| 1 |
Sakuntala... Hana sira mahārāja Duśwanta ngaran ira, prthiwyāh sāgarantāyāh. Sira ta kumawasāken prthiwfmandala makahingan makahingan catus samudra, tatan hana wwang magawe hala salawas nirān sumiwi, kewala dharma ginawayakenya, tumiru kadharmestan sang nātha nityakāla. |
| 2 |
Lumampah ta sira buru- buru, ry alas nikang Himāwanpāda, nānāwidha mrga ulih nira buru. Kalunghā-lunghā ta laku nira. Amangguh ta sira patapan, atyanta ramyā nikā ning sarwa kusuma, ngāni- ngānīlkang sarwaphala, inuparengga ring nadī śuci nirmala, sutīrtha wenya mahening, tekwan ikang sarwamrga hanerikā, makādi singha mwang wyāghra, kadi silih-asih, katūsan de ning kopaśaman sang wiku sidhimantra, ikang sarwakrūra tan wenang krūra. |
| 3 |
Maśabda pwekang manuk. Punyaswādhāya- samghustam wānararksanisewitām. Ndan padudwan warna nikang wānararksa, kadi swabhāwa ning angunyaken wedamantra, mangkana pwa śabdanya. Kāścaryan ta manah sang prabhu rumengo śabda ning manuk. Tumama ta sire dalem āśrama, mahyun wruhe sang tapa sira. |
| 4 |
Kunang wadwa nira kabeh kinon anghera ring kadohan, sugyan durbalā ng patapan denya. Sadateng nire āśrama, tan hana sire mpu tāpasa, asepi tang āśrama. Malungguh ta sireng panti. Tuminghal ta sireng bhūmyāgāra. Anon ta sira strī paripūrneng hayu, kadi widyādharī manurun aswāgata, maweh pādyārghācāmanīyā ri haji, sumambrame tamuy, apan swābhawa ning tapatapī sarjawāmbeknya ring atithi. |
| 5 |
Mojar ta sang prabhu: "Ndak atakwan ta ri kita sang tāpinī, syapa ngaran ira mpu sang tamolah ikeng patapan ngke, mwang ndi paran ira matang yan asepīkang āśrama?" Sumahur sang tāpikanyā: "Sājnā haji, hantuka parameswara atane ra tāpi sang ahulun, ksantabyākna, sira bhagawān Kanwa ngaran ira mpu sang tamolah ikeng patapan, ndan mijil sira ngūni amet samidhābhi- prāya nira. |
| 6 |
Yaya tekā nireng samuhurta. Angantya ta pāduka śri mahārāja!" An mangkana ling sang kanyā mogha ta mahārāja katekan rāga, kadi hiniris ta nāla ni hati nira, rumaras kāmaśara tumon i rūpa sang tāpi. Muwah ta sira mojar: "Ksmakna nghulun ibu sang ahayul Mangreng5 nghulun i bhagawan Kanwa brahmacari rakwa sira tan keneng strf. |
| 7 |
Yapwan kita tamolah ri sira, aparan tanggehta de nira, tasyasih tawarah dugaduga kami dental" Mangkana ling sang prabhu. Sumahur sang tapi sira: "Sajna haji, bapa sira de ni nghulun, marga niran pinaka bapa nihan: Hana sira brahmana tamuy. Sira ta takwananeng janmotpa"i ni nghulunl" Tinakwanan ta sang brahmana tamuy de maharaja Duswanta. Mawarah ta sira mpu: "Hana sira ratu, maharaja Wiswamitra ngaran ira. |
| 8 |
Siramaryaken kaprabhun ira, kapengin kamahatmyan bhagawan Wasistha. Magawe ta sira tapa kaparnah wetan tan madoh dahat dahat saka ngke. Ndan nirahara ta sira, tan pamangan tan panginum wwe, sumakti sarfra nira sira. Malawas pwa siragawe tapa, sandeha ta bundhi hyang Indra maw£di kadoha ri kendran ira. |
| 9 |
Hana ta widyadharf sang Menaka ngaran ira, pinakaratna ning Apsarf. Ya ta inujaran sira de hyang Indra: "asyasih tanaku sang Menakal Nahan sang wiku magawe tapa, sang Wiswamitra ngaranya. Ya ta wighnani denta, makaphala wurunga ning tapanyal" Sumahur ikang widyadharf: nSajna hyang mami, menget pinakanghulun ing kamahatmyan ira sang manghanak&i tapa. |
| 10 |
Kopanascawai. Gong krodha sarika, tekwan huwus siddhi mantra, wenang gumesengana tribhuwana. Awedi ta nghulun katekana sapa de nira. Kunang yan hana marga ni nghulun kawruhana yan pagawe wighnani tapa nira, ya ta pajara hyang mami, rapwan tulusahayu lampah ni nghulun!" Mojar bhatara Indra, ling nira: "Haywa kita sans aya sang Menakal Sang hyang Bayu sahayanta, mel^ki, gandha ni wastranta ri kalantanglila ri harep sang Wiswamitra. |
| 11 |
Sang hyang Kama tumihangakna hru nira, amanaha ri twas sang tapa. Nihan ta saraga mahyune kita. Yaya kawighnana tapanya denta. " Mangkana ling sang hyang Indra. Lumampah ta sang Menaka. Sadateng nireng asrama sang maharsi, menggep ta sirameng-ameng angalap sinwam ning nagapuspa. Teka tang mandamaruta, hangin alon sumingkabakSn tapih nira. |
| 12 |
Kahadang tinghal sang Wiswamitra, rumaras ta hati nira, apan pinanah de sang hyang Kama. Kena Madanastra sira mahyun ta ya sumanggama irikang Apsarf, matang yan masangyoga sira wekasan, sumanggame sang Menaka. Bhinukti nira tang kamarasa, ameteng ta sang Menaka. |
| 13 |
Mangen-angen ta sang Menaka, huwus ikang prayojana kasiddha, ri pakon bhatarendramighnana tapa sang Wiswamitra. Yogya ta sira muliheng swarga, mangkana manah nira. Hana ta Iwah ring Malinf ngaranya, tus ning Himawanpada. Ya ta tinut minduhur, i tfra nikang Iwah manak-anak ta sira stri, kawekas i pinggir nikang patfrthan ikang rare. |
| 14 |
Lungha ta sang Menaka mulih ring swarga, swabhawa nistrsna sira. Kari tang rare pinariwr"a de ning manuk, atyanta kasyasih ning rare. Kunang bhagawan Wiswamitra sira ta lungha atilar patapan. Kathancit ta bhagawan Kanwangalap sekar tut pinggir ning Malinfnadf. Kapangguh tang raray pinariwr"a de ning manuk sakuni, pinipil ning bhujangga ta ya, iningu sinang- askara, inaran sang Sakuntala, apan sakuni ngunimamariwr"a ya. |
| 15 |
Nahan ta hetu bhujangga haji makanak ang raray. " An mangkana pawarah nira mpu tamuy ri haji. T?Ikang si Sakuntala singgih ike, tapf sumawagata ri paduka sri maharaja.M Mangkana pajar sang brahmana tamuy ri sira. Irika ta maharaja Duswanta saraga. "U"amajanma ta kari kita sang tapinf, anak ning widyadharf mwang wiku siddhi. Yogya ta kita binihajyangku. |
| 16 |
" Mangkanangen-angen sang Duswanta, sinomah nira sang Sakuntala ndatan angga ta sang Sakuntala, kewala tanggeh sira mpu juga. Saka ri hyun maharaja sumomaha ri sang Sakuntala, mojar ta sang Sakuntala ri sira: ?tSajna haji, haywa ta kita mithyas amaya1 Mangga nghulun iri kita. |
| 17 |
Yan panak nghulun helem lawan sri maharaja, ya tangalilirana kadatwan haji, sumilihe singhasanal " Sumahur sang prabhu: nHaywa kita sangsaya ri yukti ning ujar gumantyanana ng kaprabhun." Mangkana ling maharaja, manggeh siran tumutaken gandharwawiwaha. |
| 18 |
Telas iran masangyoga, amwit ta sira muliheng pura. Helem rakwa sira mundanga sang Sakuntala, mangkanojar haji. Teher lungha sira, tadanantara, tan masowe dateng ta bhagawan Kanwa sakeng alas molih samidha mwang sekar. Ndatan panungsung sang Sakuntala sangke yan erang de ny ulah nira. |
| 19 |
Kunang pwa kasarwajnanan bhagawan Kanwa, tumon i sapracara nira. Mojar ta sira: "Anaku sang Sakuntala, haywa ta kita malaral Manaka ratu cakrawarti kita dlaha. Wruh taku bhaktinta makawitan iry aku. Sangka ri swf maharaja Duswanta mapinta-kasih ri kita, nahan hetunta mangga pinaka strf, tumutaken gandharwa- wiwaha. |
| 20 |
Tan salah ulahtanaku.M Mangkana ling bhagawan Kanwa. Manembah ta sang Sakuntala, masehi j3ng sang rsi. Alawas ta sirameteng, wekasan ta sira manak lakilaki litu-hayu paripur^ia. Tumuluy sinangaskara mpu, sakrama ning pasangaskara ning ksatrya sangaskara, inapyayana nira mpu ri samadhi. |
| 21 |
Matuha pwa ya sakamantyan, salwir ing satwa haneng alas kinawasaken ira, makadi singha mwang wyaghra lawan ikang gajah. Yatika kinawasaken ika de nira, sah satwani was ayam. Kakawasa pwa satwa de nira, inaranan ta sang Sarwadamana. Katekan ika nemang tahun lawas niran rare, mangkin katon kalituhayun ing awak nira. Cakrangkita karatalah. |
| 22 |
Cakra tulis ni karatala nira, manggihakna kacakrawartyan sira dlaha. Inantyaken ira ta ya, ndatan hana pangundang maharaja Duswanta ri sira. Prihatin ta sang Sakuntala, tumangisi tanaya nira. Wruh pwa bhagawan Kanwa ri ambek sang Sakuntala. |
| 23 |
Makon ta sira i sisya nira tapasa, umiringakna sang Sakuntala, datengeng maharaja Duswanta, mangaterakna tanaya nira. Lumampah ta sira. Sadateng nireng Hastinapura, kapangguh maharaja Duswanta, sedeng maweh sewaka sira. Mojar ta sang Sakuntala. |
| 24 |
"Sajfia haji, samaya ni nghulun nguni mwang maharaja, yan manaka nghulun lawan haji ring dlaha, mangalilirana kadatwan rahadyan sanghulun. An mangkana ling patik haji, umon ta sang natha, yumogyani samaya mami. Hetu ni nghulun manggan kaharasa de rahadyan sanghulun. |
| 25 |
Ike kari de sri maharaja ri dalem weteng, yateki Sarwadamana ngaranya. Bhoh yauwarajyeTbhisicyatam. Yogya rahadyan sanghulun umabhiseka ri samangkana. Yauwarajan saputrakah, maweha ng ng kayuwarajan ring suputra rumuhun." Mangkana ling sang Sakuntala. Sumahur maharaja Duswanta: "Kasya twan dustatapasi?. |
| 26 |
Syapa makastrf kita sang dustatapasi? Aku dinalihta swaminyu, atyanta tan wruh ring asambhawa ike ta karihl Hana karika ratu cakrawartf tapaswf nicajanmal Apa tiki kadatwan katunan strfratna marika nghulun prabhu? Arah laku mur ta ko saka ngkel Aparan tatan kaharepa mwan pakastrf dening prabhu cakrawartf.". |
| 27 |
Mangkana ling maharaja Duswanta, anangis ta sang Sakuntala, sawet ning irang ira. Mojar ta sira muwah:"Atyanta |
| 28 |
kabhimananta maharaja, rengbn ike wuwus mami: ikang wwang samanya ta yogya anggaseng ulah mangkana, tatan prawrtya ning kadi kita prabhu. Ndah mangke ngganya, praya sang natha, eko!hamasmftf. |
| 29 |
Nahan linganta: Aku ta tunggal- tunggal, tan hana wruh i pracarangku, an pakastrf si Sakuntala. Syapa tumenga tery aku? Mangkanabhiprayanta prabhu, haywa ta rahadyan sanghulun mangkana, amutamutani hyang atma ngaranya, sang tamolah ri hatinita. Saksat pasyati karmani. |
| 30 |
Sira ta tuminghal ing wyaparahalahayu, samangkana ta sang dewa tatan kena hinimur-imur. Adityacandraw anilanalan ca dyaur bhumir apo hrdayam yamasca, ahasca ratrisca ubhe ca sandhye dharmmasca janati naraya wr"am. Aditya sang hyang Surya, candra sang hyang Wulan, aniianala sang hyang Hangin mwang Apuy. |
| 31 |
Tumut ta sang hyang Akasa Prthiwf mwang Toya, muwah sang hyang Yama tamolah ing rat kabeh. Nahan ta rahinawengi mwang sandhya, lawan sang hyang Dharma sira, sang dewata mangkana tigawelas kweh nira, sira ta mangawruhi ulah ning wwang ring jagat kabeh, tan kena winutan, byapara nireng rat. |
| 32 |
"Apa matang yan pamutamuta sadenya ta nghulunta strf saka ri hfnapunya ni nghulun? Nahan tanakta juga prasiddha sariba ning tapa, tan hana mangde suka. Cakrangga Mwang Durbuddhi... Hana ta ya pas munggwing talaga Kumudawatf; ramya ikang talaga akweh tunjungnya aneka warna, hana sweta, rakta mwang nila pangkaja. |
| 33 |
Hana ta hangs a lakistrf, masabha rikang talaga Kumudawatf, panangka nikang wwai sangka ring talaga Manasasara. Kunang ngaran ikang hangsa; si Cakrangga ngaran i hangsa lanang, si Cakranggi ngaran i hangsa wadon. Yeka sama munggwing talaga Kumudawatf. |
| 34 |
Malawas pwa masamitra lawan sang pas, mangaran si Durbuddhi ikang lanang, si Kacapa ikang wadon. Kunang meh lahrumasa, sangsayasat wwainikang talaga Kumudawatf, mamwit ikang hangsa laki-bi ring mitranya pas ikang mangaran si Durbuddhi mwang si Kacapa. |
| 35 |
Kunang lingnya: "Mitra, nghulun mamwita wisata, ahyun ta ya mami lungha saka ngke, apan sangsayasat tika mangke wwainikang talaga Kumudawatf, tuwi mangharepaken lahrumasa; tan kawasa nghulun yan madoha wwai, nimi"ani nghulun mahyun layata, umungsf talaga ring Himawan parwata ngkana, mangaran ring Manasasara, mahapawitra ika, wwainya mahening adalem, tan masat yan lahrumasa, ri kana paran ing hulun, mitral". |
| 36 |
Mangkana lingnikang hangsa, sumahur ikang pas, lingnya: "Aduh mitra, lukan mara sihning hulun i ri kita. Mahyun matinggala kita mangke ring hulun, mamriha huripta prihawak? Apan pa$a gatining hulun lawan kita: tan wenang madoha lawan wwail Saparanta mami tumuta, milwa ri suku-duhkanta, makaphalaning wwang samitra lawan kita. |
| 37 |
" Sumahur ikang hangsa: nAum sang pas, hana kira-kira ning hulun, nihan iki ng kayu sahuten denta ri tengahnya, kami sumahuta ri tungtungnya sana-sini lawan swamining hulun. Kakawasa mene dening hulun humiberakene ri kita. |
| 38 |
Haywa tan mateguh denta manahut, nguniweh haywangucapucap salwirning katungkulan. I sedeng ning hulun humiberaken i ri kita, haywa juga hinaruhan denta; yan hana atakwana haywa juga sinahuran; yekti ulahanta, haywa ta tan pamituhu pawuwus mami. Kunang ika yan tan pamituhu warah mami, tan siddha tekeng don, matemahan pati. |
| 39 |
n Mangkana lingnikang hangsa, ya ta sinahut tengahnikang kayu deningkang pas; tungtung nikang kayu mwang bungkahnya cinucuk deningkang hangsa, sana-sini sajalu strf kanan-kiri, teher amor ikang pas winawa dening hangsa, umare rikang talaga Manas as ara kahyunira. |
| 40 |
Huwus madoh ulihnyamor, datang pwa ya ri ruhuring tegal Wilanggala. Hana pwa ya sona salakistrf manghob ri sorning tahen mangga. Ya ta tunengha ikang sona wadwan umulat ikang hangsamor kalih samanghiberhiberaken pas, lingnya. |
| 41 |
MHe sang bapanyanaking hulun, lihat ikang asambhawa dahat, ikang pas hiniberaken denikang hangsa salakibi. " Sumahur ikang sona lanang: nAsambhawa dahat lingtal Ring kapana tang pas kawasa mora denikang hangsal Dudu pas ika, tahining kebo aking ika parumahaning kutis, ulih-ulihnya ri putra ning hangsa kalinganyal". |
| 42 |
Mangkana ling nikang sona lakifaki, karengo pwa wuwusnya dening pas krodhambeknya, kumedut tutuknya, denya sinangguh tahining kebo aking parumahaning kutis. Wahu mangang tutuknya pwa ya ikang pas, huwa tekang kayu sinahutnya, tiba ikang pas ring ksiti-tala, teher pinangan ta ya dening sregala salakistrf, mati ikang pas sasomah. |
| 43 |
Ikang hangsa kari kerangan, apan tan pinituhu sapawekasnya nguni ring purwaka; lumaris ikang hangsa mareng talaga Manasasara. Gagak Mwang Sarpa Pejah Dening Yuyu... Ana sira sang brahmana, dateng sakeng Patala, sang Dwijeswara ngaranira, masih ta sireng sarwa satwa-satwa, karuna sira. |
| 44 |
Mahas ta sira ring giri madewasraya; mamanggih ta sira yuyu ri sikharaning parwata, si Astapada ngaranya. Sinambut ikang yuyu de sang brahmana, inemban ing wedihanira, tinonira pranantaka. Ling sang brahmana:"Ndak wawane ring loh; awelas mami ring kita." Lumampah ta sira, amanggih ta sira patani ri tirahning lwah. |
| 45 |
Linepasaken ikang yuyu de sang dwija. Tusta manahnya si Astapada. Sang brahmana si raryan ing patani, manindra siranglflalila, iccha manahnira. Ana ta sarpa samitra lawan gagak, ya tika pinakabhaya sang brahmana. Kunang ling ningkang sarpa ri mitranya gagak: "Yan ana wwang mara ngke maturu mene, warah aku, dak mangsane." |
| 46 |
Katon denikang gagak, maturu sang brahmana rikang patani. Moga malih metu ikang sarpa, lingnya: ?fNoan taku mitra, socanya mangsanta." Mangkana pobhayanya kalih. Mangrengo tikang yuyu ikang winawa de sang dwija nguni. |
| 47 |
Mawacana ring ati ikang yuyu: trDusta kasmala dahat ikang gagak mwang sarpa, pada kapwa durjananya." Kagrahitagengning utangnya ikang yuyu ri sang brahmana. Manaura utang, ya idepnya. "Ana upayangku, ngwang as amitra kalih.". |
| 48 |
Mojar ikang yuyu: nE mitrangku kita kalih, sang gagak mwang sang sarpa, lah dak odode gulunta kalih narapwan enak mene dentamangsa ring sang dwija." "Nghulun iki mene milu ring karyanta; lah si age mami." Ling nikang gagak mwang sarpa, mangkana lingnya kalih. |
| 49 |
Tutut pwa ya linungaken gulunya kalih; yata sinupitanya sana sini denikang uuyu. Tugel gulunya kalih pisan, pejah pwa ya sang gagak mwang sarpa. Ikang wwang kinasihan dhinarman, amalesa ing sih juga swajatinya. |
| 50 |
Maharaja Basuparicara... Hana sira maharaja Basuparicara ngaran ira, kadatwan ira ring Cediwisaya, weka-weka Puru ta sira. Sira ta magawe tapa umaradhana bhatara Indra, tasak pwa samadhi nira, inanugrahan ta sira ratha de sang hyang Indra. Ikang ratha Asmarajaya sakti nguni, sadhana nira milahaken ikang sapta dwfpa. |
| 51 |
Ya ta paweh bhatarendra ri sira, wineh ta sira Indra dhwaja, tanda pujanen irangken tahun, makaphala kajayasatrwan, mwang inanugrahan ta sira wruheng sabda ning sarwasatwa. Aneher ta sira mahabalamitra lawan bhatarendra. |
| 52 |
Hana ta nadf Suktimatf ngaranya, lwah ning Kulagiri, lawan ta wwainya umili tekeng kadatwan, masangga pwekang Kulagiri mwang ikang Suktimatf. Ngkana ta siran panemu rare rwang siki jalu-strf, sang Basuprada ngaran ira, arinya strf paripurneng ahayu, inaranan sang Girika. |
| 53 |
Ya ta ginakastrf nira. Lumampah ta siraburu muwah, mwang ikang Suktimatf kaheret wwainya tan tekeng kadatwan. Wruh pwa maharaja Basuparicara yan ikang wukir humeret wwai nikang Suktimatf, kinalahaken ira ikang wukir humeret, kapanggih tang rare lakistrf ri ya, anak ikang nadf Suktimatf, ikang atuha laki-laki. |
| 54 |
Ya tika huwusnya matuha pinakasenapati de nira, sang Basuprada ngaranya, arinya strf paripurneng hayu. Ya ta inaran sang Girika, pinakarabi nira maharaja Basuparicara. Lumaku ta sira maburu-buru, katon tang sarwa kusuma ring alas manedeng. |
| 55 |
Matutur ta sire hayu sang Girika, katon manis-manis ing waja nira lawan lindi ning matangken nilotpaladhala, mwang rupit ning susu saha ros ning tengah nira, urdhwareta ta srf maharaja Basuparicara, mijil kama nira, tinadahan ira ta ya rondon. Sarwa bhasajna pwa sira, wruh ri swasabda ning sarwasatwa. |
| 56 |
Hana ta syena mor ing tawang, sinyang ira tikang helang umawa teta nira wehakna ri parameswarf nira mangaran dewi Girika. Iniberaken tekang kama de nikang helang si Syena ngaranya. Diwyareta pwa kama ning kadi sira prabu wisesa, ameteng ikang iwak. |
| 57 |
Sedeng haneng akasa ikang helang, tinon ta ya dening padanya helang, sandeha manah ni rowang ika, rinebutnya dinalih molih mangsa, pinarebutan ikang rondon mesi reta, rujit ta ya de ning kukunya, matang yan wutah ikang kama. Ya ta makolih irikang iwak magong ndan pwa sabda ri purwakarma ika, mogha tatan pinangan ikang iwak denya. |
| 58 |
Tiba yeng Iwah Yamuna, atyanta Iwa dalem nikang toya, pinangan ikang kama de ning iwak magong; kacaritan ikang iwak janma ning widyadhari kena sapa. Hana ta sang Dasabala ngaranya, parenah wadwa de maharaja Basuparicara, hulun juru tambangan, maparahu gatinya. |
| 59 |
Kawenangan ta ya masa ning wijil ikang rare kama maharaja Basuparicara, pinakesi ni wetengnya, mijil laki-strf. Kunang ikang iwak matemahan widyadhari muwah, manglayang ring akasa, mulih mareng swarga, apan antasapanya nguni rakwa katemu mangke. |
| 60 |
Ascarya ta manah sang Dasabala denya, mwang denya manak rare lakistrL Winwatakenya ta ya ri paduka sri maharaja Basuparicara; ndan menget ta sang prabhu Basuparicara an reta nira nguni, ikang winawa dening syena kinon wwatakena ring parameswari nireng dewi Girika. Ya ta makajanma ike ling nira, apan sri maharaja trus tinghal, iningu nira tang rare lakistrī. |
Комментарии