| 1 |
Umba-umba iami antu pakanreang assalak (taradissional) Indonesia napantama rilalang sigompolang kanre-kanre jawaya. Anne pakanreanga niparek battu ri labuk berasak punuk nanirupai sakamma golok-golok cakdi na nikambui siagang golla eja nanipallu ialang jeknek akrere. Nampa lekbak nipallui, nigulungi irawanna parokang kaluku. |
| 2 |
Karaenna. tu Bonea. naaganga. ma'ulu–kana. nikana. Boteka. iami anne. aenna. Bongkanga. anne Karaenga. nipuji panrita dudu. mabaji' gau'na. malambusuki. gallaranna. nikana. I Kasuiang. ri Juru. pakkareanna. nikana. I Kare Mangngutungi. ia tommi anne. uru angngallei. pa'rasangang. Bontomanai'. ia tonji nikana. Gallarang Loaya. |
| 3 |
anne Karaenga. napanjari ase. lamung–lamunga. napanraráki juku'. ia tommi anne. ma'gau'. na battu. Jawa nikanaya. I Galasi. ma'bunduki. ri Pammolikang. tallum– pulo taungi. angngannang. ma'gau' ia– tommi anne. ma'gau'. na nilipungi. nibundu'. ri tu Talloka. ri tu Marusuka. ri tu Karaenga. ri Tallo'. naagaanga. siewa. Tunipasuru'. areng kalenna. iang kumabassung. nikana. I Mangayoaberang. |
| 4 |
ma'gauka. ri Marusu'. nikana. Patanna Langkana. areng matena. nikana. Tumamenang ri Bulu'duaya. areng kalenna iang kumabassung. I Mappasomba. areng pamana'na. nikana. I Daeng Nguraga. Tuma'gauka. ri Bajeng. ana'na. Karaeng Loe. nikanaya Daenna I Pasairi. kakanna iaminne. sari'battang. Tuma'gauka. ri Sanrabone. ri Lengkese'. ri Katingang. ri Jamarang. ri Jipang. ri Mandalle'. |
| 5 |
tujui sisari'battang. ma'la'lang sipue– ngaseng. iaminne Karaeng. nilipungi. ri Gaukang Tallua. Karaenga ri Lakiung. angngagangi. Gurudaya. tu Mangngasaya. tu Tomboloka. tu anjorengi. kalenna. imamakasi. Baro'boso'. napammenténgi. iami naagaang. situju. tu Polombangkenga. kalenna Karaenga. siagángi. Sulengkaya. Rappocini. napammenténgi. siagángi. tu Sudianga. tu Manujua. tu Borisalloa. |
| 6 |
tu Talloka. siagaang. kalenna. I Daeng Masarro. iami naagaang. situju. kalenna Karaenga ri Data'. siagángi. Cakkuridia. Tamamangung. napammenténgi. siagángi. tu Marusuka. naagaang. situju. le'baki. ma'bunduki. nipalarimi. tu Talloka tu Marusuka. tu Polombangkenga. tu Marusuka. larina. ri Tamamangung. tulusuki. manaung ri Marusu'. tu Polombangkenga. mangnguloro'– mami. biseang. na ma'biseang manai'. tu Talloka. malari mantama ri Tallo' nassulu' mae. nasuro kio'. Karaenga. Tumapa'risi Kallonna. antama ri Tallo'. |
| 7 |
tuju bangngi i. lalang. nitoana. nirappói. iaminjo. nasitalli'mo. Karaenga. ri Gowa. Karaenga. ri Tallo'. gallaranga. ia– ngaseng. ia– iannamo. tau. ampasiewai. Gowa. Tallo'. iamo nacalla. rewata. kana–kanayaji. taiái. nipailalang. lontara'. kana–kanaya. ri bundu'na. iaji nipailalang. mabundu'na. matena mate magarrinji. anne Karaenga. Tumapa'risi' Kallonna. iaminne. ma'gau'. na ma'ulu–kana. Luwuka. Datu Matinroa. ri Wajo. ma'ulu–kana. Karaenga. ri Salumeko. nikanaya. Magajaya. |
| 8 |
ma iaminne. ampareki palili'. Sanrabone.. Jipang. Galesong. Agang–nionjo'. Kau. ia– tonji. uru nasorei. Paranggi'. julu taungi. na betana. Garassi'. betana todong. Malaka. ri Paranggika. anne Karaenga. ri ma'gau'na. taena palukka'. ri pa'rasanganga. ia– todong. anne Karaenga. antabángi. pa're nikanaya. patamba' rinring. kana pamana'na. anne Karaenga. nikana. I Daeng Matanre. areng kalenna. taena angngassengi. sanggenna. nigappaya nikuta'nang. |
| 9 |
anne ana'na. tumapa'risi' kallonna. tunipalangga … matei tumapa'risi' kallonna. tunipalanggamo. ansossorangi. ma'gau'. iang kumabassung. areng kalenna. nikana. I Mariugau'. kana pamana'na. nikana. I Daeng Bonto. pakaraenganna. ri tama'gau'na. nikana. Karaeng Lakiung. tallum–pulo taungi. angngannang. na ma'gau'. na sampulo taung assagantuju. anne Karaenga. tanipujiyai. malambusu'. tanipujiyai. panrita. |
| 10 |
nikanaja. tu barani–dudui. tu kapatiangi. tuganna'– aiki. iami anne. Karaenga. ambetai. Bajeng. ambetai. Lengkese'. tuPolombangkenga. ia uru ma'bundu'. Bugisika. ri Bampangang. na napalari. na napasomba. Lamuru. naallei. sa'bu katina. naallei. sonri' turiolona. tuLamurua. nikanaya. I La Pasari antalliki. tuSoppenga. Karaenna. tuSoppenga. nikanaya. Puang ri Jamma'. naallei. naallei sonri' turiolona. nikanaya. I La Pautuli. |
| 11 |
ambetai. Datu baineya. nikanaya. I Daengku. siagaang. palili'na. He conquered the female Datu who was called I Daengku and her vassals. ambetai. Cenrana. Salumeko. Cina. Patukung. Kalubimbing. Bulo–Bulo. Raja. niagángi. manai'. ri tuMarusuka. nabetai. Samanggi. Cenrana. Bengo. na napare' palili' Saomata. Camba. nidedeki. lima kati. lima tai'. niagángi manai' ri Luwuka. naallei. sa'bu katina. Wajo. nidedeki. ruam– pulo. katina. |
| 12 |
niagangi. manai'. ri tuSidenrengi. nabetai. Otting. Bulu' Cenrana. na pasombai. Wajo. naallei. timba' sareonna. nidedeki. sampulo katina. nabetai. Suppa'. Sawitto na palilikangi. Duri. Panaikang. Bugisika. ia– ngaseng. nia' naatái. allalingi. tuSawittoa. tuSuppaka. tuBacukikia manai' mae. ambetai. Bulukumba. Ujung Loe. Pannyikkokang Palioi. Gantarang. Wero. Silayara'. |
Комментарии