| 1 |
ࡅࡌࡀࡉࡉࡋ ࡀࡊࡎࡉࡋࡇ ࡁࡉࡕ ࡂࡉࡆࡍࡉࡇ ࡁࡀࡊࡍࡇࡐ ࡖࡌࡀࡅࡍ ࡌࡉࡈࡑࡀࡓࡀࡓ ࡀࡌࡀࡓࡅࡋࡉࡀ ࡗ ࡌࡉࡈࡑࡀࡓࡀࡓ ࡏࡅࡋࡀ ࡗ ࡄࡀࡅࡉࡀ ࡏࡋ ࡏࡌࡇ ࡁࡓࡉࡄࡀ ࡖࡌࡀࡅࡍ ࡌࡀࡓࡄࡀ ࡌࡀࡅࡍ ࡌࡍ ࡋࡉࡋࡉࡀࡕࡀ ࡔࡓࡏࡉࡀ ࡏࡋ ࡀࡓࡎࡀࡉࡅࡍ ࡖࡁࡀࡈࡉࡀࡍࡕࡀ ࡀࡋࡌࡀ ࡋࡉࡊࡌࡀࡑࡕ ࡀࡋࡌࡉࡀ ࡀࡌࡀࡓࡅࡋࡉࡀ ࡌࡀࡍ ࡄࡅࡀ ࡀࡍࡈࡀࡓ ࡁࡀࡉࡕࡀ ࡀࡀࡍ ࡏࡌࡀࡓࡋࡀࡊ ࡅࡊࡔࡈࡀ ࡌࡀࡋࡉࡋ ࡕࡐࡀࡄࡉࡋ ࡖࡉࡍࡌࡀࡓࡋࡇ ࡅࡀࡀࡍ ࡏࡉࡀࡓ. |
| 2 |
ࡐࡉࡔࡀࡊ ࡗ ࡖࡄࡅࡀࡕ ࡀࡐࡓࡎࡉࡀ ࡄࡀࡅࡉࡀ ࡎࡅࡌࡇࡊ ࡀࡓࡒࡀ ࡕࡓࡉࡎࡀࡓ ࡀࡋࡉࡐࡀ ࡕࡓࡉࡎࡀࡓ ࡀࡋࡉࡐࡀ ࡀࡐࡓࡎࡉࡀ ࡄࡀࡅࡉࡀ ࡓࡀࡅࡌࡀ ࡅࡌࡍ ࡀࡓࡒࡀ ࡋࡒࡅࡌࡁࡀ ࡖࡓࡒࡉࡄࡀ ࡄࡀࡅࡀ ࡆࡀࡅࡇ ࡌࡍ ࡀࡊࡀࡍ ࡖࡀࡍࡔࡐࡉࡇ ࡀࡄࡅࡀࡕ ࡅࡀࡃࡀࡌ ࡌࡍ ࡈࡉࡀࡍ ࡄࡅࡀ ࡌࡍ ࡔࡉࡊࡕࡍࡇ ࡖࡉࡅࡎࡌࡉࡓ ࡆࡉࡅࡀ ࡀࡕࡀ ࡄࡀࡆࡉࡍ ࡌࡉࡔࡀ ࡁࡓ ࡔࡅࡔࡌࡀ ࡄࡉࡅࡀࡓࡀ ࡌࡍ ࡄࡅࡎ ࡉࡀࡓࡃࡀࡍ ࡀࡕࡉࡍ ࡄࡀࡋࡉࡍ ࡄࡉࡅࡍࡍ ࡌࡉࡀ ࡄࡉࡉࡀ. |
| 3 |
ࡉࡀࡕࡁࡉࡀ ࡕࡓࡉࡎࡀࡓ ࡀࡋࡉࡐࡀ ࡏࡅࡕࡓࡉࡀ ࡅࡏࡋ ࡀࡕࡅࡕࡇ ࡖࡉࡅࡎࡌࡉࡓ ࡂࡅࡐࡀࡍ ࡀࡕࡓࡉࡎࡀࡓ ࡀࡋࡉࡐࡀ ࡏࡅࡕࡓࡉࡀ ࡉࡀࡕࡁࡉࡍ ࡅࡏࡋ ࡀࡕࡅࡕࡇ ࡖࡔࡀࡓ ࡂࡅࡐࡀࡍ ࡎࡓࡉࡍ ࡅࡀࡓࡁࡀ ࡀࡋࡉࡐࡀ ࡏࡅࡕࡓࡉࡀ ࡉࡀࡕࡁࡉࡍ ࡅࡏࡋ ࡀࡕࡅࡕࡇ ࡖࡉࡐࡓࡅࡍ ࡂࡅࡐࡀࡍ ࡖࡏࡋ ࡃࡀࡓࡃࡀࡓࡉࡀ ࡋࡀࡌࡉࡔࡕࡓࡉࡀ ࡉࡅࡔࡀࡌࡉࡍ ࡓࡉࡌࡉࡅࡇ ࡋࡕࡉࡂࡓࡀ ࡓࡁࡀ ࡖࡋࡃࡀࡓࡃࡀࡓࡉࡀ ࡋࡀࡌࡉࡎࡕࡀࡊࡓ ࡀࡁࡀࡕࡅࡓ ࡔࡉࡒࡋࡇ ࡀࡋࡁࡉࡃࡒࡀ ࡓࡀ. |
| 4 |
ࡌࡀ ࡀࡋࡌࡀ ࡋࡉࡊࡌࡀࡑࡕ ࡀࡋࡌࡉࡀ ࡀࡀࡍ ࡕࡐࡀࡄࡉࡋ ࡄࡅࡉࡕ ࡀࡍࡈࡀࡓ ࡁࡀࡉࡕࡀ ࡏࡋ ࡌࡉࡉࡍࡋࡀࡕ ࡄࡉࡉࡀ ࡎࡌࡉࡀࡊ ࡀࡓࡎࡀ ࡖࡌࡀࡀࡍ ࡓࡁࡀ ࡀࡊࡁࡉࡓࡀ ࡕࡓࡉࡎࡀࡓ ࡀࡋࡉࡐࡀ ࡏࡅࡕࡓࡉࡀ ࡉࡀࡕࡁࡉࡀ ࡋࡉࡀࡌࡉࡇࡍ ࡖࡌࡀࡀࡍ ࡓࡁࡀ ࡀࡊࡁࡉࡓࡀ ࡕࡓࡉࡎࡀࡓ ࡀࡋࡉࡐࡀ ࡏࡅࡕࡓࡉࡀ ࡉࡀࡕࡁࡉࡀ ࡅࡏࡋ ࡀࡎࡌࡀࡋࡇ ࡖࡌࡀࡀࡍ ࡓࡁࡀ ࡀࡊࡁࡉࡓࡀ ࡎࡓࡉࡍ ࡅࡀࡓࡁࡀ ࡀࡋࡉࡐࡀ ࡏࡅࡕࡓࡉࡀ ࡒࡀࡉࡌࡉࡀ ࡅࡏࡋ ࡒࡅࡃࡀࡌࡇ ࡖࡌࡀࡀࡍ. |
| 5 |
ࡓࡁࡀ ࡀࡊࡁࡉࡓࡀ ࡖࡆࡉࡅࡀ ࡄࡍࡅࡓࡀ ࡅࡏࡒࡀࡓࡀ ࡔࡅࡌࡀࡉࡄࡅࡍ ࡖࡕࡋࡀࡕࡀ ࡋࡁࡅࡔࡉࡀ ࡄࡀࡃ ࡄࡀࡃ ࡌࡀࡓࡐࡀࡔ ࡏࡋ ࡃࡅࡕࡊࡇ ࡀࡍࡎࡉࡁ ࡒࡀࡅࡒࡀ ࡖࡓࡉࡄࡀ ࡔࡉࡂࡍࡋࡀࡍ ࡏࡅࡕࡓࡀ ࡅࡏࡋ ࡒࡅࡃࡀࡌ ࡌࡀࡀࡍ ࡌࡀࡉࡉࡋ ࡌࡒࡀࡁࡉࡋ ࡁࡅࡕࡀ ࡅࡕࡅࡔࡁࡉࡄࡕࡀ ࡎࡀࡌࡀࡃࡍࡉࡓࡏࡉࡋ ࡏࡅࡕࡓࡀ ࡅࡌࡀࡉࡉࡋ ࡀࡊࡎࡉࡋࡇ ࡁࡉࡕ ࡂࡉࡆࡍࡉࡇ ࡁࡀࡊࡍࡇࡐ ࡖࡀࡁࡅࡉࡀ ࡌࡉࡈࡑࡀࡓࡀࡓ ࡗ ࡌࡉࡈࡑࡀࡓࡀࡓ ࡏࡅࡋࡀ ࡖࡀࡁࡅࡉࡀ ࡅࡁࡓࡊࡀࡎ. |
| 6 |
ࡏࡌࡇ ࡌࡉࡓࡌࡉࡀ ࡌࡉࡕࡎࡍࡉࡁ ࡌࡍ ࡄࡀࡋࡇࡑ ࡁࡓࡉࡄࡀ ࡖࡄࡉࡉࡀ ࡌࡀࡓࡄࡀ ࡗ ࡄࡀࡅࡉࡀ ࡉࡀࡋࡃࡀ ࡌࡍ ࡓࡊࡀࡎ ࡏࡌࡇ ࡆࡀࡄࡓࡏࡉࡋ ࡋࡉࡋࡉࡕࡀ ࡔࡓࡏࡉࡀ ࡏࡋ ࡀࡓࡎࡀࡉࡉࡍ ࡖࡁࡀࡈࡀࡍࡕࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡌࡔࡀࡉࡉࡋ ࡏࡋ ࡁࡀࡁ ࡀࡋࡌࡉࡀ ࡒࡀࡉࡉࡌ ࡅࡊࡔࡈࡀ ࡅࡀࡌࡀࡓ ࡅࡕࡉࡂࡓࡀ. |
| 7 |
ࡁࡄࡍࡅࡓࡀ ࡌࡀࡍ ࡓࡌࡀ ࡌࡀࡍ ࡂࡋࡀ ࡓࡀࡆࡀ ࡖࡓࡁࡉࡀ ࡅࡂࡅࡄࡀ ࡁࡎࡉࡉࡍࡀࡅࡉࡎ ࡌࡀࡍ ࡂࡄࡀ ࡌࡀࡍ ࡀࡃࡍࡉࡉࡍࡍ ࡋࡔࡉࡊࡀࡍࡕࡀ ࡅࡏࡋ ࡉࡅࡔࡀࡌࡉࡍ ࡌࡀࡍ ࡀࡔࡉࡐࡋࡇ ࡌࡍ ࡃࡅࡕࡊࡇ ࡋࡏࡅࡓ ࡌࡀࡍ ࡏࡎࡓࡇ ࡁࡏࡎࡅࡓࡀ ࡋࡌࡀࡄࡅ ࡄࡅࡎࡓࡀࡀࡍ ࡁࡀࡋࡌࡀ ࡒࡉࡓࡉࡅࡉࡀ ࡋࡀࡁࡀࡕࡅࡓ ࡋࡌࡀࡄࡅ ࡃࡀࡉࡀࡀࡍ ࡔࡀࡅࡉࡅࡉࡀ ࡅࡅࡊࡔࡈࡀ ࡌࡀࡍ ࡂࡀࡋࡉࡋࡇ ࡁࡀࡋࡌࡀ ࡏࡌࡓࡀ ࡋࡓࡅࡄࡀ ࡌࡍ ࡅࡌࡀࡓࡂࡅࡔ ࡁࡏࡌࡓࡅࡌࡀ ࡌࡀࡍ. |
| 8 |
ࡀࡁࡀࡃ ࡋࡉࡍࡄࡅࡕࡀ ࡌࡀࡍ ࡀࡕࡉࡀ ࡅࡒࡓࡀࡁࡀ ࡌࡀࡍ ࡓࡌࡀࡁࡇ ࡁࡀࡋࡌࡀ ࡌࡀࡍ ࡏࡐࡇࡊ ࡋࡃࡉࡀࡍ ࡓࡁࡀ ࡅࡓࡀࡆࡀ ࡖࡄࡍࡅࡓࡀ ࡌࡀࡍ ࡂࡋࡀ ࡌࡀࡍ ࡀࡄࡓࡉࡁ ࡏࡁࡉࡃࡀࡕࡀ ࡅࡌࡀࡍ ࡏࡌࡓࡇ ࡏࡋ ࡌࡉࡉࡍࡋࡕࡀ ࡗ ࡖࡋࡀࡄࡅࡀࡕ ࡌࡀࡍ ࡔࡀࡂࡉࡔ ࡔࡉࡊࡀࡍࡕࡀ ࡅࡒࡓࡀࡁࡀ ࡓࡌࡀࡁࡇ ࡁࡀࡋࡌࡀ ࡌࡀࡍ ࡀࡕࡉࡇ ࡋࡆࡀࡉࡀࡍ ࡓࡁࡀ ࡅࡀࡐࡋࡂࡇ ࡅࡓࡉࡌࡉࡇ ࡁࡀࡕࡀࡓ ࡀࡕࡀࡓ ࡌࡀࡍ ࡋࡉࡂࡈࡇ ࡋࡕࡅࡔࡁࡉࡄࡕࡀ ࡅࡒࡉࡓࡉࡇ ࡋࡒࡀࡋࡀ. |
| 9 |
ࡖࡄࡉࡉࡀ ࡌࡍ ࡓࡉࡔ ࡁࡓࡉࡔ ࡌࡀࡍ ࡒࡓࡀࡁࡇ ࡁࡕࡅࡔࡁࡉࡄࡕࡀ ࡉࡅࡀࡊࡔࡀࡓ ࡁࡓ ࡏࡕࡀࡓࡐࡀࡔ ࡌࡍ ࡏࡅࡓࡑࡇ ࡗ ࡄࡀࡆࡀ ࡀࡌࡀࡓ ࡅࡊࡔࡈࡀ ࡅࡀࡌࡀࡓ ࡅࡀࡀࡍ ࡏࡉࡀࡓࡐࡉࡔࡀࡊ ࡗ ࡖࡄࡅࡀࡕ ࡀࡀࡍ ࡏࡌࡀࡓࡋࡀࡊ ࡅࡊࡔࡈࡀ ࡅࡕࡉࡂࡓࡀ ࡁࡀࡄࡍࡅࡓࡀ ࡓࡌࡀ ࡉࡅࡔࡀࡌࡉࡍ ࡂࡋࡀ ࡓࡀࡆࡀ ࡖࡓࡁࡉࡀ ࡅࡂࡅࡄࡀ ࡁࡎࡉࡉࡍࡀࡅࡉࡎ ࡂࡀࡍ ࡄࡉࡁࡉࡋ ࡀࡃࡍࡉࡉࡍࡍ ࡋࡔࡉࡊࡀࡍࡕࡀ ࡅࡓࡀࡆࡀ ࡖࡄࡔࡅࡀࡊ ࡂࡋࡀ ࡂࡅࡄࡀ ࡂࡀࡍ ࡁࡎࡉࡉࡍࡀ. |
| 10 |
ࡅࡉࡎ ࡁࡏࡎࡅࡓࡀ ࡖࡎࡀࡀࡊ ࡋࡉࡕࡋࡇ ࡏࡅࡓ ࡁࡌࡉࡉࡍࡋࡀࡕ ࡄࡉࡉࡀ ࡏࡎࡕࡀࡓ ࡖࡁࡀ ࡌࡉࡁࡀࡃ ࡒࡓࡀࡁࡀ ࡉࡅࡔࡀࡌࡉࡍ ࡏࡕࡀࡔࡀࡐࡋ ࡀࡌࡉࡈࡍࡅࡋ ࡅࡌࡉࡓࡌࡉࡀ ࡕࡉࡂࡓࡀ ࡁࡉࡕ ࡓࡅࡓࡁࡉࡀ ࡖࡋࡀࡋࡀࡌ ࡏࡕࡉࡁ ࡉࡅࡔࡀࡌࡉࡍ ࡄࡀࡔࡉࡁ ࡁࡉࡔࡅࡕࡀ ࡅࡏࡎࡕࡀࡓ ࡁࡏࡎࡅࡓࡀ ࡖࡋࡀࡅ ࡎࡃࡉࡓࡀ ࡄࡅࡀ ࡀࡔࡋࡐࡇ ࡅࡐࡌࡇ ࡀࡌࡉࡈࡍࡅࡋ ࡀࡅࡊࡀࡕ ࡏࡅࡕࡓࡉࡀ ࡋࡀࡏࡕࡉࡒࡓࡉࡀ ࡋࡀࡓࡀࡍ ࡅࡋࡀࡏࡕࡌࡀࡀࡊࡊ ࡀࡌࡉࡈࡍࡅࡋ ࡖࡄࡉࡁࡉࡋ. |
| 11 |
ࡆࡉࡅࡀ ࡀࡔࡋࡐࡇ ࡀࡁࡀࡕࡅࡓ ࡔࡀࡅࡉࡅࡉࡀ ࡃࡀࡉࡀࡀࡍ ࡁࡔࡉࡊࡕࡍࡇ ࡒࡉࡓࡉࡉࡇ ࡄࡆࡀ ࡁࡓࡇ ࡁࡌࡉࡀ ࡎࡉࡀࡅࡉࡀ ࡄࡅ ࡅࡀࡌࡀࡓ ࡕࡅࡌ ࡁࡓ ࡌࡀࡋࡉࡊࡀ ࡏࡕࡉࡒࡓࡉࡀ ࡀࡀࡍ ࡁࡓ ࡌࡀࡋࡉࡊࡀ ࡅࡀࡌࡀࡓ ࡄࡀࡉࡋࡀࡉ ࡄࡀࡅࡉࡀ ࡋࡄࡀࡃ ࡕࡓࡉࡍ ࡏࡎࡉࡒࡕࡀ ࡕࡀࡓࡉࡑࡀࡍ ࡁࡔࡉࡊࡕࡍࡀࡉ ࡅࡀࡎࡒࡇ ࡁࡔࡉࡊࡕࡍࡇ ࡀࡅࡕࡁࡇ ࡒࡉࡓࡉࡉࡇ ࡋࡕࡐࡀࡄࡉࡋ ࡁࡓࡇ ࡔࡀࡋࡐࡀ ࡅࡌࡀࡔࡀࡐࡋ ࡌࡍ ࡅࡊࡓࡎࡉࡉࡇ ࡀࡁࡀࡕࡅࡓ ࡀࡎࡉࡊࡋ ࡁࡀࡁࡀࡄࡀ. |
| 12 |
ࡕࡇ ࡅࡁࡀࡁࡉࡕ ࡅࡀࡆࡀࡋ ࡌࡅࡆࡀࡉࡍࡀ ࡄࡅࡀ ࡅࡎࡀࡋࡉࡒ ࡅࡌࡀࡈࡉࡀ ࡌࡓࡅࡌࡀ ࡁࡀࡉࡊࡀ ࡅࡀࡋࡉࡀ ࡀࡁࡀࡕࡅࡓ ࡖࡎࡉࡍࡀ ࡈࡀࡁࡉࡃ ࡁࡉࡔ ࡌࡀࡔࡀࡊ ࡈࡀࡁ ࡖࡀࡁࡀࡃ ࡈࡀࡁ ࡌࡀࡔࡀࡊ ࡈࡀࡁ ࡆࡅࡈࡀ ࡁࡕࡉࡁࡉࡋ ࡌࡀࡍ ࡔࡀࡅࡉࡀࡍ ࡏࡌࡓࡉࡕ ࡖࡏࡄࡅࡉࡀ ࡓࡁࡀ ࡁࡃࡀࡍࡁ ࡀࡋࡌࡉࡀ ࡌࡀࡍ ࡏࡅࡕࡁࡀࡍ ࡏࡌࡓࡉࡕ ࡖࡏࡄࡅࡉࡀ ࡌࡀࡋࡀࡊ ࡅࡌࡅࡆࡀࡉࡍࡀ ࡏࡋ ࡏࡃࡀࡉ ࡌࡀࡍ ࡓࡌࡀ ࡏࡌࡓࡉࡕ ࡖࡏࡄࡅࡉࡀ ࡏࡓࡐࡉࡔࡀࡉࡀ ࡀࡋ. |
| 13 |
ࡌࡀ ࡖࡌࡓࡉࡃࡀ ࡒࡓࡅࡍ ࡗ ࡉࡍࡄࡀ ࡄࡅࡉࡕ ࡅࡌࡉࡊࡀࡊ ࡅࡕࡉࡂࡓࡀ ࡁࡉࡕ ࡄࡉࡉࡀ ࡓࡌࡀ ࡋࡓࡅࡄࡀ ࡏࡌࡓࡀ ࡌࡀࡃࡍࡀ ࡖࡄࡉࡉࡀ ࡅࡀࡃࡍࡉࡅࡍࡍ ࡋࡉࡀࡓࡃࡉࡍࡀ ࡅࡊࡋࡄࡅࡍ ࡋࡅࡊࡔࡈࡀ ࡂࡀࡋࡉࡋࡇ ࡂࡅࡁࡓࡀࡍ ࡅࡌࡀࡓࡂࡅࡔ ࡉࡅࡔࡀࡌࡉࡍ ࡕࡉࡂࡓࡀ ࡓࡌࡀࡁࡇ ࡁࡀࡋࡌࡀ ࡉࡍࡄࡅࡕࡀ ࡀࡕࡉࡀ ࡉࡅࡀࡊࡁࡀࡓ ࡅࡀࡀࡍࡍ ࡓࡀࡆࡀ ࡖࡄࡍࡅࡓࡀ ࡂࡋࡀ ࡕࡐࡀࡄࡉࡋ ࡀࡄࡓࡉࡁ ࡏࡁࡉࡃࡀࡕࡀ ࡁࡉࡄࡓࡀࡌ ࡏࡌࡓࡇ ࡋࡌࡉࡉࡍࡋࡕࡀ ࡗ ࡖࡋࡀࡄࡅࡀ. |
| 14 |
ࡕ ࡏࡕࡉࡍࡉࡑࡁ ࡔࡀࡂࡉࡔ ࡔࡉࡊࡀࡍࡕࡀ ࡅࡉࡍࡁࡈࡀ ࡓࡌࡀࡁࡇ ࡒࡓࡀࡁࡀ ࡁࡀࡋࡌࡀ ࡕࡐࡀࡄࡉࡋ ࡀࡕࡉࡉࡇ ࡋࡆࡀࡉࡀࡍ ࡓࡁࡀ ࡅࡀࡐࡋࡂࡇ ࡅࡓࡉࡌࡉࡇ ࡁࡀࡕࡀࡓ ࡀࡕࡀࡓ ࡄࡉࡁࡉࡋ ࡏࡅࡕࡓࡀ ࡋࡉࡂࡈࡇ ࡋࡕࡅࡔࡁࡉࡄࡕࡀ ࡁࡌࡓࡅࡌࡀ ࡒࡓࡀ ࡅࡒࡀࡋࡀ ࡎࡋࡉࡒ ࡋࡁࡉࡕ ࡄࡉࡉࡀ ࡄࡀࡆࡉࡍ ࡏࡕࡉࡍࡉࡑࡁ ࡋࡒࡀࡋࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡄࡍࡅࡓࡀ ࡖࡉࡀࡕࡉࡓ. |
| 15 |
ࡁࡀࡋࡌࡀ ࡆࡉࡅࡀ ࡁࡍࡉࡐࡔ ࡀࡕࡀࡋࡉࡀ ࡖࡏࡅࡕࡓࡉࡀ ࡒࡀࡉࡌࡉࡀ ࡅࡌࡉࡔࡕࡀࡉࡉࡍ ࡏࡋࡀࡉ ࡄࡀࡔࡀࡁࡕࡀ ࡄࡅࡀࡕ ࡒࡀࡃࡌࡀࡉࡕࡀ ࡀࡐࡉࡎࡀࡕࡋࡅࡍ... ࡋࡀࡓࡒࡀ ࡂࡀࡁࡓࡀ ࡖࡀࡔࡋࡐࡀࡍ ࡌࡍ ࡃࡅࡕࡊࡀࡉ ࡄࡀࡆࡉࡍ ࡅࡋࡀࡕࡉࡔࡀࡌࡀࡓ ࡀࡀࡍࡉࡍࡀ ࡌࡍ ࡃࡅࡕࡊࡀࡉࡄࡅࡍ ࡋࡀࡕࡉࡁࡀࡈࡋࡇ ࡋࡁࡉࡕࡍࡀ ࡖࡏࡅࡕࡓࡉࡀ ࡀࡌࡉࡈࡍࡅࡋ ࡖࡌࡍ ࡉࡀࡌࡉࡀࡍࡊ ࡄࡅࡀ ࡋࡀࡕࡉࡒࡓࡇ ࡋࡁࡅࡍࡀࡊ ࡓࡁࡀ ࡖࡏࡉࡍࡔ ࡁࡄࡀࡉࡋࡇ ࡋࡀࡌࡉࡑࡀ ࡋࡀࡕࡉ. |
| 16 |
ࡓࡌࡉࡀ ࡌࡔࡀࡂࡔࡉࡀ ࡁࡉࡀࡓࡃࡀࡍ ࡋࡀࡕࡉࡒࡓࡇ ࡋࡃࡀࡅࡓࡀ ࡖࡁࡀࡍࡉࡕࡇ ࡁࡀࡍࡊ ࡏࡕࡉࡍࡉࡑࡁ ࡁࡂࡉࡅࡀࡕ ࡏࡒࡀࡓࡀ ࡉࡅࡌࡀ ࡖࡓࡀࡌࡉࡋࡀࡊ ࡕࡉࡂࡓࡀ ࡅࡋࡀࡌࡀࡔࡉࡊࡍ ࡄࡀࡃࡓࡉࡀ ࡅࡁࡀࡉࡉࡍ ࡀࡁࡅࡄࡅࡍ ࡀࡕࡅࡍ ࡄࡀࡃࡓࡉࡀ ࡁࡔࡉࡊࡀࡍࡕࡀ ࡅࡊࡋࡄࡅࡍ ࡅࡌࡍ ࡄࡃࡀࡃࡉࡀ ࡌࡉࡕࡀࡓࡐࡉࡔࡉࡀ ࡁࡉࡔࡉࡀ ࡒࡀࡉࡌࡉࡀ ࡀࡄࡉࡀ ࡁࡉࡄࡃࡀࡃࡉࡀ ࡅࡀࡌࡓࡉࡀ ࡁࡌࡀࡄࡅ ࡉࡍࡓࡌࡉࡀ ࡏࡋࡇ ࡕࡉࡂࡓࡀ ࡀࡁࡅࡉࡀࡍ ࡍࡀࡐࡒ ࡌࡍ ࡀࡓࡒࡀ. |
| 17 |
ࡖࡀࡉࡀࡓ ࡅࡌࡉࡕࡀࡓࡐࡀࡔ ࡁࡀࡍࡔࡐࡉࡇ ࡅࡀࡕࡀ ࡎࡀࡌ ࡀࡄࡅࡉࡅࡍ ࡒࡀࡔࡉࡔࡀ ࡅࡀࡌࡀࡓ ࡀࡌࡓࡉࡀ ࡒࡀࡔࡉࡔ ࡋࡀࡌࡉࡕࡀࡓࡐࡀࡔ ࡄࡅ ࡏࡅ ࡀࡀࡍ ࡓࡀࡌࡉࡀࡍ ࡋࡕࡉࡂࡓࡀ ࡓࡁࡀ ࡏࡋ ࡕࡉࡂࡓࡀ ࡓࡁࡀ ࡀࡀࡊࡃࡍࡉࡕ ࡄࡉࡏࡍࡋࡀ ࡀࡀࡍࡕࡅࡍ ࡓࡅࡌࡉࡅࡉࡀ ࡏࡅ ࡀࡁࡃࡉࡕࡅࡍ ࡆࡀࡉࡊࡕࡅࡍ ࡀࡌࡓࡉࡀ ࡏࡅࡕࡓࡉࡀ ࡌࡉࡀࡒࡍࡉࡀ ࡀࡀࡍࡕࡅࡍ ࡅࡎࡅࡊࡋࡕࡀࡉࡅࡊࡍ ࡁࡏࡌࡓࡅࡌ ࡋࡀࡋࡀࡂࡈࡉࡀ ࡏࡅࡕࡓࡉࡀ ࡌࡉࡀࡒࡍࡉࡀ ࡄࡅࡍ ࡅࡀࡄࡓࡉ. |
| 18 |
ࡁࡉࡅࡍ ࡏࡁࡉࡃࡀࡕࡀ ࡖࡌࡕࡀࡒࡀࡍ ࡀࡕࡅࡍ ࡓࡅࡌࡉࡅࡉࡀ ࡋࡕࡉࡂࡓࡀ ࡓࡁࡀ ࡅࡒࡓࡀࡁࡀ ࡖࡎࡀࡀࡊ ࡋࡉࡕࡋࡇ ࡒࡅࡌ ࡀࡁࡅࡃ ࡆࡀࡉࡀࡍ ࡓࡁࡀ ࡖࡋࡀࡁࡀࡈࡋࡉࡀ ࡅࡂࡉࡓࡉࡀ ࡔࡌࡉࡌࡉࡀ ࡓࡌࡅ ࡄࡉࡓࡁࡀ ࡅࡃࡓࡅ ࡓࡅࡂࡆࡀ ࡋࡔࡉࡊࡀࡍࡕࡀ ࡖࡀࡁࡅࡅࡊࡍ ࡃࡓࡅ ࡅࡄࡍࡅࡕ ࡋࡀࡓࡒࡀ ࡖࡀࡉࡀࡓ ࡋࡉࡀࡊ ࡖࡉࡀࡕࡉࡁ ࡏࡋࡇ ࡄࡀࡆࡉࡍ ࡖࡉࡐࡎ ࡀࡓࡒࡇ ࡅࡅࡊࡓࡎࡉࡀ ࡁࡓࡇ ࡖࡉࡅࡔࡀࡌࡉࡍ ࡅࡉࡍࡌࡀࡓࡋࡇ ࡀࡌࡀࡓࡋࡇ ࡋࡁࡍࡀࡈ ࡓࡁࡀ ࡉࡍ. |
| 19 |
ࡋࡉࡂࡈࡇ ࡎࡉࡉࡐࡀ ࡖࡌࡔࡀࡋࡉࡐࡀ ࡀࡕࡀ ࡌࡀࡋࡀࡊ ࡖࡀࡉࡀࡓ ࡏࡋ ࡁࡍࡀࡈ ࡌࡀࡋࡀࡊ ࡖࡀࡉࡀࡓ ࡅࡉࡍࡌࡀࡓࡋࡇ ࡋࡌࡉࡓࡌࡉࡀ ࡌࡉࡇࡍ ࡕࡉࡂࡓࡀ ࡌࡀࡍ ࡏࡎࡓࡇ ࡀࡒࡀࡌࡀࡊ ࡋࡉࡅࡔࡀࡌࡉࡍ ࡋࡏࡕࡉࡍࡉࡑࡁ ࡆࡉࡅࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡌࡀࡋࡀࡊ ࡖࡀࡉࡀࡓ ࡌࡀࡍ ࡌࡍ ࡌࡀࡋࡉࡊࡀ ࡓࡀࡌࡉࡀ ࡕࡉࡂࡓࡀ ࡌࡀࡋࡀࡊ ࡀࡐࡒࡉࡃ ࡅࡌࡀࡋࡀࡊ ࡏࡎࡓࡇ ࡋࡉࡅࡔࡀࡌࡉࡍ ࡋࡁࡍࡀࡈ ࡓࡁࡀ ࡒࡓࡀ ࡅࡀࡌࡀࡓࡋࡇ ࡋࡁࡍࡀࡈ ࡓࡁࡀ ࡏࡕࡉࡍࡉࡑࡁ. |
| 20 |
ࡆࡉࡅࡀ ࡕࡐࡀ ࡅࡐࡌࡇ ࡅࡓࡂࡀࡆ ࡒࡉࡀࡍ ࡖࡌࡉࡇࡍ ࡄࡅࡉࡕ ࡋࡀࡔࡉࡄࡉࡕ ࡅࡋࡀࡔࡉࡄࡀ ࡀࡁࡅࡊ ࡋࡀࡅ ࡏࡅࡕࡓࡀ ࡆࡓࡉࡆࡀ ࡄࡅ ࡋࡏࡕࡉࡍࡉࡑࡁ ࡆࡉࡅࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡁࡍࡀࡈ ࡓࡁࡀ ࡄࡅࡀ ࡖࡀࡁࡅࡊ ࡔࡀࡓࡉࡀ ࡕࡉࡂࡓࡀ ࡋࡉࡈࡉࡕ ࡅࡋࡉࡈࡀ ࡒࡉࡀࡍ ࡖࡌࡍ ࡌࡀࡋࡀࡊ ࡓࡀࡌࡉࡕ ࡕࡉࡂࡓࡀ ࡋࡀࡔࡉࡄࡉࡕ ࡋࡁࡉࡕ ࡄࡉࡉࡀ ࡓࡁࡉࡀ ࡅࡏࡋ ࡁࡍࡀࡈ ࡓࡁࡀ ࡌࡀࡋࡀࡊ ࡖࡀࡉࡀࡓ ࡍࡀࡐࡋ ࡏࡕࡉࡍࡉࡑࡁ ࡆࡉࡅࡀ ࡎࡉࡀࡐ. |
| 21 |
ࡔࡋࡀࡐ ࡅࡎࡉࡀࡐ ࡁࡆࡉࡅࡇ ࡋࡀࡎࡐࡀࡒ ࡄࡀࡃ ࡆࡉࡁࡀࡍ ࡌࡄࡀ ࡏࡕࡉࡍࡉࡑࡁ ࡆࡉࡅࡀ ࡅࡎࡉࡀࡐ ࡁࡆࡉࡅࡇ ࡋࡀࡎࡐࡀࡒ ࡕࡓࡉࡍ ࡆࡉࡁࡉࡍࡀ ࡌࡄࡀ ࡏࡕࡉࡍࡉࡑࡁ ࡆࡉࡅࡀ ࡅࡎࡉࡀࡐ ࡁࡆࡉࡅࡇ ࡋࡀࡎࡐࡀࡒ ࡕࡋࡀࡕࡀ ࡆࡉࡁࡉࡍࡀ ࡌࡄࡀ ࡏࡕࡉࡍࡉࡑࡁ ࡆࡉࡅࡀ ࡅࡋࡏࡕࡉࡍࡉࡑࡁ ࡆࡉࡅࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡁࡍࡀࡈ ࡓࡁࡀ ࡋࡀࡅ ࡌࡍ ࡃࡉࡋࡀࡊ ࡄࡀࡉࡒࡀ ࡃࡌࡅࡕࡀࡉ ࡉࡀ ࡁࡓ ࡂࡀࡁࡓࡀ ࡁࡄࡉࡕࡀ ࡎࡓࡉࡍ ࡅࡄࡃࡀ ࡁࡇࡍ ࡖࡉࡅࡔ. |
| 22 |
ࡀࡌࡉࡍ ࡎࡉࡀࡐ ࡔࡋࡀࡐ ࡗ ࡄࡀࡆࡉࡍ ࡀࡌࡀࡓ ࡁࡍࡀࡈ ࡓࡁࡀ ࡅࡆࡅࡈࡀ ࡒࡓࡀࡁࡀ ࡏࡕࡋࡀࡁࡀࡔ ࡒࡀࡔࡉࡔࡀ ࡋࡁࡀࡔ ࡆࡀࡉࡀࡍ ࡅࡆࡀࡉࡀࡍ ࡏࡋ ࡄࡃࡀࡃࡉࡀ ࡁࡀࡃࡒࡉࡍ ࡅࡀࡁࡂࡀࡍ ࡄࡉࡉࡀ ࡒࡀࡓࡉࡍ ࡅࡒࡀࡋ ࡒࡓࡀࡁࡀࡉࡅࡍ ࡒࡀࡋ ࡆࡀࡉࡀࡍࡉࡅࡍ ࡓࡁࡀ ࡖࡄࡍࡅࡓࡀ ࡌࡈࡀ ࡅࡀࡌࡀࡓ ࡒࡀࡋࡀࡉࡄࡅࡍ ࡋࡅࡀࡕ ࡌࡀࡋࡀࡊ ࡅࡌࡁࡀࡈࡉࡋ ࡁࡉࡕ ࡆࡀࡉࡀࡍ ࡌࡊࡀ ࡉࡅࡔࡀࡌࡉࡍ ࡎࡐࡉࡒ ࡋࡏࡅࡕࡓࡉࡀ ࡅࡏࡕࡉࡎࡊࡉࡀ ࡌࡀࡍ ࡓࡀࡌࡉࡋࡅࡍ. |
| 23 |
ࡕࡉࡂࡓࡀ ࡅࡀࡌࡀࡓࡋࡇ ࡋࡌࡀࡋࡀࡊ ࡖࡄࡍࡅࡓࡀ ࡄࡆࡀ ࡂࡅࡁࡓࡀࡍ ࡏࡅࡕࡓࡀ ࡓࡀࡌࡉࡋࡇ ࡋࡉࡒࡓࡀࡁࡀ ࡓࡁࡀ ࡖࡋࡀࡌࡉࡔࡕࡓࡉࡀ ࡎࡓࡉࡍ ࡅࡄࡃࡀ ࡁࡇࡍ ࡖࡉࡅࡔࡀࡌࡉࡍ ࡄࡉࡅࡍࡍ ࡏࡋ ࡂࡅࡁࡓࡀࡍ ࡖࡉࡍࡌࡀࡓࡋࡇ ࡅࡄࡀࡉࡆࡀࡊ ࡌࡀࡋࡀࡊ ࡖࡄࡍࡅࡓࡀ ࡅࡏࡋ ࡀࡐࡄࡓࡏࡉࡋ ࡒࡓࡀࡁࡀ ࡓࡁࡀ ࡏࡕࡉࡁ ࡀࡀࡍࡕ ࡋࡁࡅࡔ ࡆࡀࡉࡀࡍ ࡄࡆࡉࡅࡍࡍ ࡋࡁࡇࡍ ࡖࡉࡅࡔࡀࡌࡉࡍ ࡄࡉࡅࡍࡍ ࡃࡓࡀ ࡅࡏࡆࡉࡋ ࡋࡀࡓࡒࡀ ࡖࡀࡉࡀࡓ ࡅࡏࡋ ࡀࡐࡄࡓࡏࡉࡋ. |
| 24 |
ࡒࡓࡀࡁࡀ ࡓࡁࡀ ࡏࡕࡉࡁ ࡅࡄࡀࡉࡆࡀࡊ ࡂࡅࡁࡓࡀࡍ ࡎࡍࡉࡁ ࡆࡀࡉࡀࡍ ࡓࡁࡀ ࡅࡋࡀࡓࡒࡀ ࡖࡀࡉࡀࡓ ࡌࡀࡎࡂࡉࡀ ࡅࡏࡋ ࡏࡕࡉࡍࡉࡑࡁ ࡆࡉࡅࡀ ࡖࡉࡍࡌࡀࡓࡋࡇ ࡅࡄࡀࡉࡆࡀࡊ ࡂࡅࡁࡓࡀࡍ ࡉࡐࡄࡕࡇ ࡋࡅࡐࡌࡇ ࡒࡓࡀࡁࡀ ࡁࡉࡕ ࡓࡅࡓࡁࡉࡀ ࡁࡓࡇ ࡖࡉࡅࡔࡀࡌࡉࡍ ࡋࡀࡕࡉࡓࡌࡉࡀ ࡅࡏࡆࡉࡋ ࡕࡉࡀࡁࡅࡕࡀ ࡏࡋ ࡀࡁࡅࡊ ࡁࡓ ࡏࡅ ࡋࡀࡌࡉࡁࡉࡋࡀࡊ ࡀࡁࡃࡀ ࡀࡒࡀࡌࡇ ࡖࡌࡀࡋࡀࡊ ࡄࡅࡉࡀ ࡏࡅ ࡌࡉࡁࡉࡋࡀࡊ ࡌࡊࡀ ࡔࡀࡉࡐࡓ ࡅࡋࡀࡏࡔࡕࡌ. |
| 25 |
ࡀ ࡀࡁࡅࡊ ࡀࡌࡀࡓࡋࡇ ࡏࡕࡉࡍࡉࡑࡁ ࡆࡉࡅࡀ ࡌࡍ ࡁࡓࡇ ࡒࡀࡔࡉࡔࡀ ࡀࡊࡆࡍࡀࡋࡀ ࡖࡏࡄࡀࡁࡋࡉࡀ ࡄࡆࡉࡀ ࡌࡊࡀ ࡔࡀࡀࡍࡉ ࡀࡐࡉࡎࡉࡕ ࡄࡀࡔࡕࡀ ࡀࡓࡒࡀ ࡁࡌࡉࡉࡍࡋࡀࡕ ࡌࡀࡋࡀࡊ ࡋࡀࡋࡌࡉࡀ ࡖࡄࡍࡅࡓࡀ ࡅࡌࡔࡀࡓࡄࡉࡆࡀࡕࡋࡅࡍ ࡏࡅ ࡀࡀࡍࡕ ࡕࡉࡂࡓࡀ ࡓࡀࡌࡉࡀࡕࡋࡅࡍ ࡅࡂࡅࡁࡓࡀࡍ ࡁࡉࡀࡌࡉࡇࡍ ࡒࡀࡁࡋࡇ ࡅࡄࡀࡉࡆࡀࡊ ࡂࡉࡓࡀ ࡔࡓࡀ ࡏࡕࡉࡍࡉࡑࡁ ࡆࡉࡅࡀ ࡅࡂࡅࡁࡓࡀࡍ ࡁࡉࡀࡌࡉࡇࡍ ࡒࡀࡁࡋࡇ ࡕࡓࡉࡍ ࡂࡉࡓࡉࡀ ࡔࡓࡀ ࡏ. |
| 26 |
ࡕࡉࡍࡉࡑࡁ ࡆࡉࡅࡀ ࡅࡂࡅࡁࡓࡀࡍ ࡁࡉࡀࡌࡉࡇࡍ ࡒࡀࡁࡋࡇ ࡕࡋࡀࡕࡀ ࡂࡉࡓࡉࡀ ࡔࡓࡀ ࡏࡕࡉࡍࡉࡑࡁ ࡆࡉࡅࡀ ࡁࡏࡃࡇ ࡖࡀࡐࡄࡓࡏࡉࡋ ࡏࡕࡉࡁ ࡂࡉࡓࡀ ࡀࡓࡁࡉࡀࡉࡀ ࡋࡅࡀࡕ ࡌࡀࡋࡀࡊ ࡖࡄࡍࡅࡓࡀ ࡌࡈࡀࡕ ࡒࡃࡀ ࡁࡒࡉࡃࡉࡄࡕࡇ ࡅࡒࡉࡃࡉࡄࡕࡇ ࡁࡆࡉࡅࡀ ࡅࡄࡍࡅࡓࡀ ࡖࡎࡀࡀࡊ ࡋࡉࡕࡋࡇ ࡅࡄࡀࡉࡆࡀࡊ ࡌࡀࡋࡀࡊ ࡖࡄࡍࡅࡓࡀ ࡕࡐࡀ ࡅࡐࡌࡇ ࡅࡀࡓࡁࡀ ࡀࡋࡉࡐࡀ ࡏࡅࡕࡓࡉࡀ ࡖࡋࡄࡉࡋ ࡒࡀࡉࡌࡉࡀ ࡓࡌࡀ ࡒࡀࡋࡀ ࡁࡀࡓࡁࡉࡌࡀ ࡅࡀࡓࡁࡉ. |
| 27 |
ࡍ ࡅࡒࡀࡓࡉࡋࡅࡍ ࡅࡀࡌࡀࡓࡋࡅࡍ ࡅࡏࡋ ࡏࡅࡔࡀࡍࡉࡅࡊࡍ ࡏࡕࡉࡁ ࡋࡁࡅࡔ ࡆࡀࡉࡀࡍࡉࡅࡊࡍ ࡅࡃࡓࡅࡍ ࡒࡓࡀࡁࡀࡉࡅࡊࡍ ࡅࡂࡉࡓࡉࡀ ࡔࡌࡉࡌࡉࡀ ࡁࡕࡅࡒࡀࡐ ࡅࡎࡉࡀࡐ ࡃࡓࡅࡍ ࡅࡏࡋ ࡏࡅࡔࡀࡍࡉࡅࡊࡍ ࡏࡕࡉࡁ ࡅࡄࡉࡓࡁࡀ ࡁࡓࡅࡂࡆࡀ ࡃࡓࡅࡍ ࡁࡆࡉࡅࡀ ࡅࡄࡍࡅࡓࡀ ࡖࡁࡅࡈࡋࡀࡀࡍ ࡋࡉࡕࡋࡇ ࡒࡀࡓࡉࡋࡅࡍ ࡅࡌࡀࡐࡒࡉࡃࡋࡅࡍ ࡌࡀࡋࡀࡊ ࡖࡄࡍࡅࡓࡀ ࡅࡀࡌࡀࡓࡋࡅࡍ ࡓࡉࡔࡀ ࡖࡏࡕࡉࡍࡉࡑࡁ ࡆࡉࡅࡀ ࡗ ࡌࡀࡈࡉࡕࡅࡍ ࡀࡓࡒࡀ ࡖࡀࡉࡀ. |
| 28 |
ࡓ ࡁࡀࡊࡍࡇࡐ ࡖࡁࡉࡄࡓࡀࡕ ࡀࡀࡍࡀࡍ ࡏࡌࡇ ࡀࡌࡈࡅࡉࡀ ࡅࡉࡍࡌࡓࡅࡍ ࡏࡅࡕࡓࡉࡀ ࡌࡔࡀࡃࡓࡉࡀ ࡄࡅࡍ ࡀࡁࡅࡃ ࡒࡓࡀࡁࡀ ࡁࡂࡀࡅࡀࡉࡄࡅࡍ ࡏࡅࡕࡓࡉࡀ ࡋࡀࡓࡒࡀ ࡖࡀࡉࡀࡓ ࡔࡀࡋࡐࡉࡀ ࡅࡄࡀࡉࡆࡀࡊ ࡀࡓࡁࡉࡌࡀ ࡅࡀࡓࡁࡉࡍ ࡅࡀࡓࡁࡀ ࡀࡋࡉࡐࡀ ࡔࡉࡊࡕࡍࡀ ࡖࡉࡅࡔࡀࡌࡉࡍ ࡌࡈࡅࡍ ࡌࡍ ࡓࡉࡔ ࡀࡓࡒࡀ ࡖࡀࡉࡀࡓ ࡉࡊࡌࡀࡑ ࡌࡀࡀࡍ ࡋࡀࡓࡒࡀ ࡖࡀࡉࡀࡓ ࡔࡀࡋࡐࡉࡀ ࡏࡅࡕࡓࡉࡀ ࡁࡆࡀࡉࡀࡍ ࡓࡀࡌࡀ ࡅࡂࡉࡓࡉࡀ ࡔࡌࡉࡌࡉࡀ ࡁࡕࡅࡒࡀ. |
| 29 |
ࡐ ࡗ ࡄࡉࡓࡁࡀ ࡁࡓࡅࡂࡆࡀ ࡃࡓࡉࡀ ࡕࡓࡉࡎࡀࡓ ࡁࡇࡍ ࡖࡉࡅࡔࡀࡌࡉࡍ ࡁࡄࡉࡓࡁࡀ ࡍࡀࡊࡎࡉࡅࡍࡍ ࡅࡄࡀࡉࡆࡀࡊ ࡉࡀࡅࡀࡓ ࡆࡉࡅࡀ ࡕࡔࡀ ࡁࡇࡍ ࡖࡉࡅࡔࡀࡌࡉࡍ ࡁࡎࡉࡀࡐ ࡎࡍࡀࡁ ࡁࡉࡄࡓࡀࡌ ࡄࡀࡉࡊࡌࡀ ࡏࡕࡁࡅࡍ ࡉࡀࡒࡉࡓࡀ ࡖࡉࡅࡔࡀࡌࡉࡍ ࡁࡒࡉࡃࡉࡄࡕࡇ ࡒࡃࡀ ࡁࡓࡇ ࡉࡅࡀࡊࡁࡀࡓ ࡀࡄࡅࡉࡀ ࡒࡃࡀ ࡅࡀࡆࡋࡀࡕ ࡒࡉࡃࡉࡄࡕࡇ ࡋࡅࡀࡕ ࡉࡅࡔࡀࡌࡉࡍ ࡀࡁࡅࡉࡀ ࡌࡈࡀࡕ ࡅࡀࡌࡀࡓ ࡉࡅࡔࡀࡌࡉࡍ ࡋࡅࡀࡕ ࡉࡅࡔࡀࡌࡉࡍ ࡀࡁࡅࡉࡀ. |
| 30 |
ࡅࡋࡄࡀࡁࡉࡁࡀࡉ ࡌࡀࡍ ࡎࡀࡓࡊࡇ ࡋࡁࡓࡀࡉ ࡌࡀࡍ ࡂࡉࡈࡋࡇ ࡀࡎࡀࡓࡉࡀ ࡌࡍ ࡏࡃࡇ ࡅࡋࡉࡂࡓࡇ ࡔࡒࡀࡋ ࡁࡒࡃࡉࡄࡕࡀ ࡖࡒࡃࡀ ࡉࡅࡔࡀࡌࡉࡍ ࡖࡌࡀࡋࡀࡊ ࡖࡄࡍࡅࡓࡀ ࡀࡐࡒࡉࡃ ࡏࡋࡇ ࡏࡕࡀࡐࡎࡀࡒ ࡀࡎࡀࡓࡉࡀ ࡅࡔࡅࡔࡋࡀࡕࡀ ࡅࡃࡉࡓࡊࡇ ࡋࡒࡉࡀࡍ ࡓࡁࡀ ࡖࡁࡋࡉࡁࡇ ࡄࡅࡀ ࡅࡒࡀࡌࡁࡇ ࡁࡕࡉࡂࡓࡀ ࡓࡁࡀ ࡅࡀࡋࡌࡀ ࡋࡀࡓࡒࡀ ࡖࡀࡉࡀࡓ ࡌࡍ ࡁࡀࡁࡀ ࡖࡎࡅࡀࡐࡕ ࡏࡋࡀࡅࡀࡉࡄࡅࡍ ࡀࡐࡎࡉࡅࡍࡍ ࡅࡊࡋࡄࡅࡍ ࡔࡉࡊࡀࡍࡕࡀ ࡖࡌࡈ. |
| 31 |
ࡀ ࡒࡉࡃࡉࡄࡕࡀ ࡋࡅࡀࡕ ࡀࡀࡍࡀࡍ ࡒࡃࡀ ࡗ ࡌࡈࡀ ࡀࡓࡒࡀ ࡖࡀࡉࡀࡓ ࡅࡌࡍ ࡏࡅࡔࡀࡍࡉࡄࡅࡍ ࡁࡏࡌࡓࡅࡌࡀ ࡋࡀࡋࡀࡂࡈࡉࡀ ࡏࡅࡕࡓࡉࡀ ࡍࡀࡐࡋ ࡏࡋ ࡀࡍࡀࡐࡉࡄࡅࡍ ࡅࡂࡉࡓࡀࡉࡅࡍ ࡅࡎࡈࡌࡅࡌࡅࡍ ࡋࡀࡌࡀࡔࡓࡉࡀ ࡄࡉࡓࡁࡀࡉࡅࡍ ࡍࡀࡐࡋ ࡌࡍ ࡏࡃࡀࡉࡄࡅࡍ ࡅࡏࡕࡀࡐࡎࡀࡒ ࡉࡀࡕࡓࡉࡀ ࡖࡒࡀࡔࡕࡀࡕࡅࡍ ࡏࡕࡀࡐࡎࡀࡒ ࡎࡉࡀࡐࡉࡅࡍ ࡖࡏࡅࡕࡓࡉࡀ ࡉࡅࡔࡀࡌࡉࡍ ࡄࡍࡉࡕ ࡌࡍ ࡏࡅࡔࡀࡇࡍ ࡅࡎࡕࡀࡄࡀࡐ ࡏࡋ ࡀࡍࡀࡐࡉࡄࡅࡍ ࡍࡀࡐࡋ ࡅ. |
| 32 |
ࡔࡃࡀ ࡏࡋ ࡖࡒࡀࡉࡌࡉࡀ ࡏࡋ ࡋࡉࡂࡓࡀࡉࡄࡅࡍ ࡅࡎࡓࡉࡍ ࡅࡀࡓࡁࡀ ࡀࡋࡉࡐࡀ ࡏࡅࡕࡓࡉࡀ ࡎࡍࡉࡁ ࡋࡒࡅࡃࡀࡌ ࡌࡀࡋࡀࡊ ࡓࡁࡀ ࡌࡈࡅࡍ ࡅࡀࡌࡓࡉࡀ ࡅࡄࡀࡉࡆࡀࡊ ࡕࡋࡀࡕࡌࡀ ࡅࡔࡉࡕࡉࡍ ࡀࡓࡒࡀࡄࡀࡕࡀ ࡖࡏࡋ ࡏࡃࡇ ࡖࡉࡀࡌࡉࡀࡍ ࡖࡌࡀࡋࡀࡊ ࡖࡄࡍࡅࡓࡀ ࡄࡅࡀ ࡎࡐࡉࡒ ࡓࡉࡔࡉࡇ ࡖࡂࡅࡁࡓࡀࡍ ࡅࡌࡀࡋࡀࡊ ࡌࡍ ࡅࡊࡓࡎࡉࡉࡇ ࡒࡀࡌ ࡀࡍࡉࡃࡉࡀ ࡀࡓࡒࡀࡄࡀࡕࡀ ࡅࡀࡍࡒࡔࡀࡍ ࡈࡅࡓࡉࡀ ࡔࡉࡒࡋࡇ ࡌࡉࡇࡍ ࡋࡆࡉࡅࡀ ࡅࡁࡂࡀࡍ ࡄࡉࡉ. |
| 33 |
ࡀ ࡋࡉࡅࡔࡀࡌࡉࡍ ࡒࡓࡀ ࡅࡆࡉࡃࡀ ࡖࡄࡅࡀࡁࡇ ࡁࡏࡅࡓࡑࡇ ࡅࡋࡄࡀࡉࡋࡀ ࡓࡁࡀ ࡅࡒࡓࡀࡁࡀ ࡋࡅࡀࡕ ࡀࡀࡍࡀࡍ ࡏࡌࡇ ࡖࡏࡕࡉࡍࡉࡑࡁ ࡆࡉࡅࡀ ࡌࡉࡀࡍࡉࡅࡍ ࡖࡌࡉࡒࡀࡓ ࡓࡉࡔࡀࡉࡄࡅࡍ ࡖࡁࡇࡍ ࡖࡆࡀࡉࡀࡍ ࡖࡀࡊࡃࡉࡓ ࡌࡍ ࡀࡐࡓࡆࡋࡀ ࡅࡔࡀࡃࡓࡉࡅࡍࡍ ࡋࡕࡔࡉࡌࡀ ࡅࡀࡓࡁࡀ ࡏࡎࡒࡉࡀ ࡀࡋࡌࡀ ࡖࡕࡌࡀࡀࡍࡉࡀ ࡖࡄࡔࡅࡀࡊ ࡌࡉࡕࡉࡒࡓࡉࡀ ࡅࡋࡁࡀࡁࡀ ࡖࡎࡅࡀࡐࡕ ࡀࡅࡕࡁࡅࡉࡀ ࡉࡍࡈࡍࡅࡓࡁࡇ ࡁࡎࡀࡃࡀ ࡓࡁࡀ ࡅࡄࡀࡌࡔࡉࡍ ࡔࡉࡍࡀ. |
| 34 |
ࡀࡋࡌࡀ ࡋࡔࡀࡁࡉࡌࡀ ࡀࡋࡌࡀ ࡖࡓࡁࡉࡀ ࡀࡑࡁࡉࡍ ࡏࡋࡇ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡁࡁࡅࡕࡀ ࡅࡕࡅࡔࡁࡉࡄࡕࡀ ࡖࡀࡍࡔࡐࡀࡉ ࡁࡔࡅࡋࡈࡀࡀࡍ ࡖࡀࡍࡔࡐࡀࡉ ࡅࡉࡊࡋࡀ ࡌࡀࡐࡒࡃࡀࡀࡍ ࡉࡊࡋࡀ ࡖࡌࡀࡋࡉࡊࡀ ࡀࡁࡃࡉࡕ ࡅࡉࡊࡋࡀ ࡌࡋࡀࡋࡅࡊࡍ ࡉࡊࡋࡀ ࡒࡓࡉࡕ ࡅࡉࡊࡋࡀ ࡀࡌࡀࡓࡋࡉࡀ ࡀࡋࡌࡀ ࡖࡋࡀࡒࡓࡉࡕ ࡖࡌࡀࡄࡓࡉࡁࡀࡀࡍ ࡄࡉࡓࡁࡀ ࡅࡎࡉࡀࡐ ࡉࡍࡎࡁࡉࡕ ࡏࡃ. |
| 35 |
ࡀ ࡔࡂࡀࡔࡕࡉࡅࡍࡍ ࡔࡂࡀࡔࡕࡀ ࡅࡔࡉࡊࡀࡍࡕࡀ ࡅࡋࡀࡕࡓࡀࡑ ࡅࡓࡌࡉࡁࡇ ࡁࡏࡌࡓࡅࡌ ࡕࡉࡂࡓࡀ ࡖࡋࡀࡕࡓࡀࡑ ࡋࡒࡀࡋࡀ ࡓࡁࡀ ࡖࡄࡅࡀ ࡌࡕࡀࡒࡀࡍ ࡌࡍ ࡃࡅࡕࡊࡀࡉࡉࡍ ࡄࡀࡎࡓࡉࡅࡍࡍ ࡏࡋ ࡏࡁࡉࡃࡀࡕࡀ ࡖࡋࡀࡁࡅࡍ ࡓࡅࡓࡁࡉࡀ ࡒࡓࡀࡁࡀ ࡌࡍ ࡀࡍࡔࡐࡀࡉ ࡌࡉࡈࡉࡀࡍ ࡅࡀࡉࡕࡉࡕࡇ ࡋࡏࡎࡅࡓࡀ ࡋࡀࡍࡔࡐࡀࡉ ࡀࡀࡍ ࡔࡀࡂࡉࡔࡕ ࡋࡔࡉࡂࡔࡀ ࡋࡉࡅࡔࡀࡌࡉࡍ ࡖࡉࡍࡌࡀࡓࡋࡇ ࡌࡀࡋࡉࡋ ࡍࡀࡑࡁ ࡆࡉࡅࡀ ࡅࡋࡀࡕࡉࡓࡌࡉࡀ ࡕࡉࡂࡓࡀ ࡁࡉ. |
| 36 |
ࡀࡓࡃࡀࡍ ࡋࡀࡅ ࡀࡌࡀࡓࡉࡋࡀࡊ ࡖࡋࡀࡕࡉࡁࡀࡃ ࡓࡅࡂࡆࡀ ࡋࡀࡕࡊࡉࡁࡋࡀࡊ ࡋࡌࡉࡁࡀࡃ ࡒࡓࡀࡁࡀ ࡄࡀࡔࡕࡀ ࡎࡀࡋࡊࡀ ࡒࡓࡅࡊ ࡄࡅࡀ ࡄࡀࡉࡊࡌࡉࡕ ࡄࡅࡉࡕ ࡆࡅࡈࡀ ࡄࡀࡔࡕࡀ ࡋࡁࡀࡁࡀ ࡖࡎࡅࡀࡐࡕ ࡀࡅࡕࡁࡅࡊ ࡄࡅࡀࡋࡀࡊ ࡅࡊࡓࡎࡉࡀ ࡁࡓࡉࡔࡀ ࡖࡌࡍ ࡉࡀࡒࡍࡅࡕࡀࡊ ࡀࡁࡀࡃࡕ ࡀࡄࡓࡉࡁࡕ ࡏࡁࡉࡃࡀࡕࡀ ࡀࡑࡅࡕࡀ ࡋࡀࡃࡀࡅࡀࡓࡕ ࡌࡉࡀࡍࡉࡄࡅࡍ ࡄࡀࡃ ࡖࡌࡍ ࡁࡀࡍࡊ ࡒࡀࡃࡌࡀࡉࡉࡀ ࡔࡀࡉࡍࡕ ࡀࡓࡎࡀࡊ ࡌࡍ ࡃࡅࡕࡊࡀࡉࡅ. |
| 37 |
ࡍ ࡀࡐࡎࡕ ࡀࡓࡒࡀࡊ ࡅࡁࡉࡉࡍࡀࡀࡍࡊ ࡅࡀࡀࡍࡉࡍࡀ ࡌࡉࡀࡍࡊ ࡏࡕࡉࡎࡍࡉࡁ ࡀࡀࡍࡕ ࡏࡕࡉࡍࡉࡑࡁ ࡌࡉࡀࡍࡊ ࡀࡀࡍࡉࡍࡀ ࡖࡒࡀࡃࡌࡀࡉࡉࡀ ࡏࡄࡀࡁࡋࡀࡊ ࡋࡏࡅࡓࡑࡀࡊ ࡏࡕࡉࡎࡍࡉࡁ ࡌࡉࡀࡍࡊ ࡕࡅࡒࡀࡍ ࡒࡀࡃࡌࡀࡉࡀ ࡅࡀࡄࡓࡉࡁࡕ ࡏࡁࡉࡃࡀࡕࡀ ࡖࡄࡅࡀ ࡌࡕࡀࡒࡀࡍࡍ ࡔࡂࡀࡔࡕࡇ ࡋࡒࡉࡀࡍࡊ ࡓࡀࡁࡕࡉࡀ ࡁࡉࡉࡍࡀ ࡌࡀࡋࡉࡊࡀ ࡕࡓࡉࡍ ࡀࡀࡍࡕ ࡁࡊࡀࡔࡕࡇ ࡋࡒࡉࡀࡍ ࡓࡁࡀ ࡅࡃࡉࡀࡍࡊ ࡌࡀࡋࡉࡊࡀ ࡉࡍࡃࡉࡅࡍࡍ ࡋࡀࡌࡉࡔࡕࡓࡉࡀ ࡃࡌ. |
| 38 |
ࡅࡕࡀࡊ ࡌࡉࡔࡕࡉࡓࡉࡀࡕ ࡅࡋࡀࡌࡕࡀࡒࡉࡍ ࡏࡁࡉࡃࡀࡕࡀ ࡖࡌࡎࡀࡃࡓࡀࡍ ࡅࡋࡀࡓࡒࡀ ࡎࡃࡉࡓࡀ ࡓࡁࡀ ࡅࡋࡀࡕࡉࡕ ࡌࡉࡊࡅࡊࡕࡀ ࡋࡏࡅࡓࡑࡀࡊ ࡅࡋࡀࡃࡍࡉࡔࡕ ࡁࡋࡀ ࡃࡉࡀࡍ ࡒࡀࡉࡌࡉࡕ ࡉࡅࡔࡀࡌࡉࡍ ࡅࡄࡅࡌࡊࡕࡀ ࡌࡍ ࡒࡀࡃࡌࡀࡉࡉࡀ ࡋࡀࡁࡉࡕ ࡅࡋࡀࡏࡕࡀࡐࡒࡀࡃࡕ ࡅࡋࡀࡏࡕࡀࡓࡐࡀࡔࡕ ࡅࡀࡓࡐࡀࡔࡀࡕࡀ ࡌࡍ ࡀࡀࡍࡉࡍࡀ ࡋࡀࡁࡉࡕ ࡅࡋࡀࡃࡍࡉࡔࡕ ࡏࡋ ࡕࡅࡒࡀࡍ ࡖࡉࡀࡓࡃࡀࡍ ࡌࡉࡉࡍࡋࡕࡀ ࡖࡌࡀࡋࡀࡊ ࡔࡅࡌࡀ ࡌࡉࡃࡀ ࡉࡀࡃࡉࡕ. |
| 39 |
ࡉࡅࡔࡀࡌࡉࡍ ࡔࡀࡉࡍࡀ ࡖࡋࡀࡎࡀࡀࡊ ࡌࡀࡃࡀࡊࡓ ࡄࡀࡎࡉࡐ ࡗ ࡀࡍࡒࡐࡀ ࡌࡍ ࡅࡐࡌࡇ ࡖࡀࡋࡌࡀ ࡖࡄࡅࡓࡁࡀ ࡖࡀࡋࡀࡐ ࡖࡔࡉࡍࡀ ࡋࡀࡅ ࡉࡀࡃࡉࡕ ࡉࡅࡔࡀࡌࡉࡍ ࡋࡀࡌࡉࡕࡒࡀࡉࡀࡌ ࡗ ࡖࡄࡅࡀ ࡁࡎࡓࡉࡍ ࡅࡀࡓࡁࡀ ࡀࡋࡉࡐࡀ ࡔࡉࡍࡀ ࡅࡀࡀࡍࡕ ࡎࡀࡃࡀ ࡓࡁࡀ ࡁࡋࡉࡂࡓࡀࡊ ࡓࡌࡉࡕ ࡀࡀࡍࡕ ࡔࡉࡕࡋࡀࡊ ࡁࡒࡉࡓࡉࡀ ࡏࡕࡉࡎࡍࡉࡁ ࡅࡀࡊࡓࡉࡅࡕࡀ ࡌࡉࡀࡍࡊ ࡋࡀࡁࡀࡈࡋࡀ ࡀࡍࡉࡐࡔࡉࡕࡉࡅࡍࡍ ࡋࡕࡉࡉࡍࡄࡕࡀ ࡗ ࡌࡉࡀ ࡖࡁࡉࡀࡓࡃࡀࡍ. |
| 40 |
ࡔࡀࡋࡐࡉࡀ ࡕࡓࡀࡕࡑࡇ ࡏࡋ ࡃࡉࡌࡉࡄࡕࡀ ࡁࡀࡉࡀࡍࡊ ࡌࡀࡋࡉࡋ ࡉࡅࡔࡀࡌࡉࡍ ࡋࡍࡀࡑࡁ ࡆࡉࡅࡀ ࡖࡉࡍࡌࡀࡓࡋࡇ ࡄࡀࡔࡕࡀ ࡀࡀࡍ ࡏࡎࡉࡁࡋࡇ ࡅࡋࡀࡏࡔࡉࡁࡒࡇ ࡁࡀࡉࡕࡇ ࡀࡀࡍ ࡋࡀࡊࡓࡉࡅࡕࡀ ࡁࡉࡃࡀࡉ ࡀࡋࡌࡀ ࡖࡅࡊࡋ ࡖࡀࡑࡁࡉࡀ ࡓࡁࡉࡀ ࡀࡁࡃࡉࡀ ࡋࡅࡊࡔࡈࡀ ࡖࡔࡀࡉࡍࡀ ࡅࡏࡀࡍࡈࡓࡇ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡁࡎࡀࡃࡀ ࡅࡓࡅࡂࡆࡀ ࡅࡕࡅࡒࡀࡐ ࡗ ࡄࡀࡔ. |
| 41 |
ࡉࡁ ࡀࡁ ࡉࡅࡔࡀࡌࡉࡍ ࡋࡌࡉࡓࡌࡉࡀ ࡁࡉࡌࡓࡅࡌ ࡕࡉࡂࡓࡀ ࡄࡀࡔࡉࡁ ࡁࡀࡑࡃࡉࡀ ࡓࡁࡀ ࡒࡓࡀࡁࡀ ࡌࡉࡀࡍࡉ ࡄࡀࡆࡉࡍ ࡀࡁࡃࡉࡀ ࡋࡌࡉࡄࡆࡉࡅࡍࡍ ࡋࡄࡉࡉࡀ ࡓࡁࡉࡀ ࡏࡋ ࡕࡉࡂࡓࡀ ࡓࡁࡀ ࡅࡏࡀࡊ ࡓࡌࡀࡋࡇ ࡋࡀࡍࡔࡐࡉࡇ ࡀࡀࡍ ࡄࡀࡔࡕࡀ ࡏࡓࡉࡌࡉࡉࡇ ࡏࡄࡉࡆࡉࡀ ࡖࡌࡉࡀࡍࡉ ࡋࡉࡀࡊ ࡖࡓࡀࡁ ࡏࡅ ࡉࡍࡕࡉࡀ ࡅࡉࡍࡀࡐࡓࡀࡒ ࡌࡉࡀࡍࡉ ࡌࡉࡀࡍࡉ ࡁࡀࡕࡀࡓ ࡄࡍࡅࡓ ࡌࡉࡀࡍࡉ ࡁࡌࡓࡅࡌ ࡌࡉࡀࡀࡊ ࡖࡁࡉࡔ ࡅࡋࡉࡕࡋࡇ ࡎࡀࡀ. |
| 42 |
ࡊ ࡋࡕࡅࡔࡁࡉࡄࡕࡀࡉ ࡀࡀࡍ ࡓࡀࡁࡀࡍ ࡅࡓࡀࡁ ࡆࡉࡅࡀࡉ ࡄࡉࡉࡀ ࡓࡁࡉࡀ ࡏࡃࡀ ࡅࡀࡌࡀࡓ ࡗ ࡄࡀࡆࡉࡍ ࡀࡌࡀࡓ ࡉࡅࡔࡀࡌࡉࡍ ࡖࡉࡅࡔࡀࡌࡉࡍ ࡄࡅࡎࡓࡀࡀࡍ ࡏࡎࡊࡉࡀ ࡏࡋ ࡏࡁࡉࡃࡀࡕࡀ ࡅࡕࡊࡀࡁ ࡏࡂࡍࡉࡓࡕࡀ ࡅࡔࡀࡃࡀࡓࡋࡇ ࡒࡓࡀࡋࡇ ࡋࡌࡀࡃࡍࡀ ࡖࡄࡉࡉࡀ ࡅࡀࡌࡀࡓࡋࡇ ࡄࡆࡉࡀ ࡁࡆࡉࡅࡇ ࡌࡏ ࡀࡊࡁࡉࡓ ࡏࡋࡇ ࡅࡆࡀࡄࡓࡅࡉࡀ ࡁࡆࡀࡄࡀࡓࡕࡀ ࡓࡀࡁࡕࡉࡀ ࡅࡌࡀࡋࡀࡊ ࡖࡄࡍࡅࡓࡀ ࡓࡂࡀࡆ ࡏࡋࡀࡉ ࡅࡋࡀࡉࡍࡌࡀࡓ ࡖࡎࡉࡉࡍࡀࡍ. |
| 43 |
ࡁࡍࡀࡈ ࡓࡁࡀ ࡀࡋࡌࡀ ࡋࡁࡉࡕ ࡉࡅࡔࡀࡌࡉࡍ ࡌࡈࡀ ࡌࡀࡎࡂࡉࡀ ࡅࡀࡕࡉࡀ ࡌࡀࡃࡍࡀ ࡖࡄࡉࡉࡀ ࡌࡀࡋࡉࡋ ࡌࡀࡃࡍࡀ ࡖࡄࡉࡉࡀ ࡋࡉࡅࡔࡀࡌࡉࡍ ࡖࡉࡍࡌࡀࡓࡋࡇ ࡌࡀࡈࡅࡉࡀ ࡁࡉࡕ ࡉࡅࡔࡀࡌࡉࡍ ࡌࡈࡀ ࡀࡋࡌࡀ ࡖࡌࡉࡕࡀࡀࡍࡔࡐࡀ ࡄࡅࡉࡕ ࡗ ࡀࡀࡍࡕ ࡋࡀࡄࡅࡉࡕ ࡓࡁࡀ ࡋࡌࡀࡄࡅ ࡀࡍࡒࡔࡉࡕ ࡏࡋࡇ ࡒࡓࡀࡁࡀ ࡋࡀࡄࡅࡉࡕ ࡓࡁࡀ ࡀࡀࡍࡕ ࡉࡅࡔࡀࡌࡉࡍ ࡖࡁࡆࡀࡉࡀࡍ ࡖࡓࡁࡉࡀ ࡌࡉࡕࡎࡓࡉࡕ ࡀࡉࡒࡀࡋࡉࡀ ࡅࡀࡊࡓࡉࡀࡋࡉࡀ ࡏࡋࡀࡊ ࡅࡀ. |
| 44 |
ࡃࡍࡀࡔࡀࡕࡀࡊ ࡀࡊࡁࡓࡀࡍ ࡏࡋࡀࡊ ࡔࡀࡋࡌࡀࡍ ࡁࡀࡅࡀࡕࡀࡊ ࡅࡃࡉࡌࡉࡄࡕࡀ ࡌࡉࡀࡍࡊ ࡋࡀࡓࡒࡀ ࡀࡍࡄࡕࡀ ࡅࡌࡀࡔࡍࡉࡀࡕࡋࡇ ࡋࡅࡐࡂࡃࡀࡌࡀࡊ ࡁࡀࡓࡒࡀ ࡔࡓࡉࡁࡇ ࡁࡉࡅࡔࡀࡌࡉࡍ ࡀࡀࡍ ࡀࡌࡀࡓࡀࡍࡋࡇ ࡁࡌࡓࡅࡌࡀ ࡖࡀࡌࡀࡓࡋࡉࡀ ࡀࡀࡍ ࡀࡌࡀࡓࡀࡍ ࡉࡅࡔࡀࡌࡉࡍ ࡒࡓࡉࡕ ࡀࡅࡊࡀࡕ ࡖࡀࡌࡀࡓࡉࡅࡍ ࡏࡋࡇ ࡁࡁࡉࡕࡍࡀࡊ ࡅࡋࡀࡔࡓࡀࡓࡀ ࡁࡌࡉࡌࡓࡀࡊ ࡋࡉࡀࡊ ࡅࡊࡔࡈࡀ ࡌࡀࡋࡉࡋ ࡉࡅࡔࡀࡌࡉࡍ ࡖࡉࡍࡌࡀࡓࡋࡇ ࡗ ࡄࡀࡆࡉࡍ ࡀࡌࡀࡓ. |
| 45 |
ࡌࡀࡃࡍࡀ ࡖࡄࡉࡉࡀ ࡋࡀࡅ ࡔࡂࡀࡃࡍࡀ ࡄࡅࡉࡕ ࡔࡀࡃࡓࡅࡊ ࡅࡀࡕࡉࡕ ࡅࡁࡀࡈࡉࡋࡕࡉࡅࡍࡍ ࡋࡌࡉࡌࡓࡀࡊ ࡌࡄࡀࡉࡕࡀࡊ ࡁࡌࡄࡉࡕࡀ ࡓࡀࡁࡕࡉࡀ ࡅࡁࡈࡉࡋ ࡄࡍࡅࡓࡀࡊ ࡖࡒࡀࡉࡌࡀࡕࡁࡇ ࡅࡋࡀࡃࡀࡍ ࡆࡉࡅࡀࡊ ࡄࡀࡆࡉࡋࡇ ࡌࡀࡃࡍࡀ ࡖࡄࡉࡉࡀ ࡋࡉࡅࡔࡀࡌࡉࡍ ࡗ ࡄࡀࡆࡉࡍ ࡉࡅࡔࡀࡌࡉࡍ ࡄࡀࡆࡉࡍ ࡅࡄࡀࡉࡆࡀࡊ ࡉࡅࡔࡀࡌࡉࡍ ࡁࡔࡉࡊࡕࡍࡇ ࡒࡍࡉࡔ ࡋࡄࡀࡉࡋࡇ ࡖࡍࡉࡐࡔ ࡖࡀࡁࡀࡄࡀࡕࡇ ࡁࡉࡓࡅࡊࡉࡀ ࡀࡐࡓࡒࡎࡀ ࡁࡂࡀࡅࡇ ࡓࡌࡀࡍ ࡎࡊࡉ. |
| 46 |
ࡕ ࡆࡉࡅࡇ ࡅࡂࡀࡁࡓࡀ ࡂࡀࡁࡓࡀ ࡋࡀࡔࡀࡉࡍࡉࡍࡍ ࡋࡌࡉࡌࡓࡀ ࡖࡌࡀࡋࡉࡊࡀ ࡀࡌࡀࡓ ࡀࡀࡍ ࡅࡏࡅࡕࡓࡉࡀ ࡀࡄࡀࡉ ࡅࡄࡀࡉࡆࡀࡊ ࡅࡄࡉࡉࡀ ࡆࡀࡉࡊࡍ ࡎࡀ ࡅࡄࡉࡉࡀ ࡆࡀࡉࡊࡍ ࡁࡓࡉࡊ ࡔࡅࡌࡇ ࡖࡌࡀࡃࡍࡀ ࡖࡄࡉࡉࡀ ࡎࡀ ࡉࡅࡔࡀࡌࡉࡍ ࡌࡍ ࡅࡊࡓࡎࡉࡇ ࡒࡀࡌ ࡁࡉࡅࡌࡀ ࡖࡀࡓࡐࡉࡔࡋࡇ ࡌࡀࡓࡀ ࡋࡉࡅࡔࡀࡌࡉࡍ ࡅࡋࡀࡍࡉࡐࡀ ࡌࡀࡃࡍࡀ ࡖࡄࡉࡉࡀ ࡍࡀࡐࡒ ࡅࡀࡌࡀࡓࡋࡇ ࡉࡅࡔࡀࡌࡉࡍ ࡒࡀࡌ ࡌࡍ ࡅࡊࡓࡎࡉࡇ ࡖࡏࡅࡕࡓࡉࡀ ࡖࡏࡋࡀࡅࡀ. |
| 47 |
ࡉࡀࡍ ࡃࡉࡍࡀ ࡁࡓࡉࡊ ࡆࡉࡅࡀࡊ ࡌࡀࡋࡀࡊ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡆࡉࡅࡀ ࡅࡄࡍࡅࡓࡀ ࡅࡂࡀࡋࡀࡋࡕࡀ ࡗ ࡏࡕࡄࡀࡔࡁࡉࡕ ࡀࡀࡍ ࡉࡅࡔࡀࡌࡉࡍ ࡌࡉࡕࡀࡓࡐࡀࡔࡀࡍ ࡁࡂࡉࡆࡍࡀ ࡒࡀࡃࡌࡀࡉࡀ ࡅࡀࡓࡐࡀࡔࡀࡕࡀ ࡖࡎࡀࡀࡊ ࡋࡉࡕࡋࡇ ࡌࡉࡕࡀࡓࡐࡀࡔࡀࡍ ࡌࡉࡁࡀࡃ ࡒࡓࡀࡁࡀ ࡁࡓࡅࡓࡁࡉࡀ ࡅࡁࡌࡀࡋࡀࡋࡕࡀ ࡖࡏࡄࡀࡁࡋࡉࡀ ࡀࡁ ࡅࡆࡉࡄࡉࡓࡀ ࡉࡍࡎࡁࡉࡕ ࡋࡏࡅࡓࡑ. |
| 48 |
ࡀࡉ ࡓࡅࡉࡀࡀࡍ ࡎࡍࡀࡁࡕࡇ ࡋࡓࡅࡂࡆࡀ ࡌࡍ ࡄࡉࡉࡀ ࡒࡀࡃࡌࡀࡉࡉࡀ ࡅࡌࡍ ࡄࡉࡉࡀ ࡕࡉࡉࡍࡀࡉࡍࡀ ࡏࡌࡓࡉࡕ ࡖࡏࡁࡀࡃ ࡒࡓࡀࡁࡀ ࡖࡌࡍ ࡋࡀࡒࡀࡃࡌࡉࡀ ࡄࡅࡍ ࡅࡌࡍ ࡄࡉࡉࡀ ࡅࡌࡀࡓࡂࡅࡔ ࡒࡓࡀࡁࡀ ࡏࡁࡀࡃ ࡕࡉࡂࡓࡀ ࡏࡁࡀࡃ ࡁࡄࡍࡅࡓࡀ ࡒࡓࡀࡁࡀ ࡓࡁࡀ ࡖࡍࡉࡐࡔ ࡅࡎࡀࡀࡊ ࡋࡉࡕࡋࡇ ࡁࡂࡀࡅࡀࡉࡄࡅࡍ ࡖࡉࡀࡓࡃࡉࡍࡀ ࡏࡁࡀࡃ ࡌࡉࡃࡍࡀࡌ ࡖࡎࡉࡍࡀ ࡋࡀࡀࡊࡔࡀࡓ ࡀࡁࡀࡃ ࡆࡉࡁࡀࡍ ࡒࡀࡃࡌࡀࡉࡀ ࡗ ࡏࡕࡄࡀࡔࡀࡁ ࡉࡅࡔࡀࡌࡉ. |
| 49 |
ࡍ ࡖࡀࡍࡔࡐࡀ ࡖࡏࡄࡀࡁࡋࡉࡀ ࡅࡄࡀࡉࡆࡀࡊ ࡏࡅࡕࡓࡉࡀ ࡁࡀࡃࡍࡀࡔࡀࡕࡀ ࡖࡓࡅࡂࡆࡀ ࡋࡁࡉࡔ ࡄࡉࡓࡁࡀ ࡌࡀࡊࡎࡀࡉ ࡔࡂࡀࡃࡍࡀ ࡔࡀࡃࡀࡓࡉࡉࡅࡍ ࡏࡋࡇ ࡓࡁࡉࡀ ࡀࡅࡕࡁࡅࡉࡀ ࡏࡋ ࡉࡅࡔࡀࡌࡉࡍ ࡁࡎࡀࡃࡀ ࡓࡁࡀ ࡔࡂࡀࡃࡍࡀ ࡖࡀࡕࡉࡀ ࡏࡋࡇ ࡏࡂࡍࡉࡓࡕࡀ ࡖࡌࡀࡋࡀࡊ ࡀࡋࡌࡀ ࡖࡓࡁࡉࡀ ࡀࡑࡁࡉࡍ ࡏࡋࡇ ࡔࡋࡀࡌࡀ ࡏࡋࡇ ࡋࡀࡔࡀࡋࡉࡌ ࡀࡌࡀࡓࡋࡇ ࡔࡂࡀࡃࡍࡀ ࡖࡀࡕࡉࡇ ࡋࡏࡂࡍࡉࡓࡕࡀ ࡒࡅࡌ ࡌࡍ ࡅࡊࡓࡎࡉࡀࡊ ࡅࡌࡉࡓࡕࡀ ࡔࡃࡀ. |
| 50 |
ࡒࡅࡃࡀࡌࡇ ࡄࡀࡅࡒࡀ ࡄࡅࡀࡋࡇ ࡌࡍ ࡏࡅࡓࡑࡇ ࡅࡏࡋ ࡀࡓࡒࡀ ࡏࡕࡉࡁ ࡅࡀࡌࡀࡓ ࡒࡀࡌ ࡌࡍ ࡅࡊࡓࡎࡉࡉࡇ ࡀࡌࡉࡈࡍࡅࡋ ࡖࡌࡀࡋࡀࡊ ࡁࡓࡅࡂࡆࡀ ࡔࡀࡃࡀࡓ ࡏࡋࡇ ࡌࡀࡍ ࡓࡀࡌࡉࡀ ࡏࡎࡒࡉࡀ ࡁࡉࡅࡔࡀࡌࡉࡍ ࡅࡏࡎࡒࡉࡀ ࡁࡉࡀࡌࡉࡇࡍ ࡓࡌࡀ ࡉࡅࡀࡊࡔࡀࡓ ࡒࡀࡌ ࡌࡍ ࡅࡊࡓࡎࡉࡉࡇ ࡖࡉࡍࡌࡀࡓࡋࡇ ࡋࡅࡐࡌࡇ ࡅࡋࡔࡂࡀࡃࡍࡀ ࡉࡅࡔࡀࡌࡉࡍ ࡉࡐࡄࡕࡇ ࡅࡋࡀࡔࡕࡉࡋࡀࡊ ࡁࡀࡊࡎࡀ ࡌࡉࡀࡍࡉ ࡄࡀࡉࡊࡌࡀ ࡖࡋࡀࡄࡆࡉࡋࡀࡊ ࡃࡌࡅࡕࡀࡉ ࡅ. |
| 51 |
ࡁࡉࡕࡍࡀࡉ ࡅࡋࡀࡂࡃࡉࡋࡀࡊ ࡋࡊࡉࡋࡀ ࡅࡋࡀࡕࡓࡉࡋࡑࡀࡊ ࡁࡓࡉࡔࡀࡊ ࡄࡀࡉࡊࡌࡀ ࡖࡋࡀࡏࡉࡊࡋࡀࡊ ࡉࡐࡄࡕࡀ ࡌࡍ ࡀࡐࡕࡅࡓࡀࡉ ࡅࡀࡑࡅࡕࡀࡉ ࡋࡀࡔࡓࡉࡀ ࡏࡋࡀࡊ ࡄࡀࡉࡊࡌࡀ ࡖࡋࡀࡄࡆࡉࡋࡀࡊ ࡃࡌࡅࡕࡀࡉ ࡅࡋࡉࡅࡔࡀࡌࡉࡍ ࡖࡉࡍࡌࡀࡓࡋࡇ ࡔࡂࡀࡃࡍࡀ ࡏࡋ ࡅࡐࡌࡇ ࡉࡐࡄࡕࡇ ࡌࡀࡋࡀࡊ ࡁࡓࡅࡂࡆࡀ ࡔࡀࡃࡀࡓ ࡏࡋࡀࡊ ࡋࡀࡕࡉࡌࡀࡓ ࡖࡀࡀࡍ ࡁࡀࡍࡔࡐࡀࡉ ࡀࡕࡉࡕ ࡏࡋࡀࡊ ࡈࡅࡁࡀ ࡉࡍࡄࡅࡕࡀ ࡌࡍ ࡂࡅࡁࡓࡉࡀ ࡅࡋࡀࡌࡉࡑࡀࡍ ࡖࡏࡌࡀ. |
| 52 |
ࡓࡋࡇ ࡏࡋ ࡉࡅࡔࡀࡌࡉࡍ ࡗ ࡁࡅࡑࡁࡉࡀࡀࡍ ࡖࡁࡉࡔࡉࡀ ࡋࡀࡁࡃࡉࡀ ࡓࡁࡅࡕࡀ ࡎࡍࡀࡁ ࡈࡀࡁࡉࡀ ࡓࡁࡉࡀ ࡀࡒࡓࡇ ࡅࡁࡉࡉࡍࡀࡇࡍ ࡉࡅࡔࡀࡌࡉࡍ ࡎࡍࡀࡁ ࡓࡁࡅࡕࡀ ࡅࡀࡀࡍࡇࡍ ࡋࡆࡅࡁࡉࡀ ࡀࡍࡒࡐࡀࡍ ࡌࡉࡕࡀࡐࡎࡀࡎࡉࡀ ࡁࡇࡍ ࡁࡒࡉࡓࡉࡀ ࡀࡆࡋࡉࡀ ࡅࡏࡁࡉࡃࡀࡕࡇ ࡌࡉࡔࡕࡀࡌࡓࡀࡍ ࡆࡉࡅࡇ ࡅࡕࡅࡒࡇࡍ ࡄࡀࡔࡅࡊ ࡋࡃࡀࡓࡃࡀࡓࡉࡀ ࡋࡀࡌࡉࡔࡕࡓࡉࡀ ࡖࡔࡁࡀࡒ ࡌࡀࡋࡀࡊ ࡓࡅࡂࡆࡀ ࡋࡁࡀࡁࡀ ࡖࡎࡅࡀࡐࡕ ࡀࡆࡋࡉࡕ ࡀࡀࡍࡕ ࡉࡅࡔࡀࡌ. |
| 53 |
ࡉࡍ ࡉࡀࡕࡁࡉࡕ ࡕࡀࡂࡀ ࡖࡓࡁࡉࡀ ࡏࡄࡀࡁࡋࡀࡊ ࡌࡉࡔࡒࡀࡋ ࡌࡉࡔࡕࡒࡉࡋ ࡏࡒࡀࡓࡀ ࡌࡉࡀࡍࡊ ࡅࡕࡓࡉࡑ ࡄࡔࡅࡀࡊ ࡁࡁࡉࡕࡍࡀࡊ ࡌࡉࡔࡒࡀࡋ ࡌࡉࡔࡕࡒࡉࡋ ࡕࡅࡒࡀࡍ ࡌࡉࡀࡍࡊ ࡅࡀࡊࡓࡎࡀࡅࡀࡕࡀࡊ ࡎࡓࡉࡒࡉࡀ ࡄࡀࡅࡉࡍ ࡀࡒࡓࡉࡀ ࡖࡁࡀࡍࡊ ࡌࡉࡕࡀࡐࡎࡀࡎࡉࡀ ࡏࡕࡍࡀࡊ ࡖࡌࡀࡎࡒࡀ ࡒࡉࡀࡍࡊ ࡋࡃࡀࡓࡃࡀࡓࡉࡀ ࡀࡋࡌࡀ ࡖࡓࡁࡉࡀ ࡀࡑࡁࡉࡍ ࡏࡋࡀࡊ ࡌࡀࡔࡉࡐࡋࡉࡋࡇ ࡋࡒࡉࡀࡍ ࡖࡅࡊࡋࡄࡅࡍ ࡏࡅࡔࡇࡍ ࡋࡀࡄࡀࡅࡉࡀ ࡆࡀࡅࡀ. |
| 54 |
ࡖࡀࡍࡔࡐࡀࡊ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡄࡍࡅࡓࡀ ࡖࡉࡀࡕࡉࡓ ࡁࡀࡋࡌࡀ ࡒࡀࡋࡀ ࡁࡉࡀࡓࡃࡀࡍ ࡀࡕࡀࡋࡉࡀ ࡋࡂࡉࡅࡀࡕ ࡏࡒࡀࡓࡀ ࡌࡉࡆࡋࡇ ࡍࡀࡑࡁ ࡆࡉࡅࡀ ࡀࡕࡀ ࡌࡍ ࡀࡓࡒࡀ ࡖࡀࡉࡀࡓ ࡁࡀࡁࡀ ࡖࡉࡍࡌࡀࡓࡋࡇ ࡋࡀࡔࡂࡀࡃࡍࡀ ࡖࡀࡍࡈࡀࡓ ࡅࡌࡀࡈࡉࡀ ࡋࡂࡉࡅࡀࡕ ࡏࡒࡀࡓࡀ ࡖࡍࡀࡑࡁ ࡆࡉࡅࡀ ࡁࡁࡀࡁࡀ ࡒࡀࡉࡉࡌ ࡏࡆࡉࡋ ࡔࡂࡀࡃࡍࡀ ࡅࡀࡌࡀࡓࡋࡇ ࡋࡌࡀࡋࡀ. |
| 55 |
ࡊ ࡓࡁࡀ ࡀࡄࡁࡀࡋࡇ ࡁࡅࡊࡔࡈࡀ ࡉࡀࡕࡉࡓ ࡄࡀࡆࡉࡍ ࡔࡅࡕࡀ ࡖࡀࡍࡒࡐࡀ ࡌࡍ ࡅࡐࡌࡇ ࡔࡂࡀࡃࡍࡀ ࡀࡆࡀࡋ ࡅࡓࡅࡀࡄࡀ ࡏࡕࡉࡒࡓࡉࡀ ࡋࡄࡉࡋ ࡅࡌࡀࡋࡀࡊ ࡖࡄࡍࡅࡓࡀ ࡋࡀࡔࡂࡀࡃࡍࡀ ࡋࡀࡄࡆࡉࡇ ࡒࡀࡌ ࡒࡅࡃࡀࡌࡇ ࡖࡌࡀࡋࡀࡊ ࡖࡄࡍࡅࡓࡀ ࡖࡌࡀࡋࡀࡊ ࡅࡌࡀࡋࡀࡊ ࡖࡄࡍࡅࡓࡀ ࡋࡔࡂࡀࡃࡍࡀ ࡋࡀࡄࡉࡆࡉࡇ ࡄࡃࡀ ࡆࡉࡁࡀࡍ ࡎࡂࡉࡃ ࡔࡂࡀࡃࡍࡀ ࡀࡒࡀࡌࡇ ࡖࡌࡀࡋࡀࡊ ࡅࡌࡀࡋࡀࡊ ࡖࡄࡍࡅࡓࡀ ࡋࡀࡔࡂࡀࡃࡍࡀ ࡋࡀࡄࡉࡆࡉࡇ ࡕࡓࡉࡍ ࡆࡉ. |
| 56 |
ࡁࡉࡍࡀ ࡎࡂࡉࡃ ࡔࡂࡀࡃࡍࡀ ࡀࡒࡀࡌࡇ ࡅࡋࡌࡀࡋࡀࡊ ࡓࡁࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡔࡂࡀࡃࡍࡀ ࡁࡁࡀࡁࡀ ࡒࡀࡉࡉࡌ ࡅࡁࡀࡉࡉࡀ ࡓࡅࡀࡄࡀ ࡌࡍ ࡁࡉࡕࡍࡀࡊ ࡍࡀࡑࡁ ࡆࡉࡅࡀ ࡁࡓࡇ ࡖࡉࡅࡔࡀࡌࡉࡍ ࡅࡋࡔࡂࡀࡃࡍࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡌࡀࡋࡀࡊ ࡖࡄࡍࡅࡓࡀ ࡕࡐࡀࡋࡇ ࡅࡉࡍࡕࡉࡓࡅࡑࡍ ࡋࡉࡂࡓࡇ ࡕࡐࡀ ࡁࡀࡁࡀ ࡁࡆࡉࡅࡀ ࡀࡔࡂࡀࡃࡍࡀ ࡕࡐࡀ ࡁࡀࡁࡀ ࡁࡆࡉࡅࡀ ࡁࡔࡓࡀࡓࡀ ࡌࡍ ࡓࡉࡔ ࡁࡓࡉࡔ ࡌࡀࡋࡉࡋ ࡍࡀࡑࡁ ࡆࡉࡅࡀ ࡅࡋ. |
| 57 |
ࡌࡀࡋࡀࡊ ࡖࡉࡍࡌࡀࡓࡋࡇ ࡆࡉࡅࡀ ࡕࡓࡉࡑ ࡍࡀࡑࡁ ࡅࡔࡅࡕࡀࡊ ࡀࡍࡔࡐࡀ ࡅࡋࡀࡁࡀࡈࡋࡀ ࡉࡍࡄࡉࡕ ࡅࡁࡀࡎࡉࡌࡉࡕ ࡅࡄࡍࡅࡓࡀࡊ ࡅࡏࡓࡅࡕࡀࡊ ࡀࡍࡔࡐࡀ ࡅࡋࡀࡁࡀࡈࡋࡀ ࡆࡉࡅࡀࡊ ࡀࡍࡈࡀࡓ ࡁࡔࡉࡃࡒࡀ ࡅࡋࡀࡔࡅࡕࡀࡀࡐ ࡁࡔࡅࡋࡈࡀࡀࡍࡊ ࡋࡉࡕࡋࡀࡊ ࡄࡀࡁࡓࡀ ࡁࡕࡀࡂࡀࡊ ࡀࡊࡀࡍ ࡖࡎࡀࡀࡊ ࡋࡉࡕࡋࡇ ࡉࡀࡃࡅࡉࡀ ࡀࡀࡍࡕ ࡖࡏࡒࡀࡓࡀ ࡖࡌࡂࡀࡋࡉࡋࡀࡊ ࡏࡋ ࡀࡓࡐࡀࡔࡀࡕࡀ ࡖࡎࡀࡀࡊ ࡋࡉࡕࡋࡀࡉࡉࡍ ࡀࡐࡓࡅࡀࡒࡍࡀ ࡀࡀࡍࡕ ࡖࡏࡒࡀ. |
| 58 |
ࡓࡀ ࡅࡅࡊࡋࡄࡅࡍ ࡏࡁࡉࡃࡀࡕࡀࡊ ࡃࡉࡋࡀࡊ ࡀࡉࡍࡍ ࡌࡀࡁࡑࡅࡕࡀࡊ ࡁࡉࡀࡓࡃࡀࡍ ࡕࡓࡉࡀࡑ ࡅࡉࡍࡄࡅࡕࡀ ࡕࡉࡔࡓࡉࡀ ࡋࡏࡅࡓࡑࡀࡊ ࡏࡅ ࡏࡌࡀࡓࡋࡀࡊ ࡋࡀࡕࡉࡓࡂࡀࡆ ࡅࡁࡅࡈࡋࡀࡀࡍ ࡋࡉࡕࡋࡇ ࡔࡀࡉࡍࡀ ࡀࡑࡅࡕࡀࡊ ࡖࡌࡄࡀࡔࡁࡉࡕ ࡅࡌࡔࡀࡌࡀࡓ ࡁࡆࡀࡉࡀࡍ ࡌࡍ ࡃࡀࡓࡉࡀ ࡂࡀࡁࡓࡀ ࡖࡌࡍ ࡀࡒࡓࡇ ࡌࡀࡀࡐࡒ ࡅࡀࡀࡍࡇࡍ ࡁࡈࡉࡁࡍࡀ ࡒࡀࡄࡀࡃࡓࡀࡍ ࡁࡇࡍ ࡁࡒࡉࡓࡉࡀ ࡂࡈࡉࡋࡉࡀ ࡌࡔࡀࡌࡓࡀࡍ ࡌࡍ ࡃࡅࡕࡊࡀࡉࡄࡉࡍ ࡉࡀࡓࡃࡇࡍ. |
| 59 |
ࡔࡂࡉࡔࡉࡀ ࡅࡔࡉࡊࡀࡍࡕࡇ ࡁࡁࡀࡁࡀ ࡖࡎࡅࡀࡐࡕ ࡕࡓࡉࡑ ࡀࡐࡎ ࡃࡀࡅࡓࡇ ࡅࡁࡉࡉࡍࡀࡇࡍ ࡅࡅࡊࡓࡎࡉࡉࡇ ࡅࡕࡉࡉࡍࡄࡕࡀ ࡓࡌࡉࡋࡇ ࡏࡋ ࡏࡅࡓࡑࡇ ࡌࡔࡀࡂࡔࡉࡀ ࡀࡋࡌࡇ ࡁࡔࡉࡁࡉࡀ ࡔࡁࡉࡉࡀ ࡏࡉࡀࡄࡍࡇ ࡅࡏࡉࡊࡇࡍ ࡋࡏࡅࡓࡑࡇ ࡏࡋ ࡃࡅࡕࡊࡇ ࡏࡅ ࡁࡀࡉࡉࡕ ࡁࡄࡀࡔࡀࡁࡕࡀ ࡃࡉࡋࡀࡊ ࡅࡔࡅࡌࡀࡊ ࡃࡉࡋࡀࡊ ࡏࡉࡀࡃࡀࡊࡓ ࡏࡋࡇ ࡕࡓࡅࡋࡑࡇ ࡉࡀࡃࡀࡕࡀ ࡁࡌࡀࡁࡑࡅࡕࡀࡊ ࡖࡌࡍ ࡔࡅࡌࡀࡊ ࡃࡉࡋࡀࡊ ࡋࡀࡏࡔࡕࡁࡉࡒ ࡉࡍࡄࡅࡉ. |
| 60 |
ࡀ ࡅࡉࡍࡃࡀ ࡉࡅࡔࡀࡌࡉࡍ ࡄࡍࡀ ࡅࡏࡕࡉࡀࡁࡅࡕࡀ ࡄࡅࡀࡕ ࡏࡋ ࡏࡅࡓࡑࡇ ࡌࡀࡋࡀࡊ ࡖࡄࡍࡅࡓࡀ ࡖࡓࡂࡉࡆ ࡄࡃࡀࡁࡇ ࡁࡍࡀࡑࡁ ࡆࡉࡅࡀ ࡌࡍ ࡓࡉࡔ ࡁࡓࡉࡔ ࡗ ࡄࡀࡆࡉࡍ ࡔࡅࡌࡀ ࡌࡀࡋࡀࡊ ࡖࡄࡍࡅࡓࡀ ࡅࡋࡌࡀࡋࡀࡊ ࡖࡄࡍࡅࡓࡀ ࡖࡉࡍࡌࡀࡓࡋࡇ ࡌࡀࡃࡍࡀ ࡖࡄࡉࡉࡀ ࡒࡀࡌ ࡌࡍ ࡅࡊࡓࡎࡉࡉࡇ ࡋࡀࡌࡔࡀࡋࡀࡈࡋࡀࡊ ࡖࡌࡉࡕࡀࡁ ࡏࡋࡇ ࡂࡀࡁࡓࡀ ࡖࡌࡀࡀࡐࡒ ࡌࡍ ࡀࡓࡒࡇ ࡅࡔࡉࡊࡕࡍࡇ ࡋࡌࡀࡃࡍࡀ ࡖࡄࡉࡉࡀ ࡖࡉࡍࡌࡀࡓࡋࡇ ࡗ ࡄࡀࡆ. |
| 61 |
ࡉࡍ ࡔࡅࡌࡀ ࡌࡀࡋࡀࡊ ࡖࡄࡍࡅࡓࡀ ࡋࡀࡔࡉࡄࡉࡕ ࡋࡅࡀࡕ ࡉࡅࡔࡀࡌࡉࡍ ࡀࡀࡍࡕ ࡌࡍ ࡉࡅࡌࡀࡊ ࡒࡀࡃࡌࡀࡉࡀ ࡀࡌࡉࡈࡍࡅࡋ ࡖࡀࡀࡍࡀࡍ ࡌࡍ ࡒࡉࡇࡍ ࡁࡉࡕ ࡅࡋࡀࡏࡄࡀࡁࡋࡀࡊ ࡌࡍ ࡉࡅࡌࡀࡊ ࡒࡀࡃࡌࡀࡉࡀ ࡎࡀࡉࡍࡀࡕࡋࡇ ࡋࡏࡅࡓࡑࡀࡊ ࡋࡃࡀࡓࡃࡀࡓࡉࡀ ࡋࡀࡌࡉࡔࡕࡓࡉࡀ ࡋࡂࡉࡈࡀࡕࡋࡇ ࡋࡒࡉࡀࡍ ࡓࡁࡀ ࡅࡀࡀࡊࡃࡍࡉࡕ ࡋࡒࡉࡀࡍ ࡋࡂࡉࡈࡀࡕࡋࡇ ࡌࡍ ࡃࡀࡓࡉࡀ ࡀࡐࡉࡎࡉࡕ ࡅࡌࡀࡄࡓࡉࡁࡉࡕ ࡃࡀࡅࡓࡇ ࡗ ࡖࡁࡉࡅࡔࡀࡌࡉࡍ ࡏࡕࡁࡉࡃࡁ. |
| 62 |
ࡇ ࡌࡀࡍ ࡏࡕࡁࡉࡃࡁࡇ ࡌࡍ ࡒࡀࡃࡌࡀࡉࡉࡀ ࡅࡌࡍ ࡀࡊࡆࡍࡀࡋࡀ ࡖࡓࡁࡉࡀ ࡏࡄࡀࡁࡋࡇ ࡂࡀࡁࡓࡀ ࡖࡌࡀࡀࡐࡒ ࡌࡍ ࡀࡓࡒࡇ ࡋࡀࡃࡀࡅࡓࡇ ࡌࡉࡀࡍࡉࡄࡅࡍ ࡄࡃࡀ ࡌࡍ ࡁࡇࡍ ࡒࡀࡃࡌࡀࡉࡉࡀ ࡅࡀࡀࡍࡇࡍ ࡁࡈࡉࡁࡍࡀ ࡒࡀࡎࡀࡂࡉࡀࡍ ࡀࡌࡀࡓࡋࡇ ࡋࡍࡀࡑࡁ ࡆࡉࡅࡀ ࡅࡄࡀࡉࡆࡀࡊ ࡌࡀࡋࡀࡊ ࡖࡄࡍࡅࡓࡀ ࡖࡁࡕࡅࡒࡀࡍ ࡋࡂࡉࡈࡀࡕࡋࡇ ࡖࡏࡂࡀࡋࡉࡋࡀࡊ ࡓࡀࡆࡉࡀ ࡅࡄࡅࡅࡊࡌࡕࡀ ࡖࡋࡐࡉࡂࡀࡋࡀࡊ ࡏࡋ ࡏࡅࡓࡑࡀࡊ ࡋࡉࡓࡐࡉࡔࡅࡕࡀࡊ ࡖࡌࡍ ࡀ. |
| 63 |
ࡁࡀࡄࡀࡕࡀࡊ ࡄࡅࡉࡕ ࡅࡉࡀࡒࡉࡓࡀ ࡒࡉࡀࡍ ࡖࡌࡉࡇࡍ ࡉࡀࡒࡉࡓࡉࡕ ࡅࡉࡀࡒࡉࡓࡀ ࡉࡀࡓࡃࡀࡍࡊ ࡋࡀࡊࡀࡍ ࡖࡌࡉࡇࡍ ࡄࡅࡉࡕ ࡀࡍࡔࡐࡀ ࡏࡕࡋࡀࡊ ࡉࡍࡄࡅࡕࡀ ࡋࡀࡁࡅࡊ ࡅࡀࡄࡍࡇ ࡏࡋ ࡋࡉࡁࡇ ࡋࡎࡀࡌࡇࡊ ࡀࡌࡈࡉࡋࡇ ࡅࡐࡂࡃࡀࡌࡉࡀ ࡉࡍࡄࡉࡀ ࡁࡈࡀࡁࡅࡕࡀ ࡏࡕࡉࡌࡋࡅࡍ ࡏࡋࡀࡊ ࡅࡀࡌࡀࡓࡋࡇ ࡖࡄࡉࡉࡀ ࡓࡁࡉࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔ. |
| 64 |
ࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡋࡌࡀࡍ ࡏࡌࡀࡓࡋࡇ ࡌࡀࡌࡋࡀ ࡄࡃࡀ ࡋࡌࡀࡍ ࡏࡒࡓࡉࡀ ࡖࡉࡍࡉࡍࡀࡍ ࡖࡋࡀࡔࡀࡉࡍࡀ ࡖࡀࡌࡀࡓࡀࡍ ࡀࡀࡍ ࡋࡌࡀࡍ ࡏࡌࡀࡓ ࡌࡀࡌࡋࡀ ࡅࡋࡀࡃࡀࡌࡀࡓࡉࡋࡇ ࡌࡀࡌࡋࡀࡉ ࡔࡅࡌࡀ ࡋࡀࡃࡉࡒࡓࡉࡋࡇ ࡏࡉࡍࡀࡍ ࡅࡉࡊࡁࡓࡀࡕ ࡅࡀࡊࡁࡓࡀ ࡏࡋࡀࡉ ࡍࡉࡐࡔ ࡀࡊࡀࡑࡕ ࡅࡀࡊࡁࡓࡀࡋࡉࡀ ࡅࡌࡊࡀ ࡁࡕࡉࡉࡍࡄࡕࡀ ࡏࡕࡉࡁࡀࡍ ࡌࡊࡀ ࡏࡕࡉࡁ ࡋࡁࡀࡁࡀ ࡖࡎࡅࡀࡐࡕ ࡅࡄࡀࡋࡉࡍ ࡌࡀࡑࡅࡐࡈࡉࡀࡕࡀࡉ ࡌ. |
| 65 |
ࡉࡕࡀࡐࡎࡒࡀࡍ ࡋࡏࡌࡀࡕ ࡉࡍࡔࡕࡓࡉࡀ ࡕࡉࡂࡓࡀࡉ ࡁࡀࡕࡀࡓ ࡄࡍࡅࡓ ࡅࡌࡀࡄࡅ ࡏࡁࡃࡉࡕ ࡌࡀࡄࡅ ࡄࡈࡉࡕ ࡁࡏࡌࡓࡅࡌࡀ ࡖࡋࡉࡀࡊ ࡏࡉࡍࡔ ࡖࡀࡁࡀࡃ ࡌࡀࡄࡅ ࡏࡁࡃࡉࡕ ࡌࡍ ࡏࡅࡁࡀࡃࡉࡀ ࡅࡀࡊࡀࡑࡋࡇ ࡏࡋ ࡋࡉࡁࡀࡉ ࡄࡀࡔࡕࡀ ࡀࡊࡀࡑࡋࡉࡀ ࡏࡋ ࡕࡀࡓࡁࡀࡉࡑࡀ ࡀࡍࡀࡐࡉ ࡌࡊࡀ ࡏࡕࡀࡀࡍ ࡅࡀࡊࡀࡑࡋࡅࡍ ࡖࡋࡀࡉࡍࡓࡅࡍ ࡌࡀࡍ ࡗ ࡃࡉࡋࡉࡀ ࡃࡀࡌࡉࡀ ࡌࡊࡀ ࡉࡍࡔࡃࡅࡍ ࡃࡉࡌࡉࡄࡕࡀ ࡅࡋࡉࡕࡋࡇ ࡏࡋ ࡒࡀࡋࡀࡉ ࡀࡉࡍࡀ. |
| 66 |
ࡖࡁࡇࡍ ࡅࡊࡋࡄࡅࡍ ࡏࡔࡕࡀࡌࡀࡓ ࡖࡀࡍࡂࡍࡀࡓࡉࡀ ࡄࡉࡃࡓࡅࡉࡀ ࡅࡔࡀࡃࡉࡅࡉࡀ ࡃࡀࡌࡉࡀࡍ ࡏࡋ ࡀࡓࡆࡀ ࡓࡀࡌࡀ ࡌࡉࡉࡍࡋࡉࡀ ࡖࡁࡉࡋࡃࡁࡀࡁࡀࡉ ࡄࡉࡃࡓࡅࡍ ࡏࡋࡀࡉ ࡗ ࡀࡓࡆࡀ ࡖࡄࡃࡉࡓࡋࡇ ࡀࡐࡓࡆࡋࡀ ࡅࡋࡀࡓࡀࡄࡌࡀࡉ ࡖࡓࡀࡄࡌࡅࡕࡀࡉ ࡀࡃࡀࡊࡓ ࡋࡀࡀࡄࡀࡉ ࡖࡀࡊࡓࡉࡅࡕࡀ ࡀࡉࡐࡁࡊࡅࡍ ࡅࡌࡉࡄࡋࡀࡉ ࡅࡀࡊࡎࡀࡉ ࡀࡔࡀࡃ ࡖࡔࡐࡀࡈࡉࡋࡇ ࡅࡊࡔࡈࡀ ࡅࡋࡀࡃࡀࡓࡊࡉࡀ ࡌࡍ ࡉࡅࡌࡀࡉ ࡄࡀࡃ ࡏࡉࡍࡔࡉࡅࡉࡀ ࡋࡉࡅࡌࡀ ࡖࡄࡀࡌࡓ. |
| 67 |
ࡀࡉ ࡃࡉࡓࡉࡊࡀ ࡀࡍࡄࡋࡉࡀ ࡅࡌࡊࡀ ࡉࡍࡄࡕࡉࡕ ࡌࡊࡀ ࡎࡉࡋࡒࡉࡕ ࡈࡅࡓࡉࡀ ࡓࡀࡌࡉࡀ ࡅࡕࡓࡉࡍ ࡀࡋࡉࡐࡀ ࡀࡐࡕࡅࡓࡀࡉ ࡓࡐࡀࡕ ࡀࡋࡀࡐ ࡄࡅࡋࡉࡀ ࡓࡀࡄࡌࡉࡀ ࡅࡋࡀࡄࡅࡀࡋࡉࡀ ࡖࡁࡏࡃࡀࡉ ࡋࡂࡀࡈ ࡄࡀࡔࡕࡀ ࡖࡏࡄࡉࡒࡋࡉࡕ ࡁࡋࡉࡂࡓࡀࡉ ࡖࡀࡀࡍ ࡄࡀࡀࡊ ࡉࡀࡕࡉࡁࡀࡍ ࡀࡀࡍ ࡌࡀࡄࡅ ࡉࡅࡌࡀ ࡖࡏࡌࡓࡉࡕ ࡌࡍ ࡏࡅࡕࡓࡉࡀ ࡋࡀࡎࡁࡓࡀࡍ ࡋࡉࡁࡀࡉ ࡋࡀࡂࡀࡋࡉࡋࡉࡀ ࡅࡏࡉࡍࡔ ࡅࡁࡀࡍࡉ ࡁࡒࡉࡓࡉࡀ ࡌࡉࡕࡀࡍࡎࡁࡉࡀ ࡄࡀࡋࡉࡍ. |
| 68 |
ࡀࡒࡓࡀࡉ ࡌࡉࡕࡀࡐࡎࡀࡎࡉࡀ ࡅࡔࡂࡀࡃࡍࡀࡉ ࡁࡉࡄࡃࡀࡃࡉࡀ ࡋࡀࡂࡀࡉࡎࡉࡀ ࡄࡀࡓࡁࡀ ࡔࡉࡊࡕࡍࡀࡉ ࡌࡀࡎࡂࡉࡀࡍ ࡁࡄࡉࡉࡐࡀ ࡗ ࡖࡌࡔࡀࡋࡌࡀࡍ ࡄࡀࡋࡉࡍ ࡀࡀࡍࡀࡍࡉ ࡓࡂࡉࡂࡀࡕࡀ ࡋࡉࡁࡀࡉ ࡁࡉࡁࡋࡉࡀ ࡅࡌࡀࡋࡉࡀ ࡀࡍࡕࡓࡀ ࡄࡀࡆࡉࡍ ࡁࡊࡀࡎࡕࡀࡉ ࡌࡀࡊࡓࡅࡀࡎࡕࡀࡉ ࡌࡀࡋࡉࡋ ࡌࡀࡃࡍࡀ ࡖࡄࡉࡉࡀ ࡖࡉࡍࡌࡀࡓࡋࡇ ࡗ ࡄࡀࡆࡉࡍ ࡀࡌࡀࡓ ࡉࡅࡔࡀࡌࡉࡍ ࡅࡈࡀࡁࡉࡃ ࡖࡎࡉࡍࡀ ࡌࡀࡔࡀࡊ ࡖࡁࡉࡔ ࡈࡀࡁࡉࡃ ࡈࡀࡁ ࡈࡀࡁ ࡌࡀࡔࡀࡊ ࡆ. |
| 69 |
ࡉࡅࡀࡊ ࡋࡀࡔࡀࡍ ࡌࡍ ࡃࡅࡕࡊࡇ ࡏࡅ ࡀࡀࡍࡕ ࡄࡀࡅࡉࡕ ࡌࡉࡊࡀࡊ ࡔࡀࡉࡐࡓ ࡀࡕࡓࡀ ࡖࡉࡀࡕࡁࡀࡕࡁࡇ ࡄࡀࡔࡕࡀ ࡖࡀࡀࡍࡕ ࡄࡀࡔࡉࡁࡕ ࡁࡉࡔࡅࡕࡀ ࡌࡀࡋࡉࡋ ࡉࡅࡔࡀࡌࡉࡍ ࡖࡉࡍࡌࡀࡓࡋࡇ ࡗ ࡄࡀࡆࡉࡍ ࡀࡌࡀࡓ ࡌࡀࡃࡍࡀ ࡖࡄࡉࡉࡀ ࡁࡄࡀࡆࡉࡍ ࡀࡎࡀࡓࡀ ࡁࡓ ࡀࡀࡍ ࡉࡀࡃࡀࡀࡍ ࡖࡌࡀࡍ ࡖࡏࡎࡓࡀࡍ ࡌࡉࡀࡍࡉ ࡕࡉࡄࡃࡀࡓ ࡏࡋࡀࡉ ࡌࡉࡄࡃࡀࡓ ࡖࡏࡋࡀࡅ ࡀࡊࡃࡉࡓ ࡏࡋࡀࡉ ࡆࡀࡉࡀࡍ ࡅࡃࡒࡀࡋࡉࡋ ࡅࡀࡐࡎࡉࡕ ࡈࡅࡓࡉࡀ ࡅࡊࡋࡄࡅ. |
| 70 |
ࡍ ࡂࡉࡄࡓࡉࡕ ࡁࡂࡄࡀࡓࡕࡀࡉ ࡓࡀࡁࡕࡉࡀ ࡖࡄࡀࡃ ࡋࡄࡀࡁࡓࡇ ࡋࡀࡌࡈࡀ ࡀࡁࡀࡃࡉࡋࡅࡍ ࡏࡋ ࡁࡉࡋࡃࡁࡀࡁࡀࡉ ࡖࡁࡅࡕࡀ ࡄࡀࡅࡉࡀ ࡏࡋࡀࡉ ࡏࡋࡀࡅ ࡖࡄࡀࡅࡉࡀ ࡉࡅࡌࡀ ࡅࡊࡓࡎࡉࡀࡉ ࡌࡉࡕࡓࡉࡑ ࡏࡅ ࡄࡀࡅࡉࡀ ࡄࡀࡆࡉࡍ ࡖࡈࡀࡁࡉࡀ ࡄࡀࡅࡉࡀ ࡋࡁࡉࡔࡉࡀ ࡀࡐࡓࡀࡀࡍ ࡋࡓࡀࡔࡉࡅࡕࡀ ࡖࡉࡀࡃࡀࡀࡍ ࡖࡋࡀࡉࡉࡕ ࡁࡀࡋࡄࡅࡃࡀࡉ ࡄࡉࡉࡍࡋࡀ ࡎࡌࡉࡋࡊࡉࡀ ࡎࡉࡌࡀࡀࡊ ࡖࡓࡅࡓࡁࡉࡀ ࡖࡌࡉࡕࡀࡅࡆࡉࡉࡐࡀ ࡏࡋ ࡃࡉࡓࡃࡒࡉࡀ ࡀࡀࡍ ࡔࡌࡉ. |
| 71 |
ࡋࡉࡀ ࡌࡍ ࡀࡁ ࡅࡀࡁࡀࡄࡀࡕࡀ ࡋࡀࡎࡀࡉࡍࡀ ࡁࡉࡍࡀ ࡅࡃࡉࡓࡃࡒࡉࡀ ࡌࡉࡔࡕࡀࡉࡉࡋࡉࡀ ࡁࡄࡀࡈࡀࡉࡅࡍ ࡄࡉࡉࡀ ࡓࡁࡉࡀ ࡄࡃࡅࡍ ࡏࡋ ࡌࡀࡋࡀࡋࡇ ࡗ ࡄࡀࡆࡉࡍ ࡀࡌࡀࡓ ࡉࡅࡔࡀࡌࡉࡍ ࡀࡍࡈࡓࡀ ࡖࡉࡀࡕࡉࡁ ࡁࡅࡊࡋ ࡀࡕࡀࡓ ࡀࡕࡀࡓ ࡔࡀࡃࡓࡅࡉࡀ ࡋࡍࡀࡑࡁ ࡆࡉࡅࡀ ࡖࡋࡉࡀࡊ ࡏࡉࡍࡔ ࡖࡀࡁࡀࡃ ࡌࡀࡄࡅ ࡏࡁࡃࡉࡕ ࡌࡍ ࡏࡅࡁࡀࡃࡉࡀ ࡅࡀࡊࡀࡑࡋࡇ ࡏࡋ ࡋࡉࡁࡀࡉ ࡄࡀࡔࡕࡀ ࡀࡊࡀࡑࡋࡉࡀ ࡏࡋ ࡕࡀࡓࡁࡀࡉࡑࡀ ࡀࡍࡀࡐࡉ ࡌ. |
| 72 |
ࡊࡀ ࡏࡕࡀࡀࡍ ࡅࡀࡊࡀࡑࡋࡅࡍ ࡖࡋࡀࡉࡍࡓࡅࡍ ࡌࡀࡍ ࡗ ࡃࡉࡋࡉࡀ ࡃࡀࡌࡉࡀ ࡌࡊࡀ ࡉࡍࡔࡃࡅࡍ ࡃࡉࡌࡉࡄࡕࡀ ࡅࡋࡉࡕࡋࡇ ࡏࡋ ࡒࡀࡋࡀࡉ ࡀࡉࡍࡀ ࡖࡁࡇࡍ ࡅࡊࡋࡄࡅࡍ ࡏࡔࡕࡀࡌࡀࡓ ࡖࡀࡍࡂࡍࡀࡓࡉࡀ ࡄࡉࡃࡓࡅࡉࡀ ࡅࡔࡀࡃࡉࡅࡉࡀ ࡃࡀࡌࡉࡀࡍ ࡏࡋ ࡀࡓࡆࡀ ࡓࡀࡌࡀ ࡌࡉࡉࡍࡋࡉࡀ ࡖࡁࡉࡋࡃࡁࡀࡁࡀࡉ ࡄࡉࡃࡓࡅࡍ ࡏࡋࡀࡉ ࡗ ࡀࡓࡆࡀ ࡖࡄࡃࡉࡓࡋࡇ ࡀࡐࡓࡆࡋࡀ ࡅࡋࡀࡓࡀࡄࡌࡀࡉ ࡖࡓࡀࡄࡌࡅࡕࡀࡉ ࡀࡃࡀࡊࡓ ࡋࡀࡀࡄࡀࡉ ࡖࡀࡊࡓࡉࡅࡕࡀ ࡀ. |
| 73 |
ࡉࡐࡁࡊࡅࡍ ࡅࡌࡉࡄࡋࡀࡉ ࡅࡀࡊࡎࡀࡉ ࡀࡔࡀࡃ ࡖࡔࡐࡀࡈࡉࡋࡇ ࡅࡊࡔࡈࡀ ࡅࡋࡀࡃࡀࡓࡊࡉࡀ ࡌࡍ ࡉࡅࡌࡀࡉ ࡄࡀࡃ ࡏࡉࡍࡔࡉࡅࡉࡀ ࡋࡉࡅࡌࡀ ࡖࡄࡀࡌࡓࡀࡉ ࡃࡉࡓࡉࡊࡀ ࡀࡍࡄࡋࡉࡀ ࡅࡌࡊࡀ ࡉࡍࡄࡕࡉࡕ ࡌࡊࡀ ࡎࡉࡋࡒࡉࡕ ࡈࡅࡓࡉࡀ ࡓࡀࡌࡉࡀ ࡅࡕࡓࡉࡍ ࡀࡋࡉࡐࡀ ࡀࡐࡕࡅࡓࡀࡉ ࡓࡐࡀࡕ ࡀࡋࡀࡐ ࡄࡅࡋࡉࡀ ࡓࡀࡄࡌࡉࡀ ࡅࡋࡀࡄࡅࡀࡋࡉࡀ ࡖࡁࡏࡃࡀࡉ ࡋࡂࡀࡈ ࡄࡀࡔࡕࡀ ࡖࡏࡄࡉࡒࡋࡉࡕ ࡁࡋࡉࡂࡓࡀࡉ ࡖࡀࡀࡍ ࡄࡀࡀࡊ ࡉࡀࡕࡉࡁࡀࡍ ࡀࡀࡍ ࡌ. |
| 74 |
ࡀࡄࡅ ࡉࡅࡌࡀ ࡖࡏࡌࡓࡉࡕ ࡌࡍ ࡏࡅࡕࡓࡉࡀ ࡋࡀࡎࡁࡓࡀࡍ ࡋࡉࡁࡀࡉ ࡋࡀࡂࡀࡋࡉࡋࡉࡀ ࡅࡏࡉࡍࡔ ࡅࡁࡀࡍࡉ ࡁࡒࡉࡓࡉࡀ ࡌࡉࡕࡀࡍࡎࡁࡉࡀ ࡄࡀࡋࡉࡍ ࡀࡒࡓࡀࡉ ࡌࡉࡕࡀࡐࡎࡀࡎࡉࡀ ࡅࡔࡂࡀࡃࡍࡀࡉ ࡁࡉࡄࡃࡀࡃࡉࡀ ࡋࡀࡂࡀࡉࡎࡉࡀ ࡄࡀࡓࡁࡀ ࡔࡉࡊࡕࡍࡀࡉ ࡌࡀࡎࡂࡉࡀࡍ ࡁࡄࡉࡉࡐࡀ ࡗ ࡖࡌࡔࡀࡋࡌࡀࡍ ࡄࡀࡋࡉࡍ ࡀࡀࡍࡀࡍࡉ ࡓࡂࡉࡂࡀࡕࡀ ࡋࡉࡁࡀࡉ ࡁࡉࡁࡋࡉࡀ ࡅࡌࡀࡋࡉࡀ ࡀࡍࡕࡓࡀ ࡄࡀࡆࡉࡍ ࡁࡊࡀࡎࡕࡀࡉ ࡌࡀࡊࡓࡅࡀࡎࡕࡀࡉ ࡌࡀࡋࡉࡋ ࡌࡀ. |
| 75 |
ࡃࡍࡀ ࡖࡄࡉࡉࡀ ࡖࡉࡍࡌࡀࡓࡋࡇ ࡗ ࡄࡀࡆࡉࡍ ࡀࡌࡀࡓ ࡉࡅࡔࡀࡌࡉࡍ ࡅࡈࡀࡁࡉࡃ ࡖࡎࡉࡍࡀ ࡌࡀࡔࡀࡊ ࡖࡁࡉࡔ ࡈࡀࡁࡉࡃ ࡈࡀࡁ ࡈࡀࡁ ࡌࡀࡔࡀࡊ ࡆࡉࡅࡀࡊ ࡋࡀࡔࡀࡍ ࡌࡍ ࡃࡅࡕࡊࡇ ࡏࡅ ࡀࡀࡍࡕ ࡄࡀࡅࡉࡕ ࡌࡉࡊࡀࡊ ࡔࡀࡉࡐࡓ ࡀࡕࡓࡀ ࡖࡉࡀࡕࡁࡀࡕࡁࡇ ࡄࡀࡔࡕࡀ ࡖࡀࡀࡍࡕ ࡄࡀࡔࡉࡁࡕ ࡁࡉࡔࡅࡕࡀ ࡌࡀࡋࡉࡋ ࡉࡅࡔࡀࡌࡉࡍ ࡖࡉࡍࡌࡀࡓࡋࡇ ࡗ ࡄࡀࡆࡉࡍ ࡀࡌࡀࡓ ࡌࡀࡃࡍࡀ ࡖࡄࡉࡉࡀ ࡁࡄࡀࡆࡉࡍ ࡀࡎࡀࡓࡀ ࡁࡓ ࡀࡀࡍ ࡉࡀࡃࡀࡀࡍ ࡖ. |
| 76 |
ࡌࡀࡍ ࡖࡏࡎࡓࡀࡍ ࡌࡉࡀࡍࡉ ࡕࡉࡄࡃࡀࡓ ࡏࡋࡀࡉ ࡌࡉࡄࡃࡀࡓ ࡖࡏࡋࡀࡅ ࡀࡊࡃࡉࡓ ࡏࡋࡀࡉ ࡆࡀࡉࡀࡍ ࡅࡃࡒࡀࡋࡉࡋ ࡅࡀࡐࡎࡉࡕ ࡈࡅࡓࡉࡀ ࡅࡊࡋࡄࡅࡍ ࡂࡉࡄࡓࡉࡕ ࡁࡂࡄࡀࡓࡕࡀࡉ ࡓࡀࡁࡕࡉࡀ ࡖࡄࡀࡃ ࡋࡄࡀࡁࡓࡇ ࡋࡀࡌࡈࡀ ࡀࡁࡀࡃࡉࡋࡅࡍ ࡏࡋ ࡁࡉࡋࡃࡁࡀࡁࡀࡉ ࡖࡁࡅࡕࡀ ࡄࡀࡅࡉࡀ ࡏࡋࡀࡉ ࡏࡋࡀࡅ ࡖࡄࡀࡅࡉࡀ ࡉࡅࡌࡀ ࡅࡊࡓࡎࡉࡀࡉ ࡌࡉࡕࡓࡉࡑ ࡏࡅ ࡄࡀࡅࡉࡀ ࡄࡀࡆࡉࡍ ࡖࡈࡀࡁࡉࡀ ࡄࡀࡅࡉࡀ ࡋࡁࡉࡔࡉࡀ ࡀࡐࡓࡀࡀࡍ ࡋࡓࡀࡔࡉࡅࡕࡀ. |
| 77 |
ࡖࡉࡀࡃࡀࡀࡍ ࡖࡋࡀࡉࡉࡕ ࡁࡀࡋࡄࡅࡃࡀࡉ ࡄࡉࡉࡍࡋࡀ ࡎࡌࡉࡋࡊࡉࡀ ࡎࡉࡌࡀࡀࡊ ࡖࡓࡅࡓࡁࡉࡀ ࡖࡌࡉࡕࡀࡅࡆࡉࡉࡐࡀ ࡏࡋ ࡃࡉࡓࡃࡒࡉࡀ ࡀࡀࡍ ࡔࡌࡉࡋࡉࡀ ࡌࡍ ࡀࡁ ࡅࡀࡁࡀࡄࡀࡕࡀ ࡋࡀࡎࡀࡉࡍࡀ ࡁࡉࡍࡀ ࡅࡃࡉࡓࡃࡒࡉࡀ ࡌࡉࡔࡕࡀࡉࡉࡋࡉࡀ ࡁࡄࡀࡈࡀࡉࡅࡍ ࡄࡉࡉࡀ ࡓࡁࡉࡀ ࡄࡃࡅࡍ ࡏࡋ ࡌࡀࡋࡀࡋࡇ ࡗ ࡄࡀࡆࡉࡍ ࡀࡌࡀࡓ ࡉࡅࡔࡀࡌࡉࡍ ࡀࡍࡈࡓࡀ ࡖࡉࡀࡕࡉࡁ ࡁࡅࡊࡋ ࡀࡕࡀࡓ ࡀࡕࡀࡓ ࡔࡀࡃࡓࡅࡉࡀ ࡋࡍࡀࡑࡁ ࡆࡉࡅࡀ ࡀࡌࡀࡓࡋ. |
| 78 |
ࡇ ࡅࡀࡎࡌࡉࡋࡊࡇ ࡋࡉࡁࡇ ࡏࡋ ࡎࡀࡌࡇࡊ ࡏࡆࡉࡋ ࡋࡅࡀࡕ ࡉࡅࡔࡀࡌࡉࡍ ࡅࡀࡌࡀࡓࡋࡇ ࡋࡀࡉࡍࡔࡉࡁࡒࡀࡊ ࡁࡀࡋࡄࡅࡃࡀࡊ ࡖࡀࡀࡍࡕ ࡌࡍ ࡉࡍࡅࡑࡁࡕࡀࡍ ࡔࡉࡊࡕࡍࡀࡊ ࡌࡕࡀࡒࡀࡍ ࡁࡆࡉࡅࡀ ࡅࡏࡒࡀࡓࡀ ࡋࡀࡕࡉࡌࡀࡓ ࡖࡁࡀࡋࡄࡅࡃࡀࡉ ࡀࡀࡍ ࡅࡀࡒࡓࡀࡊ ࡅࡁࡉࡉࡍࡀࡀࡍࡊ ࡌࡉࡕࡀࡓࡌࡉࡀ ࡗ ࡖࡄࡅࡍ ࡅࡔࡂࡀࡃࡍࡀࡊ ࡁࡔࡉࡊࡕࡍࡀࡊ ࡀࡍࡈࡓࡉࡀ ࡁࡀࡍࡊ ࡌࡉࡕࡒࡀࡉࡌࡉࡋࡀࡊ ࡅࡌࡉࡕࡒࡉࡓࡉࡉࡕ ࡌࡀࡋࡀࡊ ࡁࡔࡉࡊࡕࡍࡀࡊ ࡅࡊࡓࡎࡉࡀࡊ. |
| 79 |
ࡌࡉࡕࡀࡒࡀࡍ ࡅࡌࡉࡕࡓࡉࡑ ࡗ ࡖࡄࡅࡀ ࡀࡎࡂࡉࡀ ࡋࡅࡀࡕ ࡉࡅࡔࡀࡌࡉࡍ ࡀࡕࡀ ࡗ ࡄࡀࡆࡉࡍ ࡔࡅࡌࡀ ࡍࡀࡑࡁ ࡆࡉࡅࡀ ࡔࡅࡌࡀ ࡌࡀࡋࡀࡋࡀࡉ ࡖࡀࡌࡀࡓࡀࡍ ࡀࡀࡍ ࡀࡌࡀࡓࡋࡇ ࡉࡀ ࡉࡅࡔࡀࡌࡉࡍ ࡅࡋࡀࡕࡀࡉࡉࡋ ࡄࡀࡎࡉࡓࡅࡕࡀ ࡏࡋ ࡏࡅࡓࡑࡀࡊ ࡋࡀࡕࡉࡓࡉࡍࡀ ࡅࡋࡀࡕࡉࡀࡊࡅࡀ ࡄࡀࡉࡆࡉࡍ ࡌࡁࡀࡈࡋࡀࡕࡋࡇ ࡓࡅࡓࡁࡉࡀ ࡀࡋࡌࡀ ࡖࡏࡕࡉࡕࡋࡇ ࡏࡋ ࡌࡉࡄࡅࡉࡀ ࡋࡅࡀࡕ ࡉࡅࡔࡀࡌࡉࡍ ࡏࡆࡉࡋ ࡀࡀࡍ ࡔࡀࡃࡓࡅࡍ ࡓࡁࡉࡀ ࡅࡀࡌࡀࡓࡅࡋࡉ. |
| 80 |
ࡀ ࡖࡀࡍࡄࡍࡉࡓࡉࡅࡍࡍ ࡋࡏࡅࡕࡓࡇ ࡅࡊࡋࡄࡅࡍ ࡀࡄࡍࡀ ࡋࡉࡅࡔࡀࡌࡉࡍ ࡅࡀࡌࡀࡓࡋࡇ ࡅࡉࡍࡃࡀ ࡖࡀࡋࡅࡀࡕࡀࡍ ࡌࡉࡕࡓࡉࡑ ࡉࡍࡎࡕࡌࡉࡊ ࡅࡉࡍࡌࡀࡓ ࡅࡉࡍࡕࡌࡀࡀࡊࡊ ࡌࡉࡉࡍࡋࡕࡀ ࡖࡔࡓࡀࡓࡀ ࡔࡅࡌࡀ ࡄࡀࡔࡕࡀ ࡀࡀࡍࡕ ࡉࡅࡔࡀࡌࡉࡍ ࡅࡎࡉࡈࡀࡓ ࡌࡍ ࡌࡓࡉࡃࡅࡕࡀ ࡄࡅࡉࡀ ࡔࡅࡌࡀ ࡋࡉࡍࡄࡅࡕࡀ ࡅࡆࡉࡒࡀ ࡁࡀࡎࡉࡌࡀ ࡀࡍࡔࡉࡌ ࡏࡋࡀࡊ ࡄࡀࡔࡕࡀ ࡀࡓࡒࡀ ࡎࡓࡅࡕࡀ ࡌࡍ ࡔࡉࡊࡕࡍࡀࡊ ࡅࡋࡓࡉࡃࡀࡐ ࡄࡀࡉࡆࡀࡊ ࡌࡀࡔࡍࡉࡀࡕࡋࡇ. |
| 81 |
ࡀࡕࡉࡀ ࡀࡉࡀࡓ ࡃࡀࡉࡊࡀ ࡅࡄࡀࡅࡉࡕ ࡌࡀࡋࡀࡊ ࡁࡀࡋࡌࡀࡊ ࡕࡀࡒࡉࡍࡕ ࡅࡀࡍࡄࡓࡉࡕ ࡅࡌࡉࡕࡒࡀࡉࡌࡉࡕ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡆࡅࡈࡀ ࡁࡕࡉࡁࡉࡋ ࡌࡀࡍ ࡒࡓࡀࡍ ࡏࡌࡓࡉࡕ ࡖࡏࡄࡅࡉࡀ ࡓࡁࡀ ࡅࡊࡓࡎࡉࡀࡉ ࡀࡋࡌࡀ ࡖࡀࡔࡋࡐࡅࡍ ࡌࡍ ࡏࡌࡓࡉࡕ ࡖࡏࡄࡅࡉࡀ ࡌࡀࡋࡀࡊ ࡅࡔࡀࡓࡀࡕ ࡏࡌ ࡎࡀࡍࡕࡀࡍ ࡎࡉࡉࡍࡀࡍ ࡁࡍࡀࡈ ࡓࡁࡀ ࡄࡅࡓࡁࡀ ࡌࡉࡈࡉࡇ ࡋࡔࡉࡊࡕࡍࡀࡉ ࡀࡄࡓࡉࡁ. |
| 82 |
ࡕࡉࡅࡍࡍ ࡋࡀࡋࡌࡀࡉ ࡀࡋࡌࡀ ࡌࡓࡉࡃࡀ ࡒࡓࡅࡍ ࡗ ࡉࡍࡄࡀ ࡀࡄࡅࡉࡕ ࡅࡌࡉࡊࡀࡊ ࡀࡋࡌࡀ ࡖࡌࡀࡓࡉࡀ ࡄࡅࡎࡓࡀࡀࡍ ࡒࡓࡅࡍ ࡗ ࡔࡉࡋࡌࡅࡍ ࡀࡀࡍ ࡔࡀࡋࡌࡀࡀࡍ ࡀࡋࡌࡀ ࡎࡍࡉࡎࡀ ࡁࡀࡋࡌࡀ ࡒࡓࡅࡍ ࡗ ࡔࡊࡉࡓࡀ ࡄࡅࡉࡕ ࡅࡌࡀࡊࡔࡓࡀ ࡀࡋࡌࡀ ࡖࡁࡃࡀࡍࡁ ࡀࡋࡌࡉࡀ ࡀࡅࡕࡁࡅࡍ ࡗ ࡌࡀࡋࡀࡊ ࡄࡅࡉࡕ ࡁࡓࡉࡔ ࡀࡋࡌࡉࡀ ࡖࡄࡍࡅࡓࡀ ࡅࡀࡀࡍ ࡁࡎࡀࡃࡀ ࡀࡍࡈࡀࡓࡀࡍ ࡀࡅࡕࡁࡅࡍ ࡁࡃࡀࡍࡁ ࡀࡋࡌࡉࡀ ࡅࡉࡍࡄࡀ ࡌࡉࡀࡍࡉ ࡏࡒࡓࡉࡀ. |
| 83 |
ࡀࡋࡌࡀ ࡖࡒࡓࡅࡍ ࡌࡓࡉࡃࡀ ࡀࡋࡌࡀ ࡌࡀࡓࡉࡀ ࡒࡀࡓࡉࡀ ࡒࡓࡅࡍ ࡗ ࡌࡀࡋࡀࡊ ࡄࡅࡉࡕ ࡁࡀࡋࡌࡉࡀ ࡖࡓࡉࡈࡀࡍ ࡖࡀࡀࡍࡉࡍࡀ ࡔࡀࡌࡀ ࡄࡀࡉࡃࡉࡍ ࡅࡄࡀࡉࡃࡉࡍ ࡕࡉࡌࡉࡈࡉࡇ ࡋࡅࡊࡋ ࡂࡀࡁࡓࡀ ࡌࡉࡔࡕࡉࡐࡋ ࡌࡉࡇࡍ ࡌࡍ ࡀࡋࡌࡀ ࡀࡐࡎ ࡏࡅࡕࡓࡀ ࡖࡔࡀࡌࡀ ࡓࡉࡈࡀࡍࡉࡅࡍ ࡖࡀࡀࡍࡉࡍࡀ ࡀࡋࡌࡀ ࡖࡕࡌࡀࡀࡍࡉࡀ ࡒࡓࡅࡍ ࡗ ࡓࡐࡉࡔࡀࡉࡀ ࡄࡅࡉࡕ ࡌࡍ ࡏࡅࡕࡓࡉࡀ ࡅࡆࡉࡅࡀࡉ ࡃࡓࡅࡉࡀ ࡖࡔࡉࡓࡉࡅࡉࡀ ࡋࡄࡍࡅࡓࡀ ࡌࡉࡀࡍ. |
| 84 |
ࡉ ࡀࡋࡌࡀ ࡅࡀࡎࡓࡅࡍ ࡁࡀࡎࡀࡓࡀ ࡃࡅࡕࡊࡀ ࡔࡒࡀࡋࡅࡅࡍࡍ ࡋࡏࡅࡈࡑࡋࡀࡉ ࡌࡉࡀࡍࡉ ࡅࡀࡉࡀࡍࡉ ࡁࡀࡉࡀࡍࡉࡅࡍ ࡋࡀࡀࡍࡋࡐࡀ ࡖࡁࡀࡉࡉࡅࡍࡍ ࡋࡀࡁࡀࡄࡀࡕࡀࡉ ࡅࡆࡀࡅࡀࡉ ࡁࡀࡉࡀࡍࡉ ࡋࡀࡀࡍࡋࡐࡀ ࡁࡀࡉࡉࡀࡍ ࡋࡆࡀࡅࡀࡉ ࡄࡉࡅࡍࡍ ࡁࡀࡉࡀࡍࡉ ࡋࡀࡀࡍࡋࡐࡉࡀ ࡁࡀࡉࡉࡀࡍ ࡋࡏࡅࡕࡓࡉࡀ ࡁࡀࡍࡉ ࡀࡀࡍ ࡁࡀࡉࡊࡀࡍ ࡌࡍ ࡀࡍࡔࡐࡀࡉ ࡗ ࡀࡊࡀࡑࡋࡉࡀ ࡅࡀࡊࡁࡓࡀࡋࡉࡀ ࡖࡀࡁࡀࡃࡉࡅࡍ ࡄࡅࡎࡓࡀࡀࡍ ࡌࡍ ࡅࡊࡋࡄࡅࡍ ࡏࡅࡕࡓࡉࡀ. |
| 85 |
ࡄࡅࡎࡓࡀࡀࡍ ࡋࡀࡁࡃࡉࡕ ࡀࡀࡍ ࡔࡉࡋࡌࡅࡍ ࡀࡋࡌࡀ ࡖࡀࡔࡋࡐࡅࡍ ࡌࡍ ࡅࡊࡓࡎࡉࡀࡉ ࡗ ࡉࡍࡄࡀ ࡀࡒࡀࡌࡇ ࡖࡌࡀࡋࡀࡊ ࡀࡄࡅࡉࡕ ࡅࡋࡉࡔࡀࡀࡍࡉ ࡄࡅࡀࡋࡉࡀ ࡓࡉࡃࡀࡐ ࡅࡀࡉ ࡃࡉࡋࡉࡀ ࡖࡅࡐࡌࡀࡉ ࡀࡔࡋࡐࡀࡍ ࡓࡀࡃࡀࡉࡉࡀ ࡒࡓࡅࡍ ࡁࡏࡎࡅࡓࡀ ࡀࡅࡕࡁࡅࡍ ࡀࡔࡋࡐࡅࡍ ࡌࡍ ࡅࡊࡓࡎࡉࡀࡉ ࡅࡁࡀࡒࡀࡓࡀ ࡖࡅࡐࡌࡀࡉ ࡔࡀࡅࡉࡅࡍ ࡏࡅࡕࡓࡉࡀ ࡖࡀࡒࡀࡌࡉࡀ ࡌࡀࡋࡀࡊ ࡗ ࡌࡀࡋࡀࡊ ࡄࡅࡉࡕ ࡎࡉࡉࡍࡅࡍ ࡏࡅࡕࡓࡉࡀ ࡖࡋࡃࡉࡋࡉࡀ ࡗ ࡉ. |
| 86 |
ࡍࡄࡀ ࡄࡅࡉࡕ ࡅࡌࡉࡊࡀࡊ ࡖࡄࡅࡀࡋࡉࡀ ࡋࡃࡉࡋࡉࡀ ࡅࡊࡋࡄࡉࡍ ࡀࡋࡀ ࡅࡊࡋࡄࡅࡍ ࡉࡍࡈࡅࡁࡉࡀࡕࡀ ࡏࡋࡀࡉ ࡁࡓࡅࡂࡆࡀ ࡓࡁࡀ ࡄࡏ ࡅࡊࡋࡄࡉࡍ ࡓࡂࡀࡆࡉࡀࡍ ࡅࡀࡎࡓࡅࡍ ࡁࡄࡃࡀ ࡃࡅࡕࡊࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡀࡒࡀࡍ ࡅࡏࡌࡁࡓࡉࡀ ࡓࡀࡉࡀࡅࡍࡍ ࡓࡀࡉࡀ ࡀࡀࡍ ࡖࡀࡒࡇࡍ ࡓࡀࡄࡉࡌ ࡅࡃࡉࡁࡀࡍ ࡋ. |
| 87 |
ࡀࡌࡉࡕࡓࡀࡄࡒࡀࡍ ࡁࡀࡑࡅࡓࡀࡉ ࡃࡉࡁࡀࡍ ࡅࡌࡍ ࡌࡀࡕࡀ ࡏࡃࡉࡋࡌࡀ ࡓࡊࡉࡕࡊࡀ ࡖࡌࡉࡀ ࡄࡀࡆࡉࡍ ࡅࡋࡀࡈࡀࡉࡁࡉࡅࡍࡍ ࡋࡉࡊࡐ ࡉࡀࡌࡀ ࡅࡗ ࡀࡑࡄࡉࡀࡍ ࡋࡀࡔࡀࡕࡉࡀࡍ ࡏࡃࡉࡋࡌࡀ ࡃࡀࡄࡋࡀࡍ ࡌࡍ ࡌࡉࡀ ࡁࡄࡅࡐࡀࡍࡉ ࡀࡋࡌࡀ ࡖࡔࡀࡕࡉࡀ ࡅࡓࡀࡅࡉࡀࡍ ࡃࡀࡓࡀࡀࡍ ࡅࡌࡀࡔࡒࡉࡅࡍࡍ ࡌࡉࡀ ࡓࡀࡉࡀ ࡌࡍ ࡅࡐࡌ ࡓࡐࡀࡔ ࡅࡀࡁࡉࡄࡃࡀࡉ ࡌࡀࡉࡕࡉࡅࡍࡍ ࡋࡃࡉࡁࡀࡍ ࡈࡀࡁࡀ ࡀࡉࡕࡉࡋࡉࡍ ࡖࡔࡀࡀࡍࡉ ࡈࡀࡁࡅࡕࡀ ࡌࡍ ࡅࡐࡌࡀ ࡖ. |
| 88 |
ࡓࡐࡀࡔ ࡆࡉࡅࡀ ࡅࡀࡉࡕࡉࡋࡉࡍ ࡃࡓࡀࡁࡔࡉࡀ ࡕࡀࡒࡉࡍࡀ ࡀࡉࡕࡉࡋࡉࡍ ࡀࡎࡀ ࡅࡔࡅࡔࡌࡀ ࡄࡉࡅࡀࡓࡀ ࡅࡓࡉࡄࡀ ࡖࡄࡉࡉࡀ ࡌࡀࡓࡄࡉࡉࡍࡍ ࡀࡊࡔࡍࡉࡉࡍࡍ ࡅࡆࡀࡄࡋࡉࡉࡍࡍ ࡖࡄࡀࡆࡉࡋࡇ ࡃࡉࡁࡉࡀ ࡅࡌࡉࡔࡕࡀࡓࡄࡆࡉࡀ ࡀࡎࡀࡓࡉࡉࡍࡍ ࡄࡉࡌࡉࡀࡉࡍࡀ ࡅࡋࡀ ࡌࡍ ࡀࡓࡉࡀ ࡌࡓࡉࡃࡀ ࡄࡀࡉࡒࡀࡍ ࡋࡀࡃࡉࡁࡀ ࡔࡀࡅࡀࡓ ࡃࡉࡁࡀࡍࡍ ࡅࡂࡀࡀࡍࡁࡀ ࡖࡋࡀࡌࡉࡑࡀ ࡖࡉࡍࡅࡋ ࡏࡋࡀࡍ ࡅࡋࡀࡃࡀࡄࡋࡀࡍ ࡌࡍ ࡆࡉࡒࡀ ࡅࡌࡍ ࡎࡉࡉࡊࡀࡍ ࡖࡀࡐࡓ. |
| 89 |
ࡆࡋࡀ ࡋࡀࡌࡀࡃࡍࡉࡔࡀࡍ ࡋࡀࡉࡉࡋ ࡂࡀࡀࡍࡁࡀ ࡋࡃࡉࡁࡀࡍࡉࡉࡍ ࡅࡓࡉࡔࡀࡉ ࡃࡉࡋࡉࡀ ࡏࡋ ࡏࡎࡒࡅࡕࡐࡀ ࡏࡋࡇ ࡖࡀࡉࡀࡍࡉ ࡖࡂࡀࡉࡍࡀࡍ ࡁࡉࡔࡋࡅࡌ ࡅࡂࡀࡓࡂࡅࡋ ࡂࡉࡄࡓࡀࡕ ࡌࡍ ࡀࡁࡀࡕࡓࡀࡉ ࡒࡐࡀ ࡉࡐࡒࡀ ࡁࡌࡓࡅࡌ ࡅࡀࡒࡀࡓࡉࡅࡍ ࡆࡉࡒࡉࡀ ࡌࡀࡓࡃࡉࡀ ࡀࡉࡁࡀ ࡋࡂࡀࡈ ࡄࡃࡀࡃࡉࡀ ࡅࡂࡋࡀࡋࡀ ࡖࡉࡐࡋࡉࡀ ࡂࡀࡈࡋࡀ ࡌࡉࡈࡓࡀ ࡍࡀࡐࡋ ࡁࡃࡂࡅࡓࡉࡀ ࡅࡆࡉࡒࡉࡀ ࡀࡒࡓࡉࡀ ࡁࡄࡃࡀ ࡔࡉࡕࡀ ࡈࡅࡓࡉࡀ ࡂࡋࡀࡋࡀ ࡖࡀ. |
| 90 |
ࡐࡉࡎࡀ ࡅࡈࡀࡁࡅࡅࡍࡍ ࡏࡋ ࡅࡊࡋࡄࡅࡍ ࡀࡋࡌࡉࡀ ࡀࡕࡅࡍ ࡉࡀࡌࡀࡌࡉࡀ ࡋࡀࡔࡀࡉࡍࡀ ࡔࡀࡀࡐࡋࡀ ࡌࡍ ࡌࡅࡋࡉࡀ ࡄࡀࡕࡀࡌ ࡀࡕࡅࡕࡉࡀ ࡌࡉࡀ ࡖࡂࡀࡍࡉࡐࡀ ࡅࡋࡉࡂࡓࡉࡀ ࡋࡉࡕࡋࡇ ࡌࡍ ࡅࡐࡌࡀ ࡀࡄࡋࡉࡉࡐࡅࡍ ࡌࡉࡀ ࡗ ࡀࡕࡉࡀ ࡅࡋࡀࡉࡀࡃࡀ ࡖࡀࡕࡀ ࡀࡆࡉࡋ ࡅࡋࡀࡉࡀࡃࡀ ࡖࡉࡍࡆࡀࡋ ࡋࡌࡉࡈࡉࡁ ࡀࡉࡀࡍࡉ ࡌࡍ ࡃࡅࡕࡊࡉࡍ ࡔࡅࡓࡉࡕ ࡀࡋࡉࡕ ࡋࡃࡉࡁࡀࡍ ࡄࡆࡀࡉࡕࡇ ࡋࡆࡉࡒࡀ ࡌࡀࡓࡃࡀ ࡌࡋࡉࡕ ࡀࡉࡀࡍࡉ ࡄࡆࡀࡉࡕࡇ ࡋࡉࡀࡌ. |
| 91 |
ࡀ ࡖࡔࡋࡀࡌࡀ ࡋࡄࡃࡀࡃࡉࡀ ࡋࡀࡉࡀࡄࡁࡀࡍ ࡄࡆࡀࡉࡕࡉࡅࡍࡍ ࡋࡀࡀࡍࡉࡍࡀ ࡖࡌࡉࡈࡓࡀ ࡁࡅࡊࡋ ࡄࡀࡃ ࡀࡀࡍࡀࡍ ࡏࡀࡊ ࡓࡅࡁࡀࡍ ࡓࡅࡁࡀࡍ ࡕࡀࡉࡍࡉࡍࡀ ࡅࡀࡒࡀࡍࡉ ࡏࡋ ࡀࡍࡔࡐࡀࡉࡄࡅࡍ ࡁࡀࡉࡊࡀࡍ ࡀࡀࡍ ࡁࡀࡉࡊࡀࡍ ࡏࡋ ࡀࡒࡀࡍࡉ ࡖࡌࡍ ࡁࡀࡁࡀ ࡖࡃࡉࡁࡀࡍ ࡋࡀࡀࡍࡉࡐࡀ ࡁࡀࡉࡊࡍ ࡏࡌࡁࡓࡉࡀ ࡆࡅࡈࡉࡀ ࡎࡉࡋࡒࡉࡕ ࡒࡀࡌࡉࡕ ࡋࡓࡀࡌࡕࡀ ࡗ ࡄࡀࡉࡆࡉࡍ ࡀࡉࡋࡉࡋࡇ ࡋࡁࡀࡉࡕࡀ ࡋࡀࡒࡀࡍࡉ ࡖࡋࡅࡀࡕࡀࡉ ࡄࡉࡅࡍࡍ ࡒࡀࡓࡉ. |
| 92 |
ࡀࡍ ࡋࡀࡒࡀࡍࡉ ࡃࡉࡋࡉࡀ ࡖࡋࡅࡀࡕࡀࡉ ࡃࡉࡋࡉࡀ ࡀࡕࡉࡀࡍ ࡒࡀࡓࡉࡉࡍࡍ ࡅࡔࡀࡓࡒࡉࡉࡍࡍ ࡅࡌࡀࡔࡌࡀࡉࡍࡍ ࡄࡀࡁࡉࡈࡀࡍ ࡁࡆࡀࡀࡊࡉࡕࡀࡉ ࡋࡌࡉࡀ ࡔࡀࡓࡒࡉࡉࡍࡍ ࡁࡌࡀࡔࡓࡅࡒࡕࡀࡉ ࡀࡕࡉࡀࡍ ࡋࡒࡀࡋࡀࡉ ࡕࡓࡅࡑ ࡀࡌࡀࡓࡀࡍࡋࡉࡍ ࡀࡒࡀࡍࡉ ࡀࡒࡀࡍࡉ ࡖࡌࡍ ࡕࡀࡉࡍࡉࡍࡀ ࡕࡉࡕࡀࡐࡓࡒࡅࡍ ࡀࡀࡍࡕࡅࡍ ࡕࡓࡅࡑ ࡋࡒࡀࡋࡀ ࡓࡀࡉࡀ ࡀࡀࡍ ࡖࡋࡉࡂࡀࡋ ࡁࡎࡉࡐࡕࡍࡀࡉ ࡀࡕࡉࡀ ࡀࡕࡅࡍ ࡀࡕࡅࡍ ࡋࡅࡀࡕࡀࡉ ࡅࡀࡕࡉࡀࡍ ࡅࡌࡀࡎࡉࡒࡀ. |
| 93 |
ࡍ ࡀࡒࡀࡍࡉ ࡅࡏࡌࡁࡓࡀࡉ ࡀࡕࡉࡀ ࡁࡎࡉࡐࡕࡍࡀࡉ ࡖࡆࡉࡅࡀ ࡅࡀࡍࡇࡐ ࡋࡅࡀࡕࡀࡉ ࡀࡄࡃࡓࡀࡕ ࡅࡊࡋ ࡖࡔࡉࡌࡀࡕ ࡒࡀࡋࡀࡉ ࡅࡀࡑࡕࡀࡕ ࡀࡑࡅࡕࡀࡉ ࡅࡌࡀࡎࡉࡒࡇࡍ ࡋࡅࡀࡕࡀࡉ ࡋࡅࡀࡕࡇ ࡋࡎࡉࡐࡕࡍࡀࡉ ࡂࡀࡌࡉࡈࡀࡍ ࡁࡏࡃࡀࡉ ࡕࡀࡓࡕࡉࡉࡍࡍ ࡓࡊࡉࡕࡊࡀ ࡖࡌࡉࡀ ࡀࡔࡉࡐࡋࡕࡇ ࡅࡊࡋ ࡀࡐࡓࡀ ࡅࡀࡐࡓࡕࡀ ࡖࡏࡔࡕࡁࡉࡀ ࡅࡌࡀࡍ ࡖࡋࡀࡔࡉࡌࡇ ࡋࡒࡀࡋࡀࡉ ࡔࡉࡋࡐࡀࡕ ࡀࡋࡊࡉࡀ ࡌࡉࡀ ࡀࡊࡐࡉࡍࡀ ࡌࡄࡀࡓࡀ ࡒࡀࡉࡉࡌ ࡀࡋࡉࡄࡃࡉࡀ. |
| 94 |
ࡅࡊࡃࡀࡊ ࡒࡀࡌࡉࡕ ࡏࡋ ࡓࡀࡌࡕࡀ ࡖࡀࡓࡁࡀ ࡀࡌࡀࡓࡀࡍ ࡖࡔࡀࡋࡐࡀࡍ ࡌࡉࡇࡍ ࡌࡍ ࡒࡉࡉࡐࡀ ࡀࡌࡊࡀ ࡀࡊࡓࡉࡀࡋࡉࡀ ࡏࡋ ࡀࡀࡍࡉ ࡓࡊࡉࡕࡊࡀ ࡖࡌࡉࡀ ࡀࡊࡓࡀࡊ ࡈࡀࡁࡀࡕࡉࡅࡍࡍ ࡌࡉࡀࡍࡉ ࡓࡊࡉࡕࡊࡀ ࡖࡌࡉࡀ ࡖࡀࡒࡀࡌࡓࡀ ࡖࡂࡀࡁࡍࡀࡉࡄࡅࡍ ࡈࡀࡁࡀࡕࡉࡅࡍࡍ ࡌࡊࡀ ࡀࡊࡓࡉࡀࡋࡉࡀ ࡏࡋ ࡂࡀࡁࡋࡉࡀ ࡏࡔࡉࡍࡀ ࡖࡀࡊࡓࡎࡀࡉࡅࡍ ࡄࡀࡋࡁࡀ ࡋࡀࡌࡋࡀࡕ ࡌࡊࡀ ࡀࡊࡓࡉࡀࡋࡉࡀ ࡏࡋ ࡏࡌࡁࡓࡅࡎࡉࡀ ࡅࡌࡍ ࡃࡀࡓࡀ ࡅࡊࡋࡇ ࡀࡔࡉࡊ. |
| 95 |
ࡕ ࡕࡓࡉࡍ ࡌࡍ ࡀࡋࡀࡐ ࡄࡃࡀ ࡀࡔࡉࡊࡕ ࡅࡌࡉࡀ ࡁࡏࡅࡃࡇࡍ ࡋࡀࡉࡉࡕ ࡈࡅࡁࡇ ࡋࡌࡀࡍ ࡖࡀࡒࡓࡉࡀ ࡁࡌࡉࡀ ࡖࡁࡈࡀࡔ ࡁࡋࡉࡂࡓࡀࡉࡅࡍ ࡈࡅࡁࡀࡉࡅࡍ ࡋࡂࡀࡁࡋࡉࡀ ࡓࡁࡉࡀ ࡌࡍ ࡔࡅࡁࡀ ࡅࡕࡓࡉࡎࡀࡓ ࡖࡀࡒࡀࡍ ࡂࡀࡁࡍࡉࡀ ࡈࡅࡁࡇ ࡋࡌࡀࡍ ࡖࡏࡕࡀࡐࡓࡀࡒ ࡀࡊࡃࡉࡓࡕࡉࡀ ࡋࡀࡓࡄࡉࡌ ࡅࡔࡉࡕࡍࡀ ࡈࡅࡁࡇ ࡋࡌࡀࡍ ࡋࡀࡂࡀࡍ ࡅࡋࡀࡔࡅࡊࡁ ࡁࡉࡑࡓࡀ ࡖࡁࡉࡔࡋࡅࡌ ࡔࡋࡉࡌ ࡈࡅࡁࡇ ࡋࡌࡀࡍ ࡖࡁࡄࡀࡆࡉࡍ ࡃࡀࡓࡀ ࡅࡂࡀࡌࡁ. |
| 96 |
ࡇ ࡀࡕࡀࡍ ࡁࡅࡓࡆࡉࡒࡍࡀ ࡈࡅࡁࡇ ࡋࡌࡀࡍ ࡖࡕࡓࡀࡑ ࡋࡊࡉࡋࡀ ࡖࡌࡍ ࡒࡅࡋࡀࡋࡉࡀ ࡖࡓࡅࡄࡀ ࡌࡉࡕࡀࡐࡓࡒࡀࡍ ࡈࡅࡁࡀࡉࡄࡅࡍ ࡏࡋ ࡕࡀࡓࡌࡉࡃࡉࡀࡕࡀ ࡅࡒࡅࡋࡀࡋࡀ ࡅࡔࡅࡔࡉࡋࡕࡀ ࡖࡋࡀࡔࡀࡋࡌࡀ ࡌࡉࡕࡀࡐࡓࡒࡀࡍ ࡌࡍ ࡈࡀࡍࡅࡐࡕࡀ ࡖࡃࡀࡓࡀ ࡖࡉࡍࡓࡉࡂ ࡄࡀࡅࡉࡀ ࡁࡄࡉࡓࡀࡉ ࡅࡊࡋ ࡌࡀࡍ ࡖࡁࡃࡉࡁࡍࡀ ࡉࡍࡕࡉࡀ ࡅࡉࡍࡎࡀࡒ ࡋࡃࡀࡅࡓࡀ ࡕࡀࡒࡀࡍ ࡏࡅࡓࡑࡇ ࡉࡍࡄࡅࡉࡋࡇ ࡎࡉࡌࡀࡀࡊ ࡄࡅ ࡅࡔࡓࡀࡂࡉࡀ ࡖࡄࡍࡅࡓࡀ ࡋࡀࡄࡀࡔࡉ. |
| 97 |
ࡊࡀ ࡀࡕࡓࡀ ࡖࡋࡀࡓࡁࡀ ࡔࡀࡌࡔࡉࡇ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡀࡌࡀࡓ ࡏࡅࡕࡓࡀ ࡌࡍ ࡋࡁࡀࡓ ࡒࡀࡓࡉࡀ ࡅࡓࡉࡋࡉࡀ ࡀࡋࡀࡐ ࡌࡍ ࡓࡅࡁࡀࡍ ࡀࡕࡀ ࡓࡀࡄࡉࡌ ࡓࡀࡉࡀ ࡄࡅࡉࡋࡉࡀ ࡅࡏࡓࡉࡉࡋࡀࡊ ࡀࡋࡀࡐ ࡌࡍ ࡓࡅࡁࡀࡍ ࡀࡀࡍ ࡄࡀࡆࡉࡍ ࡄࡅࡉࡋࡀࡊ ࡓࡀࡄࡉࡌ ࡓࡀࡉࡀ ࡅࡆࡓࡉࡀ ࡁࡅࡊࡁࡀ ࡅࡀࡈࡀࡈࡀ ࡌ. |
| 98 |
ࡊࡀ ࡀࡋࡌࡀ ࡌࡋࡉࡀ ࡁࡉࡔࡅࡕࡀ ࡅࡏࡓࡉࡋࡉࡀ ࡀࡋࡀࡐ ࡌࡍ ࡓࡅࡁࡀࡍ ࡓࡀࡄࡉࡌ ࡓࡀࡉࡀ ࡄࡅࡉࡋࡉࡀ ࡀࡕࡀ ࡖࡃࡀࡓࡀࡊࡕࡁࡅࡍ ࡅࡊࡁࡀ ࡅࡀࡈࡀࡈࡀ ࡖࡀࡀࡍ ࡏࡕࡉࡋࡀࡊ ࡎࡀࡃࡍࡋࡉࡀ ࡖࡆࡉࡅࡀ ࡅࡎࡀࡃࡍࡋࡉࡀ ࡖࡆࡉࡅࡀ ࡋࡀࡁࡀࡈࡋࡉࡀ ࡀࡓࡒࡀ ࡅࡏࡔࡅࡌࡉࡀ ࡁࡀࡈࡋࡀࡍ ࡅࡎࡀࡃࡍࡋࡉࡀ ࡖࡆࡉࡅࡀ ࡋࡀࡁࡀࡈࡋࡉࡍ ࡔࡀࡌࡉࡔ ࡅࡎࡉࡓࡀ ࡁࡀࡈࡋࡉࡍ ࡅࡎࡀࡃࡍࡋࡉࡀ ࡖࡆࡉࡅࡀ ࡋࡀࡁࡀࡈࡋࡉࡀ ࡅࡊࡁࡊࡉࡀ ࡅࡌࡀࡆࡍࡀࡋࡀࡕࡀ ࡖࡏࡔࡅࡌࡉ. |
| 99 |
ࡀ ࡁࡀࡈࡋࡉࡀ ࡅࡎࡀࡃࡍࡋࡉࡀ ࡖࡆࡉࡅࡀ ࡋࡀࡁࡀࡈࡋࡉࡀ ࡆࡉࡒࡀ ࡅࡅࡍࡓࡀ ࡅࡌࡉࡀ ࡁࡀࡈࡋࡉࡀ ࡅࡎࡀࡃࡍࡋࡉࡀ ࡖࡆࡉࡅࡀ ࡋࡀࡁࡀࡈࡋࡉࡀ ࡀࡓࡁࡀ ࡆࡉࡒࡉࡀ ࡖࡁࡀࡉࡕࡀ ࡁࡀࡈࡋࡉࡀ ࡅࡎࡀࡃࡍࡋࡉࡀ ࡖࡆࡉࡅࡀ ࡋࡀࡁࡀࡈࡋࡉࡀ ࡉࡐࡓࡉࡀ ࡅࡏࡌࡁࡉࡀ ࡅࡏࡋࡀࡉࡍࡀ ࡁࡀࡈࡋࡉࡀ ࡅࡎࡀࡃࡍࡋࡉࡀ ࡖࡆࡉࡅࡀ ࡋࡀࡁࡀࡈࡋࡉࡀ ࡅࡊࡋ ࡖࡏࡁࡉࡃ ࡅࡌࡀࡁࡀࡃ ࡁࡀࡈࡉࡋ ࡅࡏࡓࡉࡋࡉࡀ ࡀࡋࡀࡐ ࡌࡍ ࡓࡅࡁࡀࡍ ࡀࡕࡀ ࡓࡀࡄࡉࡌ ࡓࡀࡉࡀ ࡄࡅࡉࡋࡉࡀ ࡅ. |
| 100 |
ࡏࡓࡉࡋࡀࡊ ࡀࡋࡀࡐ ࡌࡍ ࡓࡅࡁࡀࡍ ࡀࡀࡍ ࡄࡀࡉࡆࡉࡍ ࡄࡅࡉࡋࡀࡊ ࡓࡀࡄࡉࡌ ࡓࡀࡉࡀ ࡀࡀࡍ ࡌࡉࡋࡉࡀ ࡏࡉࡀࡉࡕࡇ ࡅࡏࡌࡉࡉࡍࡇ ࡖࡀࡕࡉࡀ ࡀࡓࡉࡀ ࡅࡃࡀࡓࡀࡋࡇ ࡀࡀࡍ ࡌࡉࡋࡉࡀ ࡏࡉࡀࡉࡕࡇ ࡅࡏࡌࡉࡉࡍࡉࡇ ࡖࡀࡕࡉࡀ ࡃࡉࡁࡀ ࡅࡃࡀࡓࡀࡋࡇ ࡌࡉࡋࡉࡀ ࡏࡉࡀࡉࡕࡇ ࡅࡏࡌࡉࡉࡍࡉࡇ ࡖࡀࡕࡉࡀ ࡂࡀࡀࡍࡁࡀ ࡅࡂࡀࡉࡍࡁࡋࡇ ࡌࡉࡋࡉࡀ ࡏࡉࡀࡉࡕࡇ ࡅࡏࡌࡉࡉࡍࡉࡇ ࡖࡀࡍࡋࡐࡀ ࡁࡅࡍࡓࡀ ࡅࡁࡀࡔࡋࡀ ࡌࡉࡋࡉࡀ ࡏࡉࡀࡉࡕࡇ ࡅࡏࡌࡉࡉࡍࡇ ࡖࡀ. |
| 101 |
ࡍࡋࡐࡀ ࡁࡔࡉࡊࡀࡍ ࡅࡌࡉࡔࡕࡉࡊࡀࡍ ࡌࡉࡋࡉࡀ ࡏࡉࡀࡉࡕࡇ ࡅࡏࡌࡉࡉࡍࡉࡇ ࡖࡀࡍࡋࡐࡀ ࡁࡌࡉࡀ ࡅࡈࡀࡁࡀ ࡌࡉࡋࡉࡀ ࡏࡉࡀࡉࡕࡇ ࡅࡏࡌࡉࡉࡍࡇ ࡖࡀࡐࡉࡉࡔࡀ ࡁࡂࡅ ࡃࡉࡁࡀࡍ ࡌࡉࡋࡉࡀ ࡏࡉࡀࡉࡕࡉࡇ ࡏࡌࡉࡉࡍࡇ ࡖࡀࡐࡉࡔࡀ ࡀࡂࡀࡁࡍࡉࡀ ࡁࡂࡅ ࡃࡉࡁࡀࡍ ࡅࡓࡏࡉࡋࡉࡀ ࡀࡋࡀࡐ ࡌࡍ ࡓࡅࡁࡀࡍ ࡀࡕࡀ ࡓࡀࡄࡉࡌ ࡓࡀࡉࡀ ࡄࡅࡉࡋࡉࡀ ࡌࡀࡍࡕࡀ ࡖࡀࡓࡉࡀ ࡕࡉࡄࡅࡉࡀ ࡕࡉࡆࡀࡋ ࡖࡀࡕࡉࡀ ࡀࡓࡉࡀ ࡅࡃࡀࡓࡀࡋࡇ ࡕࡉࡆࡀࡋ ࡀࡌࡉ. |
| 102 |
ࡈࡍࡅࡋ ࡖࡏࡋ ࡔࡀࡌࡉࡔ ࡎࡀࡂࡃࡀ ࡕࡉࡄࡅࡉࡀ ࡌࡀࡍࡕࡀ ࡖࡀࡓࡉࡀ ࡌࡀࡍࡕࡀ ࡖࡃࡉࡁࡀ ࡕࡉࡄࡅࡉࡀ ࡕࡉࡆࡀࡋ ࡖࡀࡕࡉࡀ ࡃࡉࡁࡀ ࡅࡃࡀࡓࡀࡋࡇ ࡕࡉࡆࡀࡋ ࡀࡌࡉࡈࡍࡅࡋ ࡖࡏࡋ ࡎࡉࡓࡀ ࡎࡀࡂࡃࡀ ࡕࡉࡄࡅࡉࡀ ࡌࡀࡍࡕࡀ ࡖࡃࡉࡁࡀ ࡌࡀࡍࡕࡀ ࡖࡂࡀࡀࡍࡁࡀ ࡕࡉࡄࡅࡉࡀ ࡕࡉࡆࡀࡋ ࡖࡀࡕࡉࡀ ࡂࡀࡀࡍࡁࡀ ࡅࡂࡀࡉࡍࡁࡋࡇ ࡕࡉࡆࡀࡋ ࡀࡌࡉࡈࡍࡅࡋ ࡖࡏࡋ ࡉࡍࡓࡉࡂ ࡎࡀࡂࡃࡀ ࡕࡉࡄࡅࡉࡀ ࡌࡀࡍࡕࡀ ࡖࡂࡀࡀࡍࡁࡀ ࡌࡀࡍࡕࡀ ࡖࡅࡍࡓࡀ ࡕࡉࡄࡅࡉ. |
| 103 |
ࡀ ࡕࡉࡆࡀࡋ ࡖࡀࡍࡋࡐࡀ ࡁࡅࡍࡓࡀ ࡅࡁࡀࡔࡋࡀ ࡕࡉࡆࡀࡋ ࡀࡌࡉࡈࡍࡅࡋ ࡖࡏࡋ ࡅࡍࡓࡀ ࡎࡀࡂࡃࡀ ࡕࡉࡄࡅࡉࡀ ࡌࡀࡍࡕࡀ ࡖࡅࡍࡓࡀ ࡌࡀࡍࡕࡀ ࡖࡔࡉࡊࡀࡍ ࡕࡉࡄࡅࡉࡀ ࡕࡉࡆࡀࡋ ࡖࡀࡍࡋࡐࡀ ࡁࡔࡉࡊࡀࡍ ࡅࡌࡉࡔࡕࡉࡊࡀࡍ ࡕࡉࡆࡀࡋ ࡀࡌࡉࡈࡍࡅࡋ ࡖࡋࡌࡔࡉࡄࡀ ࡎࡀࡂࡃࡀ ࡖࡔࡉࡊࡀࡍ ࡕࡉࡄࡅࡉࡀ ࡌࡀࡍࡕࡀ ࡌࡀࡍࡕࡀ ࡖࡉࡀࡌࡀ ࡕࡉࡄࡅࡉࡀ ࡕࡉࡆࡀࡋ ࡖࡀࡍࡉࡐࡋ ࡁࡌࡉࡀ ࡅࡈࡀࡁࡀ ࡕࡉࡆࡀࡋ ࡀࡌࡉࡈࡍࡅࡋ ࡖࡏࡋ ࡉࡀࡌࡀࡌࡉࡀ ࡎࡀࡂࡃࡀ. |
| 104 |
ࡕࡉࡄࡅࡉࡀ ࡌࡀࡍࡕࡀ ࡖࡉࡀࡌࡀ ࡌࡀࡍࡕࡀ ࡖࡂࡅࡃࡉࡁࡀࡍ ࡕࡉࡄࡅࡉࡀ ࡕࡉࡆࡀࡋ ࡖࡀࡐࡉࡉࡔ ࡁࡂࡅ ࡃࡉࡁࡀࡍ ࡕࡉࡆࡀࡋ ࡀࡌࡉࡈࡍࡅࡋ ࡖࡋࡏࡅࡊࡓࡉࡀ ࡎࡀࡂࡃࡀ ࡕࡉࡄࡅࡉࡀ ࡌࡀࡍࡕ ࡂࡅࡃࡉࡁࡀࡍ ࡖࡀࡐࡉࡉࡔ ࡅࡀࡂࡀࡌࡁࡉࡀ ࡂࡅ ࡃࡉࡁࡀࡍ ࡕࡉࡄࡅࡉࡀ ࡕࡉࡆࡀࡋ ࡅࡋࡀࡎࡀࡂࡃࡀ ࡖࡁࡀࡉࡕࡀ ࡎࡀࡂࡃࡀ ࡀࡌࡉࡈࡍࡅࡋ ࡖࡏࡋ ࡓࡅࡄࡀ ࡖࡒࡅࡃࡔࡀ ࡎࡀࡂࡃࡀ ࡕࡉࡄࡅࡉࡀ ࡌࡀࡍࡕ ࡀࡂࡀࡌࡁࡉࡀ ࡂࡅ ࡃࡉࡁࡀࡍ ࡅࡏࡓࡉࡉࡋࡉࡀ ࡀࡋࡀࡐ ࡌࡍ. |
| 105 |
ࡓࡅࡁࡀࡍ ࡀࡕࡀ ࡓࡀࡄࡉࡌ ࡓࡀࡉࡀ ࡄࡅࡉࡋࡉࡀ ࡅࡏࡓࡉࡉࡋࡀࡊ ࡀࡋࡀࡐ ࡌࡍ ࡓࡅࡁࡀࡍ ࡀࡀࡍ ࡄࡀࡉࡆࡉࡍ ࡄࡅࡉࡋࡀࡊ ࡓࡀࡄࡉࡌ ࡓࡀࡉࡀ ࡀࡀࡍ ࡀࡋࡀࡐ ࡖࡀࡋࡉࡐࡀ ࡓࡀࡉࡀࡀࡍ ࡔࡂࡅࡋࡉࡀ ࡌࡉࡀࡍࡉࡄࡅࡍ ࡅࡌࡍ ࡓࡅࡁࡀࡍ ࡖࡒࡅࡃࡀࡌࡇ ࡎࡀࡂࡃࡉࡀ ࡅࡉࡍࡄࡕࡉࡕ ࡏࡋ ࡀࡍࡄࡋࡉࡀ ࡀࡌࡅࡒࡉࡀ ࡎࡉࡋࡒࡉࡕ ࡏࡋ ࡈࡅࡓࡉࡀ ࡓࡀࡌࡉࡀ ࡄࡃࡀ ࡄࡃࡀ ࡋࡂࡀࡈࡕࡇ ࡁࡉࡀࡌࡉࡀࡍࡉ ࡏࡆࡋࡉࡕ ࡅࡀࡔࡀࡊࡕࡇ ࡏࡀࡊ ࡂࡉࡑࡀࡐ ࡋࡀࡂࡀࡑࡀࡐ. |
| 106 |
ࡕࡀࡒࡋࡉࡀ ࡀࡋࡀࡐ ࡌࡍ ࡓࡅࡁࡀࡍ ࡅࡀࡕࡀࡍࡕࡇ ࡁࡌࡅࡆࡀࡉࡍࡀ ࡕࡀࡒࡋࡉࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡁࡄࡉࡓࡉࡀ ࡅࡔࡀࡋࡌࡀࡉࡍࡀ ࡖࡃࡀࡉࡓࡉࡀ ࡁࡂࡀࡅࡇ ࡖࡀࡋࡌࡀ ࡏࡋࡅࡊࡍ ࡀࡌࡉࡓࡀࡍ ࡅࡌࡀࡓࡐࡉࡔࡀࡍ ࡅࡀࡉࡀࡍࡉࡅࡊࡍ ࡕࡓࡅࡑ ࡋࡀࡕࡀࡓ ࡄࡍࡅࡓ ࡋࡀࡕࡉࡄࡅࡍ ࡌࡀࡍ ࡄࡔࡅࡀࡊ ࡏࡕࡀࡓࡐࡀࡔ ࡌࡍ ࡁࡉ. |
| 107 |
ࡔࡀ ࡄࡀࡈࡉࡀ ࡖࡀࡕࡀࡓ ࡄࡔࡅࡊ ࡏࡕࡀࡓࡐࡀࡔ ࡌࡍ ࡁࡉࡔࡀ ࡅࡈࡀࡁࡀ ࡖࡄࡀࡈࡀࡉࡅࡊࡍ ࡅࡄࡀࡅࡁࡅࡊࡍ ࡌࡉࡔࡕࡁࡉࡒࡋࡅࡊࡍ ࡓࡄࡅࡌ ࡅࡀࡎࡁࡀࡓ ࡄࡃࡀࡃࡉࡀ ࡅࡎࡀࡒ ࡁࡆࡀࡅࡊࡕࡀ ࡋࡀࡕࡀࡓ ࡄࡍࡅࡓ ࡄࡆࡅࡍ ࡅࡔࡅࡌࡀ ࡅࡏࡕࡀࡓࡐࡀࡔ ࡅࡌࡊࡀ ࡖࡁࡀࡉࡉࡍࡀ ࡅࡌࡉࡕࡀࡓࡐࡉࡔࡉࡀ ࡉࡀࡕࡁࡉࡀ ࡅࡁࡀࡉࡉࡍ ࡈࡀࡁࡉࡀ ࡀࡌࡓࡉࡀ ࡈࡀࡁࡉࡀ ࡅࡌࡉࡕࡌࡉࡋࡉࡊࡀ ࡅࡀࡌࡓࡉࡀ ࡅࡌࡀࡍ ࡀࡍࡅࡃࡀࡍ ࡅࡌࡀࡍ ࡀࡍࡓࡐࡉࡔࡀࡍ ࡉࡍࡌࡀࡓࡋࡉࡀ. |
| 108 |
ࡌࡀࡍ ࡉࡍࡕࡉࡀ ࡅࡌࡀࡍ ࡖ ࡖࡄࡀࡃ ࡄࡅࡀ ࡌࡀࡋࡀࡊ ࡏࡅ ࡀࡕࡓࡉࡍ ࡌࡀࡍ ࡉࡍࡕࡉࡀ ࡅࡌࡀࡍ ࡖࡉࡍࡌࡀࡓࡋࡉࡀ ࡌࡉࡌࡀࡓ ࡀࡌࡓࡉࡀ ࡈࡀࡁࡉࡀ ࡅࡌࡉࡕࡀࡓࡐࡉࡔࡉࡀ ࡕࡓࡉࡍ ࡉࡊࡀࡉࡍࡀ ࡏࡕࡉࡒࡓࡅࡍ ࡕࡓࡉࡍ ࡌࡀࡋࡉࡊࡀ ࡄࡅࡍ ࡅࡌࡀࡋࡀࡊ ࡖࡁࡀࡓࡉࡅࡕ ࡀࡋࡌࡉࡀ ࡌࡀࡋࡀࡊ ࡖࡄࡀࡆࡉࡍ ࡀࡋࡌࡀ ࡄࡉࡓࡁࡀ ࡅࡕࡀࡂࡀ ࡖࡄࡔࡅࡀࡊ ࡎࡀࡌࡋࡇ ࡌࡀࡋࡀࡊ ࡖࡄࡀࡆࡉࡍ ࡃࡀࡓࡉࡀ ࡅࡄࡉࡓࡁࡀ ࡁࡉࡀࡌࡉࡇࡍ ࡋࡂࡀࡈ ࡕࡀࡂࡀ ࡎࡀࡌࡋࡇ ࡖࡄࡔ. |
| 109 |
ࡅࡀࡊ ࡅࡒࡀࡉࡉࡌ ࡋࡁࡇࡍ ࡌࡂࡀࡈࡉࡋࡅࡍ ࡄࡉࡓࡁࡀ ࡋࡂࡀࡈ ࡁࡉࡀࡌࡉࡇࡍ ࡅࡁࡇࡍ ࡄࡃࡀࡃࡉࡀ ࡂࡀࡈࡋࡉࡀ ࡅࡌࡀࡋࡀࡊ ࡖࡁࡉࡓࡉࡅࡕ ࡃࡀࡓࡉࡀ ࡌࡀࡋࡀࡊ ࡖࡁࡀࡓࡉࡅࡕ ࡀࡋࡌࡉࡀ ࡕࡀࡂࡀ ࡖࡄࡍࡅࡓࡀ ࡎࡀࡌࡋࡇ ࡌࡀࡋࡀࡊ ࡖࡁࡉࡓࡉࡅࡕ ࡀࡋࡌࡉࡀ ࡅࡅࡊࡔࡈࡀ ࡁࡉࡀࡌࡉࡇࡍ ࡋࡂࡀࡈ ࡕࡀࡂࡀ ࡎࡀࡌࡋࡇ ࡖࡄࡍࡅࡓࡀ ࡒࡀࡉࡉࡌ ࡅࡁࡇࡍ ࡌࡀࡓࡐࡉࡔ ࡅࡊࡔࡈࡀ ࡋࡂࡀࡈ ࡁࡉࡀࡌࡉࡇࡍ ࡅࡁࡇࡍ ࡄࡃࡀࡃࡉࡀ ࡌࡉࡕࡀࡓࡐࡉࡔࡉࡀ ࡒࡀࡉࡉࡌ ࡅࡌ. |
| 110 |
ࡀࡓࡐࡉࡔࡋࡅࡍ ࡋࡁࡇࡍ ࡖࡌࡍ ࡄࡀࡀࡊ ࡌࡀࡄࡅ ࡄࡅࡀ ࡌࡀࡍ ࡖࡉࡍࡕࡉࡀ ࡅࡌࡀࡍ ࡖࡉࡍࡌࡀࡓࡋࡉࡀ ࡅࡃࡋࡀ ࡏࡈࡑࡀࡓࡀࡓ ࡁࡂࡀࡅࡇ ࡅࡊࡁࡊࡉࡀ ࡅࡃࡋࡀ ࡂࡍࡀࡃ ࡓࡒࡉࡄࡀ ࡅࡃࡋࡀ ࡌࡎࡅࡕࡀ ࡕࡉࡉࡐࡋ ࡁࡌࡀࡉ ࡅࡃࡋࡀ ࡕࡉࡌࡎࡉࡀ ࡀࡓࡒࡀ ࡀࡍࡎࡂࡅࡍ ࡋࡂࡀࡅࡇ ࡖࡄࡀࡆࡉࡍ ࡀࡋࡌࡀ ࡅࡃࡋࡀ ࡔࡀࡌࡉࡔ ࡅࡎࡉࡓࡀ ࡉࡍࡔࡉࡌࡕࡀ ࡄࡀࡉࡆࡉࡍ ࡄࡅࡀࡕ ࡋࡀࡀࡊࡐࡀࡍ ࡅࡋࡀࡀࡑࡄࡉࡀ ࡉࡍࡔࡉࡌࡕࡀ ࡗ ࡁࡀࡊࡀࡍ ࡄࡅࡀࡕ ࡉࡀࡕࡁࡀ ࡋࡀࡉ. |
| 111 |
ࡊࡁࡉࡀ ࡅࡋࡀࡌࡅࡌࡉࡀ ࡋࡉࡍࡔࡉࡌࡕࡀ ࡗ ࡁࡀࡊࡀࡍ ࡄࡅࡀࡕ ࡉࡀࡕࡁࡀ ࡋࡀࡄࡀࡌࡉࡌࡀ ࡅࡋࡀࡒࡀࡓࡉࡓࡀ ࡋࡉࡍࡔࡉࡌࡕࡀ ࡗ ࡁࡀࡊࡀࡍ ࡄࡅࡀࡕ ࡉࡀࡕࡁࡀ ࡌࡉࡂࡃࡀࡋ ࡂࡃࡉࡋࡉࡀ ࡒࡀࡓࡇࡍ ࡗ ࡁࡀࡊࡀࡍ ࡄࡅࡀࡕ ࡉࡀࡕࡁࡀ ࡅࡋࡊࡉࡋࡀ ࡖࡀࡉࡀࡓ ࡕࡓࡉࡋࡑࡇ ࡁࡓࡉࡔࡇ ࡅࡎࡀࡉࡊࡀ ࡋࡀࡕࡓࡀ ࡖࡁࡉࡕ ࡓࡅࡓࡁࡀࡉࡍࡀ ࡀࡉࡇࡍ ࡀࡐࡎࡉࡌࡉࡊࡀ ࡖࡄࡍࡅࡓࡀ ࡖࡌࡔࡀࡁࡀ ࡋࡌࡀࡋࡀࡊ ࡖࡀࡕࡀࡓ ࡄࡍࡅࡓ ࡅࡐࡌࡀ ࡖࡕࡅࡔࡋࡉࡌࡀ ࡃࡀࡉࡊࡀ ࡁࡉ. |
| 112 |
ࡔࡅࡕࡀ ࡁࡂࡀࡅࡇ ࡂࡉࡁࡋࡀࡕ ࡌࡍ ࡉࡅࡌࡀ ࡖࡄࡀࡔࡉࡁ ࡁࡉࡔ ࡅࡒࡓࡀࡁࡀ ࡌࡍ ࡅࡍࡓࡀ ࡀࡁࡀࡃ ࡓࡂࡀࡆ ࡁࡓࡅࡂࡆࡀ ࡓࡁࡀ ࡋࡌࡉࡁࡊࡀࡔ ࡋࡄࡀࡉࡋࡀ ࡖࡌࡀࡓࡃࡉࡀ ࡏࡔࡕࡀࡃࡀࡓ ࡔࡂࡀࡃࡍࡀ ࡅࡓࡌࡅࡅࡍࡍ ࡁࡌࡉࡀ ࡕࡀࡄࡌࡉࡀ ࡀࡕࡉࡅࡍࡍ ࡋࡌࡉࡀ ࡄࡉࡉࡀ ࡅࡓࡉࡌࡉࡅࡉࡀ ࡁࡄࡔࡅࡀࡊ ࡄࡀࡔࡀࡊ ࡀࡕࡉࡅࡉࡀ ࡋࡄࡍࡅࡓࡀ ࡖࡀࡍࡄࡅࡓ ࡅࡓࡀࡌࡉࡅࡉࡀ ࡁࡆࡉࡒࡀ ࡌࡀࡓࡃࡀ ࡀࡕࡉࡅࡉࡀ ࡋࡆࡉࡒࡀ ࡁࡀࡎࡉࡌࡀ ࡅࡓࡉࡌࡉࡅࡉࡀ ࡁࡅࡍࡓࡀ ࡀࡋ. |
| 113 |
ࡊࡀ ࡀࡕࡉࡅࡉࡀ ࡋࡅࡍࡓࡀ ࡄࡀࡉࡕࡀ ࡅࡓࡉࡌࡉࡅࡉࡀ ࡁࡀࡐࡂࡓࡀ ࡁࡀࡈࡋࡀ ࡀࡕࡉࡅࡉࡀ ࡅࡋࡉࡍࡔࡉࡌࡕࡀ ࡌࡀࡀࡍ ࡃࡀࡉࡊࡀ ࡄࡃࡀ ࡓࡒࡉࡄࡀ ࡏࡕࡉࡂࡍࡉࡃ ࡌࡍ ࡅࡍࡓࡀ ࡅࡌࡍ ࡌࡉࡀ ࡀࡓࡒࡀ ࡁࡎࡀࡃࡀࡀࡍ ࡌࡎࡅࡍ ࡌࡍ ࡅࡍࡓࡀ ࡅࡌࡍ ࡌࡉࡀ ࡉࡐࡓࡉࡀ ࡅࡏࡌࡁࡉࡀ ࡅࡏࡋࡀࡉࡍࡀ ࡄࡅࡍ ࡌࡍ ࡅࡍࡓࡀ ࡅࡌࡍ ࡌࡉࡀ ࡀࡃࡀࡌ ࡖࡀࡐࡂࡓࡉࡀ ࡏࡕࡉࡂࡁࡉࡋ ࡌࡍ ࡅࡍࡓࡀ ࡅࡌࡍ ࡌࡉࡀ ࡅࡏࡋ ࡓࡁࡀ ࡖࡃࡀࡓࡉࡀ ࡔࡀࡃࡓࡅࡉࡀ ࡉ. |
| 114 |
ࡍࡁࡑࡅࡉࡀ ࡋࡀࡔࡂࡀࡃࡍࡀ ࡁࡂࡀࡅࡇ ࡖࡌࡀࡓࡂࡅࡔ ࡀࡋࡌࡀ ࡒࡓࡀࡁࡇ ࡁࡀࡊࡋࡅࡆࡀ ࡀࡃࡀࡌ ࡖࡔࡀࡉࡊࡁ ࡏࡕࡀࡓ ࡏࡋ ࡒࡀࡋࡇ ࡖࡔࡂࡀࡃࡍࡀ ࡀࡋࡀࡍࡇࡐ ࡖࡔࡂࡀࡃࡍࡀ ࡍࡀࡐࡒ ࡀࡃࡀࡌ ࡏࡕࡀࡓ ࡖࡔࡀࡉࡊࡁ ࡖࡌࡍ ࡁࡉࡕ ࡀࡁ ࡀࡕࡀ ࡀࡕࡀ ࡁࡔࡋࡀࡌ ࡔࡂࡀࡃࡍࡀ ࡔࡋࡉࡄࡀ ࡖࡄࡉࡉࡀ ࡉࡀࡒࡉࡓࡉࡀ ࡅࡔࡀࡉࡐࡓࡉࡀ ࡁࡀࡕࡓࡀࡉࡅࡍ ࡄࡀࡉࡆࡉࡍ ࡍࡉࡑࡁࡉࡀ ࡄࡉࡉࡀ ࡅࡃࡌࡅࡕࡀࡉ ࡖࡄࡀࡔࡀࡊ ࡁࡌࡀࡋࡉࡀ ࡉࡀࡕࡁࡀ ࡄࡀࡉࡆࡉࡍ ࡕࡓࡉࡋࡑࡉ. |
| 115 |
ࡀ ࡅࡊࡓࡎࡉࡀ ࡅࡋࡀࡃࡀࡌ ࡖࡀࡐࡂࡓࡉࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡔࡂࡀࡃࡍࡀ ࡅࡃࡌࡅࡕࡀࡊ ࡄࡀࡀࡊ ࡁࡌࡀࡋࡉࡀ ࡉࡀࡕࡁࡀ ࡔࡀࡉࡐࡓࡉࡀ ࡕࡓࡀࡑ ࡅࡊࡓࡎࡉࡀࡊ ࡀࡃࡀࡌ ࡅࡋࡃࡉࡋࡉࡀ ࡉࡍࡁࡑࡅࡍ ࡅࡔࡀࡃࡓࡅࡍ ࡏࡋࡀࡊ ࡅࡊࡋࡄࡅࡍ ࡋࡈࡀࡁ ࡏࡃࡉࡓࡊࡅࡊ ࡖࡏࡀࡐࡓࡒࡀࡊ ࡌࡉࡇࡍ ࡖࡄࡀࡆࡉࡍ ࡀࡋࡌࡀ ࡏࡕࡉࡕ ࡏࡉࡀࡓࡐࡉࡔࡀࡊ ࡀࡃࡀࡌ ࡅࡎࡀࡒ ࡁࡆࡀࡅࡊࡕࡀ ࡋࡀࡕࡀࡓ ࡄࡍࡅࡓ ࡅࡏࡕࡀࡓࡐࡀࡔ ࡅࡑࡕ ࡅࡔࡅࡌࡀ ࡈࡅࡁࡇ ࡋࡌࡀࡍ ࡖࡔࡅ. |
| 116 |
ࡌࡀ ࡅࡄࡀࡉࡌࡀࡍ ࡌࡍ ࡀࡁࡀࡕࡓࡀࡊ ࡀࡃࡀࡌ ࡔࡅࡌࡀ ࡅࡏࡕࡄࡀࡉࡌࡀࡍ ࡈࡅࡁࡇ ࡋࡌࡀࡍ ࡖࡎࡍࡉࡁ ࡅࡊࡔࡈࡀ ࡌࡍ ࡀࡁࡀࡕࡓࡀࡊ ࡀࡃࡀࡌ ࡎࡍࡉࡁ ࡅࡊࡔࡈࡀ ࡈࡅࡁࡇ ࡋࡌࡀࡍ ࡖࡉࡍࡎࡀࡒ ࡌࡍ ࡀࡁࡀࡕࡓࡀࡊ ࡀࡃࡀࡌ ࡎࡀࡊ ࡅࡎࡋࡉࡒ ࡅࡎࡀࡒ ࡁࡆࡀࡅࡊࡕࡀ ࡋࡀࡕࡀࡓ ࡄࡍࡅࡓ ࡅࡑࡕ ࡅࡔࡅࡌࡀ ࡅࡏࡕࡀࡓࡐࡀࡔ ࡔࡀࡋࡌࡀࡉࡍࡀ ࡅࡌࡔࡀࡁࡉࡍ ࡄࡉࡉࡀ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡌࡀࡓࡐࡉ. |
| 117 |
ࡔ ࡔࡅࡌ ࡁࡓ ࡅࡍ ࡔࡅࡌ ࡅࡊࡔࡈࡀ ࡒࡀࡉࡉࡌ ࡃࡀࡓࡉࡔ ࡌࡀࡃࡉࡍࡀ ࡅࡀࡌࡀࡓ ࡔࡅࡌ ࡅࡊࡔࡈࡀ ࡒࡀࡉࡉࡌ ࡅࡋࡌࡀࡓࡉࡀ ࡅࡋࡀࡉࡀࡃࡀࡀࡍ ࡌࡀࡅࡍ ࡃࡀࡁࡓࡀࡉ ࡔࡋࡉࡌ ࡏࡊࡋࡀࡉ ࡅࡁࡀࡉࡉࡀࡍ ࡋࡌࡉࡆࡀࡋ ࡅࡋࡀࡉࡀࡃࡀࡀࡍ ࡖࡏࡅࡄࡓࡀࡉ ࡌࡊࡀ ࡄࡀࡅࡉࡀ ࡃࡀࡄࡉࡋࡀࡍ ࡋࡌࡉࡆࡀࡋ ࡋࡉࡀࡊ ࡖࡀࡆࡀࡋ ࡅࡄࡃࡀࡓ ࡋࡀࡌࡍ ࡈࡅࡁࡉࡀ ࡅࡋࡀࡌࡍ ࡁࡉࡔࡉࡀ ࡖࡏࡅࡄࡓࡀࡉ ࡌࡊࡀ ࡄࡀࡅࡉࡀ ࡅࡀࡕࡀ ࡖࡏࡔࡀࡉࡋࡇ ࡋࡉࡀࡊ ࡖࡀࡆࡀࡋ ࡅࡏࡕࡀࡊ. |
| 118 |
ࡌࡀࡓ ࡋࡀࡌࡍ ࡉࡍࡄࡉࡀ ࡅࡋࡀࡌࡍ ࡌࡓࡉࡃࡉࡀ ࡖࡏࡅࡄࡓࡀࡉ ࡌࡊࡀ ࡄࡀࡅࡉࡀ ࡀࡕࡀ ࡏࡔࡀࡉࡋࡇ ࡏࡋࡀࡉ ࡅࡌࡀࡄࡅ ࡖࡀࡓࡔࡉࡕ ࡌࡀࡓࡔࡉࡍ ࡀࡀࡍ ࡌࡀࡄࡅ ࡖࡉࡀࡄࡁࡉࡕ ࡉࡀࡄࡁࡉࡋࡉࡀ ࡃࡅࡓࡃࡉࡀ ࡋࡉࡀࡊ ࡖࡀࡕࡉࡀ ࡅࡌࡔࡀࡉࡉࡋ ࡏࡋࡀࡉ ࡎࡋࡉࡒ ࡕࡅࡒࡀࡍ ࡅࡍࡉࡐࡔ ࡈࡅࡍࡉࡐࡀ ࡋࡉࡀࡊ ࡖࡀࡕࡉࡀ ࡅࡌࡔࡀࡉࡉࡋ ࡏࡋࡀࡉ ࡎࡋࡉࡒ ࡃࡅࡉࡊࡀ ࡅࡍࡉࡐࡔ ࡅࡀࡌࡀࡓ ࡒࡅࡌ ࡀࡍࡎࡂࡉࡀ ࡗ ࡀࡆࡉࡋࡀࡍ ࡖࡃࡀࡓࡀࡀࡍ ࡆࡀࡅࡀࡃࡉ. |
| 119 |
ࡀ ࡏࡋࡀࡉ ࡀࡀࡍ ࡌࡀࡄࡅ ࡀࡁࡃࡉࡕ ࡅࡌࡀࡄࡅ ࡀࡓࡔࡉࡕ ࡖࡀࡕࡀ ࡁࡏࡅࡃࡀࡍࡉ ࡍࡀࡐࡋ ࡀࡀࡍ ࡄࡀࡆࡀ ࡖࡔࡉࡌࡉࡕ ࡄࡀࡆࡀ ࡗ ࡌࡀࡈࡉࡀ ࡋࡌࡀࡁࡓࡀ ࡀࡁࡓࡅࡉࡀ ࡅࡊࡋ ࡌࡀࡍ ࡖࡃࡓࡉࡀ ࡆࡀࡅࡀࡃࡉࡀ ࡀࡁࡉࡄࡃࡇ ࡉࡀࡕࡉࡁ ࡅࡀࡍࡈࡀࡓ ࡋࡌࡀࡁࡓࡀ ࡅࡊࡋࡌࡀࡍ ࡖࡋࡀࡃࡓࡉࡀ ࡆࡅࡀࡃࡉࡀ ࡀࡁࡉࡄࡃࡇ ࡗ ࡆࡉࡓࡀ ࡖࡄࡀࡑࡃࡇ ࡌࡈࡀ ࡄࡅࡀࡓ ࡓࡉࡔࡀࡉ ࡅࡁࡀࡉࡉࡀࡍ ࡋࡌࡉࡆࡀࡋ ࡗ ࡀࡒࡓࡀ ࡖࡈࡋࡀࡋࡇ ࡍࡀࡐࡋ ࡒࡀࡌ ࡀࡉࡀࡍࡉ ࡌࡍ. |
| 120 |
ࡌࡉࡄࡆࡉࡀ ࡗ ࡀࡒࡀࡓࡕࡀ ࡖࡋࡀࡄࡅࡀࡋࡇ ࡁࡓࡀ ࡒࡀࡌ ࡏࡅࡃࡀࡍࡉ ࡌࡍ ࡌࡉࡔࡌࡀ ࡗ ࡀࡍࡄࡓࡀ ࡖࡌࡍ ࡅࡐࡌࡇ ࡉࡀࡁࡔࡀ ࡒࡀࡌ ࡅࡐࡌࡀࡉ ࡌࡍ ࡌࡉࡔࡕࡀࡉࡅࡉࡉࡀ ࡗ ࡀࡕࡅࡀࡕ ࡖࡉࡀࡋࡃࡀ ࡋࡀࡌࡓࡀࡁࡉࡀ ࡒࡀࡌ ࡏࡃࡀࡉ ࡌࡍ ࡌࡉࡁࡀࡃ ࡗ ࡀࡋࡂࡀ ࡖࡎࡉࡓࡐࡀ ࡋࡀࡉࡀࡋࡉࡐ ࡒࡀࡌ ࡋࡉࡂࡓࡀࡉ ࡌࡍ ࡌࡀࡎࡂࡅࡉࡉࡀ ࡏࡅࡌࡀࡌࡀ ࡓࡉࡄࡈࡉࡕ ࡗ ࡋࡉࡋࡉࡀ ࡓࡉࡄࡈࡉࡕ ࡏࡅࡌࡀࡌࡀ ࡅࡋࡉࡋࡉࡀ ࡋࡉࡂࡈࡉࡕ ࡆࡀࡅࡀ ࡅࡓࡀࡁࡉࡕ ࡁࡉࡍ. |
| 121 |
ࡀ ࡅࡋࡉࡋࡉࡀ ࡓࡉࡄࡈࡉࡕ ࡏࡅࡌࡀࡌࡀ ࡖࡄࡀࡆࡉࡍ ࡀࡋࡌࡀ ࡋࡉࡂࡈࡉࡕ ࡆࡀࡅࡀ ࡓࡀࡂࡀࡂࡕࡀ ࡗ ࡓࡀࡁࡉࡀࡍ ࡀࡁ ࡋࡃࡉࡋࡉࡀ ࡓࡀࡁࡉࡕ ࡏࡁࡉࡍࡀ ࡄࡀࡀࡊ ࡁࡂࡀࡅࡇ ࡖࡄࡀࡆࡉࡍ ࡀࡋࡌࡀ ࡀࡓࡔࡉࡕࡇ ࡅࡐࡓࡀࡀࡍ ࡅࡋࡉࡌࡀࡋࡉࡀ ࡖࡄࡅࡀࡋࡉࡀ ࡁࡉࡍࡀ ࡋࡉࡌࡀࡋࡉࡀ ࡖࡋࡉࡂࡈࡉࡕ ࡆࡀࡅࡀ ࡅࡁࡀࡍࡕࡀࡉ ࡋࡀࡌࡀࡁࡓࡉࡋࡉࡀ ࡉࡀࡌࡀ ࡓࡁࡀ ࡖࡎࡅࡐ ࡗ ࡁࡀࡍࡉ ࡏࡅࡄࡓࡀࡉ ࡋࡀࡆࡀࡁࡉࡍࡀ ࡅࡀࡄࡅࡀࡕࡀࡉ ࡆࡅࡀࡃࡀࡉ ࡋࡀࡄࡀࡅࡉࡀࡍ ࡀࡄ. |
| 122 |
ࡀࡉ ࡋࡀࡕࡉࡍ ࡀࡁࡉࡄࡃࡀࡉ ࡏࡅ ࡀࡊࡓࡉࡀࡋࡉࡀ ࡅࡌࡀࡃࡉࡊࡓࡀࡋࡉࡀ ࡆࡀࡅࡀࡉ ࡖࡓࡀࡄࡌࡀࡋࡉࡀ ࡀࡀࡍ ࡏࡋ ࡏࡅࡁࡀࡃࡀࡉ ࡌࡉࡋࡂࡉࡈࡀࡍ ࡅࡁࡀࡉࡊࡀ ࡏࡋࡀࡉ ࡁࡉࡅࡌࡀ ࡔࡉࡕࡀ ࡄࡃࡀ ࡅࡌࡉࡎࡕࡉࡌࡉࡊࡀࡍ ࡏࡋ ࡏࡅࡁࡀࡃࡉࡀ ࡏࡃࡀࡉ ࡀࡎࡂࡉࡀ ࡀࡕࡀࡋࡇ ࡔࡋࡉࡄࡀ ࡀࡍࡁࡑࡀ ࡀࡌࡀࡓࡋࡇ ࡗ ࡄࡀࡉࡆࡉࡍ ࡀࡌࡀࡓ ࡔࡅࡌ ࡁࡓ ࡅࡍ ࡅࡋࡀࡕࡉࡓࡊࡉࡋࡀࡊ ࡖࡄࡅࡀࡋࡀࡊ ࡁࡉࡍࡀ ࡋࡀࡕࡉࡄࡅࡒࡋࡀࡊ ࡖࡋࡂࡀࡈࡕ ࡆࡀࡅࡀ ࡏࡔࡅࡌࡉࡀ ࡅࡀ. |
| 123 |
ࡓࡒࡀ ࡋࡀࡄࡅࡀࡕ ࡁࡄࡀࡆࡉࡍ ࡀࡋࡌࡀ ࡏࡅ ࡆࡀࡅࡀ ࡁࡀࡋࡌࡀ ࡋࡀࡄࡅࡀࡕ ࡅࡋࡀࡏࡕࡌࡉࡎࡉࡀࡕ ࡌࡎࡅࡕࡀ ࡅࡉࡍࡋࡐࡀࡕ ࡁࡌࡀࡉ ࡋࡀࡄࡅࡀ ࡏࡔࡅࡌࡀ ࡅࡋࡀࡄࡅࡀࡕ ࡀࡓࡒࡀ ࡋࡄࡀࡀࡊ ࡋࡀࡎࡂࡅࡍ ࡔࡀࡌࡉࡔ ࡅࡎࡉࡓࡀ ࡏࡅ ࡆࡀࡅࡀ ࡁࡀࡋࡌࡀ ࡋࡀࡄࡅࡀࡕ ࡅࡋࡀࡄࡍࡅࡓ ࡄࡍࡅࡓࡀࡉࡄࡅࡍ ࡁࡄࡀࡆࡉࡍ ࡀࡋࡌࡀ ࡋࡀࡎࡂࡅࡍ ࡔࡀࡌࡉࡔ ࡅࡎࡉࡓࡀ ࡋࡄࡀࡀࡊ ࡌࡉࡀ ࡄࡉࡉࡀ ࡋࡄࡀࡀࡊ ࡋࡀࡕࡅࡍ ࡏࡅ ࡆࡀࡅࡀ ࡁࡀࡋࡌࡀ ࡋࡀࡄࡅࡀࡕ ࡅࡋࡀࡄࡅ. |
| 124 |
ࡀࡕ ࡌࡀࡆࡓࡅࡕࡀ ࡁࡄࡀࡆࡉࡍ ࡀࡋࡌࡀ ࡋࡀࡕࡅࡍ ࡌࡉࡀ ࡄࡉࡉࡀ ࡋࡄࡀࡀࡊ ࡀࡉࡀࡓ ࡆࡉࡒࡀ ࡋࡄࡀࡀࡊ ࡋࡀࡕࡀࡋࡇ ࡏࡅ ࡆࡀࡅࡀ ࡁࡀࡋࡌࡀ ࡋࡀࡄࡅࡀࡕ ࡅࡋࡀࡄࡅࡀࡕ ࡅࡍࡓࡀ ࡅࡋࡀࡏࡎࡕࡉࡄࡈࡀࡕ ࡅࡋࡀࡏࡕࡉࡍࡉࡑࡁ ࡀࡉࡀࡓ ࡀࡅࡊࡀࡕ ࡏࡔࡅࡌࡀ ࡅࡀࡓࡒࡀ ࡁࡄࡀࡆࡉࡍ ࡀࡋࡌࡀ ࡁࡅࡊࡋ ࡌࡉࡃࡍࡀࡌ ࡄࡅࡀࡕ ࡆࡀࡅࡀ ࡄࡀࡀࡊ ࡁࡀࡋࡌࡀ ࡃࡀࡀࡊࡓ ࡔࡅࡌࡀ ࡓࡀࡁࡉࡕ ࡁࡉࡍࡀ ࡖࡄࡀࡅࡉࡋࡀࡊ ࡀࡕࡉࡍ ࡀࡁࡀࡕࡓࡀࡊ ࡋࡁࡉࡕ ࡒࡅࡁࡓࡉࡀ ࡆ. |
| 125 |
ࡀࡉࡃࡉࡋࡇ ࡏࡋ ࡀࡐࡂࡓࡀࡊ ࡏࡋ ࡔࡉࡅࡋ ࡉࡅࡌࡀ ࡖࡀࡍࡒࡐࡉࡕ ࡌࡍ ࡀࡋࡌࡀ ࡒࡀࡓࡉࡋࡉࡍ ࡏࡋ ࡌࡀࡎࡒࡀࡕࡀࡊ ࡖࡃࡉࡀࡍ ࡌࡉࡀࡍࡊ ࡋࡀࡌࡉࡕࡌࡀࡓ ࡉࡀࡄࡁࡉࡋࡇ ࡋࡆࡉࡃࡒࡀ ࡌࡍ ࡀࡁࡀࡕࡓࡀࡊ ࡋࡔࡋࡉࡄࡀ ࡖࡌࡍ ࡌࡓࡅࡌࡀ ࡀࡕࡀ ࡌࡀࡋࡉࡋ ࡖࡉࡍࡌࡀࡓࡋࡇ ࡔࡅࡌ ࡁࡓ ࡅࡍ ࡀࡊࡓࡉࡀࡋࡉࡀ ࡀࡍࡂࡍࡓࡉࡀ ࡏࡃࡉࡋࡌࡀ ࡂࡀࡉࡓࡉࡀ ࡂࡀࡅࡓࡀ ࡅࡌࡉࡕࡀࡂࡆࡀࡓ ࡏࡋࡀࡉ ࡏࡃࡉࡋࡌࡀ ࡂࡀࡁࡍࡉࡀ ࡂࡅࡍࡁࡕࡀ ࡅࡀࡋࡊࡀࡋࡉࡀ ࡅࡍࡓࡀ. |
| 126 |
ࡖࡉࡀࡒࡃࡀ ࡆࡀࡌࡓࡉࡀ ࡆࡌࡀࡓࡀ ࡖࡎࡀࡈࡀࡀࡍ ࡏࡃࡉࡋࡌࡀ ࡅࡌࡀࡉࡕࡀࡍ ࡕࡓࡉࡍ ࡌࡅࡕࡉࡀ ࡁࡄࡀࡃ ࡏࡃࡉࡋࡌࡀ ࡀࡊࡓࡐࡉࡀ ࡁࡔࡅࡌࡀ ࡖࡄࡉࡉࡀ ࡅࡏࡋ ࡔࡅࡌ ࡁࡓ ࡅࡍ ࡖࡉࡍࡌࡀࡓࡋࡇ ࡌࡀࡋࡉࡋ ࡔࡋࡉࡄࡀ ࡖࡄࡉࡉࡀ ࡖࡂࡀࡉࡓࡉࡀ ࡏࡋ ࡅࡍࡓࡀ ࡀࡆࡋࡉࡀ ࡔࡋࡉࡄࡀ ࡖࡌࡍ ࡏࡌࡓࡅࡌࡀ ࡀࡕࡀ ࡉࡍࡄࡅࡉࡀ ࡏࡋࡀࡅࡀࡉࡄࡅࡍ ࡅࡃࡂࡀࡁࡍࡉࡀ ࡓࡅࡂࡆࡀ ࡓࡁࡀ ࡕࡉࡋࡊࡅࡍ ࡅࡍࡓࡀ ࡖࡉࡀࡒࡃࡀ ࡅࡃࡆࡀࡌࡀࡓ ࡆࡌࡀࡓࡀ ࡖࡎࡀࡈࡀࡀࡍ ࡉ. |
| 127 |
ࡍࡌࡉࡕࡅࡍ ࡕࡓࡉࡍ ࡌࡅࡕࡉࡀ ࡁࡄࡀࡃ ࡅࡃࡀࡊࡓࡐࡉࡀ ࡁࡔࡅࡌࡀ ࡖࡄࡉࡉࡀ ࡅࡋࡀࡅ ࡃࡀࡉࡀࡀࡍ ࡁࡀࡋࡌࡀ ࡒࡓࡅࡊ ࡀࡀࡍࡕ ࡋࡀࡅ ࡃࡀࡅࡀࡓ ࡁࡕࡉࡁࡉࡋ ࡔࡀࡅࡉࡅࡊ ࡀࡁࡀࡕࡅࡓ ࡋࡄࡀࡀࡊ ࡋࡀࡕࡉࡅࡉࡀ ࡏࡅ ࡏࡋ ࡃࡉࡋࡀࡊ ࡔࡀࡅࡉࡅࡊ ࡃࡀࡅࡀࡓ ࡕࡉࡎࡓࡅࡁࡊࡇ ࡅࡍࡓࡀ ࡅࡕࡉࡋࡊࡇ ࡀࡀࡊࡓ ࡋࡀࡋࡌࡀ ࡔࡅࡁࡒࡇ ࡗ ࡔࡀࡋࡌࡀࡉࡍࡀ ࡌࡉࡇࡍ ࡀࡍࡒࡐࡉࡀ ࡅࡄࡅࡓࡁࡀ ࡉࡍࡃࡉࡓࡇ ࡋࡕࡉࡁࡉࡋ ࡋࡀࡕࡓࡀ ࡖࡈࡀࡁࡉࡀ ࡄࡀࡕࡀࡌ ࡔࡓࡉࡍ ࡒ. |
| 128 |
ࡅࡌ ࡎࡀࡒ ࡋࡁࡉࡕ ࡄࡉࡉࡀ ࡓࡁࡉࡀ ࡅࡔࡓࡀࡂࡉࡀ ࡖࡄࡍࡅࡓࡀ ࡋࡀࡄࡀࡔࡉࡊࡀ ࡀࡕࡓࡀ ࡖࡋࡀࡓࡁࡀ ࡔࡀࡌࡔࡉࡇ ࡅࡋࡀࡉࡉࡕ ࡁࡂࡀࡅࡇ ࡄࡀࡎࡀࡓ ࡅࡁࡉࡑࡓ ࡀࡕࡓࡀ ࡖࡋࡉࡕࡁࡇ ࡀࡊࡃࡁࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡌࡀࡓࡐࡉࡔ ࡔࡅࡌ ࡁࡓ ࡅࡍ ࡔࡅࡌ ࡁࡅࡊࡔࡈࡀ ࡒࡀࡉࡉࡌ ࡃࡀࡓࡉࡔ ࡅࡀࡌࡀࡓ ࡔࡅࡌ ࡁࡅࡊࡔࡈࡀ ࡒࡀࡉࡉࡌ ࡖࡃࡀࡓࡀ ࡁࡉࡑࡓࡀ ࡌࡉࡈࡉࡀࡍ ࡏ. |
| 129 |
ࡋࡀࡉ ࡌࡀࡄࡅ ࡄࡈࡉࡕ ࡁࡉࡕ ࡄࡉࡉࡀ ࡓࡁࡉࡀ ࡅࡕࡓࡉࡎࡀࡓ ࡄࡅࡋࡉࡀ ࡓࡉࡃࡀࡐ ࡁࡊࡀࡓࡅࡍ ࡔࡅࡁࡀ ࡅࡕࡉࡉࡍࡀࡉࡍࡀ ࡋࡀࡌࡔࡀࡉࡋࡉࡍ ࡏࡋࡀࡉ ࡏࡉࡍࡔࡉࡅࡍ ࡒࡀࡃࡌࡀࡉࡉࡀ ࡅࡀࡃࡍࡀࡔࡀࡕࡀ ࡖࡋࡀࡔࡀࡋࡌࡀࡍ ࡉࡍࡋࡐࡉࡕ ࡁࡓࡉࡃࡀࡐ ࡓࡁࡀ ࡅࡀࡕࡉࡀࡍ ࡃࡉࡌࡀࡉ ࡅࡋࡀࡔࡀࡋࡌࡀࡍ ࡌࡉࡈࡉࡀࡍ ࡀࡊࡓࡉࡅࡕࡀ ࡅࡀࡌࡓࡀࡋࡅࡍ ࡋࡌࡀࡔࡕࡅࡉࡑࡀ ࡁࡇࡍ ࡒࡀࡉࡌࡀ ࡅࡌࡄࡀࡔࡁࡀ ࡉࡍࡌࡓࡅࡎ ࡀࡕࡅࡍ ࡖࡉࡍࡎࡀࡓࡊࡇ ࡁࡒࡅࡋࡀࡋࡀࡍ ࡁࡄࡉࡓ. |
| 130 |
ࡀ ࡍࡀࡐࡋ ࡁࡏࡃࡀࡉࡀࡍ ࡖࡉࡍࡉࡍࡔࡉࡀ ࡋࡃࡓࡀࡁࡔࡉࡀ ࡔࡀࡉࡍࡀ ࡅࡀࡍࡔࡌࡇ ࡂࡅࡄࡀ ࡓࡁࡀ ࡖࡌࡀࡔࡍࡉࡋࡇ ࡋࡎࡉࡂࡅࡃࡕࡀ ࡖࡅࡊࡋ ࡆࡁࡀࡍ ࡉࡍࡔࡉࡁࡉࡇ ࡁࡁࡉࡋࡅࡓࡀࡍ ࡅࡆࡌࡀࡓࡀࡍ ࡅࡓࡉࡔࡀ ࡖࡅࡊࡋࡀࡉࡀࡍ ࡉࡍࡔࡀࡅࡉࡇ ࡉࡍࡋࡉࡂࡈࡇ ࡁࡋࡉࡂࡉࡈࡕࡀࡍ ࡅࡉࡍࡓࡉࡌࡉࡇ ࡁࡄࡔࡅࡀࡊ ࡂࡅࡄࡉࡀ ࡉࡍࡔࡉࡁࡉࡇ ࡁࡔࡉࡁࡉࡀ ࡓࡁࡀ ࡖࡌࡀࡔࡍࡉࡋࡇ ࡋࡀࡕࡓࡀ ࡖࡌࡉࡇࡍ ࡀࡕࡀ ࡉࡍࡀࡊࡕࡓࡇ ࡁࡌࡀࡈࡀࡓࡀࡕ ࡖࡀࡑࡋࡉࡀ ࡌࡉࡇࡍ. |
| 131 |
ࡌࡍ ࡅࡊࡃࡀࡊ ࡉࡍࡔࡁࡅࡒ ࡏࡋࡇ ࡄࡀࡅࡒࡀ ࡓࡁࡀ ࡌࡀࡈࡑࡉࡀࡉࡍࡀ ࡖࡄࡀࡆࡉࡍ ࡀࡋࡌࡀ ࡗ ࡀࡌࡀࡓ ࡔࡉࡁࡉࡀࡄࡉࡀ ࡖࡃࡀࡓࡀ ࡔࡅࡌ ࡁࡓ ࡅࡍ ࡌࡀࡋࡉࡋ ࡖࡉࡍࡌࡀࡓࡋࡅࡍ ࡓࡉࡔࡀ ࡖࡅࡍࡓࡀ ࡄࡀࡅࡉࡀ ࡃࡀࡉࡀࡍࡅࡊࡍ ࡏࡆࡉࡋ ࡏࡆࡉࡋ ࡁࡉࡔࡉࡀ ࡖࡄࡀࡔࡉࡁࡕࡅࡍ ࡏࡋࡀࡉ ࡋࡀࡄࡀࡅࡉࡀ ࡗ ࡀࡌࡓࡕࡅࡍ ࡋࡀࡔࡉࡊࡕࡅࡍ ࡄࡀࡉࡆࡉࡍ ࡓࡉࡌࡆࡀ ࡋࡀࡉࡍࡓࡉࡌࡆࡀ ࡀࡉࡀࡍࡉ ࡖࡎࡀࡉࡊࡀ ࡋࡄࡉࡉࡀ ࡋࡀࡀࡑࡉࡕࡀ ࡆࡌࡀࡓࡀ ࡁࡀࡈࡋࡀ ࡏࡅࡃ. |
| 132 |
ࡀࡍࡉ ࡖࡀࡑࡉࡕࡀ ࡁࡅࡕࡀ ࡅࡕࡅࡔࡁࡉࡄࡕࡀ ࡋࡀࡌࡀࡕࡉࡋࡉࡀ ࡆࡌࡀࡓࡀ ࡖࡏࡅࡋࡀ ࡅࡐࡌࡀࡉ ࡖࡌࡋࡉࡀ ࡁࡅࡕࡀ ࡅࡕࡅࡔࡁࡉࡄࡕࡀ ࡂࡉࡈࡋࡀ ࡁࡕࡉࡁࡉࡋ ࡋࡀࡂࡀࡈࡋࡀ ࡏࡃࡀࡉ ࡖࡉࡀࡄࡁࡀ ࡆࡉࡃࡒࡀ ࡁࡉࡁࡋࡅࡓࡉࡀ ࡅࡆࡌࡀࡓࡀ ࡋࡀࡌࡉࡕࡀࡓࡔࡉࡀ ࡋࡉࡁࡀࡉ ࡖࡔࡓࡉࡁࡇ ࡄࡉࡉࡀ ࡓࡁࡉࡀ ࡋࡀࡀࡍࡉࡐࡋ ࡁࡅࡍࡓࡀ ࡖࡉࡀࡒࡃࡀ ࡉࡍࡔࡉࡌࡕࡀࡉ ࡅࡏࡈࡑࡅࡀࡍࡉ ࡖࡌࡔࡀࡋࡀࡌ ࡁࡅࡊࡔࡈࡀ ࡁࡏࡆࡋࡀ ࡖࡔࡅࡁࡀ ࡋࡀࡀࡍࡉࡐࡋ ࡀࡐࡂࡓࡀࡉ ࡋࡀࡂࡀ. |
| 133 |
ࡓ ࡂࡀࡅࡓࡀ ࡋࡄࡀࡉࡍࡉࡐࡀ ࡅࡏࡋ ࡓࡐࡅࡉࡊࡀ ࡅࡏࡋ ࡀࡐࡕࡉࡓࡊࡉࡀ ࡋࡀࡎࡀࡂࡃࡀ ࡁࡅࡓࡀࡊࡉ ࡖࡌࡀࡓࡁࡉࡀࡊ ࡅࡎࡀࡂࡃࡀ ࡋࡄࡉࡉࡀ ࡁࡉࡍࡋࡊࡀ ࡅࡀࡊࡃࡁࡀ ࡋࡀࡌࡀࡎࡂࡉࡀ ࡖࡌࡀࡃࡓࡉࡀࡊ ࡃࡉࡓࡉࡊࡀ ࡖࡅࡊࡔࡈࡀ ࡋࡉࡂࡓࡀࡉ ࡄࡉࡉࡀ ࡋࡈࡀࡁ ࡏࡃࡉࡓࡊࡅࡊ ࡏࡔࡕࡀࡋࡌࡉࡕ ࡅࡋࡀࡃࡀࡄࡉࡋࡀࡍ ࡁࡀࡔࡒࡀࡓࡕࡇ ࡋࡃࡀࡅࡓࡀ ࡕࡀࡒࡀࡍ ࡅࡏࡔࡕࡀࡋࡌࡉࡕ ࡅࡋࡀࡃࡀࡄࡉࡋࡀࡍ ࡌࡍ ࡕࡉࡁࡉࡋ ࡅࡉࡍࡔࡌࡀࡕ ࡋࡁࡉࡕ ࡄࡉࡉࡀ ࡎࡉࡊࡕ ࡀࡉࡀࡍ. |
| 134 |
ࡉ ࡋࡏࡌࡓࡅࡌ ࡔࡉࡒࡋࡉࡕ ࡅࡌࡔࡀࡁࡉࡍ ࡄࡉࡉࡀ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡌࡀࡓࡐࡉࡔ ࡔࡅࡌ ࡁࡓ ࡅࡍ ࡔࡅࡌ ࡁࡅࡊࡔࡈࡀ ࡒࡀࡉࡉࡌ ࡅࡀࡌࡀࡓ ࡔࡅࡌ ࡁࡅࡊࡔࡈࡀ ࡒࡀࡉࡉࡌ ࡅࡕࡓࡉࡎࡀࡓ ࡄࡅࡋࡉࡀ ࡓࡉࡃࡀࡐ ࡅࡀࡌࡓࡉࡀ ࡔࡅࡁࡀ ࡄࡅࡋࡉࡀ ࡄࡀࡌࡁࡀࡂࡀ ࡖࡋࡀࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡖࡉࡍࡀࡁࡈࡇ ࡁࡂࡅ ࡀࡓࡒࡀࡍ ࡅࡋࡄࡉࡋ ࡋࡄࡍࡅࡓࡀ ࡋࡀࡉࡍࡎࡀࡒ ࡉࡍࡀࡊࡕࡓࡇ ࡁࡂࡅ ࡕ. |
| 135 |
ࡉࡁࡉࡋ ࡅࡀࡊࡓࡉࡅࡕࡀ ࡖࡉࡍࡉࡍࡔࡉࡇ ࡋࡂࡀࡁࡓࡀ ࡀࡍࡁࡑࡇ ࡉࡍࡔࡁࡅࡒ ࡏࡋࡇ ࡀࡉࡈࡀ ࡖࡋࡀࡌࡁࡀࡔࡒࡀࡓࡋࡅࡍ ࡋࡀࡃࡉࡀࡅࡓࡇ ࡉࡍࡋࡉࡂࡈࡇ ࡁࡓࡀࡆࡀࡉࡀࡍ ࡓࡁࡀ ࡖࡌࡉࡔࡍࡉࡋࡅࡍ ࡋࡃࡓࡀࡁࡔࡉࡀ ࡔࡀࡉࡍࡀ ࡉࡍࡔࡉࡁࡉࡇ ࡁࡔࡉࡁࡉࡀ ࡓࡁࡀ ࡖࡌࡀࡔࡍࡉࡋࡇ ࡋࡌࡀࡓࡇ ࡌࡍ ࡏࡅࡓࡑࡇ ࡉࡍࡔࡁࡅࡒ ࡏࡋࡇ ࡌࡀࡄࡓࡀ ࡓࡁࡀ ࡖࡌࡀࡔࡍࡉࡋࡇ ࡋࡁࡅࡕࡇ ࡖࡅࡊࡋ ࡆࡁࡀࡍ ࡀࡍࡋࡇࡐ ࡌࡍ ࡆࡌࡀࡓࡀࡍ ࡅࡋࡉࡂࡉࡀࡍ ࡅࡀࡃࡍࡀࡔࡀࡕࡀ ࡖࡄࡀ. |
| 136 |
ࡆࡉࡍ ࡀࡋࡌࡀ ࡉࡍࡔࡉࡃࡉࡇ ࡁࡓࡉࡃࡀࡐ ࡓࡁࡀ ࡖࡌࡀࡔࡍࡉࡋࡅࡍ ࡋࡓࡀࡄࡌࡇ ࡖࡋࡉࡋࡉࡀ ࡉࡍࡔࡁࡅࡒ ࡏࡋࡇ ࡀࡉࡈࡀ ࡖࡋࡀࡉࡍࡎࡀࡒ ࡋࡁࡉࡕ ࡓࡅࡓࡁࡉࡀ ࡉࡍࡀࡊࡕࡓࡇ ࡁࡒࡅࡋࡀࡋࡀࡍ ࡁࡉࡔࡀࡕࡀ ࡖࡀࡉࡀࡍࡉࡄࡅࡍ ࡄࡍࡅࡓࡀ ࡋࡀࡄࡀࡆࡉࡀࡍ ࡗ ࡄࡀࡆࡉࡍ ࡀࡌࡀࡓ ࡔࡉࡁࡉࡀࡄࡉࡀ ࡅࡁࡕࡀࡒࡋࡀࡕࡅࡊࡍ ࡋࡀࡌࡉࡕࡒࡉࡋࡀࡍ ࡀࡀࡍ ࡋࡀࡀࡍࡉࡐࡋࡀࡍ ࡁࡓࡀࡆࡀࡉࡅࡊࡍ ࡅࡋࡀࡋࡊࡀࡋࡉࡍ ࡅࡍࡓࡀࡉࡅࡊࡍ ࡖࡉࡀࡒࡃࡀ ࡋࡀࡔࡀࡌࡀࡀࡍ ࡋࡔࡅ. |
| 137 |
ࡌࡀࡉࡅࡊࡍ ࡅࡋࡀࡌࡉࡔࡍࡉࡅࡍࡍ ࡋࡀࡃࡉࡀࡅࡓࡀࡉ ࡋࡀࡌࡉࡕࡀࡊࡕࡀࡓࡀࡍ ࡁࡃࡀࡅࡓࡀࡉࡅࡊࡍ ࡅࡋࡀࡌࡀࡔࡍࡉࡇࡍ ࡋࡌࡀࡓࡀࡉ ࡌࡍ ࡏࡅࡓࡑࡀࡉ ࡋࡀࡔࡀࡌࡀࡀࡍ ࡋࡌࡉࡉࡍࡋࡕࡀࡉࡅࡊࡍ ࡖࡏࡅࡋࡀ ࡅࡋࡀࡌࡁࡀࡈࡉࡋࡀࡍ ࡏࡋ ࡃࡓࡀࡔࡉࡀ ࡔࡀࡉࡍࡀ ࡋࡀࡀࡊࡁࡀࡓ ࡏࡋࡀࡉ ࡀࡉࡈࡀࡉࡅࡊࡍ ࡅࡓࡉࡃࡀࡐࡉࡅࡊࡍ ࡅࡋࡀࡌࡁࡀࡈࡉࡋࡀࡍ ࡋࡓࡀࡄࡌࡀࡉ ࡖࡋࡉࡋࡉࡀ ࡋࡀࡀࡊࡁࡓࡀ ࡏࡋࡀࡉ ࡀࡃࡍࡀࡔࡀࡕࡅࡊࡍ ࡅࡋࡀࡌࡁࡀࡈࡉࡋࡀࡍ ࡁࡀࡅࡀࡕࡀ ࡖࡅࡊࡋ ࡆࡁࡀࡍ. |
| 138 |
ࡅࡋࡀࡌࡉࡎࡕࡀࡀࡊࡓࡀࡍ ࡁࡃࡀࡅࡓࡀࡉࡅࡊࡍ ࡅࡁࡄࡀࡔࡀࡁࡀࡕࡅࡊࡍ ࡅࡋࡀࡌࡉࡕࡓࡀࡂࡀࡂࡀࡍ ࡏࡋ ࡀࡅࡃࡉࡀ ࡋࡀࡌࡀࡔࡍࡉࡀࡍ ࡋࡄࡉࡉࡀ ࡓࡁࡉࡀ ࡅࡋࡀࡌࡉࡎࡕࡀࡀࡊࡓࡀࡍ ࡁࡃࡀࡅࡓࡀ ࡖࡎࡉࡈࡉࡀ ࡀࡊࡎࡉࡉࡀ ࡀࡄࡀࡉ ࡋࡀࡌࡉࡔࡍࡉࡅࡍࡍ ࡋࡏࡅࡕࡓࡉࡀ ࡅࡋࡀࡀࡊࡁࡀࡓ ࡀࡉࡈࡀࡉࡅࡊࡍ ࡏࡋࡀࡉ ࡅࡋࡀࡌࡉࡔࡍࡉࡇࡍ ࡋࡕࡅࡔࡁࡉࡄࡕࡀ ࡖࡀࡁࡀࡄࡀࡕࡀࡉ ࡅࡋࡀࡌࡉࡕࡓࡀࡂࡀࡂࡀࡍ ࡋࡆࡌࡀࡓࡅࡍ ࡁࡀࡈࡋࡀ ࡅࡋࡀࡌࡉࡔࡍࡉࡅࡍࡍ ࡋࡎࡉࡃࡓࡀࡉ ࡀࡊࡎࡉࡉ. |
| 139 |
ࡀ ࡅࡀࡀࡊࡓࡕࡉࡅࡍࡍ ࡋࡀࡃࡍࡀࡔࡀࡕࡅࡊࡍ ࡅࡋࡀࡌࡉࡔࡍࡉࡀࡍ ࡋࡄࡀࡉࡍࡀ ࡁࡀࡅࡀࡕࡀࡉ ࡋࡀࡄࡀࡅࡉࡀ ࡔࡅࡌࡀࡉ ࡌࡍ ࡀࡅࡃࡉࡀ ࡏࡋࡀࡉ ࡖࡌࡉࡔࡍࡉࡇࡍ ࡋࡌࡀࡓࡀࡉ ࡅࡌࡉࡕࡓࡀࡂࡀࡂ ࡁࡃࡀࡅࡓࡀ ࡖࡀࡅࡃࡉࡀ ࡌࡀࡍ ࡖࡌࡉࡉࡍࡔࡉࡇ ࡁࡉࡕ ࡀࡀࡍࡔࡀࡕࡀ ࡅࡕࡅࡔࡁࡉࡄࡕࡀ ࡖࡄࡉࡉࡀ ࡓࡁࡉࡀ ࡌࡀࡍ ࡖࡌࡉࡉࡍࡔࡉࡇ ࡔࡅࡌࡀ ࡖࡄࡉࡉࡀ ࡁࡆࡉࡀࡐ ࡖࡄࡀࡆࡉࡍ ࡀࡋࡌࡀ ࡅࡓࡀࡄࡌࡉࡀ ࡖࡀࡌࡀࡓ ࡅࡔࡅࡌࡀ ࡅࡕࡅࡔࡁࡉࡄࡕࡀ ࡖࡀࡁࡀࡄࡀࡕࡇ ࡌࡀ. |
| 140 |
ࡍ ࡖࡌࡉࡉࡍࡔࡉࡇ ࡁࡅࡕࡀ ࡖࡅࡊࡋࡇ ࡉࡊࡁࡉࡀ ࡅࡌࡅࡌࡉࡀ ࡌࡋࡀ ࡅࡃࡀࡉࡀࡓ ࡁࡏࡈࡑࡅࡍ ࡀࡐࡂࡓࡉࡀ ࡎࡀࡋࡒࡀ ࡃࡌࡅࡕࡀࡉ ࡋࡔࡉࡊࡀࡍࡕࡅࡍ ࡗ ࡁࡀࡉࡉࡋࡉࡀ ࡄࡉࡉࡀ ࡓࡁࡉࡀ ࡅࡁࡀࡉࡕࡇ ࡅࡊࡋࡇ ࡄࡀࡁࡀࡓࡀ ࡀࡐࡂࡓࡀ ࡉࡍࡋࡊࡇ ࡋࡌࡀࡓࡇ ࡀࡀࡍ ࡎࡀࡋࡉࡒࡀࡍ ࡋࡁࡉࡕ ࡄࡉࡉࡀ ࡓࡁࡉࡀ ࡉࡍࡄࡁࡀࡈ ࡁࡓࡉࡔࡀࡉࡄࡅࡍ ࡖࡀࡁࡃࡇ ࡅࡋࡀࡌࡉࡔࡍࡉࡅࡍࡍ ࡋࡀࡃࡉࡀࡓࡀࡉ ࡁࡓࡉࡔ ࡉࡊࡌࡇࡑ ࡅࡃࡀࡉࡀࡓࡀࡍ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓ. |
| 141 |
ࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡌࡀࡓࡐࡉࡔ ࡔࡅࡌ ࡁࡓ ࡅࡍ ࡔࡅࡌ ࡅࡊࡔࡈࡀ ࡒࡀࡉࡉࡌ ࡃࡀࡓࡉࡔ ࡅࡀࡌࡀࡓ ࡔࡅࡌ ࡁࡅࡊࡔࡈࡀ ࡒࡀࡉࡉࡌ ࡅࡃࡌࡅࡕࡀࡉ ࡋࡀࡄࡅࡀࡕ ࡌࡍ ࡀࡅࡃࡉࡀ ࡀࡀࡍ ࡋࡀࡄࡅࡉࡕ ࡁࡓ ࡁࡀࡉࡕࡀ ࡅࡁࡉࡔࡉࡀ ࡁࡂࡀࡅࡀࡉ ࡋࡀࡌࡀࡎࡉࡊࡋࡉࡀ ࡔࡀࡓࡔࡀࡉ ࡋࡀࡅ ࡌࡍ ࡀࡋࡌࡀ ࡅࡌࡉࡀࡍࡉ ࡃࡉࡋࡉࡀ ࡀࡌࡓࡉࡀ ࡄࡃࡀࡓ ࡒࡀࡉࡌࡅࡍ ࡔࡉࡁࡉࡀࡄࡉࡀ ࡖࡋࡀࡌࡀࡓࡀ ࡏࡕࡋࡇ ࡅࡋࡀࡌࡀࡓ. |
| 142 |
ࡕࡀ ࡉࡀ ࡂࡀࡁࡓࡀ ࡅࡍࡓࡊࡀࡉࡀ ࡀࡀࡍࡕ ࡁࡀࡋࡄࡅࡃࡀࡊ ࡌࡀࡄࡅ ࡀࡁࡃࡉࡕ ࡃࡅࡕࡊࡀ ࡖࡀࡍࡔࡐࡉࡀ ࡁࡉࡔࡉࡀ ࡌࡀࡍ ࡄࡀࡅࡉࡋࡀࡊ ࡀࡎࡉࡀ ࡏࡅ ࡔࡀࡁࡒࡉࡍ ࡏࡋࡀࡊ ࡌࡀࡄࡓࡀ ࡓࡁࡀ ࡌࡀࡍ ࡄࡀࡅࡉࡋࡀࡊ ࡔࡀࡓࡉࡀ ࡏࡅ ࡀࡎࡓࡉࡋࡀࡊ ࡁࡉࡔࡉࡀ ࡁࡂࡅ ࡀࡒࡓࡅࡍ ࡌࡀࡍ ࡄࡀࡅࡉࡋࡀࡊ ࡉࡐࡓࡒࡀ ࡏࡅ ࡓࡀࡌࡉࡋࡀࡊ ࡒࡅࡋࡀࡋࡉࡀ ࡁࡏࡅࡄࡓࡀࡊ ࡅࡌࡀࡍ ࡄࡀࡅࡉࡋࡀࡊ ࡀࡃࡉࡀࡅࡓࡀ ࡌࡀࡍ ࡉࡐࡓࡒࡀ ࡄࡀࡅࡉࡋࡀࡊ ࡅࡀࡓࡃࡉࡋࡊࡇ. |
| 143 |
ࡌࡉࡇࡍ ࡎࡋࡉࡒ ࡁࡀࡉࡕࡀ ࡔࡉࡁࡒࡇ ࡌࡀࡓࡇ ࡎࡋࡉࡒࡉࡅࡍ ࡋࡀࡕࡀࡓ ࡄࡍࡅࡓ ࡅࡅࡊࡋࡄࡍ ࡄࡉࡉࡀ ࡄࡉࡔࡁࡅࡉࡀ ࡋࡄࡅࡔࡁࡀࡅࡍࡍ ࡖࡋࡀࡀࡍࡋࡐࡉࡕ ࡄࡀࡔࡕࡀ ࡍࡀࡐࡋࡕ ࡁࡏࡃࡀࡉࡀࡍ ࡖࡋࡀࡌࡉࡔࡕࡉࡓࡉࡉࡕ ࡏࡄࡀࡓࡆࡀࡒࡕ ࡁࡀࡒࡓࡀࡍ ࡅࡁࡏࡅࡁࡀࡃࡀࡍ ࡏࡎࡕࡀࡀࡊࡓࡕ ࡁࡀࡒࡓࡀࡍ ࡋࡂࡉࡈࡉࡕ ࡁࡋࡉࡂࡉࡈࡕࡀࡍ ࡃࡉࡋࡀࡍ ࡅࡋࡀࡌࡔࡀࡉࡉࡋࡁࡀࡊ ࡂࡀࡁࡓࡀ ࡀࡍࡁࡑࡀࡊ ࡖࡋࡀࡌࡀࡈࡉࡋࡀࡊ ࡀࡃࡉࡀࡅࡓࡀࡊ ࡀࡕࡉࡀࡍ ࡃࡉࡌࡇ ࡅࡋࡀࡔࡀࡋࡌ. |
| 144 |
ࡀࡍ ࡅࡀࡌࡀࡓ ࡗ ࡄࡀࡆࡉࡍ ࡔࡅࡌࡀ ࡔࡅࡌ ࡁࡓ ࡅࡍ ࡁࡀࡕࡀࡓ ࡄࡍࡅࡓ ࡖࡋࡉࡀࡊ ࡄࡉࡉࡀ ࡅࡋࡀࡉࡉࡕࡇ ࡋࡌࡀࡃࡍࡀ ࡖࡄࡉࡉࡀ ࡋࡏࡌࡓࡅࡌ ࡎࡋࡉࡒ ࡎࡋࡉࡒࡉࡅࡍ ࡔࡉࡋࡌࡀࡉ ࡅࡉࡍࡃࡁࡀࡉ ࡅࡄࡀࡁࡔࡀࡁࡀ ࡅࡏࡉࡍࡔࡉࡅࡍ ࡏࡅࡕࡓࡉࡀ ࡖࡀࡕࡉࡅࡍ ࡋࡉࡀࡊ ࡔࡀࡌࡓࡅࡍ ࡀࡍࡉࡐࡀ ࡉࡅࡌࡀ ࡅࡓࡅࡔࡅࡌࡀࡉ ࡋࡀࡌࡀࡃࡉࡊࡓࡉࡋࡉࡀ ࡁࡉࡕ ࡀࡁ ࡀࡅࡃࡉࡀࡍ ࡌࡀࡁࡑࡅࡕࡉࡀࡕࡀࡉ ࡅࡁࡈࡉࡋࡉࡅࡍ ࡓࡀࡄࡌࡀࡉ ࡖࡋࡉࡋࡉࡀ ࡏࡉࡍࡔࡉࡅࡍ ࡀࡃࡓࡀࡔ. |
| 145 |
ࡉࡀ ࡅࡎࡉࡃࡓࡀࡉ ࡅࡔࡀࡌࡓࡅࡍ ࡂࡅࡁࡓࡉࡀ ࡖࡀࡕࡉࡅࡍ ࡔࡉࡁࡒࡅࡍ ࡀࡍࡈࡓࡉࡀ ࡀࡊࡎࡉࡉࡀ ࡓࡐࡀ ࡅࡌࡀࡈࡉࡀ ࡔࡋࡉࡄࡀ ࡀࡍࡁࡑࡀ ࡗ ࡄࡀࡆࡉࡍ ࡀࡌࡀࡓ ࡔࡅࡌ ࡁࡓ ࡅࡍ ࡀࡐࡓࡅࡀࡒࡍࡀ ࡖࡄࡉࡉࡀ ࡔࡀࡃࡓࡅࡉࡀ ࡀࡎࡂࡉࡀ ࡀࡍࡁࡑࡀ ࡓࡁࡀ ࡅࡓࡐࡀࡈ ࡁࡀࡒࡓࡅࡍ ࡅࡐࡓࡅࡈࡕࡀ ࡕࡉࡁࡓࡇ ࡋࡌࡀࡈࡀࡓࡀࡕࡅࡍ ࡀࡌࡀࡓࡋࡇ ࡗ ࡌࡉࡓࡀࡐࡎ ࡆࡀࡇࡐ ࡖࡀࡉࡀࡍ ࡄࡀࡀࡊ ࡀࡀࡍ ࡀࡕࡉࡕ ࡌࡀࡄࡅ ࡁࡀࡉࡊࡕ ࡔࡅࡌ ࡁࡓ ࡅࡍ ࡅࡌࡀࡄࡅ ࡀࡎࡉ. |
| 146 |
ࡊࡋࡅࡁࡀࡊ ࡄࡀࡈࡉࡀ ࡌࡀࡄࡅ ࡀࡁࡀࡃࡅࡁࡀࡊ ࡁࡉࡔࡉࡀ ࡖࡀࡓࡒࡀ ࡖࡄࡍࡅࡓࡀ ࡄࡀࡅࡉࡋࡀࡊ ࡖࡓࡉࡄࡌࡅࡊ ࡅࡊࡋࡄࡅࡍ ࡏࡅࡕࡓࡉࡀ ࡋࡔࡅࡌ ࡂࡀࡁࡓࡀ ࡖࡉࡍࡌࡀࡓࡋࡇ ࡀࡃࡉࡀࡅࡓࡀ ࡒࡓࡉࡀ ࡅࡌࡀࡓࡐࡉࡔ ࡁࡄࡉࡓࡉࡀ ࡖࡋࡉࡁࡀࡊ ࡁࡋࡐࡅࡂࡕࡀ ࡒࡀࡌ ࡌࡀࡄࡅ ࡀࡁࡀࡃࡅࡁࡀࡊ ࡁࡉࡔࡉࡀ ࡅࡋࡀࡉࡕࡇ ࡋࡌࡀࡃࡍࡀ ࡖࡄࡉࡉࡀ ࡁࡀࡕࡀࡓ ࡄࡍࡅࡓ ࡖࡀࡌࡓࡉࡕ ࡖࡋࡉࡀࡊ ࡄࡉࡉࡀ ࡅࡀࡓࡃࡉࡋࡊࡇ ࡌࡉࡇࡍ ࡎࡋࡉࡒ ࡁࡀࡉࡕࡀ ࡔࡉࡁࡒࡇ ࡌࡀࡓࡇ . |
| 147 |
ࡅࡄࡀࡁࡔࡀࡁࡀ ࡋࡏࡌࡓࡅࡌ ࡎࡋࡉࡒ ࡀࡆࡀࡋࡉࡅࡍ ࡔࡉࡋࡌࡀࡉ ࡅࡉࡍࡃࡁࡀࡉ ࡅࡓࡅࡔࡅࡌࡀࡉ ࡋࡀࡌࡀࡃࡀࡊࡓࡋࡉࡀ ࡁࡉࡕ ࡀࡁ ࡏࡉࡍࡔࡉࡅࡍ ࡌࡀࡁࡑࡅࡕࡀࡉ ࡅࡏࡎࡕࡀࡀࡊࡓࡉࡀࡍ ࡁࡀࡅࡀࡕࡀࡉ ࡖࡅࡊࡋ ࡆࡁࡀࡍ ࡏࡉࡍࡔࡉࡅࡍ ࡃࡓࡀࡔࡀࡉ ࡅࡎࡉࡃࡓࡀࡉ ࡅࡁࡈࡉࡋࡉࡅࡍ ࡓࡀࡄࡌࡀࡉ ࡖࡋࡉࡋࡉࡀ ࡁࡉࡈࡋࡀࡕ ࡎࡉࡂࡅࡃࡕࡀࡉ ࡅࡉࡊࡋࡀࡉࡅࡍ ࡖࡅࡊࡋ ࡆࡁࡀࡍ ࡔࡋࡅࡌ ࡄࡉࡉࡀ ࡄࡉࡔࡁࡅࡉࡀ ࡋࡄࡅࡔࡁࡀࡅࡍࡍ ࡅࡀࡎࡓࡉࡋࡀࡊ ࡁࡉࡔࡉࡀ ࡁࡂࡅ ࡀ. |
| 148 |
ࡒࡓࡅࡍ ࡔࡅࡌ ࡌࡀࡍ ࡀࡌࡀࡓࡋࡀࡊ ࡖࡀࡀࡍࡕ ࡄࡀࡀࡊ ࡌࡉࡕࡉࡀࡁࡈࡉࡕ ࡋࡀࡌࡉࡕࡄࡀࡓࡆࡀࡒ ࡁࡃࡅࡓ ࡄࡀࡈࡉࡀ ࡂࡀࡁࡓࡀ ࡖࡃࡊࡉࡁ ࡔࡅࡌࡇ ࡁࡉࡕ ࡄࡉࡉࡀ ࡓࡁࡉࡀ ࡖࡋࡀࡌࡉࡕࡋࡂࡉࡈ ࡁࡋࡉࡂࡉࡈࡕࡅࡍ ࡖࡁࡉࡔࡉࡀ ࡖࡀࡅࡃࡉࡀ ࡅࡊࡋ ࡌࡀࡍ ࡖࡌࡁࡀࡔࡒࡉࡓࡉࡋࡇ ࡀࡃࡉࡀࡅࡓࡇ ࡋࡀࡋࡊࡀࡋࡇ ࡅࡍࡓࡀ ࡖࡉࡀࡒࡃࡀ ࡋࡀࡀࡍࡉࡐࡋ ࡁࡌࡀࡈࡀࡓࡀࡕࡅࡍ ࡖࡁࡉࡔࡉࡀ ࡅࡀࡕࡉࡕ ࡋࡅࡀࡕࡀࡍ ࡅࡌࡉࡎࡕࡉࡌࡉࡊࡕ ࡁࡔࡉࡊࡕࡍࡀࡊ ࡃࡀࡓࡊࡀࡕࡋࡀࡍ ࡒࡀ. |
| 149 |
ࡓࡉࡀࡕࡋࡀࡍ ࡖࡁࡀࡉࡀࡍࡋࡀࡊ ࡅࡀࡀࡍࡕ ࡋࡄࡍࡅࡓࡀ ࡎࡀࡋࡒࡉࡕ ࡔࡅࡁࡀ ࡖࡓࡉࡃࡅࡐࡊ ࡁࡀࡈࡋࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡓࡀࡆࡀ ࡏࡕࡉࡂࡋࡉࡀ ࡁࡏࡅࡓࡀࡔࡋࡀࡌ ࡉࡀࡋࡃࡀ ࡏࡕࡉࡍࡉࡑࡁ ࡌࡍ ࡌࡓࡅࡌࡀ ࡄࡉࡋࡌࡉࡀ ࡄࡆࡅࡍ ࡀࡊࡄࡉࡍࡀ ࡃࡀࡃࡍࡀࡌࡕࡀ ࡉࡍࡋࡐࡀࡕ ࡁࡏࡅࡓࡀࡔࡋࡀࡌ ࡃࡀࡃࡍࡀࡌࡕࡀ ࡁࡏࡅࡋࡇ ࡉࡍࡋࡐࡀࡕ ࡀࡆࡀࡋ ࡋࡁࡉࡕ ࡌࡒࡀࡃࡔࡉࡀ ࡁ. |
| 150 |
ࡏࡎࡀࡐࡓ ࡉࡅࡌࡉࡀ ࡒࡀࡃࡉࡌ ࡅࡋࡎࡉࡐࡄࡀࡕࡇ ࡖࡔࡉࡒࡓࡀ ࡁࡏࡅࡋࡀ ࡉࡐࡄࡕࡇ ࡋࡅࡐࡌࡇ ࡅࡏࡋ ࡅࡊࡋࡄࡅࡍ ࡀࡊࡄࡉࡍࡀ ࡖࡉࡍࡌࡀࡓࡋࡅࡍ ࡉࡐࡄࡕࡇ ࡋࡅࡐࡌࡇ ࡁࡏࡅࡋࡀ ࡁࡄࡉࡆࡅࡀࡀࡍࡉ ࡗ ࡔࡀࡉࡊࡁࡀࡍ ࡁࡄࡉࡆࡅࡀࡀࡍࡉ ࡖࡋࡉࡋࡉࡀ ࡄࡆࡉࡕ ࡅࡋࡀࡃࡓࡀࡕࡀࡍ ࡁࡋࡉࡋࡅࡉࡀ ࡔࡉࡕࡍࡀ ࡋࡀࡉࡍࡌࡉࡕ ࡅࡋࡀࡔࡉࡁࡊࡉࡕ ࡖࡀࡕࡀ ࡅࡊࡁࡊࡀ ࡏࡋ ࡏࡉࡍࡔࡁࡀࡉ ࡋࡀࡀࡍࡌࡉࡕ ࡅࡋࡀࡔࡉࡁࡊࡉࡕ ࡎࡀࡁࡀ ࡆࡀࡓࡊࡉࡀ ࡉࡀࡒࡃࡀ ࡒࡀࡌ ࡅࡍࡓ. |
| 151 |
ࡀ ࡁࡀࡁࡀ ࡔࡀࡌࡉࡔ ࡀࡓࡀࡁ ࡅࡔࡓࡀࡂࡉࡀ ࡃࡀࡍ ࡏࡕࡀࡄࡆࡅࡍ ࡕࡋࡀࡕࡀ ࡔࡓࡀࡂࡉࡀ ࡅࡂࡅࡈࡓࡀ ࡂࡈࡀࡓ ࡁࡉࡕ ࡌࡒࡀࡃࡔࡉࡀ ࡅࡍࡓࡀ ࡕࡋࡀࡕ ࡁࡉࡕ ࡀࡌࡀ ࡀࡓࡒࡀ ࡀࡍࡃࡀࡕ ࡌࡍ ࡃࡅࡕࡊࡇ ࡂࡅࡄࡀ ࡂࡀࡍ ࡁࡌࡀࡓࡀࡊࡁࡕࡀ ࡅࡊࡁࡊࡀ ࡓࡑࡀࡁࡇ ࡁࡏࡅࡓࡀࡔࡋࡀࡌ ࡅࡊࡁࡊࡀ ࡓࡑࡀࡁࡇ ࡁࡉࡀࡄࡅࡃ ࡅࡎࡉࡓࡀ ࡁࡏࡅࡌࡀࡌࡀ ࡃࡀࡍ ࡔࡀࡌࡉࡔ ࡏࡕࡀࡄࡆࡉࡀ ࡁࡋࡉࡋࡉࡀ ࡀࡒࡀࡓࡐࡀ ࡁࡓࡉࡔࡀࡉࡄࡅࡍ ࡓࡌࡅࡍ ࡌࡉࡔࡌࡀ ࡖࡔࡉࡌࡅࡍ ࡀ. |
| 152 |
ࡊࡄࡉࡍࡀ ࡅࡃࡉࡌࡉࡀ ࡖࡁࡉࡍࡀ ࡀࡌࡉࡍ ࡀࡍࡕࡓࡀࡍ ࡉࡀࡒࡉࡐ ࡀࡊࡄࡀࡍ ࡁࡀࡉࡊࡀ ࡁࡓࡉࡔࡀࡉࡄࡅࡍ ࡓࡌࡅࡍ ࡔࡉࡋࡀࡉ ࡅࡔࡀࡋࡁࡀࡉ ࡀࡒࡀࡓࡐࡀ ࡅࡏࡋ ࡅࡊࡋࡄࡅࡍ ࡀࡊࡄࡉࡍࡀ ࡖࡉࡍࡌࡀࡓࡋࡅࡍ ࡏࡋࡉࡆࡀࡓ ࡉࡐࡄࡕࡇ ࡋࡅࡐࡌࡇ ࡅࡀࡎࡀࡐࡓ ࡄࡉࡆࡅࡀࡉࡍࡀ ࡔࡓࡉࡀ ࡏࡋࡇ ࡌࡀࡍ ࡖࡋࡀࡂࡉࡈ ࡀࡎࡀࡐࡓ ࡄࡉࡋࡌࡉࡀ ࡖࡀࡌࡀࡐࡔࡉࡒࡋࡅࡊࡍ ࡄࡉࡋࡌࡉࡀ ࡖࡄࡆࡀࡉࡕࡅࡍ ࡌࡀࡍ ࡖࡋࡀࡂࡉࡈ ࡀࡎࡀࡐࡓ ࡄࡉࡋࡌࡉࡀ ࡅࡋࡅࡊࡋࡄࡅࡍ ࡀࡊࡄࡉࡍ. |
| 153 |
ࡀ ࡖࡉࡍࡌࡀࡓࡋࡅࡍ ࡏࡋࡉࡆࡀࡓ ࡉࡐࡄࡕࡇ ࡋࡅࡐࡌࡇ ࡀࡀࡊࡃࡍࡉࡕ ࡋࡀࡒࡀࡉࡉࡌ ࡏࡋࡅࡍ ࡉࡀࡒࡉࡐ ࡌࡀࡐࡔࡉࡒ ࡄࡉࡋࡌࡉࡀ ࡋࡀࡅ ࡂࡀࡁࡓࡀ ࡖࡀࡊࡎࡉࡀ ࡓࡀࡆࡀࡉࡅࡊࡍ ࡄࡅ ࡀࡁࡉࡍࡀ ࡀࡌࡉࡍ ࡌࡀࡐࡔࡉࡒ ࡄࡉࡋࡌࡉࡀ ࡖࡀࡌࡓࡉࡕࡅࡍ ࡏࡋࡇ ࡖࡏࡀࡊ ࡅࡃࡋࡉࡀࡊ ࡀࡌࡀࡓ ࡋࡀࡌࡂࡀࡋࡉࡋࡀࡍ ࡈࡀࡁ ࡉࡅࡌࡉࡍ ࡅࡌࡂࡀࡋࡀࡋࡀ ࡁࡏࡎࡉࡐࡓࡉࡀ ࡖࡏࡔࡅࡌࡉࡀ ࡀࡓࡒࡀ ࡓࡀࡈࡀࡍ ࡁࡋࡀ ࡆࡉࡁࡇࡍ ࡅࡏࡋࡉࡆࡀࡓ ࡖࡕࡉࡌࡀࡓࡋࡇ ࡀࡓࡒࡀ ࡀࡐࡄ. |
| 154 |
ࡕࡀ ࡅࡐࡌࡇ ࡖࡌࡀࡐࡔࡉࡒࡋࡅࡊࡍ ࡄࡉࡋࡌࡉࡀ ࡖࡄࡆࡀࡉࡕࡅࡍ ࡀࡆࡉࡋࡉࡅࡍ ࡋࡅࡀࡕ ࡋࡉࡋࡉࡅࡊ ࡅࡏࡋ ࡅࡊࡋࡄࡅࡍ ࡀࡊࡄࡉࡍࡀ ࡖࡉࡍࡌࡀࡓࡋࡅࡍ ࡏࡋࡉࡆࡀࡓ ࡉࡐࡄࡕࡇ ࡋࡅࡐࡌࡇ ࡖࡌࡀࡐࡔࡉࡒࡋࡅࡊࡍ ࡄࡉࡋࡌࡉࡀ ࡖࡄࡆࡀࡉࡕࡅࡍ ࡌࡀࡍ ࡀࡆࡉࡋ ࡋࡅࡀࡕ ࡋࡉࡋࡉࡅࡊ ࡅࡏࡋ ࡏࡃࡇ ࡖࡈࡀࡁ ࡉࡅࡌࡉࡍ ࡉࡀࡄࡁࡅࡉࡀ ࡉࡊࡃࡁࡅࡉࡀ ࡋࡏࡂࡍࡉࡓࡕࡀ ࡏࡋ ࡏࡂࡍࡉࡓࡕࡀ ࡅࡋࡅࡀࡕ ࡋࡉࡋࡉࡅࡊ ࡌࡉࡆࡋࡇ ࡉࡍࡎࡁࡇ ࡈࡀࡁ ࡉࡅࡌࡉࡍ ࡀࡀࡊ. |
| 155 |
ࡃࡍࡉࡕ ࡔࡉࡕࡍࡇ ࡋࡀࡓࡐࡀࡕ ࡋࡉࡋࡉࡅࡊ ࡂࡉࡍࡀ ࡏࡋ ࡀࡓࡎࡇ ࡅࡏࡕࡁࡀࡓ ࡋࡉࡁࡇ ࡌࡍ ࡎࡀࡌࡇࡊ ࡂࡅࡄࡀ ࡂࡀࡍࡋࡇ ࡁࡋࡉࡁࡇ ࡒࡓࡉࡁ ࡈࡀࡁ ࡉࡅࡌࡉࡍ ࡀࡆࡀࡋ ࡋࡅࡀࡕ ࡋࡉࡋࡉࡅࡊ ࡀࡁࡓࡇ ࡈࡀࡁ ࡉࡅࡌࡉࡍ ࡋࡅࡀࡕ ࡋࡉࡋࡉࡅࡊ ࡄࡆࡅࡍ ࡀࡊࡄࡉࡍࡀ ࡅࡀࡌࡀࡓࡋࡇ ࡈࡀࡁ ࡉࡅࡌࡉࡍ ࡄࡉࡋࡌࡉࡀ ࡅࡌࡍ ࡔࡉࡕࡍࡀ ࡉࡍࡓࡀࡃࡍࡉࡃࡇ ࡃࡀࡃࡍࡀࡌࡕࡀ ࡉࡍࡋࡐࡀࡕ ࡁࡏࡅࡓࡀࡔࡋࡀࡌ ࡃࡀࡃࡍࡀࡌࡕࡀ ࡁࡏࡅࡋࡀࡉ ࡉࡍࡋࡐࡀࡕ ࡀࡆࡀࡋ ࡋࡁ. |
| 156 |
ࡉࡕ ࡌࡒࡀࡃࡔࡉࡀ ࡁࡏࡎࡀࡐࡓ ࡉࡅࡌࡉࡀ ࡒࡀࡃࡉࡌ ࡅࡋࡎࡉࡐࡄࡕࡇ ࡖࡔࡉࡒࡓࡀ ࡉࡐࡄࡕࡇ ࡋࡅࡐࡌࡇ ࡖࡏࡅࡋࡀ ࡅࡏࡋ ࡄࡉࡅࡍࡍ ࡀࡊࡄࡉࡍࡀ ࡖࡉࡍࡌࡀࡓࡋࡅࡍ ࡉࡐࡄࡕࡇ ࡋࡅࡐࡌࡇ ࡁࡄࡉࡆࡅࡀࡀࡍࡉ ࡖࡋࡉࡋࡉࡀ ࡄࡆࡉࡕ ࡀࡀࡍ ࡁࡄࡉࡆࡅࡀࡀࡍࡉ ࡗ ࡔࡉࡊࡁࡀࡍ ࡅࡋࡀࡔࡉࡁࡊࡉࡕ ࡅࡋࡀࡃࡓࡀࡕࡀࡍ ࡁࡋࡉࡋࡉࡀ ࡔࡉࡕࡍࡀ ࡁࡄࡉࡆࡅࡀࡍ ࡗ ࡔࡉࡉࡊࡁࡀࡍ ࡋࡀࡉࡍࡌࡉࡕ ࡄࡆࡉࡕ ࡖࡀࡕࡀ ࡅࡊࡁࡊࡀ ࡏࡋ ࡏࡉࡍࡔࡁࡀࡉ ࡋࡀࡉࡍࡌࡉࡕ ࡅࡋࡀࡔࡉࡁࡊ. |
| 157 |
ࡉࡕ ࡎࡀࡁࡀ ࡆࡀࡓࡊࡉࡀ ࡉࡀࡒࡃࡀ ࡒࡀࡌ ࡅࡍࡓࡀ ࡁࡀࡁࡀ ࡔࡀࡌࡉࡔ ࡀࡓࡀࡁ ࡅࡔࡓࡀࡂࡉࡀ ࡃࡀࡍ ࡏࡕࡀࡄࡆࡅࡍ ࡕࡋࡀࡕࡀ ࡔࡓࡀࡂࡉࡀ ࡅࡂࡅࡈࡓࡀ ࡂࡈࡀࡓ ࡁࡉࡕ ࡌࡒࡀࡃࡔࡉࡀ ࡅࡍࡓࡀ ࡕࡋࡀࡕ ࡁࡉࡕ ࡀࡌࡀ ࡀࡓࡒࡀ ࡀࡍࡃࡀࡕ ࡌࡍ ࡃࡅࡕࡊࡇ ࡂࡅࡄࡀ ࡂࡀࡍ ࡁࡌࡀࡓࡀࡊࡁࡕࡀ ࡅࡊࡁࡊࡀ ࡓࡑࡀࡁࡇ ࡁࡏࡅࡓࡀࡔࡋࡀࡌ ࡅࡊࡁࡊࡀ ࡓࡑࡀࡁࡇ ࡁࡉࡀࡄࡅࡃ ࡅࡎࡉࡓࡀ ࡁࡏࡅࡌࡀࡌࡀ ࡃࡀࡍ ࡔࡀࡌࡉࡔ ࡏࡕࡀࡄࡆࡉࡀ ࡁࡋࡉࡋࡉࡀ ࡀࡒࡀࡓࡐࡀ ࡁࡓ. |
| 158 |
ࡉࡔࡉࡇ ࡓࡌࡀ ࡀࡓࡈࡉࡋ ࡗ ࡄࡀࡉࡆࡉࡍ ࡔࡅࡌࡀ ࡋࡉࡋࡉࡅࡊ ࡅࡋࡎࡀࡐࡓ ࡄࡉࡋࡌࡉࡀ ࡀࡕࡉࡉࡇ ࡒࡀࡌ ࡋࡉࡋࡉࡅࡊ ࡌࡍ ࡀࡓࡎࡇ ࡄࡀࡆࡉࡀ ࡁࡂࡀࡅࡇ ࡌࡀࡄࡅ ࡖࡃࡊࡉࡁ ࡀࡐࡄࡕࡀࡋࡇ ࡅࡒࡀࡓࡉࡋࡇ ࡅࡌࡀࡐࡔࡉࡒࡋࡅࡍ ࡁࡋࡉࡁࡇ ࡅࡋࡀࡒࡀࡓࡉࡋࡅࡍ ࡀࡐࡄࡕࡀࡋࡇ ࡅࡒࡀࡓࡉࡋࡇ ࡅࡌࡀࡓࡐࡉࡔࡋࡅࡍ ࡏࡋ ࡔࡀࡕࡐࡀ ࡅࡀࡌࡀࡓࡋࡅࡍ ࡀࡊࡃࡉࡁࡋࡅࡍ ࡁࡏࡂࡍࡉࡓࡕࡀ ࡖࡏࡉࡍࡔࡁࡀࡉ ࡉࡀࡋࡃࡀ ࡉࡀࡃࡋࡀ ࡅࡀࡉࡋࡀࡉࡅࡊࡍ ࡅࡊࡋࡀࡉࡅࡊࡍ ࡀࡊࡄ. |
| 159 |
ࡉࡍࡀ ࡖࡉࡀࡋࡃࡀ ࡌࡉࡕࡋࡉࡃ ࡁࡏࡅࡓࡀࡔࡋࡀࡌ ࡅࡀࡉࡋࡀࡉࡅࡊࡍ ࡓࡀࡁࡅࡉࡍࡀ ࡖࡏࡉࡍࡔࡁࡀࡉ ࡉࡀࡋࡃࡀ ࡉࡀࡃࡋࡀ ࡅࡀࡉࡋࡀࡉࡅࡊࡍ ࡌࡀࡒࡓࡉࡀ ࡅࡃࡉࡓࡃࡒࡉࡀ ࡖࡉࡅࡄࡀࡀࡍ ࡌࡉࡕࡋࡉࡃ ࡁࡏࡅࡓࡀࡔࡋࡀࡌ ࡅࡀࡉࡋࡉࡊ ࡓࡀࡁࡕࡉࡀ ࡏࡅࡓࡀࡉࡕࡀ ࡅࡌࡉࡕࡉࡒࡓࡉࡀ ࡁࡍࡉࡄࡀ ࡁࡏࡅࡓࡀࡔࡋࡀࡌ ࡉࡅࡄࡀࡀࡍ ࡋࡀࡂࡉࡈ ࡉࡀࡓࡃࡀࡍ ࡅࡀࡌࡀࡓࡋࡅࡍ ࡀࡊࡃࡉࡁࡋࡅࡍ ࡋࡉࡋࡉࡅࡊ ࡁࡏࡂࡍࡉࡓࡕࡀ ࡉࡀࡋࡃࡀ ࡌࡍ ࡌࡓࡅࡌࡀ ࡏࡋࡀࡉࡀ ࡏࡕࡉࡍࡉࡑࡁ. |
| 160 |
ࡅࡊࡁࡊࡀ ࡖࡀࡕࡀ ࡅࡒࡀࡌ ࡏࡋ ࡏࡉࡍࡔࡁࡀࡉ ࡅࡀࡕࡀ ࡅࡏࡄࡀࡁࡋࡇ ࡋࡏࡉࡍࡔࡁࡀࡉ ࡉࡅࡄࡀࡀࡍ ࡌࡉࡕࡋࡉࡃ ࡁࡏࡅࡓࡀࡔࡋࡀࡌ ࡅࡍࡓࡀ ࡖࡉࡀࡒࡃࡀ ࡁࡀࡁࡀ ࡎࡀࡁࡀ ࡆࡀࡓࡊࡉࡀ ࡅࡔࡀࡌࡀࡓ ࡁࡏࡅࡓࡀࡔࡋࡀࡌ ࡌࡉࡆࡋࡇ ࡉࡍࡎࡁࡇ ࡋࡏࡂࡍࡉࡓࡕࡀ ࡈࡀࡁ ࡉࡅࡌࡉࡍ ࡀࡊࡄࡉࡍࡀ ࡁࡌࡀࡋࡉࡀ ࡉࡀࡕࡁࡉࡍ ࡀࡆࡀࡋ ࡅࡀࡔࡉࡊࡅࡍࡍ ࡏࡋ ࡅࡊࡋࡄࡅࡍ ࡖࡏࡋࡉࡆࡀࡓ ࡓࡌࡀ ࡅࡏࡋ ࡏࡃࡇ ࡉࡍࡎࡁࡇ ࡋࡏࡂࡍࡉࡓࡕࡀ ࡄࡀࡆࡉࡀ ࡁࡂࡀࡅࡇ ࡌ. |
| 161 |
ࡀࡋࡀࡋࡉࡀ ࡔࡀࡉࡍࡀ ࡀࡐࡄࡕࡀࡋࡇ ࡅࡒࡀࡓࡉࡋࡇ ࡄࡀࡆࡉࡀ ࡁࡂࡀࡅࡇ ࡌࡀࡄࡅ ࡃࡊࡉࡁ ࡀࡐࡄࡕࡀࡋࡇ ࡅࡒࡀࡓࡉࡋࡇ ࡅࡋࡀࡌࡀࡓࡐࡉࡔࡋࡅࡍ ࡏࡋࡇ ࡒࡀࡓࡉࡋࡇ ࡁࡋࡉࡁࡇ ࡖࡀࡁࡀ ࡎࡀࡁࡀ ࡆࡀࡓࡊࡉࡀ ࡀࡕࡇࡍ ࡔࡉࡒࡋࡇ ࡏࡋࡉࡆࡀࡓ ࡅࡁࡏࡃࡇ ࡄࡀࡆࡉࡀ ࡁࡂࡀࡅࡇ ࡌࡀࡄࡅ ࡃࡊࡉࡁ ࡀࡐࡄࡕࡀࡋࡇ ࡅࡒࡀࡓࡉࡋࡇ ࡅࡋࡀࡌࡀࡐࡔࡉࡒࡋࡇ ࡏࡋࡇ ࡒࡀࡓࡉࡋࡇ ࡁࡋࡉࡁࡇ ࡅࡏࡋ ࡏࡃࡇ ࡖࡏࡋࡉࡆࡀࡓ ࡓࡌࡀ ࡔࡀࡒࡉࡋࡇ ࡋࡏࡂࡍࡉࡓࡕࡀ ࡅࡋࡀࡁࡀ ࡎࡀ. |
| 162 |
ࡁࡀ ࡆࡀࡓࡊࡉࡀ ࡖࡉࡍࡌࡀࡓࡋࡇ ࡏࡋࡉࡆࡀࡓ ࡉࡐࡄࡕࡇ ࡋࡅࡐࡌࡇ ࡖࡋࡀࡕࡉࡓࡌࡉࡀ ࡁࡏࡅࡓࡀࡔࡋࡀࡌ ࡕࡉࡂࡓࡀ ࡉࡀ ࡀࡁࡀ ࡎࡀࡁࡀ ࡅࡐࡒ ࡌࡍ ࡉࡀࡄࡅࡃ ࡅࡏࡋ ࡓࡉࡔࡇ ࡖࡏࡋࡉࡆࡀࡓ ࡌࡄࡀ ࡉࡀࡌࡉࡀࡍ ࡃࡀࡋࡉࡀ ࡀࡁࡀ ࡎࡀࡁࡀ ࡅࡀࡌࡀࡓࡋࡇ ࡓࡉࡔࡀࡉࡄࡅࡍ ࡖࡅࡊࡋࡄࡅࡍ ࡀࡊࡄࡉࡍࡀ ࡉࡀ ࡏࡋࡉࡆࡀࡓ ࡁࡀࡉࡕࡀ ࡓࡁࡀ ࡋࡀࡌࡉࡑࡉࡕ ࡋࡌࡉࡆࡀࡋ ࡋࡁࡉࡕ ࡊࡉࡍࡔࡕࡀࡍ ࡏࡅ ࡁࡀࡍࡔࡐࡀࡊ ࡌࡉࡀࡃࡉࡕ ࡋࡀࡒࡀࡓࡉࡀࡕࡁࡇ ࡌࡉࡀࡃࡉࡕ ࡁ. |
| 163 |
ࡏࡅࡓࡀࡉࡕࡀ ࡏࡅ ࡁࡀࡍࡔࡐࡀࡊ ࡌࡉࡀࡃࡉࡕ ࡏࡕࡍࡀ ࡂࡀࡉࡀࡓࡕࡉࡀ ࡄࡅࡀࡕ ࡀࡌࡉࡈࡍࡅࡋ ࡖࡏࡌࡀࡊ ࡔࡀࡋࡌࡀࡕ ࡕࡐࡅࡋࡇ ࡋࡁࡉࡕ ࡄࡀࡌࡅࡖࡋࡀ ࡏࡕࡍࡀ ࡄࡅࡀࡕ ࡂࡀࡉࡀࡓࡕࡉࡀ ࡋࡀࡁࡅࡊ ࡌࡀࡎࡕࡉࡓࡉࡀ ࡆࡅࡆࡉࡀ ࡀࡌࡉࡈࡍࡅࡋ ࡖࡋࡀࡄࡅࡀࡋࡇ ࡀࡀࡊࡓ ࡔࡉࡁࡒࡇ ࡅࡋࡀࡔࡀࡉࡉࡋ ࡏࡋࡇ ࡖࡀࡊࡃࡉࡁࡋࡇ ࡏࡂࡍࡉࡓࡕࡀ ࡖࡔࡁࡅࡒࡅࡉࡀ ࡅࡋࡀࡄࡀࡆࡉࡀࡍ ࡋࡌࡉࡔࡀ ࡁࡓ ࡀࡌࡓࡀ ࡌࡉࡀࡀࡊ ࡉࡅࡌࡀ ࡖࡀࡕࡉࡀࡍ ࡅࡌࡉࡎࡕࡀࡉࡊࡀࡍ ࡅࡋࡀ. |
| 164 |
ࡌࡀࡑࡋࡉࡀࡍ ࡁࡊࡉࡍࡔࡕࡀࡉࡅࡊࡍ ࡄࡉࡍ ࡌࡉࡀࡀࡊ ࡉࡅࡌࡀ ࡖࡀࡕࡉࡀࡍ ࡅࡌࡉࡉࡍࡋࡕࡀ ࡖࡋࡀࡔࡌࡀࡉࡕࡅࡍ ࡏࡋࡀࡉ ࡀࡌࡓࡉࡕࡅࡍ ࡖࡋࡀࡏࡕࡓࡉࡕࡑࡅࡍ ࡅࡋࡀࡏࡕࡒࡀࡉࡀࡌࡕࡅࡍ ࡖࡏࡉࡍࡔࡁࡀࡉ ࡉࡀࡋࡃࡀ ࡉࡀࡃࡋࡀ ࡌࡀࡍ ࡌࡉࡕࡀ ࡖࡌࡉࡕࡀࡄࡉࡉࡀ ࡅࡌࡀࡍ ࡔࡀࡅࡐࡀࡐ ࡖࡒࡃࡀࡋࡇ ࡋࡉࡂࡓࡉࡀ ࡌࡀࡍ ࡏࡔࡉࡒࡀ ࡖࡏࡕࡀࡐࡕࡀ ࡖࡏࡉࡍࡔࡁࡀࡉ ࡉࡀࡋࡃࡀ ࡉࡀࡃࡋࡀ ࡅࡌࡀࡍ ࡂࡅࡂࡍࡀ ࡖࡉࡀࡋࡉࡐ ࡎࡉࡓࡐࡀ ࡖࡋࡀࡄࡆࡉࡋࡉࡀ ࡆࡀࡅࡀ ࡉࡅࡌࡀ. |
| 165 |
ࡉ ࡎࡓࡉࡍ ࡅࡕࡀࡓࡕࡉࡍ ࡔࡉࡍࡀ ࡖࡏࡉࡍࡔࡁࡀࡉ ࡉࡀࡋࡃࡀ ࡉࡀࡃࡋࡀ ࡄࡉࡏࡍࡋࡀ ࡋࡀࡁࡃࡉࡋࡉࡀ ࡅࡋࡀࡁࡃࡉࡋࡅࡊࡍ ࡖࡀࡁࡀ ࡎࡀࡁࡀ ࡆࡀࡓࡊࡉࡀ ࡓࡀࡈࡉࡍࡀ ࡀࡌࡓࡉࡋࡇ ࡒࡀࡌ ࡅࡊࡋࡄࡅࡍ ࡀࡊࡄࡉࡍࡀ ࡅࡌࡉࡇࡍ ࡕࡉࡔࡓࡉࡀ ࡏࡋࡀࡊ ࡅࡉࡍࡄࡅࡕࡀ ࡖࡈࡀࡁࡉࡀ ࡏࡄࡍࡀ ࡅࡏࡕࡉࡁ ࡀࡁࡀ ࡎࡀࡁࡀ ࡏࡅ ࡄࡉࡆࡅࡀࡉࡍࡀ ࡋࡉࡀࡊ ࡁࡏࡅࡓࡀࡔࡋࡀࡌ ࡉࡀ ࡀࡁࡀ ࡎࡀࡁࡀ ࡆࡀࡓࡊࡉࡀ ࡏࡅ ࡄࡉࡋࡌࡉࡀ ࡋࡉࡀࡊ ࡁࡉࡀࡄࡅࡃ ࡄࡉࡏࡍࡋࡀ ࡌࡉࡉ. |
| 166 |
ࡍࡋࡕࡀࡊ ࡅࡌࡉࡉࡍࡋࡕࡀࡍ ࡌࡀࡍࡈࡓࡀࡍ ࡅࡊࡋ ࡌࡀࡄࡅ ࡖࡀࡌࡀࡓ ࡌࡉࡔࡀ ࡀࡊࡃࡁࡀ ࡄࡅ ࡄࡉࡋࡌࡉࡀ ࡖࡄࡆࡀࡉࡉࡍࡀ ࡀࡉࡍࡍ ࡅࡌࡉࡕࡉࡒࡓࡉࡀ ࡁࡍࡉࡄࡀ ࡁࡏࡅࡓࡀࡔࡋࡀࡌ ࡉࡅࡄࡀࡀࡍ ࡋࡀࡂࡉࡈ ࡉࡀࡓࡃࡀࡍ ࡏࡋࡉࡆࡀࡓ ࡌࡍ ࡀࡁࡀࡕࡓࡇ ࡍࡀࡐࡒ ࡀࡁࡀ ࡎࡀࡁࡀ ࡍࡀࡐࡒ ࡌࡍ ࡁࡉࡀࡍࡕࡀࡉࡄࡅࡍ ࡖࡀࡆࡋࡉࡀ ࡌࡉࡇࡍ ࡁࡉࡋࡅࡀࡕࡇ ࡏࡕࡀࡄࡆࡅࡍ ࡕࡋࡀࡕࡀ ࡔࡓࡀࡂࡉࡀ ࡅࡋࡀࡁࡀ ࡎࡀࡁࡀ ࡖࡉࡍࡌࡀࡓࡋࡇ ࡓࡄࡉࡈ ࡅࡋࡉࡂࡈࡅࡉࡀ ࡁࡔࡉࡅ. |
| 167 |
ࡐࡋࡇ ࡅࡌࡀࡄࡅ ࡖࡀࡕࡉࡀ ࡌࡍ ࡀࡁࡀࡕࡓࡀࡊ ࡉࡀ ࡀࡁࡀ ࡎࡀࡁࡀ ࡌࡀࡄࡅ ࡖࡀࡆࡉࡋ ࡀࡒࡀࡌࡀࡊ ࡀࡌࡀࡓࡋࡅࡍ ࡓࡉࡔࡀࡉࡄࡅࡍ ࡖࡅࡊࡋࡄࡅࡍ ࡀࡊࡄࡉࡍࡀ ࡉࡀ ࡏࡋࡉࡆࡀࡓ ࡁࡀࡉࡕࡀ ࡓࡁࡀ ࡋࡀࡉࡀࡃࡀࡀࡍ ࡋࡌࡀࡍ ࡒࡀࡀࡍࡈࡓࡉࡀ ࡔࡓࡀࡂࡉࡀ ࡖࡀࡆࡋࡉࡍ ࡀࡒࡀࡌࡀࡉ ࡋࡀࡉࡀࡃࡀࡀࡍ ࡀࡁࡉࡄࡃࡉࡀ ࡌࡀࡅࡍ ࡄࡏ ࡅࡍࡓࡀ ࡖࡀࡕࡀ ࡌࡍ ࡀࡁࡀࡕࡓࡀࡉ ࡖࡏࡉࡍࡔࡁࡀࡉ ࡉࡀࡋࡃࡀ ࡉࡀࡃࡋࡀ ࡋࡀࡁࡃࡉࡋࡉࡀ ࡅࡋࡀࡁࡃࡉࡋࡅࡊࡍ ࡖࡀࡁࡀ. |
| 168 |
ࡎࡀࡁࡀ ࡆࡀࡓࡊࡉࡀ ࡓࡀࡈࡉࡍࡀ ࡅࡀࡌࡓࡉࡋࡇ ࡅࡊࡋࡄࡅࡍ ࡀࡊࡄࡉࡍࡀ ࡅࡌࡉࡇࡍ ࡒࡀࡌ ࡄࡍࡀ ࡅࡅࡊࡍ ࡅࡕࡀࡊࡀࡍࡍ ࡉࡀ ࡀࡁࡀ ࡎࡀࡁࡀ ࡆࡀࡓࡊࡉࡀ ࡅࡏࡕࡄࡉࡁࡋࡀࡊ ࡋࡃࡉࡋࡀࡊ ࡁࡎࡉࡁࡅࡕࡀࡊ ࡖࡉࡀࡋࡃࡀ ࡌࡍ ࡌࡓࡅࡌࡀ ࡏࡋࡀࡉࡀ ࡏࡕࡉࡍࡉࡑࡁ ࡅࡌࡉࡕࡒࡓࡉࡀ ࡁࡍࡉࡄࡀ ࡁࡏࡅࡓࡀࡔࡋࡀࡌ ࡉࡅࡄࡀࡀࡍ ࡌࡉࡕࡋࡉࡃ ࡉࡅࡄࡀࡀࡍ ࡋࡀࡂࡉࡈ ࡉࡀࡓࡃࡀࡍ ࡅࡌࡉࡓࡔࡉࡌࡉࡉࡍࡍ ࡁࡃࡀࡉࡊࡀ ࡓࡅࡔࡅࡌࡇ ࡀࡉࡍࡍ ࡌࡉࡈࡑࡉࡁࡉࡉࡍࡍ ࡁࡌࡀࡁ. |
| 169 |
ࡑࡅࡕࡇ ࡅࡔࡀࡕࡉࡀࡍࡋࡇ ࡋࡌࡀࡌࡁࡅࡄࡇ ࡀࡍࡎࡁࡉࡀࡍࡋࡇ ࡋࡉࡐࡄࡕࡇ ࡅࡎࡀࡋࡒࡉࡉࡍࡍ ࡌࡉࡇࡍ ࡋࡀࡕࡀࡓ ࡄࡍࡅࡓ ࡖࡀࡁࡀ ࡎࡀࡁࡀ ࡆࡀࡓࡊࡉࡀ ࡓࡀࡈࡉࡍࡀ ࡒࡀࡌ ࡅࡊࡋࡄࡅࡍ ࡀࡊࡄࡉࡍࡀ ࡅࡌࡉࡇࡍ ࡅࡋࡀࡁࡀࡄࡀࡕࡀࡊ ࡖࡌࡉࡀࡍࡉࡄࡅࡍ ࡄࡅࡉࡕ ࡉࡀ ࡀࡁࡀ ࡎࡀࡁࡀ ࡆࡀࡓࡊࡉࡀ ࡉࡍࡌࡀࡓࡋࡀࡊ ࡏࡋ ࡁࡅࡍࡀࡊࡊ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡀ ࡌࡉࡔࡀ ࡁࡓ ࡀࡌࡓࡀ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡔࡉࡋࡀࡉ ࡅࡔࡉࡋࡁࡀࡉ ࡌࡍ ࡒࡉ. |
| 170 |
ࡀࡍࡊ ࡃࡉࡋࡀࡊ ࡄࡅࡍ ࡁࡓࡀࡄࡉࡌ ࡅࡏࡎࡓࡀࡏࡉࡋ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡁࡀࡍࡉ ࡅࡁࡉࡍࡀ ࡀࡌࡉࡍ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡓࡉࡔࡀࡉ ࡅࡓࡀࡕ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡓࡉࡔࡀࡉ ࡅࡁࡀࡆࡓࡀࡉ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡆࡀࡀࡊࡉ ࡅࡆࡀࡅࡊࡀࡍࡉ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡓࡀࡌࡉࡔ ࡅࡌࡀࡄࡓࡀࡌࡉࡓ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡓࡀࡁࡉࡍ ࡅࡉࡀࡄࡅࡃࡀ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅ. |
| 171 |
ࡍ ࡏࡆࡀࡉࡓࡀࡁ ࡅࡓࡀࡆࡀࡉ ࡄࡉࡅࡍࡍ ࡖࡁࡉࡉࡍࡅ ࡋࡒࡅࡌࡁࡀ ࡖࡀࡊࡄࡉࡍࡀ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡅࡉࡑࡋࡌࡉࡀ ࡅࡅࡑࡓࡀࡕࡀ ࡁࡂࡀࡅࡇ ࡀࡑࡓ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡄࡀࡀࡍࡉ ࡅࡄࡀࡀࡍࡀࡍࡉ ࡂࡀࡁࡓࡀ ࡖࡉࡊࡃࡁࡇ ࡋࡏࡅࡓࡀࡉࡕࡀ ࡀࡑࡁ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡀ ࡈࡅࡎ ࡓࡁࡀ ࡔࡅࡌࡇ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡓࡀࡌࡀ ࡅࡔࡅࡌࡏࡉࡋ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅ. |
| 172 |
ࡍ ࡓࡀࡁࡀࡉ ࡄࡀࡀࡍࡉ ࡅࡓࡀࡁ ࡄࡀࡀࡍࡀࡍࡉ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡁࡉࡍࡀ ࡓࡉࡎࡀ ࡅࡔࡅࡌࡏࡉࡋ ࡌࡍ ࡒࡉࡀࡍࡊ ࡃࡉࡋࡀࡊ ࡄࡅࡍ ࡈࡀࡁ ࡉࡅࡌࡉࡍ ࡅࡌࡀࡒࡓࡉࡀ ࡖࡒࡀࡓࡉࡀ ࡃࡉࡋࡀࡊ ࡀࡁࡀ ࡎࡀࡁࡀ ࡄࡉࡅࡍࡍ ࡁࡓࡉࡉࡊࡀ ࡔࡀࡄࡓࡉࡓࡉࡀ ࡖࡀࡁࡀࡄࡀࡕࡀࡊ ࡅࡋࡀࡄࡅࡀࡋࡅࡍ ࡁࡉࡍࡀ ࡄࡉࡏࡍࡋࡀ ࡁࡎࡉࡁࡅࡕࡅࡍ ࡄࡀࡋࡉࡍ ࡅࡊࡋࡄࡅࡍ ࡋࡀࡋࡂࡀࡈࡉࡅࡍ ࡆࡀࡅࡀ ࡄࡅࡀࡋࡅࡍ ࡁࡍࡉࡄࡉࡀ ࡁࡏࡅࡓࡀࡔࡋࡀࡌ ࡄࡅࡍ ࡅࡊࡋ ࡄࡀ. |
| 173 |
ࡃ ࡁࡓࡀ ࡖࡄࡅࡀࡋࡅࡍ ࡁࡉࡍࡀ ࡄࡀࡆࡉࡍ ࡒࡉࡀࡍ ࡀࡍࡎࡁࡉࡕ ࡏࡋࡀࡊ ࡏࡅ ࡌࡉࡀࡍࡊ ࡃࡉࡋࡀࡊ ࡀࡍࡉࡐࡒ ࡁࡍࡉࡄࡀ ࡅࡌࡉࡕࡒࡓࡉࡀ ࡁࡍࡉࡄࡀ ࡁࡏࡅࡓࡀࡔࡋࡀࡌ ࡀࡌࡉࡈࡍࡅࡋ ࡖࡉࡅࡄࡀࡀࡍ ࡏࡕࡉࡕࡋࡇ ࡋࡌࡉࡄࡅࡉࡀ ࡅࡋࡀࡁࡀ ࡎࡀࡁࡀ ࡖࡉࡍࡌࡀࡓࡋࡇ ࡏࡋࡉࡆࡀࡓ ࡉࡐࡄࡕࡇ ࡋࡅࡐࡌࡇ ࡏࡅ ࡉࡅࡄࡀࡀࡍ ࡄࡀࡅࡉࡀ ࡅࡋࡀࡂࡉࡈ ࡉࡀࡓࡃࡀࡍ ࡉࡀ ࡀࡁࡀ ࡎࡀࡁࡀ ࡅࡌࡉࡈࡑࡉࡁࡀࡍ ࡁࡌࡀࡁࡑࡅࡕࡇ ࡀࡀࡍ ࡄࡀࡅࡉࡀࡍ ࡀࡓࡒࡀ ࡁࡉࡂࡀ. |
| 174 |
ࡓ ࡃࡉࡋࡇ ࡅࡌࡉࡓࡔࡉࡌࡀࡍ ࡁࡃࡀࡉࡊࡀ ࡓࡅࡔࡅࡌࡇ ࡅࡔࡀࡕࡉࡀࡍࡋࡇ ࡋࡌࡀࡌࡁࡅࡄࡇ ࡀࡍࡎࡁࡉࡀࡍࡋࡇ ࡋࡉࡐࡄࡕࡇ ࡅࡎࡀࡋࡒࡉࡉࡍࡍ ࡌࡉࡇࡍ ࡋࡀࡕࡀࡓ ࡄࡍࡅࡓ ࡅࡋࡅࡊࡋࡄࡅࡍ ࡀࡊࡄࡉࡍࡀ ࡖࡉࡍࡌࡀࡓࡋࡅࡍ ࡀࡁࡀ ࡎࡀࡁࡀ ࡉࡐࡄࡕࡇ ࡋࡅࡐࡌࡇ ࡌࡀࡄࡅ ࡀࡁࡃࡉࡕࡅࡍ ࡁࡏࡅࡓࡀࡔࡋࡀࡌ ࡏࡅ ࡌࡍ ࡌࡓࡅࡌࡀ ࡏࡋࡀࡉࡀ ࡄࡀࡅࡉࡀ ࡉࡀࡋࡃࡀ ࡅࡁࡀࡊࡓࡎࡀ ࡖࡏࡉࡍࡔࡁࡀࡉ ࡓࡉࡌࡉࡅࡉࡀ ࡉࡀࡋࡃࡀ ࡌࡍ ࡄࡅࡎ ࡉࡀࡓࡃࡀࡍ ࡀࡕࡉࡅࡉࡀ ࡅࡆࡀࡉ. |
| 175 |
ࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡅࡄࡉࡉࡀ ࡆࡀࡉࡊࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡁࡕࡅࡔࡁࡉࡄࡕࡇ ࡖࡂࡀࡁࡓࡀ ࡀࡍࡁࡑࡀࡉ ࡁࡔࡅࡌࡇ ࡖࡀࡁ ࡀࡍࡄࡉࡓࡀࡍ ࡌࡍ ࡏࡁࡉࡃࡀࡕࡀ ࡖࡎࡀࡉࡀࡍ ࡅࡋࡀࡀࡊࡔࡓࡀ ࡀࡀࡍ ࡀࡍࡔࡐࡀࡉ ࡌࡍ ࡀࡋࡌࡀ ࡀࡐࡓࡒࡉࡕ ࡌࡉࡕࡉࡀ ࡖࡄࡉࡉࡀ ࡋࡀࡄࡆࡅࡍ ࡔࡅࡁࡀ ࡌࡔࡀࡉࡋࡉࡋࡉࡀ ࡅࡀࡌࡓࡉࡀ ࡅࡁࡕࡅࡔࡁࡉࡄ. |
| 176 |
ࡕࡇ ࡖࡌࡀࡅࡍ ࡃࡀࡓࡔࡉࡕ ࡁࡄࡀࡉࡋࡇ ࡖࡌࡀࡅࡍ ࡒࡀࡉࡌࡉࡕ ࡀࡌࡀࡓࡀࡍࡋࡅࡍ ࡅࡁࡕࡅࡔࡁࡉࡄࡕࡇ ࡖࡂࡀࡁࡓࡀ ࡀࡍࡁࡑࡀࡉ ࡀࡀࡍ ࡁࡄࡀࡉࡋࡇ ࡖࡀࡁ ࡒࡀࡉࡉࡌࡀࡍ ࡅࡋࡀࡅࡊࡓࡎࡉࡀ ࡕࡉࡓࡉࡑࡕ ࡁࡏࡅࡓࡀࡔࡋࡀࡌ ࡀࡀࡍ ࡋࡀࡅ ࡁࡀࡉࡕࡀ ࡁࡉࡍࡕ ࡁࡉࡀࡄࡅࡃ ࡅࡋࡀࡔࡀࡌࡀࡔࡕࡀ ࡖࡌࡉࡕࡓࡀࡂࡀࡂࡀࡍ ࡋࡀࡓࡉࡄࡌࡉࡕ ࡋࡊࡉࡋࡀ ࡅࡀࡓࡃࡀ ࡅࡋࡀࡌࡀࡀࡍ ࡖࡔࡕࡀ ࡄࡀࡌࡓࡀ ࡋࡀࡓࡉࡄࡌࡉࡕ ࡄࡅࡎࡓࡀࡀࡍ ࡅࡀࡒࡅࡕ ࡀࡉࡉࡍࡀ ࡋࡀࡔࡓࡀࡕ ࡏࡋ. |
| 177 |
ࡀࡉ ࡋࡀࡓࡉࡄࡌࡉࡕ ࡏࡉࡊࡋࡕࡀ ࡖࡀࡐࡂࡓࡉࡀ ࡅࡋࡀࡔࡍࡉࡕ ࡖࡔࡀࡀࡍࡉ ࡉࡀࡓࡃࡀࡍ ࡋࡀࡔࡍࡉࡕ ࡓࡀࡄࡌࡀࡉ ࡖࡋࡉࡋࡉࡀ ࡓࡅࡔࡅࡌࡀࡉ ࡅࡋࡀࡔࡍࡉࡕ ࡃࡀࡉࡊࡀ ࡋࡀࡔࡍࡉࡕࡇ ࡋࡌࡀࡁࡑࡅࡕࡀࡉ ࡅࡀࡍࡉࡐࡀ ࡉࡅࡌࡀ ࡋࡀࡂࡆࡀࡓ ࡏࡋࡀࡉ ࡋࡀࡔࡍࡉࡕࡇ ࡏࡋ ࡄࡀࡁࡔࡀࡁࡀ ࡖࡏࡕࡋࡅࡍ ࡌࡃࡅࡓࡕࡀ ࡁࡉࡕ ࡓࡅࡓࡁࡉࡀ ࡋࡀࡔࡍࡉࡕࡉࡅࡍࡍ ࡏࡋ ࡔࡉࡋࡌࡀࡉ ࡅࡉࡍࡃࡁࡀࡉ ࡅࡉࡀࡃࡉࡀ ࡖࡋࡉࡕࡁࡉࡀ ࡄࡀࡎࡉࡓ ࡅࡁࡉࡑࡓ ࡌࡆࡀࡉࡊࡋࡉࡀ ࡅࡌࡀࡎࡒ. |
| 178 |
ࡉࡋࡉࡀ ࡄࡉࡉࡀ ࡄࡃࡅࡁࡇ ࡌࡍ ࡓࡉࡔ ࡁࡓࡉࡔ ࡗ ࡄࡀࡆࡉࡍ ࡀࡌࡀࡓ ࡉࡀࡄࡉࡀ ࡅࡕࡓࡉࡎࡀࡓ ࡀࡒࡀࡌࡇ ࡎࡀࡂࡃࡉࡀ ࡔࡅࡁࡀ ࡔࡋࡀࡌࡀ ࡔࡀࡋࡌࡅࡋࡇ ࡅࡀࡌࡓࡉࡋࡇ ࡄࡀࡋࡉࡍ ࡉࡀࡄࡉࡀ ࡋࡀࡀࡊࡃࡉࡁࡕ ࡌࡉࡀࡍࡉࡄࡅࡍ ࡄࡃࡀ ࡔࡀࡅࡉࡕࡀ ࡄࡀࡀࡍࡕࡇ ࡖࡀࡀࡍࡕ ࡀࡌࡀࡓࡕ ࡅࡋࡉࡀࡊ ࡖࡃࡀࡌࡉࡋࡀࡊ ࡋࡃࡉࡋࡀࡊ ࡁࡀࡎࡉࡌࡀ ࡅࡀࡍࡉࡀ ࡀࡑࡅࡕࡀࡊ ࡅࡉࡀࡒࡉࡓ ࡌࡉࡌࡓࡀ ࡖࡏࡄࡀࡁࡋࡀࡊ ࡅࡔࡅࡕࡀࡊ ࡁࡅࡐࡌࡀࡊ ࡀࡍࡉࡀ ࡋࡀࡃࡀࡌ ࡂ. |
| 179 |
ࡀࡁࡓࡀ ࡒࡀࡃࡌࡀࡉࡀ ࡏࡄࡀࡁࡋࡇ ࡋࡁࡅࡔࡀ ࡖࡄࡉࡉࡀ ࡒࡀࡃࡌࡀࡉࡉࡀ ࡋࡓࡀࡌ ࡂࡀࡁࡓࡀ ࡏࡄࡀࡁࡋࡇ ࡋࡁࡅࡔࡀ ࡖࡄࡉࡉࡀ ࡒࡀࡃࡌࡀࡉࡉࡀ ࡋࡔࡅࡓࡁࡀࡉ ࡂࡀࡁࡓࡀ ࡏࡄࡀࡁࡋࡇ ࡋࡁࡅࡔࡀ ࡖࡄࡉࡉࡀ ࡒࡀࡃࡌࡀࡉࡉࡀ ࡋࡔࡅࡌ ࡁࡓ ࡅࡍ ࡏࡄࡀࡁࡋࡇ ࡋࡁࡅࡔࡀ ࡖࡄࡉࡉࡀ ࡒࡀࡃࡌࡀࡉࡉࡀ ࡏࡄࡀࡁࡋࡀࡊ ࡉࡀࡄࡉࡀ ࡄࡀࡔࡕࡀ ࡏࡄࡀࡁࡋࡀࡊ ࡏࡋ ࡃࡉࡋࡀࡊ ࡌࡔࡕࡁࡉࡒ ࡁࡀࡉࡕࡀ ࡁࡀࡑࡃࡉࡀ ࡖࡎࡀࡋࡒࡉࡕ ࡅࡎࡀࡋࡉࡒ ࡌࡉࡀࡍࡊ ࡉࡍࡎࡀࡒ ࡋࡅࡀ. |
| 180 |
ࡕࡀࡊ ࡋࡀࡕࡀࡓ ࡄࡍࡅࡓ ࡅࡊࡋ ࡌࡀࡍ ࡖࡉࡍࡆࡃࡀࡉࡊࡀ ࡁࡌࡀࡈࡀࡓࡀࡕࡀ ࡉࡍࡔࡕࡀࡉࡀࡋ ࡅࡊࡋ ࡖࡋࡀࡉࡍࡆࡃࡀࡉࡊࡀ ࡅࡄࡉࡉࡀ ࡆࡀࡉࡊࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡁࡔࡅࡌࡀ ࡖࡔࡀࡀࡍࡉ ࡅࡌࡀࡍࡓࡊࡉࡀ ࡅࡎࡉࡓࡀ ࡏࡕࡉࡁ ࡁࡕࡀࡋࡉࡀ ࡔࡀࡌࡉࡔ ࡏࡕࡉࡁ ࡁࡅࡑࡓࡕࡀ ࡋࡀࡂࡈࡉࡀ ࡂࡀࡍࡀࡐࡉࡄࡅࡍ ࡄࡃࡀࡃࡉࡀ ࡅࡋࡀࡀࡍࡔࡌࡉࡀ ࡀࡓࡁࡀ ࡆ. |
| 181 |
ࡉࡒࡉࡀ ࡖࡁࡀࡉࡕࡀ ࡅࡋࡇ ࡋࡉࡀࡄࡉࡀ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡔࡀࡌࡉࡔ ࡋࡅࡐࡌࡇ ࡉࡐࡄࡕࡇ ࡕࡀࡂࡀ ࡖࡔࡀࡅࡉࡋࡇ ࡋࡅࡊࡋࡇ ࡀࡋࡌࡀ ࡏࡕࡋࡀࡊ ࡕࡋࡀࡕࡀ ࡕࡉࡉࡊࡀ ࡖࡓࡀࡃࡉࡀ ࡄࡀࡀࡊ ࡁࡉࡀࡓࡃࡀࡍ ࡏࡕࡋࡀࡊ ࡌࡍ ࡌࡔࡀࡋࡊࡉࡋ ࡎࡉࡐࡕࡍࡀ ࡖࡄࡀࡀࡊ ࡓࡀࡃࡉࡀ ࡁࡉࡉࡍࡀ ࡌࡀࡉ ࡋࡌࡀࡉ ࡏࡕࡋࡀࡊ ࡋࡐࡅࡂࡕࡀ ࡓࡀࡁࡕࡉࡀ ࡒࡅࡃࡀࡌ ࡓࡁࡉࡀ ࡀࡃࡀࡊࡓ ࡏࡋࡀࡊ ࡗ ࡕࡉࡆࡀࡋ ࡋࡁࡉࡕ ࡓࡁࡉࡀ ࡅࡋࡇ ࡋࡔࡀࡌࡉࡔ ࡖࡉࡍࡌ. |
| 182 |
ࡀࡓࡋࡇ ࡁࡏࡅࡓࡀࡔࡋࡀࡌ ࡉࡀࡄࡉࡀ ࡋࡅࡐࡌࡇ ࡉࡐࡄࡕࡇ ࡅࡕࡀࡂࡀࡊ ࡀࡍࡈࡓࡉࡀ ࡂࡌࡉࡓࡉࡀ ࡏࡋࡇ ࡀࡀࡍࡕ ࡕࡉࡉࡊࡀ ࡌࡉࡔࡀࡋ ࡔࡀࡋࡉࡕ ࡂࡉࡅࡀࡕ ࡏࡒࡀࡓࡀ ࡄࡀࡆࡉࡍ ࡌࡔࡀࡋࡊࡉࡋࡉࡀ ࡎࡉࡐࡕࡍࡀ ࡖࡓࡀࡃࡉࡀ ࡁࡉࡉࡍࡀ ࡌࡀࡉ ࡋࡌࡀࡉ ࡂࡉࡈࡓࡅࡉࡀ ࡋࡐࡅࡂࡕࡀ ࡖࡂࡀࡉࡓࡀ ࡁࡔࡅࡌࡀࡊ ࡄࡀࡕࡌࡀ ࡖࡌࡀࡋࡀࡊ ࡌࡀࡕࡀࡍ ࡏࡋࡇ ࡅࡀࡆࡋࡀ ࡋࡁࡉࡕ ࡒࡉࡒࡋࡉࡀ ࡁࡀࡉࡀ ࡁࡉࡍࡀ ࡋࡀࡌࡀࡔࡀࡊ ࡒࡀࡓࡁࡀ ࡌࡍ ࡆࡀࡅࡀ ࡖࡀࡍࡔࡐࡇ ࡋࡀ. |
| 183 |
ࡔࡉࡄࡀ ࡋࡁࡉࡕ ࡄࡉࡉࡀ ࡗ ࡔࡀࡋࡌࡅ ࡉࡍࡃࡓࡇ ࡅࡀࡍࡒࡐࡀ ࡅࡋࡀࡌࡒࡀࡉࡌࡀ ࡋࡃࡀࡅࡓࡀ ࡕࡀࡒࡀࡍ ࡅࡌࡔࡀࡁࡉࡍ ࡄࡉࡉࡀ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡌࡀࡄࡅ ࡁࡍࡉࡄࡀ ࡖࡃࡀࡌࡉࡋࡉࡀ ࡋࡃࡉࡋࡉࡀ ࡖࡋࡀࡅ ࡁࡀࡋࡄࡅࡃࡀࡉ ࡀࡀࡍ ࡀࡆࡉࡋࡀࡍ ࡅࡀࡕࡉࡀࡍ ࡅࡌࡀࡍ ࡌࡀࡌࡋࡉࡋ ࡁࡒࡀࡋࡀࡉ ࡔࡀࡉࡍࡀ ࡅࡌࡀࡍ ࡃࡀࡓࡉࡔ ࡁࡃࡓࡀࡔࡀࡉ. |
| 184 |
ࡕࡀࡓࡕࡉࡍ ࡏࡔࡍࡉࡀ ࡁࡀࡉࡊࡀࡍ ࡗ ࡄࡀࡉࡆࡉࡍ ࡀࡌࡀࡓ ࡉࡀࡄࡉࡀ ࡅࡃࡉࡌࡀࡉࡄࡉࡍ ࡖࡕࡀࡓࡕࡉࡉࡍࡍ ࡀࡍࡕࡓࡀࡍ ࡌࡉࡓࡉࡀࡉ ࡅࡏࡉࡍࡔࡁࡀࡉ ࡁࡀࡉࡊࡀࡍ ࡅࡀࡌࡓࡀࡍ ࡏࡃࡉࡋࡌࡀ ࡌࡀࡔࡊࡉࡋࡀࡕࡋࡉࡀ ࡄࡆࡉࡀ ࡀࡉࡍࡍ ࡉࡍࡆࡀࡋ ࡅࡀࡀࡍࡕ ࡕࡉࡅࡐࡔ ࡄࡆࡉࡀ ࡏࡃࡉࡋࡌࡀ ࡌࡀࡔࡊࡉࡋࡀࡕࡋࡉࡀ ࡀࡀࡍ ࡏࡆࡀࡋ ࡅࡀࡀࡍࡕ ࡕࡉࡅࡐࡔ ࡄࡀࡆࡉࡍ ࡏࡃࡉࡋࡌࡀ ࡌࡀࡋࡉࡀ ࡌࡀࡋࡂࡉࡈࡀࡕࡋࡉࡀ ࡀࡀࡍ ࡏࡆࡀࡋ ࡅࡀࡀࡍࡕ ࡕࡉࡅࡐࡔ ࡅࡏࡋ ࡏࡉ. |
| 185 |
ࡍࡔࡁࡀࡉ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡉࡀࡄࡉࡀ ࡋࡅࡐࡌࡇ ࡉࡐࡄࡕࡇ ࡌࡉࡀࡀࡊ ࡖࡄࡉࡋࡀࡐࡍ ࡁࡉࡕ ࡓࡅࡓࡁࡉࡀ ࡌࡉࡀࡀࡊ ࡖࡄࡉࡋࡀࡐࡍ ࡁࡏࡌࡓࡅࡌ ࡖࡀࡀࡍࡕ ࡋࡃࡉࡋࡉࡀ ࡆࡀࡁࡀࡍࡕࡋࡉࡀ ࡌࡉࡀࡀࡊ ࡖࡄࡉࡋࡀࡐࡍ ࡁࡏࡌࡓࡅࡌ ࡀࡉࡕࡀࡉ ࡄࡉࡋࡉࡊ ࡅࡆࡅࡁࡉࡍࡍ ࡏࡅ ࡌࡉࡑࡉࡕ ࡋࡌࡉࡆࡉࡁࡀࡍࡍ ࡀࡉࡕࡀࡉ ࡌࡀࡓࡂࡀࡉࡍࡀࡕࡉࡊ ࡅࡆࡉࡁࡉࡍࡍ ࡏࡅ ࡌࡉࡑࡉࡉࡕ ࡋࡌࡉࡆࡉࡁࡀࡍࡍ ࡀࡉࡕࡀࡉ ࡃࡀࡄࡁࡉࡊ ࡅࡆࡉࡁࡉࡍࡍ ࡏࡅ ࡌࡉࡑࡉࡉࡕ. |
| 186 |
ࡋࡌࡉࡆࡉࡁࡀࡍࡍ ࡅࡋࡇ ࡋࡉࡀࡄࡉࡀ ࡖࡕࡉࡌࡀࡓࡋࡇ ࡁࡏࡅࡓࡀࡔࡋࡀࡌ ࡏࡉࡍࡔࡁࡀࡉ ࡋࡅࡐࡌࡇ ࡕࡐࡀࡄࡕࡇ ࡅࡌࡀࡍ ࡃࡀࡌࡉࡋࡀࡊ ࡋࡃࡉࡋࡀࡊ ࡁࡏࡅࡓࡀࡔࡋࡀࡌ ࡌࡀࡍ ࡃࡀࡌࡉࡋࡀࡊ ࡋࡃࡉࡋࡀࡊ ࡁࡉࡀࡄࡅࡃ ࡖࡀࡀࡍ ࡏࡄࡉࡆࡉࡇ ࡅࡋࡃࡉࡋࡀࡊ ࡏࡉࡍࡔࡉࡀࡊ ࡌࡀࡍ ࡃࡀࡌࡉࡀ ࡋࡃࡉࡋࡉࡀ ࡌࡀࡅࡍ ࡋࡃࡉࡋࡉࡀ ࡃࡀࡌࡉࡀ ࡅࡌࡉࡔࡍࡉࡀࡕࡋࡉࡀ ࡖࡀࡀࡍࡕ ࡄࡀࡆࡉࡀࡕࡋࡉࡀ ࡏࡅࡓࡀࡉࡕࡀ ࡁࡉࡈࡋࡀࡕ ࡁࡏࡅࡓࡀࡔࡋࡀࡌ ࡖࡌࡍ ࡒࡀࡋࡀࡉ ࡅࡒࡀࡋ. |
| 187 |
ࡃࡓࡀࡔࡀࡉ ࡒࡀࡓࡅࡉࡉࡀ ࡋࡀࡒࡓࡅࡍ ࡁࡏࡅࡓࡀࡔࡋࡀࡌ ࡌࡍ ࡒࡀࡋࡀࡉࡄࡅࡍ ࡖࡏࡉࡍࡀࡀࡍࡉ ࡅࡏࡔࡍࡉࡀ ࡋࡆࡅࡁࡉࡀ ࡋࡀࡀࡍࡒࡐࡀࡍ ࡂࡀࡉࡀࡓࡉࡀ ࡔࡁࡀࡒ ࡂࡀࡅࡓࡀࡉࡅࡍ ࡅࡃࡉࡌࡀࡉࡄࡉࡍ ࡌࡀࡈࡉࡀࡍ ࡀࡓࡒࡀ ࡄࡉࡃࡅࡕࡀࡕࡀ ࡁࡋࡊࡉࡋࡀࡉࡄࡉࡍ ࡀࡕࡉࡀࡍ ࡔࡉࡌࡇ ࡋࡒࡀࡋࡀࡉ ࡅࡁࡀࡊ ࡉࡀࡋࡃࡀ ࡁࡓࡊࡀࡎ ࡏࡌࡇ ࡅࡀࡑࡉࡀࡃࡉࡀ ࡋࡀࡀࡑࡉࡃࡉࡀ ࡁࡏࡅࡓࡀࡔࡋࡀࡌ ࡕࡀࡂࡍࡀࡓࡉࡀ ࡋࡀࡆࡀࡁࡉࡍࡀ ࡁࡉࡀࡄࡅࡃ ࡌࡀࡉࡍࡀ ࡖࡉࡑࡁࡀ ࡋࡀࡋࡀ. |
| 188 |
ࡁࡔࡀࡍ ࡏࡔࡍࡉࡀ ࡖࡁࡉࡍࡀ ࡀࡎࡓࡀࡉࡉࡋ ࡅࡄࡀࡓࡀࡕࡀ ࡄࡅࡌࡓࡉࡀ ࡋࡀࡓࡀࡌࡉࡀࡍ ࡄࡉࡃࡅࡕࡀࡕࡀ ࡋࡀࡓࡀࡌࡉࡀࡍ ࡃࡀࡄࡁࡀ ࡋࡀࡄࡀࡆࡉࡍ ࡀࡍࡀࡐࡉࡄࡅࡍ ࡁࡀࡍࡅࡓࡀ ࡄࡀࡋࡉࡍ ࡏࡔࡍࡉࡀ ࡅࡂࡅࡁࡓࡉࡀ ࡌࡉࡀ ࡁࡏࡈࡑࡅࡉࡍࡀ ࡏࡈࡑࡅࡉࡍࡀ ࡒࡀࡌ ࡌࡍ ࡒࡀࡋࡀࡉ ࡅࡒࡀࡋ ࡃࡓࡀࡔࡀࡉ ࡅࡍࡉࡍࡀ ࡔࡋࡀࡌࡀ ࡔࡀࡋࡌࡅࡍ ࡌࡍ ࡒࡀࡋࡀࡉ ࡅࡒࡀࡋ ࡃࡓࡀࡔࡀࡉ ࡉࡑࡀࡐࡓ ࡂࡀࡃࡀࡐ ࡎࡉࡂࡅࡃࡕࡀ ࡎࡂࡉࡃ ࡅࡀࡌࡀࡓ ࡌࡍ ࡒࡀࡋࡀࡉ ࡅࡒࡀࡋ ࡃ. |
| 189 |
ࡓࡀࡔࡀࡉ ࡋࡂࡀࡁࡓࡀ ࡖࡎࡀࡂࡃࡀࡕࡋࡇ ࡅࡈࡅࡁࡇ ࡈࡅࡁࡀࡊ ࡅࡕࡅࡌ ࡈࡅࡁࡀࡊ ࡉࡀࡄࡉࡀ ࡅࡓࡉࡒࡀࡍ ࡔࡁࡀࡒࡕࡇ ࡋࡀࡋࡌࡀ ࡋࡀࡂࡀࡓࡅࡊ ࡏࡕࡀࡐࡓࡀࡒࡕ ࡅࡏࡔࡕࡀࡅࡆࡀࡁࡕ ࡉࡀࡄࡉࡀ ࡅࡋࡀࡌࡉࡉࡍࡋࡀࡉࡄࡅࡍ ࡋࡀࡔࡀࡓࡄࡉࡆࡅࡊ ࡏࡔࡍࡉࡀ ࡁࡂࡀࡅࡓࡀࡉࡄࡅࡍ ࡋࡌࡀࡓࡀࡊ ࡌࡍ ࡏࡅࡓࡑࡀࡊ ࡁࡓࡉࡄࡀࡉࡍࡀ ࡅࡁࡅࡎࡌࡀࡉࡍࡀ ࡋࡀࡔࡍࡀࡉࡕࡇ ࡅࡋࡀࡁࡀࡃࡕ ࡏࡅࡁࡀࡃࡉࡀ ࡖࡏࡅࡋࡀ ࡋࡀࡓࡅࡉࡕ ࡁࡄࡀࡌࡓࡀ ࡏࡕࡀࡐࡓࡀࡒࡕ ࡅࡏࡔࡕࡀࡅࡆ. |
| 190 |
ࡀࡁࡕ ࡋࡀࡋࡉࡂࡈࡀࡊ ࡎࡉࡈࡉࡀ ࡁࡏࡅࡓࡀࡔࡋࡀࡌ ࡅࡅࡊࡓࡎࡉࡀࡊ ࡕࡓࡉࡋࡑࡀࡊ ࡁࡉࡕ ࡄࡉࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡀࡊࡋࡅࡆࡀ ࡒࡓࡀࡁࡇ ࡁࡀࡋࡌࡀ ࡀࡕࡅࡍ ࡏࡅࡄࡓࡀ ࡋࡒࡅࡃࡀࡌࡀࡉࡅࡊࡍ ࡆࡁࡅࡍ ࡉࡀ ࡖࡒࡀࡉࡌࡉࡀ ࡁࡏࡅࡋࡀ ࡀࡕࡅࡍ ࡏࡅࡄࡓࡀ ࡋࡒࡅࡃࡀࡌࡀࡉࡅࡊࡍ ࡆࡁࡅࡍ ࡉࡀ ࡖࡀࡋࡊࡉࡀ ࡄࡁࡅࡋࡉࡀ ࡅࡄ. |
| 191 |
ࡁࡅࡋ ࡄࡁࡅࡋࡉࡀ ࡒࡅࡌ ࡏࡅࡄࡓࡀ ࡋࡒࡅࡃࡀࡌࡀࡉࡅࡊࡍ ࡆࡁࡅࡍ ࡉࡀ ࡖࡔࡀࡁࡊࡉࡀ ࡁࡉࡋࡊࡉࡋࡉࡀ ࡁࡅࡎࡌࡀ ࡆࡁࡅࡍ ࡒࡅࡌ ࡏࡅࡄࡓࡀ ࡋࡒࡅࡃࡀࡌࡀࡉࡅࡊࡍ ࡉࡀ ࡖࡋࡀࡁࡔࡉࡀ ࡅࡀࡓࡃࡀ ࡅࡔࡀࡓࡀࡉࡀ ࡒࡅࡌ ࡏࡅࡄࡓࡀ ࡋࡒࡅࡃࡀࡌࡀࡉࡅࡊࡍ ࡆࡁࡅࡍ ࡉࡀ ࡖࡔࡀࡁࡊࡉࡀ ࡁࡉࡔࡅࡐࡓ ࡀࡍࡉࡐࡀ ࡅࡒࡀࡋࡀ ࡖࡄࡉࡉࡀ ࡋࡀࡌࡉࡕࡉࡒࡓࡉࡁࡇ ࡁࡀࡋࡌࡀ ࡀࡌࡉࡈࡍࡅࡋ ࡖࡎࡀࡋࡒࡉࡀ ࡁࡉࡍࡀ ࡁࡄࡉࡓࡉࡀ ࡆࡉࡃࡒࡀ ࡅࡋࡀࡌࡉࡕࡓࡉࡑ ࡃࡀࡉࡊࡀ ࡁ. |
| 192 |
ࡅࡓࡆࡉࡒࡍࡀ ࡎࡀࡋࡒࡀࡍ ࡌࡀࡎࡒࡀࡕࡀ ࡅࡋࡀࡄࡀࡅࡉࡀ ࡖࡔࡀࡀࡍࡉ ࡓࡅࡔࡅࡌࡀ ࡎࡀࡋࡒࡀ ࡌࡀࡁࡑࡅࡕࡀ ࡄࡀࡉࡕࡀ ࡉࡀࡒࡉࡐ ࡅࡁࡉࡍࡀ ࡀࡌࡉࡍ ࡅࡌࡉࡓࡉࡀࡉ ࡗ ࡄࡀࡆࡉࡍ ࡀࡌࡀࡓ ࡉࡀࡄࡉࡀ ࡌࡀࡋࡉࡋ ࡖࡉࡍࡌࡀࡓࡅࡋࡇ ࡋࡉࡀࡄࡉࡀ ࡁࡏࡅࡓࡀࡔࡋࡀࡌ ࡌࡀࡅࡌࡉࡀࡍࡋࡀࡊ ࡉࡀ ࡉࡀࡄࡉࡀ ࡁࡄࡉࡉࡀ ࡖࡎࡀࡂࡃࡀࡕࡋࡅࡍ ࡁࡀࡍࡉࡐࡀ ࡉࡅࡌࡀ ࡖࡉࡀࡒࡉࡓ ࡔࡅࡌࡇ ࡕࡅࡌ ࡌࡀࡅࡌࡉࡀࡍࡋࡀࡊ ࡉࡀࡄࡉࡀ ࡅࡒࡀࡋࡀ ࡖࡄࡉࡉࡀ ࡋࡀࡌࡉࡕࡉࡒࡓࡉࡁࡇ. |
| 193 |
ࡁࡀࡋࡌࡀ ࡌࡏ ࡎࡀࡋࡒࡉࡀ ࡁࡉࡍࡀ ࡁࡄࡉࡓࡉࡀ ࡆࡉࡃࡒࡀ ࡅࡋࡀࡌࡉࡕࡓࡉࡑ ࡃࡀࡉࡊࡀ ࡁࡅࡓࡆࡉࡒࡍࡀ ࡌࡏ ࡎࡀࡋࡒࡀࡍ ࡌࡀࡎࡒࡀࡕࡀ ࡅࡋࡀࡄࡀࡅࡉࡀ ࡖࡔࡀࡀࡍࡉ ࡓࡅࡔࡅࡌࡀ ࡌࡏ ࡎࡀࡋࡒࡀ ࡌࡀࡁࡑࡅࡕࡀ ࡄࡀࡉࡕࡀ ࡅࡁࡉࡍࡀ ࡀࡌࡉࡍ ࡅࡌࡉࡓࡉࡀࡉ ࡗ ࡄࡀࡆࡉࡍ ࡀࡌࡀࡓ ࡉࡀࡒࡉࡐ ࡌࡀࡋࡉࡋ ࡉࡀࡄࡉࡀ ࡖࡉࡍࡌࡀࡓࡋࡅࡍ ࡁࡏࡅࡓࡀࡔࡋࡀࡌ ࡌࡉࡕࡂࡀࡈࡋࡉࡀ ࡅࡋࡀࡄࡀࡅࡉࡍ ࡁࡉࡍࡀ ࡎࡓࡀࡉࡉࡋ ࡗ ࡌࡉࡕࡂࡀࡈࡋࡉࡀ ࡅࡊࡋࡄࡅࡍ ࡀࡊࡄࡉࡍ. |
| 194 |
ࡀ ࡁࡓ ࡀࡓࡁࡅࡉࡀ ࡁࡓ ࡔࡉࡁࡒࡅࡉࡀ ࡅࡌࡉࡕࡋࡉࡃ ࡌࡄࡀࡌࡀࡃ ࡀࡓࡁࡀࡉࡀ ࡋࡀࡋࡌࡀ ࡅࡁࡓ ࡀࡌࡕࡇ ࡖࡘࡀࡁࡃࡀࡋࡄ ࡒࡀࡓࡉࡋࡇ ࡁࡓ ࡀࡓࡁࡅࡉࡀ ࡔࡅࡌࡏࡉࡉࡋ ࡅࡌࡀࡎࡂࡃࡉࡀ ࡀࡍࡔࡐࡉࡀ ࡁࡀࡋࡌࡀ ࡌࡀࡎࡉࡒࡋࡅࡍ ࡋࡅࡊࡋࡄࡅࡍ ࡌࡀࡔࡊࡉࡍࡀ ࡅࡀࡊࡃࡁࡀ ࡅࡏࡅࡋࡀ ࡀࡍࡅࡐࡔ ࡁࡀࡋࡌࡀ ࡌࡀࡎࡒࡉࡋࡇ ࡋࡕࡅࡒࡀࡍ ࡅࡔࡀࡋࡌࡀ ࡅࡆࡀࡌࡀࡀࡍࡕࡀ ࡌࡍ ࡕࡉࡁࡉࡋ ࡌࡀࡎࡒࡉࡋࡅࡍ ࡋࡄࡉࡋࡅࡋࡉࡀ ࡅࡅࡑࡓࡕࡀ ࡋࡄࡀࡉࡕࡀ ࡋࡀࡀࡑࡉࡓ. |
| 195 |
ࡉࡀ ࡌࡀࡎࡒࡉࡋࡇ ࡋࡄࡀࡉࡌࡀࡅࡍࡕࡀ ࡅࡋࡀࡌࡒࡀࡓࡒࡉࡔࡉࡀ ࡅࡊࡋࡄࡅࡍ ࡅࡋࡀࡌࡒࡀࡓࡒࡉࡔ ࡆࡀࡂࡍࡀ ࡁࡕࡉࡁࡉࡋ ࡖࡏࡅࡋࡀ ࡓࡀࡌࡉࡁࡇ ࡁࡀࡋࡌࡀ ࡁࡉࡍࡀ ࡀࡊࡃࡁࡀ ࡖࡄࡉࡅࡊࡌࡕࡀ ࡅࡎࡀࡉࡍࡀ ࡂࡅࡍࡁࡕࡀ ࡅࡂࡀࡁࡍࡉࡀ ࡎࡀࡉࡍࡀ ࡂࡀࡅࡓࡀ ࡅࡂࡀࡉࡓࡉࡀ ࡅࡉࡀࡄࡁࡉࡀ ࡄࡃࡀ ࡅࡔࡀࡒࡋࡉࡀ ࡕࡔࡀ ࡅࡎࡀࡉࡍࡀ ࡄࡁࡅࡋࡉࡀ ࡄࡁࡅࡋ ࡄࡁࡅࡋࡉࡀ ࡅࡌࡓࡀࡅࡓࡉࡁࡉࡋࡅࡍ ࡋࡌࡉࡕࡒࡀࡋࡅࡍ ࡀࡑࡋࡉࡋࡉࡍ ࡋࡆࡁࡀࡉࡍࡀࡕࡅࡍ ࡅࡌࡉࡀࡍࡉࡄࡅࡍ. |
| 196 |
ࡌࡀࡆࡍࡉࡀࡉࡄࡅࡍ ࡔࡀࡁࡒࡉࡀ ࡖࡂࡀࡉࡓࡉࡀ ࡓࡉࡔࡀࡉࡄࡅࡍ ࡌࡉࡀࡍࡉࡄࡅࡍ ࡅࡌࡉࡀࡍࡉࡄࡅࡍ ࡃࡉࡒࡀࡍࡉࡄࡅࡍ ࡁࡄࡉࡀࡍ ࡀࡑࡁࡉࡀ ࡌࡉࡀࡍࡉࡄࡅࡍ ࡖࡔࡀࡁࡒࡉࡀ ࡌࡀࡆࡍࡉࡀࡉࡄࡅࡍ ࡅࡒࡀࡉࡌࡉࡀ ࡅࡌࡀࡑࡋࡉࡀ ࡁࡉࡕ ࡌࡀࡆࡂࡃࡀࡉࡄࡅࡍ ࡌࡉࡀࡍࡉࡄࡅࡍ ࡀࡑࡁࡉࡀ ࡃࡉࡒࡀࡍࡉࡄࡅࡍ ࡁࡄࡉࡀࡍ ࡒࡉࡓࡎࡀ ࡓࡁࡀ ࡋࡀࡁࡉࡔࡋࡇ ࡋࡅࡊࡋࡇ ࡒࡅࡌࡕࡀࡉࡄࡅࡍ ࡗ ࡄࡀࡆࡉࡋࡇ ࡋࡂࡀࡁࡓࡀ ࡖࡏࡎࡉࡓࡋࡇ ࡄࡉࡌࡉࡀࡀࡍ ࡅࡀࡌࡓࡉࡋࡅࡍ ࡁࡍࡉࡄࡀࡊ. |
| 197 |
ࡌࡀࡍ ࡒࡀࡉࡌࡉࡀ ࡅࡌࡔࡀࡉࡋࡉࡋࡅࡍ ࡅࡀࡌࡀࡓࡋࡀࡍ ࡃࡊࡀࡁࡀࡊ ࡌࡀࡍ ࡀࡌࡀࡓࡋࡀࡍ ࡌࡀࡍ ࡁࡍࡉࡄࡀࡊ ࡅࡀࡌࡀࡓࡋࡀࡍ ࡋࡌࡀࡅࡍ ࡎࡀࡂࡃࡀࡕࡋࡇ ࡅࡀࡌࡀࡓࡋࡀࡍ ࡌࡀࡍ ࡃࡊࡀࡁࡀࡊ ࡋࡉࡈࡉࡀ ࡅࡁࡄࡉࡕࡉࡀ ࡋࡀࡉࡀࡃࡉࡀ ࡅࡋࡀࡀࡐࡓࡔࡉࡀ ࡖࡌࡀࡓࡀࡉࡀࡍ ࡌࡀࡋࡀࡊ ࡖࡄࡍࡅࡓࡀ ࡋࡀࡉࡀࡃࡉࡀ ࡅࡋࡀࡀࡐࡓࡔࡉࡀ ࡁࡌࡓࡅࡌࡀ ࡄࡃࡀ ࡄࡅ ࡅࡄࡉࡉࡀ ࡆࡀࡉࡊࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ. |
| 198 |
ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡏࡆࡃࡀࡄࡓࡅࡋࡉࡀ ࡓࡀࡄࡌࡀࡉ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡌࡍ ࡀࡍࡂࡍࡀࡓࡉࡀ ࡖࡀࡊࡓࡉࡀࡍ ࡏࡔࡍࡉࡀ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡅࡅࡊࡋࡄࡅࡍ ࡀࡊࡌࡀࡉࡑࡀ ࡌࡉࡔࡕࡀࡃࡉࡊࡀ ࡌࡈࡀࡌࡀࡌࡉࡀ ࡅࡊࡋࡄࡅࡍ ࡀࡍࡂࡍࡓࡉࡀ ࡀࡋࡉࡐ ࡀࡋࡉࡐ ࡔࡉࡍࡀ ࡋࡀࡌࡈࡀࡌࡀࡌࡉࡀ ࡀࡍࡂࡍࡓࡉࡀ ࡖࡀࡊࡓࡉࡀࡍ ࡏࡔࡍࡉࡀ ࡁࡀࡋࡀࡋࡇ ࡈࡅࡓࡀ ࡄࡀࡔࡀࡊ ࡖࡌࡈࡀࡍࡀࡐ ࡅࡋࡀࡌࡀࡊࡅࡀࡍ ࡋࡀࡁࡓࡀࡋࡇ ࡋࡉࡀ. |
| 199 |
ࡌࡀ ࡓࡁࡀ ࡖࡎࡅࡐ ࡖࡌࡈࡀࡍࡀࡐ ࡅࡋࡀࡌࡀࡊࡅࡀࡍ ࡔࡉࡅࡐࡋࡉࡀ ࡎࡓࡉࡒࡉࡀ ࡄࡀࡅࡉࡋࡇ ࡖࡌࡈࡀࡍࡀࡐ ࡅࡋࡀࡌࡀࡊࡅࡀࡍ ࡁࡉࡍࡀ ࡌࡉࡕࡉࡀ ࡄࡀࡅࡉࡋࡇ ࡖࡌࡈࡀࡍࡀࡐ ࡅࡋࡀࡌࡀࡊࡅࡀࡍ ࡀࡌࡉࡈࡍࡅࡋ ࡖࡈࡀࡍࡀࡐࡕ ࡌࡉࡀ ࡕࡀࡒࡉࡍࡀ ࡕࡉࡋࡉࡈࡇ ࡔࡅࡌࡉࡀ ࡅࡀࡓࡒࡀ ࡅࡀࡒࡐࡀࡕ ࡔࡃࡀࡕࡇ ࡋࡒࡉࡒࡉࡋࡕࡀ ࡅࡓࡀࡆࡉࡀ ࡀࡊࡎࡉࡉࡀ ࡂࡀࡋࡀࡋࡀࡕ ࡁࡉࡔࡕࡀ ࡋࡀࡈࡅ ࡔࡀࡌࡉࡔ ࡅࡎࡉࡓࡀ ࡋࡅࡈࡕࡀ ࡌࡉࡀ ࡏࡋࡀࡅࡀࡉࡅࡊࡍ ࡓࡌࡅࡍ ࡗ ࡁࡀࡓ. |
| 200 |
ࡎࡀࡉࡅࡊࡍ ࡔࡀࡁࡊࡉࡕࡅࡍ ࡌࡉࡀ ࡁࡓࡉࡔ ࡓࡉࡔࡀࡉࡅࡊࡍ ࡄࡅࡐ ࡌࡍ ࡒࡅࡃࡀࡌ ࡖࡓࡀࡌࡉࡕࡅࡍ ࡏࡋࡀࡅࡀࡉࡅࡊࡍ ࡁࡓࡉࡔࡀࡉࡅࡊࡍ ࡋࡀࡌࡓࡉࡕࡅࡍ ࡀࡌࡉࡈࡍࡅࡋ ࡏࡅ ࡆࡉࡌࡕࡀ ࡀࡐࡉࡔࡀ ࡖࡌࡉࡀ ࡎࡉࡀࡉࡉࡍࡍ ࡁࡄࡀࡆࡉࡍ ࡀࡋࡌࡀ ࡅࡄࡉࡉࡀ ࡆࡀࡉࡊࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡁࡉࡕ ࡅࡑࡓࡕࡀࡉ ࡄࡅࡉࡕ ࡅࡋࡀࡎࡍࡀ. |
| 201 |
ࡁࡕࡇ ࡌࡅࡌࡀ ࡋࡏࡅࡓࡑࡀࡉ ࡋࡀࡄࡉࡎࡓࡉࡕ ࡅࡋࡀࡁࡉࡓࡑࡉࡕ ࡁࡏࡅࡄࡓࡀࡉࡄࡅࡍ ࡋࡀࡆࡉࡋࡀࡍ ࡁࡏࡅࡁࡀࡃࡀࡉࡄࡅࡍ ࡋࡀࡏࡎࡕࡀࡓࡊࡉࡕ ࡋࡓࡀࡄࡌࡀࡉ ࡖࡃࡀࡉࡓࡉࡍ ࡁࡀࡋࡌࡀ ࡒࡀࡓࡉࡀࡍ ࡅࡌࡀࡓࡐࡉࡔࡀࡍ ࡅࡌࡀࡓࡐࡉࡔࡀࡍࡋࡅࡍ ࡅࡋࡀࡉࡍࡄࡅࡉࡀ ࡀࡊࡃࡁࡀ ࡁࡌࡀࡌࡋࡀࡋࡅࡊࡍ ࡁࡄࡉࡓࡀࡉ ࡋࡀࡕࡉࡄࡉࡎࡓࡅࡍ ࡅࡋࡀࡕࡉࡁࡉࡓࡑࡅࡍ ࡅࡌࡉࡇࡍ ࡖࡃࡀࡅࡓࡀ ࡁࡀࡈࡋࡀ ࡏࡕࡀࡐࡓࡀࡒ ࡌࡍ ࡕࡉࡁࡉࡋ ࡅࡆࡀࡅࡀ ࡕࡐ ࡁࡉࡔࡉࡀ ࡋࡀࡕࡉࡋࡉࡂࡈࡅࡍ. |
| 202 |
ࡁࡄࡅࡓ ࡆࡀࡅࡀ ࡅࡋࡂࡅࡈ ࡆࡀࡅࡀ ࡖࡋࡀࡋࡊࡀࡋࡅࡊࡍ ࡅࡍࡓࡀ ࡖࡉࡀࡒࡃࡀ ࡋࡀࡕࡉࡋࡉࡂࡈࡅࡍ ࡆࡀࡅࡀ ࡕࡐ ࡁࡉࡔࡉࡀ ࡀࡋࡊࡀࡋࡇ ࡅࡍࡓࡀ ࡖࡉࡀࡒࡃࡀ ࡖࡌࡀࡊࡍࡀࡐ ࡅࡋࡀࡌࡀࡊࡅࡀࡍ ࡀࡊࡍࡉࡐࡀ ࡎࡓࡉࡒࡉࡀ ࡀࡍࡕࡅࡍࡋࡇ ࡖࡌࡀࡊࡍࡀࡐ ࡅࡋࡀࡌࡀࡊࡅࡀࡍ ࡁࡉࡍࡀ ࡌࡉࡕࡉࡀ ࡄࡀࡅࡉࡋࡇ ࡖࡌࡀࡊࡍࡀࡐ ࡅࡋࡀࡌࡀࡊࡅࡀࡍ ࡕࡉࡋࡉࡈࡇ ࡏࡔࡅࡌࡉࡀ ࡅࡀࡓࡒࡀ ࡖࡌࡀࡊࡍࡀࡐ ࡅࡋࡀࡌࡀࡊࡅࡀࡍ ࡅࡓࡀࡆࡉࡀ ࡀࡊࡎࡉࡉࡀ ࡂࡀࡋࡀࡋࡀࡕ ࡀࡌࡉࡈࡍࡅࡋ. |
| 203 |
ࡖࡈࡀࡍࡀࡐࡕ ࡌࡉࡀ ࡕࡀࡒࡉࡍࡀ ࡅࡀࡆࡋࡀࡕ ࡔࡃࡀࡕࡇ ࡁࡒࡉࡒࡋࡉࡀ ࡅࡋࡅࡈࡕࡀ ࡓࡀࡁࡕࡉࡀ ࡋࡀࡈࡅࡉࡀ ࡅࡎࡉࡓࡀ ࡃࡀࡍ ࡏࡋࡇ ࡀࡕࡀ ࡔࡀࡌࡉࡔ ࡌࡉࡇࡍ ࡖࡃࡀࡅࡓࡀ ࡁࡀࡈࡋࡀ ࡁࡄࡉࡓࡀࡉ ࡀࡐࡓࡉࡒ ࡀࡍࡔࡐࡀࡉࡅࡊࡍ ࡒࡀࡓࡁࡉࡕࡅࡍ ࡎࡉࡅࡍ ࡌࡉࡀ ࡗ ࡋࡅࡀࡕ ࡆࡀࡅࡀࡉࡅࡊࡍ ࡁࡓࡉࡔ ࡓࡉࡔࡀࡉࡅࡊࡍ ࡄࡅࡐ ࡅࡃࡀࡅࡊࡍ ࡀࡍࡔࡐࡀࡉࡅࡊࡍ ࡀࡀࡊࡃࡍࡉࡕ ࡋࡀࡏࡃࡀࡉࡊࡕࡅࡍ ࡀࡄࡀࡉ ࡏࡅ ࡆࡉࡌࡕࡀ ࡀࡐࡉࡔࡀ ࡁࡓࡉࡔࡀࡉࡅࡊࡍ ࡌࡍ. |
| 204 |
ࡀࡍࡂࡍࡓࡉࡀ ࡖࡀࡊࡓࡉࡀࡍ ࡏࡔࡍࡉࡀ ࡀࡐࡓࡉࡒ ࡀࡍࡔࡐࡀࡉࡅࡊࡍ ࡅࡅࡊࡋࡄࡅࡍ ࡀࡊࡌࡀࡉࡑࡀ ࡌࡉࡔࡕࡀࡃࡉࡊࡀ ࡅࡊࡋࡄࡅࡍ ࡀࡍࡂࡍࡓࡉࡀ ࡌࡉࡈࡀࡌࡀࡌࡉࡀ ࡀࡋࡉࡐ ࡀࡋࡉࡐ ࡔࡉࡍࡀ ࡋࡀࡌࡉࡈࡀࡌࡀࡌࡉࡀ ࡀࡍࡂࡍࡓࡉࡀ ࡖࡀࡊࡓࡉࡀࡍ ࡏࡔࡍࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡉࡀ ࡄࡀࡓࡀࡕࡀ ࡖࡋࡀࡌࡉࡕࡉࡓࡀࡍ ࡉ. |
| 205 |
ࡀ ࡄࡀࡓࡉࡀ ࡖࡔࡀࡁࡊࡉࡍ ࡋࡉࡅࡌࡀ ࡖࡃࡉࡀࡍ ࡌࡀࡄࡅ ࡕࡉࡁࡃࡅࡍ ࡉࡀ ࡄࡀࡓࡉࡀ ࡖࡔࡀࡁࡊࡉࡀ ࡋࡉࡅࡌࡀ ࡖࡃࡉࡀࡍ ࡌࡀࡄࡅ ࡕࡉࡁࡃࡅࡍ ࡉࡍࡔࡉࡌࡕࡀ ࡗ ࡔࡀࡄࡋࡀࡋࡇ ࡋࡀࡐࡂࡓࡀ ࡅࡌࡁࡀࡋࡀࡋࡀ ࡅࡌࡄࡀࡌࡁࡋࡀ ࡉࡀ ࡀࡋࡌࡀ ࡁࡋࡉࡋࡀ ࡅࡎࡉࡓࡐࡀࡊ ࡖࡆࡉࡀࡐ ࡌࡉࡎࡕࡀࡓࡊࡉࡀ ࡖࡂࡅࡁࡓࡀࡊ ࡌࡀࡉࡕࡉࡀ ࡖࡄࡀࡀࡊ ࡓࡉࡔࡀ ࡖࡃࡀࡓࡀ ࡄࡅࡀ ࡀࡊࡄࡅ ࡀࡃࡀࡌ ࡂࡀࡁࡓࡀ ࡒࡀࡃࡌࡀࡉࡀ ࡖࡌࡉࡀࡍࡉࡄࡅࡍ ࡏࡕࡉࡀࡉࡀࡓ ࡀࡋࡌࡀ ࡀࡊࡄ. |
| 206 |
ࡅ ࡄࡀࡅࡀ ࡆࡀࡅࡀ ࡖࡀࡋࡌࡉࡀ ࡅࡃࡀࡓࡉࡀ ࡌࡉࡇࡍ ࡄࡅࡍ ࡀࡊࡄࡅ ࡔࡉࡕࡉࡋ ࡁࡓ ࡀࡃࡀࡌ ࡖࡌࡍ ࡃࡀࡓࡀ ࡖࡄࡉࡓࡁࡀ ࡄࡅࡍ ࡀࡊࡄࡅ ࡓࡀࡌ ࡅࡓࡅࡃ ࡖࡌࡍ ࡃࡀࡓࡀ ࡖࡅࡍࡓࡀ ࡄࡅࡍ ࡀࡊࡄࡅ ࡔࡅࡓࡁࡀࡉ ࡅࡔࡀࡓࡄࡀࡁࡏࡉࡋ ࡖࡌࡍ ࡃࡀࡓࡀ ࡖࡈࡅࡀࡐࡉࡍࡀ ࡌࡉࡀ ࡄࡅࡍ ࡀࡊࡄࡅ ࡔࡅࡌ ࡁࡓ ࡅࡍ ࡅࡏࡕࡉࡁࡉࡅࡍ ࡀࡍࡈࡓࡉࡀ ࡁࡕࡉࡁࡉࡋ ࡅࡊࡋࡄࡅࡍ ࡍࡀࡐࡒ ࡅࡋࡀࡏࡕࡀࡊࡌࡀࡓ ࡖࡀࡋࡌࡉࡀ ࡅࡃࡀࡓࡉࡀ ࡌࡎࡀࡉࡊࡋࡇ ࡃࡀࡌࡉࡀ ࡋࡉࡅࡌ. |
| 207 |
ࡀ ࡈࡀࡁࡀ ࡖࡒࡀࡉࡌࡉࡀ ࡋࡉࡅࡌࡀ ࡖࡉࡍࡅࡊࡎࡕࡀ ࡔࡉࡁࡉࡀࡄࡉࡀ ࡕࡀࡅࡓࡉࡀ ࡖࡉࡐࡈࡓࡀ ࡖࡒࡀࡉࡌࡉࡀ ࡁࡔࡅࡒࡉࡀ ࡅࡌࡉࡆࡃࡀࡁࡉࡍࡀ ࡀࡁࡉࡍࡀ ࡕࡉࡁࡉࡋ ࡃࡀࡓࡊࡉࡀ ࡖࡔࡅࡌࡀࡍ ࡉࡍࡔࡕࡁࡉࡒࡋࡅࡍ ࡄࡀࡈࡀࡉࡅࡍ ࡅࡄࡀࡅࡁࡅࡍ ࡓࡀࡄࡌࡀࡉ ࡖࡎࡀࡂࡃࡉࡀ ࡋࡄࡉࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡅࡋࡀࡁࡑࡅࡁࡉࡀ ࡅࡊࡋࡄࡅࡍ ࡀࡋࡌࡉࡀ ࡋࡀࡁࡑࡅࡁࡉࡀ ࡃࡀࡓࡉࡀ ࡋࡀࡁࡑࡅࡁࡉࡀ ࡃࡀࡓࡀ ࡁࡏࡂࡍࡀࡓ ࡅࡊࡔࡈࡀ ࡖࡀࡕࡀࡕ ࡋࡀࡊ ࡅࡏࡋ ࡉ. |
| 208 |
ࡀࡃ ࡉࡀࡄࡅࡈࡀࡉࡉࡀ ࡓࡉࡌࡉࡅࡉࡀ ࡉࡍࡎࡁࡅ ࡋࡏࡂࡍࡉࡓࡕࡀ ࡖࡁࡇ ࡖࡋࡀࡄࡅࡀ ࡖࡄࡉࡅࡍࡍ ࡁࡀࡉࡉࡍ ࡀࡐࡄࡕࡉࡀ ࡅࡒࡀࡓࡉࡁࡇ ࡅࡄࡀࡆࡉࡀ ࡅࡋࡀࡄࡅࡀ ࡖࡉࡍࡔࡌࡀࡕࡅࡍ ࡀࡑࡁࡉࡀ ࡅࡋࡉࡀࡃ ࡉࡅࡄࡀࡀࡍ ࡓࡉࡌࡉࡅࡉࡀ ࡉࡍࡎࡁࡅ ࡋࡏࡂࡍࡉࡓࡕࡀ ࡀࡌࡓࡉࡋࡇ ࡁࡂࡍࡀࡓ ࡅࡊࡔࡈࡀ ࡖࡀࡕࡀࡋࡀࡊ ࡌࡍ ࡀࡁࡀࡄࡀࡕࡀࡊ ࡎࡀࡁ ࡓࡀࡁ ࡉࡅࡄࡀࡀࡍ ࡅࡄࡀࡆࡉࡀ ࡁࡂࡀࡅࡇ ࡎࡉࡓࡐࡀ ࡔࡀࡉࡍࡀ ࡀࡐࡄࡕࡀ ࡅࡒࡀࡓࡉࡀ ࡉࡅࡄࡀࡀࡍ ࡅࡁࡄࡉࡉࡀ ࡏ. |
| 209 |
ࡕࡉࡌࡋࡉࡀ ࡅࡀࡌࡀࡓ ࡀࡐࡄࡕࡀ ࡅࡒࡀࡓࡉࡁࡇ ࡅࡄࡀࡆࡀ ࡉࡍࡔࡌࡀࡕ ࡀࡑࡁࡉࡀ ࡄࡀࡆࡉࡍ ࡄࡅ ࡖࡁࡀࡉࡉࡀࡍ ࡀࡄࡇ ࡃࡀࡓࡔࡉࡀ ࡃࡓࡀࡔࡉࡀ ࡉࡅࡄࡀࡀࡍ ࡍࡀࡐࡒ ࡌࡍ ࡀࡐࡂࡓࡇ ࡁࡈࡅࡓࡀ ࡖࡈࡅࡓ ࡀࡊࡓࡉࡌࡋࡀ ࡀࡄࡇ ࡃࡀࡓࡔࡉࡋࡇ ࡁࡇ ࡅࡀࡎࡒࡅ ࡋࡈࡅࡓࡀ ࡖࡈࡅࡓ ࡀࡊࡓࡉࡌࡋࡀ ࡋࡏࡂࡍࡉࡓࡕࡀ ࡉࡍࡎࡁࡅ ࡅࡌࡀࡓࡐࡉࡔࡋࡅࡍ ࡋࡔࡀࡕࡐࡀ ࡀࡊࡃࡁࡉࡋࡅࡍ ࡁࡏࡂࡍࡉࡓࡕࡀ ࡀࡊࡍࡉࡐࡀ ࡁࡈࡅࡓࡀ ࡈࡅࡓ ࡀࡊࡓࡉࡌࡋࡀ ࡋࡉࡀࡒࡉࡐ ࡅ. |
| 210 |
ࡁࡉࡍࡀ ࡀࡌࡉࡍ ࡅࡔࡅࡌࡏࡉࡋ ࡖࡓࡀࡄࡉࡒ ࡌࡍ ࡌࡓࡅࡌࡀ ࡌࡀࡃࡍࡀ ࡖࡄࡉࡉࡀ ࡖࡄࡉࡉࡀ ࡏࡋࡀࡅࡉࡀ ࡕࡉࡁࡉࡋ ࡔࡉࡄࡋࡅࡊ ࡀࡕࡉࡕ ࡏࡋࡉࡊ ࡃࡉࡋࡉࡊ ࡉࡍࡔࡉࡌࡕࡀ ࡁࡂࡀࡅࡇ ࡖࡀࡋࡌࡀ ࡀࡀࡍ ࡁࡀࡋࡁࡅࡔࡉࡀ ࡖࡌࡀࡉࡍࡀ ࡀࡎࡂࡉࡕ ࡀࡕࡉࡕ ࡋࡂࡀࡅࡇ ࡖࡀࡋࡌࡀ ࡁࡀࡋࡁࡅࡔࡀ ࡖࡄࡉࡉࡀ ࡀࡎࡂࡉࡕ ࡋࡕࡌࡀࡉࡍࡀ ࡀࡎࡂࡉࡕ ࡏࡋ ࡋࡁࡅࡔࡀ ࡖࡔࡅࡁࡀ ࡀࡕࡉࡕ ࡅࡕࡌࡀࡉࡍࡀ ࡁࡄࡀࡃ ࡁࡉࡀࡃ ࡋࡀࡊ ࡋࡁࡅࡔࡀ ࡖࡔࡅࡁࡀ ࡉࡍࡎࡁࡉࡕ ࡅࡏࡉ. |
| 211 |
ࡍࡎࡁࡇ ࡅࡋࡀࡏࡔࡉࡁࡒࡇ ࡎࡍࡀࡁࡕࡇ ࡅࡀࡍࡎࡁࡉࡀࡍࡋࡇ ࡋࡎࡀࡄࡓࡉࡀ ࡁࡈࡀࡁࡉࡀ ࡉࡍࡄࡅࡍ ࡎࡍࡀࡁࡕࡇ ࡅࡀࡍࡎࡁࡉࡀࡍࡋࡅࡍ ࡅࡌࡀࡄࡅ ࡁࡀࡉࡊࡕࡅࡍ ࡀࡌࡀࡌࡉࡀ ࡌࡀࡄࡅ ࡁࡀࡉࡊࡕࡅࡍ ࡃࡀࡓࡉࡀ ࡏࡋ ࡃࡉࡋࡅࡊࡍ ࡀࡀࡍ ࡋࡃࡌࡅࡕࡀࡉ ࡀࡕࡉࡕ ࡀࡋࡌࡀ ࡀࡅࡃࡀ ࡂࡉࡅࡕࡀࡉࡅࡊࡍ ࡀࡎࡂࡉࡕ ࡏࡋ ࡂࡀࡅࡇ ࡖࡀࡋࡌࡀ ࡅࡄࡉࡉࡀ ࡆࡀࡉࡊࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉ. |
| 212 |
ࡀ ࡃࡀࡓࡉࡔ ࡁࡋࡉࡋࡅࡉࡀ ࡌࡉࡀࡊࡋ ࡀࡊࡋࡉࡀ ࡏࡅࡁࡀࡃࡉࡀ ࡌࡉࡀࡀࡊ ࡖࡓࡀࡁ ࡌࡉࡀࡍࡉ ࡅࡕࡅࡔࡁࡉࡄࡕࡀࡉ ࡌࡀࡎࡒࡀࡋࡉࡀ ࡁࡄࡀࡃࡅࡀ ࡋࡉࡂࡉࡈࡕࡀࡉ ࡌࡉࡄࡔࡉࡁ ࡀࡂࡓࡀࡉ ࡅࡋࡊࡉࡋࡀࡉ ࡅࡁࡉࡍࡀ ࡀࡌࡉࡍ ࡔࡉࡁࡒࡅࡉࡀ ࡋࡁࡉࡕ ࡌࡒࡀࡃࡔࡉࡀ ࡉࡀࡒࡉࡐ ࡔࡁࡀࡒ ࡁࡉࡕ ࡀࡌࡀ ࡔࡉࡁࡒࡇ ࡋࡒࡅࡌࡁࡀ ࡖࡀࡊࡄࡉࡍࡀ ࡏࡋࡉࡆࡀࡓ ࡁࡀࡉࡕࡀ ࡓࡁࡀ ࡋࡉࡀࡄࡉࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡇ ࡀࡊࡄࡉࡍࡀ ࡉࡅࡄࡀࡀࡍ ࡅࡐࡒ. |
| 213 |
ࡌࡍ ࡌࡃࡉࡕࡍࡀࡍ ࡉࡀࡄࡉࡀ ࡅࡐࡒ ࡌࡍ ࡌࡀࡕࡀࡍ ࡅࡌࡍ ࡒࡀࡋ ࡃࡓࡀࡔࡀࡊ ࡀࡍࡃ ࡁࡉࡕ ࡌࡒࡀࡃࡔࡉࡀ ࡌࡍ ࡒࡀࡋࡀࡊ ࡀࡍࡃ ࡁࡉࡕ ࡀࡌࡀ ࡀࡍࡃࡀࡕ ࡒࡅࡌࡁࡀ ࡖࡀࡊࡄࡉࡍࡀ ࡌࡍ ࡒࡀࡋࡀࡉࡄࡅࡍ ࡖࡏࡉࡍࡀࡀࡍࡊ ࡋࡀࡊࡄࡉࡍࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡅࡍ ࡉࡀࡄࡉࡀ ࡎࡉࡀࡐ ࡅࡅࡐࡎࡒࡅࡍ ࡅࡀࡉࡕࡅࡍ ࡀࡉࡕࡅࡍ ࡅࡍࡓࡀ ࡅࡒࡅࡋࡉࡅࡍ ࡋࡉࡀࡄࡉࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡇ ࡀࡊࡄࡉࡍࡀ ࡖࡔࡅࡌࡀ ࡖ. |
| 214 |
ࡄࡉࡉࡀ ࡌࡀࡃࡀࡊࡓ ࡏࡋࡀࡊ ࡅࡍࡓࡀ ࡋࡀࡋࡊࡀࡋࡀࡊ ࡉࡀࡄࡉࡀ ࡖࡁࡓ ࡄࡉࡉࡀ ࡄࡀࡀࡊ ࡔࡓࡉࡀ ࡏࡋࡀࡊ ࡎࡉࡀࡐ ࡋࡀࡀࡐࡎࡉࡒࡋࡀࡊ ࡉࡀࡄࡉࡀ ࡅࡄࡉࡉࡀ ࡆࡀࡉࡊࡍ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡁࡀࡕࡉࡀ ࡖࡌࡃࡀࡋࡉࡀ ࡌࡉࡕࡀࡐࡎࡀࡎࡉࡀ ࡀࡒࡓࡉࡀ ࡖࡓࡀࡌࡉࡀ ࡀࡍࡋࡐࡉࡀ ࡖࡋࡀࡅ ࡋࡉࡂࡀࡋ ࡀࡌࡀࡓࡅࡋࡇ ࡅࡀࡉࡋࡀࡊ ࡋࡉࡀࡊ ࡖࡀࡌࡀࡓ. |
| 215 |
ࡅࡋࡇ ࡈࡅࡁࡀࡊ ࡁࡂࡀࡅࡇ ࡖࡄࡀࡆࡉࡍ ࡀࡋࡌࡀ ࡅࡋࡅࡀࡕࡇ ࡖࡉࡀࡄࡉࡀ ࡀࡆࡋࡉࡀ ࡏࡕࡀࡊࡀࡍࡉࡐࡅࡍ ࡉࡀࡄࡅࡈࡀࡉࡉࡀ ࡀࡌࡓࡉࡋࡇ ࡁࡌࡀࡋࡀࡊ ࡖࡄࡍࡅࡓࡀ ࡖࡎࡀࡂࡃࡀࡕࡋࡇ ࡌࡀࡅࡌࡉࡀࡍࡋࡀࡊ ࡉࡀࡄࡉࡀ ࡁࡄࡀࡁࡔࡀࡁࡀ ࡅࡀࡍࡉࡐࡀ ࡉࡅࡌࡀ ࡕࡅࡌ ࡌࡀࡅࡌࡉࡀࡍࡋࡀࡊ ࡉࡀࡄࡉࡀ ࡖࡉࡀࡒࡉࡓ ࡅࡀࡊࡁࡉࡓ ࡔࡅࡌࡇ ࡔࡀࡉࡀࡋࡕࡇ ࡁࡌࡀࡄࡅ ࡄࡀࡅࡉࡀ ࡖࡁࡂࡀࡅࡓࡀ ࡄࡀࡎࡀࡓ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡖࡁࡂࡅࡁࡍࡀ ࡄࡀࡅࡉࡀ ࡄࡀࡎࡀ. |
| 216 |
ࡓ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡖࡄࡀࡁࡓࡇ ࡂࡀࡉࡀࡓ ࡖࡌࡍ ࡏࡕࡍࡀ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡅࡊࡋࡌࡀࡍ ࡖࡔࡀࡁࡉࡒ ࡄࡃࡀ ࡅࡋࡀࡂࡉࡈ ࡄࡃࡀ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡅࡊࡋ ࡀࡕࡅࡀࡕ ࡖࡂࡀࡉࡓࡀ ࡂࡀࡅࡓࡀ ࡌࡀࡍ ࡖࡀࡆࡉࡋ ࡋࡅࡀࡕ ࡀࡊࡅࡑࡌࡉࡀ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡅࡀࡊࡋࡃࡀࡉࡉࡀ ࡖࡔࡉࡒࡓࡀ ࡅࡊࡋ ࡌࡀࡍ ࡖࡔࡀࡕࡉࡀ ࡄࡀࡌࡓࡀ ࡁࡄࡀࡅࡍࡕࡀ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡅࡓࡅࡉࡕࡀ. |
| 217 |
ࡅࡄࡅࡎࡓࡀࡀࡍ ࡁࡂࡀࡅࡇ ࡀࡁࡉࡃ ࡖࡀࡆࡉࡋ ࡋࡅࡀࡕ ࡆࡀࡌࡀࡓࡕࡀ ࡅࡆࡉࡓࡀ ࡆࡀࡓࡀ ࡖࡀࡊࡃࡁࡀ ࡅࡌࡉࡇࡍ ࡁࡀࡈࡀࡍ ࡅࡎࡀࡌࡀ ࡔࡀࡒࡋࡀ ࡅࡀࡆࡋࡀ ࡁࡔࡅࡒࡉࡀ ࡔࡀࡃࡉࡀࡋࡇ ࡅࡀࡉࡇࡍ ࡖࡉࡀࡋࡃࡀ ࡄࡀࡆࡉࡀࡋࡇ ࡋࡏࡌࡇ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡅࡏࡌࡀ ࡋࡉࡀࡋࡃࡀ ࡋࡀࡄࡀࡆࡉࡀࡋࡇ ࡅࡊࡋࡌࡀࡍ ࡖࡔࡀࡉࡊࡁ ࡋࡅࡀࡕ ࡆࡀࡅࡇ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡅࡌࡉࡀ ࡋࡀࡎࡀࡉࡉࡀ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡀࡕࡅࡀ. |
| 218 |
ࡕ ࡖࡋࡀࡎࡀࡉࡀ ࡌࡉࡀ ࡅࡊࡋࡌࡀࡍ ࡖࡄࡀࡀࡍࡕࡇ ࡉࡅࡌࡀ ࡒࡀࡃࡌࡀࡉࡀ ࡆࡀࡅࡇ ࡌࡍ ࡈࡅࡍࡉࡐࡀ ࡖࡎࡀࡉࡀ ࡁࡌࡀࡄࡅ ࡃࡉࡉࡍࡀ ࡃࡀࡉࡉࡍࡋࡇ ࡅࡃࡀࡔࡕࡀࡀࡍ ࡅࡋࡅࡀࡕࡇ ࡔࡀࡉࡊࡁ ࡅࡊࡋ ࡌࡀࡍ ࡖࡀࡉࡊࡋ ࡄࡁࡅࡋࡉࡀ ࡁࡌࡀࡄࡅ ࡃࡉࡉࡍࡀ ࡃࡀࡉࡉࡍࡋࡇ ࡅࡄࡁࡅࡋ ࡄࡁࡅࡋࡉࡀ ࡖࡃࡀࡄࡁࡀ ࡅࡀࡊࡎࡀࡐ ࡁࡌࡀࡄࡅ ࡃࡉࡀࡍ ࡃࡀࡉࡉࡍࡋࡇ ࡅࡊࡋࡌࡀࡍ ࡖࡉࡍࡓࡄࡀࡌ ࡃࡀࡄࡁࡀ ࡅࡀࡊࡎࡀࡐ ࡅࡊࡋࡌࡀࡍ ࡖࡉࡍࡓࡄࡀࡌ ࡃࡀࡄࡁࡀ ࡅࡀࡊࡎࡀࡐ. |
| 219 |
ࡁࡌࡀࡄࡅ ࡃࡉࡉࡍࡀ ࡃࡀࡉࡉࡍࡋࡇ ࡅࡈࡀࡁࡅࡕࡀ ࡁࡂࡀࡅࡇ ࡋࡀࡉࡍࡁࡀࡃ ࡅࡊࡋࡌࡀࡍ ࡖࡀࡍࡓࡄࡀ ࡁࡓࡉࡄࡀ ࡖࡄࡉࡉࡀ ࡁࡌࡀࡄࡅ ࡃࡉࡉࡍࡀ ࡃࡀࡉࡉࡍࡋࡇ ࡅࡔࡅࡌࡀ ࡖࡄࡉࡉࡀ ࡋࡀࡀࡍࡃࡀࡊࡓ ࡏࡋࡇ ࡁࡌࡀࡄࡅ ࡃࡉࡉࡍࡀ ࡃࡀࡉࡉࡍࡋࡇ ࡅࡊࡋࡌࡀࡍ ࡖࡉࡍࡁࡀࡃ ࡏࡁࡉࡃࡀࡕࡀ ࡎࡀࡉࡀࡍࡕࡀ ࡅࡊࡋࡌࡀࡍ ࡖࡉࡍࡁࡑࡀ ࡏࡃࡇ ࡅࡋࡉࡂࡓࡇ ࡁࡌࡀࡄࡅ ࡃࡉࡉࡍࡀ ࡃࡀࡉࡉࡍࡋࡇ ࡅࡉࡍࡐࡇࡊ ࡋࡃࡌࡅࡕࡀ ࡖࡌࡀࡓࡇ ࡀࡐࡒࡉࡃ ࡏࡋࡇ ࡁࡌࡀࡄࡅ ࡃ. |
| 220 |
ࡉࡉࡍࡀ ࡃࡀࡉࡉࡍࡋࡇ ࡅࡊࡋ ࡌࡀࡍ ࡖࡉࡍࡓࡄࡅࡌ ࡉࡑࡁࡀ ࡅࡉࡑࡁࡅࡕࡀ ࡅࡀࡌࡀࡓ ࡀࡔࡋࡀ ࡉࡀࡄࡉࡀ ࡁࡒࡉࡃࡉࡄࡕࡇ ࡅࡒࡃࡀ ࡗ ࡄࡀࡆࡉࡍ ࡀࡌࡀࡓ ࡉࡀࡄࡅࡈࡀࡉࡉࡀ ࡀࡊࡁࡉࡓࡀ ࡖࡉࡍࡁࡉࡀ ࡌࡀࡍࡕࡀ ࡌࡍ ࡃࡅࡓࡃࡉࡀ ࡄࡀࡎࡋࡇ ࡋࡄࡍࡅࡓࡀ ࡓࡁࡀ ࡔࡀࡉࡀࡋࡕࡇ ࡁࡅࡍࡓࡀ ࡄࡀࡅࡉࡀ ࡅࡊࡋࡌࡀࡍ ࡖࡁࡂࡀࡅࡓࡀ ࡄࡀࡎࡀࡓ ࡌࡉࡕࡉࡀࡁࡀࡈ ࡁࡈࡅࡓࡀ ࡄࡀࡔࡀࡊ ࡅࡊࡋࡌࡀࡍ ࡖࡁࡂࡅࡁࡍࡀ ࡄࡀࡎࡀࡓ ࡅࡍࡓࡀ ࡄࡀࡅࡉࡀ ࡃࡀࡉࡀࡇࡍ ࡅࡊࡋࡌ. |
| 221 |
ࡀࡍ ࡖࡌࡍ ࡏࡕࡍࡀ ࡖࡄࡀࡁࡓࡇ ࡂࡀࡉࡀࡓ ࡀࡋࡌࡀ ࡖࡓࡅࡄࡇ ࡔࡀࡋࡌࡀ ࡉࡍࡕࡉࡀࡁࡀࡈ ࡁࡈࡅࡓࡀ ࡄࡀࡔࡀࡊ ࡅࡊࡋࡌࡀࡍ ࡖࡌࡍ ࡏࡕࡍࡀ ࡀࡓࡌࡀࡋࡕࡀ ࡂࡀࡉࡀࡓ ࡏࡋ ࡌࡀࡄࡅࡉࡍࡀ ࡕࡀࡅࡌࡉࡀ ࡌࡉࡕࡀࡍࡂࡍࡀࡓ ࡅࡊࡋࡌࡀࡍ ࡖࡌࡍ ࡄࡉࡃࡅࡕࡀ ࡂࡀࡉࡀࡓ ࡅࡀࡉࡇࡍ ࡁࡀࡁࡀࡕࡅࡓ ࡋࡀࡉࡍࡌࡋࡉࡀ ࡋࡌࡀࡉࡍࡀ ࡖࡅࡍࡓࡀ ࡌࡉࡕࡀࡍࡂࡍࡀࡓ ࡅࡊࡋࡌࡀࡍ ࡖࡔࡀࡁࡉࡒ ࡄࡃࡀ ࡅࡋࡀࡂࡉࡈ ࡄࡃࡀ ࡉࡑࡁࡉࡀ ࡖࡀࡕࡅࡉࡍࡀ ࡄࡀࡅࡉࡀ ࡀࡕࡅࡀࡕ ࡖࡂ. |
| 222 |
ࡀࡉࡓࡀ ࡂࡀࡅࡓࡀ ࡅࡀࡉࡇࡍ ࡋࡁࡉࡕ ࡄࡉࡉࡀ ࡋࡀࡕࡉࡌࡋࡉࡀ ࡅࡀࡊࡋࡃࡀࡉࡉࡀ ࡖࡔࡉࡒࡓࡀ ࡅࡊࡋࡌࡀࡍ ࡖࡀࡆࡉࡋ ࡋࡅࡀࡕ ࡀࡊࡅࡑࡌࡉࡀ ࡏࡋ ࡌࡀࡉࡍࡀ ࡖࡁࡀࡓࡃࡀ ࡌࡉࡕࡀࡍࡂࡍࡀࡓ ࡁࡄࡀࡅࡍࡕࡀ ࡅࡓࡅࡉࡕࡀ ࡓࡀࡅࡉࡀ ࡅࡊࡋࡌࡀࡍ ࡖࡔࡀࡕࡉࡀ ࡄࡀࡌࡓࡀ ࡁࡂࡀࡅࡇ ࡀࡁࡉࡃ ࡁࡈࡀࡁࡋࡉࡀ ࡅࡆࡉࡌࡅࡓࡉࡀ ࡅࡆࡀࡉࡍࡅࡕࡀ ࡅࡀࡉࡇࡍ ࡁࡀࡁࡀࡕࡅࡓ ࡋࡀࡉࡍࡌࡋࡉࡀ ࡒࡅࡁࡋࡉࡀ ࡉࡍࡎࡓࡉࡒࡅࡇࡍ ࡁࡌࡀࡎࡉࡓࡒࡉࡀ ࡅࡆࡉࡓࡀ ࡆࡀࡓࡀ ࡖࡀࡊࡃ. |
| 223 |
ࡁࡀ ࡅࡊࡋࡌࡀࡍ ࡖࡀࡆࡉࡋ ࡋࡅࡀࡕ ࡆࡀࡌࡀࡓࡕࡀ ࡅࡀࡆࡋࡀ ࡁࡒࡉࡒࡋࡉࡀ ࡔࡀࡃࡉࡀࡋࡇ ࡅࡌࡉࡇࡍ ࡁࡀࡈࡀࡍ ࡅࡎࡀࡌࡀ ࡔࡀࡒࡋࡀ ࡅࡌࡉࡄࡉࡃࡓࡀ ࡁࡏࡒࡁࡇ ࡃࡀࡉࡔࡀࡋࡇ ࡅࡄࡀࡓࡐࡀ ࡁࡉࡓࡀ ࡅࡒࡀࡁࡓࡀࡋࡇ ࡅࡏࡌࡀ ࡋࡉࡀࡋࡃࡀ ࡋࡀࡄࡀࡆࡉࡀࡋࡇ ࡅࡀࡉࡇࡍ ࡖࡉࡀࡋࡃࡀ ࡄࡀࡆࡉࡋࡇ ࡋࡏࡌࡇ ࡅࡏࡌࡇ ࡁࡀࡉࡊࡀࡋࡇ ࡁࡂࡅࡍࡁ ࡂࡅࡍࡁ ࡉࡀࡋࡃࡀ ࡌࡀࡉࡉࡕ ࡁࡒࡉࡒࡋࡉࡀ ࡖࡀࡊࡋࡁࡉࡀ ࡔࡉࡄࡀࡉࡍࡀ ࡌࡔࡀࡓࡂࡉࡆࡀࡉࡍࡀ ࡌࡉࡔࡕࡀࡉࡋࡀ ࡁࡄ. |
| 224 |
ࡀࡀࡍࡕࡇ ࡌࡀࡈࡀࡓࡕࡀ ࡀࡋࡂࡉࡀ ࡈࡓࡅࡔࡉࡀ ࡕࡉࡔࡕࡀࡉࡀࡋࡖ ࡁࡄࡀࡀࡍࡕࡇ ࡌࡀࡈࡀࡓࡕࡀ ࡅࡔࡅࡌࡇ ࡉࡍࡕࡉࡊࡀࡐࡓ ࡌࡍ ࡁࡉࡕ ࡄࡉࡉࡀ ࡅࡀࡉࡇࡍ ࡁࡀࡁࡀࡕࡅࡓ ࡋࡀࡕࡉࡌࡋࡉࡀ ࡅࡌࡉࡀ ࡋࡀࡉࡍࡎࡉࡉࡀ ࡅࡊࡋࡌࡀࡍ ࡖࡉࡍࡒࡓࡅࡁ ࡋࡅࡀࡕ ࡆࡀࡅࡇ ࡁࡂࡉࡅࡕࡇ ࡖࡋࡉࡅࡉࡀࡕࡉࡍ ࡌࡉࡔࡕࡉࡊࡍ ࡁࡂࡅ ࡌࡄࡉࡕࡀ ࡕࡉࡕࡉࡌࡄࡉࡀ ࡀࡕࡅࡀࡕ ࡖࡋࡀࡎࡀࡉࡀ ࡌࡉࡀ ࡌࡄࡉࡕࡀ ࡅࡔࡉࡓࡉࡀࡀࡍ ࡖࡎࡀࡀࡊ ࡋࡉࡕࡋࡇ ࡅࡉࡍࡋࡉࡈࡇ ࡔࡅࡌࡀ ࡃࡀࡉࡊ. |
| 225 |
ࡀ ࡅࡔࡅࡌࡇ ࡉࡍࡕࡉࡊࡀࡐࡓ ࡌࡍ ࡁࡉࡕ ࡄࡉࡉࡀ ࡉࡍࡌࡉࡄࡉࡇ ࡀࡍࡈࡓࡀ ࡖࡄࡍࡅࡓࡀ ࡗ ࡎࡀࡉࡀ ࡆࡀࡅࡇ ࡌࡉࡀ ࡌࡍ ࡈࡅࡍࡉࡐࡀ ࡂࡀࡁࡓࡀ ࡖࡄࡀࡀࡍࡕࡇ ࡉࡅࡌࡀ ࡒࡀࡃࡌࡀࡉࡀ ࡁࡓࡉࡐࡋࡉࡀ ࡖࡄࡔࡅࡀࡊ ࡀࡍࡒࡌࡅࡇࡍ ࡅࡃࡀࡔࡕࡀࡀࡍ ࡅࡋࡅࡀࡕࡇ ࡔࡀࡉࡊࡁ ࡅࡄࡁࡅࡋ ࡄࡁࡅࡋࡉࡀ ࡖࡃࡀࡄࡁࡀ ࡅࡀࡊࡎࡀࡐ ࡅࡊࡋࡌࡀࡍ ࡖࡉࡍࡅࡊࡋ ࡄࡁࡅࡋࡉࡀ ࡀࡍࡒࡌࡅࡇࡍ ࡁࡈࡅࡓࡀ ࡖࡈࡅࡓ ࡄࡀࡔࡀࡊ ࡅࡈࡀࡁࡅࡕࡀ ࡁࡂࡀࡅࡇ ࡋࡀࡉࡍࡁࡀࡃ ࡅࡊࡋ. |
| 226 |
ࡌࡀࡍ ࡖࡉࡍࡓࡄࡅࡌ ࡃࡀࡄࡁࡀ ࡅࡀࡊࡎࡀࡐ ࡅࡉࡍࡎࡕࡀࡀࡊࡓ ࡉࡍࡌࡅࡕ ࡕࡓࡉࡍ ࡌࡅࡕࡉࡀ ࡁࡄࡀࡃ ࡅࡔࡅࡌࡀ ࡖࡄࡉࡉࡀ ࡋࡀࡀࡍࡃࡀࡊࡓ ࡏࡋࡇ ࡅࡊࡋࡌࡀࡍ ࡖࡀࡍࡓࡄࡀ ࡁࡓࡉࡄࡀ ࡖࡄࡉࡉࡀ ࡋࡁࡉࡕ ࡀࡁࡀࡕࡅࡓ ࡉࡍࡔࡕࡀࡉࡀࡋ ࡁࡄࡉࡓࡁࡀ ࡅࡎࡉࡀࡐ ࡖࡔࡉࡁࡉࡀࡄࡉࡀ ࡌࡉࡕࡎࡍࡉࡁ ࡅࡊࡋࡌࡀࡍ ࡖࡉࡍࡁࡀࡃ ࡏࡁࡉࡃࡀࡕࡀ ࡎࡀࡉࡀࡍࡕࡀ ࡅࡉࡍࡐࡇࡊ ࡋࡃࡌࡅࡕࡀ ࡖࡌࡀࡓࡇ ࡀࡐࡒࡉࡃ ࡏࡋࡇ ࡅࡊࡋࡌࡀࡍ ࡖࡉࡍࡁࡑࡀ ࡏࡃࡇ ࡅࡋࡉࡂࡓࡇ ࡉࡀࡒ. |
| 227 |
ࡃࡀࡀࡍ ࡅࡁࡉࡎࡉࡐࡄࡀࡕࡇ ࡌࡎࡀࡓࡎࡉࡐ ࡁࡏࡃࡇ ࡋࡀࡂࡉࡈ ࡂࡅࡌࡓࡉࡀ ࡔࡀࡉࡉࡋ ࡌࡅࡕࡀ ࡅࡋࡀࡌࡀࡉࡉࡕ ࡅࡋࡀࡔࡀࡁࡒࡉࡋࡇ ࡋࡌࡉࡌࡀࡕ ࡄࡉࡉࡀ ࡋࡅࡀࡕࡇ ࡋࡀࡒࡀࡓࡁࡉࡀ ࡋࡌࡉࡎࡀࡒ ࡌࡉࡄࡉࡆࡉࡇ ࡋࡀࡕࡀࡓ ࡄࡍࡅࡓ ࡅࡋࡀࡌࡀࡓࡅࡉࡋࡇ ࡌࡍ ࡏࡅࡋࡀࡑࡇࡍ ࡋࡀࡕࡀࡂࡆࡀࡓ ࡏࡋࡇ ࡁࡃࡅࡓ ࡄࡀࡈࡉࡀ ࡀࡌࡉࡈࡍࡅࡋ ࡋࡌࡀࡁࡑࡅࡕࡀ ࡖࡏࡈࡑࡁࡀࡁࡇ ࡁࡉࡀࡓࡃࡀࡍ ࡌࡀࡋࡁࡉࡔࡉࡋࡇ ࡄࡔࡅࡀࡊ ࡅࡊࡋ ࡌࡀࡍ ࡖࡉࡍࡓࡄࡅࡌ ࡉࡑࡁࡀ ࡅࡉࡑࡁࡅ. |
| 228 |
ࡕࡀ ࡅࡎࡀࡃࡍࡋࡉࡀ ࡉࡀࡒࡃࡀࡀࡍ ࡎࡀࡉࡌࡉࡋࡇ ࡁࡋࡉࡂࡓࡇ ࡅࡀࡈࡉࡐࡀ ࡄࡀࡁࡀࡓࡀ ࡌࡀࡊࡎࡉࡋࡇ ࡅࡄࡀࡁࡀࡓࡀ ࡀࡕࡉࡀ ࡌࡍ ࡀࡁࡀࡕࡓࡇ ࡄࡔࡅࡀࡊ ࡀࡆࡉࡋ ࡀࡒࡀࡌࡇ ࡀࡌࡉࡈࡍࡅࡋ ࡖࡓࡄࡀࡌ ࡉࡑࡁࡀ ࡅࡉࡑࡁࡅࡕࡀ ࡄࡀࡅࡉࡍ ࡁࡉࡋࡅࡀࡕࡇ ࡃࡀࡉࡅࡉࡀ ࡄࡉࡅࡍࡍ ࡔࡉࡃࡉࡀ ࡄࡉࡅࡍࡍ ࡀࡋࡌࡀ ࡖࡓࡅࡄࡇ ࡔࡀࡋࡌࡀ ࡌࡉࡕࡉࡀࡁࡀࡈ ࡁࡌࡀࡈࡀࡓࡀࡕࡀ ࡉࡍࡔࡌࡀࡕࡀ ࡖࡁࡄࡉࡓࡉࡀ ࡆࡉࡃࡒࡀ ࡖࡁࡄࡉࡉࡀ ࡎࡀࡄࡃࡉࡍ ࡏࡋࡅࡊࡍ ࡀࡌࡀࡓࡀࡍ ࡅ. |
| 229 |
ࡌࡀࡓࡐࡉࡔࡀࡍ ࡅࡋࡀࡕࡉࡔࡉࡋࡐࡅࡍ ࡋࡀࡕࡀࡓ ࡄࡔࡅࡊ ࡋࡀࡕࡉࡁࡃࡅࡍ ࡏࡁࡉࡃࡀࡕࡀ ࡎࡀࡉࡀࡍࡕࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡆࡀࡉࡊࡍ ࡌࡉࡔࡕࡀࡉࡉࡍ ࡄࡉࡉࡀ ࡅࡄࡉࡉࡀ ࡆࡀࡉࡊࡍ ࡖࡏࡋ ࡓࡀࡄࡌࡀࡉࡄࡅࡍ ࡋࡀࡌࡀࡂࡆࡓࡉࡀ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ. |
| 230 |
ࡁࡀࡉࡀࡓࡀࡍ ࡅࡀࡍࡄࡉࡓࡀࡍ ࡁࡀࡉࡀࡓࡀࡍ ࡁࡔࡅࡕࡀ ࡖࡀࡁ ࡁࡕࡅࡔࡁࡉࡄࡕࡀ ࡖࡂࡀࡁࡓࡀ ࡀࡍࡁࡑࡀࡉ ࡅࡌࡉࡇࡍ ࡖࡃࡀࡅࡓࡀ ࡁࡀࡈࡋࡀ ࡏࡕࡀࡐࡓࡀࡒ ࡌࡍ ࡕࡉࡁࡉࡋ ࡅࡌࡍ ࡎࡉࡐࡄࡀࡕࡀ ࡖࡔࡉࡒࡓࡀ ࡀࡌࡓࡀࡍ ࡌࡍ ࡀࡉࡀࡍ ࡖࡓࡀࡌࡆࡀ ࡓࡉࡌࡆࡀ ࡌࡍ ࡏࡁࡉࡃࡀࡕࡀ ࡖࡎࡀࡉࡀࡍ ࡅࡋࡀࡀࡊࡔࡓࡀ ࡌࡀࡓࡀࡍ ࡄࡅࡆࡉࡀࡍ ࡅࡀࡐࡓࡒࡀࡍ ࡅࡔࡅࡆࡁࡀࡍ ࡅࡏࡆࡃࡀࡄࡓࡅࡋࡉࡀ ࡓࡀࡄࡌࡀࡉ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡌࡍ ࡏࡁࡉࡃࡀࡕࡀ ࡖࡎࡀ. |
| 231 |
ࡉࡀࡍ ࡅࡋࡀࡀࡊࡔࡓࡀ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡉࡍࡄࡉࡀ ࡅࡌࡉࡊࡉࡊࡀ ࡄࡅࡍ ࡏࡆࡃࡀࡄࡓࡅࡋࡉࡀ ࡕࡀࡓࡌࡉࡃࡀࡉ ࡅࡀࡍࡉࡐࡀ ࡉࡅࡌࡀ ࡀࡅࡒࡓࡅࡉࡀ ࡓࡅࡄࡌࡅࡉࡀ ࡋࡄࡀࡁࡔࡀࡁࡀ ࡖࡉࡀࡒࡉࡓ ࡌࡍ ࡆࡀࡅࡀ ࡅࡁࡉࡍࡀ ࡏࡅࡄࡁࡅࡉࡀ ࡋࡆࡉࡃࡒࡀ ࡗ ࡏࡃࡀ ࡖࡋࡅࡐࡌࡀ ࡉࡀࡄࡁࡀ ࡀࡂࡓࡀ ࡅࡆࡉࡃࡒࡀ ࡁࡏࡅࡄࡓࡀ ࡌࡉࡁࡉࡀ ࡗ ࡏࡔࡉࡒࡀ ࡖࡁࡀࡉࡉࡀ ࡀࡐࡓࡅࡀࡒࡍࡀ ࡀࡂࡓࡀ ࡅࡆࡉࡃࡒࡀ ࡁࡏࡅࡄࡓࡀ ࡌࡉࡁࡉࡀ ࡋࡀࡌࡉࡑࡓࡋࡇ ࡁࡆࡀࡁࡉࡀ. |
| 232 |
ࡌࡉࡓࡑࡀ ࡖࡀࡂࡓࡀ ࡅࡆࡉࡃࡒࡀ ࡋࡉࡕࡋࡇ ࡋࡉࡕࡋࡇ ࡁࡉࡀࡌࡀ ࡌࡀࡁࡓࡀ ࡖࡀࡂࡓࡀ ࡅࡆࡉࡃࡒࡀ ࡋࡉࡕࡋࡇ ࡀࡉࡇࡍ ࡁࡀࡁࡀࡕࡅࡓ ࡋࡀࡌࡀࡋࡉࡀ ࡖࡀࡂࡓࡀ ࡅࡆࡉࡃࡒࡀ ࡋࡉࡕࡋࡇ ࡖࡏࡉࡍࡔࡉࡅࡉࡀ ࡋࡆࡉࡃࡒࡀ ࡅࡋࡀࡉࡀࡄࡁࡅࡉࡀ ࡅࡀࡉࡋࡉࡅࡍࡍ ࡋࡁࡉࡔࡉࡀ ࡅࡀࡊࡃࡀࡁࡉࡀ ࡅࡏࡉࡍࡔࡉࡅࡉࡀ ࡋࡂࡀࡁࡓࡀ ࡖࡌࡀࡐࡓࡉࡒࡋࡅࡍ ࡏࡉࡍࡔࡉࡅࡉࡀ ࡅࡋࡀࡉࡀࡄࡁࡅࡉࡀ ࡋࡆࡉࡃࡒࡀ ࡖࡁࡉࡀࡌࡀ ࡓࡌࡉࡋࡇ ࡌࡀࡁࡓࡀ ࡁࡄࡉࡓࡀࡉ ࡓࡄࡅࡌ ࡆࡉࡃࡒࡀ ࡅ. |
| 233 |
ࡓࡄࡅࡌ ࡄࡀࡁࡔࡀࡁࡀ ࡅࡀࡋࡉࡐ ࡀࡋࡉࡐ ࡋࡉࡊࡇࡐ ࡒࡀࡉࡌࡉࡀ ࡌࡀࡁࡓࡀ ࡁࡉࡀࡌࡀ ࡓࡌࡉࡋࡇ ࡅࡌࡍ ࡀࡋࡀࡐ ࡌࡀࡁࡀࡓ ࡄࡃࡀ ࡀࡋࡉࡐ ࡀࡋࡉࡐ ࡒࡀࡉࡌࡉࡀ ࡋࡉࡊࡇࡐ ࡕࡓࡉࡍ ࡀࡋࡉࡐࡀ ࡌࡀࡁࡀࡓ ࡕࡓࡉࡍ ࡅࡌࡍ ࡌࡍ ࡀࡋࡀࡐ ࡄࡃࡀ ࡌࡀࡁࡀࡓ ࡅࡔࡀࡅࡉࡀ ࡋࡀࡕࡀࡓ ࡄࡍࡅࡓ ࡌࡀࡁࡀࡓࡋࡉࡍ ࡋࡉࡍࡔࡌࡀࡕࡀ ࡖࡔࡉࡄࡀ ࡄࡍࡅࡓࡀ ࡖࡋࡀࡌࡀࡂࡆࡀࡓ ࡋࡓࡀࡄࡌࡉࡀ ࡔࡅࡌࡇ ࡌࡔࡀࡁࡀ ࡔࡅࡌࡀࡊ ࡌࡀࡓࡀࡉ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ. |
| 234 |
ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡆࡉࡅࡀ ࡃࡀࡍ ࡏࡋ ࡀࡋࡌࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡋࡏࡔࡅ ࡌࡔࡉࡄࡀ ࡁࡓ ࡌࡉࡓࡉࡀࡌ ࡋࡏࡔࡅ ࡌࡀࡍ ࡀࡌࡀࡓࡋࡇ ࡖࡀࡎࡂࡉࡀ ࡋࡉࡊࡇࡐ ࡖࡉࡀࡓࡃࡀࡍ ࡅࡀࡌࡀࡓࡋࡇ ࡋࡏࡔࡅ ࡌࡀࡍ ࡀࡌࡀࡓࡋࡇ ࡅࡌࡍ ࡔࡅࡌࡀ ࡖࡌࡀࡃࡉࡊࡓࡉࡕ ࡀࡃࡀࡊࡓ ࡏࡋࡀࡉ ࡉࡀࡄࡉࡀ ࡅࡑࡁࡀࡍ ࡁࡌࡀࡁࡑࡅࡕࡀࡊ ࡁࡓࡐࡅࡃࡒࡀࡉ ࡌࡀࡃࡀࡊࡓࡀࡍ ࡏࡋࡀࡊ ࡏࡅ ࡄࡀࡅࡉࡀࡍ ࡅࡌࡉࡕࡀࡓࡌࡀࡃࡀࡍ ࡅࡊࡓࡐࡇ. |
| 235 |
ࡋࡔࡅࡌࡀࡉ ࡌࡍ ࡔࡀࡕࡐࡀࡊ ࡏࡅ ࡋࡀࡄࡀࡅࡉࡀࡍ ࡅࡋࡀࡌࡉࡕࡀࡓࡌࡀࡃࡀࡍ ࡋࡏࡔࡅ ࡌࡔࡉࡄࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡇ ࡉࡀࡄࡉࡀ ࡅࡔࡀࡒࡉࡓࡕࡁࡅࡍ ࡁࡂࡅࡁࡓࡉࡀ ࡀࡊࡄࡉࡍࡀ ࡁࡉࡀࡄࡅࡈࡀࡉࡉࡀ ࡀࡊࡃࡉࡁࡕ ࡅࡉࡀࡃࡀࡋࡀ ࡅࡁࡅࡈࡀࡍ ࡌࡍ ࡏࡔࡍࡉࡀ ࡆࡉࡓࡀ ࡎࡐࡀࡒࡕ ࡌࡍ ࡂࡅࡁࡓࡉࡀ ࡀࡀࡍࡕ ࡔࡓࡀࡉࡕࡇ ࡁࡏࡅࡓࡀࡔࡋࡀࡌ ࡔࡀࡕࡐࡀ ࡖࡀࡎࡓࡇ ࡌࡉࡔࡀ ࡅࡂࡅࡉࡍࡀ ࡁࡔࡅࡓࡐࡉࡀ ࡓࡌࡉࡕ ࡀࡊࡃࡉࡁࡕࡁࡅࡍ ࡁࡒࡀࡓࡉ. |
| 236 |
ࡍࡀ ࡋࡉࡀࡄࡉࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡇ ࡏࡔࡅ ࡌࡔࡉࡄࡀ ࡕࡉࡋࡊࡀࡍ ࡅࡍࡓࡀ ࡖࡉࡀࡒࡃࡀ ࡏࡅ ࡀࡊࡃࡁࡉࡕ ࡁࡉࡀࡄࡅࡈࡀࡉࡉࡀ ࡏࡌࡅࡕ ࡕࡓࡉࡍ ࡌࡅࡕࡉࡀ ࡁࡄࡀࡃ ࡏࡅ ࡔࡀࡒࡓࡉࡕ ࡁࡂࡅࡁࡓࡉࡀ ࡀࡊࡄࡉࡍࡀ ࡋࡀࡏࡁࡓࡇ ࡋࡉࡀࡌࡀ ࡓࡁࡀ ࡖࡎࡅࡐ ࡏࡅ ࡆࡉࡓࡀ ࡉࡐࡎࡒࡉࡕ ࡌࡍ ࡂࡅࡁࡓࡉࡀ ࡃࡀࡉࡀࡀࡍ ࡒࡅࡃࡀࡌࡀࡉ ࡕࡓࡉࡑ ࡏࡅ ࡉࡀࡃࡀࡋࡀ ࡅࡁࡅࡈࡀࡍ ࡉࡐࡎࡒࡉࡕ ࡌࡍ ࡏࡔࡍࡉࡀ ࡕࡉࡋࡊࡀࡍ ࡅࡍࡓࡀ ࡖ. |
| 237 |
ࡉࡀࡒࡃࡀ ࡏࡅ ࡔࡀࡕࡐࡀ ࡀࡀࡍ ࡔࡀࡓࡀࡉࡕࡇ ࡏࡃࡉࡔࡇ ࡋࡅࡊࡁࡀ ࡅࡀࡈࡀࡈࡀ ࡏࡅ ࡀࡊࡃࡁࡉࡕ ࡁࡉࡀࡄࡅࡈࡀࡉࡉࡀ ࡀࡉࡀࡍࡉ ࡁࡀࡁࡀࡕࡅࡓ ࡋࡀࡀࡍࡋࡐࡀࡍ ࡁࡔࡅࡓࡐࡉࡀ ࡏࡅ ࡂࡅࡉࡍࡀ ࡓࡌࡉࡕ ࡅࡌࡍ ࡔࡅࡌࡀ ࡖࡌࡀࡃࡉࡊࡓࡉࡕ ࡀࡃࡀࡊࡓ ࡏࡋࡀࡉ ࡀࡀࡍࡕ ࡅࡑࡁࡀࡍ ࡁࡌࡀࡁࡑࡅࡕࡀࡊ ࡁࡓࡐࡅࡃࡒࡀࡉ ࡌࡀࡃࡀࡊࡓࡀࡍ ࡏࡋࡀࡊ ࡏࡅ ࡄࡀࡅࡉࡀࡍ ࡅࡌࡉࡕࡀࡓࡌࡀࡃࡀࡍ ࡅࡊࡓࡐࡇ ࡋࡔࡅࡌࡀࡉ ࡌࡍ ࡔࡀࡕࡐࡀࡊ ࡏࡅ ࡋࡀࡄࡀࡅࡉࡀࡍ ࡅࡋࡀࡌࡉ. |
| 238 |
ࡕࡀࡓࡌࡀࡃࡀࡍ ࡋࡏࡔࡅ ࡌࡔࡉࡄࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡇ ࡉࡀࡄࡉࡀ ࡅࡏࡔࡉࡒࡀ ࡏࡂࡍࡉࡓࡕࡀ ࡋࡀࡀࡊࡃࡉࡁ ࡀࡋࡂࡀ ࡋࡀࡄࡀࡅࡉࡀ ࡎࡀࡓࡐࡀ ࡅࡀࡓࡌࡀࡋࡕࡀ ࡄࡉࡃࡅࡕࡀ ࡋࡀࡄࡀࡅࡉࡀ ࡋࡀࡃࡀࡄࡀࡍ ࡁࡀࡉࡕࡀ ࡄࡀࡓࡅࡁࡀ ࡅࡂࡋࡀࡋࡀ ࡁࡌࡉࡔࡀ ࡋࡀࡓࡀࡈࡁࡀ ࡋࡀࡁࡀࡎࡌࡉࡍ ࡌࡉࡀ ࡎࡀࡓࡉࡉࡀ ࡋࡉࡀࡄࡉࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡇ ࡏࡔࡅ ࡌࡔࡉࡄࡀ ࡅࡏࡔࡉࡒࡀ ࡏࡂࡍࡉࡓࡕࡀ ࡀࡊࡃࡉࡁ ࡀࡋࡂࡀ ࡄࡀ. |
| 239 |
ࡅࡉࡀ ࡎࡀࡓࡐࡀ ࡅࡀࡓࡌࡀࡋࡕࡀ ࡄࡉࡃࡅࡕࡀ ࡄࡀࡅࡉࡀ ࡃࡀࡄࡀࡍ ࡁࡀࡉࡕࡀ ࡄࡀࡓࡅࡁࡀ ࡅࡂࡋࡀࡋࡀ ࡁࡌࡉࡔࡀ ࡓࡀࡈࡁࡀ ࡁࡀࡎࡌࡉࡀ ࡌࡉࡀ ࡎࡀࡓࡉࡉࡀ ࡋࡏࡔࡅ ࡌࡔࡉࡄࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡇ ࡉࡀࡄࡉࡀ ࡌࡔࡉࡄࡀ ࡄࡀࡉࡊࡌࡀ ࡀࡀࡍࡕ ࡏࡅ ࡄࡀࡆࡉࡍ ࡀࡐࡓࡔࡉࡂࡀࡍ ࡉࡀࡄࡁࡀࡕࡋࡉࡀ ࡋࡉࡀࡄࡉࡀ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡖࡉࡍࡌࡀࡓࡋࡇ ࡏࡔࡅ ࡌࡔࡉࡄࡀ ࡉࡀࡋࡃࡀ ࡖࡄࡀࡅࡉࡀ ࡌࡍ ࡄࡀࡉࡕࡀ ࡀࡋࡂࡀ ࡄࡀࡅ. |
| 240 |
ࡉࡀ ࡎࡀࡓࡐࡀ ࡁࡀࡂࡓࡀ ࡅࡆࡉࡃࡒࡀ ࡌࡉࡕࡓࡉࡑ ࡀࡐࡓࡉࡀ ࡅࡌࡉࡕࡓࡀࡅࡓࡀࡁ ࡅࡎࡀࡋࡉࡒ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡌࡉࡕࡓࡉࡑ ࡁࡀࡂࡓࡀ ࡅࡆࡉࡃࡒࡀ ࡁࡓ ࡁࡉࡔࡉࡀ ࡖࡁࡓ ࡈࡀࡁࡉࡀ ࡄࡅࡀ ࡏࡔࡉࡒࡀ ࡖࡀࡊࡃࡉࡁ ࡏࡂࡍࡉࡓࡕࡀ ࡅࡏࡕࡄࡀࡉࡌࡀࡍ ࡁࡄࡉࡉࡀ ࡓࡅࡓࡁࡉࡀ ࡔࡁࡀࡒ ࡂࡀࡅࡓࡀ ࡅࡔࡁࡀࡒ ࡂࡅࡁࡍࡀ ࡁࡓ ࡓࡅࡓࡁࡀࡉࡍࡀ ࡖࡏࡕࡌࡀࡀࡊࡊ ࡁࡀࡉࡕࡀ ࡄࡀࡓࡅࡁࡀ ࡖࡃࡀࡄࡀࡍ ࡅࡁࡀࡉࡕࡀ ࡋࡉࡀࡌࡀ ࡁࡀࡍ ࡔࡁࡀࡒ ࡀࡒࡓࡉࡀ. |
| 241 |
ࡅࡔࡁࡀࡒ ࡀࡐࡅࡓࡉࡀ ࡅࡕࡐࡀࡋࡇ ࡁࡀࡁࡉࡀ ࡕࡓࡉࡍ ࡁࡀࡉࡕࡀ ࡁࡀࡍ ࡋࡉࡀࡌࡀ ࡅࡕࡐࡀࡋࡇ ࡁࡀࡁࡀ ࡅࡒࡀࡁࡋࡇ ࡖࡌࡀࡍ ࡖࡔࡀࡉࡐࡋ ࡀࡕࡉࡉࡇ ࡕࡐࡀࡋࡇ ࡁࡀࡁࡀ ࡅࡒࡀࡁࡋࡇ ࡖࡌࡀࡍ ࡖࡆࡀࡒࡉࡐ ࡀࡕࡉࡉࡇ ࡀࡐࡕࡅࡓࡀ ࡁࡅࡊࡔࡈࡀ ࡕࡓࡀࡋࡑࡇ ࡏࡅ ࡌࡉࡀࡊࡋ ࡁࡀࡉࡉࡀ ࡀࡂࡀࡉࡍࡀ ࡄࡀࡌࡓࡀ ࡌࡆࡉࡂࡋࡇ ࡏࡅ ࡌࡉࡔࡕࡉࡀ ࡁࡀࡉࡉࡀ ࡀࡓࡎࡀ ࡁࡅࡊࡔࡈࡀ ࡌࡀࡋࡊࡇ ࡏࡅ ࡌࡉࡔࡀࡊࡁ ࡁࡀࡉࡉࡀ ࡃࡉࡓࡉࡊࡀ ࡖࡅࡊࡔࡈࡀ ࡀࡃࡓࡉࡋࡊ. |
| 242 |
ࡇ ࡏࡅ ࡌࡉࡆࡀࡋ ࡁࡀࡉࡉࡀ ࡅࡎࡀࡋࡉࡒ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡀࡃࡓࡉࡋࡊࡇ ࡃࡉࡓࡉࡊࡀ ࡖࡅࡊࡔࡈࡀ ࡅࡄࡀࡉࡌࡀࡅࡍࡕࡀ ࡏࡕࡍࡀ ࡖࡌࡍ ࡉࡀࡒࡍࡅࡕࡇ ࡀࡓࡌࡋࡀࡕ ࡀࡓࡌࡀࡋࡕࡀ ࡖࡄࡀࡅࡉࡀ ࡄࡉࡃࡅࡕࡀ ࡀࡋࡌࡀ ࡖࡌࡉࡕࡓࡀࡁࡉࡍ ࡁࡇࡍ ࡋࡉࡂࡈࡀࡕ ࡔࡉࡅࡐࡋࡇ ࡅࡉࡀࡕࡁࡀࡕ ࡋࡀࡎࡀࡉࡉࡐࡋࡇ ࡀࡍࡇࡐ ࡌࡍ ࡆࡀࡅࡇ ࡗ ࡀࡆࡋࡀ ࡋࡄࡀࡕࡀࡌ ࡕࡐ ࡆࡀࡌࡀࡓࡕࡀ ࡖࡄࡀࡓࡕࡀ ࡄࡅࡀࡕ ࡌࡉࡀ ࡎࡀࡓࡉࡉࡀ ࡖࡁࡀࡎࡌࡉࡀ ࡅࡋࡊࡅ. |
| 243 |
ࡋࡀ ࡌࡍ ࡀࡍࡇࡐ ࡋࡀࡓࡀࡌࡉࡀ ࡌࡀࡕࡀ ࡎࡀࡋࡒࡀ ࡅࡌࡀࡕࡀ ࡀࡍࡄࡕࡀ ࡆࡀࡃࡍࡉࡒࡀ ࡖࡌࡍ ࡈࡅࡓࡀ ࡄࡍࡉࡕ ࡂࡋࡀࡋࡀ ࡁࡌࡉࡔࡀ ࡓࡀࡈࡁࡀ ࡅࡏࡕࡄࡀࡉࡌࡀࡍ ࡁࡄࡉࡉࡀ ࡓࡅࡓࡁࡉࡀ ࡔࡁࡀࡒ ࡄࡀࡓࡔࡉࡀ ࡅࡔࡁࡀࡒ ࡅࡐࡃࡓࡉࡀ ࡅࡀࡊࡍࡇࡐ ࡖࡀࡓࡌࡀࡋࡕࡀ ࡌࡋࡀ ࡀࡔࡇࡊ ࡋࡉࡀࡕࡉࡌࡀ ࡅࡎࡀࡁࡇ ࡅࡌࡍ ࡔࡅࡌࡀ ࡖࡌࡀࡃࡉࡊࡓࡉࡕ ࡀࡃࡀࡊࡓ ࡏࡋࡀࡉ ࡀࡀࡍࡕ ࡉࡀࡄࡉࡀ ࡅࡑࡁࡀࡍ ࡁࡌࡀࡁࡑࡅࡕࡀࡊ ࡁࡓࡐࡅࡃࡒࡀࡉ ࡌࡀࡃࡀࡊࡓࡀࡍ ࡏࡋࡀࡊ. |
| 244 |
ࡏࡅ ࡄࡀࡅࡉࡀࡍ ࡅࡌࡉࡕࡀࡓࡌࡀࡃࡀࡍ ࡔࡀࡕࡐࡀࡊ ࡅࡊࡓࡐࡇ ࡋࡔࡅࡌࡀࡉ ࡌࡍ ࡏࡅ ࡋࡀࡄࡀࡅࡉࡀࡍ ࡅࡋࡀࡌࡉࡕࡀࡓࡌࡀࡃࡀࡍ ࡅࡀࡀࡍ ࡁࡄࡀࡈࡀࡉࡀࡉ ࡌࡉࡔࡕࡀࡉࡀࡋࡀࡍ ࡀࡀࡍࡕ ࡁࡄࡀࡈࡀࡉࡀࡊ ࡌࡉࡔࡕࡀࡉࡋࡉࡕ ࡏࡂࡍࡉࡓࡕࡀ ࡌࡍ ࡁࡉࡕ ࡀࡁࡀࡕࡅࡓ ࡀࡕࡀࡕ ࡗ ࡄࡀࡆࡉࡍ ࡀࡌࡀࡓ ࡏࡔࡅ ࡌࡔࡉࡄࡀ ࡉࡀࡄࡉࡀ ࡅࡑࡁࡇ ࡋࡀࡊࡃࡀࡁࡀ ࡁࡉࡀࡓࡃࡀࡍ ࡅࡀࡎࡉࡒ ࡋࡉࡊࡇࡐ ࡒࡀࡉࡌࡇ ࡀࡄࡍࡉࡕ ࡁࡉࡀࡓࡃࡀࡍ ࡅࡑࡁࡇ ࡅࡀࡑࡋࡉࡁࡀ ࡁࡉࡀࡓࡃࡀ. |
| 245 |
ࡍ ࡀࡑࡋࡁࡀ ࡓࡅࡄࡀ ࡁࡉࡀࡅࡀࡍ ࡏࡃࡀࡌࡉࡀࡕ ࡅࡀࡒࡉࡌࡕࡉࡅࡍࡍ ࡋࡌࡉࡀ ࡁࡂࡀࡅࡉࡍࡀ ࡂࡀࡅࡉࡍࡀ ࡀࡑࡋࡉࡁࡀ ࡀࡑࡋࡁࡀ ࡁࡉࡀࡓࡃࡀࡍ ࡅࡀࡌࡓࡀ ࡅࡌࡒࡀࡃࡔࡀࡕࡋࡅࡍ ࡋࡔࡅࡁࡀ ࡁࡀࡍࡉ ࡉࡀࡓࡃࡀࡍ ࡋࡃࡉࡋࡉࡀ ࡌࡒࡀࡃࡔࡀࡕࡋࡉࡀ ࡀࡐࡅࡋࡉࡎ ࡅࡊࡄࡓࡀࡀࡍ ࡔࡀࡅࡉࡕࡇ ࡉࡀࡓࡃࡀࡍ ࡖࡏࡈࡑࡁࡀࡁࡇ ࡌࡔࡉࡄࡀ ࡀࡐࡅࡋࡉࡎ ࡒࡅࡃࡔࡀ ࡔࡀࡅࡉࡕࡇ ࡉࡐࡄࡕࡀ ࡖࡀࡍࡎࡉࡁ ࡌࡔࡉࡄࡀ ࡀࡐࡅࡋࡉࡎ ࡒࡅࡓࡁࡀࡀࡍ ࡔࡀࡅࡉࡕࡇ ࡌࡀࡌࡁࡅࡄࡀ ࡖࡀ. |
| 246 |
ࡍࡎࡉࡁ ࡌࡔࡉࡄࡀ ࡀࡐࡅࡋࡉࡎ ࡀࡊࡄࡅࡍࡕࡀ ࡔࡀࡅࡉࡕࡇ ࡁࡅࡓࡆࡉࡒࡍࡀ ࡖࡀࡍࡎࡉࡁ ࡌࡔࡉࡄࡀ ࡀࡐࡅࡋࡉࡎ ࡌࡀࡄࡓࡅࡉࡍࡕࡀ ࡔࡀࡅࡉࡕࡇ ࡌࡔࡉࡄࡀ ࡌࡀࡓࡂࡀࡍ ࡖࡀࡍࡎࡉࡁ ࡅࡏࡆࡃࡀࡄࡓࡅࡋࡉࡀ ࡓࡀࡄࡌࡀࡉ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡖࡃࡀࡌࡉࡍ ࡋࡅࡀࡕ ࡀࡑࡋࡉࡁࡀ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡌࡍ ࡃࡅࡌࡀࡉࡉࡀ ࡅࡒࡀࡉࡌࡉࡀ ࡋࡒࡅࡓࡅࡒࡎࡀ ࡎࡀࡂࡃࡉࡀ ࡖࡀࡍࡒࡔࡉࡀ ࡁࡀࡔࡉࡀࡕࡀ ࡌࡍ ࡀࡋࡀࡄࡀ ࡖࡀࡍࡂࡀࡓࡀ ࡂࡈࡀࡓ ࡏࡆࡃࡀࡄࡓ. |
| 247 |
ࡅࡋࡉࡀ ࡀࡄࡀࡉ ࡀࡐࡎ ࡀࡍࡂࡀࡓࡀ ࡌࡀࡍ ࡂࡉࡈࡓࡇ ࡏࡅ ࡀࡋࡀࡄࡀ ࡂࡈࡀࡓ ࡀࡍࡂࡀࡓࡀ ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡏࡊࡉࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡔࡀࡌࡉࡔ ࡅࡎࡉࡓࡀ ࡁࡀࡉࡊࡍ ࡂࡀࡓࡂࡋࡉࡀ ࡅࡌࡀࡓࡀࡊࡁࡀࡕࡀ ࡀࡍࡃ ࡅࡀࡌࡀࡓ ࡅࡀࡉࡇࡍ ࡖࡓࡅࡄࡀ ࡃࡉࡌࡀ ࡀࡍࡕࡓࡀࡍ ࡖࡋࡀࡌࡀࡉࡐࡒ ࡁࡕࡉࡁࡉࡋ ࡎࡉࡌࡀࡃࡓࡉࡀ ࡉࡀࡄࡉ. |
| 248 |
ࡀ ࡃࡀࡌࡉࡕ ࡋࡈࡅࡓࡀ ࡒࡀࡋࡉࡀ ࡖࡔࡉࡕࡋࡉࡀ ࡏࡋࡇ ࡋࡀࡔࡀࡕࡋࡉࡀ ࡃࡀࡌࡉࡕ ࡋࡀࡍࡄࡓࡀ ࡉࡀࡁࡉࡔࡀ ࡖࡅࡊࡋ ࡖࡄࡀࡆࡉࡋࡇ ࡌࡉࡇࡍ ࡃࡀࡄࡉࡋ ࡃࡀࡌࡉࡕ ࡋࡁࡀࡉࡕࡀ ࡄࡀࡓࡅࡁࡀ ࡁࡀࡉࡕࡀ ࡄࡅࡉࡕ ࡖࡋࡉࡕࡁࡇ ࡄࡉࡆࡅࡀ ࡖࡋࡀࡌࡀࡓࡀ ࡄࡅࡉࡕ ࡀࡓࡒࡀ ࡖࡋࡀࡔࡀࡁࡒࡉࡕ ࡀࡁࡀࡕࡓࡀࡊ ࡃࡀࡀࡊࡓ ࡔࡅࡌࡀ ࡁࡍࡉࡄࡀ ࡄࡅࡉࡕ ࡖࡏࡅࡋࡀ ࡅࡌࡀࡍ ࡀࡍࡎࡂࡉࡀ ࡀࡁࡀࡕࡓࡀࡊ ࡋࡁࡉࡕ ࡒࡅࡁࡓࡉࡀ ࡌࡀࡍ ࡉࡍࡆࡉࡃࡀࡊ ࡅࡌࡀࡍ ࡉࡍ. |
| 249 |
ࡆࡀࡅࡃࡀࡊ ࡉࡀࡄࡉࡀ ࡁࡀࡉࡇࡍ ࡀࡑࡓࡀࡋࡇ ࡃࡉࡌࡉࡄࡕࡀ ࡗ ࡄࡀࡉࡆࡉࡍ ࡔࡅࡌࡀ ࡉࡀࡄࡉࡀ ࡅࡀࡌࡀࡓ ࡃࡉࡌࡉࡄࡕࡀ ࡀࡑࡓࡀࡋࡇ ࡁࡀࡉࡇࡍ ࡅࡉࡀࡒࡉࡓ ࡖࡌࡉࡄࡅࡉࡋࡀ ࡁࡉࡍࡀ ࡁࡀࡎࡉࡌ ࡖࡌࡉࡋࡂࡀࡈ ࡆࡀࡅࡀ ࡅࡀࡕࡉࡀ ࡔࡉࡕࡍࡀ ࡅࡌࡉࡕࡓࡀࡂࡀࡂࡀ ࡏࡋࡀࡉ ࡏࡃࡉࡋࡌࡀ ࡋࡀࡂࡉࡈࡀࡍ ࡆࡀࡅࡀ ࡅࡌࡁࡀࡈࡉࡋࡀࡍ ࡋࡓࡀࡄࡌࡀࡉ ࡖࡋࡉࡋࡉࡀ ࡅࡌࡀࡔࡍࡉࡇࡍ ࡋࡌࡀࡓࡀࡉ ࡌࡍ ࡏࡅࡓࡑࡀࡉ ࡏࡃࡉࡋࡌࡀ ࡌࡉࡕࡓࡀࡂࡀࡂࡋࡉࡀ ࡓࡀࡂࡀࡂࡕࡀ ࡅࡌ. |
| 250 |
ࡁࡀࡈࡉࡋࡀࡍ ࡓࡀࡄࡌࡀࡉ ࡖࡅࡊࡋ ࡆࡁࡀࡍ ࡏࡃࡉࡋࡌࡀ ࡌࡉࡓࡀࡂࡀࡂࡋࡉࡀ ࡓࡀࡂࡀࡂࡕࡀ ࡏࡂࡍࡉࡓࡕࡀ ࡌࡍ ࡁࡉࡕ ࡀࡁࡀࡕࡅࡓ ࡀࡕࡀࡕ ࡗ ࡄࡀࡉࡆࡉࡍ ࡀࡌࡀࡓ ࡉࡀࡄࡉࡀ ࡅࡄࡆࡉࡀ ࡋࡕࡉࡁࡉࡋ ࡌࡁࡀࡈࡋࡀࡕࡋࡇ ࡉࡀࡄࡉࡀ ࡋࡂࡅࡈ ࡆࡀࡅࡀ ࡅࡏࡕࡀࡊࡀࡍࡍ ࡀࡓࡎࡀࡊ ࡒࡀࡃࡌࡀࡉࡕࡀ ࡄࡆࡉࡀ ࡀࡍࡉࡐࡀ ࡕࡓࡉࡍ ࡅࡀࡍࡉࡐࡀ ࡕࡋࡀࡕࡀ ࡒࡅࡌࡁࡅࡍ ࡁࡓࡀࡄࡌࡀࡊ ࡔࡀࡉࡍࡀ ࡀࡍࡉࡐࡀ ࡀࡓࡁࡀ ࡅࡀࡍࡉࡐࡀ ࡄࡀࡌࡔࡀ ࡀࡓࡎࡀࡊ ࡒࡀࡃࡌࡀࡉࡕ. |
| 251 |
ࡀ ࡄࡆࡉࡀ ࡀࡍࡉࡐࡀ ࡓࡀࡄࡀࡈࡉࡀ ࡅࡀࡍࡉࡐࡀ ࡔࡀࡕࡐࡀ ࡒࡅࡌࡁࡅࡍ ࡁࡓࡀࡄࡌࡀࡊ ࡔࡀࡉࡍࡀ ࡀࡍࡉࡐࡀ ࡄࡀࡁࡔࡀࡁࡀ ࡅࡀࡍࡉࡐࡀ ࡉࡅࡌࡀ ࡋࡂࡅࡈ ࡅࡕࡋࡀࡕࡀ ࡔࡁࡅࡒ ࡉࡅࡌࡀ ࡖࡄࡀࡁࡔࡀࡁࡀ ࡕࡋࡀࡕࡀ ࡅࡄࡆࡉࡀ ࡋࡕࡉࡁࡉࡋ ࡌࡁࡀࡈࡋࡀࡕࡋࡇ ࡋࡂࡅࡈ ࡕࡋࡀࡕࡀ ࡅࡔࡁࡅࡒ ࡕࡋࡀࡕࡀ ࡌࡉࡉࡍࡊ ࡌࡀࡕࡀ ࡖࡅࡊࡔࡕࡀࡉࡍࡀ ࡍࡀࡑࡁࡅࡋࡇ ࡆࡀࡅࡀ ࡋࡉࡀࡄࡉࡀ ࡄࡀࡃࡍࡀࡍ ࡅࡔࡀࡓࡀࡕ ࡄࡅࡍ ࡁࡀࡊࡓࡎࡀ ࡒࡀࡃࡌࡀࡉࡕࡀ ࡁࡉࡄࡓࡀࡌ ࡅࡓ. |
| 252 |
ࡄࡉࡌࡀࡕ ࡄࡉࡉࡀ ࡄࡅࡍ ࡁࡀࡊࡓࡎࡀ ࡌࡉࡀࡑࡉࡕࡀ ࡍࡀࡑࡁ ࡅࡎࡀࡌ ࡅࡀࡄࡍࡀࡓ ࡆࡉࡅࡀ ࡅࡔࡀࡓࡀࡕ ࡄࡅࡍ ࡁࡀࡊࡓࡎࡀ ࡁࡀࡕࡓࡀࡉࡕࡀ ࡁࡂࡀࡅࡉࡊ ࡄࡅࡓࡁࡀ ࡖࡏࡅࡓࡀࡔࡋࡀࡌ ࡄࡀࡋࡉࡍ ࡕࡋࡀࡕ ࡀࡊࡓࡎࡀࡕࡀ ࡅࡋࡀࡄࡍࡀࡓ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡉࡀࡄࡉࡀ ࡋࡅࡐࡌࡇ ࡉࡐࡄࡕࡇ ࡖࡋࡀࡉࡍࡅࡃࡀࡍ ࡀࡀࡍࡕ ࡀࡋࡉࡐ ࡁࡀࡍࡕࡉࡊ ࡖࡋࡀࡉࡍࡎࡕࡀࡓࡊࡅࡍ ࡅࡀࡀࡍ ࡏࡉࡀࡓࡐࡉࡔ ࡅࡏࡉࡀࡎࡁࡀࡓ ࡁࡀࡍࡉ ࡋࡉࡀࡄࡉࡀ ࡖࡕࡉࡌࡀࡓࡋࡇ. |
| 253 |
ࡁࡏࡅࡓࡀࡔࡋࡀࡌ ࡀࡄࡍࡀࡓ ࡋࡅࡐࡌࡇ ࡕࡐࡀࡄࡕࡇ ࡅࡋࡇ ࡀࡌࡓࡀࡋࡇ ࡋࡉࡁࡀ ࡁࡕࡉࡁࡉࡋ ࡋࡀࡉࡀࡃࡋࡉࡕ ࡀࡀࡍ ࡁࡉࡍࡀ ࡁࡕࡉࡁࡉࡋ ࡉࡀࡃࡋࡉࡕ ࡉࡍࡎࡒࡅࡍ ࡋࡀࡕࡀࡓ ࡄࡍࡅࡓ ࡏࡅ ࡄࡀࡅࡉࡍ ࡅࡌࡉࡕࡀࡓࡌࡉࡃࡉࡍ ࡕࡉࡋࡊࡉࡅࡍࡍ ࡅࡍࡓࡀ ࡖࡉࡀࡒࡃࡀ ࡏࡅ ࡋࡀࡄࡀࡅࡉࡍ ࡅࡋࡀࡌࡉࡕࡀࡓࡌࡉࡃࡉࡍ ࡅࡋࡀࡄࡍࡀࡓ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡉࡀࡄࡉࡀ ࡋࡅࡐࡌࡇ ࡉࡐࡄࡕࡇ ࡀࡌࡀࡓࡋࡉࡀ ࡀࡁࡀࡕࡓࡀࡉ ࡌࡀࡄࡅ ࡖࡀࡁࡃࡉࡕ ࡗ ࡀࡀࡍ. |
| 254 |
ࡌࡍ ࡕࡉࡁࡉࡋ ࡀࡍࡉࡐࡒࡀࡍ ࡀࡌࡓࡀࡋࡇ ࡀࡋࡌࡀ ࡖࡄࡀࡆࡉࡀࡍࡋࡀࡊ ࡋࡃࡉࡋࡀࡊ ࡋࡀࡋࡊࡀࡀࡍ ࡅࡋࡀࡔࡀࡕࡉࡀࡀࡍ ࡅࡁࡔࡉࡒࡓࡀ ࡉࡍࡒࡐࡀࡕ ࡌࡉࡉࡍࡋࡕࡉࡊ ࡀࡊࡃࡁࡀ ࡀࡌࡀࡓࡕ ࡀࡄࡍࡀࡓ ࡀࡀࡍࡕ ࡀࡋࡊࡉࡕ ࡅࡔࡀࡕࡉࡕ ࡗ ࡉࡅࡌࡀ ࡀࡉࡉࡋ ࡅࡉࡅࡌࡀ ࡀࡍࡉࡐࡒ ࡏࡋࡀ ࡔࡀࡋࡕࡉࡊ ࡁࡄࡉࡉࡀ ࡓࡁࡉࡀ ࡅࡋࡃࡉࡋࡉࡀ ࡌࡉࡔࡍࡉࡀࡕࡋࡉࡀ ࡌࡍ ࡏࡅࡓࡑࡉࡊ ࡅࡁࡀࡍࡉࡐࡀ ࡉࡅࡌࡀ ࡖࡉࡀࡒࡉࡓ ࡔࡅࡌࡇ ࡀࡌࡀࡓࡋࡉࡀ ࡀࡁࡀࡕࡓࡀࡉ ࡌࡀࡄ. |
| 255 |
ࡅ ࡀࡁࡃࡉࡕ ࡀࡀࡍ ࡌࡍ ࡕࡉࡁࡉࡋ ࡀࡍࡉࡐࡒࡀࡍ ࡗ ࡀࡌࡓࡀࡋࡇ ࡀࡋࡌࡀ ࡖࡄࡀࡆࡉࡀࡍࡋࡀࡊ ࡋࡃࡉࡋࡀࡊ ࡋࡀࡏࡄࡅࡐ ࡅࡋࡀࡏࡎࡓࡅࡒ ࡅࡁࡔࡉࡒࡓࡀ ࡉࡍࡒࡐࡀࡕ ࡌࡉࡉࡍࡋࡕࡉࡊ ࡕࡅࡌ ࡀࡊࡃࡁࡀ ࡀࡌࡀࡓࡕ ࡀࡄࡍࡀࡓ ࡀࡀࡍࡕ ࡄࡀࡉࡉࡐࡕ ࡅࡎࡀࡓࡒࡉࡕ ࡗ ࡉࡀࡄࡓࡀ ࡀࡉࡉࡋ ࡅࡉࡀࡄࡓࡀ ࡀࡍࡉࡐࡒ ࡅࡋࡃࡉࡋࡉࡀ ࡌࡉࡉࡍࡔࡉࡀࡕࡋࡉࡀ ࡌࡍ ࡏࡅࡓࡑࡉࡊ ࡁࡀࡓࡎࡀ ࡒࡀࡃࡌࡀࡉࡕࡀ ࡖࡔࡀࡁࡊࡉࡀࡍࡁࡇ ࡕࡀࡓࡕࡉࡀࡍࡍ ࡕࡅࡌ ࡔࡀࡋࡕࡉࡊ ࡀࡄ. |
| 256 |
ࡍࡀࡓ ࡀࡌࡀࡓࡋࡉࡀ ࡀࡁࡀࡕࡓࡀࡉ ࡌࡀࡄࡅ ࡀࡁࡃࡉࡕ ࡗ ࡀࡀࡍ ࡌࡍ ࡀࡐࡂࡓࡀࡉ ࡀࡍࡉࡐࡒࡀࡍ ࡀࡌࡓࡀࡋࡇ ࡀࡋࡌࡀ ࡖࡄࡀࡆࡉࡀࡀࡍࡋࡀࡊ ࡋࡃࡉࡋࡀࡊ ࡋࡀࡋࡀࡁࡔࡀࡀࡍ ࡋࡁࡅࡔࡉࡀ ࡄࡀࡃࡕࡉࡀ ࡅࡁࡔࡉࡒࡓࡀ ࡉࡍࡒࡐࡀࡕ ࡌࡉࡉࡍࡋࡕࡉࡊ ࡕࡅࡌ ࡀࡊࡃࡁࡀ ࡀࡌࡀࡓࡕ ࡀࡄࡍࡀࡓ ࡀࡀࡍࡕ ࡋࡀࡁࡔࡉࡕ ࡋࡁࡅࡔࡉࡀ ࡄࡀࡃࡕࡉࡀ ࡗ ࡀࡉࡋࡀ ࡔࡉࡕࡀ ࡅࡀࡍࡒࡐࡀ ࡔࡉࡕࡀ ࡅࡋࡃࡉࡋࡉࡀ ࡌࡉࡔࡍࡉࡀࡕࡋࡉࡀ ࡌࡍ ࡏࡅࡓࡑࡉࡊ ࡀࡌࡓࡀࡋࡇ ࡋࡅࡊࡋࡇ ࡒ. |
| 257 |
ࡅࡌࡕࡀࡉ ࡅࡌࡊࡀ ࡌࡀࡒࡍࡉࡔࡀࡕࡋࡇ ࡌࡊࡀ ࡀࡌࡓࡀࡕࡋࡉࡀ ࡉࡀࡄࡉࡀ ࡖࡀࡉࡀࡍࡉ ࡁࡀࡉࡀࡍࡊ ࡀࡍࡋࡐࡀࡍ ࡗ ࡀࡆࡋࡉࡕ ࡏࡋ ࡏࡌࡀࡕ ࡖࡀࡕࡉࡕ ࡅࡆࡀࡂࡍࡀ ࡕࡋࡉࡋࡇ ࡁࡉࡕ ࡒࡅࡁࡓࡉࡀ ࡗ ࡄࡀࡉࡕࡀ ࡂࡉࡍࡉࡀ ࡁࡔࡉࡅࡋ ࡅࡀࡍࡒࡐࡀ ࡅࡌࡀࡔࡒࡉࡍ ࡁࡉࡕ ࡒࡅࡁࡓࡉࡀ ࡗ ࡅࡑࡓࡕࡀ ࡀࡑࡉࡓࡀ ࡁࡔࡉࡅࡋ ࡅࡂࡀࡍࡉࡍࡀ ࡂࡀࡉࡍࡀ ࡁࡉࡕ ࡒࡅࡁࡓࡉࡀ ࡗ ࡄࡉࡃࡅࡕࡀ ࡄࡀࡃࡓࡀ ࡁࡔࡉࡅࡋ ࡅࡅࡐࡓࡀࡀࡍ ࡄࡀࡅࡉࡀ ࡁࡉࡕ ࡒࡅࡁࡓࡉࡀ ࡗ ࡔ. |
| 258 |
ࡅࡔࡁࡀࡉࡍࡀ ࡌࡀࡓࡔࡉࡍ ࡁࡔࡉࡅࡋ ࡄࡀࡉ ࡌࡀࡓࡀࡉ ࡄࡀࡉࡃࡉࡍ ࡄࡀࡅࡉࡀ ࡀࡌࡓࡀࡋࡇ ࡅࡆࡀࡂࡍࡀ ࡕࡋࡉࡋࡇ ࡁࡉࡕ ࡒࡅࡁࡓࡉࡀ ࡖࡄࡀࡉࡕࡀ ࡂࡉࡍࡉࡀ ࡁࡔࡉࡅࡋ ࡅࡀࡍࡒࡐࡉࡀ ࡅࡌࡀࡔࡒࡉࡀ ࡁࡉࡕ ࡒࡅࡁࡓࡉࡀ ࡌࡏ ࡀࡑࡉࡓࡉࡀ ࡅࡑࡓࡕࡀ ࡁࡔࡉࡅࡋ ࡅࡂࡀࡍࡉࡍࡀ ࡂࡀࡉࡍࡀ ࡁࡉࡕ ࡒࡅࡁࡓࡉࡀ ࡌࡏ ࡄࡀࡃࡓࡀ ࡄࡉࡃࡅࡕࡀ ࡁࡔࡉࡅࡋ ࡅࡐࡓࡀࡀࡍ ࡄࡀࡅࡉࡀ ࡁࡉࡕ ࡒࡅࡁࡓࡉࡀ ࡌࡏ ࡌࡀࡓࡔࡉࡍ ࡔࡅࡔࡁࡀࡉࡍࡀ ࡁࡔࡉࡅࡋ ࡀࡌࡀࡓࡋࡇ ࡋ. |
| 259 |
ࡌࡀࡄࡅ ࡌࡔࡀࡉࡋࡀࡕࡋࡉࡀ ࡖࡏࡌࡀࡕ ࡀࡕࡉࡕ ࡗ ࡉࡀࡃࡉࡕ ࡖࡄࡀࡉࡆࡉࡍ ࡋࡀࡄࡀࡅࡉࡀ ࡈࡅࡁࡇ ࡋࡉࡅࡌࡀ ࡖࡄࡀࡆࡉࡀࡕࡋࡉࡀ ࡀࡀࡍ ࡀࡆࡉࡋࡀࡍ ࡅࡋࡀࡕࡉࡀࡍ ࡀࡓࡌࡀࡋࡕࡀ ࡁࡕࡉࡁࡉࡋ ࡋࡀࡄࡅࡀࡕ ࡏࡅ ࡌࡉࡆࡀࡋ ࡅࡌࡉࡕࡉࡀ ࡄࡅࡀ ࡉࡀࡕࡉࡌࡉࡀ ࡁࡕࡉࡁࡉࡋ ࡋࡀࡄࡅࡍ ࡏࡅ ࡌࡉࡆࡀࡋ ࡅࡌࡉࡕࡉࡀ ࡄࡅࡀ ࡓࡀࡁࡀࡉࡍࡀ ࡅࡌࡀࡋࡀࡐࡉࡍࡀ ࡁࡕࡉࡁࡉࡋ ࡋࡀࡄࡅࡍ ࡏࡅ ࡌࡉࡆࡀࡋ ࡅࡌࡉࡕࡉࡀ ࡄࡅࡀ ࡀࡍࡅࡑࡓࡀࡉࡉࡀ ࡁࡕࡉࡁࡉࡋ ࡋࡀࡄ. |
| 260 |
ࡅࡍ ࡏࡅ ࡌࡉࡆࡀࡋ ࡅࡌࡉࡕࡉࡀ ࡄࡅࡀ ࡅࡋࡇ ࡋࡉࡀࡄࡉࡀ ࡖࡕࡉࡌࡀࡓࡋࡇ ࡁࡏࡅࡓࡀࡔࡋࡀࡌ ࡀࡄࡍࡀࡓ ࡋࡅࡐࡌࡇ ࡕࡐࡀࡄࡕࡇ ࡅࡂࡀࡈࡓࡀࡀࡍࡊ ࡒࡀࡁࡅࡕࡀ ࡋࡁࡉࡕ ࡒࡅࡁࡓࡉࡀ ࡆࡀࡁࡀࡍࡀࡍࡊ ࡀࡆࡂࡀ ࡁࡍࡉࡐࡔ ࡅࡋࡀࡄࡍࡀࡓ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡉࡀࡄࡉࡀ ࡋࡅࡐࡌࡇ ࡉࡐࡄࡕࡇ ࡅࡒࡀࡁࡅࡕࡀ ࡖࡂࡀࡈࡓࡉࡕ ࡋࡁࡉࡕ ࡒࡅࡁࡓࡉࡀ ࡋࡌࡀࡋࡉࡊ ࡀࡆࡂࡀ ࡖࡆࡀࡁࡉࡍࡕ ࡁࡍࡉࡐࡔ ࡖࡄࡉࡋࡀ ࡋࡀࡀࡍࡉࡐࡋ ࡏࡋࡇ ࡀࡆࡂࡀ ࡖࡆࡀࡁࡉࡍ. |
| 261 |
ࡕ ࡁࡍࡉࡐࡔ ࡖࡌࡉࡕࡓࡉࡄࡉࡑࡕ ࡖࡀࡕࡉࡀࡍ ࡖࡀࡌࡓࡉࡕ ࡒࡅࡁࡓࡉࡀ ࡒࡀࡁࡅࡕࡀ ࡖࡂࡀࡈࡓࡉࡕ ࡋࡁࡉࡕ ࡀࡆࡉࡋ ࡋࡄࡀࡌࡀ ࡏࡋࡀࡅࡀࡉ ࡀࡄࡅࡁ ࡀࡆࡉࡋ ࡌࡀࡎࡒࡀࡕࡀ ࡏࡋࡀࡅࡀࡉ ࡒࡓࡀࡉ ࡅࡋࡇ ࡋࡉࡀࡄࡉࡀ ࡖࡕࡉࡌࡀࡓࡋࡇ ࡁࡏࡅࡓࡀࡔࡋࡀࡌ ࡀࡄࡍࡀࡓ ࡋࡅࡐࡌࡇ ࡕࡐࡀࡄࡕࡇ ࡅࡌࡉࡎࡐࡉࡒࡀࡀࡍ ࡁࡃࡅࡓ ࡄࡀࡈࡉࡀ ࡀࡀࡍࡕ ࡀࡆࡋࡉࡕ ࡅࡌࡉࡔࡍࡉࡀࡕࡋࡉࡀ ࡋࡃࡉࡋࡉࡀ ࡉࡍࡉࡍࡔࡉࡀࡍ ࡃࡀࡅࡓࡀ ࡕࡀࡒࡀࡍ ࡏࡅ ࡋࡃࡉࡋࡉࡊ ࡌࡉࡔࡍࡉࡉࡍࡊ. |
| 262 |
ࡀࡉࡀࡍࡉ ࡁࡀࡁࡀࡕࡅࡓ ࡋࡀࡀࡍࡋࡐࡀ ࡏࡅ ࡋࡃࡉࡋࡉࡊ ࡌࡉࡔࡍࡉࡉࡍࡊ ࡔࡉࡀࡈࡉࡊ ࡄࡀࡅࡉࡀ ࡁࡉࡕ ࡒࡅࡁࡓࡉࡀ ࡗ ࡎࡀࡋࡉࡒࡀࡍ ࡋࡁࡉࡕ ࡄࡉࡉࡀ ࡅࡄࡉࡉࡀ ࡆࡀࡉࡊࡍ ࡅࡌࡔࡀࡁࡉࡍ ࡄࡉࡉࡀ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡀࡓࡒࡀ ࡅࡏࡔࡅࡌࡉࡀ ࡁࡀࡉࡊࡀࡍ ࡂࡀࡓࡂࡋࡉࡀ ࡅࡌࡀࡓࡀࡊࡁࡀࡕࡀ ࡀࡍࡃ ࡅࡃࡉࡌࡀ ࡖࡀࡀࡍࡉࡍࡀ ࡀࡍࡕࡓࡀࡍ ࡅࡀࡌࡀ. |
| 263 |
ࡓ ࡅࡏࡌ ࡕࡐ ࡕࡌࡀࡀࡍࡍ ࡅࡕࡌࡀࡉࡍࡀ ࡔࡉࡍࡀ ࡀࡁ ࡄࡅࡀ ࡁࡓ ࡕࡔࡉࡍ ࡅࡕࡔࡀ ࡔࡉࡍࡀ ࡀࡕࡉࡅࡍ ࡌࡍ ࡄࡅࡎ ࡉࡀࡓࡃࡀࡍ ࡅࡁࡌࡀࡓࡁࡀ ࡖࡏࡉࡍࡔࡁࡀࡉ ࡓࡉࡌࡉࡅࡍ ࡅࡉࡍࡎࡁࡅࡍ ࡅࡀࡎࡒࡅࡍ ࡅࡀࡕࡉࡅࡍ ࡅࡀࡌࡀࡓ ࡀࡅࡊࡀࡕ ࡖࡃࡀࡉࡓࡉࡀ ࡉࡀࡒࡍࡉࡀ ࡅࡊࡋࡄࡅࡍ ࡕࡔࡀ ࡉࡀࡄࡓࡉࡀ ࡃࡀࡓࡉࡕ ࡁࡀࡊࡓࡎࡇ ࡅࡀࡌࡀࡓ ࡅࡋࡀࡔࡅࡓࡀ ࡎࡐࡀࡒࡅࡋࡉࡀ ࡁࡏࡅࡓࡀࡔࡋࡀࡌ ࡋࡀࡄࡀࡉࡊࡌࡕࡀ ࡀࡅࡃࡉࡋࡕࡀࡍ ࡁࡉࡀࡄࡅࡃ ࡅࡋࡀࡆࡀࡂࡍࡀ ࡕ. |
| 264 |
ࡋࡅࡋࡉࡀ ࡖࡏࡅࡋࡀ ࡋࡀࡅࡑࡓࡕࡀ ࡀࡑࡓࡅࡋࡉࡀ ࡖࡀࡊࡃࡁࡀ ࡁࡏࡅࡓࡀࡔࡋࡀࡌ ࡌࡀࡕࡀ ࡀࡍࡉࡃࡀ ࡀࡀࡍ ࡌࡍ ࡏࡉࡍࡔࡁࡀࡉ ࡄࡅࡉࡕ ࡖࡔࡅࡓࡀ ࡖࡀࡊࡄࡉࡍࡀ ࡌࡉࡆࡃࡀࡓࡀࡁࡍࡉࡀ ࡀࡍࡉࡃࡀ ࡏࡅࡓࡀࡔࡋࡀࡌ ࡌࡀࡕࡀ ࡒࡀࡉࡉࡌ ࡅࡀࡍࡉࡃࡀ ࡒࡅࡌࡕࡇ ࡏࡋࡉࡆࡀࡓ ࡁࡀࡉࡕࡀ ࡓࡁࡀ ࡅࡋࡅࡀࡕ ࡀࡁࡀ ࡎࡀࡁࡀ ࡆࡀࡓࡊࡉࡀ ࡌࡉࡕࡉࡀࡉࡅࡍ ࡏࡕࡀࡊࡀࡍࡐ ࡉࡀࡄࡅࡈࡀࡉࡉࡀ ࡅࡀࡌࡓࡉࡋࡇ ࡎࡉࡍࡒࡋࡀࡊ ࡖࡄࡀࡅࡉࡋࡀࡊ ࡁࡓࡀ ࡄࡀࡉ ࡀࡁࡀ ࡎࡀࡁࡀ. |
| 265 |
ࡆࡀࡓࡊࡉࡀ ࡀࡌࡀࡓࡋࡀࡍ ࡌࡀࡄࡅ ࡀࡍࡎࡉࡒࡋࡇ ࡔࡅࡌࡀ ࡖࡀࡍࡋࡉࡐ ࡎࡉࡓࡐࡀ ࡁࡏࡅࡓࡀࡔࡋࡀࡌ ࡏࡅ ࡀࡍࡎࡉࡒࡋࡇ ࡉࡀࡒࡉࡐ ࡖࡄࡉࡅࡊࡌࡕࡀ ࡖࡉࡀࡄࡅࡈࡀࡉࡉࡀ ࡁࡂࡀࡅࡇ ࡉࡀࡌࡉࡍ ࡅࡋࡀࡌࡀࡊࡃࡁࡉࡀ ࡏࡅ ࡀࡍࡎࡉࡒࡋࡇ ࡆࡀࡕࡀࡍ ࡏࡈࡑࡅࡀࡍ ࡌࡀࡋࡀࡋࡀࡕ ࡁࡌࡀࡋࡀࡋࡇ ࡅࡒࡉࡄࡃࡀࡕ ࡅࡀࡌࡓࡀ ࡏࡉࡍࡔࡁࡀࡉ ࡌࡉࡔࡌࡀ ࡖࡔࡉࡌࡀࡕ ࡖࡀࡀࡍࡕࡅࡍ ࡀࡌࡓࡉࡕࡅࡍ ࡌࡍ ࡄࡀࡋࡉࡍ ࡅࡊࡋࡄࡅࡍ ࡔࡅࡌࡉࡀ ࡄࡉࡉࡍࡋࡀ ࡁࡀࡉࡀࡀࡍ ࡌ. |
| 266 |
ࡀࡎࡉࡒࡋࡇ ࡔࡅࡌࡀ ࡀࡀࡍ ࡋࡀࡁࡀࡉࡀࡀࡍ ࡌࡀࡎࡉࡒࡋࡇ ࡔࡅࡌࡀ ࡄࡃࡀ ࡉࡀࡄࡉࡀ ࡉࡅࡄࡀࡀࡍ ࡖࡄࡉࡅࡍࡍ ࡄࡉࡉࡀ ࡏࡄࡀࡁࡋࡇ ࡁࡆࡉࡃࡀ ࡁࡉࡔࡀ ࡏࡕࡉࡌࡋࡅࡍ ࡏࡋࡇ ࡉࡀࡄࡅࡈࡀࡉࡉࡀ ࡅࡌࡉࡔࡌࡀ ࡖࡔࡉࡌࡅࡍ ࡀࡌࡓࡉࡀ ࡖࡋࡏࡃࡀࡍ ࡃࡉࡋࡀࡍ ࡌࡉࡂࡈࡉࡋ ࡌࡀࡄࡅ ࡆࡀࡉࡀࡍ ࡉࡍࡁࡀࡃ ࡋࡄࡀࡃ ࡅࡋࡏࡌࡇ ࡉࡍࡎࡁࡇ ࡅࡋࡀࡐࡓࡅࡀࡍ ࡈࡅࡓࡀ ࡄࡉࡅࡀࡓࡀ ࡀࡎࡒࡇ ࡀࡅࡍࡔ ࡏࡅࡕࡓࡀ ࡌࡉࡔࡌࡀ ࡖࡔࡅࡌࡀ ࡁࡌࡀࡌࡁࡅࡄࡇ ࡌࡉࡕࡓࡀࡁࡉࡍ. |
| 267 |
ࡁࡀࡐࡓࡅࡀࡍ ࡈࡅࡓࡀ ࡖࡉࡀࡒࡍࡉࡀ ࡅࡃࡉࡓࡃࡒࡉࡀ ࡁࡓ ࡎࡓࡉࡍ ࡅࡕࡀࡓࡕࡉࡍ ࡔࡉࡍࡀ ࡀࡋࡌࡀ ࡖࡄࡅࡉࡕ ࡅࡂࡀࡌࡀࡓࡕࡇ ࡋࡅࡊࡋࡇ ࡌࡉࡌࡓࡀࡉ ࡉࡀࡋࡀࡕࡐࡇ ࡋࡅࡊࡋࡇ ࡄࡉࡅࡊࡌࡕࡀࡉ ࡅࡎࡊࡅࡉࡉࡀ ࡖࡀࡀࡍࡉࡍࡀ ࡀࡊࡎࡉࡅࡍ ࡀࡋࡁࡔࡅࡍ ࡏࡅࡈࡑࡋࡉࡀ ࡖࡆࡉࡅࡀ ࡄࡉࡌࡉࡀࡍ ࡌࡉࡀ ࡖࡀࡍࡄࡅࡓ ࡅࡕࡀࡒࡅࡍ ࡀࡎࡀࡓࡅࡋࡉࡀ ࡄࡉࡌࡉࡀࡀࡍ ࡁࡀࡀࡍࡀࡍ ࡀࡀࡍࡍ ࡆࡉࡅࡀ ࡌࡍ ࡓࡉࡔ ࡁࡓࡉࡔ ࡀࡅࡕࡁࡅࡍ ࡀࡎࡒࡅࡍ ࡋࡌࡀࡕࡀ ࡖࡏࡅࡓࡀࡔࡋࡀ. |
| 268 |
ࡌ ࡅࡁࡔࡀࡁࡀ ࡔࡀࡉࡉࡀ ࡖࡄࡀࡁࡔࡀࡁࡀ ࡀࡊࡋࡅࡆࡀ ࡒࡓࡀࡁࡇ ࡁࡏࡅࡓࡀࡔࡋࡀࡌ ࡒࡀࡋࡀ ࡒࡓࡀࡁࡇ ࡁࡉࡀࡄࡅࡃ ࡅࡀࡌࡓࡉࡀ ࡅࡌࡀࡍ ࡉࡍࡃࡓࡀࡕ ࡉࡍࡃࡓࡉࡀ ࡅࡔࡀࡋࡀࡕ ࡏࡋࡇ ࡌࡀࡍ ࡄࡅࡀࡋࡇ ࡁࡓࡀ ࡅࡂࡉࡍࡁ ࡄࡀࡀࡍࡕࡇ ࡕࡉࡕࡉࡀ ࡅࡕࡉࡁࡀࡔࡒࡓࡇ ࡁࡓࡇ ࡌࡀࡍ ࡄࡅࡀࡋࡇ ࡁࡓࡀ ࡅࡂࡉࡍࡁ ࡋࡁࡀࡕࡀࡉ ࡌࡀࡍ ࡀࡓࡐࡉࡔࡇ ࡋࡁࡀࡕࡀࡉ ࡌࡀࡍ ࡀࡌࡀࡓࡋࡇ ࡖࡕࡉࡆࡀࡋ ࡋࡏࡉࡍࡔࡁࡀࡉ ࡀࡌࡓࡀ ࡀࡌࡓࡀࡋࡇ ࡋࡁࡀࡕࡀࡉ ࡌࡀࡍ ࡀࡌࡀࡓ. |
| 269 |
ࡋࡇ ࡁࡍࡉࡄࡀ ࡀࡕࡀࡋࡇ ࡋࡏࡅࡓࡀࡔࡋࡀࡌ ࡀࡕࡀࡋࡇ ࡋࡉࡀࡄࡅࡃ ࡉࡀࡋࡃࡀ ࡀࡁࡉࡄࡃࡇ ࡒࡀࡉࡉࡌ ࡀࡐࡓࡅࡀࡒࡍࡀ ࡉࡀࡋࡃࡀ ࡀࡕࡀࡋࡇ ࡋࡉࡀࡄࡅࡃ ࡅࡎࡉࡐࡄࡀࡕࡇ ࡋࡀࡁࡀ ࡎࡀࡁࡀ ࡆࡀࡓࡊࡉࡀ ࡀࡁࡅࡉࡀ ࡅࡐࡌࡇ ࡃࡀࡌࡉࡀ ࡋࡃࡉࡋࡉࡊ ࡅࡂࡁࡉࡇࡍ ࡋࡀࡁࡀ ࡎࡀࡁࡀ ࡆࡀࡓࡊࡉࡀ ࡀࡁࡅࡉࡀ ࡀࡉࡇࡍ ࡋࡃࡉࡋࡉࡊ ࡃࡀࡌࡉࡀࡍ ࡅࡏࡃࡀࡄࡀࡕࡇ ࡋࡀࡁࡀ ࡎࡀࡁࡀ ࡆࡀࡓࡊࡉࡀ ࡀࡁࡅࡉࡀ ࡄࡍࡉࡓࡇ ࡋࡃࡉࡋࡉࡊ ࡃࡀࡌࡉࡀ ࡀࡃࡉࡒࡍࡉࡀ ࡎࡊࡅࡉࡀ. |
| 270 |
ࡉࡍࡒࡐࡀࡕ ࡏࡉࡍࡔࡁࡀࡉ ࡌࡉࡔࡌࡀ ࡖࡔࡉࡌࡀࡕ ࡃࡊࡀࡁࡋࡇ ࡏࡂࡍࡉࡓࡕࡀ ࡖࡔࡁࡅࡒࡉࡀ ࡀࡁࡀ ࡎࡀࡁࡀ ࡆࡀࡓࡊࡉࡀ ࡌࡉࡄࡆࡉࡀ ࡖࡄࡉࡆࡉࡇ ࡅࡎࡉࡓࡀ ࡌࡍ ࡀࡁࡉࡉࡍࡀ ࡅࡊࡁࡊࡉࡀ ࡔࡀࡌࡉࡔ ࡓࡈࡉࡍ ࡌࡍ ࡏࡔࡅࡌࡉࡀ ࡅࡋࡀࡁࡀ ࡎࡀࡁࡀ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡔࡀࡌࡉࡔ ࡋࡅࡐࡌࡇ ࡉࡐࡄࡕࡇ ࡌࡀࡓࡉࡁࡀ ࡓࡁࡀ ࡖࡒࡀࡔ ࡅࡀࡆࡀࡋ ࡈࡀࡌࡇ ࡉࡀ ࡀࡁࡀ ࡎࡀࡁࡀ ࡆࡀࡓࡊࡉࡀ ࡗ ࡀࡓࡁࡀࡉࡀ ࡖࡔࡉࡁࡒࡇ ࡄࡉࡋࡒࡇ ࡋࡏࡅࡓࡀࡔࡋ. |
| 271 |
ࡀࡌ ࡁࡍࡉࡄࡀ ࡀࡕࡀࡋࡇ ࡉࡀࡋࡃࡀ ࡀࡕࡀࡋࡇ ࡋࡉࡀࡄࡅࡃ ࡋࡏࡉࡍࡔࡁࡀࡉ ࡀࡋࡌࡀ ࡖࡔࡀࡁࡒࡀࡕࡋࡇ ࡉࡀࡋࡃࡀ ࡀࡕࡀࡋࡇ ࡋࡉࡀࡄࡅࡃ ࡏࡔࡕࡓࡉࡀ ࡌࡍ ࡀࡀࡍࡀࡍ ࡍࡀࡐࡋ ࡉࡀࡋࡃࡀ ࡖࡄࡉࡆࡉࡇ ࡋࡄࡀࡉࡕࡀ ࡅࡋࡅࡐࡌࡇ ࡖࡏࡉࡍࡔࡁࡀࡉ ࡉࡍࡔࡒࡇ ࡏࡔࡕࡓࡉࡀ ࡍࡀࡐࡋ ࡌࡍ ࡀࡀࡍࡀࡍ ࡌࡀࡋࡉࡋ ࡋࡉࡀࡄࡉࡀ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡀࡅࡍࡔ ࡏࡅࡕࡓࡀ ࡌࡉࡄࡆࡉࡀ ࡖࡄࡉࡆࡉࡇ ࡅࡌࡀࡓࡐࡀࡔࡋࡀࡊ ࡋࡔࡀࡕࡐࡀࡊ ࡌࡏ ࡃࡊࡉࡁ. |
| 272 |
ࡋࡀࡊ ࡉࡀࡄࡉࡀ ࡁࡃࡊࡀࡁࡀࡊ ࡋࡌࡉࡉࡍࡔࡒࡇ ࡋࡄࡅࡃࡀࡉࡕࡀ ࡋࡅࡐࡌࡇ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡉࡀࡄࡉࡀ ࡅࡋࡀࡅࡍࡔ ࡏࡅࡕࡓࡀ ࡀࡅࡊࡀࡕ ࡖࡃࡀࡉࡓࡉࡀ ࡉࡀࡒࡍࡉࡀ ࡅࡊࡋࡄࡅࡍ ࡀࡀࡍ ࡕࡔࡀ ࡉࡀࡄࡓࡉࡀ ࡃࡀࡓࡉࡕ ࡁࡀࡊࡓࡎࡇ ࡌࡉࡉࡍࡔࡒࡇ ࡋࡄࡅࡃࡀࡉࡕࡀ ࡋࡅࡐࡌࡇ ࡋࡀࡃࡊࡅࡓ ࡏࡋࡇ ࡄࡀࡔࡕࡀ ࡏࡋࡀࡉ ࡋࡀࡀࡊࡃࡅࡓ ࡋࡂࡀࡁࡓࡀ ࡖࡀࡁࡅࡉࡀ ࡅࡏࡌࡇ ࡀࡐࡓࡀ ࡄࡉࡏࡍࡋࡀ ࡈࡅࡁࡇ ࡅࡕࡅࡌ ࡈࡅࡁࡇ ࡋࡀࡉࡉࡕ ࡀࡅ. |
| 273 |
ࡊࡀࡕࡇ ࡁࡀࡋࡌࡀ ࡂࡀࡁࡓࡀ ࡖࡀࡐࡓࡀ ࡀࡁࡅࡉࡀ ࡅࡏࡌࡇ ࡏࡃࡀ ࡀࡅࡍࡔ ࡏࡅࡕࡓࡀ ࡖࡉࡀࡄࡉࡀ ࡄࡀࡉࡊࡌࡀ ࡄࡅ ࡗ ࡄࡀࡆࡉࡍ ࡀࡌࡀࡓ ࡉࡀࡄࡉࡀ ࡁࡏࡅࡓࡀࡔࡋࡀࡌ ࡋࡔࡀࡌࡉࡔ ࡖࡉࡍࡌࡀࡓࡋࡇ ࡌࡀࡋࡉࡋ ࡀࡅࡍࡔ ࡏࡅࡕࡓࡀ ࡂࡀࡁࡓࡀ ࡖࡌࡀࡋࡀࡊ ࡔࡀࡃࡓࡇ ࡏࡆࡃࡀࡄࡓࡅࡋࡉࡀ ࡁࡉࡀࡋࡃࡀ ࡀࡋࡌࡀ ࡖࡁࡀࡉࡉࡀࡍࡋࡇ ࡀࡉࡍࡍ ࡏࡆࡃࡀࡄࡓࡅࡋࡉࡀ ࡁࡉࡀࡋࡃࡀ ࡅࡋࡎࡉࡓࡀ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡌࡀࡋࡉࡋ ࡀࡅࡍࡔ ࡏࡅࡕࡓࡀ ࡂࡀ. |
| 274 |
ࡁࡓࡀ ࡖࡌࡀࡋࡀࡊ ࡔࡀࡃࡓࡇ ࡏࡆࡃࡀࡄࡓࡅࡋࡉࡀ ࡁࡉࡀࡋࡃࡀ ࡀࡋࡌࡀ ࡖࡁࡀࡉࡉࡀࡍࡋࡇ ࡀࡉࡍࡍ ࡏࡆࡃࡀࡄࡓࡅࡋࡉࡀ ࡁࡉࡀࡋࡃࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡉࡅࡄࡀࡀࡍ ࡁࡓࡀࡌࡔࡉࡀ ࡖࡋࡉࡋࡉࡀ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡀࡌࡀࡓ ࡖࡋࡀࡅ ࡁࡀࡋࡄࡅࡃࡀࡉ ࡀࡀࡍ ࡉࡀࡄࡉࡀ ࡃࡀࡓࡉࡔ ࡁࡋࡉࡋࡅࡉࡀ ࡅࡌࡀࡓࡀࡊࡁࡀࡕࡀ ࡌࡉࡎࡕࡀࡄࡀࡐࡍ ࡁࡒࡀࡋࡀࡉ ࡂࡀࡓࡂࡋࡉࡀ ࡀࡍࡉࡃࡉࡀ. |
| 275 |
ࡅࡏࡕࡉࡁ ࡁࡀࡑࡃࡉࡀ ࡀࡋࡌࡀ ࡆࡉࡒࡀ ࡋࡂࡀࡈ ࡔࡉࡃࡒࡀ ࡀࡓࡒࡀ ࡅࡏࡔࡅࡌࡉࡀ ࡌࡉࡕࡀࡍࡌࡁࡉࡀ ࡔࡀࡌࡉࡔ ࡅࡎࡉࡓࡀ ࡁࡀࡉࡊࡀࡍ ࡅࡋࡇ ࡖࡉࡀࡄࡉࡀ ࡖࡉࡍࡌࡀࡓࡋࡇ ࡁࡏࡅࡓࡀࡔࡋࡀࡌ ࡌࡔࡉࡄࡀ ࡋࡅࡐࡌࡇ ࡉࡐࡄࡕࡇ ࡅࡁࡄࡀࡁࡔࡀࡁࡀ ࡖࡉࡀࡒࡉࡓ ࡔࡅࡌࡇ ࡓࡁࡉࡀ ࡔࡀࡋࡉࡕࡀࡊ ࡉࡀࡄࡉࡀ ࡁࡄࡉࡉࡀ ࡁࡄࡉࡓࡉࡀ ࡆࡉࡃࡒࡀ ࡅࡋࡀࡌࡉࡎࡕࡀࡓࡊࡉࡀ ࡔࡀࡋࡉࡕࡀࡊ ࡉࡀࡄࡉࡀ ࡁࡏࡅࡄࡓࡀ ࡖࡀࡆࡋࡉࡁࡇ ࡃࡌࡅࡕࡇ ࡋࡌࡀࡄࡅ ࡃࡀࡌࡉࡀ ࡀࡌࡀࡓ. |
| 276 |
ࡋࡉࡀ ࡎࡉࡉࡊࡀࡍ ࡖࡀࡑࡅࡓࡏࡉࡋ ࡀࡌࡀࡓࡋࡉࡀ ࡁࡌࡀࡄࡅ ࡌࡉࡕࡋࡀࡁࡔࡀ ࡗ ࡀࡍࡒࡐࡀ ࡉࡍࡔࡉࡌࡕࡀ ࡌࡍ ࡀࡐࡂࡓࡀ ࡁࡂࡀࡅࡇ ࡖࡀࡐࡂࡓࡀ ࡁࡀࡈࡋࡀ ࡅࡏࡋ ࡌࡀࡄࡅ ࡃࡀࡌࡉࡀ ࡖࡄࡀࡉࡌࡀ ࡁࡀࡐࡂࡓࡀ ࡅࡌࡉࡎࡕࡀࡓࡊࡀ ࡏࡃࡉࡋࡌࡀ ࡋࡃࡌࡀ ࡃࡀࡌࡉࡀ ࡉࡍࡔࡉࡌࡕࡀ ࡖࡀࡍࡒࡐࡀ ࡁࡈࡅࡓࡉࡀ ࡅࡀࡅࡃࡀ ࡅࡌࡉࡎࡕࡀࡓࡊࡀ ࡏࡃࡉࡋࡌࡀ ࡋࡆࡉࡒࡀ ࡃࡀࡌࡉࡀ ࡉࡍࡔࡉࡌࡕࡀ ࡖࡀࡍࡋࡐࡀ ࡁࡉࡐࡓࡉࡀ ࡅࡀࡅࡃࡀ ࡏࡃࡉࡋࡌࡀ ࡋࡈࡀࡋࡀ ࡃࡀࡌࡉࡀ ࡉ. |
| 277 |
ࡍࡔࡉࡌࡕࡀ ࡒࡃࡀ ࡁࡒࡉࡃࡉࡄࡕࡇ ࡅࡀࡕࡉࡀࡍ ࡃࡉࡌࡉࡇ ࡅࡋࡀࡔࡀࡋࡌࡀࡍ ࡗ ࡄࡀࡆࡀ ࡀࡌࡀࡓ ࡌࡔࡉࡄࡀ ࡉࡀࡄࡉࡀ ࡅࡀࡌࡀࡓ ࡖࡉࡍࡁࡉࡀ ࡌࡀࡍࡕࡀ ࡌࡍ ࡃࡅࡓࡃࡉࡀ ࡄࡀࡎࡋࡇ ࡋࡌࡀࡋࡀࡊ ࡓࡀࡌࡀ ࡖࡄࡍࡅࡓࡀ ࡖࡄࡀࡉࡌࡀ ࡁࡀࡐࡂࡓࡀ ࡅࡌࡉࡎࡕࡀࡓࡊࡀ ࡋࡀࡅ ࡋࡃࡌࡀ ࡃࡀࡌࡉࡀ ࡉࡍࡔࡉࡌࡕࡀ ࡖࡀࡍࡋࡐࡀ ࡁࡉࡐࡓࡉࡀ ࡅࡀࡅࡃࡀ ࡋࡀࡅ ࡋࡈࡀࡋࡀ ࡃࡀࡌࡉࡀ ࡉࡍࡔࡉࡌࡕࡀ ࡖࡀࡍࡒࡐࡀ ࡁࡈࡅࡓࡉࡀ ࡅࡌࡉࡔࡕࡀࡓࡊࡀ ࡋࡀࡅ ࡋࡆࡉࡒࡀ. |
| 278 |
ࡃࡀࡌࡉࡀ ࡉࡍࡔࡉࡌࡕࡀ ࡅࡌࡀࡉࡋࡀ ࡁࡀࡐࡂࡓࡀ ࡁࡀࡈࡋࡀ ࡉࡍࡔࡉࡌࡕࡀ ࡌࡉࡀࡐ ࡏࡉࡐࡀࡐ ࡁࡀࡋࡁࡅࡔࡀ ࡖࡆࡉࡅࡀ ࡎࡀࡋࡒࡀ ࡗ ࡉࡍࡔࡉࡌࡕࡀ ࡖࡌࡔࡀࡋࡌࡀ ࡕࡋࡀࡕ ࡏࡔࡀࡕࡀ ࡄࡀࡅࡉࡀ ࡎࡉࡉࡊࡀࡍ ࡖࡀࡑࡅࡓࡏࡉࡋ ࡕࡋࡀࡕ ࡏࡔࡀࡕࡀ ࡔࡀࡁࡉࡒ ࡏࡋࡇ ࡗ ࡌࡎࡀࡓࡄࡉࡁ ࡏࡋࡇ ࡋࡌࡉࡃࡉࡁࡓࡇ ࡄࡅࡓࡉࡕࡍࡉࡀ ࡌࡉࡒࡓࡉࡀ ࡕࡀࡓࡀࡍࡅࡋࡀ ࡄࡃࡀ ࡔࡀࡁࡉࡒ ࡏࡋࡇ ࡌࡍ ࡀࡐࡉࡀࡍ ࡃࡓࡀࡁࡔࡉࡀ ࡔࡀࡁࡉࡒ ࡏࡋࡇ ࡏࡔࡀࡕࡀ ࡕࡋࡉࡕࡀࡉࡕ. |
| 279 |
ࡀ ࡌࡉࡀࡐࡒ ࡌࡍ ࡋࡉࡂࡓࡉࡀ ࡅࡁࡅࡓࡉࡊࡀ ࡔࡀࡄࡋࡀ ࡗ ࡓࡀࡂࡆࡀ ࡏࡔࡀࡕࡀ ࡉࡍࡔࡉࡌࡕࡀ ࡅࡀࡕࡉࡀ ࡋࡄࡀࡋࡀࡑ ࡒࡀࡓࡁࡀ ࡔࡀࡄࡋࡀ ࡌࡍ ࡋࡉࡂࡓࡉࡀ ࡅࡁࡅࡓࡉࡊࡀ ࡅࡀࡕࡉࡀ ࡁࡋࡉࡁࡀ ࡋࡀࡂࡈࡀ ࡔࡀࡄࡋࡀ ࡌࡍ ࡄࡀࡋࡀࡑ ࡀࡊࡁࡔࡀ ࡅࡋࡌࡀࡓࡇ ࡌࡉࡕࡂࡀࡌࡀࡋ ࡄࡀࡉࡆࡀࡊ ࡁࡄࡀࡃࡉࡀ ࡀࡍࡋࡐࡀ ࡀࡍࡎࡁࡀ ࡅࡌࡉࡀࡊࡓࡀࡊࡎ ࡋࡉࡔࡀࡇࡍ ࡀࡉࡇࡍ ࡅࡀࡐࡓࡅࡑࡇࡐ ࡅࡎࡉࡐࡄࡀࡕࡇ ࡂࡀࡍࡀࡑ ࡀࡌࡀࡓࡋࡇ ࡀࡑࡅࡓࡏࡉࡋ ࡏࡋ ࡂࡁࡉࡇࡍ ࡏ. |
| 280 |
ࡕࡉࡁࡋࡇ ࡋࡌࡀࡄࡅ ࡋࡀࡐࡂࡓࡀ ࡀࡍࡈࡓࡀࡕࡋࡇ ࡉࡍࡔࡉࡌࡕࡀ ࡅࡐࡒࡉࡀ ࡀࡌࡓࡀࡋࡇ ࡀࡑࡅࡓࡏࡉࡋ ࡀࡄࡅࡉࡀࡍ ࡋࡁࡅࡔࡀࡉ ࡌࡍ ࡀࡐࡂࡓࡀࡉ ࡌࡀࡒࡐࡀࡕࡋࡉࡀ ࡋࡁࡅࡔࡀࡉ ࡅࡀࡒࡐࡀࡍ ࡅࡀࡕࡉࡀࡍ ࡀࡌࡀࡓࡋࡇ ࡖࡏࡄࡀࡅࡉࡉࡊ ࡋࡁࡅࡔࡉࡊ ࡏࡉࡀࡋࡁࡔࡉࡊ ࡀࡉࡕࡀࡉ ࡏࡅࡁࡀࡃࡉࡊ ࡅࡀࡂࡓࡉࡊ ࡀࡌࡓࡀࡋࡇ ࡖࡌࡀࡈࡉࡀ ࡆࡉࡁࡀࡍࡉ ࡋࡀࡏࡃࡉࡕ ࡀࡑࡅࡓࡏࡉࡋ ࡖࡀࡁࡃࡀࡀࡍ ࡏࡅࡁࡀࡃࡉࡀ ࡔࡀࡉࡐࡓࡉࡀ ࡅࡋࡉࡂࡀࡋ ࡌࡔࡀࡃࡓࡉࡕ ࡏࡋࡀࡉ ࡅࡌ. |
| 281 |
ࡀࡋࡁࡉࡔࡀࡕࡋࡉࡀ ࡖࡌࡀࡕࡉࡀࡕࡋࡉࡀ ࡋࡁࡅࡔࡀࡉ ࡀࡌࡀࡓࡋࡇ ࡅࡋࡉࡀࡊ ࡖࡀࡌࡈࡅࡉࡀ ࡋࡁࡉࡕ ࡒࡅࡁࡓࡉࡀ ࡋࡉࡀࡊ ࡖࡌࡉࡕ ࡀࡒࡀࡌࡉࡊ ࡀࡌࡓࡀࡋࡇ ࡅࡁࡄࡀࡉࡋࡀ ࡖࡀࡌࡈࡅࡉࡀ ࡋࡁࡉࡕ ࡒࡅࡁࡓࡉࡀ ࡁࡄࡀࡉࡋࡀ ࡖࡌࡉࡕ ࡀࡒࡀࡌࡉࡊ ࡌࡊࡀ ࡖࡀࡐࡂࡓࡀ ࡒࡅࡃࡀࡌࡀࡉࡄࡅࡍ ࡔࡃࡉࡀ ࡀࡍࡃ ࡖࡁࡀࡉࡊࡀࡍ ࡅࡀࡍࡃ ࡖࡀࡋࡉࡍ ࡀࡓࡁࡀ ࡀࡆࡋࡉࡍ ࡋࡁࡉࡕ ࡒࡅࡁࡓࡉࡀ ࡗ ࡀࡍࡒࡐࡀ ࡉࡍࡔࡉࡌࡕࡀ ࡌࡍ ࡀࡐࡂࡓࡀ ࡀࡕࡅࡍࡉࡀ ࡅࡀࡍࡃ ࡖࡒࡀࡄ. |
| 282 |
ࡃࡉࡍ ࡀࡋࡌࡀ ࡖࡁࡀࡁࡉࡓࡀ ࡀࡍࡃ ࡖࡁࡀࡉࡊࡀࡍ ࡅࡀࡍࡃ ࡖࡀࡋࡉࡍ ࡏࡔࡍࡉࡀ ࡌࡍ ࡀࡍࡌࡁࡀࡉࡀࡕࡀ ࡄࡍࡀ ࡀࡕࡅࡍࡉࡀ ࡅࡈࡀࡌࡅࡉࡀ ࡋࡀࡐࡂࡓࡀ ࡁࡀࡈࡋࡀ ࡅࡎࡋࡉࡒࡉࡅࡍ ࡂࡅࡁࡓࡉࡀ ࡌࡉࡕࡋࡉࡀ ࡈࡀࡌࡅࡉࡀ ࡋࡁࡉࡓࡀ ࡔࡉࡁࡒࡅࡉࡀ ࡋࡀࡐࡂࡓࡀ ࡅࡋࡒࡀࡁࡓࡀ ࡌࡉࡕࡋࡉࡀ ࡔࡀࡌࡀࡓ ࡅࡏࡉࡍࡔࡉࡅࡉࡀ ࡋࡀࡐࡂࡓࡀ ࡁࡀࡈࡋࡀ ࡅࡀࡕࡅࡍ ࡀࡊࡎࡀ ࡋࡂࡀࡈ ࡅࡀࡀࡊࡋ ࡋࡄࡀࡌࡀ ࡀࡈࡍࡀࡓࡋࡉࡀ ࡄࡀࡀࡊ ࡉࡅࡌࡉࡀ ࡕࡓࡉࡍ ࡄࡀࡔࡕࡀ. |
| 283 |
ࡏࡅ ࡁࡀࡉࡉࡕ ࡀࡑࡅࡓࡏࡉࡋ ࡅࡏࡀࡐࡋࡉࡂ ࡏࡋࡐࡅࡂࡕࡀ ࡁࡉࡉࡍࡀ ࡁࡀࡍࡉ ࡏࡆࡃࡀࡁࡀࡍ ࡅࡊࡋ ࡖࡏࡕࡋࡉࡀ ࡏࡈࡑࡋࡀ ࡖࡎࡀࡋࡉࡒ ࡋࡀࡕࡀࡓ ࡄࡍࡅࡓ ࡅࡏࡃࡓࡀ ࡋࡁࡅࡔࡀࡉ ࡀࡁࡉࡄࡃࡀࡉ ࡀࡌࡀࡓࡋࡇ ࡖࡍࡀࡐࡒ ࡌࡍ ࡓࡊࡀࡎ ࡏࡌࡇ ࡌࡏ ࡏࡀࡊ ࡉࡀࡋࡃࡀ ࡖࡀࡀࡍ ࡏࡔࡉࡁࡒࡀࡊ ࡁࡃࡅࡓ ࡁࡉࡔࡉࡀ ࡅࡏࡕࡀࡊࡌࡀࡓ ࡁࡏࡌࡇ ࡀࡉࡋࡅࡉࡀ ࡀࡀࡍ ࡏࡉࡀࡒࡐࡉࡊ ࡌࡍ ࡄࡀࡀࡊ ࡖࡀࡐࡋࡂࡉࡕ ࡋࡐࡅࡂࡕࡀ ࡁࡉࡉࡍࡀ ࡁࡉࡍࡊ ࡅࡋࡁࡅࡔࡀ ࡖࡄࡔࡅࡀ. |
| 284 |
ࡊ ࡋࡁࡅࡔ ࡅࡋࡀࡓࡄࡀࡌࡕࡉࡀ ࡏࡋ ࡏࡅࡄࡓࡉࡊ ࡋࡀࡕࡀࡓ ࡄࡍࡅࡓ ࡋࡀࡏࡆࡃࡀࡄࡀࡓࡕ ࡁࡂࡅ ࡕࡉࡁࡉࡋࡖ ࡀࡋࡌࡀ ࡖࡁࡀࡈࡋࡀ ࡏࡔࡅࡌࡉࡀ ࡅࡀࡓࡒࡀ ࡕࡉࡕࡀࡍࡈࡀࡓ ࡁࡉࡕ ࡁࡉࡔࡉࡀ ࡅࡌࡔࡀࡁࡉࡍ ࡄࡉࡉࡀ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡕࡐ ࡔࡀࡋࡉࡈࡉࡀ ࡓࡅࡓࡁࡉࡀ ࡖࡏࡅࡓࡀࡔࡋࡀࡌ ࡌࡉࡓࡉࡀࡉ ࡀࡀࡍ ࡕࡐ ࡌࡀࡋࡉࡊࡀ ࡖࡁࡀࡁࡉࡋ ࡅࡓࡀࡁࡉࡅࡍ ࡂࡅࡁࡓࡉࡀ ࡀࡊࡄࡉࡍࡀ ࡉࡀࡃࡋࡅࡍ ࡉࡀ. |
| 285 |
ࡄࡅࡈࡀࡉࡉࡀ ࡅࡀࡎࡒࡅࡍ ࡋࡁࡀࡉࡕࡀ ࡎࡍࡉࡎࡀ ࡋࡁࡉࡕ ࡌࡒࡀࡃࡔࡉࡀ ࡃࡉࡓࡅࡍ ࡁࡔࡉࡅࡐࡋࡅࡍ ࡅࡋࡕࡓࡉࡍ ࡃࡓࡀࡉࡉࡀ ࡎࡉࡁࡋࡀ ࡀࡃࡅࡀࡍࡉ ࡏࡄࡀࡁࡋࡉࡀ ࡋࡏࡃࡀࡉ ࡁࡀࡉࡕࡀ ࡖࡔࡓࡀࡓࡀ ࡋࡉࡕࡁࡇ ࡀࡊࡔࡍࡀࡀࡍ ࡅࡆࡀࡄࡋࡀࡀࡍ ࡅࡋࡉࡕࡁࡇ ࡋࡈࡀࡉࡅࡁࡉࡀ ࡉࡍࡔࡌࡀࡕࡀ ࡖࡌࡎࡀࡒࡍࡀ ࡋࡉࡕࡁࡇ ࡋࡌࡉࡎࡌࡀࡊ ࡀࡉࡍࡉࡀ ࡅࡏࡌ ࡀࡆࡋࡀࡕ ࡋࡁࡉࡕ ࡌࡒࡀࡃࡔࡉࡀ ࡀࡁ ࡀࡆࡀࡋ ࡋࡁࡉࡕ ࡀࡌࡀ ࡅࡏࡌ ࡀࡆࡋࡀࡕ ࡅࡌࡀࡐࡒࡃࡀࡋࡉࡀ ࡀࡁ. |
| 286 |
ࡀࡆࡀࡋ ࡅࡀࡌࡀࡓࡋࡉࡀ ࡅࡔࡃࡀࡉࡁࡅࡍ ࡀࡁࡀࡓࡉࡀ ࡄࡅࡆࡀࡉ ࡌࡉࡓࡉࡀࡉ ࡀࡄࡅࡃ ࡁࡀࡁࡉࡊ ࡂࡀࡅࡀࡉࡉࡀ ࡅࡔࡀࡌࡔࡉࡀ ࡖࡌࡀࡓࡀࡉ ࡕࡉࡉࡐࡋ ࡏࡋࡉࡊ ࡀࡍࡒࡐࡉࡕ ࡋࡔࡅࡒࡉࡀ ࡌࡀࡋࡀࡊ ࡅࡋࡀࡃࡀࡐࡒࡃࡀࡍ ࡀࡁ ࡋࡏࡅࡃࡀࡍࡉ ࡀࡑࡕࡉࡕ ࡀࡀࡍ ࡌࡉࡓࡉࡀࡉ ࡋࡀࡈࡀࡌࡓࡀࡕࡋࡉࡀ ࡏࡌ ࡔࡉࡌࡉࡕ ࡅࡁࡀࡓࡀࡉࡉࡀ ࡔࡉࡁࡒࡉࡕ ࡔࡓࡉࡕ ࡀࡀࡍ ࡁࡀࡁࡉࡀ ࡂࡀࡅࡀࡉࡉࡀ ࡉࡐࡄࡕࡉࡕ ࡅࡔࡀࡌࡔࡉࡀ ࡖࡌࡀࡓࡀࡉ ࡉࡍࡋࡐࡀࡕ ࡏࡋࡀࡉ ࡉࡍࡒࡐࡉࡕ. |
| 287 |
ࡋࡔࡅࡒࡉࡀ ࡌࡀࡋࡀࡊ ࡃࡓࡀࡕࡀࡍ ࡏࡅࡄࡓࡀࡉ ࡋࡁࡉࡕ ࡌࡀࡔࡊࡀࡍ ࡀࡀࡍ ࡁࡉࡕ ࡌࡉࡆࡀࡋ ࡋࡁࡉࡕ ࡀࡌࡀ ࡗ ࡌࡉࡒࡀࡌ ࡒࡀࡉࡌࡉࡀ ࡅࡃࡓࡀࡔࡉࡀ ࡃࡀࡓࡔࡉࡀ ࡏࡆࡋࡉࡕ ࡅࡀࡔࡉࡊࡕࡉࡅࡍࡍ ࡋࡀࡄࡀࡉ ࡅࡋࡀࡄࡅࡀࡕࡀࡉ ࡅࡀࡄࡅࡀࡕࡀࡉ ࡏࡉࡍࡀࡉࡍࡀ ࡓࡀࡌࡉࡀࡍ ࡀࡄࡀࡉ ࡃࡀࡓࡔࡉࡀ ࡃࡓࡀࡔࡉࡀ ࡅࡌࡍ ࡒࡀࡋࡀ ࡖࡏࡉࡍࡀࡅࡍࡍ ࡌࡍ ࡒࡀࡋࡀ ࡖࡃࡓࡀࡔࡀࡉࡅࡍ ࡉࡍࡌࡉࡕ ࡅࡔࡉࡁࡊࡉࡕ ࡋࡃࡅࡕࡊࡀࡉ ࡅࡀࡄࡅࡀࡕࡀࡉ ࡀࡆࡀࡋࡉࡅࡍ ࡅࡋ. |
| 288 |
ࡀࡓࡀࡃࡍࡉࡃࡅࡍ ࡀࡄࡀࡉ ࡀࡆࡀࡋ ࡅࡋࡀࡕࡓࡅࡍ ࡌࡍ ࡔࡉࡕࡍࡀࡉ ࡕࡉࡓࡀࡃࡍࡉࡃࡀࡍ ࡀࡀࡍࡕ ࡀࡄࡀࡕ ࡖࡅࡊࡔࡈࡀ ࡅࡀࡌࡓࡀ ࡒࡅࡌࡋࡉࡊ ࡒࡅࡌࡋࡉࡊ ࡌࡉࡓࡉࡀࡉ ࡅࡌࡄࡀࡓࡉࡐ ࡒࡀࡓࡉࡀ ࡕࡀࡓࡀࡍࡅࡋࡀ ࡌࡀࡒࡀࡌࡉࡀ ࡖࡀࡍࡄࡂࡀ ࡉࡍࡄࡂࡀ ࡅࡆࡉࡅࡇ ࡃࡀࡄࡀࡍ ࡏࡋ ࡀࡋࡌࡉࡀ ࡌࡍ ࡒࡅࡃࡀࡌ ࡖࡆࡀࡓࡅࡒ ࡔࡀࡌࡉࡔ ࡅࡁࡈࡅࡋࡇ ࡖࡄࡅࡓࡁࡀ ࡖࡏࡅࡓࡀࡔࡋࡀࡌ ࡉࡀࡕࡁࡉࡀ ࡌࡍ ࡒࡅࡃࡀࡌ ࡖࡀࡍࡒࡐࡉࡀ ࡀࡊࡄࡉࡍࡀ ࡅࡁࡉࡍࡀ ࡀࡊࡄࡉࡍࡀ. |
| 289 |
ࡅࡔࡀࡃࡉࡁࡉࡊ ࡒࡀࡓࡒࡀࡋࡕࡀ ࡖࡋࡉࡕࡁࡉࡊ ࡌࡍ ࡒࡅࡃࡀࡌ ࡖࡀࡕࡉࡀ ࡀࡁࡅࡊ ࡖࡀࡐࡂࡓࡉࡀ ࡅࡈࡀࡌࡓࡀࡅࡍࡍ ࡋࡏࡉࡍࡀࡉࡍࡀ ࡀࡀࡍ ࡌࡉࡓࡉࡀࡉ ࡈࡀࡌࡓࡀࡉࡍࡍ ࡋࡁࡀࡅࡀࡕࡀࡉ ࡄࡀࡓࡉࡐ ࡒࡓࡀࡋࡇ ࡕࡀࡓࡀࡍࡅࡋࡀ ࡁࡔࡀࡓࡔࡀ ࡄࡀࡓࡉࡐ ࡄࡍࡀࡂࡋࡇ ࡉࡍࡄࡂࡀ ࡅࡆࡉࡅࡇ ࡃࡀࡍ ࡏࡋ ࡀࡋࡌࡉࡀ ࡄࡀࡓࡉࡐ ࡆࡓࡅࡒࡋࡇ ࡔࡀࡌࡉࡔ ࡅࡁࡈࡅࡋࡇ ࡖࡄࡅࡓࡁࡀ ࡖࡏࡅࡓࡀࡔࡋࡀࡌ ࡉࡀࡕࡁࡉࡀ ࡍࡀࡐࡒࡉࡅࡍ ࡀࡊࡄࡉࡍࡀ ࡅࡁࡉࡍࡀ ࡀࡊࡄࡉࡍࡀ ࡅࡔ. |
| 290 |
ࡃࡀࡁࡉࡀ ࡒࡀࡓࡒࡀࡋࡕࡀ ࡖࡋࡉࡕࡁࡉࡀ ࡀࡕࡀࡋࡉࡀ ࡀࡁ ࡖࡀࡐࡂࡓࡉࡀ ࡅࡀࡌࡀࡓ ࡖࡋࡀࡌࡉࡒࡓࡉࡁࡇ ࡄࡀࡋࡔࡉࡀ ࡅࡀࡁࡓࡉࡀ ࡌࡀࡍ ࡀࡕࡉࡕ ࡀࡓࡁࡀ ࡌࡆࡀࡀࡍࡉࡕࡀ ࡖࡋࡀࡌࡀࡒࡓࡉࡁࡇ ࡅࡎࡉࡉࡊࡀ ࡅࡎࡅࡂࡀࡓࡉࡀ ࡌࡀࡍ ࡀࡕࡉࡕ ࡏࡋࡀࡉ ࡂࡅࡓࡉࡕࡀ ࡌࡔࡀࡄࡀࡕࡍࡀ ࡖࡏࡒࡉࡀࡋࡉࡀ ࡏࡋ ࡕࡅࡕࡁࡀࡉ ࡌࡀࡍ ࡀࡕࡉࡕ ࡀࡋࡀࡉ ࡀࡋࡀࡉ ࡏࡅࡌࡀࡑ ࡖࡎࡀࡒࡀ ࡀࡒࡀࡓ ࡏࡒࡅࡓ ࡄࡀࡋࡔࡀࡊ ࡅࡀࡁࡀࡓࡀࡊ ࡏࡅ ࡀࡓࡁࡀ ࡀࡀࡍ ࡌࡆࡀࡀࡍࡉࡕࡀ. |
| 291 |
ࡎࡉࡉࡊࡀ ࡅࡎࡅࡂࡀࡓࡉࡀ ࡎࡐࡅࡒ ࡏࡅ ࡂࡅࡓࡉࡕࡀ ࡀࡀࡍ ࡌࡔࡀࡄࡀࡕࡍࡀ ࡖࡏࡒࡉࡀࡋࡀࡊ ࡋࡕࡅࡕࡁࡀࡊ ࡏࡅ ࡏࡌࡀࡑ ࡖࡎࡀࡒࡀ ࡀࡀࡍ ࡂࡅࡋࡀࡍ ࡅࡅࡐࡎࡒࡀࡍ ࡌࡍ ࡕࡅࡕࡁࡀࡊ ࡀࡌࡀࡓ ࡀࡕࡅ ࡄࡅࡆࡉࡅ ࡋࡌࡉࡓࡉࡀࡉ ࡅࡀࡆࡋࡀࡕ ࡌࡀࡓࡇ ࡓࡉࡄࡌࡀࡕ ࡖࡔࡀࡌࡓࡀࡕ ࡉࡀࡄࡅࡃࡅࡕࡀ ࡀࡕࡅ ࡄࡅࡆࡉࡅ ࡋࡌࡉࡓࡉࡀࡉ ࡅࡀࡆࡋࡀࡕ ࡌࡀࡓࡇ ࡓࡉࡄࡌࡀࡕ ࡖࡔࡉࡁࡒࡀࡕ ࡉࡑࡁࡀ ࡅࡉࡑࡁࡅࡕࡀ ࡅࡀࡆࡋࡀࡕ ࡌࡀࡓࡇ ࡓࡉࡄࡌࡀࡕ ࡅࡀࡊࡎࡀࡐ ࡔࡀࡌ. |
| 292 |
ࡓࡀࡕ ࡃࡀࡄࡁࡀ ࡅࡀࡆࡋࡀࡕ ࡓࡉࡄࡌࡀࡕ ࡂࡀࡁࡓࡀ ࡖࡁࡅࡓࡆࡉࡒࡍࡀ ࡔࡀࡌࡓࡀࡕ ࡋࡈࡅࡈࡉࡕࡐࡀ ࡀࡌࡓࡀࡋࡇ ࡌࡉࡓࡉࡀࡉ ࡄࡀࡎࡋࡀࡉ ࡖࡏࡎࡉࡉࡍࡉࡇ ࡏࡓࡉࡄࡌࡇ ࡋࡁࡀࡓ ࡄࡀࡎࡋࡀࡉ ࡖࡎࡉࡍࡕ ࡅࡏࡓࡄࡅࡌ ࡌࡀࡃࡍࡀ ࡖࡄࡉࡉࡀ ࡖࡎࡉࡌࡀࡀࡊ ࡄࡀࡅࡉࡋࡉࡀ ࡁࡀࡋࡌࡀ ࡄࡀࡎࡋࡀࡉ ࡖࡏࡎࡉࡉࡍࡉࡇ ࡋࡌࡀࡓࡀࡉ ࡅࡀࡄࡉࡃ ࡏࡃࡀ ࡁࡀࡕࡀࡓ ࡄࡍࡅࡓ ࡎࡉࡌࡀࡀࡊ ࡁࡀࡋࡌࡀ ࡄࡀࡅࡉࡋࡉࡀ ࡅࡂࡉࡈࡌࡀ ࡋࡅࡐࡌࡀࡉࡄࡅࡍ ࡖࡅࡊࡋࡄࡅࡍ ࡀࡊࡄࡉࡍࡀ. |
| 293 |
ࡀࡒࡀࡓࡐࡀ ࡋࡅࡐࡌ ࡉࡀࡄࡅࡈࡀࡉࡉࡀ ࡋࡓࡀࡁ ࡔࡀࡋࡉࡈࡉࡀ ࡓࡅࡓࡁࡉࡀ ࡖࡏࡅࡓࡀࡔࡋࡀࡌ ࡎࡀࡓࡒࡉࡀࡍ ࡖࡀࡕࡅࡕࡉࡀ ࡓࡊࡀࡉࡉࡀ ࡖࡓࡀࡔࡊࡉࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡖࡒࡀࡉࡉࡌ ࡋࡅࡐࡌ ࡓࡐࡀࡔ ࡌࡉࡓࡉࡀࡉ ࡀࡀࡍ ࡂࡅࡐࡀࡍ ࡏࡋࡀࡀࡍ ࡌࡀࡓࡂࡉࡍࡀ ࡅࡈࡅࡇࡍ ࡖࡏࡋࡀࡀࡍ ࡔࡀࡄࡇࡐ ࡖࡏࡋࡀࡀࡍ. |
| 294 |
ࡄࡀࡋࡉࡀ ࡅࡀࡋࡅࡀࡕࡇ ࡄࡍࡅࡓࡀ ࡉࡀࡒࡓࡀ ࡀࡅࡇࡐ ࡖࡂࡅࡐࡀࡍ ࡆࡉࡅࡀ ࡅࡀࡆࡉࡋ ࡁࡅࡊࡋࡄࡅࡍ ࡀࡋࡌࡉࡀ ࡓࡉࡄࡇ ࡃࡓࡀ ࡁࡏࡋࡀࡉࡍࡀ ࡎࡉࡓࡀ ࡁࡏࡋࡀࡀࡍ ࡏࡕࡉࡁ ࡀࡓࡄࡅࡉࡀ ࡉࡑࡓࡐࡉࡀ ࡖࡀࡉࡀࡓ ࡅࡁࡀࡉࡉࡍ ࡖࡉࡍࡒࡉࡅࡍࡍ ࡒࡉࡀࡍࡉࡄࡅࡍ ࡎࡉࡓࡀ ࡏࡕࡉࡁ ࡁࡏࡋࡀࡀࡍ ࡄࡀࡉࡎࡉࡀ ࡁࡂࡀࡅࡇ ࡅࡋࡀࡀࡊࡉࡉࡍࡀ ࡅࡌࡍ ࡂࡀࡅࡇ ࡔࡀࡕࡉࡍ ࡄࡀࡌࡓࡀ ࡌࡍ ࡀࡅࡇࡐ ࡀࡋࡊࡉࡍ ࡆࡉࡓࡒࡀ ࡅࡔࡀࡕࡉࡍ ࡖࡋࡀࡄࡅࡀ ࡄࡀࡌࡓࡀ ࡀࡋࡊࡉࡀ. |
| 295 |
ࡖࡋࡀࡄࡅࡀ ࡎࡀࡉࡈࡀ ࡆࡉࡒࡉࡀ ࡅࡕࡀࡁࡀࡁࡉࡀ ࡀࡒࡀࡓ ࡖࡉࡀࡕࡁࡉࡀ ࡉࡑࡓࡐࡉࡀ ࡁࡂࡅࡐࡀࡍ ࡄࡁࡀࡈࡉࡅࡍ ࡁࡏࡋࡀࡀࡍ ࡄࡉࡁࡈࡀ ࡓࡀࡃࡍࡉࡃࡉࡅࡍࡍ ࡋࡉࡑࡓࡐࡉࡀ ࡈࡀࡁࡉࡀ ࡅࡀࡓࡐࡅࡅࡍࡍ ࡋࡉࡑࡓࡐࡉࡀ ࡌࡍ ࡃࡅࡕࡊࡀࡉࡅࡍ ࡀࡕࡍࡉࡓࡅࡅࡍࡍ ࡋࡔࡀࡄࡉࡐࡀ ࡖࡂࡅࡐࡀࡍ ࡅࡀࡔࡀࡓ ࡁࡈࡅࡓࡐࡀ ࡅࡂࡀࡍࡀࡐ ࡅࡋࡂࡀࡈ ࡏࡀࡊ ࡉࡑࡓࡐࡀ ࡖࡋࡀࡓࡐࡀ ࡀࡋࡌࡀ ࡖࡆࡉࡒࡉࡀ ࡅࡕࡀࡁࡀࡁࡉࡀ ࡄࡋࡉࡉࡐࡅࡍ ࡔࡀࡌࡔࡀ ࡄࡅࡍࡅࡀࡆࡀࡋ ࡖ ࡀࡀࡊ. |
| 296 |
ࡖࡋࡀࡋࡂࡀࡈ ࡅࡋࡀࡔࡀࡓ ࡅࡋࡀ ࡀࡔࡀࡓ ࡅࡌࡍ ࡏࡋࡀࡀࡍ ࡀࡈࡓࡀ ࡅࡓࡐࡀ ࡅࡀࡉࡋࡉࡅࡍࡍ ࡖࡋࡀࡋࡂࡀࡈ ࡅࡔࡀࡉࡐࡓࡉࡀ ࡉࡑࡓࡐࡉࡀ ࡖࡏࡕࡁࡇ ࡌࡊࡀ ࡔࡀࡉࡐࡓ ࡏࡋࡀࡀࡍ ࡄࡉࡉࡀ ࡅࡀࡕࡀࡕ ࡉࡍࡄࡅࡕࡀ ࡋࡀࡋࡌࡀ ࡄࡋࡀࡉࡐࡅࡍ ࡆࡉࡒࡉࡀ ࡅࡕࡀࡁࡀࡁࡉࡀ ࡅࡁࡀࡉࡉࡍ ࡖࡒࡉࡀࡍࡉࡅࡍ ࡉࡍࡒࡅࡍࡍ ࡖࡉࡀࡕࡁࡉࡀ ࡉࡑࡓࡐࡉࡀ ࡅࡌࡓࡀࡈࡉࡍࡀ ࡄࡃࡀࡓ ࡅࡌࡉࡈࡀࡎࡀࡎ ࡉࡍࡔࡓࡀ ࡖࡉࡀࡕࡁࡉࡀ ࡉࡑࡓࡐࡉࡀ ࡏࡋ ࡂࡅࡐࡀࡍ ࡄࡃࡀࡓ ࡅࡍࡀࡐࡁࡑ. |
| 297 |
ࡅࡍ ࡁࡂࡀࡍࡇࡐ ࡀࡕࡀ ࡄࡉࡅࡀࡓࡀ ࡅࡀࡃࡉࡒ ࡄࡆࡉࡅࡍࡍ ࡋࡉࡑࡓࡐࡉࡀ ࡉࡑࡓࡐࡉࡀ ࡌࡀࡋࡉࡋ ࡌࡉࡇࡍ ࡅࡀࡌࡓࡉࡋࡇ ࡅࡀࡕࡀ ࡁࡏࡋࡀࡀࡍ ࡏࡕࡉࡁ ࡁࡄࡀࡉࡀࡊ ࡉࡍࡔࡓࡀ ࡌࡊࡀ ࡖࡎࡀࡀࡊ ࡋࡉࡕࡋࡅࡍ ࡁࡄࡀࡆࡉࡍ ࡏࡋࡀࡀࡍ ࡄࡅࡀࡉࡉࡍࡍ ࡉࡑࡓࡐࡉࡀ ࡅࡀࡕࡅࡍ ࡏࡋࡀࡀࡍ ࡕࡀࡁࡀࡁࡉࡀ ࡌࡀࡓࡃࡉࡀ ࡀࡒࡀࡓ ࡏࡋࡀࡅࡀࡉࡄࡅࡍ ࡆࡉࡒࡉࡀ ࡀࡋࡌࡀ ࡖࡂࡀࡍࡀࡐࡉࡄࡅࡍ ࡔࡌࡀࡈ ࡓࡀࡃࡍࡉࡃࡉࡅࡍࡍ ࡌࡍ ࡏࡋࡀࡀࡍ ࡆࡉࡒࡉࡀ ࡅࡕࡁࡉࡁࡉࡀ ࡋࡀࡒ. |
| 298 |
ࡓࡅࡉࡀ ࡏࡀࡊ ࡖࡀࡔࡀࡓ ࡅࡋࡂࡀࡈ ࡏࡀࡊ ࡖࡀࡈࡓࡀ ࡅࡓࡐࡀ ࡏࡋ ࡉࡑࡓࡐࡉࡀ ࡀࡉࡍࡍ ࡖࡉࡍࡔࡀࡉࡋࡀࡊ ࡀࡉࡍࡍ ࡉࡍࡌࡀࡓࡋࡀࡊ ࡉࡍࡔࡓࡀ ࡖࡄࡀࡆࡉࡕ ࡁࡕࡉࡁࡉࡋ ࡁࡅࡊࡋ ࡁࡑࡅ ࡀࡌࡉࡈࡍࡅࡋ ࡖࡀࡀࡍࡕ ࡎࡀࡉࡀࡓࡀ ࡌࡀࡄࡅ ࡖࡁࡀࡃࡅࡁࡅࡍ ࡆࡉࡒࡉࡀ ࡅࡕࡀࡁࡉࡁࡉࡀ ࡄࡀࡀࡍࡕࡅࡍ ࡉࡑࡓࡐࡉࡀ ࡀࡄࡀࡍ ࡌࡀࡄࡅ ࡃࡀࡓࡉࡕ ࡏࡋࡀࡅࡀࡉࡄࡅࡍ ࡀࡌࡀࡓࡋࡅࡍ ࡖࡌࡍ ࡄࡀࡀࡍࡕࡅࡍ ࡉࡑࡓࡐࡉࡀ ࡄࡅࡀ ࡋࡀࡁࡀࡉࡉࡕࡅࡍ ࡋࡌࡉࡄࡆࡉࡀ. |
| 299 |
ࡀࡄࡀࡉ ࡅࡕࡀࡁࡓࡅࡅࡍࡍ ࡋࡂࡀࡍࡉࡐࡀ ࡖࡏࡕࡋࡅࡍ ࡀࡈࡓࡅࡅࡍࡍ ࡌࡉࡀࡍࡉ ࡂࡉࡋࡌࡅࡄࡓࡉࡀ ࡅࡀࡆࡀࡋ ࡎࡌࡀࡊ ࡏࡋ ࡀࡊࡋࡉࡀ ࡅࡏࡔࡕࡀࡌࡀࡈ ࡅࡏࡔࡕࡀࡁࡀࡓ ࡅࡎࡕࡀࡓࡉࡅࡍ ࡌࡍ ࡁࡉࡎࡓࡀࡉࡅࡍ ࡄࡃࡀࡓࡋࡅࡍ ࡃࡉࡕࡀ ࡅࡁࡀࡔࡉࡒ ࡅࡀࡀࡊࡋࡉࡅࡍ ࡌࡉࡀࡍࡉࡅࡍ ࡖࡌࡔࡀࡌࡉࡍࡀ ࡄࡉࡋࡀ ࡌࡀࡍࡕࡀ ࡋࡏࡃࡉࡀ ࡅࡀࡉࡋࡉࡅࡍࡍ ࡖࡄࡅࡍ ࡌࡀࡍࡕ ࡌࡉࡀ ࡖࡀࡔࡀࡓࡕࡅࡍ ࡁࡄࡀࡆࡉࡍ ࡂࡅࡐࡀࡍ ࡈࡅࡁࡀࡉࡅࡊࡍ ࡃࡉࡋࡅࡊࡍ ࡉࡑࡓࡐࡉࡀ ࡂࡅࡐࡀ. |
| 300 |
ࡍ ࡖࡒࡀࡉࡉࡌ ࡋࡅࡐࡌ ࡓࡐࡀࡔ ࡀࡑࡅࡕࡀ ࡄࡅࡉࡕࡅࡋࡇ ࡋࡌࡉࡓࡉࡀࡉ ࡖࡀࡀࡍ ࡋࡅࡀࡕࡀࡉࡅࡊࡍ ࡀࡕࡉࡕ ࡄࡆࡅࡍ ࡅࡁࡀࡔࡒࡀࡓ ࡉࡑࡓࡐࡉࡀ ࡖࡄࡀࡅࡉࡋࡉࡀ ࡁࡕࡉࡁࡉࡋ ࡎࡉࡌࡀࡀࡊ ࡀࡀࡍ ࡀࡕࡉࡕ ࡋࡅࡀࡕ ࡀࡄࡀࡉ ࡅࡌࡀࡔࡒࡅࡉࡀ ࡌࡉࡀ ࡋࡔࡉࡕࡋࡉࡀ ࡈࡀࡁࡉࡀ ࡀࡕࡉࡕ ࡋࡌࡉࡎࡉࡀ ࡋࡌࡉࡓࡉࡀࡉ ࡖࡒࡀࡉࡌࡉࡀ ࡋࡅࡐࡌ ࡓࡐࡀࡔ ࡅࡉࡀࡒࡉࡓࡉࡀ ࡂࡅࡐࡀࡍ ࡅࡌࡀࡔࡒࡉࡍ ࡌࡉࡀ ࡋࡔࡉࡕࡋࡀࡉ ࡁࡃࡀࡅࡋࡀ ࡄࡉࡅࡀࡓࡀ ࡃࡀࡋࡉࡍ ࡖࡆࡉࡅࡀ. |
| 301 |
ࡖࡏࡕࡋࡉࡀ ࡎࡀࡁࡉࡋࡀࡍ ࡅࡃࡀࡓࡀࡀࡍ ࡏࡋ ࡃࡓࡀࡉࡉࡀ ࡈࡅࡁࡇ ࡖࡌࡍ ࡌࡉࡀࡉ ࡔࡕࡀ ࡎࡀࡁࡉࡋࡀࡍ ࡅࡃࡀࡓࡀࡀࡍ ࡅࡌࡀࡔࡒࡉࡀࡍ ࡅࡀࡍࡔࡐࡀ ࡋࡄࡀࡃ ࡕࡓࡉࡍ ࡔࡀࡕࡉࡀ ࡅࡌࡉࡕࡀࡎࡉࡀ ࡀࡔࡀ ࡅࡌࡉࡕࡒࡀࡉࡀࡌ ࡉࡐࡓࡉࡀ ࡈࡀࡁࡉࡀ ࡀࡍࡀࡐࡒ ࡂࡅࡐࡉࡍࡀ ࡖࡔࡕࡅࡍ ࡌࡉࡀ ࡏࡕࡂࡀࡃࡀࡋ ࡀࡅࡀࡐࡉࡅࡍ ࡅࡓࡅࡀࡆ ࡀࡍࡀࡐࡒ ࡌࡓࡀࡓࡉࡀ ࡅࡏࡋࡒࡉࡀ ࡂࡅࡐࡉࡍࡀ ࡖࡋࡀࡔࡕࡅࡍ ࡌࡉࡀ ࡅࡀࡉࡋࡉࡅࡍࡍ ࡖࡋࡀࡄࡋࡉࡐ ࡋࡅࡊࡃࡀࡊ ࡅࡀࡉࡋࡉࡅ. |
| 302 |
ࡍࡍ ࡖࡋࡀࡎࡂࡅࡍ ࡁࡏࡅࡄࡓࡀ ࡋࡌࡉࡓࡉࡀࡉ ࡅࡊࡔࡈࡀ ࡉࡀࡒࡓࡀ ࡎࡉࡉࡍࡅࡉࡀ ࡋࡎࡉࡌࡀࡕ ࡄࡉࡉࡀ ࡄࡅࡋࡇ ࡋࡌࡉࡓࡉࡀࡉ ࡀࡑࡅࡕࡀ ࡀࡄࡀࡉ ࡋࡂࡀࡈ ࡅࡀࡔࡀࡓ ࡌࡉࡒࡓࡉࡀ ࡒࡀࡋࡀ ࡖࡄࡉࡉࡀ ࡌࡉࡎࡀࡓ ࡖࡀࡀࡍ ࡁࡀࡉࡉࡀࡍ ࡁࡀࡋࡌࡀ ࡅࡌࡓࡀࡃࡍࡉࡃ ࡅࡌࡀࡒࡅࡌࡉࡀ ࡔࡀࡁࡊࡉࡀ ࡄࡃࡀࡓ ࡅࡌࡀࡓࡐࡉࡔ ࡓࡀࡄࡌࡇ ࡉࡍࡔࡓࡀ ࡈࡀࡎ ࡌࡍ ࡏࡋࡀࡀࡍ ࡀࡌࡀࡓࡋࡅࡍ ࡅࡔࡀࡓ ࡅࡎࡅࡁࡋࡅࡉࡀ ࡋࡓࡉࡃࡀࡐ ࡔࡅࡌࡀࡉࡅࡍ ࡒࡀࡋࡀࡉ ࡀࡄࡀࡉ ࡀ. |
| 303 |
ࡑࡅࡕࡀ ࡄࡅࡋࡇ ࡋࡌࡉࡓࡉࡀࡉ ࡄࡅࡋࡇ ࡋࡌࡉࡓࡉࡀࡉ ࡀࡑࡅࡕࡀ ࡋࡌࡉࡓࡉࡀࡉ ࡄࡅࡋࡇ ࡓࡉࡃࡀࡐ ࡅࡀࡉࡋࡉࡅࡍࡍ ࡋࡉࡀࡄࡅࡈࡀࡉࡉࡀ ࡏࡈࡑࡅࡀࡍ ࡖࡎࡌࡉࡊ ࡋࡁࡉࡕ ࡌࡒࡀࡃࡔࡉࡀ ࡅࡀࡉࡋࡇ ࡋࡉࡋࡉࡆࡀࡓ ࡁࡀࡉࡕࡀ ࡓࡁࡀ ࡖࡎࡄࡉࡃ ࡀࡊࡃࡁࡀ ࡋࡌࡉࡓࡉࡀࡉ ࡅࡀࡉࡋࡇ ࡋࡆࡀࡕࡀࡍ ࡏࡈࡑࡅࡀࡍ ࡌࡉࡒࡓࡉࡀ ࡓࡅࡓࡁࡉࡀ ࡅࡃࡉࡓࡃࡒࡉࡀ ࡏࡕࡀࡊࡀࡍࡐ ࡉࡀࡄࡅࡈࡀࡉࡉࡀ ࡅࡊࡋࡄࡅࡍ ࡅࡀࡕࡅࡍ ࡋࡌࡉࡓࡉࡀࡉ ࡀࡌࡓࡉࡀ ࡅࡓࡉࡄࡌࡀࡕ ࡂࡀࡁࡓࡀ ࡖ. |
| 304 |
ࡏࡒࡓࡀࡕ ࡌࡍ ࡀࡊࡄࡉࡍࡀ ࡋࡂࡀࡈࡉࡅࡍ ࡉࡀࡃ ࡄࡃࡀࡃࡉࡀ ࡅࡉࡀࡃ ࡄࡃࡀࡃࡉࡀ ࡋࡂࡀࡈ ࡅࡀࡆࡀࡋ ࡏࡕࡉࡁ ࡋࡅࡐࡌ ࡓࡐࡀࡔ ࡅࡀࡍࡔࡉࡈࡇ ࡋࡌࡉࡓࡉࡀࡉ ࡁࡏࡅࡓࡀࡔࡋࡀࡌ ࡁࡀࡉࡉࡍ ࡖࡉࡍࡂࡀࡈࡋࡉࡅࡍࡍ ࡖࡀࡄࡓࡉࡁࡇ ࡋࡌࡉࡓࡉࡀࡉ ࡅࡀࡒࡐࡇ ࡆࡀࡒࡀࡐ ࡉࡍࡁࡉࡃࡋࡇ ࡋࡂࡀࡁࡓࡀ ࡖࡅࡍࡓࡊࡀࡉࡉࡀ ࡀࡉࡋࡇ ࡋࡏࡅࡓࡀࡔࡋࡀࡌ ࡋࡀࡉࡍࡄࡅࡉࡀ ࡉࡅࡌࡀ ࡁࡕࡉࡁࡉࡋ ࡅࡔࡀࡁࡉࡋࡅࡍ ࡋࡉࡀࡅࡉࡍࡀ ࡖࡏࡅࡓࡀࡔࡋࡀࡌ ࡌࡎࡀࡃࡒࡉࡋࡅࡍ ࡋ. |
| 305 |
ࡁࡊࡀࡉࡑࡀࡕࡅࡍ ࡅࡀࡁࡀࡕࡀࡓ ࡌࡉࡓࡉࡀࡉ ࡀࡆࡋࡉࡀ ࡏࡕࡀࡊࡀࡍࡐ ࡉࡀࡄࡅࡈࡀࡉࡉࡀ ࡅࡊࡋࡄࡅࡍ ࡅࡊࡓࡎࡉࡀ ࡕࡓࡉࡋࡑࡇ ࡋࡅࡐࡌ ࡓࡐࡀࡔ ࡀࡆࡀࡋ ࡅࡀࡔࡅࡊ ࡋࡌࡉࡓࡉࡀࡉ ࡅࡎࡉࡃࡓࡀ ࡁࡀࡊࡍࡇࡐ ࡕࡓࡉࡋࡑࡇ ࡅࡃࡓࡀࡁࡔࡀ ࡄࡉࡅࡀࡓࡀ ࡂࡍࡉࡃࡋࡇ ࡅࡌࡓࡀࡃࡍࡉࡃࡀࡋࡅࡍ ࡏࡋ ࡅࡊࡋࡄࡅࡍ ࡀࡋࡌࡉࡀ ࡒࡀࡓࡉࡀ ࡁࡎࡉࡃࡓࡉࡀ ࡅࡊࡔࡈࡀ ࡄࡉࡌࡉࡀࡀࡍ ࡁࡄࡀࡋࡇࡑ ࡏࡎࡉࡓࡋࡇ ࡌࡀࡓࡂࡀࡍ ࡖࡌࡉࡀ ࡁࡏࡃࡇ ࡋࡂࡉࡈࡀ ࡅࡃࡀࡓࡔࡀ ࡁࡒࡀࡋࡀ. |
| 306 |
ࡔࡀࡉࡍࡀ ࡎࡀࡂࡃࡀ ࡅࡌࡉࡃࡉࡀࡍ ࡌࡉࡓࡉࡀࡉ ࡅࡉࡑࡀࡐࡓ ࡂࡀࡃࡀࡐ ࡌࡍ ࡅࡐࡌ ࡓࡐࡀࡔ ࡅࡍࡉࡍࡀ ࡊࡀࡍࡐ ࡌࡍ ࡉࡀࡌࡀ ࡅࡔࡉࡕࡍࡀ ࡋࡀࡓࡀࡄࡌࡉࡀ ࡖࡉࡍࡔࡉࡁࡊࡅࡍ ࡀࡕࡉࡍ ࡋࡒࡀࡋࡇ ࡖࡌࡉࡓࡉࡀࡉ ࡋࡄࡀࡆࡉࡍ ࡀࡋࡌࡀ ࡅࡌࡀࡔࡍࡉࡋࡇ ࡌࡀࡓࡄࡉࡋࡇ ࡋࡓࡉࡄࡀ ࡖࡋࡒࡅࡃࡀࡌࡇ ࡌࡍ ࡒࡅࡃࡀࡌࡇ ࡒࡀࡌ ࡗ ࡄࡀࡆࡉࡍ ࡄࡆࡅࡍ ࡉࡀࡄࡅࡈࡀࡉࡉࡀ ࡅࡔࡒࡀࡐ ࡋࡕࡀࡓࡁࡀࡉࡑࡀ ࡄࡀࡃࡉࡀࡉࡅࡍ ࡅࡁࡅࡊࡍ ࡁࡄࡉࡕ ࡌࡋࡅࡍ ࡁࡂࡅࡓࡌࡀࡉࡆࡀࡉ. |
| 307 |
ࡅࡍ ࡅࡃࡉࡌࡀ ࡁࡏࡅࡌࡁࡇ ࡀࡍࡕࡓࡀࡍ ࡌࡀࡋࡀࡋࡀࡕ ࡏࡌࡇ ࡖࡌࡉࡓࡉࡀࡉ ࡅࡀࡌࡓࡀࡋࡇ ࡄࡅࡆࡉࡉࡍ ࡖࡏࡌࡉࡊ ࡀࡀࡍ ࡄࡅࡆࡉࡉࡍ ࡁࡓࡀࡕࡀࡉ ࡌࡉࡓࡉࡀࡉ ࡅࡁࡓࡀࡕࡀࡉࡄࡅࡍ ࡖࡅࡊࡋࡄࡅࡍ ࡀࡊࡄࡉࡍࡀ ࡀࡀࡍࡕ ࡁࡓࡀࡕࡀࡉ ࡃࡉࡋࡉࡀ ࡖࡁࡉࡕ ࡌࡒࡀࡃࡔࡉࡀ ࡓࡉࡔࡀ ࡓࡉࡔ ࡁࡀࡉࡕࡀ ࡓࡁࡀ ࡖࡏࡅࡓࡀࡉࡕࡀ ࡁࡀࡊࡍࡉࡐࡊ ࡄࡅࡀࡕ ࡋࡀࡅ ࡌࡉࡃࡀࡊࡓ ࡃࡉࡊࡓࡉࡕ ࡌࡉࡓࡉࡀࡉ ࡅࡄࡀࡆࡉࡕ ࡁࡂࡀࡅࡇ ࡌࡀࡄࡅ ࡖࡃࡊࡉࡁ ࡀࡐࡄࡕࡀࡕࡁࡇ ࡅࡒࡀ. |
| 308 |
ࡓࡉࡀࡕࡁࡇ ࡅࡂࡀࡅࡀࡉࡉࡀ ࡁࡎࡀࡈࡐࡉࡀ ࡌࡀࡕࡉࡍࡕ ࡒࡋࡉࡃࡉࡀ ࡁࡀࡓࡀࡉࡉࡀ ࡄࡅࡍ ࡁࡏࡃࡉࡊ ࡀࡕࡉࡍ ࡅࡏࡃࡉࡊ ࡀࡍࡔࡒࡉࡍ ࡅࡊࡋࡄࡅࡍ ࡀࡊࡄࡉࡍࡀ ࡅࡁࡉࡍࡀ ࡀࡊࡄࡉࡍࡀ ࡅࡃࡋࡀ ࡁࡀࡉࡀࡕࡋࡇ ࡌࡉࡕࡀࡊࡌࡀࡓ ࡅࡀࡆࡉࡋ ࡋࡃࡅࡕࡊࡇ ࡖࡁࡀࡉࡉࡕ ࡕࡐࡀࡋࡇ ࡁࡀࡁࡀ ࡉࡀࡕࡁࡉࡀ ࡅࡕࡓࡉࡍ ࡀࡋࡉࡐࡀ ࡌࡉࡕࡀࡁ ࡀࡋࡀࡐ ࡌࡉࡒࡀࡌ ࡒࡀࡉࡌࡉࡀ ࡅࡌࡉࡉࡍࡋࡕࡉࡊ ࡔࡀࡌࡉࡀ ࡁࡏࡅࡓࡀࡔࡋࡀࡌ ࡌࡉࡃࡉࡍࡋࡉࡊ ࡗ ࡀࡁࡃࡀ ࡎࡐࡉࡒࡀ ࡅࡋࡉ. |
| 309 |
ࡁࡉࡊ ࡕࡀࡍࡓࡊࡉࡀ ࡌࡍ ࡀࡊࡄࡉࡍࡀ ࡀࡋࡌࡀ ࡖࡏࡔࡍࡉࡕ ࡀࡄࡉࡊ ࡅࡏࡔࡍࡉࡀ ࡅࡂࡅࡁࡓࡉࡀ ࡁࡏࡅࡓࡀࡔࡋࡀࡌ ࡄࡅࡆࡀࡉ ࡄࡉࡃࡅࡕࡀࡕࡀ ࡁࡀࡉࡊࡀࡍ ࡁࡉࡀࡄࡅࡃ ࡅࡏࡁࡋࡉࡀ ࡅࡌࡀࡋࡀࡉ ࡋࡀࡂࡈࡀࡍ ࡏࡋࡉࡊ ࡀࡐࡋࡈࡅࡉࡀ ࡋࡃࡀࡄࡁࡀࡉࡅࡍ ࡓࡄࡉࡌࡀ ࡀࡌࡓࡀࡍ ࡀࡋࡌࡀ ࡖࡌࡉࡓࡉࡀࡉ ࡀࡕࡉࡀ ࡋࡀࡀࡐࡉࡎࡉࡉࡍࡍ ࡌࡀࡋࡀࡉࡀࡍ ࡅࡒࡀࡆࡉࡆࡀ ࡓࡂࡉࡂࡉࡀ ࡁࡀࡑࡈࡐࡉࡀ ࡓࡌࡉࡍ ࡄࡀࡔࡋࡉࡉࡍࡍ ࡃࡀࡄࡁࡀ ࡌࡉࡃࡊࡅࡓ ࡅࡌࡎࡀࡉࡊࡀࡍ ࡖࡄࡀࡆ. |
| 310 |
ࡉࡋࡉࡊ ࡁࡏࡅࡓࡀࡔࡋࡀࡌ ࡒࡀࡉࡌࡀࡍ ࡏࡋ ࡏࡂࡍࡀࡓࡉࡀ ࡗ ࡀࡕࡉࡕ ࡋࡅࡀࡕࡀࡉ ࡅࡀࡆࡋࡉࡉࡍࡍ ࡀࡍࡃࡓࡉࡀ ࡀࡍࡃࡓࡀࡍ ࡏࡋࡉࡊ ࡃࡉࡋࡉࡊ ࡌࡃࡉࡕࡍࡀ ࡖࡏࡅࡓࡀࡔࡋࡀࡌ ࡁࡓࡀࡕࡀࡉ ࡒࡅࡌ ࡄࡃࡀࡓ ࡖࡌࡍ ࡉࡅࡌࡀ ࡖࡍࡀࡐࡒࡕ ࡏࡃࡀࡅࡊࡍ ࡀࡕࡀࡉ ࡕࡋࡀࡉ ࡔࡓࡀࡂࡉࡀ ࡖࡔࡉࡁࡉࡉࡊ ࡅࡀࡒࡐࡉࡊ ࡋࡀࡁࡀࡉࡀࡕࡋࡇ ࡋࡄࡀࡆࡉࡍ ࡂࡀࡁࡓࡀ ࡔࡀࡌࡀࡓ ࡅࡔࡅࡁࡒࡇ ࡁࡀࡋࡌࡀ ࡂࡀࡁࡓࡀ ࡖࡋࡀࡅ ࡌࡍ ࡌࡀࡕࡉࡊ ࡅࡀࡉࡐࡒࡕࡇ ࡋࡌࡉࡓࡉࡀ. |
| 311 |
ࡉ ࡌࡍ ࡃࡅࡕࡊࡇ ࡖࡋࡀࡉࡍࡌࡀࡓ ࡖࡏࡆࡋࡉࡕ ࡉࡑࡋࡀࡐ ࡅࡀࡕࡀࡍࡉ ࡋࡏࡅࡓࡀࡉࡕࡀ ࡀࡕࡀࡉ ࡀࡋࡀࡐࡉࡅࡍࡍ ࡋࡃࡉࡓࡃࡒࡉࡀ ࡄࡀࡋࡀ ࡄࡅࡉࡋࡇ ࡀࡊࡎࡉࡀ ࡌࡍ ࡓࡀࡀࡐ ࡅࡌࡍ ࡉࡅࡌࡀ ࡖࡀࡀࡍࡕ ࡃࡀࡋࡉࡕࡉࡀ ࡅࡀࡔࡌࡀࡉࡀࡍࡍ ࡒࡀࡋࡉࡊ ࡗ ࡖࡄࡅࡀ ࡀࡍࡐࡉࡑࡀ ࡅࡀࡕࡀࡍࡉ ࡁࡀࡊࡍࡉࡐࡊ ࡂࡀࡄࡀࡊ ࡅࡄࡀࡃࡉࡀ ࡌࡍ ࡏࡅࡓࡑࡇ ࡗ ࡄࡀࡆࡀ ࡔࡉࡌࡀࡕ ࡌࡉࡓࡉࡀࡉ ࡌࡍ ࡏࡌࡇ ࡅࡀࡌࡓࡀࡋࡇ ࡀࡊࡎࡉࡀ ࡁࡄࡉࡕࡉࡀ ࡁࡀࡈࡋࡉࡀ ࡋࡀࡄࡅࡍ ࡉ. |
| 312 |
ࡀࡄࡅࡈࡀࡉࡉࡀ ࡖࡒࡀࡉࡌࡉࡀ ࡋࡀࡆࡂࡀ ࡎࡀࡂࡃࡉࡀ ࡋࡀࡄࡅࡍ ࡉࡀࡄࡅࡈࡀࡉࡉࡀ ࡄࡉࡅࡍࡍ ࡁࡄࡔࡅࡀࡊ ࡌࡉࡕࡒࡀࡁࡓࡉࡀ ࡀࡌࡓࡀࡋࡅࡍ ࡋࡀࡄࡅࡍ ࡌࡉࡇࡍ ࡌࡍ ࡀࡋࡌࡀ ࡏࡆࡉࡋ ࡏࡆࡉࡋ ࡎࡀࡋࡊࡉࡀ ࡀࡍࡐࡉࡑࡀ ࡅࡋࡀࡉࡍࡄࡅࡉࡀ ࡖࡂࡀࡁࡓࡀ ࡓࡉࡄࡌࡉࡕ ࡋࡀࡅ ࡀࡕࡅࡀࡕ ࡀࡀࡍ ࡖࡉࡍࡒࡐࡉࡕ ࡋࡆࡅࡁࡉࡀ ࡅࡌࡉࡄࡆࡉࡍࡅࡊࡍ ࡋࡒࡅࡌࡁࡀ ࡖࡏࡅࡋࡀ ࡋࡀࡉࡍࡒࡐࡉࡕ ࡋࡌࡉࡄࡃࡅࡓࡉࡀ ࡋࡅࡀࡕࡀࡉࡅࡊࡍ ࡖࡆࡉࡀࡐ ࡅࡔࡉࡒࡓࡀ ࡎࡄࡉࡃࡕࡅࡍ ࡏ. |
| 313 |
ࡋࡀࡉ ࡏࡆࡉࡋ ࡌࡍ ࡒࡅࡃࡀࡌࡀࡉ ࡏࡆࡉࡋ ࡅࡔࡀࡅࡉࡕࡅࡍ ࡗ ࡃࡉࡋࡅࡊࡍ ࡎࡄࡉࡃࡕࡅࡍ ࡏࡋࡀࡉ ࡂࡀࡅࡓࡀ ࡅࡂࡅࡁࡍࡀ ࡌࡍ ࡏࡎࡅࡓࡀࡉ ࡅࡋࡉࡂࡓࡀࡉ ࡄࡀࡀࡊ ࡔࡕࡀࡋ ࡁࡓࡉࡊ ࡂࡀࡁࡓࡀ ࡖࡔࡉࡓࡉࡀࡍ ࡅࡋࡀࡂࡅࡁࡍࡀ ࡂࡉࡁࡍࡉࡕ ࡁࡀࡋࡌࡀ ࡋࡀࡂࡀࡅࡓࡀ ࡂࡀࡓࡉࡕ ࡌࡉࡇࡍ ࡁࡅࡕࡀ ࡅࡕࡅࡔࡁࡉࡄࡕࡀ ࡀࡕࡀࡋࡉࡀ ࡎࡀࡄࡃࡅࡕࡀ ࡖࡎࡄࡉࡃࡕࡅࡍ ࡏࡋࡀࡉ ࡌࡉࡇࡍ ࡖࡌࡉࡓࡉࡀࡉ ࡋࡅࡐࡌ ࡓࡐࡀࡔ ࡏࡋ ࡖࡒࡀࡉࡌࡉࡀ ࡅࡌࡀࡌࡋࡉࡋࡉࡀ ࡀࡊࡄ. |
| 314 |
ࡉࡍࡀ ࡖࡂࡀࡍࡇࡐ ࡌࡋࡀࡉࡉࡀ ࡖࡀࡋࡌࡀ ࡀࡕࡀ ࡉࡍࡔࡓࡀ ࡃࡀࡉࡊࡀ ࡅࡍࡀࡐࡁࡑࡅࡍ ࡁࡂࡀࡍࡇࡐ ࡓࡂࡀࡋࡉࡅࡍࡍ ࡈࡀࡎ ࡏࡋࡀࡅࡀࡉࡄࡅࡍ ࡖࡉࡀࡄࡅࡈࡀࡉࡉࡀ ࡌࡉࡇࡍ ࡖࡒࡉࡉࡐࡀ ࡎࡀࡓࡉࡉࡀ ࡅࡀࡔࡋࡐࡉࡅࡍࡍ ࡋࡃࡀࡍࡁ ࡌࡉࡀ ࡁࡂࡀࡅࡀࡉࡄࡅࡍ ࡖࡌࡉࡀ ࡕࡀࡄࡌࡉࡀ ࡀࡔࡉࡐࡋࡉࡅࡍࡍ ࡌࡍ ࡀࡋࡊࡉࡀ ࡋࡃࡀࡍࡁ ࡌࡉࡀ ࡀࡋࡊࡉࡀ ࡅࡀࡔࡉࡐࡋࡉࡅࡍࡍ ࡋࡎࡉࡐࡀࡍࡕࡅࡍ ࡅࡅࡍࡓࡀ ࡀࡕࡋࡉࡀ ࡁࡏࡅࡓࡀࡔࡋࡀࡌ ࡀࡐࡎࡇ ࡋࡁࡉࡕ ࡌࡒࡀࡃࡔࡉࡀ ࡅࡂ. |
| 315 |
ࡀࡈࡋࡉࡅࡍࡍ ࡋࡕࡀࡓࡌࡉࡃࡀࡉ ࡁࡏࡅࡓࡀࡔࡋࡀࡌ ࡎࡀࡐ ࡏࡋࡀࡅࡀࡉࡄࡅࡍ ࡎࡉࡄࡅࡕࡐࡀ ࡅࡔࡀࡓࡔࡉࡋࡇ ࡋࡂࡀࡍࡇࡐ ࡄࡍࡉࡕ ࡀࡕࡀ ࡋࡅࡀࡕࡇ ࡅࡃࡀࡓࡉࡔࡋࡇ ࡅࡅࡊࡔࡈࡀ ࡓࡄࡉࡌࡀ ࡌࡉࡇࡍ ࡅࡏࡕࡉࡁࡋࡇ ࡅࡏࡔࡕࡀࡉࡉࡋࡇ ࡅࡌࡉࡄࡕࡇ ࡅࡀࡕࡇࡍ ࡋࡅࡊࡓࡎࡉࡀ ࡔࡐࡀࡈ ࡄࡉࡁࡒࡇ ࡁࡄࡁࡀࡒ ࡄࡀࡉࡋࡀ ࡀࡌࡀࡓࡋࡇ ࡋࡒࡅࡃࡀࡌ ࡄࡉࡉࡀ ࡀࡃࡀࡊࡓ ࡏࡋࡀࡉ ࡌࡉࡓࡉࡀࡉ ࡄࡅࡆࡉࡉࡍ ࡋࡈࡀࡁ ࡂࡀࡁࡓࡀ ࡖࡔࡀࡌࡀࡋࡇ ࡋࡌࡉࡌࡓࡉࡊ ࡀࡔࡂࡀࡃࡍࡉ. |
| 316 |
ࡊ ࡀࡀࡍ ࡈࡀࡁࡀ ࡅࡊࡔࡈࡀ ࡖࡁࡉࡄࡓࡅࡉࡀ ࡉࡀࡓࡃࡉࡍࡀ ࡁࡀࡉࡉࡀࡍ ࡌࡉࡉࡍࡊ ࡅࡊࡔࡈࡀ ࡓࡀࡌࡀ ࡀࡌࡓࡀࡋࡇ ࡔࡉࡄࡋࡅࡉࡀ ࡏࡋࡀࡅࡀࡉࡀࡍ ࡉࡀ ࡏࡅࡕࡓࡀ ࡈࡀࡁࡀ ࡏࡅࡕࡓࡀ ࡖࡄࡉࡉࡀ ࡌࡁࡀࡔࡒࡀࡓ ࡁࡀࡕࡀࡓ ࡄࡍࡅࡓ ࡆࡉࡅࡀࡊ ࡅࡄࡍࡅࡓࡀࡊ ࡃࡀࡍ ࡅࡏࡒࡀࡓࡀࡊ ࡁࡀࡕࡓࡀ ࡃࡀࡉࡊࡀ ࡉࡍࡕࡀࡊࡓࡀࡊ ࡅࡊࡋ ࡌࡀࡍ ࡖࡒࡀࡋࡀࡊ ࡔࡀࡌࡀ ࡅࡉࡍࡃࡀࡍ ࡃࡓࡀࡁࡔࡀࡊ ࡋࡄࡀࡃ ࡕࡓࡉࡍ ࡉࡍࡕࡀࡊࡓࡀࡊ ࡁࡎࡉࡌࡀࡕ ࡄࡉࡉࡀ ࡏࡓࡅࡕ. |
| 317 |
ࡀ ࡅࡔࡉࡕࡍࡀ ࡕࡉࡊࡀࡐࡓ ࡏࡋࡇ ࡅࡊࡋ ࡌࡀࡍ ࡖࡒࡀࡋࡀࡊ ࡋࡀࡔࡀࡌࡀ ࡅࡅࡊࡋࡄࡅࡍ ࡀࡊࡄࡉࡍࡀ ࡁࡉࡍࡀ ࡀࡌࡕࡀ ࡉࡍࡄࡅࡉࡋࡅࡍ ࡋࡉࡀࡄࡅࡈࡀࡉࡉࡀ ࡀࡁࡃࡉࡀ ࡋࡀࡕࡀࡓ ࡄࡍࡅࡓ ࡅࡉࡍࡎࡀࡒ ࡁࡆࡀࡅࡊࡕࡀ ࡀࡀࡍ ࡅࡃࡉࡋࡀࡊ ࡉࡍࡕࡂࡀࡃࡀࡋ ࡅࡄࡉࡉࡀ ࡆࡀࡉࡊࡍ ࡅࡌࡔࡀࡁࡉࡍ ࡄࡉࡉࡀ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡖࡌࡍ ࡀࡑࡉࡃࡉࡀ ࡁࡄࡉࡓ ࡀࡑࡉࡃࡀ ࡀࡀࡍ ࡀࡑࡉࡃࡀ ࡅࡓࡉࡔࡀ ࡖࡅ. |
| 318 |
ࡊࡋࡄࡅࡍ ࡀࡊࡋࡉࡀ ࡀࡑࡉࡃࡀ ࡀࡀࡍ ࡖࡁࡄࡉࡓ ࡌࡍ ࡀࡑࡉࡃࡉࡀ ࡋࡂࡉࡉࡑࡀ ࡂࡀࡅࡀࡉࡉࡀ ࡅࡕࡀࡋࡉࡋࡉࡀ ࡋࡄࡀࡅࡓࡉࡀ ࡉࡀࡃࡀࡅࡍࡍ ࡅࡏࡋ ࡏࡉࡊࡋࡉࡀࡕࡀ ࡅࡊࡋࡄࡅࡍ ࡀࡉࡉࡋࡀࡍ ࡌࡁࡀࡔࡒࡀࡓࡅࡍࡍ ࡋࡀࡍࡔࡉࡁࡉࡀ ࡅࡋࡄࡀࡅࡓࡉࡀ ࡅࡎࡉࡐࡕࡍࡀࡉ ࡋࡀࡂࡀࡆࡉࡀ ࡅࡋࡀࡌࡉࡎࡕࡀࡀࡊࡓࡀࡍ ࡅࡎࡀࡉࡀࡓࡀࡍ ࡀࡂࡌࡀ ࡁࡄࡀࡁࡀࡓࡀ ࡀࡀࡍ ࡒࡀࡃࡌࡉࡕ ࡏࡅࡄࡓࡀ ࡁࡋࡉࡋࡉࡀ ࡄࡀࡆࡉࡀࡍࡋࡇ ࡋࡅࡍࡀࡍ ࡁࡓࡀࡎࡊࡀ ࡁࡎࡀࡄࡓࡀࡀࡍ ࡖࡋࡀࡄࡅࡀ. |
| 319 |
ࡌࡍ ࡀࡐࡓࡆࡋࡀ ࡖࡏࡋ ࡃࡉࡋࡀࡍ ࡄࡀࡌࡁࡀࡂࡀ ࡄࡅࡀ ࡀࡀࡍ ࡒࡓࡀࡌࡕࡇ ࡋࡎࡒࡅࡀࡐࡀࡍ ࡖࡏࡅࡄࡓࡀ ࡖࡄࡉࡉࡀ ࡎࡀࡓࡊࡉࡀ ࡔࡀࡉࡍࡕࡉࡅࡍࡍ ࡋࡒࡀࡀࡐࡉࡉࡀ ࡀࡀࡍ ࡖࡅࡍࡉࡍࡀ ࡁࡈࡅࡋࡇ ࡉࡀࡕࡁࡉࡀ ࡕࡓࡉࡋࡑࡉࡀ ࡒࡅࡓࡀࡄࡀ ࡁࡓࡉࡔࡀࡉ ࡁࡄࡉࡓࡀ ࡌࡍ ࡃࡅࡕࡊࡇ ࡀࡐࡋࡕࡀ ࡖࡏࡀࡊ ࡁࡏࡃࡀࡉ ࡌࡀࡓࡂࡀࡍ ࡖࡄࡀࡆࡉࡋࡇ ࡀࡑࡉࡃࡉࡀ ࡅࡌࡉࡔࡕࡀࡓࡄࡉࡆࡉࡀ ࡂࡀࡅࡀࡆࡀ ࡖࡌࡉࡀ ࡃࡀࡉࡊࡀ ࡅࡀࡕࡉࡀࡍ ࡁࡕࡉࡁࡉࡋ ࡖࡀࡅࡃࡉࡀ ࡉࡀࡕࡉࡁ. |
| 320 |
ࡀࡍ ࡁࡀࡓࡁࡀ ࡖࡆࡉࡅࡀ ࡌࡀࡎࡂࡉࡀࡍ ࡁࡓࡉࡔࡀ ࡖࡌࡉࡀ ࡀࡕࡉࡀࡍ ࡁࡓࡉࡔ ࡌࡉࡀ ࡀࡕࡉࡀࡍ ࡁࡔࡀࡁࡀࡉࡕࡀ ࡁࡎࡉࡂࡉࡀ ࡉࡍࡄࡀ ࡅࡌࡒࡀࡉࡌࡀ ࡅࡌࡀࡎࡂࡉࡀࡍ ࡁࡓࡉࡔࡀ ࡖࡏࡃࡉࡀ ࡅࡒࡀࡋࡀ ࡖࡀࡓࡁࡀࡉ ࡋࡀࡌࡉࡔࡕࡌࡀ ࡋࡀࡀࡍࡉࡃࡉࡀ ࡌࡉࡀ ࡁࡀࡓࡁࡀࡉ ࡏࡋ ࡀࡂࡀࡌࡁࡀࡉ ࡄࡆࡀࡉࡉࡀ ࡔࡉࡕࡉࡋ ࡀࡒࡀࡌࡀࡉ ࡒࡀࡉࡉࡌ ࡄࡉࡁࡉࡋ ࡀࡋࡉࡄࡃࡀࡉ ࡀࡍࡀࡐࡉ ࡉࡀࡕࡉࡁ ࡅࡃࡀࡓࡉࡔ ࡀࡅࡍࡔ ࡁࡀࡎࡉࡌ ࡔࡅࡌࡇ ࡀࡋࡉࡄࡃࡀࡉ ࡀࡌࡓࡉࡀ ࡉࡀ. |
| 321 |
ࡀࡋࡋࡀ ࡀࡑࡉࡃࡀ ࡖࡁࡀࡎࡉࡌ ࡔࡅࡌࡇ ࡉࡀ ࡀࡁ ࡀࡑࡉࡃࡀ ࡈࡀࡁࡀ ࡖࡀࡑࡉࡃࡉࡀ ࡔࡀࡌࡀࡀࡍ ࡄࡉࡂࡌࡀ ࡀࡋࡉࡄࡃࡀࡉ ࡀࡋࡉࡄࡃࡉࡀ ࡀࡓࡁࡀࡍ ࡅࡓࡉࡄࡀ ࡖࡎࡓࡅࡕࡅࡍ ࡀࡕࡉࡀ ࡏࡋࡀࡉ ࡀࡑࡉࡃࡉࡀ ࡀࡋࡊࡉࡀ ࡅࡍࡉࡍࡀ ࡖࡌࡂࡀࡉࡍࡍ ࡄࡃࡀࡃࡉࡀ ࡅࡋࡀࡉࡈࡉࡀ ࡒࡀࡋ ࡀࡑࡉࡃࡉࡀ ࡅࡒࡀࡋ ࡕࡀࡂࡍࡀࡓࡅࡍ ࡀࡌࡓࡀࡋࡇ ࡔࡉࡄࡋࡅࡉࡀ ࡏࡋࡀࡅࡀࡉࡀࡍ ࡉࡀ ࡏࡅࡕࡓࡀ ࡈࡀࡁࡀ ࡏࡅࡕࡓࡀ ࡖࡄࡉࡉࡀ ࡌࡁࡀࡔࡒࡀࡓ ࡁࡀࡕࡀࡓ ࡄࡍࡅࡓ. |
| 322 |
ࡆࡉࡅࡀࡊ ࡅࡄࡍࡅࡓࡀࡊ ࡃࡀࡍ ࡅࡏࡒࡀࡓࡀࡊ ࡁࡀࡕࡓࡀ ࡃࡀࡉࡊࡀ ࡉࡍࡕࡀࡊࡓࡀࡊ ࡅࡊࡋ ࡌࡀࡍ ࡖࡒࡀࡋࡀࡊ ࡔࡀࡌࡀ ࡅࡉࡍࡃࡀࡍ ࡃࡓࡀࡁࡔࡀࡊ ࡋࡄࡀࡃ ࡕࡓࡉࡍ ࡉࡍࡕࡀࡊࡓࡀࡊ ࡁࡎࡉࡌࡀࡕ ࡄࡉࡉࡀ ࡏࡓࡅࡕࡀ ࡅࡔࡉࡕࡍࡀ ࡕࡉࡊࡀࡐࡓ ࡏࡋࡇ ࡅࡊࡋ ࡌࡀࡍ ࡖࡒࡀࡋࡀࡊ ࡋࡀࡔࡀࡌࡀ ࡅࡅࡊࡋࡄࡅࡍ ࡀࡊࡄࡉࡍࡀ ࡁࡉࡍࡀ ࡀࡌࡕࡀ ࡉࡍࡄࡅࡉࡋࡅࡍ ࡋࡉࡀࡄࡅࡈࡀࡉࡉࡀ ࡀࡁࡃࡉࡀ ࡋࡀࡕࡀࡓ ࡄࡍࡅࡓ ࡅࡉࡍࡎࡀࡒ ࡁࡆࡀࡅࡊࡕࡀ ࡀࡀࡍ ࡅࡃࡉࡋࡀࡊ ࡉ. |
| 323 |
ࡍࡕࡂࡀࡃࡀࡋ ࡅࡄࡉࡉࡀ ࡆࡀࡉࡊࡍ ࡅࡌࡔࡀࡁࡉࡍ ࡄࡉࡉࡀ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡖࡌࡍ ࡀࡑࡉࡃࡉࡀ ࡁࡄࡉࡓ ࡀࡑࡉࡃࡀ ࡀࡀࡍ ࡀࡑࡉࡃࡀ ࡅࡓࡉࡔࡀ ࡖࡅࡊࡋࡄࡅࡍ ࡀࡊࡋࡉࡀ ࡀࡑࡉࡃࡀ ࡀࡀࡍ ࡖࡁࡄࡉࡓ ࡌࡍ ࡀࡑࡉࡃࡉࡀ ࡋࡂࡉࡉࡑࡀ ࡂࡀࡅࡀࡉࡉࡀ ࡅࡕࡀࡋࡉࡋࡉࡀ ࡋࡄࡀࡅࡓࡉࡀ ࡉࡀࡃࡀࡅࡍࡍ ࡅࡏࡋ ࡏࡉࡊࡋࡉࡀࡕࡀ ࡅࡊࡋࡄࡅࡍ ࡀࡉࡉࡋࡀࡍ ࡌࡁࡀࡔࡒࡀࡓࡅࡍࡍ ࡋࡀࡍࡔࡉࡁࡉࡀ ࡅࡋࡄࡀࡅࡓࡉ. |
| 324 |
ࡀ ࡅࡎࡉࡐࡕࡍࡀࡉ ࡋࡀࡂࡀࡆࡉࡀ ࡅࡋࡀࡌࡉࡎࡕࡀࡀࡊࡓࡀࡍ ࡅࡎࡀࡉࡀࡓࡀࡍ ࡀࡂࡌࡀ ࡁࡄࡀࡁࡀࡓࡀ ࡀࡀࡍ ࡒࡀࡃࡌࡉࡕ ࡏࡅࡄࡓࡀ ࡁࡋࡉࡋࡉࡀ ࡄࡀࡆࡉࡀࡍࡋࡇ ࡋࡅࡍࡀࡍ ࡁࡓࡀࡎࡊࡀ ࡁࡎࡀࡄࡓࡀࡀࡍ ࡖࡋࡀࡄࡅࡀ ࡌࡍ ࡀࡐࡓࡆࡋࡀ ࡖࡏࡋ ࡃࡉࡋࡀࡍ ࡄࡀࡌࡁࡀࡂࡀ ࡄࡅࡀ ࡀࡀࡍ ࡒࡓࡀࡌࡕࡇ ࡋࡎࡒࡅࡀࡐࡀࡍ ࡖࡏࡅࡄࡓࡀ ࡖࡄࡉࡉࡀ ࡎࡀࡓࡊࡉࡀ ࡔࡀࡉࡍࡕࡉࡅࡍࡍ ࡋࡒࡀࡀࡐࡉࡉࡀ ࡀࡀࡍ ࡖࡅࡍࡉࡍࡀ ࡁࡈࡅࡋࡇ ࡉࡀࡕࡁࡉࡀ ࡕࡓࡉࡋࡑࡉࡀ ࡒࡅࡓࡀࡄࡀ ࡁ. |
| 325 |
ࡓࡉࡔࡀࡉ ࡁࡄࡉࡓࡀ ࡌࡍ ࡃࡅࡕࡊࡇ ࡀࡐࡋࡕࡀ ࡖࡏࡀࡊ ࡁࡏࡃࡀࡉ ࡌࡀࡓࡂࡀࡍ ࡖࡄࡀࡆࡉࡋࡇ ࡀࡑࡉࡃࡉࡀ ࡅࡌࡉࡔࡕࡀࡓࡄࡉࡆࡉࡀ ࡂࡀࡅࡀࡆࡀ ࡖࡌࡉࡀ ࡃࡀࡉࡊࡀ ࡅࡀࡕࡉࡀࡍ ࡁࡕࡉࡁࡉࡋ ࡖࡀࡅࡃࡉࡀ ࡉࡀࡕࡉࡁࡀࡍ ࡁࡀࡓࡁࡀ ࡖࡆࡉࡅࡀ ࡌࡀࡎࡂࡉࡀࡍ ࡁࡓࡉࡔࡀ ࡖࡌࡉࡀ ࡀࡕࡉࡀࡍ ࡁࡓࡉࡔ ࡌࡉࡀ ࡀࡕࡉࡀࡍ ࡁࡔࡀࡁࡀࡉࡕࡀ ࡁࡎࡉࡂࡉࡀ ࡉࡍࡄࡀ ࡅࡌࡒࡀࡉࡌࡀ ࡅࡌࡀࡎࡂࡉࡀࡍ ࡁࡓࡉࡔࡀ ࡖࡏࡃࡉࡀ ࡅࡒࡀࡋࡀ ࡖࡀࡓࡁࡀࡉ ࡋࡀࡌࡉࡔࡕࡌࡀ ࡋࡀࡀࡍ. |
| 326 |
ࡉࡃࡉࡀ ࡌࡉࡀ ࡁࡀࡓࡁࡀࡉ ࡏࡋ ࡀࡂࡀࡌࡁࡀࡉ ࡄࡆࡀࡉࡉࡀ ࡔࡉࡕࡉࡋ ࡀࡒࡀࡌࡀࡉ ࡒࡀࡉࡉࡌ ࡄࡉࡁࡉࡋ ࡀࡋࡉࡄࡃࡀࡉ ࡀࡍࡀࡐࡉ ࡉࡀࡕࡉࡁ ࡅࡃࡀࡓࡉࡔ ࡀࡅࡍࡔ ࡁࡀࡎࡉࡌ ࡔࡅࡌࡇ ࡀࡋࡉࡄࡃࡀࡉ ࡀࡌࡓࡉࡀ ࡉࡀ ࡀࡋࡋࡀ ࡀࡑࡉࡃࡀ ࡖࡁࡀࡎࡉࡌ ࡔࡅࡌࡇ ࡉࡀ ࡀࡁ ࡀࡑࡉࡃࡀ ࡈࡀࡁࡀ ࡖࡀࡑࡉࡃࡉࡀ ࡔࡀࡌࡀࡀࡍ ࡄࡉࡂࡌࡀ ࡀࡋࡉࡄࡃࡀࡉ ࡀࡋࡉࡄࡃࡉࡀ ࡀࡓࡁࡀࡍ ࡅࡓࡉࡄࡀ ࡖࡎࡓࡅࡕࡅࡍ ࡀࡕࡉࡀ ࡏࡋࡀࡉ ࡀࡑࡉࡃࡉࡀ ࡀࡋࡊࡉࡀ ࡅࡍࡉࡍࡀ ࡖࡌࡂ. |
| 327 |
ࡀࡉࡍࡍ ࡄࡃࡀࡃࡉࡀ ࡅࡋࡀࡉࡈࡉࡀ ࡒࡀࡋ ࡀࡑࡉࡃࡉࡀ ࡅࡒࡀࡋ ࡕࡀࡂࡍࡀࡓࡅࡍ ࡅࡀࡌࡀࡓࡋࡇ ࡋࡀࡑࡉࡃࡀ ࡒࡀࡁࡉࡋ ࡌࡍ ࡄࡀࡁࡓࡇ ࡅࡋࡀࡉࡉࡕ ࡖࡌࡉࡀࡍࡉ ࡆࡀࡁࡉࡍࡍ ࡆࡀࡁࡇࡍ ࡋࡅࡍࡀࡍࡊ ࡎࡀࡓࡉࡉࡀ ࡄࡅࡍ ࡖࡄࡅࡎࡓࡀࡀࡍ ࡌࡉࡈࡉࡇ ࡋࡆࡀࡁࡇࡍ ࡀࡋࡂࡉࡈࡕࡇ ࡁࡉࡀࡌࡀ ࡓࡁࡀ ࡅࡌࡀࡔࡌࡀࡋࡇ ࡋࡂࡀࡁࡓࡀ ࡆࡀࡁࡇࡍ ࡀࡑࡉࡃࡀ ࡀࡌࡀࡓ ࡅࡌࡀࡔࡌࡀ ࡅࡋࡉࡈࡀ ࡀࡓࡁࡀࡊ ࡖࡋࡀࡌࡀࡋࡉࡀ ࡋࡉࡈࡉࡕ ࡅࡋࡉࡈࡉࡀ ࡆࡀࡂࡍࡀࡊ ࡅࡋࡀࡔ. |
| 328 |
ࡃࡉࡕ ࡁࡅࡍࡀࡍࡊ ࡖࡆࡀࡁࡉࡍࡕ ࡀࡀࡍࡕ ࡋࡀࡉࡕࡉࡕ ࡌࡉࡄࡋࡀ ࡅࡌࡆࡀࡁࡉࡍࡕ ࡁࡉࡃࡌࡉࡀ ࡀࡊࡃࡓࡉࡀ ࡖࡋࡀࡎࡀࡓࡉࡀ ࡅࡍࡉࡍࡀ ࡖࡀࡓࡃࡁࡀࡊ ࡅࡋࡀࡉࡕࡉࡕ ࡌࡉࡄࡋࡀ ࡀࡑࡕࡓࡉࡀ ࡕࡅࡌ ࡒࡀࡄࡌࡀ ࡅࡕࡅࡌࡓࡉࡀ ࡋࡀࡉࡕࡉࡕ ࡋࡀࡋࡅࡀࡋࡀࡊ ࡔࡀࡉࡐࡓ ࡈࡀࡁࡕࡀ ࡏࡃࡀࡊ ࡗ ࡀࡕࡉࡕ ࡁࡉࡎࡓࡀࡒ ࡖࡋࡀࡆࡀࡁࡉࡍࡕ ࡌࡉࡀࡍࡉࡀࡍ ࡏࡆࡉࡋ ࡏࡆࡉࡋ ࡏࡅࡋࡀࡀࡍ ࡖࡋࡀࡆࡅࡀࡀࡍࡊ ࡖࡏࡅࡋࡀ ࡋࡂࡉࡈࡀࡕࡋࡇ ࡅࡌࡉࡕࡀࡂࡍࡓࡉࡕ ࡁࡌࡅࡆࡀࡉࡍࡀ. |
| 329 |
ࡊ ࡋࡑࡉࡀࡐ ࡅࡋࡀࡎࡓࡀ ࡁࡄࡀࡌࡔࡀ ࡀࡍࡎࡁࡀࡕࡋࡇ ࡅࡎࡀࡌࡀࡊࡕࡋࡇ ࡁࡉࡀࡉࡑࡋࡀࡊ ࡅࡆࡀࡁࡅࡀࡍࡊ ࡅࡄࡀࡅࡉࡀ ࡗ ࡖࡋࡀࡄࡅࡀ ࡄࡀࡀࡊ ࡀࡐࡄࡓࡀ ࡆࡉࡁࡀࡍࡊ ࡅࡀࡂࡀࡉࡉࡀ ࡖࡔࡀࡉࡐࡓ ࡋࡀࡃࡀࡓࡊࡉࡕ ࡒࡀࡁࡋࡉࡕ ࡁࡌࡀࡕ ࡀࡀࡍࡔࡉࡀ ࡓࡉࡔࡀ ࡖࡔࡅࡓࡁࡕࡀ ࡄࡀࡉࡕࡀ ࡗ ࡄࡀࡆࡉࡍ ࡔࡅࡌࡀ ࡓࡀࡁ ࡀࡑࡉࡃࡉࡀ ࡀࡌࡀࡓࡋࡇ ࡋࡅࡊࡕࡋࡀࡉ ࡓࡉࡔࡀࡉࡀ ࡖࡅࡊࡋࡄࡅࡍ ࡀࡊࡋࡉࡀ ࡖࡏࡒࡓࡉࡀ ࡁࡀࡂࡌࡀ ࡒࡀࡋࡀ ࡖࡀࡉࡕࡉࡀ ࡀࡄࡁࡀࡋࡉࡀ ࡎ. |
| 330 |
ࡒࡅࡁࡓࡀ ࡏࡉࡀࡓࡐࡀ ࡋࡉࡑࡀࡐࡓ ࡀࡑࡕࡍࡀ ࡅࡏࡉࡀࡕࡓࡇ ࡋࡅࡍࡉࡍࡀ ࡖࡏࡅࡌࡒࡉࡀ ࡖࡋࡅࡍࡉࡍࡀ ࡄࡀࡅࡉࡋࡅࡍ ࡓࡉࡃࡀࡐ ࡅࡏࡕࡉࡁࡓࡇ ࡋࡂࡀࡍࡇࡐ ࡋࡃࡅࡕࡊࡇ ࡏࡋࡉࡂࡈࡇ ࡋࡎࡉࡓࡌࡀ ࡓࡁࡀ ࡅࡍࡀࡐࡁࡇ ࡁࡂࡀࡅࡇ ࡖࡏࡎࡒࡅࡁࡓࡀࡉ ࡏࡉࡍࡎࡁࡇ ࡌࡉࡇࡍ ࡖࡌࡉࡀ ࡁࡒࡉࡓࡀ ࡋࡀࡓࡁࡉࡀ ࡎࡒࡅࡁࡓࡀ ࡄࡅ ࡕࡀࡒࡀࡍ ࡋࡉࡁࡀࡉࡅࡍ ࡍࡀࡐࡋ ࡌࡍ ࡎࡀࡌࡇࡊ ࡀࡑࡉࡃࡉࡀ ࡖࡔࡉࡌࡅࡉࡀ ࡋࡒࡀࡋࡀ ࡅࡀࡌࡀࡓࡋࡇ ࡋࡂࡀࡅࡀࡉࡀࡊ ࡀࡆࡉࡋ ࡄࡀ. |
| 331 |
ࡃ ࡋࡄࡀࡁࡓࡇ ࡌࡒࡀࡓࡉࡋࡇ ࡀࡑࡉࡃࡀ ࡖࡅࡍࡉࡍࡀ ࡋࡀࡋࡊࡉࡀ ࡀࡌࡉࡈࡍࡅࡋ ࡖࡒࡀࡋࡀ ࡖࡀࡑࡉࡃࡀ ࡅࡋࡀࡎࡒࡅࡁࡓࡇ ࡋࡎࡒࡅࡁࡓࡀࡍ ࡋࡀࡒࡀࡋࡇ ࡃࡀࡌࡉࡀ ࡋࡀࡑࡉࡃࡀ ࡅࡋࡀࡔࡅࡕࡇ ࡃࡀࡌࡉࡀ ࡋࡄࡀࡆࡉࡍ ࡀࡋࡌࡀ ࡅࡋࡀࡒࡀࡋࡇ ࡃࡀࡌࡉࡀ ࡋࡒࡀࡋࡀࡍ ࡋࡀࡎࡕࡀࡌࡀࡓ ࡖࡒࡀࡉࡌࡉࡀ ࡀࡑࡉࡃࡉࡀ ࡅࡌࡉࡕࡄࡀࡔࡁࡉࡀ ࡀࡀࡊࡃࡍࡉࡕ ࡒࡀࡉࡌࡉࡀ ࡀࡑࡉࡃࡉࡀ ࡁࡂࡀࡅࡀࡉࡉࡀ ࡃࡉࡋࡅࡍ ࡅࡀࡐࡋࡂࡇ ࡋࡎࡋࡉࡕࡀ ࡅࡓࡐࡀࡎࡋࡅࡍ ࡂࡀࡉࡃࡉࡅࡍࡍ ࡋ. |
| 332 |
ࡉࡂࡀࡋ ࡀࡑࡉࡃࡀ ࡐࡀࡊࡓࡉࡅࡍࡍ ࡁࡂࡉࡈࡓࡉࡀ ࡅࡀࡊࡓࡉࡊࡋ ࡔࡃࡉࡅࡍࡍ ࡁࡏࡅࡓࡉࡀ ࡀࡌࡓࡉࡋࡇ ࡖࡅࡍࡀࡍࡊ ࡋࡀࡓࡁࡀࡍ ࡋࡀࡎࡀࡋࡒࡉࡀ ࡔࡃࡉࡀࡍࡍ ࡌࡍ ࡓࡂࡀࡋࡀࡍ ࡃࡉࡋࡀࡊ ࡃࡀࡓࡊࡉࡀ ࡖࡏࡋ ࡔࡅࡌࡀࡊ ࡋࡀࡀࡑࡉࡃࡉࡉࡍࡍ ࡌࡂࡀࡔࡕࡉࡅࡍࡍ ࡁࡒࡅࡋࡀࡐ ࡖࡀࡐࡓࡆࡋࡀ ࡗ ࡄࡀࡉࡆࡉࡍ ࡀࡌࡀࡓࡋࡉࡀ ࡀࡑࡉࡃࡉࡀ ࡂࡉࡓࡀࡐ ࡖࡋࡀࡓࡀࡔࡉࡀ ࡖࡀࡄࡁࡉࡋࡇ ࡓࡂࡀࡋࡕࡇ ࡋࡕࡀࡂࡍࡀࡓࡅࡍ ࡀࡊࡓࡐࡅࡍ ࡅࡎࡉࡐࡀࡍࡕࡅࡍ ࡕࡉࡁࡓࡉࡕ ࡋࡌࡉࡀ. |
| 333 |
ࡀࡐࡀࡊࡓࡕࡉࡅࡍࡍ ࡁࡀࡈࡅࡉࡍࡀ ࡅࡋࡂࡅࡕࡐࡀ ࡖࡋࡉࡄࡉࡀ ࡂࡀࡈࡓࡀ ࡒࡋࡀࡉࡕࡇ ࡋࡉࡋࡉࡄࡅࡍ ࡅࡊࡋࡇ ࡅࡕࡋࡀࡉࡕࡅࡍ ࡀࡁࡀࡕࡀࡓ ࡅࡊࡕࡋࡀࡉ ࡔࡃࡉࡁࡅࡍ ࡌࡀࡎࡅࡐࡈࡉࡀࡕࡀ ࡖࡅࡍࡉࡍࡀ ࡈࡀࡁࡉࡀ ࡋࡀࡋࡀࡂࡈࡉࡀ ࡀࡅࡌࡉࡕࡉࡅࡍࡍ ࡅࡉࡍࡎࡁࡉࡕ ࡓࡀࡆࡀࡉࡄࡅࡍ ࡁࡒࡀࡉࡀࡍ ࡅࡌࡃࡀࡋࡉࡋࡅࡍ ࡋࡀࡂࡀࡁࡍࡉࡋࡅࡍ ࡌࡉࡀࡍࡉ ࡅࡓࡀࡉࡉࡐࡋࡅࡍ ࡀࡊࡅࡀࡓࡉࡀ ࡁࡓࡅࡃࡍࡉࡀ ࡅࡀࡋࡅࡀࡉ ࡅࡌࡀࡐࡎࡒࡉࡋࡅࡍ ࡅࡌࡀࡄࡉࡋࡅࡍ ࡅࡀࡐࡋࡕࡀ. |
| 334 |
ࡁࡉࡀࡓࡃࡀࡍ ࡋࡀࡔࡀࡁࡒࡉࡀ ࡅࡌࡉࡕࡀࡅࡍࡍ ࡖࡋࡀࡒࡀࡉࡌࡉࡀ ࡅࡋࡉࡄࡉࡀ ࡀࡑࡁࡉࡀ ࡅࡔࡀࡁࡉࡍ ࡔࡉࡁࡉࡀ ࡁࡄࡉࡅࡓࡉࡀ ࡅࡋࡀࡒࡀࡉࡌࡉࡀ ࡁࡓࡉࡉࡐࡀ ࡅࡀࡊࡅࡀࡓࡉࡀ ࡅࡀࡋࡅࡀࡉ ࡋࡀࡋࡀࡂࡈࡉࡀ ࡋࡀࡓࡀࡌࡉࡍ ࡎࡉࡋࡉࡕࡀ ࡔࡅࡌࡇ ࡅࡍࡀࡍ ࡖࡂࡉࡓࡉࡕࡀ ࡀࡌࡓࡉࡋࡅࡍ ࡖࡀࡋࡊࡉࡀ ࡃࡉࡒࡉࡀ ࡖࡆࡀࡒࡉࡐ ࡁࡏࡃࡇ ࡀࡑࡉࡃࡉࡋࡇ ࡀࡋࡊࡉࡋࡇ ࡋࡂࡉࡓࡉࡕࡀ ࡅࡋࡒࡅࡎࡀ ࡂࡈࡀࡓ ࡎࡀࡓࡀࡊࡋࡀ ࡅࡌࡅࡔࡉࡐࡕࡀ ࡖࡁࡏࡉࡍࡀࡍ ࡎࡒࡇ ࡏࡉࡍࡀࡍ. |
| 335 |
ࡅࡔࡀࡁࡒࡉࡀ ࡅࡌࡉࡕࡓࡉࡂࡋࡉࡀ ࡀࡎࡀࡓࡕࡉࡅࡍࡍ ࡁࡀࡂࡌࡉࡀ ࡖࡆࡉࡀࡐ ࡅࡋࡀࡉࡀࡃࡉࡀ ࡏࡅࡄࡓࡀ ࡋࡉࡄࡍࡀࡓ ࡔࡊࡀࡔ ࡋࡀࡔࡀࡕࡉࡍ ࡌࡉࡀ ࡖࡏࡅࡋࡀࡉ ࡅࡔࡃࡉࡋࡅࡍ ࡀࡔࡋࡀࡉ ࡋࡈࡀࡁࡉࡀ ࡀࡎࡀࡓࡕࡉࡅࡍࡍ ࡁࡎࡉࡐࡀࡍࡕࡅࡍ ࡀࡌࡀࡓࡀࡍࡋࡅࡍ ࡋࡀࡕࡉࡄࡅࡉࡀ ࡁࡓࡀࡎࡊࡀ ࡄࡀࡀࡊ ࡕࡓࡅࡑ ࡌࡀࡅࡊࡕࡀࡉࡅࡊࡍ ࡌࡀࡋࡉࡋ ࡀࡑࡉࡃࡉࡀ ࡖࡉࡍࡌࡀࡓࡋࡇ ࡗ ࡄࡀࡉࡆࡉࡍ ࡀࡌࡀࡓ ࡓࡉࡔࡀ ࡀࡊࡋࡉࡀ ࡅࡁࡓࡉࡀࡊ ࡀࡓࡁࡀࡊ ࡅࡌࡀࡓࡀࡊࡁࡕࡀࡊ ࡁ. |
| 336 |
ࡓࡉࡉࡊࡕ ࡀࡑࡉࡃࡀ ࡀࡌࡊࡀ ࡔࡀࡉࡐࡓ ࡀࡕࡀࡀࡍ ࡖࡏࡕࡁࡇ ࡌࡊࡀ ࡀࡍࡉࡀ ࡎࡉࡋࡉࡕࡀࡊ ࡄࡀࡆࡉࡍ ࡖࡋࡀࡃࡀࡌࡉࡕ ࡋࡀࡑࡉࡃࡉࡀ ࡖࡀࡋࡌࡀ ࡔࡀࡉࡐࡓ ࡀࡔࡋࡀࡊ ࡅࡏࡎࡒࡀࡊ ࡅࡀࡐࡋࡕࡀࡊ ࡅࡍࡉࡍࡀ ࡋࡀࡋࡀࡂࡈࡀ ࡋࡀࡕࡀࡀࡍࡊ ࡋࡉࡕࡁࡇ ࡄࡅࡌࡓࡉࡀ ࡖࡉࡍࡄࡅࡉࡀ ࡏࡂࡉࡓࡀࡊ ࡀࡌࡀࡓࡋࡀࡍ ࡀࡌࡀࡍ ࡀࡕࡉࡕ ࡅࡌࡀࡕࡉࡉࡍࡍ ࡋࡒࡅࡃࡀࡌࡀࡊ ࡀࡉࡍࡍ ࡀࡉࡐࡉࡍࡍ ࡅࡄࡀࡁࡉࡑࡉࡍࡍ ࡉࡍࡀࡊࡋ ࡅࡉࡍࡎࡁࡀ ࡀࡉࡍࡍ ࡀࡅࡊࡋ ࡅࡉࡍࡕࡓࡀ ࡖࡀ. |
| 337 |
ࡍࡕࡀࡓ ࡌࡍ ࡏࡃࡀࡊ ࡀࡌࡀࡓࡀࡍࡋࡅࡍ ࡋࡀࡅ ࡎࡀࡉࡃࡀ ࡀࡀࡍ ࡖࡀࡑࡉࡉࡃ ࡅࡍࡉࡍࡀ ࡉࡀ ࡀࡑࡉࡃࡉࡀ ࡖࡆࡅࡄࡌࡀ ࡎࡀࡓࡉࡐࡀ ࡅࡋࡀࡅ ࡀࡉࡊࡋ ࡆࡅࡄࡌࡀ ࡏࡕࡉࡒࡓࡉࡕ ࡖࡁࡄࡉࡉࡀ ࡎࡀࡄࡃࡀࡍ ࡀࡑࡉࡃࡀ ࡀࡀࡍ ࡖࡉࡍࡔࡌࡀࡕࡀ ࡅࡌࡀࡊࡉࡍࡋࡐࡅࡍ ࡅࡌࡀࡎࡁࡀࡓࡋࡅࡍ ࡀࡑࡉࡃࡀ ࡀࡀࡍ ࡖࡀࡉࡍࡀ ࡒࡀࡓࡉࡋࡅࡍ ࡖࡀࡕࡉࡍ ࡀࡋࡅࡀࡕࡀࡉ ࡀࡊࡍࡉࡐࡀ ࡒࡀࡓࡉࡋࡅࡍ ࡅࡀࡌࡀࡓࡋࡅࡍ ࡀࡌࡀࡓࡋࡅࡍ ࡌࡍ ࡉࡑࡀࡐࡓ ࡀࡑࡕࡍࡀ ࡕࡉࡕࡀࡐࡓࡒࡅࡍ. |
| 338 |
ࡏࡅ ࡀࡕࡉࡕࡅࡍ ࡓࡀࡃࡀࡉࡉࡀ ࡅࡌࡀࡎࡉࡒࡅࡍࡍ ࡅࡕࡀࡓࡉࡑࡅࡍࡍ ࡁࡀࡓࡁࡀࡉ ࡀࡀࡍ ࡌࡀࡐࡓࡉࡒࡅࡍࡍ ࡋࡓࡀࡄࡌࡀࡉ ࡅࡌࡀࡊࡎࡉࡅࡍࡍ ࡄࡍࡅࡓࡀ ࡉࡀࡒࡓࡀ ࡅࡌࡀࡋࡁࡉࡔࡅࡍࡍ ࡏࡈࡑࡋࡉࡀ ࡖࡆࡉࡅࡀ ࡅࡌࡍ ࡖࡓࡁࡉࡀ ࡁࡓࡉࡔࡀࡉࡄࡅࡍ ࡕࡀࡓࡉࡑࡅࡍࡍ ࡌࡍ ࡋࡊࡉࡋ ࡀࡉࡀࡓ ࡅࡁࡀࡉࡓࡉࡀ ࡁࡄࡍࡅࡓࡀ ࡉࡀࡒࡓࡀ ࡀࡊࡓࡎࡀࡅࡀࡕࡀ ࡕࡀࡓࡉࡑࡀ ࡉࡀࡕࡁࡉࡀ ࡏࡋ ࡅࡀࡀࡍࡕࡅࡍ ࡔࡅࡁࡀ ࡄࡀࡀࡊ ࡄࡅࡍ ࡃࡀࡓࡀࡅࡍࡍ ࡅࡆࡀࡒࡉࡐࡀࡍ ࡕࡉࡄ. |
| 339 |
ࡅࡉࡀ ࡁࡌࡀࡍࡕࡅࡊࡍ ࡌࡀࡍࡕ ࡆࡅࡄࡌࡀ ࡅࡆࡅࡄࡌࡉࡕࡀ ࡉࡍࡕࡀࡊࡌࡀࡓ ࡄࡔࡅࡀࡊ ࡋࡃࡅࡕࡊࡇ ࡉࡅࡌࡀ ࡖࡄࡍࡅࡓࡀ ࡉࡍࡎࡀࡒ ࡉࡍࡄࡉࡆࡉࡇ ࡋࡀࡕࡀࡓ ࡄࡍࡅࡓ ࡀࡀࡍ ࡅࡕࡀࡓࡌࡉࡃࡀࡉ ࡉࡍࡎࡀࡒ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡀࡑࡉࡃࡀ ࡀࡀࡍ ࡖࡄࡉࡉࡀ ࡓࡅࡓࡁࡉࡀ ࡀࡑࡉࡃࡀ ࡀࡀࡍ ࡖࡄࡉࡉࡀ ࡓࡁࡉࡀ ࡔࡋࡉࡄࡀ. |
| 340 |
ࡖࡄࡉࡉࡀ ࡔࡀࡃࡓࡅࡍ ࡀࡑࡉࡃࡀ ࡀࡀࡍ ࡖࡄࡉࡉࡀ ࡓࡁࡉࡀ ࡀࡌࡀࡓࡋࡉࡀ ࡅࡍࡉࡍࡀ ࡖࡋࡀࡋࡊࡉࡀ ࡔࡅࡃࡍࡀ ࡏࡆࡀࡋ ࡅࡑࡃ ࡅࡍࡉࡍࡀ ࡖࡆࡅࡄࡌࡀ ࡋࡀࡋࡊࡉࡀ ࡅࡉࡑࡃࡍࡀ ࡌࡎࡀࡓࡀࡉࡕࡀ ࡋࡀࡌࡀࡓࡄࡉࡀ ࡅࡋࡀࡒࡍࡉࡀ ࡁࡋࡉࡄࡉࡀ ࡖࡀࡂࡌࡀ ࡋࡀࡒࡀࡓࡁࡉࡀ ࡖࡉࡑࡉࡑࡀ ࡅࡁࡉࡍࡋࡉࡀ ࡀࡓࡁࡀ ࡖࡋࡀࡁࡀࡈࡋࡀ ࡄࡉࡉࡀ ࡂࡈࡀࡓࡋࡉࡀ ࡏࡎࡒࡀ ࡅࡈࡀࡉࡎࡀ ࡅࡓࡀࡃࡉࡀ ࡅࡋࡀࡌࡔࡀࡌࡈࡀ ࡀࡓࡁࡀ ࡖࡂࡀࡍࡉࡐࡇ ࡖࡆࡉࡅࡀ ࡅࡓࡀࡃࡉࡀ ࡁࡉࡋࡁࡀ. |
| 341 |
ࡁ ࡏࡔࡅࡌࡉࡀ ࡀࡓࡁࡀ ࡄࡏ ࡌࡀࡆࡓࡅࡕࡀ ࡅࡎࡅࡀࡊࡀࡍ ࡖࡅࡊࡔࡈࡀ ࡏࡕࡁࡇ ࡀࡔࡋࡇ ࡀࡔࡋࡉࡀ ࡖࡆࡉࡅࡀ ࡅࡁࡓࡄࡉࡉࡀ ࡎࡅࡀࡊࡀࡍ ࡋࡂࡀࡈ ࡄࡀࡁࡔࡀࡁࡀ ࡋࡀࡂࡉࡈ ࡀࡓࡀࡃࡀ ࡅࡌࡀࡐࡋࡂࡉࡀ ࡄࡍࡅࡓࡀ ࡁࡏࡅࡕࡓࡉࡀ ࡓࡀࡃࡉࡁࡅࡍ ࡋࡔࡉࡊࡀࡍࡕࡀ ࡅࡂࡍࡉࡃࡉࡀ ࡀࡕࡅࡍ ࡉࡀࡓࡃࡉࡍࡀ ࡕࡓࡀࡁࡑࡅࡍ ࡀࡊࡓࡎࡀࡅࡀࡕࡀ ࡖࡁࡆࡉࡒࡉࡀ ࡌࡀࡓࡃࡉࡀ ࡋࡀࡃࡀࡉࡉࡊࡀ ࡋࡌࡄࡀࡓࡀ ࡌࡀࡕࡀࡍ ࡔࡓࡀࡂࡉࡀ ࡀࡊࡁࡔࡀࡍ ࡅࡋࡃࡉࡋࡉࡀ ࡎࡀࡂࡃࡀࡍ ࡅ. |
| 342 |
ࡊࡋࡄࡅࡍ ࡀࡓࡁࡉࡀ ࡖࡄࡀࡆࡉࡋࡉࡀ ࡅࡀࡕࡉࡍ ࡋࡃࡉࡋࡉࡀ ࡌࡉࡃࡉࡀࡍࡍ ࡀࡊࡁࡔࡀࡍ ࡅࡎࡀࡂࡃࡉࡋࡉࡀ ࡅࡃࡀࡓࡉࡔ ࡃࡓࡀࡔࡉࡀ ࡔࡀࡉࡍࡀ ࡋࡌࡄࡀࡓࡀ ࡒࡀࡉࡉࡌ ࡀࡑࡉࡃࡀ ࡕࡐࡉࡋࡉࡀࡕࡀ ࡅࡁࡀࡓࡂࡀࡀࡐ ࡋࡅࡀࡕࡇ ࡔࡓࡀࡂࡉࡀ ࡖࡋࡀࡓࡀࡃࡉࡀ ࡅࡌࡀࡉࡍࡀ ࡄࡉࡅࡀࡓࡉࡀ ࡋࡁࡉࡔ ࡋࡏࡀࡊ ࡏࡎࡒࡕࡀ ࡋࡉࡕࡋࡇ ࡖࡆࡉࡀࡐ ࡒࡀࡓࡉࡋࡅࡍ ࡋࡅࡍࡉࡍࡀ ࡅࡀࡌࡀࡓࡋࡅࡍ ࡏࡆࡃࡀࡄࡓࡅࡋࡉࡀ ࡁࡀࡍࡔࡐࡀࡉࡅࡊࡍ ࡏࡆࡃࡀࡄࡀࡓ ࡁࡀࡋࡌࡀ ࡖࡋࡅࡀࡕࡀࡉ. |
| 343 |
ࡅࡊࡍ ࡖࡌࡍ ࡉࡑࡀࡐࡓ ࡀࡑࡕࡍࡀ ࡏࡒࡅࡌ ࡏࡄࡅࡉࡋࡅࡊࡍ ࡁࡀࡄࡉࡃ ࡏࡃࡀ ࡏࡅ ࡕࡉࡆࡃࡀࡄࡓࡅࡋࡉࡀ ࡀࡄࡀࡉ ࡄࡍࡅࡓ ࡌࡍ ࡀࡕࡀࡓ ࡄࡔࡅࡊ ࡋࡀࡕࡀࡓ ࡀࡄࡉࡃ ࡏࡃࡀ ࡅࡎࡉࡌࡀࡀࡊ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡀࡍࡓࡂࡀ ࡕࡋࡉࡋࡇ ࡋࡀࡊࡃࡇࡐ ࡀࡑࡉࡃࡀ ࡋࡁࡀࡔ ࡏࡈࡑࡋࡉࡀ ࡖࡆࡉࡅࡀ ࡅࡆࡀࡂࡍࡀ ࡋࡉࡀࡊ. |
| 344 |
ࡁࡀࡍࡂࡃࡀ ࡋࡃࡉࡁࡉࡀ ࡅࡌࡀࡂࡅࡔࡀ ࡖࡏࡅࡋࡀ ࡀࡕࡉࡍ ࡋࡅࡀࡕࡇ ࡀࡊࡍࡉࡐࡀ ࡀࡑࡉࡃࡉࡀ ࡖࡄࡉࡆࡉࡅࡉࡀ ࡋࡀࡑࡉࡃࡀ ࡀࡌࡓࡉࡋࡇ ࡖࡅࡍࡉࡍࡀ ࡖࡀࡂࡌࡀ ࡋࡀࡉࡑࡃࡋࡀࡊ ࡀࡑࡉࡃࡀ ࡀࡀࡍࡕ ࡂࡀࡃࡀࡉࡀ ࡁࡂࡀࡅࡀࡉࡄࡅࡍ ࡀࡊࡍࡉࡐࡀ ࡏࡉࡊࡋࡕࡀ ࡋࡀࡄࡆࡉࡋࡀࡊ ࡏࡉࡊࡋࡕࡀ ࡖࡅࡍࡉࡍࡀ ࡀࡉࡍࡍ ࡌࡀࡋࡉࡐࡀࡍࡋࡀࡊ ࡁࡀࡑࡉࡃࡉࡀ ࡉࡊࡋࡀࡉࡀ ࡀࡀࡍࡕ ࡎࡉࡌࡀࡀࡊ ࡅࡌࡀࡍࡕࡀ ࡗ ࡃࡉࡋࡀࡍ ࡀࡍࡎࡁࡉࡕ ࡄࡀࡅࡉࡕ ࡁࡔࡅࡕࡀࡀࡐࡍ ࡓࡁࡀ ࡌ. |
| 345 |
ࡀࡍࡕࡀ ࡁࡀࡓࡁࡀࡍ ࡀࡍࡎࡁࡉࡕ ࡀࡄࡁࡀࡋࡀࡍ ࡌࡀࡍࡕࡀ ࡁࡀࡓࡁࡀࡊ ࡅࡄࡁࡀࡋࡀࡍ ࡌࡀࡍࡕࡀ ࡁࡀࡓࡁࡀࡊ ࡒࡅࡌ ࡔࡀࡕࡉࡐ ࡀࡍࡎࡁࡉࡕ ࡌࡉࡀࡍࡉࡀࡍ ࡌࡀࡍࡕࡀ ࡀࡉࡍࡍ ࡉࡍࡕࡉࡋࡀࡊ ࡀࡀࡍࡕ ࡀࡄࡁࡀࡋࡀࡍ ࡌࡀࡍࡕࡀ ࡅࡏࡎࡉࡐࡕࡍࡀࡊ ࡏࡅࡓࡁࡇ ࡁࡎࡉࡐࡕࡍࡀࡍ ࡌࡍ ࡖࡏࡕࡋࡀࡍ ࡉࡍࡕࡉࡋࡀࡊ ࡖࡗ ࡃࡀࡋࡉࡕ ࡔࡓࡀࡂࡀࡊ ࡌࡀࡔࡉࡊࡕ ࡅࡋࡁࡅࡔ ࡏࡅࡊࡌࡀ ࡗ ࡃࡉࡋࡀࡍ ࡅࡀࡓࡁࡀࡊ ࡅࡍࡉࡍࡀ ࡌࡀࡉࡋࡀ ࡋࡀࡄࡀࡆࡉࡋࡇ ࡅࡍࡉࡍࡀ ࡋࡉࡑࡄ. |
| 346 |
ࡌࡀࡊ ࡅࡓࡀࡌࡉࡕ ࡁࡀࡓࡁࡀࡊ ࡅࡌࡉࡕࡀࡂࡍࡓࡉࡕ ࡏࡅ ࡔࡀࡌࡉࡕ ࡀࡑࡉࡃࡉࡕ ࡅࡍࡉࡍࡀ ࡌࡉࡄࡋࡀ ࡀࡋࡊࡉࡕ ࡏࡅ ࡔࡅࡕࡀࡀࡐࡍ ࡋࡀࡔࡀࡌࡉࡕ ࡌࡉࡔࡀ ࡅࡃࡅࡁࡔࡀ ࡀࡋࡊࡉࡕ ࡏࡅ ࡀࡁࡃࡉࡕ ࡏࡁࡉࡃࡀࡕࡀࡍ ࡃࡉࡋࡀࡍ ࡅࡌࡀࡐࡋࡂࡉࡕ ࡁࡀࡑࡉࡃࡉࡀ ࡅࡊࡋࡄࡅࡍ ࡄࡀࡁࡉࡑࡕ ࡅࡌࡀࡋࡉࡕ ࡀࡊࡎࡉࡀ ࡋࡅࡀࡕࡀࡊ ࡀࡊࡍࡉࡐࡀ ࡓࡉࡔ ࡅࡊࡋࡀࡉࡀࡍ ࡅࡌࡔࡀࡅࡉࡀࡍࡋࡀࡊ ࡓࡉࡔ ࡅࡊࡋࡀࡉࡀࡍ ࡄࡀࡅࡉࡍ ࡌࡍ ࡀࡁࡀࡕࡓࡀࡊ ࡒࡀࡃࡌࡀࡉࡉࡀ ࡀࡕࡉࡍ. |
| 347 |
ࡅࡀࡍࡎࡁࡉࡕ ࡌࡀࡍࡕࡀ ࡌࡍ ࡖࡏࡕࡋࡀࡍ ࡄࡀࡅࡉࡋࡀࡊ ࡀࡓࡒࡀ ࡁࡉࡂࡀࡓ ࡅࡀࡉࡍࡍ ࡄࡀࡅࡉࡉࡍࡍ ࡌࡔࡕࡀࡌࡀࡀࡍࡊ ࡉࡍࡕࡒࡓࡉࡀ ࡀࡁࡅࡉࡀࡍ ࡄࡀࡅࡉࡀ ࡀࡁࡃࡀࡊ ࡉࡀࡕࡁࡀ ࡅࡋࡉࡄࡉࡀ ࡂࡀࡈࡓࡀ ࡏࡌࡀࡉࡀࡍ ࡁࡓࡀࡁࡉࡕࡀࡊ ࡅࡂࡀࡈࡓࡀࡋࡀࡊ ࡏࡆࡋࡉࡀ ࡖࡏࡂࡅࡀࡍ ࡂࡅࡀࡍ ࡀࡕࡉࡀ ࡅࡄࡀࡅࡉࡀ ࡀࡌࡕࡀࡊ ࡅࡀࡁࡀࡓࡀ ࡁࡀࡕࡀࡀࡍ ࡓࡀࡌࡉࡀ ࡌࡀࡐࡋࡂࡀࡋࡅࡍ ࡋࡔࡅࡄࡉࡀ ࡖࡀࡊࡃࡉࡓ ࡌࡉࡇࡍ ࡌࡍ ࡀࡋࡌࡀ ࡏࡕࡀࡀࡍ ࡏࡕࡀࡀࡍ ࡌࡅࡕ. |
| 348 |
ࡀ ࡗ ࡀࡉࡋࡉࡀ ࡅࡍࡉࡍࡀ ࡅࡌࡉࡎࡕࡀࡓࡊࡉࡀ ࡌࡀࡐࡋࡂࡀࡋࡅࡍ ࡋࡌࡉࡀ ࡁࡏࡆࡋࡉࡀ ࡅࡋࡀࡉࡀࡃࡉࡀ ࡋࡌࡉࡄࡃࡅࡓࡉࡀ ࡋࡏࡅࡄࡓࡀࡉࡄࡅࡍ ࡋࡀࡉࡀࡃࡉࡀ ࡏࡅࡄࡓࡀ ࡖࡎࡀࡉࡓࡉࡀ ࡀࡕࡉࡍ ࡅࡀࡍࡋࡐࡉࡀ ࡋࡈࡀࡁࡉࡀ ࡗ ࡔࡅࡓࡉࡀ ࡖࡉࡍࡉࡐࡓࡒࡅࡍ ࡅࡋࡀࡌࡉࡄࡃࡀࡓ ࡀࡍࡇࡐ ࡋࡓࡀࡎࡊࡀ ࡋࡀࡔࡀࡁࡒࡉࡀ ࡅࡍࡉࡍࡀ ࡖࡆࡀࡒࡉࡐࡀ ࡅࡀࡁࡉࡄࡃࡉࡀ ࡋࡊࡉࡋࡉࡀ ࡀࡊࡋࡉࡀ ࡈࡀࡉࡁࡉࡋࡅࡍ ࡌࡍ ࡒࡉࡉࡐࡀ ࡅࡈࡀࡓࡉࡋࡅࡍ ࡌࡉࡇࡍ ࡌࡍ ࡀࡈࡀࡓࡉࡀ ࡃ. |
| 349 |
ࡀࡓࡉࡋࡅࡍ ࡁࡃࡉࡂࡅࡓࡉࡀ ࡖࡀࡉࡋࡉࡋࡇ ࡅࡍࡉࡍࡀ ࡅࡌࡉࡎࡕࡀࡓࡊࡉࡀ ࡏࡕࡋࡇ ࡁࡀࡆࡀࡍࡒࡉࡕࡀ ࡏࡋ ࡂࡉࡔࡉࡀ ࡖࡁࡀࡆࡀࡍࡒࡉࡕࡀ ࡀࡁࡉࡉࡍࡀ ࡕࡓࡉࡍ ࡌࡀࡄࡅࡉࡍࡀ ࡌࡉࡕࡀࡓࡀࡑ ࡓࡌࡉࡋࡇ ࡆࡀࡓࡂࡀ ࡕࡅࡓࡉࡀ ࡌࡋࡏࡉࡀ ࡉࡑࡉࡑࡀ ࡓࡌࡉࡋࡇ ࡋࡉࡄࡉࡀ ࡅࡕࡉࡁࡉࡀ ࡖࡌࡅࡕࡀ ࡌࡀࡅࡋࡊࡉࡀ ࡏࡅࡊࡋࡉࡀ ࡖࡀࡉࡇࡍ ࡄࡍࡅࡓࡀ ࡋࡀࡄࡀࡆࡉࡀ ࡅࡀࡉࡋࡇ ࡋࡅࡍࡀࡍ ࡖࡁࡋࡉࡒࡋࡅࡍ ࡄࡀࡋࡉࡐࡋࡅࡍ ࡋࡅࡅࡊࡋࡉࡀ ࡅࡊࡋࡄࡅࡍ ࡄࡀࡉࡊࡌࡉ. |
| 350 |
ࡀ ࡅࡍࡉࡍࡀ ࡖࡉࡀࡃࡉࡋࡅࡍ ࡄࡀࡕࡀࡌ ࡄࡀࡅࡉࡋࡅࡍ ࡌࡀࡓࡁࡉࡄࡕࡀ ࡀࡆࡋࡉࡀ ࡅࡀࡒࡍࡉࡀ ࡅࡋࡉࡄࡉࡀ ࡅࡌࡍ ࡕࡓࡉࡍ ࡀࡋࡉࡐࡀ ࡄࡀࡆࡉࡋࡇ ࡕࡓࡉࡍ ࡖࡄࡀࡃ ࡌࡍ ࡀࡋࡀࡐ ࡄࡀࡆࡉࡋࡇ ࡋࡁࡀࡕࡐࡀ ࡆࡀࡂࡍࡀ ࡖࡄࡔࡉࡋ ࡁࡏࡅࡋࡀ ࡀࡍࡂࡇ ࡋࡂࡉࡈࡀ ࡅࡆࡀࡂࡍࡀ ࡕࡋࡉࡋࡇ ࡄࡀࡕࡀࡌ ࡌࡉࡀ ࡌࡆࡉࡂࡉࡀ ࡖࡔࡀࡁࡉࡋࡅࡍ ࡋࡅࡊࡋࡄࡅࡍ ࡀࡋࡌࡉࡀ ࡏࡌࡀࡑࡃࡍࡓࡀ ࡖࡎࡉࡉࡊࡀ ࡌࡅࡕࡀ ࡖࡉࡑࡃࡍࡉࡀ ࡁࡊࡀࡔ ࡅࡀࡉࡋࡉࡅࡍࡍ ࡋࡅࡍࡉࡍࡀ ࡖࡀࡉ. |
| 351 |
ࡋࡉࡅࡍࡍ ࡁࡉࡈࡅࡔࡕࡀ ࡋࡌࡄࡀࡓࡀ ࡁࡈࡀࡔ ࡗ ࡄࡀࡆࡀ ࡔࡅࡌࡀ ࡀࡑࡉࡃࡀ ࡏࡋ ࡎࡉࡐࡀࡍࡕࡀ ࡖࡀࡑࡉࡃࡉࡀ ࡁࡉࡈࡅࡔࡕࡀ ࡁࡈࡀࡔ ࡀࡑࡉࡃࡀ ࡅࡌࡀࡑࡁࡈࡉࡀ ࡗ ࡀࡅࡁࡓࡉࡀ ࡅࡋࡀࡎࡀࡋࡒࡉࡀ ࡀࡑࡉࡃࡉࡀ ࡒࡅࡐࡍ ࡁࡄࡀࡅࡓࡉࡀ ࡅࡅࡍࡉࡍࡀ ࡖࡀࡌࡀࡌࡉࡀ ࡔࡀࡉࡊࡁ ࡒࡀࡉࡀࡍ ࡀࡍࡒࡉࡔ ࡅࡀࡆࡋࡀ ࡓࡀࡈࡉࡍࡀ ࡋࡀࡑࡉࡃࡉࡀ ࡌࡀࡋࡉࡋ ࡅࡑࡀࡍࡐ ࡁࡒࡀࡋࡇ ࡁࡀࡂࡌࡀ ࡅࡌࡉࡀ ࡓࡊࡉࡕࡊࡀ ࡏࡕࡉࡓࡊࡉࡊ ࡀࡌࡀࡓࡋࡅࡍ ࡋࡀࡑࡉࡃࡉࡀ ࡅࡍࡉ. |
| 352 |
ࡍࡀ ࡌࡀࡋࡉࡋ ࡁࡒࡀࡋࡇ ࡔࡀࡉࡍࡀ ࡀࡑࡉࡃࡉࡀ ࡀࡁࡃࡉࡀ ࡎࡀࡌࡀࡉࡍࡀ ࡀࡀࡍࡕࡅࡍ ࡌࡍ ࡒࡅࡃࡀࡌࡀࡉ ࡀࡑࡉࡃࡉࡀ ࡄࡑࡀࡉࡍࡀ ࡖࡆࡅࡄࡌࡉࡕࡀ ࡖࡀࡍࡔࡐࡀࡉࡅࡊࡍ ࡏࡆࡉࡋ ࡏࡆࡉࡋ ࡅࡑࡃ ࡅࡍࡉࡍࡀ ࡅࡀࡎࡂࡅࡍ ࡋࡃࡉࡁࡍࡀ ࡖࡏࡃࡉࡀ ࡈࡍࡅࡓ ࡔࡅࡐࡋ ࡏࡆࡉࡋ ࡋࡀࡊࡉࡀࡕࡅࡊࡍ ࡅࡅࡍࡉࡍࡀ ࡃࡉࡋࡉࡀ ࡌࡁࡀࡔࡒࡓࡉࡀ ࡋࡀࡀࡑࡉࡃࡀ ࡀࡀࡍ ࡖࡀࡑࡉࡉࡃ ࡅࡍࡉࡍࡀ ࡏࡅࡊࡋࡀ ࡖࡅࡍࡉࡍࡀ ࡋࡀࡋࡊࡉࡀ ࡋࡀࡌࡉࡕࡋࡉࡂࡈࡉࡀ ࡁࡅࡊࡋࡀࡁ ࡉࡑࡉࡑ. |
| 353 |
ࡀ ࡅࡁࡔࡓࡀࡂࡀ ࡖࡀࡊࡃࡁࡀ ࡋࡀࡀࡑࡌࡓࡉࡀ ࡋࡀࡒࡍࡉࡀ ࡁࡋࡉࡄࡉࡀ ࡖࡉࡑࡁࡉࡀ ࡅࡋࡀࡁࡀࡆࡀࡍࡒࡉࡕࡀ ࡖࡆࡉࡀࡐ ࡋࡀࡆࡋࡉࡍ ࡋࡀࡔࡀࡋࡐࡉࡀ ࡌࡍ ࡒࡉࡉࡐࡀ ࡌࡉࡀ ࡖࡁࡀࡉࡉࡀ ࡖࡉࡍࡋࡐࡅࡍ ࡋࡈࡀࡋࡉࡀ ࡅࡋࡀࡀࡐࡋࡂࡉࡀ ࡌࡉࡀ ࡀࡐࡓࡃࡉࡋࡇ ࡋࡎࡉࡋࡉࡕࡀ ࡅࡀࡍࡒࡐࡉࡀ ࡏࡅ ࡀࡑࡉࡃࡉࡀ ࡓࡀࡌࡉࡀ ࡏࡋࡅࡍ ࡎࡉࡋࡉࡕࡀ ࡖࡅࡍࡉࡍࡀ ࡀࡑࡉࡃࡉࡋࡅࡍ ࡀࡑࡉࡃࡉࡀ ࡉࡅࡌࡀ ࡁࡕࡉࡁࡉࡋ ࡋࡀࡉࡍࡄࡅࡉࡀ ࡖࡉࡀࡅࡀࡍ ࡌࡓࡀࡄࡌࡀ ࡏࡅࡓࡁࡀ ࡋ. |
| 354 |
ࡀࡉࡍࡄࡅࡉࡀ ࡉࡅࡌࡀ ࡁࡕࡉࡁࡉࡋ ࡅࡋࡉࡈࡀ ࡔࡅࡓࡁࡀࡕࡅࡊࡍ ࡖࡋࡀࡌࡀࡋࡉࡀ ࡋࡉࡈࡉࡕࡅࡍ ࡉࡑࡓࡐࡉࡀ ࡀࡑࡕࡍࡀ ࡖࡌࡀࡓࡁࡉࡄࡕࡇ ࡁࡒࡀࡋࡌࡉࡀ ࡄࡀࡅࡉࡀ ࡅࡀࡉࡋࡇ ࡋࡀࡁࡅࡅࡊࡍ ࡎࡉࡓࡌࡀ ࡖࡀࡊࡍࡀࡐࡊ ࡁࡕࡉࡁࡉࡋ ࡋࡀࡉࡀࡁࡔࡀ ࡅࡀࡉࡋࡀࡊ ࡎࡀࡐࡀࡍ ࡀࡊࡐࡀࡍ ࡖࡄࡀࡆࡉࡀ ࡅࡍࡉࡍࡀ ࡅࡌࡉࡕࡀࡀࡍ ࡅࡀࡉࡋࡀࡊ ࡎࡉࡂࡉࡀ ࡎࡀࡓࡀ ࡗ ࡌࡀࡄࡉࡀ ࡅࡍࡉࡍࡀ ࡅࡋࡀࡌࡀࡔࡉࡊࡀ ࡒࡀࡄࡃࡀ ࡅࡁࡀࡉࡊࡀ ࡁࡉࡌࡓࡀࡓ ࡖࡌࡍ ࡏࡅࡌࡒࡉࡀ ࡅࡍࡉ. |
| 355 |
ࡍࡀ ࡀࡍࡎࡁࡀ ࡅࡀࡉࡋࡉࡊ ࡀࡓࡁࡀࡀࡍ ࡀࡐࡎࡀ ࡌࡍ ࡈࡅࡓࡐࡀࡊ ࡖࡈࡅࡓࡐࡉࡀ ࡖࡅࡍࡉࡍࡀ ࡋࡀࡂࡈࡉࡀ ࡈࡅࡁࡇ ࡋࡌࡀࡍ ࡖࡉࡍࡕࡀࡐࡓࡀࡒ ࡌࡍ ࡂࡅࡁࡓࡉࡀ ࡖࡕࡉࡁࡉࡋ ࡀࡍࡈࡓࡉࡀ ࡈࡅࡁࡇ ࡋࡌࡀࡍ ࡖࡉࡍࡕࡀࡐࡓࡀࡒ ࡌࡀࡍ ࡁࡀࡕࡀࡉࡅࡊࡍ ࡄࡅࡍ ࡏࡆࡉࡋ ࡏࡆࡉࡋ ࡔࡉࡁࡉࡀࡄࡉࡀ ࡅࡄࡍࡅࡓࡀ ࡁࡄࡔࡅࡀࡊ ࡋࡀࡌࡉࡕࡉࡌࡉࡍࡀ ࡁࡒࡉࡓࡀ ࡋࡀࡓࡁࡉࡀ ࡌࡉࡀ ࡔࡅࡕࡀࡐࡅࡊࡍ ࡃࡉࡋࡅࡊࡍ ࡋࡀࡌࡉࡕࡉࡒࡓࡉࡀ ࡔࡅࡕࡀࡀࡐ ࡖࡔࡀࡋࡌࡀࡉࡍ. |
| 356 |
ࡀ ࡅࡁࡉࡔࡀ ࡌࡍ ࡁࡉࡔࡉࡀ ࡋࡀࡅࡉࡀ ࡈࡀࡁࡀ ࡋࡀࡅ ࡌࡍ ࡈࡀࡁࡉࡀ ࡅࡋࡀࡏࡎࡒࡕࡀࡉࡅࡊࡍ ࡁࡏࡎࡉࡒࡕࡀࡉ ࡌࡉࡕࡀࡕࡀࡍ ࡅࡋࡀࡓࡁࡀࡉࡅࡊࡍ ࡀࡓࡁࡀ ࡁࡀࡓࡁࡀࡉ ࡀࡀࡍࡕࡅࡍ ࡌࡀࡅࡊࡋࡕࡇ ࡄࡅࡍ ࡄࡀࡉࡆࡉࡍ ࡓࡉࡔ ࡅࡊࡋࡀࡉࡅࡊࡍ ࡁࡌࡉࡀ ࡎࡉࡀࡅࡉࡀ ࡏࡎࡕࡀࡀࡊࡓ ࡄࡀࡉࡆࡉࡍ ࡀࡁࡅࡉࡀࡉࡅࡊࡍ ࡁࡅࡓࡀ ࡅࡌࡀࡄࡅࡉࡍࡀ ࡕࡀࡅࡌࡉࡀ ࡀࡊࡃࡓࡉࡀ ࡏࡌࡀࡉࡅࡊࡍ ࡖࡂࡀࡈࡓࡀ ࡋࡉࡄࡉࡀ ࡅࡋࡐࡀࡂࡉࡋࡇ ࡁࡓࡉࡔࡇ ࡋࡐࡅࡂࡕࡀ ࡁࡌࡀࡓࡂࡀࡍ. |
| 357 |
ࡖࡌࡉࡀ ࡌࡄࡀࡉࡕࡇ ࡅࡕࡀࡓࡉࡑࡅࡍࡍ ࡁࡎࡉࡐࡕࡍࡀࡉ ࡀࡀࡍ ࡋࡓࡀࡄࡌࡀࡉ ࡃࡀࡁࡀࡓࡅࡍࡍ ࡅࡌࡀࡄࡋࡉࡐࡅࡍࡍ ࡅࡊࡋࡄࡅࡍ ࡌࡀࡎࡊࡉࡀ ࡃࡅࡕࡊࡀ ࡖࡅࡍࡉࡍࡀ ࡌࡉࡕࡋࡉࡂࡈࡉࡀ ࡌࡀࡄࡋࡉࡉࡐࡅࡍࡍ ࡌࡀࡓࡁࡀࡃࡀ ࡖࡏࡅࡋࡀ ࡅࡀࡀࡍࡕࡅࡍ ࡎࡀࡉࡉࡐࡕࡅࡍ ࡁࡔࡉࡊࡀࡍࡕࡅࡊࡍ ࡌࡀࡅࡒࡉࡓࡉࡅࡍࡍ ࡌࡍ ࡀࡋࡊࡉࡀ ࡅࡍࡉࡍࡀ ࡁࡀࡔࡉࡊࡕࡍࡀ ࡖࡄࡉࡉࡀ ࡉࡍࡔࡕࡉࡊࡍ ࡀࡀࡍ ࡅࡓࡀࡄࡌࡀࡉ ࡖࡅࡊࡔࡈࡀ ࡀࡕࡅࡕࡉࡀ ࡃࡓࡀࡁࡔࡉࡀ ࡕࡀࡒࡉࡍࡀ ࡃࡀࡋࡉ. |
| 358 |
ࡅࡍࡍ ࡁࡀࡊࡓࡎࡀࡅࡀࡕࡀ ࡅࡂࡀࡁࡓࡀ ࡅࡍࡓࡊࡀࡉࡀ ࡆࡀࡊ ࡔࡅࡁࡀ ࡄࡅࡍ ࡁࡄࡀࡉࡀࡁࡉࡀ ࡅࡆࡀࡉࡊࡀ ࡋࡅࡊࡋࡇ ࡔࡅࡓࡅࡁࡕࡇ ࡂࡀࡁࡓࡀ ࡁࡄࡉࡓ ࡆࡉࡃࡒࡀ ࡆࡀࡊ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡖࡒࡀࡓࡉࡀ ࡅࡌࡀࡓࡐࡉࡔ ࡁࡄࡀࡅࡓࡉࡀ ࡒࡀࡋࡀ ࡖࡀࡑࡉࡃࡀ ࡃࡀࡉࡊࡀ ࡋࡅࡍࡉࡍࡀ ࡉࡀࡌࡀࡌࡉࡀ ࡅࡀࡌࡀࡓࡋࡅࡍ ࡆࡒ. |
| 359 |
ࡅࡉࡐࡅࡍ ࡀࡋࡀࡍࡉࡐࡀ ࡌࡉࡀ ࡋࡀࡊࡉࡀࡕࡀ ࡕࡓࡅࡑ ࡖࡄࡀࡉࡋࡀࡉࡅࡊࡍ ࡄࡀࡅࡉࡀ ࡋࡄࡀࡃ ࡕࡓࡉࡍ ࡀࡑࡉࡃࡉࡀ ࡖࡔࡀࡒࡉࡐࡀ ࡏࡋ ࡉࡀࡓࡃࡀࡍ ࡏࡆࡃࡀࡄࡓࡅࡋࡉࡀ ࡌࡍ ࡀࡑࡉࡃࡉࡀ ࡖࡅࡍࡉࡍࡀ ࡅࡀࡆࡀࡋ ࡅࡔࡅࡊࡍ ࡏࡋ ࡀࡁࡀࡕࡓࡀࡉ ࡏࡋ ࡀࡐࡓࡎࡀ ࡋࡀࡉࡈࡉࡋࡅࡍ ࡔࡉࡋࡌࡀࡉ ࡅࡉࡍࡃࡁࡀࡉ ࡀࡑࡄࡅࡀ ࡋࡃࡅࡕࡊࡀࡉࡄࡅࡍ ࡅࡎࡋࡉࡕࡅࡍ ࡅࡍࡉࡍࡀ ࡋࡀࡉࡈࡉࡀ ࡆࡀࡄࡓࡉࡅࡍࡍ ࡋࡅࡊࡋࡄࡅࡍ ࡗ ࡄࡀࡆࡉࡍ ࡀࡌࡀࡓ ࡀࡑࡉࡃࡀ ࡀࡕࡉࡍ ࡀࡋ. |
| 360 |
ࡅࡀࡕࡇ ࡀࡊࡍࡉࡐࡍ ࡀࡑࡉࡃࡉࡀ ࡖࡔࡉࡌࡅࡉࡀ ࡋࡒࡀࡋࡇ ࡅࡋࡀࡉࡀࡃࡉࡀ ࡖࡌࡀࡍ ࡀࡕࡀ ࡒࡀࡉࡌࡉࡀ ࡅࡌࡔࡀࡉࡋࡉࡋࡇ ࡀࡌࡓࡉࡋࡇ ࡖࡋࡀࡔࡀࡌࡀࡀࡍ ࡋࡒࡀࡋࡀࡊ ࡁࡀࡂࡌࡀ ࡄࡀࡀࡊ ࡄࡅࡉࡕ ࡀࡑࡉࡃࡀ ࡅࡋࡀࡋࡅࡀࡕࡀࡊ ࡀࡁࡉࡉࡍࡀ ࡄࡏ ࡅࡋࡀࡓࡁࡀࡊ ࡃࡀࡌࡉࡀ ࡋࡀࡓࡁࡀࡍ ࡅࡋࡀࡃࡀࡌࡉࡕ ࡋࡀࡑࡉࡃࡉࡀ ࡖࡀࡋࡌࡀ ࡋࡀࡌࡒࡀࡉࡓࡀ ࡀࡓࡁࡀࡊ ࡁࡒࡅࡓࡐࡀ ࡅࡁࡀࡄࡕࡉࡀ ࡅࡒࡀࡉࡌࡉࡀ ࡋࡃࡅࡕࡊࡀࡉࡄࡅࡍ ࡄࡀࡆࡉࡋࡇ ࡀࡑࡉࡃࡉࡀ ࡔࡀࡄࡌ. |
| 361 |
ࡉࡀ ࡀࡌࡓࡉࡋࡇ ࡀࡑࡉࡃࡉࡀ ࡎࡉࡐࡕࡍࡀࡊ ࡋࡀࡃࡀࡌࡉࡀ ࡋࡎࡉࡐࡕࡍࡀࡍ ࡋࡌࡀࡋࡀࡊ ࡖࡀࡑࡉࡃࡉࡕ ࡅࡋࡀࡌࡀࡔࡉࡊࡕ ࡀࡑࡄࡌࡀ ࡁࡋࡉࡋࡉࡀ ࡗ ࡔࡀࡌࡉࡔ ࡅࡂࡍࡉࡃࡁࡇ ࡃࡓࡀࡁࡔࡉࡀ ࡔࡀࡉࡍࡀ ࡀࡓࡁࡀࡊ ࡂࡌࡉࡓࡀ ࡁࡀࡉࡀࡓ ࡅࡀࡓࡁࡀࡊ ࡀࡆࡋࡀ ࡁࡉࡉࡍࡀ ࡌࡀࡉ ࡋࡌࡀࡉ ࡀࡓࡁࡀࡍ ࡀࡆࡋࡀ ࡁࡌࡀࡉ ࡖࡓࡀࡈࡉࡍࡀ ࡄࡃࡀࡃࡉࡀ ࡅࡕࡀࡁࡓࡉࡀ ࡒࡀࡉࡉࡍࡀ ࡃࡉࡋࡀࡍ ࡖࡀࡂࡌࡀࡍ ࡄࡀࡅࡎࡉࡀ ࡅࡓࡉࡅࡉࡀ ࡋࡉࡕࡁࡇ ࡏࡕࡁࡅࡍ ࡀࡐࡋࡕࡀ ࡖࡓ. |
| 362 |
ࡅࡂࡆࡀ ࡖࡄࡀࡆࡉࡋࡇ ࡅࡍࡉࡍࡀ ࡅࡌࡉࡕࡓࡀࡄࡒࡉࡀ ࡆࡀࡀࡊࡉࡕࡀ ࡃࡉࡋࡀࡊ ࡀࡑࡉࡃࡀ ࡆࡉࡒࡀ ࡁࡀࡓࡁࡀࡊ ࡃࡀࡓࡀࡖ ࡋࡀࡄࡀࡆࡉࡋࡀࡍ ࡀࡑࡉࡃࡉࡀ ࡖࡃࡀࡌࡉࡋࡀࡊ ࡅࡎࡅࡀࡊࡀࡍ ࡖࡀࡍࡄࡀࡍࡓ ࡁࡄࡀࡅࡓࡉࡀ ࡎࡒࡉࡓࡉࡀ ࡌࡀࡋࡀ ࡋࡀࡑࡉࡃࡀ ࡅࡂࡀࡅࡑࡀࡑ ࡁࡂࡀࡅࡇ ࡋࡀࡄࡃࡀࡓ ࡎࡋࡉࡕࡀࡊ ࡋࡉࡕࡁࡇ ࡀࡔࡋࡀ ࡄࡀࡅࡉࡋࡇ ࡋࡅࡍࡉࡍࡀ ࡖࡏࡅࡓࡉࡀ ࡀࡔࡄࡉࡀ ࡋࡉࡕࡁࡇ ࡖࡉࡍࡋࡊࡀ ࡅࡀࡍࡂࡔࡀ ࡅࡉࡐࡋࡒࡀ ࡋࡉࡕࡋࡀࡊ ࡖࡏࡆࡋࡀࡊ ࡋࡀࡂࡈࡉ. |
| 363 |
ࡕ ࡁࡂࡅࡕࡐࡀ ࡉࡑࡉࡑࡀ ࡅࡕࡉࡓࡉࡀ ࡋࡉࡕࡋࡀࡊ ࡅࡋࡀࡃࡓࡏࡉࡉࡕ ࡌࡀࡀࡍ ࡖࡀࡑࡉࡃࡀ ࡅࡋࡀࡁࡑࡉࡀ ࡖࡅࡍࡉࡍࡀ ࡋࡀࡂࡈࡀ ࡏࡆࡋࡀࡊ ࡋࡀࡔࡀࡋࡉࡁ ࡌࡉࡀ ࡌࡀࡋࡉࡋ ࡀࡑࡉࡃࡀ ࡖࡉࡍࡌࡀࡓࡋࡅࡍ ࡗ ࡄࡀࡆࡉࡍ ࡀࡌࡀࡓ ࡀࡑࡉࡃࡉࡀ ࡏࡆࡀࡋ ࡌࡍ ࡒࡅࡃࡀࡌࡀࡉ ࡀࡄࡀࡉ ࡀࡑࡉࡃࡉࡀ ࡅࡁࡀࡍࡉ ࡀࡑࡉࡃࡉࡀ ࡄࡅࡓࡁࡀ ࡖࡏࡅࡓࡀࡔࡋࡀࡌ ࡆࡄࡅࡍ ࡏࡆࡉࡋ ࡎࡋࡅࡒ ࡋࡌࡀࡕࡀࡉࡅࡊࡍ ࡔࡀࡉࡋࡅࡉࡀ ࡏࡋ ࡏࡌࡀࡉࡅࡊࡍ ࡖࡀࡌࡕࡀࡉ ࡄࡏ ࡔࡀࡉࡋࡅࡉ. |
| 364 |
ࡀ ࡏࡋࡀࡉ ࡋࡀࡁࡅࡅࡊࡍ ࡖࡉࡀࡃࡀࡋࡉࡀ ࡀࡓࡁࡀ ࡃࡉࡒࡉࡀ ࡏࡕࡁࡇ ࡎࡅࡀࡊࡀࡍ ࡀࡌࡀࡓࡅࡋࡇ ࡖࡄࡃࡀ ࡀࡑࡉࡃࡀ ࡁࡀࡓࡁࡀ ࡀࡍࡉࡂࡀ ࡖࡓࡀࡃࡉࡀ ࡅࡔࡉࡓࡉࡀࡕࡀ ࡅࡒࡀࡉࡉࡌ ࡁࡂࡀࡅࡇ ࡅࡎࡒࡉࡓࡉࡀ ࡀࡐࡉࡎࡉࡋࡇ ࡋࡀࡓࡒࡀ ࡖࡏࡅࡓࡀࡔࡋࡀࡌ ࡋࡀࡑࡉࡃࡀ ࡖࡀࡎࡂࡉࡀ ࡋࡀࡊ ࡀࡌࡓࡉࡋࡇ ࡗ ࡄࡀࡆࡉࡍ ࡔࡉࡌࡅࡉࡀ ࡅࡁࡀࡔࡒࡓࡅࡉࡀ ࡄࡀࡈࡀࡉࡀࡍ ࡅࡄࡀࡅࡁࡀࡍ ࡕࡉࡔࡁࡅࡒࡋࡀࡍ ࡄࡅࡎ ࡏࡋࡀࡍ ࡅࡕࡅࡁ ࡅࡕࡓࡀࡄࡀࡌ ࡕࡉࡄࡅࡉࡀ ࡁࡌࡀࡈ. |
| 365 |
ࡅࡕ ࡏࡋࡀࡍ ࡀࡉࡍࡍ ࡀࡁࡃࡀࡊ ࡃࡉࡋࡀࡊ ࡖࡋࡀࡁࡀࡀࡑࡓ ࡌࡉࡀࡍࡉࡄࡅࡍ ࡄࡃࡀ ࡀࡉࡍࡍ ࡌࡉࡆࡃࡀࡄࡓࡉࡉࡍࡍ ࡁࡅࡍࡀࡍࡊ ࡖࡔࡅࡌࡀࡊ ࡁࡅࡊࡔࡈࡀ ࡃࡀࡓࡊࡉࡀ ࡀࡁࡃࡉࡀ ࡄࡀࡅࡉࡉࡍࡍ ࡖࡕࡀࡓࡌࡉࡃࡀࡊ ࡁࡅࡊࡋࡄࡅࡍ ࡖࡔࡅࡌࡀࡊ ࡃࡉࡋࡀࡊ ࡃࡀࡓࡊࡉࡀ ࡒࡀࡉࡌࡉࡉࡍࡍ ࡅࡌࡉࡆࡃࡀࡄࡓࡉࡉࡍࡍ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡅࡁࡔࡅࡌࡇ ࡖࡅࡊࡔࡈࡀ ࡉࡀࡒࡓࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ. |
| 366 |
ࡓࡁࡉࡀ ࡅࡓࡅࡄࡀ ࡀࡉࡍࡀࡋࡇ ࡌࡍ ࡕࡉࡓࡉࡀ ࡖࡄࡔࡅࡊ ࡏࡅࡕࡓࡀ ࡌࡍ ࡋࡄࡉࡋ ࡃࡀࡓࡉࡔ ࡀࡌࡓࡀࡋࡇ ࡖࡄࡀࡆࡉࡍ ࡒࡀࡋࡀࡊ ࡁࡀࡎࡉࡌ ࡅࡄࡉࡍࡀࡊࡊ ࡄࡋࡉࡀ ࡌࡀࡍ ࡀࡀࡍࡕ ࡌࡍ ࡏࡅࡕࡓࡉࡀ ࡀࡌࡀࡓࡀࡍࡋࡇ ࡓࡅࡄࡀ ࡁࡉࡔࡕࡀ ࡓࡅࡄࡀ ࡄࡀࡔࡀࡁࡕࡀ ࡋࡁࡉࡔ ࡀࡁࡂࡀࡍ ࡄࡉࡉࡀ ࡏࡋࡉࡊ ࡀࡀࡍ ࡒࡅࡓࡉࡐࡃࡀ ࡖࡀࡐࡓࡆࡋࡀ ࡀࡀࡍ ࡄࡉࡁࡉࡋ ࡆࡉࡅࡀ ࡖࡄࡔࡅࡀࡊ ࡉࡊࡁࡔࡉࡕ ࡒࡅࡓࡉࡐࡃࡀ ࡀࡀࡍ ࡖࡀࡐࡓࡆࡋࡀ ࡌࡀࡎࡂࡉࡀ ࡀࡌࡓ. |
| 367 |
ࡀࡋࡇ ࡅࡀࡊࡎࡀࡐ ࡖࡉࡀࡒࡉࡓ ࡌࡍ ࡆࡀࡅࡀ ࡅࡁࡉࡍࡀ ࡎࡍࡅࡁ ࡌࡉࡀࡍࡉ ࡃࡀࡄࡁࡀ ࡓࡄࡉࡌࡀ ࡅࡆࡌࡅࡓࡋࡉࡀ ࡌࡍ ࡆࡌࡀࡓࡀࡊ ࡔࡀࡉࡍࡀ ࡀࡌࡀࡓࡀࡍࡋࡇ ࡖࡀࡎࡂࡉࡕ ࡋࡎࡀࡄࡓࡉࡀ ࡀࡀࡍ ࡏࡅࡕࡓࡀ ࡀࡀࡍ ࡆࡓࡉࡆࡀ ࡀࡕࡉࡕ ࡌࡉࡁࡊࡀࡔ ࡄࡔࡅࡀࡊ ࡖࡆࡀࡓࡆࡅࡍ ࡄࡉࡉࡀ ࡅࡔࡀࡃࡓࡅࡍ ࡏࡅࡕࡓࡀ ࡀࡀࡍ ࡆࡓࡉࡆࡀ ࡌࡀࡋࡀࡊ ࡖࡅࡊࡋࡄࡅࡍ ࡀࡋࡌࡉࡀ ࡏࡅࡕࡓࡀ ࡀࡀࡍ ࡆࡓࡉࡆࡀ ࡖࡄࡀࡉࡋࡀࡉ ࡏࡋࡀࡅࡀࡉࡅࡊࡍ ࡒࡔࡉࡀ ࡏࡅࡕࡓࡀ ࡀࡀࡍ. |
| 368 |
ࡆࡓࡉࡆࡀ ࡖࡌࡍ ࡏࡅࡕࡓࡉࡀ ࡅࡊࡋࡄࡅࡍ ࡆࡓࡉࡆࡀࡍ ࡏࡅࡕࡓࡀ ࡀࡀࡍ ࡆࡓࡉࡆࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡅࡁࡔࡅࡌࡇ ࡖࡅࡊࡔࡈࡀ ࡉࡀࡒࡓࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡓࡅࡄࡀ ࡀࡉࡍࡀࡋࡇ ࡌࡍ ࡕࡉࡓࡉࡀ ࡄࡔࡅࡊ ࡂࡀࡁࡓࡀ ࡌࡍ ࡋࡄࡉࡋ ࡃࡀࡓࡉࡔ ࡅࡁࡓࡉࡔ ࡅࡑࡉࡑࡀࡕࡇ ࡌࡀࡓࡂࡀࡉࡍࡀࡕࡀ ࡃࡀࡄࡁࡀ ࡁࡒࡅࡉࡐࡀ ࡀࡍࡎࡉࡁ ࡌࡀࡎࡂࡉࡀ ࡋࡅࡀࡕࡇ ࡅࡀࡕࡉࡀ ࡅࡀࡌࡓࡀ. |
| 369 |
ࡎࡍࡉࡁ ࡌࡉࡀࡍࡉ ࡃࡀࡄࡁࡀ ࡓࡄࡉࡌࡀ ࡄࡀࡉ ࡂࡀࡁࡓࡀ ࡅࡍࡓࡊࡀࡉࡀ ࡅࡆࡌࡅࡓࡋࡉࡀ ࡌࡍ ࡆࡌࡀࡓࡀࡊ ࡔࡀࡉࡍࡀ ࡖࡉࡀࡒࡓࡀ ࡅࡌࡀࡓࡂࡀࡉࡍࡀࡕࡀ ࡖࡔࡀࡉࡍࡍ ࡅࡀࡓࡐࡉࡔࡀࡍ ࡌࡍ ࡓࡉࡔ ࡁࡓࡉࡔ ࡒࡓࡉࡋࡇ ࡁࡒࡀࡋࡀ ࡖࡄࡉࡉࡀ ࡀࡌࡀࡓࡀࡍࡋࡇ ࡓࡅࡄࡀ ࡌࡄࡀࡔࡀࡁࡕࡀ ࡋࡁࡉࡔ ࡏࡕࡉࡊࡀࡐࡓ ࡅࡏࡕࡉࡂࡋࡉࡀ ࡌࡍ ࡒࡅࡃࡀࡌࡀࡉ ࡅࡀࡕࡉࡀ ࡋࡅࡀࡕࡇ ࡒࡀࡓࡁࡀ ࡅࡀࡌࡓࡀࡋࡇ ࡌࡀࡎࡂࡉࡀ ࡅࡀࡕࡉࡀ ࡀࡍࡌࡓࡅࡎ ࡃࡓࡅࡔࡋࡉࡀ ࡌࡍ ࡃࡓࡀࡔ. |
| 370 |
ࡀࡊ ࡔࡀࡉࡍࡀ ࡄࡀࡉ ࡂࡀࡁࡓࡀ ࡅࡍࡓࡊࡀࡉࡀ ࡀࡌࡀࡓࡀࡍࡋࡇ ࡅࡓࡅࡂࡆࡉࡊ ࡉࡍࡅࡊࡍ ࡀࡋࡉࡊ ࡅࡊࡍ ࡀࡍࡌࡓࡅࡎ ࡖࡆࡀࡌࡀࡓ ࡀࡒࡀࡌࡀࡉ ࡖࡔࡀࡋࡐࡉࡀ ࡀࡀࡍ ࡋࡀࡅ ࡂࡅࡎࡀࡀࡍ ࡒࡅࡓࡉࡐࡃࡀ ࡀࡀࡍ ࡖࡀࡐࡓࡆࡋࡀ ࡀࡀࡍ ࡂࡀࡁࡓࡀ ࡅࡍࡓࡊࡀࡉࡀ ࡅࡒࡅࡋࡐࡉࡀ ࡋࡓࡅࡄࡀ ࡁࡉࡔࡕࡀ ࡄࡀࡉ ࡌࡉࡉࡍࡋࡕࡀࡉ ࡅࡆࡌࡀࡓࡀࡉ ࡀࡋࡊࡉࡀ ࡀࡌࡓࡀ ࡅࡀࡎࡉࡀ ࡋࡌࡀࡋࡀࡋࡀ ࡖࡌࡀࡋࡀࡋࡕࡁࡇ ࡅࡊࡔࡈࡀ ࡀࡎࡉࡀࡊ ࡈࡀࡁࡀ ࡅࡆࡀࡉࡊࡀ ࡂࡀࡁࡓ. |
| 371 |
ࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡖࡒࡀࡓࡉࡀ ࡅࡌࡀࡓࡐࡉࡔ ࡓࡀࡄࡌࡇ ࡒࡀࡋࡀ ࡖࡌࡀࡃࡍࡀ ࡖࡄࡉࡉࡀ ࡋࡓࡀࡆࡉࡀ ࡖࡄࡀࡆࡉࡍ ࡀࡋࡌࡀ ࡌࡀࡓࡐࡉࡔࡋࡅࡍ ࡋࡁࡄࡉࡓࡉࡀ ࡆࡉࡃࡒࡀ ࡀࡋࡌࡀ ࡖࡓࡀࡆ ࡓࡀࡆࡉࡀ ࡀࡋࡌࡀ ࡖࡓࡀࡆ ࡓࡀࡆࡉࡀ ࡅࡓࡉࡌࡆࡉࡀ ࡖࡏࡉࡍࡔ ࡋࡓࡀࡆࡉࡇ ࡋࡀࡏࡃࡀ ࡅࡓࡀࡆࡀ ࡖࡎࡀࡃࡀࡀࡍ ࡏࡔࡅࡌࡉࡀ ࡓࡀࡆࡀ ࡖࡀࡓࡒࡀ ࡉࡍࡀࡄࡀ ࡅࡓࡀࡆࡀ ࡖࡄࡔࡅࡀࡊ ࡋࡉࡋࡉࡀ ࡓࡀࡆࡀ ࡖࡄࡍࡅࡓࡀ ࡏࡅࡌ. |
| 372 |
ࡀࡌࡀ ࡓࡀࡆࡀ ࡖࡌࡉࡄࡋࡀ ࡉࡍࡔࡉࡌࡕࡀ ࡓࡀࡆࡀ ࡖࡌࡉࡀ ࡄࡉࡉࡀ ࡅࡓࡀࡆࡀ ࡖࡌࡅࡕࡀ ࡔࡉࡕࡍࡀ ࡅࡓࡀࡆࡀ ࡖࡄࡉࡓࡁࡀ ࡅࡍࡓࡀ ࡅࡓࡀࡆࡀ ࡖࡒࡀࡃࡌࡀࡉࡀ ࡁࡓࡇ ࡓࡀࡆࡀ ࡖࡀࡋࡌࡉࡀ ࡀࡃࡀࡌ ࡖࡋࡀࡒࡀࡌ ࡏࡋࡀ ࡋࡅࡊࡋࡄࡅࡍ ࡀࡋࡌࡉࡀ ࡓࡀࡆࡀ ࡖࡒࡅࡌࡁࡀ ࡖࡁࡄࡉࡓࡉࡀ ࡆࡉࡃࡒࡀ ࡅࡌࡉࡃࡀ ࡄࡃࡀ ࡅࡌࡀ ࡓࡀࡆࡀ ࡖࡉࡍࡄࡅࡕࡀ ࡉࡍࡁࡊࡀࡔ ࡄࡃࡀ ࡅࡌࡉࡔࡌࡀ ࡄࡃࡀ ࡓࡀࡆࡉࡀ ࡖࡌࡀࡁࡑࡅࡕࡀ ࡌࡉࡌࡀࡓ ࡄࡃࡀ ࡅࡌࡉࡔࡕࡌࡀ ࡄࡃࡀ ࡖ. |
| 373 |
ࡌࡀࡓࡂࡀࡉࡍࡕࡀ ࡌࡉࡌࡀࡓ ࡄࡃࡀ ࡓࡀࡆࡀ ࡌࡉࡁࡊࡀࡔ ࡁࡔࡅࡒࡉࡀ ࡅࡌࡉࡃࡀ ࡓࡀࡆࡀ ࡖࡓࡀࡄࡌࡅࡕࡀ ࡀࡉࡉࡍࡀ ࡋࡌࡉࡔࡕࡀࡃࡅࡓࡉࡀ ࡁࡀࡋࡌࡀ ࡓࡀࡆࡀ ࡖࡌࡉࡎࡉࡊࡅࡍࡕࡀ ࡅࡀࡓࡃࡀ ࡓࡀࡆࡉࡀ ࡖࡀࡐࡂࡓࡀ ࡓࡀࡆࡀ ࡖࡁࡄࡉࡓࡉࡀ ࡀࡎࡀ ࡁࡄࡉࡓࡉࡀ ࡌࡉࡓࡅࡀࡆ ࡓࡀࡅࡆࡉࡀ ࡖࡌࡊࡀ ࡖࡀࡎࡀ ࡓࡀࡅࡆ ࡀࡐࡂࡓࡉࡀ ࡌࡉࡕࡍࡀࡓ ࡀࡍࡕࡓࡉࡀ ࡖࡌࡊࡀ ࡖࡅࡀࡓࡃࡀ ࡀࡍࡕࡀࡓ ࡅࡔࡀࡋࡉࡌࡋࡇ ࡉࡊࡋࡇ ࡋࡀࡋࡌࡀ ࡌࡉࡕࡍࡀࡓ ࡀࡍࡕࡓࡉࡀ ࡀࡐࡂࡓ. |
| 374 |
ࡉࡀ ࡖࡌࡀࡌࡉࡍࡕ ࡂࡅࡉࡍࡉࡀ ࡖࡄࡀࡆࡉࡍ ࡀࡋࡌࡀ ࡌࡀࡍ ࡀࡕࡉࡕ ࡂࡁࡀࡓ ࡔࡊࡉࡈ ࡖࡏࡋ ࡓࡉࡔࡀࡉ ࡕࡓࡉࡋࡑࡉࡀ ࡓࡅࡔࡅࡌࡀ ࡂࡀࡁࡓࡀ ࡀࡀࡍ ࡅࡍࡓࡊࡀࡉࡀ ࡅࡎࡀࡋࡒࡉࡀࡍࡁࡇ ࡋࡀࡕࡀࡓ ࡄࡍࡅࡓ ࡋࡓࡉࡔࡀࡉ ࡓࡅࡔࡅࡌࡀ ࡕࡓࡉࡋࡑࡉࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡖࡃࡀࡉࡉࡍ ࡅࡀࡕࡉࡀ ࡁࡀࡋࡌࡀ ࡒࡀࡋࡀ ࡖࡌࡀࡃࡍࡀ ࡖࡄࡉࡉࡀ ࡅࡌࡔࡀࡓࡂࡉࡆࡋࡅࡍ ࡋࡓࡉࡔ ࡌࡀࡔࡊࡉࡍࡀ ࡃࡀࡉ. |
| 375 |
ࡉࡋࡍࡅࡍ ࡋࡂࡀࡆࡍࡉࡁࡓࡉࡀ ࡁࡀࡉࡕࡀ ࡁࡀࡂࡓࡀ ࡅࡆࡉࡃࡒࡀ ࡖࡏࡄࡀࡁࡋࡅࡍ ࡃࡀࡉࡉࡋࡍࡅࡍ ࡋࡎࡀࡁࡓࡉࡀ ࡅࡊࡔࡈࡀ ࡅࡀࡉࡉࡋ ࡋࡁࡉࡕ ࡂࡉࡆࡍࡀࡉࡄࡅࡍ ࡅࡉࡊࡎࡉࡅࡉࡀ ࡏࡄࡀࡁࡋࡅࡍ ࡀࡂࡓࡀ ࡅࡆࡉࡃࡒࡀ ࡀࡌࡉࡈࡍࡅࡋ ࡖࡔࡅࡕࡀ ࡖࡄࡉࡉࡀ ࡌࡍ ࡁࡀࡋࡅࡍ ࡀࡉࡉࡋ ࡎࡊࡅࡉࡀ ࡁࡉࡕ ࡂࡉࡆࡍࡀࡉࡄࡅࡍ ࡖࡒࡀࡓࡉࡀ ࡅࡌࡀࡓࡐࡉࡔ ࡅࡊࡋࡄࡅࡍ ࡓࡀࡄࡌࡇ ࡀࡃࡀࡕ ࡒࡀࡋࡀ ࡖࡌࡀࡃࡍࡀ ࡖࡄࡉࡉࡀ ࡅࡏࡆࡃࡀࡄࡓࡅࡋࡉࡀ ࡓࡀࡄࡌࡀࡉ ࡏࡆࡃ. |
| 376 |
ࡀࡄࡓࡅࡋࡉࡀ ࡀࡄࡀࡉ ࡌࡍ ࡌࡅࡕࡀ ࡖࡌࡀࡉࡕࡉࡀ ࡓࡉࡔ ࡌࡀࡔࡊࡉࡍࡀ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡅࡗ ࡏࡌࡉࡀࡑࡍ ࡀࡉࡀࡍࡉࡄࡅࡍ ࡗ ࡕࡐࡉࡀ ࡅࡐࡌࡀࡉࡄࡅࡍ ࡌࡀࡉࡕࡉࡀ ࡖࡄࡀࡕࡀࡌ ࡔࡀࡉࡀࡋࡕࡀ ࡄࡀࡅࡉࡀࡋࡅࡍ ࡌࡉࡔࡕࡀࡉࡋࡉࡀ ࡏࡋ ࡉࡍࡔࡌࡀࡕࡅࡍ ࡄࡀࡅࡉࡀࡋࡅࡍ ࡄࡀࡕࡀࡌ ࡔࡀࡉࡀࡋࡕࡀ ࡀࡌࡀࡓࡋࡅࡍ ࡌࡉࡀࡍࡉࡄࡅࡍ ࡅࡋࡀࡉࡀࡄࡁࡉࡀ ࡅࡌࡎࡀࡓࡉࡋࡅࡍ ࡕࡀࡋࡉࡀ ࡓࡁࡀࡉࡍࡀ ࡖࡁࡀࡉࡉࡍ ࡕࡀࡋࡉࡀ ࡔࡅࡀࡋࡀࡉࡍࡀ ࡖࡌࡀࡋࡉࡐࡋࡅࡍ. |
| 377 |
ࡅࡋࡀࡉࡀࡋࡉࡐࡀ ࡅࡔࡅࡀࡋࡉࡀ ࡏࡌࡀ ࡅࡁࡓࡀࡕࡀ ࡃࡀࡉࡀࡍ ࡄࡀࡕࡀࡌ ࡄࡀࡕࡀࡌ ࡀࡁࡀ ࡅࡁࡓࡀ ࡃࡀࡉࡉࡍ ࡓࡁࡀ ࡀࡁࡃࡀ ࡅࡌࡀࡓࡇ ࡃࡀࡉࡉࡍ ࡏࡂࡉࡓࡀ ࡅࡀࡂࡓࡇ ࡄࡀࡌࡀࡕࡀ ࡅࡀࡊࡋࡕࡀ ࡄࡀࡕࡀࡌ ࡅࡅࡊࡋࡄࡅࡍ ࡌࡀࡐࡔࡒࡉࡋࡅࡍ ࡅࡊࡋࡄࡅࡍ ࡃࡉࡉࡍࡀ ࡃࡀࡉࡉࡍࡋࡅࡍ ࡀࡋࡌࡀ ࡖࡓࡁࡀ ࡎࡀࡌࡉࡊ ࡏࡋࡇ ࡏࡋࡀ ࡃࡉࡀࡍ ࡖࡂࡀࡁࡓࡀ ࡅࡏࡕࡍࡇ ࡅࡀࡎࡉࡒ ࡕࡉࡓࡇࡑ ࡁࡉࡕ ࡕࡅࡔࡋࡉࡌࡀ ࡃࡉࡀࡍ ࡅࡆࡀࡉࡊࡇ ࡌࡀࡃࡍࡀ ࡖࡄࡉࡉࡀ ࡅࡆ. |
| 378 |
ࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡈࡅࡁࡇ ࡖࡋࡀࡍࡔࡐࡉࡇ ࡉࡍࡒࡅࡌ ࡀࡊࡋࡅࡆࡀ ࡖࡄࡉࡉࡀ ࡒࡀࡓࡉࡀ ࡋࡀࡉࡉࡕ ࡀࡅࡊࡀࡕࡇ ࡁࡀࡋࡌࡀ ࡂࡀࡁࡓࡀ ࡖࡉࡍࡒࡅࡌ ࡋࡀࡍࡔࡐࡉࡇ ࡖࡎࡉࡈࡀࡓ ࡄࡅࡀࡉࡕࡅࡍ ࡌࡍ ࡅࡊࡋ ࡁࡉࡔ ࡈࡅࡁࡀࡉࡅࡊࡍ ࡀࡁࡃࡉࡀ ࡔࡊࡉࡓࡉࡀ ࡖࡁࡉࡔࡅࡕࡀ ࡁࡂࡀࡅࡇ ࡌࡀࡌࡋࡉࡀࡊ ࡅࡀࡉࡋࡀࡊ ࡋࡉࡁࡀ ࡁࡉࡔࡀ ࡋࡌࡉࡔࡓࡉࡀ ࡁࡈࡀࡁࡅ ࡈࡀࡁࡕࡀ ࡅࡋࡀࡔࡀࡁࡒࡉࡋࡇ ࡁࡉࡔࡅࡕࡀ. |
| 379 |
ࡎࡀࡈࡀࡀࡍ ࡄࡅࡀࡖࡌࡍ ࡆࡉࡃࡀ ࡖ ࡅࡓࡅࡉࡀࡇࡍ ࡖࡆࡉࡃࡀࡀࡍ ࡁࡏࡅࡌࡒࡉࡀ ࡔࡀࡓࡉࡀ ࡕࡉࡓࡀࡕࡀ ࡖࡀࡐࡓࡀ ࡒࡉࡀࡍ ࡋࡀࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡅࡐࡌࡇ ࡖࡀࡐࡄࡕࡀ ࡅࡋࡀࡉࡉࡈ ࡌࡀࡓࡀࡉࡄࡅࡍ ࡁࡄࡉࡓࡁࡀ ࡂࡀࡈࡋࡀ ࡖࡏࡃࡇ ࡌࡃࡀࡋࡉࡀ ࡅࡌࡀࡄࡉࡀ ࡖࡋࡀࡎࡁࡀࡕ ࡌࡉࡇࡍ ࡖࡄࡀࡆࡉࡍ ࡀࡋࡌࡀ ࡅࡀࡉࡋࡉࡊ ࡀࡊࡓࡎࡀ ࡓࡀࡁࡕࡉࡀ ࡂࡅࡁࡓࡉࡀ ࡖࡆࡉࡃࡒࡀ ࡉࡀࡄࡁࡉࡀ ࡏࡋࡅࡊࡍ ࡒࡀࡓࡉࡀࡍ ࡅࡀࡌࡀࡓࡀࡍ ࡏࡅ ࡕࡉࡎࡉࡄࡃࡅࡍ. |
| 380 |
ࡋࡀࡕࡉࡕࡅࡍࡍ ࡏࡅ ࡉࡀࡄࡁࡉࡕࡅࡍ ࡋࡀࡕࡉࡎࡉࡄࡃࡅࡍ ࡋࡎࡌࡀࡋࡀࡉࡅࡊࡍ ࡋࡀࡕࡉࡌࡓࡅࡍ ࡏࡅ ࡉࡀࡄࡁࡉࡕࡅࡍ ࡁࡉࡀࡌࡉࡀࡍࡉࡅࡊࡍ ࡖࡋࡀࡎࡁࡀࡓ ࡌࡉࡇࡍ ࡌࡍ ࡄࡅࡅࡊࡌࡕࡇ ࡅࡀࡉࡋࡇ ࡋࡄࡀࡉࡊࡌࡀ ࡖࡁࡉࡕࡍࡀ ࡋࡒࡅࡃࡀࡌࡇ ࡋࡀࡁࡀࡍ ࡅࡀࡉࡋࡇ ࡋࡁࡀࡀࡍࡉࡀ ࡖࡃࡉࡓࡀࡊ ࡋࡀࡍࡔࡐࡉࡇ ࡋࡀࡃࡓࡉࡊ ࡅࡀࡉࡋࡇ ࡋࡌࡀࡃࡓࡉࡊ ࡃࡉࡓࡉࡊࡀ ࡅࡋࡀࡎࡀࡋࡉࡒ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉ. |
| 381 |
ࡉࡍ ࡄࡉࡉࡀ ࡆࡀࡉࡊࡍ ࡀࡊࡋࡅࡆࡀ ࡖࡄࡉࡉࡀ ࡓࡅࡓࡁࡉࡀ ࡀࡊࡋࡅࡆࡀ ࡖࡄࡉࡉࡀ ࡒࡀࡓࡉࡀ ࡅࡊࡋ ࡏࡉࡍࡔ ࡖࡁࡀࡍࡔࡐࡉࡇ ࡉࡍࡆࡃࡀࡄࡀࡓ ࡀࡊࡋࡅࡆࡀ ࡖࡄࡉࡉࡀ ࡒࡀࡃࡉࡀ ࡅࡋࡉࡁࡇ ࡉࡍࡄࡅࡉࡋࡇ ࡀࡓࡃࡉࡋࡊࡀ ࡈࡅࡁࡇ ࡖࡀࡍࡔࡐࡉࡇ ࡉࡍࡃࡀ ࡖࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡈࡅࡁࡀࡉࡄࡅࡍ ࡖࡅࡊࡔࡈࡀࡉࡍࡀ ࡖࡌࡅࡋࡀࡊࡀࡍ ࡋࡀࡍࡔࡐࡉࡇ ࡋࡀࡌࡋࡉࡊ ࡅࡀࡉࡋࡇ ࡏࡋ ࡌࡀࡌࡋࡉࡊ ࡌࡉࡋࡉࡊࡀ ࡖࡃࡉࡓࡀࡊ ࡋࡀࡍࡔࡐࡉ. |
| 382 |
ࡇ ࡋࡀࡃࡓࡉࡊ ࡅࡀࡉࡋࡇ ࡏࡋ ࡌࡀࡃࡓࡉࡊ ࡃࡉࡓࡉࡊࡀ ࡗ ࡀࡆࡉࡋ ࡁࡂࡀࡅࡇ ࡋࡀࡌࡉࡄࡒࡉࡋ ࡖࡋࡀࡁࡀࡍ ࡋࡒࡅࡃࡀࡌࡇ ࡁࡉࡕࡍࡀ ࡅࡀࡉࡋࡇ ࡋࡁࡀࡀࡍࡉࡀ ࡖࡋࡀࡎࡉࡁࡅࡉࡀ ࡁࡉࡔࡉࡀ ࡋࡄࡀࡆࡉࡍ ࡀࡋࡌࡀ ࡅࡀࡉࡋࡇ ࡋࡀࡒࡅࡕ ࡀࡉࡉࡍࡀ ࡖࡅࡊࡋ ࡖࡀࡋࡊࡀࡕ ࡀࡊࡓࡎࡀ ࡋࡀࡌࡋࡀࡕ ࡅࡀࡉࡋࡇ ࡋࡀࡊࡓࡎࡀ ࡓࡀࡁࡕࡉࡀ ࡖࡉࡀࡄࡁࡉࡀ ࡕࡓࡉࡍ ࡃࡉࡉࡍࡀ ࡁࡄࡀࡃ ࡅࡀࡉࡋࡉࡅࡍࡍ ࡋࡕࡓࡉࡍ ࡋࡉࡔࡀࡉࡍࡀ ࡖࡌࡀࡋࡉࡐࡋࡅࡍ ࡅࡋࡀࡉࡀࡋࡉࡐࡀ ࡅࡀ. |
| 383 |
ࡉࡋࡉࡅࡍࡍ ࡋࡉࡀࡋࡅࡉࡐࡀ ࡖࡁࡎࡀࡋࡊࡅࡕࡅࡍ ࡌࡉࡎࡕࡀࡓࡊࡉࡀ ࡅࡀࡉࡋࡉࡅࡍࡍ ࡋࡎࡀࡋࡊࡉࡀ ࡕࡌࡉࡌࡉࡀ ࡖࡋࡀࡎࡁࡀࡓ ࡌࡉࡇࡍ ࡌࡍ ࡄࡅࡅࡊࡌࡕࡇ ࡅࡀࡉࡋࡇ ࡋࡄࡀࡉࡊࡌࡀ ࡖࡌࡔࡀࡋࡈࡉࡀ ࡔࡁࡉࡒࡉࡀ ࡅࡀࡉࡋࡉࡅࡍࡍ ࡋࡔࡀࡋࡉࡈࡉࡀ ࡅࡀࡍࡋࡐࡉࡀ ࡁࡅࡍࡓࡀ ࡖࡉࡀࡒࡃࡀ ࡅࡋࡀࡁࡃࡉࡀ ࡏࡅࡁࡀࡃࡉࡀ ࡔࡀࡉࡐࡓࡉࡀ ࡅࡁࡎࡉࡐࡄࡀࡕࡅࡍ ࡌࡎࡀࡓࡎࡉࡉࡐࡍ ࡉࡀࡒࡃࡀࡀࡍ ࡁࡏࡃࡀࡉࡄࡅࡍ ࡁࡀࡃࡉࡍ ࡂࡅࡌࡓࡉࡀ ࡖࡁࡉࡔࡅࡕࡀ ࡁࡂࡀࡅࡇ ࡌࡀࡌࡋࡉ. |
| 384 |
ࡀࡊ ࡅࡀࡉࡋࡇ ࡏࡋ ࡋࡉࡁࡀ ࡁࡉࡔࡀ ࡅࡎࡀࡉࡉࡐ ࡁࡎࡀࡅࡀࡐ ࡖࡀࡋࡌࡀ ࡌࡀࡌࡋࡉࡀࡊࡁࡇ ࡁࡉࡔࡅࡕࡀ ࡎࡀࡉࡉࡐ ࡅࡋࡀࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡅࡀࡉ ࡅࡀࡉ ࡒࡀࡓࡉࡀ ࡌࡀࡍ ࡖࡀࡁࡀࡃ ࡁࡉࡔ ࡈࡅࡁࡇ ࡋࡌࡀࡍ ࡖࡀࡁࡀࡃ ࡈࡀࡁ ࡅࡋࡀࡈࡀࡉࡉࡁ ࡌࡉࡇࡍ ࡌࡍ ࡈࡀࡁࡅࡕࡇ ࡅࡀࡉࡋࡇ ࡋࡌࡀࡍ ࡖࡄࡅࡀࡋࡇ ࡅࡔࡀࡅࡉࡀ ࡋࡒࡅࡃࡀࡌࡇ ࡕࡉࡒࡋࡀࡕࡀ ࡄࡀࡈࡀࡉࡉࡀ ࡋࡀࡍࡔࡐࡉࡇ ࡀࡁࡀࡃ ࡅࡈࡀࡉࡉࡁ ࡌࡉࡇࡍ ࡌࡍ ࡈࡀࡁࡅࡕࡇ ࡈࡅࡁࡇ ࡋࡌ. |
| 385 |
ࡀࡍ ࡖࡄࡅࡀࡋࡇ ࡏࡅࡁࡀࡃࡉࡇ ࡋࡒࡅࡃࡀࡌࡇ ࡀࡆࡋࡉࡀ ࡀࡂࡓࡀ ࡋࡀࡍࡔࡐࡉࡇ ࡀࡁࡀࡃ ࡅࡌࡉࡎࡕࡀࡌࡉࡊࡋࡇ ࡋࡀࡒࡀࡌࡇ ࡁࡏࡅࡄࡓࡀ ࡏࡅࡁࡀࡃࡉࡇ ࡀࡆࡋࡉࡀ ࡋࡀࡒࡀࡌࡇ ࡎࡀࡒ ࡄࡅࡆࡉࡇ ࡋࡀࡕࡀࡓ ࡄࡍࡅࡓ ࡏࡃࡀࡉࡅࡊࡍ ࡉࡍࡁࡃࡅࡍ ࡅࡊࡔࡈࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡉࡀࡍࡊ ࡃࡀࡅࡓࡀ ࡕࡀࡒࡀࡍ ࡌࡍ ࡀࡕࡓࡀ ࡖࡄࡍࡅࡓࡀ ࡉࡍࡒࡐࡉࡕ ࡏࡅࡕࡓࡀ ࡌࡍ ࡄࡉࡉࡀ ࡋࡅࡀࡍ ࡀࡕࡓࡀ ࡖࡉࡍࡒࡐࡉࡕ ࡌࡉࡇࡍ ࡂࡀࡅࡀࡆࡀ ࡖࡌࡉࡀ ࡄࡉࡉࡀ. |
| 386 |
ࡁࡏࡃࡇ ࡋࡂࡉࡈ ࡏࡅࡕࡓࡀ ࡖࡋࡅࡀࡍ ࡌࡍ ࡁࡉࡕ ࡄࡉࡉࡀ ࡅࡊࡋࡇ ࡀࡋࡅࡀ ࡌࡍ ࡓࡉࡔ ࡁࡓࡉࡔ ࡂࡀࡅࡀࡆࡀ ࡖࡋࡂࡉࡈ ࡁࡏࡃࡇ ࡋࡉࡁࡀࡉ ࡖࡀࡊࡉࡅࡁ ࡉࡍࡕࡀࡀࡐࡍ ࡌࡍ ࡀࡈࡉࡓࡉࡐࡇ ࡏࡄࡀࡁࡋࡉࡀ ࡌࡉࡇࡍ ࡎࡉࡃࡓࡉࡀ ࡌࡋࡉࡍ ࡕࡀࡍ ࡏࡄࡀࡁࡋࡉࡀ ࡌࡉࡇࡍ ࡀࡉࡀࡍࡉ ࡕࡓࡀࡋࡑࡉࡀ ࡁࡓࡉࡔࡀࡉ ࡕࡋࡀࡕ ࡏࡄࡀࡁࡋࡉࡀ ࡌࡉࡇࡍ ࡄࡆࡀࡉࡕࡇ ࡅࡁࡀࡔࡒࡉࡓࡕࡇ ࡋࡀࡁ ࡀࡉࡀࡍࡉ ࡁࡓࡉࡔࡀࡉ ࡕࡓࡀࡋࡑࡉࡀ ࡅࡔࡀࡉࡉࡋࡕࡇ ࡔࡅࡋࡕࡀ ࡕ. |
| 387 |
ࡋࡀࡕ ࡄࡆࡀࡉࡕࡇ ࡋࡀࡁ ࡅࡁࡀࡔࡒࡉࡓࡕࡇ ࡖࡎࡁࡉࡋࡉࡁࡇ ࡓࡅࡓࡁࡉࡀ ࡅࡃࡉࡓࡃࡒࡉࡀ ࡔࡀࡋࡕࡇ ࡋࡉࡁࡀ ࡓࡁࡀ ࡖࡌࡓࡉࡃࡅࡕࡀ ࡋࡉࡕࡁࡇ ࡔࡀࡋࡕࡇ ࡋࡉࡍࡄࡅࡕࡀ ࡖࡎࡋࡀࡒ ࡁࡔࡋࡀࡌ ࡋࡀࡕࡀࡓ ࡄࡍࡅࡓ ࡔࡀࡋࡕࡇ ࡃࡉࡓࡉࡊࡀ ࡌࡉࡊࡉࡊࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡆࡀࡉࡊࡍ ࡌࡉࡔࡕࡀࡉࡉࡍ ࡄࡉࡉࡀ ࡎࡀ ࡌࡉࡀࡍࡊ ࡃࡀࡅࡓࡀ ࡕࡀࡒࡀࡍ ࡌࡍ ࡀࡕࡓࡀ ࡖࡄࡍࡅࡓࡀ ࡉࡍࡒࡐࡉࡕ ࡅࡋࡊࡉࡋࡀ ࡖࡆࡀࡀࡊࡅࡀࡕࡀ ࡁࡓࡉࡔࡀࡉ. |
| 388 |
ࡕࡓࡉࡋࡑࡉࡀ ࡏࡈࡑࡋࡉࡀ ࡖࡆࡉࡅࡀ ࡋࡁࡉࡔࡀࡍ ࡗ ࡋࡉࡊࡇࡐ ࡖࡉࡀࡓࡃࡀࡍ ࡒࡀࡉࡌࡉࡀ ࡀࡕࡉࡕ ࡅࡀࡔࡉࡊࡕࡉࡅࡍࡍ ࡋࡀࡍࡅࡑࡓࡀࡉࡉࡀ ࡗ ࡀࡁࡀ ࡖࡉࡀࡕࡉࡁ ࡀࡁࡉࡉࡍࡀ ࡁࡇࡍ ࡕࡓࡀࡕࡑࡇ ࡋࡅࡊࡓࡎࡉࡀࡉ ࡅࡉࡀࡕࡁࡉࡕ ࡅࡊࡋ ࡔࡓࡀࡓࡀ ࡖࡈࡏࡉࡀ ࡋࡉࡕࡁࡇ ࡉࡀࡕࡉࡁ ࡈࡀࡁࡀ ࡅࡌࡀࡋࡉࡋࡐࡅࡍ ࡋࡁࡇࡍ ࡁࡀࡍࡉ ࡄࡆࡅࡍ ࡏࡃࡉࡋࡌࡀ ࡖࡂࡅࡁࡍࡀ ࡕࡉࡂࡉࡁࡍࡅࡍ ࡄࡆࡅࡍ ࡏࡃࡉࡋࡌࡀ ࡖࡕࡉࡂࡉࡓࡅࡍ ࡂࡀࡅࡓࡀ ࡋࡁࡉࡕ ࡄࡉࡉࡀ ࡋࡀࡎࡀࡋ. |
| 389 |
ࡒࡉࡀ ࡖࡂࡀࡉࡓࡉࡀ ࡅࡂࡀࡁࡍࡉࡀ ࡅࡋࡀࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡋࡀࡎࡀࡋࡒࡉࡀ ࡋࡁࡉࡕ ࡄࡉࡉࡀ ࡁࡀࡍࡉ ࡅࡕࡉࡓࡑࡅࡍ ࡁࡀࡐࡂࡓࡀ ࡉࡍࡔࡉࡌࡕࡀ ࡄࡆࡅࡍ ࡏࡃࡉࡋࡌࡀ ࡕࡉࡁࡃࡅࡍ ࡄࡀࡓࡔࡉࡀ ࡃࡀࡉࡀࡅࡍࡍ ࡖࡓࡀࡄࡕࡀࡍ ࡅࡅࡍࡓࡀ ࡄࡀࡅࡉࡀ ࡄࡀࡓࡀࡔࡉࡀ ࡅࡆࡉࡀࡐࡉࡍࡀ ࡔࡀࡃࡉࡋࡅࡍ ࡁࡃࡅࡃࡉࡀ ࡁࡀࡍࡉ ࡉࡅࡌࡀ ࡖࡕࡉࡔࡀࡅࡍࡍ ࡓࡁࡀ ࡅࡊࡃࡀࡊ ࡄࡆࡅࡍ ࡏࡃࡉࡋࡌࡀ ࡕࡉࡐࡅࡊࡍ ࡌࡉࡓࡑࡉࡀ ࡀࡉࡀࡍࡉࡄࡅࡍ ࡄࡍࡅࡓࡀ ࡋࡀࡄࡀ. |
| 390 |
ࡆࡉࡀࡍ ࡄࡀࡋࡉࡍ ࡖࡀࡐࡉࡊࡀ ࡌࡉࡓࡑࡉࡀ ࡁࡀࡍࡉ ࡀࡁࡃࡀ ࡁࡉࡀࡃ ࡌࡀࡓࡇ ࡅࡋࡀࡌࡕࡀ ࡁࡉࡀࡃ ࡌࡀࡓࡕࡇ ࡄࡆࡅࡍ ࡏࡃࡉࡋࡌࡀ ࡕࡉࡎࡓࡅࡍ ࡌࡉࡕࡉࡀࡁࡀࡈ ࡁࡀࡕࡓࡀ ࡂࡆࡉࡓࡀ ࡌࡀࡀࡊ ࡋࡕࡀࡒࡉࡀࡐ ࡋࡀࡕࡀࡕࡅࡍࡍ ࡅࡋࡉࡂࡓࡇ ࡔࡓࡀࡓࡀ ࡋࡀࡌࡀࡔࡀࡊ ࡁࡉࡕ ࡌࡀࡎࡊࡉࡀ ࡀࡉࡇࡍ ࡄࡀࡆࡉࡀ ࡄࡔࡅࡀࡊ ࡁࡀࡍࡉ ࡀࡌࡕࡀ ࡖࡋࡀࡓࡐࡉࡒࡀ ࡄࡆࡅࡍ ࡏࡃࡉࡋࡌࡀ ࡕࡉࡋࡉࡂࡈࡅࡍ ࡋࡁࡉࡕ ࡌࡀࡓࡉࡀ ࡅࡁࡀࡍࡉࡅࡊࡍ ࡕࡀࡉࡋࡅࡍ ࡁࡉࡅࡌࡀ ࡖ. |
| 391 |
ࡌࡀࡓࡇ ࡌࡀࡂࡆࡀࡓ ࡏࡋࡇ ࡉࡅࡌࡀ ࡖࡄࡀࡈࡉࡀ ࡀࡁࡃࡀ ࡁࡓࡉࡔࡀ ࡖࡀࡁࡅࡉࡀ ࡎࡀࡋࡒࡀ ࡄࡀࡈࡀࡉࡉࡀ ࡖࡄࡀࡈࡉࡀ ࡀࡁࡃࡀ ࡁࡀࡍࡉ ࡅࡀࡉࡀࡍࡉࡅࡊࡍ ࡓࡉࡌࡆࡀ ࡉࡍࡓࡉࡌࡆࡀࡍ ࡄࡆࡅࡍ ࡏࡃࡉࡋࡌࡀ ࡕࡉࡄࡅࡍ ࡀࡊࡓࡀࡉࡑࡀ ࡋࡌࡀࡈࡀࡓࡀࡕࡀ ࡌࡉࡕࡀࡃࡍࡉࡆࡉࡀ ࡀࡌࡉࡈࡍࡅࡋ ࡖࡀࡊࡓࡀࡉࡑࡀ ࡅࡓࡀࡌࡀࡆࡉࡀ ࡅࡃࡉࡀࡍ ࡀࡆࡉࡆࡀ ࡌࡉࡃࡉࡉࡍࡍ ࡋࡌࡀࡈࡀࡓࡀࡕࡀ ࡌࡉࡕࡀࡃࡍࡉࡆࡉࡀ ࡁࡀࡍࡉ ࡄࡁࡅࡋࡉࡀ ࡅࡄࡁࡅࡋ ࡄࡁࡅࡋࡉࡀ ࡄࡆࡅ. |
| 392 |
ࡍ ࡏࡃࡉࡋࡌࡀ ࡖࡕࡉࡋࡊࡅࡍ ࡕࡉࡃࡉࡅࡍࡍ ࡁࡈࡅࡓࡀ ࡄࡀࡔࡀࡊ ࡁࡀࡍࡉ ࡋࡀࡐࡕࡉࡓࡊࡉࡀ ࡅࡏࡋ ࡀࡑࡈࡀࡉࡍࡀ ࡄࡆࡅࡍ ࡏࡃࡉࡋࡌࡀ ࡕࡉࡎࡉࡂࡃࡅࡍ ࡅࡋࡄࡀࡋࡉࡅࡕࡀ ࡖࡄࡀࡆࡉࡍ ࡀࡋࡌࡀ ࡅࡏࡋ ࡏࡅࡊࡓࡉࡀ ࡅࡏࡋ ࡄࡀࡉࡍࡅࡐࡕࡀ ࡃࡉࡉࡍࡀ ࡂࡆࡉࡓࡀ ࡄࡀࡅࡉࡀ ࡏࡋࡀࡅࡀࡉࡄࡅࡍ ࡀࡌࡉࡈࡍࡅࡋ ࡖࡀࡐࡕࡉࡓࡊࡉࡀ ࡅࡀࡑࡈࡀࡉࡍࡀ ࡋࡁࡉࡕ ࡄࡉࡉࡀ ࡋࡀࡎࡀࡋࡒࡉࡀ ࡅࡎࡀࡂࡀࡃࡉࡀ ࡖࡎࡀࡂࡃࡉࡋࡅࡍ ࡅࡋࡀࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡋࡀࡎ. |
| 393 |
ࡀࡋࡒࡉࡀ ࡋࡁࡉࡕ ࡄࡉࡉࡀ ࡖࡏࡅࡋࡀ ࡅࡔࡉࡒࡓࡀ ࡋࡀࡕࡉࡎࡉࡄࡃࡅࡍ ࡄࡆࡅࡍ ࡖࡀࡐࡒࡉࡃࡕࡉࡍࡅࡊࡍ ࡅࡎࡀࡄࡃࡅࡕࡀ ࡒࡅࡃࡀࡌ ࡃࡀࡉࡀࡀࡍ ࡌࡉࡔࡕࡀࡉࡋࡉࡀ ࡌࡍ ࡒࡁࡀࡋ ࡖࡎࡀࡄࡃࡅࡕࡀ ࡖࡏࡅࡋࡀ ࡅࡔࡉࡒࡓࡀ ࡖࡃࡀࡉࡉࡋࡍࡅࡍ ࡋࡅࡊࡋࡄࡅࡍ ࡀࡋࡌࡉࡀ ࡌࡉࡔࡕࡀࡉࡋࡉࡀ ࡒࡅࡃࡀࡌ ࡃࡀࡉࡀࡀࡍ ࡗ ࡏࡅࡁࡀࡃࡇ ࡅࡀࡂࡓࡇ ࡃࡀࡉࡉࡋࡍࡅࡍ ࡋࡅࡊࡋ ࡏࡉࡍࡔ ࡁࡀࡍࡉ ࡁࡄࡀࡁࡓࡀࡉࡅࡊࡍ ࡋࡀࡕࡉࡁࡃࡅࡍ ࡅࡊࡋ ࡌࡉࡃࡍࡀࡌ ࡖࡎࡉࡍࡀ ࡏࡋࡀࡅࡀ. |
| 394 |
ࡉࡅࡊࡍ ࡃࡉࡀࡍ ࡅࡀࡃࡍࡀࡆࡕࡀ ࡓࡁࡀ ࡏࡕࡁࡇ ࡖࡀࡋࡌࡀ ࡖࡀࡆࡋࡉࡕࡅࡋࡇ ࡖࡅࡊࡋ ࡉࡅࡌ ࡌࡀࡉࡍࡀ ࡎࡌࡉࡓࡉࡀ ࡏࡕࡁࡇ ࡃࡉࡀࡍ ࡅࡀࡃࡍࡀࡆࡕࡀ ࡓࡁࡀ ࡁࡂࡀࡅࡇ ࡌࡉࡕࡁࡉࡄࡓࡉࡀ ࡖࡓࡉࡒࡀࡍ ࡄࡀࡀࡊ ࡌࡉࡕࡀࡂࡆࡀࡓ ࡀࡌࡉࡈࡍࡅࡋ ࡖࡅࡊࡋ ࡌࡀࡍ ࡖࡈࡉࡍ ࡎࡀࡋࡉࡒ ࡖࡓࡉࡒࡉࡍ ࡒࡀࡉࡉࡌ ࡁࡉࡕ ࡌࡀࡎࡊࡉࡀ ࡅࡀࡉࡋࡇ ࡋࡓࡉࡒࡀࡀࡍ ࡄࡀࡕࡀࡌ ࡁࡀࡄࡉࡔ ࡁࡀࡊࡍࡇࡐ ࡅࡋࡀࡌࡀࡔࡀࡊ ࡗ ࡄࡅࡀ ࡁࡏࡃࡇ ࡅࡋࡀࡏࡄࡀࡁ ࡔࡀࡃࡉࡋࡇ ࡁࡅࡍ. |
| 395 |
ࡓࡀ ࡖࡉࡀࡒࡃࡀ ࡌࡉࡈࡀࡓࡉࡁࡇ ࡁࡉࡔࡉࡀ ࡅࡀࡊࡃࡀࡁࡉࡀ ࡁࡄࡔࡅࡀࡊ ࡖࡒࡓࡅࡋࡇ ࡁࡏࡅࡃࡇࡍ ࡅࡋࡀࡔࡌࡀ ࡁࡅࡍࡓࡀ ࡖࡉࡀࡒࡃࡀ ࡔࡀࡃࡉࡋࡇ ࡄࡀࡅࡉࡕࡇ ࡅࡋࡀࡄࡆࡀ ࡁࡀࡉࡇࡍ ࡄࡀࡅࡉࡕࡇ ࡁࡀࡉࡇࡍ ࡅࡋࡀࡄࡆࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡗ ࡂࡀࡁࡓࡀ ࡖࡁࡀࡉࡉࡀ ࡁࡉࡕࡍࡀ ࡅࡊࡔࡈࡀ ࡁࡀࡊ ࡎࡀࡄࡉࡃࡀࡍ ࡁࡄࡉࡓࡀ ࡖࡄ. |
| 396 |
ࡉࡉࡀ ࡀࡎࡂࡉࡀ ࡋࡀࡊ ࡋࡀࡊ ࡌࡎࡀࡉࡊࡀࡍࡋࡀࡊ ࡀࡉࡀࡍࡉ ࡈࡀࡁࡀ ࡀࡌࡀࡓࡋࡇ ࡋࡕࡉࡓࡀࡕ ࡕࡉࡕࡀࡀࡐࡊ ࡀࡌࡀࡓࡋࡇ ࡋࡁࡀࡁ ࡉࡍࡀࡑࡓ ࡖࡉࡍࡅࡊࡅࡍࡍ ࡅࡉࡍࡕࡁࡅࡍ ࡋࡃࡅࡕࡊࡀࡉࡄࡅࡍ ࡀࡌࡀࡓࡋࡅࡍ ࡏࡋ ࡓࡅࡉࡀࡅࡍࡍ ࡖࡉࡍࡈࡍࡅࡓࡋࡉࡀ ࡁࡉࡀࡌࡀ ࡌࡀࡁࡓࡀ ࡀࡌࡀࡓࡋࡇ ࡋࡀࡍࡈࡀࡓ ࡉࡀࡌࡀ ࡖࡉࡍࡌࡅࡑࡓࡋࡉࡀ ࡁࡆࡀࡁࡉࡀ ࡌࡉࡓࡑࡀ ࡀࡌࡀࡓࡋࡇ ࡋࡀࡍࡈࡀࡓ ࡆࡀࡁࡉࡀ ࡖࡉࡍࡌࡅࡋࡊࡉࡀ ࡁࡈࡅࡓࡉࡀ ࡏࡅࡄࡓࡀ ࡀࡌࡀࡓࡋࡇ ࡋࡌ. |
| 397 |
ࡀࡉࡉࡊ ࡈࡅࡓࡉࡀ ࡖࡀࡑࡉࡉࡓ ࡉࡑࡋࡌࡉࡀ ࡅࡅࡑࡓࡀࡕࡀ ࡀࡌࡀࡓࡋࡇ ࡋࡀࡑࡉࡀࡓࡀ ࡄࡀࡁࡉࡈࡋࡀࡊ ࡁࡓࡉࡔࡀࡊ ࡓࡀࡂࡀࡂࡕࡀ ࡖࡎࡀࡓࡄࡉࡁ ࡁࡉࡉࡍࡀࡀࡍࡊ ࡁࡉࡍࡀ ࡀࡌࡀࡓࡋࡇ ࡋࡀࡓࡃࡉࡋࡊࡀ ࡖࡀࡐࡂࡓࡉࡀ ࡖࡋࡉࡂࡀࡋ ࡌࡉࡇࡍ ࡀࡍࡒࡐࡉࡕ ࡎࡀࡓࡄࡉࡁ ࡁࡉࡍࡀ ࡁࡉࡉࡍࡀࡀࡍࡊ ࡅࡏࡁࡉࡃࡀࡕࡇ ࡌࡉࡔࡕࡀࡌࡓࡀ ࡀࡌࡉࡈࡍࡅࡋ ࡖࡀࡋࡌࡀ ࡄࡀࡆࡉࡍ ࡁࡀࡈࡉࡋ ࡅࡌࡉࡁࡉࡀ ࡀࡊࡎࡀࡐ ࡅࡋࡀࡌࡉࡕࡀࡔࡀࡊ ࡀࡁࡉࡃ ࡆࡀࡄࡁࡀ ࡓࡄࡉࡌࡀ ࡅࡀࡆࡉࡋ. |
| 398 |
ࡆࡌࡀࡓࡅࡍ ࡁࡀࡈࡉࡋ ࡌࡉࡕࡉࡒࡓࡉࡀ ࡋࡉࡋࡁࡉࡀ ࡄࡀࡃࡅࡀ ࡅࡁࡉࡍࡀ ࡄࡀࡓࡉࡀ ࡁࡔࡉࡁࡉࡀ ࡀࡆࡋࡉࡀ ࡌࡀࡋࡀࡊ ࡔࡀࡁࡉࡒ ࡕࡀࡂࡇ ࡅࡁࡉࡔࡉࡀ ࡄࡀࡀࡊ ࡌࡉࡕࡀࡊࡕࡓࡉࡀ ࡔࡀࡋࡌࡀࡉࡍࡀ ࡎࡀࡋࡒࡉࡀ ࡋࡄࡍࡅࡓࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡉࡉࡌ ࡅࡐࡃࡀࡀࡍ ࡓࡀࡃࡉࡀ ࡋࡄࡉࡋ ࡀࡂࡀࡁࡍࡉࡀ ࡌࡔࡀࡅࡉࡍ. |
| 399 |
ࡀ ࡅࡊࡔࡈࡀ ࡅࡋࡀࡅ ࡌࡍ ࡔࡅࡓࡅࡁࡕࡀࡉ ࡏࡕࡉࡂࡋࡉࡀ ࡅࡐࡃࡀࡀࡍ ࡖࡋࡀࡅ ࡅࡐࡃࡀࡍ ࡕࡀࡅࡓࡉࡀ ࡖࡀࡂࡓࡀ ࡅࡆࡉࡃࡒࡀ ࡆࡀࡓࡀ ࡅࡐࡃࡀࡀࡍ ࡅࡐࡃࡀࡍ ࡅࡊࡔࡈࡀ ࡅࡁࡓ ࡄࡉࡉࡀ ࡌࡀࡆࡓࡅࡕࡀ ࡋࡂࡉࡈ ࡄࡀࡁࡔࡀࡁࡀ ࡋࡀࡂࡉࡈ ࡅࡐࡃࡀࡀࡍ ࡔࡀࡓࡉࡍ ࡅࡓࡀࡌࡉࡍ ࡌࡀࡓࡂࡀࡉࡍࡀࡕࡀ ࡂࡅࡁࡓࡉࡀ ࡓࡐࡉࡔࡀࡉࡉࡀ ࡆࡀࡓࡉࡍ ࡅࡔࡀࡓࡉࡍ ࡄࡉࡋࡉࡀ ࡅࡀࡎࡉࡒ ࡁࡃࡀࡓࡉࡀ ࡁࡊࡀࡔ ࡆࡀࡓࡉࡍ ࡅࡔࡀࡓࡉࡍ ࡈࡀࡁࡉࡀ ࡅࡀࡅࡕࡉࡁ ࡏࡋࡀࡅࡀࡉࡄࡅ. |
| 400 |
ࡍ ࡀࡍࡈࡓࡉࡀ ࡀࡎࡉࡒ ࡁࡊࡀࡔ ࡁࡃࡀࡓࡉࡀ ࡅࡁࡓࡉࡉࡊࡀ ࡅࡌࡒࡀࡉࡌࡉࡀ ࡌࡍ ࡓࡉࡔ ࡁࡓࡉࡔ ࡏࡋࡀࡅࡀࡉࡄࡅࡍ ࡔࡀࡉࡍࡍ ࡀࡍࡈࡓࡉࡀ ࡀࡅࡕࡉࡁ ࡀࡌࡀࡓࡀࡍࡋࡅࡍ ࡀࡍࡉࡐࡔ ࡀࡂࡋࡀࡉࡅࡊࡍ ࡈࡍࡀࡓ ࡉࡀ ࡀࡍࡈࡓࡉࡀ ࡖࡀࡍࡈࡓࡉࡀ ࡃࡀࡓࡀ ࡖࡀࡂࡋࡀࡉࡅࡊࡍ ࡁࡉࡔࡋࡀࡌ ࡕࡉࡉࡍࡎࡁࡅࡍ ࡍࡉࡐࡔ ࡈࡍࡀࡓ ࡀࡂࡋࡀࡉࡅࡊࡍ ࡅࡃࡉࡓࡀࡊࡉࡅࡊࡍ ࡗ ࡌࡀࡓࡅࡀࡄࡀ ࡖࡌࡉࡀ ࡄࡉࡉࡀ ࡄࡀࡔࡕࡀ ࡌࡀࡎࡂࡉࡀ ࡅࡀࡕࡉࡀ ࡅࡊࡔࡈࡀ ࡅࡁࡀࡉࡉࡋࡍࡅࡍ. |
| 401 |
ࡋࡈࡀࡁࡉࡀ ࡁࡉࡍࡀ ࡁࡏࡃࡇ ࡋࡂࡀࡈ ࡌࡀࡓࡅࡀࡄࡀ ࡀࡒࡔࡉࡀ ࡖࡁࡉࡓࡉࡀ ࡀࡍࡋࡐࡉࡀ ࡄࡀࡋࡉࡍ ࡔࡉࡄࡉࡀ ࡖࡔࡉࡄࡉࡀ ࡀࡃࡅࡉࡐࡀ ࡖࡉࡊࡓࡉࡀ ࡀࡍࡋࡐࡉࡀ ࡕࡅࡌ ࡖࡔࡉࡄࡉࡀ ࡌࡍ ࡃࡉࡁࡀࡍࡉࡄࡅࡍ ࡔࡀࡋࡐࡉࡀ ࡄࡀࡋࡉࡍ ࡖࡋࡀࡔࡉࡄࡉࡀ ࡅࡋࡅࡐࡌࡀ ࡖࡏࡅࡔࡀࡀࡍ ࡒࡀࡓࡁࡉࡀ ࡔࡀࡋࡐࡉࡀ ࡌࡍ ࡃࡉࡁࡀࡍࡉࡄࡅࡍ ࡀࡄࡀࡉ ࡈࡀࡁࡉࡀ ࡅࡀࡄࡅࡀࡕࡀࡉ ࡖࡌࡄࡀࡉࡌࡀࡍࡍ ࡀࡐࡓࡒࡀ ࡅࡌࡔࡀࡅࡆࡁࡀ ࡉࡍࡔࡌࡀࡕࡀ ࡃࡉࡋࡅࡊࡍ ࡅࡏࡔࡍࡉࡀ ࡔࡀࡋࡌ. |
| 402 |
ࡀࡉࡍࡀࡕࡀ ࡌࡉࡕࡀࡐࡓࡒࡀ ࡂࡅࡁࡓࡉࡀ ࡔࡀࡋࡌࡀࡉࡍࡀ ࡖࡄࡅ ࡏࡅࡓ ࡌࡀࡓࡇ ࡖࡄࡔࡅࡀࡊ ࡔࡅࡌࡇ ࡏࡅࡔࡀࡀࡍ ࡌࡉࡕࡀࡐࡓࡒࡀ ࡌࡍ ࡅࡐࡌࡀ ࡖࡄࡀࡆࡉࡍ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡅࡎࡀࡋࡉࡒ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡌࡉࡕࡀࡂࡍࡀࡓ ࡁࡀࡂࡓࡀ ࡅࡆࡉࡃࡒࡀ ࡔࡁࡉࡒࡉࡀ ࡅࡋࡀࡁࡃࡉࡀ ࡏࡅࡁࡀࡃࡉࡀ ࡔࡀࡉࡐࡓࡉࡀ ࡅࡀࡉࡋࡉࡅࡍࡍ ࡋࡔࡀࡋࡉࡈࡉࡀ ࡖࡌࡔࡀࡋࡈࡉࡀ ࡅࡀࡍࡋ. |
| 403 |
ࡐࡉࡀ ࡁࡅࡍࡓࡀ ࡖࡉࡀࡒࡃࡀ ࡅࡁࡎࡉࡐࡄࡀࡕࡅࡍ ࡌࡎࡀࡓࡎࡉࡉࡐࡍ ࡉࡀࡒࡃࡀࡀࡍ ࡁࡉࡃࡀࡉࡄࡅࡍ ࡁࡀࡃࡉࡍ ࡂࡅࡌࡓࡉࡀ ࡅࡀࡆࡋࡉࡍ ࡁࡅࡍࡓࡀ ࡁࡀࡔࡋࡉࡀ ࡖࡒࡀࡉࡍࡍ ࡅࡔࡀࡁࡒࡉࡍ ࡋࡁࡀࡍࡉࡅࡍ ࡅࡌࡉࡎࡕࡀࡓࡊࡀࡋࡅࡍ ࡂࡉࡅࡕࡀࡉࡄࡅࡍ ࡀࡆࡋࡉࡀ ࡅࡁࡀࡔࡋࡉࡀ ࡁࡅࡍࡓࡀ ࡖࡁࡎࡀࡋࡊࡅࡕࡅࡍ ࡌࡉࡎࡕࡀࡓࡊࡉࡀ ࡅࡀࡉࡋࡉࡅࡍࡍ ࡋࡎࡀࡋࡊࡉࡀ ࡕࡌࡉࡌࡉࡀ ࡅࡋࡀࡉࡀࡋࡉࡐࡀ ࡄࡅࡅࡊࡌࡕࡀ ࡖࡔࡓࡀࡓࡀ ࡅࡀࡉࡋࡉࡅࡍࡍ ࡋࡉࡀࡋࡅࡉࡐࡀ ࡖࡌࡀࡋࡉࡐࡋ. |
| 404 |
ࡅࡍ ࡁࡄࡔࡅࡀࡊ ࡌࡉࡔࡕࡀࡊࡉࡍࡀ ࡖࡁࡀࡉࡉࡍ ࡌࡉࡀࡍࡉࡄࡅࡍ ࡅࡋࡀࡉࡀࡄࡁࡉࡀ ࡅࡀࡉࡋࡉࡅࡍࡍ ࡋࡓࡀࡁࡀࡉࡍࡀ ࡖࡉࡀࡄࡁࡉࡀ ࡕࡓࡉࡍ ࡃࡉࡉࡍࡀ ࡁࡄࡀࡃ ࡅࡀࡉࡋࡉࡅࡍࡍ ࡋࡕࡓࡉࡍ ࡋࡉࡔࡀࡉࡍࡀ ࡁࡂࡀࡅࡇ ࡌࡀࡌࡋࡉࡀࡊ ࡖࡁࡉࡔࡅࡕࡀ ࡅࡀࡉࡋࡇ ࡋࡋࡉࡁࡀ ࡁࡉࡔࡀ ࡌࡉࡎࡀࡐ ࡎࡀࡉࡉࡐ ࡋࡉࡅࡌࡀ ࡓࡁࡀ ࡖࡎࡅࡐ ࡌࡀࡌࡋࡉࡀࡊ ࡁࡂࡀࡅࡇ ࡁࡉࡔࡅࡕࡀ ࡖࡌࡍ ࡆࡉࡃࡀ ࡖࡎࡀࡈࡀࡀࡍ ࡌࡋࡉࡀ ࡅࡀࡉࡋࡇ ࡋࡆࡉࡃࡀࡀࡍ ࡖࡋࡀࡁࡀࡍ ࡋࡒࡅࡃࡀࡌࡇ. |
| 405 |
ࡁࡉࡕࡍࡀ ࡅࡀࡉࡋࡇ ࡋࡁࡀࡀࡍࡉࡀ ࡗ ࡀࡆࡉࡋ ࡌࡉࡎࡕࡌࡉࡊ ࡏࡋࡇ ࡁࡉࡕࡍࡀ ࡋࡀࡁࡀࡍ ࡋࡒࡅࡃࡀࡌࡇ ࡖࡃࡉࡓࡀࡊ ࡋࡀࡍࡔࡐࡉࡇ ࡋࡀࡃࡓࡉࡊ ࡅࡀࡉࡋࡇ ࡋࡌࡀࡃࡓࡉࡊ ࡃࡉࡓࡉࡊࡀ ࡖࡗ ࡀࡆࡉࡋ ࡁࡂࡀࡅࡇ ࡋࡀࡌࡉࡄࡒࡉࡋ ࡖࡌࡅࡋࡀࡊࡀࡍ ࡋࡀࡍࡔࡐࡉࡇ ࡋࡀࡌࡋࡉࡊ ࡅࡀࡉࡋࡇ ࡋࡌࡀࡌࡋࡉࡊ ࡌࡉࡋࡉࡊࡀ ࡈࡀࡁࡉࡀ ࡌࡉࡇࡍ ࡌࡍ ࡈࡀࡁࡅࡕࡇ ࡅࡀࡉࡋࡇ ࡖࡄࡅࡀࡋࡇ ࡅࡋࡀࡈࡀࡉࡉࡁ ࡀࡌࡉࡈࡍࡅࡋ ࡖࡄࡅࡀࡋࡇ ࡁࡏࡃࡇ ࡅࡋࡀࡏࡄࡀࡁ ࡁࡀࡄࡉࡔ. |
| 406 |
ࡁࡀࡊࡍࡇࡐ ࡅࡋࡀࡌࡀࡔࡀࡊ ࡌࡉࡎࡀࡐ ࡎࡀࡉࡉࡐ ࡋࡉࡅࡌࡀ ࡓࡁࡀ ࡖࡎࡅࡐ ࡌࡀࡍ ࡄࡀࡅࡉࡋࡇ ࡀࡎࡉࡀ ࡖࡁࡏࡃࡇ ࡀࡅࡀࡓ ࡀࡉࡇࡍ ࡌࡀࡍ ࡄࡀࡅࡉࡋࡇ ࡀࡓࡃࡉࡋࡊࡀ ࡏࡋࡅࡊࡍ ࡖࡁࡒࡀࡓࡇࡍ ࡀࡐࡉࡉࡎ ࡏࡅࡄࡓࡀ ࡁࡄࡉࡓࡉࡀ ࡖࡃࡀࡉࡓࡉࡀ ࡁࡀࡋࡌࡀ ࡀࡌࡉࡓࡀࡍ ࡅࡌࡀࡓࡐࡉࡔࡀࡍ ࡋࡃࡅࡓ ࡄࡀࡔࡉࡊࡀ ࡅࡌࡉࡕࡀࡊࡌࡀࡓ ࡌࡀࡍ ࡀࡆࡉࡋ ࡋࡁࡉࡕ ࡄࡉࡉࡀ ࡁࡄࡉࡓࡀࡉ ࡅࡏࡁࡉࡃࡀࡕࡇ ࡌࡉࡕࡄࡀࡌࡁࡋࡀࡍ ࡄࡆࡅࡍ ࡖࡀࡋࡌࡀࡍ ࡄࡀࡆࡉࡍ ࡌࡉࡁࡈ. |
| 407 |
ࡀࡋ ࡁࡀࡈࡉࡋ ࡅࡋࡅࡀࡕ ࡄࡃࡀࡃࡉࡀ ࡋࡀࡒࡀࡓࡁࡀࡍ ࡌࡉࡔࡕࡀࡌࡓࡀࡍ ࡏࡁࡉࡃࡀࡕࡇ ࡅࡌࡉࡁࡉࡀ ࡀࡊࡎࡀࡐ ࡅࡋࡀࡌࡉࡕࡀࡔࡀࡊ ࡀࡅࡉࡃ ࡆࡀࡄࡁࡀ ࡓࡄࡉࡌࡀ ࡅࡔࡀࡌࡀࡔࡕࡀ ࡖࡄࡀࡆࡉࡍ ࡀࡋࡌࡀ ࡁࡀࡈࡋࡉࡀ ࡈࡅࡋࡀࡋࡉࡀ ࡖࡆࡉࡀࡐ ࡅࡓࡀࡂࡀࡂࡀࡕࡀ ࡖࡄࡀࡆࡉࡍ ࡀࡋࡌࡀ ࡁࡀࡈࡋࡉࡀ ࡁࡅࡎࡌࡀࡉࡍࡀ ࡔࡀࡋࡌࡀࡉࡍࡀ ࡅࡄࡀࡅࡉࡍ ࡗ ࡖࡋࡀࡄࡅࡍ ࡔࡀࡋࡌࡉࡀ ࡉࡅࡌࡉࡀ ࡅࡉࡀࡄࡓࡉࡀ ࡅࡔࡀࡉࡉࡀ ࡅࡔࡅࡔࡉࡀ ࡄࡀࡅࡉࡀ ࡗ ࡖࡋࡀࡄࡅࡀ ࡁࡀࡈࡉ. |
| 408 |
ࡋ ࡀࡋࡌࡀ ࡅࡊࡋࡇ ࡅࡎࡀࡉࡉࡐ ࡅࡀࡆࡉࡋ ࡆࡌࡀࡓࡅࡍ ࡅࡁࡀࡈࡉࡋ ࡌࡉࡕࡉࡒࡓࡉࡀ ࡂࡅࡐࡉࡍࡀ ࡄࡀࡃࡅࡀ ࡅࡁࡉࡍࡀ ࡄࡀࡓࡉࡀ ࡌࡀࡓࡀࡅࡀࡕࡀ ࡖࡀࡋࡌࡀ ࡌࡀࡋࡀࡊ ࡌࡔࡀࡌࡀࡓ ࡕࡀࡂࡇ ࡀࡍࡒࡐࡉࡀ ࡌࡉࡇࡍ ࡌࡍ ࡀࡋࡌࡀ ࡁࡕࡉࡉࡍࡄࡕࡀ ࡖࡋࡉࡁࡀࡉࡄࡅࡍ ࡁࡏࡌࡒࡉࡀ ࡎࡓࡅࡕࡀ ࡖࡄࡔࡅࡀࡊ ࡄࡀࡓࡁࡀ ࡅࡎࡀࡉࡀࡐ ࡕࡉࡁࡉࡋ ࡀࡀࡍࡕࡅࡍ ࡁࡄࡉࡓࡀࡉ ࡋࡄࡀࡆࡉࡍ ࡀࡋࡌࡀ ࡍࡉࡊࡋࡀ ࡋࡀࡉࡍࡄࡅࡉࡋࡅࡊࡍ ࡓࡅࡄࡀࡑࡀࡍ ࡁࡄࡉࡓࡀࡉ ࡅࡀ. |
| 409 |
ࡉࡋࡇ ࡋࡌࡀࡍ ࡖࡏࡕࡀࡊࡋࡀࡋ ࡅࡔࡉࡊࡁ ࡔࡅࡌࡀ ࡅࡏࡕࡄࡀࡉࡌࡀࡍࡈࡅࡁࡇ ࡋࡌࡀࡍ ࡖ ࡎࡀࡋࡉࡒ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡈࡅࡁࡇ ࡖࡔࡅࡌࡀ ࡅࡄࡀࡉࡌࡀࡍ ࡌࡀࡆࡁࡓࡉࡀ ࡀࡍࡀࡐࡉࡄࡅࡍ ࡋࡀࡕࡀࡓ ࡄࡔࡅࡊ ࡁࡉࡔࡉࡀ ࡖࡔࡅࡌࡀ ࡅࡋࡀࡄࡀࡉࡌࡀࡍ ࡁࡀࡋࡀࡋࡅࡍ ࡈࡅࡓࡀ ࡄࡀࡔࡀࡊ ࡅࡋࡉࡁࡇ ࡉࡍࡄࡅࡉࡋࡇ ࡀࡓࡃࡉࡋࡊࡀ ࡈࡅࡁࡇ ࡋࡌࡀࡍ ࡁࡀࡍࡔࡐࡉࡇ ࡉࡍࡃࡀ ࡋࡀࡉࡉࡕ ࡀࡅࡊࡀࡕࡇ ࡁࡀࡋࡌࡀ ࡅࡊࡋࡌࡀࡍ ࡖࡉࡍࡆࡃࡀࡄࡀࡓ ࡁࡀࡍࡔࡐࡉ. |
| 410 |
ࡇ ࡁࡄࡉࡓࡀࡉ ࡋࡓࡉࡃࡀࡐ ࡖࡀࡋࡌࡀ ࡎࡅࡁࡋࡅࡉࡀ ࡀࡔࡀࡓ ࡅࡎࡅࡁࡋࡅࡉࡀ ࡏࡋ ࡓࡉࡃࡀࡐ ࡖࡀࡋࡌࡀ ࡁࡋࡉࡁࡀ ࡔࡊࡉࡈࡀ ࡅࡌࡄࡀࡉࡌࡀࡍ ࡖࡏࡒࡅࡌ ࡄࡅࡉࡋࡅࡊࡍ ࡁࡀࡄࡉࡃ ࡏࡃࡀ ࡀࡎࡂࡅࡃࡅࡋࡉࡀ ࡁࡕࡓࡉࡅࡑࡕࡀ ࡁࡄࡉࡓࡀࡉ ࡀࡍࡔࡐࡀ ࡅࡎࡀࡀࡊ ࡋࡉࡕࡋࡇ ࡏࡅࡄࡓࡀ ࡖࡀࡆࡋࡉࡁࡇ ࡉࡍࡔࡌࡀࡕࡀ ࡅࡋࡀࡌࡀࡃࡍࡀࡆ ࡁࡂࡀࡅࡇ ࡅࡊࡃࡉࡊࡀ ࡋࡀࡉࡊࡋࡁࡇ ࡀࡐࡓࡎࡉࡀ ࡅࡅࡊࡋ ࡌࡀࡈࡀࡓࡕࡀ ࡂࡆࡉࡓࡀࡉࡉࡀ ࡅࡊࡋ ࡀࡐࡓࡎࡀ ࡌࡀࡈࡀࡓࡕࡀ. |
| 411 |
ࡅࡌࡀࡎࡊࡉࡀ ࡉࡀࡕࡁࡉࡀ ࡏࡋࡇ ࡅࡌࡎࡀࡎࡒࡉࡋ ࡅࡌࡀࡕࡀࡍ ࡀࡐࡓࡆࡋࡀ ࡄࡔࡉࡋ ࡅࡌࡀࡕࡀࡍ ࡆࡀࡉࡀࡍ ࡋࡉࡍࡔࡌࡀࡕࡀ ࡖࡁࡉࡔࡉࡀ ࡀࡍࡈࡓࡀࡍ ࡋࡃࡅࡃࡉࡀ ࡓࡌࡉࡀ ࡅࡓࡀࡄࡕࡀ ࡌࡍ ࡀࡋࡀࡐ ࡁࡀࡄࡀࡓ ࡄࡀࡃ ࡀࡕࡓࡉࡑ ࡅࡉࡀࡕࡉࡁ ࡌࡅࡆࡀࡉࡍࡀ ࡅࡕࡓࡉࡍ ࡁࡀࡄࡀࡓ ࡌࡍ ࡓࡅࡁࡀࡍ ࡄࡀࡃ ࡁࡀࡄࡀࡓ ࡌࡍ ࡀࡋࡀࡐ ࡖࡔࡉࡄࡀ ࡅࡔࡀࡅࡉࡀ ࡋࡀࡕࡀࡓ ࡄࡍࡅࡓ ࡁࡀࡄࡀࡓ ࡅࡌࡀࡎࡉࡒ ࡉࡍࡔࡌࡀࡕࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ. |
| 412 |
ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡀࡔࡋࡉࡀ ࡁࡀࡊࡋࡅࡆࡀ ࡒࡀࡓࡉࡀ ࡁࡉࡉࡍࡀ ࡔࡀࡁࡊࡉࡀ ࡋࡕࡉࡓࡉࡀ ࡌࡍ ࡕࡓࡉࡍ ࡉࡊࡇࡐ ࡖࡀࡍࡄࡓࡀ ࡔࡊࡀࡔ ࡀࡔࡋࡉࡀ ࡒࡀࡓࡉࡀ ࡁࡀࡊࡋࡅࡆࡀ ࡅࡀࡂࡋࡀࡅࡀࡕࡇ ࡀࡓࡒࡁࡉࡀ ࡀࡍࡄࡓࡀ ࡖࡌࡉࡇ ࡕࡀࡉࡍࡉࡍࡀ ࡏࡋ ࡕࡓࡉࡍ ࡉࡊࡇࡐ ࡅࡊࡋ ࡔࡅࡔࡋࡀࡕࡀ ࡁࡂࡀࡅࡇ ࡉࡀࡒࡃࡀࡉࡍࡀ ࡅࡍࡓࡀ ࡏࡋ ࡔࡀࡋࡀࡄࡉࡀࡕࡀ ࡅࡋࡀࡂࡈࡉࡀ ࡅࡌࡀࡔࡓࡉࡀ ࡏࡋ ࡅࡐࡌࡇ ࡕࡓࡉࡑ ࡌࡀࡀࡍ ࡋࡀࡁࡓࡉࡋࡇ ࡋࡀࡍࡄ. |
| 413 |
ࡓࡀ ࡔࡊࡀࡔ ࡖࡂࡀࡉࡓࡉࡀ ࡅࡂࡀࡁࡍࡉࡀ ࡋࡀࡁࡓࡉࡋࡇ ࡋࡀࡍࡄࡓࡀ ࡔࡊࡀࡔ ࡄࡀࡓࡀࡔࡉࡀ ࡅࡄࡀࡓࡀࡔࡀࡕࡀ ࡋࡀࡁࡓࡉࡋࡇ ࡋࡀࡍࡄࡓࡀ ࡔࡊࡀࡔ ࡀࡊࡓࡀࡉࡑࡀ ࡅࡓࡀࡌࡀࡆࡉࡀ ࡔࡊࡀࡔ ࡋࡀࡁࡓࡉࡋࡇ ࡋࡀࡍࡄࡓࡀ ࡄࡀࡋࡉࡍ ࡖࡀࡐࡉࡊࡍ ࡌࡉࡓࡑࡉࡀ ࡋࡀࡁࡓࡉࡋࡇ ࡋࡀࡍࡄࡓࡀ ࡔࡊࡀࡔ ࡄࡀࡋࡉࡍ ࡖࡌࡔࡀࡉࡍࡍ ࡅࡊࡃࡉࡊࡀ ࡀࡌࡉࡈࡍࡅࡋ ࡖࡁࡓ ࡄࡉࡉࡀ ࡀࡀࡍ ࡀࡀࡍ ࡁࡌࡀ ࡖࡌࡆࡀࡓࡀࡆࡀࡍ ࡀࡍࡄࡓࡀ ࡔࡊࡀࡔ ࡄࡀࡆࡆࡉࡕ ࡁࡀࡍࡄࡓࡀ. |
| 414 |
ࡅࡋࡀࡁࡀࡓࡉࡅࡍ ࡅࡊࡋࡄࡅࡍ ࡀࡓࡒࡁࡉࡀ ࡋࡀࡌࡉࡄࡉࡅࡍ ࡕࡀࡉࡍࡉࡍࡀ ࡅࡋࡀࡂࡀࡌࡀࡓࡕࡀࡍ ࡅࡊࡋ ࡔࡅࡔࡋࡀࡕࡀ ࡋࡀࡀࡊࡋࡕࡀࡍ ࡅࡍࡓࡀ ࡀࡌࡉࡈࡍࡅࡋ ࡖࡅࡊࡔࡈࡀ ࡀࡀࡍ ࡋࡀࡓࡌࡅࡍ ࡏࡋ ࡌࡀࡀࡍ ࡔࡀࡋࡀࡄࡉࡀࡕࡀ ࡅࡓࡉࡄࡀ ࡖࡄࡉࡉࡀ ࡏࡋࡀࡅࡀࡉ ࡔࡓࡉࡀ ࡅࡄࡉࡉࡀ ࡆࡀࡉࡊࡍ ࡅࡌࡔࡀࡁࡉࡍ ࡄࡉࡉࡀ ࡎࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡂࡀࡁࡓࡀ ࡒࡀࡓࡀࡁࡕࡀࡀࡍ ࡀࡍࡃ ࡅࡕࡀࡍࡅࡀࡃ ࡉࡅࡓࡁࡀ ࡒࡅࡌ ࡏࡕࡉࡁ ࡁࡌࡀࡓࡀࡊࡁࡕࡀࡊ. |
| 415 |
ࡒࡅࡌ ࡁࡌࡀࡓࡀࡊࡁࡕࡀࡊ ࡏࡕࡉࡁ ࡅࡃࡀࡓࡁࡇ ࡋࡄࡀࡆࡉࡍ ࡀࡋࡌࡀ ࡅࡃࡀࡉࡀࡀࡍ ࡄࡅࡉࡀ ࡁࡅࡊࡋࡄࡅࡍ ࡀࡋࡌࡀ ࡀࡋࡌࡀ ࡃࡀࡓࡁࡇ ࡒࡀࡃࡉࡌ ࡃࡀࡍ ࡄࡀࡔࡉࡊ ࡀࡓࡀࡁ ࡗ ࡀࡉࡋࡉࡕ ࡅࡗ ࡀࡍࡒࡐࡉࡕ ࡅࡋࡀࡕࡉࡄࡈࡉࡁࡅࡍ ࡁࡉࡁࡀࡍࡉ ࡋࡀࡕࡉࡄࡀࡌ ࡅࡋࡀࡕࡉࡓࡂࡀࡆ ࡖࡃࡀࡉࡓࡉࡀ ࡋࡅࡀࡕࡀࡊ ࡁࡀࡋࡌࡀ ࡋࡀࡕࡉࡄࡈࡉࡁࡅࡍ ࡁࡕࡀࡓࡌࡉࡃࡀࡉ ࡌࡈࡀ ࡀࡋࡌࡀ ࡋࡁࡉࡕ ࡕࡐࡀࡄࡉࡋ ࡀࡎࡂࡉࡀ ࡅࡀࡕࡀ ࡉࡅࡓࡁࡀ ࡌࡉࡌࡓࡉࡀ ࡌࡍ ࡀࡁࡅࡄࡅ. |
| 416 |
ࡍ ࡎࡍࡉࡁ ࡄࡅࡍ ࡅࡊࡁࡊࡉࡀ ࡕࡋࡀࡕࡀ ࡅࡎࡀࡂࡃࡉࡀ ࡅࡌࡔࡀࡁࡉࡋࡇ ࡌࡍ ࡓࡉࡔ ࡁࡓࡉࡔ ࡌࡉࡌࡓࡉࡀ ࡎࡍࡉࡁ ࡌࡍ ࡀࡁࡅࡄࡅࡍ ࡕࡅࡔࡁࡉࡄࡕࡀ ࡒࡅࡃࡀࡌ ࡕࡐࡀࡄࡉࡋ ࡎࡀࡋࡒࡀ ࡅࡊࡋ ࡉࡅࡌ ࡕࡋࡀࡕࡀ ࡆࡉࡁࡉࡍࡀ ࡕࡔࡉࡌࡀ ࡁࡀࡅࡀࡕࡀ ࡀࡍࡎࡉࡁ ࡔࡀࡌࡉࡔ ࡁࡓࡀࡁࡅࡕࡀ ࡕࡋࡀࡕࡌࡀ ࡁࡀࡅࡀࡕࡀ ࡀࡍࡎࡉࡁ ࡎࡉࡍ ࡂࡉࡓࡁࡀࡀࡍ ࡄࡀࡎࡉࡓࡀ ࡔࡉࡕࡌࡀ ࡁࡀࡅࡀࡕࡀ ࡀࡍࡎࡁࡀ ࡋࡉࡁࡀࡕ ࡒࡀࡃࡉࡔࡕࡀ ࡁࡓࡀࡁࡅࡕࡀ ࡌࡔࡀࡁࡉࡋࡇ ࡋࡀࡁ. |
| 417 |
ࡅࡁࡎࡓࡉࡍ ࡅࡀࡓࡁࡉࡀ ࡁࡀࡅࡀࡕࡀ ࡌࡀࡎࡂࡉࡀ ࡅࡀࡕࡉࡀ ࡁࡀࡋࡌࡀ ࡗ ࡉࡀࡕࡉࡁ ࡉࡅࡓࡁࡀ ࡁࡌࡀࡓࡀࡊࡁࡕࡇ ࡅࡌࡀࡋࡀࡊࡋࡇ ࡌࡉࡋࡉࡊࡀ ࡁࡀࡈࡋࡉࡀ ࡀࡕࡀࡕ ࡏࡅࡀࡕ ࡓࡅࡄࡀ ࡀࡊࡃࡀࡁࡕࡀ ࡏࡋ ࡁࡉࡍࡀ ࡔࡅࡓࡁࡀ ࡓࡁࡀ ࡕࡀࡓࡕࡉࡅࡍࡍ ࡖࡕࡉࡌࡀࡓࡋࡅࡍ ࡁࡉࡁࡔࡅࡕࡀ ࡖࡄࡉࡉࡀ ࡁࡓࡅࡂࡆࡀ ࡄࡅࡍ ࡈࡀࡋࡉࡉࡀ ࡋࡁࡉࡕ ࡄࡉࡉࡀ ࡗ ࡄࡀࡆࡀ ࡄࡆࡅࡍ ࡀࡍࡈࡓࡉࡀ ࡋࡄࡉࡁࡉࡋ ࡆࡉࡅࡀ ࡏࡋ ࡏࡁࡉࡃࡀࡕࡀ ࡎࡋࡉࡒ ࡀࡆࡀࡋ ࡀࡌࡀࡓࡋࡇ. |
| 418 |
ࡖࡀࡁࡀࡃ ࡉࡅࡓࡁࡀ ࡁࡄࡀࡆࡉࡍ ࡀࡋࡌࡀ ࡀࡄࡇ ࡀࡕࡀ ࡀࡎࡂࡉࡀ ࡋࡅࡀࡕ ࡀࡌࡀࡓࡋࡇ ࡋࡄࡉࡁࡉࡋ ࡆࡉࡅࡀ ࡒࡅࡃࡀࡌ ࡏࡅࡕࡓࡉࡀ ࡒࡀࡌ ࡏࡋ ࡖࡉࡀࡕࡁࡉࡀ ࡀࡎࡂࡉࡀ ࡀࡕࡀ ࡋࡅࡀࡕ ࡀࡄࡇ ࡀࡎࡂࡉࡀ ࡄࡉࡁࡉࡋ ࡆࡉࡅࡀ ࡀࡕࡀ ࡅࡌࡉࡕࡀࡓࡐࡉࡔࡉࡀ ࡏࡅࡕࡓࡉࡀ ࡅࡋࡓࡅࡄࡀ ࡌࡍ ࡅࡊࡓࡎࡉࡇ ࡔࡉࡃࡉࡇ ࡌࡉࡄࡉࡇ ࡁࡒࡅࡋࡀࡐ ࡋࡉࡅࡓࡁࡀ ࡀࡌࡀࡓࡋࡇ ࡗ ࡀࡕࡉࡕ ࡋࡁࡀࡉࡕࡀ ࡀࡍࡋࡐࡀ ࡌࡀࡄࡅ ࡀࡌࡀࡓࡉࡋࡀࡊ ࡖࡁࡉࡔࡅࡕࡀ ࡔࡁࡀ. |
| 419 |
ࡒࡕ ࡏࡋࡅࡍ ࡌࡀࡄࡅ ࡄࡈࡅࡍ ࡕࡀࡓࡌࡉࡃࡀࡉ ࡅࡌࡀࡄࡉࡒࡀࡕࡋࡅࡍ ࡁࡂࡀࡅࡇ ࡖࡄࡀࡆࡉࡍ ࡀࡋࡌࡀ ࡏࡋࡀࡅࡀࡉࡄࡅࡍ ࡔࡁࡀࡒࡕ ࡁࡉࡔࡅࡕࡀ ࡅࡁࡓࡉࡐࡋࡉࡀ ࡖࡄࡔࡅࡀࡊ ࡀࡒࡉࡌࡕࡇ ࡎࡍࡀࡁࡕࡇ ࡏࡋ ࡆࡉࡅࡀ ࡅࡄࡍࡅࡓࡀ ࡌࡉࡇࡍ ࡅࡔࡉࡁࡒࡉࡕ ࡁࡓࡉࡔࡉࡇ ࡀࡋࡊࡀ ࡎࡍࡀࡁࡕࡇ ࡋࡕࡀࡂࡀ ࡓࡁࡀ ࡖࡆࡉࡅࡀ ࡅࡄࡍࡅࡓࡀ ࡅࡏࡒࡀࡓࡀ ࡎࡍࡀࡁࡕࡇ ࡋࡀࡓࡁࡀ ࡆࡀࡄࡋࡉࡋࡉࡀ ࡕࡉࡁࡉࡋ ࡒࡀࡌࡀࡕ ࡁࡄࡅࡓࡁࡀ ࡅࡀࡍࡈࡓࡉࡀ ࡌࡍ ࡒࡅࡃࡀࡌࡇ ࡆࡄࡀ. |
| 420 |
ࡉࡅࡓࡁࡀ ࡀࡔࡋࡀ ࡅࡁࡀࡊ ࡉࡅࡓࡁࡀ ࡀࡋࡌࡀ ࡅࡊࡋࡇ ࡁࡈࡉࡋ ࡌࡍ ࡓࡅࡂࡆࡀ ࡖࡏࡋࡇ ࡄࡅࡀ ࡅࡉࡀࡋࡉࡋ ࡁࡌࡀࡓࡀࡊࡁࡕࡇ ࡒࡀࡌ ࡅࡁࡃࡌࡅࡕࡇ ࡒࡀࡃࡌࡀࡉࡕࡀ ࡄࡔࡅࡊ ࡅࡄࡁࡀࡓ ࡀࡐࡓࡅࡑࡇࡐ ࡀࡌࡀࡓࡋࡇ ࡋࡄࡉࡁࡉࡋ ࡆࡉࡅࡀ ࡏࡕࡉࡀࡁࡅࡕࡀࡊ ࡕࡉࡄࡅࡉࡀ ࡏࡋࡀࡉ ࡏࡅ ࡄࡉࡉࡍࡀࡋࡀࡊ ࡖࡌࡔࡀࡁࡉࡀࡍࡋࡇ ࡋࡀࡁ ࡕࡐࡀࡄࡉࡋ ࡏࡉࡀࡌࡉࡋࡀࡊ ࡁࡕࡔࡉࡌࡀ ࡁࡀࡅࡀࡕࡀ ࡅࡏࡃࡀࡀࡍ ࡗ ࡖࡁࡀ ࡌࡉࡎࡉࡓࡀࡐࡍ ࡅࡌࡉࡋࡊࡀࡍ ࡏࡉࡀࡌࡉࡋ. |
| 421 |
ࡀࡊ ࡁࡄࡀࡊ ࡔࡉࡕࡀ ࡅࡀࡀࡍࡕ ࡄࡅࡉࡕࡋࡀࡍ ࡉࡐࡓࡒࡀ ࡅࡁࡀ ࡋࡌࡉࡄࡀࡌࡁࡋࡀࡍ ࡖࡆࡉࡅࡀ ࡅࡄࡍࡅࡓࡀ ࡅࡏࡒࡀࡓࡀ ࡏࡉࡀࡌࡉࡋࡀࡊ ࡁࡀࡋࡁࡅࡔࡀ ࡌࡍ ࡀࡕࡓࡀ ࡀࡊࡎࡉࡀ ࡖࡀࡀࡍࡕ ࡀࡉࡕࡉࡕࡋࡉࡀ ࡖࡆࡉࡅࡀ ࡅࡄࡍࡅࡓࡀ ࡅࡏࡒࡀࡓࡀ ࡏࡉࡀࡌࡉࡋࡀࡊ ࡁࡀࡓࡁࡀ ࡋࡊࡉࡋࡉࡀ ࡖࡌࡉࡀࡍࡉ ࡃࡉࡋࡉࡀ ࡏࡕࡉࡎࡍࡉࡁ ࡖࡌࡉࡇࡍ ࡋࡐࡅࡂࡕࡀ ࡖࡆࡉࡅࡀ ࡄࡅࡀࡕ ࡏࡉࡀࡌࡉࡋࡀࡊ ࡁࡀࡐࡓࡅࡑࡀࡐ ࡓࡁࡀ ࡖࡏࡒࡀࡓࡀ ࡖࡋࡈࡅࡓࡀ ࡖࡕࡀࡓࡅࡀࡍ ࡂࡍࡉࡃ. |
| 422 |
ࡉࡋࡇ ࡏࡉࡀࡌࡉࡋࡀࡊ ࡁࡕࡓࡉࡍ ࡀࡍࡈࡓࡉࡀ ࡌࡀࡌࡋࡉࡋࡉࡀ ࡌࡉࡀࡍࡉ ࡁࡈࡀࡁࡅࡕࡀ ࡁࡃࡓࡀࡁࡔࡉࡀ ࡖࡆࡉࡅࡀ ࡌࡍ ࡓࡉࡔ ࡁࡓࡉࡔ ࡅࡌࡉࡔࡕࡀࡉࡉࡍ ࡁࡃࡓࡀࡔࡉࡀ ࡕࡀࡒࡉࡍࡀ ࡅࡏࡋ ࡏࡅࡌࡀࡌࡀࡕࡇ ࡄࡕࡀࡌ ࡏࡌࡀ ࡅࡀࡔࡀࡓ ࡉࡅࡓࡁࡀ ࡆࡉࡅࡀ ࡅࡄࡍࡅࡓࡀ ࡅࡏࡒࡀࡓࡀࡖ ࡄࡀࡉࡆࡀࡊ ࡏࡄࡀࡁࡋࡇ ࡋࡁࡅࡔࡀ ࡖࡀࡉࡕࡉࡋࡇ ࡌࡍ ࡀࡕࡀࡓ ࡎࡊࡉࡀ ࡖࡆࡉࡅࡀ ࡅࡄࡍࡅࡓࡀ ࡅࡏࡒࡀࡓࡀ ࡏࡄࡀࡁࡋࡇ ࡀࡓࡁࡀ ࡋࡊࡉࡋࡉࡀ ࡖࡌࡀࡄࡍࡀࡓ ࡀࡋࡌࡉࡀ. |
| 423 |
ࡅࡏࡄࡀࡁࡋࡇ ࡆࡉࡅࡀ ࡌࡍ ࡓࡉࡔ ࡁࡓࡉࡔ ࡏࡄࡀࡁࡋࡇ ࡕࡀࡂࡀ ࡓࡁࡀ ࡅࡂࡀࡌࡀࡓࡋࡇ ࡀࡍࡈࡓࡉࡀ ࡖࡌࡉࡆࡃࡀࡄࡓࡉࡁࡇ ࡕࡀࡒࡇࡍ ࡅࡀࡅࡕࡁࡇ ࡁࡌࡀࡓࡀࡊࡁࡕࡇ ࡂࡀࡌࡀࡓࡋࡇ ࡀࡍࡈࡓࡉࡀ ࡅࡊࡋࡄࡅࡍ ࡌࡍ ࡓࡉࡔ ࡁࡓࡉࡔ ࡖࡌࡉࡇࡍ ࡏࡕࡉࡎࡍࡉࡁ ࡅࡌࡀࡔࡌࡀࡋࡇ ࡁࡄࡔࡅࡀࡊ ࡄࡀࡔࡀࡊ ࡒࡀࡋࡀ ࡓࡁࡀ ࡒࡓࡀ ࡌࡍ ࡉࡊࡎࡉࡀ ࡖࡓࡅࡂࡆࡀ ࡏࡋࡀࡊ ࡄࡅࡀ ࡋࡀࡅ ࡉࡀࡃࡉࡕ ࡉࡅࡓࡁࡀ ࡖࡀࡒࡉࡌࡕࡀࡊ ࡁࡄࡀࡁࡀࡓࡀ ࡄࡀࡔࡀࡊ ࡋࡀࡅ ࡉ. |
| 424 |
ࡀࡃࡉࡕ ࡉࡅࡓࡁࡀ ࡖࡏࡋࡀࡊ ࡔࡉࡁࡒࡉࡕ ࡌࡄࡉࡕࡀ ࡅࡓࡅࡂࡆࡀ ࡋࡀࡅ ࡉࡀࡃࡉࡕ ࡉࡅࡓࡁࡀ ࡗ ࡋࡀࡈࡕࡀࡊ ࡁࡋࡅࡈࡕࡀ ࡁࡉࡔࡕࡀ ࡅࡅࡊࡋࡄࡅࡍ ࡀࡍࡈࡓࡉࡀ ࡏࡕࡁࡀࡓࡅࡍ ࡁࡄࡀࡁࡀࡓࡀ ࡄࡀࡔࡀࡊ ࡀࡒࡉࡌࡕࡀࡊ ࡅࡀࡒࡉࡌࡕࡀࡊ ࡁࡄࡀࡁࡀࡓࡀ ࡄࡀࡔࡀࡊ ࡗ ࡏࡉࡍࡔ ࡋࡀࡄࡅࡀࡋࡀࡊ ࡉࡐࡓࡒࡀ ࡅࡔࡉࡁࡉࡀࡄࡉࡀ ࡅࡅࡊࡁࡊࡉࡀ ࡕࡓࡉࡎࡀࡓ ࡓࡅࡄࡀ ࡏࡌࡀࡊ ࡅࡌࡔࡉࡄࡀ ࡅࡁࡄࡀࡉࡋࡀࡉ ࡃࡉࡋࡉࡀ ࡋࡀࡌࡅࡑࡍ ࡁࡓࡉࡐࡋࡉࡀ ࡖࡄࡔࡅࡀࡊ ࡏࡕࡉࡎࡊ. |
| 425 |
ࡅࡍ ࡀࡕࡉࡕ ࡖࡀࡀࡍ ࡋࡌࡉࡓࡀࡐࡎ ࡆࡀࡀࡐ ࡖࡀࡉࡀࡍ ࡋࡄࡀࡀࡊ ࡋࡀࡅ ࡉࡀࡃࡉࡕ ࡉࡅࡓࡁࡀ ࡀࡌࡉࡈࡍࡅࡋ ࡖࡋࡃࡉࡋࡉࡀ ࡌࡀࡄࡍࡉࡓࡉࡕ ࡁࡀࡋࡌࡀ ࡋࡀࡅ ࡉࡀࡃࡉࡕ ࡉࡅࡓࡁࡀ ࡋࡁࡀࡍࡉ ࡕࡅࡒࡀࡍ ࡅࡆࡀࡄࡀࡓࡕࡀ ࡋࡀࡊ ࡀࡉࡕࡉࡕ ࡋࡀࡅ ࡉࡀࡃࡉࡕ ࡉࡅࡓࡁࡀ ࡖࡌࡉࡑࡀࡍ ࡋࡄࡔࡅࡀࡊ ࡅࡋࡂࡀࡅࡀࡍ ࡋࡉࡃࡌࡅࡕࡇ ࡋࡀࡅ ࡉࡀࡃࡉࡕ ࡉࡅࡓࡁࡀ ࡅࡋࡄࡉࡁࡉࡋ ࡆࡉࡅࡀ ࡖࡉࡍࡌࡀࡓࡋࡇ ࡂࡅࡄࡀ ࡁࡀࡊ ࡁࡌࡀࡓࡀࡊࡁࡕࡇ ࡄࡀࡆࡉࡍ ࡄࡋࡀࡀࡑ ࡅ. |
| 426 |
ࡂࡍࡀࡃࡀ ࡉࡍࡃࡀࡋࡉࡀ ࡏࡋࡀࡉ ࡏࡅ ࡄࡈࡉࡁࡅࡍ ࡁࡕࡀࡓࡌࡉࡃࡀࡊ ࡅࡋࡀࡕࡓࡀ ࡀࡊࡎࡉࡀ ࡖࡌࡉࡇࡍ ࡏࡕࡉࡕ ࡁࡄࡀࡉࡀࡊ ࡄࡉࡁࡉࡋ ࡆࡉࡅࡀ ࡖࡋࡀࡄࡈࡉࡁࡅࡍ ࡁࡉࡁࡀࡍࡊ ࡋࡄࡀࡉࡀࡊ ࡄࡉࡁࡉࡋ ࡆࡉࡅࡀ ࡖࡃࡀࡉࡓࡉࡀ ࡋࡅࡀࡕࡀࡍ ࡁࡀࡋࡌࡀ ࡋࡀࡄࡈࡉࡁࡅࡍ ࡁࡕࡀࡓࡌࡉࡃࡀࡊ ࡉࡅࡓࡁࡀ ࡀࡂࡆࡀࡓ ࡁࡁࡀࡉࡕࡀ ࡀࡍࡋࡐࡀ ࡄࡉࡁࡉࡋ ࡆࡉࡅࡀ ࡎࡋࡉࡒ ࡋࡀࡕࡓࡇ ࡀࡋࡌࡀ ࡖࡕࡉࡁࡉࡋ ࡁࡀࡈࡋࡀ ࡒࡀࡌ ࡅࡈࡍࡀࡓ ࡁࡁࡀࡉࡕࡀ ࡀࡌࡀࡓࡋࡇ ࡁࡃࡓࡀ. |
| 427 |
ࡁࡔࡉࡀ ࡕࡀࡒࡉࡍࡀ ࡗ ࡍࡀࡐࡒ ࡉࡅࡓࡁࡀ ࡁࡌࡀࡓࡀࡊࡁࡕࡇ ࡋࡅࡀࡕ ࡁࡉࡍࡀ ࡔࡅࡓࡁࡀ ࡔࡀࡉࡍࡀ ࡄࡀࡒ ࡅࡀࡌࡀࡓ ࡖࡏࡁࡀࡃ ࡈࡀࡁࡅࡕࡀ ࡁࡀࡈࡋࡉࡀ ࡅࡀࡌࡓࡀࡋࡇ ࡄࡀࡓࡔࡉࡀ ࡅࡏࡅࡁࡀࡃࡉࡀ ࡀࡕࡀࡕ ࡓࡅࡄࡀ ࡀࡊࡃࡀࡁࡕࡀ ࡄࡀࡉࡆࡀࡊ ࡁࡉࡔࡅࡕࡀ ࡌࡋࡀ ࡎࡍࡀࡁࡕࡇ ࡌࡉࡇࡍ ࡅࡄࡀࡅࡒࡀ ࡅࡆࡉࡅࡉࡄࡕࡀ ࡏࡉࡍࡔࡉࡇ ࡄࡀࡉࡆࡀࡊ ࡌࡋࡀ ࡁࡉࡔࡅࡕࡀ ࡃࡉࡀࡍ ࡌࡉࡀࡍࡉࡄࡅࡍ ࡌࡉࡕࡌࡀࡓ ࡀࡋࡌࡀ ࡋࡉࡅࡌࡀ ࡁࡀࡕࡓࡀࡉࡀ ࡅࡌࡅࡕࡀ ࡕࡉ. |
| 428 |
ࡉࡍࡀࡀࡍ ࡌࡀࡉࡕࡉࡀ ࡅࡊࡋࡄࡅࡍ ࡎࡀࡄࡓࡉࡀ ࡋࡄࡔࡅࡀࡊ ࡔࡀࡋࡐࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡀࡕࡀࡋࡇ ࡋࡀࡋࡌࡀ ࡖࡄࡅࡎࡓࡀࡀࡍ ࡗ ࡏࡕࡉࡎࡍࡉࡁ ࡕࡅࡒࡀࡍ ࡌࡍ ࡀࡕࡓࡇ ࡂࡀࡁࡓࡀ ࡖࡏࡄࡀࡁࡋࡇ ࡕࡅࡒࡀࡍ ࡏࡄࡀࡁࡋࡇ ࡋࡎࡉࡍ ࡌࡍ ࡓࡉࡔ ࡁࡓࡉࡔ ࡒࡓࡀࡋࡇ ࡅࡆࡀࡄࡓࡇ ࡅࡀࡐࡒࡃࡇ ࡌࡍ ࡓࡉࡔ ࡁࡓࡉࡔ ࡀࡌࡀࡓࡋࡇ ࡖࡌࡀࡄࡍࡀࡓࡋࡇ ࡄࡀࡁࡀࡓࡀ ࡖࡁࡀࡉࡕࡀ ࡀࡍࡋࡐࡀ ࡋࡁࡅࡔࡀ ࡖࡕࡅࡒࡀࡍ ࡏࡄࡀࡁࡋࡇ ࡕࡅࡒࡀࡍࡊ ࡃࡉࡋࡀ. |
| 429 |
ࡊ ࡉࡍࡃࡀࡍ ࡗ ࡌࡉࡕࡉࡎࡊࡉࡀ ࡆࡉࡅࡇ ࡖࡔࡀࡌࡉࡔ ࡁࡌࡀࡋࡅࡀࡔࡀࡊ ࡃࡉࡋࡀࡊ ࡉࡍࡆࡃࡓࡀ ࡗ ࡔࡀࡉࡊࡁ ࡂࡀࡁࡓࡀ ࡋࡅࡀࡕ ࡆࡀࡅࡇ ࡖࡔࡀࡓࡔࡀ ࡕࡀࡒࡀࡍ ࡅࡎࡀࡄࡃࡅࡕࡀࡊ ࡁࡂࡀࡅࡇ ࡅࡀࡐࡓࡒࡇ ࡌࡍ ࡉࡊࡁࡉࡀ ࡅࡌࡅࡌࡉࡀ ࡀࡀࡍࡕ ࡀࡄࡍࡀࡓࡁࡇ ࡁࡀࡐࡓࡅࡑࡇࡐ ࡅࡌࡍ ࡁࡉࡔࡅࡕࡀ ࡅࡀࡊࡓࡉࡅࡕࡀ ࡖࡁࡀࡉࡕࡀ ࡀࡍࡋࡐࡀ ࡅࡌࡍ ࡄࡀࡋࡉࡍ ࡃࡌࡀࡅࡀࡕࡀ ࡖࡋࡀࡀࡊࡔࡓࡀࡍ ࡏࡕࡄࡉࡁ ࡏࡋ ࡏࡃࡀࡊ ࡃࡉࡋࡀࡊ ࡀࡌࡉࡈࡍࡅࡋ ࡖࡔࡀࡓࡔࡀ. |
| 430 |
ࡖࡌࡀࡆࡓࡅࡕࡀ ࡖࡁࡀࡉࡕࡀ ࡅࡒࡀࡉࡉࡌ ࡔࡅࡓࡅࡁࡕࡇ ࡌࡍ ࡓࡉࡔ ࡁࡓࡉࡔ ࡀࡀࡍࡕ ࡀࡄࡍࡀࡓ ࡅࡕࡀࡒࡉࡍ ࡋࡂࡀࡁࡓࡀ ࡖࡕࡅࡒࡀࡍ ࡀࡋࡁࡔࡉࡇ ࡌࡀࡋࡉࡋ ࡖࡉࡍࡌࡀࡓࡋࡇ ࡅࡃࡓࡀࡁࡔࡀࡉ ࡃࡉࡋࡉࡀ ࡌࡉࡕࡓࡊࡉࡊ ࡉࡅࡌࡀ ࡁࡉࡀࡄࡓࡀ ࡌࡉࡕࡀࡎࡊࡉࡀࡍ ࡖࡌࡉࡆࡃࡀࡄࡓࡉࡁࡇ ࡀࡍࡈࡓࡉࡀ ࡕࡓࡉࡍ ࡕࡅࡒࡀࡍ ࡃࡉࡋࡉࡀ ࡌࡉࡕࡓࡊࡉࡊ ࡅࡂࡅࡁࡓࡉࡀ ࡋࡅࡀࡕ ࡆࡀࡅࡀࡉࡅࡍ ࡔࡀࡁࡊࡉࡀ ࡗ ࡋࡀࡉࡕࡀࡍ ࡋࡃࡉࡋࡉࡀ ࡀࡋࡂࡉࡀ ࡅࡃࡅࡂࡉࡀ ࡗ ࡌࡒࡀࡁ. |
| 431 |
ࡋࡀ ࡁࡄࡀࡀࡍࡕࡇ ࡉࡅࡌࡀ ࡌࡉࡀࡍࡉࡄࡅࡍ ࡀࡍࡒࡐࡉࡀ ࡅࡃࡌࡀࡅࡀࡕࡀ ࡎࡀࡉࡀࡍࡕࡀ ࡈࡓࡅࡔࡉࡀ ࡅࡂࡉࡓࡁࡀࡉࡍࡀ ࡗ ࡌࡒࡀࡁࡋࡀ ࡁࡄࡀࡀࡍࡕࡇ ࡉࡅࡌࡀ ࡌࡉࡀࡍࡉࡄࡅࡍ ࡀࡍࡒࡐࡉࡀ ࡖࡋࡀࡏࡃࡉࡀ ࡅࡋࡀࡋࡉࡂࡓࡉࡀ ࡅࡌࡔࡀࡅࡉࡁࡇ ࡅࡊࡋ ࡖࡁࡉࡔ ࡔࡀࡂࡔࡉࡋࡇ ࡔࡉࡁࡉࡀࡄࡉࡀ ࡋࡌࡀࡆࡓࡅࡕࡀ ࡖࡕࡅࡒࡀࡍ ࡀࡋࡁࡔࡉࡇ ࡌࡀࡋࡉࡋ ࡖࡉࡍࡌࡀࡓࡋࡇ ࡂࡀࡁࡓࡀ ࡏࡋ ࡔࡅࡓࡁࡀࡕࡀࡍ ࡃࡉࡋࡀࡍ ࡋࡀࡌࡉࡕࡀࡔࡊࡀࡓ ࡄࡀࡋࡉࡍ ࡖࡁࡄࡀࡀࡍࡕࡅࡍ ࡉࡅࡌ. |
| 432 |
ࡉࡀ ࡅࡋࡀࡉࡍࡄࡔࡉࡁ ࡁࡔࡀࡓࡔࡀࡍ ࡃࡉࡋࡀࡍ ࡋࡀࡉࡍࡕࡉࡌࡉࡍࡀ ࡁࡌࡉࡉࡍࡀࡀࡍࡍ ࡉࡍࡆࡀࡋ ࡋࡒࡉࡀࡍ ࡖࡌࡉࡇࡍ ࡄࡅࡀ ࡖࡄࡔࡅࡀࡊ ࡌࡍ ࡓࡉࡔ ࡁࡓࡉࡔ ࡔࡀࡓࡔࡀ ࡄࡅ ࡅࡕࡅࡒࡀࡍ ࡅࡆࡀࡄࡓࡅࡕࡀ ࡏࡋࡀࡉ ࡔࡁࡀࡒ ࡒࡓࡀࡍ ࡅࡀࡐࡒࡃࡀࡍ ࡅࡆࡀࡓࡆࡀࡍ ࡀࡌࡀࡓࡋࡇ ࡖࡔࡁࡉࡒࡋࡀࡍ ࡁࡀࡋࡌࡀ ࡏࡆࡃࡀࡄࡀࡓ ࡁࡀࡊࡀࡍ ࡖࡉࡍࡔࡌࡀࡕࡀ ࡅࡀࡎࡂࡉࡀ ࡋࡁࡉࡕ ࡀࡁࡀࡕࡅࡓ ࡎࡂࡉࡃ ࡅࡀࡎࡂࡉࡀ ࡌࡍ ࡒࡅࡃࡀࡌࡀࡉ ࡄࡍࡉࡕ ࡀࡎࡂࡉࡀ ࡄࡍࡉࡕ. |
| 433 |
ࡋࡌࡀࡈࡀࡓࡀࡕࡀ ࡀࡆࡀࡋ ࡀࡎࡂࡉࡀ ࡋࡌࡀࡈࡀࡓࡀࡕࡀ ࡌࡍ ࡓࡉࡔ ࡁࡓࡉࡔ ࡋࡌࡀࡔࡋࡅࡌࡉࡀ ࡄࡅࡔࡁࡀࡀࡍ ࡅࡔࡀࡉࡉࡀ ࡖࡎࡊࡉࡀ ࡌࡍ ࡀࡋࡌࡀ ࡉࡅࡌࡀ ࡖࡂࡉࡍࡁ ࡌࡍ ࡕࡉࡁࡉࡋ ࡄࡋࡀࡀࡑ ࡅࡁࡊࡀࡔࡀ ࡅࡂࡍࡀࡃࡀ ࡔࡀࡁࡉࡒ ࡏࡋࡇ ࡁࡕࡉࡒࡋࡀࡕࡀ ࡖࡓࡀࡌࡉࡀ ࡏࡋ ࡕࡀࡓࡌࡉࡃࡉࡀ ࡅࡆࡉࡅࡉࡄࡕࡀ ࡀࡋࡌࡀ ࡖࡌࡀࡉࡉࡕ ࡅࡌࡀࡄࡅࡉࡋࡇ ࡄࡀࡅࡒࡀ ࡅࡃࡀࡄࡀࡋࡕࡀ ࡅࡄࡀࡅࡉࡀ ࡃࡌࡅࡕࡇ ࡗ ࡖࡋࡀࡄࡅࡀࡕ ࡅࡌࡉࡔࡕࡀࡓࡄࡀࡆ ࡄࡀࡔࡅࡊ ࡂࡀࡅ. |
| 434 |
ࡇࡍ ࡌࡉࡇࡍ ࡌࡉࡕࡉࡎࡍࡉࡁ ࡗ ࡀࡍࡉࡐࡒ ࡌࡍ ࡌࡀࡈࡀࡓࡀࡕࡀ ࡅࡄࡀࡅࡉࡀ ࡃࡌࡅࡕࡇ ࡗ ࡖࡋࡀࡄࡅࡀࡕ ࡂࡀࡅࡇࡍ ࡌࡉࡕࡉࡎࡍࡉࡁ ࡌࡉࡇࡍ ࡅࡋࡀࡁࡉࡔ ࡃࡓࡀࡁࡔࡉࡀ ࡕࡀࡒࡉࡍࡀ ࡄࡀࡉࡆࡀࡊ ࡉࡀࡕࡉࡁ ࡁࡌࡀࡓࡀࡊࡁࡕࡇ ࡅࡌࡀࡎࡂࡉࡀ ࡁࡂࡀࡅࡇ ࡖࡀࡋࡌࡀ ࡅࡀࡍࡂࡃࡉࡋࡇ ࡋࡕࡅࡒࡀࡍ ࡓࡁࡀ ࡁࡓࡉࡔࡀ ࡖࡓࡒࡉࡄࡀ ࡌࡉࡕࡉࡐࡄࡕࡀ ࡁࡉࡅࡌࡀ ࡒࡀࡃࡌࡀࡉࡀ ࡌࡉࡕࡀࡄࡆࡉࡀ ࡅࡏࡋ ࡓࡒࡉࡄࡀ ࡕࡉࡕࡀࡉࡀ ࡌࡉࡎࡕࡌࡉࡊ ࡀࡍࡉࡐࡒ ࡌࡍ ࡓࡒࡉࡄ. |
| 435 |
ࡀ ࡏࡋࡀࡉࡀ ࡕࡀࡒࡅࡍ ࡕࡅࡒࡇࡍ ࡁࡅࡊࡋࡄࡅࡍ ࡀࡋࡌࡉࡀ ࡀࡋࡌࡀ ࡋࡉࡅࡌࡀ ࡕࡉࡉࡍࡀࡀࡍ ࡎࡉࡍ ࡁࡒࡀࡋࡀ ࡖࡄࡉࡉࡀ ࡌࡀࡌࡋࡉࡋ ࡀࡋࡌࡀ ࡋࡉࡅࡌࡀ ࡔࡅࡁࡀࡉࡀ ࡁࡉࡀࡄࡓࡀ ࡀࡌࡉࡈࡍࡅࡋ ࡖࡄࡀࡅࡒࡀ ࡅࡆࡉࡅࡉࡄࡕࡀ ࡖࡄࡉࡉࡀ ࡃࡀࡊࡓ ࡌࡀࡌࡋࡉࡋ ࡁࡒࡀࡋࡀ ࡖࡄࡉࡉࡀ ࡄࡀࡅࡒࡀ ࡅࡆࡉࡅࡉࡄࡕࡀ ࡏࡉࡍࡔࡉࡇ ࡗ ࡄࡀࡋࡉࡐ ࡌࡍ ࡉࡅࡌࡀ ࡔࡅࡁࡀࡉࡀ ࡅࡓࡀࡌࡉࡀ ࡁࡉࡔࡅࡕࡀ ࡁࡂࡀࡅࡇ ࡖࡀࡋࡌࡀ ࡏࡉࡍࡔࡉࡇ ࡋࡄࡀࡅࡒࡀ ࡅࡆࡉࡅࡉ. |
| 436 |
ࡄࡕࡀ ࡂࡅࡁࡓࡉࡀ ࡖࡁࡄࡉࡉࡀ ࡎࡀࡄࡃࡉࡀ ࡏࡋࡅࡊࡍ ࡀࡌࡉࡓࡀࡍ ࡅࡌࡀࡓࡐࡉࡔࡀࡍ ࡁࡂࡀࡅࡇ ࡖࡁࡀࡉࡕࡀ ࡀࡍࡋࡐࡀ ࡀࡔࡀࡓ ࡅࡎࡅࡁࡋࡅࡉࡀ ࡋࡓࡉࡃࡀࡐ ࡅࡕࡓࡉࡍ ࡈࡅࡓࡉࡀ ࡌࡉࡕࡂࡀࡁࡀࡁࡉࡀ ࡀࡌࡀࡓࡋࡇ ࡖࡋࡉࡂࡀࡋ ࡁࡀࡈࡋࡀ ࡕࡉࡁࡉࡋ ࡌࡉࡀࡍࡉࡄࡅࡍ ࡌࡉࡕࡉࡎࡍࡉࡁ ࡅࡄࡀࡉࡋࡀ ࡖࡄࡍࡅࡓࡀ ࡌࡉࡕࡂࡀࡁࡀࡁࡉࡀ ࡕࡓࡉࡍ ࡈࡅࡓࡉࡀ ࡖࡄࡅࡀ ࡋࡅࡀࡕࡀࡉࡄࡅࡍ ࡌࡍ ࡓࡉࡔ ࡁࡓࡉࡔ ࡌࡉࡕࡉࡎࡍࡉࡁ ࡔࡓࡀࡓࡀ ࡅࡊࡋࡇ ࡅࡄࡀࡅࡉࡀ ࡃࡌࡅ. |
| 437 |
ࡕࡅࡍ ࡗ ࡖࡋࡀࡄࡅࡀࡕ ࡄࡀࡔࡕࡀ ࡌࡉࡕࡀࡎࡋࡉࡀ ࡃࡌࡅࡕࡀࡉࡄࡅࡍ ࡅࡒࡀࡄࡃࡀ ࡅࡁࡀࡉࡊࡀ ࡏࡋ ࡃࡅࡕࡊࡀࡉࡄࡅࡍ ࡌࡍ ࡒࡅࡃࡀࡌ ࡉࡍࡔࡌࡀࡕࡅࡍ ࡂࡅࡄࡉࡀ ࡅࡀࡌࡀࡓࡋࡉࡍ ࡄࡍࡀࡓ ࡆࡉࡅࡀࡉࡅࡊࡍ ࡁࡅࡊࡋࡄࡅࡍ ࡀࡋࡌࡉࡀ ࡗ ࡄࡅࡀࡉࡉࡍࡍ ࡁࡀࡋࡌࡀ ࡄࡀࡆࡉࡍ ࡅࡎࡂࡉࡃࡉࡍࡍ ࡅࡔࡀࡁࡀࡍࡅࡊࡍ ࡌࡍ ࡓࡉࡔ ࡁࡓࡉࡔ ࡀࡉࡍࡍ ࡎࡄࡉࡃࡉࡍࡍ ࡁࡃࡉࡋࡅࡊࡍ ࡅࡄࡉࡁࡓࡀࡕ ࡅࡄࡉࡔࡀࡊࡕ ࡗ ࡖࡋࡀࡄࡅࡀࡕ ࡄࡀࡔࡕࡀ ࡀࡋࡌࡀ ࡖࡏࡕࡀࡎࡋࡉࡀࡕ ࡃ. |
| 438 |
ࡌࡅࡕࡀࡉࡅࡊࡍ ࡖࡉࡍࡌࡀࡓࡋࡅࡍ ࡋࡎࡀࡂࡀࡃࡅࡍ ࡗ ࡖࡄࡅࡀࡕ ࡋࡀࡄࡅࡀࡋࡅࡍ ࡀࡐࡓࡔࡉࡂࡀࡍ ࡋࡔࡉࡁࡉࡀࡄࡉࡀ ࡖࡔࡀࡅࡉࡍ ࡅࡋࡀࡔࡀࡅࡍࡍ ࡅࡅࡊࡋࡄࡅࡍ ࡒࡉࡓࡉࡀࡕࡅࡍ ࡔࡉࡁࡉࡀࡄࡉࡀ ࡅࡎࡀࡂࡀࡃࡅࡍ ࡅࡉࡍࡔࡌࡀࡕࡅࡍ ࡖࡄࡉࡉࡀ ࡀࡅࡃࡅࡁࡅࡍ ࡋࡔࡉࡅࡋ ࡕࡉࡕࡀࡉࡕࡀ ࡔࡀࡋࡐࡉࡀ ࡅࡀࡐ ࡉࡍࡔࡌࡀࡕࡀ ࡖࡁࡉࡍࡀ ࡔࡅࡓࡁࡀ ࡓࡁࡀ ࡖࡄࡅ ࡏࡅࡓ ࡌࡀࡓࡇ ࡖࡄࡔࡅࡀࡊ ࡔࡅࡌࡇ ࡀࡍࡋࡐࡉࡀ ࡁࡄࡉࡅࡉࡀ ࡓࡁࡀ ࡌࡉࡕࡀࡐࡓࡒࡀ ࡅࡌࡉࡔࡕࡀࡅࡆࡁ. |
| 439 |
ࡀ ࡉࡍࡔࡌࡀࡕࡀࡍ ࡌࡉࡇࡍ ࡌࡍ ࡄࡀࡀࡍࡕࡇ ࡉࡅࡌࡀ ࡅࡄࡀࡋࡉࡍ ࡀࡄࡅࡀࡕࡀࡍ ࡖࡌࡄࡀࡉࡌࡉࡍࡀ ࡅࡉࡍࡔࡌࡀࡕࡀ ࡖࡀࡄࡀࡍ ࡈࡀࡁࡉࡀ ࡉࡍࡎࡒࡅࡍ ࡉࡍࡄࡆࡅࡇࡍ ࡋࡀࡕࡓࡀ ࡓࡁࡀ ࡖࡄࡍࡅࡓࡀ ࡉࡍࡔࡌࡀࡕࡅࡍ ࡖࡂࡅࡁࡓࡉࡀ ࡔࡊࡉࡈࡉࡀ ࡅࡌࡄࡀࡉࡌࡉࡍࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡖࡌࡉࡎࡀࡒ ࡋࡌࡀࡕࡀ ࡖࡏࡅࡓࡀ. |
| 440 |
ࡔࡋࡀࡌ ࡋࡀࡁࡑࡉࡕ ࡅࡋࡀࡀࡑࡁࡀࡀࡍ ࡅࡌࡀࡄࡅࡆࡉࡀ ࡖࡅࡊࡋࡇ ࡄࡀࡈࡉࡀ ࡌࡀࡕࡀ ࡖࡌࡀࡕ ࡁࡉࡔࡉࡀ ࡅࡌࡀࡄࡅࡆࡀ ࡖࡀࡃࡅࡀࡍࡉ ࡁࡀࡍ ࡌࡀࡕࡀ ࡖࡄࡀࡈࡉࡀ ࡀࡉࡉࡋ ࡀࡊࡃࡁࡀ ࡌࡋࡀ ࡌࡀࡄࡅࡆࡀ ࡖࡁࡀࡍ ࡀࡃࡅࡀࡍࡉ ࡅࡋࡕࡀࡓࡌࡉࡃࡀࡉ ࡄࡅࡀࡋࡅࡍ ࡓࡉࡃࡀࡐ ࡀࡉࡉࡋ ࡌࡋࡀ ࡀࡊࡃࡁࡀ ࡋࡌࡉࡎࡀࡒ ࡋࡌࡀࡕࡀ ࡖࡏࡅࡓࡀࡔࡋࡀࡌ ࡌࡊࡀ ࡋࡀࡄࡀࡍࡋࡉࡀ ࡅࡋࡀࡁࡎࡅࡌࡋࡉࡀ ࡀࡃࡅࡀࡍࡉ ࡋࡅࡐࡌࡇ ࡉࡐࡄࡕࡇ ࡌࡀࡈࡅࡉࡀࡉ ࡋࡏࡅࡓࡀࡔࡋࡀࡌ ࡌ. |
| 441 |
ࡃࡉࡕࡍࡀ ࡀࡉࡍࡀࡍ ࡌࡍ ࡓࡒࡉࡄࡀ ࡅࡀࡌࡀࡓࡋࡉࡀ ࡅࡌࡍ ࡓࡒࡉࡄࡀ ࡀࡉࡍࡀࡍ ࡀࡃࡅࡀࡍࡉ ࡌࡀࡄࡅࡆࡀ ࡖࡋࡀࡅ ࡁࡅࡑࡁࡉࡀࡀࡍࡊ ࡏࡕࡉࡁࡉࡍࡀࡖ ࡀࡆࡋࡉࡕ ࡂࡀࡁࡓࡀ ࡅࡍࡓࡊࡀࡉࡀ ࡌࡀࡄࡅࡆࡀ ࡋࡀࡏࡕࡉࡁࡉࡍࡀ ࡁࡅࡑࡁࡉࡀࡀࡍࡊ ࡀࡀࡍ ࡌࡀࡋࡀࡋࡉࡕ ࡋࡀࡃࡅࡀࡍࡉ ࡖࡋࡉࡂࡉࡈࡕࡀ ࡁࡂࡀࡅࡇ ࡋࡀࡂࡈࡉࡕ ࡖࡂࡀࡁࡀࡓࡅࡀࡕࡀࡉ ࡏࡋࡇ ࡏࡕࡉࡌࡋࡉࡀ ࡁࡉࡍࡀ ࡆࡀࡄࡁࡀ ࡏࡕࡓࡉࡍ ࡏࡕࡋࡉࡀ ࡉࡀࡒࡉࡐ ࡅࡁࡉࡍࡀ ࡀࡌࡉࡍ ࡀࡄࡀࡉ ࡖࡔࡀ. |
| 442 |
ࡅࡉࡀࡋࡉࡀ ࡃࡀࡓࡉࡀ ࡅࡀࡋࡌࡉࡀ ࡌࡉࡓࡉࡀࡉ ࡔࡀࡋࡌࡀࡉࡍࡕࡀ ࡒࡓࡀࡋࡇ ࡋࡓࡅࡄࡀ ࡅࡀࡌࡀࡓࡋࡇ ࡗ ࡔࡅࡌࡀ ࡀࡃࡅࡀࡍࡉ ࡋࡉࡂࡉࡈࡕࡀ ࡌࡍ ࡃࡉࡋࡀࡍ ࡉࡍࡋࡉࡂࡈࡅࡍ ࡌࡀࡍ ࡌࡍ ࡔࡅࡓࡁࡀࡕࡀ ࡖࡄࡉࡉࡀ ࡋࡄࡀࡀࡊ ࡏࡕࡅࡍ ࡖࡌࡉࡔࡕࡁࡉࡁࡇ ࡃࡀࡓࡉࡀ ࡅࡀࡋࡌࡉࡀ ࡀࡕࡀࡉ ࡖࡉࡍࡃࡊࡀࡁ ࡃࡊࡀࡁࡀ ࡖࡏࡅࡋࡀ ࡅࡆࡉࡀࡐ ࡅࡔࡅࡁࡀ ࡉࡊࡃࡁࡅ ࡋࡏࡅࡓࡀࡉࡕࡀ ࡅࡎࡀࡃࡓࡅ ࡅࡄࡀࡉࡆࡀࡊ ࡌࡉࡌࡓࡀ ࡀࡌࡓࡀ ࡓࡅࡄࡀ ࡅࡁࡍࡅ ࡅࡏࡋ ࡏࡃࡇ ࡖ. |
| 443 |
ࡔࡀࡌࡉࡔ ࡀࡃࡅࡀࡍࡉ ࡓࡌࡅࡍ ࡄࡉࡅࡍࡍ ࡉࡊࡃࡁࡅ ࡋࡏࡅࡓࡀࡉࡕࡀ ࡅࡎࡀࡃࡓࡅ ࡋࡌࡉࡔࡀ ࡁࡓ ࡀࡌࡓࡀ ࡋࡈࡅࡓࡀ ࡖࡎࡉࡀࡍࡉ ࡀࡃࡅࡀࡍࡉ ࡁࡂࡀࡁࡀࡓࡅࡀࡕࡇ ࡒࡓࡀࡋࡇ ࡅࡐࡌࡇ ࡌࡍ ࡏࡉࡊࡋࡕࡀ ࡅࡌࡀࡔࡒࡉࡕࡀ ࡋࡂࡀࡈ ࡀࡅࡕࡁࡅࡉࡀ ࡀࡓࡁࡉࡍ ࡉࡅࡌࡉࡀ ࡅࡃࡊࡀࡁࡀ ࡖࡏࡅࡋࡀ ࡏࡄࡀࡁࡋࡇ ࡅࡐࡌࡇ ࡋࡂࡀࡈ ࡌࡍ ࡏࡉࡊࡋࡕࡀ ࡅࡌࡀࡔࡒࡉࡕࡀ ࡖࡌࡉࡔࡕࡉࡁࡉࡁࡇ ࡃࡀࡓࡉࡀ ࡅࡀࡋࡌࡉࡀ ࡁࡄࡉࡓࡀࡉ ࡖࡄࡀࡅࡉࡀ ࡃࡊࡀࡁࡅࡍ ࡏࡌࡀࡓࡋࡅࡊࡍ. |
| 444 |
ࡏࡋ ࡉࡀࡄࡅࡈࡀࡉࡉࡀ ࡋࡀࡅ ࡌࡍ ࡄࡍࡅࡓࡀ ࡄࡅࡀ ࡅࡊࡋࡄࡅࡍ ࡁࡄࡃࡀ ࡉࡊࡀࡀࡍ ࡒࡀࡉࡌࡉࡀ ࡏࡅ ࡃࡊࡀࡁࡅࡍ ࡄࡅࡀ ࡌࡍ ࡄࡍࡅࡓࡀ ࡁࡄࡉࡓࡀࡉ ࡖࡃࡊࡀࡁࡅࡍ ࡌࡍ ࡏࡅࡓࡀࡉࡕࡀ ࡏࡕࡉࡎࡍࡉࡁ ࡏࡌࡀࡓࡋࡅࡊࡍ ࡏࡋ ࡀࡓࡁࡀࡉࡉࡀ ࡅࡁࡂࡀࡅࡇ ࡖࡏࡅࡓࡀࡉࡕࡀ ࡋࡀࡌࡀࡅࡃࡉࡀ ࡃࡊࡀࡁࡅࡍ ࡏࡕࡉࡎࡍࡉࡁ ࡌࡍ ࡏࡅࡓࡀࡉࡕࡀ ࡅࡋࡅࡈࡕࡀ ࡁࡉࡀࡄࡅࡈࡀࡉࡉࡀ ࡋࡀࡉࡈࡉࡀ ࡂࡀࡆࡓࡉࡍ ࡂࡆࡅࡓࡕࡀ ࡗ ࡉࡀࡄࡅࡈࡀࡉࡉࡀ ࡅࡋࡀࡉࡀࡃࡉࡀ ࡖࡉࡀࡄ. |
| 445 |
ࡅࡈࡀࡉࡉࡀ ࡄࡉࡅࡍࡍ ࡅࡓࡌࡀࡕ ࡁࡉࡀࡍࡕࡀࡉࡄࡅࡍ ࡌࡀࡓࡅࡋࡀ ࡔࡀࡂࡉࡔࡕࡉࡅࡍࡍ ࡓࡅࡄࡀ ࡅࡋࡀࡉࡀࡃࡉࡀ ࡋࡌࡀࡍ ࡎࡀࡂࡃࡉࡀ ࡄࡃࡀ ࡄࡃࡀ ࡋࡄࡀࡁࡓࡇ ࡌࡂࡀࡉࡍࡋࡇ ࡁࡄࡉࡓࡀࡉ ࡅࡀࡋࡌࡀ ࡖࡀࡕࡀ ࡁࡉࡆࡁࡀࡈ ࡎࡀࡄࡓࡀ ࡌࡍ ࡉࡅࡌࡀ ࡖࡏࡕࡁࡉࡉࡍࡀࡕ ࡏࡅࡓࡀࡔࡋࡀࡌ ࡁࡉࡀࡍࡕࡀࡉࡅࡊࡍ ࡁࡀࡋࡌࡀ ࡀࡀࡍ ࡋࡀࡌࡉࡑࡕ ࡋࡌࡉࡃࡀࡓ ࡖࡏࡃࡅࡓ ࡁࡉࡀࡍࡕࡀࡉࡅࡊࡍ ࡁࡀࡋࡌࡀ ࡋࡁࡅࡔࡀࡉ ࡋࡀࡄࡅࡀ ࡖࡀࡐࡂࡓࡉࡀ ࡋࡌࡔࡅࡉࡍࡀ ࡅࡊࡔࡈࡀ ࡉ. |
| 446 |
ࡀࡕࡁࡉࡕ ࡎࡉࡋࡒࡉࡕ ࡅࡒࡀࡌࡉࡕ ࡅࡀࡌࡀࡓࡀࡍ ࡋࡌࡀࡍ ࡖࡁࡀࡍࡔࡐࡉࡇ ࡉࡍࡆࡃࡀࡄࡀࡓ ࡈࡅࡁࡇ ࡅࡕࡅࡌ ࡈࡅࡁࡇ ࡋࡀࡉࡉࡕ ࡀࡅࡊࡀࡕࡇ ࡁࡀࡋࡌࡀ ࡌࡀࡍ ࡖࡉࡍࡆࡃࡀࡄࡀࡓ ࡁࡀࡍࡔࡐࡉࡇ ࡀࡌࡀࡓࡀࡍ ࡖࡁࡄࡀࡀࡍࡕࡇ ࡃࡀࡓࡀ ࡒࡀࡉࡌࡉࡀ ࡌࡊࡀ ࡀࡊࡓࡉࡀࡋࡉࡀ ࡋࡕࡀࡓࡌࡉࡃࡀࡉ ࡅࡁࡂࡀࡅࡀࡉ ࡌࡔࡀࡅࡉࡀ ࡄࡀࡎࡉࡓ ࡅࡁࡉࡑࡓ ࡅࡌࡀࡔࡉࡈࡉࡋࡅࡍ ࡋࡌࡀࡓࡂࡉࡉࡍࡀࡕࡀ ࡖࡁࡄࡀࡀࡍࡕࡇ ࡃࡀࡓࡀ ࡒࡀࡉࡌࡉࡀ ࡌࡊࡀ ࡀࡊࡓࡉࡀࡋࡉࡀ ࡏ. |
| 447 |
ࡋ ࡕࡀࡓࡌࡉࡃࡀࡉ ࡓࡅࡄࡀ ࡈࡅࡍࡉࡐࡀ ࡅࡃࡀࡔࡕࡀࡀࡍ ࡔࡓࡀࡕ ࡅࡔࡀࡌࡓࡀࡕ ࡏࡋࡀࡅࡀࡉࡄࡅࡍ ࡅࡌࡎࡀࡓࡉࡀࡋࡅࡍ ࡋࡕࡉࡓࡉࡀ ࡄࡔࡅࡊ ࡖࡁࡔࡉࡁࡉࡀ ࡖࡓࡅࡄࡀ ࡌࡉࡔࡕࡁࡉࡍ ࡌࡊࡀ ࡀࡊࡓࡉࡀࡋࡉࡀ ࡋࡕࡀࡓࡌࡉࡃࡀࡉ ࡂࡉࡋࡉࡀ ࡖࡂࡀࡅࡓࡀ ࡅࡆࡌࡀࡓࡀ ࡅࡆࡀࡉࡍࡅࡕࡀ ࡔࡓࡀࡕ ࡅࡔࡉࡁࡒࡀࡕ ࡏࡋࡀࡅࡀࡉࡄࡅࡍ ࡅࡌࡎࡀࡓࡀࡋࡅࡍ ࡋࡕࡉࡓࡉࡀ ࡄࡔࡅࡊ ࡌࡊࡀ ࡀࡊࡓࡉࡀࡋࡉࡀ ࡋࡁࡉࡍࡀ ࡁࡄࡉࡓࡉࡀ ࡆࡉࡃࡒࡀ ࡁࡅࡓࡆࡉࡒࡍࡀ ࡁࡓࡉࡔࡉࡇ ࡉࡍࡕࡓ. |
| 448 |
ࡀࡑ ࡅࡊࡋࡌࡀࡍ ࡖࡁࡔࡇࡍ ࡖࡁࡉࡆࡁࡀࡈ ࡎࡀࡄࡓࡀ ࡔࡀࡅࡉࡋࡉࡀ ࡌࡍ ࡀࡋࡀࡐ ࡔࡀࡅࡉࡋࡉࡀ ࡃࡀࡓࡉࡀ ࡅࡀࡋࡌࡉࡀ ࡁࡉࡉࡍࡀ ࡏࡅࡕࡓࡉࡀ ࡖࡄࡍࡅࡓࡀ ࡉࡍࡕࡓࡉࡑ ࡀࡍࡉࡐࡒ ࡌࡍ ࡀࡐࡂࡓࡇ ࡗ ࡃࡓࡀࡁࡔࡀ ࡄࡉࡅࡀࡓࡀ ࡅࡒࡀࡋࡀ ࡅࡀࡊࡋࡅࡆࡀ ࡄࡀࡅࡉࡋࡇ ࡅࡊࡋࡌࡀࡍ ࡖࡁࡔࡇࡍ ࡖࡁࡉࡆࡁࡀࡈ ࡎࡀࡄࡓࡀ ࡉࡍࡒࡐࡅࡍ ࡀࡋࡀࡍࡇࡐ ࡌࡍ ࡀࡕࡀࡓ ࡄࡍࡅࡓ ࡅࡋࡉࡀࡓࡃࡀࡍ ࡄࡉࡅࡀࡓࡀ ࡉࡍࡅࡐࡒ ࡁࡃࡓࡀࡁࡔࡉࡀ ࡖࡆࡉࡅࡀ ࡀࡀࡍ ࡌࡀࡃࡍࡀ ࡖ. |
| 449 |
ࡄࡉࡉࡀ ࡄࡀࡅࡉࡋࡇ ࡁࡀࡄࡉࡃ ࡏࡃࡀ ࡅࡊࡋࡌࡀࡍ ࡖࡒࡓࡀ ࡋࡀࡍࡔࡐࡉࡇ ࡌࡀࡃࡍࡀ ࡖࡄࡉࡉࡀ ࡁࡄࡉࡓࡀࡉ ࡏࡅ ࡏࡅࡓࡑࡀࡉࡅࡊࡍ ࡁࡀࡀࡑࡓ ࡏࡅ ࡌࡔࡀࡉࡍࡋࡅࡊࡍ ࡗ ࡄࡀࡆࡉࡕࡅࡍ ࡂࡉࡉࡍࡀ ࡖࡏࡅࡊࡓࡉࡀ ࡅࡊࡋࡇ ࡔࡅࡓࡁࡀࡕࡀࡍ ࡃࡉࡋࡀࡍ ࡄࡅࡀ ࡀࡌࡉࡈࡍࡅࡋ ࡖࡃࡀࡓࡀ ࡒࡀࡃࡌࡀࡉࡀ ࡅࡊࡋࡇ ࡔࡅࡓࡁࡀࡕࡀࡍ ࡃࡉࡋࡀࡍ ࡄࡅࡀ ࡃࡀࡓࡀ ࡕࡉࡉࡍࡀࡀࡍ ࡅࡊࡋࡇ ࡔࡅࡓࡁࡀࡕࡀࡍ ࡃࡉࡋࡀࡍ ࡄࡅࡀ ࡃࡀࡓࡀ ࡕࡋࡉࡕࡀࡉࡀ ࡅࡊࡋࡇ ࡁࡉࡔࡅࡕࡀ. |
| 450 |
ࡄࡅࡀ ࡌࡉࡇࡍ ࡁࡉࡔࡅࡕࡀ ࡃࡀࡓࡀ ࡀࡓࡁࡉࡀࡉࡀ ࡄࡃࡀ ࡌࡍ ࡅࡐࡌࡀࡉ ࡃࡉࡋࡉࡀ ࡄࡉࡁࡉࡋ ࡆࡉࡅࡀ ࡄࡀࡆࡉࡍ ࡃࡓࡀࡔࡀ ࡀࡊࡎࡉࡀ ࡌࡊࡀ ࡕࡓࡉࡋࡑࡇ ࡃࡅࡕࡊࡀ ࡍࡀࡐࡒ ࡅࡊࡋࡌࡀࡍ ࡖࡉࡍࡉࡑࡕࡇ ࡅࡉࡍࡔࡉࡌࡇ ࡌࡊࡀ ࡀࡊࡀࡑࡋࡇ ࡁࡀࡕࡀࡓ ࡄࡔࡅࡊ ࡅࡊࡋࡌࡀࡍ ࡖࡋࡀࡉࡍࡉࡑࡕࡇ ࡅࡋࡀࡉࡍࡔࡉࡌࡇ ࡔࡅࡓࡁࡀࡕࡅࡊࡍ ࡋࡀࡕࡀࡓ ࡄࡍࡅࡓ ࡅࡀࡎࡉࡒ ࡅࡑࡕ ࡅࡔࡅࡌࡀ ࡁࡄࡉࡓࡀࡉ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ. |
| 451 |
ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡀࡊࡀࡑࡕ ࡅࡀࡊࡓࡉࡀࡋࡉࡀ ࡁࡂࡀࡅࡇ ࡖࡃࡅࡓ ࡁࡉࡔࡉࡀ ࡌࡉࡄࡃࡉࡀ ࡌࡊࡀ ࡄࡀࡃࡉࡀࡍ ࡏࡁࡉࡃࡀࡕࡀ ࡖࡀࡁࡃࡉࡕ ࡁࡂࡀࡅࡇ ࡖࡄࡀࡆࡉࡍ ࡀࡋࡌࡀ ࡌࡉࡄࡃࡉࡀ ࡌࡊࡀ ࡄࡀࡃࡉࡀࡍ ࡋࡁࡀࡁ ࡁࡂࡀࡅࡀࡉࡄࡅࡍ ࡖࡅࡊࡋࡄࡅࡍ ࡀࡋࡌࡉࡀ ࡌࡊࡀ ࡏࡆࡀࡋ ࡅࡌࡊࡀ ࡏࡔࡀࡐࡋ ࡅࡌࡊࡀ ࡏࡉࡀࡎࡉࡒ ࡂࡉࡆࡍࡀ ࡋࡁࡉࡕ ࡓࡅࡓࡁࡉࡀ ࡌࡊࡀ ࡏࡉࡀࡄࡍࡀࡓ ࡏࡅ. |
| 452 |
ࡕࡓࡉࡀ ࡅࡉࡍࡔࡌࡀࡕ ࡌࡎࡀࡉࡊࡀࡍࡋࡇ ࡋࡀࡁ ࡀࡀࡍ ࡌࡊࡀ ࡄࡀࡃࡉࡀࡍ ࡖࡏࡁࡃࡉࡕ ࡏࡋ ࡀࡉࡍࡉࡀ ࡅࡃࡉࡓࡃࡒࡉࡀ ࡌࡊࡀ ࡄࡀࡃࡉࡀࡍ ࡁࡏࡁࡉࡃࡀࡕࡀ ࡅࡌࡊࡀ ࡕࡉࡓࡀࡕࡀ ࡏࡔࡃࡅࡊ ࡀࡀࡍ ࡏࡌࡊࡀ ࡏࡉࡀࡄࡍࡀ ࡏࡋ ࡋࡉࡁࡀࡉ ࡅࡏࡌࡓࡀ ࡋࡓࡅࡓࡁࡀࡉࡍࡀ ࡁࡀࡋࡌࡀ ࡌࡊࡀ ࡀࡉࡕࡉࡋࡅࡍ ࡄࡀࡉࡋࡀ ࡏࡋ ࡏࡅࡕࡓࡉࡀ ࡅࡌࡊࡀ ࡏࡂࡈࡀࡋ ࡌࡀࡓࡃࡉࡀ ࡌࡊࡀ ࡁࡊࡅࡔ ࡎࡀࡄࡓࡉࡀ ࡌࡀࡍ ࡌࡉࡀࡍࡉࡅࡊࡍ ࡉࡍࡀࡐࡓࡒࡅࡍ ࡌࡍ ࡀࡁࡀࡕࡅࡓ. |
| 453 |
ࡓࡀࡌࡀ ࡏࡎࡁࡅࡋ ࡏࡁࡉࡃࡀࡕࡀ ࡁࡀࡑࡅࡓࡀࡉ ࡅࡌࡊࡀ ࡀࡀࡍ ࡌࡊࡀ ࡏࡃࡓࡀ ࡅࡌࡊࡀ ࡏࡓࡉࡃࡇࡐ ࡌࡊࡀ ࡏࡔࡉࡃࡉࡇ ࡋࡄࡀࡁࡔࡀࡁࡀ ࡌࡊࡀ ࡀࡉࡕࡉࡋࡇ ࡄࡀࡉࡋࡀ ࡅࡔࡓࡀࡓࡀ ࡅࡌࡊࡀ ࡏࡔࡉࡃࡉࡇ ࡋࡄࡀࡆࡉࡍ ࡀࡋࡌࡀ ࡌࡊࡀ ࡏࡁࡊࡅࡔ ࡏࡅࡔࡀࡉࡍࡀ ࡖࡋࡉࡕࡁࡇ ࡁࡉࡕ ࡌࡀࡎࡊࡉࡀ ࡌࡊࡀ ࡏࡓࡊࡀࡁ ࡌࡊࡀ ࡏࡔࡃࡉࡀ ࡁࡀࡆࡉࡓࡀ ࡁࡀࡋࡌࡀ ࡅࡏࡋ ࡉࡍࡓࡀ ࡀࡍࡉࡋࡉࡅࡍࡍ ࡌࡊࡀ ࡏࡀࡐࡋࡀࡂ ࡋࡐࡅࡂࡕࡀ ࡌࡍ ࡀࡅࡃࡉࡀ ࡌࡊࡀ ࡏࡆࡓ. |
| 454 |
ࡀ ࡅࡌࡊࡀ ࡏࡄࡀࡑࡃ ࡅࡎࡀࡋࡊࡉࡀ ࡁࡃࡅࡃࡉࡀ ࡏࡔࡃࡉࡀ ࡅࡏࡁࡀࡔࡀࡋ ࡌࡊࡀ ࡏࡁࡊࡀࡓ ࡋࡁࡉࡔࡉࡀ ࡅࡌࡊࡀ ࡀࡁࡀࡕࡅࡓ ࡉࡍࡃࡀࡍ ࡃࡉࡀࡍ ࡁࡀࡋࡌࡀ ࡌࡊࡀ ࡉࡍࡒࡀࡋ ࡌࡅࡆࡀࡉࡍࡀ ࡅࡌࡊࡀ ࡏࡉࡀࡂࡆࡓࡇ ࡁࡄࡀࡆࡉࡍ ࡀࡋࡌࡀ ࡌࡊࡀ ࡏࡌࡉࡄࡉࡉࡇ ࡋࡔࡀࡌࡉࡔ ࡖࡃࡀࡉࡓࡉࡍ ࡁࡄࡀࡆࡉࡍ ࡀࡋࡌࡀ ࡌࡊࡀ ࡏࡀࡐࡓࡒࡇ ࡋࡁࡄࡉࡓࡉࡀ ࡆࡉࡃࡒࡀ ࡅࡎࡉࡍ ࡁࡂࡀࡅࡀࡉࡄࡅࡍ ࡌࡊࡀ ࡏࡌࡉࡄࡉࡀ ࡌࡀࡈࡀࡓࡀࡕࡀ ࡅࡀࡋࡌࡀ ࡋࡕࡋࡀࡕࡉࡍ ࡉࡅࡌࡉࡀ. |
| 455 |
ࡌࡊࡀ ࡏࡔࡃࡉࡀ ࡌࡍ ࡕࡋࡀࡕࡉࡍ ࡁࡃࡅࡃࡉࡀ ࡖࡓࡀࡄࡕࡀࡍ ࡏࡔࡉࡃࡉࡇ ࡅࡈࡅࡀࡍ ࡔࡓࡉࡀ ࡁࡀࡋࡌࡀ ࡌࡊࡀ ࡌࡒࡀࡁࡋࡀ ࡏࡋ ࡌࡀࡆࡓࡅࡕࡀ ࡅࡌࡊࡀ ࡉࡍࡆࡉࡒࡀࡐࡍ ࡋࡀࡕࡀࡓ ࡄࡍࡅࡓ ࡎࡉࡐࡀࡍࡕࡀ ࡌࡊࡀ ࡉࡍࡔࡉࡋࡐࡅࡍ ࡅࡏࡔࡃࡉࡀ ࡁࡌࡉࡀ ࡕࡀࡄࡌࡉࡀ ࡌࡊࡀ ࡏࡀࡊࡋ ࡌࡉࡀ ࡄࡉࡉࡀ ࡅࡈࡅࡅࡍࡉࡐࡀ ࡅࡁࡉࡔࡅࡕࡀ ࡌࡊࡀ ࡉࡍࡎࡉࡁࡋࡅࡍ ࡌࡊࡀ ࡉࡍࡃࡉࡓࡅࡍ ࡏࡅࡕࡓࡉࡀ ࡅࡌࡊࡀ ࡌࡀࡓࡂࡀࡉࡍࡀࡕࡀ ࡏࡄࡀࡁ ࡋࡀࡅࡃࡉࡀ ࡌࡊࡀ ࡕࡉ. |
| 456 |
ࡄࡔࡅࡊ ࡅࡌࡊࡀ ࡕࡉࡂࡍࡀ ࡅࡏࡉࡀࡎࡀࡒ ࡀࡉࡍࡉࡀ ࡅࡌࡓࡀࡃࡉࡐࡀ ࡌࡊࡀ ࡕࡋࡉࡁࡇ ࡁࡎࡋࡉࡕࡀࡉ ࡅࡌࡊࡀ ࡏࡉࡀࡋࡁࡔࡉࡀ ࡄࡀࡁࡀࡓࡀ ࡋࡀࡅࡃࡉࡀ ࡌࡊࡀ ࡏࡌࡉࡄࡉࡀ ࡈࡅࡓࡉࡀ ࡁࡂࡀࡉࡀࡓࡉࡀ ࡅࡂࡀࡀࡍࡁࡉࡀ ࡖࡀࡋࡌࡀ ࡌࡊࡀ ࡏࡔࡃࡉࡀ ࡔࡉࡃࡉࡓࡉࡀࡕࡀ ࡅࡒࡀࡁࡅࡓࡉࡀ ࡋࡁࡉࡔࡉࡀ ࡅࡀࡊࡃࡀࡁࡉࡀ ࡖࡃࡀࡉࡓࡉࡀ ࡁࡀࡋࡌࡀ ࡌࡊࡀ ࡏࡌࡉࡄࡉࡀ ࡅࡌࡊࡀ ࡏࡂࡈࡀࡋ ࡅࡌࡊࡀ ࡁࡊࡀࡓ ࡅࡄࡉࡅࡍࡍ ࡄࡃࡀࡃࡉࡀ ࡌࡊࡀ ࡉࡍࡂࡉࡈࡋࡅࡍ ࡏࡌࡊࡀ. |
| 457 |
ࡏࡔࡃࡉࡋࡅࡍ ࡌࡀࡓࡅࡋࡀ ࡅࡋࡉࡁࡀࡉ ࡖࡀࡊࡉࡅࡁ ࡉࡍࡕࡀࡀࡐ ࡋࡉࡌࡀࡕ ࡉࡍࡔࡕࡓࡉࡀ ࡕࡉࡂࡓࡀ ࡅࡏࡉࡊࡎࡇ ࡏࡋ ࡎࡉࡋࡉࡕࡀࡉ ࡌࡍ ࡀࡋࡌࡀ ࡋࡏࡌࡀࡕ ࡕࡉࡁࡈࡅࡋ ࡕࡉࡁࡉࡋ ࡌࡀࡋࡉࡋ ࡌࡀࡃࡍࡀ ࡖࡄࡉࡉࡀ ࡖࡉࡍࡌࡀࡓࡋࡇ ࡆࡉࡅࡀ ࡗ ࡄࡀࡆࡉࡍ ࡀࡌࡀࡓ ࡄࡉࡁࡉࡋ ࡅࡌࡊࡀ ࡕࡉࡓࡀࡃࡀࡐ ࡁࡄࡀࡆࡉࡍ ࡀࡋࡌࡀ ࡌࡊࡀ ࡕࡉࡕࡀࡔࡊࡀࡋ ࡄࡉࡁࡉࡋ ࡆࡉࡅࡀ ࡖࡀࡁࡃࡉࡀ ࡁࡇࡍ ࡖࡁࡉࡔࡉࡀ ࡌࡍ ࡅࡊࡋࡄࡅࡍ ࡏࡁࡉࡃࡀࡕࡀ ࡁࡀࡑࡅࡓࡀࡊ ࡃࡉࡋ. |
| 458 |
ࡀࡊ ࡌࡀࡄࡅ ࡖࡏࡀࡊ ࡏࡍࡀࡐࡑ ࡌࡍ ࡅࡊࡓࡎࡇ ࡒࡀࡌ ࡖࡄࡀࡉࡆࡉࡍ ࡔࡅࡌࡀ ࡄࡉࡁࡉࡋ ࡆࡉࡅࡀ ࡅࡋࡌࡀࡃࡍࡀ ࡖࡄࡉࡉࡀ ࡖࡉࡍࡌࡀࡓࡋࡇ ࡅࡉࡐࡄࡕࡇ ࡋࡅࡐࡌࡇ ࡁࡅࡊࡔࡈࡀ ࡁࡀࡑࡅࡓࡀ ࡖࡌࡀࡅࡍ ࡀࡍࡋࡐࡀ ࡕࡉࡁࡉࡋ ࡖࡀࡀࡍ ࡒࡓࡀࡉࡕࡇ ࡋࡌࡀࡍ ࡌࡍ ࡏࡅࡕࡓࡉࡀ ࡏࡄࡀࡁࡋࡇ ࡏࡁࡉࡃࡀࡕࡀ ࡖࡀࡀࡍ ࡒࡓࡉࡕ ࡅࡕࡀࡒࡉࡍࡕ ࡏࡈࡑࡀࡓࡀࡓࡀࡕ ࡅࡏࡕࡒࡉࡎࡍࡀࡕ ࡀࡀࡍ ࡗ ࡒࡓࡀࡉࡕࡇ ࡋࡀࡃࡀࡌ ࡅࡄࡀࡅࡀ ࡆࡀࡅࡇ ࡀࡀࡍ ࡄࡅࡉࡁࡅࡍ. |
| 459 |
ࡓࡉࡃࡀࡐ ࡌࡀࡉࡐࡒࡕࡇ ࡄࡅࡀࡕ ࡅࡄࡉࡔࡋࡉࡕ ࡔࡉࡃࡉࡓࡉࡀࡕࡀ ࡋࡉࡀࡄࡅࡈࡀࡉࡉࡀ ࡀࡀࡍ ࡀࡐࡋࡂࡉࡕ ࡌࡀࡈࡀࡓࡀࡕࡀ ࡖࡅࡊࡋ ࡖࡌࡀࡐࡒࡉࡃࡋࡅࡍ ࡀࡁࡃࡉࡀ ࡀࡅࡕࡁࡉࡕ ࡌࡀࡎࡊࡉࡀ ࡌࡍ ࡄࡔࡅࡀࡊ ࡋࡃࡀࡅࡓࡀ ࡕࡀࡒࡀࡍ ࡀࡀࡍ ࡌࡀࡉࡊࡕ ࡏࡅࡄࡓࡀ ࡀࡒࡌࡉࡁࡇ ࡎࡀࡄࡃࡉࡀ ࡁࡌࡀࡈࡀࡓࡕࡀ ࡖࡀࡁࡀࡕࡅࡓ ࡅࡔࡀࡅࡉࡕࡇ ࡃࡀࡉࡀࡀࡍ ࡖࡀࡋࡌࡀ ࡀࡀࡍ ࡀࡕࡉࡕࡇ ࡋࡀࡁࡀࡕࡅࡓ ࡅࡔࡀࡋࡉࡈࡕࡇ ࡋࡏࡁࡉࡃࡀࡕࡀ ࡖࡀࡋࡌࡀ ࡀࡅࡕࡉࡁࡕࡇ ࡋࡌࡅࡆ. |
| 460 |
ࡀࡉࡍࡀ ࡀࡀࡍ ࡅࡋࡀࡁࡀࡕࡅࡓ ࡀࡅࡕࡉࡁࡕࡇ ࡏࡋࡇ ࡀࡀࡍ ࡒࡓࡀࡉࡕࡇ ࡋࡀࡍࡄࡓࡀ ࡔࡊࡀࡔࡀ ࡎࡀࡄࡃࡉࡀ ࡄࡅࡀ ࡕࡓࡉࡍ ࡀࡀࡍ ࡒࡓࡀࡉࡕࡇ ࡋࡀࡃࡀࡕࡀࡍ ࡅࡉࡀࡃࡀࡕࡀࡍ ࡋࡅࡀࡕࡇ ࡖࡀࡁࡀࡕࡅࡓ ࡀࡅࡕࡉࡁࡕࡉࡅࡍࡍ ࡎࡀࡓࡐࡉࡀ ࡍࡀࡑࡁࡕࡉࡅࡍࡍ ࡖࡉࡍࡔࡌࡀࡕࡀ ࡁࡂࡀࡅࡇ ࡌࡉࡕࡀࡊࡓࡀࡊ ࡀࡀࡍ ࡒࡓࡀࡉࡕࡇ ࡋࡉࡐࡓࡀ ࡄࡉࡅࡀࡓࡀ ࡅࡏࡋ ࡌࡅࡆࡀࡉࡍࡀ ࡉࡀࡕࡁࡀࡍ ࡌࡍ ࡃࡉࡋࡇ ࡀࡐࡓࡉࡀࡍ ࡉࡀࡓࡃࡀࡍ ࡖࡉࡍࡔࡌࡀࡕࡀ ࡁࡂࡀࡅࡇ ࡌࡉࡈࡑ. |
| 461 |
ࡉࡁࡀࡍ ࡀࡀࡍ ࡒࡓࡀࡉࡕࡉࡅࡍࡍ ࡋࡄࡀࡉࡐࡒࡉࡀ ࡌࡉࡀ ࡖࡋࡄࡀࡉࡐࡒࡉࡀ ࡌࡉࡀ ࡓࡀࡃࡉࡍ ࡀࡀࡍ ࡒࡓࡀࡉࡕࡇ ࡋࡃࡉࡓࡀࡊ ࡅࡊࡋࡄࡅࡍ ࡉࡍࡔࡌࡀࡕࡀ ࡎࡀࡋࡒࡀ ࡌࡀࡌࡁࡀࡓࡕࡀ ࡖࡉࡍࡔࡌࡀࡕࡀ ࡌࡀࡁࡓࡀ ࡀࡀࡍ ࡔࡀࡅࡉࡕ ࡎࡉࡐࡕࡍࡀ ࡋࡈࡀࡁࡉࡀ ࡄࡀࡉࡋࡀ ࡅࡔࡓࡀࡓࡀ ࡌࡍ ࡓࡉࡔ ࡁࡓࡉࡔ ࡋࡁࡉࡕ ࡀࡁࡀࡕࡅࡓ ࡖࡉࡀࡄࡉࡁࡋࡅࡍ ࡅࡀࡅࡕࡉࡁࡕࡇ ࡋࡅࡊࡋࡄࡅࡍ ࡌࡀࡎࡊࡉࡀ ࡀࡀࡍ ࡀࡉࡕࡉࡕࡇ ࡋࡄࡀࡁࡔࡀࡁࡀ ࡅࡀࡌࡀࡓࡀࡍࡋࡇ ࡅࡃࡋࡀࡃࡓࡉࡀ. |
| 462 |
ࡏࡂࡍࡉࡓࡕࡀ ࡏࡂࡍࡉࡓࡕࡀ ࡉࡍࡄࡋࡉࡐ ࡅࡊࡋࡌࡀࡍ ࡖࡃࡓࡉࡀ ࡋࡅࡀࡕࡀࡊ ࡃࡉࡋࡀࡊ ࡉࡍࡕࡉࡎࡊࡉࡀ ࡋࡌࡀࡈࡀࡓࡕࡀࡊ ࡃࡉࡋࡀࡊ ࡉࡍࡔࡕࡀࡉࡋࡅࡍ ࡅࡊࡋࡄࡅࡍ ࡁࡉࡔࡉࡀ ࡅࡀࡊࡃࡀࡁࡉࡀ ࡌࡍ ࡕࡉࡁࡉࡋ ࡋࡒࡅࡃࡀࡌ ࡄࡉࡉࡀ ࡎࡀࡋࡒࡀ ࡀࡋࡌࡀ ࡖࡏࡂࡍࡉࡓࡕࡀ ࡅࡉࡀࡃࡀࡕࡀ ࡋࡒࡅࡃࡀࡌ ࡄࡉࡉࡀ ࡏࡂࡍࡉࡓࡕࡀ ࡗ ࡎࡀࡋࡒࡀ ࡏࡂࡍࡉࡓࡕࡀ ࡅࡉࡀࡃࡀࡕࡀ ࡌࡍ ࡄࡉࡉࡀ ࡕࡉࡕࡉࡀ ࡏࡋࡀࡅࡀࡉࡄࡅࡍ ࡋࡁࡉࡕ ࡀࡁࡀࡕࡅࡓ ࡉࡍࡎࡒࡅࡍ ࡗ ࡀࡕࡉࡀ. |
| 463 |
ࡏࡂࡍࡉࡓࡕࡀ ࡅࡌࡅࡕࡀ ࡅࡄࡀࡉࡅࡕࡀ ࡔࡀࡅࡉࡕࡁࡇ ࡁࡀࡋࡌࡀ ࡀࡀࡍ ࡕࡀࡒࡉࡕࡍࡉࡅࡍࡍ ࡋࡏࡁࡉࡃࡀࡕࡀ ࡂࡀࡉࡀࡓࡉࡀ ࡅࡂࡀࡀࡍࡁࡉࡀ ࡌࡉࡀࡍࡉࡄࡅࡍ ࡅࡃࡋࡀ ࡔࡉࡄࡀ ࡋࡄࡔࡅࡀࡊ ࡔࡀࡋࡐࡀ ࡉࡍࡔࡌࡀࡕࡀ ࡖࡔࡉࡄࡀ ࡋࡄࡍࡅࡓࡀ ࡎࡀࡋࡒࡀ ࡖࡌࡀࡈࡑࡉࡀࡋࡅࡍ ࡏࡋ ࡅࡊࡋࡄࡅࡍ ࡀࡋࡌࡀ ࡀࡌࡉࡈࡍࡅࡋ ࡖࡀࡕࡀࡕ ࡓࡅࡄࡀ ࡌࡀࡈࡑࡀࡉࡍࡕࡀ ࡀࡀࡍ ࡆࡀࡄࡓࡉࡕ ࡏࡋࡇ ࡗ ࡄࡆࡀࡉࡕࡇ ࡋࡆࡅࡄࡀࡓࡀ ࡃࡀࡉࡊࡀ ࡀࡀࡍ ࡔࡀࡅࡉࡕ ࡌࡉࡓࡑࡀ ࡅࡀ. |
| 464 |
ࡀࡍ ࡀࡒࡌࡉࡕ ࡂࡅࡁࡓࡉࡀ ࡔࡊࡉࡈࡉࡀ ࡅࡌࡄࡀࡉࡌࡉࡍࡀ ࡀࡌࡀࡓࡀࡍࡋࡅࡍ ࡋࡀࡍࡅࡑࡓࡀࡉࡉࡀ ࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡖࡏࡋ ࡌࡉࡓࡑࡀ ࡎࡀࡌࡉࡊࡀ ࡏࡋࡇ ࡋࡌࡉࡓࡑࡀ ࡎࡀࡌࡉࡊ ࡏࡋࡇ ࡋࡅࡊࡃࡀࡊ ࡌࡉࡓࡑࡀ ࡀࡑࡋࡉࡀ ࡖࡌࡍ ࡀࡍࡉࡐࡋ ࡅࡌࡉࡒࡌࡀ ࡋࡉࡕࡋࡇ ࡖࡌࡍ ࡕࡀࡓࡕࡉࡅࡍࡍ ࡀࡑࡋࡉࡀ ࡅࡁࡀࡋࡀࡋࡇ ࡈࡅࡓࡀ ࡖࡈࡅࡓ ࡄࡀࡔࡀࡊ ࡀࡍࡉࡐࡋ ࡅࡋࡉࡕࡋࡇ ࡌࡉࡒࡌࡀ ࡅࡀࡉࡇࡍ ࡄࡍࡅࡓࡀ ࡋࡀࡄࡀࡆࡉࡀ ࡔࡀࡉ. |
| 465 |
ࡉࡋ ࡋࡌࡅࡕࡀ ࡕࡉࡉࡍࡀࡀࡍ ࡅࡋࡉࡂࡓࡇ ࡔࡓࡀࡓࡀ ࡋࡀࡌࡀࡔࡀࡊ ࡀࡉࡇࡍ ࡋࡀࡄࡀࡆࡉࡀ ࡄࡍࡅࡓࡀ ࡅࡆࡀࡉࡊࡕ ࡅࡊࡋࡄࡅࡍ ࡓࡀࡄࡌࡉࡀ ࡔࡅࡌࡀࡊ ࡆࡉࡊࡕ ࡌࡀࡃࡍࡀ ࡖࡄࡉࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡁࡓࡉࡔ ࡀࡋࡌࡉࡀ ࡖࡄࡍࡅࡓࡀ ࡄࡀࡅࡉࡀ ࡔࡉࡊࡕࡍࡇ ࡖࡌࡉࡔࡕࡀࡋࡀࡌࡁࡇ ࡅࡅࡊࡔࡈࡀ ࡌࡉࡇࡍ ࡀࡐࡔࡈࡉࡀ ࡏࡅࡕࡓࡉࡀ ࡋࡅࡀࡕࡇ ࡀࡊࡍࡉࡐࡀ ࡅࡀࡍࡎࡁࡉࡀ ࡌࡉࡇࡍ ࡅࡋࡅࡀࡕࡀࡉࡄࡅࡍ ࡅࡊࡔࡈࡀ ࡀࡐࡔࡈࡉࡀ ࡌࡉࡇࡍ ࡁࡀࡃࡌࡅ ࡖࡀࡄ. |
| 466 |
ࡍࡀࡓ ࡀࡋࡌࡉࡀ ࡅࡁࡓࡉࡔࡀࡉࡄࡅࡍ ࡕࡀࡓࡉࡑࡀ ࡕࡀࡂࡀ ࡓࡁࡀ ࡅࡌࡀࡄࡍࡀࡓ ࡔࡉࡊࡀࡍࡕࡀ ࡒࡀࡓࡉࡋࡇ ࡕࡓࡀࡋࡑࡉࡀ ࡋࡊࡉࡋࡉࡀ ࡋࡊࡉࡋ ࡆࡀࡀࡊࡅࡀࡕࡀ ࡄࡉࡉࡍࡋࡀ ࡄࡅ ࡌࡍ ࡎࡀࡁࡓࡉࡀ ࡅࡊࡔࡈࡀ ࡖࡋࡀࡄࡅࡀ ࡌࡉࡇࡍ ࡓࡁࡉࡀ ࡋࡉࡁࡇ ࡏࡅࡓࡑࡇ ࡌࡀࡄࡍࡀࡓ ࡋࡅࡀࡕࡇ ࡔࡉࡊࡍ ࡖࡅࡊࡔࡈࡀ ࡅࡋࡉࡁࡇ ࡌࡀࡉࡀࡓࡋࡇ ࡅࡋࡉࡁࡇ ࡋࡀࡌࡀࡉࡀࡓࡋࡇ ࡖࡏࡅࡓࡑࡇ ࡋࡀࡌࡀࡄࡍࡀࡓ ࡖࡒࡅࡃࡔࡀ ࡌࡉࡔࡕࡉࡊࡍ ࡁࡔࡉࡊࡕࡍࡇ ࡖࡓࡅࡄࡀ ࡅࡃࡌࡅ. |
| 467 |
ࡕࡇ ࡋࡀࡀࡍࡄࡓࡀ ࡀࡍࡉࡐࡋ ࡁࡃࡅࡃࡉࡀ ࡄࡀࡔࡉࡊࡀ ࡅࡏࡅࡓࡑࡇ ࡌࡀࡄࡍࡀࡓ ࡅࡃࡋࡉࡁࡇ ࡌࡀࡉࡀࡓࡋࡇ ࡌࡍ ࡔࡀࡌࡉࡔ ࡅࡎࡉࡓࡀ ࡄࡍࡀࡓ ࡅࡔࡅࡌࡀ ࡅࡓࡉࡄࡀ ࡁࡕࡉࡁࡉࡋ ࡓࡀࡌࡉࡀ ࡄࡍࡀࡓ ࡌࡍ ࡔࡀࡌࡉࡔ ࡅࡎࡉࡓࡀ ࡕࡀࡓࡌࡉࡃࡉࡀ ࡋࡅࡀࡕࡇ ࡀࡊࡍࡉࡐࡀ ࡅࡊࡋ ࡉࡅࡌ ࡅࡊࡋ ࡉࡅࡌࡀ ࡅࡁࡄࡀࡉࡋࡇ ࡃࡉࡋࡇ ࡎࡀࡋࡒࡉࡀ ࡅࡌࡉࡇࡍ ࡀࡍࡎࡁࡉࡀ ࡓࡅࡔࡅࡌࡀ ࡏࡋࡇ ࡈࡍࡉࡓ ࡀࡌࡉࡈࡍࡅࡋ ࡖࡄࡀࡉࡋࡀ ࡖࡀࡁࡀࡄࡀࡕࡇ ࡋࡅࡀࡕࡇ ࡔࡉࡊࡍ ࡅ. |
| 468 |
ࡌࡉࡌࡓࡀ ࡖࡀࡁࡀࡄࡀࡕࡇ ࡋࡀࡌࡉࡔࡕࡀࡉࡀࡋ ࡗ ࡎࡀࡋࡒࡀ ࡁࡌࡀࡈࡀࡓࡀࡕࡀ ࡌࡉࡇࡍ ࡋࡀࡌࡓࡉࡀ ࡅࡔࡉࡁࡉࡀࡄࡉࡀ ࡃࡉࡀࡍ ࡅࡀࡉࡇࡍ ࡋࡀࡄࡀࡆࡉࡀ ࡄࡔࡅࡀࡊ ࡋࡀࡆࡉࡋ ࡁࡏࡅࡄࡓࡀ ࡌࡒࡀࡃࡀࡔࡕࡀ ࡄࡀࡁࡔࡀࡁࡀ ࡌࡀࡓࡃࡉࡕࡀ ࡁࡂࡀࡅࡇ ࡓࡀࡃࡉࡀ ࡄࡀࡋࡉࡐ ࡁࡏࡅࡄࡓࡀ ࡖࡁࡄࡉࡓࡉࡀ ࡆࡉࡃࡒࡀ ࡖࡄࡔࡅࡀࡊ ࡀࡊࡎࡉࡅࡍࡍ ࡌࡍ ࡀࡅࡃࡉࡀ ࡎࡋࡀࡒࡁࡅࡍ ࡌࡉࡌࡓࡉࡀ ࡀࡊࡎࡉࡉࡀ ࡖࡎࡊࡉࡉࡀ ࡅࡈࡍࡉࡓࡉࡀ ࡃࡌࡅࡕࡅࡍ ࡌࡍ ࡀࡋࡌࡉࡀ ࡎࡀࡋ. |
| 469 |
ࡒࡉࡁࡅࡍ ࡁࡓࡀࡆࡉࡀ ࡀࡊࡎࡉࡉࡀ ࡖࡉࡍࡕࡀࡓࡐࡀࡔ ࡌࡉࡇࡍ ࡌࡍ ࡀࡋࡌࡀ ࡈࡅࡁࡇ ࡅࡕࡅࡌ ࡈࡅࡁࡇ ࡎࡀࡋࡉࡒ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡁࡂࡉࡅࡕࡇ ࡖࡋࡉࡅࡉࡀࡕࡉࡍ ࡉࡍࡔࡕࡉࡊࡍ ࡖࡋࡀࡏࡕࡀࡓࡐࡀࡔ ࡅࡏࡕࡀࡊࡋࡀࡋ ࡅࡔࡉࡊࡁ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡎࡉࡌࡀࡕ ࡀࡀࡍ ࡎࡉࡌࡀࡕ ࡓࡅࡓࡁࡉࡀ ࡎ. |
| 470 |
ࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡕࡀࡂࡀ ࡋࡒࡅࡃࡀࡌ ࡋࡓࡅࡓࡁࡉࡀ ࡄࡅࡉࡕ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡒࡅࡃࡀࡌ ࡀࡄࡍࡉࡓࡉࡕ ࡏࡅࡕࡓࡉࡀ ࡅࡔࡉࡊࡀࡍࡕࡀ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡀࡑࡅࡕࡀ ࡋࡉࡀࡓࡃࡀࡍ ࡄࡅࡉࡕࡉࡋࡇ ࡅࡋࡉࡀࡓࡃࡀࡍ ࡄࡅࡉࡕࡉࡋࡇ ࡀࡑࡅࡕࡀ ࡖࡏࡅࡕࡓࡉࡀ ࡁࡂࡀࡅࡇ ࡀࡍࡄࡓࡉࡀ ࡖࡌࡍ ࡋࡀࡒࡀࡃࡌࡉࡀ ࡄࡅࡀ ࡅࡋࡁࡅࡔࡀ ࡔࡀࡅࡉࡅࡍ ࡁࡀࡅࡍࡍ ࡅࡀࡓࡐࡉࡔࡅࡍ ࡓࡁࡉࡀ ࡋࡀࡉࡀࡓ ࡌࡔࡀࡁࡉࡋࡇ. |
| 471 |
ࡌࡍ ࡓࡉࡔ ࡁࡓࡉࡔ ࡔࡀࡅࡉࡍ ࡋࡁࡅࡔࡀࡉࡄࡅࡍ ࡅࡊࡋ ࡉࡅࡌ ࡕࡀࡂࡀ ࡋࡌࡀࡋࡀࡊ ࡖࡏࡒࡀࡓࡀ ࡄࡅࡉࡕ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡅࡋࡃࡌࡅࡕࡀࡉ ࡌࡔࡀࡁࡉࡋࡇ ࡌࡍ ࡓࡉࡔ ࡁࡓࡉࡔ ࡖࡏࡅࡕࡓࡉࡀ ࡁࡆࡉࡅࡀࡉ ࡀࡍࡄࡓࡉࡀ ࡋࡌࡀࡋࡀࡊ ࡖࡏࡒࡀࡓࡀ ࡔࡓࡉࡕ ࡏࡋࡇ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡁࡀࡉࡉࡍ ࡅࡌࡉࡕࡁࡀࡀࡍࡍ ࡀࡑࡅࡕࡀ ࡖࡏࡄࡍࡀࡓࡁࡇ ࡁࡏࡅࡓࡑࡉࡀ ࡅࡀࡍࡄࡓࡀ ࡃࡌࡅࡕࡇ ࡌࡍ ࡀࡋࡌࡉࡀ ࡅࡔࡉࡊࡀࡍࡕࡀ ࡖࡁࡀ. |
| 472 |
ࡉࡀࡓ ࡗ ࡀࡍࡄࡀࡓ ࡅࡌࡀࡄࡍࡀࡓ ࡏࡅࡕࡓࡉࡀ ࡉࡍࡎࡁࡀࡍ ࡍࡀࡑࡁ ࡆࡉࡅࡀ ࡅࡀࡕࡉࡀࡍ ࡌࡀࡋࡀࡊ ࡋࡍࡀࡑࡁ ࡆࡉࡅࡀ ࡀࡋࡁࡔࡀࡍ ࡔࡀࡅࡉࡀࡍ ࡋࡁࡅࡔࡀ ࡋࡉࡀࡓࡃࡀࡍ ࡋࡁࡅࡔࡀ ࡋࡉࡀࡓࡃࡀࡍ ࡔࡀࡅࡉࡀࡍ ࡌࡍ ࡓࡉࡔ ࡁࡓࡉࡔ ࡖࡀࡍࡄࡓࡉࡁࡇ ࡏࡅࡕࡓࡉࡀ ࡎࡀࡉࡌࡉࡀ ࡁࡉࡔࡉࡀ ࡅࡋࡀࡄࡀࡆࡉࡍ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡄࡉࡅࡍࡍ ࡁࡄࡔࡅࡀࡊ ࡌࡉࡕࡒࡀࡁࡓࡉࡀ ࡋࡄࡍࡅࡓࡀ ࡌࡒࡀࡓࡉࡀࡍࡋࡅࡍ ࡀࡌࡀࡓࡀࡍࡋࡅࡍ ࡌࡉࡆࡒࡀࡐ ࡋࡀࡕ. |
| 473 |
ࡉࡔࡉࡋࡐࡅࡍ ࡉࡀ ࡁࡉࡔࡉࡀ ࡖࡔࡀࡋࡐࡉࡀ ࡋࡄࡔࡅࡀࡊ ࡀࡍࡋࡐࡉࡁࡇ ࡁࡉࡀࡌࡀ ࡓࡁࡀ ࡖࡎࡅࡐ ࡒࡀࡓࡉࡋࡅࡍ ࡅࡋࡀࡔࡀࡌࡉࡀ ࡁࡉࡔࡉࡀ ࡋࡏࡅࡕࡓࡉࡀ ࡄࡅࡀ ࡌࡉࡓࡑࡀ ࡉࡀࡓࡃࡀࡍ ࡌࡉࡓࡑࡀ ࡄࡀࡉࡆࡀࡊ ࡅࡓࡌࡉࡅࡍࡍ ࡋࡁࡉࡔࡉࡀ ࡁࡉࡀࡌࡀ ࡓࡁࡀ ࡖࡎࡅࡐ ࡄࡅࡀࡋࡅࡍ ࡋࡏࡅࡕࡓࡉࡀ ࡅࡎࡐࡀࡒࡉࡅࡍࡍ ࡕࡀࡂࡀ ࡋࡌࡀࡃࡍࡀ ࡖࡄࡉࡉࡀ ࡄࡅࡉࡕ ࡎࡉࡌࡀࡕ ࡀࡀࡍ ࡎࡉࡌࡀࡕࡄࡉࡉࡀ ࡅࡔࡉࡊࡀࡍࡕࡀ ࡖࡄࡀࡕࡀࡌ ࡔࡀࡋࡈࡀࡍ ࡋࡏࡅࡕࡓࡉࡀ ࡌࡀ. |
| 474 |
ࡄࡍࡉࡓࡀࡅࡍࡍ ࡖࡀࡋࡌࡉࡀ ࡖࡄࡍࡅࡓࡀ ࡄࡅࡉࡕ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡅࡁࡂࡀࡅࡀࡉ ࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡅࡊࡋ ࡉࡅࡌ ࡅࡊࡋ ࡉࡅࡌࡀ ࡋࡓࡁࡉࡀ ࡌࡔࡀࡁࡉࡋࡅࡍ ࡋࡁࡅࡔࡀ ࡋࡀࡋࡌࡉࡀ ࡖࡄࡍࡅࡓࡀ ࡄࡅࡉࡕ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡌࡀࡋࡀࡊ ࡋࡀࡍࡅࡑࡓࡀࡉࡉࡀ ࡄࡅࡉࡕ ࡀࡀࡍ ࡎࡉࡌࡀࡕ ࡄࡉࡉࡀ ࡖࡁࡔࡅࡌࡀࡉ ࡌࡔࡀࡁࡉࡀ ࡅࡌࡒࡀࡉࡌࡉࡀ ࡌࡀࡋࡀࡊ ࡄࡅࡉࡕ ࡋࡀࡍࡅࡑࡓࡀࡉࡉࡀ ࡅࡋࡔࡅࡌࡀ. |
| 475 |
ࡉ ࡃࡉࡋࡉࡀ ࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡌࡔࡀࡁࡉࡀ ࡅࡌࡒࡀࡉࡌࡉࡀ ࡁࡔࡅࡌࡀࡉ ࡀࡉࡀࡍࡉࡄࡅࡍ ࡁࡄࡍࡅࡓࡀ ࡏࡕࡉࡌࡋࡉࡀ ࡁࡄࡉࡓࡉࡀ ࡆࡉࡃࡒࡀ ࡖࡋࡉࡁࡔࡅࡍ ࡅࡁࡋࡉࡁࡀࡉࡄࡅࡍ ࡔࡓࡀࡋࡅࡍ ࡌࡀࡃࡍࡀ ࡖࡄࡉࡉࡀ ࡀࡉࡀࡍࡉࡄࡅࡍ ࡏࡕࡉࡌࡋࡉࡀ ࡁࡄࡍࡅࡓࡀ ࡆࡀࡅࡀ ࡅࡁࡉࡍࡀ ࡋࡀࡓࡀࡄࡉࡌ ࡖࡋࡀࡁࡉࡔࡋࡅࡍ ࡋࡃࡉࡋࡉࡀ ࡎࡉࡌࡀࡕ ࡄࡉࡉࡀ ࡅࡀࡓࡂࡁࡀ ࡅࡌࡉࡅࡍࡀࡍ ࡋࡀࡓࡀࡄࡉࡌ ࡆࡀࡄࡁࡀ ࡅࡀࡊࡎࡀࡐ ࡋࡀࡓࡀࡄࡉࡌ. |
| 476 |
ࡅࡀࡒࡅࡕ ࡀࡉࡉࡍࡀ ࡋࡀࡔࡓࡀࡕ ࡏࡋࡇ ࡀࡐࡂࡓࡉࡀ ࡋࡀࡓࡀࡄࡉࡌࡏࡉࡊࡋࡕࡀ ࡖ ࡋࡀࡏࡉࡍࡔࡉࡀ ࡓࡀࡄࡌࡉࡀ ࡖࡋࡉࡋࡉࡀ ࡋࡀࡔࡓࡀࡕ ࡏࡋࡇ ࡀࡒࡅࡕ ࡀࡉࡉࡍࡀ ࡅࡌࡍ ࡌࡉࡉࡍࡋࡀࡕ ࡌࡀࡓࡇ ࡋࡀࡋࡑࡀ ࡋࡀࡏࡉࡍࡔࡉࡀ ࡃࡓࡀࡁࡔࡉࡀ ࡅࡎࡉࡃࡓࡉࡀ ࡌࡀࡃࡍࡀ ࡖࡄࡉࡉࡀ ࡅࡋࡀࡀࡍࡉࡐࡋ ࡁࡉࡀࡌࡀ ࡓࡁࡀ ࡖࡎࡅࡐ ࡋࡀࡋࡑࡀ ࡌࡍ ࡓࡀࡄࡌࡇ ࡖࡀࡁࡅࡉࡀ ࡅࡀࡍࡉࡐࡀ ࡉࡅࡌࡀ ࡋࡀࡈࡀࡓ ࡅࡋࡀࡏࡉࡍࡔࡉࡇ ࡋࡄࡀࡁࡔࡀࡁࡀ ࡖࡀࡂࡓࡀ ࡅࡆࡉࡃࡒࡀ ࡌ. |
| 477 |
ࡉࡕࡉࡎࡍࡉࡁ ࡋࡀࡏࡉࡍࡔࡉࡀ ࡏࡅࡄࡓࡀ ࡖࡓࡁࡉࡀ ࡌࡉࡕࡉࡎࡍࡉࡁ ࡁࡀࡋࡁࡅࡔࡉࡀ ࡕࡀࡒࡉࡍࡀ ࡌࡉࡕࡉࡎࡍࡉࡁ ࡁࡓࡀࡄࡌࡉࡀ ࡖࡋࡉࡋࡉࡀ ࡖࡄࡀࡎࡉࡓ ࡌࡀࡋࡀࡋࡇ ࡁࡉࡎࡓࡉࡒ ࡈࡀࡉࡉࡋࡍࡇ ࡖࡌࡍ ࡓࡁࡉࡀ ࡀࡎࡂࡅࡍ ࡏࡅࡕࡓࡉࡀ ࡌࡍ ࡁࡄࡉࡓࡉࡀ ࡆࡉࡃࡒࡀ ࡌࡉࡄࡔࡉࡁ ࡗ ࡈࡀࡉࡉࡍ ࡈࡅࡀࡍ ࡃࡀࡉࡊࡀ ࡖࡋࡔࡅࡌࡇ ࡖࡉࡀࡅࡀࡓ ࡌࡉࡕࡀࡓࡐࡉࡔࡉࡀ ࡌࡉࡄࡔࡉࡁ ࡌࡍ ࡁࡄࡉࡓࡉࡀ ࡆࡉࡃࡒࡀ ࡀࡄࡍࡀࡓࡕࡇ ࡔࡓࡀࡕ ࡋࡃࡌࡅࡕࡅࡍ ࡎࡉࡌࡀࡕ ࡄࡉࡉ. |
| 478 |
ࡀ ࡏࡋࡀࡅࡀࡉࡄࡅࡍ ࡅࡀࡓࡐࡉࡔࡉࡕ ࡕࡀࡓࡌࡉࡃࡉࡀ ࡋࡀࡊ ࡒࡓࡉࡁࡇ ࡁࡀࡊࡋࡅࡆࡀ ࡏࡕࡓࡉࡋࡑࡅࡍ ࡃࡉࡓࡀࡊ ࡋࡁࡉࡕ ࡓࡅࡓࡁࡉࡀ ࡀࡌࡀࡓࡀࡍࡋࡅࡍ ࡅࡃࡋࡀࡈࡀࡉࡉࡍ ࡄࡀࡀࡊ ࡌࡉࡕࡀࡂࡆࡀࡓ ࡂࡅࡐࡀࡍ ࡖࡈࡀࡉࡉࡍ ࡎࡀࡋࡉࡒ ࡄࡀࡆࡉࡋࡇ ࡋࡀࡕࡀࡓ ࡄࡍࡅࡓ ࡖࡁࡀࡉࡉࡁࡍࡉࡀ ࡅࡌࡉࡕࡀࡓࡐࡀࡔࡁࡉࡀ ࡎࡀࡋࡉࡒ ࡅࡀࡍࡉࡐࡋ ࡁࡉࡀࡌࡀ ࡓࡁࡀ ࡖࡎࡅࡐ ࡖࡋࡀࡁࡀࡉࡉࡁࡍࡉࡀ ࡅࡋࡀࡌࡉࡕࡀࡓࡐࡀࡔࡁࡉࡀ ࡌࡉࡎࡐࡉࡒ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂ. |
| 479 |
ࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡉࡀࡓࡃࡀࡍ ࡅࡊࡓࡎࡉࡀ ࡕࡓࡀࡋࡑࡉࡀ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡅࡌࡉࡀ ࡁࡆࡉࡅࡀࡉ ࡓࡀࡅࡆࡉࡀ ࡉࡀࡓࡃࡉࡍࡀ ࡁࡓࡉࡄࡀࡉ ࡓࡀࡃࡉࡍ ࡅࡁࡀࡍࡉࡐࡀ ࡆࡉࡅࡀࡉ ࡎࡀࡄࡒࡉࡀ ࡓࡀࡅࡆࡉࡀ ࡌࡉࡀ ࡄࡉࡉࡀ ࡁࡂࡀࡅࡀࡉࡄࡅࡍ ࡌࡉࡕࡓࡀࡅࡓࡁࡉࡀ ࡆࡉࡅࡀࡉ ࡅࡆࡉࡅࡀ ࡖࡉࡀࡓࡃࡀࡍ ࡅࡀࡍࡄࡓࡀ ࡃࡌࡅࡕࡅࡍ ࡌࡍ ࡓࡉࡔ ࡁࡓࡉࡔ ࡌࡉࡕࡓࡀࡅࡓࡁࡉࡀ ࡁࡂࡀࡅࡀࡉࡄࡅࡍ ࡖࡅࡊࡋ ࡌࡀࡍ ࡖࡋ. |
| 480 |
ࡉࡁࡔࡀࡍ ࡄࡃࡀ ࡅࡕࡁࡀࡎࡀࡌ ࡋࡁࡅࡔࡀ ࡀࡀࡍ ࡖࡓࡅࡓࡁࡉࡀ ࡅࡕࡓࡀࡅࡓࡀࡁ ࡌࡉࡇࡍ ࡌࡍ ࡀࡋࡌࡀ ࡖࡋࡉࡁࡔࡀࡍ ࡁࡎࡅࡌ ࡓࡉࡄࡇ ࡅࡋࡌࡀࡋࡀࡊ ࡓࡀࡅࡓࡉࡁࡕࡇ ࡋࡁࡅࡔࡀ ࡀࡀࡍ ࡄࡅࡉࡕ ࡖࡌࡀࡋࡀࡊ ࡅࡎࡊࡀࡉࡕࡇ ࡌࡍ ࡏࡅࡕࡓࡉࡀ ࡅࡁࡂࡀࡅࡀࡉ ࡄࡀࡃࡉࡀ ࡅࡀࡍࡄࡀࡓ ࡅࡁࡀࡑࡅࡕࡀࡉ ࡃࡉࡋࡉࡀ ࡀࡍࡈࡀࡓ ࡀࡍࡄࡓࡉࡁࡉࡀ ࡅࡌࡉࡕࡀࡓࡐࡉࡔࡉࡁࡉࡀ ࡌࡍ ࡓࡉࡔ ࡁࡓࡉࡔ ࡖࡄࡀࡆࡉࡍ ࡋࡁࡅࡔࡀ ࡉࡍࡋࡁࡀࡔ ࡀࡌࡀࡓ ࡖࡅࡊࡋ ࡌࡀࡍ ࡃࡌࡅࡕ. |
| 481 |
ࡇ ࡀࡅࡊࡀࡕ ࡃࡉࡋࡉࡀ ࡉࡍࡁࡀࡓ ࡅࡉࡍࡕࡓࡀࡅࡓࡀࡁ ࡋࡌࡀࡋࡀࡊ ࡅࡁࡓࡉࡔ ࡔࡉࡊࡕࡍࡇ ࡕࡀࡂࡀ ࡀࡀࡍ ࡄࡅࡉࡋࡇ ࡌࡍ ࡓࡉࡔ ࡁࡓࡉࡔ ࡅࡊࡓࡎࡉࡀ ࡕࡓࡀࡋࡑࡉࡀ ࡅࡊࡋࡄࡅࡍ ࡃࡅࡍࡕࡀ ࡋࡃࡉࡋࡉࡀ ࡉࡀࡄࡁࡉࡀ ࡗ ࡅࡊࡓࡎࡉࡀ ࡕࡓࡀࡋࡑࡉࡀ ࡋࡀࡃࡌࡅࡕࡀࡉ ࡌࡔࡀࡁࡉࡋࡇ ࡅࡊࡋࡄࡅࡍ ࡉࡀࡄࡁࡉࡀ ࡃࡅࡍࡕࡀ ࡋࡃࡉࡋࡉࡀ ࡌࡍ ࡓࡉࡔ ࡁࡓࡉࡔ ࡅࡅࡊࡔࡈࡀ ࡌࡉࡇࡍ ࡎࡍࡉࡁ ࡄࡀࡉࡆࡀࡊ ࡀࡌࡀࡓࡋࡇ ࡋࡍࡀࡑࡁ ࡓࡁࡀ ࡅࡋࡃࡉࡋࡉࡀ ࡎࡉࡌ. |
| 482 |
ࡀࡕࡄࡉࡉࡀ ࡀࡊࡎࡉࡀࡍ ࡏࡋࡇ ࡌࡍ ࡋࡁࡅࡔࡉࡇ ࡀࡋࡁࡅࡔࡉࡇ ࡖࡀࡀࡍ ࡎࡊࡀࡉࡕࡇ ࡋࡃࡌࡅࡕࡇ ࡏࡋࡇ ࡀࡊࡎࡉࡀࡍ ࡅࡀࡌࡀࡓࡀࡍࡋࡇ ࡅࡊࡋࡄࡅࡍ ࡏࡁࡉࡃࡀࡕࡀࡊ ࡉࡍࡕࡀࡒࡀࡍࡍ ࡏࡆࡉࡋ ࡁࡄࡀࡉࡋࡇ ࡖࡎࡉࡌࡀࡕ ࡄࡉࡉࡀ ࡅࡁࡄࡀࡓࡕ ࡖࡀࡅࡊࡀࡕࡀࡊ ࡅࡈࡍࡉࡓ ࡏࡋࡀࡊ ࡉࡍࡕࡀࡒࡀࡍࡍ ࡅࡊࡋࡄࡅࡍ ࡏࡁࡉࡃࡀࡕࡀࡊ ࡏࡕࡉࡕࡋࡇ ࡎࡉࡈࡀࡓ ࡉࡍࡒࡅࡌ ࡌࡉࡀࡍࡊ ࡀࡌࡉࡈࡍࡅࡋ ࡖࡏࡕࡉࡕࡋࡇ ࡋࡁࡅࡔࡀ ࡅࡃࡅࡍࡕࡀ ࡋࡃࡉࡋࡀࡊ ࡉࡍࡃࡀࡍࡋࡀࡊ. |
| 483 |
ࡎࡀࡌ ࡄࡉࡉࡀ ࡁࡈࡀࡓࡈࡀࡁࡅࡅࡍࡍ ࡖࡆࡉࡅࡀ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡋࡀࡋࡌࡉࡀ ࡔࡀࡃࡓࡀࡍ ࡖࡃࡌࡀࡎࡀ ࡋࡀࡋࡌࡉࡀ ࡖࡃࡌࡀࡎࡀ ࡔࡀࡃࡓࡀࡍ ࡋࡀࡄࡍࡅࡓࡉࡀ ࡃࡌࡅࡕࡇ ࡁࡔࡉࡊࡕࡍࡇ ࡌࡀࡄࡅࡉࡋࡅࡍ ࡋࡁࡅࡔࡀ ࡋࡌࡀࡋࡀࡊ ࡖࡏࡅࡕࡓࡉࡀ ࡁࡀࡃࡌࡅࡕࡇ ࡀࡍࡄࡓࡉࡀ ࡌࡉࡔࡓࡉࡀ ࡏࡒࡀࡓࡀ ࡓࡁࡀ ࡁࡎࡉࡐࡀࡍࡕࡀ ࡖࡆࡉࡅࡀ ࡀࡃࡉࡍࡍ ࡓࡀࡃࡉࡉࡍࡍ ࡅࡌࡀࡎࡂࡉࡉࡍࡍ ࡀࡋࡌࡀ ࡋࡁࡉࡕ ࡌࡉࡓࡑࡉࡀ ࡌࡈࡉࡍ ࡀࡃࡉࡍࡍ ࡁࡎࡉࡐࡀࡍࡕ. |
| 484 |
ࡀ ࡖࡆࡉࡅࡀ ࡁࡄࡀࡉࡋࡇ ࡖࡎࡉࡌࡀࡕ ࡄࡉࡉࡀ ࡄࡍࡀࡓ ࡆࡉࡅࡀࡍ ࡃࡀࡍ ࡏࡋ ࡀࡋࡌࡉࡀ ࡖࡃࡌࡀࡎࡀ ࡄࡉࡅࡍࡍ ࡀࡋࡀࡍࡇࡐ ࡖࡎࡉࡌࡀࡕࡄࡉࡉࡀ ࡀࡍࡒࡐࡉࡀ ࡄࡍࡀࡓ ࡁࡄࡀࡉࡋࡇ ࡖࡎࡉࡌࡀࡕࡄࡉࡉࡀ ࡅࡀࡌࡓࡉࡋࡇ ࡖࡏࡅࡕࡓࡉࡀ ࡁࡓࡉࡄࡉࡊ ࡁࡀࡎࡌࡉࡀ ࡁࡓࡉࡊ ࡌࡉࡕࡉࡀࡉࡍࡊ ࡎࡉࡌࡀࡕࡄࡉࡉࡀ ࡅࡔࡉࡊࡀࡍࡕࡀ ࡁࡂࡀࡅࡉࡊ ࡌࡉࡉࡍࡄࡓࡀ ࡖࡓࡁࡉࡀ ࡅࡊࡔࡈࡀ ࡋࡌࡀࡋࡀࡊ ࡓࡁࡀ ࡎࡀࡌࡋࡇ ࡄࡀࡉࡆࡀࡊ ࡍࡀࡑࡁ ࡅࡔࡅࡌࡇ ࡀࡊࡎࡉࡀ ࡈࡍࡉࡓ. |
| 485 |
ࡏࡋ ࡉࡅࡀࡊࡁࡀࡓ ࡎࡀ ࡎࡉࡌࡀࡕ ࡀࡀࡍ ࡎࡉࡌࡀࡕ ࡄࡉࡉࡀ ࡖࡁࡂࡀࡅࡇ ࡀࡍࡄࡓࡉࡀ ࡀࡋࡌࡉࡀ ࡎࡀࡌ ࡄࡉࡉࡀ ࡏࡄࡀࡁࡋࡉࡀ ࡋࡁࡅࡔࡀ ࡃࡀࡉࡊࡀ ࡖࡉࡊࡁࡉࡀ ࡅࡈࡍࡉࡈࡉࡀ ࡋࡉࡕࡁࡇ ࡏࡄࡀࡁࡋࡉࡀ ࡄࡉࡌࡉࡀࡀࡍ ࡄࡉࡌࡉࡀࡍ ࡌࡉࡀ ࡖࡁࡆࡉࡅࡇ ࡀࡍࡄࡓࡉࡀ ࡀࡋࡌࡉࡀ ࡏࡄࡀࡁࡋࡉࡀ ࡕࡀࡂࡀ ࡓࡁࡀ ࡖࡌࡉࡀ ࡁࡓࡉࡄࡀࡉ ࡁࡀࡎࡉࡌࡉࡀ ࡏࡄࡀࡁࡋࡉࡀ ࡓࡉࡄࡀ ࡁࡀࡎࡉࡌࡀ ࡖࡁࡀࡉࡀࡓ ࡅࡌࡀࡄࡍࡀࡓ ࡌࡍ ࡓࡉࡔ ࡁࡓࡉࡔ ࡏࡄࡀࡁࡋࡉࡀ ࡄࡀࡉࡋࡀ. |
| 486 |
ࡓࡁࡀ ࡅࡈࡍࡉࡓࡉࡀ ࡔࡀࡋࡉࡈ ࡏࡋࡀࡉ ࡏࡄࡀࡁࡋࡉࡀ ࡀࡃࡉࡀࡅࡓࡉࡀ ࡀࡊࡎࡉࡉࡀ ࡖࡁࡂࡀࡅࡀࡉ ࡉࡀࡓࡃࡉࡍࡀ ࡌࡉࡆࡃࡀࡉࡊࡀ ࡏࡄࡀࡁࡋࡉࡀ ࡆࡀࡅࡊࡕࡀ ࡓࡀࡁࡕࡉࡀ ࡄࡀࡉࡋࡀࡉ ࡏࡋࡇ ࡔࡀࡓࡉࡀ ࡗ ࡔࡅࡌࡀࡉ ࡏࡋ ࡉࡀࡓࡃࡀࡍ ࡌࡀࡃࡉࡊࡓࡉࡋࡇ ࡅࡄࡀࡅࡉࡋࡅࡍ ࡔࡓࡀࡓࡀ ࡋࡏࡅࡕࡓࡉࡀ ࡅࡁࡂࡀࡅࡀࡉ ࡎࡀࡋࡉࡒ ࡉࡀࡓࡃࡀࡍ ࡅࡌࡆࡀࡉࡊࡋࡅࡍ ࡌࡍ ࡀࡅࡃࡉࡀ ࡉࡀࡄࡉࡁࡋࡅࡍ ࡏࡌࡓࡀ ࡅࡔࡉࡌࡀ ࡅࡄࡀࡉࡋࡀࡉ ࡅࡂࡀࡁࡀࡓࡅࡀࡕࡀࡉ ࡉ. |
| 487 |
ࡀࡄࡉࡁࡋࡅࡍ ࡃࡌࡅࡕࡀ ࡀࡍࡄࡉࡓࡕࡀ ࡏࡋ ࡉࡀࡓࡃࡀࡍ ࡔࡓࡉࡀ ࡖࡁࡂࡀࡅࡀࡉ ࡌࡉࡕࡀࡒࡀࡍ ࡏࡕࡉࡍࡉࡑࡁࡋࡇ ࡋࡍࡀࡑࡁ ࡓࡁࡀ ࡅࡌࡀࡓࡃࡉࡕࡀ ࡖࡌࡉࡀ ࡌࡀࡓࡃࡉࡀ ࡀࡋࡌࡉࡀ ࡄࡀࡉࡋࡀࡉ ࡃࡉࡋࡉࡀ ࡌࡀࡄࡍࡀࡓ ࡌࡀࡓࡃࡉࡀ ࡏࡈࡑࡅࡉࡍࡀ ࡖࡌࡉࡀ ࡄࡉࡉࡀ ࡀࡓࡒࡀࡄࡀࡕࡀ ࡖࡆࡉࡅࡀ ࡌࡉࡕࡌࡉࡎࡉࡀ ࡁࡄࡀࡉࡋࡀࡉ ࡅࡁࡄࡀࡉࡋࡀࡉࡄࡅࡍ ࡖࡌࡉࡀ ࡅࡀࡉࡀࡓ ࡔࡉࡊࡀࡍࡕࡀ ࡖࡆࡉࡅࡀ ࡌࡉࡔࡕࡉࡊࡀࡍࡍ ࡅࡁࡄࡀࡉࡋࡀࡉ ࡅࡁࡄࡀࡉࡋࡀࡉࡄࡅࡍ ࡖࡌࡉ. |
| 488 |
ࡀ ࡅࡀࡉࡀࡓ ࡉࡐࡓࡉࡀ ࡅࡏࡌࡁࡉࡀ ࡅࡏࡋࡀࡉࡍࡀ ࡋࡏࡅࡕࡓࡉࡀ ࡅࡁࡄࡀࡉࡋࡀࡉ ࡅࡁࡄࡀࡉࡋࡀࡉࡄࡅࡍ ࡖࡌࡉࡀ ࡅࡀࡉࡀࡓ ࡖࡏࡌࡓࡀ ࡅࡔࡉࡌࡀ ࡓࡀࡃࡉࡍ ࡍࡀࡑࡁࡋࡅࡍ ࡀࡀࡍࡉࡍࡀ ࡖࡆࡉࡅࡀ ࡁࡄࡀࡉࡋࡀࡉࡄࡅࡍ ࡃࡉࡋࡅࡍ ࡌࡉࡕࡄࡉࡕࡌࡉࡀ ࡏࡄࡀࡁࡋࡅࡍ ࡓࡅࡔࡅࡌࡀ ࡃࡀࡉࡊࡀ ࡅࡏࡋ ࡌࡉࡓࡑࡉࡀ ࡃࡀࡉࡊࡀ ࡌࡉࡕࡉࡓࡉࡑࡀ ࡌࡉࡕࡄࡉࡕࡌࡉࡀ ࡁࡄࡀࡉࡋࡀࡉࡅࡍ ࡅࡓࡉࡔ ࡀࡋࡌࡉࡀ ࡌࡉࡕࡒࡉࡓࡉࡀ ࡌࡉࡕࡉࡓࡉࡑࡀ ࡏࡋ ࡀࡊࡓࡎࡀࡅࡀࡕࡀ ࡖࡆࡉࡅࡀ. |
| 489 |
ࡌࡉࡕࡓࡀࡅࡓࡁࡉࡀ ࡄࡀࡃ ࡌࡍ ࡄࡃࡀࡃࡉࡀ ࡅࡌࡉࡌࡓࡀ ࡖࡀࡁࡀࡄࡀࡕࡇ ࡋࡅࡀࡕࡇ ࡌࡉࡔࡕࡉࡊࡍ ࡌࡀࡍ ࡖࡓࡀࡆࡀ ࡖࡀࡁࡀࡄࡀࡕࡇ ࡅࡌࡉࡕࡓࡀࡅࡓࡁࡀ ࡃࡌࡅࡕࡇ ࡅࡁࡀࡉࡀࡓ ࡅࡌࡀࡄࡍࡀࡓ ࡅࡌࡉࡕࡓࡀࡅࡓࡀࡁ ࡌࡍ ࡏࡅࡕࡓࡉࡀ ࡅࡊࡋࡄࡅࡍ ࡀࡅࡊࡀࡕ ࡔࡀࡌࡁࡉࡁࡉࡀ ࡖࡆࡉࡅࡀ ࡁࡀࡕࡀࡓ ࡄࡍࡅࡓ ࡕࡀࡒࡉࡕࡍࡀ ࡋࡀࡋࡌࡉࡀ ࡖࡄࡍࡅࡓࡀ ࡅࡊࡋࡄࡅࡍ ࡏࡕࡉࡀࡄࡁࡀࡕ ࡅࡁࡄࡀࡉࡋࡀࡉࡄࡅࡍ ࡖࡌࡉࡀ ࡅࡀࡉࡀࡓ ࡁࡄࡀࡉࡋࡀࡉ ࡅࡀࡉࡍࡍ ࡏࡔࡕࡀࡋࡀ. |
| 490 |
ࡈࡉࡍࡍ ࡏࡋࡀࡅࡀࡉࡄࡅࡍ ࡏࡕࡉࡀࡄࡁࡀࡕ ࡕࡀࡒࡀࡕࡍࡀ ࡋࡀࡋࡌࡉࡀ ࡖࡄࡍࡅࡓࡀ ࡅࡊࡋࡄࡅࡍ ࡅࡀࡎࡉࡒࡉࡍࡍ ࡋࡏࡁࡉࡃࡀࡕࡀࡍ ࡋࡓࡉࡔ ࡕࡀࡒࡉࡉࡍࡍ ࡅࡀࡄࡍࡀࡓࡉࡍࡍ ࡅࡂࡉࡆࡍࡉࡀ ࡋࡀࡋࡌࡉࡀ ࡉࡀࡄࡉࡁࡋࡅࡍ ࡓࡀࡃࡉࡉࡍࡍ ࡌࡀࡓࡃࡉࡕࡀ ࡋࡏࡅࡕࡓࡉࡀ ࡀࡌࡉࡈࡍࡅࡋ ࡖࡌࡉࡀࡍࡉࡅࡍ ࡏࡕࡉࡍࡉࡑࡁ ࡉࡀࡄࡉࡁࡋࡇ ࡉࡍࡅࡑࡁࡕࡀ ࡃࡀࡉࡊࡕࡀ ࡋࡌࡀࡋࡀࡊ ࡀࡋࡌࡀ ࡋࡎࡀࡌ ࡓࡁࡀ ࡌࡈࡉࡍ ࡓࡀࡃࡉࡉࡍࡍ ࡅࡌࡀࡎࡂࡉࡉࡍࡍ ࡓࡌࡉࡀࡍࡋࡇ ࡅࡀࡌࡀࡓࡀ. |
| 491 |
ࡍࡋࡇ ࡀࡉࡍࡍ ࡏࡉࡍࡀࡀࡍ ࡋࡎࡀࡌ ࡓࡁࡀ ࡀࡌࡉࡈࡍࡅࡋ ࡖࡌࡍ ࡀࡑࡅࡕࡀࡊ ࡔࡓࡀࡕ ࡏࡋࡀࡍ ࡆࡉࡅࡀࡊ ࡕࡀࡒࡅࡍ ࡅࡃࡌࡅࡕࡀࡊ ࡌࡉࡉࡍࡄࡓࡀ ࡋࡔࡉࡊࡀࡍࡕࡀ ࡅࡋࡉࡀࡓࡃࡉࡍࡀ ࡌࡍ ࡓࡉࡔ ࡁࡓࡉࡔ ࡔࡀࡋࡉࡈࡇࡍ ࡋࡎࡀࡌ ࡓࡁࡀ ࡆࡉࡅࡀ ࡌࡈࡉࡍ ࡀࡋࡌࡀ ࡋࡉࡀࡅࡀࡓ ࡓࡀࡃࡉࡉࡍࡍ ࡅࡌࡀࡎࡂࡉࡉࡍࡍ ࡏࡉࡉࡍࡀࡀࡍ ࡋࡉࡀࡅࡀࡓ ࡆࡉࡅࡀ ࡓࡌࡉࡀࡍࡋࡇ ࡗ ࡌࡈࡉࡍ ࡉࡀࡅࡀࡓ ࡆࡉࡅࡀ ࡅࡌࡀࡓࡀࡉࡀࡍ ࡖࡔࡉࡊࡀࡍࡕࡀ ࡅࡊࡋࡄࡉࡍ ࡀࡁ ࡀࡀࡍࡕ. |
| 492 |
ࡖࡏࡅࡕࡓࡉࡀ ࡅࡔࡀࡋࡉࡈࡀࡍࡊ ࡋࡉࡊࡌࡀࡑ ࡉࡍࡅࡑࡁࡕࡀ ࡍࡀࡑࡁࡋࡀࡊ ࡅࡏࡋ ࡏࡁࡉࡃࡀࡕࡀ ࡖࡀࡕࡀࡓ ࡄࡍࡅࡓ ࡌࡍ ࡄࡀࡉࡋࡀࡍ ࡅࡓࡀࡆࡀࡍ ࡔࡀࡓࡉࡍ ࡏࡋࡇ ࡄࡀࡉࡆࡀࡊ ࡏࡕࡋࡀࡁࡀࡔ ࡌࡀࡃࡍࡀ ࡖࡄࡉࡉࡀ ࡁࡃࡉࡋࡀࡍ ࡀࡋࡌࡀ ࡋࡁࡉࡕ ࡉࡅࡔࡀࡌࡉࡍ ࡌࡈࡉࡍ ࡓࡀࡃࡉࡉࡍࡍ ࡅࡌࡀࡎࡂࡉࡉࡍࡍ ࡆࡉࡅࡀࡉࡀࡍ ࡋࡉࡅࡔࡀࡌࡉࡍ ࡃࡀࡍ ࡗ ࡌࡈࡉࡍ ࡁࡉࡕ ࡉࡅࡔࡀࡌࡉࡍ ࡉࡅࡔࡀࡌࡉࡍ ࡁࡄࡀࡔࡀࡁࡕࡀ ࡄࡅࡀ ࡃࡀࡍ ࡆࡉࡅࡀࡉࡀࡍ ࡋࡁࡉࡕ ࡉࡅࡔࡀ. |
| 493 |
ࡌࡉࡍ ࡋࡁࡀࡁࡀ ࡖࡄࡉࡋࡁࡅࡇࡍ ࡍࡀࡐࡒ ࡗ ࡄࡅࡀ ࡁࡄࡀࡔࡀࡁࡕࡀ ࡏࡉࡍࡀࡀࡍ ࡓࡀࡌࡉࡀࡍࡋࡇ ࡀࡉࡍࡍ ࡌࡉࡄࡆࡀ ࡖࡄࡆࡀࡉࡇࡍ ࡅࡓࡉࡔࡀࡉࡀ ࡅࡆࡉࡅࡀࡊ ࡃࡀࡄࡀࡍ ࡁࡄࡉࡋࡀࡐ ࡀࡁࡅࡍ ࡓࡁࡀ ࡄࡅࡉࡕ ࡅࡏࡁࡉࡃࡀࡕࡀࡊ ࡌࡁࡀࡔࡒࡓࡀ ࡁࡀࡕࡓࡀ ࡖࡄࡍࡅࡓࡀ ࡔࡀࡉࡀࡈࡀࡊ ࡄࡅࡀ ࡁࡉࡕ ࡄࡉࡉࡀ ࡀࡀࡍࡕ ࡌࡀࡓࡀ ࡖࡅࡊࡋࡇ ࡈࡀࡁࡅࡕࡀ ࡌࡎࡀࡃࡀࡓ ࡎࡉࡃࡓࡉࡀ ࡒࡓࡅࡊ ࡅࡕࡓࡀࡕࡑࡇ ࡁࡔࡉࡊࡕࡍࡇ ࡌࡍ ࡓࡉࡔ ࡁࡓࡉࡔ ࡅࡕࡀࡒࡉࡕࡍ. |
| 494 |
ࡇ ࡀࡄࡍࡀࡓࡕࡇ ࡀࡋࡌࡀ ࡋࡁࡉࡕ ࡀࡁࡀࡕࡅࡓ ࡌࡈࡉࡍ ࡓࡀࡃࡉࡉࡍࡍ ࡅࡌࡀࡎࡂࡉࡉࡍࡍ ࡆࡉࡅࡀࡉࡀࡍ ࡋࡀࡁࡀࡕࡅࡓ ࡃࡀࡍ ࡌࡀࡈࡅࡉࡀࡍ ࡋࡁࡉࡕ ࡀࡁࡀࡕࡅࡓ ࡅࡁࡅࡕࡀ ࡌࡍ ࡄࡉࡉࡀ ࡁࡀࡉࡉࡀ ࡀࡁࡀࡕࡅࡓ ࡍࡀࡐࡑ ࡅࡒࡀࡌ ࡌࡍ ࡅࡊࡓࡎࡉࡉࡇ ࡋࡏࡁࡉࡃࡀࡕࡀ ࡄࡀࡎࡉࡓࡀࡕࡀ ࡖࡀࡁࡀࡃ ࡁࡅࡕࡀ ࡁࡀࡉࡉࡀ ࡌࡍ ࡄࡉࡉࡀ ࡄࡀࡃࡉࡁࡇ ࡅࡄࡀࡃࡉࡁࡇ ࡀࡀࡍࡉࡍࡀ ࡅࡀࡌࡀࡓࡋࡇ ࡏࡅࡕࡓࡉࡀ ࡕࡋࡀࡕࡀ ࡖࡋࡁࡅࡔࡀ ࡖࡆࡉࡅࡀ ࡋࡁࡉࡔ ࡖࡅࡊࡔࡈࡀ. |
| 495 |
ࡁࡄࡀࡄࡅ ࡂࡀࡁࡓࡀ ࡅࡄࡍࡅࡓࡀ ࡌࡓࡀࡌࡀࡉ ࡋࡀࡊࡃࡇࡐ ࡋࡁࡉࡔ ࡋࡁࡅࡔࡀ ࡖࡆࡉࡅࡀ ࡅࡓࡀࡔࡉࡌࡁࡇ ࡁࡃࡀࡉࡊࡀ ࡓࡅࡔࡅࡌࡀ ࡀࡁࡅࡍ ࡕࡀࡒࡉࡋࡁࡇ ࡁࡌࡅࡆࡀࡉࡍࡀ ࡋࡉࡀࡓࡃࡀࡍ ࡓࡁࡀ ࡖࡌࡉࡀ ࡄࡉࡉࡀ ࡄࡀࡉࡆࡀࡊ ࡔࡀࡋࡉࡈࡇࡍ ࡋࡀࡁࡀࡕࡅࡓ ࡋࡃࡀࡅࡓࡀ ࡕࡀࡒࡀࡍ ࡅࡋࡉࡍࡔࡌࡀࡕࡀ ࡖࡎࡀࡋࡒࡀ ࡖࡎࡀࡋࡒࡀ ࡌࡉࡇࡍ ࡌࡍ ࡀࡋࡌࡀ ࡅࡋࡏࡓࡅࡕࡀ ࡅࡕࡅࡔࡁࡉࡄࡕࡀ ࡖࡉࡍࡌࡉࡓࡁࡅࡍ ࡅࡉࡍࡔࡕࡀࡌࡉࡁࡅࡍ ࡌࡍ ࡓࡉࡔ ࡁࡓࡉࡔ ࡔࡀࡋࡉࡈࡇ. |
| 496 |
ࡍ ࡋࡔࡅࡁࡀ ࡅࡕࡓࡉࡎࡀࡓ ࡀࡌࡀࡓࡀࡍࡋࡇ ࡗ ࡌࡍ ࡉࡊࡎࡉࡀ ࡏࡕࡉࡍࡉࡑࡁࡕ ࡄࡀࡎࡓࡉࡕ ࡀࡁࡀࡕࡅࡓ ࡀࡋࡌࡀ ࡗ ࡌࡍ ࡆࡉࡅࡀ ࡃࡀࡉࡊࡀ ࡄࡅࡉࡕ ࡀࡋࡌࡀ ࡄࡀࡎࡓࡉࡕ ࡀࡁࡀࡕࡅࡓ ࡅࡓࡀࡂࡆࡉࡕ ࡋࡕࡐࡀࡄࡉࡋ ࡀࡋࡌࡀ ࡄࡀࡎࡓࡉࡕ ࡀࡁࡀࡕࡅࡓ ࡅࡕࡐࡀࡄࡉࡋ ࡏࡋࡀࡊ ࡄࡀࡌ ࡖࡄࡅࡀࡕ ࡌࡉࡀࡍࡉࡅࡊࡍ ࡄࡀࡔࡕࡀ ࡄࡀࡓࡂࡕࡀ ࡅࡁࡉࡔࡅࡕࡀ ࡄࡀࡎࡓࡉࡀ ࡅࡌࡉࡕࡀࡊࡌࡓࡉࡀ ࡉࡍࡔࡌࡀࡕࡀ ࡁࡄࡅࡎࡓࡀࡅࡍࡍ ࡁࡃࡉࡓࡉࡊࡀ ࡖࡅࡊࡔࡈࡀ ࡖࡀࡔࡀࡓ. |
| 497 |
ࡅࡒࡀࡌ ࡎࡀࡋࡉࡒ ࡉࡍࡎࡀࡒ ࡋࡀࡕࡀࡓ ࡄࡍࡅࡓ ࡎࡀࡉࡉࡐ ࡁࡎࡀࡅࡇࡐ ࡖࡀࡋࡌࡀ ࡖࡋࡀࡌࡀࡔࡀࡓ ࡅࡋࡀࡒࡀࡉࡉࡌ ࡅࡈࡍࡀࡓࡕࡇ ࡋࡂࡉࡆࡍࡉࡇ ࡌࡍ ࡓࡉࡔ ࡁࡓࡉࡔ ࡎࡊࡀࡉࡕࡇ ࡋࡀࡁࡀࡕࡅࡓ ࡌࡍ ࡔࡉࡁࡉࡀࡄࡉࡀ ࡌࡍ ࡁࡅࡎࡌࡀ ࡖࡀࡉࡀࡓ ࡔࡓࡉࡍ ࡏࡋࡇ ࡀࡄࡍࡀࡓࡕࡇ ࡅࡕࡀࡒࡉࡕࡍࡇ ࡅࡕࡀࡒࡉࡇࡍ ࡋࡌࡉࡌࡓࡇ ࡌࡍ ࡓࡉࡔ ࡁࡓࡉࡔ ࡕࡀࡒࡉࡉࡍࡍ ࡋࡏࡁࡉࡃࡀࡕࡇ ࡀࡋࡌࡀ ࡋࡕࡐࡀࡄࡉࡋ ࡏࡅࡕࡓࡀ ࡌࡈࡉࡍ ࡓࡀࡃࡉࡉࡍࡍ ࡅࡌࡀࡎࡂࡉࡉࡍࡍ ࡄ. |
| 498 |
ࡅ ࡁࡓࡀࡄࡌࡉࡀ ࡏࡕࡉࡌࡋࡉࡀ ࡌࡀࡈࡅࡉࡀࡍ ࡋࡕࡐࡀࡄࡉࡋ ࡏࡅࡕࡓࡀ ࡅࡀࡌࡀࡓ ࡔࡀࡃࡀࡓ ࡏࡋࡀࡉ ࡖࡋࡉࡂࡀࡋ ࡈࡀࡁࡀ ࡏࡅ ࡄࡉࡉࡍࡀࡋࡇ ࡋࡀࡁ ࡌࡀࡃࡍࡀ ࡖࡄࡉࡉࡀ ࡅࡊࡋ ࡉࡅࡌ ࡅࡊࡋ ࡉࡅࡌࡀ ࡖࡉࡍࡔࡒࡋࡅࡋࡉࡀ ࡀࡓࡉࡐࡋࡉࡀ ࡖࡄࡀࡁࡀࡓࡀ ࡄࡅࡎࡓࡀࡀࡍ ࡅࡁࡅࡓࡑࡀࡀࡍ ࡄࡀࡓࡂࡕࡀ ࡅࡁࡉࡔࡅࡕࡀ ࡌࡀࡉࡉࡋ ࡏࡋ ࡏࡅࡓࡑࡇ ࡀࡌࡉࡈࡍࡅࡋ ࡖࡀࡁ ࡓࡂࡀࡆ ࡏࡋࡀࡉ ࡅࡀࡉࡍࡍ ࡏࡉࡍࡀࡀࡍ ࡓࡀࡌࡉࡀࡍࡋࡇ ࡅࡀࡌࡀࡓࡀࡍࡋࡇ ࡅࡅࡊ. |
| 499 |
ࡓࡎࡉࡀ ࡕࡓࡀࡋࡑࡇ ࡁࡀࡕࡀࡓ ࡄࡍࡅࡓ ࡁࡄࡉࡓࡀ ࡖࡄࡉࡉࡀ ࡔࡉࡄࡋࡅࡉࡀ ࡏࡋࡀࡅࡀࡉࡅࡍ ࡅࡌࡀࡎࡒࡀࡋࡇ ࡋࡃࡀࡅࡓࡀ ࡕࡀࡒࡀࡍ ࡕࡀࡓࡉࡑࡀࡍࡋࡇ ࡏࡓࡅࡕࡀ ࡖࡌࡀࡉࡓࡀࡋࡇ ࡀࡌࡀࡓࡋࡅࡍ ࡗ ࡕࡉࡒࡋࡀࡕࡀ ࡓࡀࡌࡉࡋࡅࡍ ࡔࡉࡁࡉࡀࡄࡉࡀ ࡗ ࡄࡀࡎࡓࡉࡀ ࡕࡀࡓࡌࡉࡃࡉࡀ ࡏࡁࡉࡃࡉࡋࡅࡍ ࡅࡀࡀࡍ ࡁࡓࡉࡐࡋࡉࡀ ࡖࡄࡔࡅࡀࡊ ࡌࡉࡕࡀࡊࡓࡀࡊࡀࡍ ࡒࡅࡃࡀࡌ ࡓࡁࡉࡀ ࡌࡀࡃࡀࡊࡓ ࡏࡋࡀࡉ ࡗ ࡓࡀࡂࡆࡉࡀ ࡏࡋࡀࡉ ࡓࡁࡉࡀ ࡋࡕࡐࡀࡄࡉࡋ ࡏࡅࡕࡓࡀ. |
| 500 |
ࡖࡉࡍࡌࡀࡓࡋࡇ ࡀࡌࡀࡓࡋࡇ ࡌࡀࡋࡉࡋ ࡌࡀࡃࡍࡀ ࡖࡄࡉࡉࡀ ࡏࡋ ࡕࡉࡒࡉࡋࡀࡕࡀ ࡅࡕࡀࡓࡌࡉࡃࡉࡀ ࡀࡀࡍࡕ ࡕࡉࡔࡕࡀࡉࡀࡋ ࡅࡄࡉࡌࡕࡀࡊ ࡃࡉࡋࡀࡊ ࡄࡅࡍ ࡔࡉࡁࡉࡀࡄࡉࡀ ࡀࡌࡉࡈࡍࡅࡋ ࡖࡌࡍ ࡆࡉࡃࡀ ࡅࡓࡅࡂࡆࡀ ࡖࡄࡀࡈࡉࡁࡅࡍ ࡅࡌࡀࡎࡉࡊࡋࡉࡁࡅࡍ ࡁࡂࡅ ࡓࡅࡓࡁࡉࡀ ࡔࡀࡋࡉࡈࡕࡉࡅࡍࡍ ࡋࡕࡀࡓࡌࡉࡃࡉࡀ ࡅࡓࡀࡌࡉࡋࡅࡍ ࡁࡎࡀࡅࡀࡐ ࡖࡀࡋࡌࡀ ࡅࡓࡀࡌࡉࡍ ࡏࡋࡀࡅࡀࡉࡄࡅࡍ ࡔࡉࡄࡀ ࡅࡔࡉࡂࡓࡀ ࡋࡉࡁࡇࡍ ࡖࡀࡋࡌࡀ ࡌࡉࡕࡀࡊࡕࡓࡉࡀ ࡌ. |
| 501 |
ࡀࡓࡅࡉࡋࡅࡍ ࡁࡓࡅࡉࡕࡀ ࡁࡎࡀࡋࡊࡅࡕࡀ ࡃࡉࡋࡀࡊ ࡕࡐࡀࡄࡉࡋ ࡕࡉࡄࡅࡉࡀ ࡏࡅ ࡄࡀࡈࡉࡁࡅࡍ ࡁࡕࡀࡓࡌࡉࡃࡉࡀ ࡁࡎࡋࡊࡅࡕࡀࡊ ࡃࡉࡋࡀࡊ ࡕࡐࡀࡄࡉࡋ ࡕࡉࡄࡅࡉࡀ ࡏࡅ ࡄࡀࡈࡉࡍ ࡕࡀࡓࡌࡉࡃࡀࡊ ࡅࡏࡉࡍࡀࡀࡍ ࡋࡕࡐࡀࡄࡉࡋ ࡏࡅࡕࡓࡀ ࡓࡀࡌࡉࡀ ࡄࡀࡉࡆࡀࡊ ࡌࡀࡋࡉࡋ ࡌࡀࡃࡍࡀ ࡖࡄࡉࡉࡀ ࡅࡀࡌࡀࡓࡋࡇ ࡖࡉࡀࡅࡀࡓ ࡄࡅࡀࡋࡀࡊ ࡀࡍࡁࡑࡀ ࡀࡁࡅࡍ ࡁࡄࡉࡓࡀ ࡖࡋࡀࡌࡅࡌࡀ ࡅࡄࡀࡁࡔࡀࡁࡀ ࡄࡅࡀࡋࡀࡊ ࡉࡐࡓࡒࡀ ࡉࡀࡅࡀࡓ ࡀࡍࡁࡑࡀ ࡄࡅࡀ. |
| 502 |
ࡋࡀࡊ ࡌࡊࡀࡑ ࡉࡊࡌࡀࡑ ࡖࡉࡀࡓࡃࡀࡍ ࡔࡀࡃࡀࡓࡋࡀࡊ ࡄࡉࡉࡀ ࡓࡁࡉࡀ ࡋࡔࡅࡌࡀࡊ ࡏࡃࡅࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡁࡄࡉࡓࡉࡀ ࡅࡔࡀࡋࡌࡀࡉࡍࡀ ࡏࡋࡅࡊࡍ ࡀࡌࡉࡓࡀࡍ ࡅࡌࡀࡓࡐࡉࡔࡀࡍ ࡃࡀࡉࡓࡉࡍ ࡁࡂࡀࡅࡇ ࡖࡀࡋࡌࡀࡖ ࡅࡀࡉࡀࡍࡉࡅࡊࡍ ࡕࡓࡅࡑ ࡋࡀࡕࡀࡓ ࡄࡍࡅࡓ ࡋࡀࡕࡉࡄࡅࡍ ࡌࡀࡍࡕ ࡄࡔࡅࡀࡊ ࡅࡁࡌࡀࡋࡀࡋࡅࡊࡍ ࡀࡊࡃࡁࡀ ࡋࡀࡉࡍࡄࡅࡉࡀ ࡏࡕࡀࡓࡐࡀࡔ. |
| 503 |
ࡌࡍ ࡌࡅࡕࡀ ࡋࡄࡉࡉࡀ ࡅࡏࡕࡀࡓࡐࡀࡔ ࡌࡍ ࡁࡉࡔࡉࡀ ࡄࡀࡈࡉࡀ ࡖࡀࡕࡀࡓ ࡄࡔࡅࡊ ࡏࡕࡀࡓࡐࡀࡔ ࡌࡍ ࡁࡉࡔࡉࡀ ࡋࡈࡀࡁࡉࡀ ࡄࡀࡈࡀࡉࡅࡊࡍ ࡅࡄࡀࡅࡁࡅࡊࡍ ࡉࡍࡔࡕࡉࡁࡒࡋࡅࡊࡍ ࡓࡄࡅࡌ ࡅࡀࡆࡁࡀࡓ ࡄࡃࡀࡃࡉࡀ ࡅࡎࡀࡒ ࡁࡆࡀࡅࡊࡕࡀ ࡋࡀࡕࡀࡓ ࡄࡍࡅࡓ ࡄࡆࡅࡍ ࡅࡔࡅࡌࡀ ࡅࡏࡕࡀࡓࡐࡀࡔ ࡅࡌࡊࡀ ࡖࡁࡀࡉࡉࡍࡀ ࡅࡌࡉࡕࡀࡓࡐࡉࡔࡉࡀ ࡉࡀࡕࡁࡉࡀ ࡅࡁࡀࡉࡉࡍࡀ ࡈࡀࡁࡉࡀ ࡅࡀࡌࡓࡉࡀ ࡀࡌࡓࡉࡀ ࡈࡀࡁࡉࡀ ࡅࡌࡉࡕࡌࡉࡋࡉࡊࡀ ࡌࡀࡍ. |
| 504 |
ࡀࡍࡅࡃࡀࡍ ࡅࡌࡀࡍ ࡀࡍࡓࡐࡉࡔࡀࡍ ࡌࡀࡍ ࡉࡍࡕࡉࡀ ࡅࡌࡀࡍ ࡖࡉࡍࡌࡀࡓࡋࡉࡀ ࡄࡀࡃ ࡄࡅࡀ ࡌࡀࡋࡀࡊ ࡏࡅ ࡕࡓࡉࡍ ࡌࡀࡍ ࡖࡉࡍࡕࡉࡀ ࡅࡌࡀࡍ ࡖࡉࡍࡌࡀࡓࡋࡉࡀ ࡅࡌࡉࡕࡀࡓࡐࡉࡔࡉࡀ ࡌࡉࡌࡀࡓ ࡀࡌࡓࡉࡀ ࡈࡀࡁࡉࡀ ࡅࡕࡓࡉࡍ ࡉࡊࡀࡉࡍࡀ ࡏࡕࡉࡒࡓࡅࡍ ࡕࡓࡉࡍ ࡌࡀࡋࡉࡊࡀ ࡄࡅࡍ ࡅࡌࡀࡋࡀࡊ ࡖࡁࡀࡓࡉࡅࡕ ࡃࡀࡓࡉࡀ ࡌࡀࡋࡀࡊ ࡖࡄࡀࡆࡉࡍ ࡀࡋࡌࡀ ࡄࡉࡓࡁࡀ ࡅࡕࡀࡂࡀ ࡖࡄࡔࡅࡀࡊ ࡎࡀࡌࡋࡇ ࡌࡀࡋࡀࡊ ࡖࡄࡀࡆࡉࡍ ࡃࡀࡓࡀ ࡅࡄࡉࡓ. |
| 505 |
ࡁࡀ ࡁࡉࡀࡌࡉࡇࡍ ࡋࡂࡀࡈ ࡕࡀࡂࡀ ࡎࡀࡌࡋࡇ ࡖࡄࡔࡅࡀࡊ ࡅࡒࡀࡉࡉࡌ ࡌࡂࡀࡈࡉࡋࡁࡅࡍ ࡁࡁࡇࡍ ࡄࡉࡓࡁࡀ ࡋࡂࡀࡈ ࡁࡉࡀࡌࡉࡇࡍ ࡅࡁࡇࡍ ࡄࡃࡀࡃࡉࡀ ࡂࡀࡈࡋࡉࡀ ࡒࡀࡉࡉࡌ ࡅࡁࡇࡍ ࡌࡂࡀࡈࡉࡋࡁࡅࡍ ࡅࡌࡀࡋࡀࡊ ࡖࡁࡀࡓࡉࡅࡕ ࡃࡀࡓࡉࡀ ࡌࡀࡋࡀࡊ ࡖࡁࡀࡓࡉࡅࡕ ࡀࡋࡌࡉࡀ ࡕࡀࡂࡀ ࡖࡄࡍࡅࡓࡀ ࡎࡀࡌࡋࡇ ࡌࡀࡋࡀࡊ ࡖࡁࡀࡓࡉࡅࡕ ࡀࡋࡌࡉࡀ ࡅࡅࡊࡔࡈࡀ ࡁࡉࡀࡌࡉࡇࡍ ࡋࡂࡀࡈ ࡕࡀࡂࡀ ࡎࡀࡌࡋࡇ ࡖࡄࡍࡅࡓࡀ ࡅࡒࡀࡉࡉࡌ ࡅࡌࡀࡓࡐࡉࡔ ࡁ. |
| 506 |
ࡇࡍ ࡅࡊࡔࡈࡀ ࡋࡂࡀࡈ ࡁࡉࡀࡌࡉࡇࡍ ࡅࡁࡇࡍ ࡄࡃࡀࡃࡉࡀ ࡌࡉࡕࡀࡓࡐࡉࡔࡉࡀ ࡒࡀࡉࡉࡌ ࡅࡁࡇࡍ ࡌࡀࡓࡐࡉࡔࡋࡅࡍ ࡌࡀࡍ ࡄࡀࡀࡊ ࡅࡌࡀࡄࡅ ࡄࡅࡀ ࡌࡀࡍ ࡉࡍࡕࡉࡀ ࡅࡌࡀࡍ ࡖࡉࡍࡌࡀࡓࡋࡉࡀ ࡅࡏࡈࡑࡀࡓࡀࡓ ࡁࡂࡀࡅࡇ ࡅࡊࡁࡊࡉࡀ ࡅࡃࡋࡀ ࡏࡕࡉࡂࡍࡉࡃ ࡓࡒࡉࡄࡀ ࡅࡃࡋࡀ ࡌࡎࡅࡕࡀ ࡕࡉࡉࡐࡋ ࡁࡌࡉࡀ ࡅࡃࡋࡀ ࡕࡌࡀࡎࡉࡀࡕ ࡀࡓࡒࡀ ࡀࡍࡎࡂࡅࡍ ࡁࡂࡀࡅࡇ ࡖࡄࡀࡆࡉࡍ ࡀࡋࡌࡀ ࡅࡃࡋࡀ ࡔࡀࡌࡉࡔ ࡅࡎࡉࡓࡀ ࡄࡀࡆࡉࡍ ࡄࡅࡀࡕ ࡉࡍࡔࡉࡌ. |
| 507 |
ࡕࡀ ࡋࡀࡀࡊࡐࡀࡍ ࡅࡋࡀࡀࡑࡄࡉࡀ ࡉࡍࡔࡉࡌࡕࡀ ࡗ ࡁࡀࡊࡀࡍ ࡄࡅࡀࡕ ࡉࡀࡕࡁࡀ ࡋࡀࡉࡊࡁࡉࡀ ࡅࡋࡀࡌࡅࡌࡉࡀ ࡋࡉࡍࡔࡉࡌࡕࡀ ࡗ ࡁࡀࡊࡀࡍ ࡄࡅࡀࡕ ࡉࡀࡕࡁࡀ ࡋࡀࡄࡀࡌࡉࡌࡀ ࡅࡋࡀࡒࡀࡓࡉࡓࡀ ࡋࡉࡍࡔࡉࡌࡕࡀ ࡗ ࡁࡀࡊࡀࡍ ࡄࡅࡀࡕ ࡉࡀࡕࡁࡀ ࡌࡉࡂࡃࡀࡋ ࡂࡃࡉࡋࡀࡍ ࡒࡀࡓࡇࡍ ࡄࡅࡀࡕ ࡉࡀࡕࡁࡀ ࡗ ࡁࡀࡊࡀࡍ ࡅࡋࡊࡉࡋࡀ ࡖࡀࡉࡀࡓ ࡕࡓࡉࡋࡑࡇ ࡁࡓࡉࡔࡇ ࡅࡎࡀࡉࡊࡀ ࡋࡀࡕࡓࡀ ࡖࡁࡉࡕ ࡓࡅࡓࡁࡉࡀ ࡀࡉࡇࡍ ࡀࡐࡎࡉࡌࡉࡊࡀ ࡖࡄࡍࡅࡓ. |
| 508 |
ࡀ ࡅࡌࡔࡀࡁࡀ ࡋࡌࡀࡋࡀࡊ ࡖࡀࡕࡀࡓ ࡄࡍࡅࡓ ࡅࡐࡌࡇ ࡖࡕࡅࡔࡋࡉࡌࡀ ࡃࡀࡉࡊࡀ ࡁࡉࡔࡅࡕࡀ ࡁࡂࡀࡅࡇ ࡂࡉࡁࡋࡀࡕ ࡌࡍ ࡉࡅࡌࡀ ࡖࡄࡀࡔࡉࡁ ࡁࡉࡔࡀ ࡅࡒࡓࡀࡁࡀ ࡌࡍ ࡄࡍࡅࡓࡀ ࡀࡁࡀࡃ ࡓࡂࡀࡆ ࡁࡓࡅࡂࡆࡀ ࡓࡁࡀ ࡋࡌࡉࡁࡊࡀࡔ ࡋࡄࡀࡉࡋࡀ ࡖࡌࡀࡓࡃࡉࡀ ࡏࡔࡕࡀࡃࡀࡓ ࡔࡂࡀࡃࡍࡀ ࡅࡓࡌࡉࡅࡍࡍ ࡁࡌࡉࡀ ࡕࡀࡄࡌࡉࡀ ࡀࡉࡕࡉࡅࡍࡍ ࡋࡌࡉࡀ ࡄࡉࡉࡀ ࡅࡓࡉࡌࡉࡅࡉࡀ ࡁࡄࡔࡅࡀࡊ ࡄࡀࡔࡀࡊ ࡀࡉࡕࡅࡉࡀ ࡋࡄࡍࡅࡓࡀ ࡖࡀࡍࡄࡅࡓ ࡅࡓࡉࡌࡉ. |
| 509 |
ࡅࡉࡀ ࡁࡆࡉࡒࡀ ࡌࡀࡓࡃࡀ ࡀࡕࡉࡅࡉࡀ ࡋࡆࡉࡒࡀ ࡁࡀࡎࡉࡌࡀ ࡅࡓࡉࡌࡉࡅࡉࡀ ࡁࡅࡍࡓࡀ ࡀࡋࡊࡀ ࡀࡉࡕࡅࡉࡀ ࡋࡅࡍࡓࡀ ࡄࡀࡉࡕࡀ ࡅࡓࡉࡌࡉࡅࡉࡀ ࡁࡀࡐࡂࡓࡀ ࡁࡀࡈࡋࡀ ࡀࡕࡉࡅࡉࡀ ࡋࡉࡍࡔࡉࡌࡕࡀ ࡌࡀࡀࡍ ࡃࡀࡉࡊࡀ ࡄࡃࡀ ࡓࡒࡉࡄࡀ ࡏࡕࡉࡂࡍࡉࡃ ࡌࡍ ࡅࡍࡓࡀ ࡅࡌࡍ ࡌࡉࡀ ࡀࡓࡒࡀ ࡁࡎࡀࡃࡀࡇࡍ ࡌࡎࡅࡍ ࡌࡍ ࡅࡍࡓࡀ ࡅࡌࡍ ࡌࡉࡀ ࡉࡐࡓࡉࡀ ࡅࡏࡌࡁࡉࡀ ࡅࡏࡋࡀࡉࡍࡀ ࡄࡅࡍ ࡌࡍ ࡅࡍࡓࡀ ࡅࡌࡍ ࡌࡉࡀ ࡀࡃࡀࡌ ࡖࡀࡐࡂࡓࡉࡀ. |
| 510 |
ࡏࡕࡉࡂࡁࡉࡋ ࡌࡍ ࡅࡍࡓࡀ ࡅࡌࡍ ࡌࡉࡀ ࡅࡋࡃࡀࡍࡁ ࡃࡀࡓࡉࡀ ࡔࡀࡃࡓࡅࡉࡀ ࡉࡍࡁࡑࡅࡉࡀ ࡋࡔࡂࡀࡃࡍࡀ ࡖࡌࡀࡓࡂࡅࡔ ࡀࡋࡌࡀ ࡒࡓࡀࡁࡇ ࡁࡀࡊࡋࡅࡆࡀ ࡁࡂࡀࡅࡇ ࡀࡃࡀࡌ ࡖࡔࡀࡉࡊࡁ ࡏࡕࡀࡓ ࡋࡒࡀࡋࡇ ࡖࡔࡂࡀࡃࡍࡀ ࡀࡋࡀࡍࡇࡐ ࡖࡔࡂࡀࡃࡍࡀ ࡍࡀࡐࡒ ࡀࡃࡀࡌ ࡏࡕࡀࡓ ࡖࡔࡀࡉࡊࡁ ࡔࡋࡉࡄࡀ ࡖࡄࡉࡉࡀ ࡌࡍ ࡁࡉࡕ ࡀࡁ ࡀࡕࡀ ࡀࡕࡀ ࡁࡔࡋࡀࡌ ࡔࡂࡀࡃࡍࡀ ࡅࡔࡀࡉࡐࡓࡉࡀ ࡁࡀࡕࡓࡀࡉࡄࡅࡍ ࡄࡀࡆࡉࡍ ࡍࡀࡑࡁ ࡄࡉࡉࡀ ࡉࡀࡒࡉࡓࡉࡀ. |
| 511 |
ࡅࡃࡌࡅࡕࡀࡉ ࡖࡄࡔࡅࡀࡊ ࡁࡌࡀࡋࡉࡀ ࡉࡀࡕࡁࡀ ࡄࡀࡆࡉࡍ ࡕࡓࡀࡋࡑࡉࡀ ࡅࡊࡓࡎࡉࡀ ࡅࡋࡀࡃࡀࡌ ࡖࡀࡐࡂࡓࡉࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡔࡂࡀࡃࡍࡀ ࡅࡃࡌࡅࡕࡀࡊ ࡄࡀࡀࡊ ࡁࡌࡀࡋࡉࡀ ࡉࡀࡕࡁࡀ ࡔࡀࡉࡐࡓ ࡕࡓࡉࡑ ࡅࡊࡓࡎࡉࡀࡊ ࡀࡃࡀࡌ ࡅࡋࡃࡉࡋࡉࡀ ࡉࡍࡁࡑࡅࡍ ࡅࡔࡀࡃࡓࡅࡍ ࡏࡋࡀࡊ ࡅࡊࡋࡄࡅࡍ ࡁࡈࡀࡁ ࡏࡃࡉࡓࡊࡅࡊ ࡅࡏࡀࡐࡓࡒࡀࡊ ࡌࡉࡇࡍ ࡖࡄࡀࡆࡉࡍ ࡀࡋࡌࡀ ࡏࡕࡉࡕ ࡅࡉࡀࡓࡐࡉࡔࡀࡊ ࡀࡃࡀࡌ ࡅࡎࡀࡒ ࡁࡆࡀࡅࡊࡕࡀ ࡋࡀࡕࡀࡓ. |
| 512 |
ࡄࡍࡅࡓ ࡅࡑࡕ ࡅࡔࡅࡌࡀ ࡅࡏࡕࡀࡓࡐࡀࡔ ࡈࡅࡁࡇ ࡋࡌࡀࡍ ࡖࡔࡅࡌࡀ ࡅࡄࡀࡉࡌࡀࡍ ࡌࡍ ࡀࡁࡀࡕࡓࡀࡊ ࡀࡃࡀࡌ ࡔࡅࡌࡀ ࡅࡄࡀࡉࡌࡀࡍ ࡈࡅࡁࡇ ࡋࡌࡀࡍ ࡖࡎࡍࡉࡁ ࡅࡊࡔࡈࡀ ࡌࡍ ࡀࡁࡀࡕࡓࡀࡊ ࡀࡃࡀࡌ ࡎࡍࡉࡁ ࡅࡊࡔࡈࡀ ࡋࡌࡀࡍ ࡖࡉࡍࡎࡀࡒ ࡌࡍ ࡀࡁࡀࡕࡓࡀࡊ ࡈࡅࡁࡇ ࡀࡃࡀࡌ ࡎࡀࡊ ࡅࡎࡋࡉࡒ ࡅࡎࡀࡒ ࡁࡆࡀࡅࡊ ࡋࡀࡕࡀࡓ ࡄࡍࡅࡓ ࡅࡑࡌ ࡅࡏࡕࡀࡓࡐࡀࡔ ࡔࡀࡋࡌࡀࡉࡍࡀ ࡅࡌࡔࡀࡁࡉࡍ ࡄࡉࡉࡀ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍ. |
| 513 |
ࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡌࡀࡍ ࡀࡍࡅࡃࡀࡍ ࡅࡌࡀࡍ ࡀࡍࡉࡐࡓࡔࡀࡍ ࡌࡀࡍ ࡉࡍࡕࡉࡀ ࡅࡌࡀࡍ ࡉࡍࡌࡀࡓࡋࡉࡀ ࡌࡀࡍ ࡉࡍࡕࡉࡀ ࡅࡌࡀࡍ ࡉࡍࡌࡀࡓࡋࡉࡀ ࡅࡌࡀࡍ ࡓࡊࡀࡋࡇ ࡉࡊࡇࡐ ࡕࡓࡉࡍ ࡌࡀࡍ ࡕࡐࡀࡋࡇ ࡁࡀࡁࡀ ࡋࡓࡐࡀࡔ ࡆࡉࡅࡀ ࡅࡂࡍࡀࡃࡁࡇ ࡓࡒࡉࡄࡀ ࡌࡍ ࡓࡉࡔ ࡁࡓࡉࡔ ࡌࡀࡍ ࡌࡉࡎࡉࡇ ࡋࡀࡓࡒࡀ ࡅࡀࡄࡍࡀࡓ ࡏࡅࡕࡓࡉࡀ ࡁࡔࡉࡊࡀࡍࡕࡅࡍ ࡌࡀࡍ ࡂࡍࡀࡃࡁࡇ ࡃࡓࡀࡁࡔࡉࡀ ࡖࡆࡉࡅࡀ ࡅࡌࡀࡍ ࡓࡔࡀࡌ ࡁࡃࡀࡉ. |
| 514 |
ࡊࡀ ࡓࡅࡔࡅࡌࡀ ࡌࡀࡍ ࡁࡑࡀ ࡁࡌࡀࡁࡑࡅࡕࡀ ࡄࡀࡉࡕࡀ ࡅࡌࡀࡍ ࡄࡅࡀ ࡁࡂࡀࡅࡇ ࡀࡍࡈࡓࡀ ࡌࡀࡍ ࡆࡓࡀࡁࡇ ࡆࡉࡓࡀ ࡅࡁࡀࡉࡍࡍ ࡁࡀࡍࡁࡇ ࡌࡀࡔࡊࡉࡍࡀ ࡌࡀࡅࡍ ࡔࡀࡊࡁࡍࡇ ࡔࡉࡊࡀࡍࡕࡀ ࡅࡀࡄࡍࡀࡓ ࡋࡓࡁࡀ ࡄࡉࡋࡊࡀ ࡌࡀࡍ ࡒࡓࡀࡁࡇ ࡁࡒࡀࡋࡀ ࡖࡄࡉࡉࡀ ࡅࡂࡉࡈࡓࡇ ࡋࡕࡀࡂࡀ ࡌࡍ ࡓࡉࡔ ࡁࡓࡉࡔ ࡌࡀࡍ ࡔࡊࡀࡓࡁࡇ ࡉࡊࡔࡓࡀ ࡁࡂࡀࡅࡇ ࡀࡎࡉࡀ ࡅࡏࡕࡉࡒࡓࡉࡀ ࡌࡀࡍ ࡕࡓࡀࡁࡑࡇ ࡃࡀࡅࡋࡀ ࡅࡀࡎࡒࡇ ࡁࡆࡀࡅࡊࡕࡀ ࡋࡀࡕࡀࡓ. |
| 515 |
ࡄࡍࡅࡓ ࡌࡀࡍ ࡂࡉࡁࡉࡇ ࡋࡌࡀࡍࡕ ࡓࡁࡉࡀ ࡄࡉࡉࡀ ࡉࡀࡃࡉࡀ ࡅࡋࡀࡌࡔࡀࡉࡋࡉࡀ ࡌࡉࡃࡀ ࡉࡀࡃࡉࡀ ࡄࡉࡉࡀ ࡌࡉࡃࡀ ࡉࡀࡃࡉࡀ ࡄࡉࡉࡀ ࡉࡅࡔࡀࡌࡉࡍ ࡓࡊࡀࡋࡇ ࡉࡊࡇࡐ ࡕࡓࡉࡍ ࡖࡉࡀࡅࡀࡓ ࡕࡐࡀࡋࡇ ࡅࡐࡌࡀ ࡋࡓࡐࡀࡔ ࡆࡉࡅࡀ ࡅࡂࡍࡀࡃࡁࡇ ࡓࡒࡉࡄࡀ ࡌࡍ ࡓࡉࡔ ࡁࡓࡉࡔ ࡕࡐࡀࡄࡉࡋ ࡌࡉࡎࡉࡇ ࡋࡀࡓࡒࡀ ࡖࡕࡉࡁࡉࡋ ࡅࡀࡄࡍࡀࡓ ࡏࡅࡕࡓࡉࡀ ࡁࡔࡉࡊࡀࡍࡕࡅࡍ ࡁࡉࡄࡓࡀࡌ ࡂࡍࡀࡃࡁࡇ ࡃࡓࡀࡁࡔࡉࡀ ࡖࡆࡉࡅࡀ ࡅࡉࡍࡃࡁࡀࡉ. |
| 516 |
ࡓࡔࡀࡌ ࡁࡃࡀࡉࡊࡀ ࡓࡅࡔࡅࡌࡀ ࡔࡉࡋࡌࡀࡉ ࡁࡑࡀ ࡌࡀࡁࡑࡅࡕࡀ ࡄࡀࡉࡕࡀ ࡅࡔࡉࡕࡉࡋ ࡄࡅࡀ ࡁࡂࡀࡅࡇ ࡀࡍࡈࡓࡀ ࡀࡃࡀࡌ ࡆࡓࡀ ࡆࡉࡓࡀ ࡅࡁࡀࡉࡍࡍ ࡁࡀࡍࡁࡇ ࡌࡀࡔࡊࡉࡍࡀ ࡀࡅࡍࡔ ࡏࡅࡕࡓࡀ ࡔࡀࡊࡁࡍࡇ ࡔࡉࡊࡀࡍࡕࡀ ࡅࡀࡄࡍࡀࡓ ࡋࡓࡁࡀ ࡄࡉࡋࡊࡀ ࡄࡉࡁࡉࡋ ࡒࡓࡀ ࡁࡒࡀࡋࡀ ࡖࡄࡉࡉࡀ ࡅࡂࡉࡈࡓࡇ ࡋࡕࡀࡂࡀ ࡌࡍ ࡓࡉࡔ ࡁࡓࡉࡔ ࡉࡅࡀࡊࡔࡀࡓ ࡔࡊࡀࡓࡁࡇ ࡉࡊࡔࡓࡀ ࡅࡏࡕࡉࡒࡓࡉࡀ ࡁࡂࡀࡅࡇ ࡀࡎࡉࡀ ࡄࡀࡉࡀࡔࡅࡌ ࡕࡓࡀࡁࡑࡇ. |
| 517 |
ࡃࡀࡅࡋࡀ ࡅࡀࡎࡒࡇ ࡁࡆࡀࡅࡊ ࡋࡀࡕࡀࡓ ࡄࡍࡅࡓ ࡁࡓ ࡄࡉࡉࡀ ࡂࡉࡁࡉࡇ ࡋࡌࡀࡍࡕ ࡓࡁࡉࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡅࡆࡀࡉࡊࡀ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡋࡀࡏࡕࡉࡒࡓࡉࡀ ࡀࡋࡌࡀ ࡗ ࡋࡀࡄࡅࡀࡕ ࡕࡉࡁࡉࡋ ࡅࡋࡀࡏࡕࡒࡉࡓࡉࡀࡕ ࡌࡎࡅࡕࡀ ࡗ ࡖࡋࡀࡏࡕࡌࡉࡎࡉࡀࡕ ࡄࡅࡍ ࡀࡎࡂࡉࡀ ࡀࡕࡀ ࡄࡉࡁࡉࡋ ࡆࡉࡅࡀ ࡅࡗ ࡌࡉࡀ ࡎࡉࡀࡅࡉࡀ ࡅࡀࡕࡅࡍ ࡋࡕࡉࡁࡉࡋ. |
| 518 |
ࡒࡀࡌࡉࡅࡍ ࡅࡔࡉࡕࡉࡋ ࡅࡔࡉࡄࡋࡅࡍ ࡅࡀࡉࡀࡓ ࡅࡀࡐࡋࡂࡉࡅࡍࡍ ࡁࡏࡁࡑࡉࡀ ࡏࡁࡑࡉࡀ ࡄࡉࡁࡉࡋ ࡓࡌࡀ ࡌࡉࡓࡑࡀ ࡅࡌࡔࡀࡅࡍࡍ ࡋࡌࡉࡀ ࡌࡋࡀ ࡏࡅࡓࡑࡇ ࡆࡉࡄࡉࡓࡀ ࡗ ࡒࡀࡉࡉࡌ ࡔࡉࡄࡋࡅࡍ ࡖࡉࡍࡌࡀࡓࡋࡅࡍ ࡏࡋ ࡄࡉࡁࡉࡋ ࡆࡉࡅࡀ ࡅࡏࡋ ࡀࡉࡀࡓ ࡆࡉࡅࡀ ࡏࡅࡕࡓࡉࡀ ࡖࡔࡀࡉࡉࡀ ࡀࡐࡉࡉࡀ ࡋࡉࡕࡋࡅࡍ ࡀࡄࡀࡉ ࡏࡅࡕࡓࡉࡀ ࡕࡌࡉࡌࡉࡀ ࡏࡋࡇ ࡀࡓࡒࡀ ࡌࡉࡇࡍ ࡋࡀࡄࡀࡅࡉࡀ ࡄࡀࡉࡆࡉࡍ ࡀࡋࡌࡀ ࡖࡀࡀࡍࡕࡅࡍ ࡀࡉࡕࡀࡉࡕࡅࡍ ࡋ. |
| 519 |
ࡀࡉࡀࡁࡔࡉࡀ ࡌࡉࡀ ࡎࡉࡀࡅࡉࡀ ࡅࡓࡒࡉࡄࡀ ࡌࡉࡇࡍ ࡋࡀࡌࡉࡈࡑࡀࡓࡀࡓ ࡌࡍ ࡄࡀࡆࡉࡍ ࡀࡋࡌࡀ ࡖࡒࡓࡀࡉࡕࡅࡍ ࡅࡋࡀࡌࡉࡕࡒࡉࡓࡉࡀ ࡀࡓࡒࡀ ࡌࡉࡇࡍ ࡄࡀࡉ ࡄࡀࡅࡉࡍ ࡁࡇࡍ ࡖࡀࡃࡀࡌ ࡏࡋ ࡀࡃࡀࡌ ࡄࡀࡉࡆࡉࡍ ࡄࡀࡅࡀ ࡆࡀࡅࡇ ࡄࡀࡉ ࡄࡀࡅࡉࡍ ࡄࡉࡋࡁࡅࡉࡍࡀ ࡅࡔࡉࡊࡀࡍࡕࡀ ࡄࡀࡉ ࡔࡀࡋࡐࡉࡀ ࡅࡄࡀࡉ ࡆࡀࡒࡉࡐࡀ ࡄࡀࡉ ࡄࡀࡅࡉࡋࡇ ࡁࡅࡎࡌࡀࡉࡍࡀ ࡋࡀࡃࡀࡌ ࡄࡀࡉ ࡄࡀࡅࡉࡀ ࡄࡀࡉࡋࡀ ࡌࡍ ࡄࡀࡋࡉࡍ ࡌࡉࡀ ࡎࡉࡀࡅࡉࡀ ࡋࡀࡃ. |
| 520 |
ࡀࡌ ࡄࡀࡉ ࡒࡀࡉࡌࡉࡁࡇ ࡓࡉࡄࡀࡉࡍࡀ ࡅࡁࡅࡎࡌࡀࡉࡍࡀ ࡄࡀࡉࡆࡉࡍ ࡌࡉࡔࡕࡉࡋ ࡀࡎࡀ ࡒࡀࡔࡉࡔࡀ ࡄࡀࡉ ࡄࡀࡅࡉࡋࡇ ࡆࡀࡅࡀ ࡌࡀࡓࡅࡀ ࡀࡔࡕࡀࡓࡂࡀࡍ ࡅࡓࡉࡄࡀࡉࡍࡀ ࡖࡄࡀࡉࡆࡉࡍ ࡌࡉࡔࡉࡕࡋࡉࡀ ࡄࡀࡉࡆࡉࡍ ࡄࡀࡅࡉࡀ ࡄࡀࡀࡊ ࡒࡌࡀࡌࡉࡓ ࡆࡉࡅࡀ ࡅࡉࡀࡓࡒࡅࡉࡍࡀ ࡅࡎࡉࡌࡀࡉࡍࡀ ࡅࡁࡀࡆࡓࡅࡉࡍࡀ ࡄࡀࡉࡆࡉࡍ ࡄࡀࡀࡊ ࡉࡍࡔࡕࡀࡋ ࡉࡐࡒࡅࡉࡍࡀ ࡄࡀࡉ ࡄࡀࡅࡉࡀ ࡀࡓࡒࡀ ࡉࡀࡅࡀࡍࡉࡕࡀ ࡄࡀࡉࡆࡉࡍ ࡄࡀࡅࡉࡀ ࡌࡍ ࡄࡀࡋࡉࡍ ࡌࡉ. |
| 521 |
ࡀ ࡎࡉࡀࡅࡉࡀ ࡄࡀࡉࡆࡉࡍ ࡌࡉࡕࡒࡉࡓࡉࡀ ࡅࡄࡀࡅࡉࡍ ࡏࡅࡔࡉࡍࡀ ࡕࡀࡅࡓࡉࡀ ࡅࡅࡐࡃࡀࡀࡍ ࡅࡁࡀࡆࡉࡓࡀ ࡁࡀࡓࡒࡀ ࡄࡀࡉࡆࡉࡍ ࡀࡍࡉࡐࡋ ࡄࡀࡉ ࡌࡉࡉࡊࡓࡁࡀ ࡀࡓࡒࡀ ࡅࡁࡌࡀࡄࡅ ࡉࡍࡄࡅࡍ ࡉࡍࡄࡅࡑࡃࡅࡇࡍ ࡄࡀࡉ ࡀࡆࡋࡉࡍ ࡁࡇࡍ ࡖࡀࡃࡀࡌ ࡅࡉࡐࡄࡕࡀ ࡀࡃࡀࡌ ࡉࡍࡔࡀࡅࡉࡀ ࡅࡉࡍࡅࡊࡋ ࡉࡍࡉࡐࡓࡅࡊࡇࡍ ࡅࡁࡌࡀࡄࡅ ࡄࡀࡉ ࡔࡀࡋࡐࡀ ࡄࡀࡉ ࡆࡀࡒࡀࡐ ࡄࡀࡉ ࡄࡀࡅࡉࡀ ࡕࡀࡕࡀ ࡄࡉࡅࡀࡓࡕࡉࡀ ࡄࡀࡉ ࡌࡉࡕࡒࡉࡓࡉࡀ ࡂࡉ. |
| 522 |
ࡓࡂࡋࡉࡀ ࡖࡄࡍࡅࡓࡀ ࡄࡀࡉ ࡁࡀࡈࡀࡍ ࡄࡀࡉ ࡉࡀࡃࡋࡀ ࡄࡀࡉ ࡄࡀࡅࡉࡀ ࡓࡒࡉࡄࡀ ࡅࡉࡑࡀࡐࡓ ࡂࡀࡃࡀࡐ ࡅࡋࡀࡃࡀࡌ ࡉࡍࡈࡄࡉࡅࡍࡋࡇ ࡅࡉࡍࡅࡊࡋ ࡅࡀࡑࡅࡕࡀ ࡋࡀࡃࡀࡌ ࡕࡉࡄࡅࡉࡀ ࡄࡀࡉ ࡌࡉࡕࡒࡉࡓࡉࡀ ࡉࡀࡅࡀࡍ ࡄࡉࡅࡀࡓࡕࡉࡀ ࡀࡎࡂࡉࡀ ࡕࡐࡀࡄࡉࡋ ࡀࡕࡀ ࡀࡌࡀࡓࡋࡇ ࡃࡄࡀࡆࡉࡍ ࡀࡌࡀࡓ ࡔࡉࡄࡋࡅࡍ ࡅࡀࡉࡀࡓ ࡉࡍࡔࡍࡉࡌ ࡏࡋࡇ ࡀࡀࡍ ࡏࡉࡀࡌࡎࡉࡀ ࡋࡉࡌࡎࡅࡕࡀ ࡅࡄࡉࡁࡉࡋ ࡉࡍࡔࡀࡅࡉࡋࡅࡍ ࡌࡀࡔࡉࡐࡋࡀࡀࡍ ࡀࡀࡍ ࡏࡂࡉࡓ. |
| 523 |
ࡉࡐࡅࡍࡍ ࡋࡌࡉࡀ ࡎࡉࡀࡅࡉࡀ ࡅࡋࡁࡅࡔࡀ ࡌࡍ ࡏࡅࡓ ࡀࡍࡉࡕࡉࡀ ࡀࡀࡍ ࡏࡔࡀࡅࡉࡀ ࡀࡓࡒࡀ ࡉࡍࡉࡍࡂࡃࡅࡉࡀ ࡋࡎࡓࡀࡃࡒࡀ ࡄࡉࡁࡉࡋ ࡅࡔࡉࡕࡉࡋ ࡋࡉࡕࡐࡀࡄࡉࡋ ࡅࡀࡌࡀࡓࡋࡇ ࡔࡉࡄࡋࡅࡍ ࡌࡋࡀ ࡓࡅࡂࡆࡀ ࡄࡉࡉࡀ ࡈࡀࡁࡅࡕࡀࡊ ࡋࡀࡋࡀࡂࡈࡉࡀ ࡁࡉࡔࡀ ࡁࡓ ࡁࡉࡔࡀ ࡀࡀࡍࡕ ࡅࡌࡍ ࡂࡅࡁࡓࡉࡀ ࡖࡒࡀࡓࡉࡀ ࡀࡋࡌࡀ ࡌࡀࡍ ࡀࡀࡍࡕ ࡌࡍ ࡏࡅࡕࡓࡉࡀ ࡕࡐࡀࡄࡉࡋ ࡁࡌࡉࡀ ࡎࡉࡀࡅࡉࡀ ࡍࡀࡐࡋ ࡗ ࡄࡀࡉࡆࡉࡍ ࡀࡌࡀࡓ ࡔࡉࡄࡋࡅࡍ ࡕ. |
| 524 |
ࡐࡀ ࡄࡉࡁࡉࡋ ࡅࡔࡉࡕࡉࡋ ࡌࡀࡔࡉࡐࡋࡀࡀࡍ ࡋࡌࡉࡀ ࡅࡂࡓࡀࡐ ࡌࡉࡀ ࡎࡉࡀࡅࡉࡀ ࡗ ࡆࡀࡍ ࡌࡉࡀ ࡋࡀࡄࡅࡀࡁࡇ ࡔࡀࡅࡉࡋࡅࡍ ࡂࡉࡓࡇࡐ ࡋࡀࡓࡒࡀ ࡖࡕࡉࡁࡉࡋ ࡅࡀࡃࡒࡀࡉࡉࡌ ࡔࡉࡄࡋࡅࡍ ࡌࡉࡀࡁࡀࡔࡕࡀ ࡄࡅࡀࡕ ࡀࡉࡀࡓ ࡌࡄࡀ ࡁࡂࡀࡍࡇࡐ ࡄࡉࡁࡉࡋ ࡓࡒࡉࡄࡀ ࡂࡍࡀࡃ ࡕࡐࡀࡄࡉࡋ ࡌࡄࡀ ࡏࡈࡑࡅࡉࡍࡀ ࡅࡀࡅࡍࡔ ࡂࡈࡀࡓࡁࡇ ࡌࡄࡀ ࡔࡉࡕࡉࡋ ࡔࡀࡅࡉࡀ ࡂࡀࡓࡂࡋࡉࡀ ࡄࡉࡁࡉࡋ ࡒࡀࡋࡉࡀ ࡀࡎࡂࡉࡀ ࡀࡍࡂࡍࡀࡓࡉࡀ ࡄࡅࡍ ࡉࡅࡎࡌࡉࡓ. |
| 525 |
ࡅࡔࡉࡄࡓࡅࡍ ࡅࡁࡉࡄࡓࡅࡍ ࡅࡔࡀࡅࡋࡇ ࡌࡄࡀࡓࡀ ࡅࡅࡊࡕࡋࡀ ࡂࡉࡈࡓࡅࡉࡀ ࡋࡎࡉࡐࡕࡍࡀ ࡅࡀࡕࡉࡀ ࡋࡉࡀࡓࡃࡀࡍ ࡄࡉࡁࡉࡋ ࡔࡀࡅࡉࡀ ࡁࡓ ࡌࡉࡓࡑࡉࡀ ࡅࡀࡅࡕࡉࡁ ࡀࡊࡉࡀࡋࡀ ࡅࡌࡉࡀ ࡀࡊࡋ ࡅࡀࡄࡃࡓࡇ ࡀࡕࡅࡕࡉࡀ ࡀࡓࡒࡀ ࡖࡕࡉࡁࡉࡋ ࡗ ࡁࡌࡉࡀ ࡕࡀࡄࡌࡉࡀ ࡀࡋࡉࡅࡍ ࡅࡔࡃࡀ ࡌࡉࡀ ࡄࡉࡉࡀ ࡗ ࡁࡌࡉࡀ ࡕࡀࡄࡌࡉࡀ ࡀࡓࡁࡉࡅࡍࡍ ࡅࡁࡀࡉࡊࡍ ࡌࡉࡀ ࡄࡉࡉࡀ ࡄࡔࡅࡀࡊ ࡁࡀࡄࡍࡅࡓࡀ ࡀࡓࡀࡁ ࡌࡉࡀ ࡄࡉࡉࡀ ࡁࡌࡉࡀ ࡕࡀࡄࡌࡉࡀ. |
| 526 |
ࡗ ࡀࡓࡁࡉࡅࡍࡍ ࡅࡀࡅࡕࡁࡅࡉࡀ ࡋࡕࡉࡁࡉࡋ ࡀࡕࡉࡅࡉࡀ ࡋࡉࡅࡔࡀࡌࡉࡍ ࡅࡀࡌࡀࡓࡋࡇ ࡖࡉࡍࡄࡉࡃࡓࡅࡍ ࡁࡕࡉࡁࡉࡋ ࡀࡄࡁࡀࡋࡀࡍ ࡁࡀࡍࡊ ࡖࡉࡍࡔࡀࡅࡉࡀ ࡅࡉࡍࡕࡀࡒࡉࡍ ࡔࡅࡓࡁࡀࡕࡀ ࡅࡀࡍࡅࡓࡅࡇࡍ ࡋࡄࡀࡆࡉࡍ ࡀࡋࡌࡀ ࡖࡀࡀࡍࡕ ࡌࡀࡍࡕࡀ ࡕࡉࡎࡀࡁ ࡅࡀࡕࡉࡅࡉࡀ ࡋࡎࡉࡍ ࡓࡁࡀ ࡀࡕࡉࡅࡉࡀ ࡋࡔࡀࡌࡉࡔ ࡅࡆࡉࡄࡓࡅࡍ ࡅࡀࡒࡌࡅࡅࡍࡍ ࡋࡉࡀࡓࡃࡀࡍ ࡅࡀࡌࡀࡓࡋࡅࡍ ࡎࡀࡃࡓࡏࡉࡋ ࡅࡀࡉࡕࡉࡅࡍࡍ ࡁࡏࡅࡌࡀࡌࡀ ࡁࡕࡉࡁࡉࡋ. |
| 527 |
ࡀࡀࡍࡕࡅࡍ ࡄࡅࡍ ࡌࡀࡃࡀࡍࡄࡀ ࡀࡍࡃ ࡉࡍࡄࡅࡉࡀ ࡁࡋࡉࡋࡉࡀ ࡗ ࡀࡊࡎࡉࡍ ࡀࡀࡍࡕ ࡎࡉࡍ ࡅࡕࡉࡂࡓࡀ ࡖࡏࡔࡅࡌࡉࡀ ࡖࡋࡀࡎࡀࡋࡉࡒ ࡕࡉࡂࡓࡀ ࡖࡀࡓࡒࡀ ࡅࡌࡉࡔࡕࡀࡋࡈࡉࡀ ࡋࡀࡃࡀࡌ ࡅࡆࡀࡅࡇ ࡅࡎࡉࡍ ࡒࡀࡁࡋࡅࡉࡀ ࡁࡋࡉࡋࡉࡀ ࡒࡀࡁࡉࡋ ࡔࡀࡌࡉࡔ ࡁࡏࡅࡌࡀࡌࡀ ࡅࡏࡋ ࡁࡉࡋ ࡓࡁࡀ ࡅࡋࡉࡊࡅࡀࡍ ࡓࡁࡀ ࡀࡕࡅࡉࡀ ࡏࡋ ࡋࡉࡁࡀࡕ ࡓࡀࡁࡕࡉࡀ ࡅࡔࡀࡅࡋࡇ ࡎࡉࡐࡕࡍࡀ ࡅࡋࡉࡍࡓࡉࡂ ࡓࡁࡀ ࡅࡌࡀࡍࡕࡀ ࡉࡀࡄࡁࡅࡋࡇ ࡅࡀࡕࡉࡅࡉࡀ ࡋ. |
| 528 |
ࡄࡀࡅࡀ ࡈࡑࡀࡓࡕࡉࡀ ࡌࡒࡀࡁࡋࡀࡀࡍ ࡖࡕࡉࡁࡉࡋ ࡅࡔࡀࡅࡉࡀ ࡕࡌࡀࡀࡍࡍ ࡔࡉࡍࡀ ࡒࡀࡁࡋࡅࡉࡀ ࡁࡇࡍ ࡖࡉࡅࡔࡀࡌࡉࡍ ࡀࡕࡅࡅࡍࡍ ࡋࡔࡉࡁࡉࡀࡄࡉࡀ ࡄࡀࡉࡆࡀࡊ ࡋࡀࡁࡑࡅ ࡁࡇࡍ ࡖࡉࡅࡔࡀࡌࡉࡍ ࡄࡀࡃ ࡄࡀࡃ ࡁࡒࡀࡁࡀࡋࡕࡀ ࡒࡀࡁࡋࡅࡉࡀ ࡅࡌࡔࡀࡁࡉࡍ ࡄࡉࡉࡀ ࡎࡀ ࡁࡄࡀࡓ ࡌࡀࡀࡍ ࡒࡀࡋࡀ ࡌࡍ ࡌࡓࡅࡌࡀ ࡒࡓࡀࡋࡀࡍ ࡌࡉࡇࡍ ࡖࡃࡀࡅࡓࡀ ࡕࡀࡒࡀࡍ ࡔࡀࡃࡀࡓࡋࡀࡍ ࡌࡀࡀࡍ ࡋࡉࡀࡃࡇ ࡅࡋࡎࡀࡁࡓࡉࡀ ࡌࡀࡎࡂࡉࡀ ࡅࡀࡕࡉࡀ ࡌࡀࡀ. |
| 529 |
ࡍ ࡍࡀࡐࡑ ࡄࡉࡅࡀࡓࡀ ࡋࡁࡅࡔ ࡅࡏࡋ ࡉࡀࡃࡉࡀ ࡖࡉࡀࡃࡅࡉࡀ ࡋࡌࡀࡀࡍ ࡅࡕࡓࡀࡑ ࡋࡊࡉࡋࡉࡀ ࡓࡀࡅࡆࡉࡀ ࡍࡀࡐࡑ ࡋࡁࡅࡔ ࡄࡉࡅࡀࡓࡀ ࡅࡀࡋࡀࡍࡇࡐ ࡖࡌࡀࡀࡍ ࡀࡍࡒࡐࡉࡀ ࡕࡓࡀࡑ ࡁࡓࡉࡔࡀࡉࡄࡅࡍ ࡅࡌࡀࡄࡕࡉࡀ ࡒࡅࡌࡕࡀࡉࡄࡅࡍ ࡀࡊࡁࡔࡉࡀ ࡅࡎࡀࡂࡃࡉࡀ ࡒࡅࡃࡀࡌࡇ ࡀࡌࡓࡉࡋࡇ ࡌࡍ ࡔࡀࡓࡔࡀࡊ ࡅࡎࡉࡃࡍࡉࡓࡀࡊࡊ ࡌࡀࡍ ࡎࡉࡃࡍࡉࡓࡀࡊࡊ ࡌࡀࡍ ࡀࡍࡁࡑࡀࡊ ࡖࡉࡍࡁࡑࡀࡊ ࡅࡋࡄࡉࡅࡍࡍ ࡉࡀࡃࡀࡉ ࡖࡉࡍࡌࡀࡓࡋࡅࡍ ࡌࡀࡋࡉࡋ ࡌ. |
| 530 |
ࡀࡀࡍ ࡉࡍࡄࡀ ࡅࡎࡉࡃࡍࡉࡓࡀࡊࡉ ࡌࡍ ࡀࡕࡀࡓ ࡄࡍࡅࡓ ࡀࡀࡍ ࡔࡀࡓࡔࡀࡉ ࡌࡍ ࡄࡉࡉࡀ ࡃࡀࡅࡓࡀ ࡕࡀࡒࡀࡍ ࡌࡀࡀࡍ ࡌࡍ ࡂࡅࡁࡓࡉࡀ ࡖࡒࡉࡓࡉࡅࡉࡀ ࡋࡉࡋࡁࡅࡔࡉࡀ ࡅࡏࡕࡉࡁ ࡏࡋ ࡉࡅࡓࡉࡀ ࡋࡄࡀࡆࡉࡍ ࡀࡋࡌࡀ ࡁࡀࡍࡉ ࡌࡉࡒࡓࡀ ࡒࡓࡅࡍ ࡅࡀࡍࡎࡂࡉࡀ ࡁࡃࡉࡓࡀࡊࡉ ࡈࡅࡁࡇ ࡖࡉࡍࡔࡌࡀ ࡔࡅࡕࡀࡉ ࡄࡀࡆࡉࡋࡅࡍ ࡋࡄࡉࡉࡀ ࡓࡅࡓࡁࡉࡀ ࡖࡔࡅࡕࡀ ࡖࡌࡀࡃࡍࡀ ࡖࡄࡉࡉࡀ ࡔࡀࡌࡀ ࡀࡍࡉࡐࡋ ࡁࡅࡍࡓࡀ ࡖࡉࡀࡒࡃࡀ ࡖࡔࡅࡕࡀ ࡖࡌࡀࡃ. |
| 531 |
ࡍࡀ ࡖࡄࡉࡉࡀ ࡋࡀࡔࡀࡌࡀ ࡀࡋࡌࡀ ࡋࡉࡅࡌࡀ ࡓࡁࡀ ࡖࡃࡉࡀࡍ ࡅࡄࡀࡅࡉࡀ ࡌࡃࡅࡓࡕࡇ ࡄࡅࡉࡕ ࡀࡊࡋࡅࡆࡀ ࡖࡒࡓࡉࡋࡇ ࡖࡀࡀࡍ ࡄࡀࡅࡉࡀࡍ ࡏࡋࡇ ࡎࡀࡄࡃࡀ ࡒࡓࡉࡋࡇ ࡅࡋࡀࡔࡌࡀ ࡁࡏࡅࡃࡇࡍ ࡒࡓࡉࡋࡇ ࡁࡏࡅࡃࡇࡍ ࡅࡋࡀࡔࡌࡀ ࡄࡀࡅࡉࡕࡇ ࡅࡋࡀࡄࡆࡀ ࡁࡀࡉࡇࡍ ࡄࡀࡅࡉࡕࡇ ࡁࡀࡉࡇࡍ ࡅࡋࡀࡄࡆࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡋࡌࡉࡍࡀࡑࡁ ࡖࡄࡉࡉࡀ ࡉࡍࡅࡑ. |
| 532 |
ࡁࡕࡀ ࡋࡄࡀࡆࡉࡍ ࡀࡋࡌࡀ ࡀࡎࡂࡉࡕ ࡅࡋࡌࡉࡂࡍࡀࡃ ࡉࡀࡓࡃࡀࡍ ࡌࡍ ࡓࡉࡔ ࡁࡓࡉࡔ ࡉࡍࡅࡑࡁࡕࡀ ࡖࡄࡉࡉࡀ ࡋࡌࡉࡍࡀࡑࡁ ࡖࡌࡍ ࡄࡉࡉࡀ ࡄࡅࡍ ࡀࡕࡉࡅࡉࡀ ࡌࡍ ࡄࡉࡉࡀ ࡋࡌࡉࡕࡓࡀࡑ ࡁࡂࡀࡅࡀࡉࡄࡅࡍ ࡉࡀࡓࡃࡉࡍࡀ ࡀࡉࡕࡅࡍ ࡌࡉࡀ ࡄࡉࡉࡀ ࡅࡌࡉࡔࡕࡀࡋ ࡔࡉࡕࡋࡉࡀ ࡓࡀࡅࡆࡉࡀ ࡋࡌࡉࡁࡉࡀ ࡁࡅࡕࡀ ࡖࡓࡁࡉࡀ ࡔࡅࡕࡀ ࡖࡓࡁࡉࡀ ࡅࡌࡀࡔࡌࡉࡅࡍࡍ ࡋࡌࡉࡔࡕࡀࡋ ࡅࡌࡀࡔࡒࡉࡅࡍࡍ ࡌࡉࡀ ࡄࡉࡉࡀ ࡅࡌࡀࡋࡀࡋࡀ ࡖࡄࡉࡉࡀ ࡀࡌࡀࡓࡋ. |
| 533 |
ࡉࡀ ࡅࡉࡍࡒࡌࡅࡍ ࡅࡉࡍࡔࡀࡁࡅࡍ ࡋࡓࡅࡓࡁࡉࡀ ࡌࡀࡋࡉࡐࡀࡍࡋࡅࡍ ࡕࡅࡔࡁࡉࡄࡕࡀ ࡄࡉࡅࡍࡍ ࡀࡋࡀࡍࡀࡐࡉ ࡀࡍࡒࡐࡉࡀ ࡋࡓࡅࡓࡁࡉࡀ ࡅࡁࡅࡓࡉࡀ ࡖࡄࡉࡆࡉࡅࡍ ࡄࡉࡅࡍࡍ ࡄࡉࡂࡍࡉࡀ ࡄࡉࡂࡍࡉࡀ ࡋࡀࡂࡈࡉࡀ ࡀࡍࡒࡐࡉࡀ ࡓࡅࡓࡁࡉࡀ ࡅࡁࡅࡓࡉࡀ ࡅࡁࡉࡄࡃࡀࡃࡉࡀ ࡌࡉࡕࡌࡉࡋࡉࡊࡀ ࡋࡀࡂࡈࡉࡀ ࡄࡉࡂࡍࡉࡀ ࡄࡉࡂࡍࡉࡀ ࡅࡏࡋࡀࡉ ࡋࡁࡉࡔ ࡌࡉࡕࡄࡀࡔࡁࡉࡀ ࡌࡉࡕࡌࡉࡋࡉࡊࡀ ࡁࡉࡄࡃࡀࡃࡉࡀ ࡀࡌࡓࡉࡀ ࡉࡍࡔࡀࡉࡋࡇ ࡅࡉࡍࡌࡀࡓࡋࡇ ࡒࡅࡌ ࡀ. |
| 534 |
ࡍࡎࡂࡉࡀ ࡅࡉࡍࡔࡀࡉࡉࡋࡇ ࡋࡃࡀࡅࡓࡇ ࡉࡍࡔࡀࡉࡋࡇ ࡅࡉࡍࡌࡀࡓࡋࡇ ࡋࡃࡅࡕࡊࡀ ࡖࡌࡉࡇࡍ ࡄࡅࡀ ࡌࡀࡍ ࡀࡋࡁࡔࡀࡊ ࡄࡀࡆࡉࡍ ࡆࡉࡅࡀ ࡄࡀࡆࡉࡍ ࡆࡉࡅࡀ ࡌࡀࡍ ࡀࡋࡁࡔࡀࡊ ࡄࡀࡆࡉࡍ ࡔࡀࡉࡍࡀ ࡃࡌࡅࡕࡀࡊ ࡖࡄࡀࡆࡉࡍ ࡃࡌࡅࡕࡀࡊ ࡔࡀࡉࡍࡀ ࡄࡀࡆࡉࡍ ࡁࡀࡉࡀࡓ ࡆࡉࡅࡀࡊ ࡅࡁࡀࡉࡀࡓ ࡆࡉࡅࡀࡊ ࡏࡋ ࡀࡋࡌࡉࡀ ࡅࡄࡋࡉࡀ ࡀࡑࡅࡕࡀࡊ ࡏࡋ ࡀࡋࡌࡉࡀ ࡖࡃࡀࡉࡓࡉࡀ ࡔࡅࡁࡀ ࡌࡀࡋࡉࡋ ࡖࡉࡍࡌࡀࡓࡋࡅࡍ ࡋࡓࡅࡓࡁࡉࡀ ࡋࡔࡅࡁࡀ ࡁࡇࡍ. |
| 535 |
ࡖࡃࡀࡅࡓࡀ ࡁࡀࡈࡋࡀ ࡌࡀࡋࡀࡋࡉࡕ ࡖࡏࡌࡀࡓࡋࡅࡍ ࡖࡁࡄࡀࡉࡋࡀࡉࡄࡅࡍ ࡖࡓࡁࡉࡀ ࡀࡎࡂࡉࡕ ࡋࡀࡊ ࡓࡁࡀ ࡀࡀࡍ ࡁࡓ ࡓࡁࡉࡀ ࡅࡀࡉࡅࡓࡉࡀ ࡖࡄࡉࡉࡀ ࡔࡅࡓࡁࡕࡀ ࡒࡀࡋࡀ ࡖࡄࡉࡉࡀ ࡏࡕࡉࡕ ࡖࡏࡒࡓࡉࡀ ࡅࡌࡉࡍࡀࡑࡁ ࡖࡓࡁࡉࡀ ࡉࡍࡅࡑࡁࡕࡀ ࡌࡉࡔࡕࡀࡋ ࡔࡉࡕࡋࡉࡀ ࡖࡔࡊࡉࡓࡉࡀ ࡌࡀࡋࡉࡐࡅࡍࡍ ࡁࡅࡕࡀ ࡅࡕࡅࡔࡁࡉࡄࡕࡀ ࡌࡉࡍࡀࡑࡁ ࡅࡌࡀࡓࡐࡉࡔࡉࡅࡍࡍ ࡋࡈࡀࡁࡕࡀ ࡉࡍࡔࡀࡁࡅࡍ ࡋࡉࡅࡀࡊࡁࡀࡓ ࡆࡉࡅࡀ ࡖࡉࡍࡒࡌࡅࡍ ࡅࡉࡍࡔࡀ. |
| 536 |
ࡁࡅࡍ ࡋࡓࡅࡓࡁࡉࡀ ࡁࡀࡄࡉࡃ ࡏࡃࡀ ࡄࡀࡅࡉࡀ ࡂࡀࡁࡓࡀ ࡖࡄࡀࡅࡉࡀ ࡁࡀࡄࡉࡃ ࡏࡃࡀ ࡌࡍ ࡀࡕࡀࡓ ࡄࡔࡅࡀࡊ ࡋࡀࡕࡀࡓ ࡄࡍࡅࡓ ࡅࡄࡉࡉࡀ ࡆࡀࡏࡊࡉࡍ ࡎࡀ ࡌࡍ ࡁࡉࡕ ࡄࡉࡉࡀ ࡀࡎࡂࡉࡕ ࡋࡀࡊ ࡁࡀࡀࡍࡀࡍ ࡖࡆࡉࡅࡀ ࡉࡀࡕࡉࡁࡀࡍ ࡀࡋࡌࡀ ࡋࡃࡅࡓ ࡁࡉࡔࡉࡀ ࡌࡀࡎࡂࡉࡀࡍ ࡅࡀࡕࡉࡀࡍ ࡅࡀࡔࡉࡊࡕࡉࡅࡍࡍ ࡅࡊࡋࡄࡅࡍ ࡁࡌࡀࡋࡉࡀ ࡉࡀࡕࡁࡉࡀ ࡔࡅࡁࡀ ࡃࡌࡅࡕࡀ ࡀࡕࡉࡕ ࡅࡀࡓࡐࡀ ࡁࡓࡉࡔ ࡓࡅࡄࡀ ࡓࡌࡅࡍ ࡅࡊࡋࡄࡅࡍ ࡉࡀࡕࡁ. |
| 537 |
ࡉࡀ ࡁࡌࡀࡋࡉࡀ ࡅࡁࡑࡅ ࡖࡋࡀࡔࡀࡉࡐࡓ ࡀࡁࡃࡉࡀ ࡀࡓࡐࡀ ࡓࡌࡅࡍ ࡁࡓࡉࡔ ࡓࡅࡄࡀ ࡀࡌࡓࡉࡀ ࡁࡌࡀࡋࡀࡋࡉࡀ ࡖࡔࡉࡄࡀ ࡌࡉࡔࡕࡀࡉࡉࡍ ࡁࡔࡅࡕࡀ ࡖࡏࡅࡋࡀ ࡁࡌࡀࡋࡀࡋࡀ ࡔࡉࡄࡀ ࡀࡌࡓࡉࡀ ࡖࡉࡍࡒࡅࡌ ࡅࡉࡍࡔࡀࡅࡉࡀ ࡓࡉࡔࡀ ࡀࡕࡅࡀࡉࡀ ࡖࡉࡍࡃࡀࡌࡉࡀ ࡁࡀࡃࡌࡅ ࡀࡊࡃࡁࡀ ࡅࡉࡍࡋࡐࡅࡂ ࡉࡐࡓࡉࡀ ࡁࡀࡋࡌࡀ ࡓࡉࡔࡀ ࡉࡍࡔࡀࡅࡉࡀ ࡅࡉࡍࡒࡓࡉࡀ ࡒࡀࡋࡀ ࡁࡀࡈࡋࡀ ࡉࡐࡓࡉࡀ ࡁࡀࡋࡌࡀ ࡉࡍࡋࡐࡅࡂ ࡉࡍࡒࡓࡉࡋࡅࡍ ࡋࡎࡂࡀࡃࡀࡊ. |
| 538 |
ࡉࡍࡒࡓࡉࡀ ࡁࡀࡃࡌࡅ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡅࡉࡍࡕࡉࡁ ࡅࡀࡍࡋࡉࡐࡅࡍࡍ ࡅࡀࡍࡔࡌࡉࡅࡍࡍ ࡅࡉࡍࡌࡋࡉࡅࡍࡍ ࡄࡀࡓࡂࡕࡀ ࡅࡉࡍࡌࡀࡓࡋࡅࡍ ࡀࡋࡌࡀ ࡌࡀࡋࡀࡋࡀࡍ ࡕࡉࡔࡉࡁࡒࡅࡍ ࡖࡀࡋࡌࡀ ࡕࡉࡔࡉࡁࡒࡅࡍ ࡌࡀࡋࡀࡋࡀࡍ ࡅࡀࡋࡌࡀ ࡕࡉࡔࡀࡅࡍࡍ ࡌࡉࡌࡓࡀࡍ ࡂࡀࡁࡓࡀ ࡅࡍࡓࡊࡀࡉࡀ ࡀࡍࡎࡂࡉࡀ ࡋࡀࡊ ࡉࡍࡕࡉࡁ ࡅࡉࡍࡌࡀࡓࡋࡅࡍ ࡌࡍ ࡒࡅࡃࡀࡌ ࡅࡂࡉࡄࡉࡊࡕ ࡋࡅࡊࡋࡄࡅࡍ ࡀࡀࡍ ࡄࡆࡉࡕࡉࡅࡍࡍ ࡀࡎࡁࡉࡓࡉࡕ ࡖࡏࡕࡀࡄࡆࡉࡋࡅࡍ. |
| 539 |
ࡋࡀࡋࡌࡉࡀ ࡁࡀࡓࡉࡕ ࡁࡆࡉࡅࡀࡉ ࡖࡍࡉࡐࡔ ࡅࡏࡔࡕࡀࡓࡄࡉࡆࡀࡕ ࡀࡋࡀࡄࡅࡕࡀ ࡖࡁࡀࡉࡕࡀ ࡀࡋࡌࡀ ࡖࡄࡉࡆࡉࡅࡍ ࡃࡄࡉࡋ ࡅࡅࡊࡋࡄࡅࡍ ࡌࡀࡋࡉࡀ ࡏࡕࡁࡀࡃࡀࡓ ࡓࡅࡄࡀ ࡉࡍࡋࡐࡀࡕ ࡌࡍ ࡅࡊࡓࡎࡉࡇ ࡅࡋࡀࡏࡉࡍࡔࡉࡅࡍ ࡌࡀ ࡖࡀࡁࡃࡉࡀ ࡔࡅࡁࡀ ࡓࡀࡆ ࡋࡁࡅࡔࡀࡉࡄࡅࡍ ࡅࡏࡎࡕࡀࡄࡀࡐ ࡏࡋ ࡀࡍࡀࡐࡉࡄࡅࡍ ࡍࡉࡐࡋ ࡅࡊࡋࡄࡅࡍ ࡀࡊࡁࡔࡉࡀ ࡓࡉࡔࡀࡉࡄࡅࡍ ࡔࡒࡀࡋ ࡏࡋ ࡀࡍࡀࡐࡉࡄࡅࡍ ࡏࡋ ࡀࡍࡀࡐࡉࡄࡅࡍ ࡏࡎࡕࡀࡄࡀࡐ ࡍࡀࡐࡋ ࡄࡀࡈ. |
| 540 |
ࡀࡉࡀࡍ ࡕࡉࡔࡁࡅࡒࡋࡀࡍ ࡌࡀࡓࡀࡍ ࡄࡈࡉࡍ ࡄࡈࡀࡉࡉࡍࡍ ࡅࡌࡉࡄࡕࡉࡌࡀࡍ ࡏࡋ ࡀࡋࡌࡉࡀ ࡖࡌࡆࡀࡓࡀࡆࡀࡍ ࡀࡀࡍ ࡌࡀ ࡋࡔࡅࡁࡀ ࡁࡇࡍ ࡖࡃࡀࡅࡓࡀ ࡁࡀࡈࡋࡀ ࡌࡀࡋࡀࡋࡉࡕ ࡅࡏࡌࡀࡓࡋࡅࡍ ࡁࡑࡅ ࡓࡁࡉࡀ ࡔࡉࡄࡋࡅࡍ ࡀࡀࡍ ࡗ ࡀࡕࡉࡕ ࡖࡏࡁࡀࡃ ࡋࡄࡀࡀࡊ ࡈࡀࡁࡅࡕࡀ ࡏࡁࡀࡃ ࡅࡔࡀࡓࡉࡀ ࡈࡀࡁࡅ ࡋࡓࡀࡄࡌࡀࡉ ࡖࡏࡕࡉࡕ ࡖࡏࡁࡀࡃ ࡈࡀࡁࡅࡕࡀ ࡖࡄࡍࡅࡓࡀ ࡋࡉࡕࡁࡇ ࡏࡉࡀࡓࡐࡉࡔࡉࡅࡍࡍ ࡏࡋ ࡌࡉࡋࡅࡊࡍ ࡖࡏࡅࡋࡀ ࡏࡃࡉࡋࡌࡀ. |
| 541 |
ࡌࡀࡌࡋࡀࡋࡅࡊࡍ ࡉࡍࡉࡑࡕࡅࡍ ࡏࡉࡀࡓࡐࡉࡔࡉࡅࡍࡍ ࡋࡔࡅࡕࡀࡉࡅࡊࡍ ࡅࡌࡀ ࡉࡍࡀࡊࡕࡓࡅࡍ ࡁࡀࡋࡌࡀࡉࡅࡊࡍ ࡌࡀ ࡉࡍࡉࡑࡕࡅࡍ ࡌࡀࡌࡋࡀࡋࡅࡊࡍ ࡅࡊࡋࡄࡅࡍ ࡈࡀࡁࡉࡀ ࡄࡅࡍ ࡁࡄࡉࡓࡀࡉ ࡌࡉࡔࡌࡀ ࡖࡔࡅࡌࡀࡍ ࡅࡀࡆࡁࡀࡓ ࡀࡍࡀࡐࡉࡄࡅࡍ ࡋࡀࡕࡀࡓ ࡄࡍࡅࡓ ࡅࡊࡋࡄࡅࡍ ࡄࡅࡍ ࡈࡀࡁࡉࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡁࡕࡀࡓࡁࡀࡉࡑࡀ ࡖࡄࡍࡅࡓࡀ ࡋࡄࡉࡋ ࡁ. |
| 542 |
ࡉࡐࡓࡉࡀ ࡖࡆࡉࡅࡀ ࡁࡂࡀࡅࡉࡊ ࡂࡉࡀࡍࡕ ࡀࡉࡀࡓ ࡁࡉࡕࡍࡀ ࡁࡉࡕ ࡕࡅࡔࡋࡉࡌࡀ ࡀࡊࡋࡅࡆࡀ ࡌࡉࡒࡓࡉࡀ ࡖࡄࡉࡉࡀ ࡂࡉࡀࡍࡕ ࡀࡃࡀࡌ ࡁࡂࡀࡅࡉࡊ ࡌࡉࡕࡋࡉࡀ ࡌࡉࡕࡋࡉࡀ ࡁࡏࡒࡀࡓࡀ ࡌࡉࡃࡍࡀࡌ ࡖࡓࡁࡉࡀ ࡀࡌࡓࡉࡀ ࡀࡌࡓࡉࡀ ࡌࡉࡉࡍࡋࡉࡀ ࡖࡀࡊࡋࡅࡆࡀ ࡀࡌࡓࡉࡀ ࡌࡉࡉࡍࡋࡉࡀ ࡁࡏࡒࡀࡓࡀ ࡀࡁࡉࡉࡍࡀ ࡀࡁࡀ ࡋࡁࡓࡀ ࡄࡅࡍ ࡀࡌࡓࡉࡀ ࡅࡌࡂࡀࡋࡀࡋࡉࡀ ࡓࡀࡆࡉࡀ ࡃࡋࡀ ࡉࡍࡄࡅࡉࡀ ࡄࡀࡆࡉࡍ ࡄࡅࡀ ࡀࡃࡋࡀ ࡉࡍࡄࡅࡉࡀ ࡄࡀࡆࡉ. |
| 543 |
ࡍ ࡃࡀࡅࡓࡀ ࡅࡀࡍࡎࡂࡅࡍ ࡁࡀࡋࡌࡀ ࡀࡃࡋࡀ ࡉࡍࡄࡅࡉࡀ ࡔࡀࡌࡉࡔ ࡅࡎࡉࡓࡀ ࡅࡄࡍࡅࡓࡀ ࡉࡀࡒࡉࡃ ࡁࡀࡋࡁࡅࡔࡀࡉࡄࡅࡍ ࡆࡉࡅࡀ ࡁࡀࡊࡇࡍ ࡉࡀࡒࡉࡃ ࡀࡊࡎࡉࡉࡀ ࡅࡈࡍࡉࡓࡉࡀ ࡁࡎࡉࡃࡓࡀࡉࡄࡅࡍ ࡅࡐࡂࡃࡀࡌࡉࡀ ࡄࡉࡅࡍࡍ ࡀࡊࡎࡉࡉࡀ ࡅࡉࡀࡕࡁࡉࡀ ࡁࡀࡑࡃࡉࡀ ࡀࡋࡌࡀ ࡆࡉࡒࡉࡀ ࡀࡍࡈࡓࡉࡀ ࡔࡉࡃࡒࡀ ࡅࡄࡍࡅࡓࡀ ࡖࡅࡊࡋࡇ ࡀࡐࡎࡉࡌࡉࡊࡀ ࡀࡁࡀ ࡖࡅࡊࡋࡇ ࡆࡉࡅࡀ ࡅࡒࡀࡉࡉࡌ ࡁࡉࡕ ࡕࡅࡔࡋࡉࡌࡀ ࡌࡀࡓࡀ ࡖࡓࡀࡁࡅࡕࡀ ࡕࡓࡉࡑ. |
| 544 |
ࡓࡁࡀ ࡒࡀࡃࡌࡀࡉࡀ ࡋࡒࡀࡃࡌࡀࡉࡀ ࡁࡓࡇ ࡌࡀࡋࡉࡋ ࡖࡉࡍࡌࡀࡓࡋࡇ ࡀࡕࡀ ࡄࡅࡉࡋࡉࡀ ࡎࡉࡁࡋࡀ ࡁࡓ ࡀࡕࡀ ࡔࡂࡀࡃࡍࡀ ࡄࡅࡉࡋࡉࡀ ࡅࡁࡊࡅࡔࡋࡉࡀ ࡀࡓࡒࡉࡀ ࡌࡀࡓࡃࡉࡀ ࡀࡕࡀ ࡎࡉࡁࡋࡀ ࡄࡅࡉࡋࡉࡀ ࡁࡉࡄࡔࡅࡀࡊ ࡖࡉࡑࡁࡉࡀࡀࡍ ࡖࡄࡍࡅࡓࡀ ࡋࡉࡕࡁࡇ ࡖࡄࡔࡅࡀࡊ ࡀࡎࡂࡉࡀ ࡋࡀࡋࡌࡀ ࡋࡃࡀࡅࡓࡀ ࡖࡉࡍࡌࡓࡉࡀ ࡄࡀࡓࡌࡉࡀ ࡋࡀࡕࡓࡀ ࡖࡀࡓࡉࡀࡅࡀࡕࡀ ࡃࡀࡅࡓࡀ ࡖࡔࡉࡃࡉࡀ ࡌࡄࡀࡌࡁࡋࡉࡀ ࡋࡀࡕࡓࡀ ࡖࡕࡀࡉࡍࡉࡍࡀ ࡅࡎࡕࡉࡓࡀࡕ. |
| 545 |
ࡀ ࡗ ࡌࡎࡀࡕࡓࡀࡍ ࡋࡀࡕࡓࡀ ࡖࡋࡉࡋࡉࡀࡕࡀ ࡅࡕࡀࡓࡁࡀࡉࡑࡀ ࡖࡒࡉࡓࡀ ࡀࡋࡊࡉࡀ ࡋࡀࡕࡓࡀ ࡖࡀࡆࡍࡀࡁࡉࡀ ࡌࡉࡀ ࡒࡀࡃࡌࡀࡉࡀ ࡋࡓࡁࡀ ࡀࡁࡅࡉࡀ ࡌࡀࡋࡉࡋ ࡖࡉࡍࡌࡀࡓࡋࡇ ࡏࡅ ࡏࡉࡐࡋ ࡌࡀࡍ ࡉࡍࡋࡉࡂࡈࡀࡍ ࡏࡅ ࡏࡄࡅࡕ ࡌࡀࡍ ࡀࡍࡎࡒࡀࡍ ࡖࡋࡀࡉࡍࡉࡐࡋ ࡁࡌࡉࡀ ࡀࡋࡊࡉࡀ ࡀࡍࡔࡐࡀࡉ ࡌࡀࡍ ࡉࡍࡅࡊࡋࡐࡉࡀ ࡖࡋࡀࡉࡍࡉࡐࡋ ࡁࡌࡉࡀ ࡕࡀࡄࡌࡉࡀ ࡌࡎࡅࡕࡀ ࡌࡀࡍ ࡉࡍࡌࡎࡉࡋࡉࡀ ࡌࡀࡍ ࡁࡓࡉࡔࡀࡉ ࡉࡍࡕࡓࡉࡋࡑࡉࡀ ࡋࡊࡉࡋࡀ. |
| 546 |
ࡉ ࡒࡀࡓࡉࡍࡀ ࡖࡆࡉࡅࡀ ࡌࡀࡍ ࡉࡍࡄࡅࡉࡋࡉࡀ ࡉࡐࡓࡒࡀ ࡗ ࡀࡎࡓࡉࡋࡉࡀ ࡁࡉࡔࡉࡀ ࡁࡂࡅ ࡀࡒࡓࡅࡍ ࡓࡁࡀ ࡋࡒࡀࡃࡌࡀࡉࡀ ࡁࡓࡇ ࡌࡀࡋࡉࡋ ࡖࡉࡍࡌࡀࡓࡋࡇ ࡏࡅ ࡕࡉࡉࡐࡋ ࡀࡀࡍ ࡉࡍࡋࡉࡂࡈࡀࡊ ࡏࡅ ࡕࡉࡄࡅࡕ ࡌࡀࡍ ࡀࡍࡎࡒࡀࡍ ࡖࡋࡀࡕࡉࡉࡐࡋ ࡁࡌࡉࡀ ࡀࡋࡊࡉࡀ ࡀࡍࡔࡐࡀࡊ ࡌࡀࡍ ࡉࡍࡅࡊࡋࡐࡉࡀ ࡖࡋࡀࡕࡉࡉࡐࡋ ࡁࡌࡉࡀ ࡕࡀࡄࡌࡉࡀ ࡌࡎࡅࡕࡀ ࡀࡀࡍ ࡌࡎࡉࡋࡀࡊ ࡀࡀࡍ ࡕࡓࡅࡋࡑࡀࡊ ࡁࡓࡉࡔࡀࡊ ࡋࡊࡉࡋࡀࡊ ࡒࡀࡓࡉࡍࡀ ࡖࡆࡉ. |
| 547 |
ࡅࡀ ࡀࡀࡍ ࡏࡄࡅࡉࡋࡀࡊ ࡔࡀࡓࡉࡀ ࡏࡅ ࡔࡀࡃࡉࡋࡀࡊ ࡁࡉࡔࡉࡀ ࡁࡂࡅ ࡀࡒࡓࡅࡍ ࡅࡀࡊࡍࡉࡐࡅࡍࡍ ࡋࡒࡀࡓࡉࡍࡀ ࡖࡆࡉࡅࡀ ࡒࡅࡌ ࡁࡔࡅࡌࡀ ࡖࡄࡉࡉࡀ ࡅࡀࡎࡂࡉࡀ ࡋࡀࡋࡌࡀ ࡖࡄࡔࡅࡀࡊ ࡅࡏࡕࡋࡀࡁࡀࡔ ࡁࡒࡉࡓࡀࡎ ࡀࡋࡌࡉࡀ ࡁࡉࡄࡔࡅࡀࡊ ࡖࡏࡁࡑࡀ ࡖࡄࡍࡅࡓࡀ ࡋࡉࡕࡁࡇ ࡄࡉࡃࡓࡅࡉࡀ ࡔࡉࡃࡉࡀ ࡌࡄࡀࡌࡁࡋࡉࡀ ࡄࡃࡓࡅࡉࡀ ࡀࡓࡉࡀࡅࡀࡕࡀ ࡅࡎࡕࡉࡓࡀࡕࡀ ࡗ ࡌࡎࡀࡕࡓࡀࡍ ࡄࡉࡃࡓࡅࡉࡀ ࡕࡀࡉࡍࡉࡍࡀ ࡅࡋࡉࡋࡉࡀࡕࡀ ࡅࡕࡀࡓࡁ. |
| 548 |
ࡀࡉࡑࡀ ࡖࡒࡉࡓࡀ ࡀࡋࡊࡉࡀ ࡄࡉࡃࡓࡅࡉࡀ ࡀࡆࡍࡀࡁࡉࡀ ࡌࡉࡀ ࡏࡋࡀࡅ ࡕࡀࡓࡌࡉࡃࡀ ࡀࡀࡍ ࡒࡀࡋࡀ ࡖࡕࡀࡓࡌࡉࡃࡀ ࡏࡋࡀࡅ ࡄࡀࡉࡋࡀ ࡌࡉࡀࡍࡉ ࡀࡌࡀࡓࡋࡇ ࡌࡀࡓࡀ ࡖࡓࡀࡁࡅࡕࡀ ࡌࡀࡃࡀࡍࡋࡇ ࡋࡂࡀࡁࡓࡀ ࡀࡍࡁࡑࡇ ࡅࡋࡄࡀࡀࡊ ࡔࡀࡃࡉࡓࡕࡀࡊ ࡌࡀࡄࡅ ࡄࡈࡉࡕࡋࡀࡊ ࡔࡀࡃࡀࡓࡕࡀࡊ ࡖࡏࡉࡍࡔ ࡁࡂࡀࡅࡇ ࡋࡀࡃࡀࡓ ࡅࡏࡋ ࡏࡅࡌࡒࡀ ࡖࡅࡊࡋࡇ ࡎࡓࡅࡕࡀ ࡔࡀࡃࡀࡓࡋࡉࡀ ࡂࡀࡅࡀࡆࡀ ࡗ ࡄࡀࡆࡉࡍ ࡔࡅࡌࡀ ࡌࡉࡀࡍࡉ ࡍࡀࡑࡁ ࡅࡀࡌࡀࡓ. |
| 549 |
ࡋࡉࡀ ࡖࡏࡌࡓࡀ ࡅࡔࡉࡌࡀ ࡀࡄࡁࡀࡋࡉࡀ ࡅࡂࡀࡈࡉࡋࡁࡇ ࡉࡍࡌࡓࡉࡀ ࡄࡀࡓࡌࡉࡀ ࡂࡀࡈࡉࡋࡁࡇ ࡀࡓࡉࡀࡅࡀࡕࡀ ࡂࡀࡈࡉࡋࡁࡇ ࡔࡉࡃࡉࡀ ࡌࡄࡀࡌࡁࡋࡉࡀ ࡂࡀࡈࡉࡋࡁࡇ ࡕࡀࡉࡍࡉࡍࡀ ࡅࡎࡕࡉࡓࡀࡕࡀ ࡗ ࡌࡎࡀࡕࡓࡀࡍ ࡅࡂࡀࡈࡉࡋࡁࡇ ࡋࡉࡋࡉࡀࡕࡀ ࡅࡕࡀࡓࡁࡀࡉࡑࡀ ࡖࡒࡉࡓࡀ ࡀࡋࡊࡉࡀ ࡉࡀࡁࡔࡉࡁࡉࡀ ࡀࡆࡍࡀࡁࡉࡀ ࡖࡌࡉࡀ ࡄࡀࡉࡋࡀ ࡅࡆࡉࡅࡀ ࡔࡀࡃࡀࡓࡋࡉࡀ ࡒࡀࡋࡀ ࡒࡓࡉࡕ ࡋࡁࡉࡕ ࡄࡉࡉࡀ ࡖࡀࡁ ࡀࡐࡒࡃࡀࡍ ࡏࡋࡀࡅࡀࡉࡄࡅࡍ ࡎࡀ. |
| 550 |
ࡃࡀࡓࡕࡉࡅࡍࡍ ࡋࡏࡁࡉࡃࡀࡕࡀ ࡅࡕࡓࡀࡕࡑࡇ ࡋࡄࡍࡅࡓࡀ ࡌࡍ ࡓࡉࡔ ࡁࡓࡉࡔ ࡁࡊࡀࡔࡕࡇ ࡋࡄࡔࡅࡀࡊ ࡅࡋࡀࡄࡅࡀࡁࡉࡀ ࡄࡀࡎࡉࡓ ࡅࡁࡉࡑࡓ ࡎࡉࡋࡒࡉࡕ ࡁࡋࡀ ࡌࡅࡌࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡋࡀࡃࡀࡌ ࡂࡀࡁࡓࡀ ࡌࡀࡓࡐࡉࡔࡋࡇ ࡏࡅࡕࡓࡀ ࡌࡍ ࡋࡁࡀࡓ ࡒࡀࡓࡉࡀ ࡀࡌࡀࡓࡋࡇ ࡅࡋࡀࡕࡉࡉࡍࡔࡉࡇ ࡖࡌࡀࡓࡀ. |
| 551 |
ࡊ ࡀࡐࡒࡃࡀࡊ ࡀࡃࡀࡌ ࡋࡀࡕࡉࡔࡄࡀࡓ ࡅࡋࡀࡕࡉࡔࡅࡊࡁ ࡅࡄࡀࡉࡀࡁࡀ ࡁࡕࡉࡁࡉࡋ ࡋࡀࡕࡉࡕࡉࡒࡓࡉࡀ ࡋࡀࡕࡉࡄࡅࡉࡀ ࡁࡓ ࡁࡀࡉࡕࡀ ࡅࡋࡀࡔࡀࡉࡐࡓ ࡀࡕࡅࡀࡕ ࡖࡌࡓࡀࡂࡀࡂࡀ ࡕࡉࡓࡄࡅࡌ ࡋࡊࡉࡋࡉࡀ ࡁࡅࡎࡌࡀࡋࡀ ࡅࡋࡀࡕࡉࡁࡀࡈࡉࡋ ࡓࡀࡄࡌࡀࡊ ࡖࡋࡉࡋࡉࡀ ࡋࡀࡕࡉࡓࡄࡅࡌ ࡁࡅࡎࡌࡀࡉࡍࡀ ࡅࡋࡀࡔࡀࡌࡀࡔࡕࡀ ࡖࡌࡓࡀࡂࡀࡂࡀ ࡋࡀࡕࡉࡓࡄࡅࡌ ࡈࡅࡋࡀࡋࡉࡀ ࡖࡆࡉࡀࡐ ࡅࡈࡅࡋࡀࡉࡍࡀࡕࡀ ࡖࡆࡉࡀࡐ ࡖࡌࡀࡊࡃࡁࡀ ࡅࡋࡀࡕࡉࡉࡍࡔࡉࡇ ࡖࡌࡀࡓ. |
| 552 |
ࡀࡊ ࡌࡍ ࡏࡅࡓࡑࡀࡊ ࡋࡀࡕࡉࡔࡕࡉࡀ ࡅࡋࡀࡕࡉࡓࡅࡉࡀ ࡄࡆࡉࡀ ࡋࡌࡀࡓࡀࡊ ࡌࡀࡔࡍࡉࡀࡕࡋࡇ ࡏࡋ ࡌࡀࡉࡋࡀࡊ ࡅࡏࡋ ࡌࡉࡕࡁࡀࡊ ࡄࡆࡉࡀ ࡋࡌࡀࡓࡀࡊ ࡌࡀࡔࡍࡉࡀࡕࡋࡇ ࡋࡌࡉࡒࡌࡀࡊ ࡅࡋࡌࡉࡕࡁࡀࡊ ࡄࡆࡉࡀ ࡋࡌࡀࡓࡀࡊ ࡌࡀࡔࡍࡉࡀࡕࡋࡇ ࡏࡋ ࡌࡉࡆࡋࡀࡊ ࡅࡏࡋ ࡌࡉࡕࡉࡀࡊ ࡄࡆࡉࡀ ࡋࡌࡀࡓࡀࡊ ࡌࡀࡔࡍࡉࡀࡕࡋࡇ ࡏࡋ ࡌࡉࡔࡉࡋࡉࡀࡊ ࡅࡏࡋ ࡌࡉࡔࡉࡁࡊࡀࡊ ࡅࡊࡋ ࡖࡀࡁࡉࡃࡀࡍ ࡎࡅࡊࡋࡕࡀ ࡋࡉࡕࡋࡉࡀ ࡋࡀࡕࡉࡌࡀࡓ ࡁࡓࡀ ࡓࡄࡉ. |
| 553 |
ࡌࡀ ࡀࡀࡍ ࡅࡊࡋࡇ ࡌࡉࡃࡍࡀࡌ ࡖࡋࡀࡅ ࡌࡉࡃࡍࡀࡌ ࡀࡃࡀࡌ ࡄࡅࡆࡉࡇ ࡋࡀࡋࡌࡀ ࡖࡓࡅࡄࡀࡑࡀࡍ ࡁࡂࡀࡅࡇ ࡋࡉࡕࡋࡀࡊ ࡌࡍ ࡀࡋࡀࡐ ࡌࡀࡁࡀࡓ ࡄࡃࡀ ࡅࡉࡀࡕࡉࡁ ࡌࡅࡆࡀࡉࡍࡀ ࡕࡓࡉࡑ ࡅࡕࡓࡉࡍ ࡌࡀࡁࡀࡓ ࡌࡍ ࡓࡅࡁࡀࡍ ࡄࡃࡀ ࡌࡀࡁࡀࡓ ࡌࡍ ࡀࡋࡀࡐ... ࡄࡀࡅࡉࡀ ࡗ ࡖࡋࡀࡄࡅࡀ ࡁࡀࡈࡋࡉࡀ ࡋࡊࡉࡋࡉࡀ ࡁࡅࡎࡌࡀ ࡅࡍࡓࡀ ࡄࡀࡅࡉࡀ ࡃࡀࡉࡀࡇࡍ ࡅࡊࡋࡌࡀࡍ ࡖࡁࡂࡀࡅࡓࡀ ࡄࡀࡎࡀࡓ ࡌࡉࡕࡉࡀࡁࡀࡈ ࡁࡈࡅࡓࡀ ࡄࡀࡔࡀࡊ ࡅ. |
| 554 |
ࡊࡋࡌࡀࡍ ࡖࡁࡂࡅࡁࡍࡇ ࡄࡀࡎࡀࡓ ࡅࡍࡓࡀ ࡄࡀࡅࡉࡀ ࡃࡀࡉࡀࡇࡍ ࡖࡌࡍ ࡏࡕࡍࡀ ࡖࡄࡀࡁࡓࡇ ࡂࡀࡉࡀࡓ ࡀࡋࡌࡀ ࡖࡓࡅࡄࡇ ࡔࡀࡋࡌࡀ ࡉࡍࡕࡉࡀࡁࡀࡈ ࡁࡈࡅࡓࡀ ࡄࡀࡔࡀࡊ ࡅࡊࡋࡌࡀࡍ ࡖࡌࡍ ࡏࡕࡍࡀ ࡀࡓࡌࡀࡋࡕࡀ ࡂࡀࡉࡀࡓ ࡏࡋ ࡌࡀࡄࡅࡉࡍࡀ ࡕࡀࡅࡌࡉࡀ ࡌࡉࡕࡀࡍࡂࡍࡀࡓ ࡅࡊࡋࡌࡀࡍ ࡖࡌࡍ ࡄࡉࡃࡅࡕࡀ ࡂࡀࡉࡀࡓ ࡅࡀࡉࡇࡍ ࡁࡀࡁࡀࡕࡅࡓ ࡋࡀࡉࡍࡌࡋࡉࡀ ࡏࡋ ࡌࡀࡉࡍࡀ ࡖࡅࡍࡓࡀ ࡌࡉࡕࡀࡍࡂࡍࡀࡓ ࡅࡊࡋࡌࡀࡍ ࡖࡔࡀࡁࡉࡒ ࡄࡃࡀ ࡅࡋࡀ. |
| 555 |
ࡂࡉࡈ ࡄࡃࡀ ࡉࡑࡁࡉࡀ ࡖࡀࡕࡅࡉࡍࡀ ࡄࡀࡅࡉࡀ ࡀࡕࡅࡀࡕ ࡖࡂࡀࡉࡓࡀ ࡂࡀࡅࡓࡀ ࡅࡀࡉࡇࡍ ࡁࡉࡕࡄࡉࡉࡀ ࡋࡀࡕࡉࡌࡋࡉࡀ ࡅࡀࡊࡋࡃࡀࡉࡉࡀ ࡖࡔࡉࡒࡓࡀ ࡅࡊࡋࡌࡀࡍ ࡖࡀࡆࡉࡋ ࡋࡅࡀࡕ ࡀࡊࡅࡑࡌࡉࡀ ࡏࡋ ࡌࡀࡉࡍࡀ ࡖࡁࡀࡓࡃࡀ ࡌࡉࡕࡀࡍࡂࡍࡀࡓ ࡁࡄࡀࡅࡍࡕࡀ ࡅࡓࡅࡉࡕࡀ ࡓࡀࡅࡉࡀ ࡅࡊࡋࡌࡀࡍ ࡖࡔࡀࡕࡉࡀ ࡄࡀࡌࡓࡀ ࡁࡂࡀࡅࡇ ࡀࡁࡉࡃ ࡁࡈࡀࡁࡋࡉࡀ ࡅࡆࡉࡌࡅࡓࡉࡀ ࡅࡆࡀࡉࡍࡅࡕࡀ ࡅࡀࡉࡇࡍ ࡁࡀࡁࡀࡕࡅࡓ ࡋࡀࡀࡍࡋࡐࡀ ࡒࡅࡁࡋࡉࡀ ࡉࡍࡎ. |
| 556 |
ࡍࡓࡅࡇࡍ ࡁࡌࡀࡎࡉࡓࡒࡉࡀ ࡅࡆࡉࡓࡀ ࡆࡀࡓࡀ ࡖࡀࡊࡃࡁࡀ ࡅࡊࡋࡌࡀࡍ ࡖࡀࡆࡉࡋ ࡋࡅࡀࡕ ࡆࡀࡌࡀࡓࡕࡀ ࡅࡀࡆࡋࡀ ࡁࡒࡉࡒࡋࡉࡀ ࡔࡀࡃࡉࡀࡋࡇ ࡌࡉࡇࡍ ࡁࡀࡈࡀࡍ ࡅࡎࡀࡌࡀ ࡔࡀࡒࡋࡀ ࡅࡌࡉࡄࡉࡃࡓࡀ ࡁࡏࡒࡁࡇ ࡄࡀࡓࡐࡀ ࡁࡉࡓࡀ ࡅࡒࡀࡁࡓࡀࡋࡇ ࡅࡏࡌࡀ ࡋࡉࡀࡋࡃࡀ ࡋࡀࡄࡀࡆࡉࡀࡋࡇ ࡅࡃࡀࡉࡔࡀࡋࡇ ࡀࡉࡇࡍ ࡖࡉࡀࡋࡃࡀ ࡄࡀࡆࡉࡀࡋࡇ ࡋࡏࡌࡇ ࡅࡏࡌࡇ ࡁࡀࡉࡊࡀࡋࡇ ࡁࡂࡅࡍࡁ ࡂࡅࡍࡁ ࡉࡀࡋࡃࡀ ࡌࡀࡉࡉࡕ ࡁࡒࡉࡒࡋࡉࡀ ࡖࡀࡊࡋࡁࡉࡀ. |
| 557 |
ࡔࡉࡄࡀࡉࡍࡀ ࡌࡔࡀࡓࡂࡉࡆࡀࡉࡍࡀ ࡌࡉࡔࡕࡀࡉࡀࡋ ࡁࡄࡀࡀࡍࡕࡇ ࡌࡀࡈࡀࡓࡕࡀ ࡀࡋࡂࡉࡀ ࡈࡓࡅࡔࡉࡀ ࡕࡉࡔࡕࡀࡉࡀࡋࡖ ࡁࡄࡀࡀࡍࡕࡇ ࡌࡀࡈࡀࡓࡕࡀ ࡅࡔࡅࡌࡇ ࡉࡍࡕࡉࡊࡀࡐࡓ ࡌࡍ ࡁࡉࡕ ࡄࡉࡉࡀ ࡅࡀࡉࡇࡍ ࡁࡄࡍࡅࡓࡀ ࡋࡀࡌࡀࡋࡉࡀ ࡅࡌࡉࡀ ࡋࡀࡉࡍࡎࡉࡀ ࡅࡊࡋࡌࡀࡍ ࡖࡉࡍࡒࡓࡀࡁ ࡋࡅࡀࡕ ࡆࡀࡅࡇ ࡁࡂࡉࡅࡕࡇ ࡖࡋࡉࡅࡉࡀࡕࡉࡍ ࡉࡍࡔࡕࡉࡊࡍ ࡌࡄࡉࡕࡀ ࡁࡂࡅ ࡌࡄࡉࡕࡀ ࡕࡉࡕࡉࡌࡄࡉࡀ ࡀࡕࡅࡀࡕ ࡖࡋࡀࡎࡀࡉࡀ ࡌࡉࡀ ࡅࡔࡉࡓࡉࡀࡀࡍ ࡖ. |
| 558 |
ࡎࡀࡀࡊ ࡋࡉࡕࡋࡇ ࡅࡉࡍࡋࡉࡈࡇ ࡔࡅࡌࡀ ࡃࡀࡉࡊࡀ ࡅࡔࡅࡌࡇ ࡉࡍࡕࡉࡊࡀࡐࡓ ࡌࡍ ࡁࡉࡕ ࡄࡉࡉࡀ ࡖࡄࡍࡅࡓࡀ ࡅࡉࡍࡌࡉࡄࡉࡇ ࡀࡍࡈࡓࡀ ࡗ ࡎࡀࡉࡀ ࡆࡀࡅࡇ ࡌࡉࡀ ࡌࡍ ࡈࡅࡍࡉࡐࡀ ࡖࡄࡀࡀࡍࡕࡇ ࡉࡅࡌࡀ ࡒࡀࡃࡌࡀࡉࡀ ࡁࡓࡉࡐࡋࡉࡀ ࡖࡄࡔࡅࡀࡊ ࡀࡍࡒࡌࡅࡇࡍ ࡅࡃࡀࡔࡕࡀࡀࡍ ࡅࡋࡅࡀࡕࡇ ࡉࡍࡔࡅࡊࡁ ࡅࡄࡁࡅࡋ ࡄࡁࡅࡋࡉࡀ ࡖࡆࡀࡄࡁࡀ ࡅࡀࡊࡎࡀࡐ ࡅࡊࡋࡌࡀࡍ ࡖࡉࡍࡅࡊࡋ ࡄࡁࡅࡋࡉࡀ ࡀࡍࡒࡌࡅࡇࡍ ࡁࡈࡅࡓࡀ ࡈࡅࡓ ࡄࡀࡔࡀ. |
| 559 |
ࡊ ࡅࡈࡀࡁࡅࡕࡀ ࡁࡂࡀࡅࡇ ࡋࡀࡉࡍࡁࡀࡃ ࡅࡊࡋࡌࡀࡍ ࡖࡉࡍࡓࡄࡅࡌ ࡃࡀࡄࡁࡀ ࡅࡀࡊࡎࡀࡐ ࡅࡉࡍࡕࡉࡊࡀࡐࡓ ࡌࡉࡇࡍ ࡌࡍ ࡀࡋࡌࡀ ࡉࡍࡌࡅࡕ ࡕࡓࡉࡍ ࡌࡅࡕࡉࡀ ࡁࡄࡀࡃ ࡅࡔࡅࡌࡀ ࡖࡄࡉࡉࡀ ࡋࡀࡀࡍࡃࡀࡊࡓ ࡏࡋࡇ ࡅࡊࡋࡌࡀࡍ ࡖࡌࡀࡓࡄࡀ ࡁࡓࡉࡄࡀ ࡖࡄࡉࡉࡀ ࡏࡋ ࡁࡉࡕ ࡀࡁࡀࡕࡅࡓ ࡉࡍࡔࡕࡀࡉࡀࡋ ࡁࡄࡉࡓࡁࡀ ࡅࡎࡉࡀࡐ ࡖࡔࡉࡁࡉࡀࡄࡉࡀ ࡌࡉࡕࡉࡎࡍࡉࡁ ࡅࡊࡋࡌࡀࡍ ࡖࡉࡍࡁࡀࡃ ࡏࡁࡉࡃࡀࡕࡀ ࡎࡀࡉࡀࡍࡕࡀ ࡅࡉࡍࡐࡇࡊ ࡋࡃࡌࡅࡕࡀ ࡖࡌ. |
| 560 |
ࡀࡓࡇ ࡀࡐࡒࡉࡃ ࡏࡋࡇ ࡅࡊࡋࡌࡀࡍ ࡖࡉࡍࡁࡑࡀ ࡏࡃࡇ ࡅࡋࡉࡂࡓࡇ ࡅࡁࡎࡉࡐࡄࡀࡕࡇ ࡌࡎࡀࡓࡎࡉࡐ ࡉࡀࡒࡃࡀࡀࡍ ࡁࡏࡃࡇ ࡁࡀࡃࡉࡍ ࡂࡅࡌࡓࡉࡀ ࡔࡀࡉࡉࡋ ࡌࡅࡕࡀ ࡅࡋࡀࡌࡀࡉࡉࡕ ࡅࡋࡀࡔࡀࡁࡒࡉࡋࡇ ࡋࡌࡉࡌࡀࡕ ࡌࡅࡕࡀ ࡄࡉࡉࡀ ࡋࡅࡀࡕࡇ ࡋࡀࡒࡀࡓࡁࡉࡀ ࡋࡌࡉࡎࡀࡒ ࡌࡉࡄࡉࡆࡉࡇ ࡋࡀࡕࡀࡓ ࡄࡍࡅࡓ ࡅࡋࡀࡓࡅࡉࡋࡇ ࡌࡍ ࡏࡅࡋࡀࡑࡇࡍ ࡋࡀࡌࡀࡂࡆࡀࡓ ࡏࡋࡇ ࡁࡃࡅࡓ ࡄࡀࡈࡉࡀ ࡀࡌࡉࡈࡍࡅࡋ ࡖࡌࡀࡁࡑࡅࡕࡀ ࡖࡏࡈࡑࡁࡀࡁࡇ ࡁࡉࡀࡓࡃࡀ. |
| 561 |
ࡍ ࡌࡀࡉࡕࡉࡍ ࡄࡔࡅࡀࡊ ࡌࡀࡋࡁࡉࡔࡉࡋࡇ ࡅࡊࡋࡌࡀࡍ ࡖࡉࡍࡓࡄࡀࡌ ࡉࡑࡁࡀ ࡅࡉࡑࡁࡅࡕࡀ ࡎࡀࡃࡍࡋࡉࡀ ࡉࡀࡒࡃࡀࡀࡍ ࡎࡀࡉࡌࡉࡋࡇ ࡅࡌࡀࡈࡉࡐࡍ ࡄࡀࡁࡀࡓࡀ ࡌࡀࡊࡎࡉࡋࡇ ࡄࡀࡁࡀࡓࡀ ࡀࡕࡉࡀ ࡌࡍ ࡀࡁࡀࡕࡓࡇ ࡄࡔࡅࡀࡊ ࡀࡆࡉࡋ ࡀࡒࡀࡌࡇ ࡀࡌࡉࡈࡍࡅࡋ ࡖࡓࡄࡉࡌ ࡉࡑࡁࡀ ࡅࡉࡑࡁࡅࡕࡀ ࡄࡀࡅࡉࡋࡇ ࡁࡉࡋࡅࡀࡕࡇ ࡄࡉࡅࡍࡍ ࡃࡀࡉࡅࡉࡀ ࡔࡉࡃࡉࡀ ࡀࡋࡌࡀ ࡖࡓࡅࡄࡇ ࡔࡀࡋࡌࡀ ࡌࡉࡕࡉࡀࡁࡀࡈ ࡁࡌࡀࡈࡀࡓࡀࡕࡀ ࡉࡍࡔࡌࡀࡕࡀ ࡖࡁࡄࡉࡓ. |
| 562 |
ࡉࡀ ࡆࡉࡃࡒࡀ ࡏࡋࡅࡊࡍ ࡀࡌࡉࡓࡀࡍ ࡅࡌࡀࡓࡐࡉࡔࡀࡍ ࡖࡁࡄࡉࡉࡀ ࡎࡀࡄࡃࡉࡍ ࡅࡋࡀࡕࡉࡔࡉࡋࡐࡅࡍ ࡋࡀࡕࡀࡓ ࡄࡔࡅࡊ ࡋࡀࡕࡉࡁࡃࡅࡍ ࡏࡁࡉࡃࡀࡕࡀ ࡎࡀࡉࡀࡍࡕࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡅࡁࡔࡅࡌࡇ ࡖࡅࡊࡔࡈࡀ ࡉࡀࡒࡓࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡋࡀࡕࡓࡀ ࡖࡉࡀࡕࡁࡉࡀ ࡎࡀࡄࡓࡉࡀ ࡗ ࡀࡎࡂࡉࡀ ࡌࡀࡃࡍࡀ ࡖࡄࡉࡉࡀ ࡁࡀࡉࡊࡍ ࡀࡋࡉࡍ ࡅࡌࡉࡕࡀࡔࡉࡃࡉࡍ ࡗ ࡄ. |
| 563 |
ࡉࡆࡅࡉࡀ ࡎࡀࡄࡓࡉࡀ ࡋࡆࡉࡅࡇ ࡅࡅࡍࡒࡁࡀࡕࡀ ࡁࡀࡉࡊࡀࡍ ࡗ ࡀࡀࡍࡒࡉࡀ ࡎࡀࡄࡓࡉࡀ ࡁࡀࡉࡊࡍ ࡗ ࡏࡌࡁࡓࡉࡀ ࡋࡀࡕࡓࡀ ࡖࡉࡀࡕࡉࡁ ࡂࡀࡐ ࡗ ࡀࡆࡉࡋ ࡌࡀࡃࡍࡀ ࡖࡄࡉࡉࡀ ࡍࡀࡐࡑ ࡌࡍ ࡅࡊࡓࡎࡉࡇ ࡒࡀࡌ ࡂࡀࡐ ࡖࡄࡉࡆࡉࡇ ࡋࡆࡉࡅࡇ ࡅࡀࡌࡀࡓࡋࡇ ࡅࡌࡀࡍ ࡀࡀࡍࡕ ࡖࡆࡀࡒࡉࡐࡕ ࡋࡉࡀࡓࡃࡉࡍࡀ ࡌࡀࡍ ࡀࡀࡍࡕ ࡌࡍ ࡓࡁࡉࡀ ࡅࡓࡉࡄࡀ ࡖࡄࡉࡉࡀ ࡖࡏࡋࡀࡉ ࡀࡕࡀ ࡄࡀࡆࡉࡋࡅࡍ ࡋࡉࡐࡓࡉࡀ ࡏࡌࡁࡉࡀ ࡅࡏࡋࡀࡉࡍࡀ ࡌࡍ ࡄ. |
| 564 |
ࡉࡋࡁࡅࡉࡍࡀ ࡂࡀࡅࡀࡉࡉࡀ ࡉࡍࡒࡐࡀࡕ ࡌࡀࡎࡂࡉࡀ ࡅࡀࡕࡉࡀ ࡀࡊࡀࡍࡕ ࡉࡍࡈࡅࡕࡐࡀ ࡅࡌࡍ ࡄࡔࡅࡀࡊ ࡂࡀࡄࡉࡀ ࡅࡌࡉࡀ ࡎࡉࡀࡅࡉࡀ ࡉࡍࡒࡐࡀࡕ ࡌࡍ ࡄࡉࡋࡁࡅࡉࡍࡀ ࡂࡀࡅࡀࡉࡉࡀ ࡖࡌࡀࡄࡃࡓࡉࡀ ࡏࡋ ࡎࡉࡉࡍࡀࡅࡉࡎ ࡀࡓࡒࡀ ࡀࡍࡒࡐࡉࡀ ࡅࡀࡕࡉࡍ ࡋࡔࡅࡁࡀ ࡔࡅࡓࡉࡀ ࡀࡊࡀࡍࡕ ࡉࡍࡈࡅࡕࡐࡀ ࡉࡀࡕࡁࡀࡕ ࡂࡀࡁࡍࡇ ࡖࡔࡅࡓࡀ ࡁࡀࡓࡀࡉࡀ ࡀࡊࡀࡍࡕ ࡋࡔࡅࡓࡀ ࡁࡀࡓࡀࡉࡀ ࡔࡉࡕࡉࡍ ࡅࡕࡀࡓࡕࡉࡍ ࡔࡉࡍࡀ ࡅࡔࡋࡉࡄࡀ ࡏࡋࡀࡅࡇ ࡀ. |
| 565 |
ࡕࡀ ࡀࡋࡌࡀ ࡖࡏࡕࡀࡕࡀࡍ ࡓࡉࡄࡀ ࡖࡄࡉࡉࡀ ࡀࡌࡀࡓࡋࡇ ࡒࡅࡌࡋࡉࡊ ࡖࡄࡉࡉࡀ ࡁࡀࡅࡍࡊ ࡅࡁࡀࡀࡍࡅࡍࡊ ࡒࡌࡋࡉࡊ ࡀࡊࡀࡍࡕ ࡉࡍࡈࡅࡕࡐࡀ ࡖࡁࡉࡅࡊ ࡄࡉࡉࡀ ࡅࡓࡉࡄࡌࡅࡊ ࡒࡅࡌ ࡁࡓࡀࡕ ࡉࡍࡈࡅࡕࡐࡀ ࡋࡅࡀࡕ ࡀࡁࡀࡄࡀࡕࡉࡊ ࡎࡀࡒ ࡒࡅࡌ ࡉࡐࡓࡔࡀࡕ ࡉࡍࡈࡅࡕࡐࡀ ࡔࡓࡀࡓࡀ ࡖࡄࡉࡉࡀ ࡄࡅࡀࡉ ࡒࡅࡌ ࡔࡀࡓࡀࡕ ࡉࡍࡈࡅࡕࡐࡀ ࡌࡀࡓࡂࡀࡉࡍࡕࡀ ࡃࡀࡉࡊࡕࡀ ࡒࡅࡌ ࡌࡀࡓࡂࡀࡉࡍࡕࡀ ࡉࡍࡈࡅࡕࡐࡀ ࡅࡄࡅࡉࡋࡉࡊ ࡒࡀࡓࡉࡀ ࡖࡄࡉࡉࡀ. |
| 566 |
ࡓࡉࡄࡌࡅࡊ ࡖࡁࡓࡀ ࡀࡍࡁࡑࡀ ࡓࡁࡀ ࡒࡅࡌ ࡎࡉࡌࡀࡕࡄࡉࡉࡀ ࡉࡍࡈࡅࡕࡐࡀ ࡋࡀࡊࡀࡍࡕ ࡉࡍࡈࡅࡕࡐࡀ ࡌࡀࡎࡂࡉࡀ ࡅࡀࡕࡉࡀ ࡋࡁࡀࡁࡀ ࡖࡔࡅࡓࡀ ࡗ ࡌࡉࡈࡀࡕ ࡀࡊࡀࡍࡕ ࡉࡍࡈࡅࡕࡐࡀ ࡋࡀࡁࡀࡄࡀࡕࡇ ࡔࡀࡁࡀࡕ ࡅࡀࡌࡓࡀ ࡁࡅࡓࡇࡊ ࡋࡀࡓࡒࡀ ࡉࡊࡁࡔࡀࡕ ࡅࡄࡍࡅࡓࡀ ࡖࡋࡀࡌࡉࡎࡕࡀࡉࡀࡊ ࡅࡋࡀࡌࡉࡎࡐࡉࡒ ࡄࡉࡉࡀ ࡄࡉࡅࡍࡍ ࡖࡋࡀࡌࡀࡉࡕࡉࡀ ࡅࡆࡉࡅࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ. |
| 567 |
ࡅࡁࡔࡅࡌࡇ ࡖࡅࡊࡔࡈࡀ ࡉࡀࡒࡓࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡌࡉࡇࡍ ࡌࡍ ࡃࡅࡕࡊࡇ ࡀࡋࡌࡀ ࡖࡌࡀࡋࡀࡊ ࡗ ࡋࡀࡁࡑࡀ ࡌࡅࡆࡀࡉࡍࡀ ࡌࡉࡕࡒࡀࡋ ࡄࡀࡀࡍࡇࡍ ࡅࡔࡀࡁࡔࡇ ࡅࡀࡌࡀࡓࡋࡇ ࡌࡍ ࡃࡅࡕࡊࡇ ࡒࡀࡌ ࡏࡋ ࡌࡅࡆࡀࡉࡍࡀ ࡒࡓࡀࡋࡇ ࡌࡅࡆࡀࡉࡍࡀ ࡖࡏࡅࡕࡓࡉࡀ ࡁࡑࡅࡍ ࡏࡆࡉࡋ ࡔࡀࡓࡄࡀࡁࡏࡉࡋ ࡅࡁࡉࡄࡓࡀࡌ ࡅࡁࡀࡄࡀࡓ ࡄࡀࡃ ࡌࡍ ࡀࡋࡀࡐ ࡅࡀࡎࡉࡒ ࡅࡀࡄࡍࡀࡓ ࡄࡍࡅࡓࡀ ࡀࡊࡎࡉࡀ ࡏࡕࡉࡍࡉࡑࡁ ࡄࡍࡅࡓࡀ ࡖࡌࡍ. |
| 568 |
ࡄࡍࡅࡓࡀ ࡖࡉࡍࡈࡅࡕࡐࡀ ࡏࡕࡉࡍࡉࡑࡁ ࡅࡋࡔࡉࡂࡍࡋࡀࡍ ࡏࡅࡕࡓࡀ ࡖࡉࡍࡌࡀࡓࡋࡇ ࡌࡀࡃࡍࡀ ࡖࡄࡉࡉࡀ ࡉࡐࡄࡕࡇ ࡋࡅࡐࡌࡇ ࡅࡏࡉࡍࡀࡀࡍ ࡓࡌࡀࡋࡇ ࡅࡀࡌࡀࡓࡋࡇ ࡅࡁࡓ ࡄࡍࡅࡓࡉࡀ ࡀࡀࡍࡕ ࡉࡀࡒࡉࡓࡉࡀ ࡁࡓ ࡆࡉࡅࡉࡀ ࡀࡀࡍࡕ ࡄࡀࡃࡕࡉࡀ ࡁࡓ ࡀࡀࡍࡕ ࡖࡌࡍ ࡌࡀࡀࡍ ࡎࡌࡉࡓࡀ ࡁࡓࡀࡉࡅࡍ ࡀࡀࡍࡕ ࡖࡈࡅࡓࡉࡀ ࡃࡀࡉࡊࡉࡀ ࡀࡊࡎࡉࡉࡀ ࡅࡌࡍ ࡏࡅࡕࡓࡉࡀ ࡀࡊࡎࡉࡉࡀ ࡅࡏࡋ ࡏࡅࡕࡓࡉࡀ ࡏࡎࡌࡉࡓࡉࡀ ࡔࡅࡌࡇ ࡀࡋࡌࡀ ࡋࡏࡍࡀࡑࡁ. |
| 569 |
ࡆࡉࡅࡀ ࡌࡈࡀ ࡌࡀࡎࡂࡉࡀ ࡅࡀࡕࡉࡀ ࡌࡀࡃࡍࡀ ࡖࡄࡉࡉࡀ ࡏࡍࡀࡐࡑ ࡌࡍ ࡅࡊࡓࡎࡉࡇ ࡒࡀࡌ ࡍࡀࡑࡁ ࡆࡉࡅࡀ ࡌࡉࡄࡆࡉࡀ ࡖࡄࡉࡆࡉࡀࡍ ࡅࡏࡉࡍࡀࡀࡍ ࡓࡌࡀࡋࡇ ࡅࡀࡌࡀࡓࡋࡇ ࡖࡀࡁࡀࡄࡀࡕࡇ ࡁࡂࡀࡅࡇ ࡀࡍࡄࡓࡉࡀ ࡓࡁࡀ ࡄࡍࡀࡓ ࡄࡍࡀࡓ ࡀࡍࡅࡓࡀ ࡅࡀࡄࡍࡀࡓ ࡁࡂࡀࡅࡀࡉࡄࡅࡍ ࡏࡅࡕࡓࡉࡀ ࡄࡍࡀࡓ ࡔࡉࡊࡀࡍࡕࡀ ࡌࡀࡃࡍࡀ ࡖࡄࡉࡉࡀ ࡏࡉࡍࡀࡀࡍ ࡓࡌࡀࡋࡇ ࡗ ࡄࡀࡆࡉࡍ ࡀࡌࡀࡓ ࡍࡀࡑࡁ ࡆࡉࡅࡀ ࡅࡀࡌࡀࡓࡋࡇ ࡅࡁࡓ ࡔࡉࡊ. |
| 570 |
ࡀࡍࡕࡀ ࡀࡀࡍࡕ ࡀࡊࡎࡉࡀࡕࡀ ࡁࡓ ࡀࡍࡅࡓࡉࡀ ࡀࡀࡍࡕ ࡄࡀࡃࡕࡉࡀ ࡁࡓ ࡕࡅࡔࡁࡉࡄࡕࡀ ࡀࡀࡍࡕ ࡖࡓࡅࡓࡁࡉࡀ ࡁࡓ ࡃࡌࡅࡕࡀ ࡀࡀࡍࡕ ࡖࡏࡅࡕࡓࡉࡀ ࡀࡋࡌࡀ ࡋࡁࡉࡕ ࡏࡕࡉࡍࡉࡑࡁ ࡆࡉࡅࡀ ࡌࡈࡀ ࡌࡀࡎࡂࡉࡀ ࡅࡀࡕࡉࡀ ࡌࡀࡃࡍࡀ ࡖࡄࡉࡉࡀ ࡍࡀࡐࡑ ࡌࡍ ࡅࡊࡓࡎࡉࡉࡇ ࡒࡀࡌ ࡏࡕࡉࡍࡉࡑࡁ ࡆࡉࡅࡀ ࡖࡄࡉࡆࡉࡇ ࡋࡆࡉࡅࡇ ࡅࡀࡌࡀࡓ ࡁࡓࡉࡊ ࡌࡉࡕࡉࡀࡀࡍࡊ ࡌࡀࡃࡍࡀ ࡖࡄࡉࡉࡀ ࡅࡊࡋࡄࡅࡍ ࡔࡉࡊࡀࡍࡕࡀ ࡌࡍ ࡒࡀࡔࡉࡔࡀࡎࡉࡀ ࡖ ࡌ. |
| 571 |
ࡍ ࡓࡉࡄࡀࡉࡍࡀ ࡅࡊࡋࡄࡅࡍ ࡅࡀࡍࡓࡂࡉࡎ ࡖࡒࡀࡔࡉࡔ ࡁࡓࡉࡊ ࡌࡀࡓࡂࡀࡍ ࡖࡁࡏࡃࡀࡊ ࡋࡂࡉࡈࡉࡕ ࡁࡓࡉࡊ ࡅࡊࡓࡎࡉࡀࡊ ࡖࡏࡒࡀࡓࡀ ࡖࡉࡀࡕࡁࡉࡕ ࡏࡋࡇ ࡖࡌࡍ ࡌࡀࡓࡂࡀࡍ ࡖࡌࡀࡀࡍ ࡏࡕࡉࡍࡉࡑࡁ ࡌࡀࡃࡍࡀ ࡖࡄࡉࡉࡀ ࡏࡉࡍࡀࡀࡍ ࡓࡌࡀࡋࡇ ࡗ ࡄࡀࡆࡉࡍ ࡀࡌࡀࡓ ࡏࡕࡉࡍࡉࡑࡁ ࡆࡉࡅࡀ ࡅࡀࡌࡀࡓࡋࡇ ࡄࡀࡉࡆࡉࡍ ࡓࡀࡁࡅࡕࡀ ࡏࡄࡀࡁࡋࡀࡊ ࡁࡓࡉࡊ ࡀࡍࡁࡑࡀ ࡖࡉࡍࡁࡑࡀࡊ ࡀࡅࡊࡀࡕ ࡌࡀࡀࡍ ࡉࡀࡒࡓࡀ ࡅࡔࡀࡅࡉࡀࡊ ࡓࡁࡀ ࡓࡄࡉࡌ. |
| 572 |
ࡀ ࡖࡌࡍ ࡅࡊࡋࡄࡅࡍ ࡏࡅࡕࡓࡉࡀ ࡅࡔࡀࡅࡉࡀࡊ ࡅࡊࡔࡈࡀ ࡀࡋࡌࡀ ࡋࡎࡄࡀࡒ ࡆࡉࡅࡀ ࡌࡈࡀ ࡌࡀࡎࡂࡉࡀ ࡅࡀࡕࡉࡀ ࡌࡀࡃࡍࡀ ࡖࡄࡉࡉࡀ ࡏࡍࡀࡐࡑ ࡌࡍ ࡅࡊࡓࡎࡉࡉࡇ ࡒࡀࡌ ࡎࡄࡀࡒ ࡆࡉࡅࡀ ࡖࡄࡉࡆࡉࡇ ࡋࡆࡉࡅࡇ ࡅࡀࡌࡀࡓࡋࡇ ࡅࡏࡉࡍࡀࡀࡍ ࡋࡌࡀࡃࡍࡀ ࡖࡄࡉࡉࡀ ࡓࡌࡀࡋࡇ ࡅࡌࡊࡀ ࡀࡍࡄࡅࡓ ࡅࡕࡀࡒࡅࡍ ࡆࡉࡅࡀࡊ ࡃࡉࡋࡀࡊ ࡌࡊࡀ ࡁࡉࡀࡍ ࡁࡉࡕࡍࡀࡊ ࡆࡉࡅࡀࡊ ࡃࡉࡋࡀࡊ ࡔࡀࡓࡉࡀ ࡅࡌࡀࡄࡍࡀࡓ ࡏࡅࡕࡓࡉࡀ ࡌࡊࡀ ࡖࡀࡍࡄࡅࡓ ࡕ. |
| 573 |
ࡀࡂࡀ ࡖࡁࡓࡉࡔࡀࡊ ࡅࡏࡋ ࡔࡉࡊࡀࡍࡕࡀ ࡅࡊࡋࡄࡅࡍ ࡀࡍࡄࡅࡓ ࡆࡉࡅࡀࡊ ࡋࡏࡅࡕࡓࡉࡀ ࡌࡀࡋࡉࡋ ࡌࡀࡃࡍࡀ ࡖࡄࡉࡉࡀ ࡗ ࡄࡀࡉࡆࡉࡍ ࡀࡌࡀࡓ ࡎࡄࡀࡒ ࡆࡉࡅࡀ ࡅࡏࡉࡍࡀࡀࡍ ࡓࡌࡀࡋࡇ ࡅࡀࡌࡀࡓࡋࡇ ࡅࡄࡍࡅࡓࡀࡊ ࡖࡉࡀࡒࡉࡃ ࡁࡀࡋࡌࡀ ࡁࡓࡉࡊ ࡆࡉࡅࡀࡊ ࡎࡀࡂࡉࡀ ࡖࡋࡅࡐࡌࡀࡊ ࡔࡀࡓࡉࡀ ࡁࡓࡉࡀࡊ ࡕࡅࡔࡁࡉࡄࡕࡀࡊ ࡖࡌࡉࡇࡍ ࡏࡈࡑࡀࡓࡀࡓࡕ ࡁࡓࡉࡀࡊ ࡀࡀࡍࡀࡍ ࡓࡀࡁࡕࡉࡀ ࡖࡌࡀࡋࡀࡊ ࡏࡄࡀࡁࡋࡀࡊ ࡁࡓࡉࡊ ࡕࡀࡂࡀ ࡖࡁࡓࡉࡔࡀ. |
| 574 |
ࡊ ࡌࡈࡀ ࡀࡋࡌࡀ ࡋࡉࡍࡈࡅࡕࡐࡀ ࡌࡀࡎࡂࡉࡀ ࡅࡀࡕࡉࡀ ࡌࡀࡃࡍࡀ ࡖࡄࡉࡉࡀ ࡌࡍ ࡅࡊࡓࡎࡉࡇ ࡒࡀࡌࡀࡕ ࡉࡍࡈࡅࡕࡐࡀ ࡖࡄࡆࡀࡕࡇ ࡋࡆࡉࡅࡇ ࡅࡏࡉࡍࡀࡀࡍ ࡋࡌࡀࡃࡍࡀ ࡖࡄࡉࡉࡀ ࡓࡀࡌࡉࡀ ࡅࡌࡀࡓࡂࡀࡍ ࡁࡏࡃࡇ ࡋࡂࡉࡈࡀ ࡅࡀࡌࡓࡀࡋࡇ ࡅࡄࡍࡅࡓࡀ ࡖࡉࡀࡒࡉࡃ ࡁࡀࡋࡌࡀ ࡀࡕࡀ ࡀࡕࡀ ࡆࡉࡅࡀ ࡀࡊࡎࡉࡀ ࡖࡀࡉࡀࡍࡉࡅࡍ ࡋࡃࡉࡋࡀࡊ ࡎࡀࡉࡊࡀࡍ ࡀࡕࡀ ࡅࡀࡄࡍࡀࡓ ࡀࡁࡀࡄࡀࡕࡀࡊ ࡀࡌࡉࡈࡍࡅࡋ ࡖࡀࡍࡅࡓࡀ ࡓࡁࡀ ࡀࡀࡍࡕ ࡏࡅ. |
| 575 |
ࡕࡓࡀ ࡀࡄࡍࡀࡓ ࡄࡉࡋࡁࡅࡅࡍࡍ ࡖࡀࡁࡀࡄࡀࡕࡀࡊ ࡌࡀࡋࡀࡊ ࡔࡀࡉࡀ ࡖࡅࡊࡋࡄࡅࡍ ࡏࡅࡕࡓࡉࡀ ࡌࡀࡃࡍࡀ ࡖࡄࡉࡉࡀ ࡒࡅࡃࡀࡌࡇ ࡁࡊࡉࡔ ࡅࡔࡀࡁࡇ ࡗ ࡄࡀࡉࡆࡉࡍ ࡀࡌࡓࡀࡕ ࡉࡍࡈࡅࡁࡕࡀ ࡅࡏࡉࡍࡀࡀࡍ ࡓࡌࡀࡋࡇ ࡅࡀࡌࡀࡓࡋࡇ ࡏࡅࡕࡓࡉࡀ ࡋࡅࡀࡕࡉࡊ ࡀࡊࡍࡉࡐࡀ ࡔࡀࡓࡀࡕ ࡁࡏࡌࡓࡅࡌ ࡒࡉࡓࡉࡅࡊ ࡅࡉࡍࡈࡅࡕࡐࡀ ࡋࡃࡉࡋࡉࡊ ࡔࡀࡁࡅࡊ ࡏࡅࡕࡓࡉࡀ ࡀࡊࡍࡉࡐࡀ ࡋࡅࡀࡕࡉࡊ ࡉࡍࡅࡑࡁࡕࡀ ࡒࡀࡃࡌࡀࡉࡕࡀ ࡀࡀࡍࡕ ࡀࡌࡉࡈࡍࡅࡋ ࡖࡔࡀࡓࡀ. |
| 576 |
ࡕ ࡀࡀࡍࡕ ࡉࡍࡈࡅࡕࡐࡀ ࡉࡍࡈࡅࡕࡐࡀ ࡌࡈࡀ ࡀࡋࡌࡀ ࡋࡌࡀࡓࡂࡀࡉࡍࡕࡀ ࡌࡀࡎࡂࡉࡀ ࡅࡀࡕࡉࡀ ࡌࡀࡃࡍࡀ ࡖࡄࡉࡉࡀ ࡌࡍ ࡅࡊࡓࡎࡉࡇ ࡒࡀࡌࡀࡕ ࡉࡍࡈࡅࡕࡐࡀ ࡖࡄࡆࡀࡕࡇ ࡋࡆࡉࡅࡇ ࡌࡀࡓࡂࡀࡉࡍࡕࡀ ࡅࡋࡌࡀࡃࡍࡀ ࡖࡄࡉࡉࡀ ࡔࡀࡁࡀࡕ ࡅࡁࡅࡓࡇࡊ ࡉࡊࡁࡔࡀࡕ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡖࡀࡉࡋࡀࡍ ࡉࡍࡔࡌࡀࡕࡀ ࡁࡂࡀࡅࡇ ࡗ ࡋࡀࡁࡑࡀ ࡌࡅࡆࡀࡉࡍࡀ ࡀࡌࡀࡓ ࡉࡍࡔࡌࡀࡕࡀ ࡁࡂ. |
| 577 |
ࡀࡅࡇ ࡀࡁࡓࡀࡍ ࡀࡀࡍ ࡏࡅࡕࡓࡀ ࡖࡈࡀࡁࡉࡀ ࡀࡀࡍ ࡀࡀࡍ ࡋࡀࡅ ࡌࡅࡆࡀࡉࡍࡀ ࡀࡀࡍ ࡀࡀࡍ ࡁࡓ ࡌࡀࡋࡉࡊࡀ ࡀࡀࡍ ࡀࡀࡍ ࡋࡀࡅ ࡌࡅࡆࡀࡉࡍࡀ ࡀࡀࡍ ࡅࡉࡍࡔࡌࡀࡕࡀ ࡖࡌࡈࡀࡍࡀࡐ ࡀࡀࡍ ࡋࡀࡒࡀࡉࡉࡌࡀࡍ ࡁࡄࡀࡋࡉࡍ ࡌࡉࡀ ࡀࡁࡉࡄࡃࡀࡉ ࡋࡀࡄࡀࡋࡀࡐࡍ ࡓࡐࡀ ࡌࡀࡈࡉࡀ ࡂࡀࡁࡓࡀ ࡀࡐࡓࡅࡀࡒࡍࡀ ࡗ ࡄࡀࡉࡆࡉࡍ ࡀࡌࡀࡓ ࡌࡅࡆࡀࡉࡍࡀ ࡀࡌࡀࡓࡋࡇ ࡌࡍ ࡄࡀࡅࡓࡀࡓࡀࡍ ࡖࡓࡁࡉࡀ ࡄࡅࡍ ࡄࡀࡋࡉࡍ ࡌࡉࡀ ࡄࡉࡉࡀ ࡌࡍ ࡉࡊࡇࡐ ࡖࡄ. |
| 578 |
ࡅࡎ ࡅࡍࡀࡑࡁ ࡉࡀࡓࡃࡀࡍ ࡀࡕࡅࡍ ࡄࡀࡋࡉࡍ ࡌࡉࡀ ࡄࡉࡉࡀ ࡌࡍ ࡀࡕࡅࡕࡉࡀ ࡉࡅࡎࡌࡉࡓ ࡂࡅࡐࡀࡍ ࡋࡃࡉࡋࡀࡊ ࡔࡀࡋࡐࡉࡀ ࡄࡀࡋࡉࡍ ࡌࡉࡀ ࡄࡉࡉࡀ ࡌࡍ ࡔࡉࡊࡕࡍࡀ ࡖࡉࡅࡔࡀࡌࡉࡍ ࡓࡁࡀ ࡋࡃࡉࡋࡀࡊ ࡔࡀࡋࡐࡉࡀ ࡄࡀࡋࡉࡍ ࡌࡉࡀ ࡄࡉࡉࡀ ࡋࡅࡀࡕࡀࡊ ࡃࡉࡋࡀࡊ ࡉࡀࡕࡁࡉࡀ ࡔࡀࡋࡐࡉࡀ ࡄࡀࡋࡉࡍ ࡏࡅࡕࡓࡉࡀ ࡋࡃࡉࡋࡀࡊ ࡀࡑࡅࡕࡀ ࡋࡃࡉࡋࡀࡊ ࡄࡀࡋࡉࡍ ࡄࡀࡋࡉࡍ ࡉࡀࡓࡃࡉࡍࡀ ࡀࡑࡅࡕࡀ ࡋࡃࡉࡋࡀࡊ ࡄࡀࡋࡉࡍ ࡉࡐࡓࡉࡀ ࡅࡏࡌ. |
| 579 |
ࡁࡉࡀ ࡅࡏࡋࡀࡉࡍࡀ ࡄࡀࡋࡉࡍ ࡀࡕࡋࡀࡕࡌࡀ ࡅࡔࡉࡕࡉࡍ ࡅࡔࡉࡕࡀ ࡉࡍࡔࡌࡀࡕࡀ ࡀࡕࡉࡍ ࡅࡁࡃࡉࡋࡀࡊ ࡌࡉࡕࡀࡊࡓࡀࡊࡍ ࡀࡑࡅࡕࡀ ࡋࡃࡉࡋࡀࡊ ࡄࡀࡋࡉࡍ ࡖࡄࡉࡅࡍࡍ ࡌࡅࡆࡀࡉࡍࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡀࡁࡀࡕࡅࡓ ࡁࡄࡉࡋࡁࡅࡇࡍ ࡏࡕࡉࡎࡊࡉࡀ ࡗ ࡀࡎࡂࡅࡍ ࡅࡀࡕࡅࡍ ࡏࡋ ࡀࡁࡀࡕࡅࡓ ࡅࡀࡌࡀࡓࡋࡅࡍ ࡀࡀࡍ ࡀࡋࡌࡀ ࡖࡔࡀࡅࡉࡕࡅࡍ ࡖࡌࡅࡆࡀࡉࡍࡀ ࡌࡍ ࡅࡊࡋࡄࡅࡍ ࡏࡅࡕ. |
| 580 |
ࡓࡉࡀ ࡅࡀࡋࡌࡀࡉ ࡄࡀࡓࡁࡉࡀ ࡅࡌࡉࡄࡀࡋࡉࡀ ࡅࡌࡍ ࡔࡉࡊࡕࡍࡀࡉ ࡌࡀࡒࡐࡉࡕࡅࡋࡉࡀ ࡖࡅࡊࡔࡈࡀ ࡋࡃࡀࡓࡃࡀࡓࡉࡀ ࡋࡀࡌࡉࡕࡄࡉࡁࡋࡉࡀ ࡅࡌࡉࡔࡕࡉࡒࡋࡉࡀ ࡌࡉࡀࡍࡉ ࡀࡓࡎࡀࡉ ࡄࡉࡁࡉࡋ ࡆࡉࡅࡀ ࡀࡎࡂࡉࡀ ࡅࡀࡆࡀࡋ ࡋࡀࡁࡀࡄࡀࡕࡇ ࡗ ࡄࡀࡆࡉࡍ ࡀࡌࡀࡓ ࡀࡁࡀࡕࡅࡓ ࡅࡀࡌࡀࡓࡋࡅࡍ ࡅࡌࡍ ࡄࡉࡋࡁࡅࡇࡍ ࡓࡀࡈࡉࡍ ࡁࡄࡉࡋࡁࡅࡇࡍ ࡏࡕࡉࡎࡊࡉࡀ ࡄࡀࡉࡆࡉࡍ ࡀࡁࡀࡕࡅࡓ ࡅࡀࡌࡀࡓࡋࡉࡀ ࡅࡃࡌࡅࡆࡀࡉࡍࡀ ࡋࡀࡌࡉࡕࡉࡒࡓࡉࡀࡍ ࡀࡀࡍ ࡋ. |
| 581 |
ࡀࡆࡉࡋࡀࡍ ࡅࡋࡌࡅࡆࡀࡉࡍࡀ ࡋࡀࡋࡀࡂࡉࡈࡀࡍ ࡌࡀࡋࡀࡊ ࡁࡓࡅࡂࡆࡀ ࡏࡕࡉࡌࡋࡉࡀ ࡗ ࡄࡀࡆࡉࡍ ࡀࡌࡀࡓ ࡄࡉࡁࡉࡋ ࡆࡉࡅࡀ ࡕࡓࡉࡍ ࡆࡉࡁࡉࡍࡀ ࡓࡌࡀ ࡒࡀࡋࡀ ࡅࡒࡀࡋࡀ ࡁࡀࡋࡌࡀ ࡔࡃࡀ ࡀࡋࡌࡀ ࡋࡕࡋࡀࡕࡀ ࡆࡉࡁࡉࡍࡀ ࡅࡔࡉࡊࡀࡍࡕࡀ ࡎࡀࡃࡀ ࡀࡍࡈࡓࡀࡍ ࡎࡀࡌ ࡆࡅࡈࡀ ࡀࡉࡍࡉࡇ ࡅࡀࡌࡀࡓࡋࡇ ࡅࡄࡀࡅࡉࡀࡍ ࡂࡀࡁࡓࡀ ࡖࡌࡅࡆࡀࡉࡍࡀ ࡀࡀࡍ ࡔࡀࡉࡐࡋࡀࡍ ࡋࡎࡅࡀࡐࡕ ࡅࡓࡉࡔࡀ ࡖࡃࡀࡓࡀ ࡌࡉࡕࡉࡒࡓࡉࡀࡍ ࡀࡌࡀࡓࡋࡇ ࡉࡀ ࡂࡀ. |
| 582 |
ࡁࡓࡀ ࡎࡀࡋࡊࡀ ࡉࡀ ࡎࡀࡋࡊࡀ ࡕࡌࡉࡌࡀ ࡅࡕࡒࡉࡀࡍ ࡅࡔࡊࡉࡓࡀ ࡋࡀࡌࡉࡕࡉࡒࡓࡉࡕ ࡀࡀࡍࡕ ࡋࡀࡄࡀࡅࡉࡕ ࡖࡌࡅࡆࡀࡉࡍࡀ ࡖࡄࡅ ࡏࡅࡕࡓࡀ ࡉࡍࡄࡀ ࡒࡓࡅࡋࡇ ࡋࡀࡁࡀࡕࡅࡓ ࡅࡆࡀࡉࡊࡀ ࡄࡍࡅࡓࡀ ࡅࡓࡀࡄࡌࡉࡀ ࡔࡅࡌࡇ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡅࡁࡔࡅࡌࡇ ࡖࡅࡊࡔࡕࡀ ࡉࡀࡒࡓࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡀࡁࡀࡕࡅࡓ ࡌࡍ ࡅࡊࡓࡎࡉࡉࡇ ࡒࡀࡌ ࡗ ࡀࡎࡂࡉࡀ ࡏࡋࡇ ࡖࡀࡁࡀࡕࡅࡓ ࡅࡌࡍ ࡌࡀࡋࡀࡊ ࡏࡋࡉࡀ. |
| 583 |
ࡌࡉࡎࡕࡌࡀࡓ ࡖࡌࡀࡋࡀࡊ ࡀࡐࡒࡉࡃ ࡏࡋࡇ ࡌࡍ ࡆࡉࡅࡀ ࡖࡅࡊࡋࡄࡅࡍ ࡀࡋࡌࡉࡀ ࡏࡋࡉࡀ ࡌࡉࡎࡕࡌࡀࡓ ࡅࡏࡅࡕࡓࡉࡀ ࡋࡉࡀࡌࡉࡇࡍ ࡅࡋࡎࡌࡀࡋࡇ ࡀࡕࡅࡍ ࡌࡀࡎࡂࡉࡀ ࡅࡀࡕࡉࡀ ࡀࡁࡀࡕࡅࡓ ࡅࡋࡅࡀࡕࡇ ࡖࡌࡀࡋࡀࡊ ࡒࡓࡉࡁࡉࡅࡍ ࡅࡏࡕࡉࡁࡉࡅࡍ ࡅࡋࡌࡀࡀࡍ ࡃࡀࡉࡊࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡀࡁࡀࡕࡅࡓ ࡀࡋࡌࡀ ࡖࡔࡀࡃࡀࡓࡕࡅࡍ ࡏࡋࡀࡉ ࡌࡍ ࡄࡀࡋࡉࡍ ࡏࡅࡕࡓࡉࡀ ࡖࡍࡉࡐࡔࡉࡀ ࡀࡀࡍ ࡅࡄࡀࡉࡆࡀࡊ ࡀࡌࡀࡓࡋࡇ ࡌࡀࡀࡍ ࡋࡀࡁࡀࡕࡅ. |
| 584 |
ࡓ ࡗ ࡃࡉࡋࡀࡊ ࡁࡄࡀࡋࡉࡍ ࡀࡋࡌࡉࡀ ࡖࡄࡍࡅࡓࡀ ࡌࡍ ࡅࡊࡋࡄࡉࡍ ࡔࡉࡊࡀࡍࡕࡀ ࡅࡏࡅࡕࡓࡉࡀ ࡀࡀࡍࡕ ࡉࡍࡄࡀ ࡅࡀࡀࡍࡕ ࡏࡅࡕࡓࡀ ࡔࡊࡉࡓࡀ ࡉࡍࡄࡀ ࡗ ࡃࡉࡋࡀࡊ ࡋࡉࡀࡊ ࡅࡉࡍࡔࡌࡀࡕࡀ ࡎࡀࡌࡉࡊࡕ ࡅࡀࡀࡍࡕ ࡓࡀࡁ ࡋࡉࡁࡀࡊ ࡅࡄࡀࡅࡉࡕ ࡃࡀࡉࡀࡀࡍ ࡏࡋ ࡉࡍࡔࡌࡀࡕࡀ ࡄࡀࡉࡎࡉࡕ ࡅࡄࡀࡉࡆࡀࡊ ࡀࡌࡀࡓࡋࡇ ࡀࡁࡀࡕࡅࡓ ࡋࡌࡀࡀࡍ ࡅࡀࡀࡍ ࡖࡌࡅࡆࡀࡉࡍࡀ ࡏࡄࡅࡉࡀ ࡀࡌࡀࡓࡋࡇ ࡋࡄࡉࡁࡉࡋ ࡆࡉࡅࡀ ࡉࡍࡄࡅࡉࡀ ࡃࡀࡉࡀࡀ. |
| 585 |
ࡍ ࡄࡉࡁࡉࡋ ࡆࡉࡅࡀ ࡉࡀࡅࡀࡓ ࡋࡀࡁࡀࡕࡅࡓ ࡅࡄࡀࡉࡆࡀࡊ ࡀࡌࡀࡓࡋࡇ ࡌࡀࡅࡍ ࡔࡉࡊࡀࡍࡕࡀ ࡉࡍࡕࡀࡒࡉࡍ ࡗ ࡀࡀࡍ ࡄࡀࡅࡉࡀࡍ ࡃࡀࡉࡀࡀࡍ ࡌࡀࡍ ࡌࡀࡋࡀࡊ ࡉࡍࡄࡅࡉࡀ ࡁࡄࡀࡋࡉࡍ ࡀࡋࡌࡉࡀ ࡗ ࡄࡀࡅࡉࡀࡍ ࡃࡀࡉࡀࡀࡍ ࡅࡄࡀࡉࡆࡀࡊ ࡀࡌࡀࡓࡋࡇ ࡀࡁࡀࡕࡅࡓ ࡅࡀࡀࡍ ࡔࡉࡊࡀࡍࡕࡀ ࡏࡕࡀࡒࡉࡍ ࡀࡀࡍ ࡄࡀࡅࡉࡀࡍ ࡌࡀࡋࡀࡊ ࡄࡉࡁࡉࡋ ࡉࡀࡅࡀࡓ ࡁࡂࡅࡓࡌࡀࡉࡆࡉࡇ ࡏࡕࡉࡌࡋࡉࡀ ࡗ ࡄࡀࡆࡉࡍ ࡀࡌࡀࡓ ࡀࡁࡀࡕࡅࡓ ࡄࡀࡌࡔࡉࡍ ࡅ. |
| 586 |
ࡄࡀࡌࡉࡔ ࡔࡉࡍࡀ ࡅࡀࡕࡀ ࡖࡌࡅࡆࡀࡉࡍࡀ ࡅࡏࡅࡕࡓࡉࡀ ࡅࡔࡉࡊࡀࡍࡕࡀ ࡀࡎࡉࡒ ࡂࡀࡁࡓࡀ ࡖࡌࡅࡆࡀࡉࡍࡀ ࡄࡅࡀ ࡄࡉࡉࡀ ࡓࡁࡉࡀ ࡒࡀࡁࡋࡅࡉࡀ ࡋࡈࡀࡁࡕࡀ ࡗ ࡄࡀࡆࡉࡍ ࡀࡌࡀࡓ ࡄࡉࡁࡉࡋ ࡆࡉࡅࡀ ࡅࡀࡕࡅࡍ ࡀࡔࡋࡐࡅࡉࡀ ࡌࡍ ࡅࡊࡓࡎࡉࡇ ࡅࡋࡀࡁࡀࡕࡅࡓ ࡁࡓࡅࡂࡆࡀ ࡏࡕࡉࡌࡋࡅࡍ ࡀࡌࡀࡓࡋࡇ ࡅࡋࡁࡀࡁࡀ ࡖࡎࡅࡀࡐࡕ ࡀࡅࡕࡁࡅࡉࡀ ࡀࡋࡌࡀ ࡖࡓࡁࡉࡀ ࡀࡑࡁࡉࡍ ࡏࡋࡀࡊ ࡏࡆࡉࡋ ࡏࡄࡅࡉࡀ ࡃࡀࡉࡀࡀࡍ ࡅࡄࡀࡉࡆࡀࡊ ࡀࡌࡀࡓࡋࡇ ࡄࡉ. |
| 587 |
ࡁࡉࡋ ࡆࡉࡅࡀ ࡋࡄࡀࡁࡔࡀࡁࡀ ࡅࡀࡀࡍ ࡖࡌࡅࡆࡀࡉࡍࡀ ࡏࡄࡅࡉࡀ ࡀࡕࡀ ࡀࡀࡍࡕ ࡏࡕࡉࡁ ࡁࡌࡀࡎࡊࡉࡀ ࡅࡉࡍࡒࡓࡉࡀ ࡋࡔࡉࡊࡀࡍࡕࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡅࡁࡔࡅࡌࡇ ࡖࡅࡊࡔࡈࡀ ࡉࡀࡒࡓࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡖࡀࡁࡀࡄࡀࡕࡀࡉ ࡏࡉࡍࡔࡉࡅࡍ ࡉࡍࡔࡓࡀ ࡀࡀࡍ ࡄࡉࡅࡀࡓࡀ ࡏࡉࡍࡔࡉࡅࡍ ࡀࡁࡀࡄࡀࡕࡀࡉ ࡖࡀࡁࡀࡄࡀࡕࡇ ࡎࡉࡉࡍࡅࡉࡀ ࡅࡀࡉ ࡅࡀࡉ ࡏࡋ ࡏࡅࡕ. |
| 588 |
ࡓࡀ ࡖࡓࡉࡈࡀࡍ ࡖࡀࡁࡀࡄࡀࡕࡇ ࡔࡀࡌࡀ ࡄࡀࡉࡆࡉࡍ ࡄࡀࡉࡆࡀࡊ ࡕࡉࡃࡉࡓࡇ ࡋࡅࡊࡋ ࡏࡅࡕࡓࡀ ࡌࡀࡔࡉࡐࡋࡉࡋࡇ ࡅࡔࡀࡃࡉࡋࡇ ࡋࡕࡉࡓࡉࡀ ࡄࡔࡅࡊ ࡖࡔࡀࡌࡀ ࡓࡉࡈࡀࡍࡉࡄࡅࡍ ࡖࡀࡁࡀࡄࡀࡕࡇ ࡀࡀࡍ ࡄࡉࡁࡉࡋ ࡆࡉࡅࡀ ࡉࡍࡋࡐࡉࡕ ࡅࡌࡉࡒࡌࡀ ࡋࡉࡕࡋࡉࡀ ࡔࡉࡌࡉࡕ ࡓࡉࡈࡀࡍࡉࡄࡅࡍ ࡖࡀࡁࡀࡄࡀࡕࡀࡉ ࡅࡀࡀࡍ ࡓࡉࡄࡈࡉࡕ ࡅࡋࡀࡂࡀࡉࡃࡉࡕ ࡀࡀࡍ ࡁࡉࡕ ࡅࡋࡀࡔࡉࡊࡕ ࡄࡀࡉࡆࡉࡍ ࡆࡉࡅࡀࡉ ࡎࡀࡂࡉࡀ ࡀࡀࡍ ࡎࡍࡀࡁࡕࡇ ࡌࡅࡌࡀ ࡋࡀࡍ. |
| 589 |
ࡔࡐࡀࡉ ࡀࡀࡍ ࡁࡉࡄࡔࡅࡀࡊ ࡀࡅࡕࡉࡁࡕࡇ ࡅࡏࡅࡕࡓࡉࡀ ࡋࡅࡀࡕࡀࡉ ࡋࡀࡒࡀࡓࡁࡉࡀ ࡀࡀࡍ ࡏࡔࡕࡀࡈࡉࡕ ࡌࡍ ࡏࡅࡕࡓࡉࡀ ࡅࡁࡌࡀࡉࡍࡀ ࡖࡄࡔࡅࡀࡊ ࡔࡉࡁࡊࡉࡕ ࡀࡀࡍ ࡂࡉࡍࡀࡍ ࡋࡀࡓࡎࡀ ࡖࡄࡔࡅࡀࡊ ࡏࡅࡕࡓࡀ ࡖࡋࡄࡔࡅࡀࡊ ࡔࡀࡉࡐࡋ ࡄࡀࡉࡆࡉࡍ ࡄࡀࡉࡆࡉࡍ ࡕࡉࡃࡉࡓࡇ ࡋࡅࡊࡋ ࡂࡀࡁࡓࡀ ࡆࡀࡄࡓࡏࡉࡋ ࡁࡓࡉࡔࡀࡉ ࡀࡕࡀࡍࡋࡉࡀ ࡄࡀࡉࡆࡉࡍ ࡕࡀࡂࡀࡉ ࡖࡁࡓࡉࡔࡀࡉ ࡖࡀࡁࡀࡄࡀࡕࡀࡉ ࡏࡄࡀࡁࡋࡉࡀ ࡀࡆࡀࡋ ࡏࡌࡓࡀ ࡅࡔࡉࡌ. |
| 590 |
ࡀ ࡂࡀࡁࡍࡀࡉࡄࡅࡍ ࡖࡔࡅࡓࡉࡀ ࡉࡀࡕࡁࡉࡕ ࡀࡀࡍ ࡄࡉࡁࡉࡋ ࡆࡉࡅࡀ ࡌࡍ ࡄࡔࡅࡀࡊ ࡅࡃࡀࡋࡉࡕ ࡁࡒࡀࡋࡀࡉ ࡔࡀࡉࡍࡀ ࡆࡅࡈࡀ ࡁࡕࡉࡁࡉࡋ ࡌࡀࡍ ࡔࡀࡅࡉࡀࡍ ࡏࡌࡓࡉࡕ ࡖࡏࡄࡅࡉࡀ ࡓࡁࡀ ࡅࡏࡎࡉࡌࡇࡊ ࡋࡔࡀࡀࡐࡋࡀ ࡅࡃࡀࡀࡍ ࡏࡌࡓࡉࡕ ࡖࡏࡄࡅࡉࡀ ࡉࡍࡄࡀ ࡌࡊࡀ ࡔࡀࡀࡍࡉ ࡀࡊࡆࡍࡀࡋࡀ ࡖࡏࡄࡀࡁࡋࡉࡀ ࡏࡌࡓࡉࡕ ࡖࡔࡅࡌࡀ ࡓࡉࡈࡀࡍࡉࡄࡅࡍ ࡖࡓࡁࡉࡀ ࡅࡃࡉࡓࡀࡊ ࡖࡔࡀࡋࡌࡀࡉࡍࡀ ࡖࡓࡁࡀ ࡅࡆࡅࡈࡀ ࡀࡁࡀࡓ ࡏࡋࡇ ࡏࡌࡓࡉࡕ. |
| 591 |
ࡖࡏࡄࡅࡉࡀ ࡀࡀࡊ ࡅࡌࡉࡊࡀࡊ ࡋࡀࡕࡀࡓ ࡄࡔࡅࡊ ࡌࡀࡍ ࡔࡀࡅࡉࡀࡍ ࡏࡌࡓࡉࡕ ࡖࡏࡄࡅࡉࡀ ࡌࡀࡋࡀࡊ ࡅࡏࡋ ࡌࡉࡔࡉࡁࡒࡇ ࡋࡏࡅࡓ ࡏࡋࡀࡅࡀࡉࡄࡅࡍ ࡀࡊࡓࡉࡀࡋࡉࡀ ࡏࡋ ࡀࡁࡀࡄࡀࡕࡀࡉ ࡌࡉࡔࡉࡁࡒࡇ ࡋࡄࡔࡅࡀࡊ ࡏࡋࡀࡅࡀࡉࡄࡅࡍ ࡏࡋ ࡀࡊࡓࡉࡀࡋࡉࡀ ࡋࡀࡄࡀࡉ ࡅࡋࡀࡄࡅࡀࡕࡀࡉ ࡋࡌࡉࡔࡉࡁࡒࡇ ࡁࡕࡉࡓࡉࡀ ࡄࡔࡅࡊ ࡀࡊࡓࡉࡀࡋࡉࡀ ࡋࡍࡅࡑࡁࡕࡀ ࡖࡉࡍࡁࡑࡉࡕ ࡖࡉࡍࡄࡀ ࡉࡍࡄࡅࡉࡀ ࡄࡀࡉࡆࡉࡍ ࡄࡀࡉࡆࡉࡍ ࡕࡉࡃࡉࡓࡇ ࡋࡅࡊࡋ ࡂࡀࡁ. |
| 592 |
ࡓࡀ ࡆࡀࡅࡀ ࡅࡄࡉࡋࡁࡅࡉࡍࡀ ࡋࡀࡏࡄࡀࡁࡋࡇ ࡏࡅࡕࡓࡀ ࡖࡌࡉࡕࡉࡒࡓࡉࡀ ࡉࡍࡄࡀ ࡅࡋࡀࡏࡄࡀࡁࡋࡇ ࡉࡍࡅࡑࡁࡕࡀ ࡋࡌࡉࡍࡀࡑࡁ ࡋࡀࡏࡄࡀࡁࡋࡇ ࡆࡀࡅࡀ ࡅࡄࡉࡋࡁࡅࡇࡍ ࡔࡀࡀࡍࡉ ࡀࡊࡆࡍࡀࡋࡀ ࡖࡏࡄࡀࡁࡋࡇ ࡋࡀࡅࡕࡁࡅࡉࡀ ࡏࡅࡕࡓࡀ ࡖࡌࡉࡕࡉࡒࡓࡉࡀ ࡉࡍࡄࡀ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡀࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡌࡔࡀࡁࡀࡋࡇ ࡋࡂ. |
| 593 |
ࡀࡁࡓࡀ ࡀࡍࡁࡑࡇ ࡌࡀࡋࡉࡋ ࡀࡅࡍࡔ ࡏࡅࡕࡓࡀ ࡅࡀࡌࡀࡓ ࡖࡁࡄࡔࡅࡀࡊ ࡓࡌࡉࡍ ࡌࡊࡀ ࡀࡊࡓࡉࡀࡋࡉࡀ ࡏࡋ ࡕࡀࡓࡌࡉࡃࡀࡉ ࡖࡁࡈࡅࡍࡉࡐࡀ ࡓࡁࡀ ࡓࡌࡉࡍ ࡌࡊࡀ ࡀࡊࡓࡉࡀࡋࡉࡀ ࡋࡁࡉࡍࡀ ࡖࡕࡀࡓࡌࡉࡃࡀࡉ ࡖࡏࡋࡀࡅࡀࡉࡄࡅࡍ ࡕࡀࡓࡌࡉࡃࡀࡉࡌࡊࡀ ࡀࡊࡓࡉࡀࡋࡉࡀ ࡋࡁࡉࡍࡀ ࡖ ࡔࡓࡀࡕ ࡓࡅࡄࡀ ࡈࡅࡍࡉࡐࡀ ࡅࡓࡀࡌࡉࡀࡋࡅࡍ ࡅࡋࡄࡉࡉࡀ ࡀࡁࡀࡄࡀࡕࡇ ࡖࡉࡍࡌࡀࡓࡋࡅࡍ ࡌࡀࡋࡉࡋ ࡀࡅࡍࡔ ࡏࡅࡕࡓࡀ ࡉࡊࡋࡀࡉࡄࡅࡍ ࡖࡕࡀࡓࡌࡉࡃࡀࡉ ࡉࡍ. |
| 594 |
ࡔࡋࡅࡌ ࡏࡅ ࡄࡉࡉࡍࡀࡋࡅࡊࡍ ࡄࡉࡉࡀ ࡀࡁࡀࡄࡀࡕࡀࡉ ࡅࡉࡍࡎࡒࡅࡍ ࡕࡀࡓࡌࡉࡃࡀࡉ ࡋࡀࡕࡀࡓ ࡄࡍࡅࡓ ࡅࡋࡀࡅࡍࡔ ࡏࡅࡕࡓࡀ ࡖࡉࡍࡌࡀࡓࡋࡇ ࡌࡀࡋࡉࡋ ࡄࡉࡉࡀ ࡀࡁࡀࡄࡀࡕࡇ ࡖࡁࡀࡉࡉࡉࡍࡍ ࡖࡀࡊࡀࡍ ࡖࡉࡍࡔࡌࡀࡕࡀ ࡉࡍࡕࡀࡍࡀࡐࡔ ࡄࡀࡉࡆࡉࡍ ࡉࡍࡎࡒࡅࡍ ࡋࡕࡀࡓࡌࡉࡃࡉࡀ ࡅࡋࡄࡉࡉࡀ ࡀࡁࡀࡄࡀࡕࡇ ࡖࡉࡍࡌࡀࡓࡋࡅࡍ ࡌࡀࡋࡉࡋ ࡅࡃࡓࡀࡔ ࡀࡅࡍࡔ ࡏࡅࡕࡓࡀ ࡖࡉࡍࡔࡌࡀࡕࡀ ࡖࡁࡃࡅࡓࡃࡉࡀ ࡓࡌࡉࡍ ࡄࡀࡉࡆࡉࡍ ࡉࡍࡕࡀࡍࡀࡐࡔ ࡀࡊࡀࡍ. |
| 595 |
ࡖࡋࡔࡅࡌࡀ ࡖࡉࡀࡅࡀࡓ ࡌࡉࡕࡓࡀࡃࡉࡐࡀ ࡌࡊࡀ ࡀࡊࡓࡉࡀࡋࡉࡀ ࡏࡋ ࡁࡉࡍࡀ ࡖࡕࡀࡓࡌࡉࡃࡀࡉ ࡖࡋࡔࡅࡌࡀ ࡖࡄࡉࡉࡀ ࡌࡉࡕࡂࡉࡈࡋࡉࡀ ࡌࡊࡀ ࡀࡊࡓࡉࡀࡋࡉࡀ ࡋࡁࡉࡍࡀ ࡖࡕࡀࡓࡌࡉࡃࡀࡉ ࡖࡏࡋ ࡔࡅࡌࡀ ࡖࡄࡉࡉࡀ ࡌࡉࡕࡓࡀࡃࡉࡐࡀ ࡌࡊࡀ ࡀࡊࡓࡉࡀࡋࡉࡀ ࡋࡁࡉࡍࡀ ࡖࡕࡀࡓࡌࡉࡃࡀࡉ ࡅࡏࡋ ࡄࡉࡉࡀ ࡀࡁࡀࡄࡀࡕࡇ ࡖࡉࡍࡌࡀࡓࡋࡅࡍ ࡀࡅࡍࡔ ࡏࡅࡕࡓࡀ ࡌࡀࡋࡉࡋ ࡅࡃࡓࡀࡔ ࡗ ࡉࡊࡋࡀ ࡖࡁࡀࡉࡕࡀ ࡉࡍࡔࡋࡅࡌ ࡏࡅ ࡄࡉࡉࡍࡀࡋࡅࡊࡍ. |
| 596 |
ࡄࡉࡉࡀ ࡀࡁࡀࡄࡀࡕࡀࡉ ࡉࡍࡁࡀࡈࡋࡇ ࡏࡋ ࡁࡀࡉࡕࡀ ࡀࡍࡋࡐࡀ ࡉࡍࡔࡋࡅࡌ ࡉࡊࡋࡀ ࡖࡁࡀࡉࡕࡀ ࡅࡋࡀࡅࡍࡔ ࡏࡅࡕࡓࡀ ࡖࡉࡍࡌࡀࡓࡅࡋࡇ ࡌࡀࡋࡉࡋ ࡄࡉࡉࡀ ࡀࡁࡀࡄࡀࡕࡇ ࡖࡗ ࡀࡀࡊࡃࡍࡉࡕ ࡉࡊࡋࡀ ࡖࡁࡀࡉࡕࡀ ࡋࡀࡔࡋࡉࡌ ࡄࡀࡉࡆࡉࡍ ࡉࡍࡁࡀࡈࡋࡇ ࡋࡉࡊࡋࡀ ࡖࡁࡀࡉࡕࡀ ࡅࡕࡀࡓࡌࡉࡃࡉࡀ ࡋࡄࡍࡅࡓࡀ ࡎࡀࡋࡒࡉࡀ ࡋࡀࡔࡋࡉࡌ ࡉࡊࡋࡀ ࡖࡁࡀࡉࡕࡀ ࡅࡋࡄࡉࡉࡀ ࡀࡁࡀࡄࡀࡕࡇ ࡖࡉࡍࡌࡀࡓࡋࡅࡍ ࡌࡀࡋࡉࡋ ࡀࡅࡍࡔ ࡏࡅࡕࡓࡀ ࡅࡌࡀࡃࡍࡀࡉ. |
| 597 |
ࡉࡀ ࡋࡄࡍࡅࡓࡀ ࡄࡀࡉࡆࡉࡍ ࡎࡀࡋࡒࡉࡀ ࡕࡀࡓࡌࡉࡃࡉࡀ ࡖࡁࡀࡁࡉࡀ ࡖࡕࡓࡉࡎࡀࡓ ࡀࡋࡊࡉࡀ ࡖࡗ ࡌࡍ ࡏࡉࡊࡋࡕࡀ ࡅࡈࡅࡅࡍࡉࡐࡀ ࡓࡁࡀ ࡓࡌࡀࡕ ࡓࡅࡄࡀ ࡏࡋࡀࡅࡀࡉࡄࡅࡍ ࡅࡌࡍ ࡌࡉࡔࡉࡕࡉࡀࡉࡅࡍ ࡔࡀࡕࡉࡍ ࡖࡄࡀࡃ ࡌࡉࡀࡍࡉࡄࡅࡍ ࡋࡄࡍࡅࡓࡀ ࡋࡀࡎࡀࡋࡉࡒ ࡂࡀࡅࡓࡀ ࡅࡉࡐࡓࡀࡑ ࡅࡆࡀࡉࡍࡅࡕࡀ ࡅࡋࡀࡅࡍࡔ ࡏࡅࡕࡓࡀ ࡖࡉࡍࡌࡀࡓࡅࡋࡇ ࡌࡀࡋࡉࡋ ࡄࡉࡉࡀ ࡓࡁࡉࡀ ࡅࡉࡍࡄࡅࡕࡀ ࡖࡈࡀࡁࡉࡀ ࡕࡉࡔࡓࡉࡀ ࡏࡋࡀࡊ ࡏࡅࡕࡓࡀ ࡄࡍࡀ. |
| 598 |
ࡄࡍࡀ ࡀࡅࡍࡔ ࡌࡍ ࡁࡉࡕࡄࡉࡉࡀ ࡋࡀࡌࡉࡎࡐࡉࡒ ࡀࡌࡉࡈࡍࡅࡋ ࡖࡄࡅࡀ ࡔࡅࡌࡀࡉࡄࡅࡍ ࡅࡋࡄࡉࡉࡀ ࡀࡁࡀࡄࡀࡕࡇ ࡖࡉࡍࡌࡀࡓࡋࡅࡍ ࡌࡀࡋࡉࡋ ࡀࡅࡍࡔ ࡏࡅࡕࡓࡀ ࡋࡕࡉࡁࡉࡋ ࡉࡍࡁࡀࡈࡋࡇ ࡏࡅ ࡄࡉࡉࡍࡀࡋࡅࡊࡍ ࡄࡉࡉࡀ ࡀࡁࡀࡄࡀࡕࡀࡉ ࡋࡂࡅࡓࡂࡌࡀ ࡖࡏࡅࡓ ࡔࡀࡋࡐࡉࡀ ࡀࡌࡉࡈࡍࡅࡋ ࡖࡅࡊࡋࡇ ࡀࡊࡀࡍ ࡖࡉࡍࡔࡌࡀࡕࡀ ࡅࡋࡀࡅࡍࡔ ࡏࡅࡕࡓࡀ ࡖࡉࡍࡌࡀࡓࡅࡋࡇ ࡌࡀࡋࡉࡋ ࡄࡉࡉࡀ ࡓࡁࡉࡀ ࡅࡉࡍࡄࡅࡕࡀ ࡖࡈࡀࡁࡉࡀ ࡕࡉࡔࡓࡉࡀ ࡏࡋࡀࡊ. |
| 599 |
ࡃࡉࡋࡀࡊ ࡄࡍࡀ ࡄࡍࡀ ࡀࡅࡍࡔ ࡏࡅࡕࡓࡀ ࡌࡀࡍࡕࡀ ࡋࡃࡉࡋࡀࡍ ࡏࡕࡋࡀࡍ ࡀࡌࡉࡈࡍࡅࡋ ࡖࡁࡃࡅࡓࡃࡉࡀ ࡓࡁࡉࡀ ࡖࡁࡔࡉࡁࡉࡀ ࡖࡓࡅࡄࡀ ࡏࡔࡕࡁࡅࡍ ࡏࡕࡋࡀࡍ ࡀࡍࡅࡑࡓࡀࡉࡉࡀ ࡅࡌࡀࡃࡍࡀࡉࡉࡀ ࡅࡁࡀࡋࡀࡋࡅࡍ ࡏࡅࡓ ࡌࡀࡓࡇ ࡖࡄࡔࡅࡀࡊ ࡏࡔࡕࡁࡅࡍ ࡁࡔࡉࡁࡉࡀ ࡖࡓࡅࡄࡀ ࡅࡔࡀࡁࡀ ࡋࡁࡀࡉࡕࡀ ࡀࡍࡋࡐࡀ ࡀࡌࡉࡈࡍࡅࡋ ࡖࡁࡅࡕࡀ ࡅࡕࡅࡔࡁࡉࡄࡕࡀ ࡁࡅࡍ ࡅࡔࡅࡌࡀࡉࡄࡅࡍ ࡌࡍ ࡁࡉࡕ ࡄࡉࡉࡀ ࡋࡀࡌࡉࡉࡐࡎ ࡌࡍ ࡁࡉࡕ ࡄࡉࡉࡀ ࡋࡀ. |
| 600 |
ࡌࡉࡎࡐࡉࡒ ࡅࡏࡈࡑࡁࡀ ࡅࡓࡅࡔࡅࡌࡀ ࡖࡄࡉࡉࡀ ࡎࡍࡉࡁ ࡀࡌࡉࡈࡍࡅࡋ ࡖࡄࡍࡉࡕ ࡋࡉࡀࡓࡃࡀࡍ ࡏࡋࡀࡅࡀࡉࡄࡅࡍ ࡋࡀࡌࡀࡂࡆࡉࡓࡉࡀ ࡋࡅࡀࡕ ࡀࡁࡀࡄࡀࡕࡅࡍ ࡌࡉࡕࡒࡀࡉࡌࡉࡀ ࡀࡌࡉࡈࡍࡅࡋ ࡖࡓࡀࡄࡌࡉࡀ ࡖࡋࡉࡋࡉࡀ ࡁࡅࡍ ࡅࡋࡀࡅࡀࡐ ࡖࡋࡀࡐ ࡀࡌࡉࡈࡍࡅࡋ ࡖࡏࡋ ࡆࡉࡃࡒࡀ ࡖࡉࡀࡄࡉࡁ ࡅࡓࡉࡃࡀࡐ ࡖࡀࡁࡀࡓ ࡏࡋࡀࡅࡀࡉࡄࡅࡍ ࡄࡀࡆࡉࡋࡇ ࡋࡀࡉࡀࡓ ࡃࡀࡉࡊࡀ ࡉࡀࡄࡉࡁࡋࡅࡍ ࡁࡀࡕࡀࡓ ࡄࡍࡅࡓ ࡌࡀࡔࡍࡉࡋࡇ ࡅࡏࡌࡓࡀ ࡅࡔࡉࡌࡀ ࡁ. |
| 601 |
ࡅࡕࡀ ࡌࡍ ࡄࡉࡉࡀ ࡁࡀࡉࡉࡀ ࡅࡀࡌࡀࡓ ࡅࡄࡀࡉࡆࡀࡊ ࡀࡅࡍࡔ ࡏࡅࡕࡓࡀ ࡀࡁࡀࡄࡀࡕࡀࡉ ࡖࡋࡀࡊࡀࡍ ࡖࡉࡍࡔࡌࡀࡕࡀ ࡁࡓࡀࡄࡌࡉࡀ ࡏࡕࡉࡌࡋࡅࡍ ࡏࡅ ࡄࡉࡉࡍࡀࡋࡅࡊࡍ ࡄࡉࡉࡀ ࡅࡀࡉࡈࡀ ࡅࡓࡉࡃࡀࡐ ࡅࡀࡊࡃࡁࡀ ࡎࡀࡁࡋࡉࡀ ࡀࡌࡉࡈࡍࡅࡋ ࡖࡁࡃࡅࡓࡃࡉࡀ ࡓࡌࡉࡍ ࡅࡔࡅࡌࡀ ࡖࡌࡀࡃࡍࡀ ࡖࡄࡉࡉࡀ ࡅࡔࡅࡌࡀ ࡖࡉࡀࡅࡀࡓ ࡅࡁࡓࡀࡆࡉࡀ ࡖࡔࡉࡁࡉࡀࡄࡉࡀ ࡏࡎࡕࡀࡀࡊࡓ ࡁࡋࡉࡁࡀࡉࡄࡅࡍ ࡅࡁࡅࡐࡌࡀࡉࡄࡅࡍ ࡄࡅࡀ ࡅࡋࡀࡅࡍࡔ ࡏࡅࡕࡓ. |
| 602 |
ࡀ ࡖࡉࡍࡌࡀࡓࡅࡋࡇ ࡌࡀࡋࡉࡋ ࡄࡉࡉࡀ ࡓࡁࡉࡀ ࡅࡉࡍࡄࡅࡕࡀ ࡖࡈࡀࡁࡉࡀ ࡕࡉࡔࡓࡉࡀ ࡏࡋࡀࡊ ࡄࡍࡀ ࡄࡍࡀ ࡀࡅࡍࡔ ࡏࡅࡕࡓࡀ ࡌࡀࡎࡂࡉࡀ ࡅࡀࡕࡉࡀ ࡄࡉࡁࡉࡋ ࡆࡉࡅࡀ ࡗ ࡁࡀࡈࡋࡀ ࡕࡉࡁࡉࡋ ࡌࡀࡎࡂࡉࡀ ࡋࡅࡀࡕ ࡏࡅࡓ ࡌࡀࡓࡇ ࡖࡄࡔࡅࡀࡊ ࡅࡏࡅࡕࡓࡉࡀ ࡆࡓࡉࡆࡉࡀ ࡅࡌࡆࡀࡓࡆࡉࡀ ࡌࡉࡇࡍ ࡅࡀࡌࡀࡓࡋࡇ ࡖࡏࡋ ࡃࡉࡋࡉࡀ ࡏࡕࡋࡉࡀ ࡌࡀࡍࡕࡀ ࡁࡃࡅࡓࡃࡉࡀ ࡏࡅࡓ ࡀࡕࡐࡀ ࡅࡐࡌࡀࡊ ࡀࡌࡀࡓࡋࡇ ࡏࡅࡓ ࡋࡄࡉࡁࡉࡋ ࡆࡉࡅࡀ ࡋࡃࡉ. |
| 603 |
ࡋࡀࡊ ࡌࡀࡍࡕࡀ ࡁࡃࡅࡓࡃࡉࡀ ࡌࡉࡉࡍࡋࡀࡊ ࡉࡀ ࡏࡅࡕࡓࡀ ࡎࡀࡂࡉࡀ ࡀࡌࡀࡓࡋࡇ ࡏࡕࡋࡉࡀ ࡀࡍࡅࡑࡓࡀࡉࡉࡀ ࡅࡌࡀࡃࡍࡀࡉࡉࡀ ࡅࡔࡅࡌࡀ ࡖࡄࡉࡉࡀ ࡒࡀࡃࡀࡓࡊࡉࡀ ࡖࡁࡔࡉࡁࡉࡀ ࡖࡓࡅࡄࡀ ࡏࡔࡕࡁࡅࡍ ࡏࡕࡋࡀࡍ ࡕࡀࡓࡌࡉࡃࡉࡀ ࡅࡔࡅࡌࡀ ࡖࡄࡉࡉࡀ ࡒࡀࡃࡀࡓࡊࡉࡀ ࡖࡁࡔࡉࡁࡉࡀ ࡖࡓࡅࡄࡀ ࡏࡔࡕࡁࡅࡍ ࡏࡕࡋࡀࡍ ࡕࡀࡓࡌࡉࡃࡉࡀ ࡅࡔࡅࡌࡀࡉ ࡃࡉࡋࡉࡀ ࡄࡅࡀ ࡒࡀࡃࡀࡓࡊࡉࡀ ࡖࡁࡔࡉࡁࡉࡀ ࡖࡓࡅࡄࡀ ࡏࡔࡕࡁࡅࡍ ࡏࡃࡇ ࡋࡅࡐࡌࡇ ࡖࡏࡅ. |
| 604 |
ࡓ ࡓࡊࡀࡊ ࡅࡄࡀࡉࡆࡀࡊ ࡌࡃࡀࡋࡉࡀ ࡄࡉࡁࡉࡋ ࡆࡉࡅࡀ ࡖࡓࡅࡔࡅࡌࡀ ࡖࡄࡉࡉࡀ ࡎࡍࡉࡁ ࡅࡔࡅࡌࡀ ࡖࡄࡉࡉࡀ ࡅࡌࡋࡀࡂࡉࡈࡋࡉࡍ ࡏࡋ ࡉࡍࡔࡌࡀࡕࡀ ࡅࡁࡌࡀࡃࡍࡀ ࡖࡄࡉࡉࡀ ࡀࡅࡃࡉࡍ ࡅࡔࡅࡌࡀ ࡖࡌࡀࡃࡍࡀ ࡖࡄࡉࡉࡀ ࡌࡀࡃࡀࡊࡓ ࡅࡓࡀࡌࡉࡋࡅࡍ ࡁࡉࡀࡌࡀ ࡓࡁࡀ ࡖࡎࡅࡐ ࡅࡄࡀࡉࡆࡀࡊ ࡀࡍࡎࡉࡁࡋࡅࡍ ࡌࡍ ࡅࡐࡌࡇ ࡖࡏࡅࡓ ࡀࡋࡌࡀ ࡖࡄࡀࡈࡀࡉࡅࡍ ࡔࡀࡋࡌࡉࡀ ࡖࡁࡌࡉࡀ ࡄࡉࡉࡀ ࡓࡌࡉࡍ ࡗ ࡆࡀࡍ ࡔࡅࡔࡌࡀ ࡄࡉࡅࡀࡓࡀ ࡅࡄࡀࡉࡆࡀ. |
| 605 |
ࡊ ࡄࡀࡅࡉࡀ ࡄࡀࡀࡍࡕࡅࡍ ࡉࡍࡔࡌࡀࡕࡀ ࡁࡌࡀࡁࡑࡅࡕࡀ ࡓࡀࡁࡕࡉࡀ ࡀࡑࡁࡀࡋࡅࡍ ࡅࡄࡀࡉࡆࡀࡊ ࡀࡑࡁࡀࡋࡅࡍ ࡁࡌࡀࡁࡑࡅࡕࡀ ࡓࡀࡁࡕࡉࡀ ࡅࡋࡀࡉࡉࡋࡐࡅࡍ ࡁࡋࡀࡅࡀࡐ ࡓࡁࡀ ࡏࡅࡕࡓࡉࡀ ࡖࡄࡀࡉࡐࡒࡉࡀ ࡌࡉࡀ ࡀࡍࡒࡐࡉࡍ ࡅࡄࡀࡉࡆࡀࡊ ࡋࡄࡀࡉࡐࡒࡉࡀ ࡌࡉࡀ ࡌࡀࡁࡀࡓࡋࡅࡍ ࡌࡉࡈࡑࡀࡓࡀࡓࡋࡅࡍ ࡁࡀࡉࡀࡍࡉࡄࡅࡍ ࡃࡉࡌࡉࡄࡕࡀ ࡀࡋࡀࡍࡀࡐࡉࡄࡅࡍ ࡖࡉࡍࡔࡌࡀࡕࡀ ࡖࡁࡃࡅࡓࡃࡉࡀ ࡄࡅࡍ ࡅࡀࡌࡀࡓࡋࡅࡍ ࡅࡄࡀࡉࡆࡀࡊ ࡁࡃࡅࡓ ࡄࡀࡈࡉࡀ. |
| 606 |
ࡄࡀࡆࡉࡍ ࡃࡀࡓࡕࡉࡍ ࡁࡂࡀࡅࡇ ࡖࡕࡉࡁࡉࡋ ࡅࡁࡏࡒࡀࡓࡀ ࡖࡀࡍࡔࡐࡀࡉ ࡌࡀࡅࡕࡉࡁࡋࡇ ࡏࡋ ࡏࡉࡍࡔ ࡏࡉࡍࡔ ࡁࡉࡀࡌࡉࡇࡍ ࡋࡀࡂࡉࡈࡋࡇ ࡁࡀࡕࡓࡀ ࡎࡀࡂࡉࡀ ࡁࡉࡕ ࡕࡅࡔࡋࡉࡌࡀ ࡅࡁࡀࡉࡀࡓ ࡅࡌࡉࡕࡓࡀࡅࡓࡀࡁ ࡃࡌࡅࡕࡀࡉࡄࡅࡍ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡉࡀࡒࡓࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡉࡉࡌ ࡅࡃࡀࡓࡉࡔ ࡈࡀࡅࡎࡀ ࡋࡄࡉࡋ. |
| 607 |
ࡋࡉࡊࡇࡐ ࡖࡉࡀࡌࡀ ࡅࡀࡌࡀࡓ ࡌࡀࡅࡍ ࡃࡀࡌࡉࡀ ࡋࡃࡉࡋࡉࡀ ࡌࡀࡍ ࡋࡃࡉࡋࡉࡀ ࡃࡀࡌࡉࡀ ࡅࡔࡀࡅࡉࡅࡍ ࡀࡍࡈࡀࡓ ࡉࡊࡌࡀࡑ ࡏࡋ ࡉࡊࡌࡀࡑ ࡀࡅࡕࡁࡅࡍ ࡀࡋࡌࡀ ࡖࡁࡀࡈࡋࡀ ࡕࡉࡁࡉࡋ ࡀࡋࡌࡀ ࡖࡕࡉࡁࡉࡋ ࡁࡀࡈࡋࡀ ࡅࡔࡉࡓࡉࡀࡀࡍ ࡖࡌࡉࡀ ࡌࡉࡀࡍࡉࡄࡅࡍ ࡌࡉࡎࡐࡉࡒ ࡅࡁࡉࡍࡀ ࡄࡔࡅࡀࡊ ࡎࡀࡉࡉࡐࡀ ࡀࡔࡊࡉࡋࡅࡍ ࡄࡉࡉࡀ ࡀࡁࡀࡄࡀࡕࡀࡉ ࡀࡀࡍ ࡈࡀࡅࡎࡀ ࡋࡉࡁࡀࡉ ࡁࡋࡐࡅࡂࡕࡀ ࡒࡀࡌ ࡀࡍࡈࡀࡓ ࡉࡊࡌࡀࡑ ࡔࡀࡅࡉࡅࡍ. |
| 608 |
ࡅࡓࡅࡉࡀࡀࡍࡉ ࡏࡕࡀࡔࡊࡀࡋ ࡋࡉࡁࡀࡉ ࡒࡀࡌ ࡁࡋࡐࡅࡂࡕࡀ ࡏࡌࡓࡉࡕ ࡖࡁࡃࡉࡋࡉࡀ ࡀࡁࡃࡉࡀ ࡌࡀࡍ ࡖࡏࡁࡀࡃ ࡁࡓࡁࡉࡀ ࡅࡋࡓࡁࡉࡀ ࡖࡏࡌࡀࡓࡋࡅࡍ ࡀࡀࡍ ࡈࡀࡅࡎࡀ ࡉࡐࡄࡕࡉࡕ ࡅࡐࡌࡀࡉ ࡅࡀࡔࡊࡉࡋ ࡓࡁࡉࡀ ࡌࡀࡍ ࡌࡉࡀࡍࡉࡅࡊࡍ ࡖࡄࡅࡎࡓࡀࡀࡍ ࡄࡅࡀ ࡈࡀࡅࡎࡀ ࡋࡂࡀࡈ ࡓࡁࡉࡀ ࡓࡌࡀࡋࡇ ࡕࡉࡂࡓࡀ ࡖࡎࡅࡊࡋࡕࡀࡉ ࡃࡉࡋࡉࡀ ࡀࡋࡌࡀ ࡖࡕࡉࡁࡉࡋ ࡁࡀࡈࡋࡀ ࡅࡀࡍࡈࡀࡓ ࡉࡊࡌࡀࡑ ࡔࡀࡅࡉࡅࡍ ࡀࡀࡍ ࡈࡀࡅࡎࡀ ࡋࡉࡁࡀࡉ ࡏࡕࡀ. |
| 609 |
ࡔࡊࡀࡋ ࡌࡍ ࡎࡀࡌࡇࡊ ࡗ ࡄࡀࡉࡆࡉࡍ ࡀࡁࡀࡃࡅࡁࡉࡀ ࡓࡁࡉࡀ ࡏࡌࡓࡉࡕ ࡖࡀࡁࡀࡄࡀࡕࡀࡉ ࡋࡃࡉࡋࡉࡀ ࡀࡔࡊࡉࡋࡅࡍ ࡌࡀࡄࡅ ࡄࡈࡉࡕ ࡁࡉࡕ ࡄࡉࡉࡀ ࡓࡁࡉࡀ ࡀࡋࡌࡉࡀ ࡀࡅࡕࡁࡅࡍ ࡅࡁࡉࡃࡀࡍࡁ ࡌࡍ ࡅࡊࡓࡎࡉࡀࡉ ࡅࡌࡍ ࡀࡕࡓࡀࡉ ࡀࡅࡕࡁࡅࡍ ࡀࡋࡌࡀ ࡖࡕࡉࡁࡉࡋ ࡁࡀࡈࡋࡀ ࡁࡉࡃࡀࡍࡁ ࡀࡋࡌࡉࡀ ࡀࡅࡕࡁࡅࡍ ࡅࡁࡉࡍࡀ ࡄࡔࡅࡀࡊ ࡁࡀࡈࡋࡉࡀ ࡀࡋࡌࡀ ࡖࡁࡀࡈࡋࡀ ࡕࡉࡁࡉࡋ ࡅࡔࡉࡓࡉࡀࡀࡍ ࡖࡌࡉࡀ ࡌࡉࡀࡍࡉࡄࡅࡍ ࡌࡉࡎࡐࡉࡒ ࡁࡀ. |
| 610 |
ࡈࡋࡉࡀ ࡀࡁࡉࡍࡀ ࡄࡔࡅࡀࡊ ࡅࡁࡉࡍࡀ ࡀࡄࡍࡅࡓࡀ ࡌࡉࡕࡒࡀࡉࡌࡉࡀ ࡄࡉࡅࡍࡍ ࡋࡄࡔࡅࡀࡊ ࡔࡀࡋࡐࡉࡀ ࡋࡉࡁࡀࡉ ࡏࡕࡀࡔࡊࡀࡋ ࡌࡍ ࡎࡀࡌࡇࡊ ࡀࡀࡍ ࡗ ࡄࡀࡉࡆࡉࡍ ࡀࡁࡀࡃࡅࡁࡉࡀ ࡓࡁࡉࡀ ࡏࡌࡓࡉࡕ ࡅࡏࡔࡀࡁࡉࡅࡍࡍ ࡋࡄࡉࡉࡀ ࡀࡁࡀࡄࡀࡕࡀࡉ ࡋࡌࡀࡄࡅ ࡏࡒࡅࡌ ࡅࡏࡎࡂࡅࡃ ࡅࡀࡔࡊࡉࡋࡅࡍ ࡌࡍ ࡃࡅࡕࡊࡀࡉ ࡅࡈࡀࡁࡅࡕࡀࡉ ࡁࡏࡌࡓࡅࡌ ࡋࡀࡋࡀࡂࡈࡉࡀ ࡀࡍࡈࡀࡓ ࡉࡊࡌࡀࡑ ࡔࡀࡅࡉࡅࡍ ࡀࡔࡋࡐࡅࡍ ࡅࡀࡕࡉࡅࡍ ࡏࡌࡓࡉࡕ ࡀࡀࡍ ࡀࡁࡀ. |
| 611 |
ࡃࡅࡁࡉࡀ ࡄࡉࡉࡀ ࡖࡎࡅࡊࡋࡕࡀࡉ ࡀࡍࡔࡐࡀ ࡌࡍ ࡈࡀࡁࡅࡕࡀࡉ ࡅࡀࡉ ࡏࡋࡀࡉ ࡈࡀࡅࡎࡀ ࡅࡌࡀࡋࡀࡋࡇ ࡖࡅࡐࡌࡇ ࡎࡀࡓࡊࡅࡉࡀ ࡅࡔࡅࡓࡐࡇ ࡂࡉࡈࡋࡇ ࡅࡓࡀࡁࡅࡕ ࡓࡅࡄࡇ ࡎࡀࡀࡊࡓࡕࡇ ࡅࡌࡀࡋࡀࡋࡉࡀ ࡖࡅࡐࡌࡇ ࡀࡔࡋࡐࡅࡉࡀ ࡅࡀࡉࡋࡀࡊ ࡖࡔࡅࡓࡐࡇ ࡂࡉࡈࡋࡇ ࡀࡀࡍ ࡌࡀࡋࡀࡋࡉࡕ ࡅࡀࡌࡀࡓࡀࡍࡋࡅࡍ ࡋࡓࡁࡉࡀ ࡗ ࡌࡉࡀ ࡖࡀࡕࡉࡍ ࡌࡍ ࡅࡐࡌࡀ ࡓࡐࡀࡔ ࡀࡋࡌࡀ ࡖࡋࡀࡄࡅࡉࡕ ࡌࡉࡊࡀࡊ ࡖࡅࡊࡋࡄࡅࡍ ࡎࡀࡋࡊࡉࡀ ࡌࡉࡀࡍࡉ ࡒࡃࡉࡌ. |
| 612 |
ࡀ ࡀࡋࡌࡀ ࡋࡀࡄࡅࡉࡕ ࡄࡀࡉࡊࡌࡀ ࡖࡅࡊࡋࡄࡅࡍ ࡌࡀࡓࡃࡉࡀ ࡄࡀࡉࡆࡉࡍ ࡏࡕࡌࡀࡀࡊࡊ ࡖࡋࡀࡉࡉࡕ ࡅࡐࡌࡀࡉ ࡀࡊࡃࡁࡀ ࡀࡋࡌࡀ ࡖࡋࡀࡄࡅࡉࡕ ࡅࡊࡔࡈࡀࡀࡍ ࡀࡐࡕࡅࡓࡀ ࡖࡒࡅࡃࡀࡌ ࡀࡊࡐࡉࡍࡀ ࡕࡓࡉࡑ ࡗ ࡀࡋࡌࡀ ࡖࡋࡀࡄࡅࡉࡕ ࡀࡕࡓࡉࡀࡑ ࡅࡒࡀࡉࡌࡉࡀ ࡋࡌࡀࡓࡀࡉࡄࡅࡍ ࡌࡉࡃࡉࡍࡍ ࡀࡋࡊࡉࡀ ࡎࡀࡁࡉࡀࡌࡉࡇࡍ ࡀࡁࡓࡀ ࡓࡄࡉࡌࡀ ࡒࡓࡅࡉࡀ ࡄࡉࡁࡉࡋ ࡏࡕࡌࡀࡀࡊࡊ ࡋࡀࡁࡀࡄࡀࡕࡇ ࡁࡓࡀ ࡌࡓࡉࡃࡀ ࡒࡓࡅࡉࡀ ࡈࡀࡅࡎࡀ ࡖࡋ. |
| 613 |
ࡀ ࡏࡌࡀࡀࡊࡊ ࡋࡀࡋࡀࡂࡈࡉࡀ ࡈࡀࡁࡅࡕࡀࡉ ࡀࡁࡀࡄࡀࡕࡀࡉ ࡁࡏࡌࡓࡅࡌࡀ ࡒࡀࡋࡇ ࡋࡒࡅࡃࡀࡌ ࡀࡁࡀࡄࡀࡕࡇ ࡎࡋࡉࡒ ࡗ ࡄࡀࡆࡉࡍ ࡀࡌࡀࡓ ࡈࡀࡅࡎࡀ ࡏࡂࡍࡉࡓࡕࡀ ࡖࡅࡊࡔࡈࡀ ࡃࡊࡀࡁࡅࡋࡇ ࡀࡁࡀࡄࡀࡕࡇ ࡖࡔࡉࡌࡅࡉࡀ ࡋࡒࡀࡋࡇ ࡅࡀࡌࡀࡓࡋࡉࡀ ࡅࡊࡔࡈࡀ ࡔࡐࡀࡈࡋࡀࡊ ࡓࡁࡉࡀ ࡅࡋࡃࡉࡋࡉࡀ ࡓࡌࡅࡋࡉࡀ ࡁࡔࡉࡊࡕࡍࡀࡉ ࡀࡁࡓࡇ ࡋࡅࡐࡓࡀ ࡌࡍ ࡏࡅࡓࡑࡀࡊ ࡄࡍࡀ ࡅࡏࡕࡉࡁ ࡋࡉࡁࡇ ࡋࡎࡀࡌࡇࡊ ࡗ ࡄࡀࡉࡆࡉࡍ ࡔࡅࡌࡀ ࡈࡀࡅࡎࡀ ࡋࡀ. |
| 614 |
ࡁࡀࡄࡀࡕࡇ ࡌࡍ ࡓࡉࡔ ࡁࡓࡉࡔ ࡒࡀࡌ ࡅࡎࡂࡉࡃ ࡅࡔࡀࡁࡀ ࡅࡄࡉࡉࡀ ࡆࡀࡉࡊࡍ ࡎࡀ ࡌࡓࡀࡅࡓࡀࡁ ࡄࡍࡅࡓࡀ ࡔࡀࡉࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡅࡏࡋ ࡏࡃࡀࡉ ࡁࡄࡉࡓࡉࡀ ࡅࡌࡀࡓࡂࡉࡍࡀ ࡀࡕࡉࡀࡍ ࡁࡎࡀࡃࡍࡋࡉࡀ ࡄࡉࡋࡉࡀ ࡅࡀࡍࡓࡂࡀ ࡓࡁࡀ ࡖࡔࡉࡓࡉࡀࡕࡀ ࡅࡋࡎࡌࡀࡋࡀࡉ ࡓࡌࡅࡍ ࡀࡋࡊࡀ ࡀࡐࡉࡉࡎࡀࡍ ࡅࡁࡀࡉࡍࡀࡍ ࡋࡒࡅࡃࡀࡌࡀࡉ ࡔࡀࡓࡉࡀ ࡅࡓࡀࡌࡉࡀࡍ ࡄࡉࡋࡊࡀࡉ ࡅࡌࡄࡀࡌࡁࡉࡋࡀࡍ ࡌࡉࡎࡌࡀࡋ ࡎࡌࡀࡋ ࡋࡉࡀ. |
| 615 |
ࡌࡉࡍ ࡊࡀࡐࡓࡕࡉࡅࡍࡍ ࡄࡀࡋࡉࡍ ࡉࡑࡋࡌࡉࡀ ࡖࡏࡋ ࡀࡔࡉࡀࡕࡀ ࡉࡑࡓࡉࡀ ࡌࡀࡎࡂࡉࡀࡍ ࡃࡀࡓࡉࡀ ࡅࡀࡋࡌࡉࡀ ࡋࡊࡉࡋࡉࡀ ࡁࡓࡉࡔࡀࡉ ࡀࡋࡌࡀ ࡏࡅࡓࡀࡔࡋࡀࡌ ࡌࡈࡉࡕ ࡃࡀࡓࡉࡀ ࡅࡀࡋࡌࡉࡀ ࡌࡀࡎࡂࡉࡀࡍ ࡅࡌࡀࡋࡀࡋࡉࡕ ࡁࡓࡀࡆࡉࡀ ࡄࡉࡅࡊࡌࡕࡀࡉ ࡕࡓࡀࡕࡑࡇ ࡋࡅࡊࡓࡎࡉࡀ ࡅࡏࡋࡇ ࡉࡀࡕࡁࡉࡕ ࡅࡌࡀࡒࡓࡉࡁࡇ ࡄࡀࡋࡔࡉࡀ ࡅࡀࡁࡓࡉࡀ ࡏࡅࡓࡀࡔࡋࡀࡌ ࡏࡄࡉࡃࡀ ࡁࡀࡁࡇ ࡁࡀࡁࡇ ࡖࡏࡄࡉࡃࡀ ࡕࡐࡀ ࡌࡍ ࡒࡀࡋࡀࡉ ࡅࡀࡐࡓࡔࡉࡂࡀࡍࡉ. |
| 616 |
ࡅࡏࡕࡉࡓࡂࡋࡉࡀ ࡄࡀࡋࡔࡉࡀ ࡅࡀࡁࡅࡓࡉࡀ ࡅࡊࡋࡄࡅࡍ ࡁࡅࡎࡌࡀࡉࡍࡀ ࡁࡎࡅࡌ ࡏࡅࡓࡀࡔࡋࡀࡌ ࡉࡍࡄࡓࡀࡕ ࡁࡆࡉࡅࡀࡉ ࡁࡓࡉࡄࡀࡉࡅࡍ ࡖࡁࡅࡎࡌࡀࡀࡍࡉ ࡁࡎࡅࡌ ࡄࡀࡋࡉࡍ ࡖࡆࡀࡅࡐࡓ ࡓࡉࡄࡀࡉࡅࡍ ࡅࡂࡉࡓࡁࡀࡉࡍࡀ ࡀࡎࡉࡕࡉࡅࡍࡍ ࡏࡅࡉࡓࡉࡀ ࡉࡐࡄࡕࡉࡕ ࡀࡉࡀࡍࡉࡄࡅࡍ ࡕࡉࡓࡉࡑࡕ ࡋࡅࡐࡌࡀࡉࡄࡅࡍ ࡌࡀࡌࡋࡀ ࡄࡀࡋࡉࡍ ࡀࡋࡂࡉࡀ ࡅࡃࡅࡂࡉࡀ ࡏࡋ ࡋࡉࡂࡓࡀࡉࡄࡅࡍ ࡀࡎࡂࡉࡕࡉࡅࡍࡍ ࡄࡀࡋࡉࡍ ࡌࡕࡀࡁࡓࡉࡀ ࡅࡔࡀࡅࡐࡉࡐࡀ ࡌࡔ. |
| 617 |
ࡀࡉࡍࡀ ࡂࡀࡅࡇࡍ ࡅࡔࡀࡉࡅࡋࡉࡀ ࡃࡀࡋ ࡀࡉࡇࡍ ࡅࡄࡅࡆࡉࡀࡍ ࡀࡊࡄࡅ ࡌࡔࡉࡄࡀ ࡅࡌࡉࡔࡕࡀࡉࡉࡀ ࡀࡁࡉࡄࡃࡀࡉ ࡁࡂࡅࡀࡍ ࡂࡅࡀࡍ ࡀࡉࡐࡋࡊࡇ ࡏࡋ ࡋࡉࡔࡀࡇࡍ ࡅࡀࡌࡀࡓ ࡖࡋࡊࡉࡋࡀ ࡕࡓࡀࡋࡑࡀࡊ ࡁࡓࡉࡔࡀࡊ ࡌࡀࡍ ࡀࡀࡍࡕ ࡌࡍ ࡄࡉࡉࡀ ࡒࡀࡃࡌࡀࡉࡉࡀ ࡌࡀࡎࡂࡉࡕ ࡀࡋࡌࡀ ࡋࡁࡀࡁ ࡏࡅࡓࡀࡔࡋࡀࡌ ࡌࡈࡉࡕ ࡌࡀࡎࡂࡉࡕ ࡃࡀࡓࡉࡀ ࡅࡀࡋࡌࡉࡀ ࡅࡌࡀࡋࡀࡋࡉࡕ ࡁࡓࡀࡆࡉࡀ ࡄࡅࡅࡊࡌࡕࡀ ࡕࡓࡀࡕࡑࡇ ࡋࡅࡊࡓࡎࡉࡀࡊ ࡅࡏࡋࡇ ࡏࡕ. |
| 618 |
ࡉࡁࡕ ࡅࡌࡀࡒࡓࡉࡁࡇ ࡄࡀࡋࡔࡉࡀ ࡅࡀࡁࡓࡉࡀ ࡖࡏࡅࡓࡀࡔࡋࡀࡌ ࡖࡏࡄࡉࡃࡀࡍ ࡁࡀࡁࡇ ࡁࡀࡁࡇ ࡖࡏࡄࡉࡃࡀ ࡏࡕࡉࡕࡐࡀ ࡌࡍ ࡒࡀࡋࡀࡊ ࡅࡀࡐࡓࡔࡉࡂࡀࡍࡊ ࡅࡏࡕࡉࡓࡂࡋࡉࡅ ࡄࡀࡋࡔࡉࡀ ࡅࡀࡁࡓࡉࡀ ࡅࡅࡊࡋࡄࡅࡍ ࡁࡅࡎࡌࡀࡉࡍࡀ ࡁࡎࡅࡌ ࡏࡅࡓࡀࡔࡋࡀࡌ ࡉࡍࡄࡓࡀࡕ ࡁࡆࡉࡅࡀࡊ ࡅࡂࡉࡓࡁࡀࡉࡍࡀ ࡀࡎࡕࡉࡅࡍࡍ ࡏࡅࡉࡓࡉࡀ ࡕࡐࡀࡄࡕࡉࡋࡅࡍ ࡀࡉࡀࡍࡉࡄࡅࡍ ࡕࡓࡀࡕࡑࡉࡋࡅࡍ ࡏࡋ ࡅࡐࡌࡀࡉࡄࡅࡍ ࡌࡀࡌࡋࡀ ࡄࡀࡋࡉࡍ ࡀࡋࡂࡉࡀ ࡅࡃࡅࡂࡉࡀ. |
| 619 |
ࡌࡀࡎࡂࡉࡀࡕࡋࡅࡍ ࡋࡋࡉࡂࡓࡀࡉࡄࡅࡍ ࡄࡀࡋࡉࡍ ࡌࡕࡀࡁࡓࡉࡀ ࡅࡔࡀࡅࡐࡉࡐࡀ ࡅࡌࡔࡀࡉࡍࡀ ࡂࡀࡅࡇࡍ ࡅࡔࡀࡉࡅࡋࡉࡀ ࡃࡀࡋ ࡀࡉࡇࡍ ࡅࡄࡅࡆࡉࡀࡍ ࡀࡊࡄࡅ ࡌࡔࡉࡄࡀ ࡅࡌࡉࡔࡕࡀࡉࡉࡀ ࡀࡁࡉࡄࡃࡀࡉ ࡁࡂࡅࡀࡍ ࡂࡅࡀࡍ ࡖࡀࡐࡉࡊࡋࡇ ࡋࡉࡔࡀࡇࡍ ࡅࡀࡌࡀࡓ ࡅࡌࡍ ࡄࡀࡉࡍࡊ ࡎࡁࡉࡓࡉࡀ ࡄࡅࡅࡊࡌࡕࡀ ࡌࡀࡍ ࡀࡀࡍࡕ ࡌࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡄࡅࡉࡋࡀࡍ ࡂࡀࡁࡀࡓࡅࡀࡕࡀࡊ ࡁࡏࡅࡓࡀࡔࡋࡀࡌ ࡓࡒࡉࡄࡀ ࡋࡂࡀࡅࡇࡍ ࡅࡏࡎࡕࡀࡃࡍࡓࡀ. |
| 620 |
ࡍ ࡀࡀࡍ ࡁࡈࡀࡔࡉࡁࡇ ࡁࡀࡓࡒࡀ ࡅࡀࡍࡃࡀࡕ ࡃࡊࡀࡁࡀࡉ ࡋࡀࡔࡉࡈࡅࡉࡀ ࡃࡊࡀࡁࡀ ࡉࡊࡃࡁࡉࡕ ࡋࡌࡉࡀ ࡄࡉࡉࡀ ࡅࡍࡓࡀ ࡁࡃࡉࡋࡉࡀ ࡀࡅࡍࡔ ࡏࡅࡕࡓࡀ ࡋࡀࡄࡈࡀࡕ ࡅࡍࡓࡀ ࡈࡓࡀࡁࡇ ࡓࡅࡔࡅࡌࡀࡉ ࡅࡌࡔࡀࡉࡍࡀ ࡂࡀࡅࡇࡍ ࡅࡔࡀࡉࡅࡋࡉࡀ ࡃࡀࡋ ࡀࡉࡇࡍ ࡅࡄࡉࡆࡉࡀࡍ ࡀࡊࡄࡅ ࡌࡔࡉࡄࡀ ࡅࡌࡉࡔࡕࡀࡉࡉࡀ ࡀࡁࡉࡄࡃࡀࡉ ࡁࡂࡅࡀࡍ ࡂࡅࡀࡍ ࡖࡀࡐࡉࡊࡋࡇ ࡋࡋࡉࡔࡀࡇࡍ ࡅࡀࡌࡀࡓ ࡏࡂࡍࡉࡓࡕࡀ ࡖࡅࡊࡔࡈࡀ ࡒࡓࡉࡀ ࡏࡅ ࡌࡍ ࡄࡉࡉࡀ. |
| 621 |
ࡒࡀࡃࡌࡀࡉࡉࡀ ࡀࡀࡍࡕ ࡀࡍࡉࡐࡒ ࡋࡀࡃࡀࡌ ࡅࡄࡀࡅࡀ ࡆࡀࡅࡇ ࡓࡉࡔ ࡏࡂࡍࡉࡓࡕࡀ ࡒࡀࡓࡉࡀࡍ ࡁࡓ ࡀࡃࡀࡌ ࡔࡉࡕࡉࡋ ࡒࡀࡓࡉࡀࡍ ࡓࡉࡔࡀ ࡖࡅࡊࡋࡇ ࡃࡀࡓࡀ ࡖࡔࡕࡀࡋ ࡁࡃࡀࡓࡉࡀ ࡅࡀࡋࡌࡉࡀ ࡒࡀࡓࡉࡀࡍ ࡔࡉࡕࡋࡀ ࡈࡀࡁࡀ ࡀࡋࡌࡀ ࡖࡁࡄࡉࡓࡁࡀ ࡅࡌࡅࡕࡀࡀࡍ ࡎࡋࡉࡒ ࡓࡀࡌ ࡅࡓࡅࡃ ࡒࡀࡓࡉࡀࡍ ࡀࡋࡌࡀ ࡖࡁࡅࡍࡓࡀ ࡅࡉࡀࡒࡃࡀࡀࡍ ࡎࡋࡉࡒ ࡔࡅࡓࡁࡀࡉ ࡅࡔࡀࡓࡄࡀࡁࡏࡉࡋ ࡒࡀࡓࡉࡀࡍ ࡀࡋࡌࡀ ࡁࡈࡅࡀࡐࡉࡍࡀ ࡌࡉࡀ ࡎࡋࡉࡒ ࡔ. |
| 622 |
ࡅࡌ ࡁࡓ ࡅࡍ ࡒࡀࡓࡉࡀࡍ ࡕࡓࡉࡋࡑࡇ ࡃࡅࡕࡊࡀ ࡌࡍ ࡀࡕࡀࡓ ࡄࡍࡅࡓ ࡅࡊࡋࡌࡀࡍ ࡖࡋࡃࡉࡋࡉࡀ ࡀࡅࡍࡔ ࡏࡅࡕࡓࡀ ࡔࡅࡌࡀ ࡅࡄࡀࡉࡌࡀࡍ ࡋࡑࡉࡀ ࡃࡅࡕࡊࡇ ࡌࡍ ࡀࡕࡀࡓ ࡄࡍࡅࡓ ࡅࡊࡋࡌࡀࡍ ࡖࡋࡃࡉࡋࡉࡀ ࡀࡅࡍࡔ ࡏࡅࡕࡓࡀ ࡋࡀࡔࡌࡀ ࡅࡕࡉࡄࡔࡅࡊ ࡃࡌࡅࡕࡇ ࡅࡋࡀࡕࡉࡄࡍࡀࡓ ࡉࡍࡕࡉࡊࡀࡐࡓ ࡔࡅࡌࡇ ࡌࡍ ࡔࡀࡕࡐࡀࡉ ࡅࡆࡀࡉࡊࡀ ࡂࡀࡁࡓࡀ ࡖࡀࡎࡂࡉࡀ ࡋࡀࡊ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡉࡊࡍ. |
Комментарии