| 1 |
Оннан сонъгы йылда да Ислам Мижев кыралымыздынъ керуьв юртларында коьплеген алдышылыкларда, айтпага, Новый Уренгой каласында озган «Сибирь аювлары», «Окытувшыдынъ куьнине», «Аталыкты саклавшыдынъ куьнине» деген эм оьзге турнирлерде биринши эм экинши орынларды алып, оьзин сулыплы эм куьшли куьресши деп айттырган. Республикамызда да Ислам регионлар ара коьплеген сынасларда ортакшылык этип, юртымыздынъ, халкымыздынъ атын айттырып келеди. Суьйтип, ол быйылдынъ куьз айларында Ставрополь крайында озган алдышылыкларда - Кочубеевское селосында, Нефтекумск каласында биринши орынды алып, юртымыздынъ командасынынъ сыйын етимисли яклаган. Оннан баска Ислам самбо, «мобиль робототехника», «электромонтаж куллыклары» усталыкларына уьйретуьв амалламаларында катнасувы уьшин Анапа каласында «Смена» балалар лагерининъ басшысы ман Сый грамоталарга тийисли этил ген, ога сертификатлар берилгенлер. Оьз болымлыкларын аьр яклы оьрлендирмеге шалысатаган яс ердесимизди сол етимислери мен ак юректен кутлаймыз, алдыдагы яшавында тагы да коьп йогары бийиклевлерди сагынамыз. |
Комментарии