།. |
| 241 |
དེ་རིང་གི་ཉི་མ་འདི་མ་ཤར་བ་ཡིན་ནམ། མཚམས་སྤྲིན་མ་ཤར་གོང་དུ་གནམ་ངོ་རུབ་འགོ་བརྩམས་བྱུང་། དེ་རིང་དེ་གར་ཞག་སྡོད་མི་བྱེད་རང་བྱེད་གྱུར། མུན་རུབ་སོང་། སྤྱང་ཀི་ལྟོགས་པ་ཞིག་ཐག་རིང་ནས་ང་སར་བསྙེགས་ཏེ་ཡོང་གིན་པ་ཚོར། ཁོའི་ངུ་སྐད་དེ་དམའ་བོ་ནས་ཇེ་མཐོར་འགྲོ་བཞིན་འདུག་ལ་ཁོའི་སེམས་སྡུག་ཀྱང་ཇེ་ཆེར་འགྲོ་བཞིན་པ་འདྲ།. |
| 242 |
སྤྱང་ཀིས་ཐང་ཤིང་སྡོང་པོ་དེ་ཡང་ཡང་བསྐོར་ནས་ངུས། ང་རང་སྤྱང་ཀིའི་ངུ་སྒྲ་ལ་དེ་ཙམ་མི་སྐྲག་ནའང་སྤྱང་ཀི་དེ་ངའི་དོན་དུ་ངུས་པ་འདྲ། ཁོ་རང་ཅི་ཙམ་ངུས་ན་ངའི་སེམས་སྡུག་ཀྱང་དེ་ཙམ་ཆེ་རུ་ཕྱིན། ང་རང་མི་ཡུལ་དུ་ལོ་ངོ་མང་པོ་གསོན་མྱོང་ཡང་མི་ཡུལ་ཞེས་པ་དེ་ཡང་སྙིང་ཅི་འདྲ་བ་ཞིག་ཡིན་པ་ཚོར་མ་མྱོང་།. |
| 243 |
ཡིན་ཡང་དེ་རིང་གློ་བུར་རྟོགས་སོང་། མི་ཡུལ་ཞེས་པ་ནི་སྤྱང་ཀིའི་ངུ་འབོད་ཀྱིས་ཁེངས་པའི་མཚན་མོ་ཞིག་རེད། སླར་ཡང་མི་ཡུལ་གྱི་མཚན་མོ་རུ་ལོ་ངོ་མང་པོ་ཞིག་འཚོ་བར་སྙིང་བོ་ཅི་ཞིག་མཆིས། ངས་རང་ཉིད་ཀྱི་སྐེ་རགས་ཞིབ་རྗེས། ཤིང་སྡོང་སྲ་མོ་ཞིག་ལ་གནམ་ཐག་འཐེན་པ་དང་རང་ཉིད་ཀྱི་སྐེ་སྡོང་གནམ་ཐག་ནང་དུ་བརྐྱངས།. |
| 244 |
ང་རང་ཤི་བར་དོ་རུ་སླེབས་པ་ཡིན་ནམ། སྤྱང་ཀིའི་ངུ་འབོད་དེ་ཐོས་རྒྱུ་མི་འདུག ཉེན་རྟོག་པ་མང་པོས་ང་རང་ཁང་པ་ལྕགས་ཀྱི་དྲ་བའི་ཁེངས་པ་ཞིག་གི་ནང་དུ་དེད། མཐར་ཁང་པ་ག་གེ་མོ་ཞིག་གི་ལྕགས་སྒོ་ཧྲག་གེར་ཕྱེས་བྱུང་ལ་ཉེན་རྟོག་པ་ཞིག་གིས་ང་ལ་རྡོག་ཐོ་ཕག་འཚག་རྒྱག་དགོས་པ་ཞིག་གཞུས་ཏེ་ཁང་པའི་ནང་དུ་བཙན་གྱིས་བརྫངས།. |
| 245 |
ང་རང་ཕར་ཙམ་སོང་སྟེ་རྐུབ་ས་ལ་བརྡབས་ནས་ཙོག་པ་ན་འོག་ཏུ་མི་མེད་པ་ཚོར། ཡིན་ཡང་ཉེ་འགྲམ་དུ་ཙོག་ཡོད་པའི་མི་ཞིག་གིས་པུས་མོ་ལ་ངའི་པུས་མོ་བརྒྱབ་པ་འདྲ། མུན་ཁྲོད་དུ་སྐད་ཅོ་ཡང་ཡང་བརྒྱབ་བྱུང་། ངས་ཁོའི་སྐད་ཆ་རྣམས་ཀྱི་གོ་དོན་མི་ཤེས་མོད། སྒྲ་གདངས་ལ་དཔྱད་ན་ཁོས་ང་ལ་དམའ་འབེབ་བྱེད་ཀྱིན་པ་གསལ་པོར་ཚོར།. |
| 246 |
ངས་ཁོ་རང་ལ་ཁ་ཡ་མ་བྱས་པར་ཁང་པའི་ནང་གི་མུན་པར་ཡུན་རིང་ཧད་བསྡད། མུན་པ་ངའི་མིག་ལ་ཅུང་བྱམས་དུས་ཁང་པའི་ནང་དུ་གཡས་ཉལ་གཡོན་ཉལ་བྱས་བསྡད་ཡོད་པའི་མི་རྣམས་ནག་རོག་གེ་མངོན། མིའི་གཟུགས་རབ་རིབ་དག་མཐོང་མ་ཐག་ངའི་སྐྲག་པ་ཡང་རིམ་གྱི་འཇགས། ང་རང་དང་པོ་སྒོ་ནས་ཡར་བརྫངས་ཡོང་དུས་འདི་ནི་གཅན་གཟན་བཀག་སའི་ར་བ་ཞིག་མིན་ནམ་སྙམ།. |
| 247 |
ད་ལྟ་ཁང་པ་འདིའི་ནང་དུ་ཉལ་མཁན་ནི་གཅན་གཟན་མ་རེད། མི་རེད། ང་རང་ཐག་རིང་གི་ཞིང་གྲོང་དུ་ལོ་མང་པོ་འཚོ་མྱོང་ཡང་ར་བའམ་ཁང་པའི་ནང་དུ་དུད་འགྲོ་བཀག་པ་ལས་མི་ཞིག་བཀག་པ་མཐོང་མ་མྱོང་། དེ་རིང་མི་མང་པོ་ཞིག་ཁང་པའི་ནང་དུ་བཀག་འདུག མི་རྣམས་འདི་ལྟར་བཀག་བཞག་དུས་དུད་འགྲོ་ཁྱུ་གཅིག་དང་ཨ་ན་མ་ན་རེད།. |
| 248 |
ཁོ་ཚོས་འདི་ལྟར་ཟེར་དུས་ངས་ཁོ་ཚོ་ཅུང་གསལ་པོར་མཐོང་འོང་། སྐྲ་ལོ་རིང་ལ་ཁ་སྤུ་རྩྭ་ལྟར་སྐྱེས་པ་ཚུལ་ནི་ནགས་ཁྲོད་དུ་འཚོ་བའི་སྤྲེའུ་དང་འདྲ། མི་གཅིག་མེ་ལོང་མང་པོའི་ངོས་སུ་ཤར་བ་བཞིན་ཁོ་ཚོ་ཕན་ཚུན་དབྱེ་དཀའ། ངས་ཁོ་ཚོ་ལ་བག་ལེབ་ཁམ་གང་རེར་སྟེར་བར་ཁོ་ཚོའི་ཁ་ཡང་མ་འགུལ་པར་ཐད་ཀར་མགྲིན་པ་ནས་གྲོད་པ་ནང་ལྷུང་སོང་བ་འདྲ།. |
| 249 |
ང་རང་སད་དུས་མགོ་ཐོག་གི་གནམ་ཁབ་ཏུ་ཆུ་ཐིགས་འཛག་གིན་པ་མ་མཐོང་འོང་། མལ་ཁྲིའི་འགྲམ་དུ་ངས་ངོ་ཤེས་ཀྱང་མིང་ལ་ཅི་ཟེར་བ་མི་ཤེས་པའི་ཉེན་རྟོག་པ་ཞིག་གིས་ཁ་པར་རྩེད་ཀྱིན་འདུག སྐབས་དེར་སྨན་ཁང་གི་སྒོ་ཕྱེ་བྱུང་། ངས་སྨན་པ་ཞིག་ཐོན་ཡོང་བར་བསྒུགས་ཀྱང་ཡར་འཛུལ་ཡོང་མཁན་ནི་ཉེན་རྟོག་པ་གཞན་ཞིག་རེད།. |
| 250 |
ཉེན་རྟོག་པ་དཔོན་པོ་དེས་བཙོན་ཁང་གི་ལུག་རེད་ཟེར་བའི་ལུ་གུ་ཡང་བརྩིས་ན་བརྒྱ་དང་བཅུ་གཅིག་ཡོད་པ་དེ་ང་ལ་འཚོ་རུ་བཅུག ང་རང་རྩྭ་ཐང་ཐོག་ཏུ་ལུག་འཚོ་ནས་ལོ་ངོ་མང་པོ་ཞིག་སྐར་ཆ་ཁ་ཤས་ཀྱི་ནང་དུ་ཟད་སོང་། ང་རང་བཙོན་ཁང་ཟེར་བའི་རྩྭ་ཐང་ཐོག་གི་ཁང་པ་ཆེན་པོ་དེ་དང་བྲལ་དུས་ལུག་དྲུག་བརྒྱ་སུམ་བཅུ་སོ་གསུམ་ལ་འཕེལ་ཡོད།. |
| 251 |
ཉིན་འོད་ནང་དུ་ངས་མདང་དགོང་སྐེ་རགས་ཀྱིས་འཐེན་པའི་གནམ་ཐག་དེ་མཐོང་བྱུང་། མདང་དགོང་མ་གཞི་ང་རང་འདི་ལྟར་སྐེ་གནམ་ཐང་དུ་བཅུག་ཏེ་གཉིད་ཤོར་བ་ཡིན་གཤིས། ཤི་བར་དོར་སླེབས་པ་ནི་མ་ཡིན་གཤིས་སྙམ། ཡིན་ཡང་ང་རང་མི་ཡུལ་དུ་ལོ་མང་པོ་འཚོ་ཡང་མདང་དགོང་གི་རྨི་ལམ་བཞིན་གསལ་པོ་ཞིག་རྨིས་མ་མྱོང་། དེ་ནི་རྨི་ལམ་ཞིག་རྩ་བ་ནས་མ་རེད།. |
| 252 |
ཉི་མ་སྲི་ཐར་གྱིས་ཞུ་སྒྲིག་བྱས། རྒྱ་ཟླ་བཞི་བའི་ཚེས་བདུན། ༄༅། །ཁང་མིག་འདི་ལ་གྲང་ལྷགས་ཀྱིས་ཁེངས་འདུག ཁང་མིག་འདི་ལ་འཇིག་རྟེན་ཉི་འོད་སེན་མགོ་ཙམ་ཡང་འཕོག་མ་མྱོང་བ་འདྲ། ཁང་ཀླད་ནས་ཐུར་དུ་དཔྱངས་བའི་གློག་སྒྲོན་དེ་གཉིས་ཤིན་ཏུ་ཆེ་ནའང་། ཁང་མིག་གི་ཕྱོགས་གཅིག་ནི་ཤེལ་གྱི་རབ་གསལ་ཆེན་པོ་ཞིག་ཡིན་ནའང་།. |
| 253 |
རབ་གསལ་དེ་ལ་ཕར་ལྟ་སྐབས། ཤེལ་ངོས་སུ་གློག་སྒྲོན་གཉིས་ཀྱི་འོད་གྲིབ་འདྲེ་མིག་ལྟར་འཕོས་ཏེ་ཚུར་ལ་བལྟ་བཞིན་ཡོད་པ་ལས་གང་ཡང་མཐོང་ཐུབ་ཀི་མི་འདུག རབ་གསལ་འདི་འདྲ་ནི་བྱེའུ་འགྲམ་ལྕགས་ཀྱི་འདྲི་གཅོད་ལྐོག་ལྟ་བྱེད་སྤྱད་ཡིན་པ་སྔར་ནས་གོ་མྱོང་། རབ་གསལ་འདིའི་ཕྱི་ནས་ནང་ལ་མཐོང་མོད་ནང་ནས་ཕྱི་ལ་མཐོང་ཐུབ་པ་མ་རེད་ཟེར་སྐད།. |
| 254 |
འོན་ཀྱང་ཁ་སང་མཚན་མོར། ཁོ་ཚོས་བྱེའུ་འགྲམ་ལྕགས་ཀྱི་མགོ་བོ་བཏུམ་ནས་འདིར་དེད་པ་ཡིན་པས། བྱེའུ་འགྲམ་ལྕགས་ཀྱིས་རབ་གསལ་ངོ་མཚར་ཅན་འདིའི་ཕྱི་ནས་ནང་ལ་ལྟད་མོ་ལྟ་རྒྱུ་མ་བྱུང་། ་་ཁོ་ཚོ་ངར་བ་རེད། ཅི་ཡང་དྲན་ཐུབ་ལ་བཟོ་ཡང་ཐུབ།་་ ཁོས་ཤེལ་སྒོ་ལ་ལྟ་བཞིན་དེ་ལྟར་དྲན་པ་དང་། རང་གི་འཕོང་མགོ་སྒུལ་ཙམ་བྱས།. |
| 255 |
འཕོང་མགོར་བདེ་བོ་རྦད་ནས་མ་བྱུང་། ཁོའི་ལག་པ་གཉིས་པོའང་ལྕགས་ཐག་ཅིག་གིས་ཅོག་ཙེའི་སྟེང་ལ་བཏགས་ཡོད་མོད། འཕོང་མགོ་དང་བསྡུར་ན་ལག་པའི་ན་ཟུག་ལ་སེམས་ཚོད་མི་འདུག འཕོང་མགོ་སྒུལ་ཙམ་མ་བྱས་ན་ཉེན་རྟོག་པའི་དྲི་བ་ལ་ལན་འདེབས་ཐུབ་ཀི་མི་འདུག ་་ཁས་ཉིན་ནུབ་མོ་ཁྱོད་རང་མཁན་པོ་སྟག་གྲུབ་ལ་བཅར་དོན་ཅི་ཡིན།. |
| 256 |
ཕྱག་མོ་ཞིག་གཟིགས་གནང་ཞུ་བར་སོང་བ་ཡིན།་་ ་་དེ་ན་ཁྱོད་མཁན་པོའི་ས་ནས་ཞག་སྡོད་བྱེད་དགོས་དོན་ཅི་ཡོད་ཀི་་ ་་ང་ཕྱིར་ཡུལ་ལ་ལོག་གྲབས་བྱེད་སྐབས། འཕྲུལ་རྟ་འབར་མ་བྱུང་། མུན་ཤིན་ཏུ་རུབ་འདུག་པས་ཞག་འདུག་བྱེད་དགོས་བྱུང་སོང་། མཁན་པོས་ང་ལ་དགོངས་པ་གནང་བྱུང་།་་ ་་དེ་འདྲ་མཚར་པོ།་་ ཉེན་རྟོག་པ་དེས་ཁྲེལ་བགོད་ཅིག་བྱས།. |
| 257 |
ད་ཐེངས་རྐུན་མ་འདི་གལ་ཆེན་ཡིན་པས་རུ་དཔོན་གྱི་དམག་རྟགས་ཕྲག་ལ་སྦྱར་བ་ཁོས་འདྲི་གཅོད་འདི་བྱས་པ་རེད། ཁོ་རང་གིས་ཉེན་རྟོག་པའི་དམག་ཆས་དེ་གྱོན་མེད་ནའང་། ངོ་གདོང་ངམ་ནག་དེ་དང་སྨ་ར་གནག་ཅིང་མཁྲེགས་པོ་དེ་ཡིས་ཉེན་རྟོག་པའི་གཟི་ཤུགས་ཤིག་མངོན་གྱིན་འདུག ་་བདེན་མིན་ཁྱོད་ཚོས་མཁན་པོ་སྟག་གྲུབ་ལ་འདྲི་ཆོག་རེད།. |
| 258 |
གོ་བྱུང་ང་།་་ དོན་དངོས་སུ། ཉེན་རྟོག་པས་མཁན་པོ་སྟག་གྲུབ་ལ་སྐད་ཆ་སྔར་ནས་དྲིས་ཚར་ཡོད། ད་ལྟ་བར་ཏུ། མཁན་པོའི་བརྗོད་ཚུལ་དང་བྱེའུ་འགྲམ་ལྕགས་ཀྱི་སྐད་ཆའི་བར་ལ་ཐེ་ཚོམ་བྱེད་ས་ཅི་ཡང་མི་འདུག དེ་ནུབ་བྱེའུ་འགྲམ་ལྕགས་མོ་འདེབས་སར་སླེབས་པ་ཡིན་འདུག་ལ། མོ་ཐོ་ཡང་མ་འབར་ནས་མཁན་པོ་ལ་ཞག་སྡོད་ཀྱི་དགོངས་པ་ཞུས་ཡོད་པ་བདེན།. |
| 259 |
མཚན་མོ་དེར་སྒོར་མོ་ས་ཡ་བདུན་བརྒྱད་ཀྱི་རིན་གོང་གནས་པའི་ལྷ་སྐུ་རྙིང་བ་ལྔ་བརྐུས་ཤོར་བ་རེད། གཟིག་སྡེས་ཀྱི་ཉམས་མྱོང་ལ་མཚོན་ན་དུས་ཐུག་དེ་འདྲ་ནི་དོགས་པ་ཆེན་པོ་ཞིག་ཡིན། ་་ཁྱེད་ཀྱི་གཞིས་པ་དང་དགོན་པའི་བར་ལ་མོ་ཐོ་བཏང་ན་དུས་ཚོད་གཅིག་དང་ཕྱེད་དྲག་དགོས་རེད། ཡུལ་ཚོའི་མངགས་གཏོང་ཁང་གི་ཐོ་འགོད་བྱས་པ་ལྟར་ན།. |
| 260 |
དུས་ཚོད་བདུན་དང་སྐར་མ་བཅུ་གྲངས་ཀྱི་སྐབས་སུ་ཁྱོད་རང་ཡུལ་ཚོའི་དགག་སྒོ་ལས་འཛུལ་ཡོད་པ་རེད། ཁྱོད་རང་དགོན་པ་ནས་བུད་སྐབས་དུས་ཚོད་ནམ་རེད།་་ བྱེའུ་འགྲམ་ལྕགས་ཀྱི་གཞིས་བྱེད་སའི་ཁང་བ་ནི་ཡུལ་ཚོའི་མངགས་གཏོང་ཁང་གི་འགྲམ་གྱི་བཤས་རའི་རྒྱབ་ན་ཡོད། ་་ཆུ་ཚོད་དྲུག་པ་དང་ཕྱེད་ཙམ་རེད།་་ ་་དུས་ཚོད་དྲུག་པ་དང་ཕྱེད་ཡིན་ནམ།. |
| 261 |
འབྲོག་པའི་གོམས་གཤིས་ལྟར་ཡིན་ན། སུས་ཀྱང་དུས་ཚོད་ཨང་ཀིའི་ཐོག་ནས་བརྗོད་དར་བ་མ་རེད། ཁོ་ཚོས་དུས་ཚོད་དྲན་འཇོག་བྱེད་སྐབས་དོན་དག་དང་འབྲེལ་ནས་ཡོད་དེ། དཔེར་ན་ནང་ཇའི་སྐབས། སློབ་གྲྭ་གྲོལ་དུས། ཁ་བ་འབབ་དུས། ཟོག་ཁུངས་ལ་དེད་དུས་ལྟ་བུ་བརྗོད་པ་ལས་ཨང་ཀི་སྤྱོད་ནས་དུས་ཚོད་བརྩི་སྲུང་བྱེད་པའི་གོམས་གཤིས་ཆགས་མེད།. |
| 262 |
ཁོས་དུས་ཚོད་འཁོར་ལོ་ཞིག་ཉོ་དགོས་དྲན་ནས་ཡུན་རིང་འགོར་མོད་ད་ལྟ་ལག་ལྕགས་ཤིག་ཐོགས་ནས་ཡོད། ་་འོན་ཀྱང་ཁྱོད་ཚོས་ང་ལ་ཅིག་གནང་བྱུང་ང་། དྲིན་ཅན་ཁྱོད་ཚོ། །་་ ་་ཚོད་བཟུང་། ཨ་བུ།་་ གཟིག་སྡེས་ཡར་ལ་ལངས་ནས་བྱེའུ་འགྲམ་ལྕགས་ཀྱི་འགྲམ་ཏུ་བཅར། ཁོས་སྨ་ར་ནག་པོ་དེ་བྱེའུ་འགྲམ་ལྕགས་ཀྱི་འགྲམ་པ་ལ་གཏུགས་ནས་དྲིས་པར།. |
| 263 |
ཁོས་རྐུན་མ་འདི་དག་ལ་ལྷོད་ལྷོད་བྱས་ནས་སྐད་ཆ་འདྲི་མི་ཐུབ་པ་ཉམས་མྱོང་མང་པོ་ཐོབ་ཡོད། རྐུན་མ་འདི་དག་འདུལ་དགོས་ན་དང་མ་ཉིད་ནས་དྲག་ཤུགས་ཀྱིས་ཁོ་ཚོའི་དཔའ་ཞུམ་ཏུ་བཅུག་དགོས་པ་རེད། ་་དུས་ཚོད་དྲུག་པ་དང་ཕྱེད་ཀྱི་སྒང་ནས་དགོན་པ་ནས་བུད་དེ་དུས་ཚོད་བདུན་དྲག་སྟེང་ཁྱིམ་ལ་འབྱོར་ཡོད་ཟེར་ན། ཁྱོད་འཕུར་ནས་འོང་བ་ཨེ་ཡིན།. |
| 264 |
གཟིག་སྡེས་ཀྱི་སྐད་གདངས་ཇེ་དྲག་ནས་ཇེ་དྲག་ཏུ་འགྱུར་བཞིན་ཡོད། ་་ཨ་བུ་ཁྱོད་རང་གིས་ཚོད་བྱོས། ང་ཚོ་ལ་སྐད་ཆ་དྲང་པོ་བཤད་ན་དགའ།་་ ཁོས་དེ་ལྟར་དྲག་པོའི་རྗེས་སུ་འཇམ་པོའི་ཐབས་ཇུས་བཤམས། ་་ངས་རྫུན་བཤད་ནི་མིན། ང་ཚོས་འཕྲུལ་རྟ་བཞོན་ནས་ཚོད་ལྟ་བྱེད་ཆོག་རེད།་་ གཟིག་སྡེས་ཀྱིས་འདི་ལྟ་བུའི་རྐུན་མ་མང་པོ་ལམ་ལ་སྐྱེལ་མྱོང་།. |
| 265 |
ཉེན་རྟོག་པའི་སྐད་ཆ་ཅི་ལྟར་དྲིས་རུང་ཁོ་ཚོ་ལ་ལན་འདྲ་ལ་ཁད་རེ་བཟློག་རྒྱུ་ཡོད་རེད། ཁོ་ཚོས་སྔོན་ནས་ཉེན་རྟོག་པའི་དྲི་བ་ལ་བསམ་བློ་བཏང་། གྲ་སྒྲིག་བྱས་ཡོད་པ་རེད། ཁོ་ཚོས་རྫུན་བྱེད་སྐབས་ངོ་མདོག་ཀྱང་འགྱུར་ཀི་མ་རེད། ཁོས་རྐུན་མ་འདི་རིགས་མང་པོ་མཐོང་མྱོང་ཡོད། འདི་རིགས་འདུལ་བ་ལ་ནག་སྡེས་ཁོ་བློ་ལམ་རང་ཤར་ཡིན།. |
| 266 |
ཨ་ཁུ་ཆོས་རྒྱལ་ཁས་ལེན་བྱེད་ས་མ་རེད་ད།་་ གཟིག་སྡེས་ཀྱིས་དེ་ལྟར་བཤད་མ་ཐག་ཁུ་ཚུར་གཡུགས་ནས་བྱེའུ་འགྲམ་ལྕགས་ཀྱི་འགྲམ་པ་གཡས་ལ་ཞུས། དེ་ནས་ཉེན་རྟོག་པ་དམག་ཆས་ཅན་ཞིག་ཡོང་ནས་བྱེའུ་འགྲམ་ལྕགས་ཀྱི་མགོ་སྐྲ་སྦར་འཛིན་བྱས་ཏེ་མགོ་བོ་དགྱེ་སུ་བཅུག་པ་ན། བྱེའུ་འགྲམ་ལྕགས་ཀྱི་མིག་པགས་ཀྱང་ཐོད་པའི་ས་ལ་འཐེན་པ་ལྟར་འགྱུར།. |
| 267 |
བྱེའུ་འགྲམ་ལྕགས་ཀྱི་མདུན་གྱི་ཅོག་ཙེའི་སྟེང་ལ་བསྡད་ནས་སྨྲས་པར། ་་ང་ཚོ་ཉེན་རྟོག་པས་ཁྲིམས་ལུགས་འགལ་ནས་མི་ལ་བརྡུང་བྱུང་མ་བསམ། ངའང་བོད་པ་རེད། ཁྱོད་ཀྱིས་དགོན་པའི་ལྷ་སྐུ་བརྐུས་ནས་རྒྱལ་ཁབ་ཀྱི་ཁྲིམས་ལུགས་གཏོར། སངས་རྒྱས་ཀྱི་བསྟན་པ་བཤིག ངས་ཁྱོད་ལ་ཁུ་ཚུར་ཁེར་བུ་ཞིག་ཞུས་པ་འདི་ཆུང་ཆུང་རེད།. |
| 268 |
ཁྱོད་ཀྱིས་དགོན་པའི་ལྷ་སྐུ་ལ་ལག་པ་རྙབས་པ་འདི་ཧམ་པ་ཚ་སོང་བ་རེད། གོ་ཨེ་བྱུང་། ཨ་བུ།་་ དེ་ལྟར་བཤད་སྐབས། བྱེའུ་འགྲམ་ལྕགས་ཀྱི་སྐེ་ཡི་སྲུང་འཁོར་ཞིག་དང་བླ་མའི་སྐུ་པར་ཞིག་ཡོད་པ་ཁོས་མཐོང་བ་ན། ་་ཁྱོད་ཀྱིས་ད་དུང་བླ་མའི་སྐུ་པར་འདྲ་ཞིག་སྐེ་ལ་བཏགས་ཁེལ་བྱེད། ཁྱོད་འདི་འདྲ་ཆོས་པ་རྣམ་དག་ཅིག་ཡིན་ན།. |
| 269 |
ཁོ་ལ་ནག་ཉེས་ངོས་མཐོང་བྱེད་དུ་བཅུག་དགོས་ན་བདེན་དཔང་ལོན་དགོས་འདུག བདེན་དཔང་ཡོད་ན་རྐུན་མ་འདི་ཡི་ཁ་ལྕེ་ལྐུགས་པོ་བྱེད་ཐུབ་ཀི་རེད། ་་ང་ཚོས་ད་ལྟ་བར་ཏུ་རྐུན་མ་གཅིག་ཀྱང་ཤོར་མ་མྱོང་། གོ་ཨེ་བྱུང་།་་ གཟིག་སྡེས་ཀྱིས་སྐད་ཆ་དེ་འདྲ་ཞིག་བྱེའུ་འགྲམ་ལྕགས་ཀྱི་སྟེང་ལ་འཕང་ནས་ཕྱིར་རང་གི་རྐུབ་སྟེགས་ཀྱི་མདུན་ལ་གོམས་པ་སྤོས།. |
| 270 |
དེ་ནས་ཁོས་ཟིན་ཐོ་བཀོད་མཁན་དེ་ལ་བརྡ་ཞིག་བྱས་པ་དང་། ཁ་ཚུར་ཁོར་ནས་བྱེའུ་འགྲམ་ལྕགས་ལ་བཤད་པར། ་་ཁྱོད་ཀྱིས་དེ་རིང་བསམ་བློ་ཡག་པོ་ཞིག་གཏོང་ཤོག ཉེས་པ་ངོས་ཟིན་ཡོད་ན་རྗེས་མ་རྒྱལ་ཁབ་ཀྱིས་ཁྲིམས་གཅོད་བྱེད་སྐབས་རྣམ་འགྱུར་ཡག་བཙོག་ཞིག་ཀྱང་ལྟ་འི་རེད།་་ སྐབས་འདིར་གཟིག་སྡེས་ཀྱི་ཁ་པར་གྲགས་བྱུང་ཏེ།. |
| 271 |
ཁོས་ཁ་པར་དོར་མོའི་སྦ་ཁུག་ནས་ཕྱིར་བླངས་ནས་ལྟ་ཙམ་བྱས་རྗེས། ཁ་པར་གྱི་སྒྲ་བཀག་ནས་ཕྱིར་བཅུག ་་ཤའོ་ཀྲང་། ཁོ་བཀག་ཉེར་ནང་ཕྱིར་སྐྱེལ་ཞོག་་ གཟིག་སྡེས་ཀྱིས་རྒྱ་སྐད་ལབ་ནས་དེ་ལྟར་བཀའ་བཀོད་བྱས་པ་དང་། སྒོ་ཁར་སླེབས་ནས་སྒོ་ལེབ་འཐེན་གྲབས་བྱེད་སྐབས། ཨི་ཞིག་གློ་བུར་དྲན་དེ་ཁ་ཕྱིར་ཁོར་ནས་བསླར་ཡང་ཤའོ་ཀྲང་།. |
| 272 |
ཤིང་ཕོར་གྱི་ནང་ན་རྩམ་པ་སྐྱ་སྐྱ་ཞིག་གིས་ཇ་ནག་གི་མལ་ཐུལ་གྱོན་ནས་ཡོད་པ་ནི་བྱེའུ་འགྲམ་ལྕགས་ཀྱི་ད་ལྟའི་ཉལ་སྟངས་ལ་འདྲ་པོ་མི་འདུག་གམ། ་་ད་ང་ཚོ་རྒྱ་རུ་མ་རེད་སོང་བས་ཉ་ཉོག་སློབ་གྲྭར་འགྲོ་ཚོད་ལ་བསྟུན་ནས་ཟ་མ་ཟ་དགོས་ཀི་འདུག་་ མོས་དེ་ལྟར་བཤད་ཀྱིན་གུས་གུས་བྱས་ནས་མགོ་བོ་སྒུར་ཏེ་ཅ་ནེ་བསྟེར།. |
| 273 |
ཟས་ལྷག་རེད་འདུག་པས་མཁན་པོ་ཁྱེད་ལ་དྲངས་ཕོད་མ་སོང་། ་་ ་་སྐྱོན་མ་རེད། ད་ལྟ་ཚང་མ་ལ་དེ་འདྲ་དར་གིན་འདུག ངས་ཀྱང་ཉིན་གུང་ཟ་མ་ཟོས་ནས་ཡོང་བ་ཡིན།་་ ་་མཁན་པོའི་ཤ བྱེའུ་འགྲམ་ལྕགས་ནི་ངེད་ཀི་བརྟེན་ས་འདྲ་བོ་རེད། ཁོ་ལ་དོན་དག་འདྲ་བྱུང་ན། ངེད་མ་བུ་གསུམ་པོ་མུ་གེས་ཤི་རྒྱུ་མ་གཏོགས་མེད། ཁྱེད་ཀི་ཐུགས་ཀིས་མ་བོར།. |
| 274 |
ངུ་ལ་ཁད་ཀྱི་སྐད་ངག་ཅིག་གིས་མུ་མཐུན་ཞུས་པར། ་་ཁྱེད་ཀྱི་ཐུགས་ཀི་མ་བོར་རོགས་མཁྱེན། ཁོ་མི་ཅི་འདྲ་ཞིག་ཡིན་མིན་ཁྱེད་ཀྱིས་མཁྱེན་པ་དེ་རེད། མི་ཚེ་གང་བོར་ཁབ་སྐུད་སྣེ་ཞིག་ཀྱང་རྐུ་མྱོང་མེད་ཟེར་ནས་མནའ་སྐྱེལ་ཆོག དགོན་པའི་ལྷ་སྐུ་བརྐུ་ག་ལ་ཕོད། དགོན་པར་བརྐུས་བཞག་ན་ཁོ་ད་དུང་གསོན་གི་རེད་དམ།. |
| 275 |
ལས་རྒྱུ་འབྲས་ཀྱིས་བསླུ་བ་གང་ཡང་བྱེད་མ་རེད།་་ མཁན་པོས་སེམས་གསོ་བྱས་པ་དང་ཇ་ཧུབ་གང་བཞེས། ་་ངས་མཁན་པོ་ལ་ཞུ་དགོས།་་ རིག་ལྷ་མོས་བྱེའུ་འགྲམ་ལྕགས་ལ་ལན་བྱས་པར། ་་ངེད་མ་བུ་གསུམ་ལ་ཞུ་ས་ཞིག་ཡོད་པ་དེ་ནི་མཁན་པོ་ཚང་རེད།་་ མོ་རང་འགྱིག་གི་རྐུབ་སྟེབས་ཆུང་ཆུང་ཞིག་ཡོད་པ་དེའི་སྟེང་ལ་བསྡད་པ་དང་།. |
| 276 |
གཡོན་པས་རུས་ལེབ་དེ་བསྡམ་ནས་འདུག ་་སྡུག་ས་ལ་བསམ་བློ་མ་བཏོང་། བྱེའུ་འགྲམ་ལྕགས་དེ་ནུབ་ངའི་དགོན་ཁང་ནང་ལ་ཡོད། ང་གཉིས་དུས་ཚོད་བཅུ་གཉིས་བར་ཏུ་བསྡད་པ་ཡིན། དུས་ཚོད་གསུམ་པའི་སྟེང་ང་སྒོ་ལ་བུད་སྐབས་ཁོ་གཉིད་འདུག དེ་དུས་ཕྱི་རོལ་ན་བད་སྲབ་མོ་ཞིག་ཆགས་ཡོད་འདུག སྔ་དྲོ་དུས་ཚོད་ལྔ་བའི་སྟེང་ང་རང་ཡར་ལ་ལངས་སྐབས།. |
| 277 |
མོས་མིག་ཆུའང་མཚམས་ཆད་སོང་། ་་ཉེན་རྟོག་ཚང་གིས་ང་མ་གཏོགས་དོགས་པ་ཟ་ས་སུ་ཡང་ཡོད་ཀི་མེད་འདུག་་ བྱེའུ་འགྲམ་ལྕགས་ཀྱིས་ཉལ་ཚུགས་བརྗེས་ཙམ་བྱས་ནས། ་་ང་ཕྱིར་ལ་མངགས་དོན་ཡང་བདེན་དཔང་མེད་པས་རེད། དོགས་པ་ཟ་ས་ང་མ་གཏོགས་ཡོད་མ་རེད།་་ ་་ཨིམ།་་ མཁན་པོས་མགོ་བོ་གཡུགས་བཞིན་དྲིས་པར། ་་ཁྱོད་ཁྲུན་ཏུའུ་ལ་ནམ་འགྲོ་འི་ཡིན།. |
| 278 |
གསང་སྒྲེའུ་གྱོན་ན་ཕན་ཡོན་ཡོད་རབས་སོགས་ཀྱང་བཀའ་སློབ་གནང་བྱུང་། དེ་ནས། དེ་ཉིན་གྱི་ཆེས་མཐའ་མའི་བཀའ་ཁྲིད་ལ་ཐོན་དུས། ཝ་བླ་མ་ཁྲི་ཁར་བཞུགས་བྱུང་། ཝ་བླ་མས་ཁ་མཚར་ཞིག་གིས་ཆོས་ཁྲིད་ཀྱི་མགོ་བརྩམས་བྱུང་། དེ་ནས་ཁོང་གིས་སྐད་ཆ་ཚུར་ལ་བཀུགས་ཏེ་རྟེན་མཛོད་ཁང་གི་ལྷ་སྐུ་རྐུས་ཤོར་བའི་སྐོར་ལ་གསུངས་བཤད་བྱས།. |
| 279 |
ངོ་མ་བཤད་ན། ཝ་བླ་མ་ནི་བླ་མ་ཆེ་གྲས་མ་རེད། ཁོང་གཅོད་པ་ཞིག་གི་སྐྱེ་བ་ཡིན་ཟེར་དར་བ་རེད། ཁོང་གི་ཆོས་ཁྲིད་ཆེས་རྔ་མར་འཇོག་དོན་ཡང་དེ་རེད། འོན་ཀྱང་ཁོང་ནི་བླ་མ་ནུས་ཤུགས་ཅན་ཞིག་ཡིན། ལོ་འདི་ཤས་རིང་ལ་ཁོང་རྒྱ་ནག་ཏུ་འདུལ་བྱར་བྱོན་ནས་དགོན་པའི་རྟེན་བཞེངས་པ་ལ་ཕན་ཐོགས་བསམ་གྱིས་མི་ཁྱབ་གནང་བ་རེད།. |
| 280 |
ཁོང་ནི་རྒྱ་ཡུལ་ཏུ་ཕེབས་ཏེ་བསྟན་པ་རྒྱ་ཆེར་སྤེལ་བ་རེད། ཁོང་གིས་དགོན་པ་ལ་སྔོན་མ་དར་མ་མྱོང་བའི་རྟེན་མཛོད་བཤམས་སྟོན་ཁང་དང་དཔེ་མཛོད་ཁང་གསར་བ་བཞེངས་པའང་རེད། དེ་བས་བླ་མ་གཞན་དག་གིས་ལྷ་སྐུ་རྐུ་ཤོར་གྱི་དོན་དག་ལ་སྐད་ཆ་ཉུང་པོ་མ་གཏོགས་མ་གསུངས་མོད། ཝ་བླ་མས་དོན་རྐྱེན་འདི་བརྗོད་བྱ་གཙོ་བོར་བྱས་ནས་བཀའ་སློབ་གནང་བ་རེད།. |
| 281 |
མྱི་སེམས་ཟེར་རྒྱུ་བོ་རྫོབ་རེད། མྱི་སེམས་འདྲེ་ལ་ལོག་ཡོད་རེད། ད་ལྟ་དགོན་པའི་རྟེན་ཁང་གི་ལྷ་སྐུ་ལའང་ལག་པ་སྙབ་ཕོད་པ་རེད། འདི་འདྲེ་མིན་ན་ཅི་རེད།་་ ཁོང་གིས་ཞལ་ངོ་དེ་སྔོན་ཁ་མཚར་བཤད་པའི་ཞི་བའི་རྣམ་པ་དེ་ལས་ཁྲོ་བོའི་རྣམ་པར་གྱུར། ་་ལྷ་སྐུ་འདི་བཅས། འུག་ལུག་ཆུང་དགོན་གྱི་རྟེན་ཡོད་ན་མེད་ན་དེ་རེད།. |
| 282 |
ཁོང་གིས་ལྷ་སྐུ་འདི་དག་དང་རྟེན་གནའ་རྫས་གཞན་དག་ཁྱེར་ནས་རྒྱ་ཡུལ་ཏུ་བཤམས་སྟོན་བྱས་པ་རེད། སྐབས་དེར། རྒྱ་མི་མཁས་པ་དག་གིས་ལྷ་སྐུ་འདི་དག་ལ་བརྟག་དཔྱད་བྱས་པ་དང་། དགོན་པའི་དཀར་ཆག་གི་ཁུངས་དང་གཏུགས་ནས་ལྷ་སྐུའི་ལོ་རབས་བཅད་པ་དང་།དེའི་ནང་གི་བལ་པོའི་ལི་མ་ཞིག་ལ་རྒྱ་སྒོར་ས་ཡ་གསུམ་གྱི་གོང་བརྒྱབ་པ་རེད།. |
| 283 |
མཐའ་བཞིའི་སྲིན་པོའི་ཁ་གནོན་གྱི་ཚུལ་ཏུ་ཆོས་རྒྱལ་ཁྲི་སྲོང་ལྡེ་བཙན་གྱིས་ལུག་ཤུལ་གྱི་ཡུལ་ལ་གནང་བ་དེ་འདྲ་རེད། པེ་ཅིང་གི་རྒྱ་མཁས་པ་ཞིག་གིས་ལི་སྐུ་འདི་ལ་སྒོར་མོ་ཁྲི་ཚོ་གསུམ་བརྒྱའི་གོང་ཚད་བརྒྱབ་པ་རེད། ད་དུང་སྡེ་དགེའི་ཆོས་རྒྱལ་བསྟན་པ་ཚེ་དབང་གིས་ལུག་ཆུང་དཔོན་ཚང་ལ་གནང་བའི་སྒྲོལ་སྐུ་དེའང་ད་རེས་རྐུ་ལ་ཤོར་བ་རེད།. |
| 284 |
འདིའི་རིན་གོང་ཡང་བཤད་རྒྱུ་མེད་པ་རེད། ད་དུང་སྐུ་རྙིང་གྲས་གཞན་གསུམ་ཡོད་པ་དེའང་མཉམ་ཏུ་ཤོར་བ་རེད། མདོར་ན་སྒོར་མོ་ཁྲི་ཚོ་བདུན་བརྒྱ་བརྒྱད་བརྒྱ་ཞིག་གི་རྒྱུ་རྩ་རེད། འོན་ཀྱང་འུག་ལུག་ཆུང་ཡུལ་དགོན་གཉིས་ལ་མཚོན་ན། སྐུ་འདི་བཅས་སྒོར་མོ་ཁྲི་ཚོ་བརྒྱད་བརྒྱ་ལ་བརྗེ་ནི་ཨེ་རེད་བཟླས་ན། བརྗེ་ནི་མ་རེད།. |
| 285 |
ད་སུ་ཞིག་གིས་ཧམ་པ་འདི་འདྲ་ཚ་ནས་བརྐུས་སོང་བ་རེད། རྐུན་མ་འདི་ལ་ལས་རྒྱུ་འབྲས་དང་ཚེ་འདི་ཕྱི་མེད་པ་ཨེ་རེད།་་ ་་རྟེན་འདི་བཅས་འུག་ཚོ་ལུག་ཆུང་སྡེ་བའི་ནོར་བུ་ཡིན་པ་ཙམ་གྱིས་མ་ཚད། འདི་བོད་གངས་ཅན་སྤྱིའི་ནོར་བུ་རེད། རིན་ཐང་བྲལ་བ་རེད། ད་ལྟ་རྐུན་མ་ཧམ་པ་ཅན་དེ་འདྲ་ཞིག་གིས་རྐུས་སོང་བ་རེད།. |
| 286 |
ཝ་བླ་མའི་ཞལ་ལ་ད་དུང་དོགས་པ་ཞིག་གི་ཁེངས་ནས་ཡོད་པ་འདྲ། ཆོས་འོག་ལ་ཞུགས་མཁན་དག་གིས་ཀྱང་ཕན་ཚུན་བགྲོ་གླེང་བྱེད་བཞིན་འ་འུར་དཀྱགས་བྱུང་། འགའ་རེས་རྐུན་མ་དེ་ལ་དམོད་མོ་བྱེད་ཀྱིན་འདུག འགའ་རེས་རྐུན་མ་དེ་ནང་རྐུན་ཡིན་ཐག་ཆོད་ཟེར་ནས་བཤད་བཞིན་འདུག བྱེའུ་འགྲམ་ལྕགས་བཟའ་ཚང་གང་པོའི་འགྲམ་གྱི་མི་དེ་ཡིས་ཀྱང་ ་་ངོ་མ་རེད།. |
| 287 |
འདི་འུག་གི་རུ་བའི་མྱི་ཞིག་གིས་རྐུས་པ་ཡིན་ནོ་བརྒྱ་ཆ་བརྒྱ། ལྷ་སྐུ་དེ་འདྲ་མང་བོའི་ནང་གི་རྩ་ཆེན་དག་བླངས་སོང་བ་འདི་ལྷ་སྐུ་ལ་ཆ་རྒྱུས་ཡོད་པ་ཞིག་ནོ་སྟོན་ཡོད་་ ཅེས་བཤད་མ་ཐག ཡང་གཞན་ཞིག་གིས། ་་བོད་པ་འདི་ཚོ་ངོ་མ་ཁ་མི་གསོས་རྒྱུ་ཏག་ཏག་རེད། ཁ་ནང་ནས་ལས་རྒྱུ་འབྲས་དང་རྩ་བའི་བླ་མ་ཟེར་བཞིན།. |
| 288 |
ལས་རྒྱུ་འབྲས་ཀྱི་ཞགས་པ་ལས་ཐར་སོང་བའི་རྐུན་མ་ཞིག་ངས་ད་ལྟ་བར་ཏུ་གོ་མ་མྱོང་།་་ ཝ་བླ་མས་སྤྱན་ཤེལ་དེ་ཡར་ལ་སྣུད་ཙམ་བྱས་ནས་མུ་མཐུད་དུ་གསུངས་དོན། ་་འདི་ཡིན་གཅིག་མིན་གཅིག་གསལ་བོ་ཞིག་རྩད་གཅོད་བྱེད་འཇོག་དགོས། འུག་ལུག་ཆུང་དགོན་གྱི་ཆོས་སྐྱོང་སྲུང་མ་གན་ཚོས་བསྟན་དགྲ་འདི་རིགས་སྐྱུར་རྒྱུ་མ་རེད་ལ།. |
| 289 |
འོན་ཀྱང་བྱེའུ་འགྲམ་ལྕགས་ཀྱིས་ཁོས་ཅི་ཞིག་བྱེད་དགོས་མིན་ཤེས་མ་སོང་། ཉེ་ཁོར་གྱི་མི་ཐམས་ཅད་ཀྱིས་ཁོ་ལ་ལྟ་བཞིན་མཐོང་ཆུང་དང་ཞེན་ལོག་གི་རྣམ་འགྱུར་མངོན་དུ་སྟོན་བཞིན་འདུག ་་ང་ཁ་སང་ཉེན་རྟོག་ལས་ཁུངས་ཀི་གཟིག་སྡེས་ས་ལ་སྐད་ཆ་འདྲི་རུ་སོང་བ་ཡིན། ཁོས་ཀྱང་ཉེན་རྟོག་ལས་ཁུངས་ཀྱིས་རྩ་བཅད་ནན་པོ་བྱེད་ཀྱིན་ཡོད་རབས་དང་།. |
| 290 |
རིག་ལྷ་མོས་གོ་འཕྲལ་ཁ་ཕྱིར་འཁོར་ནས་མིག་གིས་གཅེར་བ་དང་། རྒད་པོ་དེས་བསླར་ཡང་མཛེམ་མེད་དུ་བཤད་པར། ་་ལས་དེ་འདྲ་བཟོས་ནས་ད་དུང་ཅི་མིན་མདོག་སྟོན་བཞིན་བླ་མའི་ཆོས་འོག་ལ་ཡོང་ཕོད་པ་རེད། ངོ་ཚ་ཁྲེལ་མེད།་་ ་་ལོ་རྒས་པ་ཡིན་ན་རྒས་པའི་འདུག་སྟངས་ཤིག་ཡོད་རེད། མྱི་ཉེས་མེད་ལ་ལྷུང་བཏབས་ནས་ཤི་ཁར་སྡིག་པ་མ་བསོགས་ན་རེད།. |
| 291 |
ཁོང་གཉིས་ཀྱིས་ཕན་ཚུན་མིག་སྡང་རེ་ལྟས་ནས་ཁ་ཕྱིར་ཏུ་ཁོར། ་་ལྷ་སྐུ་དེ་དག་སུས་རྐུས་སོང་ནི་ཡིན་ན། དེ་ཁ་ནང་ཁྲག་བསྐྱུག་ནས་མགོ་ཐུར་ལ་རྒོལ་བར་ཤོག་་ རིག་ལྷ་མོས་དེ་འདྲ་བཤད་མ་ཐག་སེམས་ལ་འགྱོད་པ་ཞིག་སྐྱེ་མོད་ཁ་ནས་ཤོར་བའི་ཚིག་ལ་ལྡོག་ཐབས་ཅི། དེ་བས་མོས་སེམས་ནས་བཛྲསཏྭ་ཚར་གསུམ་བཏོན་པ་རེད།. |
| 292 |
རྒྱ་ཟླ་བཞི་བའི་ཚེས་བཅུ་དྲུག་ཉིན། ༄༅། །གྲོང་བརྡལ་འདི་ལ་མི་རིགས་གཉིས་ཡོད་དེ། རིགས་དང་པོ་ནི་འུག་པ་ལྟར་མཚན་མོར་སད་ཡོང་མཁན་དེ་འདྲ་ཡིན་ལ། ཁོ་ཚོ་ཉིན་དཀར་ཐོག་ཁང་དང་ཡིག་ཁང་ནང་ནས་སྒོར་མི་འབུད་ལ། མཚན་མོ་རྒྱ་ཁོག་ཟ་ས་དང་གླུ་ལེན་གར་རྩེད་བྱེད་ས་ནས་ཚང་ཁ་བརྒྱག་པ་རེད། རིགས་གཉིས་པ་ནི་དེ་ལས་ལྡོག་ཏེ།. |
| 293 |
རང་རང་གི་མོ་ཐོ་བཞོན་ནས་སོ་སོའི་གཞིས་ལ་ལོག་འགྲོ་བ་རེད། ཧེ་ཐིག་ཟས་ཁང་འདི་ལ་དམིགས་བསལ་གྱི་ཁྱད་ཆོས་ཅི་ཡང་མི་འདུག་མོད། སྒོ་བྱང་ལྗང་མདོག་དང་གྱང་ངོས་ཀྱི་དགོན་པ་ཟླ་མགོ་ཅན་གྱི་རི་མོ་བྲིས་པའི་ཟས་བྱང་ཆེན་པོ་དེ་ལས་འདི་ནི་ཧེ་ཧེ་དག་མ་ཞིག་གིས་སྒོ་ཕྱེས་ནི་ཡིན་པ་ཤེས་ཐུབ། ཁང་བའི་ནང་ལ་ཤག་ཅིག་ཕུད་འདུག་པ་དང་།. |
| 294 |
དེའི་ནང་ནི་ཟ་མ་ལས་ས་ཡིན་ལ་སྒོའི་ཤེལ་ལེབ་ནས་ཤག་བཅད་བར་ནི་མགྲོན་པོ་འདུག་ས་རེད། ཤེལ་སྒོའི་སྟེང་ན་བོད་ཡིག་དམར་པོས་ཐིག་པ་དང་ཕོ་ཀྲང་བྲིས་འདུག མགྲོན་པོ་འདུག་ས་ལ་རྐུབ་སྟེབས་བཞི་རེས་ཅོག་ཙེ་རེ་སྐོར་ནས་ཚོ་ཚོ་བྱས་འདུག་པ་དང་། དེ་འདྲའི་ཚོ་བཞི་གཡས་གཡོན་གཉིས་གཉིས་སུ་སྒྲིག་ཡོད། མགྲོན་པོ་དག་ནང་ལ་ཐོན་སྐབས།. |
| 295 |
གྱང་གི་རི་མོ་ལ་ལྟས་ནས་རང་གི་ཟ་འདོད་པ་དེར་མཛུབ་བཙུགས་བྱས་ན། ཚོང་བདག་ཞྭ་དཀར་པོ་ཅན་དེས་ཧ་གོ་འི་རེད་ལ། སྐར་མ་གཉིས་གསུམ་ཞིག་ནས་ཁྱོད་ལ་ཟ་མ་སྤྲོད་ཐུབ་པ་རེད། གོ་རིམ་འདི་ལ་ཚོང་མགྲོན་གཉིས་ཀྱིས་སྐད་ཆ་ཚིག་རྡོག་ཅིག་ཀྱང་བཤད་དགོས་དོན་མེད་ལ། བཤད་ཀྱང་རི་མོ་ལྟར་ཕན་ཚུན་གོ་བརྡ་འཕྲོད་ངེས་མ་རེད།. |
| 296 |
རྒྱ་ཆས་གྱོན་པའི་འབྲོག་པ་ཞིག་ཟས་ཁང་འདིའི་སྒོ་ལས་འཛུལ་མ་ཐག་མགོ་ཡི་ཞྭ་མོ་དེ་ཕུད་པ་དང་། ནང་ཤག་ལ་གཏད་ནས་སྐད་ཆེན་པོས་ ་་ལོ་པན། ཡེ་བན་ཅ་རུག་་ ཅེས་ནས་བོས། ཚོང་བདག་དེས། ་་མཱ་སཱང་་ ཟེར་བ་ན། ཚག་ཚག་ཕག་ཕག་གི་སྔོ་མ་བརྔོ་བའི་སྐད་སྒྲ་ཞིག་ནང་ཤག་ནས་ཐོན་བྱུང་། ་་ཡ། དཀའ་ཨེ་ཐལ།་་ ་་ཡེ། ཁྱོད་ཡིན་ཟིག ཡ།. |
| 297 |
ཁོང་གཉིས་ཀྱིས་དབྱར་རྩྭའི་སྐོར་ལ་སྐད་ཆ་མང་ཙམ་བཤད། དེ་ནས་ཚོང་བདག་གིས་ཐུག་པ་འཁྱེར་ཏེ་ཅོག་ཙེའི་སྟེང་ལ་འཇོག་ཚེ། གྲྭ་བ་དེས་རང་གི་ཅ་ནེའང་སྟོང་པ་བྱེད་ཚར་འདུག ཁོས་ཁ་ལ་ལག་པས་བྱིལ་བྱིལ་ཞིག་བྱས་ནས་ལག་པ་དེ་གོང་བ་ལ་ཕྱིས། རྒན་པོས་ཐིག་པའི་སྟེང་ལ་བཀབ་ཡོད་པའི་ཤ་ལེབ་མ་ལྔ་དྲུག་ཞིག་ཡོད་པ་དེ་དག་ཟོས་རྗེས་མགོ་དཀྱག་པ་ན།. |
| 298 |
གྲྭ་བ་དེས་སྐད་ཆ་དྲིས་པར། ་་ཁྱེད་རུའི་དགོན་པའི་སྐུ་འདྲ་རྐུས་ཤོར་སོང་བ་དེ་དག་གོ་རྒྱུ་འདུག་གམ།་་ ་་འདི་ཚང་གིས་རྐུན་པ་བཟུང་ནས་ཡང་ཕྱིར་ལ་མངགས་བཞག་འདུག རྐུན་མ་ད་ལྟ་ཁྲིན་ཏུའུ་ཞིག་ལ་ཐོན་འདུག་ཟེར།་་ ་་ཁྱོས་རྐུན་མ་ཟེར་གིན་ཡོད་པ་དེ། འགྲམ་པའི་སྟེང་ལ་ཤ་མཚན་མཚར་བོ་ཞིག་ཡོད་པ་དེ་རེད་དམ།. |
| 299 |
བྱེའུ་འགྲམ་ལྕགས། འགྲམ་པའི་སྟེང་ལ་བྱེའུ་ཞིག་གིས་འགྲམ་ལྕགས་་བྱས་པ་ལྟ་བུ་ཞིག་ཡོད་རེད།་་ ་་འགའ་རེས་མྱི་ལྡིང་རྐུན་མ་ཡིན་ནི་མ་རེད་ཟེར་གི ཉེན་རྟོག་པས་ཞི་དྲག་ཐབས་གཉིས་བཀོད་ནས་དྲི་བརྩད་བྱས་ཀྱང་བདེན་དཔང་འདྲ་ལོན་མེད་ཀི་ཟེར།་་ གྲྭ་བའི་དོགས་པའི་མིག་ཞགས་དེ་འབྲོག་རྒན་དེའི་ཅ་ནེའི་ནང་ལ་ལྷུང་།. |
| 300 |
རྐུན་མ་དེས་ཐད་ཀར་དེའི་ནང་གི་རྩ་ཆེན་དག་གང་བཞག་ཡོད་སའི་སྒམ་དེ་གཏོར་ནས་རྐུས་སོང་བ་རེད།་་ རྒན་པོས་ཤ་ལེབ་མ་ཞིག་བླངས་ནས། ་་འདི་ཚང་གི་ཤ་ལེབ་འདྲ་བོ་ཇེ་སྲབ་ཇེ་སྲབ་རེད།་་ ཤ་དེ་སྲབ་པོ་ཡིན་པས་ལྡད་རྒྱུའང་མི་འདུག ཁོས་རུལ་མིད་བྱས་ཏེ་མུ་མཐུན་བཤད་རྒྱུར། ་་ནང་མི་ཞིག་གིས་བརྐུས་པ་ཡིན་ནོ་བརྒྱ་ཆ་བརྒྱ།. |
| 301 |
དེ་འདྲ་ལབ་ནའང་བདེན་ལ་ཁད། དེ་ན་ཉེན་རྟོག་པས་ཅི་ཟེར་ནས་མངགས་བཞག་པ་ཡིན་ནམ།་་ ་་ཉེན་རྟོག་པས་སྐུ་འདྲ་ཚུར་ལ་ལོན་དགོས་པའི་ཆེད་དུ་ལོས་ཡིན། རྐུན་མ་དང་སྐུ་འདྲ་གཉིས་ལས་སྐུ་འདྲ་གལ་ཆེ་ནི་རེད།་་ ་་ཨིམ།་་ ་་ཉེན་རྟོག་པས་བྱེའུ་འགྲམ་ལྕགས་ཚང་གི་ཁྱིམ་ལ་སོགས་པར་བཤེར་མོད། སྐུ་འདྲ་མ་རྙེད་རེད།. |
| 302 |
རྐུན་མ་སུ་ཞིག་གིས་རྐུས་རྒྱུ་ཁྱིམ་ལ་ཁྱེར་སྲིད་རེད།་་ ་་དེ་བཟླས། ཉེན་རྟོག་པས་ཁོ་མངགས་ནས་སྐུ་འདྲ་གང་ཡོད་རྩད་བཅད་འདོད་པ་རེད།་་ ་་དེ་འདྲ་སླ་མོ་གང་ན་ཡིན། ཁོས་ཉེན་རྟོག་པ་ཡོད་ནོ་ཤེས་རྒྱུ་རེད། ཁོས་རྐུས་རྒྱུ་ཕྱིར་ལ་ཕུད་རྒྱུ་མ་རེད།་་ ་་ཁོས་ཉོ་མཁན་སྔོན་ནས་བཙལ་ཡོད་རེད། མི་འདི་ཀླད་པ་ངར་ནི་རེད།. |
| 303 |
སྔོན་ཆད་འཕྲུལ་རྟ་ཆག་པོ་གཉིས་ཉོས་ནས་འཕྲུལ་རྟ་གཅིག་ལ་སྒྲིག་པ་རེད།་་ རྒན་པོས་ཐུག་པ་ཅ་ནེ་གང་པོ་གཙང་མར་ཟོས་ཚར་ནས་ཟ་ཐུར་ཅོག་ཙེའི་སྟེང་ལ་བཞག་་ སྐུ་འདྲ་འདི་དག་ལྷ་ཆེ་རེད་ནི། ཡུན་རིང་བཟུང་བཞག་ན་ཁྱིམ་ལ་བཀྲ་མི་ཤེས་པ་འབྱུང་སྲིད་པས། ཁོས་ཡུན་རིང་འཛིན་ཕོད་མ་རེད།་་ ་་བརྐུ་ཕོད་པ་ཙམ་གྱིས་འཛིན་མི་ཕོད་པ་ཅི་ཡོད།. |
| 304 |
སྔོན་ཆད་འདིའི་ནང་གི་སྐུ་འདྲ་ཞིག་བརྐུས་ཤོར་བ་རེད། རྐུན་མས་ཕྱིར་ཉིན་བཙོང་བཞག་པ་རེད། བླ་མ་ཞིག་གིས་རྐུས་རྒྱུ་ཡིན་ནོ་མ་ཤེས་ནས་བླུས་པ་རེད། ཉི་མ་བཅུ་ཁ་ཞིག་ནས་བླ་མ་དེ་ནད་སྡུག་པོ་འཕོག་ནས་འདས་པ་རེད། རྐུན་མ་དེར་ཅི་ཡང་བྱུང་ཡོད་མ་རེད། ང་ཚོའི་སྡེ་བའི་ནང་ན་དེ་འདྲ་ཞིག་བཤད་སྲོལ་ཡོད་རེད།. |
| 305 |
ད་ཅང་མི་ཤེས་ཀི་་ གྲྭ་བས་མགོ་བོ་གཡུགས་བཞིན་བསམ་བློ་བཏང་། ་་ལོ་པན། སྒོར་མོ་དུ་རེད།་་ རྒན་པོ་ཡར་ལངས་ནས་དོར་མོའི་ཁུག་མའི་ནང་ནས་སྒོར་མོ་འགའ་བླངས་བ་དང་། གྲྭ་བས་ཀྱང་སྒོར་མོ་བླངས་ནས་སྤྲད། ཚོང་བདག་གིས་ལྕོགས་ཤིག་བཟུང་ནས་སྒོར་བུད་པ་དང་ཟས་རིན་བླངས། རྒན་པོ་དང་གྲྭ་བ་གཉིས་སྔ་གཞུག་བྱས་ནས་ཟས་ཁང་ལས་བུད་དོ།. |
| 306 |
རྒྱ་ཟླ་བཞི་བའི་ཚེས་ཉེར་གཅིག་ཉིན། ༄༅། །གཟིག་སྡེས་ཀྱི་ཁ་པར་དྲིལ་བུ་གྲག་པ་དེས་ཁོ་ཚོའི་གྲོས་མོལ་མཚམས་བཅད་སོང་། ཁོས་ཁ་པར་བླངས་ནས་ལྟ་ཙམ་བྱས་ཏེ་སྒྲ་མེད་པར་བཟོས། ཁ་པར་བཏང་མཁན་ནི་ཝ་བླ་མ་རེད། ལྷ་སྐུ་བརྐུས་ལ་ཤོར་བ་ནས་བཟུང་། ཝ་བླ་མས་རྩ་བཅོད་ཀྱི་དོན་ལ་སེམས་ཁུར་ཆེན་པོ་བྱེད་བཞིན་ཡོད།. |
| 307 |
གཟིག་སྡེས་ཀྱིས་བླ་མའི་ཁ་པར་དམར་སྒོ་རྒྱབ་ཏེ་མལ་ཁྲིའི་སྟེང་ལ་བཞག ཁོས་ ་་དེ་ནས་་ ཞེས་གྲོས་མོལ་བསླར་གསོ་བྱས། ་་ཁྲུན་ཏུའུ་ཉེན་རྟོག་པའི་ལག་རྩལ་ཚན་ཁག་གི་རྒྱུས་ལོན་བྱས་པ་ཡིན་ན། བྱེའུ་འགྲམ་ལྕགས་ཀྱིས་རང་གི་ནག་མོ་ལ་ཁ་པར་བཏོང་གིན་ཡོད་པ་ལས་གཞན་མཁན་པོ་སྟག་གྲུབ་ལ་ཁ་པར་བཏང་གི་འདུག་ཟེར།. |
| 308 |
ངས་བསམ་ན་སྔོན་ཆད་ང་ཚོས་མཁན་པོ་འདིའི་སྐད་ཆ་བདེན་པར་རྩིས་ནས་འདང་འཇོག་བྱས་པ་དག་ལ་ད་ལྟ་དོགས་པ་བྱེད་ས་མང་པོ་འདུག་བསམ།་་ ལོ་ན་ཉི་ཤུ་ཡས་མས་ཡིན་པའི་ཉི་མ་རྒྱལ་པོ་ཡིས་དབུགས་ཐོག་གཅིག་གིས་དེ་དག་བཤད། ཁོ་རང་གཟིག་སྡེས་ཀྱི་ཁ་གཏད་ཀྱི་མལ་ཁྲི་དེའི་སྟེང་ཡོད་པ་དང་ཁོའི་གམ་གྱི་གཞོན་ནུ་གཞན་དེ་ལ་འགྱུར་མེད་ཟེར།. |
| 309 |
བྱེའུ་འགྲམ་ལྕགས་ཀྱིས་དེ་རིང་ཅི་བྱས་སོང་།་་ ་་ཁོ་དེ་རིང་ཉིན་གང་བོར་སྐུ་འདྲ་བཙོང་ས་བཤེར་ནས་འདུག ཁ་པར་བཙོང་ས་ཞིག་ལའང་འཛུལ་ཐལ། ཉལ་ཁང་འགྲམ་གྱི་རྒྱ་ཐུག་ཟ་ཁང་དེའི་ནང་ནས་ཟ་མ་ཟོས་སོང་། ཚོང་ཁང་དག་གི་ཚོང་ངོ་དེ་དག་མ་གཏོགས་སུ་ལའང་སྐད་ཆ་བཤད་མ་སོང་། ་་ ་་དོགས་པ་ཟ་དགོས་བྱེད་ཅི་ཡང་བྱས་མ་སོང་ངམ།. |
| 310 |
དེ་འདྲ་བཟློ་དུས། མཚར་པོ་ཞིག་ལ་་ མི་ཚང་མས་མིག་གིས་གཅེར་ནས་འགྱུར་མེད་ལ་ལྟ་སྐབས། ཁོས་འགྲམ་གྱི་གཏེར་ཆུ་དམ་བེ་དེ་ག་ལེར་ཁ་ཕྱེས་ནས་ཁ་དོ་གསུམ་རྔུབ་པ་དང་། སླར་ཡང་དལ་མོ་བྱས་ཏེ་དམ་པའི་ཁ་རྒྱབ་རྗེས་ད་གཟོད་སྐད་ཆ་མུ་མཐུན་ཏུ་བཤད་པར། ་་ཚོང་བདག་དེས་བྱེའུ་འགྲམ་ལྕགས་ཁོ་ནར་ངོ་གཏུགས་ཀྱིན་འདུག་པ་འདྲ།. |
| 311 |
བྱེའུ་འགྲམ་ལྕགས་ཀྱིས་ད་དུང་ཉོ་ས་རྙེད་མེད་ཀི་་ ་་ཨིམ་་ གཟིག་སྡེས་ཀྱིས་མགོ་བོ་གཡུགས་བཞིན་ཁོ་རང་ལ་མཁོ་བའི་ལན་དེ་དེད། ་་རིན་གོང་ག་ཚོད་རེད་འདུག་་ ཉི་མ་རྒྱལ་པོས་འགྲམ་གྱི་སྒྲོམ་ཐོག་ན་ཟིན་དེབ་ནག་པོ་ཞིག་ཡོད་པ་དེ་ལག་ཏུ་བླངས་ནས་མིག་བཤེར་གཅིག་བྱས་ཏེ། ་་ཤཱཀྱའི་སྐུ་ཞིག་ལ་སྒོར་ཁྲི་གསུམ།. |
| 312 |
ཕུར་བ་དང་རྡོ་རྗེ་ཕག་མོ་རེ་རེ་ལ་སྒོར་བདུན་སྟོང་། འདི་བྱེའུ་འགྲམ་ལྕགས་ཀྱིས་གཏམ་པའི་གོང་ཚད་རེད། མཁན་སྟག་གྲུབ་ཀྱིས་གོང་ཆེ་སོང་བཤད་ཀི་འདུག་་ ་་བྱེའུ་འགྲམ་ལྕགས་ཀྱི་དྲུད་སྒམ་དེ།་་ གཟིག་སྡེས་ཀྱིས་ཁ་ཚུར་ཁོར་ནས་རང་དང་ཉལ་ཁྲི་གཅིག་ལ་བསྡད་ཡོད་པའི་ཤ་རྒྱགས་པ་ཅན་གྱི་དར་རྒྱས་ལ་སྐད་ཆ་དྲིས།. |
| 313 |
ཁོ་ཡར་ལངས་ནས་ཁ་པར་སྦ་ཁུག་ཏུ་བཅུག་པ་དང་། མི་གཞན་གསུམ་པོའང་ཁོ་དང་མཉམ་ལངས་བྱས། ་་བྱེའུ་འགྲམ་ལྕགས་དང་ཚོང་བདག་དེ་གཉིས་འགྲིག་གི་མི་འདུག་་ ཁོས་སླར་ཡང་སྐར་ཆ་གཉིས་གསུམ་ལ་ལངས་ནས་བསམ་བློ་བྱས་པ་དང་། ་་སང་ཉིན་ང་ཚོང་ཁང་ལ་སོང་ནས་ཉམས་ཚོད་ཅིག་ལེན། ཁྱོད་གཉིས་ཉོལ། ཉི་མ་དང་ངེད་གཉིས་ཀྱིས་ལྐོག་ལྟ་བྱེད།. |
| 314 |
བྱེའུ་འགྲམ་ལྕགས་བཀྲ་ཤིས་བལ་སྐུ་ཚོང་ཁང་ཟེར་བའི་ཚོང་ཤག་འདི་ལ་བསླར་ཡང་སླེབས་བྱུང་། འཇིགས་མེད་ཁོའི་རྗེས་སུ་དེད་དེ་ནང་དུ་འཛུལ། སྐར་མ་བཅུ་གྲངས་ཀྱི་རྗེས་སུ། བྱེའུ་འགྲམ་ལྕགས་སྒོ་ལས་བུད་པ་དང་ངོ་ལ་ཁོང་ཁྲོའི་རྣམ་འགྱུར་གྱིས་ཁེངས་འདུག ཚོང་བདག་དེའང་སྒོ་ཁར་སླེབས་ནས་བྱེའུ་འགྲམ་ལྕགས་ལ་འབོད་འདང་བྱས་མོད།. |
| 315 |
བྱེའུ་འགྲམ་ལྕགས་ཐག་རིང་ལ་སླེབས་ཡོད་པ་མཐོང་རྗེས། མགོ་བོ་གཡུགས་ཏེ་ཕྱིར་ལ་འཛུལ། ཚོང་ཁང་གི་ཁ་གཏད་ཀྱི་ཟས་ཁང་ནང་ལ་ཡོད་པའི་གཟིག་སྡེས་ཀྱིས་འདི་དག་ཡོད་ཚད་མིག་གིས་འཚོས་ཡོད། ཁོས་འཇིགས་མེད་ལ་འཕྲིན་ཐུང་ཞིག་སྐུར་ནས་ཕྱིར་འོང་ཏུ་མ་བཅུག དེ་ནས་རང་གིས་ཀྱང་ཤེལ་མིག་ཞིག་གྱོན་ཏེ་ཟས་རིན་སྤྲད་དེ་ལྷ་སྐུ་ཚོང་ཁང་ནང་ལ་སོང་།. |
| 316 |
མགྲོན་པོ་ཕེབས་པ་མ་མཐོང་ངམ།་་ ཚོང་བདག་ཅུང་ཁྲོས་པའི་ངང་ནས་ཞབས་ཞུ་མ་ལ་དེ་ལྟར་བཤད། བུ་མོས་ལག་ནང་གི་ཁ་པར་མར་ལྷོད་ནས་གཟིག་སྡེས་ཀྱི་འགྲམ་ཏུ་སླེབས་པ་དང་། ངོ་ལ་དགའ་སྡུག་གི་ཉམས་གང་ཡང་མེད་པའི་ཚུལ་གྱིས་དྲིས་པར། ་་ཚོང་བདག་ལགས་ཀྱིས་ལྷ་སྐུ་བླུ་འདོད་ཀྱིན་ཡོད་དམ། ང་ཚོ་ལ་བལ་ཡུལ་གྱི་ལི་མ་དག་མ་ཡོད།. |
| 317 |
ལྷ་གང་གདན་ཞུ་བྱེད་འདོད་ཡོད།་་ གཟིག་སྡེས་ཀྱིས་མོ་ལ་ལན་མ་བྱས། ཕར་ལྟ་ཚུར་ལྟ་བྱེད་པའི་བར་མཚམས་ནས་ཕར་ཕྱོགས་ཀྱི་གྱང་ངོ་ལ་འདྲ་པར་ཞིག་ཡོད་པ་དེ་མཐོང་། ་་ཡ ཚོང་དཔོན་བཀྲ་ཤིས། བདེ་མོ་བདེ་མོ།་་ འཇིགས་མེད་ལ་འཁྲབ་རྩལ་ཟེར་བ་མེད་མོད་ཁོས་གཟིག་སྡེས་ལ་དེ་ལྟར་འཁྲབ། གཟིག་སྡེས་ཀྱིས་མིག་ཤེལ་བླངས་ནས་ལྟ་ཡག་ཅིག་བྱས་པ་དང་།. |
| 318 |
ཁྱོད་སུ་ཡིན་ནམ།་་ ཁོས་ལག་པ་བཟུང་ནས་ལག་འཇུ་བྱས་པ་དང་འཇིགས་མེད་ཀྱིས། ་་ཁ་སང་ཚོང་དཔོན་ཉི་མའི་མགྲོན་ལ་ང་གཉིས་འཕྲད་མྱོང་ཡ།་་ ་་ཨོ། ཡ་ཡ་ཡ། དེ་ནས།་་ གཟིག་སྡེས་ཀྱིས་ལག་འཇུ་བྱེད་སྐབས་འཇིགས་མེད་ལ་དེ་ལྟར་མ་འཁྲབ་བརྗོད་ཆེད་དུ་མིག་བརྡ་ཞིག་འཕང། འོན་ཀྱང་འཇིགས་མེད་ཀྱིས་མིག་བརྡ་དེ་དོན་ལོག་ཏུ་གོ་སོང་བ་འདྲ།. |
| 319 |
ཁ་རོག་ཡིན།་་ ཁོའི་འཁྲབ་སྟོན་སྔར་ལས་ཆེ་དྲག་སོང་། ་་ཡ་ཡ། ཡ་ཡ། གཟིག་སྡེས་ཀྱིས་སླར་ཡང་ངོ་མདོག་ཅིག་བསྟན་པ་དང་འགྲམ་གྱི་ཞབས་ཞུ་བུ་མོ་དེའང་ཅུང་མི་བདེ་བར་གྱུར།་་ ་་ཡ་ཡ ། ད་ང་འགྲོ་ཡིན། བྲེལ་བ་ཅུང་ཙམ་ཡོད།་་ འཇིགས་མེད་ལ་གོ་བརྡ་འཕྲོད་སོང་། འཇིགས་མེད་ཕྱི་ལ་འབུད་སྐབས། གཟིག་སྡེས་ཀྱིས་ཁ་ཕྱོགས་འདྲ་པར་ལ་སྐོར།. |
| 320 |
གྲྭ་བ་དེ་གཉིས་ཀྱིས་གཟིག་སྡེས་ཧ་ལས་སུ་བཅུག་བྱུང་སྟེ། གཅིག་ནི་ཝ་བླ་མ་ཡིན་འདུག་ལ་གཞན་དེ་ནི་མཁན་པོ་སྟག་གྲུབ་རེད། གཟིག་སྡེས་ཀྱིས་ཡང་བསྐྱར་ཞིབ་ལྟ་བྱས་པ་ན། ཁོ་གསུམ་པོའི་རྒྱལ་ཡོལ་ལ་ལུག་ཆུང་དགོན་གྱི་རིག་དངོས་རྩ་ཆེན་འགྲེམས་སྟོན་ཅེས་པའི་རྒྱ་ཡིག་ཁ་བྱང་བཀོད་ཡོད་པ་གསལ་བོ་འདུག དེ་དང་དུས་གཅིག་ཏུ།. |
| 321 |
བྱེའུ་འགྲམ་ལྕགས་ཕྱིར་ཚོང་ཁང་ལ་ལོག་བྱུང་སྟེ། ལག་ཏུ་ཁ་ཕྱེ་མ་མྱོང་བའི་སྒམ་ནག་པོ་དེ་དྲུད་འདུག ཁོས་ཚོང་ཁང་ནང་གི་གཟིག་སྡེས་མཐོང་མ་ཐག ཁ་ཕྱིར་འཁོར་ནས་ནང་ཏུ་མ་འཛུལ། འདྲ་པར་ལ་ཞིབ་འཇུག་བྱེད་བཞིན་པའི་གཟིག་སྡེས་ཀྱིས་བྱེའུ་འགྲམ་ལྕགས་མ་མཐོང་མོད། ཁོས་མིག་ཞགས་འདྲ་པར་ནས་ཚོང་བདག་ལ་སྤོ་སྐབས།. |
| 322 |
ཁོས་གཟིག་སྡེས་ཉེན་རྟོག་པ་ཞིག་ཡིན་པ་བྱེའུ་འགྲམ་ལྕགས་ནང་ཏུ་འཛུལ་མ་སྤོབས་པ་དེ་ལས་ཚོད་དཔག་བྱེད་ཐུབ། ་་རེད། ཚོང་དཔོན་ཁྱོད་ཀྱིས་ཀྱང་བླ་མ་ཁོང་ངོ་ཤེས་ཀི་ཡོད་དམ།་་ ་་བླ་མ་འདི་སྐད་གྲགས་ཆེན་པོ་འདུག ཁྱོད་རང་ནང་པ་ཞིག་ཡིན་ནམ།་་ ་་ངའི་ཡུམ་ཆེན་ཚེ་ལས་འདས་རྗེས་ཆོས་ལ་འབད་པ་རེ་བྱེད་ཀི་ཡོད།. |
| 323 |
ཚོང་དཔོན་ཁྱོད་ལ་ཅི་ཟེར།་་ ་་ང་ལ་ནག་པོ་ཟེར། ཚོང་བདག་ཁྱོད་བོད་ཡུལ་ལ་ཕེབས་མྱོང་ངམ།་་ གཟིག་སྡེས་ཀྱིས་ལག་པ་འཇུས་རྗེས་ལག་གཉིས་སྦྲེལ་ནས་ཕོ་བའི་སྟེང་ལ་བཞག ་་ཡར་ལ་ཕེབས་དང་། ཁྱོད་ཀྱིས་ཅ་དངོས་གང་ལྟ་འདོད་ན་བུ་མོ་ལ་ཁྱེར་ཤོག་ལབ་ན་འགྲིག་གི་རེད།་་ ཚོང་བདག་གིས་གཟིག་སྡེས་ལ་ལན་ཐད་ཀར་བརྗོད་འདོད་མེད།. |
| 324 |
དེ་ནི་རྫུན་དང་བདེན་གཏམ་གང་ཡང་མི་བཤད་པར་སྐད་ཆ་ཕྱོགས་བསྒྱུར་བྱེད་པ་དེ་རེད། གཟིག་སྡེས་འབོར་ཁྲི་ཁེར་འདུག་ཅན་དེའི་སྟེང་ལ་བསྡད་པ་དང་། ཚོང་བདག་དེ་ཁོའི་ཁ་གཏད་ཀྱི་གཉིས་འདུག་དེའི་སྟེང་ལ་བསྡད། ཚོང་བདག་གིས་ཁོ་ལ་ཇ་གང་མཆོད་པ་ན། ཁོང་གཉིས་ཀྱིས་སོ་སོའི་བསམ་ཚུལ་རེ་བཅངས་ནས་འཁྲབ་སྟོན་གྱི་མགོ་བརྩམས།. |
| 325 |
ཁོང་གཉིས་ཀྱི་འཁྲབ་ཚིག་ཟད་ལ་ཉེ་འདུག་པ་དང་། དེ་འདྲའི་ཅི་བཤད་མེད་ལ་བསྡོམ་ཚིག་ཀྱང་འཇོག་ཁག་པོའི་དུས་ལ། གཟིག་སྡེས་ཀྱི་ཁ་པར་གྲག་བྱུང་བ་དང་། གཉིས་པོ་སེམས་བདེ་བའི་ངང་ནས་ཁ་བྲལ་ཐུབ་བོ། ། རྒྱ་ཟླ་བཞི་བའི་ཚེས་རྩ་གཉིས་ཉིན། བྱེའུ་འགྲམ་ལྕགས་ཀྱིས་རང་ཉིད་གཟིག་སྡེས་ཀྱི་མིག་འཚོའི་འོག་ཡོད་པ་ཤེས་གསལ་བྱུང་།. |
| 326 |
ཁོས་དགུང་ཟས་ལ་མོག་མོག་སྡེར་མ་གང་ཟོས་རྗེས་ཕྱིར་མལ་ཁང་ཏུ་ལོག ་་གནས་ཚུལ་འདྲ་འདུག་གམ།་་ གཟིག་སྡེས་སོ་ལྟ་བྱེད་སའི་ཁང་ཤག་དེ་ལ་འཛུལ་མ་ཐག་ཏུ་དེ་ལྟར་དྲིས། འཇིགས་མེད་ཀྱང་འདིར་སླེབས་འདུག ཁོའི་སྐྲ་ཚུགས་གསར་བ་ཞིག་བརྗེས་འདུག དར་རྒྱས་ནི་མལ་ཁྲི་སྟེང་ན་གཉིད་ནས་འདུག ་་མལ་ཤག་ལ་འཛུལ་མ་ཁད་རེད།. |
| 327 |
རྒྱུ་མཚན་ནི་ཁོ་རང་ཚོང་ཁང་ལས་བུད་རྗེས་སྐྲ་བཞར་ཁང་ལ་སོང་བ་ལས་བྱེའུ་འགྲམ་ལྕགས་ལ་ལྐོག་རྗེས་བྱེད་དུ་མ་སོང་བ་རེད། ཁོ་རང་གིས་སྐྲ་བཞར་ཁང་ནས་བྱེའུ་འགྲམ་ལྕགས་དྲན་སྐབས་སྐྲ་ཡང་བཞར་ཚར་འདུག ལམ་ཁ་ནས་ཡར་མར་བཙལ་ཀྱང་ཡུན་ཏུ་མ་རྙེད། སྐར་མ་ཉི་ཤུའི་རྗེས་ནས་ད་གཟོད་བྱེའུ་འགྲམ་ལྕགས་ཁོའི་རྒྱབ་ལོག་ནས་མདུན་ཏུ་བུད་བྱུང་།. |
| 328 |
གཟིག་སྡེས་ཀྱིས་དོགས་པ་ཆེན་པོ་ཟ་བཞིན་ཅི་བཤད་མ་དྲན་སྐབས། ཉི་མ་རྒྱལ་པོའི་མིག་སླར་ཡང་བྱེའུ་འགྲམ་ལྕགས་ཀྱི་ཁང་ཤག་ལ་སྤོས་པ་དང་དེ་དུས་བྱེའུ་འགྲམ་ལྕགས་ཀྱིས་གློག་སྒོ་གཟིམ་བྱུང་། ཅི་བཤད་མ་རྙེད་པའི་གཟིག་སྡེས་འགྲམ་གྱི་ཉལ་ཁྲིའི་སྟེང་ལ་བསྡད་པ་དང་། དེ་ནས་དར་རྒྱས་ལྟར་ལོག་ནས་ཉལ། ་་རུ་དཔོན།. |
| 329 |
རུ་དཔོན།་་ མག་མོག་གི་ཁྲོད་ནས་སུ་ཞིག་གིས་རང་ལ་འབོད་ཀྱིན་ཡོད་པ་གཟིག་སྡེས་ཀྱིས་ཐོས་ཙ་ན། ཁོས་མིག་ཕྱེ་ཙམ་བྱུང་བ་དང་། ད་གཟོད་རང་ཉིད་གཉིད་སོང་བ་ཚོར། ་་ཅི་རེད།་་ ཁོས་ངལ་དུབ་ཀྱི་ལུས་པོ་ཡར་བཀྱགས་ནས་མིག་ལ་བྱིལ་བྱིལ་བྱས། ་་བྱེའུ་འགྲམ་ལྕགས་ཀྱིས་སྟག་གྲུབ་ལ་ཁ་པར་བཏང་བྱུང་། ཁོས་ལྷ་སྐུ་ཉོ་དགོས་བརྗོད་བྱུང་།. |
| 330 |
དར་རྒྱས་མལ་ཁང་གི་སྒོ་ཁར་སླེབས་ཟིན།་་ གཟིག་སྡེས་ཀྱིས་ཁ་པར་བླངས་ནས་དུས་ཚོད་ལ་ལྟ་སྐབས། མཚན་མོའི་དུས་ཚོད་གསུམ་པ་རེད་འདུག ་་མཚན་མོ་འདི་འདྲ་ལ་ཚོང་བྱེད་དགོས་ཟེར་ན་ཅི་རེད།་་ ཁོས་དེ་ལྟར་དྲིས་ཀྱང་ཉི་མ་དང་འཇིགས་མེད་ལ་ལན་ཅི་ཡང་བརྗོད་རྒྱུ་མེད། ་་སྒུག་དང་། ལྷ་སྐུ་ལྔ་བརྐུས་ཤོར་བ་རེད།. |
| 331 |
ཁོས་ལྷ་སྐུ་བདུན་ཉོ་དགོས་བཤད་ཀྱང་དོན་དུ་ལྷ་སྐུ་ལྔ་ཡི་གོང་ཚད་བཤད་ཀི་འདུག བརྐུས་ཤོར་བའི་ལྷ་སྐུ་ལ་ཁྲི་ཚོ་བརྒྱད་བརྒྱ་རེད། གསུམ་བརྒྱ་ཅན་གཅིག་ཡོད་རེད། གཟིག་སྡེས་ཀྱིས་དེ་ལྟར་བཤད་བཞིན་ཡར་ལ་ཧར་གྱིས་ལངས། ་་འཇིགས་མེད། ལྷ་སྐུ་བླུ་དགོས་ན་བླུ་ཡོན་ག་ཙམ་བབ་འདུག གོང་ཆེས་ཆེ་ཡ་དེ་ཁྲི་གསུམ་རེད་པས།. |
| 332 |
གཅིག་དང་དྲུག གཅིག་དང་དགུ སྟོང་བདུན་ཅན་གཉིས། ཁྱོན་ལ་ག་ཚོད་རེད།་་ ཉི་མས་གཟིག་སྡེས་ལག་གི་ཤོག་བུ་བླངས་ནས་ཁ་རྩིས་ཞིག་བྱས་པ་ན། ་་བདུན་ཁྲི་དགུ་སྟོང་རེད།་་ ་་མ་རེད། ཁྲི་བདུན་བརྒྱ་དགུ་བཅུ་རེད།་་ དེ་ལྟར་བཤད་མ་ཚར་བ་ནས་གཟིག་སྡེས་སྒོ་ཕྱིར་གཏད་ནས་འགྲོ་བཞིན་འདུག ་་འགྲོ ་་ གཟིག་སྡེས་ཀྱིས་ཚོད་དཔག་བྱས་ན།. |
| 333 |
བྱེའུ་འགྲམ་ལྕགས་ཚོང་ཁང་ལ་གཏད་དེ་འགྲོ་བཞིན་ཡོད། ཁོས་དྲུད་བཞིན་པའི་སྒམ་ནག་དེ་ལས་བྱུང་བའི་སྒྲ་དང་ཁོའི་གོམས་སྟབས་བར་ལ་འཆམ་མཐུན་གྱི་འཁོར་བསྐྱོད་ཅིག་འདུག ཁོས་རིག་པ་སངས་སངས་བྱས་ནས་ཁོར་ཡུག་ལ་ལྟ་ཞིབ་བྱེད་ཀྱིན་ཡོད་མོད། རྗེས་སུ་ལྐོག་དེད་བྱེད་བཞིན་པའི་དར་རྒྱས་ཁོས་སྙམ་ཏུ་མ་བཞག་པ་འདྲ།. |
| 334 |
གཟིག་སྡེས་དང་འཇིགས་མེད་ནི་དར་རྒྱས་ཀྱི་རྗེས་སུ་བར་ཐག་གློག་ཤིང་གཉིས་ཀྱི་བར་ཙམ་བཞག་ནས་ཡོད། ཉི་མས་མོ་ཊ་སྐོར་ནས་ཚོང་ཁང་གི་སྒོ་ཁར་སྒུག་ཏུ་སོང་། ཁོས་ད་དུང་ཁྲིན་ཏུའུའི་ཉེན་རྟོག་ཁང་ལ་འབྲེལ་གཏུགས་བྱས་ནས་ཁྱིམ་བཤེར་ཆོག་ཡིག་མགྱོགས་པོར་ལོན་དགོས་པ་རེད། ཉི་མས་མོ་ཊ་ཕ་རོལ་གྱི་ཟས་ཁང་གི་སྒོ་ལ་བཞག་པ་དང་།. |
| 335 |
ད་ནང་གཟིག་སྡེས་བསྡད་མྱོང་བའི་སྒེའུ་འགྲམ་གྱི་འདུག་ས་དེ་ལ་བསྡད་ཅིང་ཁྲིན་ཏུའུའི་ཉེན་རྟོག་པ་ལ་ཁ་པར་བཏང་། ཁོས་ཕར་ཕྱོགས་ཀྱི་ཉེན་རྟོག་རོགས་པས་ཆོག་ཡིག་ཡར་ཞུ་བྱེད་བཞིན་ཡོད་པ་ཐོས་སྐབས་བྱེའུ་འགྲམ་ལྕགས་ཀྱང་ཚོང་ཁང་གི་སྒོ་འགྲམ་ལ་སླེབས་སོང་། སྒོ་འགྲམ་གྱི་ཚོང་བདག་རྒྱ་མི་དེས་ལག་འཇུ་ཞིག་བྱེད་འདོད་བྱས་མོད།. |
| 336 |
བྱེའུ་འགྲམ་ལྕགས་ཀྱི་ལག་གཡས་པས་སྒམ་དྲུད་ཡོད་པས་དེ་ལྟར་མ་བྱུང་། ཁོས་ལག་སྟབས་དེ་གདན་འདྲེན་གྱི་ལག་སྟབས་ལ་བསྒྱུར་སྟེ་བྱེའུ་འགྲམ་ལྕགས་ནང་དུ་ཕེབས་བསུ་བྱས། བྱེའུ་འགྲམ་ལྕགས་ནང་ལ་ཕེབས་རྗེས་ཚོང་བདག་གིས་ཕྱིར་ལྟ་བྱས་པ་དང་ཁོ་རང་ནང་ལ་འཛུལ་རྗེས་སྒོ་བརྒྱབ་བོ། ། གཟིག་སྡེས་ཁོ་གསུམ་པོའང་ཟ་ཁང་ལ་ཐོན།. |
| 337 |
ཉི་མའི་ཅོག་ཙེའི་སྟེང་ལ་ཆུ་མོག་ཅ་ནེ་གང་བཞག་ཡོད། ཁོ་གསུམ་པོ་བསྡད་མ་ཐག ཞབས་ཞུ་བུ་མོ་ཕེབས་ནས་ཟས་ཡིག་ཅིག་ཁོ་ཚོར་བསྟེར། འཇིགས་མེད་ཀྱིས་དེ་ལེན་གྲབས་བྱེད་སྐབས། གཟིག་སྡེས་ཀྱིས་ཁོ་ཚོ་ལ་ཆུ་ཁོལ་མ་གཏོགས་ཟ་མ་མི་དགོས་ཞེས་ནས་ལན་བཏབ། བུ་མོ་དེའི་ངོ་མདོག་ནག་ནག་བྱས་ཏེ་ཁ་ཕྱིར་འཁོར་ཏེ་སོང་།. |
| 338 |
ངས་ཟ་བསམ་མ་བྱུང་།་་ ཉི་མས་ཅ་ནེ་འཇིགས་མེད་ཀྱི་མདུན་ལ་སྣུད། འཇིགས་མེད་ཀྱིས་ཟ་ཐུར་བཟུང་ནས་ཆུ་མོག་ལ་བཙུགས་གྲབས་བྱེད་སྐབས། དར་རྒྱས་ཀྱི་ཁ་མཚར་བྱས་ཏེ། ་་ད་ལྟ་ཡིན་ནའང་ཟ་མ་ཟ་བའི་སེམས་ཡོད་ཀི ཁྱོད་ང་ལས་ཀྱང་ཕག་གཤིས་ཆེ་འི། ཧ་ཧ་ཧ།་་ འོན་ཀྱང་གཞན་གསུམ་པོས་ཁོའི་ཁ་མཚར་ལ་བགད་མོ་མ་བགད་པར་མ་ཟད།. |
| 339 |
གཟིག་སྡེས་ཀྱིས་དྲི་བ་ཞིག་གི་ཁུ་སུམ་གཏོར་རྒྱུ་བྱུང་། ་་ནང་ལ་སོང་ནས་དུས་ཚོད་ག་ཙམ་རེད།་་ ་་སྐར་མ་ལྔ་ཙམ་ཡིན་ས་རེད།་་ ཉི་མས་ཁ་པར་ལ་ལྟ་ཙམ་བྱས་ནས་ ་་སྐར་མ་ལྔ་རེད་འདུག་་ ཟེར། ་་ཁྲུན་ཏུའུའི་ཉེན་རྟོག་པས་ཅི་ཟེར་གི་་ ་་སྔ་བར་ཁ་པར་བཏང་ཡིན། ཁོ་ཚོས་ཆོག་ཡིག་ད་དུང་ལོན་མི་འདུག ལོན་མ་ཐག་ང་ལ་ཁ་པར་འོང་གི་རེད།. |
| 340 |
མགྱོགས་པོ་ཟོས་ཤོག ང་ཚོ་ལ་འདུག་ཁོམ་ཆེན་པོ་མེད།་་ འོན་ཀྱང་ཁོ་ཚོ་ལ་འདུག་ཁོམ་ཡོད་སོང་། སྐར་མ་ལྔ་འགོར་སོང་རུང་ཆོག་ཡིག་ལོན་པའི་ཁ་པར་ད་དུང་བཏང་མ་བྱུང་། སྐར་མ་བཅུའི་རྗེས་སུའང་བཏང་མ་བྱུང་། སྐར་མ་བཅུ་གཉིས་པའི་དུས་སུའང་དེ་བཞིན་འཇམ་ཐིང་ཐིང་ཆགས། འཇིགས་མེད་ཀྱིས་ཆུ་མོག་ཟས་ཚར་བ་མ་ཟད་ཁུ་བའང་བཏུང་ཚར།. |
| 341 |
འགྲམ་གྱི་ཞབས་ཞུ་བ་དག་གིས་ཁོ་ཚོ་ལ་མིག་གི་གཅེར་ནས་འདུག་ལ་ཁོ་ཚོ་ཕྱིར་སྤྲོད་པའི་མིག་བརྡ་ཡང་ཡང་བྱས། གཟིག་སྡེས་ཀྱིས་ཁ་པར་ངོས་ལ་ལྟ་ཙམ་བྱས་ཏེ་བཤད་པར། ་་འགྲོ ད་སྒུག་ཚོད་ཡོད་ས་མ་རེད།་་ མི་བཞི་བོ་ཐད་ཀར་ཚོང་ཁང་ཕྱོགས་ལ་གོམས་རྒྱུགས་བྱས་པ་དང་། གཟིག་སྡེས་ཀྱིས་བཀོད་སྒྲིག་ལྟར་མི་གསུམ་མུན་ཁུག་ནས་སྒུག་རྒྱུ་བྱས་པ་དང་།. |
| 342 |
ཁོ་རང་གིས་སྒོ་བརྡུང་རྒྱུ་བྱས། ་་ཀྲང་ལོ་པན། སྒོ་ཕྱེས་དང་།་་ ཁོས་རྒྱ་སྐད་ཀྱིས་་དེ་ལྟར་བོས་ནས་སྒོ་ལ་ཤུགས་ཀྱིས་རྡུང་། ་་སུ་ཡིན།་་ ཚོང་བདག་གིས་ཁོང་ཁྲོ་ལངས་བཞིན་སྒོ་ཕྱེས་ཙ་ན་གཟིག་སྡེས་མདུན་དུ་ལངས་ཡོད་པ་མཐོང་། ་་ང་ཡིན།་་ གཟིག་སྡེས་ཀྱིས་ངོ་ལ་མཛུམ་མདངས་ཞིག་གྱོན་ཏེ་ཚོང་བདག་ལ་ལྟས།. |
| 343 |
ཐེབ་སྡེར་ཅིག་བོར་སོང་། འདི་ས་ནས། སང་ཉིན་སྔ་མོ་ང་རང་གནམ་གྲུར་བསྡད་ནས་འགྲོ་དགོས་པས། ད་ལྟ་མ་བཙལ་ཐུ་མེད་ཡིན། ་་ ་་ཨ་་ ་་ང་ཉིན་གུང་འདིར་འོང་དུས་བོར་སོང་བ་རེད།་་ ་་འོན་ཀྱང་ད་ལྟ་མཚན་གུང་ལ་སྟབས་བདེ་བོ་མི་འདུག་ཡ།་་ ཚོང་བདག་སྒོ་ཁར་ལངས་ནས་གཟིག་སྡེས་ནང་ལ་མ་མངགས། ་་སྐར་མ་གཉིས་གསུམ་ཙམ་མིན་མི་དགོས།. |
| 344 |
ཐེབ་སྡེར་དེ་རྩ་ཆེན་ཞིག་ཡིན།་་ ་་ང་ཚོས་ཕྱི་དྲོ་གཙང་ཕྱགས་བཟོས་པ་ཡིན། ཐེབ་སྡེར་དེ་འདྲ་མཐོང་མ་སོང་།་་ ཚོང་བདག་སྔར་བཞིན་སྒོ་ཁ་ནས་ལངས། ་་དེ་ན་འབོར་ཁྲིའི་བར་ལ་ལྷུང་ཡོད་ན་ཐང་།་་ གཟིག་སྡེས་ཀྱིས་ཚོང་བདག་དེད་ཞོར་འཐེན་ཞོར་བྱས་ནས་ནང་ཏུ་འཛུལ། ཚོང་བདག་གི་རྡོག་སྣ་སྲ་བརྟན་བྱེད་ཐུབ་ཚེ་ན།. |
| 345 |
བྱེའུ་འགྲམ་ལྕགས་སྒོ་ཤིང་གི་རྒྱབ་ཏུ་སྐུང་པ་རེད། འོན་ཀྱང་ཁང་མིག་ཡོངས་ལ་སྒྲོན་མེས་མི་གསལ་བ་མེད་པར་བྱས་འདུག་པ་དང་། འབོར་ཁྲི་ཡང་སྒོ་དང་ཁ་གཏད་ནས་ཡོད་པས། གཟིག་སྡེས་ཁ་ཕྱིར་འཁོར་བྱས་ན་བྱེའུ་འགྲམ་ལྕགས་མཐོང་འགྲོ་བ་ཐེ་ཚོམ་མེད། གཟིག་སྡེས་ཀྱིས་ཀྱང་མིག་ཟུར་གྱིས་བྱེའུ་འགྲམ་ལྕགས་བཙལ་བཞིན་ཡོད།. |
| 346 |
བྱེའུ་འགྲམ་ལྕགས་ཀྱིས་དེ་དྲན་པ་ན་མྱུར་རྒྱུ་གང་ཡོད་བྱས་ནས་ཕྱི་ལ་བྲོས། གཟིག་སྡེས་ཀྱིས་ཁོ་རེ་བསྡོད་ཟེར་བཞིན་རྗེས་ནས་དེད་པ་དང་སྒོ་འགྲམ་གྱི་སྒུག་མཁན་གསུམ་པོས་ཀྱང་མཐོང་མ་ཉིད་རྒྱུགས་ཏེ་བྱེའུ་འགྲམ་ལྕགས་ཀྱི་རྗེས་སུ་བདའ། འོན་ཀྱང་བྱེའུ་འགྲམ་ལྕགས་ཕྱིར་ལ་བྲོས་པ་དེ་གློ་བུར་བསམ་ཡུལ་ལས་འདས་པས།. |
| 347 |
ཁོ་གསུམ་པོས་སྒོ་ཁ་ནས་བཀག་ཐུབ་མ་བྱུང་། འཇིགས་མེད་དང་ཉི་མས་མུ་མཐུན་བྱེའུ་འགྲམ་ལྕགས་ཀྱི་རམ་མདར་རྒྱུགས་དང་། དར་རྒྱས་ཕྱིར་ཚོང་ཁང་ལ་ལོག་ནས་ཚོང་བདག་འཛིན་རོགས་ལ་སོང་། ་་བྱེའུ་འགྲམ་ལྕགས་ཁོ་རེ་བསྡོད།་་ ཉི་མ་རྗེས་ནས་དེད་ཀྱིན་ཡོད་ལ། བྱེའུ་འགྲམ་ལྕགས་ཁོས་ཟིན་ལ་ཟིན་ལ་བྱེད་མོད་འཛིན་ཐུབ་པར་མ་འགྱུར།. |
| 348 |
ཁོའི་རྗེས་ན་འཇིགས་མེད་ཀྱང་རྒྱུགས་ནས་ཡོང་གིན་འདུག བྱེའུ་འགྲམ་ལྕགས་ལམ་མདོ་ཞིག་ལ་ཐོན་སྐབས་གློ་བུར་གཡས་ཕྱོགས་སུ་ཀྱོག་པ་དང་། ལམ་འདིའི་འགྲམ་གཉིས་ནི་ཨར་ཁང་གླུ་གར་ཁང་རྐྱང་རྐྱང་ཡིན་པས། མཚན་མོའི་དུས་ད་ལྟ་འདི་ལའང་མི་མང་གི་འུར་ཟིང་ཤིན་ཏུ་ཆེ། ཉི་མས་མགོ་བོ་སྒུར་སྟེ་ཇེ་མགྱོགས་ཅི་ཡོད་བྱས་པ་དང་།. |
| 349 |
འོན་ཀྱང་ཁོས་ལྭ་བ་ལ་ཐུག་ཙམ་བྱུང་དུས། བྱེའུ་འགྲམ་ལྕགས་ཀྱིས་ཀྱང་ཤེད་ཅིག་ཕྱུང་ནས་བར་ཐག་ཕྱེས། ་་ཁོ་རེ་བསྡོད་མིན་བོས་འཕེན་ནི་ཡིན།་་ ཉི་མས་རང་གི་སྐེད་པ་གཡས་ལ་རེག་ཙམ་བྱེད་དུས་ད་གཟོད་རང་ལ་བོས་མེད་པ་དྲན། གོམས་པ་གསུམ་གྱི་རྗེས་ནས་ཁོས་ད་ལྟ་རང་ཉིད་གློག་བརྙན་ནང་གི་ཉེན་རྟོག་པ་ཞིག་ལ་སྒོམ་བཞིན་ཡོད་པ་ཚོར་བྱུང་།. |
| 350 |
དེ་ནས་ཡང་གོམས་གསུམ་སོང་བ་ན་ལམ་འགྲམ་གྱི་འུར་ཟིང་གིས་ཁོའི་དཔྱོད་ཤེས་སད་ནས་བོས་ཡོད་ཀྱང་མི་ཚོགས་འདི་འདྲའི་ནང་ནས་འཕེན་མི་ཆོག་པ་དྲན། བྱེའུ་འགྲམ་ལྕགས་གཞོན་པ་ཕོ་མོ་གཉིས་ཀྱི་ཟུར་ནས་ཧུར་གྱིས་བུད་དེ་ལམ་གྱི་ལྕགས་ར་ལས་མཆོང་བ་དང་ཆང་ཁང་ཆེན་པོ་ཞིག་གི་ཕྱོགས་སུ་གཏད། ཉི་མས་སྔར་བཞིན་བྱེའུ་འགྲམ་ལྕགས་བདའ་ནས་ཡོད་མོད།. |
| 351 |
འཇིགས་མེད་གར་སོང་མི་འདུག མི་ཇེ་མང་ཡིན་ལ་མང་པོས་ཧ་ལས་ནས་ཁོ་གཉིས་ལ་ལྟ་བཞིན་ཁ་པར་གྱིས་པར་ལེན་མཁན་ཡང་འདུག ཉི་མའི་སེམས་པ་སླར་ཡང་གློག་བརྙན་གྱི་ནང་ཏུ་ལོག་ནས་རང་ཉིད་ཀྱི་རླུང་ལྟར་འཕུར་བའི་སྣང་བ་སྐྱེས། བྱེའུ་འགྲམ་ལྕགས་སྐས་ཁ་ཞིག་ནས་ཡར་འགོས་པ་དང་དེ་ཡི་སྣེ་མོ་ནི་སྐས་ཟམ་ཆུང་ཆུང་ཞིག་ཡིན་འདུག་ལ།. |
| 352 |
ཁོ་རང་ས་ལ་འགྱེལ་ཙམ་བྱས་མོད་སྐྱོན་མི་འདུག་པས་མྱུར་བར་ཆང་ཁང་གི་ནང་ཏུ་འཛུལ་དེ་མེད་པར་འགྱུར་ཏོ། ། ཉི་མས་ལག་པ་ཟམ་ཤིང་ལ་སྐྱོར་ནས་དབུགས་རིང་འཐེན་པའི་སྐབས་སུ་ད་གཟོད་རང་གི་སྙིང་གི་འཕར་ལྡིང་གི་སྒྲ་ཤིན་ཏུ་ཆེ་བ་ཐོས་ལ། སྒྲ་དེ་ཆང་ཁང་གི་རྡིག་ཚ་འབིག་ཚ་དང་འདྲིས་ཏེ་ཇེ་མགྱོགས་སུ་འགྲོ་བཞིན་པའང་ཚོར་ཐུབ།. |
| 353 |
ནང་ལ་ཤོག་བུ་འགའ་ལས་ཅི་ཡང་མེད། འབོལ་ཁྲིའི་མཐའ་ལ་མི་ཡིས་བཀང་འདུག ཚོང་བདག་ཀྲང་ཁོ་ཚོའི་དཀྱིལ་ཏུ་བསྡད་ཀྱང་ཀུན་གྱི་ལྟ་ཡུལ་ཏུ་གྱུར་འདུག ་་མདང་དགོང་དུས་ཚོད་གཉིས་པ་ཡས་མས་སུ་ཁྱོད་གང་ན་ཡོད། སུ་དང་ཡོད། བྱ་བ་ཅི་ཞིག་བྱས།་་ འདྲི་མཁན་ནི་ཁྲུན་ཏུའུའི་ཉེན་རྟོག་པ་ཞིག་རེད། གཟིག་སྡེས་ཁོའི་འགྲམ་དུ་བསྡད་ཡོད་ལ།. |
| 354 |
གལ་ཏེ་རང་གིས་ཁ་བརྡ་འདི་འདྲ་བྱེད་ན་བདེ་མོ་མིན་པ་དང་། ང་ཚོས་ཡིན་གཅིག་མིན་གཅིག་ཁྲིམས་ངོས་ཀྱི་བརྒྱུད་རིམ་འགྲོ་དགོས་ཟེར་ན། ང་ཚོས་སྐད་ཆ་རྗེས་མར་བཤད་ཆོག་་ ཉེན་རྟོག་པས་ཕྲག་མགོ་བཏེགས་ཙམ་བྱས་ཏེ་དེ་ལྟར་ལབ་པ་དང་མུ་མཐུན་དུ་བཤད་པར། ་་མདང་དགོང་ཁྱོད་ཀྱི་ངོ་གཏུགས་བྱས་པའི་མི་དེ་རྐུན་མ་ཡིན་པའི་དོགས་པ་འདུག་ལ།. |
| 355 |
བོད་རིགས་ཀྱི་བློ་མཐུན་འདི་དག་ཕེབས་དགོས་དོན་ཡང་ཁོ་དང་འབྲེལ་བ་ཡོད་རེད། ང་ཚོས་གནས་ཚུལ་རྒྱུས་ལོན་བྱེད་པ་རེད། རང་ལ་ནག་ཉེས་ཡོད་པ་བཤད་ཀི་མེད། འོན་ཀྱང་རང་གིས་འདོད་ན་ཁྲིམས་རྩོད་པ་འབོད་པའི་ཐོབ་ཐང་ཡོད་དང་ཡོད།་་ ་་ངས་ཁ་རོག་དྲིས་པ་ཡིན། ཁྲིམས་རྩོད་པ་མེད་རུང་མི་སྐྱོན། ཉེན་རྟོག་པ་ལ་ནམ་ཡང་ཡིད་ཆེས་བྱེད་ཀྱིན་ཡོད།. |
| 356 |
གང་ལྟར་ངེད་གཉིས་ཀྱིས་ཚོང་མ་བྱས་གོང་ཁོ་རང་བྲོས་སོང་།་་ ་་ཚོང་བདག་ཀྲང་ལགས་ཀྱིས་སྐད་ཆ་འདི་ལྟར་སྨྲས་སོང་ན། ངས་ཀྱང་སྐད་ཆ་ཐད་ཀར་བཤད་ཆོག་་ གཟིག་སྡེས་ཀྱིས་བཤད་པར། ་་མདང་དགོང་གི་མི་དེ་ལ་དགོན་པའི་ལྷ་སྐུ་རྩ་ཆེན་བརྐུས་པའི་དོགས་པ་འདུག ང་ཚོ་འདིར་འོང་དོན་ཡང་རྐུན་མ་ངོས་ཟིན་དང་རྐུས་རྒྱུ་སྐྱོན་མེད་དུ་ལེན་ཕྱིར་ཡིན།. |
| 357 |
དེའི་ནང་དོན་ནི་ཀྲང་ཁྱོད་ཀྱིས་བྱེའུ་འགྲམ་ལྕགས་ཀྱིས་ཁྲིམས་འགལ་གྱི་བྱ་བ་བྱེད་བཞིན་ཡོད་པས་དངོས་མིང་བཀོལ་མི་སྲིད་པ་བཤད་པ་ཡིན་ན། ཁྱོད་ཀྱི་སྐད་ཆ་སྔོན་མ་དང་འགལ་ནས་ཡོད་པ་རེད་ཟེར་བའི་དོན་རེད། ་་ཁྱོད་ཚོ་བོད་པ་ཡིན་ན། རང་གི་ཁྱིམ་ནོར་བཙོང་ན་ངོ་ཚ་ལ་མི་བརྩིའམ། ཁོས་ང་ལ་ཁོའི་ཁྱིམ་ནོར་བཙོང་འཆར་ཡིན།. |
| 358 |
མ་ཉོས་སྔོན་ནས་ཁོ་བྲོས་སོང་། ཁྲིམས་ལྟར་ན་ངེད་གཉིས་ཀྱི་ཚོང་འགྲིག་མེད།་་ ་་ཁོས་ལྷ་སྐུ་ཅི་ཁུར་འདུག་་ ་་ཁོས་བཤད་པ་ཡིན་ན། ཁོང་གི་ཨ་མེས་ལྷ་བཟོ་བ་ཞིག་ཡོད་པ་དེས་བྲིས་པའི་ཐང་གའི་སྐྱ་ཐིག་གི་ཤོག་ཐང་འགའ་ཡིན་ས་རེད།་་ ་་ཨ། ཤོག་ཐང་། གསེར་ཟངས་ཀྱི་སྐུ་མ་རེད་དམ།་་ གཟིག་སྡེས་ཀྱིས་དྲིས་དོན།. |
| 359 |
འོན་ཀྱང་ངས་མཐོང་མ་སོང་།་་ ་་ཚོང་བདག་ཁྱོད་ཀྱིས་དེ་ལྟར་ལབ་ན་འགྲིག་གི་མི་འདུག་་ གཟིག་སྡེས་ཀྱིས་རྔམ་རྔམ་བྱས་ཏེ་མུ་མཐུད་དུ། ་་ཁྱོད་ཀྱིས་རྐུས་རྒྱུ་ཅི་ཞིག་ཉོས་ཡོད་པ་ང་ཚོས་སྔ་དྲོ་ནས་བརྩད་བཅོད་བྱེད་ཚར་རེད། ཚོང་ཁང་འདིའི་ནང་ཤག་ནང་ང་ཚོས་བརྩད་ཞིབ་མགོ་མཇུག་བྱས་ཟིན།་་ ་་དེ་རེད། འོན་ཀྱང་ངས་རྫུན་བཤད་ཀྱིན་མེད།. |
| 360 |
དགྲ་་་ བྱེའུ་འགྲམ་ལྕགས་ཀྱི་དྲུད་སྒམ་འདི་ན་ལུས་འདུག་པས།་་ ་་རྐུས་རྒྱུ་ནང་ཤག་ལ་འདུག་་ ་་དཔེ་མི་སྲིད། ངས་བྱེའུ་འགྲམ་ལྕགས་ཀྱི་སྒམ་དེ་ལ་རེག་ཙམ་ཡང་བྱས་མ་མྱོང་།་་ གཟིག་སྡེས་ཀྱིས་དར་རྒྱས་ལ་ལག་བརྡ་ཞིག་བྱས་པ་ན། དར་རྒྱས་ཀྱིས་སྔ་དྲོར་བླངས་པའི་པར་དེ་དག་གཟིག་སྡེས་ཀྱི་ལག་ལ་སྤྲད་བྱུང་ལ།. |
| 361 |
གཟིག་སྡེས་ཀྱིས་དེ་ལས་པར་འགའ་བསལ་ཏེ་ཅོག་ཙེའི་ཐོག་ཏུ་བཀྲམ། ཀྲང་གིས་པར་དེ་དག་ལ་ཞིབ་ལྟ་བྱས་མོད་ཧ་ཅི་ཡང་གོ་མ་སོིང་། ་་འདི་ཅི་རེད།་་ གཟིག་སྡེས་ཀྱི་མཛུབ་མོ་བཙུགས་ས་ནི་སྤྱན་རས་གཟིགས་ཀྱི་སྐུ་དེ་རེད་འདུག ལུག་ཆུང་དགོན་གྱིས་བརྐུ་ལ་ཤོར་བའི་སྐུ་དེ། ་་དེ་ང་རང་གིས་སྔོན་ཆད་ནས་ཉོས་ཡིན། འདི་བརྐུས་རྒྱུ་མ་རེད།. |
| 362 |
འདི་སྔོན་ཆད་བླ་མ་ཞིག་གི་ལག་ནས་ཉོས་པ་ཡིན། བླ་མ་ཁོ་རང་གི་སྒེར་རྒྱུ་རེད།་་ ་་སྐད་ཆ་དྲང་མོར་བཤད་ན་རེད། བྱེའུ་འགྲམ་ལྕགས་སྔ་ཕྱི་མ་གཏོགས་ང་ཚོས་འཛིན་རྒྱུ་རེད།་་ ་་ངས་རྫུན་ལབ་པ་མིན། འདི་དང་བཅས་པའི་ལྷ་སྐུ་ལྔ་ངས་ལོ་གསུམ་བཞིའི་སྔོན་ནས་ཉོས་པ་ཡིན།་་ ཉེན་རྟོག་པ་ཚང་མས་ཁུ་སིམ་པོར་སྐད་ཆའི་འཕྲོ་མ་ལ་སྒུག་ནས་བསྡད།. |
| 363 |
ལྷ་སྐུ་དེ་དག་ཁོ་རང་སྒེར་གྱི་རེད་ཟེར།་་ རྒྱ་ཟླ་བཞི་བའི་ཚེས་ཉེར་བཞི་ཉིན། ༄༅། །ཉེན་རྟོག་པས་ཀྲང་གི་སྐད་ཆ་ལས་ཤེས་གསལ་བྱུང་བའི་གནས་ཚུལ་གསར་བ་ལྟར་ལྷ་སྐུའི་དོགས་གཞི་བརྩད་བཅོད་བསྐྱར་ཏུ་བྱས་པ་དང་། འདི་ཉིན་སྔ་དྲོ། བྱེའུ་འགྲམ་ལྕགས་ཀྱིས་ཀྱང་གཟིག་སྡེས་ལ་ཁ་པར་བཏང་ནས་རྒྱུ་མཚན་བཤད་པ་རེད།. |
| 364 |
བྱེའུ་འགྲམ་ལྕགས་ཀྱིས་བཙོང་འདོད་པ་ནི་ཁོའི་ཨ་མེས་ཀྱི་སྐྱ་ཐིག་རི་མོ་ཡིན་ལ། ཁོ་རང་བྲོས་དོན་ནི་འདི་བཙོང་ན་ཁྲིམས་འགལ་ཡིན་མིན་མ་ཤེས་པས་ཁྲིམས་ལ་རྨོངས་བ་དང་རང་ཉིད་བསྐྲག་པས་ཡིན། འོན་ཀྱང་མཚན་གཅིག་ལ་ཁྲུན་ཏུའུའི་སྲུང་བར་ནས་འཁྱམ་འཁྱམ་བྱས་པ་ན། ཁོས་རང་ཉིད་འགྲོ་ས་མེད་པ་ཤེས་ནས་ཉེན་རྟོག་པ་ལ་མགོ་བཏགས་པ་རེད་ཟེར།. |
| 365 |
འོན་ཀྱང་ཉེན་རྟོག་པས་སྐྱ་ཐིག་གི་རི་མོ་དེ་བཙོང་ན་ཁྲིམས་འགལ་ལ་རྩིས་མིན་པས། ཁོ་རང་གིས་ཤོག་བུ་ཞིག་ལ་མཛུག་ཐེལ་འགའ་བཞག་པ་ན་རང་དབང་དུ་མངགས་བྱུང་། ་་ཤོག་བུ་འདི་དག་ལ་སྒམ་ཆེ་བོ་འདི་འདྲ་ཞིག་གིས་ཅི་དགོས།་་ གཟིག་སྡེས་ཀྱི་བྱེའུ་འགྲམ་ལྕགས་ལ་དྲིས། ་་རི་མོ་ཚོང་སོང་ན། ཕྱིར་ལ་སྒམ་གང་ཉོ་བྱེད་ཡོད་རེད།. |
| 366 |
འདི་ངའི་ཨ་མེས་ཀྱི་ཚེ་ལ་བྱུང་བ་རེད།་་ བྱེའུ་འགྲམ་ལྕགས་ཀྱིས་སྒམ་ལག་ཏུ་བླངས། ་་ཡ་ཡ། ང་ལ་བྲེལ་དོན་མང་། ཁྱོད་རང་བདེ་མོ་བྱོས།་་ གཟིག་སྡེས་ཀྱིས་དེ་ལྟར་ལབ་ནས་གོམས་གཅིག་ཕྱིར་འཐེན་བྱས་པ་ན། བྱེའུ་འགྲམ་ལྕགས་ཀྱང་ཁ་ཕྱིར་ཁོར་ནས་མངགས་གཏོང་ཁང་གི་སྒོ་ཕྱིར་ལ་གཏད་དེ་སོང་། ་་ཨོ། བྱེའུ་འགྲམ་ལྕགས།. |
| 367 |
བྱེའུ་འགྲམ་ལྕགས་ཀྱི་ངོ་ལ་འཛུམ་མདངས་ཤིག་ཤར་ནས་ལན་བཏབ་པར། ་་དེ་ན་ང་དཀར་མགོའི་བུད་ནི་རེད་པས།་་ ་་ཁྱོད་རང་དཀར་མགོའི་བུད་ནི་རེད།་་ ཁ་སང་ཕྱི་དྲོ། ལུག་ཆུང་དགོན་པའི་ལྷ་གཉེར་གྱིས་གཟིག་སྡེས་ལ་ཁ་པར་སླེབས་བྱུང་སྟེ། ལུག་ཆུང་དགོན་པའི་རྐུ་ཤོར་བའི་ལྷ་སྐུ་ལྔ་པོ་དགོན་པའི་འདུ་ཁང་གི་མཆོད་སྒམ་ནང་ན་ཡོད་འདུག་ཟེར།. |
| 368 |
ལྷ་སྐུ་ལྔ་བོ་ལོ་བཞི་ལྔ་སྔོན་ལ་ཝ་བླ་མས་འཁྱེར་ནས་རྒྱ་ནག་ས་ཆ་སོ་སོར་འགྲེམ་སྟོན་བྱས་པ་དང་། དེ་དུས་ལྷ་སྐུ་ལྔ་ལ་མི་ཞིག་གིས་རྫུས་མ་བཟོས་ནས་ཕྱིར་དགོན་པར་སྤྲད་པ་དང་། ལྷ་སྐུ་ངོ་མ་ལྔ་བོ་ཀྲང་ལ་བཙོང་པ་རེད་འདུག འདི་ཉིན། ཝ་བླ་མས་མོ་ཊ་རྫིག་པོ་དེ་སྐོར་ནས་འགྲོ་བཞིན་ཡོད་སྐབས། གཟིག་སྡེས་ཀྱིས་ཁོ་ལ་ཁ་པར་བཏང་བྱུང་སྟེ།. |
| 369 |
རིན་པོ་ཆེ། ང་གཟིག་སྡེས་ཡིན་ལགས། ང་ཚོས་ཁྲིན་ཏུའུ་ནས་ཚོང་བདག་ཅིག་བཟུང་ཡོད་པ་དང་། རྐུས་རྒྱུའང་དེ་ས་ནས་རྙེད་བྱུང་། ད་ལྟ་སྐད་ཆ་འགའ་ཁྱེད་ལ་འདྲི་དགོས་པས། ཅུང་ཙམ་འགོར་རྗེས་ཉེན་རྟོག་པ་གཉིས་ཁྱེད་ཀྱི་གམ་ལ་བཅར་རྒྱུ་ཡིན་པས། ཁྱེད་རང་བླ་བྲང་ལ་བཞུགས་ཡོད་པས། ་་ ་་ཡོད་དང་ཡོད། ད་སྐད་ཆ་ཡག་པོ་གོ་བྱུང་།. |
| 370 |
ཁོས་འཁོར་ལོ་ཤེད་ཀྱིས་སྐོར་བར་བྱེད་སྐབས། མོ་ཊ་མགོ་གཏིང་ལོག་ནས་ཆུ་ཤུལ་ནང་དུ་འགྱེལ། མི་ཚོས་སྐོར་ནས་འ་འུར་ཟང་ཟིང་གིས་ཁེངས་སོང་ལ།ཝ་བླ་མས་ཤེད་ཤུགས་ཡོད་ཚད་ཀྱིས་འོད་ཀྱི་ཕྱོགས་ལ་བསྣུད་པ་ན་ཤེལ་སྒོ་ལས་མགོ་ཐར་ཙམ་བྱུང་། ཁོའི་ཁ་སྣ་ལས་ཁྲག་ཆད་མེད་དུ་ཕྱུང་བཞིན་འདུག་ལ། རིམ་གྱིས་མིག་འོད་ཤོར་བ་དང་ཚོར་མེད་གྱུར་ནས་དུབ།. |
| 371 |
ངའི་རླངས་འཁོར་ནང་ལ་ཚང་མས་སྐྱེལ་རོགས།་་ མི་ཚོགས་འཁོར་བའི་ནང་གི་སྐྱེས་པ་ཞིག་གིས་དེ་ལྟར་བཤད་པའི་མཚམས་ལ་སྨན་ཁང་གི་རླངས་འཁོར་ཀྱང ་་ ཏེས་པུ། ཏེས་པུ་་ ཞེས་ངུ་བཞིན་སླེབས་བྱུང་། ། རྒྱ་ཟླ་ལྔ་བའི་ཚེས་བརྒྱད་ཉིན། ༄༅། །ལུང་པའི་རི་རྒྱུད་གཉིས་སྣོལ་བའི་མཚམས་ནི་ལུག་ཆུང་སྡེ་བའི་གཞི་བདག་གཉན་པོ་ལུག་འཕན་ཡིན།. |
| 372 |
རི་འོག་ཏུ་རྐང་ལམ་ཕྲ་མོ་ཞིག་རྒྱུ་ཡོད་ལ། མོ་ཐོ་གཉིས་ལམ་དཀྱུལ་དེ་ནས་ངོ་འཕྲད། སྔོན་ཆད་ལམ་འགྲོ་རྟ་བ་ཐུག་པའི་སྲོལ་ལྟར། ལམ་འགྲོ་ངོ་འཕྲད་ངོ་ཤེས་ཡིན་རུང་མིན་རུང་སྐད་ཆ་ཚིག་གསུམ་རེ་བཤད་དགོས་པ་ཡིན། ་་འོ་བརྒྱལ།་་ སྐྱ་ཆས་ཅན་དེས་འཕྲུལ་རྨོག་ཕུད་ནས་གཞན་པ་གྲྭ་ཆས་ཅན་དེ་ལ་མཚངས་འདྲི་ཞུས། ་་དཀའ་མ་ཐལ།. |
| 373 |
སྐེ་དཀྲིས་དཀྲིས་པས་ཞལ་འཚོས་མ་བྱུང་། ་་ ་་ཧ་ཧ།་་ ་་ང་འབུ་ཞག་འདུག་ས་ལ་འགྲོ་ཡིན། དེ་རིང་ངེད་རུ་སྡེ་བའི་རུ་སྤོ་མགོ་ཚུགས་ནི་རེད།་་ སྐྱ་བོས་དེ་ལྟར་ལན་བཏབ། སྐྱ་སེར་འདི་གཉིས་ནི་སྔོན་ན་ཟས་ཁང་ནས་ཐུག་པའི་མི་དེ་གཉིས་ཡིན། སྐབས་དེར། ཁོ་གཉིས་ཀྱིས་བྱེའུ་འགྲམ་ལྕགས་རྐུན་མ་ཡིན་མིན་ལ་ལྟ་བ་མི་འདྲ་བ་གཉིས་ཁྱེར་ཡོད།. |
| 374 |
བཙོན་དུ་བཟུང་བའི་བྱེའུ་འགྲམ་ལྕགས་རྐུན་མའི་ཚང་ལ་ལྷུང་འགྲོ་བ་སུས་དྲན་ཐུབ། རྒྱུ་འབྲས་ཟེར་བ་མཚར་པོ་རེད་ཡ།་་ རྒན་པོས་མགོ་བོ་གཡུག་བཞིན་འདི་དག་ཚང་མ་རྨི་ལམ་ཡིན་སྣང་ལྟ་བུ་འཆར། ་་བྱེའུ་འགྲམ་ལྕགས་ལྷུང་ནི་མིན་པ་སོང་ནི་ཡིན་ནའང་ཐང་།་་ གྲྭ་བས་དེ་ལྟར་བཤད་རྗེས་སྐེ་དཀྲིས་མགོ་ལ་བཏུམ། རྒན་པོ་ཡང་སད་པ་བཞིན།. |
| 375 |
མོ་ཐོ་གཉིས་པོ་ལམ་གཅིག་གི་སྣ་གཉིས་ལ་སོ་སོར་རྒྱུ་བཞིན། ཡུལ་ལྗོངས་ཀྱི་མཛེས་སྡུག་ཇེ་ཆེར་ནས་ཇེ་ཆེར་བསྐྱེད། ལུང་བའི་མཐའ་ལ་སྨུག་པ་སྲབ་མོ་ཞིག་གི་གཡོགས་འདུག་ལ། གཉན་པོ་ལུག་འཕན་གྱི་རྩེ་མོ་ལ་རྒོད་ཀྱི་གཤོག་པ་བསྒྱུར་བ་ལྟ་བུའི་སྤྲིན་ཕུང་ཞིག་དལ་བར་བསྐྱོད་ཀྱིན་འདུག་པ་ནི་ཁོང་གི་ཆིབས་བྱ་ཡིན་ནམ།. |
| 376 |
གང་ལྟར། འདི་ནི་གསོན་ཤུགས་ཀྱིས་བསྟས་པའི་སོས་ཀའི་ཞོགས་པ་ཞིག་རེད། རྒྱ་ཟླ་བཞི་བའི་ཚེས་དྲུག་ཉིན། ༄༅། །བྱེའུ་འགྲམ་ལྕགས་ཀྱིས་མོ་ཞུས་རྗེས་ཕྱིར་ལ་ལོག་གྲབས་བྱས། ཉི་མ་རི་ཁ་ནས་ནུབ་པའི་མཚམས་ལ། སྤྲིན་པ་སྔོ་ནག་དེ་དག་གི་མཐའ་ལ་གསེར་གྱི་ཁ་རྒྱན་སྤྲས་འདུག བྱེའུ་འགྲམ་ལྕགས་ཀྱིས་སེམས་ལ་དགའ་སྤྲོ་ཁོར་ཡོད།. |
| 377 |
ད་ལྟ་ཁོས་ཨ་མེས་ཀྱི་སྐྱ་བྲིས་དེ་དག་བཙོང་རྒྱུའི་སེམས་ཐག་ཆོད་སོང་ལ། མོ་ཊ་དཀྲུ་ས་ཞིག་ཕྱེས་ནས་ཚོང་བྱེད་པའི་འཆར་གཞི་དེའང་ལམ་ལ་འགྲོ་བའི་རྟེན་འབྲེལ་ཐོག་མ་འགྲིག་སོང་། མཁན་པོ་སྟག་གྲུབ་སྒོ་ཁར་བཞེངས་འདུག ཁོས་བྱེའུ་འགྲམ་ལྕགས་ལ་སྐྱེལ་མ་བྱེད་བསམ་མོད། ཁོ་པའི་མོ་ཐོ་དེ་རྦད་ནས་འབར་མ་བྱུང་།. |
| 378 |
ཅི་རེད། མོ་ཐོ་མི་འབར་ནི་ཨེ་རེད།་་ མཁན་པོས་དེ་ལྟར་དྲིས། འོན་ཀྱང་ཁོང་གི་དྲི་བཞིན་པ་ནི་དོན་དག་གཞན་ཞིག་ཡིན་པ་འདྲ། ཁོ་རང་གིས་ཐག་ཆོད་མ་ཐུབ་པའི་དོན་དག་ཅིག་ཡིན་པ་འདྲ། ་་མོ་ཆག་འདི་འདི་འདྲ་ཡིན་རེད་ཀོ་་ བྱེའུ་འགྲམ་ལྕགས་མོ་ཐོ་ལས་བབ་སྟེ་ཕུར་རིང་ཕུད་པ་དང་། མོ་ཐོའི་གམ་ནས་མཛེར་མགོ་འགའ་ལ་ལག་པས་གཅུས་རྒྱབ།. |
| 379 |
མཁན་པོ་སྒོ་འཐེམ་ནས་བབ་ཏེ་ལྟས་པ་དང་། སྐར་མ་གཅིག་ཙམ་འགོར་རྗེས་བྱེའུ་འགྲམ་ལྕགས་ཕྱིར་མོ་ཐོ་ལ་བཞོན་ཏེ་ཤེད་ཀྱིས་འགུལ་རྭ་ལ་རྡོག་དེད་བྱས། འོན་ཀྱང་འཕྲུལ་ཆག་དེ་ལ་གྲགས་འགུལ་ཅི་ཡང་མ་བྱུང་། དུས་འདི་མཚམས་ལ་མུན་ཡོངས་སུ་རུབ་སོང་། ་་ད་དོ་ནུབ་ཁྱོད་འགྲོ་རྒྱུ་རེད་མ་བྱུང་། ངས་ཁྱོད་ལ་ཉལ་ས་བཅའ།. |
| 380 |
ངས་བསམ་ན་དེ་རིང་ཆོས་སྐྱོང་གིས་ཁྱོད་མངགས་ཀི་མི་འདུག་་ མཁན་པོའི་ཞལ་ལ་གསལ་ཁ་ཞིག་དོད། ཁོང་གཉིས་ཀྱིས་ཉལ་ས་བཅའ་ཚར་རྗེས། དགོན་པའི་ཚོགས་འགྱེད་བྱས་པའི་ཐིག་པ་དེ་ནུབ་ཟས་ལ་ཟོས་པ་རེད། ་་འདི་སྤྱིར་ན་དཀོར་ཟས་རེད་མོད། དེ་རིང་ཁྱོད་ཆོས་སྐྱོང་སྲུང་མའི་མགྲོན་པོ་ཡིན་པས། འདི་ཁྱོས་སེམས་བདེ་བདེ་བྱས་ནས་ཟོས་དང་སྡིག་པ་མེད།. |
| 381 |
ཧ་ཧ།་་ ་་ཡ་ཡ་ཡ། ཆོས་སྐྱོང་སྲུང་མས་མགྲོན་ལ་བོས་ན་ལོས་ཟ་དང་ལོས་ཟ།་་ བྱེའུ་འགྲམ་ལྕགས་ཀྱིས་མཁན་པོའི་སྐད་ཆ་དེ་ཁ་མཚར་ལ་གོ་ཡོད་པ་རེད། འོན་ཀྱང་མཁན་པོའི་སྐད་ཆ་ལ་དོན་དེ་བས་གཟབ་པ་ཞིག་ཡོད། བར་ལམ་ཞིག་ནས་མཁན་པོ་སྟག་གྲུབ་ཀྱིས་གཟབ་ནན་ངང་བྱེའུ་འགྲམ་ལྕགས་ལ་སྐད་ཆ་འདི་ལྟར་དྲིས་བྱུང་སྟེ། ་་ དགྲ་འདུལ།. |
| 382 |
ཁྱེད་མིན་པའི་སྐྱབས་ས་ང་ལ་མེད།་་ མཁན་པོས་ཅུང་ཙམ་ལ་བསམ་བློ་བྱས་པ་དང་། དེ་ནས། ་་ངས་ཁྱོད་ལ་དོན་ཆེན་ཞིག་བཅོལ་རྒྱུ་ཡོད། དེ་གྲུབ་སོང་ན་འུག་གཉིས་ལ་ཚེ་ཕྱི་མའི་བྲོ་ཁ་ཞིག་ཡོད། དེ་མ་འགྲུབ་ན་འུག་གཉིས་བཙོན་ལ་འགྲོ་དགོས་ཐུག་རྒྱུ་རེད།་་ བྱེའུ་འགྲམ་ལྕགས་ཀྱིས་དོན་དག་དེ་ཅི་ཡིན་དྲན་མི་ཐུབ་མོད།. |
| 383 |
ཁོས་མཁན་པོ་ལ་ཡིད་ཆེས་ལྡོག་མེད་ཡོད་པས། དེ་དོན་དག་འགྲིག་པ་ཞིག་ཡིན་པའི་འདང་ཚོད་ཡོད། ་་མཁན་པོ་ཁྱོད་ཀྱིས་བཀའ་ཅི་ཡོད་བགོས་དང་རེད། ངའི་སྲོག་མགོ་བོས་ཁ་ལ་གཏད་ན་མི་ཤེས་མོད། དེ་མིན་ཁྱོད་ཀྱིས་ཅི་གསུང་སྒྲུབ་ངེས་ཡིན།་་ ་་ཡ་ཡ། དེ་ན་ངས་ཁྱོད་ལ་བཤད།་་ ཁོང་གཉིས་ཀྱི་མགོ་བོ་ཕྱོགས་གཅིག་དུ་སྡུད་ཙམ་བྱས།. |
| 384 |
སྡེ་དགེའི་རྒྱལ་བོས་ཕུལ་བའི་སྒྲོན་སྐུ་སོགས་རྐུན་ལ་ཤོར་སོང་ཟིག ད་དུང་དེ་མིན་གྱི་སྐུ་གསུམ་ཡང་རྐུས་སོང་ཟིག འུག་གཉིས་ཀྱིས་དེ་ཕྱིར་ལ་ཨེ་ལོན་ལྟ་དགོས།་་ ་་ཨ། ནམ་ཞིག་ལ། སུས་རྐུས་རེད།་་ བྱེའུ་འགྲམ་ལྕགས་ཀྱིས་སྐུ་དེ་དག་མཇལ་མ་ཐག་ཡིན། ་་དེ་སྐད་ཆ་རིང་པོ་རེད། རྗེས་མ་ཁྱོད་ཀྱིས་ཤེས་རྒྱུ་རེད།. |
| 385 |
རྐུན་མས་འདྲ་བཟོ་བྱས་པ་རེད།་་ ་་ཨ།་་ ་་དོ་ནུབ་འུག་གཉིས་ཀྱིས་སྐུ་དེ་དག་ས་ཆ་གཞན་ཞིག་ལ་ཞབས་ཞུ་བྱེད་འཇོག་དགོས། དེ་ནས་ཉེན་རྟོག་པ་སླེབས་ན་ལྷ་སྐུ་་དག་མ་དེ་དག་བརྩད་ཆོད་ཡོང་རྒྱུ་རེད།་་ ་་ཁྱེད་ཀྱིས་ཅི་གསུང་ན་དེ་ཡིན།་་ དོན་དག་འདི་འདྲ་ཆེ་བོ་ཞིག་ལ་བྱེའུ་འགྲམ་ལྕགས་ཀྱིས་འདང་བརྒྱག་ག་ལ་ཤེས།. |
| 386 |
ཁོང་གཉིས་ཀྱིས་བགྲོ་གླེང་ཡུན་རིང་ལ་བྱས་མཐར། བྱེའུ་འགྲམ་ལྕགས་སོང་ནས་འགྲེམ་སྟོན་ཁང་གི་སྐུ་རྫུས་མ་དག་རྐུས་ནས་འཁྱེར་ཡོང་ཏེ་མཁན་པོ་སྟག་གྲུབ་ལ་སྤྲད། མཁན་པོས་དེ་དག་དགོན་པའི་འདུ་ཁང་གི་མཆོད་སྒམ་ཞིག་གི་ནང་དུ་སྦས། དེ་ལྟར་གྲུབ་རྗེས་མཚན་མོའི་དུས་ཚོད་གཉིས་པ་རེད་འདུག་ལ། ཁོང་གཉིས་ཕྱིར་གྲྭ་ཤག་ལ་སླེབས་པ་དང་།. |
| 387 |
སྡུག་ན་ཁྱོད་བཀག་ཉར་བྱེད་ནའང་ཐང་། མི་ཁས་ཁྱོད་ལ་སྡང་ནི་རེད། འོན་ཀྱང་ཁྱོད་ཀྱིས་བསམ་དགོས་པ་ནི་ཁྱོད་ཀྱིས་ལྷ་སྐུ་རྐུས་མེད་པ་དེ་རེད། འུག་གཉིས་ཀྱིས་ལྷ་སྐུའི་བཞུགས་ས་བརྗེས་པ་ཙམ་རེད། ་་ ་་ཨིམ།་་ ་་ཉེན་རྟོག་པའི་བཀག་འདྲི་ལས་ཐར་ན། ཁྱོད་ཀྱིས་འཆར་གཞི་ལྟར་ཁྲུན་ཏུའུ་ལ་ཚོང་བྱེད་དུ་སོང་།. |
| 388 |
ཁྱོས་མི་འདི་ལ་འབྲེལ་བ་བྱས་ཏེ་ཚོང་བྱེད་དགོས་རབས་ཤོད།་་ མཁན་པོ་སྟག་གྲུབ་ཀྱིས་བྱེའུ་འགྲམ་ལྕགས་ལ་པར་ཞིག་བསྟན་པ་དང་། པར་དེའི་ཐོག་ལ་མཁན་སྟག་གྲུབ་དང་ཝ་བླ་མ། ད་དུང་མི་གཞན་ཞིག་འདུག ་་འདིའི་མིང་ལ་ཀྲང་ཡཱང་ཟེར་རེད། ཁྲུན་ཏུའུའི་ཚོང་བ་ཞིག་རེད།་་ ་་ཡ་ཡ། ཤེས་སོང་། ་་ ཁྱོད་ཁྲུན་ཏུའུ་ལ་འགྲོ་དུས།. |
| 389 |
ཀྲང་ཡཱང་གི་ཚོང་ཁང་ནང་ཉེན་རྟོག་པས་བཤེར་ཞིབ་བྱས་ན་ལྷ་སྐུ་འཕུར་འགྲོ་ས་མེད། ་་ མཁན་པོ་སྟག་གྲུབ་ཀྱིས་ཐབས་ཤེས་དང་བརྒྱུད་རིམ་སོགས་རེ་རེ་བཞིན་ཞིབ་མོར་བཤད་ལ། བྱེའུ་འགྲམ་ལྕགས་ཀྱིས་དེ་དག་ནན་ཏན་གྱིས་སེམས་ལ་བཟུང་། ཁ་པར་འབྲེལ་སྐབས་ཀྱི་གསང་བརྡ་ཡང་བསྒྲིགས། ་་ གལ་ཏེ་འུག་གཉིས་ཀྱི་བསམ་ཐོག་ནས་མ་སོང་ན།. |
| 390 |
ཁྱོད་ཀྱིས་ང་བཙོང་ཞིག ང་རང་བན་རྒན་མྱི་རྐྱང་ལ་ཕྱིར་བལྟས་བྱེད་ས་ཅི་ཡང་མེད། འོན་ཀྱང་ཁྱོད་ལ་བཟའ་འཁོར་བ་ཡོད་རེད། བཙོན་ལ་འགྲོ་མི་བབ།་་ ཁོང་གིས་དེ་ལྟར་གསུང་བཞིན་ཐལ་མོ་སྦྱར་ནས་གསོལ་བ་བཏབ། ་་དོན་འདི་གྲུབ་རྒྱུ་རེད། ལྷ་མཁའ་འགྲོ་ཆོས་སྐྱོང་སྲུང་མས་གདོང་གྲོགས་ཡོད་ན། འུག་གཉིས་གནས་ཚུལ་དེ་འདྲ་ལ་ལྷུང་གི་མ་རེད།. |
| 391 |
གསོལ་བ་བཏབ་རྗེས་ཁོང་གིས་བྱེའུ་འགྲམ་ལྕགས་ལ་བཤད་དོན། ་་གསོལ་བ་འདི་དག་ང་ལ་ནུས་མཐུ་ཡོད་པས་ཁྱོད་སྐྱོབ་ཐུབ་པ་བཤད་ཀྱིན་མེད། འོན་ཀྱང་འདི་སྙིང་ཁུང་རུས་པའི་སྟེང་གི་གསོལ་བ་ལྷད་མེད་ཡིན་པས། ཁྱོད་ལ་མགོན་སྐྱོབ་བྱེད་པའི་ལྷ་ཞིག་ཁོར་ངེས་རེད།་་ ་་ལགས་སོ།་་ དེ་ནུབ། བྱེའུ་འགྲམ་ལྕགས་ལ་གཉིད་མ་འཁོར།. |
| 392 |
བཀྲ་ཤིས་སྔ་དྲོའི་དུས་ཚོད་བཅུའི་སྟེང་ཡར་ལངས་ནས་སྒོ་རུ་འབུད་སྐབས་རེད། ནམ་ཟླ་དགུན་ཁ་དེར། བཀྲ་ཤིས་སྡོད་པའི་གྲོང་རྡལ་ལ་མཚོན་ན་ཉི་འོད་འདི་འདྲའི་འཇམ་པོ་ཞིག་བྱུང་མྱོང་མེད་པ་འདྲ། ཁ་སང་། ས་རྡུལ་འདྲེས་པའི་ཙག་རླུང་གིས་འགྱིག་ཁུག་གི་གད་སྙིགས་ཁུར་ཏེ་གྲོང་རྡལ་གྱི་སྲང་ལམ་གང་སར་འཕུར་ཞིང་མིག་ཟུང་ཕྱེ་དཀའ་བར་གྱུར་མོད།. |
| 393 |
དེ་རིང་གི་མཁའ་དབུགས་ནི་དབྱར་ཁ་སླེབ་པ་བཞིན། བཀྲ་ཤིས་ཀྱིས་ཚི་ལེན་དཔུང་རྗེན་ཞིག་གྱོན་ནས་ལག་པ་གཉིས་ནམ་མཁའ་རུ་གཡུག་གིན་ཐད་ཀར་མདུན་ཐད་དུ་བཞག་པའི་གད་སྙིགས་སྒམ་དེ་གཟས་ནས་སོང་། གད་སྙིགས་གང་སར་གཏོར་ཡོད་པར་མ་ཟད། གཅིན་སྐྱག་གིས་ཁྱབ་འདུག་པའི་སྲང་གྱོག་གི་གྲུ་ཟུར་དེར་བཀྲ་ཤིས་ཀྱིས་བདེ་སྣང་ངང་གཅིན་བཏང་།. |
| 394 |
ཉི་འོད་ལམ་ལམ་ཁྲོད་གཅིན་གཏོང་དུས་ལུས་ཡོངས་ལ་བདེ་སྣང་གིས་ཁྱབ། ཉི་འོད་ཁྲོད་བཀྲ་ཤིས་ཀྱི་ངོ་གདོང་དཀར་ལམ་ལམ་བྱེད་ཅིང་མིག་ཟུང་ནག་ཀྲིག་ཀྲིག་བྱེད། གཟུགས་རིང་ཐུང་འོས་ཤིང་འཚམས། ཉི་འོད་ཁྲོད་ཁོས་དེ་ལྟར་གཅིན་གཏོང་བཞིན་པའི་སྐབས་སུ་བུ་མོ་ཞིག་གིས་མེ་མདའ་ཞིག་གད་སྙིགས་སྒམ་དུ་གཡུག་པ་མཐོང་།. |
| 395 |
ལོ་འདི་གར་རྒྱལ་ཁབ་ཀྱིས་མེ་མདའ་བཀག་འགོག་བྱས་ཡོད་པས། མེ་མདའ་བརྙན་འཕྲིན་ལས་མ་གཏོགས་མཐོང་མི་ཐུབ་པའི་དུས་སུ། ཉིན་དཀར་བུ་མོ་ཞིག་གིས་འདི་ལྟར་གད་སྙིགས་སྒམ་དུ་འཕེན་སྲིད་དམ། བུ་མོ་དེའི་ལྭ་བ་ཁྲག་གིས་དམར་པོར་བསྒྱུར་འདུག མོས་མེ་མདའ་དེ་སྤྱད་ནས་ས་འདི་དང་ཐག་མི་རིང་བའི་གནས་ཤིག་ཏུ་མི་ཞིག་བསད་པ་རེད་སྙམ།. |
| 396 |
ཁོས་རང་ཉིད་ཀྱི་ཕྱོགས་བཞི་ལ་བལྟས་པ་ན། སྲང་གྱོག་དེར་མི་གཞན་ཞིག་མཐོང་རྒྱུ་མེད་པས། ཁོ་ལྷག་ཏུ་འཚབ་འཚུབ་དུ་གྱུར་ཞིང་མགྱོགས་མྱུར་ངང་སྲང་གྱོག་དེ་ལས་འབྲལ་བར་བརྩམས། སྲང་གྱོག་དེ་ལས་འབྲལ་བར་ཁོ་ལ་གདམས་ཀ་གཉིས་ཡོད་དེ། གཅིག་ནི་ཕྱིར་རང་ཁྱིམ་ལ་བགྲོད་པའི་སྐས་ཐེམ་དག་ལས་ཡར་བཞི་ཐོག་ཏུ་འཛེག་དགོས་པ་དང་།. |
| 397 |
མི་ཚོགས་ཀྱི་རླབས་རྒྱུན་དུ་ཞུགས་ན་བདེ་འཇགས་ཡིན་སྲིད་སྙམ། ཡིན་ན་ཡང་། གོམ་པ་དྲུག་ཙམ་མདུན་ལ་སྤོ་རྒྱུ་ནི་ཇི་འདྲའི་དཀའ་ཁག་ལྡན་པ་ཞིག་ཡིན་པ་བཀྲ་ཤིས་རང་ཉིད་མ་གཏོགས་གཞན་གྱིས་རྟོགས་མི་སྲིད། ཁོས་ཏག་ཏག་གོམ་པ་གསུམ་མདུན་དུ་སྤོས་མ་ཐག བུ་མོ་དེས་འཛུམ་མདངས་མེ་ཏོག་འདྲ་བ་ཞིག་སྟོན་བཞིན་ཁོའི་མདུན་བླངས་ནས་བཀག་བྱུང་།. |
| 398 |
བུད་མེད་དེས་ཟས་བལྡད་པའི་ཚུལ་ཙམ་བསྟན་པས་ཁ་ནང་ནས་ཁྲག་དམར་བརྡོལ་བཞིན་དེ་མ་ཐག་དབུགས་ཆད། དེ་ནི་ཀྲུང་གོའི་དམག་འཁྲུག་གློག་བརྙན་ནང་རྒྱུན་དུ་མཐོང་བའི་གསང་མྱུལ་བ་ཚོས་རང་སྲོག་གཅོད་ཚུལ་དང་འདྲ། བཀྲ་ཤིས་ཚུལ་དེར་ཧད་སོང་། ཡིན་ཡང་། ཁོས་རང་སྲོག་ཀྱང་སྐབས་འདིར་འཆོར་ལ་ཉེ་བའི་སྐྲག་སྣང་གིས་ཁྱབ་སྟེ།. |
| 399 |
སྐྱེས་པ་དེས་ཁ་པར་ལས་བུད་མེད་གཉིས་བསད་ཚུལ་གཞན་ཞིག་ལ་བརྗོད་ཅིང་རོགས་དམག་མང་པོ་དགོས་ཚུལ་བཤད་ཀྱིན་འདུག བཀྲ་ཤིས་འཚབ་འཚུབ་ངང་མཆོང་ཐེངས་ཤིག་གིས་སྲང་ཆེན་ལ་ཐོན་ཞིང་། མི་ཚོགས་ལས་ཇི་ལྟར་བྲོས་ནའང་མི་འགས་རྗེས་ན་བདའ་ཡོང་གིན་འདུག ཁོ་རང་ཐབས་ཟད་དེ། ལམ་འགྲམ་དུ་མི་སྐྱེལ་རླངས་འཁོར་ཞིག་བཀག་རྗེས་གྲོང་རྡལ་དང་ཁ་བྲལ།. |
| 400 |
དེ་རིང་བྱུང་བའི་དོན་རྐྱེན་ནི་བཀྲ་ཤིས་ལ་མཚོན་ན་བསམ་ཡུལ་ལས་འདས། ཁོ་དུས་ཚོད་བཅུའི་སྟེང་ཡར་ལངས་ཏེ་བཞི་ཐོག་ནས་སྐས་ཐེམ་གྱི་རིམ་པ་བརྩི་བཞིན་གཅིག་ཐོག་ལ་བབས་ཤིང་། ཐད་ཀར་སྒོར་བུད་དེ་མདུན་ཀྱི་གད་སྙིགས་གཏོར་བའི་སྲང་གྱོག་ཏུ་གཅིན་འདོར་དུས། ལག་དམར་ཞིག་དང་འདྲ་བའི་བུ་མོ་ཞིག་གིས་གད་སྙིགས་སྒམ་དུ་མེ་མདའ་འཕེན་པ་མཐོང་།. |
| 401 |
མོས་བཀྲ་ཤིས་གསོད་པར་བརྩམས་པས་བཀྲ་ཤིས་ཀྱིས་མོའི་ལག་གི་རྣོ་གྲི་འཕྲོག་མ་ཐག་རང་ཤི་བརྒྱབ། རྗེས་ནས་སྐྱེས་པ་ཞིག་དང་བུ་མོ་ཞིག་ཐོན་ཏེ། བུ་མོ་དེས་ཁོ་རང་གསོད་པར་རྩོམ་དུས་ཁོ་སྐྲག་མ་འདར་གྱིས་ཤི་ཟིན་པའི་བུ་མོ་དེའི་རྣོ་གྲི་གཡུག་ཐེངས་ཤིག་གིས་བུ་མོ་གཞན་དེའི་སྐེ་རྩ་བྲེགས། ཁྲག་དམར་ལྷོག་ལྷོག་བཞུར་བཞིན་བུ་མོ་དེའང་ཤི།. |
| 402 |
སྐྱེས་པ་དེས་ཁ་པར་ལས་མི་མང་པོ་ཞིག་བོས་ཏེ་ཁོ་གསོད་དགོས་ཟེར། འདི་དག་ཡོད་ཚད། བཀྲ་ཤིས་ལ་མཚོན་ན་སྐད་ཅིག་ཙམ་ལས་བསམ་བློ་གཏོང་ཁོམ་རྩ་བ་ནས་མེད། བཀྲ་ཤིས་ས་སྟོང་ཞིག་ཏུ་རླངས་འཁོར་ལས་འབབ་དུས། རྗེས་ན་ད་བཟོད་རླངས་འཁོར་གྲངས་མེད་པ་ཞིག་ཡོང་གིན་པ་མཐོང་། དངོས་གནས་བསམ་བློ་གཏོང་ཁོམ་རྩ་བ་ནས་མེད་པར།. |
| 403 |
བཀྲ་ཤིས་ཀྱི་སྙིང་ཆུང་སྟིག་སྟིག གེ་སར་སྒྲུང་ལས་ཁྲོ་ཐུང་ཟེར་བའི་མི་སྣ་བཞིན་ཕྱི་ཁུང་ཞིག་ཏུ་འཛུལ། ཁོ་རང་ཕྱི་ཁུང་གི་སྟོད་དུ་ཐོན་དུས་ས་སྟེང་ན་རྒྱུག་པའི་མི་དག་གི་གོམ་སྒྲ་གསལ་བོ་ཐོས་པར་མ་ཟད། ཁུང་བུའི་ངོས་སུ་ས་རྡུལ་མར་ཟགས་ཡོང་། ཇི་འདྲའི་མི་མང་པོ་ཞིག་གིས་ཁོ་རང་བདའ་བཞིན་འདུག་ཨང་།. |
| 404 |
ཁོ་རང་འཚོལ་བའི་མི་དག་གི་ལོ་བཅོ་བརྒྱད་དུ་སྣང་། གྲངས་ཀ་རི་བོའི་ངོས་ཡོངས་སུ་ནག་ཡོར་ཡོར་བྱེད་པས་ཚོད་དཔག་བྱེད་དཀའ། བཀྲ་ཤིས་ཀྱིས་ཁུ་ཚུར་ལྟ་བུའི་ཨུ་ཁུང་ལས་མིག་ཟུང་ཕྱི་རོལ་ལ་བགྲད་ནས་བསྡད། ངོ་མཚར་བ་ནི་མི་དེ་དག་གི་གཟུགས་རིང་ཚུལ་དང་ལུས་སྟེང་དུ་ཤ་རྒྱས་ཡོད་མེད་གཅིག་མཚུངས་ཡིན་པར་མ་ཟད།. |
| 405 |
ཕན་ཚུན་བར་དབྱེ་བ་མི་འདུག་ལ། མིག་ཟུང་གིས་ཕར་ཚུར་ལ་བལྟ་དུས་ཚང་མས་ཕྱོགས་གཅིག་ལ་བལྟ་བཞིན་འདུག བཀྲ་ཤིས་ཀྱིས་མི་དེ་དག་ནི་འཕྲུལ་ཆས་ཀྱིས་ཐོན་སྐྱེད་བྱས་པར་སྙམ། མི་དེ་དག་གི་ཕྱི་ལུས་ལ་ཁྱད་པར་ཅི་ཡང་མེད་མོད། དོན་དངོས་ཀྱི་མི་དང་ཁྱད་པར་ཅི་ཞིག་ཡོད་པའང་ཚོར་དཀའ། མི་དེ་དག་གི་ལྭ་བ་ཧ་ཅང་གཙང་དག་ཡིན་པར་མ་ཟད།. |
| 406 |
བཀྲ་ཤིས་ཧ་ཅང་རྒས་ཏེ་སྐྲ་ཉག་གཅིག་ཀྱང་ལྷག་མེད་ལ། ངོ་གདོང་གཉེར་མས་ཁེབས་ཡོད། ཁོས་ད་ལྟའི་བར་དུ་མི་ཞིག་ལ་གནོད་པའི་ལས་གང་ཡང་བགྱིས་མ་མྱོང་བར་མ་ཟད། ལོ་ལྔ་བཅུའི་ནང་དུ་མི་བསད་དེ་རང་ཉིད་ལ་གཞན་གྱིས་བདའ་འདེད་བྱེད་དགོས་པ་བློ་ཡུལ་དུའང་ཤར་མ་མྱོང་། རང་ཉིད་དུས་ཚོད་བཅུའི་སྟེང་ནས་ཡར་ལངས་པ་ལ་བློ་འགྱོད་སྐྱེས།. |
| 407 |
འགུལ་རྒྱུ་ཙམ་ཡང་མེད་པར་བསྡད་བྱུང་། བཀྲ་ཤིས་ཀྱིས་ཨི་ཁུང་ལས་ཕྱི་རོལ་གྱི་གནས་ཚུལ་མིག་གིས་མཐོང་ཐུབ་ཀྱང་སེམས་ཁམས་བདེ་ལ་འབབ་ཐབས་བྲལ། འདི་འདྲའི་མི་མང་པོ་ཞིག་གིས་ཁོ་རང་འཚོལ་བཞིན་འདུག ཁོ་དེ་རིང་ཐར་ཡང་སང་ཉིན་ཐར་མི་ཐུབ་པ་དང་། སང་ཉིན་ཐར་ཡང་གནང་ཉིན་ཐར་མི་ཐུབ་བསམ་བཞིན་མི་ཚེ་འདིར་ཕྱིར་འདང་ཞིག་བརྒྱབ།. |
| 408 |
མི་ཚེ་ནི་སྐད་ཅིག་ཙམ་རེད། ལོ་ལྔ་བཅུའི་བར་དུ་རང་ཉིད་གསོན་བྱེད་ཀྱི་ཟ་འཐུང་ཙམ་ལ་བརྩོན་འགྲུས་བྱས་པ་ལས། དཀར་བོ་ཆོས་སྒྲུབ་མ་མྱོང་ལ། ནག་པོ་ངན་ལས་ཀྱང་འདི་ཟེར་བ་ཞིག་དྲན་ཡུལ་ན་མེད། ཁོ་ལ་དགྲ་བོ་དང་གྲོགས་པོའང་མེད། འདི་ལྟར་འཆི་དགོས་པ་ལས་དབང་དུ་བསམ། སྐབས་འདིར། ཉེན་རྟོག་པའི་རླངས་འཁོར་གྱི་ཉེན་བརྡ་གྲགས་བྱུང་།. |
| 409 |
ཁོ་ཕྱི་ཁུང་ལས་བུད་དེ་མི་དེ་དག་གི་གྲས་སུ་སོང་ཡང་བཀྲ་ཤིས་ཡིན་པ་སུས་ཀྱང་མ་ཤེས། མི་དེ་དག་གི་གཟུགས་རིང་ཐུང་དང་། དབང་བོ་ལྔའི་དབྱིབས་གཅིག་མཚུངས་ཡིན་པར་མ་ཟད། བྱིས་པའི་ཤ་མདངས་ནི་འཇམ་ཞིང་མཉེན། བཀྲ་ཤིས་ཀྱིས་གལ་སྲིད་རང་ཉིད་འདི་ལྟ་བུའི་མི་ཞིག་ཡིན་ན། འཇིག་རྟེན་འདིའི་བུ་མོ་དག་མེ་ཏོག་འཐུ་འཐུ་བྱས་ཡོད་སྙམ།. |
| 410 |
ཁོ་ཚོའི་མིག་ཟུང་དུ་ཞེ་སྡང་གི་འོད་འཕྲོ་བཞིན་ལག་ཏུ་མེ་མདའ་དང་རལ་གྲི་མཐོང་མ་མྱོང་པ་སྣ་ཚོགས་ཐོགས་འདུག་པས། ཁོ་ཚོའི་གསེང་ལས་བྲལ་ཏེ་གྲོགས་པོ་ཞིག་ལ་སྐྱབས་བཅོལ་དུ་མི་འགྲོ་ཀ་མེད་བྱུང་། གྲོགས་པོའི་སར་ཐོན་མ་ཐག་ཁོའི་གཟུགས་ཕྱིར་བཀྲ་ཤིས་ཀྱི་གཟུགས་ལ་འགྱུར། དེ་མ་ཐག་མི་ཚོགས་ཀྱིས་སླར་ཡང་བཀྲ་ཤིས་བཙལ་ནས་ཐོན་བྱུང་།. |
| 411 |
བཀྲ་ཤིས་ཀྱིས་དབྱེ་འབྱེད་ཀྱི་ཁ་ཕྱོགས་མི་ཤེས་མོད། བཀྲ་ཤིས་ཀྱི་གྲོགས་པོ་དེས་ལམ་གཅིག་ཀྱང་མི་ནོར་བར་ཁང་པ་ཞིག་ལ་འཛུལ། ཁང་པ་དེར་ཡུན་རིང་ལ་མི་བསྡད་མ་མྱོང་བས་ཁང་བའི་མཁའ་དབྱིངས་སུ་སྡོམ་གྱི་དྲ་རྒྱ་གང་སར་འཐེན་འདུག ཁོ་གཉིས་ཁང་བའི་གྲུ་ཟུར་ཞིག་ཏུ་སར་བསྡད་པ་ན་མགོ་ཐོག་ཏུ་ས་རྡུལ་ཟགས་ཡོང་།. |
| 412 |
ཁོས་རང་ཁྱིམ་གྱི་སྒོ་མོ་ཤུགས་ཀྱིས་རྡུང་། གྲགས་འགུལ་མི་འདུག སྔར་ལས་ཀྱང་ཤུགས་ཀྱིས་རྡུང་། སྔར་ལྟར་གྲགས་འགུལ་མི་འདུག ཁོ་ཀླད་དམར་བཞིན་ངའི་ཕོ་བ་ལྟོགས་བྱུང་ཞེས་ཀི་འདེབས་བཞིན་སྒོ་ཤུགས་ཀྱིས་རྡུང་། གོང་འོག་ཐམས་ཅད་ཀྱི་རུ་སྐོར་དག་འདུས་ནས་ཡ་མཚར་བའི་མིག་ཟུང་བཀྲ་ཤིས་ཀྱི་སྟེང་དུ་འཕངས། འོན་ཀྱང་།. |
| 413 |
ངས་ཕྱོགས་མཚམས་ཀུན་ལ་ཅེར་རེ་བལྟས་ཀྱང་མཐའ་མར་ཁ་དོག་དེ་དག་ཇེ་ཆེའམ་ཇེ་ཆུང་དུ་འགྲོ་བ་ལས་ཅི་ཡང་མ་མཐོང་། མཚན་མོ་བསླེབས་ཙ་ན། སྒེའུ་ཁུང་ཕྱི་རོལ་གྱི་གྲོང་ཁྱེར་ནི་འདི་འདྲའི་ཁ་དོག་མིང་མི་ཟིན་པའི་གློག་འོད་འགས་བདག་གིར་བྱས་འདུག ང་རང་འདུག་སྡོད་བྱེད་སའི་གཞིས་ཁུལ་གྱི་སྒོ་ཆེན་གཏན་ཟིན་པས།. |
| 414 |
ཉིན་གང་བོར་ཅི་ཞིག་འཚོལ་བར་བྲེལ་ཏེ་ཟང་ཟིང་གི་ཀློང་དུ་འཚང་བཞིན་ཡོད་པའི་མི་རྣམས་ཀྱིས། མ་གཞི་མཚན་མོའི་ལྷིང་འཇགས་ཀྱི་སྙིམ་ཁུད་ནས་ཅི་ཞིག་རྙེད་འོས་མོད། འོན་ཀྱང་། གྲོང་ཁྱེར་འདི་དང་འདི་འདྲ་བ་ལ་ཆ་བཞག་ན་བོར་བརླག་ཏུ་བྱུང་བ་དག་ནི་དོང་རིམ་པ་བཅོ་བརྒྱད་ཀྱི་འོག་ཏུ་གཡུགས་པ་ལྟར་ཧ་ཅང་རྙེད་ཁག་པོར་གྱུར་ཡོད་པ་འདྲ།. |
| 415 |
ད་གཟོད་ཆེས་མཐའ་མཇུག་གི་འགྲུལ་པ་ལྟ་བུའི་རང་ཉིད་དེ། གནས་མལ་ལྟ་བུའི་འབབ་ཚུགས་སུ་སྐྱེལ་བར་བྱེད། ངལ་དུབ་ཀྱིས་ནོན་པའི་ཁ་ལོ་བ་ཚོས། ཐང་ཆད་པའི་གླ་གཏོང་རླངས་འཁོར་བསྐྱུར་ནས་ལུས་སེམས་ལྷོད་ལ་འབབ་ས་ཞིག་ཏུ་གོམ་ཁ་བསྒྱུར་བར་བྱེད་ལ། གཅིག་རེ་གཉིས་རེ་བྱས་ནས་སྤོས་པའི་གོམ་ཁ་ལྗིད་ཏིག་གེར་འདུག རླུང་བུ་ལྡོམ་པོ་ཞིག་གིས།. |
| 416 |
རླུང་བུ་དང་གད་སྙིགས་ཇི་སྙེད་བསྐྱོད་ན་ཡང། མཚན་ཞག་ཅིག་གི་ཡུན་ལ་གྲོང་ཁྱེར་འདིའི་སྲང་ལམ་མཐའ་དག་བརྒལ་མ་ཐུབ་པས། མཐར་སྲང་ལམ་གྱི་ཁུག་ཀྱོག་ཅིག་ནས་ངལ་གསོ་བརྒྱབ་ནས་སང་ཉིན་ལ་བསྒུག་དགོས་བྱུང་། གྲོང་ཁྱེར་ནང་དུ་དགུན་ཁ་བསླེབས་ཟིན། གྲོང་ཁྱེར་དང་བསྡུར་ན་ཕ་ཡུལ་གྱི་དགུན་ཁ་ནི་སྔ་མོ་ཞིག་ནས་བསླེབས་ཡོད།. |
| 417 |
ཕ་ཡུལ་གྱི་མི་ཚོས་དགུན་ཁའི་གྲང་ལྷགས་མ་བཟོད་པར་དྲོད་ཚད་མཐོ་སའི་རྒྱ་གྲོང་རེ་ནས་དགུན་ཁ་འཁྱོལ་ཐབས་བྱེད་ཀྱིན་ཡོད། ཏག་ཏག་གྲོང་ཁྱེར་འདི་ནི་བོད་མི་འདུག་སྡོད་བྱེད་མཁན་ཆེས་མང་བའི་གྲས་ཀྱི་གཅིག་ཡིན། འོན་ཀྱང་གྲོང་ཁྱེར་འདི་ཡི་ནང་དུ་ཡང་ལྷགས་རླུང་སྔར་བཞིན་ལྡང་ལ། ཁང་བའི་རྩིག་ལྡེབས་དང་གཞུང་ལམ་གྱི་རྒྱབ་ངོགས།. |
| 418 |
ཟམ་མི་ཆད་པའི་མི་ཚོགས་ཀྱི་འདུ་འཛི་སོགས་སུ་དགུན་དུས་ཁོ་ན་ལ་དབང་བའི་མདངས་ཤིག་མངོན་པར་འཕྲོ། གང་ལྟར་ཀྱང་། གྲོང་ཁྱེར་འདི་རུ་གྲང་གཡོལ་བྱེད་པར་འོང་བའི་བོད་པ་ནི་ལོ་རེ་བཞིན་ཇེ་མང་ནས་ཇེ་མང་དུ་འགྲོ་བཞིན་ཡོད་སྐད། མཚན་མོ་བསླེབ་ཐེངས་རེ་རེ་ལ། འུག་པ་ཚང་ལས་བུད་པ་ལྟ་བུའི་བོད་མི་མང་བོ་ཞིག་གི་ངོ་གདོང་དང་རྒྱབ་གཟུགས།. |
| 419 |
ཚོང་རྫས་ཚོམ་བུ་རེ་སྔུན་དུ་བཤམས་ཏེ་ཉོ་མཁན་ཞིག་ལ་སྒུག་གིན་བསྡད་ཡོད་པའི་བོད་མི་འགས། མདུན་ཐད་ཀྱི་འགྲོ་འོང་གི་རྒྱུན་མི་ཆད་པའི་མི་ཚོགས་ལ་མིག་སྐྱེལ་ཡང་ཡང་བྱེད་བཞིན། རྒྱུས་ཡོད་ཡོད་འདྲ་བའི་ངོ་གདོང་དག་ནི། བལྟས་ཤིང་བལྟས་པ་ན་རྒྱུས་མེད་མེད་འདྲ་བའི་ཉམས་ཤིག་གིས་ཁེངས་པར་བྱེད། མུན་རུབ་ནས་ཅུང་ཟད་ཕྱིན་པ་ན།. |
| 420 |
མི་ཚོགས་ཀྱི་འཚང་ཁ་ནི་སྔར་ལས་ཇེ་ཆེར་བུད་འགྲོ། ངས་ནི་གཞུང་ལམ་གྱི་སྣེ་མོ་ཞིག་ནས་འཕྲོ་རིམ་འཕྲོར་ཡལ་ཞིང་། ཡང་དུ་འཕྲོ་རིམ་འཕྲོར་མངོན་འོང་བའི་རླངས་འཁོར་གྱི་ཁྱུ་ལ་ཅེར་ནས་བསམ་བློ་གཏོང་མགོ་བརྩམས། གོམ་ཁ་དལ་གྱིས་སྤོས་ནས་མདུན་ཕྱོགས་སུ་སོང་བ་ན། ང་ལ་འགྲོ་རོགས་རང་གི་གྲིབ་མ་ནག་རིལ་ལས་མེད་ཅིང་།. |
| 421 |
སྣང་བ་ཞིག་ལ་དེ་དག་ནི་ཆ་རྒྱུས་མེད་པ་ལྟ་བུ་ཞིག་རེད། ག་ཚོད་ཉན་ན་ཡང་སེམས་པ་སྒུལ་ཐུབ་པ་ཞིག་ཕལ་ཆེར་མི་འདུག གཏམ་རྒྱུད་འདྲེས་མའི་གཞས་སྙན་མོ་ཞིག་སུས་ཀྱང་གཏོང་ཤེས་ཀྱི་མེད་ཚོད་རེད། གལ་སྲིད་ས་མཐའ་འདི་ནས་ཡུལ་མི་འདྲིས་ཆེ་བ་གཉིས་ཐུག་འཕྲད་བྱུང་ཚེ། ཁོ་ཚོས་སྤྲོ་སེམས་མཚོན་ཆེད་དུ་ནང་མ་ཁང་དུ་སོང་ནས་སྦུ་ཆང་འཐུང་བ་དང་།. |
| 422 |
གཞས་ལ་ཉན་པ། གར་ལ་ལྟ་བ། ཀུ་འདེབས་པ་སོགས་བྱས་ཏེ་སྐྱིད་པོ་གཏོང་ལ། མཚམས་རེར་ཆང་གིས་བད་ནས་ནང་མ་ཁང་ནས་འཛིང་རེས་བྱས་ནས་དོན་དག་སློང་སྲིད། མངའ་རིས་སྒྲ་སྙན་ཐོགས་པའི་གཞས་པ་འཁྱམ་པོ་འགའ། ཉིན་མོར་སློང་མོ་བྱས་ནས་སྲང་ནས་ཉུལ་ཞིང་། མཚན་མོ་མི་ཡི་འགྲོ་འདུག་ཉུང་ས་ཞིག་ནས་མཉམ་དུ་སྐོར་བ་བྱས་ནས་སྡོད་ཅིང་།. |
| 423 |
ཆང་ཁམ་བུ་རེ་གཉིས་ཧུབ་ཀྱིས་འཐུང་གིན། ཁོ་ཚོ་རང་ཁོ་ན་ལ་དབང་བའི་ཁ་བརྡ་ཤོད་ཀྱིན་མཆིས། ལན་རེར་གད་མོ་ཤོར་བའི་སྒྲ་གྲང་ལ་བསིལ་བ་ཞིག་མཚན་མོའི་སྨག་རུམ་གཤགས་ནས་རྣ་ལམ་དུ་ལྷུང་འོང་། དེ་ནི་སྒྲ་སྙན་དཀྲོལ་བའི་དབྱངས་རྟ་མ་ཡིན་ན་ཡང་། སྣང་བ་ཞིག་ལ་སྒྲ་སྙན་གྱི་དབྱངས་རྟ་ལས་ཀྱང་སྙིང་ཉེ་བ་ཞིག་རེད།. |
| 424 |
བར་སྐབས་རེ་ལ། ངས་བློས་ཐུབ་ཀྱི་གྲོགས་པོ་འགའ་དང་དུས་ཆད་བགྱིས་ཏེ། ཁོད་ཡངས་པའི་གྲོང་ཁྱེར་འདིའི་གྲུ་ཟུར་ཆུང་ངུ་རེ་ནས་མཉམ་དུ་འཛོམས་པར་བྱས། ང་ཚོས་ལམ་ཐག་གིས་རིང་དུ་བཀྱེད་ཀྱང་སེམས་ཐག་གིས་ཐུང་དུ་བསྟུངས་ཡོད་པའི་ཕ་ཡུལ་གླེང་། ཕ་ཡུལ་ལ་གློ་བ་དཀར་བའི་སྐྱེ་བོ་ཁ་ཅིག་གླེང་། ཁ་བརྡ་བྱས་ནས་མཚམས་ཤིག་ཏུ་བསླེབས་དུས།. |
| 425 |
ད་གཟོད་རྩིས་འདང་ཆེ་མདོག་བསྟན། མི་དེ་འཇིག་རྟེན་དཀར་ངོགས་སུ་ཡོད་དུས་ང་ཚོས་ཅིའི་ཕྱིར་གླེང་མ་ཐུབ་པ་རེད་བསམ་དུས་ཕངས་སེམས་ཀྱིས་སྨྲ་བ་ཡང་ཉམས་པར་བྱེད། ཅི་ཞིག་ཤེས་མདོག་ཁ་བོ་བྱེད་པའི་ང་ཚོའི་མིག་འདི་ནི་རྣོ་མེད་པའི་གྲི་ཆག་ཅིག་དང་གཉིས་སུ་མེད་ཨང་། གྲོང་ཁྱེར་གྱི་ནང་ནས་ཆེས་བཟོད་དུ་མེད་པ་ཞིག་ནི།. |
| 426 |
གཞན་ད་དུང་ཁོས་རང་གི་ལང་ཚོ་ཡལ་བཞིན་པ་ཚོར་བྱུང་ཟེར། ལང་ཚོ་ནི་ཉིན་མ་རེ་རེ་བཞིན་ཤེས་མེད་ཚོར་མེད་ངང་སྟོན་མཇུག་གི་སྡོང་ལོ་ལྟར་འཐོར་བཞིན་འདུག་ཟེར། དེར་ངས་ད་ནི་ང་ཚོ་ནར་སོན་སོང་ཞེས་ལན་ཐབས་ཆག་ཅིག་ལྡོན་པ་ལས་ཅི་ཡང་བཤད་མ་བཏུབ། ངས་ངོ་མ་ཅི་ཞིག་བཤད་དགོས་པ་ཤེས་མ་སོང་། སྐབས་ལ་ལར་ངག་ལྐུགས་ཏེ་སྡོད་པ་ལས་བྱ་ཐབས་བྲལ།. |
| 427 |
རིམ་བཞིན་དུ། ངས་མི་རེ་རེའི་སེམས་ཀྱི་སྦུབས་སུ་བཤད་འདོད་ཀྱང་ཉན་མཁན་མེད་པར་ལུས་པའི་གཏམ་རྒྱུད་རེ་ཡོད་པ་རྟོགས་སོང་། མ་ཚད་ངས་རང་གི་སེམས་ཀྱི་སྦུབས་སུ་ལུས་པའི་གཏམ་རྒྱུད་དེ་དག་ཧ་ཅང་མཐུག་པའི་ཁངས་ཆེན་པོ་ཞིག་གིས་རིམ་པ་ཕྱི་ནང་རེ་རེ་བྱས་ནས་གཡོགས་ཤིང་། བུ་ཡུག་ཀྱང་ཉིན་མཚན་ཁོར་མོ་ཡུག་ལ་དྲག་ཏུ་འཚུབ་པས།. |
| 428 |
ད་ནི་ག་ལེར་འཁྱག་རེངས་སུ་འགྱུར་བཞིན་པ་ཚོར་བྱུང་། རྨི་ལམ་རྨིས་ཐེངས་ཤིག་ལ། ང་རྒྱང་རིང་ཟེར་བའི་ས་ཆ་མེད་ཅིག་བསྙེགས་ནས་འགྲོ་བཞིན་འདུག ངས་རྒྱང་རིང་དུ་ཅི་ཞིག་ཡོད་པ་ཤེས་མེད་ན་ཡང་། སེམས་སུ་རྒྱང་རིང་ནི་མཛེས་སྡུག་གིས་བྱུར་བུར་བལྟམས་ཞིང་ཧ་ཅང་ཡི་གར་འོངས་པ་ཞིག་རེད། ནངས་དུས་གཉིད་ལས་སད་དུས།. |
| 429 |
ང་རང་རྨི་ལམ་རྨིས་པར་དངངས་སྐྲག་སྐྱེ་བར་བྱེད། ཡིན་ན་ཡང་། དངངས་སྐྲག་གི་ཁྲོད་ནས་ང་ནི་རྒྱང་རིང་ལ་དུངས་པ་ཇེ་ཟབ་རེད། ང་རང་གཅིག་པུར་སྲང་དུ་འཁྱམ་ཉུལ་བྱེད་བཞིན་པའི་སྒང་ལ། ངས་འདི་ལྟར་བསམ་སྟེ། གལ་སྲིད་གློ་བུར་དུ་མི་ཚོགས་ཀྱི་རྦ་རླབས་དྲག་པོ་ཞིག་ཐོལ་གྱིས་འཕྱུར་ནས་ང་རང་བསམ་དབང་དྲན་དབང་མེད་པར་སྣུབ་པར་བྱེད་ན།. |
| 430 |
རླབས་ཀྱི་ཐིགས་པ་ཆུང་ངུ་ཞིག་གི་ཆེ་ཆུང་ལས་མེད་པའི་ངས་རྐང་གཡུག་ལག་གཡུག་གིས་འཕག་འཚག་ཡུན་རིང་བྱས་ན། མཐར་ཕྱིར་ལྡོག་པའི་ལམ་བུ་ཕྲ་མོ་དེ་རྙེད་སྲིད་དམ་སྙམ། སྲང་ལམ་ལ་ལ་ཞིག་ཧ་ཅང་རིང་དྲགས་པས་སྣེ་མོ་ཡང་མི་མཐོང་། ལ་ལ་ཞིག་ཐུང་དྲགས་པས་གོམ་པ་འགའ་ཡི་ཚད་ལས་མི་འདུག རིང་ཐུང་མི་གཅིག་པའི་སྲང་ལམ་རེ་བརྒལ་ནས་ཕར་སོང་ཚེ།. |
| 431 |
མི་ཚོས་རང་གི་དགོས་མཁོ་དང་བསྟུན་ནས་སྡོམ་གྱི་རྒྱ་འཕེན་པ་ལྟ་བུའི་སྲང་ལམ་གྱི་ཁྲོད་ནས་གཅིག་རེ་གདམས་ཤིང་དེ་ག་ནས་འགྲོ་བར་བྱེད། ངས་མི་གཅིག་པའི་སྲང་ལམ་དག་དཔེ་ཆ་བཞིན་དུ་བཀླག་ན་འདོད། སྲང་ལམ་རྒལ་མཁན་གྱི་མི་རྣམས་ཀྱང་བཀླག་ན་འདོད། མི་རེ་རེའི་བྲེལ་འཚུབ་ཀྱི་གོམ་སྟབས་དང་འགྱུར་སྐྱེན་པའི་ངོ་གདོང་མཐོང་དུས།. |
| 432 |
མི་ཞིག་ངའི་འཇིག་རྟེན་གྱི་སྒོ་འཕར་ཆེས་ཆེར་ཕྱེ་ནས་ཐོན་འོང་རྒྱུ་ཡོད་པས། ངས་མཚམས་མཚམས་སུ་མི་ཚོགས་ཀྱི་ཁྲོད་ནས་གློ་བུར་དུ་འགྲོ་མཚམས་བཞག་སྟེ་ཁ་ཕྱིར་འཁོར་ནས་མི་དེ་མཐོང་ས་ཞིག་ན་ཡོད་མེད་ལ་བལྟས། ངས་སེམས་ཀྱི་མི་དེ་མཐོང་ས་ཞིག་ཏུ་མེད་པ་ཧ་གོ་དུས་ཡི་ཆད་མེད་པར་མི་དེ་གནས་སྐབས་སུ་མི་ཚོགས་ཀྱི་ཁྲོད་དུ་ཡིབ་ཡོད་ཅིང་།. |
| 433 |
སྟབས་འགྲིག་དུས་ཤིག་ལ་མི་ཚོགས་ཀྱི་ཁྲོད་ནས་མངོན་འོང་བར་ཡིད་ཆེས་བྱས། འཇིག་རྟེན་ན་མི་ཚོགས་ཀྱི་རླབས་ཕྲེང་ཇི་ལྟར་རྒོད་ཀྱང་སེམས་ཀྱི་མི་དེ་ནམ་ཉི་མ་ཞིག་ལ་ལྷང་ལ་འབུད་ངེས་པའི་ཡིད་ཆེས་བྱས། གྲང་ལྷགས་ཀྱི་མཆེ་རྩེ་ན་སིག་སིག་འདར་བའི་དགུན་ཟླ་རིང་མོ་དེ་ཕར་བསྐྱལ་བ་ན། དཔྱིད་ཀྱི་གར་མ་གོམ་འགྲོས་ཤིག་ཤིག་གིས་ཐོན་སྲིད།. |
| 434 |
མཐའ་ཡས་པའི་སྤང་ལྗོངས་ཀྱི་སྟེང་ན་ཕྲ་ཚོམ་བཏབ་པ་ལྟ་བུའི་མེ་ཏོག་ཁྲ་ཆིལ་ལེར་བཞད་པ་དང་། དེ་གའི་མཐའ་ན་དྲི་ངད་ཞིམ་པོ་ཁ་བ་དང་ཕྱེ་ལེབ་རེ་ཟུང་གཤོག་པ་ལྷེབ་ལྷེབ་རྡེབ་བཞིན་མ་བོས་མགྲོན་དུ་འཁོར་སྲིད། ནམ་ཟླ་དེའི་ནང་དུ། གྲང་གཡོལ་དུ་འོང་བའི་བོད་པ་རྣམས་ཀྱང་ཕ་ཡུལ་དང་དུས་ཆད་བྱས་ཡོད་པ་ལྟར་ཕྱིར་དེ་གའི་པང་དུ་ལོག་འགྲོ།. |
| 435 |
དོན་དམ་པར་ང་ཚོ་ལ་ནམ་ཡང་ཅི་མི་སྙམ་པར་ལོག་འགྲོ་ཆོག་ས་ཞིག་ཡོད་པ་ནི་ཕ་ཡུལ་རང་རེད། དེ་མེད་ཚེ་འཚོ་བའི་རྨང་རྡོ་ཁ་འཐོར་ཡ་འཐོར་དུ་གྱུར་ཚར་བ་དང་གཉིས་སུ་མེད། ང་ཚོས་ནམ་འཕང་གཅོད་ཀྱིན་འཕུར་ལྡིང་བག་མེད་དུ་རོལ་ཡང་མཐར་འབབ་ས་ཞིག་མེད་ན་ཐང་ཆད་འགྲོ་ངེས། རང་གཅིག་པུ་ཡིན་དུས་གཟབ་ནན་གྱིས་ཉན་ན།. |
| 436 |
གཞོབ་དྲི་ལྟ་བུ་ཞིག་ཀྱང་སྣ་ལམ་བརྒྱུད་ནས་ལུས་ཀྱི་ཕྱི་ནང་ཀུན་ཏུ་ཁྱབ་འོང་བའི་ཉམས་སྣང་གདའ། ང་ལ་མཚོན་ན་མཚན་མོ་གཉིད་མི་ཁུག་པའི་སྐབས་སུ། ནམ་མཁའི་གཞི་ཡི་དཀར་གསལ་གྱི་ཟླ་བ་དང་དེའི་མཐའ་རུ་ནོར་གནག་ཐག་རྡང་དུ་བསྟར་བ་ལྟར་ཁྲ་ཆིལ་དགུ་ཆིལ་དུ་འཚེར་བའི་སྐར་ཚོགས་ལ་ལྟད་མོ་བྱེད་པར་སྤྲོ། དེ་བས།. |
| 437 |
དོང་ཁུང་ནག་ཐིང་ཐིང་བྱེད་པ་ཞིག་དང་མཚུངས་པའི་ནམ་མཁའ་འདི་དབུལ་ཕོངས་ཀྱིས་རབ་ཏུ་ནོན་འདུག གྲོང་ཁྱེར་ནང་གི་ལམ་ཆེན་དག་གི་རྒྱུད་དུ་རླངས་འཁོར་ས་ཚུགས་མང་བོ་ཡོད། ས་ཚུགས་རེ་ལ་མིང་རེ་ཡོད། ཡང་ན་ཨང་རྟགས་རེ་ཡོད། མི་རྣམས་ས་ཚུགས་གཅིག་ནས་རླངས་འཁོར་དུ་བསྡད་ནས་ས་ཚུགས་གཞན་ཞིག་ཏུ་འགྲོ་བར་བྱེད་ལ།. |
| 438 |
ས་ཚུགས་གཞན་ཞིག་ཏུ་འབྱོར་དུས་རླངས་འཁོར་ལས་བབས་ནས་ཡང་བསྐྱར་འགྲོ་ས་གཞན་ཞིག་ལ་གཟས་ནས་བྲེལ་རྟབ་ཀྱིས་བུད་འགྲོ། ངས་ཀྱང་རླངས་འཁོར་དུ་བསྡད་ནས་ས་ཚུགས་མི་འདྲ་བ་འགའ་འགྲིམ། ཨོང་སྟེགས་མི་འདྲ་བ་འགའ་བརྗེས། མཐོ་དྲགས་ནས་ཉི་འོད་ཀྱང་སྒྲིབ་པར་བྱེད་པའི་ཁང་བརྩེགས་ཕྲེང་དུ་བསྒྲིགས་པ་དག་གི་བར་ན།. |
| 439 |
སྒོ་བྱང་བརྗིད་ཉམས་ཅན་གྱི་ཁང་བརྩེགས་མང་བོ་འགྲིམས་ནས་སོང་། ལན་རེར་སྒོ་ཁར་ཤིང་ཐུར་བཞིན་དུ་འགྲེང་པའི་ཞབས་ཕྱི་མས་ནང་དུ་ཕེབས་དང་ཟས་གང་ཞིམ་དང་གོས་གང་ཡག་ཡོད་ཟེར། ལན་རེར་སློང་མོ་བ་ཞིག་གིས་ཁོ་རང་ལ་ཁྱིམ་དུ་འགྲོ་བྱེད་ཀྱི་ལམ་གླ་སྟེར་རྒྱུ་མེད་པས། དངུལ་ལོར་སིལ་མ་འགའ་སྦྱིན་པ་གནངས་ནས་ཁྱིམ་དུ་འགྲོ་རུ་འཇུག་རོགས་ཟེར།. |
| 440 |
ལམ་གླ་ཚགས་དུས་འདང་ཞིག་བརྒྱབ་སྟེ་ཟ་མ་ཟ་བྱེད་ཅིག་ཀྱང་དགོས་ཀྱི་འདུག་ཟེར། ནམ་ཟླ་ཤིན་ཏུ་འཁྱག་དུས་སུ། ངས་ཁང་བའི་ནང་དུ་ཐབ་ཀ་ཞིག་ཡོད་ན་ཅི་མ་རུང་སྙམ། ཐབ་ནང་གི་དྲོད་མ་ཡལ་བའི་མེ་རོ་གོ་ཁར་བྲུས་ནས་རྐང་ལག་མེ་ལ་སྲོ་བཞིན་སྡོད་ཆོག་པ་ནི་ཅི་འདྲའི་སྐྱིད་པོ་ཞིག་ཡིན་འདུག་ཨང་། ཁ་པར་དུ་འཕྲིན་ཐུང་ཞིག་འབྱོར་བྱུང་།. |
| 441 |
ང་རང་མི་རིང་བར་ཕྱིར་ལོག་འོང་ཞེས་བཤད་ནས་ཁ་པར་མར་བཞག་པ་ཡིན། འདི་འདྲའི་ཉིན་མཚན་མང་བོ་ཞིག་ཕར་འདས་པའི་ཐོ་རེངས་ཀྱི་དུས་ཤིག་ལ། ང་རང་གྲོང་ཁྱེར་དང་ཁ་གྱེས་ནས་ལོག་སོང་། གྲོང་ཁྱེར་གྱིས་ང་རང་གར་འགྲོ་ཤེས་མི་སྲིད། ཐ་ན་ང་ལྟ་བུ་ཞིག་གིས་གྲོང་ཁྱེར་གྱི་གྲུ་ག་ཆུང་ངུ་ཞིག་ནས་འཚོ་བ་རོལ་མྱོང་བ་ཡང་ཤེས་མི་སྲིད།. |
| 442 |
གྱེས་ཁར་ངས་རང་གི་ལམ་ཆས་ཇེ་མང་དུ་སོང་ཡོད་པ་ཤེས་བྱུང་། ང་ལ་མཚོན་ན་དེ་ལས་དམིགས་བསལ་བ་ཞིག་མེད་པ་འདྲ། ངས་རླངས་འཁོར་གྱི་སྒེའུ་ཁུང་བརྒྱུད་ནས་ཕྱི་རོལ་ལ་བལྟས་པ་ན་མི་མང་བོ་ཞིག་ལམ་ཆས་ཚོམ་བུ་རེ་དྲུད་ནས་ཕྱོགས་བཞི་མཚམས་བརྒྱད་དུ་སྐྱོད་བཞིན་འདུག རླངས་འཁོར་རིམ་བཞིན་ཇེ་མགྱོགས་སུ་སོང་བ་དང་བསྟུན།. |
| 443 |
གྲོང་ཁྱེར་གྱི་དངོས་པོ་དག་ཀྱང་ཐག་ཇེ་རིང་ནས་ཇེ་རིང་དུ་གྱུར་བ་དང་མཐར་མིག་ལམ་ནས་མི་མངོན་པའི་དབྱིངས་སུ་ཡལ་སོང་། སྐྱ་མདའ་ད་དུང་བཀྱགས་མེད་པས་གྲོང་ཁྱེར་དང་ཁ་གྱེས་པ་ན་ཕྱི་རོལ་མུན་པའི་སྨག་གིས་བཏུམས་འདུག རླངས་འཁོར་ནང་གི་འགྲུལ་བ་ཚོས་མགོ་བོ་དང་ཁར་སྨད་ནས་གཉིད་དུ་ཞུགས་པའི་བཟོ་ལྟ་སྟོན་པར་བྱེད་མོད།. |
| 444 |
ལུས་ཟུངས་ཀྱི་བཅུད་ལས་གྲུབ་པའི་ལྟེ་ཁྲག་དང་པོར་ཐོར་ས་སྟེ། དཔྱིད་ཉི་མའི་ཚ་ཟེར་གདུགས་ལྟར་བཀག་ཅིང་དབྱར་སྦྲང་ཆར་ཟིལ་མའི་དངོས་གྲུབ་འཇོ་ལ། སྟོན་སྙེ་མའི་མགོ་བོ་གྲིབ་འོག་རུམ་ཞིང་དགུན་ཁ་བ་དཀར་པོའི་བྱིན་རླབས་བསྩལ་མཁན་ཕང་ཕུང་སྤྲིན་ནག་གི་རྟུལ་ཞུགས་འཛིན་པའི་རེ་སྦྲ་སྨུག་པོ་འདི་ཉིད་ལགས།. |
| 445 |
ཞོགས་པ། ཐོ་རེངས་སྐར་ཆེན་གྱི་འོད་མདངས་མ་ཉམས་གོང་། ཁྱིམ་བྱ་དེ་ཕོ་ཡིས་རྨི་ལམ་མ་དཀྲོག་གོང་། ཡོད་ཚད་ཁུ་སིམ་མེར། འཇམ་ཅག་གེར་གནས་པའི་འཇིག་རྟེན་ཆུང་ཆུང་ཞིག་ནས། ངས་དྲོ་སོབ་སོབ་ཀྱི་མལ་ལས་ལངས་ཏེ་མདང་གསུམ་གྱི་རྨི་ལམ་ལ་ཕྱིར་འདང་ཞིག་རྒྱབ་ཚེ། སྣང་བ་སྤྲོ་སྤྲོ་འདྲ། རིག་པ་གསལ་གསལ་འདྲ། ཚོར་བ་རྐྱེན་རྐྱེན་འདྲ།. |
| 446 |
འཆར་ཡན་གྱི་མེ་ལོང་ཕྱིས་འདར་བྱས་ཏེ། བརྗོད་འདོད་ཀྱི་སྨྲ་ལྕེ་གྱ་གྱུར་བཏང་ནས་ཚོར་ཟིན་རིང་མ་ཐུང་ཞིག་འགོད་མགོ་བརྩམ། ངས་རྣོ་མྱུར་ཚོར་བའི་རལ་པ་ལན་གསུམ་དཀྲུགས་རྗེས་འབྲི་འོས་པའི་བརྗོད་བྱ་ཞིག་བཙལ་བས། དྲན་ཤིང་གི་ཨ་ལོང་འཁོར་འཁོར་འདི་ལ་འཕྲེང་སེམས་ཀྱི་ལྕགས་ཀྱུ་གུག་གུག་ཅིག འོ་ཆུ་ཇི་བཞིན།. |
| 447 |
སྨུག་སྤྲིན་ཇི་བཞིན། གསེར་བྱེ་ཇི་བཞིན། མ་བུ་ཇི་བཞིན་ངང་གིས་འཁོན་ཏེ་སེམས་ཕུང་འདི་ཁུར་མ་དྲུད། འཕུར་མ་ལྡིང་གིས་ཕ་ཡུལ་རྩྭ་ཐང་ལ་ཕྱོགས་ཙ་ན། ལ་གཅིག་བརྒྱབ་གཉིས་བརྒྱབ་ནོར་ཁྱུའི་ལྷས། ཀླུང་གཅིག་བརྒལ་གཉིས་བརྒལ་གཡང་མོའི་གཞིས། ངས་ན་དང་སྤང་གཤོང་རྡོག་པས་རྫིས་ཏེ།ཆུ་དང་གཙང་པོ་གཤོག་པས་བཅད་དེ།. |
| 448 |
རང་སྡེ་ཁྲ་མོ་སྣང་བས་སྐྲུན་པས། ཞི་ཁྲོའི་ལྷ་ཚོགས་ཀྱིས་ལྷ་དར་བསྲིངས་བྱུང་། དྲི་ཟའི་སྒེག་མོ་ཡིས་བསུ་ཆང་དྲངས་བྱུང་། སྦྲ་ནག་ལགས། འདི་དག་ནི་ཁྱེད་ཀྱིས་ངའི་ཕྱིར་མངགས་པའི་ཕོ་ཉ་ཨེ་རེད། འདི་དག་ནི་ཁྱེད་ཀྱིས་ང་ལ་གནང་བའི་ལེགས་སྐྱེས་ཨེ་ཡིན། དེ་ཡིན་ན། ང་སེམས་ཁྱེད་ལ་འཕྲེང་ལུགས་འདི་ངའི་བརྩེ་བ་ཡིན།. |
| 449 |
སྨྲེང་གཞས་སེམས་ནས་འཆོར་ཚུལ་འདི་ངའི་དུང་བ་ཡིན། དུང་བ་དེ་ཁྱེད་ལ་དབང་ཆོག བསྟོད་དབྱངས་ངག་ནས་གྱེར་ཚུལ་འདི་ངའི་ལྷག་བསམ་ཡིན། ལྷག་བསམ་དེ་ཁྱེད་ལ་དཀར་ཡོད། སྙན་ཚིག་ཁྱེད་ལ་སྒྲོན་ལུགས་འདི་ངའི་རང་གཤིས་ཡིན། རང་གཤིས་དེ་ཁྱེད་ཀྱིས་བསྒྱུར་ནུས། སྦྲ་ནག་ལགས། ཁྱེད་དང་ང་གཉིས་ཀྱི་དབར་ལ་གཏམ་བཏང་སྟོང་བཤད་ཀྱི་གླེང་མོ་མེད་ལ།. |
| 450 |
འདུ་བྲལ་མི་རྟག་གི་ཆོས་ཉིད་ཀློང་ནས། ཆགས་ཞེན་སེམས་པ་དེ་གང་ལགས་ཤེ་ན། ངའི་ལྟེ་ཁྲག་གི་སྦྲང་ཆར་ཁྱེད་ཀྱི་ཐུ་འོག་ནས་ཕབ་ཅིང་། ངའི་ལང་ཚོ་ཡི་མེ་ཏོག་ཁྱེད་ཀྱི་སྦྲ་འདབ་ནས་བཞད་པས་སོ།། དེས་རྐྱེན་པས་དུས་བཞི་འཁོར་བགྲོད་ཀྱི་དབྱེ་བ་གསལ་ཞིང་གནས་དང་རུ་སྡེ་ལ་གཏན་ཆགས་མེད་པའི་གངས་གྲོང་འདི་ནས། ལུང་ཁུག་ཁུག་དང་ཐང་གཤོང་གཤོང་།. |
| 451 |
ལྷས་སྐྱོར་སྐྱོར་དང་སྤང་ལྡིང་ལྡིང་གང་དུའང་ཁྱེད་ཡོད་པའི་ས་ཆ་འདི་ན། ངས་གོ་ལ་གོམ་པས་བཅལ་བའི་ལོ་རྒྱུས་ཡོད་ལ་འཇིག་རྟེན་སྦར་མོས་གཟུང་རྒྱུའི་དམ་བཅའ་ཡོད། ཁྱེད་གར་སོང་གི་ས་ཆ་འདི་ན། འཐུ་དཀར་འབྲི་མོའི་ངུར་སྒྲ་དང་མདོ་རིགས་རྟ་ཕོའི་འཚེར་སྐད་ཡོད་ལ། གཡང་དཀར་ལུག་ཁྱུའི་འབའ་སྒྲ་དང་རྫི་གླུ་སྙན་མོའི་འགྱུར་ཁུག་ཡོད།. |
| 452 |
ཁྱེད་གར་འདུག་གི་རུ་སྡེ་འདི་ན། སྟག་ཤར་པའི་དགོད་སྒྲ་ལྷང་ངེར་ཡོད་ལ་སྨན་བུ་མོའི་འཛུམ་ཆུང་འཁྱིལ་ལེར་ཡོད། བཟས་དཀར་གསུམ་དྲི་བསུང་འཐུལ་ལེར་ཡོད་ལ་བསང་དུད་སྤྲིན་མཆོད་པ་ལྷོག་གེར་ཡོད། རེ་སྦྲ་སྨུག་པོ། སྦྲ་མེད་རོང་པ་ཞིག་གི་རྟོག་འཆར་དུ། ཁྱེད་ནི་གནམ་ཨ་སྔོན་ལྟར་གྱོན་ཞིང་ས་དོག་མོ་གདན་དུ་བྱས་ལ།. |
| 453 |
སྤྲིན་དཀར་པོ་མཁའ་རུ་ལྡིང་ཞིང་རྩྭ་ལྗང་ལོས་མཐའ་ནས་བསྐོར་བའི་ནག་པོ་ལྕགས་ཀྱི་ཕོ་བྲང་ཞིག་ཏུ་འདོད། སྦྲ་ཅན་འཚེར་འཛིན་ཚང་གི་དྲན་འཆར་དུ། ཁྱེད་ཀྱི་སྤྱི་ཁོག་ནི་སྲིད་པ་རྒན་པོའི་རལ་པ་ལ་བཏགས་ཤིང་། ཆོན་ཐག་སྨ་ར་ལ་ཡོག་ཅིང་རྒྱན་ཐག་བ་སྤུ་ལ་ལྷས། སྦོ་ལེབ་རྩིབ་རུས་ཀྱིས་བྱས་ཤིང་ཀེང་རུས་ཀ་བ་ལ་བཀོལ་བར་བཤད།. |
| 454 |
དང་པོ་ཙ་ན་ཁྱེད་ཀྱིས་འབྲོང་གཡག་གི་རྩིད་པར་སྤྲུལ་ནས་སྤྲེའུ་ཕྲུག་ལ་བྱ་ར་བྱས། བར་བརྒལ་ཞིག་ལ་ཁྱེད་ཀྱིས་འབངས་འཁོར་གྱི་ཆར་རླུང་བཀག་སྟེ་རྒྱལ་རབས་ཀྱི་དཔུང་པ་སྐྱོར། ད་ཆའི་དུས་ན་ཁྱེད་ཀྱིས་མཐོ་སྒང་གི་འབྲོག་ཐང་བདག་གིར་བཟུང་སྟེ་གང་ན་གདོང་དམར་བའི་ཁྱད་ནོར་འདུག་པ་དེ་རུ་སྙོར་སྐྱོང་གི་ཉི་ཟེར་སྤྲོས།. |
| 455 |
བརྩེ་བ་ཟེར་རུང་ང་རང་ཟབ། ཁྱེད་ཀྱི་རྒྱུ་སྤུན་ནི་མ་ལོ་བྲག་སྲིན་སྒྲོལ་མའི་ཁྲག་རྒྱུན་ལས་གྲུབ་ཅིང་འཚེམ་འདྲུབ་ནི་ཕ་ལོ་བྱང་ཆུབ་སེམས་པའི་རུས་རྒྱུད་ལས་ཆེད། ཁྱེད་ཀྱི་ཀ་བའི་སྲུབ་ཀ་ནས་འཕྱུར་གྱིན་པའི་དུ་བའི་དར་ཐག་ནི་གཉའ་ཁྲི་གནམ་ལ་གཤེགས་སྐབས་ས་གནམ་གྱི་ཟམ་པ་ཡིན་ལ་དུད་རྩ་མེ་ལ་ཐུག མེ་ཤུལ་ཐལ་བར་གྱུར།. |
| 456 |
ཁྱེད་ལ་ཕྱོགས་བཞི་མཚམས་བརྒྱད་ནས་བསྐོར་བའི་ཕུར་ཆེན་ཕུར་ཆུང་རེ་རེ་ཆོས་རྒྱལ་མེས་བོན་གྱིས་དབང་དུ་བསྡུས་པའི་གསུམ་གཉིས་ས་ཡི་དཀྱིལ་འཁོར་དུ་གནས་པའི་སྡེ་ཚོ་རེ་རེ་ཡིན་ཆོག་ལ་སྦྲ་མཐའ་མེ་ཏོག་གིས་མཛེས་པ་དེའང་མཁས་གྲུབ་ལོ་པཎ་རྣམས་ཀྱི་ཐུགས་གཏེར་ལས་འཁྲུངས་པའི་རིག་བཅུའི་སྐྱེད་ཚལ་དེ་ཡིན་མི་ཆོག་པ་ཅི།. |
| 457 |
སྦྲ་སྒོ་ནས་བཞོ་ཟེའུ་ལག་ཏུ་ཐོག་པའི་འབྲོག་མོ་ཞིག་ཐོན་ཡོང་བ་མངོན་ལ་ལྷས་ར་ན་བེའུ་ཆུང་རོག་རོག་འཁྲིད་པའི་འབྲི་མོ་ཞིག་ངུར་གྱིན་པ་ཚོར་འོངས། ར་ཆུང་ན་བལ་དཀར་སྐྱ་ཐུལ་ཐུལ་གྱི་ལུག་ཁྱུ་འབའ་བ་ཐོས་ལ་སྒོ་འགྲམ་ན་རྫི་གླུ་སྙན་ལྷང་ལྷང་གི་འབྲོག་ཕྲུག་ཅིག་རྒྱུ་བའང་ཚོར་འོངས། དེ་མུར། ལོ་མང་གི་གོང་རོལ་ན།. |
| 458 |
ཟླ་མང་གི་སྔ་རོལ་ན། ཉིན་མང་གི་ད་ཚོད་ཙམ་ཞིག་ལ་ངས་རྫི་གླུ་དལ་བ་རིང་མོ་ངག་ནས་གྱེར་ཏེ་ལུག་ཁྱུའི་ཁ་ལོ་བསྒྱུར་བ་དྲན་ལ། འུར་རྡོ་ཕྱི་མིག་དགུ་སྒྲིལ་སྐེད་ལ་གཟེར་ཏེ་ནོར་ཁྱུའི་རྨིག་རྗེས་བསྙེགས་པའང་དྲན་བྱུང་། མ་ཟད། རྩེད་ར་གཅིག་དང་རྫ་ལུང་གཅིག་ནས་རལ་པ་ཚི་བྲེག་གིས་བཅིངས་ཤིང་། སྣ་སྒོ་བྱ་ཐལ་གྱིས་ཁེངས་ལ།. |
| 459 |
ངས་སླར་ཡང་བསམ་གཞིག་དང་རྗེས་དྲན་གྱི་ལ་མོ་རེ་རེ་བརྒྱབ་དུས། དྲན་པའི་གཞལ་ཡས་ཁང་བཟང་་གི་མགྲོན་དུ་འོངས་མཁན་ནི་དཔྱིད་ཁུ་བྱུག་གསུང་ལ་མཉམ་ཉན་དང་དབྱར་སྦྲང་ཆར་ཟིལ་མས་མཉམ་བརླན། སྟོན་འབྲས་བུའི་མཆོད་པ་མཉམ་འབུལ་དང་དགུན་ཁ་བའི་དར་གོས་མཉམ་གྱོན་བྱས་པའི་སྦྲ་ནག་དེ་ཉིད་ལས་མ་འདས། གནའ་གཏམ་ལ།༼ སྐྱིད་ལ་ཁའི་རྩྭ་ལ་མཉམ་ཟ་དང་།. |
| 460 |
ངེད་གཉིས་ནི་གནམ་ནེ་གུང་སྨན་རྒྱལ་མོས་ལས་དབང་སྦྲེལ་ཟིན་པའི་མཛའ་གྲོགས་ཤིག་དང་། ལྷ་ཆེན་ཚངས་པ་དཀར་པོས་གཏན་ལ་ཕབ་ཟིན་པའི་གཏན་གྲོགས་དེ་ཡིན་སྣང་ཤར། ཁྱེད་ནི་ཀླུ་རྒྱལ་གཙུག་ན་རིན་ཆེན་གྱིས་ཆེད་དུ་ང་ལ་གནང་བའི་ནོམ་པ་ཞིག་དང་ནོར་ལྷ་གནམ་ཐོས་སྲས་པོ་དེས་ཆེད་དུ་ང་ལ་བསྩལ་བའི་སྲིད་པའི་དཀོན་ནོར་དེ་ཨེ་ཡིན་སྙམ།. |
| 461 |
སྦྲ་ནག་ལགས། ཁྱེད་ཀྱིས་དྲན་ནམ། བགྲང་བྱ་མང་པོའི་གོང་རོལ་ན་ངེད་གཉིས་ཀྱིས་ནོར་ལུག་བརྒྱ་ཕྲག་མང་པོ་དཔང་དུ་རྟེན་ཏེ། མེ་ཏོག་སྟོང་ཚོ་མང་པོ་མདུན་དུ་སྤུངས་ནས། བར་ཆད་ཁྲི་ཚོ་མང་པོ་ཁྱད་དུ་བསད་དེ། ཆོས་སྐྱོང་སྲུང་མ་འབུམ་ཚོ་སྐྱབས་སུ་བཅོལ་ནས། ཇི་སྲིད་སྐལ་བ་ཡི་མེ་དཔུང་འབར་འབར། དེ་སྲིད་ཕྱི་ཐག་གི་མདུད་པ་དམ་ཞེས།. |
| 462 |
མི་འགྱུར་དམ་བཅའ་ཡི་རི་མོ་ཐ་དག སྲ་མཁྲེགས་རྡོ་རྗེ་ཡི་བྲག་ལ་བྲིས་པ་ཨེ་དྲན་གྱིས། ད་ཆ་ཁྱེད་དུས་རབས་ཀྱི་ཁུར་པོས་མནན་དུས་ང་བག་ཕེབས་ངང་གནས་འདུག་མ་གསུངས་རོགས། རས་གུར་གྱིས་ཁྱེད་ཀྱི་འགྲོ་ལམ་བཀག་དུས་ངས་དམ་བཅའ་དག་བསྐྱུར་འདུག་མ་ལབ་རོགས། བ་གམ་གྱིས་ཁྱེད་ལ་འགྱིང་ཚུགས་ངོམས་དུས་ངས་བརྩེ་བ་དག་དོར་འདུག་མ་གླེང་རོགས།. |
| 463 |
ང་སྡུག་དོན་སེམས་པ་དེ་བྲག་ལ་གཅེར་བས་སོ།། སྦྲ་ནག་ལགས། ང་དུས་ནམ་ཞིག དོན་ཅིའི་ཕྱིར། ཡུལ་གང་དུ་འབྱོར་རུང་གྲིབ་གཟུགས་ལྟར་འགྲོགས་མཁན་ནི་ཁྱེད་ཀྱི་རང་བཞིན་དང་ངོ་བོ། ངེད་ཀྱི་དམ་བཅའ་དང་བརྩེ་བ་དེ་དག་ཡིན། ངས་ཁྱེད་དྲན་ཐེངས་རེར་སྐྱོ་གདུང་གི་ཇག་ཚོགས་ལན་མང་འཕྲད་མྱོང་ལ་བཟོད་བསྲན་གྱི་གྲི་མགོ་ལན་མང་འཕུར་མྱོང་།. |
| 464 |
མཐོ་སྒང་འབྲོག་པའི་མཁུར་ཚོས་དེ་ཁྱེད་ཀྱི་ཐུ་འོག་ནས་དམར་བར་སྙམ་ལ་ཤ་མར་ཐུད་གསུམ་གྱི་ལོངས་སྤྱོད་ཀྱང་ཁྱེད་ཀྱི་ཐུ་འོག་ནས་འཛོམས་པར་སྙམ། ད་དུང་། ཆོས་ཚིག་མ་ཎི་ཡིག་དྲུག་ངག་ནས་བཟླས་ཤིང་ཕྲེང་དཀར་བརྒྱ་རྩ་བརྒྱད་པོ་ལག་ཏུ་འཆང་བའི་སྐྱ་སེར་རེ་རེ་ཁྱེད་ཀྱི་ནུ་ཞོ་ཡིས་གསོས་ཤིང་བྱམས་བརྩེ་ཡིས་ཚར་བར་འདོད་ཡོད།. |
| 465 |
འོན་ཀྱང་། སྐབས་རེ་ང་ལ་གློ་བུར་དུ་བཟོད་དཀའ་བའི་འཇིགས་སྐྲག་ཅིག་སྐྱེས་སུ་བཅུག་གིས། ནམ་ཞིག་ཚེ་ན་ཁྱེད་ངའི་འཇིག་རྟེན་འདིར་དབང་བའི་ལས་སྐལ་དེ་རྫོགས་པར་སྐྲག་གིས། གལ་ཏེ་ང་ཁྱེད་དང་བྲལ་ན་ཆོས་དགེ་བ་དང་བྱམས་སྙིང་རྗེའི་ཐ་སྙད་དེ་འཐོར་བར་ཉེན་ལ་གོས་བོད་ལྭ་དང་སྐད་ཕ་སྐད་ཟེར་བའང་འདོན་པ་ཙམ་དུ་ཟད་འགྲོ་བ་མ་ཡིན་ནམ།. |
| 466 |
དེ་ལྟར་དྲན་པས་ངས་ཁྱེད་ཡོད་ན་ངའི་ཡོད་ཚད་ལྷག་ཡོད་པ་ཤེས་བྱུང་ལ་ཁྱེད་མེད་ན་ངའི་ཡོད་ཚད་བརླག་འགྲོ་བའང་རྟོགས་བྱུང་། གལ་ཏེ་ཁྱེད་མེད་ན་ང་ལ་དགའ་ས་མེད། ཆགས་ས་མེད། ཞེན་ས་མེད། བདེ་སྐྱིད་མེད། འཛུམ་མདངས་མེད། གལ་ཏེ་ཁྱེད་མེད་ན་ང་ལ་སྡུག་བསྔལ་ཡོད། མིག་ཆུ་ཡོད། གདུང་སེམས་ཡོད། སུན་སྣང་ཡོད། སྐྱོ་བ་ཡོད།. |
| 467 |
ཁྱེད་ཡོད་ན་ངས་སྤྲོ་གར་ཞིག་ཚེ་མཐའི་བར་འཁྲབ་སྲིད་ལ། ཁྱེད་མེད་ན་ངས་སྐྱོ་དབྱངས་ཞིག་སྲིད་མཐའི་བར་གྱེར་ངེས། སྦྲ་ནག་ལགས། ཁྱོའི་དབང་གིས་གཡག་ཕོ་གྲུས་ལོན་ལ་ཤིང་སྒ་གཏད་དབང་ཡོད་ལ་འབྲི་མོ་འཐུས་ལོན་ལ་བེའུ་འཁྲིད་སྐལ་ཡོད། ཁྱོའི་དབང་གིས་ལུག་ཐོང་བས་སྤང་ཐང་ན་རྩེད་བྲོ་འཁྲབ་ཅིང་རྟ་ཅོ་པས་རྐྱང་རྒོད་ལ་བང་རྩལ་འགྲན་ནུས།. |
| 468 |
དེ་དག་ནི་ངའི་མཐོང་སྣང་ཡིན། དགའ་སྣང་ཡིན། འདོད་དོན། ལོངས་སྤྱོད། འཚོ་བ་ཡིན། དེ་དག་ནི་ཁྱོའི་ངོ་བོ་ཡིན། རང་བཞིན་ཡིན། ནུས་པ། གྲུབ་འབྲས། དངོས་ཟོག་ཡིན། ངས་ཡུན་རིང་བསམ་མྱོངས། ང་ལ་དགོས་པ། འདོད་པ། སྒུག་པ། བསམ་པ་ཐ་དག་ཁྱེད་ཀྱིས་བསྩལ་ནུས་ལ། ཁྱེད་ལ་ཐོབ་འོས་པ། འབྱུང་ངེས་པ། རྔོ་ཐོགས་པ།. |
| 469 |
ཁྱེད་མེད་ན་ང་ལ་རྟེན་ཁང་མེད། དེས་ན་ངེད་གཉིས་ཀྱིས་དམ་བཅའ་སླར་འཇོག་དང་དད་དམ་འགྱུར་མེད་ཀྱིས་ལས་སྐལ་བཟང་པོ་འདི་ལ་བར་ཆད་མི་འབྱུང་བའི་གསོལ་བ་འདེབས། དེས་ན་ངེད་གཉིས་ཀྱིས་ཀུན་སློང་གཙང་མ་དང་སྨོན་ལམ་མཉམ་འདེབས་ཀྱིས་གནམ་འོག་གི་སེམས་ཅན་ཐམས་ཅད་འཚེ་མེད་ཞི་བདེར་འཁོད་པའི་བཀྲ་ཤིས་ཁ་གཡང་འབོད།. |
| 470 |
དེ་རིང་ཞོགས་པའི་སྐྱ་རེངས་མཐའ་ནས་མ་འཆར་གོང་མལ་ལས་ལྡངས་ཤིང་ཉི་གཞོན་གྱི་གསེར་འོད་ས་ལ་མ་ཕོག་གོང་ལམ་དུ་བཞུད་ནས་ཞྭ་སེར་བསྟན་པའི་ཆུ་འགོ་ལྟ་བུའི་གདན་ས་དེ་རུ་ཕྱིན་པ་ཡིན། གནས་མཆོག་དེ་རུ་སངས་རྒྱས་སུ་ཞིག་གི་ཞིང་ཁམས་ཇི་བཞིན་བརྗིད་ཆགས་པའི་ལྷ་སྐུ་རྟེན་གསུམ་གྱི་ཡུལ་ཁམས་དེ་བཀང་འདུག་ཅིང་།. |
| 471 |
དགོན་པའི་ནང་བསྐོར་བར་བསྐོར་ཕྱི་བསྐོར་གསུམ་གོ་རིམ་བཞིན་བརྒྱུད་ནས་ཕྱིན་པ་ན།བདག་གིས་མི་ཁྲ་ཁྲ་རིག་རིག་གི་ཁ་ནས་གཏམ་ལ་བཤད་ལུང་བཤད་འདྲ་མིན་སྣ་ཚོགས་ཤིག་ཐོས་སོང་། མ་གཞིར་གནས་མཆོག་དེར་འདུས་མཁན་ཡོད་ཚད་སྒོ་གསུམ་དཀོན་མཆོག་ལ་འབུལ་མཁན་རྣམ་དག་ཅིག་མ་ཡིན་ཏེ། སྐོར་ཅིག་གི་དད་པ་ནི་རང་ཕུང་གཞན་གནོད་ཀྱི་དད་པ་སྐྱུག་བྲོ་བ།. |
| 472 |
ཡིན་ནའང་།ཕྱི་རོལ་ན་མངོན་སུམ་ཚད་མའི་སྣང་བའི་རང་བཞིན་ལ།མི་མངོན་པའི་རང་སེམས་སྟོང་བར་རྗེས་དཔག་ཚད་མས་སྒྲུབས་པའི་བྱམས་དང་སྙིང་རྗེའི་མཁར་ཞིག་བརྩིགས་ཀྱང་།དག་པའི་སེམས་ཉིད་ལ་མ་དག་པའི་བློ་གསལ་སྟོང་ཕྱོགས་གཉིས་ད་དུང་མ་འཇིག་པའི་སོ་སྐྱེས་ཕལ་བ་བདག་ལྟ་བུས་བློ་དམན་གྱི་སྣང་ངོར།ཚད་མེད་བཞི་ཉམས་སུ་ལེན་དཀའ་བར་གྱུར་ཅིང་།. |
| 473 |
དེ་ལྟར་བདག་གསེར་སྡོང་འཛམ་གླིང་རྒྱན་གཅིག་དང་སངས་རྒྱས་སྟོང་སྐུ་བྱོན་སྐད་མཆིས་པའི་ཙན་དན་ཤིང་གི་སྡོང་བོ་དེའི་མདུན་དུ་སླེབས་པ་ན།བདག་ནི་ཡིད་སེམས་རྩེ་གཅིག་གི་དད་པ་བ་སྤུ་གཡོ་བ་ཞིག་འཕྱུར་ཞིང་སྒོ་འགྲམ་དུ་འབྱོར་མ་ཐག་ལག་ཟུང་པད་མའི་སྙིམ་པ་དགུང་ལ་བཏེགས་ཤིང་གཙིག་ཏུ་བཞག་ནས་ཡན་ལག་ལྔ་བོའི་ཕྱག་འཚལ་བ་ཡིན།. |
| 474 |
དེས་བདག་གིས་ནམ་ཡང་རབ་བྱུང་བའི་ངག་དག་པ་རྡོ་རྗེའི་གསུང་རུ་སྒོམ་པའི་དད་པ་དག་སྣང་ལ་རྡོག་རྫིས་བྱས་སོང་།སྐད་ཆ་རྫོབ་པོ་གཤང་ལྕི་འདྲ་བ་དེ་འདྲ་ཞིག་ངུར་སྨུག་ཆོས་ཀྱི་ན་བཟའ་མནབས་པའི་རབ་བྱུང་བ་དེའི་ངག་ལས་གདུག་རྩུབ་དང་བཅས་ལྡང་བྱུང་ལ།དེའི་ཚིག་གི་དུག་མདའ་འཕེན་ས་ཡང་ད་དུང་ནུ་ཞོ་ཁ་དང་མ་བྲལ་བ།. |
| 475 |
རབ་བྱུང་བ་དེའི་སྣ་ཤེས་ཀྱི་ཚོར་བ་གསལ་སྙམ་གདའ།སྐབས་རེར་དྲི་བསུང་འཐུལ་བའི་མཛེས་མ་རེ་བརྒྱུད་ཚེ་ཤིན་ཏུ་མི་འཐད་པའི་ཉམས་ཀྱིས་དབུ་འོད་ཁྲོམ་ལེ་བ་དེ་ཡར་བཀྱེགས་ནས་ཞིབ་ལྟ་རེ་བྱེད་སྲིད། བདག་གིས་ཡུད་ཙམ་ཞིག་ལ་རེ་སྒུག་བྱས་ཀྱང་ཁོང་ནི་གཞན་པའི་དད་ལྡན་དག་ལ་ཁ་ཡ་བྱེད་པའི་སྟ་གོན་ཙམ་ཡང་མི་འདུག།. |
| 476 |
དེ་ཡང་བདག་གིས་བསམས་ན་འདྲི་ཚིག་དྲིས་མ་ཚར་གོང་ལན་དོན་མེད་ཅིག་སྟེར་བའི་སྲོལ་ངན་དེ།ཁ་ཏོན་ཐར་ཐོར་ཙམ་ལས་ལོག་སྨྲ་ཚར་གཅོད་པའི་སྒྲ་དང་ཚད་མ་སོགས་ཀྱི་གཞུང་ལ་ངོ་ཤེས་ཙམ་ཡང་མ་བྱས་པས་ལན་པ་ཡིན་སྙམ། བདག་གི་སྔར་ནས་གྲ་སྒྲིགས་བྱས་ཟིན་པའི་ཁ་བཏགས་དཀར་བོ་དེ་བླངས་ཏེ།ཡང་།ཨ་ཁུ།ཁ་བཏགས་འདི་གང་ལ་འཐེན་འོས་ཞེས་དྲིས་པ་ན།. |
| 477 |
དེར་མཐུད་ནས་འཕྲོས་དོན་ཕྲན་བུ་རེ་སྨོས་ན།དེང་སྐབས་སྐུ་འབུམ་དགོན་པ་ལས་གཞན་ད་དུང་བོད་ཡུལ་གྱི་སྐྱེས་ཆེན་དུ་མའི་གདན་ས་དང་དགོན་སྡེ་གཞན་མང་པོར་འདི་ལྟ་བུའི་གནས་ཚུལ་མང་པོ་མཆིས་སྟེ།ཡོད་ཚད་ཁེ་ཕན་དང་མཚན་སྙན་ལ་འབྲེལ་བ་མེད་པ་ཞིག་ཡིན་ཚེ་རིན་ཐང་མེད་པ་ཞིག་ཏུ་མཐོང་ནས་གཙིགས་ཆེན་མི་བྱེད་པར་མ་ཟད།. |
| 478 |
ད་ལྟ་སྤྲུལ་སྐུ་སོགས་ཡོད་མེད་མི་ཤེས། དེ་ནི་ཁང་སར་བསྟན་པའི་ཉི་མ་ཟེར་བའི་མཁས་པ་ཞིག་ཡོད་པ་དེའི་དགོན་པ་ཡིན་འདུག དེ་ནས་ནུབ་ཏུ་སྤྱི་ལེ་བརྒྱ་ཙམ་གྱི་ས་ན་མགོ་ལོག་ལྕམ་མདའ་དགོན་ཟེར་བའི་ཇོ་ནང་དགོན་པ་ཞིག་ཡོད་ལ། དགོན་དེ་ཕྱག་འདེབས་པ་པོ་མཁན་པོ་ཤེས་རབ་དགུང་ལོ་བརྒྱད་ཅུར་སླེབས་པ་ཞིག་ཡོད་པ་དང་།. |
| 479 |
ད་ལྟ་གྲྭ་བ་སུམ་བརྒྱ་ཡོད་པར་བཤད་ལ། འཆད་ཉན་སོགས་ཇོ་ནང་བའི་ལྟེ་བ་ཞིག་ཏུ་བརྩི་བཞིན་ཡོད། དེ་ནས་ནུབ་ཏུ་སྤྱི་ལེ་ཁ་ཤས་ཕྱིན་ན་ཚུར་རྣམ་དགོན་ནམ་ཤ་ཝོད་ཟེར་བའི་དགེ་ལུགས་པའི་དགོན་པ་གྲྭ་བ་ཡོངས་རྫོགས་ཀྱིས་ན་བཟའ་སེར་པོ་མནབས་པ་ཞིག་ཡོད་ལ། དགོན་དེའི་སྐུ་རིམ་འདོན་ཆ་ནི་ཨ་མདོ་ན་མིང་དུ་གྲགས་ཡོད་པ་ཞིག་ཡིན་པར་བཤད་ལ།. |
| 480 |
གྲྭ་བ་རྣམས་ཀྱིས་དགོན་པ་ནས་ཤ་ཟ་མི་ཆོག་པ་མ་ཟད། གྲོང་བ་ཚོས་ཀྱང་གཏན་ནས་ཤ་ཟ་མི་ཆོག་པར་བཤད། ངེད་གཉིས་ས་དེར་སླེབས་དུས་ས་རུབ་ལ་ཉེ་བས་དགོན་དེའི་གཉེར་བར་གནས་ཚང་གཡར་ཀྱང་མ་གཡར། དགོན་པའི་ཟ་ཁང་ཟེར་བའི་ཐབ་ཚང་སྐྱོ་བོ་ཞིག་ནས་ཚོད་མའི་མོག་མོག་བཟས་རྗེས་ཡང་བསྐྱར་ལམ་ལ་ཆས་ཏེ་གཏུམ་པོའི་དགོན་ནས་ཞག་གཅིག་བསྡད།. |
| 481 |
སློབ་གྲྭར་སྐྱ་སེར་གང་རུང་གི་བྱིས་པ་དང་ན་གཞོན་ཚོས་དེ་རུ་སྨན་དང་བཟོ། སུམ་རྟགས་སོགས་སྦྱོང་བཞིན་ཡོད་པ་མ་ཟད། སློབ་ཡོན་སོགས་ཀྱང་སྤྲུལ་སྐུས་འཁུར་བཞིན་ཡོད་པས། ས་དེ་ཀའི་མི་མང་མི་སེར་ལ་ཕན་ཐོགས་ཆེན་པོ་ཡོད་པ་སྨོས་མེད་རེད། ངེད་གཉིས་སློབ་གྲྭ་དེ་རུ་ཕྱིན་ཏེ་སློབ་མ་དག་ལ་སྐད་ཆ་ཁ་ཤས་དྲིས་སྐབས།. |
| 482 |
ཁོ་བོས་མི་སྣ་དེ་དག་མཉམ་དུ་སྦྱར་ཡོད་པ་ཐེངས་དང་པོར་མཐོང་བས་མཚར་སྣང་བྱུང་བ་དང་པར་ཞིག་ལེན་གྲབས་བྱེད་སྐབས་སློབ་མ་ཞིག་ཡར་ལངས་ཏེ། ཁྱོད་ཚོ་གང་གི་ཡིན་ཟེར། བདག་གིས་ནུབ་བྱང་མི་རིགས་སློབ་ཆེན་གྱི་དགེ་རྒན་ཞིག་ཡིན་པ་དང་རོགས་པ་ནི་རྨ་ཆུའི་བོད་རིགས་སློབ་འབྲིང་གི་དགེ་རྒན་ཡིན་པར་ངོ་སྤྲད་པ་ན།. |
| 483 |
ཁོས་ཁྱོད་ཚོ་ཤེས་ཡོན་ཡོད་པ་ཞིག་ཡིན་ན་གང་འདོད་དུ་ག་ས་གང་པར་རྒྱག་མི་ཆོག་པ་མི་ཤེས་སམ་ཟེར། ཁོ་བོས་ཀྱང་དེ་བདེན་པར་མཐོང་སྟེ་ཡ་ཡ་ཞེས་བཤད་ནས་དཔར་རྒྱག་མཚམས་བཞག གང་ལྟར་ཁོ་བོའི་སེམས་སུ་ང་ཚོའི་སློབ་གསོ་ནི་སློབ་ཁང་དེའི་ནག་པང་ཀླད་དུ་སྦྱར་བའི་མི་སྣའི་པར་དག་དང་འདྲ་བར་རྒྱུ་མཚན་གསལ་བོ་དང་།. |
| 484 |
གཏུམ་པོའི་དགོན་ནས་ལམ་ལ་ཆས་ཏེ་སྤྱི་ལེ་ཁ་ཤས་ཕྱིན་པ་ན་ལུང་སྐྱ་དགོན་མི་འགྱུར་བདེ་ཆེན་གླིང་ཟེར་བའི་ཇོ་ནང་གི་དགོན་པ་ཆེན་པོ་ཞིག་ཏུ་སླེབས་སོང་བ་དང་། དགོན་པ་དེར་བཞུགས་པའི་མཁན་པོ་ནི་ཇོ་ནང་མཁན་ངག་དབང་བློ་གྲོས་གྲགས་པའི་སློབ་མ་ཡིན་སྐད་ལ། དགོན་དེ་བཏབས་ནས་ལོ་ངོ་ལྔ་བཅུ་ཙམ་ལས་འགོར་མེད་པར་བཤད་ནའང་།. |
| 485 |
རྨ་སྟོད་ནི་གླིང་སྒྲུང་ལས་སྒ་སྐྱ་ལོའི་སེང་ལྕམ་འབྲུག་མོའི་ཕ་ས་སྟེ་སྒ་སྐྱ་ལོ་ཚང་གི་གནས་ཡིན་པར་བཤད་ལ། ཁོ་བོའི་རུས་ཀྱང་སྒ་ཡིན་པས་ན་བདག་གི་མེས་པོ་དག་ཀྱང་གནས་འདི་ནས་ཆད་པ་ཡིན་ནམ་སྙམ་བྱུང་། རྫོང་དེ་ནི་ས་མཐོ་ལ་ཐང་དང་རི་སྐྱ་བོར་འགྲོ་བའི་ཉེན་ཁ་ཚ་མདོག་ཡོད་པ་མ་ཟད། འབྲོག་རྩྭ་ས་སོགས་ཀྱང་ཧ་ཅང་སྐྱོ་བོའི་རྣམ་པ་ཡོད་ལ།. |
| 486 |
གནས་དེ་གའི་མི་རྣམས་ཀྱིས་འཚོ་བ་དང་གང་ཅིའི་ཐད་དེ་འདྲའི་བཟང་རྒྱུ་མེད་པ་དང་། དེ་རུ་གེ་སར་འདུ་ར་ཞེས་པའི་གེ་སར་གྱི་སྐུ་བརྙན་ཆེན་པོ་དང་འབྲུག་མོའི་སྐུ་བརྙན་ཆེན་པོ་མཐའ་འཁོར་དུ་མ་ཎི་འཁོར་ལོས་བསྐོར་བ། སྟེང་དུ་མ་ཎི་རྡོ་ཕུང་གིས་བརྒྱན་པ་ཆེན་པོ་ཞིག་བཞེངས་ཡོད་པ་དེ་གནས་དེའི་རྟགས་ཆེན་པོ་ཞིག་ཏུ་བརྩི་བཞིན་ཡོད་ལ།. |
| 487 |
གནས་དེར་འབྲོག་པའི་རྟགས་ཡོད་པ་མ་ཟད། མི་རྣམས་ཀྱང་གཤིས་ཀ་དང་རྒྱུ་བ་ཅུང་བཟང་བ་ཨེ་ཡིན་སྙམ་པ་བྱུང་། རབ་རྒྱས་དང་ངེད་གཉིས་ཀྱིས་སྡོམ་མདའི་བོད་ཟས་ཁང་ཞིག་ཏུ་འོ་ཇ་བཏུང་རྗེས་སྐད་ཆ་དྲིས་པ་ན། དེར་ཡོད་པའི་མགྲོན་པོ་དང་ཟ་ཁང་གི་བདག་པོ་དག་གིས་སྐད་ཆ་དྲང་མོར་བཤད་པ་མ་ཟད་ཧ་ཅང་བརྩེ་བའི་རྣམ་འགྱུར་སྟོན་པར་བྱེད།. |
| 488 |
སྡོམ་མདའ་ནས་སྤྱི་ལེ་དྲུག་ཅུ་ཙམ་ནས་སླར་ཡང་ཤར་ཕྱོགས་སུ་དཀྱོགས་ནས་སྤྱི་ལེ་བདུན་ཅུ་ཙམ་ན་དགེ་ལུགས་པའི་དགོན་སྡེ་གྲགས་ཆེན་རྫ་སེར་ཤུལ་དགོན་ཡོད་ལ། དགོན་དེར་གྲྭ་བ་ཉིས་སྟོང་ལྷག་ཡོད་པར་བཤད་ལ། དེ་ནི་ཁམས་ཕྱོགས་ཀྱི་དགེ་ལུགས་དགོན་པ་ཆེས་ཆེ་བར་བཤད་པ་མ་ཟད། ཁམས་ཚན་དྲུག་ཙམ་དང་། ཡིག་ཆ་རྗེ་བཙུན་པའི་ཡིག་ཆ་ཡིན་པར་བཤད་ལ།. |
| 489 |
དེ་རུ་སྐད་གྲགས་ཅན་གྱི་དགེ་བཤེས་འཇམ་དཔལ་བློ་ཤེས་ཟེར་བ་དེ་ཡོད་སྐད། རབ་རྒྱས་དང་ངེད་གཉིས་ཀྱིས་གྲྭ་ས་དེའི་མདུན་གྱི་རྫ་ཆུའི་འགྲམ་གྱི་སྤང་གི་སྟེང་ན་ངལ་གསོ་བཞིན་གྲྭ་བ་ཁ་ཤས་ལ་ཁ་བརྡ་གློད་པ་ན། གྲྭ་བ་གཅིག་གིས་ཁོ་ཚོ་སྙན་ངག་དང་རྩོམ་རིག་ལ་དོ་སྣང་ཡོད་པ་ལས་དགོན་པའི་བསླབ་ཚན་ཁག་ལ་དེ་འདྲའི་དགའ་བོ་མེད་རབས་དང་།. |
| 490 |
ནུབ་བྱང་གི་རྒན་བདུད་ལྷ་རྒྱལ་དང་དཔའ་རྩེ། དཔལ་མོ་སོགས་ལ་ཧ་ཅང་དོ་སྣང་ཡོད་རབས་བཤད་ལ། ལྷག་པར་གྲྭ་ས་འདི་དག་ནི་རྒན་བདུད་ལྷ་རྒྱལ་གྱི་གཏམ་བཤད་སོགས་ཉན་དཀོན་པོ་ཁག་ཏུ་བརྩི་བཞིན་ཡོད་པར་བཤད། གང་ལྟར་དགོན་པའི་གྲྭ་བ་འདི་དག་གིས་གཞུང་ཆེན་སློབ་གཉེར་གྱི་འདུན་པ་ལས་རྩོམ་རིག་དང་སྤྱི་ཚོགས་གླེང་བརྗོད།. |
| 491 |
རྨེ་རུའིི་ཡུལ་ལྷ་ཐར་སོགས་ཀྱིས་རྩོམ་ཡིག་རྩ་ཆེན་པོ་འབྲི་བཞིན་ཡོད་རབས་བཤད། བདག་གིས་མཁར་རྨེའུ་དང་ཁང་དཀར་སོགས་ཀྱི་སྐོར་བཤད་སྐབས། ཁོ་ཚོར་དེ་འདྲའི་སྤྲོ་བ་ཡོད་པར་མ་མཐོང་། དགོན་དེ་ན་སེར་གཙུག་གི་དཔེ་དེབ་སྣ་ཚོགས་བླུ་རྒྱུ་ཡོད་པ་མ་ཟད། དགེ་བཤེས་ཚོའི་དཔེ་ཁྲིད་སྒྲར་ཕབ་པ་མང་པོ་ཡོད་པ་དག་ཧ་ཅང་ཡག་པོར་མཐོང་སོང་།. |
| 492 |
ཁོ་བོ་ཅག་གིས་དེ་དག་མཐོང་ཐབས་བྲལ་འདུག བཟང་སྤྱོད་བྲག་བརྐོས་མ་དེ་རྨི་བཞི་ལྔ་ཙམ་གྱི་བྲག་ངོས་སྙོམས་པ་ཞིག་གི་སྟེང་དུ་ཡོད་ལ། ཡིག་གཟུགས་སོགས་རང་བྱུང་ལྟར་དུ་འདུག་པས་ཧ་ལས་པ་འདུག་མོད། ད་ལྟ་དེ་དག་གི་བྲག་རྩེ་རིམ་གྱིས་ཞིག་པའི་ཉེན་ཁ་འདུག་པས། འདི་དག་ལའང་སྲུང་སྐྱོབ་དགོས་པ་ནི་ཧ་ཅང་གལ་ཆེ།. |
| 493 |
དེའི་ཁུངས་སྐྱེལ་གང་ཡང་མེད་པས་རེ་ཞིག་བཞག གཞན་རྡོ་དགོན་མཁན་པོ་འགྱུར་མེད་ལགས་ནི་སྤྱིར་བཀའ་བརྒྱུད་པའི་ལོ་རྒྱུས་དང་ནང་སྒོས་སུ་ཟུར་མང་བཀའ་བརྒྱུད་ཀྱི་ལོ་རྒྱུས་ལ་ཧ་ཅང་མཁས་པ་ཞིག་ཏུ་འདུག་པས་ཁོས་བཀའ་བརྒྱུད་ཆེ་བཞི་ཆུང་བརྒྱད་དང་གནས་ཟུར་གཉིས་ཀྱི་ལོ་རྒྱུས་མང་དུ་བཤད་པས་བློ་བསྐྱེད་ཆེན་པོ་ཐོབ།. |
| 494 |
སླར་ཡང་འབིས་ཁོག་རྣམ་པར་སྣང་མཛད་ཀྱི་ལྷ་ཁང་དུ་ཕྱིན་ལ། དེར་ཡོད་པའི་གྲྭ་བ་དེར་ཞུ་བ་བྱས་རྗེས་ཁ་སང་མཐོང་ལམ་དུ་མ་གྱུར་པའི་ལྷ་ཁང་གི་རྩིག་པའི་རྡོ་བ་གཅིག་གི་སྟེང་དུ་ཡོད་པའི་ཡི་གེ་དེ་པར་བརྒྱབ་པ་ཡིན། རྡོ་བ་དེ་ཁ་སང་གི་ཨ་ཁུ་ཟུར་མང་རྡོ་དགོན་འགྱུར་མེད་དང་ཟུར་མང་ནོར་རྒྱམ་གཉིས་ཀྱིས་ཀྱང་གསལ་པོ་མ་གསུངས་ལ།. |
| 495 |
ད་ལྟ་ལོ་ངོ་ཉི་ཤུ་རྩ་གསུམ་གྱི་རྗེས་ནས་ཡི་གེའི་སྟེང་དུ་བྱུགས་པའི་ཚོན་དམར་པོ་དག་དག་ཀྱང་མི་གསལ་མོད། ཡི་གེ་དག་སྔར་བཞིན་གསལ་བོ་ཡིན་ནའང་། ངེད་གཉིས་འགྲོ་སྐབས་འདུ་ཁང་གི་དཀོན་གཉེར་གྱིས་རྩིབ་སྲུབ་ཏུ་ཡོད་པའི་རྡོ་བ་དེ་བསྟན་བྱུང་ལ། ལྷ་ཁང་གི་གྲུ་ག་དེ་རུ་གློག་མེད་པས་དེ་འདྲ་གསལ་བོ་མེད་པ་མ་ཟད།. |
| 496 |
དེ་ནི་གོང་གི་ལྷ་ཁང་འགྲམ་གྱི་རྡོ་བརྐོས་དཀར་ཆག་ལྟར་རིན་ཐང་ཆེ་བའི་ཡིག་ཆ་ཡིན་པ་མཁས་པ་མཁར་རྨེའུ་ལགས་ཀྱིས་གསུངས་པ་བཞིན་ནོ།། དེ་ནས་ངེད་གཉིས་དཔལ་ཐང་དང་འདན་ཁོག་ཡོངས་སུ་བརྒྱུད་ནས་འདན་ཆོས་འཁོར་དགོན་ཟེར་བ་དེར་སླེབས་ཤིང་། དེ་ནི་ད་ལྟའི་སྲིད་ཀྱི་ཁོངས་ལྟར་ན་བོད་ལྗོངས་ཆབ་མདོ་འཇོ་འདའ་རྫོང་ཁོངས་ཡིན་འདུག་ལ།. |
| 497 |
གང་ལྟར་ཁོག་འདིར་འདན་ཁོག་ཟེར་བ་དང་། འདིར་འདན་མའི་སྐོར་གྱི་གཏམ་རྒྱུད་མང་བ་སོགས་ལ་གཞིགས་ན། འདན་ཁོག་ཟེར་བ་འདི་རུས་འདན་ཅན་གྱི་ཚོ་ཤོག་ཆེན་པོ་ཞིག་གི་གནས་ཡིན་པ་ཧ་ཅང་གསལ། དེ་ནས་མུ་མཐུད་འབྲུ་ཆུ་བརྒྱུད་ན་རྫ་ཆུ་ཁའི་འབྲོག་སྡེ་ཆེན་པོ་སྦྲ་ལ་དར་ལྕོག་གིས་བརྒྱན་པ་མང་དུ་ཡོད་པ་ནི་རྫ་ཆུའི་ཁ་ཡིན་ལ།. |
| 498 |
དེ་རུ་གསེར་གྱི་རྒྱ་ཕིབས་འོད་འཕྲོ་བའི་ཟངས་མདོག་དཔལ་རི་ཆེ་ཆུང་མང་དུ་ཡོད་པ་མ་ཟད། རྙིང་མའི་དགོན་པ་མང་ཆེ་བའི་འགྲོ་ལུགས་ལྟར་ཨོ་རྒྱན་ཆེན་པོ་མགོ་རྗེན་ཞིག་ཀྱང་བཞེངས་པའི་སྟ་གོན་བྱེད་བཞིན་འདུག ཞེ་ཆེན་དགོན་པའི་འདབས་སུ་གྲོང་པ་སྐྱོ་བོ་ཞིག་ཆགས་འདུག་པའི་མགྲོན་ཁང་དུ་རབ་རྒྱས་ངེད་གཉིས་ཞག་གཅིག་བསྡད།. |
| 499 |
རྫོགས་ཆེན་ནི་མདོ་ཁམས་གནས་ཆེན་རྡོ་རྗེ་ཁྲོ་ལོ་ཟེར་བའི་བྲག་དང་གངས་རི་འདྲེས་མ་དེའི་འདབས་རོལ་ཏུ་ཆགས་ཡོད་པ་མ་ཟད། ལུང་བའི་ཕུ་རུ་ནགས་དང་ཆུ་ཕྲན་ལྷང་ལྷང་འབབ་པ་མ་ཟད། བྱ་དང་བྱེའུའི་སྐད་ཀྱང་གསལ་བས་ཧ་ཅང་ཉམས་དགའ་བོ་འདུག རྫ་དཔལ་སྤྲུལ་སོགས་སྔོན་གྱི་དམ་པ་དག་གི་མཐོ་བརྒལ་སྒོམ་པའི་གནས་འདི་ཧ་ཅང་ཡི་གར་འོང་།. |
| 500 |
ཁོ་ཚོའི་ཆོས་ཚོགས་སུ་མང་དུ་ཡོད་པ་མ་ཟད། རྫོགས་ཆེན་པདྨ་སྐལ་བཟང་ཟེར་བའི་བླ་མ་མཐོ་ཤོས་དེ་མཚམས་ལ་བཞུགས་ཡོད་པར་བཤད་པས་མི་རྣམས་མཇལ་སྐལ་མེད་ནའང་། ཁོ་རང་གི་མཚམས་ལ་བཞུགས་གནས་རྫ་དཔལ་སྤྲུལ་ལྟར་བྲག་གི་ཕུགས་པའམ་ཡང་ན་མི་མེད་དབེན་པའི་གད་སྐྱིབས་མ་ཡིན་པར། ནགས་དང་སྤངས་ཀྱི་འདྲེས་མཚམས། ཆུ་དང་ཆུ་མིག་གི་འགོ་ཁུངས།. |
| 501 |
འཁོར་གྱི་གཙོ་བོ་དག་གི་ཁང་བའང་མེ་ཏོག་ར་བ་དེ་རུ་ཡོད་པ་མ་ཟད། སྒོ་དང་སྒེའུ་ཁུང་ཤེལ་སོགས་རྒྱུ་རྩ་ཆེན་པོ་ལས་གྲུབ་པ། སྒོ་སོགས་གསང་པའི་ཨང་གྲངས་དང་མཛུབ་རིས་མནན་ན་མ་གཏོགས་མི་ཕྱེ་བ་དག་གི་ནང་དུ་ཡོད། དེར་ཡོད་སྐྱེ་རྒུ་མདོའི་གྲྭ་བ་སེམས་བཟང་ཞིག་གིས་ཁོ་ཚོའི་བླ་མ་རིན་པོ་ཆེའི་གསུང་འབུམ་ཞིག་ངེད་གཉིས་ཨེ་རག་ལྟ་ཕྱིར།. |
| 502 |
ཁོ་ཚོའི་མདུན་འདུག་པའི་སྤྲུལ་སྐུ་ཞིག་གི་ཁང་བའི་སྒོ་ལན་མང་དུ་བརྡུང་ཀྱང་མ་ཕྱེ་ལ། ང་ཚོས་ཁོ་རང་ནང་དུ་བཞུགས་ཡོད་པ་ཤེས་ནའང་ཕྱག་ལས་ལ་བྲེལ་བས་ང་ཚོར་ཁ་ཡ་ཡེ་ནས་མ་བྱས། རྫོགས་ཆེན་ནས་ངེད་གཉིས་ཡུན་རིང་མ་མཇལ་བའི་སློབ་གྲོགས་བློ་གསལ་ལ་ཐུག་པས་ཁོ་དང་ཁ་བརྡ་གློད་དུས། ཁོས་ཞེ་ཆེན་དང་རྫོགས་ཆེན།. |
| 503 |
གོ་ཆག་གི་སྐབས་སུ་གཞུང་གི་སློབ་གྲྭར་བེད་སྤྱད་པས་པར་ཤིང་མང་ཆེ་བ་བརླགས་འདུག ད་ལྟ་གཞུང་དང་སྒེར་ནས་སླར་ཡང་དངུལ་བཏངས་སྟེ་སྔོན་གྱི་རྣམ་པ་བསྐྱར་གསོ་ཙམ་ཡོད་པ་མ་ཟད། དཔར་བརྐོ་དང་དཔར་མཁན། བསྒྲིགས་མཁན་སོགས་སྔོན་གྱི་རྣམ་པ་ཙམ་ད་ལྟར་བསྐྱར་ཏུ་བཟོས་འདུག གཞན་སྡེ་དགེ་དགོན་ཆེན་དེ་རིའི་རྩེ་མོ་ན་ལྷང་ངེ་བཞེངས་ཤིང་།. |
| 504 |
བཟོ། སྐར་རྩིས། ལྷག་པར་སྨན་གྱི་རིག་པ་ཞིབ་ཏུ་སྦྱོང་བའི་གངས་ལྗོངས་གཙུག་ལག་སློབ་སྡེ་ཐོག་མར་ཆགས་ཤིང་། དེར་སུམ་རྟགས་དང་སྒྲ། ཟུར་ལུགས་གསོ་རིག། ཡར་སྟོད་ནམ་མཁའ་བཀྲ་ཤིས་ནས་བརྒྱུད་པའི་ཀརྨ་སྒར་བྲིས་དང་མཚུར་ཕུ་འཇམ་དབྱངས་ཆེན་མོ་ནས་བརྒྱུད་པའི་མཚུར་ལུགས་སོགས་ཀྱི་སྐར་རྩིས་དར་རྒྱས་ཆེན་པོ་བྱུང་སྐད།. |
| 505 |
ཀ་ཐོག་དགོན་ལག་ཁག་གི་ལོ་རྒྱུས་སྟོད་སྨད་དེབ་ཆེན་གཉིས། ཀ་ཐོག་དགེ་རྩེ་བསྟན་པ་རྣམ་རྒྱལ་གྱི་གསུང་རྩོམ་སོགས་བླུ་ཐུབ་པ་བྱུང་བས་ཧ་ཅང་དགའ་བོ་བྱུང་། གཞན་ཡང་། ཁམས་ཀྱི་དགོན་སྡེ་མང་པོར་རྟེན་དང་བརྟེན་པའི་བཞེངས་སྐྲུན་གསེར་མདོག་ལྷང་ངེར་བརྗིད་ཅིང་མཛེས་ནའང་། དཔེ་མཛོད་དང་དཔེ་ཁང་། དཔེ་གཟིགས་སོགས་ཀྱི་ཕྱོགས་ཧ་ཅང་སྐྱོ་ལ།. |
| 506 |
དགོན་དེའི་བླ་མ་གཙོ་བོ་ནི་རིག་འཛིན་འཇའ་ཚོན་སྙིང་བོའི་སྤྲུལ་བར་གྲགས་པའི་གྲུབ་དབང་པདྨ་ནོར་བུ་མཆོག་ཡིན་ལ། ལོ་ཁ་ཤས་སྔོན་ནས་ཁོང་ཉིད་སྐུ་གཤེགས། དགོན་དེར་འདུ་ཁང་དང་ལྷ་ཁང་། གསེར་གྱི་རྒྱ་ཕིབས་སོགས་ཡིད་དུ་འོང་པར་བཞེངས་ཡོད་ལ། ངེད་གཉིས་ཞོགས་པའི་ཆུ་ཚོད་བརྒྱད་པ་ཙམ་གྱི་སྟེང་དུ་དེར་འབྱོར་བས།. |
| 507 |
དཔེ་མཛོད་སོགས་ཁྱོན་ནས་མེད་པས་དགོན་དེའི་འཆད་ཉན་སོགས་ག་འདྲ་ཡིན་པ་བཤད་པར་དཀའ། དགོན་དེ་འདེབས་པ་པོའི་རྣམ་ཐར་གྱི་དཔེ་ཆ་སོགས་བླུ་རྒྱུ་མེད་པས་ཞིབ་པར་བརྗོད་ཐབས་བྲལ། དེ་ནས་ཤར་དུ་སྤྱི་ལེ་བརྒྱ་ཙམ་གྱི་ས་ན་སྔ་འགྱུར་རྙིང་མའི་གདན་ས་ཆེན་པོ་དང་ཀ་ཐོག་དགོན་གྱི་དགོན་ལག་ཡ་ཆེན་བསམ་གཏན་གླིང་ཞེས་པ་དེ་ཡོད་ལ།. |
| 508 |
དགོན་དེའི་ལོ་རྒྱུས་སོགས་ལག་ཏུ་མ་སོན་ནའང་། ཀ་ཐོག་དགོན་ལག་ལོ་རྒྱུས་ལྟར་ན་དགོན་དེ་ནི་ཀ་དམ་བདེ་གཤེགས་ཀྱི་སློབ་མ་བྱང་ཆུབ་འབུམ་པས་མདོ་ཁམས་ཁྲོམ་ཡ་ཆེན་སུམ་མདོ་ནས་དགོན་པ་བཏབས་པ་དེ་ནས་བཤད་དགོས་པར་འདུག ལྷག་པར་དེང་དུས་མཁན་པོ་ཨ་ཁྱུག་གམ་གྲུབ་དབང་ལུང་རྟོགས་རྒྱལ་མཚན་མཆོག་གིས་བསྐྱངས་པས།. |
| 509 |
དམར་སེར་ངུར་སྨྲིག་འཛིན་པའི་དཔུང་ནི་དངོས་གནས་ལི་ཁྲི་རྒྱ་མཚོ་མཁའ་ལ་འཕྱུར་བ་ལས་མ་འདས། དགོན་དེའི་མཐའ་འཁོར་གྱི་གྲོང་དང་ཚོང་ཁྲོམ་སོགས་ཅུང་སྐྱོ་བོ་འདུག སྔོ་ཚོད་སིལ་ཏོག་གི་རིགས་ལས་ཤ་གཏན་ནས་ཟ་མི་ཆོག་པར་བྱས་འདུག་པས། ངེད་གཉིས་ལྟ་བུའི་སྡིག་པའི་ཁ་ཟས་ལ་གོམས་པ་དག་གིས་ཉིན་གཅིག་ཀྱང་འཁྱོལ་དཀའ་བའི་ཚད་དུ་སླེབས་ནའང་།. |
| 510 |
དེ་ལས་ཏྲེ་ཧོར་ཞེས་པའི་ས་ཆ་འདི་ནི་དེང་གི་སྲིད་ཀྱི་ལམ་ལུགས་ལྟར་ན་དཀར་མཛེས་རྫོང་ནི་ནུབ་ཏུ་དཔལ་ཡུལ་དང་ལྷོ་རུ་ཉག་རོང་དང་མུ་ལི། འཇང་ཡུལ། བྱང་དུ་གསེར་རྟ་སོགས་ཀྱིས་བསྐོར་བས་སྔོན་གྱི་དུས་སུ་འགྲིམ་འགྲུལ་གྱི་ལམ་ཀ་གལ་ཆེན་ཞིག་ཡིན་པ་མ་ཟད། གནས་འདི་ཆོས་འབྱུང་ཁག་ཏུ་ཡང་ཡང་འབྱུང་བར་བཤད་པ་དང་།. |
| 511 |
གཞན་ཡང་གནས་འདིར་འགྲོ་མགོན་ཆོས་རྒྱལ་འཕགས་པའི་སློབ་མ་སྒ་ཨ་མྱེས་བཞེངས་པའི་མགོན་ཁང་རྙིང་བ་ཞིག་ཡོད་ལ། ལོ་རྒྱུས་ལྟར་ན་ཧོར་སེ་ཆེན་གྱི་སྲས་ཤིག་དང་ཨ་མྱེས་གཉིས་ཀྱིས་སྔོན་ས་པཎ་སོགས་ཀྱི་དུས་སུ་སོག་པོས་འཕྲོགས་པའི་རྟེན་རྩ་ཆེན་འགའ་ཞིག་ཕྱིར་བསླངས་ཏེ་གནས་འདིར་ལྷ་ཁང་བཞེངས་པའི་ལོ་རྒྱུས་ཡོད་པ་མ་ཟད།. |
| 512 |
སེ་ཆེན་གྱི་སྲས་དེའི་རྒྱུད་པར་འཁྲུངས་པའི་ཧོར་ངག་དབང་ཕུན་ཚོགས་ཞེས་པ་དེས་དཀར་མཛེས་དགོན་བཏབས་པར་བཤད། དེ་ནི་རྒྱལ་དབང་ལྔ་བའི་སློབ་མ་ཞིག་ཡིན་པས་ཁོས་མདོ་སྨད་དུ་དགེ་ལུགས་པའི་ཆོས་སྡེ་དྲུག་འདེབས་པར་ཞལ་གྱིས་བཞེས་པ་ལས་གཅིག་ནི་ཆོས་སྡེ་འདི་ཡིན་པར་བཤད་འདུག ངེད་གཉིས་ཞོགས་པ་སྔ་མོར་མགོན་ཁང་དང་དེའི་འགྲམ་གྱི་ཇོ་ཁང་།. |
| 513 |
ཡིན་ནའང་། ཁོ་བའི་ཉམས་སྣང་ལ་དཀར་མཛེས་འདི་བོད་རིགས་རྫོང་མཐུག་ལ་མི་མང་བོའི་དད་མོས་དང་སྐད་ལུགས་སོགས་ལ་གཞིག་ན་ང་ཚོའི་ཕ་ཡུལ་བླ་བྲང་དང་རྨ་ཆུ་སོགས་ལས་ཅུང་འགྱུར་མི་སླ་བར་འདུག་སྙམ་སོང་། དེ་ནས་ཤར་དུ་སྤྱི་ལེ་བརྒྱ་ཕྲག་ཙམ་དང་ལ་ཆེན་པོ་ཞིག་བརྒལ་ན་གསེར་རྟ་བླ་རུང་ལྔ་རིག་ནང་བསྟན་སློབ་གླིང་ཆེན་པོ་དེར་མཇལ་ཐུབ།. |
| 514 |
དེ་སྔོན་ལུང་བའི་ནང་དུ་རླངས་འཁོར་གྱི་ལམ་ཆེན་པོ་མེད་ནའང་ད་ལྟ་སྣུམ་ལམ་ཆེན་པོ་དང་འདུ་ཁང་དང་མགྲོན་ཁང་མཆོད་རྟེན་སོགས་མང་དུ་བརྒྱབ་ཡོད་ལ། སྔོན་ཆད་ལུང་བའི་རྐེད་པར་མ་གཏོགས་མེད་པའི་གྲྭ་ཤག་ཀྱང་ད་ལྟ་ལུང་བའི་མདོ་བར་དུ་བཀངས་ཡོད་པ་མ་ཟད། དགེ་བསྙེན་གྱི་སྡེ་དང་རྒྱའི་བཙུན་པའི་སྡེ་སོགས་ལའང་འདུ་ཁང་སོ་སོར་བཞེངས་ཡོད།. |
| 515 |
གང་ལྟར་གསེར་རྟ་ཞེས་པའི་ཆོས་ཀྱི་སྡེ་ཆེན་པོ་འདི་ལ་ད་ལྟ་གནས་དེའི་གཞུང་ནས་གྲྭ་བའི་མི་གྲངས་ཚད་ལས་བརྒལ་བ་དང་སློབ་གླིང་ལས་དགོན་པར་འགྱུར་མི་ཆོག་པ་སོགས་ཀྱི་སྒྲིག་ཁྲིམས་ཀྱི་ཉེན་ཚབས་ལ་འཕྲད་བཞིན་འདུག ཆོས་སྡེ་དང་གཙུག་ལག་ཁང་ཉམས་དམས་པར་གཏོང་པའི་སྦྱོར་བ་ནི་ནོར་འཁྲུལ་ཡིན་པ་རིག་གསར་སོགས་ཀྱི་ཉམས་མྱོང་ལས་ཀྱང་ཤེས་པས།. |
| 516 |
ཆར་ཟིམ་ཞིག་བབས་ན་སྙམ་པའི་རེ་འདོད་ནི་ཤིན་ཏུ་ཆེ་སྟེ།ཉིན་འདི་འགར་ཚ་གདུག་གི་ཁྲོད་ནས་ཆུ་འཁྱག་དམ་བེ་གང་རེ་གང་རེ་བསྟུད་མར་སྒོག་སེ་འཐུང་བཞིན་ཚར་རྒྱུ་མེད་ལ་བསྐྱར་ཟློས་ལྟ་བུའི་བྱ་བ་ཙག་ཙིག་རེ་སྒྲུབ་དུས། བསིལ་གྲིབ་ཅིག་ཡང་ཡང་འཚོལ་དགོས་ལ། བསིལ་གྲིབ་ཀྱིས་ཀྱང་ཚ་གདུག་གི་ངལ་དུབ་ཅུང་ཟད་ཙམ་ཡང་སངས་པར་བྱེད་མི་ནུས་པས།. |
| 517 |
དེ་རིང་། ཞོགས་པའི་དུས་ནས་བཟུང་ནམ་མཁར་སྤྲིན་པ་དཀར་སིང་ངེ་བ་ཞིག་འཐིབས་ཏེ་དགའ་འོས་པ་ཞིག་ལ་ཆར་བ་ནི་ནམ་མཁའི་ལྷ་ཚོགས་ཀྱིས་མི་ཡུལ་ལ་གནང་བའི་བདུད་རྩི་ཞིག་དང་འདྲ་བར་ཟམ་ཟིམ་ངང་བབས་ཏེ། ཉི་མའི་ཚ་གདུག་གིས་ཡུན་རིང་ལ་མནར་དྲགས་པའི་ཡུལ་འདིའི་མི་རྣམས་ལ་ངལ་གསོའི་མཁའ་དབུགས་ཤིག་བསྐྲུན་བྱུང་།. |
| 518 |
དེ་ནི་མི་རྣམས་ཀྱིས་ཡུན་རིང་ལ་རེ་བའི་སེམས་ཀྱི་གཟའ་ཉི་མའི་དུས་ཚོད་བཟང་བོ་སྟེ། ད་ནི་དངོས་འབྲེལ་དུས་ཚོད་དེར་སླེབས་བྱུང་། མཁའ་དབུགས་དེའི་ཁྲོད་དམ་ཡང་ན་དུས་ཚོད་དེར། ཡུལ་འདིའི་མི་རྣམས་ཀྱིས་ཆར་གདུགས་ཀྱང་མ་བཟུང་བར་དགའ་ལྷང་ངེར་ལྷོད་ལྷོད་ཀྱིས་གང་སར་འགྲེང་ཞིང་འགྲོ་བཞིན་མཆིས། ཆར་བ་འབབ་མགོ་བརྩམས་པ་ནས།. |
| 519 |
རླུང་བུ་ལ་འཁྲེང་བའི་རོལ་དབྱངས་དཀྲོལ་བ་ཡང་ཧ་ཅང་སྙན་ཞིང་འཇེབས་པ་ཞིག་ཏུ་སྣང་། ཆར་ཟིམ་ཁྲོད་ཀྱི་སྣང་བར། ཆར་བའི་སྲང་ལམ་རེ་རེ་ནི་སྤྲིན་པའི་རབ་ཁ་ཞིག་དང་འདྲ་ཞིང་། རབ་ཁ་རེ་རེ་བརྒལ་མཁན་གྱི་ང་ནི་མི་ཚོགས་ཀྱི་རླབས་རིས་ཤིག་ཤིག་གཡོ་བའི་ནམ་མཁའི་གཙང་འགྲམ་དག་ན་སེམས་ཀྱི་གནས་མལ་འཚོལ་བའི་ཁེར་ཧྲེང་གི་བཟི་བོ་ཞིག་སྟེ།. |
| 520 |
ཆར་ཟིམ་གྱི་རོལ་དབྱངས་ནི་གོམ་འགྲོས་ཀྱི་འདེགས་ཤུགས་ཤིག་ཏུ་གྱུར་ནས་ག་ལེར་མདུན་དུ་སོང་། སྲང་ལམ་གྱི་གཡས་གཡོན་ཀུན་ཏུ། ཚ་གདུག་གིས་རྙིད་པར་བཏང་བའི་ལྗོན་ཤིང་གི་རིགས་ལ་རྣམ་རིག་རྒྱས་ཏེ། ལོ་འདབ་ཡོམ་ཡོམ་གྱི་སྐྲ་ལོ་ཆར་བ་ཟམ་ཟིམ་གྱིས་གཙང་མར་འཁྲུད་བཞིན་བསིལ་འཇམ་གྱི་རླུང་བུས་ཡང་ཡང་ཤད་ཅིང་།. |
| 521 |
དེ་རིང་གི་ཆར་ཟིམ་ཁྲོད་ཀྱི་ཚོར་བ་ནི་དེ་ལས་ལྡོག་སྟེ་ཤིན་ཏུ་སྐྱིད་ལ། ཚོར་བ་དེའི་ཁྲོད་ནས་ཕྱི་ཡི་ཆར་རྒྱུན་དང་ངའི་ཤ་གསེང་གི་ཁྲག་རྒྱུན་གཉིས་ཀྱང་ལྷན་དུ་འདྲེས་ཏེ། ལུང་བ་གཅིག་གི་ཆུ་མིག་གཅིག་ཏུ་གྱུར་ནས་ལྷུང་ལྷུང་གིས་བཞུར་ལ་རངས། ཆར་བ་ཟམ་ཟིམ་གྱིས། ཡུལ་ཁམས་འདིར་གཙང་ས་ལེར་བྱབས་ཁྲུས་བྱེད་ཅིང་།. |
| 522 |
མི་རྣམས་ལའང་སྤྲོ་སྣང་ཟད་མཐའ་མེད་པ་ཞིག་སྟེར་ལ། བྱེ་བྲག་ཏུ་ཆར་བ་ཟམ་ཟིམ་ནི་སྙན་ངག་པའི་སྨྱུ་གུའི་རྩེ་དང་རི་མོ་བའི་ཚོན་སྣོད་ནང་དང་། གཞས་པ་ཚོའི་མགྲིན་པའི་དཀྱིལ་སོགས་ལའང་དྭངས་གཙང་གིས་ལྟེམས་སེར་འཁྱིལ་བས། ཆར་ཟིམ་ནི་ཆར་ཟིམ་ཙམ་ཞིག་མ་ཡིན་པར་དེ་ནི་ས་ཡི་གཡང་དང་ཡུལ་མི་རྣམས་ཀྱི་སྤྲོ་སྣང་ཡིན་པ་མ་ཟད།. |
| 523 |
ཆེས་སྙན་ཞིང་འཇེབས་པའི་གླུ་གཞས་སོགས་ཀྱང་ཡིན་པར་བརྟེན། དེ་རིང་གི་ཆར་བ་ཟམ་ཟིམ་ནི་ད་ལོའི་ཆར་བ་འབབ་ཐེངས་ཀུན་ལས་རབ་ཏུ་ལྷག་ཅིང་ཡི་གར་འོང་བ་ཞིག་རེད། ཆར་ཟིམ་ཉམས་སུ་མྱོང་བཞིན་ང་ནི་དམིགས་མེད་ངང་ཡུལ་འདིའི་བཞི་མདོ་ཆེན་མོར་སླེབས་ཚེ། ཁོར་ཡུག་གི་དབང་གིས་མི་ཚོགས་སྔར་ལས་ཇེ་མང་དུ་བུད་སོང་ལ།. |
| 524 |
སྐབས་དེར། ཆར་བའི་ཁྲོད་དང་མི་ཚོགས་ཀྱི་དཀྱིལ་ནས། ང་ནི་ཕྱི་ཡི་གོས་དང་བྲལ་ཏེ་རང་བྱུང་གི་གཉུག་མའི་ཁྲུས་ལ་ཡིད་ཚིམ་པ་ཞིག་རོལ་འདོད་ཀྱི་འདུན་པ་དྲག་པོ་ཡང་ཡང་སྐྱེ་མོད། ཡུལ་འདི་ནི་གདོད་མའི་རི་ཀླུང་ཞིག་མིན་ལ། རང་ཉིད་ཀྱང་གནའ་བོའི་སྤྲ་མི་ཞིག་མིན་པར་ཤུབས་སུ་འཛུལ་བའི་དེང་དུས་ཀྱི་མིའི་རིགས་དེ་ཡིན་པས།. |
| 525 |
བཞི་མདོའི་སྲང་ལམ་གྱི་འགྲམ་ནས། སེམས་ཀྱི་དྲན་པ་རང་གི་ལུས་ནས་མངོན་དུ་འཇུག་མི་ཐུབ་ཀྱང་ངོ་གདོང་གནམ་ལ་གཏད་ཅིང་ལག་ཟུང་ཡང་གནམ་ལ་བརྐྱངས་བཞིན་མིག་བཙུམ་ནས་ཡུན་རིང་ལ་དེ་གར་འགྲེང་སྟེ་ལུས་ཡོངས་རྫོགས་རློན་པ་རློན་ནག་ཏུ་བཏང་བ་ན། ལུས་དང་སེམས་ཀྱི་མི་གཙང་བའི་ནག་ནོག་ཡོད་ཚད་ཀུན་ནས་དག་སོང་བའི་ཚོར་བ་ཞིག་སྟེར་བར་བྱེད།. |
| 526 |
ལ་ལ་དགའ་སྣང་གིས་ཀུན་ནས་བརྟས་ཏེ་མཚམས་རེར་ཀི་ཆུང་ཆུང་རེ་ཡང་འདེབས་པར་བྱེད། བཞི་མདོའི་སྲང་ལམ་གྱི་ཆར་བའི་ཁྲོད་ནས། ངས་ནི་ཆར་བའི་འབབ་རྒྱུན་ལ་བལྟས་ནས་གནམ་དང་ས་གཞིའི་བར་གྱི་བརྩེ་བ་ཚོར་བྱུང་། ཆར་བ་ནི་བརྩེ་བ་དེའི་སྦྲེལ་ཐག་སྟེ། ནམ་མཁའི་རླངས་པ་ཆུ་རུ་གྱུར་ནས་ཟམ་མེ་ཟིམ་མེར་ཚ་གདུག་གིས་གཅུན་པའི་ས་ཡི་ཕང་བར་བབས་ཤིང་།. |
| 527 |
དེ་ནས་ཉི་འོད་ཀྱི་ཁྲོད་ནས་སླར་ཡང་རླངས་པར་གྱུར་ཏེ་ཐོལ་ཐོལ་གྱིས་ནམ་མཁའི་དབྱིངས་ལ་བུད་འགྲོ། དེ་ལྟར་འདས་མ་ད་གསུམ་གང་དུ་ཡང་ཐེངས་མང་པོར་མར་ལ་འབབ་ཅིང་ཡར་ལ་བགྲོད་པར་བྱེད་པའི་སྦྲེལ་ཐག་དེ་ནི་བསྐལ་བའི་ཡས་སྣེ་ནས་མས་སྣེའི་བར་དུ་ཆད་མི་སྲིད་པས། གནམ་སའི་བར་གྱི་བརྩེ་བ་ནི་འགྱུར་མེད་རྟག་བརྟན་གྱི་བརྩེ་བ་རྣལ་མ་ཞིག་རེད།. |
| 528 |
ཅང་མ་འགོར་བར་ལག་པ་ལྷོད་དེ་ཕྱིར་མིག་ཙམ་ཡང་མི་ལྟ་བར་གཅིག་ནི་ཤར་ལམ་དང་ཅིག་ཤོས་ནི་ནུབ་ལམ་དུ་ཞུགས་ཏེ་ཤར་སེ་བུད་སོང་། བཞི་མདོའི་སྲང་ལམ་གྱི་ཆར་བའི་ཁྲོད་ནས་ངའི་སེམས་པ་གནམ་སའི་བར་གྱི་བརྩེ་བ་ལ་འཁོར་ནས་ཡུན་རིང་འགྲེང་རྗེས། སྔར་བཞིན་དམིགས་ཡུལ་མེད་པར་དལ་བུར་མདུན་དུ་སོང་། སྐབས་ཤིག་ལ།. |
| 529 |
དེའི་སྟེང་ན་ཟིལ་བ་འགའ་ཡང་ཕྱི་གསལ་ནང་གསལ་གྱིས་དྭངས་གསལ་ལེར་ཆགས་འདུག སྐབས་དེ་ཤེད་དུ། ངས་ནི་གློ་རྡེག་ལ་བུ་མོ་ཞིག་གསལ་ལེར་དྲན་བྱུང་། སྔོན་ཆད། བུ་མོ་དེས་ལབ་གླེང་ཞིག་གི་ཁྲོད་དུ་ནམ་ཞིག་ངའི་མིག་ཀོང་དུ་འཁྱིལ་བའི་མཆི་མ་གདོང་བ་ནས་འགྲིལ་ཏེ་མར་ལྷུང་སྐབས། ཁྱོད་ཀྱིས་བསམ་ན་མཆི་མ་དེ་ནི་རྩྭ་ཐང་གི་ཕང་བ་དང་།. |
| 530 |
རྒྱ་མཚོའི་གཞོང་དང་ལག་ཟུང་གི་སྙིམ་མཐིལ་བཅས་ལས་གང་དུ་ལྷུང་ན་ལེགས་སམ་ཞེས་དྲིས་པའི་ལན་དུ། ངས་ཚམ་ཚོམ་མེད་པར་ལག་ཟུང་གི་སྙིམ་མཐིལ་དུ་ལྷུང་ན་ལེགས་ཤིང་། ལག་ཟུང་གི་སྙིམ་མཐིལ་དེ་ཡང་ངའི་ལག་ཟུང་གི་སྙིམ་མཐིལ་ཡིན་ན་ལེགས་ཞེས་སྨོས་པར། མོས་འཛུམ་དམུལ་ལེར་མགོ་བོ་ལྡེམ་ལྡེམ་བྱས་མྱོང་། དྲན་པ་དེའི་དབང་གིས།. |
| 531 |
ང་མེ་ཏོག་དེའི་གམ་ནས་ཅུང་ཙམ་བསྡད་རྗེས། ཆར་བ་འབབ་མཚམས་བཞག་སྟེ་ཡུན་གྱིས་འགྲམས་པར་གྱུར། ཆར་བ་འགྲམས་ནས་ཉི་འོད་ཀྱང་སྤྲིན་པ་ལ་ང་ལིང་ངེའི་གསེབ་ནས་ག་ལེར་ཤར་ཡོང་བ་ན། ང་ལ་གློ་རྡེག་ལ་སེམས་ཚེགས་ཤིག་སྐྱེས་བྱུང་། དེ་ནི་གཞན་མ་ཡིན་ཏེ། ཅང་མི་འགོར་བར་ཟིལ་བ་དེ་དག་ཉི་འོད་བཙན་པོས་ཤུལ་མེད་དུ་གཏོང་སྲིད་པས་ཡིན།. |
| 532 |
དེ་ནས་ཐབས་ཟད་དེ་ལག་པ་གཉིས་ཀྱིས་སྙིམ་པ་བཅོས་ཏེ་མེ་ཏོག་ཚོམ་བུ་དེའི་འདབ་ཁར་བཟེད་བཞིན་མཆུ་ཡིས་མེ་ཏོག་ཚོམ་བུ་དེ་སྤྲུགས་སྤྲུགས་གཏོང་བསམ་དུས།བློ་ཡུལ་ལས་འདས་པ་ཞིག་ལ་རླུང་འཚུབ་ལྡོམ་པོ་ཞིག་གིས་མེ་ཏོག་ཚོམ་བུ་དེའི་ཟིལ་བ་དག་སར་གཏོར་སོང་། གློ་བུར་བའི་དོན་དག་དེས་ངའི་སེམས་པ་དེ་མུར་སྐྱོ་ལྷང་ལྷང་དུ་བཏང་བྱུང་།. |
| 533 |
ཡིན་ཡང་འོག་གི་འབུ་ཚ་སྡེ་བའི་མི་རྣམས་ཀྱང་ཁང་པའི་ནང་དུ་ཇ་འཐུང་ནས་བསྡད་པ་ལས་ཚ་བ་ཆེ་བའི་ཕྱི་རོལ་དུ་ཐོན་མ་ནུས་པས་གཞི་བདག་སྟག་རྒྱས་ཀྱི་མིག་ལམ་དུ་མི་ཡུལ་གྱི་ཟློས་གར་ཅི་ཡང་མཐོང་མ་ཐུབ། ཁོ་རང་ཡིད་ཐང་ཆད་དེ་རང་ཉིད་སྡོད་སའི་བྲག་ཕུག་ཏུ་ལོག་གྲབས་བྱེད་སྐབས་གློ་བུར་རྟའི་དྲིལ་སྒྲ་ཞིག་རྣ་བར་འཛུལ་བྱུང་།. |
| 534 |
དེ་ཉིན་གངས་དཀར་སྤྲུལ་སྐུ་ལ་བྱ་བ་ཅི་ཞིག་ཡོད་པ་མི་ཤེས་མོད། གྲྭ་རྐྱང་གི་ཆས་སུ་སྤྲས་ཀྱིན་མ་ཎི་ཡིག་དྲུག་ལྷུག་ལྷུག་འདོན་བཞིན་རྟ་དཀར་པོར་ལྕག་གིས་ཀྱང་མི་སྐུལ་བར་ལུང་ཆུ་ཕར་བརྒལ་སྐབས་གློ་བུར་ཅི་བསམ་འདི་དྲན་མེད་པར་རླུང་ཆེན་པོ་ཞིག་ལྡང་བྱུང་བས་རྟ་དཀར་གློ་བུར་འདྲོགས་བྱུང་བ་དང་བླ་མ་ཁོང་ཉིད་ཀྱང་ལུང་ཆུ་ནང་དུ་ལྷུང་།. |
| 535 |
ངས་ཨ་མྱེ་ལ་ང་རང་ཁང་སྟེང་དུ་ཉལ་ཡོད་པའི་ཨ་ཅག་ཆེ་བའི་རུམ་དུ་ཉལ་དགོས་ཅེས་ཞུ་བ་ཡང་ཡང་བྱས་པ་ཡིན། ཨ་མྱེ་ཡིས་རྨི་ལམ་དུ་ཡོད་པའི་ཨ་ནེ་གཉིད་ལས་བསླངས་རྗེས་ང་རང་ཁང་སྟེང་དུ་བསྐྱལ་བར་མངག ང་རང་ཨ་ཅག་ཆེ་བའི་རུམ་དུ་ཉལ་དུས་ཀྱང་གུ་དོག་པའི་སྣང་བ་ཞིག་གིས་ང་རང་ཨ་མྱེ་ཡི་རུམ་དུ་ཉལ་བའི་འདོད་པ་སྐྱེས་བྱུང་།. |
| 536 |
དེ་དུས་ཨ་ཁུས་ཆང་འཐུང་གིན་མེད། གངས་དཀར་བླ་མས་རི་བོ་སྟག་མ་རྒྱས་པ་མེར་བསྲེགས་རྗེས་མུ་མཐུད་དུ་མདུན་གྱི་བྱ་བ་ག་གེ་མོ་དེ་བསྒྲུབ་དུ་མ་སོང་བར་རྟ་སྲབ་ཕྱིར་བསྐོར་ཏེ་རང་དགོན་ཕྱོགས་སུ་ཆས། གངས་དཀར་བླ་མ་རང་དགོན་གྱི་ཕྱོགས་སུ་ལོག་པའི་ལམ་དེ་ཏག་ཏག་སྔོན་སྲོང་བཙན་སྒམ་པོའི་དུས་སུ་རྒྱ་གཟའ་བོད་དུ་ཕེབས་སའི་ལམ་དེ་རེད།. |
| 537 |
རྒྱ་གཟའ་དང་བློན་པོ་མགར་དང་བཅས་པ་རྒྱ་ནག་གི་རྒྱལ་ས་ཁྲང་ཨན་ནས་ཏཱ་ལེའེ་དང་རིམ་གྱིས་བོད་དུ་བསྐྱོད་པའི་ལམ་ཐག་དེ་རིང་དྲགས་པ་དང་ལམ་བུ་ཀྱག་ཀྱོག་ཆེ་དྲགས་པས་དུས་ཡུན་མང་པོ་ཞིག་འགོར་ཞིང་དེའི་རིང་རྒྱ་གཟའ་དང་བློན་པོ་མགར་བར་དུ་བརྩེ་དུང་རྒྱས་ཏེ་བཟའ་ན་མཉམ་བཟའ་དང་ཉལ་ན་མཉམ་ཉལ་བྱས་པའི་ཚད་དུ་བསླེབས་ཡོད་པར་བཤད།. |
| 538 |
ཆུ་མིག་དེ་ལས་ཁྲག་རྡོལ་ཡོང་ན་ཕྱིན་ཆད་གྲྭ་ཚོགས་ཀྱིས་ཅི་ཞིག་འཐུང་དགོས་སམ། འདི་ལྟར་བསམ་བཞིན་རང་ཉིད་ཀྱི་ཁ་གཏད་དུ་ཡོད་པའི་དགྲ་བོ་དེ་ལ་བལྟ་དུས་རི་བོ་སྟག་མ་རྒྱས་པ་ལས་ད་དུང་ཡང་དུ་བ་སྔོ་ཐོལ་ཐོལ་དུ་བྱེད་བཞིན་པ་རིག ལོ་གསར་ཚེས་པ་བཅུའི་མཚན་མོར་ཡུལ་མི་རྣམས་ངེད་ཚང་དུ་འཛོམས་ནས་གཞས་འཆམ།. |
| 539 |
རྗེས་ཀྱི་མཚན་མོ་མང་པོ་ཞིག་ལ་ངས་མི་དེ་དག་ཡང་ཡང་དུ་མཐོང་ཞིང་ངའི་ལུས་པོ་འདི་ཡང་ཡང་དུ་རི་བོར་འགྱུར་མྱོང་། ང་རང་རིམ་གྱིས་དེ་དག་ལ་གོམས་པར་གྱུར། ངས་རྟ་ཕོ་བཞོན་པའི་མི་དེ་དག་གཞི་བདག་རེད་འདོད་ཀྱིན་ཡོད། ངས་འདོད་ཚུལ་འདི་མི་སུ་ལའང་བཤད་མ་མྱོང་། ཡིན་ཡང་ངའི་ལོ་ན་ཇེ་ཆེར་སོང་བ་དང་དེ་དག་མག་མོག་ཏུ་གྱུར།. |
| 540 |
ཕྱི་ཉིན་ཁྱིམ་མི་རྣམས་ཀྱི་ངོ་གདོང་ལ་མུན་པ་ཞིག་འཁྲིགས་འདུག དེ་ནི་མདང་དགོང་ང་ལ་གནས་ཚུལ་བྱུང་བས་མ་ཡིན་ཏེ་དུས་རྒྱུན་ཨ་རག་མི་འཐུང་བའི་ཨ་ཁུས་མདང་དགོང་ཨ་རག་མང་པོ་འཐུང་ནས་དེ་རིང་ཡང་བཟི་ཡོད་པས་རེད། ང་རང་ཕྱི་རོལ་དུ་འཁྱམས་འཁྱམས་དུ་སོང་ནས་ནང་དུ་ལོག་དུས་ཞོགས་པར་ཁྱིམ་མི་ཚོའི་གདོང་ལ་མུན་པ་འཁྲིགས་དོན་དེ་ཤེས་སོང་།. |
| 541 |
ངའི་ཨ་ཁུས་ངག་ནས་ཚིག་མི་མཛེས་པ་ཡང་ཡང་བཟློས་ཤིང་ངའི་རྨོ་བོས་ཁོའི་རྒྱབ་ནས་གང་འདྲ་འཐེན་ཡང་མི་ཐུབ་པར་ངེད་ཚང་གི་ཁང་རྒྱབ་ཏུ་བཞག་ཡོད་པའི་རྫ་མ་ཆེན་པོ་དེའི་ཐོག་ཏུ་ཤོར་བ་དང་རྫ་མ་ཡར་བཀྱགས་ནས་མར་བརྒྱབ་པ་ན་ཁང་པའི་གྱང་ལའང་བྲག་ཆ་འཁོར་བ་དང་རྫ་མ་དེ་ཐོར་བུ་མང་པོར་གྱུར། དེ་ནས་ཁོས་ཁང་པ་མེར་བསྲེག་རྒྱུ་ཡིན་ཟེར།. |
| 542 |
ངེད་ཚང་མེས་པོ་རྣམས་བླ་མ་ཚང་གི་གསོལ་དཔོན་ཡིན་པས་ངའི་ཨ་མེས་དང་ཨ་ཕ། ཨ་ཁུ་བཅས་ཟ་མ་བཟོ་བར་དགའ་ཞིང་ཁོ་ཚོས་བཟོས་པའི་ཟས་རྣམས་བྲོ་བ་ཞིམ་པ་རྐྱང་རྐྱང་ཡིན། ང་ལའང་ཟ་མ་བཟོ་བའི་ལྷན་སྐྱེས་ཀྱི་ཡོན་ཏན་ཞིག་ཡོད་པ་རེད། དེ་ནི་མྱེས་པོའི་བྱིན་བརླབས་ཡིན་པར་བཤད། ཨ་ཁུས་མཁའ་འགྲོ་མའི་ས་ནས་ཆང་བཅད་པ་དང་སླར་ཡང་ཆང་འཐུང་།. |
| 543 |
ཁོ་རང་གིས་ཀྱང་སྒྲོལ་མ་ཡང་ཡང་འདོན་པར་བྱས། ནགས་ཁྲོད་དུ་ཤོ་མང་འཐུ་བར་འགྲོ་དུས་ཀྱང་སྒྲོལ་མ་འདོན་སྒྲས་ང་དང་ཨ་ཁུའི་བར་གྱི་བར་ཐག་ཤེས་པས་ངས་ཨ་ཁུ་འབོར་གྱི་མེད། ཨ་ཁུས་ང་ལ་ཁ་འདོན་བྱོས་ཞེས་ཡང་ཡང་བསྐུལ་ཡང་ངས་ཨ་ཁུ་ཡོད་སར་ཁ་འདོན་བྱེད་མ་མྱོང་། ཡིན་ཡང་ང་རང་མཚན་མོར་ཉལ་རྗེས་སྐད་ཆུང་ངུས་འདོན་པ་འདོན་གྱིན་ཡོད།. |
| 544 |
བླ་མ་བློ་བཟང་ཞོགས་པ་སྔ་མོ་ནས་ཡར་ལངས་ཏེ་མཆོད་པ་ཆུ་ལེན་བར་དགོན་པའི་ལྕགས་རིའི་ཕྱིར་ཐོན་མ་ཐག་མེ་མདའི་སྒྲ་གྲགས་པ་དང་སར་འགྱེལ། ཁོང་ཉིད་དབུགས་ཆད་ཀྱང་མེ་མདའ་དེ་ཕྱོགས་གང་ཞིག་ནས་འཕངས་ཡོང་བ་ཤེས་མེད་ངེས། ཡིན་ཡང་ལོ་ངོ་དུ་མར་རྒྱ་བོད་གཉིས་ཀྱི་མཚམས་སུ་ཞི་བདེ་ལོངས་སུ་སྤྱོད་པའི་དགོན་པ་དེ་འདི་ལྟར་གཉིད་ལས་དཀྲོགས་སོང་།. |
| 545 |
གྲྭ་བ་རྣམས་དགོན་པའི་གླིང་ར་ནང་འཛོམས་དགོས་པ་དང་བྲེལ་བ་གང་ཡང་བྱེད་མི་དགོས་པའི་བརྡ་གཏོང་། མི་རིང་བར་ཁོང་ཉིད་ར་བ་ནང་ཕེབས་ཏེ་གྲྭ་མང་གི་དཀྱིལ་དུ་བཞུགས་ཤིང་ཉེ་འགྲམ་གྱི་གྲྭ་བ་རྣམས་ཀྱིས་བླ་མའི་ཁོང་གི་ན་གཟའ་བཟུང་ནས་བཞུགས་དགོས་པ་དང་དེའི་ཕྱི་རོལ་གྱི་གྲྭ་བ་རྣམས་ཀྱང་ཉེ་འགྲམ་གྱི་གྲྭ་བའི་ན་བཟའ་བཟུང་དགོས་པ།. |
| 546 |
སྐབས་དེར་བླ་མ་ཡར་བཞེངས་པ་དང་པང་དུ་ཡོད་པའི་མདེའུའི་སྐོགས་པ་་དག་སིང་སིང་གི་སྒྲ་དང་བཅས་གླིང་རིའི་རྡོ་ཐོག་ཏུ་མར་ཟགས། དུས་དེ་ནས་བཟུང་གངས་དཀར་བླ་མ་འཁོར་དང་བཅས་པ་ནགས་ཁྲོད་དུ་འབྲོས་བའི་རྣམ་མཐར་སྐྱོང་། དེའི་ནང་ནས་རྒན་འ་འབྲུག་ལ་སོགས་བླ་མ་དཔའ་ངར་ཅན་རྣམས་ལག་གི་ཕྲེང་བ་དོར་ཏེ་མེ་མདའ་བཟུང་བར་རྩོམ།. |
| 547 |
གང་ལྟར་སྐུ་ཕྲེང་དང་པོའི་ཚེ་མཇུག་ནས་སྐུ་ཕྲེང་གཉིས་པའི་བར་དམག་འཁྲུག་རྐྱང་རྐྱང་གིས་དུས་འདའ་བ་རེད། ཨ་ཁུ་བླ་མ་ང་གཉིས་པ་སྐྱ་ཕུག་ཏུ་རུ་བར་བསྡད་ཡོད་པའི་ཨ་ཁུ་ཆང་འཐུང་དེར་ལྟ་བར་འགྲོ་བའི་ལམ་བར་དུ་བྲག་ཅིག་ལས་མར་ཟགས་ཡོང་བའི་རྦབ་ཆུ་ཞིག་མཐོང་བྱུང་། ཨ་ཁུ་བླ་མས་རྦབ་ཆུ་དེའི་མིང་ལ་ལྦ་ཆུ་ཟེར་ཞེས་བཤད།. |
| 548 |
རྒྱུ་མཚན་ནི་ཆང་བཅད་དེ་ཉིན་བཅུ་གྲངས་ལས་མ་འདས་གོང་དུ་བཟི་ནས་རང་ངོ་ཡང་མི་ཤེས་པ་འགྱུར་བས་རེད། ཨ་ཁུ་ཆང་གིས་བཟི་རྗེས་སུ་དུས་རྒྱུན་བཞིན་སྨྱོན་པ་ལྟར་མི་བྱེད་ཀྱང་ཉིན་མཚན་མེད་པར་ཉལ་ནས་སྡོད་ཀྱིན་ཡོད། ཁོ་རང་བཟི་བའི་དུས་སུ་ནང་མི་ཀུན་གྱི་གདོང་ལ་སྤྲིན་ནག་འཁྲིགས་པས་ཁོ་དང་སྙིང་ཉེ་བ་ནི་ང་རང་ཁོ་ན་ཡིན།. |
| 549 |
ཁོ་རང་ཆང་གིས་བཟི་དུས་མཛོད་ཁང་གི་མུན་པའི་ནང་འདི་ལྟར་ཉལ་ནས་བསྡད་པ་ལས་དུས་རྒྱུན་ལྟར་ཨ་ཁུ་བླ་མ་ལ་འདྲ་མི་འདྲ་མཐོང་ཚུལ་བཤད་ཀྱི་མི་འདུག ཨ་ཁུས་མཁའ་འགྲོ་མའི་ས་ནས་ཆང་བཅད་རྗེས་སླར་ཡང་འཐུང་བས་མཚན་མོ་མང་པོ་ཞིག་ལ་སྒེའུ་ཁུང་ནས་ཅི་ཞིག་གིས་གབ་ལྟ་བྱེད་བཞིན་འདུག་ཅེས་སྐད་ཅོར་རྒྱག་ཡོང་བས་ཁྱིམ་མི་ཚོ་ཟང་ཟིང་དུ་བཟོས།. |
| 550 |
དབྱར་རྩྭ་ངོ་མ་རྐོ་བར་འགྲོ་དུས་མི་གཞན་གྱི་བཤད་སྲོལ་ནང་བཞིན་སྐྱིད་སྣང་གང་ཡང་མི་ཤར། ངས་མདུན་ཕྱོགས་སུ་འབུ་འཚོལ་དུས་གཞན་གྱིས་ངའི་རྒྱབ་ཕྱོགས་སུ་རྐོས་ཡོང་གིན་འདུག་ལ་ངས་གཡས་སུ་འཚོལ་དུས་གཞན་གྱིས་གཡོན་དུ་རྐོས་ཡོང་གིན་འདུག མུན་འགོ་རུབ་དང་མ་རུབ་པའི་མཚམས་དེ་འབུ་རྐོ་རྣམས་ལ་མཚོན་ན་ཆེས་སྐྱིད་པའི་དུས་དེ་རེད།. |
| 551 |
ང་རང་མི་ཡུལ་གྱི་མཚན་མོ་མང་པོར་ནམ་མཁའ་ལ་ཧད་དེ་བསྡད། སྣང་བ་ཞིག་ལ་མུན་པ་ནག་པོ་ཞིག་ངའི་ཕྱོགས་སུ་ཚུར་ཚུར་འོང་བཞིན་འདུག ཉིན་རེ་ནས་ཉིན་རེར་ཇེ་ནག་ཏུ་འགྲོ་བཞིན་པའི་མི་ཡུལ་གྱི་ཟླ་བ་དེའི་རྟགས་དང་ལྟས་ཀྱིས་ང་རང་གང་དུ་བྲོས་ཀྱང་མེས་པོ་ཚོ་རུབ་ནས་ཡོང་བའི་ལོ་རྒྱུས་ཀྱི་མུན་ནག་དེ་ལས་ཐར་ཐབས་མེད་པ་ཤེས་འོང་།. |
Комментарии
увидела сегодня доезд. это с помощью чего было набрано? я пыталась когда-то набирать со стандартной раскладки и у меня некоторые символы не хотели печататься, я что-то упускаю?