| 1 |
Τάραντας. Ο Τάραντας - σα ιταλικά Taranto, σα λατικινά Tarentum, σ' αρχαία τ' ελλενικά Τάρας - εν πολιτεία σην Ιταλίαν και εχ' τρανόν ιστορίαν. Εν πρωτεύουσαν τ' επαρχίας τη Ταραντού και εν χτιζμέντζα σον Κόλπον τη Ταραντού, σ' Ιωνικόν Πέλαγος. Εχ' πληθυσμόν σα 196.369 τ' ανθρώπ'ς 2006. Ευρισκάται σην επαρχίαν Ταραντού, το έχ 29 δήμους. Οι ανθρώπ καικά εργάσκουνταν σην γεωργίαν, σο ψάρεμαν και σην βιομηχανίαν χημεία, θροφή, πουτίν, ξύλον, γυαλίν, κεραμικά. |
| 2 |
Γεωγραφίαν. Τον Τάρανταν λέγνατον και πολιτείαν τη δυενών θαλασσίων. Ευρισκάται σ' Ιώνιον το πέλαγος, ση θάλασσας τη γουήν. Εκεικά η θάλασσαν χωρίεται και ίνεται το μικρόν και το τρανόν η θάλασσαν. Δυο ακρωτήραι χωρίζνε τα θάλασσας και σο τέλος σχηματίζνε κόλπον. Ατουπές έχ' έναν νησίν, το έτον το παλιόν κέντρον τη Ταραντού σ' αρχαία τα χρόνε. Αβούτο το νησίν ενών'νε το δυο γεφύραι (Ponte di Porta Napoli και Ponte Girevole) με την ήπειρον. |
| 3 |
Ιστορίαν. Ο μύθον λεει ο ημ'σόθεον Τάρας εποίκε την πολιτείαν σα 1200 χρόνε πριχού την ίδρυσην τη Ρώμης καικά σ' οσημερνόν την πολιτείαν, σον ποταμόν Τάρα. Η ιστορίαν ατ' εν γομάτον πολέμ: Σα 272 π.Χ. τη χρονίαν επαίραν ατεν οι Ρωμαίοι. Σον μεσαίωναν βαρβαρικά μιλέτε εκατέστρεψαν ατέν. Οι Σαρακινοί εσήβαν και εποίκαν τον Τάραντα ισλαμικόν εμιράτον σα 840-880 απεσκέσ'. Επεκεί έντον μέρος τη Βυζαντίου κι η πολιτεία εχτέστεν ξαν σ' ατωριζνόν το παλαιόν την πολιτείαν καικά. Επεκεί η αφεντίαν έντον νορμανδικόν, ισπανικόν und γαλλικόν. Σημαντικοί λόγιοι τη φιλοσοφίας και τη λογοτεχνίας εγγενέθαν σον Τάραντον: ο Αρχύτας, ο Λίβιος Ανδρόνικος και ο Αριστόξενος. |
| 4 |
Η πίτσα εν πατροπαράδοτον ιταλικόν φαΐν αση Νεάπολην. Εν πολλά γνωστόν σ'όλον τον κόσμον. Η πίτσα θέλ' αλέυρ, νερόν, ολίγον μαγιά, άλας και ολίγον λάδ'. Εφτάμε το ζουμάρ' κι αφήνομ'ατο έναν ώραν να φουσκών' με τη μαγιάν. Ασο φουσκών' και ύστερα, εφτάμε τρανόν ζουμωτόν φύλλον κι ενοίγομ'ατο σ'έναν σινίν απές. Επεκεί εςς πολλά συνταγάς. Κόφτομε τομάτας και βάλλομ'ατα σο ζουμάρ'. Εφτάμε μίαν σάλτσαν με τοματοπολτόν, ρίγανην, βασιλικόν και σκόρδον και κςύνομ'ατο απάν σο ζουμάρ' με τα τομάτας. Τρίφτομε το τυρίν απάν σο ζουμάρ'. Επεκεί βάλλομε ολίγον λαδ' και σύρομε το σινίν με το ζουμάρ' απές σο φουρνίν. Περιμένομεν να λύεται το τυρίν και να ψέεται το ζουμάρ'. Όνταν εγροικούμε εψέθεν, βγάλομε το σινίν και κόφτομε την πίτσαν μερτικά. Επεκεί βγάλομε τα κομμάτεα'σο σινίν, βάλλομ'ατα σα ςκεύε, κάθουμες κα και τρώγουμε. |
| 5 |
Ο Στράβων 63 π.Χ. - 23 μ.Χ. έτον αρχαίος Έλλενας ιστορικός, φιλόσοφος και τζιπ τρανόν γεωγράφος. Ζωή. Εγεννέθεν ασ' έναν πλούσιον οικογένεαν το 63 / 64 π.Χ. σην Αμάσειαν του Πόντου, όπου και επέθανεν όντας έτονε κι έτον 90 χρόνων ολίον μετά το 23 μ.Χ. Σήμερον η Αμάσειαν εν τόπος τη Τουρκίας άμα όντας ο Στράβων εγενέθεν έτον επαρχία τη Ρωμαϊκή Αυτοκρατορίας. Έτον πολλά ειδικέσας μορφώσεως γιατί εδιδάχτεν ασα τρανούς δασκάλους τη εποχής ατ, τον Αριστόδεμον ά' σην Καρίαν και το Τυράννιον ά' ση Ρώμην κ' εμελέτησεν τα γραφούμενα γεωγραφάντων και φιλοσοφάντων τη αρχαιότητος, σην αρχήν σην περιοχήν ατ κ' επεκεί ση Ρώμην. Εκλώστεν τον κόσμον επεή, επήεν σην Αίγυπτον και σην Αιθιπίαν. Ση φιλοσοφίας νατ έτον οπαδόν τη Στωικισμή και σην πολιτικήν υπεστήριζεν το Ρωμαϊκόν επεκτατισμόν. Όντας ελάσκουντον σον κόσμον ετοπλάευε στοιχεία για να γράφτ αργότερα τα ιστορικά και τα γεωγραφικά έργαν ατ. Δύο τρανά έργαν ατ έτον τα Ἱστορικὰ Ὑπομνήματα και τα ξακουστά Γεωγραφικά ατ 17 βιβλία. Τα Ἱστορικὰ Ὑπομνήματα έτονε 47 βιβλία κ' έγραψεν ν'ατ σε πάπυρον αέτσ' για να συνεχίζ' το έργον τη Πολύβιονος άμα σχεδόν ούλea σχεδόν εχάθανε και ατά που επέμνανε κι βοηθούνε μας να εγρηκούμε ντ' άγνον έτον το έργον. Τα Γεωγραφικά έν 17 βιβλία και ευτυχώς εβρέθαν ούλea. Αέτς ο Στράβων εγέντονε δοξασμένος και ξακουστός σους αιώνας. Εν περιληπτικόν αλλά πολλά κατατοπιστικόν έργον και πληροφορά μας για την ιστορίαν ανθρώπων αμα και πόλεων πα τη εποχής ατ, ασα διάφορα περιοχάς του τότε γνωστού κόσμου. Του Στράβωνος το έργον επορούμε να λέμε ότι έτον όλων το καλίον ας 'α γεωγραφικά χάρτας τη εποχής ατ. Πότε ακριβώς έγραψεν ο Στράβων κι ξέρωμε, σ' άλλα αναφοράς δeaβάζωμε ότι το γράψιμο τη γεωγραφίας ετελέθεν όντας αυτοκράτορας έτον' ο Τιβέριον. |
| 6 |
Ἡ Περίστασην ἔν ἑλλενικόν χωρίον ντ'εὐρίεται 'ς σὴν Μακεδονίαν καὶ ἔχ' πληθυσμόν 4.326 τ'ἀνθρώπ'ς. Εὐρίεται 'ς σὴν κεντρικήν Μακεδονίαν, 'ς σὸν νομόν τσῆ Πιερίας. |
| 7 |
Εύξεινος Πόντος εν τ' ιστορικόν τ' όνεμαν τη Μαύρου τη Θάλασσας. Τ' όνεμαν εξέβεν ασην αλλαγήν τη πρώτου τ' ονεματί «Άξεινος Πόντος» (αφιλόξενον θάλασσα). «Εύξεινος Πόντος» σημαίνει φιλόξενον θάλασσα. |
| 8 |
Μυθολογίαν. Κατά τ' ελλενικόν τη μυθολογίαν σ' αβούτον τον τόπον εζήνεν ο θεόν Πόντος, ο γιον τ' Αιθέρα και τη Γαίας. Αβούτον τη θάλασσαν ετολανεύτεν ο Ιάσονας όντες εχπάστεν τ' Αργοναυτικόν την εκστρατείαν. Ο Αυτόλυκος έτον απές σ' αυτοίν τ' Αργοναυτικού τ' εκστρατείας ίδρυσεν τη Σινωπή, την πρώτην την πολιτείαν τη Πόντονος. |
| 9 |
Ο Θεοδώρα Μπακογιάννη Ντόρα Μπακογιάννη, εγεννέθεν σα 6 τη Καλομηνά 1954 εν Υπουργός σα εξ μερέαν τ' Ελλάδας. Σα 20 Τρυγομυνά τη 2002 εξέβεν Δήμαρχος τ' Αθηναίων. Έτον η πρώτη γαρή ντ' εποίκαν δήμαρχον τη πολιτείας. Επέμνε δήμαρχος ους τον Κούντουρον σα 2006 τη χρονίαν. Επεκεί έντον Υπουργός σα εξ μερέαν. Σα 1998 τη χρονίαν υπάντρεψεν κι έντρισεν τον Ισίδωρο Κούβελο. Έτον γαρή τ' Παύλου Μπακογιάννη ως τη θανή του. |
| 10 |
Το Κάιρον εν η πρωτεύουσαν τς Αιγύπτου, ευρίετεν σον ποταμόν Νείλο. Οσήμερον εχ' πληθυσμόν 15.200.000 ανθρώπ κι εν η πιο τρανήν πολιτείαν τς Αφρικής. Τ' επίσημον όνεμαν ατής εν Αλ-Καχίρα. |
| 11 |
Ἡ Κατερίνην ἔν ἑλλενικόν πολιτείαν ντ'εὐρίεται 'ς σὴν Μακεδονίαν καὶ ἔχ' πληθυσμόν 58.309 τ'ἀνθρώπ'ς. Εὐρίεται 'ς σὴν κεντρικήν Μακεδονίαν, 'ς σὸν νομόν τσῆ Πιερίας καὶ ἔν ἡ πρωτεύουσάν ἀτ'ς. |
| 12 |
Η Καππαδοκία τούρκ. Kapadokya λέγομε τον τόπον τη Μ. Ασίας ντ' ευρίεται σο κέντρον τη Τουρκίας. Εν νοτιοδυτικά σον Πόντον. Γεωγραφία Ο Αντίταυρος αχπάσκεται σο βόρειον τη Καππαδοκίαν, δαβαίν τη χώραν σ' ανατολικά και χωρίζ' τον Πόντον και την Αρμενίαν. Ασ' άλλ τη μερέαν ση δύσαν εν το ψηλόρραχον τη τόπονος ο Αργαίος 3.917 μ, που χωρίζ' τον Πόντον και την Καππαδοκίαν. |
| 13 |
Wiki ή βικι λέγομε την κατηγορίαν τ' ιστοτόπ', όπου ούλ' ανθρώπ οι χρήστες εμπορούν να εφτάνε και ν' αλλάζνε τα σελίδας αθέ. Αβούτο τ' όνομαν εν συντόμευσην τη λέξης. Wikiwiki ένι χαβαϊκόν λέξη το σημαίνει αλήγορον. Σα wiki πολλοί χρήστες εμπορούν να γράφουν εντάμαν. Άμον ντ' εφτάει ο ένας άρθρον το 'κ είναι σωστόν, ο άλλος εμπορεί ν' αλλάζατο αέτς για να ίνεται καλλίον. Εξόν τα αλλαγάς, ίνεται και το πρόσθεμαν καινούρεων γνωσίων σο άρθρον κι αέτς το wiki θα τρανείν. Επίσης ίνεται και γουνούσεμαν. Σ' ορισμένα βικι (αμόν τη Βικιπαίδεια, τ' ασ' ούλτς διάσημον wiki) έχ' τα σελίδας καλατσεματί, σ' αλλά οι χρήστες πα γονουσεύνε σ' ούλτς τα σελίδας. Ο σκοπόν και τα νομς που κανονίζνε την λειτουργείαν ατούν 'κ είναι πάντα ίδιοι. Σκοπόν τη Βικιπαίδειας λ.χ. εν το γράψιμον αρθρίων αέτς για να χτίζεται εγκυκλοπαίδειαν. Το πρώτο wiki εχπάστεν σα 25 τη Μαρτ 1995 ασον Ward Cunningham και είχε πολλούς χρήστες. Επεκεί αβούτοι εποίκαν τα βικι ατούν. |
| 14 |
Η Αμερικήν εν τρανόν ήπειρον σο δυτικόν ημψόν τη γης. Οι λόγιοι τ' Ευρώπης 'κ εγνωρίζαν' ατέν ώσαμε σα 1492 τη χρονίαν. Ατότε εύραν ατέν και για τ' ατό έδωκαν τ' όνεμαν Νέον Κόσμον. Η Αμερικήν χωρίεται σο Βόρειον και σο Νότιον την Αμερικήν. Εχ' πληθυσμόν σα 900.000.000 τ' ανθρώπ'ς κιαν. |
| 15 |
Ο Φίλων Κτενίδης 1889 - 13 Χορτοθέρτ 1963 έτονε πόντιος έλλενας συγγραφέας, δημοσιογράφος και γιατρός. Ατός εμπρολάλεσεν την ανιστόρησην τη μονής Σουμελά σο Βέρμιον. Ίδρυσεν το Σωματείον τη Παναγίας Σουμελά το 1951. |
Комментарии