| 1 |
Бизин айлана ягъыбызда гьалиги заманда адамлар, билип де, билмей де, от тюшювлеге ёл берегени теренден ойлашдырмай болмай. Шону гьисапгъа алып, тахшагьарыбызны Киров район администрациясыны башчылары ва къыставуллу гьалланы алдын алыв булан машгъул болагъан къуллугъуну касбучулары ватандашлагъа ва къурумлагъа язбаш-яй вакътилерде от тюшювлерден сакъ болма тюшегени гьакъда эсге сала ва шоланы натижасында болма имканлы тас этивлени алдын алывда хас буварывлар эте. Биринчилей, сиз яшайгъан ерлерде тазалыкъны низамын сакълама къарагъыз, низамсызлыкъ оьзлюгюнден де болажакъ. Шолайлыкъда, айлана якъдагъы къалды-къулдулагъа ялын къабунса, от тюшювлени алдын алма четим болажагъы гьакъда алданокъ ойлашма тюше. Экинчилей, къалды-къулдуланы, чёп-чёпюрелени чакъны исси ва шолай да ел бар гюнлерде яллатмагъа ярамай. Электрик ярыкъны къоллавчуларына да электрик алатланы пайдаландырывда сакъ болмагъа таклиф этиле. Ата-аналар, уллулар гьайсызлыкъгъа ёл берип, электрик алатлар булан яшлагъа машгъул болма тапшурма ярамай. |
| 2 |
Бу йыл къышлавну гьасиллерине гёре оьзлеге Сулейман Къурагьмаев, Гелемет Магьамматов, Муслим Омаров, Багьавутдин Исрапилов, Ильяс Гьажиев, Магьаммат Исрапилов башчылыкъ этеген къой къошланы загьматчылары гёрмекли натижаланы къолда этгенлер. Биз энни районну оьзюню ичинде ерлешген къотанлардагъы ишлерини барышы нечик экенин тергеп турабыз. Талги, Экибулакъ бойлардагъы гьайванчыланы, къойчуланы янында да болдукъ. Сапаралидеги гьалны да гёрдюк. Шо ерлерде Юсуп Абдуллаев, Мурат Гьажиев ва оьзгелери башын тутгъан фермалардагъы ишлеге багьана ёкъ, – деп билдирди бизге Магьаммат Гьажимурзаев. Районну юрт хозяйство бёлюгюню касбучулары токъташдырагъаны йимик, бизин табиат ва гьава шартларда малланы дагъыстан тав журасын болгъан чакъы къолай сакъламакъны маънасы да, пайдасы да бар. Неге тюгюл, жынслы маллар гёчювюллеге де, тав шартлагъа да чул бермей. Шолагъа бизин якъны шартлары арив яраша. Къойчуланы сынавлулулары шону агьамиятын тындырыкълы англайлар. Бизин районда тезден берли де малчылыкъ булан машгъуллугъун къоймагъан. |
| 3 |
Бир де къопдурувсуз айтгъанда, аявлу муаллимиме ялкъмайлы, сав гюнлер булан тынглап да болар эдим. Неге тюгюл ол дарсны вакътисинде ана тилни гьакъында бизге кёп пайдалы ва маъналы маълуматлар бере. Муаллимибиз кёбюсю къумукъ шаирлени ва язывчуланы асарларын гёнгюнден биле, шоланы бизге де уьйрете ва класдан тышда юрюлеген гьаракатларда охувчу яшланы арасында чебер охувну чараларын кёп оьтгере. Янгыз шо да Равзанат Магьамматрасуловна оьз ишин ва ана тилин бек сюегенин исбатлай. Оьзюню касбусун шолай сюймейген адам охувчулагъа ана тилни жавгьарлыгъын сингдирмеге болмас эди. Сонг да, яшлагъа дарс берип, олагъа балдай татли ана тилин уьйретип де болмайдыр. Равзанат Магьамматрасуловна – бажарывлу, бай иш сынав топлагъан оьр даражалы муаллим. Ол уьч яшны оьсдюрген, уьлгюлю ана да дюр. Балики, ишин де, агьлюню намусларын да кютмеге огъар тынч да тюгюлдюр. Тек бизин муаллимибиз оьзюню гёз алдына тутгъан гьар къайсы ишни де мекенли кюйде кютмеге заман таба. Гьар охувчугъа гьайлы янашып, юрегине элтеген ёлланы табып биле. |
| 4 |
Биз, гьалиги наслу, информация технологияланы «оькюрген» девюрюнде яшайбыз. Эгер де алда жамият яшавда басмалы къуралланы (китапланы, газетлени, журналланы) агьамиятлыгъы артыкъ эди буса, энни маълумат технологиялар, демек, компьютер ва шону булан байлавлу Интернет биринчи ерге чыгъа бара. Арт вакътилерде адамланы арасында: «Басмалы къуралланы девюрю гете тура, бираздан олар гьажатлы да болмажакъ», – деген меселде пикрулар юрюле. Тюзю, бир якъдан, шо пикруну бюс-бютюнлей инкар этмеге де бажарылмай. Компьютерни, Интернетни гюн сайын артып барагъан гючюн, агьамиятлыгъын гери урмакъ – шо да гьакъыкъатгъа къыйышывлу чыкъмас. Неден айтсакъ да информациялы технологиялар толу кюйде китапланы орнун тутажакъ деген пикру булан разилешип къалмагъа да къыйын. Бу ерде бир вакътилерде инчесаниятны кино тармагъы жамият арагъа чыкъгъандагъы пикрулар эсинге тюшмей болмай. Шо вакътилерде кино халкъны яшавунда гюн сайын гюч алып барагъанны гёргенде: «Кинону чыкъмакълыгъы булан театрны девюрю битди, энниден сонг театрны орнун кино тутажакъ», – деген сёзлени айтып юрюйгенлер болгъан. |
| 5 |
Охувчуланы китапханагъа тартмакъ учун, оларда китаплагъа бакъгъан якъда сюювню, иштагьлыкъны болдурмакъ учун, янгы иш къайдаланы ахтара. Китапхананы ишчилери охувчулар булан байлавлу ишин, алдагъы девюрлерде йимик, янгыз олар ахтаргъан китаплар булан таъмин этив булан тамамлап къойма къарамай, оьзге тюрлю къайдаланы да къоллай. Масала, китапхананы конференц-залында чакъда-чакъда республикабызны язывчуларыны, алимлерини, маданият, жамият чалышывчуларыны ва оьзге белгили адамларыны юбилейлери, яратывчулукъ ахшамлары, китапларыны малим этивлери (презентациялары) булан байлавлу чаралар оьтгериле. Ондан башгъа да, белгили адамларыбызны юбилейлери, яратывчулукъ ахшамлары булан байлавлу болуп оьзге ерлерде оьтгерилеген чараларда китапланы гёчювюл выставкалары оьтгериле. Масала, артдагъы вакътилерде Къумукъ театрда, Поэзияны театрында, Дагъыстан пачалыкъ университетинде ва оьзге ерлерде Анвар Гьажиевни, Агьмат Жачаевни, Бадрутдин Магьамматовну, Жаминат Керимованы ва шолай оьзгелерини китапларыны шолай выставкалары оьтгерилди. |
Комментарии