| 1 |
ᥛᥫ ᥓᥝᥲ ᥕᥣ ᥞᥣᥢᥰ ᥑᥝᥴ ᥓᥝᥲ ᥞᥨᥝᥰ ᥐᥛᥳ ᥛᥣᥱ ᥝᥣᥱ ᥓᥣᥱ ᥘᥢᥳ ᥖᥤᥴ ᥘᥭᥲ ᥘᥒ ᥟᥧᥐ ᥐᥧᥳ ᥖᥤᥐ ᥘᥭᥴ ᥕᥝᥳ. ᥘᥣᥭᥰ ᥘᥒ ᥟᥧᥐ ᥐᥧᥳ ᥖᥤ ᥘᥭᥲ ᥖᥤᥴ ᥘᥭᥲ ᥘᥒ ᥞᥥᥖᥱ ᥞᥪᥴ ᥙᥫ ᥘᥭᥴ ᥜᥫᥐᥱ ᥞᥥᥢᥰ ᥖᥨᥭᥰ ᥛᥨᥢ ᥓᥝᥲ ᥛᥫᥒᥰ ᥛᥣᥢ ᥛᥫᥒᥰ ᥗᥭᥰ ᥘᥦᥲ ᥛᥫᥒᥰ ᥔᥤᥱ ᥞᥨᥝᥱ ᥛᥤᥰ ᥘᥩᥒ ᥙᥦᥐᥱ ᥙᥫᥒ ᥐᥢ ᥝᥭᥳ. ᥘᥬᥰ ᥔᥣᥛᥴ ᥚᥣᥭᥱ ᥛᥫᥒᥰ ᥘᥢᥳ ᥛᥫᥒᥰ ᥛᥣᥢ ᥘᥒ ᥖᥥᥳ ᥕᥣᥛᥲ ᥞᥢᥴ ᥕᥝᥳ. |
| 2 |
ᥟᥩᥢ ᥐᥢ ᥘᥒ ᥐᥩᥲ ᥕᥩᥒᥱ ᥕᥝᥳ. ᥗᥭᥰ ᥔᥛᥳ ᥘᥭᥲ ᥞᥢᥴ ᥘᥒ ᥐᥨᥝᥱ ᥕᥨᥝᥱ ᥕᥝᥳ. ᥘᥒ ᥐᥨᥝᥱ ᥕᥨᥝᥱ ᥟᥢ ᥝᥣ ᥘᥢᥳ ᥟᥝ ᥞᥨᥝᥴ ᥑᥝᥱ ᥔᥩᥒᥴ ᥑᥩᥢᥴ ᥘᥨᥒᥰ ᥓᥙᥴ ᥖᥤ ᥘᥒ, ᥙᥣᥭ ᥖᥤᥢ ᥔᥩᥒᥴ ᥚᥣᥭᥱ ᥔᥛᥳ ᥖᥛᥰ ᥝᥭᥳ ᥘᥒ ᥓᥧᥐᥴ ᥕᥦᥐ ᥕᥥ ᥘᥢᥳ ᥔᥥᥴ ᥘᥒ ᥕᥝᥳ. ᥙᥨᥝᥰ ᥖᥤᥴ ᥔᥣᥒᥰ ᥘᥣᥒᥰ ᥗᥦᥢᥲ ᥛᥥᥝᥰ ᥘᥫᥒ ᥘᥭᥴ ᥘᥒ ᥘᥒ ᥑᥨᥙ ᥑᥝᥱ ᥘᥢᥳ ᥔᥥᥴ ᥟᥝ ᥙᥣᥭ ᥖᥤᥢ ᥖᥛᥰ ᥛᥥᥝᥰ ᥘᥢᥳ ᥕᥝᥳ. |
| 3 |
ᥙᥩᥰ ᥘᥒ ᥑᥨᥙ ᥑᥝᥴ ᥟᥝ ᥖᥤᥢ ᥖᥛᥰ ᥘᥭᥴ ᥛᥫᥢᥴ ᥚᥧᥱ ᥕᥤᥒᥰ ᥑᥝᥴ ᥘᥒ ᥑᥨᥙ ᥑᥝᥱ ᥘᥢᥳ ᥕᥧᥱ ᥕᥝᥳ. ᥛᥨᥢ ᥓᥝᥲ ᥔᥤᥱ ᥞᥨᥝᥱ ᥑᥝᥴ ᥖᥥᥳ ᥛᥫᥢᥴ ᥘᥒᥱ ᥘᥣᥭᥰ ᥛᥨᥢ ᥓᥝᥲ ᥛᥫᥒᥰ ᥛᥣᥢ ᥘᥢᥳ ᥐᥩᥭᥰ. ᥐᥩᥭᥰ ᥐᥣ ᥛᥣᥒ ᥙᥩᥐ ᥐᥩᥲ ᥕᥣᥰ ᥓᥝᥲ ᥟᥢ ᥙᥤᥰ ᥘᥢᥳ ᥘᥭᥲ ᥞᥢᥴ ᥘᥒ ᥐᥨᥒᥱ ᥕᥨᥒᥱ ᥟᥢ ᥝᥣ ᥘᥢᥳ ᥐᥩᥲ ᥘᥒ ᥐᥩᥒᥱ ᥕᥩᥒᥱ ᥐᥩᥢᥰ ᥐᥫᥢ ᥘᥭᥴ ᥞᥝᥳ. |
| 4 |
ᥐᥩᥙ ᥝᥣ ᥚᥣᥱ ᥖᥤᥢ ᥑᥩᥢᥴ ᥘᥫᥒ ᥖᥛᥰ ᥛᥨᥖᥴ ᥛᥨᥖᥴ ᥔᥥᥴ ᥗᥦᥒᥲ ᥚᥣᥭᥱ ᥘᥫᥒ ᥔᥛᥳ ᥟᥝ ᥙᥣᥭ ᥖᥤᥢ ᥖᥝᥳ ᥘᥒ ᥓᥧᥐᥴ ᥕᥦᥒᥱ ᥕᥥᥲ ᥔᥥᥴ ᥘᥦᥲ ᥙᥩᥭᥱ ᥞᥨᥝᥴ ᥑᥝᥱ ᥕᥩᥢᥰ ᥘᥨᥒᥰ ᥟᥛᥱ ᥙᥢ ᥖᥤ ᥘᥒ ᥛᥥᥝᥰ ᥘᥢᥳ ᥕᥝᥳ. ᥘᥣᥭᥰ ᥟᥢ ᥘᥒ ᥘᥒᥱ ᥘᥭᥴ ᥘᥭᥳ ᥘᥭᥲ ᥝᥣ ᥓᥛ ᥐᥢ ᥒᥣᥭᥰ ᥖᥒᥰ ᥘᥣᥭᥰ ᥘᥒ ᥐᥩᥒᥱ ᥕᥩᥒᥱ ᥕᥝᥳ. ᥐᥩᥭᥰ ᥐᥣ ᥟᥢ ᥑᥝᥴ ᥘᥒ ᥘᥒᥱ ᥘᥭᥴ ᥘᥭᥳ ᥟᥛᥱ ᥓᥬ ᥐᥧ ᥓᥝᥲ ᥐᥧ ᥙᥣᥰ ᥙᥥᥢ ᥓᥝᥲ ᥓᥫᥰ ᥙᥤᥰ ᥘᥢᥳ ᥐᥩᥭᥰ. |
| 5 |
ᥙᥩᥰ ᥟᥛᥱ ᥙᥤᥰ ᥖᥥᥳ ᥘᥒ ᥐᥩᥒᥱ ᥕᥩᥒᥱ ᥛᥫᥢᥴ ᥘᥒᥱ ᥛᥨᥢ ᥓᥝᥲ ᥛᥫᥒᥰ ᥛᥣᥢ ᥘᥢᥳ ᥐᥩᥭᥰ. ᥑᥣᥛᥰ ᥙᥣᥱ ᥘᥤᥳ ᥑᥨᥝᥲ ᥘᥥᥝ ᥐᥢ ᥟᥝ ᥖᥤ ᥙᥩᥒᥱ ᥙᥦᥐᥱ ᥙᥫᥒ ᥐᥢ ᥘᥒᥱ ᥘᥭᥴ ᥘᥭᥳ ᥞᥢᥴ ᥗᥪᥒᥴ ᥝᥣ ᥘᥨᥝᥱ ᥞᥣᥱ ᥑᥨᥝᥲ ᥛᥦᥢ ᥛᥢᥰ ᥕᥧᥱ. ᥙᥩᥰ ᥝᥣ ᥘᥢᥴ ᥓᥫᥰ ᥑᥣᥢᥳ ᥕᥣᥙᥱ ᥘᥢᥳ ᥘᥒ ᥘᥣᥭᥰ ᥘᥬ ᥐᥩᥭᥰ ᥕᥝᥳ ᥐᥣᥱ. ᥐᥩᥛᥲ ᥘᥣᥭᥰ ᥘᥒ ᥐᥩᥭᥰ ᥟᥛᥱ ᥖᥨᥐᥱ ᥒᥣᥰ ᥘᥣᥭᥰ. |
| 6 |
ᥟᥛᥱ ᥞᥩᥖ ᥛᥣᥐ ᥚᥨᥝᥱ ᥛᥫᥒᥰ ᥘᥤᥳ ᥙᥣᥢᥰ ᥐᥩᥙ ᥛᥢᥰ ᥘᥭᥴ ᥐᥩᥲ ᥖᥣᥱ ᥞᥧᥳ ᥖᥤ ᥙᥩᥒᥱ ᥑᥣᥛᥰ ᥙᥣᥱ ᥘᥤᥳ ᥓᥦᥖ ᥘᥢᥳ ᥛᥢᥰ ᥙᥥᥢ ᥐᥣᥢ ᥘᥛᥱ ᥘᥩᥒ ᥖᥣᥱ ᥘᥤᥐ ᥘᥣᥭᥰ ᥖᥭᥰ ᥑᥣᥛᥰ ᥖᥭᥰ ᥞᥢᥴ ᥗᥪᥒᥴ ᥝᥭᥳ ᥘᥒᥱ ᥘᥭᥴ. ᥙᥫ ᥘᥭᥴ ᥚᥦᥒᥴ ᥘᥒᥱ ᥘᥭᥲ ᥜᥫᥐᥱ ᥞᥥᥢᥰ ᥞᥢᥴ ᥗᥪᥒᥴ ᥘᥭᥳ ᥕᥩᥢᥰ ᥘᥭᥲ ᥓᥦᥖ ᥖᥨᥭᥰ ᥘᥩᥒ ᥛᥢᥰ ᥟᥤᥖᥴ ᥓᥦᥖᥴ ᥘᥫᥒ. |
| 7 |
ᥓᥧᥛᥰ ᥘᥧᥛᥰ ᥝᥤᥖ ᥓᥣᥱ ᥟᥣ ᥛᥥᥝᥰ ᥖᥭᥰ ᥖᥬᥲ ᥑᥨᥒᥰ ᥙᥩᥒ ᥞᥥᥖᥱ ᥐᥣᥢ ᥔᥩᥢᥴ ᥘᥣᥭᥰ ᥖᥭᥰ ᥗᥝᥲ ᥗᥪᥒᥴ ᥖᥤ ᥙᥩᥒ ᥞᥥᥖᥱ ᥞᥦᥴ 15 ᥝᥢᥰ ᥑᥣᥝᥰ 2 ᥝᥢᥰ ᥙᥨᥢᥳ ᥘᥢᥳ ᥑᥩᥖᥱ ᥔᥣᥰ. ᥓᥫᥝ ᥓᥫᥢᥱ ᥔᥥᥲ ᥖᥣᥒᥰ ᥓᥧᥰ ᥔᥥᥲ ᥡᥫᥢᥳ ᥕᥦᥢᥳ ᥘᥤᥲ ᥓᥧ ᥓᥣᥒᥰ ᥑᥨᥭᥱ ᥓᥣᥒᥰ ᥘᥬᥰ ᥘᥧᥛᥰ ᥝᥤᥖ ᥓᥣᥱ ᥟᥣ ᥛᥥᥝᥰ ᥖᥭᥰ ᥖᥬᥲ ᥑᥨᥒᥰ ᥘᥤᥰ ᥔᥤᥲ ᥐᥣᥱ ᥖᥫᥳ ᥑᥝᥲ ᥙᥣᥒ ᥟᥥᥐᥱ ᥔᥛᥳ ᥑᥩᥖᥱ ᥔᥦᥰ. |
| 8 |
ᥘᥧᥐ ᥛᥫ 2022 ᥙᥤ ᥛᥣᥰ ᥘᥭᥳ ᥘᥩᥒ ᥔᥩᥢᥴ ᥘᥣᥭᥰ ᥖᥭᥰ ᥗᥝᥲ ᥙᥨᥝᥰ ᥙᥩᥒ ᥞᥥᥖᥱ ᥘᥭᥲ ᥛᥣᥰ 3 ᥙᥧᥖ ᥞᥝᥳ. ᥐᥣᥢ ᥔᥩᥢᥴ ᥘᥥᥴ ᥙᥩᥐ ᥘᥭᥳ ᥗᥪᥒᥴ ᥖᥤ ᥓᥨᥝᥰ ᥓᥣᥰ ᥘᥣ ᥞᥦᥢᥰ ᥐᥧ ᥙᥣᥲ ᥐᥧ ᥚᥣᥭᥱ ᥖᥨᥝ ᥓᥣᥛᥱ ᥘᥭᥲ ᥙᥥᥢ ᥘᥩᥒ ᥙᥥᥢ ᥚᥧᥰ ᥘᥨᥒᥴ ᥘᥣᥒᥴ. ᥗᥪᥒᥴ ᥖᥤ ᥓᥨᥝᥰ ᥓᥣᥰ ᥔᥩᥢᥴ ᥘᥥᥴ ᥞᥦᥴ 10 ᥙᥣᥭ ᥝᥢᥰ ᥐᥨᥝᥳ ᥜᥫᥐᥱ ᥖᥒᥰ ᥘᥣᥭᥴ ᥙᥨᥝᥰ ᥛᥨᥝᥴ ᥚᥖᥴ ᥛᥨᥝᥴ ᥖᥦᥛᥲ ᥞᥝᥳ. |
| 9 |
ᥘᥛᥳ ᥐᥖ ᥖᥣᥒᥰ ᥔᥧᥒᥴ ᥖᥨᥝ ᥘᥭᥲ ᥕᥨᥐ ᥔᥧᥒᥴ ᥛᥣᥰ ᥘᥣᥭ ᥘᥣᥭ ᥙᥨᥝᥰ ᥑᥪᥖ ᥗᥪᥒᥴ ᥖᥣᥒᥰ ᥛᥣᥭᥴ ᥟᥢ ᥞᥝᥰ ᥟᥣᥒᥲ ᥘᥢᥳ. ᥘᥤᥰ ᥔᥤᥲ: ᥘᥥᥴ ᥞᥬᥲ ᥐᥨᥢᥰ ᥓᥫᥰ ᥛᥣᥰ ᥑᥣᥰ ᥓᥣᥰ ᥘᥢᥳ ᥐᥧ ᥐᥨᥝᥳ ᥔᥧᥲ ᥓᥨᥝᥰ ᥓᥣᥰ ᥐᥧᥛᥰ ᥐᥨᥝᥱ ᥗᥦᥢᥲ ᥕᥬᥰ ᥕᥬᥰ ᥞᥬᥲ ᥘᥤᥐ ᥑᥫᥐ ᥘᥣᥭᥰ ᥐᥣ ᥞᥝᥰ ᥔᥩᥢᥳ ᥔᥪᥙ ᥐᥣᥱ ᥕᥬᥰ ᥕᥬᥰ ᥐᥩᥙ ᥞᥬᥲ ᥘᥤᥐ ᥘᥣᥭᥰ ᥞᥝᥰ ᥞᥪᥒᥰ ᥗᥣᥰ ᥞᥥᥖᥱ ᥟᥩᥐᥱ ᥘᥩᥒ ᥟᥣᥙ ᥔᥣᥐ ᥛᥣᥰ. |
| 10 |
ᥙᥥᥢ ᥑᥣᥲ ᥓᥬᥳ ᥟᥢ ᥛᥤᥰ ᥔᥦᥖ ᥓᥣᥱ ᥘᥫᥴ ᥔᥤᥴ ᥙᥫᥢ ᥕᥝᥳ. ᥖᥛᥲ ᥖᥤᥲ ᥘᥬᥰ ᥗᥛᥲ ᥟᥢ ᥐᥨᥢᥰ ᥛᥫ ᥐᥩᥢᥱ ᥑᥝᥴ ᥕᥧᥱ ᥔᥝᥰ ᥘᥢᥳ ᥘᥭᥲ ᥐᥣᥱ ᥑᥧᥖᥰ ᥞᥢᥴ ᥭᥣᥰ ᥘᥧᥐᥴ ᥐᥨᥢᥰ ᥖᥒᥰ ᥘᥧᥐᥴ ᥛᥣᥴ ᥛᥤᥰ ᥓᥩᥛᥰ ᥐᥢᥴ ᥘᥦᥲ ᥙᥩᥰ ᥘᥧᥴ ᥖᥨᥭᥰ ᥘᥒᥱ ᥘᥢᥴ ᥘᥭᥴ ᥓᥥᥛ ᥛᥫ ᥙᥣᥢ ᥙᥭᥱ ᥖᥒᥲ ᥙᥭᥱ ᥛᥤᥰ ᥙᥪᥢᥰ ᥔᥒᥴ ᥘᥢᥳ ᥛᥣᥴ ᥘᥭᥳ ᥖᥥᥴ ᥘᥭᥲ ᥝᥣ ᥙᥥᥢ ᥔᥖ ᥕᥥᥢᥱ ᥒᥦᥲ ᥛᥪᥖ ᥐᥨᥢᥰ ᥘᥭᥴ ᥝᥣᥲ ᥘᥭᥲ ᥕᥧ. |
| 11 |
ᥛᥣᥴ ᥞᥫᥢᥰ ᥘᥭᥳ ᥘᥧᥐᥳ ᥖᥤ ᥛᥣᥴ ᥘᥭᥰ ᥘᥦᥲ ᥛᥣᥴ ᥘᥤᥢ ᥔᥥᥴ ᥙᥥᥢᥴ ᥛᥣᥰ ᥝᥣ ᥘᥭᥴ ᥔᥥᥴ ᥖᥣᥳ ᥙᥫᥒ ᥘᥨᥒᥴ ᥛᥢᥰ ᥓᥝᥲ ᥙᥣᥭᥰ ᥔᥣᥭ ᥑᥝᥴ ᥕᥧᥛᥱ ᥕᥛᥴ ᥝᥣ ᥘᥧᥐᥳ ᥖᥤ ᥛᥣᥴ ᥘᥭᥰ ᥕᥥᥢᥰ ᥙᥥᥢᥴ ᥛᥣᥰ ᥘᥭᥴ ᥕᥝᥳ. ᥚᥧ ᥑᥨᥢᥳ ᥑᥣᥳ ᥑᥝᥴ ᥝᥣ ᥐᥨᥢᥰ ᥛᥫᥲ ᥐᥩᥢᥱ ᥑᥝᥴ ᥘᥭᥳ ᥖᥣᥱ ᥖᥥᥴ ᥘᥪᥙ ᥘᥛᥰ ᥖᥨᥝᥴ ᥗᥫᥢᥱ ᥘᥢᥳ ᥑᥝᥴ ᥟᥝ ᥛᥣᥴ ᥔᥥᥴ ᥟᥢ ᥛᥤᥰ ᥖᥛᥲ ᥖᥤᥲ ᥞᥤᥛᥰ ᥞᥩᥛᥰ ᥑᥝᥴ ᥘᥢᥳ ᥘᥥᥒᥳ ᥔᥥᥴ ᥓᥬᥳ ᥐᥣᥢ ᥘᥭᥴ ᥕᥝ. |
| 12 |
ᥝᥣᥭᥰ ᥘᥢᥳ ᥘᥩᥒ ᥕᥥᥢᥱ ᥒᥦᥲ ᥐᥨᥢᥰ ᥞᥝᥰ ᥑᥪᥢᥲ ᥕᥬᥱ ᥛᥬᥱ ᥔᥧᥒᥴ ᥛᥣᥰ ᥘᥩᥭᥰ ᥘᥩᥭᥰ ᥔᥥᥴ ᥘᥩᥒ ᥘᥥᥒᥳ ᥛᥣᥴ ᥘᥢᥳ ᥕᥒ ᥓᥬ ᥖᥣᥱ ᥖᥥᥴ ᥘᥪᥙ ᥖᥨᥝ ᥗᥫᥢᥱ ᥘᥩᥒ ᥘᥥᥝ ᥐᥨᥭᥰ ᥔᥥᥴ ᥟᥝ ᥛᥣᥴ ᥓᥬᥳ ᥖᥪᥰ ᥘᥣᥲ ᥐᥣᥢᥴ ᥐᥧ ᥙᥫᥒ ᥙᥫᥒ ᥞᥥᥖ ᥘᥢᥴ ᥔᥥᥴ ᥛᥣᥴ ᥞᥫᥢᥰ ᥐᥩᥲ ᥓᥒᥱ ᥙᥥᥢ ᥛᥣᥰ ᥘᥣᥭᥴ ᥘᥣᥭᥴ ᥓᥫᥳ ᥘᥣᥭᥴ ᥘᥣᥭᥴ ᥛᥥᥝᥰ ᥘᥭᥴ ᥕᥝᥳ. |
| 13 |
ᥛᥣᥴ ᥟᥢᥴ ᥝᥣᥲ ᥢᥭᥳ ᥓᥥᥛᥴ ᥛᥫᥲ ᥖᥦᥱ ᥐᥫᥖᥱ ᥛᥣᥰ ᥓᥥᥛᥴ ᥛᥫᥲ ᥖᥪᥐᥳ ᥖᥨᥝᥴ ᥘᥥᥐᥳ ᥕᥧᥱ ᥢᥢᥳ ᥑᥝᥴ ᥙᥩᥰ ᥛᥤᥰ ᥝᥣᥱᥔᥢᥣᥱ ᥘᥪᥙᥲ ᥘᥛᥰ ᥖᥨᥝᥴ ᥗᥫᥢᥱ ᥕᥝᥳ ᥘᥦᥲ ᥙᥩᥰ ᥝᥣᥲ ᥘᥭᥲ ᥞᥢᥴ ᥖᥦᥱ ᥟᥝᥴ ᥢᥨᥐᥳ ᥢᥧᥴ ᥛᥦᥝᥰ ᥖᥩᥱ ᥗᥪᥒᥴ ᥙᥣᥒᥴ ᥖᥣᥭᥰ. ᥙᥦᥳ. ᥛᥧᥴ. ᥖᥪᥒᥴ. ᥐᥣᥒᥴ. ᥭᥤᥰ. ᥚᥣᥢᥰ ᥓᥫᥰ ᥢᥭᥳ ᥓᥪᥒᥴ ᥑᥝᥴ ᥙᥩᥰ ᥛᥩᥴ ᥐᥣᥱ ᥞᥣᥴ ᥘᥨᥭᥰ ᥞᥣᥴ ᥘᥛᥰ ᥕᥧᥱ ᥕᥝᥳ. |
| 14 |
ᥛᥣᥴ ᥞᥫᥢᥰ ᥢᥭᥳ ᥙᥤᥐᥳ ᥔᥛᥳ ᥝᥣᥲ ᥟᥛᥱ ᥛᥤᥰ ᥑᥥᥢᥴ ᥔᥒᥴ ᥔᥥᥴ ᥖᥣᥳ ᥐᥩᥳ ᥑᥝᥴ ᥐᥭᥳ ᥘᥥᥱ ᥟᥝᥴ ᥘᥧᥙᥱ ᥖᥣᥒᥰ ᥐᥤᥢᥴ ᥟᥢᥴ ᥑᥝᥴ ᥘᥭᥲ ᥛᥣᥰ ᥢᥢᥳ ᥘᥐᥳ ᥔᥫᥒᥱ ᥝᥭᥳ ᥕᥧᥱ. ᥖᥣᥒᥰ ᥕᥣᥛᥲ ᥟᥢᥴ ᥢᥭᥳ ᥘᥧᥐᥳ ᥖᥤᥲ ᥛᥣᥴ ᥘᥫᥒᥰ ᥔᥥᥴ ᥛᥣᥰ ᥐᥨᥭᥰ. ᥛᥣᥴ ᥘᥫᥒᥰ ᥢᥭᥳ ᥕᥩᥢᥳ ᥙᥫᥲ ᥐᥨᥝᥴ ᥙᥫᥢᥲ ᥛᥣᥰ ᥞᥤᥛᥴ ᥟᥝᥴ ᥖᥣᥒᥰ ᥐᥤᥢᥴ ᥑᥝᥴ ᥘᥦᥲ ᥑᥝᥴ ᥓᥒᥱ ᥟᥝᥴ ᥘᥐᥳ ᥔᥫᥐᥱ ᥕᥝᥳ. |
| 15 |
ᥛᥣᥴ ᥘᥫᥒᥰ ᥛᥣᥴ ᥛᥧᥰ ᥔᥫᥰ ᥖᥛᥲ ᥖᥤᥲ ᥐᥧᥢᥴ ᥟᥥᥰ ᥡᥣᥰ ᥘᥦᥲ ᥐᥧᥢᥴ ᥟᥣᥱ ᥜᥤᥐ ᥘᥦᥲ ᥛᥣᥴ ᥞᥫᥢᥰ ᥢᥢᥳ ᥘᥩᥒᥲ ᥙᥦᥐᥱ ᥙᥫᥒᥲ ᥑᥝᥴ ᥛᥤᥰ ᥝᥭᥳ ᥟᥢᥴ ᥢᥪᥒᥲ. ᥢᥢᥳ ᥖᥦᥳ ᥛᥣᥴ ᥞᥫᥢᥰ ᥢᥭᥳ ᥛᥩᥴ ᥞᥝᥱ. ᥛᥣᥴ ᥘᥫᥒᥰ ᥢᥭᥳ ᥔᥛᥳ ᥐᥨᥭᥰ ᥛᥩᥴ ᥞᥩᥢᥴ ᥐᥨᥭᥰ ᥢᥢᥳ ᥕᥝᥳ. ᥛᥣᥴᥟᥛᥥᥱ ᥞᥤᥐ ᥟᥢᥴ ᥛᥫᥢᥴ ᥛᥣᥴ ᥢᥭᥰ ᥢᥢᥳ ᥖᥦᥳ ᥘᥭᥲ ᥞᥢᥴ ᥑᥝᥴ ᥞᥝᥱ ᥛᥣᥒᥴ ᥙᥩᥐᥲ ᥛᥣᥒᥴ ᥘᥬᥴ ᥐᥨᥭᥰ. |
| 16 |
ᥛᥣᥴ'ᥞᥣᥖᥳᥔᥐᥤᥱ' ᥟᥢᥴ ᥟᥦᥖᥳᥔᥴ ᥐᥤᥰ ᥛᥨᥝᥰ ᥑᥝᥴ ᥘᥥᥒᥳ ᥝᥭᥳ ᥢᥢᥳ ᥖᥦᥳ ᥖᥪᥢᥰ ᥟᥛᥱ ᥛᥩᥴ ᥞᥝᥱ. ᥢᥬᥰ ᥔᥖᥰ ᥖᥤᥖᥳ ᥔᥣᥢᥱ ᥖᥒᥰ ᥔᥥᥒᥲ ᥢᥭᥳ ᥐᥨᥭᥰ ᥛᥤᥰ ᥛᥣᥴ ᥛᥥᥝᥰ ᥘᥥᥝᥴ ᥐᥨᥭᥰ ᥕᥧᥱ ᥓᥩᥛᥰ ᥐᥨᥢᥰ ᥘᥭᥲ ᥖᥒᥰ ᥐᥛᥱ ᥚᥣᥱ. ᥙᥤᥐᥳ ᥔᥛᥳ ᥞᥣᥱ ᥔᥤᥱ ᥟᥧ ᥖᥧ ᥐᥖᥰ ᥛᥭᥲ ᥙᥦᥐᥱ ᥙᥫᥒᥲ ᥐᥢᥴ ᥖᥣᥢᥱ ᥘᥬᥴ ᥐᥩᥲ ᥘᥣᥭᥰ ᥛᥣᥴ ᥢᥭᥳ ᥕᥧᥱ ᥘᥭᥲ ᥓᥩᥛᥰ ᥐᥨᥢᥰ ᥐᥧᥲ ᥖᥤᥲ ᥔᥥᥴ ᥓᥩᥭᥲ ᥗᥦᥛᥴ ᥙᥢᥴ ᥐᥨᥢᥰ ᥕᥧᥱ ᥕᥝᥳ. |
| 17 |
ᥛᥣᥴ ᥛᥣᥒᥴ ᥓᥫᥰ ᥢᥭᥳ ᥞᥖᥰ ᥞᥣᥢᥴ ᥖᥦᥳ ᥖᥦᥳ. ᥛᥣᥒᥴ ᥓᥫᥰ ᥔᥛᥳ ᥕᥥᥢᥱ ᥒᥦᥲ ᥞᥧᥳ ᥑᥩᥲ. ᥛᥣᥒᥴ ᥓᥫᥰ ᥔᥛᥳ ᥘᥐᥰ ᥘᥦᥛᥴ. ᥛᥣᥒᥴ ᥓᥫᥰ ᥔᥛᥳ ᥢᥪᥐᥰ ᥢᥣᥴ. ᥛᥣᥒᥴ ᥓᥫᥰ ᥖᥦᥳ ᥞᥣᥭᥳ ᥕᥝᥳ. ᥐᥨᥭᥰ ᥐᥣᥲ ᥢᥬᥰ ᥔᥖᥰ ᥖᥒᥰ ᥔᥥᥒᥲ ᥢᥢᥳ ᥛᥣᥴ ᥢᥭᥳ ᥙᥥᥢᥴ ᥟᥢᥴ ᥛᥩᥴ ᥞᥧᥳ ᥞᥢᥴ ᥛᥩᥴ ᥓᥩᥛᥰ ᥙᥢᥴ ᥐᥣᥒᥴ ᥓᥬᥴ ᥐᥨᥢᥰ ᥘᥫᥴ ᥔᥥᥴ ᥙᥫᥢᥲ ᥕᥝᥳ. ᥖᥥᥴ ᥘᥭᥲ ᥕᥧᥛᥱ ᥝᥣᥲ ᥛᥣᥴ ᥞᥫᥢᥰ ᥢᥭᥳ ᥘᥧᥐᥳ ᥖᥤᥲ ᥛᥣᥴ ᥢᥭᥰ ᥛᥣᥰ ᥢᥭᥴ ᥕᥧᥱ. |
| 18 |
ᥟᥦᥖᥳᥔᥴ ᥐᥤᥰ ᥛᥨᥝᥰ ᥑᥝᥴ ᥟᥢᥴ ᥕᥧᥱ ᥔᥝᥰ ᥖᥛᥲ ᥖᥤᥲ ᥐᥧᥢᥴᥟᥛᥥᥱ ᥞᥤᥐ ᥙᥩᥖᥰ ᥞᥩᥒᥱ ᥢᥢᥳ ᥛᥣᥴ ᥑᥝᥴ ᥒᥣᥭᥰ ᥛᥫᥢᥴ ᥛᥣᥴ ᥢᥭᥰ ᥖᥦᥳ ᥖᥦᥳ ᥝᥣᥲ ᥝᥣᥲ. ᥐᥩᥙᥲ ᥙᥫᥲ ᥛᥫᥢᥴ ᥛᥣᥴ ᥢᥭᥰ ᥢᥣᥱ ᥘᥦᥲ ᥐᥨᥢᥰ ᥐᥣᥱ ᥑᥣᥝᥰ ᥖᥣᥒᥰ ᥑᥝᥴ ᥐᥭᥳ ᥗᥣᥒᥱ ᥚᥤᥖᥰ ᥝᥣᥲ ᥛᥣᥴ ᥢᥭᥰ ᥙᥥᥢᥴ ᥛᥣᥴ ᥞᥫᥢᥰ ᥕᥧᥱ. ᥖᥛᥲ ᥖᥤᥲ ᥓᥦᥲ ᥛᥫᥒᥰ ᥝᥥᥒᥰᥜᥘᥩᥱ ᥞᥤᥱ ᥖᥣᥱ ᥢᥢᥳ ᥐᥩᥲ ᥛᥣᥴ ᥛᥣᥒᥴ ᥓᥫᥰ ᥛᥫᥢᥴ ᥛᥣᥴ ᥢᥭᥰ ᥘᥤᥴ ᥘᥤᥴ ᥕᥝᥳ. |
| 19 |
ᥛᥣᥴ ᥞᥫᥢᥰ ᥓᥫᥰ ᥟᥢᥴ ᥛᥤᥰ ᥖᥛᥲ ᥖᥤᥲ ᥐᥧᥢᥴ ᥟᥥᥰ ᥡᥣᥰ. ᥐᥧᥢᥴ ᥟᥣᥱᥜᥞᥤᥐ ᥘᥦᥲ ᥐᥧᥢᥰ ᥕᥧᥰ ᥞᥨᥙᥳ ᥑᥝᥴ ᥢᥢᥳ ᥖᥦᥳ ᥖᥥᥴ ᥘᥭᥲ ᥝᥣᥲ ᥙᥥᥢᥴ ᥔᥣᥭᥴ ᥔᥪᥙᥱ ᥒᥫᥢᥲ ᥑᥫᥰ ᥛᥣᥴ ᥢᥭᥴ ᥕᥧᥱ. ᥛᥣᥴ ᥟᥦᥖᥳᥔᥴ ᥐᥤᥰ ᥛᥨᥝᥰ ᥖᥛᥲ ᥖᥤᥲ ᥐᥧᥢᥴᥟᥛᥥᥱ ᥞᥤᥐ ᥘᥦᥲ ᥐᥧᥢᥴ ᥕᥧᥰ ᥞᥨᥙᥳ ᥚᥣᥭᥱ ᥞᥩᥒᥱ ᥢᥢᥳ ᥖᥦᥳ ᥟᥝᥴ ᥓᥬᥳ ᥘᥣᥐᥲ ᥘᥩᥳ ᥘᥫᥢᥲ ᥖᥛᥲ ᥖᥤᥲ ᥢᥫᥴ ᥛᥨᥭᥴ ᥕᥝᥳ. |
| 20 |
ᥟᥛᥱ ᥞᥧᥳ ᥘᥭᥲ ᥓᥬ ᥔᥖᥴ ᥟᥛᥱ ᥘᥖᥴ ᥘᥭᥲ ᥓᥬ ᥐᥨᥢᥰ ᥘᥭᥴ ᥘᥦᥲ ᥓᥬ ᥛᥦᥝᥴ ᥘᥭᥳ ᥐᥩᥲ ᥖᥨᥝ ᥘᥣᥛᥰ ᥕᥣᥙᥱ ᥝᥭᥳ ᥘᥦᥲ ᥐᥨᥝᥳ ᥘᥥᥒᥳ ᥛᥦᥝᥴ ᥘᥭᥲ ᥛᥤᥰ ᥖᥣᥒᥰ ᥑᥛᥴ ᥓᥬ ᥝᥭᥳ ᥕᥧᥱ. ᥛᥣᥴ ᥘᥭᥳ ᥖᥥᥳ ᥛᥨᥝᥴ ᥞᥧᥳ ᥐᥣᥒ ᥓᥬ ᥓᥝᥲ ᥛᥢᥰ ᥔᥥᥴ ᥛᥨᥝᥴ ᥟᥩᥢᥲ ᥝᥩᥢᥰ ᥑᥩᥢᥰ ᥞᥣᥒᥴ ᥞᥥᥖᥱ ᥘᥥᥴ ᥙᥢ ᥐᥧ ᥓᥫᥳ ᥐᥧ ᥘᥩᥒ ᥓᥬᥳ ᥘᥭᥲ ᥐᥧ ᥘᥩᥒ ᥔᥥᥴ ᥖᥣᥳ ᥛᥦᥝᥴ ᥘᥭᥳ ᥖᥥᥳ ᥟᥛᥱ ᥓᥣᥒ ᥓᥬᥳ ᥘᥭᥲ ᥖᥥᥳ ᥖᥥᥳ. |
| 21 |
ᥖᥛ ᥖᥤ ᥓᥝᥲ ᥛᥢᥰ ᥐᥩᥲ ᥛᥢᥰ ᥟᥛᥱ ᥙᥩᥰ ᥕᥧᥱ ᥔᥝᥰ ᥟᥩᥖ ᥟᥦᥖ ᥓᥩᥛᥰ ᥔᥥᥴ ᥐᥩᥭᥰ ᥞᥣᥛᥳ ᥕᥧᥱ ᥔᥝᥰ ᥞᥒᥰ ᥐᥩᥭᥰ ᥑᥝᥴ ᥐᥩᥭᥰ. ᥓᥝᥲ ᥛᥣᥴ ᥘᥢᥳ ᥖᥥᥳ ᥛᥢᥰ ᥐᥩᥢᥰ ᥘᥭᥲ ᥛᥣᥴ ᥛᥢᥰ ᥔᥥᥴ ᥓᥬᥳ ᥘᥭᥲ ᥘᥣᥲ ᥐᥣᥢ ᥖᥒᥰ ᥘᥛᥴ ᥔᥥᥴ ᥖᥣᥳ ᥓᥝᥲ ᥛᥦᥝᥴ ᥘᥭᥳ ᥖᥥᥳ ᥛᥢᥰ ᥟᥛᥱ ᥐᥩᥢᥰ ᥘᥭᥲ ᥛᥦᥝᥴ ᥛᥢᥰ. ᥛᥢᥰ ᥐᥩᥭᥰ ᥐᥧᥛᥱ ᥘᥭᥲ ᥓᥩᥛᥰ ᥓᥬ ᥙᥢ ᥛᥦᥝᥴ ᥛᥢᥰ ᥘᥢᥳ ᥐᥩᥭᥰ. |
| 22 |
ᥚᥧᥱ ᥖᥦᥛᥲ ᥘᥤᥐ ᥔᥣᥱ ᥝᥨᥝᥰ ᥘᥣᥴ ᥖᥣᥰ ᥓᥣ ᥐᥩᥖᥳ ᥕᥣᥛᥲ ᥘᥣᥖ ᥝᥣ"ᥛᥦᥝᥴ ᥘᥭᥳ ᥙᥥᥢ ᥔᥖᥴ ᥟᥢ ᥛᥤᥰ ᥘᥩᥒ ᥗᥤᥛᥱ ᥘᥩᥒ ᥔᥫᥒᥱ ᥔᥤᥛᥰ ᥖᥒᥰ ᥘᥛᥴ ᥕᥝᥳ. ᥐᥣᥒ ᥓᥬ ᥑᥝᥴ ᥟᥢ ᥑᥬᥲ ᥞᥥᥖᥱ ᥑᥬᥲ ᥔᥣᥒᥲ ᥘᥢᥳ ᥘᥦᥙ ᥛᥤᥰ ᥝᥭᥳ ᥖᥒᥰ ᥘᥛᥴ ᥘᥦᥲ ᥚᥩᥒᥰ ᥛᥫ ᥟᥧᥛᥲ ᥞᥩᥙᥱ ᥛᥦᥝᥴ ᥘᥢᥳ ᥘᥨᥝᥱ ᥘᥭᥲ ᥝᥭᥳ ᥔᥖᥳ ᥖᥤᥳ ᥕᥧᥱ" ᥘᥭᥴ ᥕᥝᥳ. ᥛᥦᥝᥴ ᥘᥭᥳ ᥖᥥᥱ ᥛᥤᥰ ᥛᥣᥰ ᥓᥥᥛ ᥛᥫ ᥘᥣᥢᥳ ᥙᥩᥒᥰ ၃᧐ ᥘᥣᥢᥳ ᥙᥤ ᥘᥢᥳ ᥕᥧᥱ. |
| 23 |
ᥛᥥᥲ ᥘᥭᥳ ᥖᥥᥴ ᥘᥭᥲ ᥝᥣ ᥙᥥᥢ ᥟᥣ ᥛᥥᥝᥰ ᥙᥥᥳ ᥐᥩᥭᥰ ᥐᥣ ᥑᥨᥢᥴ ᥛᥢᥰ ᥘᥣᥴ ᥑᥨᥢᥴ ᥛᥢᥰ ᥙᥨᥒᥰ ᥔᥥᥴ ᥟᥨᥢᥲ ᥟᥩᥢᥱ. ᥐᥛᥳ ᥚᥩᥒ ᥐᥩᥲ ᥞᥩᥒᥳ ᥝᥣ ᥓᥥᥢ, ᥓᥥᥢ ᥟᥢ ᥔᥫᥱ ᥟᥢ ᥙᥧ ᥘᥢᥳ ᥞᥝᥰ ᥖᥥᥴ ᥕᥣᥛᥲ ᥖᥪᥰ ᥕᥧᥱ. ᥐᥛᥳ ᥚᥩᥒ ᥐᥩᥲ ᥞᥩᥒᥳ ᥝᥣ ᥙᥧ ᥘᥭᥴ ᥕᥝᥳ. ᥐᥙᥴ ᥐᥣᥭᥱ ᥘᥨᥭ ᥙᥧ ᥘᥭᥳ ᥖᥥᥳ ᥙᥩᥰ ᥝᥣ ᥑᥨᥝᥰ ᥙᥧ ᥑᥨᥝᥰ ᥚᥥᥰ ᥘᥭᥴ ᥖᥥᥴ ᥛᥪᥖ ᥞᥧᥴ ᥞᥝᥰ ᥕᥧᥱ. |
| 24 |
ᥙᥥᥢ ᥔᥖᥴ ᥟᥢ ᥑᥝᥲ ᥙᥣᥰ ᥘᥬᥰ ᥐᥣᥢ ᥘᥥᥒᥳ ᥘᥧᥴ ᥖᥨᥝ ᥔᥖᥴ ᥘᥢᥳ ᥕᥧᥱ. ᥖᥤᥢ ᥛᥥᥲ ᥘᥭᥳ ᥛᥤᥰ ᥐᥤᥙᥱ ᥚᥦᥒᥴ ᥘᥒᥱ ᥖᥨᥝ ᥔᥩᥛᥴ ᥘᥨᥛᥰ ᥟᥢ ᥛᥨᥝᥴ ᥐᥥᥝᥳ ᥟᥫᥒ ᥘᥢᥳ ᥐᥩᥭᥰ ᥘᥒᥱ ᥐᥝᥱ. ᥘᥬᥰ ᥐᥣ ᥔᥖᥴ ᥟᥢ ᥐᥨᥢᥰ ᥘᥥᥒᥳ ᥘᥢᥳ ᥖᥥᥴ ᥘᥭᥲ ᥝᥣ ᥛᥥᥲ ᥘᥭᥳ ᥙᥥᥢ ᥔᥖᥴ ᥟᥢ ᥐᥨᥢᥰ ᥘᥥᥒᥳ ᥘᥛᥴ ᥔᥥᥴ ᥖᥥᥴ ᥛᥤᥰ ᥛᥩᥐ 1 ᥙᥤᥱ ᥘᥤᥱ ᥕᥣᥛᥱ ᥘᥫᥴ ᥕᥧᥱ. |
| 25 |
ᥑᥣᥒᥱ ᥔᥤᥲ ᥘᥭᥳ ᥙᥥᥢ ᥟᥣ ᥛᥥᥝᥰ ᥛᥦᥝᥴ ᥟᥢ ᥖᥨᥝ ᥕᥬᥱ. ᥛᥫ ᥐᥩᥢᥱ ᥘᥣᥛᥰ ᥝᥭᥳ ᥝᥣ ᥑᥝᥴ ᥖᥤᥴᥕᥧᥱ ᥔᥝᥰ ᥖᥛ ᥖᥤ ᥐᥧᥢᥟᥥᥰ ᥡᥣᥰ ᥝᥣ ᥘᥭᥴ ᥔᥥᥴ ᥖᥣᥳ ᥕᥩᥢᥳ ᥙᥫ ᥔᥫᥴ ᥘᥬᥰ ᥟᥥᥰ ᥡᥣᥰ ᥐᥪᥒᥳ ᥐᥣᥒᥳ ᥚᥥ ᥘᥛᥴ ᥘᥦᥲ ᥓᥫᥰ ᥑᥝᥴ ᥓᥒᥱ ᥑᥣᥭᥳ ᥐᥣᥱ ᥕᥧᥱ ᥖᥛ ᥖᥤ ᥟᥣᥱ ᥜᥣᥱ ᥞᥤᥐ ᥘᥭᥴ ᥕᥝᥳ. ᥕᥣᥛᥰ ᥖᥤ ᥘᥥᥝ ᥐᥩᥭᥰ ᥘᥭᥲ ᥞᥢᥴ ᥛᥤᥰ ᥝᥭᥳ ᥖᥛ ᥖᥤ ᥟᥣᥱ ᥜᥣᥱ ᥞᥤᥐ ᥐᥩᥭᥰ. |
| 26 |
ᥑᥣᥒᥱ ᥔᥤᥲ ᥘᥭᥳ ᥖᥨᥝ ᥟᥦᥢᥱ ᥔᥥᥴ ᥔᥫᥴ. ᥑᥣᥒᥱ ᥔᥤᥲ ᥖᥨᥝ ᥕᥬᥱ ᥔᥤᥴ ᥙᥫᥢ ᥘᥢᥳ ᥖᥨᥝᥳ ᥖᥥᥳ ᥖᥣᥢᥱ ᥔᥫᥴ ᥞᥣᥖ. ᥔᥣᥒᥱ ᥔᥤ ᥟᥢ ᥕᥬᥱ ᥔᥥᥴ ᥙᥫᥢ ᥘᥢᥳ ᥔᥛᥳ ᥖᥨᥝ ᥟᥩᥢᥱ ᥔᥥᥴ ᥔᥫᥴ ᥕᥧᥱ. ᥑᥣᥒᥱ ᥔᥤᥲ ᥘᥭᥳ ᥘᥭᥲ ᥝᥣ ᥙᥥᥢ ᥑᥧᥢᥴ ᥖᥨᥝ ᥗᥫᥢᥱ ᥘᥭᥴ ᥔᥥᥴ ᥟᥤᥢᥱ ᥖᥣ ᥞᥥᥱ ᥕᥬᥱ ᥖᥥᥳ ᥕᥝᥳ. ᥔᥣ ᥚᥣᥱ ᥝᥣᥳ ᥑᥣᥒᥱ ᥔᥤᥲ ᥘᥭᥳ ᥚᥣᥢᥱ ᥙᥢ ᥛᥣᥰ ᥖᥣᥱ ᥖᥤᥴ ᥕᥧᥱ ᥔᥝᥰ ᥓᥩᥛᥰ ᥐᥣᥒ ᥙᥣᥒᥱ. |
| 27 |
ᥔᥣ ᥚᥣᥱᥝᥣᥳ ᥔᥫᥴ ᥔᥛᥳ ᥚᥣᥢᥱ ᥙᥥᥢᥴ ᥛᥣᥰ ᥖᥣᥱ ᥖᥤᥴ ᥕᥧᥱ ᥓᥩᥛᥰ ᥗᥫᥢᥱ ᥓᥩᥛᥰ ᥑᥫᥰ. ᥔᥫᥴ ᥘᥦᥲ ᥑᥣᥒᥱ ᥔᥤᥲ ᥘᥭᥳ ᥕᥩᥢᥳ ᥙᥫ ᥑᥫᥰ ᥛᥫᥢᥴ ᥐᥢ ᥘᥦᥲ ᥟᥝ ᥓᥣᥙ ᥐᥢ ᥘᥭᥲ ᥕᥧᥱ. ᥔᥒᥴ ᥝᥣ ᥔᥫᥴ ᥙᥥᥢ ᥙᥨᥝ ᥑᥣᥒᥱ ᥔᥤᥲ ᥔᥛᥳ ᥙᥥᥢ ᥛᥥ ᥘᥭᥴ ᥞᥩᥒᥳ ᥝᥣ ᥔᥫᥴ ᥔᥤᥲ. ᥔᥒᥴ ᥝᥣ ᥑᥣᥒᥱ ᥔᥤᥲ ᥙᥥᥢ ᥙᥨᥝ ᥔᥫᥴ ᥔᥛᥳ ᥙᥥᥢ ᥛᥥ ᥘᥭᥴ ᥞᥩᥒᥳ ᥝᥣ ᥔᥤᥲ ᥔᥫᥴ ᥘᥭᥴ ᥕᥝᥳ. |
| 28 |
ᥘᥬᥰ ᥐᥣ ᥔᥖᥴ ᥖᥨᥝ ᥕᥧᥱ ᥘᥫᥴ ᥐᥩᥒᥰ ᥘᥢᥳ ᥘᥭᥲ ᥝᥣ ᥙᥥᥢ ᥔᥖᥴ ᥟᥢ ᥔᥧᥒᥴ ᥔᥥᥴ ᥙᥫᥢ ᥕᥧᥱ. ᥘᥬᥰ ᥐᥣ ᥔᥖᥴ ᥟᥢ ᥛᥨᥝᥴ ᥐᥥᥝᥲ ᥟᥫᥒ ᥘᥢᥳ ᥐᥩᥲ ᥙᥥᥢ ᥔᥖᥴ ᥟᥢ ᥖᥨᥝ ᥕᥬᥱ ᥔᥥᥴ ᥙᥫᥢ ᥕᥧᥱ. ᥖᥣᥒᥰ ᥔᥧᥒᥴ ᥑᥝᥴ ᥛᥤᥰ ᥛᥩᥐ 14 ᥗᥖᥴ ᥖᥨᥝᥱ ᥗᥪᥒᥴ 17 ᥗᥖᥴ ᥔᥥᥴ ᥖᥨᥝ ᥟᥢ ᥔᥧᥒᥴ ᥔᥥᥴ ᥙᥫᥢ ᥘᥢᥳ ᥘᥬᥰ ᥚᥪᥢᥴ ᥛᥣᥭᥴ ᥖᥩᥒᥰ ᥘᥭᥲ ᥐᥥᥙᥱ ᥔᥥᥢᥲ ᥛᥣᥭᥴ ᥝᥭᥳ ᥖᥥᥳ ᥛᥤᥰ ᥕᥧᥱ 20 ᥗᥖᥴ ᥕᥝᥳ. |
| 29 |
ᥘᥬᥰ ᥐᥣ ᥔᥖᥴ ᥖᥨᥝ ᥔᥩᥛᥴ ᥘᥨᥛᥰ ᥘᥢᥳ ᥛᥣᥳ ᥘᥩᥐᥱ ᥑᥨᥝᥰ ᥕᥣᥝᥰ ᥘᥭᥳ ᥔᥧᥒᥴ ᥔᥥᥴ ᥙᥫᥢ ᥖᥒᥰ ᥔᥥᥒᥲ ᥔᥥᥴ ᥖᥣᥒᥰ ᥔᥧᥒᥴ ᥐᥩᥐᥴ ᥞᥨᥝᥴ ᥛᥢᥰ ᥛᥤᥰ ᥕᥧᥱ 16 ᥗᥖᥴ ᥖᥨᥝᥱ ᥗᥪᥒᥴ 20 ᥗᥖᥴ ᥕᥝᥳ. ᥘᥩᥒ ᥟᥢ ᥔᥧᥒᥴ ᥘᥒᥱ ᥘᥭᥴ ᥘᥭᥳ ᥐᥩᥙ ᥙᥫ ᥖᥨᥝ ᥕᥬᥱ ᥔᥥᥴ ᥔᥧᥒᥴ ᥖᥥᥳ ᥟᥛᥱ ᥓᥬ. ᥐᥩᥙ ᥙᥫ ᥑᥨᥝᥰ ᥕᥣᥝᥰ ᥙᥨᥢᥳ ᥖᥤ ᥘᥦᥲ ᥖᥤᥢ ᥕᥣᥝᥰ ᥙᥨᥢᥳ ᥖᥤ ᥘᥢᥳ ᥕᥝᥳ. ᥖᥨᥝ ᥛᥢᥰ ᥖᥥᥳ ᥖᥥᥴ ᥛᥤᥰ ᥖᥣᥢᥱ ᥖᥨᥝ ᥛᥣᥳ ᥐᥩᥭᥰ. |
| 30 |
ᥐᥩᥙ ᥙᥫ ᥖᥤᥢ ᥕᥣᥝᥰ ᥘᥣᥱ ᥘᥦᥲ ᥙᥩᥰ ᥖᥥᥴ ᥐᥤᥢ ᥘᥛᥳ ᥘᥦᥲ ᥔᥒᥴ ᥖᥥᥴ ᥐᥤᥢ ᥖᥣᥒᥰ ᥐᥤᥢ ᥕᥫᥲ ᥘᥧᥛᥱ ᥟᥩᥢᥱ ᥘᥫᥴ ᥘᥤᥢ ᥘᥦᥲ ᥔᥒᥴ ᥑᥝᥴ ᥘᥭᥲ ᥟᥣᥲ ᥑᥣᥴ ᥑᥝᥴ ᥚᥣᥭᥱ ᥘᥣᥲ ᥐᥣᥒᥲ ᥐᥣᥒᥲ ᥔᥥᥴ ᥓᥒᥱ ᥖᥥᥴ ᥓᥣᥒ ᥐᥨᥛᥲ ᥐᥤᥢ ᥖᥣᥒᥰ ᥐᥤᥢ ᥕᥝᥳ. ᥟᥢ ᥘᥭᥲ ᥞᥩᥒᥳ ᥝᥣ ᥛᥣᥳ ᥑᥨᥝᥰ ᥕᥣᥛᥰ ᥓᥧᥛᥲ ᥟᥢ ᥝᥣ ᥘᥢᥳ ᥖᥥᥳ ᥐᥩᥙ ᥙᥫ ᥘᥩᥐᥴ ᥘᥣᥭᥰ ᥖᥤ ᥖᥨᥝ ᥑᥝᥴ ᥘᥢᥳ ᥛᥫᥢᥴ ᥘᥣᥭᥰ ᥔᥫᥴ ᥓᥧᥛᥲ ᥝᥭᥳ ᥘᥢᥳ ᥕᥝᥳ. |
| 31 |
ᥐᥨᥢᥰ ᥞᥝᥰ ᥐᥩᥭᥰ ᥟᥩᥢ ᥐᥢ ᥗᥣᥒᥱ ᥝᥣ ᥑᥣᥒᥱ ᥑᥤᥲ (ᥛᥤᥴ) ᥘᥭᥳ ᥞᥖᥴ ᥞᥣᥢᥴ ᥞᥦᥒᥰ ᥕᥧᥱ ᥘᥭᥴ ᥕᥝᥳ. ᥐᥩᥭᥰ ᥐᥣ ᥝᥣ ᥑᥣᥒᥱ ᥑᥤᥲ (ᥛᥤᥴ) ᥞᥖᥴ ᥞᥣᥢᥴ ᥘᥢᥳ ᥐᥩᥲ ᥔᥫᥴ ᥐᥩᥲ ᥖᥨᥝ ᥞᥖᥴ ᥞᥣᥢᥴ ᥖᥥᥳ ᥖᥥᥳ ᥘᥒᥱ ᥐᥝᥱ. ᥔᥫᥴ ᥘᥭᥳ ᥑᥫᥒ ᥙᥣᥲ ᥘᥛᥴ ᥕᥣᥝᥰ ᥕᥧᥱ ᥛᥩᥐ ᧑᧑ ᥗᥖᥴ (ᥙᥥᥱ) ᥘᥛᥳ ᥘᥐᥴ ᥛᥤᥰ ᥛᥩᥐ ၃၃᧐ ᥐᥤᥱ ᥘᥨᥝᥱ ᥐᥣ ᥘᥛᥱ (᧖᧖᧐ ᥙᥩᥢᥱ)ᥒᥣᥰ ᥔᥫᥴ ᥘᥭᥳ ᥐᥛᥳ ᥙᥣᥲ ᥘᥛᥴ ᥕᥣᥝᥰ ᥕᥧᥱ ᥑᥫ ၄ ᥔᥤᥐ. |
| 32 |
ᥙᥦᥐ ᥝᥣ ᥟᥝ ᥑᥝᥴ ᥛᥣᥰ ᥑᥒᥴ ᥔᥥᥴ ᥘᥥᥒᥳ ᥝᥭᥳ ᥘᥭᥴ ᥟᥣ ᥔᥣᥐ ᥑᥝᥴ ᥕᥧᥱ ᥘᥭᥲ ᥗᥪᥒᥴ ᥨ᧐ ᥙᥤ ᥘᥭᥲ ᥞᥢᥴ ᥝᥭᥳ ᥘᥒᥱ ᥘᥭᥴ. ᥛᥤᥴ ᥘᥭᥳ ᥟᥧᥙ ᥒᥛᥰ ᥝᥭᥳ ᥖᥤ ᥘᥬᥰ ᥗᥫᥢᥱ ᥟᥣ ᥚᥣᥳ ᥞᥐ ᥘᥢᥳ ᥕᥧᥱ ᥔᥫᥴ ᥐᥩᥲ ᥙᥥᥢ ᥖᥨᥝ ᥟᥢ ᥐᥩᥢᥰ ᥟᥧᥙ ᥝᥭᥳ ᥘᥬᥰ ᥗᥫᥢᥱ (ᥟᥥᥰ ᥡᥦᥰ) ᥞᥝᥳ. ᥐᥨᥢᥰ ᥞᥝᥰ ᥟᥩᥢ ᥐᥢ ᥝᥣ ᥛᥦᥝᥴ ᥙᥥᥢ ᥔᥣᥱ ᥘᥣᥱ ᥔᥫᥴ, ᥞᥦᥴ ᥖᥥᥴ ᥘᥭᥲ ᥝᥣ ᥔᥫᥴ ᥘᥭᥳ ᥐᥩᥲ ᥙᥥᥢ ᥟᥣ ᥛᥥᥝᥰ ᥛᥦᥝᥴ ᥐᥩᥭᥰ ᥘᥒᥱ ᥐᥝᥱ. |
| 33 |
ᥙᥨᥝᥰ ᥟᥝ ᥛᥦᥝᥴ ᥖᥒᥰ ᥔᥫᥴ ᥛᥣᥰ ᥖᥦᥐ ᥖᥤᥰ ᥐᥢ ᥖᥨᥭᥰ ᥘᥭᥴ ᥑᥬᥲ ᥝᥣ ᥛᥫᥢᥴ ᥐᥢ ᥐᥧ ᥖᥤ. ᥟᥢ ᥙᥦᥐᥱ ᥐᥢ ᥐᥩᥭᥰ ᥛᥤᥰ ᥖᥨᥝ ᥕᥬᥱ ᥖᥒᥰ ᥖᥨᥝ ᥟᥦᥢᥴ ᥘᥭᥴ ᥐᥩᥭᥰ. ᥔᥫᥴ ᥘᥭᥳ ᥑᥨᥢᥴ ᥛᥢᥰ ᥘᥫᥛᥲ ᥘᥤ ᥐᥩᥭᥰ ᥟᥛᥱ ᥐᥣᥰ ᥖᥨᥝ ᥑᥤᥒᥰ ᥛᥢᥰ ᥐᥩᥲ ᥑᥦᥛᥳ ᥘᥤ ᥑᥪᥐ ᥖᥩᥢᥰ ᥝᥭᥳ. ᥔᥛᥳ ᥙᥥᥢ ᥖᥨᥝ ᥟᥢ ᥘᥦᥖᥴ ᥚᥬᥰ ᥑᥢᥴ ᥚᥣᥭᥴ ᥘᥬᥰ ᥟᥣ ᥛᥥᥝᥰ ᥛᥦᥝᥴ ᥞᥝᥳ. ᥔᥫᥴ ᥘᥭᥳ ᥖᥨᥝ ᥞᥣᥒ ᥐᥦᥢᥱ ᥑᥪᥐ ᥔᥤᥴ ᥙᥫᥢ. |
| 34 |
ᥖᥤ ᥘᥬᥰ ᥐᥧᥢ (ᥟᥥᥰ ᥡᥦᥰ) ᥛᥤᥰ ᥝᥭᥳ ᥔᥫᥴ ᥐᥧ ᥛᥥᥝᥰ ᥕᥣᥒᥱ ᥐᥩᥲ ᥟᥢ ᥙᥫᥢ ᥞᥧᥳ ᥓᥐᥴ ᥓᥪ ᥔᥥᥒᥴ ᥕᥬᥱ ᥘᥢᥳ ᥖᥥᥳ ᥙᥥᥢ ᥔᥫᥴ (ᥙᥤᥐ ᥐᥣᥱ ᥘᥣᥱ) ᥞᥝᥳ.ᥔᥫᥴ ᥟᥢ ᥙᥫᥢ ᥞᥧᥳ ᥓᥐᥴ ᥘᥛᥴ ᥗᥦᥒᥲ ᥛᥥᥝᥰ ᥘᥫᥒ ᥔᥛᥳ ᥙᥥᥢ (ᥔᥫᥴ ᥛᥣᥢᥱ ᥟᥤᥝᥰ ᥞᥤᥱ ᥕᥣᥱ) (ᥔᥫᥴ ᥐᥨᥝᥱ ᥐᥥᥰ ᥡᥦᥰ) (ᥔᥫᥴ ᥙᥣ ᥡᥧᥰ) ᥓᥫᥰ ᥘᥭᥳ ᥞᥝᥳ. ᥑᥨᥢᥴ ᥔᥫᥴ ᥙᥤᥒᥰ ᥐᥣ ᥘᥣᥰ ᥘᥭᥳ ᥟᥛᥱ ᥛᥫᥢᥴ ᥔᥫᥴ ᥖᥣᥒᥱ ᥓᥫᥰ. |
| 35 |
ᥟᥣ ᥕᥩᥒᥱ ᥑᥨᥢᥴ ᥛᥢᥰ ᥘᥦᥒ ᥘᥫᥒᥴ ᥝᥭᥳ ᥐᥩᥭᥰ ᥟᥛᥱ ᥐᥣᥰ ᥞᥨᥖ ᥘᥛ ᥛᥢᥰ ᥐᥩᥲ ᥛᥤᥰ ᥖᥒᥰ ᥖᥨᥝ ᥞᥣᥒ ᥘᥤ ᥖᥥᥳ ᥖᥥᥳ. ᥓᥩᥛᥰ ᥔᥣᥱ ᥚᥣᥱ ᥝᥣᥳ ᥙᥥᥢ ᥛᥣᥰ ᥔᥫᥴ ᥘᥣᥭᥰ ᥘᥭᥳ ᥟᥣ ᥕᥩᥒᥱ ᥛᥢᥰ ᥛᥫᥢᥴ ᥘᥤᥢ ᥘᥣᥭᥰ ᥛᥢᥰ ᥔᥛᥳ ᥛᥫᥢᥴ ᥖᥨᥢᥲ ᥕᥫᥲ ᥖᥨᥢᥲ ᥕᥧᥛᥰ ᥞᥦᥴ ᥙᥩᥰ ᥝᥣ ᥛᥢᥰ ᥕᥧᥱ ᥝᥭᥳ ᥘᥬᥰ ᥗᥫᥢᥱ ᥘᥬᥰ ᥕᥨᥛᥰ ᥘᥭᥴ ᥙᥫᥢ ᥟᥛᥱ ᥐᥪᥒᥳ ᥐᥣᥒᥳ ᥕᥧᥱ ᥝᥣ ᥛᥢᥰ ᥙᥥᥢ ᥔᥫᥴ. |
| 36 |
ᥖᥨᥝᥴ ᥕᥧᥱ ᥢᥫᥴ ᥘᥩᥭᥴ ᥐᥝᥲ ᥐᥧᥖᥳ ᥖᥥᥱ ᥖᥨᥝᥴ ᥕᥧᥱ ᥢᥬᥰ ᥢᥛᥳ ᥔᥤᥙᥰ ᥐᥧᥖᥳ ᥖᥥᥱ ᥢᥭᥴ ᥢᥢᥳ ᥐᥛᥳ ᥙᥣᥲ ᥢᥛᥴ ᥖᥨᥝᥴ ᥕᥧᥱ ᥢᥬᥰ ᥢᥛᥳ ᥢᥭᥳ ᥟᥛᥱ ᥘᥣᥲ ᥘᥤᥲ ᥛᥤᥰ ᥖᥤᥢᥴ. ᥛᥤᥰ ᥖᥤᥢᥴ ᥐᥩᥲ ᥐᥨᥭᥰ ᥙᥥᥢᥴ ᥖᥤᥢᥴ ᥙᥩᥛᥴ ᥐᥨᥭᥰ. ᥐᥨᥭᥰ ᥐᥣᥲ ᥙᥧᥴ ᥢᥭᥳ ᥖᥦᥳ ᥘᥣᥐᥱ ᥘᥣᥭᥰ ᥝᥭᥳ ᥔᥥᥴ ᥔᥛᥳ ᥛᥤᥰ ᥖᥤᥢᥴ 10 ᥑᥩᥢᥴ ᥘᥧᥰ ᥐᥩᥢᥱ. ᥢᥬᥰ 10 ᥑᥩᥢᥴ ᥢᥢᥳ ᥖᥣᥱ ᥖᥥᥴ ᥕᥣᥒᥲ ᥙᥭᥴ ᥢᥭᥴ ᥛᥢᥰ ᥐᥨᥭᥰ ᥓᥬᥳ 8 ᥑᥩᥢᥴ ᥐᥨᥭᥰ. |
| 37 |
ᥐᥤᥛᥰ ᥙᥧᥴ ᥘᥨᥒᥴ ᥚᥣᥭᥱ ᥢᥣᥲ ᥙᥫᥢᥲ ᥢᥢᥳ ᥖᥦᥳ ᥛᥢᥰ ᥓᥬᥳ ᥖᥪᥰ ᥛᥫᥢᥴ ᥢᥒᥱ ᥛᥪᥰ ᥕᥝᥳ. ᥖᥥᥴ ᥘᥭᥲ ᥝᥣᥲ ᥐᥤᥛᥰ ᥙᥧᥴ ᥢᥢᥳ ᥙᥥᥢᥴ ᥘᥣᥐᥲ ᥢᥣᥐᥲ ᥖᥣᥱ ᥐᥦᥖᥱ ᥑᥦᥴ ᥖᥨᥝᥴ ᥛᥢᥰ ᥢᥭᥴ ᥕᥧᥱ. ᥢᥫᥴ ᥐᥩᥒᥰ ᥘᥒᥴ ᥛᥢᥰ ᥢᥢᥳ ᥛᥤᥰ ᥝᥭᥳ ᥐᥥᥖᥰ ᥢᥣᥴ ᥐᥦᥢᥱ ᥘᥨᥒᥴ ᥘᥦᥲ ᥢᥢᥳ ᥙᥥᥢᥴ ᥟᥢᥴ ᥐᥦᥖᥱ ᥑᥦᥴ ᥙᥢᥴ ᥖᥨᥝᥴ ᥛᥢᥰ ᥢᥒᥱ ᥐᥝᥱ. |
| 38 |
ᥔᥨᥙᥰ ᥛᥢᥲ ᥐᥩᥲ ᥖᥩᥲ ᥘᥤᥴ ᥟᥣᥛᥰ ᥝᥭᥳ ᥢᥒᥱ ᥐᥝᥱ, ᥐᥩᥙᥲ ᥔᥒᥴ ᥢᥭᥴ ᥖᥤᥲ ᥔᥨᥙᥰ ᥛᥢᥰ ᥢᥢᥳ ᥛᥤᥰ ᥝᥭᥳ ᥖᥩᥢᥲ ᥘᥬᥴ ᥖᥩᥢᥲ ᥢᥢᥳ ᥛᥫᥢᥴ ᥢᥒᥱ ᥟᥩᥒᥲ ᥖᥤᥲ ᥔᥩᥙᥱ, ᥟᥩᥒᥲ ᥖᥤᥲ ᥑᥨᥙᥰ ᥐᥣᥙᥲ, ᥟᥩᥒᥲ ᥖᥤᥲ ᥐᥥᥝᥳ ᥐᥤᥢᥴ ᥓᥫᥰ ᥢᥢᥳ ᥕᥝᥳ. ᥙᥧᥴ ᥢᥭᥳ ᥙᥥᥢᥴ ᥔᥖᥰ ᥖᥨᥝᥴ ᥕᥧᥱ ᥢᥬᥰ ᥢᥛᥳ ᥔᥥᥴ ᥖᥣᥳ ᥓᥣᥒᥲ ᥛᥩᥴ ᥛᥪᥖᥲ ᥐᥣᥱ ᥙᥭᥴ ᥖᥤᥲ ᥢᥫᥴ ᥘᥤᥢᥴ ᥢᥫᥴ ᥐᥩᥒᥰ ᥖᥤᥲ ᥢᥪᥒᥲ ᥕᥝᥳ ᥖᥤᥲ ᥢᥪᥒᥲ ᥕᥧᥱ. |
| 39 |
ᥟᥢᥴ ᥑᥝᥴ ᥕᥧᥱ ᥢᥫᥴ ᥐᥩᥒᥰ ᥘᥭᥲ ᥞᥪᥒᥴ ᥟᥢᥴ ᥝᥣᥲ ᥢᥢᥳ ᥖᥦᥳ ᥕᥩᥢᥳ ᥙᥫᥲ ᥑᥝᥴ ᥛᥩᥴ ᥞᥥᥖᥰ ᥞᥬᥴ ᥐᥣᥙᥱ ᥐᥣᥒᥰ ᥑᥝᥴ ᥕᥛᥰ ᥝᥭᥳ ᥖᥣᥱ ᥔᥥᥱ ᥢᥢᥳ ᥕᥝᥳ. ᥖᥤᥲ ᥚᥒᥱ ᥢᥛᥳ ᥙᥣᥒᥱ ᥘᥣᥭᥱ ᥓᥫᥰ ᥢᥢᥳ ᥚᥩᥒᥰ ᥛᥫᥲ ᥢᥛᥳ ᥕᥨᥙᥲ ᥖᥨᥐᥰ ᥐᥣᥱ ᥓᥪᥒᥴ ᥔᥒᥴ ᥘᥭᥲ ᥞᥢᥴ ᥛᥧᥱ ᥓᥧᥛᥰ ᥙᥧᥴ ᥑᥝᥴ ᥛᥣᥰ ᥞᥣᥴ ᥐᥤᥢᥴ ᥖᥣᥒᥰ ᥐᥤᥢᥴ ᥓᥩᥛᥰ ᥞᥣᥖᥱ ᥔᥣᥭᥰ ᥓᥪᥒᥴ ᥘᥤᥴ ᥑᥬᥲ ᥑᥨᥝᥴ ᥖᥦᥳ ᥖᥦᥳ. |
| 40 |
ᥖᥤᥲ ᥢᥫᥴ ᥞᥣᥖᥱ ᥔᥣᥭᥰ ᥢᥢᥳ ᥔᥒᥴ ᥝᥣᥲ ᥛᥤᥰ ᥝᥭᥳ ᥙᥣᥴ ᥖᥣᥭᥴ ᥖᥨᥝᥴ ᥢᥪᥒᥲ ᥢᥭᥴ ᥓᥪᥒᥴ ᥙᥧᥴ ᥑᥝᥴ ᥢᥭᥳ ᥔᥩᥙᥱ ᥟᥣᥭᥴ ᥘᥭᥲ ᥘᥤᥴ ᥖᥦᥳ ᥔᥥᥴ ᥚᥦᥝᥴ ᥛᥣᥰ ᥖᥛᥲ ᥖᥤᥲ ᥙᥣᥴ ᥖᥣᥭᥴ ᥢᥢᥳ ᥐᥛᥰ ᥘᥥᥝᥴ ᥕᥝᥳ. ᥙᥩᥰ ᥑᥝᥴ ᥛᥣᥰ ᥞᥢᥴ ᥖᥨᥝᥴ ᥟᥢᥴ ᥑᥦᥳ ᥑᥥᥒᥱ ᥐᥢᥴ ᥔᥥᥴ ᥞᥤᥛᥴ ᥐᥢᥴ ᥐᥤᥢᥴ ᥖᥣᥒᥰ ᥐᥤᥢᥴ ᥓᥪᥒᥴ ᥙᥧᥴ ᥟᥩᥢᥱ ᥓᥫᥰ ᥢᥢᥳ ᥕᥒᥰ ᥘᥭᥲ ᥭᥣᥰ ᥙᥧᥴ ᥖᥨᥝᥴ ᥘᥨᥒᥴ ᥑᥨᥙᥰ ᥖᥣᥭᥴ ᥐᥩᥢᥱ ᥕᥝᥳ. |
| 41 |
ᥛᥫ ᥘᥥᥝ ᥖᥥᥳ ᥓᥣᥒᥳ ᥟᥢ ᥘᥧᥐ ᥖᥤ ᥓᥣᥒᥳ ᥛᥫ ᥓᥝᥳ ᥛᥣᥰ ᥘᥢᥳ ᥐᥩᥭᥰ ᥐᥪᥖᥴ ᥔᥩᥒᥴ ᥛᥥᥝᥰ ᥐᥩᥭᥰ ᥕᥝᥳ. ᥔᥖᥴ ᥖᥨᥝ ᥕᥧᥱ ᥘᥫᥴ ᥐᥩᥒᥰ ᥘᥭᥳ ᥓᥣᥒᥳ ᥘᥭᥳ ᥖᥨᥝ ᥕᥬᥱ ᥔᥥᥴ ᥙᥫᥢ. ᥞᥦᥒᥰ ᥕᥬᥱ ᥔᥥᥴ ᥙᥫᥢ. ᥙᥩᥰ ᥝᥣ ᥐᥨᥢᥰ ᥖᥥᥐᥴ ᥔᥦᥝᥲ ᥕᥩᥙᥱ ᥑᥝᥴ ᥔᥥᥴ ᥓᥬᥳ ᥑᥝᥴ ᥘᥭᥴ ᥔᥥᥴ ᥘᥤ ᥟᥣᥛᥰ ᥑᥝᥴ ᥛᥨᥝᥴ ᥓᥬ ᥕᥣᥝᥰ ᥔᥥᥴ ᥞᥥᥖᥱ ᥐᥣᥢ ᥙᥢ ᥐᥨᥢᥰ. |
| 42 |
ᥓᥣᥒᥳ ᥘᥭᥳ ᥔᥩᥢᥴ ᥒᥣᥭ. ᥓᥬᥳ ᥔᥒᥴ ᥐᥩᥲ ᥗᥩᥛᥱ ᥔᥥᥴ ᥛᥨᥝᥴ ᥞᥥᥖᥱ ᥓᥩᥛᥰ. ᥓᥣᥒᥳ ᥟᥣᥱ ᥜᥣ ᥞᥤᥐ ᥘᥭᥳ ᥖᥨᥝ ᥕᥬᥱ ᥔᥥᥴ ᥓᥣᥒᥳ ᥟᥥᥰ ᥡᥣᥰ ᥕᥧᥱ. ᥛᥣᥒ ᥖᥨᥝ ᥔᥧᥒᥴ ᥙᥥᥢ ᧑᧑ ᥗᥖᥴ ᥕᥝᥳ. ᥓᥣᥒᥳ ᥟᥥᥰ ᥡᥣᥰ ᥘᥭᥳ ᥖᥥᥳ ᥟᥛᥱ ᥔᥧᥒᥴ ᥙᥨᥢᥳ ᧑᧐ ᥗᥖᥴ. ᥓᥣᥒᥳ ᥟᥣᥱ ᥜᥣ ᥞᥤᥐ ᥘᥭᥳ ᥞᥨᥝᥴ ᥛᥨᥢᥰ ᥔᥥᥴ ᥛᥬ ᥞᥧᥴ ᥕᥬᥱ. ᥓᥣᥒᥳ ᥟᥥᥰ ᥡᥣᥰ ᥖᥥᥳ ᥓᥤᥐᥴ ᥞᥨᥝᥴ ᥘᥩᥐᥴ ᥔᥥᥴ ᥛᥬ ᥞᥧᥴ ᥟᥦᥢᥴ. |
| 43 |
ᥒᥨᥒᥰ ᥓᥣᥒᥳ ᥟᥣᥱ ᥜᥣ ᥞᥤᥐ ᥘᥭᥳ ᥛᥤᥰ ᥞᥩᥭᥰ ᥑᥩᥙᥱ ᥚᥥᥒᥱ ᥐᥢ ᥔᥥᥴ ᥛᥤᥰ ᥔᥤᥱ ᥔᥨᥙᥱ ᥔᥩᥒᥴ ᥟᥢ ᥕᥝᥳ. ᥒᥨᥒᥰ ᥓᥣᥒᥳ ᥟᥥᥰ ᥡᥣᥰ ᥖᥥᥳ ᥘᥫᥛᥲ ᥔᥥᥴ ᥔᥥᥛᥲ ᥘᥨᥒᥰ ᥐᥣᥱ. ᥙᥣᥭ ᥒᥨᥒᥰ ᥛᥢᥰ ᥐᥩᥭᥰ ᥛᥤᥰ ᥔᥤᥱ ᥔᥨᥙᥱ ᥟᥢ ᥘᥥᥝ ᥐᥩᥭᥰ. ᥓᥣᥒᥳ ᥟᥥᥰ ᥡᥣᥰ ᥘᥦᥲ ᥓᥣᥒᥳ ᥟᥣᥱ ᥜᥣ ᥞᥤᥐ ᥘᥩᥒ ᥙᥦᥐᥱ ᥙᥫᥒ ᥐᥢ ᥖᥣᥒᥱ ᥛᥥᥝᥰ ᥗᥦᥒᥲ ᥑᥢᥱ. |
| 44 |
ᥘᥤᥐ ᥘᥣᥝᥰ ອັກສອນລາວ ᥘᥭᥳ ᥙᥥᥢ ᥘᥤᥐ ᥙᥫᥒ ᥘᥨᥒᥴ ᥖᥣᥱ ᥖᥥᥴ ᥖᥦᥛᥲ ᥑᥣᥛᥰ ᥘᥣᥝᥰ ᥘᥦᥲ ᥑᥣᥛᥰ ᥖᥣᥒᥱ ᥐᥨᥢᥰ ᥑᥫᥰ ᥟᥢ ᥛᥤᥰ ᥕᥧᥱ ᥘᥬᥰ ᥛᥫᥒᥰ ᥘᥣᥝᥰ. ᥟᥝ ᥕᥧᥒᥱ ᥖᥪᥰ ᥖᥦᥛᥲ ᥑᥣᥛᥰ ᥟᥤᥱ ᥔᥣᥢᥴ ᥛᥣᥰ ᥕᥧᥱ ᥔᥥᥴ ᥖᥣᥳ ᥕᥣᥛᥰ ᥘᥥᥝ ᥖᥥᥳ ᥑᥣᥛᥰ ᥟᥤᥱ ᥔᥣᥢᥴ ᥘᥢᥳ ᥖᥪᥰ ᥘᥤᥐ ᥗᥭᥰ ᥕᥝᥳ. ᥖᥨᥝ ᥛᥥ ᥘᥤᥐ ᥘᥣᥝᥰ ພະຍັນຊະນະ ᥛᥤᥰ 27 ᥖᥨᥝ. |
| 45 |
ᥑᥣᥛᥰ ᥗᥭᥰ ᥟᥢ ᥝᥣ ᥘᥢᥳ ᥕᥣᥱ ᥙᥥᥴ ᥟᥝ ᥐᥣᥱ ᥘᥩᥰ ᥓᥩᥛᥰ ᥑᥣᥛᥰ ᥗᥭᥰ ᥓᥥᥒᥱ ᥓᥣᥢᥰ ᥝᥢᥰ ᥖᥨᥐᥱ ᥘᥦᥲ ᥗᥭᥰ ᥖᥩᥢᥲ ᥐᥣᥒ ᥘᥢᥳ ᥔᥥᥴ ᥐᥛᥰ. ᥑᥣᥛᥰ ᥗᥭᥰ ภาษาไทย ᥘᥭᥳ ᥔᥣ ᥕᥣᥛᥴ ᥘᥭᥴ ᥐᥩᥲ ᥝᥣ ᥟᥛᥱ ᥘᥢᥴ ᥗᥭᥰ ᥖᥩᥢᥲ ᥐᥣᥒ ᥘᥭᥴ ᥐᥩᥲ ᥝᥣ ᥕᥧᥱ. ᥙᥥᥢ ᥑᥨᥝᥲ ᥑᥣᥛᥰ ᥟᥢ ᥕᥧᥒᥱ ᥖᥪᥰ ᥘᥬᥰ ᥘᥧᥛᥰ ᥗᥭᥰ ᥔᥥᥴ ᥘᥭᥲ ᥝᥣ ᥙᥥᥢ ᥑᥨᥝᥲ ᥑᥣᥛᥰ ᥒᥝᥲ ᥐᥨᥢᥰ ᥗᥭᥰ ᥑᥝᥴ ᥘᥢᥳ ᥕᥝᥳ. |
| 46 |
ᥑᥨᥝᥲ ᥑᥣᥛᥰ ᥗᥭᥰ ᥑᥫᥒ ᥙᥣᥭ ᥘᥢᥳ ᥐᥥᥐᥳ ᥟᥝ ᥑᥨᥝᥲ ᥑᥣᥛᥰ ᥙᥣᥱ ᥘᥤ. ᥔᥐᥳ ᥐᥖ ᥘᥦᥲ ᥑᥣᥛᥰ ᥑᥣ ᥛᥥᥢᥴ ᥙᥣᥢ ᥐᥝᥱ ᥘᥢᥳ ᥛᥣᥰ ᥘᥨᥝᥰ ᥝᥭᥳ. ᥑᥨᥝᥲ ᥑᥣᥛᥰ ᥗᥭᥰ ᥘᥭᥳ ᥛᥤᥰ ᥔᥥᥒᥴ ᥑᥪᥢᥲ ᥔᥥᥒᥴ ᥘᥨᥒᥰ ᥔᥥᥴ ᥙᥥᥢ ᥚᥣᥱ ᥔᥣᥱ ᥑᥨᥝᥲ ᥑᥣᥛᥰ ᥟᥢ ᥓᥦᥐᥱ ᥕᥦᥐ ᥝᥭᥳ ᥙᥫᥒ ᥘᥫᥒ. ᥑᥣᥛᥰ ᥗᥭᥰ ᥘᥦᥲ ᥑᥣᥛᥰ ᥘᥣᥝᥰ ᥘᥭᥳ ᥛᥫᥢᥴ ᥐᥢ ᥔᥥᥴ ᥘᥩᥒ ᥖᥦᥛᥲ ᥘᥤᥐ ᥘᥢᥳ ᥖᥥᥳ ᥙᥦᥐᥱ ᥙᥫᥒ ᥐᥢ ᥟᥤᥖᥴ ᥟᥩᥖᥴ ᥕᥧᥱ. |
| 47 |
ᥙᥨᥝᥰ ᥟᥝ ᥟᥣ ᥛᥥᥝᥰ ᥑᥣᥛᥰ ᥝᥣ ᥖᥥᥳ ᥛᥫᥢᥴ ᥐᥢ ᥕᥝᥳ. ᥖᥨᥝ ᥛᥥ ᥘᥤᥐ ᥗᥭᥰ อักษรไทย ᥘᥭᥳ ᥙᥥᥢ ᥘᥤᥐ ᥖᥣᥱ ᥖᥪᥰ ᥖᥦᥛᥲ ᥑᥣᥛᥰ ᥗᥭᥰ ᥘᥦᥲ ᥑᥣᥛᥰ ᥖᥣᥒᥱ ᥟᥣ ᥛᥥᥝᥰ ᥘᥬᥰ ᥛᥫᥒᥰ ᥗᥭᥰ ᥞᥝᥳ. ᥛᥥ ᥔᥥᥒᥴ พยัญชนะ ᥛᥤᥰ 44 ᥖᥨᥝ. ᥛᥥ ᥓᥣᥙ สระ ᥛᥤᥰ 15 ᥖᥨᥝ ᥔᥥᥴ ᥙᥨᥝᥰ ᥓᥣᥙ ᥐᥢ ᥙᥥᥢ ᥐᥣᥱ ᥛᥥ ᥓᥣᥙ 28 ᥖᥨᥝ. ᥗᥝᥴ ᥔᥥᥒᥴ 4 ᥔᥥᥒᥴ. |
| 48 |
ᥐᥨᥢᥰ ᥘᥣᥖ ᥑᥣᥛᥰ ᥟᥤᥱ ᥔᥣᥢᥴ ᥛᥤᥰ ᥕᥧᥱ ᥛᥩᥐ 20 ᥘᥣᥢᥳ. ᥐᥨᥢᥰ ᥗᥭᥰ ᥟᥢ ᥛᥤᥰ ᥖᥤ ᥚᥣᥭᥱ ᥘᥬᥰ ᥚᥣᥭᥱ ᥘᥩᥐ ᥓᥥ ᥖᥩᥢ ᥟᥤᥱ ᥔᥣᥢᥴ ᥘᥧᥐ ᥖᥤ ᥐᥨᥢᥰ ᥘᥣᥖ ᥑᥣᥛᥰ ᥘᥣᥝᥰ ᥛᥫ ᥐᥩᥢᥱ ᥔᥥᥴ ᥘᥦᥐ ᥘᥣᥭ ᥛᥣᥰ ᥐᥩᥭᥰ. ᥚᥧᥱ ᥘᥨᥒᥳ ᥚᥣᥭᥱ ᥘᥤᥐᥳ ᥑᥝᥴ ᥕᥧᥛᥱ ᥕᥛ ᥝᥣ ᥘᥤᥐ ᥗᥭᥰ ᥘᥭᥳ ᥘᥧᥐᥳ ᥖᥤ ᥖᥨᥝ ᥘᥤᥐ ᥑᥣ ᥛᥥᥢᥴ ᥔᥥᥴ ᥙᥥᥢ ᥛᥣᥰ. |
| 49 |
ᥘᥤᥐ ᥑᥣ ᥛᥥᥢᥴ ᥔᥛᥳ ᥘᥧᥐ ᥖᥤ ᥘᥤᥐ ᥙᥣ ᥘᥣᥳ ᥞᥣᥳ ᥛᥤᥱ ᥟᥢ ᥙᥥᥢ ᥟᥣ ᥛᥥᥝᥰ ᥘᥤᥐ ᥘᥬᥰ ᥛᥫᥒᥰ ᥟᥤᥢᥱ ᥖᥤᥳ ᥕᥣᥳ ᥘᥢᥳ ᥕᥝᥳ. ᥙᥥᥢ ᥞᥪᥴ ᥙᥥᥢ ᥘᥤᥐ ᥗᥭᥰ ᥘᥭᥳ ᥒᥣᥭᥰ ᥛᥫᥢᥴ ᥘᥤᥐ ᥖᥭᥰ ᥘᥛᥴ ᥝᥭᥳ ᥔᥥᥴ ᥖᥤᥴ ᥐᥩᥒᥳ ᥐᥣᥭᥱ ᥐᥢ ᥛᥫᥢᥴ ᥘᥒᥱ ᥘᥤᥐ ᥑᥣ ᥛᥥᥢᥴ ᥘᥢᥳ ᥒᥝᥲ ᥛᥢᥰ ᥘᥧᥐ ᥖᥤ ᥟᥤᥢᥱ ᥖᥤᥳ ᥕᥣᥳ ᥛᥣᥰ ᥘᥢᥳ ᥕᥧᥱ. ᥑᥣᥛᥰ ᥗᥭᥰ ᥘᥦᥲ ᥘᥤᥐ ᥗᥭᥰ ᥘᥭᥳ ᥓᥛ ᥑᥣᥛᥰ ᥘᥣᥝᥰ ᥘᥦᥲ ᥘᥤᥐ ᥘᥣᥝᥰ ᥕᥝᥳ. |
| 50 |
ᥑᥨᥝᥲ ᥑᥣᥛᥰ ᥝᥨᥝᥰ ᥞᥣᥱ ᥘᥣᥲ. ᥔᥖᥳ ᥖᥣᥱ. ᥔᥥᥒᥴ ᥑᥪᥢᥲ ᥔᥥᥒᥴ ᥘᥨᥒᥰ ᥘᥦᥰ ᥔᥣᥱ ᥘᥣᥳ ᥗᥭᥰ ᥑᥫᥒ ᥙᥣᥭ ᥘᥢᥳ ᥛᥫᥢᥴ ᥐᥢ ᥖᥒᥰ ᥘᥣᥝᥰ ᥕᥝᥳ. ᥛᥢᥰ ᥒᥣᥭᥰ ᥛᥫᥢᥴ ᥘᥤᥐ ᥛᥣᥢ ᥟᥝ ᥛᥣᥰ ᥖᥤ ᥘᥤᥐ ᥛᥩᥢᥰ ᥘᥢᥳ ᥕᥝᥳ. ᥗᥭᥰ ᥟᥤᥒ ᥟᥝ ᥘᥤᥐ ᥑᥣ ᥛᥥᥢᥴ ᥔᥥᥴ ᥛᥥᥰ ᥞᥥᥖᥱ ᥞᥬᥲ ᥙᥥᥢ ᥘᥤᥐ ᥑᥝᥴ ᥛᥣᥰ ᥞᥬᥲ ᥑᥪᥢᥲ ᥕᥬᥱ ᥛᥤᥰ ᥓᥢᥳ ᥘᥣᥭᥰ ᥖᥦᥛᥲ ᥞᥒᥰ ᥑᥨᥝᥴ ᥑᥝᥴ ᥛᥣᥰ ᥕᥧᥱ. |
| 51 |
ᥛᥫᥒᥰ ᥓᥣᥱ ᥙᥣᥢᥱ ᥘᥭᥳ ᥙᥥᥢ ᥛᥫᥒᥰ ᥐᥧᥢ ᥘᥛᥳ ᥟᥢ ᥛᥤᥰ ᥖᥤ ᥙᥩᥖᥴ ᥝᥢᥰ ᥟᥩᥐᥱ ᥘᥪᥛᥴ ᥟᥥᥰ ᥡᥫᥝᥰ ᥛᥫᥒᥰ ᥘᥫᥒ. ᥛᥤᥰ ᥝᥭᥳ ᥘᥬᥰᥘᥛᥳ ᥔᥛᥱ ᥛᥧᥐ ᥚᥣ ᥔᥤᥰ ᥜᥤᥐᥔᥥᥴ ᥛᥤᥰ ᥖᥣᥒᥰ ᥜᥣᥭᥱ ᥝᥢᥰ ᥟᥩᥐᥱ ᥙᥣᥒᥱ ᥘᥣᥭᥱ ᥓᥣᥱ ᥙᥣᥢᥱ. ᥛᥫᥒᥰ ᥑᥥᥱ. ᥛᥫᥒᥰ ᥐᥨᥝᥰ ᥘᥤᥰ ᥕᥣᥰ ᥘᥫᥴ. ᥛᥫᥒᥰ ᥐᥨᥝᥰ ᥘᥤᥰ ᥕᥣᥰ ᥖᥬᥲ. ᥛᥫᥒᥰ ᥘᥖᥳ ᥡᥦᥰ ᥑᥝᥴ. |
| 52 |
ᥖᥣᥒᥰ ᥞᥩᥒᥱ ᥘᥦᥢ ᥛᥫᥒᥰ ᥗᥪᥒᥴ ᥙᥣᥒᥱ ᥘᥣᥭᥱ ᥟᥨᥝᥴ ᥞᥧᥖᥳ. ᥖᥣᥒᥰ ᥓᥣᥢᥰ ᥗᥪᥒᥴ ᥙᥣᥒᥱ ᥘᥣᥭᥱ ᥑᥥᥱ ᥝᥢᥰ ᥟᥩᥐᥱ ᥘᥦᥲ ᥐᥧᥢ ᥘᥛᥳ ᥗᥣᥭᥱ ᥝᥢᥰ ᥕᥧᥱ ᥕᥝᥳ. ᥖᥤ ᥙᥩᥒᥱ ᥓᥪ ᥛᥫᥒᥰ ᥓᥣᥱ ᥙᥣᥢᥱ ᥓᥛᥰ "ᥛᥫᥒᥰ ᥟᥢ ᥘᥧᥐ ᥖᥤ ᥐᥣᥒ ᥝᥢᥰ ᥙᥨᥒ ᥘᥨᥒᥰ ᥛᥣᥰ" ᥘᥭᥴ ᥘᥦᥲ ᥛᥣᥒ ᥙᥩᥐ ᥛᥫᥒᥰ ᥓᥣᥱ ᥙᥣᥢᥱ ᥘᥭᥳ ᥞᥩᥒᥳ ᥝᥣ"ᥛᥫᥒᥰ ᥖᥤ ᥐᥣᥒ ᥝᥢᥰ ᥟᥩᥐᥱ" ᥘᥭᥴ ᥕᥝᥳ. |
| 53 |
ᥘᥬᥰ ᥘᥦᥢ ᥛᥫᥒᥰ ᥓᥣᥱ ᥙᥣᥢᥱ ᥘᥭᥳ ᥛᥤᥰ ᥐᥧᥢ ᥘᥛᥳ 3000 ᥙᥣᥭ. ᥐᥧᥢ ᥘᥛᥳ ᥓᥫᥰ ᥟᥢ ᥕᥬᥱ ᥖᥤ ᥔᥧᥖᥴ ᥓᥛᥰ ᥞᥩᥢᥴ ᥓᥫᥝ. ᥞᥩᥐ ᥑᥣᥭᥰ ᥖᥨᥝᥰ. ᥓᥧᥰ ᥓᥫᥝ. ᥡᥤ ᥑᥨᥝ ᥐᥧᥰ ᥔᥥᥴ ᥑᥝᥴ ᥔᥤᥱ ᥐᥧᥢ ᥘᥛᥳ ᥛᥤᥰ 97 ᥝᥣᥐ ᥑᥩᥒᥴ ᥘᥤᥢ ᥛᥫᥒᥰ ᥓᥣᥱ ᥙᥣᥢᥱ. ᥐᥧᥢ ᥘᥛᥳ ᥐᥛᥳ ᥘᥛᥴ ᥘᥭᥳ ᥛᥤᥰ ᥘᥩᥭ ᥖᥒᥰ ᥘᥛᥴᥔᥥᥴ ᥘᥩᥭ ᥐᥛᥳ ᥘᥛᥴ ᥐᥩᥲ ᥙᥥᥢ ᥘᥩᥭ ᥜᥭᥰ. |
| 54 |
ᥛᥫᥒᥰ ᥘᥣᥝᥰᥘᥭᥳ ᥙᥥᥢ ᥛᥫᥒᥰ ᥖᥢ ᥟᥢ ᥟᥛᥱ ᥛᥤᥰ ᥙᥣᥒᥱ ᥘᥣᥭᥱ ᥛᥫᥒᥰ ᥘᥫᥒ ᥔᥥᥴ ᥖᥤᥖᥱ ᥓᥙᥴ ᥐᥢ ᥝᥭᥳ ᥖᥒᥰ ᥛᥫᥒᥰ ᥛᥣᥢ. ᥛᥫᥒᥰ ᥑᥥᥱ. ᥛᥫᥒᥰ ᥝᥦᥖᥳ ᥢᥣᥛᥰ. ᥛᥫᥒᥰ ᥐᥛᥱ ᥙᥨᥝᥰ ᥖᥤᥰ ᥕᥣᥰ. ᥛᥫᥒᥰ ᥗᥭᥰ ᥓᥫᥰ ᥘᥢᥳ. ᥖᥣᥒᥰ ᥐᥣᥒ ᥘᥦᥢ ᥘᥤᥢ ᥛᥫᥒᥰ ᥛᥤᥰ 91329 ᥘᥐᥴ ᥘᥩᥐᥱ ᥙᥢᥱ ᥛᥨᥢᥰ (236800 ᥐᥤᥱ ᥘᥨᥝᥱ ᥛᥤᥱ ᥗᥫᥱ) ᥔᥥᥴ ᥓᥩᥛᥰ ᥘᥒᥱ ᥔᥥᥢᥲ ᥛᥣᥭᥴ ᥙᥤ 2007 ᥘᥢᥳ ᥛᥤᥰ ᥞᥨᥝᥴ ᥐᥨᥢᥰ 6521998 ᥐᥨᥝᥳ. |
| 55 |
ᥝᥣᥭᥰ ᥘᥭᥳ ᥛᥣᥰ ᥛᥧᥢᥱ ᥑᥣ ᥛᥣᥱ ᥑᥝᥲ ᥛᥣᥰ ᥘᥛᥰ ᥑᥝᥴ ᥘᥦᥲ ᥘᥭᥲ ᥙᥣᥭ ᥘᥨᥒᥰ ᥐᥣᥱ ᥙᥩᥖᥴ ᥖᥬᥲ ᥗᥦᥢᥲ ᥕᥝᥳ ᥔᥥᥴ ᥝᥣᥭᥰ ᥘᥢᥳ ᥓᥒᥱ ᥘᥣᥝᥰ ᥑᥝᥲ ᥛᥣᥰ ᥕᥧᥱ. ᥘᥣᥝᥰ ᥘᥭᥳ ᥛᥫ (8-9)ᥙᥣᥐᥱ ᥙᥤ ᥛᥫᥒᥰ ᥘᥢᥳ ᥑᥝᥴ ᥓᥒᥱ ᥛᥣᥰ ᥚᥦᥝᥴ ᥚᥣᥒᥱ ᥘᥛᥳ ᥛᥥ ᥑᥩᥒᥴ ᥟᥢ ᥛᥤᥰ ᥘᥬᥰ ᥛᥫᥒᥰ ᥘᥣᥝᥰ ᥘᥢᥳ ᥕᥝᥳ. ᥓᥪ ᥟᥢ ᥝᥣ "ᥘᥣᥝᥰ "ᥘᥭᥳ ᥘᥧᥐ ᥛᥣᥰ ᥖᥤ ᥓᥪ ᥔᥢᥴ ᥘᥩᥭ ᥘᥨᥒᥴ ᥟᥣᥭᥲ ᥘᥣᥝᥰ ᥡᥣᥛᥱ ᥟᥢ ᥛᥤᥰ ᥐᥥ ᥘᥛᥳ ᥛᥥ ᥑᥩᥒᥴ ᥘᥦᥲ ᥘᥛᥳ ᥑᥨᥒᥰ ᥘᥬᥰ ᥛᥫᥒᥰ ᥑᥥᥱ (ᥛᥤᥰ ᥚᥣᥭᥱ ᥞᥩᥒᥱ ᥕᥧᥱ ᥠᥣᥢᥱ) ᥟᥢ ᥛᥤᥰ ᥘᥬᥰ ᥕᥧᥱ ᥢᥣᥢᥱ ᥙᥩᥖᥴ ᥖᥨᥐᥱ ᥘᥢᥳ ᥘᥭᥴ ᥐᥩᥲ ᥝᥣ. |
| 56 |
ᥗᥪᥒᥴ ᥛᥣᥰ ᥙᥣᥢ ᥙᥦᥒᥱ ᥔᥥᥖ ᥕᥝᥳ ᥓᥒᥱ ᥙᥥᥢ ᥛᥣᥰ ᥘᥣᥝᥰ ᥕᥝᥳ. ᥘᥣᥝᥰ ᥘᥭᥳ ᥙᥥᥢ ᥜᥤᥒᥲ ᥗᥧᥒᥰ ᥕᥨᥝᥰᥰ ᥔᥥᥴ. ᥙᥦᥒᥱ ᥔᥥᥖ ᥛᥣᥰ ᥕᥣᥳ ᥙᥦᥖ ᥘᥦᥲ ᥓᥒᥱ ᥞᥣᥭᥴ ᥐᥣᥱ ᥕᥧᥱ ᥕᥝᥳ. ᥘᥣᥝᥰ ᥘᥭᥳ ᥙᥥᥢ ᥙᥧᥐ ᥗᥣᥳ ᥚᥣᥱ ᥔᥣᥱ ᥔᥥᥴ ᥖᥣᥳ ᥚᥤᥴ ᥐᥩᥲ ᥑᥝᥴ ᥕᥧᥛᥱ ᥕᥛ ᥕᥧᥱ. ᥖᥤ ᥞᥫᥢᥰ ᥐᥩᥲ ᥑᥝᥴ ᥝᥭᥳ ᥚᥤᥴ ᥞᥫᥢᥰ. ᥙᥩᥰ ᥖᥥᥴ ᥞᥥᥖᥱ ᥞᥭ ᥞᥥᥖᥱ ᥘᥣᥰ ᥑᥝᥴ ᥟᥝ ᥐᥭᥱ ᥐᥣᥱ ᥖᥣᥒᥱ ᥚᥤᥴ ᥘᥤᥢ. |
| 57 |
ᥛᥫ ᥙᥭᥱ ᥐᥫᥰ ᥙᥧᥐ ᥗᥣᥳ ᥓᥝᥲ (ᥛᥫ ᥓᥝᥳ ᥔᥥᥴ 13-ᥙᥣᥐᥱ ᥙᥤ ᥛᥫᥒᥰ) ᥘᥢᥳ ᥞᥬᥲ ᥜᥣᥳ ᥚᥨᥢᥴ ᥘᥤ ᥘᥭᥴ ᥔᥥᥴ ᥘᥦᥲ ᥖᥤ ᥘᥨᥒᥴ ᥙᥣ ᥘᥣᥳ ᥙᥣᥒᥰ ᥟᥢ ᥞᥩᥒᥳ ᥝᥣ ᥠᥣ ᥝᥣᥳ) ᥘᥢᥳ ᥙᥩᥰ ᥗᥪᥒᥴ ᥛᥣᥰ ᥑᥣᥝᥰ ᥘᥣᥲ ᥚᥨᥢᥴ ᥞᥨᥝᥴ ᥚᥨᥢᥴ ᥑᥝᥴ ᥟᥝ ᥘᥣᥒᥰ ᥕᥤᥒᥰ ᥐᥨᥝᥳ ᥘᥫᥒ ᥘᥦᥲ ᥚᥧᥱ ᥓᥣᥭᥰ ᥐᥨᥝᥳ ᥘᥫᥒ ᥐᥣᥱ ᥟᥩᥭᥱ ᥚᥤᥴ ᥘᥛᥳ ᥛᥥ ᥑᥩᥒᥴ. |
| 58 |
ᥑᥝᥴ ᥐᥭᥳ ᥙᥣᥒᥰ ᥚᥤᥴ ᥘᥨᥒᥰ ᥔᥥᥴ ᥗᥣᥛᥴ ᥐᥣᥱ ᥘᥣᥰ ᥘᥧᥰ ᥐᥩᥢᥱ. ᥜᥤᥒᥲ ᥗᥧᥒᥰ ᥑᥝᥴ ᥕᥣᥛᥰ ᥘᥥᥝ ᥖᥥᥳ ᥒᥣᥭᥰ ᥗᥭᥰ ᥐᥨᥭᥰ ᥘᥒᥱ ᥐᥝᥱ. ᥙᥩᥰ ᥙᥥᥢ ᥙᥩᥭᥰ ᥙᥤ ᥛᥬᥱ ᥘᥭᥴ ᥑᥧᥢᥴ ᥞᥨᥝᥴ ᥑᥛᥰ ᥑᥤᥱ ᥓᥣᥒᥳ ᥔᥥᥴ ᥘᥥᥙ ᥖᥨᥭᥰ ᥛᥣᥢᥲ ᥛᥫᥒᥰ. ᥐᥤᥢ ᥘᥛᥳ ᥔᥦᥖ ᥓᥣᥱ ᥐᥢ ᥙᥤ ᥙᥩᥐ ᥙᥩᥐ. ᥑᥝᥴ ᥓᥨᥝᥰ ᥐᥢ ᥙᥩᥭᥱ ᥙᥣ. ᥞᥩᥭᥴ. ᥘᥨᥐ. ᥐᥣ ᥐᥥ. |
| 59 |
ᥞᥥᥖᥱ ᥐᥩᥒᥰ ᥛᥧᥰ ᥔᥣᥭᥰ ᥔᥥᥴ ᥘᥫᥴ ᥘᥢᥳ ᥟᥝ ᥒᥪᥢᥰ. ᥟᥦᥙᥱ ᥓᥛᥰ ᥙᥐᥱ ᥝᥭᥳ ᥔᥥᥴ ᥘᥧᥱ. ᥞᥥᥖᥱ ᥞᥣᥒᥲ ᥘᥣᥐ ᥐᥣᥰ ᥔᥥᥴ ᥔᥩᥢᥰ ᥘᥛᥳ. ᥙᥩᥰ ᥙᥤ ᥛᥬᥱ ᥘᥫᥢ ᥞᥣᥲ ᥘᥢᥳ ᥑᥝᥴ ᥔᥩᥢᥰ ᥘᥛᥳ ᥐᥢ ᥕᥝᥳ ᥐᥩᥲ ᥐᥢᥱ ᥖᥨᥝᥰ ᥑᥧᥢᥴ ᥞᥨᥝᥴ ᥑᥛᥰ ᥔᥥᥴ ᥟᥝ ᥛᥭᥴ ᥛᥖ ᥛᥪᥰ ᥑᥧᥢᥴ ᥞᥨᥝᥴ ᥑᥛᥰ ᥑᥝᥴ. ᥙᥩᥭᥰ ᥑᥧᥢᥴ ᥑᥝᥲ ᥐᥩᥲ ᥑᥝᥴ ᥞᥥᥖᥱ. ᥙᥩᥒᥱ ᥝᥣ ᥔᥧᥰ ᥖᥫᥒᥱ ᥙᥢ ᥜᥤᥴ ᥙᥬᥱ ᥑᥝᥲ. |
| 60 |
ᥙᥩᥭᥰ ᥘᥭᥳ ᥗᥭᥰ ᥔᥛᥳ ᥞᥩᥒᥳ ᥝᥣ ᥘᥣᥒᥰ ᥙᥧᥐᥱ ᥔᥩᥛᥲ. ᥖᥭᥰ ᥔᥛᥳ ᥞᥩᥒᥳ ᥝᥣ ᥙᥧᥱ ᥓᥭᥳ ᥑᥭᥳ ᥘᥦᥲ ᥘᥣᥭᥰ ᥓᥭᥳ ᥑᥭᥳ (ᥛᥣᥒ ᥓᥫᥰ ᥝᥣ ᥙᥧᥱ ᥓᥭᥱ ᥑᥭᥱ ᥘᥣᥭᥰ ᥓᥭᥱ ᥑᥭᥱ). ᥘᥣᥝᥰ ᥘᥭᥳ ᥙᥩᥭᥰ ᥖᥣᥒᥱ ᥜᥤᥴ ᥙᥬᥳ ᥘᥤᥢ ᥘᥣᥒᥰ ᥖᥨᥝ ᥘᥣᥳ ᥘᥤ ᥐᥩᥲ ᥑᥝᥴ ᥞᥥᥖᥱ ᥕᥧᥱ ᥕᥝᥳ. ᥙᥨᥝᥰ ᥙᥣᥖᥱ ᥑᥝᥲ ᥙᥥᥢ ᥖᥤ ᥛᥣᥝᥱ ᥔᥣᥝᥴ ᥑᥝᥴ ᥐᥝᥰ ᥐᥢ. |
| 61 |
ᥙᥩᥰ ᥙᥨᥝᥳ ᥑᥝᥲ ᥕᥝᥳ ᥘᥦᥲ ᥖᥨᥝᥳ ᥑᥝᥲ ᥙᥫᥐᥱ ᥗᥪᥒᥴ ᥞᥫᥢᥰ ᥘᥢᥳ ᥘᥭᥴᥴ ᥓᥝᥲ ᥘᥣᥰ ᥐᥨᥝᥳ ᥘᥭᥲ ᥖᥥᥒᥱ ᥑᥝᥲ ᥙᥫᥐᥱ ᥘᥒᥱ ᥐᥣ ᥛᥢᥰ ᥙᥥᥳ ᥘᥭᥲ ᥘᥢᥳ ᥔᥥᥴ ᥛᥫᥰ ᥔᥬᥱ ᥕᥩᥒ ᥑᥝᥲ ᥛᥢᥰ ᥟᥩᥢ ᥖᥣᥒᥰ ᥙᥫᥢ ᥔᥧᥖᥴ. ᥝᥣᥭᥰ ᥘᥢᥳ ᥐᥨᥢᥰ ᥖᥨᥝᥳ ᥓᥩᥭ ᥓᥒᥱ ᥘᥭᥲ ᥖᥨᥝᥳ ᥛᥫᥰ ᥔᥨᥒᥱ ᥗᥦᥛᥴ ᥓᥩᥛᥰ ᥕᥝᥳ. ᥙᥩᥒᥱ ᥝᥣ ᥛᥢᥰ ᥞᥩᥒᥳ ᥐᥣᥱ ᥚᥢᥴ ᥑᥝᥲ ᥗᥣᥲ ᥟᥩᥢ ᥖᥣᥒᥰ ᥝᥣ ᥘᥭᥴ ᥕᥝᥳ. |
| 62 |
ᥙᥩᥭᥰ ᥝᥨᥭᥱ ᥔᥢᥱ ᥖᥣᥳ ᥘᥣᥱ)ᥐᥩᥲ ᥑᥝᥴ ᥞᥥᥖᥱ. ᥙᥩᥰ ᥙᥩᥭᥰ ᥘᥭᥳ ᥘᥣᥒᥰ ᥕᥤᥒᥰ ᥕᥧᥱ ᥗᥣᥲ ᥝᥭᥳ ᥘᥬᥰ ᥔᥧᥛᥳ ᥚᥫᥒᥰ ᥔᥥᥴ ᥛᥨᥢ ᥓᥝᥲ ᥓᥒᥱ ᥑᥝᥲ ᥛᥣᥰ ᥞᥨᥝᥰ ᥖᥣᥰ ᥘᥣᥰ. ᥗᥪᥒᥴ ᥛᥣᥰ ᥘᥫᥢ ᥛᥥᥱ ᥑᥝᥴ ᥐᥩᥲ ᥛᥤᥰ ᥙᥩᥭᥰ ᥘᥧᥱ ᥜᥭᥰ. ᥙᥩᥰ ᥘᥫᥢ ᥞᥨᥐᥱ ᥛᥨᥢᥰ ᥛᥤᥰ ᥙᥩᥭᥰ ᥝᥢᥰ ᥐᥫᥖᥱ ᥚᥣᥰ ᥘᥣᥰ. ᥞᥥᥖᥱ ᥓᥩᥛᥰ ᥐᥢ ᥖᥒᥰ ᥙᥩᥭᥰ ᥔᥩᥢᥰ ᥘᥛᥳ ᥓᥝᥲ ᥛᥧᥢ. |
| 63 |
ᥙᥩᥰ ᥑᥝᥲ ᥙᥩᥭᥰ ᥘᥧᥱ ᥜᥭᥰ ᥕᥝᥳ ᥑᥝᥴ ᥙᥝᥱ ᥙᥤᥱ ᥞᥭᥱ ᥐᥩᥒ ᥞᥭᥱ ᥛᥩᥒᥰ ᥐᥤᥢ ᥘᥝᥲ ᥔᥥᥴ ᥓᥨᥝᥱ ᥛᥨᥢ ᥓᥩᥛᥰ ᥐᥢ. ᥑᥝᥴ ᥙᥩᥭᥱ ᥘᥧ ᥜᥭᥰ ᥘᥭᥳ ᥐᥣᥱ ᥕᥣᥳ ᥛᥩᥐᥱ ᥐᥧᥛ ᥞᥬᥲ ᥙᥥᥢ ᥚᥨᥢᥴ ᥖᥨᥐᥱ ᥛᥣᥰ ᥘᥭᥴ ᥑᥝᥴ ᥕᥧᥛᥱ ᥕᥛ ᥝᥭᥳ ᥕᥧᥱ ᥕᥝᥳ. ᥐᥨᥢᥰ ᥖᥣᥭ ᥑᥝᥴ ᥚᥝᥴ ᥟᥝ. ᥘᥩᥒ ᥘᥭᥳ ᥙᥥᥢ ᥗᥧᥒᥰ ᥞᥤᥢᥱ ᥖᥧᥱ ᥟᥢ ᥑᥝᥴ ᥘᥭᥲ ᥛᥣᥰ ᥖᥤᥰ ᥗᥭᥰ ᥛᥫ 14-ᥙᥣᥐᥱ ᥙᥤ ᥛᥫᥒᥰ ᥘᥢᥳ ᥕᥝᥳ. |
| 64 |
ᥘᥣᥝᥰ ᥘᥭᥳ ᥑᥝᥴ ᥕᥧᥱ ᥔᥩᥒᥴ ᥚᥣᥐᥱ ᥚᥒᥱ ᥘᥛᥳ ᥛᥥ ᥑᥩᥒᥴ ᥚᥣᥭᥱ ᥞᥩᥒᥱ ᥗᥪᥒᥴ ᥘᥨᥒᥴ ᥚᥣ ᥘᥣᥳ ᥙᥣᥒᥰ. ᥚᥣᥭᥱ ᥓᥣᥢᥰ ᥗᥪᥒᥴ ᥐᥥᥒᥰ ᥑᥩᥢᥲ. ᥘᥬᥰ ᥘᥣᥝᥰ ᥘᥭᥳ ᥘᥪᥳ ᥕᥧᥱ ᥛᥫᥒᥰ ᥔᥤᥒᥴ (ᥘᥣᥝᥰ ᥙᥩᥖᥴ ᥞᥩᥒᥱ). ᥚᥣᥭᥱ ᥓᥣᥢᥰ ᥛᥫᥒᥰ ᥔᥤᥒᥴ ᥘᥢᥳ ᥖᥤ ᥝᥥᥒᥰ ᥙᥧᥱ ᥑᥣᥰ ᥛᥤᥰ ᥘᥣᥝᥰ ᥕᥨᥢᥰ ᥕᥧᥱ. ᥖᥤ ᥑᥣᥰ ᥘᥛᥴ ᥛᥦᥖ)ᥔᥛᥳ ᥕᥧᥱ ᥓᥩᥛᥰ ᥗᥭᥰ. |
| 65 |
ᥚᥣᥭᥱ ᥓᥣᥢᥰ ᥛᥫᥒᥰ ᥖᥦᥒ ᥖᥤᥰ ᥛᥫᥒᥰ ᥞᥨᥝᥴ ᥚᥣᥢᥰ ᥘᥢᥳ ᥛᥤᥰ ᥖᥭᥰ ᥘᥛᥴ. ᥖᥭᥰ ᥛᥩᥭᥲ. ᥖᥭᥰ ᥘᥫᥴ ᥑᥝᥴ ᥓᥫᥰ ᥘᥭᥳ ᥕᥧᥱ ᥓᥩᥛᥰ ᥐᥢ. ᥛᥫᥒᥰ ᥞᥨᥝᥴ ᥚᥣᥢᥰ ᥘᥭᥳ ᥕᥣᥛᥰ ᥘᥥᥝ ᥟᥢ ᥞᥩᥒᥳ ᥝᥣ ᥙᥧᥱ ᥑᥣ ᥚᥩᥒᥰ ᥘᥭᥳ ᥑᥝᥴ ᥙᥥᥢ ᥑᥫᥰ ᥙᥧᥱ ᥓᥩᥭ ᥟᥢ ᥞᥥᥖᥱ ᥛᥨᥝᥲ ᥞᥤᥢᥴ ᥘᥢᥳ ᥐᥫᥖᥱ ᥕᥧᥱ ᥝᥭᥳ ᥘᥢᥳ ᥕᥝᥳ. ᥐᥛᥳ ᥚᥩᥒ ᥞᥩᥒᥳ ᥑᥝᥴ ᥝᥣ ᥚᥧᥱ ᥖᥧᥒᥰ. |
| 66 |
ᥑᥝᥴ ᥓᥫᥰ ᥘᥭᥳ ᥙᥥᥢ ᥐᥨᥢᥰ ᥕᥧᥱ ᥘᥫᥴ ᥘᥩᥭ ᥔᥧᥒᥴ. ᥖᥭᥰ ᥘᥣᥝᥰ ᥘᥭᥳ ᥛᥣᥰ ᥖᥫᥐᥴ ᥟᥝ ᥛᥫᥒᥰ ᥖᥤ ᥚᥧᥱ ᥖᥧᥒᥰ ᥘᥭᥳ ᥝᥣ ᥘᥒᥱ ᥘᥭᥴ. ᥘᥬᥰ ᥛᥫᥒᥰ ᥘᥣᥝᥰ ᥘᥭᥳ ᥘᥣᥝᥰ ᥓᥝᥲ ᥘᥦᥲ ᥘᥣᥝᥰ ᥝᥥᥒᥰ ᥘᥭᥳ ᥙᥥᥢ ᥟᥢ ᥕᥧᥱ ᥔᥝᥰ ᥘᥛᥴ ᥔᥥᥴ ᥙᥫᥢ. ᥘᥣᥝᥰ ᥝᥥᥒᥰ ᥘᥭᥳ ᥓᥢᥱ ᥖᥣᥱ ᥘᥭᥴ ᥐᥩᥲ ᥞᥩᥒᥳ ᥕᥝᥳ. ᥙᥧᥱ ᥖᥭᥰ ᥘᥛ. ᥙᥧᥱ ᥖᥭᥰ ᥘᥦᥒ. ᥙᥧᥱ ᥖᥭᥰ. ᥛᥫᥒᥰ ᥑᥛᥰ ᥛᥩᥢᥰ. |
| 67 |
ᥘᥣᥝᥰ ᥔᥩᥒᥴ ᥘᥛ ᥟᥢ ᥕᥧᥱ ᥔᥝᥰ ᥘᥬᥰ ᥛᥫᥒᥰ ᥘᥣᥝᥰ ᥙᥩᥖᥴ ᥟᥩᥐᥱ ᥘᥢᥳ ᥙᥥᥢ ᥖᥭᥰ ᥘᥛ ᥐᥩᥭᥰ ᥘᥒᥱ ᥐᥝᥱ. ᥙᥥᥢᥴ ᥑᥫᥰ ᥟᥢ ᥑᥧᥢᥴ ᥞᥨᥝᥴ ᥑᥛᥰ ᥗᥭᥰ ᥕᥩᥙᥱ ᥖᥥᥐᥱ ᥛᥣᥰ ᥛᥫᥒᥰ ᥖᥦᥒ ᥘᥢᥳ ᥕᥧᥱ ᥕᥝᥳ. ᥛᥫᥒᥰ ᥜᥣ ᥘᥣᥒᥱ ᥔᥥᥖ ᥑᥝᥴ ᥕᥣᥛᥲ ᥛᥣᥰ ᥟᥧᥙᥳ ᥙᥫᥒᥱ ᥛᥫᥒᥰ ᥘᥣᥝᥰ ᥔᥥᥴ ᥛᥫ ᥝᥢᥰ ᥖᥤ 19 ᥘᥫᥢ ᥓᥧᥱ ᥘᥣᥭᥱ 1949 ᥘᥢᥳ ᥘᥭᥲ ᥘᥩᥖ ᥘᥦᥝᥰ ᥐᥩᥢᥰ ᥑᥨᥝᥴ. |
| 68 |
ᥞᥣᥢᥳ ᥖᥨᥝᥱ ᥕᥣᥛᥰ ᥘᥥᥝ ᥛᥫᥒᥰ ᥘᥣᥝᥰ ᥘᥭᥳ ᥙᥥᥢ ᥔᥣᥭᥴ ᥔᥪᥙᥱ ᥘᥣᥢᥳ ᥓᥝᥲ ᥚᥩᥒᥰ ᥒᥛᥰ ᥝᥭᥳ ᥕᥧᥱ. ᥝᥣᥭᥰ ᥔᥥᥴ ᥘᥣᥢᥳ ᥓᥝᥲ ᥙᥒᥰ ᥘᥧᥳ ᥐᥣᥱ ᥕᥝᥳ ᥘᥢᥳ ᥖᥭᥰ ᥛᥫᥒᥰ ᥘᥣᥢᥳ ᥓᥝᥲ ᥙᥣᥭ ᥚᥣᥖᥱ ᥔᥧᥖ ᥘᥨᥒᥰ ᥚᥣᥭᥱ ᥖᥬᥲ (ᥓᥣᥢᥰ) ᥛᥫᥢᥴ ᥝᥤᥰ ᥔᥥᥴ ᥑᥪᥢᥰ ᥖᥥᥱ ᥙᥥᥢ ᥛᥫᥒᥰ ᥕᥧᥱ ᥔᥝᥰ ᥘᥦᥲ ᥓᥧᥛᥰ ᥖᥥᥴ ᥙᥥᥢ ᥛᥣᥰ ᥘᥣᥝᥰ ᥘᥢᥳ ᥑᥝᥴ ᥙᥥᥢ ᥓᥧᥛᥰ ᥘᥨᥒᥴ ᥜᥣᥳ ᥙᥣᥒᥱ (ᥘᥨᥒᥴ ᥚᥣ ᥘᥣᥳ ᥙᥣᥒᥰ). |
| 69 |
ᥐᥥᥒᥰ ᥑᥣᥒᥴ. ᥝᥥᥒᥰ ᥓᥣᥢᥰ. ᥠᥛᥴ ᥙᥣᥱ ᥔᥐᥴ ᥓᥫᥰ ᥘᥭᥳ ᥐᥩᥲ ᥛᥫ ᥖᥥᥱ ᥙᥥᥢ ᥑᥧᥢᥴ ᥚᥬᥴ ᥛᥫᥒᥰ ᥛᥢᥰ ᥔᥥᥴ ᥚᥩᥒᥰ ᥒᥛᥰ ᥕᥝᥳ. ᥗᥪᥒᥴ ᥛᥣᥰ ᥘᥣᥲ ᥐᥣᥙ ᥙᥣᥢ ᥙᥦᥒᥱ ᥔᥥᥖ (ᥜᥣ ᥘᥒᥱ ᥔᥥᥖ)ᥕᥝᥳ ᥓᥒᥱ ᥙᥥᥢ ᥛᥫᥒᥰ ᥘᥣᥝᥰ ᥞᥨᥛ ᥖᥧᥛ ᥐᥢ ᥕᥧᥱ ᥕᥝᥳ. ᥑᥝᥴ ᥝᥣ ᥙᥥᥢ ᥑᥫᥰ ᥖᥭᥰ ᥛᥫᥒᥰ ᥟᥣᥭᥲ ᥘᥣᥝᥰ ᥔᥥᥴ ᥖᥣᥳ ᥑᥝᥴ ᥝᥣ ᥑᥝᥴ ᥙᥥᥢ ᥖᥭᥰ ᥕᥧᥱ ᥘᥒᥱ ᥐᥝᥱ. |
| 70 |
ᥗᥭᥰ ᥐᥩᥲ ᥑᥝᥴ ᥝᥣ ᥑᥝᥴ ᥙᥥᥢ ᥖᥭᥰ ᥔᥥᥴ ᥖᥣᥳ ᥗᥪᥒᥴ ᥛᥣᥰ ᥙᥣᥢ ᥟᥤᥒᥰ ᥐᥣ ᥘᥤᥖᥳ. ᥙᥦᥒᥱ ᥔᥥᥖ ᥘᥢᥳ ᥓᥧᥛᥰ ᥘᥬ ᥐᥩᥲ ᥞᥩᥒᥳ "ᥖᥭᥰ " ᥘᥭᥳ ᥑᥝᥴ ᥔᥧᥐ ᥕᥧᥒᥲ ᥘᥦᥲ ᥞᥬᥲ ᥓᥦᥐᥱ ᥞᥧᥳ ᥒᥣᥭ ᥘᥭᥴ ᥔᥥᥴ ᥓᥒᥱ ᥘᥭᥲ ᥞᥩᥒᥳ ᥝᥣ ᥘᥣᥝᥰ. ᥡᥦᥛᥰ. ᥘᥦᥲ ᥔᥣ ᥕᥣᥛᥴ ᥕᥝᥳ. ᥙᥦᥒᥱ ᥔᥥᥖ ᥘᥦᥲ ᥟᥤᥒᥰ ᥐᥣ ᥘᥤᥖᥳ ᥑᥝᥴ ᥛᥣᥰ ᥖᥩᥐᥱ ᥓᥤᥛ ᥙᥢ ᥞᥬᥲ ᥖᥦᥐᥱ ᥕᥣᥭ ᥙᥥᥢ ᥛᥣᥰ ᥡᥣᥢᥰ. |
| 71 |
ᥖᥭᥰ. ᥘᥣᥝᥰ.ᥔᥣ ᥕᥣᥛᥴ ᥘᥭᥴ ᥘᥦᥲ ᥓᥒᥱ ᥘᥭᥲ ᥙᥫᥒ ᥙᥦᥐᥱ ᥐᥢ ᥛᥫᥢᥴ ᥙᥥᥢ ᥐᥣᥱ ᥐᥨᥢᥰ ᥑᥫᥰ ᥘᥣᥭᥴ ᥕᥫᥒ ᥔᥥᥴ ᥖᥣᥳ ᥙᥥᥢ ᥖᥭᥰ ᥘᥒᥱ ᥐᥢ ᥖᥪᥢᥰ ᥙᥥᥢ ᥑᥫᥰ ᥘᥥᥝ ᥐᥢ ᥕᥧᥱ ᥕᥝᥳ. ᥖᥥᥱ ᥟᥝ ᥛᥫ ᥙᥤ ᥞᥨᥝᥴ ᥙᥣᥐᥱ 14 ᥘᥢᥳ ᥛᥣᥰ ᥛᥫᥒᥰ ᥘᥣᥝᥰ ᥘᥭᥳ ᥑᥝᥲ ᥙᥥᥢ ᥛᥫᥒᥰ ᥓᥝᥲ ᥞᥨᥝᥴ ᥑᥛᥰ ᥐᥩᥢᥰ ᥟᥧᥙᥳ ᥔᥥᥴ ᥗᥪᥒᥴ ᥛᥣᥰ ᥙᥤ ᥞᥨᥝᥴ ᥙᥣᥐᥱ 18 ᥘᥭᥴ ᥛᥫᥒᥰ ᥑᥝᥴ ᥖᥦᥐᥱ ᥙᥥᥢ ᥐᥣᥱ ᥔᥣᥛᥴ ᥚᥣᥐᥱ. |
| 72 |
ᥘᥬᥰ ᥘᥨᥐ ᥙᥧᥢᥳ ᥖᥤ ᥙᥣᥱ ᥘᥭᥳ ᥓᥛᥰ ᥛᥢᥰ ᥙᥥᥢ ᥓᥪᥒ ᥛᥫᥒᥰ ᥟᥢ ᥕᥬᥱ ᥔᥥᥴ ᥙᥫᥢ ᥖᥤᥳ ᥔᥣᥛᥴ ᥟᥛᥱ ᥘᥢᥴ ᥗᥤᥳ ᥔᥤᥱ. ᥛᥫᥒᥰ ᥑᥥᥱ ᥘᥭᥳ ᥞᥨᥝᥴ ᥘᥙᥳ ᥐᥨᥢᥰ ᥛᥢᥰ ᥛᥤᥰ 1300 ᥘᥣᥢᥳ ᥔᥥᥴ ᥙᥥᥢ ᥓᥪᥒ ᥛᥫᥒᥰ ᥟᥢ ᥞᥨᥝᥴ ᥘᥙᥳ ᥐᥨᥢᥰ ᥘᥛᥴ ᥔᥥᥴ ᥙᥫᥢ ᥐᥩᥲ ᥓᥬ ᥕᥝᥳ. ᥙᥥᥢ ᥛᥫᥒᥰ ᥟᥢ ᥙᥣᥱ ᥖᥤᥱ ᥑᥩᥛᥱ ᥛᥣᥱ ᥢᥤᥖᥳ ᥚᥩᥒᥰ ᥒᥛᥰ. |
| 73 |
ᥛᥤᥰ ᥟᥪᥒᥱ ᥖᥒᥰ ᥔᥥᥒᥲ (22)ᥟᥢ. ᥘᥦᥢ ᥛᥤᥰ ᥔᥧᥢᥱ ᥐᥣᥢᥰ ᥙᥩᥒ ᥞᥣᥒᥰ ᥑᥨᥝᥴ (5)ᥟᥢ. ᥝᥥᥒᥰ ᥒᥝᥲ ᥓᥪᥒ ᥟᥢ ᥙᥣᥢᥱ ᥙᥩᥒ ᥘᥩᥒ ᥘᥫᥛ ᥘᥭᥲ (4)ᥟᥢ (ᥙᥫᥭᥲ ᥓᥤᥢᥰ. ᥗᥦᥢᥰ ᥓᥤᥒᥰ. ᥡᥣᥒᥱ ᥑᥣᥭᥰ. ᥠᥨᥒᥱ ᥠᥤᥒᥳ)ᥘᥦᥲ ᥘᥦᥢ ᥐᥣᥢᥰ ᥙᥩᥒ ᥑᥪᥐᥳ ᥑᥣᥭᥰ (2)ᥟᥢ (ᥞᥩᥒ ᥐᥩᥒ ᥘᥦᥲ ᥛᥣ ᥐᥣᥝᥰ). ᥝᥥᥒᥰ ᥒᥝᥲ ᥓᥪᥒ ᥛᥫᥒᥰ ᥑᥥᥱ ᥙᥥᥢ ᥝᥥᥒᥰ ᥙᥫᥭᥲ ᥓᥤᥢ. |
| 74 |
ᥗᥭᥱ ᥝᥢᥱ ᥖᥥᥳ ᥕᥧᥱ ᥖᥤ ᥓᥪᥒ ᥛᥫᥒᥰ ᥓᥩᥛ ᥓᥪᥒ ᥐᥨᥢᥰ ᥛᥫᥒᥰ ᥙᥣᥢᥱ ᥙᥩᥒ ᥛᥫᥒᥰ ᥑᥥᥱ ᥔᥥᥴ ᥟᥧᥙᥱ ᥙᥫᥒᥱ ᥚᥩᥒᥰ ᥒᥛᥰ. ᥐᥥᥝᥱ ᥐᥙᥱ ᥘᥨᥭᥲ ᥐᥣᥙ ᥚᥩᥒᥰ ᥒᥛᥰ ᥟᥧᥙᥱ ᥙᥫᥒᥱ ᥗᥭᥱ ᥝᥢᥱ ᥔᥥᥴ ᥘᥬᥰ ᥐᥥ ᥓᥪᥒ ᥛᥫᥒᥰ ᥓᥩᥛ ᥓᥪᥒ ᥐᥨᥢᥰ ᥛᥫᥒᥰ ᥙᥣᥢᥱ ᥙᥩᥒ ᥛᥫᥒᥰ ᥑᥥᥱ ᥘᥦᥲ ᥖᥒᥰ ᥗᥭᥱ ᥝᥢᥱ ᥖᥪᥐᥳ ᥛᥤᥰ ᥘᥩᥒ ᥗᥥᥒᥴ ᥐᥢ ᥕᥧᥱ. |
| 75 |
ᥝᥥᥒᥰ ᥒᥝᥲ ᥓᥪᥒ ᥟᥢ ᥙᥣᥢᥱ ᥙᥩᥒ ᥘᥩᥒ ᥘᥫᥛ ᥘᥭᥲ (4)ᥟᥢ. ᥘᥦᥢ ᥘᥤᥢ ᥘᥭᥲ ᥔᥧᥢᥱ ᥑᥪᥐᥳ ᥑᥣᥭᥰ ᥖᥣᥱ ᥐᥣᥢᥰ ᥙᥩᥒ (2)ᥟᥢ. ᥓᥥ ᥟᥪᥒᥱ (22)ᥟᥢ. ᥓᥥ ᥟᥪᥒᥱ ᥙᥣᥢᥱ ᥙᥩᥒ ᥞᥣᥒᥰ ᥑᥨᥝᥴ (5)ᥛᥫᥒᥰ. ᥝᥥᥒᥰ ᥒᥝᥲ ᥓᥪᥒ ᥟᥢ ᥙᥣᥢᥱ ᥙᥩᥒ ᥘᥩᥒ ᥘᥫᥛ ᥘᥭᥲ (4) ᥟᥢ ᥑᥝᥴ ᥓᥫᥰ ᥘᥭᥳ ᥛᥣᥰ ᥞᥨᥛ ᥐᥢ ᥔᥥᥴ ᥞᥩᥒᥳ ᥝᥣ"ᥛᥫᥒᥰ ᥑᥥᥱ ᥘᥨᥒᥴ" ᥘᥭᥴ ᥕᥝᥳ. |
| 76 |
ᥛᥫᥒᥰ ᥞᥨᥝᥴ ᥑᥛᥰ ᥗᥭᥰ (ᥗᥭᥰ: ราชอาณาจักรไทย ᥘᥣᥱ ᥓᥣᥱ ᥟᥣᥱ ᥘᥣᥱ ᥓᥣᥐᥱ ᥗᥭᥰ) ᥘᥭᥳ ᥙᥥᥢ ᥛᥫᥒᥰ ᥐᥩᥢᥰ ᥑᥨᥝᥴ ᥛᥫᥒᥰ ᥘᥫᥒ ᥟᥢ ᥛᥤᥰ ᥝᥭᥳ ᥖᥤ ᥘᥛᥱ ᥘᥩᥒ ᥘᥬᥰ ᥖᥩᥢᥲ ᥓᥥᥒᥱ ᥓᥣᥢᥰ ᥝᥢᥰ ᥟᥩᥐᥱ ᥟᥥᥰ ᥡᥣᥰ. ᥜᥣᥭᥱ ᥞᥩᥒᥱ ᥘᥢᥳ ᥛᥤᥰ ᥛᥫᥒᥰ ᥛᥣᥢ ᥘᥦᥲ ᥛᥫᥒᥰ ᥘᥣᥝᥰ, ᥚᥣᥭᥱ ᥝᥢᥰ ᥟᥩᥐᥱ ᥘᥢᥳ ᥛᥤᥰ ᥛᥫᥒᥰ ᥘᥣᥝᥰ ᥘᥦᥲ ᥛᥫᥒᥰ ᥐᥛᥱ ᥙᥨᥝᥰ ᥖᥤᥰ ᥕᥣᥰ. |
| 77 |
ᥘᥦᥢ ᥘᥛᥳ ᥛᥫᥒᥰ ᥗᥭᥰ ᥘᥭᥳ ᥜᥣᥭᥱ ᥐᥤᥝᥱ ᥘᥛᥳ ᥗᥭᥰ ᥓᥥᥒᥱ ᥓᥣᥢᥰ ᥝᥢᥰ ᥟᥩᥐᥱ ᥘᥢᥳ ᥖᥤᥖᥱ ᥓᥙᥴ ᥐᥢ ᥝᥭᥳ ᥖᥒᥰ ᥘᥦᥢ ᥘᥛᥳ ᥛᥫᥒᥰ ᥝᥦᥖᥳ ᥢᥣᥛᥰ, ᥜᥣᥭᥱ ᥙᥣᥒᥱ ᥘᥣᥭᥱ ᥟᥦᥖᥱ ᥛᥦᥢᥱ ᥓᥥᥒᥱ ᥓᥣᥢᥰ ᥝᥢᥰ ᥖᥨᥐᥱ ᥘᥢᥳ ᥖᥤᥖᥱ ᥓᥙᥴ ᥝᥭᥳ ᥖᥒᥰ ᥘᥦᥢ ᥘᥛᥳ ᥛᥫᥒᥰ ᥟᥤᥢᥱ ᥖᥨᥝᥱ ᥢᥤᥰ ᥡᥣᥰ ᥘᥦᥲ ᥛᥫᥒᥰ ᥟᥤᥢᥱ ᥖᥤᥳ ᥕᥣᥳ ᥑᥝᥴ ᥕᥝᥳ. |
| 78 |
ᥐᥧᥒᥰ ᥗᥥᥙ (ᥛᥫᥒᥰ ᥐᥩᥐᥱ) ᥘᥭᥳ ᥙᥥᥢ ᥝᥥᥒᥰ ᥘᥨᥒᥴ ᥒᥝᥲ ᥓᥪᥒ ᥛᥫᥒᥰ ᥗᥭᥰ ᥔᥥᥴ ᥟᥛᥱ ᥐᥣᥰ ᥙᥥᥢ ᥝᥥᥒᥰ ᥟᥢ ᥕᥬᥱ ᥔᥥᥴ ᥙᥫᥢ ᥘᥬᥰ ᥛᥫᥒᥰ ᥗᥭᥰ. ᥐᥧᥒᥰ ᥗᥥᥙ ᥘᥭᥳ ᥙᥥᥢ ᥝᥥᥒᥰ ᥒᥝᥲ ᥒᥣᥱ ᥖᥣᥱ ᥐᥣᥢ ᥛᥫᥒᥰ, ᥐᥣᥢ ᥛᥣᥐ ᥛᥤᥰ, ᥐᥣᥢ ᥞᥥᥖᥱ= ᥟᥩᥐᥱ ᥑᥨᥝᥰ ᥐᥧᥢᥱ ᥘᥦᥲ ᥐᥣᥢ ᥜᥣᥭᥱ ᥜᥤᥒᥲ ᥗᥧᥒᥰ ᥕᥥᥢᥱ ᥒᥥ ᥓᥫᥰ ᥘᥢᥳ ᥝᥥᥒᥰ ᥘᥫᥒ ᥕᥝᥳ. |
| 79 |
ᥛᥫᥒᥰ ᥛᥣᥢ ᥘᥭᥳ ᥓᥪ ᥑᥝᥲ ᥑᥣᥒᥱ ᥖᥣᥰ ᥘᥣᥰ ᥛᥢᥰ ᥞᥤᥐ ᥞᥩᥒᥳ ᥝᥣ ᥛᥫᥒᥰ ᥚᥩᥛᥳ ᥞᥨᥛ ᥓᥩᥛ ᥒᥝᥲ ᥓᥪᥒ ᥛᥣᥢ ᥘᥭᥴ ᥔᥥᥴ ᥘᥬᥰ ᥓᥥᥒᥱ ᥓᥣᥢᥰ ᥝᥢᥰ ᥟᥩᥐᥱ ᥟᥥᥰ ᥡᥣᥰ ᥘᥢᥳ ᥙᥥᥢ ᥛᥫᥒᥰ ᥟᥢ ᥕᥬᥱ ᥔᥥᥴ ᥙᥫᥢ ᥛᥣᥭᥴ ᥔᥩᥒᥴ ᥕᥝᥳ. ᥛᥫ ᥙᥤ 1948 ᥘᥫᥢ 1 ᥘᥭᥲ 4 ᥝᥢᥰ ᥘᥭᥲ ᥘᥩᥖ ᥘᥦᥝᥰ ᥐᥩᥢᥰ ᥑᥨᥝᥴ ᥞᥣᥒᥰ ᥙᥪᥴ ᥓᥝᥲ ᥖᥛ ᥖᥤ ᥟᥥᥒᥰ ᥐᥣ ᥘᥥᥖ ᥔᥥᥴ ᥞᥤᥐ ᥓᥪ ᥝᥣ ᥛᥫᥒᥰ ᥚᥩᥛᥳ ᥞᥨᥛ ᥛᥦᥢᥱ ᥛᥣᥱ ᥘᥭᥴ ᥕᥝᥳ. |
| 80 |
ᥙᥤ 1947 ᥘᥫᥢ 1 ᥘᥭᥲ 4 ᥝᥢᥰ ᥘᥢᥳ ᥑᥪᥢᥰ ᥘᥦᥐ ᥙᥥᥢ ᥓᥪ ᥛᥫᥒᥰ ᥚᥩᥛᥳ ᥞᥨᥛ ᥔᥨᥝᥱ ᥡᥦᥱ ᥘᥤᥖ ᥓᥩᥛ ᥒᥝᥲ ᥓᥪᥒ ᥛᥣᥢ ᥘᥭᥴ ᥘᥦᥰ ᥔᥒᥴ. ᥙᥤ 1988 ᥘᥫᥢ 9 ᥘᥭᥲ 23 ᥝᥢᥰ ᥑᥪᥢᥰ ᥘᥦᥐ ᥘᥣᥭ ᥙᥥᥢ ᥛᥫᥒᥰ ᥚᥩᥛᥳ ᥞᥨᥛ ᥛᥣᥢ ᥘᥦᥳ ᥔᥒᥴ. ᥙᥤ 1989 ᥘᥫᥢ 6 ᥘᥭᥲ 18 ᥝᥢᥰ ᥘᥢᥳ ᥐᥩᥲ ᥑᥪᥢᥰ ᥛᥐᥴ ᥛᥢᥲ ᥙᥥᥢ ᥛᥫᥒᥰ ᥚᥩᥛᥳ ᥞᥨᥛ ᥛᥣᥢ ᥐᥩᥭᥰ ᥘᥒᥱ ᥐᥝᥱ ᥕᥝᥳ. |
| 81 |
ᥓᥥ ᥟᥪᥒᥱ ᥖᥨᥢᥲ ᥖᥤᥰ, ᥓᥥ ᥛᥫᥒᥰ ᥖᥭᥰ. ᥛᥫᥒᥰ ᥛᥣᥢᥲ ᥔᥥᥴ ᥙᥥᥢ ᥝᥥᥒᥰ ᥙᥐᥴ ᥘᥧᥛᥰ ᥓᥥ ᥛᥫᥒᥰ ᥖᥭᥰ ᥕᥝᥳ. ᥝᥥᥒᥰ ᥖᥨᥢᥲ ᥖᥤᥰ ᥘᥭᥳ ᥙᥥᥢᥴ ᥝᥥᥒᥰ ᥒᥝᥲ ᥓᥪᥒ ᥛᥫᥒᥰ ᥖᥭᥰ ᥔᥥᥴ ᥛᥤᥰ ᥖᥤ ᥛᥫᥒᥰ ᥖᥭᥰ ᥙᥩᥖᥴ ᥓᥣᥢᥰ. ᥛᥤᥰ ᥘᥫᥴ ᥔᥥᥢᥲ ᥖᥣᥒᥰ ᥖᥣᥱ ᥓᥤᥱ ᥖᥒᥰ ᥐᥥᥒᥰ ᥖᥧᥒᥴ, ᥛᥤᥰ ᥚᥣᥭᥱ ᥞᥩᥒᥱ ᥝᥥᥒᥰ ᥕᥩᥒᥱ ᥔᥨᥭᥱ ᥖᥒᥰ ᥘᥩᥒᥴ ᥞᥣᥭᥰ ᥕᥣᥰ (ᥘᥩᥒᥴ ᥟᥣᥒᥰ ᥘᥥᥰ). |
| 82 |
ᥔᥢᥴ ᥘᥩᥭ ᥛᥫᥒᥰ ᥖᥭᥰ ᥘᥭᥳ ᥙᥥᥢ ᥖᥨᥢᥰ ᥘᥩᥭ ᥟᥢ ᥐᥣᥒᥲ ᥕᥣᥝᥰ ᥗᥪᥒᥴ ᥛᥫᥒᥰ ᥕᥧᥱ ᥢᥣᥢᥱ ᥖᥨᥝᥱ ᥗᥪᥒᥴ ᥛᥫᥒᥰ ᥛᥣᥢ ᥘᥦᥲ ᥛᥫᥒᥰ ᥗᥭᥰ ᥕᥝᥳ. ᥓᥪ ᥔᥣᥭᥴ ᥖᥨᥢᥰ ᥘᥩᥭ ᥕᥣᥝᥰ ᥓᥫᥰ ᥘᥭᥳ ᥘᥧᥐ ᥖᥤ ᥓᥪᥒ ᥖᥭᥰ ᥘᥦᥲ ᥐᥨᥢᥰ ᥛᥫᥒᥰ ᥛᥢᥰ ᥔᥥᥴ ᥐᥛᥳ ᥘᥛᥴ ᥘᥛᥴ ᥛᥤᥰ ᥙᥪᥢᥳ ᥖᥤ ᥘᥦᥢ ᥘᥤᥢ ᥐᥩᥒᥰ ᥘᥩᥭ ᥖᥭᥰ ᥕᥝᥳ. ᥘᥦᥢ ᥖᥤ ᥘᥩᥭ ᥛᥫᥒᥰ ᥖᥭᥰ ᥘᥭᥳ ᥛᥤᥰ ᥝᥭᥳ ᥐᥥᥰ ᥘᥛᥳ ᥘᥦᥲ ᥗᥧᥒᥳ ᥝᥨᥝᥱ ᥖᥒᥰ ᥘᥛᥴ ᥘᥣᥭᥴ. |
| 83 |
ᥔᥢᥴ ᥘᥩᥭ ᥟᥢ ᥔᥧᥒᥴ ᥔᥧᥖᥴ ᥖᥤ ᥛᥫᥒᥰ ᥗᥭᥰ ᥟᥢ ᥛᥤᥰ ᥖᥣᥒᥰ ᥔᥧᥒᥴ 2,565 ᥛᥤᥰ ᥖᥫᥱ(8,415 ᥗᥖᥴ) ᥘᥢᥳ ᥙᥥᥢ ᥙᥩᥖᥴ ᥖᥩᥢᥲ ᥔᥢᥴ ᥘᥩᥭ ᥟᥢ ᥑᥢᥲ ᥙᥢ ᥘᥬᥰ ᥐᥥ ᥛᥫᥒᥰ ᥗᥭᥰ ᥘᥦᥲ ᥛᥫᥒᥰ ᥛᥣᥢ ᥕᥝᥳ. ᥓᥪ ᥔᥢᥴ ᥘᥩᥭ ᥘᥢᥳ ᥞᥩᥒᥳ ᥝᥣ ᥔᥢᥴ ᥘᥩᥭ ᥘᥣᥴ ᥘᥭᥴ ᥕᥝᥳ. ᥔᥢᥴ ᥘᥩᥭ ᥛᥫᥒᥰ ᥖᥭᥰ ᥐᥛᥳ ᥘᥛᥴ ᥘᥭᥳ ᥙᥥᥢ ᥞᥤᥢᥴ ᥗᥧᥢᥴ ᥕᥝᥳ. |
| 84 |
ᥛᥫᥒᥰ ᥖᥭᥰ ᥘᥭᥳ ᥛᥤᥰ ᥖᥣᥒᥰ ᥐᥣᥒᥲ 62500 ᥘᥩᥐᥱ ᥘᥐᥴ ᥙᥢᥱ ᥛᥨᥢᥰ ᥔᥥᥴ ᥘᥬᥰ ᥐᥣ ᥓᥥ ᥔᥫᥢᥰ ᥘᥦᥲ ᥓᥥ ᥛᥫᥒᥰ 14 ᥟᥢ ᥘᥢᥳ ᥙᥥᥢ ᥟᥢ ᥘᥦᥢ ᥐᥣᥒᥲ ᥕᥬᥱ ᥔᥥᥴ ᥙᥫᥢ ᥕᥝᥳ. ᥛᥤᥰ ᥜᥣᥒᥴ ᥞᥣᥒ ᥞᥣᥲ ᥓᥥᥒᥱ(ပဉ္စဂံ) ᥓᥦᥐᥱ ᥚᥥᥴ ᥞᥤᥐ ᥞᥩᥒᥳ ᥙᥥᥢ ᥔᥣᥛᥴ ᥖᥩᥢ ᥝᥣ ᥛᥫᥒᥰ ᥖᥭᥰ ᥙᥩᥖᥴ ᥞᥩᥒᥱ. ᥛᥫᥒᥰ ᥖᥭᥰ ᥙᥩᥖᥴ ᥓᥣᥢᥰ. ᥛᥫᥒᥰ ᥖᥭᥰ ᥙᥩᥖᥴ ᥟᥩᥐᥱ. |
| 85 |
ᥖᥭᥰ ᥘᥭᥳ ᥙᥥᥢ ᥓᥧᥛᥰ ᥑᥫᥰ ᥐᥨᥢᥰ ᥟᥢ ᥕᥧᥱ ᥔᥝᥰ ᥖᥤ ᥓᥥᥒᥱ ᥓᥣᥢᥰ ᥝᥢᥰ ᥟᥩᥐᥱ ᥟᥥᥰ ᥡᥦᥰ ᥓᥧᥛᥰ ᥘᥫᥒ. ᥑᥫᥒ ᥙᥣᥲ ᥘᥛᥴ ᥕᥧᥱ ᥔᥝᥰ ᥖᥤ ᥓᥥᥰ ᥛᥫᥒᥰ ᥡᥦᥢᥰ (ᥖᥭᥰ) ᥘᥬᥰ ᥛᥫᥒᥰ ᥛᥣᥢ. ᥘᥫᥴ ᥔᥥᥴ ᥓᥥᥰ ᥛᥫᥒᥰ ᥡᥦᥢᥰ (ᥖᥭᥰ) ᥘᥬᥰ ᥛᥫᥒᥰ ᥛᥣᥢ ᥘᥭᥳ ᥕᥧᥱ ᥔᥝᥰ ᥖᥤ ᥔᥫᥢᥰ ᥛᥣᥢᥰ ᥖᥥᥰ ᥘᥥᥰ, ᥓᥥ ᥛᥫᥒᥰ ᥑᥣᥒᥴ, ᥓᥥ ᥛᥫᥒᥰ ᥕᥣᥒᥰ ᥘᥦᥒ, ᥓᥥ ᥛᥫᥒᥰ ᥕᥣᥒᥰ ᥚᥫᥐᥱ. |
| 86 |
ᥘᥤᥐ ᥙᥣᥱ ᥘᥤᥱ. ᥘᥤᥐ ᥟᥤᥱ ᥓᥤᥙᥳ. ᥘᥤᥐ ᥔᥤᥱ ᥞᥨᥝᥱ. ᥘᥤᥐ ᥑᥩᥛᥴ. ᥘᥤᥐ ᥙᥤᥝᥱ. ᥘᥤᥐ ᥛᥩᥢᥰ-ᥘᥤᥐ ᥑᥣ ᥛᥥᥢᥱ. ᥘᥤᥐ ᥛᥣᥢ. ᥘᥤᥐ ᥕᥨᥢᥰ ᥘᥦᥲ ᥘᥤᥐ ᥗᥭᥰ ᥙᥣᥰ ᥖᥒᥰ ᥘᥤᥐ ᥖᥭᥰ ᥘᥨᥒᥴ ᥘᥭᥲ ᥑᥣᥛᥱ ᥙᥪᥢᥳ ᥘᥫᥴ ᥘᥤᥐ ᥙᥤᥝᥱ ᥞᥣᥳ ᥛᥤᥱ (ᥛᥫᥒᥰ ᥐᥣ ᥘᥣᥰ ᥟᥤᥢᥰ ᥖᥤᥰ ᥕᥫ ᥔᥥᥴ ᥘᥖᥴ ᥒᥴᥙᥒ ᥞᥥᥖᥱ ᥙᥥᥢ ᥛᥣᥰ ᥘᥩᥢᥳ ᥘᥩᥢᥳ ᥘᥥᥙ ᥞᥥᥢᥰ ᥞᥢᥴ ᥛᥢᥲ ᥘᥒᥱ ᥘᥭᥴ). |
| 87 |
ᥕᥝᥳ ᥐᥩᥲ ᥔᥪᥙᥱ ᥕᥥᥢᥰ ᥛᥣᥰ ᥙᥥᥢ ᥘᥤᥐ ᥢᥣᥱ ᥐᥣᥳ ᥘᥤᥳ (ᥖᥥᥱ ᥝᥢᥱ ᥘᥣᥱ ᥐᥣᥳ ᥘᥤᥱ) ᥘᥭᥴ ᥕᥝᥲ. ᥔᥣᥭᥴ ᥙᥩᥖᥴ ᥞᥩᥒᥱ ᥘᥭᥳ ᥚᥥᥴ ᥑᥪᥢᥲ ᥛᥣᥰ ᥗᥪᥒᥴ ᥛᥫᥒᥰ ᥙᥤᥝᥱ. ᥛᥫᥒᥰ ᥛᥩᥢᥰ (ᥔᥧᥳ ᥗᥛᥱ ᥛᥝ ᥖᥤ) ᥘᥦᥲ ᥝᥣᥭᥰ ᥘᥪᥢᥰ ᥛᥣᥰ ᥕᥥᥢᥰ ᥛᥣᥰ ᥙᥥᥢ ᥘᥤᥐ ᥙᥤᥝᥱ. ᥘᥤᥐ ᥛᥩᥢᥰ ᥘᥦᥲ ᥘᥤᥐ ᥛᥣᥢ ᥖᥨᥝᥱ ᥗᥪᥒᥴ ᥙᥣᥢ ᥘᥭᥳ ᥘᥭᥴ ᥕᥧᥱ. |
| 88 |
ᥙᥪᥢᥰ ᥐᥦᥙ ᥚᥧᥱ ᥞᥖᥴ ᥒᥣᥢᥴ ᥘᥭᥳ ᥑᥣᥛᥰ ᥙᥣ ᥘᥤ ᥞᥩᥒᥳ ᥝᥤᥴ ᥞᥧᥙ ᥞᥤᥳ ᥔᥣᥳ. ᥟᥣ ᥓᥣᥱ ᥘᥤᥳ ᥕᥣᥳ. ᥙᥩᥒᥱ ᥑᥣᥛᥰ ᥖᥭᥰ ᥝᥣ - ᥚᥧᥱ ᥞᥖᥴ ᥖᥣᥭ ᥖᥣᥒ ᥛᥣᥢᥲ ᥛᥫᥒᥰ. ᥓᥫᥳ ᥑᥫᥰ ᥖᥨᥝ ᥐᥝᥱ. ᥐᥩᥙ ᥑᥝᥴ ᥖᥣᥭ ᥖᥣᥒ ᥛᥣᥢᥲ ᥛᥫᥒᥰ. ᥓᥫᥳ ᥑᥫᥰ ᥖᥨᥝ ᥐᥝᥱ ᥘᥦᥰ ᥐᥨᥢᥰ ᥘᥬᥰ ᥛᥣᥢᥲ ᥛᥫᥒᥰ ᥘᥢᥳ ᥓᥒᥱ ᥗᥪᥴ ᥙᥥᥢ ᥐᥧᥢᥰ ᥛᥧᥢ ᥓᥫᥳ ᥑᥫᥰ. |
| 89 |
ᥛᥣᥢᥲ ᥛᥫᥒᥰ ᥔᥥᥴ ᥕᥧᥐ ᥕᥩᥒᥲ ᥔᥪᥙᥱ ᥔᥪᥙᥱ ᥐᥢ ᥛᥣᥰ. ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ ᥖᥥᥱ ᥞᥥᥖᥱ ᥝᥢᥰ ᥚᥧᥱ ᥞᥖᥴ ᥒᥣᥢᥴ ᥛᥣᥰ ᥛᥫ ᥙᥤ 1948 ᥙᥣᥢ ᥘᥨᥒᥴ ᥙᥩᥒ ᥓᥪᥒ ᥖᥤᥱ ᥛᥨᥝᥱ ᥑᥣ ᥞᥥᥱ ᥓᥤᥱ ᥟᥢ ᥓᥩᥛ ᥓᥪᥒ ᥓᥝᥲ ᥡᥨᥭᥱ ᥖᥦᥐ (ᥓᥝᥲ ᥜᥣᥳ ᥘᥨᥒᥴ ᥛᥫᥒᥰ ᥕᥩᥒ ᥞᥨᥭᥲ) ᥘᥦᥰ ᥓᥩᥛ ᥚᥩᥒᥰ ᥘᥨᥒᥴ ᥟᥧᥰ ᥢᥧ ᥟᥩᥢ ᥞᥨᥝᥴ (1948-1962). |
| 90 |
ᥝᥣᥭᥰ ᥛᥫᥒᥰ ᥛᥣᥢ ᥘᥭᥲ ᥘᥩᥖ ᥘᥦᥝᥰ ᥐᥩᥢᥰ ᥑᥨᥝᥴ ᥕᥝᥳ ᥘᥨᥒᥴ ᥙᥩᥒ ᥓᥪᥒ ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ ᥓᥒᥱ ᥛᥐᥴ ᥛᥢᥲ ᥟᥝ ᥝᥢᥰ ᥖᥤ 19 ᥘᥫᥢ ᥓᥧᥱ ᥘᥣᥭ ᥘᥭᥳ ᥙᥥᥢ ᥝᥢᥰ ᥚᥧᥱ ᥞᥖᥴ ᥒᥣᥢᥴ (ᥝᥢᥰ ᥟᥣᥱ ᥓᥣᥱ ᥢᥤᥱ) ᥘᥭᥴ ᥔᥥᥴ ᥕᥧᥐᥳ ᥕᥩᥒᥲ ᥟᥝ ᥐᥧᥢᥰ ᥛᥧᥢ ᥛᥣᥰ ᥖᥨᥝᥱ ᥝᥢᥰ ᥛᥫ ᥘᥭᥳ. ᥘᥬᥰ 9 ᥐᥨᥝᥳ ᥘᥢᥳ ᥙᥣᥰ ᥖᥭᥰ ᥐᥨᥝᥳ ᥘᥫᥒ. |
| 91 |
ᥙᥥᥢ ᥓᥝᥲ ᥓᥣᥛᥱ ᥗᥧᥢᥰ ᥓᥝᥲ ᥜᥣᥳ ᥘᥨᥒᥴ ᥛᥫᥒᥰ ᥙᥩᥢ. ᥝᥢᥰ ᥖᥤ 12/02/1947 ᥛᥣᥢ ᥖᥒᥰ ᥖᥭᥰ ᥑᥣᥒᥴ ᥠᥣᥒᥰ ᥘᥭᥲ ᥘᥨᥒᥰ ᥘᥣᥭᥰ ᥛᥪᥰ ᥘᥬᥰ ᥘᥤᥐ ᥞᥨᥛ ᥛᥣᥭᥴ ᥙᥣᥒ ᥘᥨᥒᥴ ᥙᥫ ᥖᥣᥱ ᥞᥨᥛ ᥐᥢ ᥐᥨᥝᥱ ᥖᥒᥲ ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ. ᥝᥣᥭᥰ ᥘᥭᥳ ᥞᥨᥛ ᥐᥢ ᥑᥩᥖᥱ ᥚᥩᥖ ᥔᥣ ᥚᥣᥰ ᥙᥨᥐᥱ ᥙᥩᥒ ᥓᥪᥒ ᥛᥫᥒᥰ ᥔᥥᥴ ᥑᥥᥢᥱ ᥖᥦᥛᥲ ᥛᥣᥭᥴ ᥛᥤᥲ ᥙᥫᥒ ᥒᥝᥲ ᥙᥪᥒᥰ ᥛᥫᥒᥰ. |
| 92 |
ᥔᥣ ᥚᥣᥰ ᥙᥨᥐᥴ ᥙᥩᥒ ᥓᥪᥒ ᥛᥫᥒᥰ ᥘᥭᥲ ᥛᥐᥴ ᥛᥢᥲ ᥙᥢ ᥙᥫᥒ ᥒᥝᥲ ᥙᥪᥒᥰ ᥛᥫᥒᥰ - ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ ᥛᥫ ᥝᥢᥰ ᥖᥤ 24/09/1947 ᥝᥣᥭᥰ ᥚᥧᥱ ᥞᥖᥴ ᥒᥣᥢᥴ ᥑᥝᥴ ᥔᥥᥒᥲ ᥐᥛᥱ (ᥖᥣᥭ) ᥘᥭᥲ 2 ᥘᥫᥢ ᥙᥣᥭ. ᥗᥪᥒᥴ ᥛᥣᥰ ᥝᥢᥰ ᥖᥤ 04/01/1948 ᥛᥫᥒᥰ ᥛᥣᥢ ᥘᥭᥲ ᥘᥩᥖ ᥘᥦᥝᥰ ᥐᥩᥢᥰ ᥑᥨᥝᥴ ᥘᥬᥰ ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ ᥘᥭᥴ ᥛᥣᥰ ᥖᥨᥝᥱ 1962. |
| 93 |
ᥟᥣ ᥛᥥᥱ ᥘᥤᥱ ᥐᥣᥳ ᥓᥣᥢᥰ ᥙᥥᥢ ᥘᥪᥛ ᥟᥢ ᥕᥬᥱ ᥔᥤᥴ ᥙᥫᥢ ᥗᥨᥢᥲ ᥔᥤᥱ. ᥛᥢᥰ ᥛᥤᥰ ᥖᥣᥒᥰ ᥕᥣᥝᥰ ᥛᥩᥐ 4,600 ᥘᥐᥴ(7,401 ᥐᥤᥱ ᥘᥨᥝᥱ ᥛᥤᥱ ᥖᥫᥱ. ᥙᥩᥰ ᥟᥝ ᥖᥤ ᥟᥢ ᥐᥣᥒᥲ ᥔᥥᥴ ᥙᥫᥢ ᥛᥢᥰ ᥘᥢᥳ ᥝᥣ ᥘᥭᥴ ᥛᥢᥰ ᥘᥭᥳ ᥛᥤᥰ 3,000 ᥘᥐᥴ(4,827 ᥐᥤᥱ ᥘᥨᥝᥱ ᥛᥤᥱ ᥖᥣᥱ)ᥘᥫᥴ, ᥟᥢ ᥘᥧᥐᥳ ᥖᥣᥒᥰ ᥟᥩᥐᥱ ᥖᥦᥐ ᥓᥧᥰ ᥖᥣᥒᥰ ᥖᥨᥐᥱ ᥘᥢᥳ ᥕᥝᥳ. |
| 94 |
ᥟᥣ ᥛᥥᥱ ᥘᥤᥱ ᥐᥣᥳ ᥓᥣᥢᥰ ᥘᥭᥳ ᥛᥤᥰ ᥘᥦᥢ ᥛᥫᥒᥰ ᥟᥢ ᥙᥦᥐᥱ ᥙᥫᥒ ᥐᥢ ᥘᥣᥱ ᥘᥢᥳ ᥘᥣᥭᥴ ᥓᥫᥳ ᥝᥭᥳ ᥕᥝᥳ. ᥛᥢᥰ ᥛᥤᥰ ᥘᥩᥭ ᥘᥨᥒᥴ, ᥘᥦᥢ ᥘᥣᥲ ᥘᥤᥢ ᥔᥧᥒᥴ, ᥞᥨᥭᥲ ᥞᥪᥐᥱ, ᥙᥣᥱ ᥞᥣᥖᥱ ᥔᥣᥭᥰ, ᥗᥫᥢᥱ ᥛᥭᥳ ᥘᥦᥢ ᥛᥫᥒᥰ ᥛᥭᥲ ᥖᥢ ᥘᥣᥴ, ᥙᥣᥒᥱ ᥙᥣᥱ ᥕᥫᥲ, ᥘᥦᥢ ᥙᥥᥒᥰ ᥘᥨᥒᥴ, ᥖᥒᥰ ᥘᥛᥳ ᥑᥥᥰ ᥕᥬᥱᥘᥨᥒᥴ ᥛᥫᥒᥴ ᥘᥒᥱ ᥘᥛᥳ ᥘᥨᥒᥴ ᥟᥣ ᥛᥥᥱ ᥔᥨᥢ ᥖᥒᥰ ᥟᥨᥝ ᥞᥤᥢᥰ ᥢᥨᥝᥰ ᥐᥨᥝᥰ ᥑᥝᥴ ᥘᥭᥴ ᥕᥝᥳ. |
| 95 |
ᥟᥦᥢᥰ ᥖᥤ ᥔᥣᥳ ᥟᥢ ᥙᥥᥢ ᥞᥣᥝᥰ ᥘᥩᥭ ᥘᥨᥒᥴ ᥟᥢ ᥢᥣᥒᥴ ᥕᥣᥝᥰ ᥐᥭ ᥔᥥᥴ ᥙᥫᥢ ᥖᥤ ᥔᥧᥖᥴ ᥘᥬᥰ ᥘᥧᥛ ᥜᥣᥳ ᥙᥧᥢᥳ ᥖᥤ ᥙᥣᥱ ᥘᥭᥳ ᥔᥛᥳ ᥖᥖᥴ ᥚᥣᥖ ᥘᥨᥒᥰ ᥔᥪᥲ ᥔᥪᥲ ᥓᥩᥛᥰ ᥙᥩᥖᥴ ᥖᥩᥢᥲ ᥚᥣᥭᥴ ᥖᥨᥐᥱ ᥘᥪᥛᥴ ᥘᥤᥢ ᥘᥨᥒᥴ ᥕᥝᥳ. ᥘᥩᥭ ᥘᥨᥒᥴ ᥛᥩᥒᥳ ᥖᥣᥳ ᥟᥣ ᥐᥩᥢᥰ ᥐᥣᥰ ᥐᥧᥰ ᥟᥣᥰ ᥖᥤ ᥟᥣᥱ ᥓᥦᥢᥱ ᥖᥤᥰ ᥘᥬᥰ ᥖᥒᥰ ᥠᥤ ᥘᥣᥰᥘᥤᥰ ᥑᥝᥴ ᥘᥭᥳ ᥛᥤᥰ ᥖᥣᥒᥰ ᥔᥧᥒᥴ ᥗᥪᥒᥴ 22,834 ᥗᥖᥴ, (6,960 ᥛᥤᥰ ᥖᥣᥱ). |
| 96 |
ᥟᥦᥙᥳ ᥞᥤᥳ ᥑᥫᥰᥘᥭᥳ ᥙᥥᥢ ᥘᥪᥛ ᥘᥤᥢ ᥟᥢ ᥕᥬᥱ ᥔᥥᥴ ᥙᥫᥢ ᥗᥨᥢᥲ ᥔᥩᥒᥴ ᥘᥢᥳ ᥕᥝᥳ. ᥛᥢᥰ ᥛᥤᥰ ᥘᥦᥢ ᥐᥣᥒᥲ ᥖᥣᥱ 11,707,000 ᥘᥩᥐᥴ ᥘᥐᥴ (30,309,252 ᥘᥩᥐᥴ ᥘᥐᥴ ᥐᥤᥱ ᥘᥨᥝᥱ ᥛᥤᥱ ᥖᥫᥱ). ᥘᥛᥳ ᥑᥥᥰ ᥘᥣᥭᥰ ᥟᥢ ᥛᥤᥰ ᥖᥤ ᥟᥦᥙᥳ ᥞᥤᥳ ᥑᥫᥰ ᥘᥭᥳ ᥙᥥᥢ ᥘᥛᥳ ᥑᥥᥰ ᥟᥢ ᥕᥣᥝᥰ ᥔᥥᥴ ᥙᥫᥢ ᥖᥤ ᥔᥧᥖᥴ ᥘᥬᥰ ᥘᥧᥛᥲ ᥜᥣᥳ ᥘᥭᥳ ᥕᥝᥳ. |
| 97 |
ᥙᥣᥱ ᥞᥣᥖᥱ ᥔᥣᥭᥰ ᥘᥨᥒᥴ ᥟᥢ ᥕᥬᥱ ᥐᥣᥒᥲ ᥖᥤ ᥔᥧᥖᥴ ᥘᥬᥰ ᥘᥧᥛᥲ ᥜᥣᥳ ᥘᥭᥳ ᥟᥢ ᥙᥥᥢ ᥔᥣ ᥞᥣᥰ ᥞᥣᥰ ᥘᥢᥳ ᥐᥩᥲ ᥛᥤᥰ ᥖᥤ ᥟᥦᥙᥳ ᥞᥤᥳ ᥑᥫᥰ ᥘᥭᥳ ᥘᥒᥱ ᥐᥝᥱ ᥕᥝᥳ. ᥟᥦᥙᥳ ᥞᥤᥳ ᥑᥫᥰ ᥘᥭᥲ ᥞᥩᥒᥳ ᥝᥣ ᥙᥥᥢ ᥘᥪᥛ ᥘᥤᥢ ᥐᥨᥢᥰ ᥘᥛ ᥑᥝᥴ ᥘᥭᥴ ᥕᥝᥳ. ᥛᥫ ᥙᥤ 1800 ᥓᥫᥰ ᥘᥢᥳ ᥐᥨᥢᥰ ᥕᥧᥰ ᥞᥨᥙᥳ ᥑᥝᥴ ᥓᥒᥱ ᥖᥥᥱ ᥜᥣᥭᥱ ᥞᥢᥴ ᥛᥣᥰ. |
| 98 |
ᥝᥢᥰ ᥛᥫ ᥘᥭᥳ ᥖᥥᥳ ᥓᥪᥒ ᥛᥫᥒᥰ ᥟᥦᥙᥳ ᥞᥤᥳ ᥑᥫᥰ ᥟᥢ ᥘᥩᥖ ᥘᥦᥝᥰ ᥔᥝᥰ ᥑᥨᥝᥴ ᥐᥩᥲ ᥛᥤᥰ ᥛᥣᥰ ᥖᥒᥰ ᥘᥛᥴ ᥘᥣᥭᥴ ᥖᥥᥳ ᥕᥧᥱ ᥕᥝᥳ. ᥟᥦᥙᥳ ᥞᥤᥳ ᥑᥫᥰ ᥘᥭᥳ ᥛᥤᥰ ᥜᥤᥒᥲ ᥜᥣᥳ ᥟᥢ ᥟᥛᥱ ᥛᥫᥢᥴ ᥐᥢ ᥘᥣᥭᥴ ᥘᥣᥭᥴ ᥛᥥᥝᥰ, ᥟᥥᥐᥱ ᥛᥥᥝᥰ ᥔᥦᥢᥰ ᥘᥤᥢ ᥘᥣᥭᥴ ᥛᥥᥝᥰ ᥖᥥᥳ ᥖᥥᥳ. ᥙᥣᥱ ᥞᥣᥖᥱ ᥔᥣᥭᥰ ᥘᥨᥒᥴ ᥑᥝᥴ ᥔᥛᥳ ᥞᥦᥒᥲ ᥔᥥᥴ ᥙᥥᥢ ᥛᥧᥢ ᥔᥣᥭᥰ ᥕᥝᥳ. |
| 99 |
ᥘᥤᥒᥰ, ᥠᥦᥛᥰ ᥙᥦᥢᥰ ᥔᥤᥰ ᥑᥝᥴ ᥖᥒᥰ ᥛᥤᥰ ᥐᥨᥢᥰ ᥘᥨᥒᥴ ᥐᥨᥝᥰ ᥞᥤᥳ ᥘᥬᥰ ᥔᥛᥱ ᥑᥝᥴ ᥕᥧᥱ ᥖᥤ ᥘᥢᥳ ᥕᥝᥳ. ᥖᥨᥝ ᥔᥖᥴ ᥟᥦᥙᥳ ᥞᥤᥳ ᥑᥫᥰ ᥟᥢ ᥘᥣᥐᥱ ᥘᥣᥭᥰ (ᥟᥛᥱ ᥔᥧᥱ ᥘᥭᥲ ᥞᥢᥴ ᥑᥝᥴ)ᥖᥒᥰ ᥘᥛᥴ ᥘᥣᥭᥴ ᥑᥝᥴ ᥔᥛᥳ ᥕᥧᥱ ᥖᥤ ᥘᥦᥢ ᥐᥣᥒᥱ ᥙᥣᥱ ᥘᥫᥒᥰ ᥘᥨᥒᥴ ᥘᥣᥒᥴ ᥟᥢ ᥞᥩᥒᥳ ᥝᥣ ᥘᥤᥢ ᥙᥣᥒᥱ ᥙᥣᥱ ᥕᥫᥲ ᥑᥝᥴ ᥘᥢᥳ ᥘᥬ ᥕᥝᥳ. |
| 100 |
ᥛᥫᥒᥰ ᥟᥦᥙᥳ ᥞᥤᥳ ᥑᥫᥰ ᥘᥭᥳ ᥘᥦᥢ ᥞᥫᥢᥰ ᥖᥤ ᥕᥧᥱ ᥖᥣᥱ ᥖᥨᥝ ᥘᥨᥐᥳ ᥛᥣᥳ, ᥘᥦᥢᥰ ᥘᥛᥳ, ᥒᥧᥰ ᥞᥝᥱ ᥐᥣᥐᥱ ᥖᥒᥰ ᥘᥫᥛᥴ ᥘᥣᥲ ᥘᥦᥛ ᥑᥝᥴ ᥐᥩᥲ ᥓᥬ ᥕᥝᥳ. ᥐᥨᥢᥰ ᥗᥩᥒᥳ ᥗᥥᥝᥳ ᥖᥣᥱ ᥗᥭᥱ ᥞᥣᥒ ᥙᥣᥱ ᥗᥫᥢᥱ ᥑᥝᥴ ᥘᥭᥳ ᥟᥩᥢ ᥐᥢ ᥛᥣᥰ ᥗᥪᥒᥴ ᥟᥦᥙᥳ ᥘᥤᥳ ᥑᥫᥰ ᥙᥩᥖᥴ ᥐᥣᥒ ᥘᥦᥲ ᥙᥩᥖᥴ ᥓᥣᥢᥰ ᥖᥣᥱ ᥘᥭᥲ ᥖᥨᥭᥰ ᥞᥢᥴ ᥜᥤᥒᥲ ᥙᥫᥒ ᥖᥨᥝ ᥞᥢᥴ ᥜᥤᥒᥲ ᥙᥫᥒ ᥖᥨᥝ ᥓᥬ ᥙᥣᥱ ᥘᥫᥒᥰ ᥑᥝᥴ ᥕᥝᥳ. |
| 101 |
ᥘᥦᥢ ᥛᥧᥒ ᥔᥣᥱ ᥟᥦᥙᥳ ᥘᥤᥰ ᥑᥫᥰ ᥘᥭᥳ ᥔᥛᥳ ᥘᥤ ᥟᥣᥛᥰ ᥝᥭᥳ. ᥓᥤᥐᥴ ᥘᥩᥭ ᥘᥨᥒᥴ ᥘᥩᥭ ᥐᥤᥰ ᥛᥤᥰ ᥛᥣᥢᥰ ᥓᥣᥰ ᥞᥨᥝᥰ ᥟᥢ ᥛᥤᥰ ᥖᥤ ᥖᥣᥢᥰ ᥔᥣᥢᥰ ᥢᥤᥰ ᥕᥣᥰ ᥘᥭᥳ ᥙᥥᥢ ᥟᥢ ᥘᥣᥐᥱ ᥘᥣᥭᥰ ᥗᥣᥒᥱ ᥓᥦᥒ ᥘᥨᥒᥴ ᥘᥣᥒᥴ ᥟᥢ ᥘᥫᥒ ᥕᥝᥳ. ᥛᥢᥰ ᥙᥥᥢ ᥟᥩᥒᥲ ᥖᥤ ᥟᥢ ᥔᥧᥒᥴ ᥔᥥᥴ ᥙᥫᥢ ᥖᥤ ᥔᥧᥖᥴ ᥖᥤ ᥟᥦᥙ ᥞᥤᥳ ᥑᥫᥰ ᥕᥝᥳ. ᥛᥤᥰ ᥖᥣᥒᥰ ᥔᥧᥒᥴ 19,350 ᥗᥖᥴ(5895 ᥛᥤᥱ ᥖᥫᥱ)ᥕᥝᥳ. |
| 102 |
ᥛᥫ ᥖᥥᥱ ᥖᥥᥱ ᥛᥢᥰ ᥙᥣᥭᥰ ᥓᥣᥒ ᥖᥣᥒᥰ ᥛᥨᥝᥴ ᥐᥨᥢᥰ ᥞᥝᥰ ᥘᥭᥳ ᥘᥧᥐ ᥖᥤ ᥐᥣᥢ ᥕᥧᥒᥱ ᥖᥪᥰ ᥑᥫᥒ ᥛᥤᥰ ᥚᥥᥒᥱ ᥚᥥᥒᥱ (ᥕᥨᥝᥰ ᥕᥨᥝᥰ)ᥔᥥᥴ ᥕᥝᥳ ᥓᥒᥱ ᥘᥭᥲ ᥞᥨᥢ ᥛᥨᥢᥰ ᥑᥪᥢᥲ ᥕᥬᥱ ᥛᥣᥰ. ᥓᥥᥛ ᥛᥫ ᥙᥭᥱ ᥛᥤᥰ ᥐᥣᥢ ᥛᥣᥭᥴ ᥖᥛᥰ ᥙᥪᥢᥰ ᥘᥢᥳ ᥐᥩᥙ ᥙᥫ ᥐᥨᥢᥰ ᥞᥝᥰ ᥛᥤᥰ ᥙᥣᥭᥰ ᥓᥣᥒ ᥘᥣᥭᥰ ᥐᥧᥛᥰ ᥜᥭᥰ ᥔᥥᥴ ᥘᥦᥲ ᥓᥒᥱ ᥓᥣᥒ ᥞᥥᥖᥱ ᥞᥬᥲ ᥖᥣᥒᥰ ᥐᥤᥢ ᥖᥣᥒᥰ ᥕᥦᥛᥳ ᥖᥫᥰ ᥘᥤ ᥐᥤᥢ ᥘᥤ ᥕᥦᥛᥳ ᥛᥣᥰ. |
| 103 |
ᥚᥩᥒ ᥚᥩᥒ (ᥖᥥᥱ ᥘᥤᥱ ᥜᥨᥢᥰ) ᥘᥦᥲ ᥟᥤᥢᥰ ᥖᥫᥲ ᥢᥦᥖᥳ ᥓᥫᥰ ᥘᥭᥳ ᥘᥦᥲ ᥐᥨᥢᥰ ᥞᥝᥰ ᥑᥣᥛᥲ ᥘᥭᥲ ᥘᥩᥒ ᥕᥣᥙᥱ ᥚᥪᥖᥱ ᥐᥣᥢ ᥐᥙᥴ ᥔᥣᥢᥴ ᥛᥣᥰ ᥔᥥᥴ ᥓᥣᥒ ᥐᥙᥱ ᥔᥪᥙᥱ ᥔᥪᥱ ᥔᥣᥢᥴ ᥖᥨᥝᥱ ᥖᥒᥰ ᥙᥧᥢᥳ ᥖᥤ ᥙᥣᥱ ᥐᥛᥱ ᥜᥣᥱ ᥛᥣᥰ ᥘᥭᥲ ᥕᥧᥱ ᥕᥝᥳ. ᥐᥩᥭᥰ ᥘᥣᥱ ᥟᥛᥱ ᥓᥬ ᥘᥦᥲ ᥝᥣ ᥙᥣᥭᥰ ᥓᥣᥒ (ᥖᥣᥒᥰ ᥛᥨᥝᥴ) ᥐᥧ ᥟᥢ ᥘᥭᥲ ᥟᥝ ᥛᥣᥰ ᥕᥧᥒᥱ ᥖᥪᥰ ᥖᥩᥢ ᥖᥣᥱ ᥘᥩᥒ ᥒᥤᥛᥰ ᥕᥥᥢ ᥐᥨᥢᥰ ᥞᥝᥰ ᥐᥧ ᥛᥥᥝᥰ ᥘᥒᥱ ᥐᥝᥱ. |
| 104 |
ᥙᥩᥰ ᥖᥨᥭᥰ ᥑᥪᥢᥰ ᥘᥬᥰ ᥙᥪᥢᥰ ᥘᥭᥴ ᥘᥧᥐ ᥖᥤ ᥟᥝ ᥛᥣᥐᥱ ᥞᥤᥢᥴ ᥞᥥᥖᥱ ᥑᥫᥒ ᥕᥤᥙᥱ ᥘᥣᥐ ᥘᥣᥐ ᥔᥥᥴ ᥔᥛᥳ ᥙᥨᥝᥰ ᥑᥪᥢᥲ ᥕᥬᥱ ᥗᥪᥒᥴ ᥛᥣᥰ ᥓᥢᥳ ᥘᥣᥐ ᥘᥣᥐ ᥢᥤᥝᥰ ᥑᥣ ᥘᥤᥰ ᥕᥬᥰ ᥛᥣᥰ ᥕᥧᥱ ᥕᥝᥳ. ᥙᥣᥭᥰ ᥓᥣᥒ ᥘᥭᥳ ᥞᥨᥛᥱ ᥒᥛᥰ ᥝᥭᥳ ᥘᥫᥴ ᥖᥨᥒᥱ ᥝᥨᥒᥰ ᥐᥨᥢᥰ ᥞᥝᥰ ᥘᥦᥲ ᥘᥩᥒ ᥝᥦᥖᥳ ᥘᥩᥛᥳ ᥞᥝᥰ ᥘᥭᥳ ᥝᥭᥳ ᥕᥧᥱ ᥐᥧ ᥘᥣᥭᥰ ᥘᥣᥭᥰ ᥕᥝᥳ. |
| 105 |
ᥙᥩᥰ ᥘᥣᥖ ᥗᥪᥒᥴ "ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ" ᥘᥭᥴ ᥘᥩᥒ ᥘᥭᥳ ᥖᥤᥴ ᥞᥨᥛᥱ ᥒᥛᥰ "ᥘᥩᥒ ᥘᥦᥐ ᥘᥣᥭ" ᥐᥧ ᥘᥣᥭᥴ ᥙᥣᥲ ᥐᥧ ᥘᥣᥭᥴ ᥜᥣᥭᥱ ᥑᥩᥒᥴ ᥖᥨᥒᥱ ᥝᥨᥒᥰ ᥐᥨᥢᥰ ᥞᥝᥰ. ᥘᥦᥢ ᥑᥩᥒᥴ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥘᥭᥳ ᥛᥢᥰ ᥘᥣᥐᥱ ᥘᥣᥭᥰ ᥐᥣᥒᥲ ᥑᥣᥒᥴ ᥖᥥᥳ ᥖᥥᥳ. ᥖᥤᥴ ᥞᥨᥛ ᥟᥝ ᥓᥥᥛ ᥘᥩᥒ ᥐᥣᥢ ᥛᥣᥐ ᥛᥤᥰ. ᥘᥩᥒ ᥐᥢ ᥐᥨᥢᥰ. |
| 106 |
ᥘᥩᥒ ᥐᥣᥢ ᥛᥫᥒᥰ. ᥘᥩᥒ ᥛᥧᥐ ᥓᥧᥛᥰ. ᥘᥩᥒ ᥙᥣᥭᥰ ᥓᥣᥒ ᥘᥣᥭᥴ ᥘᥣᥭᥴ ᥓᥫᥰ(ᥓᥫᥒᥳ ᥘᥒᥱ ᥙᥣᥭᥰ ᥔᥣᥭ ᥖᥨᥝ ᥞᥣᥒ ᥟᥛᥱ ᥘᥢᥴ ᥙᥣᥭᥰ ᥔᥣᥭ ᥜᥤᥒᥲ ᥖᥪᥢᥰ ᥙᥥᥢ. ᥙᥣᥭᥰ ᥓᥣᥒ ᥓᥣᥐ ᥘᥦᥲ ᥐᥣᥢ ᥔᥪᥱ ᥔᥣᥢᥴ). ᥘᥩᥒ ᥔᥪᥒᥱ ᥝᥦᥖᥳ ᥘᥩᥛᥳ. ᥘᥩᥒ ᥙᥣᥭᥰ ᥐᥫᥰ ᥕᥛ. ᥘᥩᥒ ᥙᥣᥭᥰ ᥛᥩᥢᥰ ᥘᥦᥳ ᥚᥤᥒᥲ ᥒᥥ ᥓᥫᥰ ᥘᥭᥳ ᥘᥬ ᥕᥝᥳ. ᥚᥧᥱ ᥟᥣᥢᥱ ᥛᥣᥒ ᥐᥨᥝᥳ ᥕᥒᥰ ᥖᥥᥴ ᥝᥣ ᥐᥣ ᥘᥒᥱ ᥘᥣᥖ ᥛᥣᥰ ᥘᥭᥳ ᥕᥒᥰ ᥖᥪᥐᥳ ᥐᥦᥙ ᥕᥧᥱ ᥘᥭᥴ ᥐᥩᥢᥱ. |
| 107 |
ᥐᥛᥰ ᥘᥭᥳ ᥖᥥᥴ ᥔᥪᥙᥱ ᥑᥭ ᥘᥥᥴ ᥖᥤ ᥙᥩᥒᥱ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥔᥣᥛᥴ ᥟᥢ. ᥟᥢ ᥗᥤᥳ ᥘᥫᥒ ᥙᥥᥢ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥓᥩᥛᥰ ᥔᥣᥭᥴ ᥙᥪᥢᥰ ᥘᥦᥲ ᥟᥢ ᥓᥬᥳ ᥑᥣᥝᥰ ᥕᥣᥛᥰ ᥞᥪᥒᥴ. ᥕᥝᥳ ᥐᥩᥲ ᥙᥥᥢ ᥘᥒᥱ ᥔᥣᥭᥴ ᥐᥣᥢ ᥙᥥᥢ ᥘᥩᥒ ᥘᥦᥐ ᥘᥣᥭ. ᥗᥤᥳ ᥔᥩᥒ ᥙᥥᥢ ᥘᥩᥒ ᥗᥖᥴ ᥔᥣᥒᥲ ᥑᥨᥢᥳ ᥑᥭ ᥟᥢ ᥐᥩᥒᥳ ᥐᥣᥭᥱ ᥖᥒᥰ ᥙᥨᥝᥱ ᥘᥣᥱ ᥔᥤᥱ ᥟᥛᥱ ᥘᥢᥴ ᥟᥢ ᥘᥭᥲ ᥛᥤᥰ ᥑᥫᥒ ᥖᥦᥐ ᥑᥫᥒ ᥕᥒᥱ. |
| 108 |
ᥕᥝᥳ ᥐᥩᥲ ᥟᥤᥒ ᥘᥫᥴ ᥐᥣᥢ ᥑᥣᥖ ᥘᥣᥛᥰ ᥞᥤᥝ ᥓᥒ ᥘᥦᥲ ᥟᥤᥒ ᥘᥫᥴ ᥘᥬᥰ ᥑᥣᥝᥰ ᥙᥩᥖᥴ ᥖᥨᥝᥱ ᥑᥣᥝᥰ ᥐᥣᥒ. ᥟᥢ ᥗᥤᥳ ᥔᥣᥛ ᥖᥥᥳ ᥙᥥᥢ ᥘᥩᥒ ᥟᥢ ᥙᥣᥭᥰ ᥘᥥᥴ ᥞᥬᥲ ᥞᥧᥳ ᥓᥐᥴ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥟᥢ ᥟᥤᥒ ᥘᥫᥴ ᥙᥣᥭᥰ ᥝᥨᥢᥳ ᥙᥣᥭᥰ ᥞᥢᥴ ᥛᥫᥒᥰ ᥝᥢᥰ ᥖᥨᥐᥱ ᥑᥝᥴ. ᥕᥝᥳ ᥐᥩᥲ ᥕᥧᥐ ᥛᥧᥢᥰ ᥘᥣᥭᥰ ᥖᥣᥒᥰ ᥖᥣᥱ ᥖᥥᥴ ᥘᥦᥐ ᥘᥣᥭ ᥞᥣᥴ ᥖᥣᥒᥰ ᥟᥩᥐᥱ ᥛᥬᥱ ᥛᥬᥱ ᥖᥣᥱ ᥙᥣᥭᥰ ᥞᥢᥴ ᥛᥬᥱ ᥛᥬᥱ ᥘᥢᥳ ᥕᥝᥳ. |
| 109 |
ᥘᥩᥒ ᥑᥪᥢᥲ ᥕᥬᥱ ᥞᥧᥢ ᥛᥧᥢᥰ ᥟᥢ ᥗᥤᥳ ᥘᥫᥒ ᥟᥛᥱ ᥘᥢᥴ ᥟᥢ ᥙᥥᥢ ᥙᥣᥭᥰ ᥞᥢᥴ ᥗᥤᥳ ᥘᥫᥒ ᥘᥢᥳ ᥖᥥᥳ ᥙᥥᥢᥴ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥟᥢ ᥙᥥᥢ ᥔᥣᥭᥴ ᥐᥣᥢ ᥘᥩᥒ ᥘᥦᥐ ᥘᥣᥭ ᥕᥨᥒᥳ ᥔᥣᥒᥲ ᥖᥨᥒ ᥐᥨᥢᥰ ᥖᥒᥰ ᥘᥧᥛᥲ ᥕᥝᥳ. ᥚᥧᥱ ᥞᥧᥳ ᥛᥨᥝᥴ ᥛᥣᥒ ᥐᥨᥝᥳ ᥙᥪᥖᥱ ᥖᥤ ᥙᥩᥒᥱ ᥝᥣ ᥙᥥᥢ "ᥔᥣᥭᥴ ᥐᥣᥢ ᥘᥩᥒ ᥘᥦᥐ ᥘᥣᥭ ᥔᥣᥭᥴ ᥙᥪᥢᥰ " ᥘᥭᥴ ᥕᥝᥳ. |
| 110 |
ᥚᥧᥱ ᥞᥧᥳ ᥛᥨᥝᥴ ᥟᥢ ᥓᥪ ᥞᥩᥒᥳ ᥝᥣ "ᥐᥨᥝᥴ" ᥖᥤᥴ ᥘᥣᥖ ᥝᥣ "ᥘᥩᥒ ᥘᥦᥐ ᥘᥣᥭ ᥙᥨᥐᥴ ᥔᥣᥒᥲ ᥐᥥᥝᥱ ᥐᥙᥴ ᥘᥨᥭ ᥕᥨᥒᥳ ᥔᥣᥒᥲ "ᥘᥦᥲ "ᥘᥩᥒ ᥘᥦᥐ ᥘᥣᥭ ᥙᥨᥐᥴ ᥔᥣᥒᥲ ᥜᥣᥭᥱ ᥘᥩᥒ ᥐᥣᥢ ᥛᥣᥐ ᥛᥤᥰ ᥘᥦᥳ ᥘᥩᥒ ᥐᥢ ᥐᥨᥢᥰ ᥘᥬᥰ ᥑᥣᥝᥰ ᥕᥣᥝᥰ " ᥛᥫ ᥘᥬᥰ ᥓᥨᥝ ᥙᥤ 1950 ᥘᥦᥲ 1960 ᥘᥢᥳ ᥓᥣᥒ ᥘᥣᥖ ᥘᥭᥲ ᥝᥣ ᥙᥥᥢ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥟᥢ ᥕᥧᥱ ᥘᥬᥰ ᥙᥣᥭᥰ ᥞᥢᥴ ᥟᥢ ᥘᥭᥳ ᥘᥭᥴ. |
| 111 |
ᥕᥝᥳ ᥐᥣ ᥙᥥᥢ ᥙᥣᥭᥰ ᥞᥢᥴ ᥟᥢ ᥖᥨᥭᥰ ᥘᥬᥰ ᥑᥣᥝᥰ ᥕᥣᥝᥰ ᥘᥦᥳ ᥙᥣᥭᥰ ᥞᥢᥴ ᥟᥢ ᥖᥨᥭᥰ ᥔᥣᥭᥴ ᥙᥪᥢᥰ. ᥙᥩᥰ ᥘᥭᥴ ᥓᥪᥒ ᥔᥒᥴ ᥓᥫᥳ ᥝᥣ ᥖᥩᥢᥲ ᥐᥢ ᥙᥫᥒ ᥕᥬᥱ ᥑᥩᥒᥴ ᥘᥬᥰ ᥖᥨᥒᥱ ᥐᥨᥢᥰ ᥔᥥᥴ ᥖᥩᥢᥲ ᥖᥩᥢᥲ ᥛᥤᥰ ᥘᥩᥒ ᥘᥦᥐ ᥘᥣᥭ ᥓᥪᥒ ᥖᥣᥒᥱ ᥜᥣᥭᥱ ᥖᥣᥒᥱ ᥐᥢ ᥖᥩᥢᥲ ᥑᥩᥒᥴ ᥘᥬᥰ ᥖᥨᥒᥱ ᥐᥨᥢᥰ ᥐᥩᥲ ᥛᥤᥰ ᥖᥣᥒᥰ ᥘᥦᥐ ᥘᥣᥭ ᥓᥩᥛᥰ ᥘᥭᥴ ᥕᥝᥳ. |
| 112 |
ᥖᥨᥝ ᥕᥣᥒᥱ ᥛᥢᥰ ᥓᥪᥒ ᥛᥫᥢᥴ ᥓᥫᥒᥳ ᥘᥒᥱ ᥘᥩᥒ ᥘᥦᥐ ᥘᥣᥭ ᥖᥨᥒᥱ ᥐᥨᥢᥰ ᥟᥢ ᥘᥧᥐ ᥖᥤ ᥐᥣᥢ ᥚᥧᥐᥱ ᥔᥩᥛᥲ ᥔᥧᥱ ᥓᥧᥰ ᥖᥨᥒᥱ ᥐᥨᥢᥰ ᥟᥢ ᥟᥤᥒ ᥘᥫᥴ ᥞᥨᥒᥰ ᥐᥣᥢ ᥓᥣᥐ (ᥛᥣᥒ ᥙᥩᥐ ᥖᥤᥴ ᥘᥣᥖ ᥝᥣ ᥘᥧᥐ ᥖᥤᥳ ᥙᥣᥢ ᥐᥩᥢᥱ ᥔᥧᥱ ᥓᥧᥰ ᥙᥣᥢ ᥛᥬᥱ). ᥕᥝᥳ ᥐᥩᥲ ᥘᥩᥒ ᥘᥦᥐ ᥘᥣᥭ ᥟᥢ ᥘᥭᥳ ᥞᥥᥖᥱ ᥞᥬᥲ ᥘᥩᥒ ᥐᥩᥒᥳ ᥐᥣᥭᥱ ᥐᥢ ᥘᥬᥰ ᥐᥥᥱ ᥓᥢᥳ ᥗᥣᥢᥲ ᥐᥨᥢᥰ ᥘᥦᥳ ᥓᥧᥛᥰ ᥐᥨᥢᥰ ᥞᥝᥰ ᥐᥩᥲ ᥘᥦᥐ ᥘᥣᥭ ᥛᥣᥰ. |
| 113 |
ᥑᥬᥲ ᥝᥣ ᥘᥭᥳ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥑᥝᥲ ᥙᥣᥰ ᥝᥭᥳ ᥘᥩᥒ ᥘᥦᥐ ᥘᥣᥭ ᥕᥨᥒᥳ ᥔᥣᥒᥲ ᥙᥣᥭᥰ ᥛᥣᥐ ᥛᥤᥰ ᥖᥨᥒᥱ ᥐᥨᥢᥰ ᥞᥨᥛ ᥙᥣᥰ ᥖᥒᥰ ᥘᥩᥒ ᥙᥥᥢ ᥓᥝᥲ ᥑᥩᥒᥴ ᥑᥤᥢᥲ. ᥘᥩᥒ ᥐᥣᥢ ᥞᥥᥖᥱ ᥟᥩᥐᥱ ᥑᥨᥝᥰ ᥑᥩᥒᥴ. ᥘᥩᥒ ᥙᥣᥭᥰ ᥓᥣᥒ ᥙᥣᥭᥰ ᥔᥦᥢᥳ. ᥘᥩᥒ ᥕᥨᥒᥳ ᥔᥣᥒᥲ ᥓᥧᥛᥰ ᥜᥣᥭᥱ ᥘᥦᥳ ᥘᥩᥒ ᥛᥣᥭᥴ ᥛᥤᥲ ᥚᥤᥒᥲ ᥛᥫᥒᥰ ᥓᥫᥰ ᥘᥭᥳ ᥕᥝᥳ. |
| 114 |
ᥖᥣᥱ ᥖᥥᥴ ᥑᥪᥢᥲ ᥕᥬᥱ ᥘᥦᥲ ᥘᥦᥐ ᥘᥣᥭ ᥛᥣᥰ ᥓᥫᥒᥳ ᥘᥭᥴ ᥐᥩᥲ ᥘᥭᥲ ᥟᥝ ᥑᥣᥝᥰ ᥕᥣᥛᥰ ᥘᥙᥳ ᥞᥨᥝᥴ ᥙᥣᥐᥱ ᥙᥤ ᥕᥧᥱ ᥕᥝᥳ. ᥕᥝᥳ ᥐᥩᥲ ᥘᥩᥒ ᥘᥦᥐ ᥘᥣᥭ ᥓᥫᥒᥳ ᥘᥭᥴ ᥘᥭᥳ ᥖᥤ ᥘᥭᥳ ᥞᥝᥰ ᥞᥙ ᥞᥢᥴ ᥝᥣ ᥙᥥᥢ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥘᥭᥴ ᥕᥝᥳ. ᥙᥣᥭᥰ ᥞᥢᥴ ᥐᥥᥝᥱ ᥘᥨᥭ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥘᥭᥳ ᥟᥛᥱ ᥖᥣᥙ ᥘᥨᥝᥱ ᥐᥩᥒᥳ ᥐᥣᥭᥱ ᥖᥒᥰ ᥘᥩᥒ ᥘᥦᥐ ᥘᥣᥭ ᥟᥢ ᥘᥤ. |
| 115 |
ᥖᥤ ᥖᥥᥳ ᥖᥥᥳ ᥛᥢᥰ ᥓᥪᥒ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥘᥭᥳ ᥓᥣᥒ ᥐᥭᥳ ᥛᥤᥰ ᥘᥩᥒ ᥕᥨᥙ ᥘᥨᥒᥰ. ᥘᥩᥒ ᥑᥩᥒᥳ ᥑᥛᥴ ᥖᥥᥳ ᥒᥝᥰ ᥘᥣᥭᥰ ᥟᥢ ᥛᥤᥰ ᥘᥩᥒᥲ ᥑᥩᥒᥲ ᥑᥛᥴ ᥖᥒᥰ ᥘᥣᥭᥴ ᥕᥧᥱ. ᥐᥩᥭᥰ ᥘᥣᥱ ᥘᥩᥒ ᥓᥫᥰ ᥘᥭᥳ ᥘᥭᥳ ᥖᥥᥳ ᥑᥝᥲ ᥙᥣᥰ ᥛᥤᥰ ᥕᥧᥱ ᥘᥬᥰ ᥙᥣᥭᥰ ᥞᥙ ᥞᥢᥴ ᥑᥩᥒᥴ ᥘᥩᥒ ᥘᥦᥐ ᥘᥣᥭ ᥙᥣᥭᥰ ᥛᥣᥐ ᥛᥤᥰ ᥖᥨᥒᥱ ᥐᥨᥢᥰ. |
| 116 |
ᥙᥣᥭᥰ ᥞᥢᥴ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥗᥤᥳ ᥔᥩᥒᥴ ᥖᥥᥳ ᥙᥩᥰ ᥓᥩᥛᥰ ᥘᥒᥱ ᥔᥨᥝᥰ ᥛᥣᥳ ᥔᥣᥳ ᥘᥣᥖ ᥓᥪᥒ "ᥙᥥᥢ ᥘᥩᥒ ᥖᥦᥐ ᥕᥒ ᥘᥩᥒ ᥘᥦᥐ ᥘᥣᥭ ᥟᥢ ᥛᥤᥰ ᥖᥣᥒᥰ ᥑᥪᥙ ᥘᥣᥲ ". "ᥐᥣ "ᥖᥤ ᥖᥥᥳ ᥖᥥᥳ ᥘᥣᥖ ᥝᥣ ᥙᥥᥢ "ᥘᥩᥒ ᥘᥙᥳ ᥔᥣᥒᥲ ᥗᥖᥴ ᥔᥣᥒᥲ ᥘᥩᥒ ᥖᥨᥒᥳ ᥘᥪᥒᥴ ᥞᥥᥖᥱ ᥔᥣᥒᥲ. ᥙᥣᥭᥰ ᥞᥢᥴ ᥟᥢ ᥘᥭᥳ ᥖᥤ ᥙᥩᥒᥱ ᥛᥢᥰ ᥐᥩᥲ ᥐᥦᥙ. |
| 117 |
ᥕᥝᥳ ᥐᥣ ᥙᥥᥢ ᥙᥣᥭᥰ ᥞᥢᥴ ᥟᥢ ᥟᥤᥒ ᥘᥫᥴ ᥑᥨᥝᥰ ᥑᥩᥒᥴ ᥟᥛᥱ ᥘᥢᥴ ᥙᥣᥭ ᥓᥣᥒ. ᥓᥢᥳ ᥙᥪᥢᥳ ᥗᥣᥢᥲ ᥑᥩᥒᥴ ᥙᥣᥭᥰ ᥞᥢᥴ ᥟᥢ ᥘᥭᥳ ᥖᥥᥳ ᥐᥛᥳ ᥘᥛᥴ ᥘᥛᥴ ᥖᥥᥴ ᥐᥥᥝᥱ ᥐᥩᥒᥳ ᥖᥒᥰ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥟᥢ ᥙᥥᥢ ᥛᥣᥰ ᥘᥬᥰ ᥑᥣᥝᥰ ᥙᥩᥖᥴ ᥖᥨᥝᥱ ᥑᥣᥝᥰ ᥐᥣᥒ ᥟᥢ ᥛᥤᥰ ᥘᥩᥒ ᥖᥦᥐ ᥕᥒᥳ ᥖᥣᥒᥰ ᥖᥨᥒᥳ ᥘᥪᥒᥴ ᥞᥥᥖᥱ ᥔᥣᥒᥲ. |
| 118 |
ᥕᥩᥢᥳ ᥝᥣ ᥖᥣᥱ ᥕᥫᥒᥰ ᥟᥣᥢᥰ ᥟᥛᥱ ᥘᥢᥴ ᥕᥫᥒᥰ ᥛᥣᥭᥴ ᥑᥩᥒᥴ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥟᥢ ᥘᥭᥴ ᥘᥢᥳ ᥐᥨᥢᥰ ᥖᥒᥰ ᥘᥛᥴ ᥖᥥᥳ ᥟᥛᥱ ᥓᥣᥒ ᥘᥭᥲ ᥞᥨᥛ ᥓᥩᥛᥰ ᥘᥦᥲ ᥖᥥᥴ ᥟᥛᥱ ᥘᥭᥲ ᥘᥛᥳ ᥖᥩᥢᥰ ᥔᥒᥴ ᥘᥢᥳ ᥕᥝᥳ. ᥙᥣᥭᥰ ᥞᥢᥴ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥗᥤᥳ ᥔᥣᥛᥴ ᥖᥥᥳ ᥙᥥᥢ "ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥟᥢ ᥙᥣᥭᥰ ᥝᥨᥢᥳ ᥐᥣᥙ ᥙᥣᥢ ᥛᥬᥱ ᥑᥩᥒᥴ ᥛᥫᥒᥰ ᥝᥢᥰ ᥖᥨᥐᥱ ᥞᥨᥛᥱ ᥒᥛᥰ "ᥘᥢᥳ ᥕᥝᥳ. |
| 119 |
ᥖᥤ ᥙᥩᥒᥱ ᥑᥩᥒᥴ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥟᥢ ᥘᥣᥖ ᥛᥣᥰ ᥙᥣᥲ ᥘᥫᥴ ᥘᥭᥴ ᥔᥩᥒᥴ ᥟᥢ ᥘᥢᥳ ᥖᥥᥳ ᥟᥤᥒ ᥘᥫᥴ ᥙᥣᥭᥰ ᥞᥢᥴ ᥘᥩᥒ ᥘᥦᥐ ᥘᥣ ᥒᥦᥖᥳ ᥘᥩᥒ ᥚᥩᥢᥰ ᥘᥭᥲ ᥘᥭᥴ ᥕᥝᥳ. ᥖᥤ ᥙᥩᥒᥱ ᥗᥤᥳ ᥔᥣᥛᥴ ᥘᥬᥰ ᥙᥣᥭᥰ ᥞᥢᥴ ᥗᥤ ᥔᥣᥛᥴ ᥘᥭᥳ ᥔᥛᥳ ᥟᥤᥒ ᥘᥫᥴ ᥙᥣᥭᥰ ᥞᥙ ᥞᥢᥴ ᥟᥢ ᥝᥣ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥘᥭᥳ ᥑᥝᥴ ᥙᥣᥰ ᥝᥭᥳ "ᥘᥩᥒ ᥘᥦᥐ ᥘᥣᥭ ᥓᥣᥳ " ᥘᥦᥲ "ᥚᥩᥢᥰ ᥘᥭᥲ ᥓᥣᥳ". |
| 120 |
ᥘᥭᥳ ᥙᥥᥢ ᥙᥣᥭᥰ ᥝᥨᥢᥳ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥑᥩᥒᥴ ᥛᥫᥒᥰ ᥝᥢᥰ ᥖᥨᥐᥱ ᥔᥥᥴ ᥙᥥᥢ ᥙᥣᥭᥰ ᥝᥨᥢᥳ ᥟᥢ ᥞᥨᥛᥱ ᥒᥛᥰ ᥝᥭᥳ ᥘᥫᥴ "ᥘᥨᥐ ᥗᥤᥳ ᥔᥣᥛᥴ " ᥝᥭᥳ ᥕᥧᥱ ᥘᥢᥳ ᥕᥝᥳ. ᥘᥩᥐ ᥔᥥᥴ ᥘᥭᥳ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥟᥛᥱ ᥘᥢᥴ ᥘᥩᥒ ᥑᥪᥖᥴ ᥐᥣᥙ ᥑᥪᥖᥴ ᥙᥣᥢ ᥟᥢ ᥝᥣ ᥘᥢᥳ ᥐᥩᥲ ᥔᥛᥳ ᥘᥨᥝᥱ ᥘᥭᥲ ᥛᥫᥢᥴ ᥛᥫᥒᥰ ᥝᥢᥰ ᥖᥨᥐᥴ ᥑᥝᥴ ᥘᥭᥴ ᥘᥢᥳ ᥕᥝᥳ. |
| 121 |
ᥘᥢᥴ ᥔᥥᥴ ᥛᥫ ᥘᥬ ᥙᥣᥭᥰ ᥝᥨᥢᥳ ᥛᥫᥒᥰ ᥝᥢᥰ ᥖᥨᥐᥱ ᥑᥝᥴ ᥞᥨᥛᥱ ᥒᥛᥰ ᥛᥣᥰ ᥕᥝᥳ ᥓᥪᥒ ᥘᥩᥒ ᥑᥪᥢᥲ ᥕᥬᥱ ᥛᥧᥢᥰ ᥘᥦᥒᥰ ᥐᥩᥲ ᥐᥩᥒᥳ ᥐᥣᥭᥱ ᥖᥒᥰ ᥘᥩᥒ ᥑᥪᥖᥴ ᥐᥣᥙ ᥑᥪᥖᥴ ᥙᥣᥢ ᥛᥣᥰ. ᥐᥨᥢᥰ ᥕᥧᥱ ᥖᥤ "ᥘᥨᥐ ᥗᥤ ᥔᥣᥛᥴ " ᥐᥣ ᥘᥩᥒ ᥑᥪᥖᥴ ᥐᥣᥙ ᥙᥣᥢ ᥛᥬᥱ ᥟᥢ ᥝᥣ ᥘᥢᥳ ᥞᥢᥴ ᥝᥣ ᥖᥥᥴ ᥘᥭᥲ ᥛᥫᥢᥴ ᥛᥫᥒᥰ ᥝᥢᥰ ᥖᥨᥐᥱ ᥑᥝᥴ. ᥖᥤ ᥘᥭᥳ ᥖᥥᥴ ᥔᥙᥴ ᥘᥦᥒᥰ ᥘᥥᥴ ᥖᥤ ᥙᥩᥒᥱ ᥘᥩᥒ ᥑᥪᥖᥴ ᥐᥣᥙ ᥙᥣᥢ ᥛᥬᥱ ᥐᥩᥢᥱ. |
| 122 |
ᥖᥥᥴ ᥙᥣᥰ ᥝᥣ ᥑᥪᥖᥴ ᥐᥣᥙ ᥙᥣᥢ ᥛᥬᥱ ᥘᥭᥴ ᥘᥩᥒ ᥙᥣᥭᥰ ᥛᥣᥐ ᥛᥤᥰ ᥐᥩᥲ ᥖᥥᥴ ᥘᥭᥲ ᥙᥥᥢ ᥜᥣᥒᥴ ᥞᥣᥒ ᥛᥫᥒᥰ ᥝᥢᥰ ᥖᥨᥐᥱ. ᥖᥥᥴ ᥘᥭᥲ ᥓᥬᥳ ᥖᥪᥰ ᥙᥣᥭᥰ ᥛᥣᥐ ᥛᥤᥰ ᥐᥣᥢ ᥐᥣᥖᥱ. ᥞᥨᥒᥰ ᥐᥣᥢ ᥓᥣᥐ ᥖᥥᥴ ᥘᥭᥲ ᥞᥫᥒᥰ. ᥘᥩᥒ ᥘᥦᥐ ᥘᥣᥭ ᥕᥧᥱ ᥔᥝᥰ ᥙᥥᥢ ᥘᥒᥱ ᥜᥣᥒᥴ ᥞᥣᥒ ᥝᥥᥒᥰ ᥐᥩᥲ ᥖᥥᥴ ᥘᥭᥲ ᥛᥤᥰ (ᥓᥫᥒᥳ ᥘᥒᥱ ᥘᥬᥰ ᥛᥣᥢᥲ ᥐᥩᥲ ᥛᥤᥰ ᥗᥤᥱ ᥝᥤᥱ. ᥛᥤᥰ ᥑᥫᥒ ᥓᥣᥐ ᥘᥨᥖᥳ ᥐᥣᥰ). |
| 123 |
ᥘᥩᥒ ᥓᥬᥳ ᥖᥪᥰ ᥙᥣᥭᥰ ᥓᥣᥒ ᥐᥩᥲ ᥘᥛᥴ ᥖᥫᥰ ᥛᥣᥰ ᥓᥫᥰ ᥘᥭᥳ ᥕᥝᥳ. ᥖᥨᥒᥱ ᥐᥨᥢᥰ ᥟᥢ ᥑᥪᥖᥴ ᥐᥣᥙ ᥙᥣᥢ ᥛᥬᥱ ᥘᥨᥭ ᥙᥣᥭᥰ ᥝᥨᥢᥳ ᥛᥫᥒᥰ ᥝᥢᥰ ᥖᥨᥐᥱ ᥑᥝᥴ ᥓᥛᥰ ᥙᥥᥢ ᥖᥨᥒᥱ ᥐᥨᥢᥰ ᥟᥢ ᥞᥥᥖᥱ ᥔᥣᥒᥲ ᥐᥣ ᥖᥥᥴ ᥘᥭᥲ ᥛᥤᥰ ᥘᥩᥒ ᥖᥣᥒᥰ (ᥕᥩᥢᥳ ᥖᥩᥢᥰ). ᥝᥨᥢᥳ ᥔᥒᥴ ᥖᥥᥴ ᥐᥣ ᥖᥥᥴ ᥘᥭᥲ ᥛᥤᥰ ᥘᥩᥒ ᥙᥣᥭᥰ ᥔᥣᥭ (ᥛᥤᥰ ᥘᥩᥒ ᥖᥣᥒᥰ. ᥘᥥᥴ ᥘᥐᥴ ᥗᥣᥢᥴ ᥘᥭᥲ). |
| 124 |
ᥙᥪᥢᥰ ᥟᥢ ᥝᥣ ᥘᥭᥳ ᥙᥥᥢ ᥙᥣᥭᥰ ᥟᥢ ᥘᥥᥙ ᥞᥥᥢᥰ ᥑᥪᥢᥰ ᥘᥩᥒ ᥝᥢᥰ ᥘᥒᥴ ᥐᥨᥢᥰ. ᥛᥣᥢᥲ ᥛᥫᥒᥰ. ᥓᥫᥳ ᥑᥫᥰ. ᥚᥤᥒᥲ ᥒᥥ... ᥓᥫᥰ ᥟᥢ ᥘᥭᥲ ᥙᥥᥢ ᥙᥨᥢᥳ ᥛᥣᥰ ᥘᥢᥳ ᥕᥝᥳ. ᥝᥣᥭᥰ ᥔᥥᥴ ᥛᥤᥰ ᥛᥣᥰᥘᥤᥐ ᥘᥣᥭᥰ ᥕᥝᥳ ᥙᥪᥢᥰ ᥘᥭᥳ ᥐᥩᥲ ᥙᥥᥢ ᥛᥣᥰ ᥛᥤᥰ ᥛᥣᥰ ᥘᥭᥴ ᥐᥩᥲ ᥝᥣ ᥘᥭᥲ ᥕᥧᥱ. ᥐᥨᥝᥳ ᥟᥢ ᥖᥦᥛᥲ ᥙᥪᥢᥰ ᥘᥢᥳ ᥞᥩᥒᥳ ᥝᥣ ᥚᥧᥱ ᥘᥨᥒᥳ ᥙᥪᥢᥰ ᥘᥭᥴ ᥕᥧᥱ. |
| 125 |
ᥙᥪᥢᥰ ᥟᥢ ᥝᥣ ᥘᥭᥳ ᥙᥥᥢ ᥖᥣᥒᥰ ᥛᥨᥝᥴ ᥙᥫᥒ ᥘᥫᥒ ᥟᥢ ᥑᥪᥢᥰ ᥓᥩᥙᥱ ᥞᥣᥴ ᥖᥨᥭᥰ ᥘᥩᥒ ᥖᥣᥒᥰ ᥟᥢ ᥙᥥᥢ ᥙᥨᥢᥳ ᥛᥣᥰ ᥓᥫᥰ ᥘᥢᥳ ᥔᥥᥴ ᥟᥛᥱ ᥐᥣᥰ ᥑᥪᥢᥰ ᥛᥣᥰ ᥗᥖᥴ ᥖᥨᥭᥰ ᥑᥣᥛᥰ ᥐᥢ ᥐᥩᥭᥰ ᥞᥬᥲ ᥙᥨᥝᥰ ᥞᥧᥳ ᥗᥪᥒᥴ ᥘᥩᥒ ᥙᥥᥢ ᥛᥣᥰ ᥟᥢ ᥖᥥᥳ ᥛᥢᥰ ᥘᥢᥳ ᥕᥝᥳ. ᥗᥣᥖ. ᥐᥩᥒᥰ ᥛᥧᥰ. ᥗᥛᥲ. ᥝᥖ. ᥐᥨᥢᥰ. ᥛᥣᥢᥲ ᥛᥫᥒᥰ ᥓᥫᥰ ᥘᥢᥳ ᥞᥩᥒᥳ ᥝᥣ ᥘᥤᥐ ᥙᥪᥢᥰ ᥘᥭᥴ ᥕᥧᥱ. |
| 126 |
ᥚᥧᥱ ᥘᥨᥒᥳ ᥙᥪᥢᥰ ᥑᥝᥴ ᥘᥭᥳ ᥐᥭᥳ ᥘᥥᥱ ᥗᥥᥒᥴ ᥐᥢ ᥘᥩᥒ ᥔᥣ ᥚᥨᥝᥰ ᥔᥣ ᥚᥣᥱ ᥝᥣᥳ ᥙᥪᥢᥰ ᥘᥦᥲ ᥘᥩᥒ ᥑᥝᥲ ᥖᥣᥒᥰ ᥖᥪᥰ ᥙᥪᥢᥰ ᥘᥩᥒ ᥘᥛᥱ ᥘᥩᥒ ᥙᥪᥢᥰ ᥘᥢᥳ ᥕᥧᥱ. ᥙᥪᥢᥰ ᥟᥢ ᥝᥣ ᥘᥢᥳ ᥙᥥᥢ ᥘᥤᥐ ᥘᥣᥭᥰ ᥟᥢ ᥖᥦᥛᥲ ᥛᥣᥭᥴ ᥝᥭᥳ ᥘᥩᥒ ᥖᥣᥒᥰ ᥔᥥᥴ ᥙᥫᥒ ᥙᥫᥒ ᥞᥬᥲ ᥙᥨᥝᥰ ᥘᥤ ᥛᥣᥭᥴ ᥖᥩᥒᥰ ᥞᥧᥳ ᥝᥭᥳ ᥘᥢᥳ ᥕᥝᥳ. ᥘᥤᥐ ᥘᥩᥭ ᥘᥦ ᥔᥒᥴ ᥘᥤᥐ ᥘᥣᥒᥱ ᥐᥣᥱ ᥘᥦᥲ ᥔᥒᥴ ᥟᥢ ᥖᥦᥛᥲ ᥝᥭᥳ ᥘᥩᥒ ᥚᥣᥰ ᥘᥣᥰ. |
| 127 |
ᥐᥛᥳ ᥚᥩᥒ ᥐᥩᥲ ᥝᥣ ᥙᥪᥢᥰ ᥘᥭᥳ ᥛᥢᥰ ᥖᥦᥛᥲ ᥝᥭᥳ ᥘᥩᥒ ᥟᥣ ᥔᥫᥐ ᥟᥣ ᥙᥧᥛᥱ ᥐᥩᥲ ᥙᥣᥰ ᥘᥩᥒ ᥛᥣᥢᥲ ᥛᥫᥒᥰ ᥐᥩᥲ ᥙᥣᥰ ᥘᥦᥲ ᥓᥒᥱ ᥞᥩᥒᥳ ᥝᥣ ᥔᥫᥐ ᥛᥫᥒᥰ ᥘᥭᥴ ᥐᥩᥲ ᥝᥣ. ᥘᥬᥰ ᥘᥤᥐ ᥘᥩᥭ ᥓᥫᥰ ᥘᥢᥳ ᥘᥦ ᥔᥒᥴ. ᥘᥬᥰ ᥘᥤᥐ ᥘᥒᥱ ᥐᥣᥱ ᥘᥨᥒᥴ ᥓᥫᥰ ᥘᥢᥳ ᥘᥦ ᥔᥒᥴ ᥘᥬᥰ ᥘᥤᥐ ᥛᥣᥭᥴ ᥔᥐ ᥐᥤᥖ ᥓᥦᥢᥱ ᥓᥫᥰ ᥘᥢᥳ ᥘᥦ ᥔᥒᥴ ᥐᥭᥳ ᥘᥥᥱ ᥞᥢᥴ ᥐᥨᥢᥰ ᥐᥧᥲ ᥙᥩᥐ ᥑᥝᥴ ᥖᥦᥛᥲ ᥛᥣᥭᥴ ᥝᥭᥳ ᥘᥩᥒ ᥙᥪᥢᥰ ᥕᥧᥱ. |
| 128 |
ᥘᥣᥙᥳ ᥟᥢ ᥝᥣ ᥘᥭᥳ ᥙᥥᥢ ᥐᥣᥢ ᥘᥥᥙ ᥞᥥᥢᥰ ᥘᥩᥒ ᥖᥨᥝ ᥘᥙᥳ. ᥘᥩᥒ ᥘᥙᥳ ᥔᥩᥢᥱ ᥖᥣᥒᥰ ᥘᥛᥴ ᥖᥣᥒᥰ ᥟᥥᥱ ᥔᥥᥴ ᥓᥫᥳ ᥔᥥᥴ ᥙᥫᥒ. ᥘᥩᥒ ᥖᥣᥒᥰ ᥐᥣᥒᥲ ᥐᥦᥙ. ᥘᥩᥒ ᥐᥩᥱ ᥞᥥᥖᥱ ᥙᥫᥒ ᥞᥣᥒ ᥙᥫᥒ ᥚᥣᥒᥴ. ᥘᥩᥒ ᥘᥦᥐ ᥘᥣᥭ ᥓᥫᥰ ᥘᥢᥳ ᥕᥝᥳ. ᥖᥨᥝ ᥘᥙᥳ ᥟᥢ ᥝᥣ ᥘᥢᥳ ᥛᥢᥰ ᥛᥤᥰ ᥘᥛᥳ ᥐᥖᥳ ᥞᥥᥖᥱ ᥘᥭᥲ ᥔᥒᥴ ᥘᥣᥭ ᥘᥣᥭ. ᥑᥝᥴ ᥘᥒᥱ ᥐᥢ ᥞᥥᥖᥱ ᥞᥪᥴ ᥐᥩᥒᥳ ᥐᥣᥭᥱ ᥐᥙᥴ ᥖᥣᥛᥰ ᥐᥢ. |
| 129 |
ᥑᥝᥴ ᥘᥒᥱ ᥐᥢ ᥞᥥᥖᥱ ᥞᥪᥴ ᥘᥨᥝᥰ ᥘᥥᥰ ᥐᥢ. ᥘᥩᥢᥳ ᥛᥩᥢᥰ ᥛᥢᥰ ᥛᥤᥰ ᥘᥒᥱ ᥞᥪᥴ. ᥐᥙᥴ ᥐᥣᥭᥱ ᥘᥨᥭ ᥘᥩᥒ ᥙᥣᥭᥰ ᥘᥙᥳ ᥘᥢᥳ ᥑᥝᥴ ᥑᥝᥲ ᥙᥣᥰ ᥘᥭᥲ ᥘᥒᥱ ᥞᥪᥴ. ᥙᥫᥒ ᥞᥣᥒ ᥑᥝᥴ ᥙᥥᥢ ᥘᥒᥱ ᥞᥪᥴ. ᥘᥣᥭᥰ ᥖᥦᥐ ᥛᥢᥰ ᥙᥥᥢ ᥞᥪᥴ. ᥘᥣᥭᥰ ᥘᥦᥐ ᥘᥣᥭ ᥛᥢᥰ ᥙᥥᥢ ᥞᥪᥴ. ᥖᥥᥴ ᥘᥭᥲ ᥞᥥᥖᥱ ᥞᥪᥴ ᥙᥩᥒᥱ ᥓᥬ ᥘᥙᥳ ᥔᥩᥢᥱ ᥘᥢᥳ ᥕᥝᥳ. ᥙᥣᥭᥰ ᥘᥙᥳ ᥟᥢ ᥝᥣ ᥘᥭᥳ ᥙᥥᥢ ᥐᥣᥢ ᥘᥥᥙ ᥞᥥᥢᥰ ᥘᥩᥒ ᥘᥙᥳ. ᥘᥩᥒ ᥔᥩᥢᥱ. |
| 130 |
ᥘᥩᥒ ᥖᥦᥐ. ᥘᥩᥒ ᥑᥣᥭᥳ ᥕᥣᥢᥴ ᥘᥤᥴ ᥖᥣᥒᥰ ᥐᥭ ᥓᥛ ᥞᥬᥲ ᥞᥧᥳ ᥖᥦᥖ ᥘᥦᥖ. ᥞᥣᥒ ᥚᥣᥒᥴ ᥟᥢ ᥘᥣᥛᥰ ᥘᥭᥲ ᥕᥣᥙᥱ ᥘᥢᥳ ᥞᥬᥲ ᥙᥩᥰ ᥓᥣᥒ ᥘᥣᥛᥰ ᥘᥭᥲ ᥞᥧᥳ ᥘᥭᥲ ᥓᥫᥰ ᥘᥢᥳ ᥔᥥᥴ ᥝᥣᥭᥰ ᥘᥒᥴ ᥛᥣᥰ ᥓᥒᥱ ᥑᥩᥐᥱ ᥑᥦᥐᥱ ᥘᥫᥐ ᥟᥝ ᥘᥩᥐᥴ ᥘᥣᥭᥰ ᥟᥢ ᥙᥥᥢ ᥘᥭᥲ ᥛᥢᥰ ᥟᥢ ᥛᥤᥰ ᥘᥩᥢᥳ ᥛᥢᥰ ᥟᥢ ᥛᥤᥰ ᥙᥐᥴ ᥙᥫᥒ ᥛᥢᥰ ᥘᥢᥳ ᥔᥥᥴ ᥘᥦᥲ ᥑᥪᥢᥲ ᥕᥬᥱ ᥛᥣᥰ ᥓᥢᥳ ᥘᥪᥒ ᥘᥦᥳ ᥓᥢᥳ ᥘᥫᥒ ᥘᥢᥳ ᥕᥝᥳ. |
| 131 |
ᥚᥧᥱ ᥛᥤᥰ ᥙᥦᥒᥱ ᥕᥣᥱ ᥑᥝᥴ ᥖᥥᥳ ᥘᥥᥙ ᥞᥥᥢᥰ ᥖᥨᥭᥰ ᥘᥩᥒ ᥘᥩᥢᥳ ᥛᥩᥢᥰ ᥙᥫᥒ ᥙᥥᥢ ᥛᥢᥰ ᥔᥥᥴ ᥓᥒᥱ ᥑᥨᥒ ᥟᥩᥐᥱ ᥛᥣᥰ ᥘᥩᥐᥴ ᥘᥣᥭᥰ ᥘᥙᥳ ᥔᥩᥢᥱ ᥛᥢᥰ ᥕᥝᥳ. ᥙᥧᥢ ᥖᥣᥱ ᥙᥣᥭᥰ ᥔᥣᥭ. ᥙᥣᥭᥰ ᥑᥫᥒ ᥓᥣᥐ. ᥙᥣᥭᥰ ᥛᥨᥝᥴ ᥕᥣ. ᥙᥣᥭᥰ ᥔᥣᥭ ᥙᥣᥭᥰ ᥛᥫᥒᥰ ᥑᥝᥴ ᥓᥫᥰ ᥘᥢᥳ ᥙᥣᥭᥰ ᥘᥙᥳ ᥘᥭᥳ ᥟᥛᥱ ᥛᥤᥰ ᥖᥪᥢᥰ ᥟᥛᥱ ᥙᥥᥢ ᥘᥦᥰ ᥙᥣᥭᥰ ᥘᥙᥳ ᥘᥭᥳ ᥘᥭᥲ ᥝᥣ ᥛᥢᥰ ᥙᥥᥢ ᥑᥫᥒ ᥕᥤᥙᥱ ᥘᥨᥒᥴ ᥘᥬᥰ ᥐᥛᥱ ᥚᥣᥱ ᥟᥢ ᥘᥫᥒ ᥕᥧᥱ. |
| 132 |
ᥖᥛ ᥖᥤ ᥖᥨᥝ ᥘᥙᥳ ᥘᥢᥳᥘᥦᥳ ᥔᥒᥴ. ᥘᥛᥳ ᥐᥖᥳ ᥐᥣ ᥑᥢᥴ ᥟᥢ ᥑᥝᥴ ᥛᥤᥰ ᥝᥭᥳ ᥔᥥᥴ ᥙᥩᥒ ᥙᥥᥢ ᥘᥭᥲ ᥘᥢᥳ ᥘᥦᥰ ᥔᥒᥴ. ᥘᥩᥒ ᥑᥝᥴ ᥘᥒᥱ ᥐᥢ ᥐᥙᥴ ᥔᥪᥙᥱ ᥐᥩᥒᥳ ᥐᥣᥭᥱ ᥐᥢ ᥘᥢᥳᥘᥦᥳ ᥔᥒᥴ. ᥘᥩᥒ ᥑᥝᥴ ᥑᥨᥢᥰ ᥘᥨᥝᥰ ᥐᥢ ᥘᥢᥳ ᥘᥦᥳ ᥘᥩᥢᥳ ᥛᥩᥢᥰ ᥑᥝᥴ ᥔᥥᥴ ᥟᥛᥱ ᥐᥣᥰ ᥖᥨᥝ ᥘᥙᥳ ᥓᥫᥰ ᥘᥢᥳ ᥑᥝᥴ ᥞᥥᥖᥱ ᥞᥪᥴ ᥛᥤᥰ ᥘᥛᥳ ᥐᥖᥳ ᥓᥧᥐᥴ ᥕᥣᥢᥴ ᥖᥒ ᥖᥨᥝ ᥘᥭᥰ ᥓᥩᥛᥰ ᥞᥤᥛᥰ ᥞᥩᥛᥰ ᥑᥝᥴ. |
| 133 |
ᥑᥝᥴ ᥞᥥᥖᥱ ᥞᥪᥴ ᥘᥦᥐ ᥘᥣᥭ ᥙᥥᥢ ᥐᥣᥱ ᥘᥭᥲ ᥘᥒᥱ ᥞᥪᥴ ᥘᥭᥴ ᥔᥥᥴ ᥙᥥᥢ ᥘᥩᥒ ᥘᥥᥙ ᥞᥥᥢᥰ ᥓᥫᥰ ᥘᥭᥳ ᥕᥝᥳ. ᥐᥩᥭᥰ ᥐᥣ ᥐᥣᥙ ᥙᥣᥢ ᥕᥣᥛᥰ ᥘᥥᥝ ᥙᥣᥭᥰ ᥘᥙᥳ ᥘᥭᥳ ᥘᥪᥐ ᥘᥛᥱ ᥐᥛᥱ ᥚᥤᥱ ᥛᥣᥰ ᥖᥥᥳ ᥖᥥᥳ ᥔᥥᥴ ᥘᥧᥐ ᥖᥤ ᥟᥝ ᥓᥬ ᥘᥙᥳ ᥔᥩᥢᥱ ᥘᥢᥳ ᥔᥥᥴ ᥔᥩᥢᥱ ᥘᥙᥳ ᥙᥣᥰ ᥘᥨᥭ ᥘᥩᥒ ᥞᥣᥒ ᥚᥣᥒᥴ ᥘᥥᥐᥳ ᥕᥬᥱ ᥐᥭ ᥓᥛ ᥐᥣᥒᥲ ᥐᥦᥙ ᥘᥬᥰ ᥘᥩᥰ ᥐᥣ ᥘᥨᥒᥴ ᥘᥭᥳ ᥕᥧᥱ. |
| 134 |
ᥐᥨᥢᥰ ᥓᥫᥰ ᥟᥢ ᥘᥙᥳ ᥔᥩᥢᥱ ᥞᥥᥖᥱ ᥐᥣᥢ ᥛᥢᥰ ᥕᥧᥱ ᥓᥫᥰ ᥘᥢᥳ ᥐᥩᥲ ᥑᥝᥴ ᥖᥩ ᥟᥛᥱ ᥑᥝᥲ ᥓᥬ ᥘᥫᥴ ᥑᥨᥝᥲ ᥗᥣᥛᥴ ᥟᥢ ᥘᥭᥳ. ᥐᥩᥭᥰ ᥐᥣ ᥚᥧᥱ ᥘᥨᥒᥳ ᥘᥦᥢᥱ ᥑᥝᥴ ᥓᥫᥒᥳ ᥘᥒᥱ ᥐᥥᥱ ᥘᥤᥱ ᥘᥤᥱ ᥕᥨᥝᥱ (1564-1642) ᥖᥥᥳ ᥘᥣᥖ ᥝᥣ "ᥔᥣᥱ ᥚᥣᥱ ᥝᥣᥳ ᥖᥣᥰ ᥘᥣᥰ ᥘᥢᥳ ᥔᥒᥴ ᥝᥣ ᥟᥝ ᥖᥦᥛᥲ ᥙᥥᥢ ᥚᥪᥢᥴ ᥗᥛᥰ ᥝᥭᥳ ᥓᥪᥒ ᥘᥤᥐ ᥟᥢ ᥖᥦᥛᥲ ᥛᥢᥰ ᥘᥢᥳ ᥖᥥᥴ ᥙᥥᥢ ᥘᥤᥐ ᥙᥣᥭᥰ ᥘᥙᥳ ᥐᥩᥭᥰ" ᥘᥭᥴ ᥕᥝᥳ. |
| 135 |
ᥚᥧᥱ ᥘᥨᥒᥳ ᥘᥦᥢᥱ ᥙᥣᥭᥰ ᥘᥙᥳ ᥐᥣᥰ ᥘᥣ ᥜᥤᥰ ᥖᥤᥖᥳ ᥐᥩᥖᥳ (1777-1855) ᥘᥣᥖ ᥝᥣ "ᥙᥣᥭᥰ ᥘᥙᥳ ᥘᥭᥳ ᥙᥥᥢ ᥘᥣᥒᥰ ᥞᥨᥝᥴ ᥑᥛᥰ ᥘᥨᥒᥴ ᥙᥣᥭᥰ ᥔᥣᥭ" ᥘᥭᥴ ᥕᥝᥳ. ᥚᥧᥱ ᥘᥨᥒᥳ ᥘᥦᥢᥱ ᥙᥣᥭᥰ ᥘᥙᥳ ᥙᥤᥢᥱ ᥓᥣᥱ ᥛᥤᥢᥱ ᥙᥤᥱ (1809-1880) ᥘᥣᥖᥝᥣ "ᥙᥣᥭᥰ ᥘᥙᥳ ᥘᥭᥳ ᥙᥥᥢ ᥙᥣᥭᥰ ᥔᥣᥭ ᥟᥢ ᥖᥦᥛᥲ ᥛᥣᥭᥴ ᥖᥛᥰ ᥝᥣᥒᥰ ᥘᥭᥲ ᥚᥩᥢᥰ ᥘᥤ ᥟᥢ ᥖᥦᥖ ᥘᥦᥖ ᥛᥢᥰ" ᥘᥭᥴ ᥕᥝᥳ. |
| 136 |
ᥘᥬᥰ ᥐᥛᥱ ᥚᥣᥱ ᥘᥭᥳ ᥙᥣᥭᥰ ᥘᥙᥳ ᥘᥢᥳ ᥑᥝᥲ ᥙᥥᥢ ᥘᥩᥒ ᥐᥣᥢ ᥙᥨᥒ ᥔᥩᥢᥴ ᥟᥢ ᥘᥫᥒ ᥟᥢ ᥟᥛᥱ ᥛᥤᥰ ᥟᥛᥱ ᥙᥥᥢ ᥔᥥᥴ ᥟᥛᥱ ᥐᥣᥰ ᥖᥛ ᥖᥤ ᥙᥣᥭᥰ ᥔᥣᥭ ᥔᥣᥱ ᥚᥣᥱ ᥝᥣᥳ. ᥙᥣᥭᥰ ᥓᥣᥒ ᥟᥤᥢᥱ ᥓᥤᥢᥱ ᥢᥤᥱ ᥕᥣᥱ. ᥙᥣᥭᥰ ᥛᥨᥝᥴ ᥕᥣ ᥘᥦᥳ ᥙᥣᥭᥰ ᥔᥣᥭ ᥖᥨᥒᥱ ᥝᥨᥒᥰ ᥐᥨᥢᥰ ᥓᥫᥰ ᥘᥢᥳ ᥙᥣᥭᥰ ᥘᥙᥳ ᥢᥭᥳ ᥙᥥᥢ ᥑᥫᥒ ᥕᥤᥙᥴ ᥘᥤ ᥘᥨᥒᥴ ᥙᥧᥢ ᥖᥣᥱ ᥖᥒᥰ ᥐᥛᥱ ᥚᥣᥱ ᥕᥝᥳ. |
| 137 |
ᥛᥫᥢᥴ ᥘᥒᥱ - ᥘᥤᥢ. ᥘᥛᥳ. ᥘᥨᥛᥰ. ᥗᥫᥢᥱ. ᥘᥩᥭ. ᥐᥨᥢᥰ ᥖᥨᥝ ᥔᥖᥴ ᥖᥒᥰ ᥔᥥᥒᥲ ᥟᥢ ᥓᥫᥰ ᥙᥥᥢ ᥝᥭᥳ ᥛᥧᥱ ᥚᥬᥴ ᥓᥧᥛᥰ ᥛᥢᥰ ᥔᥥᥴ ᥕᥝᥳ ᥐᥩᥲ ᥛᥤᥰ ᥝᥭᥳ ᥖᥣᥒᥰ ᥐᥩᥒᥳ ᥐᥣᥭᥱ ᥟᥢ ᥟᥛᥱ ᥚᥣᥖᥱ ᥕᥣᥢᥴ ᥐᥢ ᥘᥭᥲ ᥘᥒᥱ ᥘᥣᥭᥴ ᥓᥧᥛᥰ ᥘᥣᥭᥴ ᥓᥫᥰ ᥟᥢ ᥕᥧᥱ ᥖᥤ ᥞᥫᥢᥰ ᥘᥥᥝ ᥛᥫᥒᥰ ᥘᥥᥝ ᥐᥢ ᥘᥢᥳ ᥝᥭᥳ ᥙᥥᥢ ᥓᥧᥛᥰ ᥔᥫᥒᥰ ᥘᥥᥝ ᥐᥢ ᥝᥭᥳ ᥘᥦᥲ ᥓᥒᥱ ᥘᥭᥲ ᥞᥩᥒᥳ ᥝᥣ ᥙᥥᥢ ᥘᥦᥒ ᥛᥫᥒᥰ ᥘᥭᥴ ᥕᥝᥳ. |
| 138 |
ᥐᥨᥢᥰ ᥞᥝᥰ ᥘᥭᥳ ᥟᥩᥢ ᥐᥢ ᥕᥧᥱ ᥝᥭᥳ ᥘᥫᥴ ᥘᥒᥴ ᥘᥤᥢ ᥛᥫᥒᥰ ᥕᥧᥱ ᥘᥦᥲ ᥘᥩᥒ ᥘᥥᥙ ᥞᥥᥢᥰ ᥘᥫᥭᥳ ᥘᥦᥒ ᥛᥫᥒᥴ ᥘᥭᥳ ᥖᥥᥴ ᥟᥛᥱ ᥙᥥᥢ ᥖᥣᥒᥰ ᥘᥣᥐᥱ ᥘᥣᥭᥰ ᥔᥒᥴ. ᥘᥬᥰ ᥘᥧᥛᥲ ᥜᥣᥳ ᥘᥨᥒᥴ ᥘᥭᥳ ᥛᥤᥰ ᥔᥒᥴ ᥔᥥᥴ ᥙᥥᥢ ᥔᥒᥴ ᥝᥭᥳ ᥕᥧᥱ. ᥛᥫᥒᥰ ᥗᥬᥴ ᥛᥤᥰ ᥖᥤ ᥘᥬ ᥘᥭᥴ ᥘᥢᥳ ᥙᥩᥰ ᥘᥥᥙ ᥞᥥᥢᥰ ᥙᥣᥭᥰ ᥘᥦᥒ ᥛᥫᥒᥰ ᥛᥣᥰ ᥘᥭᥳ ᥓᥒᥱ ᥖᥥᥴ ᥞᥧᥳ ᥘᥭᥲ ᥘᥤ ᥘᥤ ᥕᥝᥳ. |
| 139 |
ᥘᥩᥒ ᥘᥛᥳ ᥘᥤᥢ ᥞᥤᥢᥴ ᥘᥨᥛᥰ ᥑᥝᥴ ᥘᥭᥴ ᥐᥩᥲ ᥓᥒᥱ ᥖᥥᥴ ᥓᥣᥒ ᥓᥦᥐᥱ ᥞᥧᥳ ᥘᥭᥲ ᥛᥥᥝᥰ ᥘᥬ ᥛᥥᥝᥰ ᥘᥢᥳ ᥐᥣᥱ ᥗᥦᥢᥲ. ᥙᥩᥰ ᥘᥥᥙ ᥞᥥᥢᥰ ᥙᥣᥭᥰ ᥘᥦᥒ ᥛᥫᥒᥰ ᥓᥪᥒ ᥞᥝᥰ ᥖᥥᥴ ᥘᥭᥲ ᥞᥧᥳ ᥘᥩᥒ ᥘᥣᥲ ᥛᥫᥒᥰ. ᥞᥧᥳ ᥘᥣᥭᥰ ᥖᥨᥭᥰ ᥚᥦᥢᥱ ᥖᥤ ᥘᥤᥢ ᥛᥫᥒᥰ. ᥞᥧᥳ ᥝᥣ ᥛᥫᥒᥰ ᥘᥬ ᥛᥤᥰ ᥖᥤ ᥘᥬ. ᥙᥣᥭᥰ ᥘᥦᥒ ᥛᥫᥒᥰ ᥘᥭᥳ ᥙᥥᥢ ᥐᥣᥢ ᥟᥢ ᥖᥦᥖ ᥘᥦᥖ ᥖᥣᥭ ᥖᥨᥝ. |
| 140 |
ᥘᥩᥭ. ᥗᥫᥢᥱ. ᥘᥨᥛᥰ. ᥜᥤᥒᥲ ᥜᥣᥳ. ᥐᥣᥒ ᥞᥣᥝᥴ. ᥖᥨᥝ ᥛᥤᥰ ᥓᥬ ᥟᥢ ᥟᥛᥱ ᥛᥤᥰ ᥓᥬ ᥖᥒᥰ ᥘᥨᥒᥴ ᥟᥢ ᥐᥩᥒᥳ ᥐᥣᥭᥱ ᥝᥭᥳ ᥖᥒᥰ ᥛᥫᥒᥰ ᥐᥨᥢᥰ ᥞᥝᥰ ᥖᥒᥰ ᥔᥥᥒᥲ ᥘᥭᥳ ᥙᥣᥰ ᥝᥭᥳ ᥘᥬᥰ ᥓᥧᥛᥰ ᥔᥫᥒᥰᥘᥦᥒ ᥛᥫᥒᥰᥕᥝᥳ. ᥙᥣᥭᥰ ᥘᥦᥒ ᥛᥫᥒᥰ ᥟᥢ ᥝᥣ ᥘᥢᥳ ᥔᥛᥳ ᥙᥥᥢ ᥐᥣᥢ ᥟᥢ ᥘᥥᥙ ᥞᥥᥢᥰ ᥞᥬᥲ ᥞᥧᥳ ᥘᥩᥒ ᥘᥦᥒ ᥛᥫᥒᥰ ᥘᥦᥲ ᥟᥢ ᥐᥙᥴ ᥐᥣᥭᥱ ᥘᥨᥭᥲ ᥘᥦᥒ ᥛᥫᥒᥰ ᥖᥒᥰ ᥔᥥᥒᥲ ᥘᥭᥳ ᥘᥭᥲ ᥞᥩᥒᥳ ᥝᥣ"ᥙᥣᥭᥰ ᥘᥦᥒ ᥛᥫᥒᥰ" ᥕᥝᥳ. |
| 141 |
ᥘᥫᥴ ᥘᥒᥴ ᥘᥤᥢ ᥘᥭᥳ ᥘᥛᥳ. ᥘᥤᥢ. ᥘᥨᥛᥰ. ᥞᥤᥢᥴ ᥚᥣᥴ ᥑᥝᥴ ᥓᥫᥰ ᥘᥭᥳ ᥐᥩᥲ ᥞᥨᥛ ᥛᥤᥰ ᥝᥭᥳ ᥙᥣᥰ ᥗᥦᥢᥲ ᥕᥧᥱ. ᥖᥣᥒᥰ ᥟᥢ ᥙᥥᥢ ᥖᥤ ᥕᥧᥱ ᥖᥣᥱ ᥖᥨᥝ ᥛᥤᥰ ᥓᥬ ᥛᥨᥝᥴ ᥞᥧᥳ ᥟᥢ ᥟᥛᥱ ᥛᥨᥝᥴ ᥞᥧᥳ ᥑᥝᥴ ᥔᥥᥒᥲ ᥔᥥᥒᥲ ᥕᥧᥱ ᥔᥝᥰ ᥓᥩᥛᥰ ᥐᥢ ᥝᥭᥳ ᥘᥭᥳ ᥘᥭᥲ ᥞᥩᥒᥳ ᥝᥣ"ᥘᥤᥢ ᥛᥫᥒᥰ" ᥘᥭᥴ ᥕᥝᥳ. ᥘᥦᥒ ᥘᥤᥢ ᥛᥫᥒᥰ ᥟᥢ ᥞᥝᥰ ᥕᥧᥱ ᥝᥭᥳ ᥕᥧᥱ ᥘᥭᥳ ᥛᥢᥰ ᥐᥣᥒᥲ ᥖᥥᥳ ᥖᥥᥳ. |
| 142 |
ᥔᥖᥴ. ᥖᥨᥢᥲ ᥛᥭᥳ ᥑᥝᥴ ᥖᥒᥰ ᥘᥨᥒᥴ ᥕᥧᥱ ᥔᥝᥰ ᥘᥭᥲ ᥐᥣᥱ ᥛᥣᥰ ᥞᥣᥴ ᥐᥤᥢ ᥘᥭᥲ ᥘᥢᥳ ᥔᥛᥳ ᥞᥩᥒᥳ ᥝᥣ"ᥘᥧᥛᥲ ᥜᥣᥳ" ᥟᥛᥱ ᥘᥢᥴ"ᥐᥛᥱ ᥜᥣᥱ" ᥟᥛᥱ ᥘᥢᥴ"ᥘᥨᥐ" (ᥘᥨᥐ ᥑᥨᥒᥰ - ᥘᥨᥝᥰ ᥐᥣᥳ) ᥘᥭᥴ ᥕᥝᥳ. ᥘᥫᥴ ᥘᥪᥛ ᥘᥤᥢ ᥘᥨᥒᥴ ᥘᥢᥳ ᥛᥤᥰ ᥘᥤᥢ ᥙᥥᥒᥰ. ᥙᥣᥱ ᥕᥫᥲ. ᥘᥩᥭ. ᥗᥫᥢᥱ. ᥞᥣᥖᥱ ᥔᥣᥭᥰ. ᥛᥥ ᥘᥛᥳ. ᥘᥩᥒᥴ ᥘᥛᥳ ᥓᥫᥰ ᥘᥭᥳ ᥘᥬ ᥗᥦᥢᥲ ᥐᥩᥢᥱ ᥕᥝᥳ. |
| 143 |
ᥙᥣᥱ ᥛᥭᥳ ᥘᥨᥒ ᥖᥒᥰ ᥘᥛᥴ ᥞᥨᥛ ᥐᥢ ᥘᥢᥳ ᥐᥩᥲ ᥞᥩᥒᥳ ᥝᥣ"ᥗᥫᥢᥱ" ᥘᥒᥱ ᥐᥝᥱ ᥕᥝᥳ. ᥘᥫᥴ ᥘᥒᥴ ᥘᥤᥢ ᥛᥫᥒᥰ ᥘᥬᥰ ᥘᥧᥛ ᥜᥣᥳ ᥘᥭᥳ"ᥗᥫᥢᥱ" ᥟᥝ ᥖᥤ ᥝᥭᥳ ᥖᥣᥱ ᥔᥤᥙᥴ ᥙᥧᥢ ᥘᥫᥒ ᥙᥧᥢ ᥘᥭᥴ ᥕᥝᥳ. ᥘᥒᥴ ᥘᥤᥢ ᥖᥤ ᥟᥢ ᥙᥥᥢ ᥞᥤᥢᥴ ᥙᥥᥢ ᥔᥣᥭᥰ ᥘᥣᥭᥴ ᥘᥣᥭᥴ ᥔᥥᥴ ᥟᥛᥱ ᥛᥤᥰ ᥕᥫᥲ ᥕᥣᥲ ᥟᥛᥱ ᥛᥤᥰ ᥖᥨᥢᥲ ᥛᥭᥳ ᥔᥒᥴ ᥔᥥᥴ ᥓᥫᥳ ᥔᥥᥴ ᥙᥫᥒ ᥘᥢᥳ ᥞᥩᥒᥳ ᥝᥣ"ᥙᥣᥱ ᥞᥣᥖᥱ ᥔᥣᥭᥰ" ᥘᥭᥴ ᥕᥝᥳ. |
| 144 |
ᥘᥫᥴ ᥘᥒᥴ ᥘᥤᥢ ᥘᥧᥛᥲ ᥜᥣᥳ ᥘᥭᥳ ᥙᥣᥱ ᥞᥣᥖᥱ ᥔᥣᥭᥰ ᥟᥝ ᥖᥤ ᥛᥢᥰ ᥝᥭᥳ ᥔᥣᥛᥴ ᥙᥧᥢ ᥘᥫᥒ ᥙᥧᥢᥲ. ᥙᥣᥱ ᥞᥣᥖᥱ ᥔᥣᥭᥰ ᥘᥭᥳ ᥞᥣᥛᥳ ᥘᥛᥴ ᥛᥤᥰ ᥖᥤ ᥛᥫᥒᥰ ᥛᥭᥲ ᥜᥣᥳ ᥘᥦᥒᥳ ᥘᥦᥲ ᥞᥤᥛᥰ ᥜᥣᥒᥱ ᥙᥣᥒᥱ ᥘᥣᥭᥱ. ᥛᥫᥒᥰ ᥖᥭᥰ ᥙᥥᥢ ᥛᥫᥒᥰ ᥜᥣᥳ ᥜᥨᥢᥴ ᥘᥤ ᥘᥦᥲ ᥙᥣᥱ ᥞᥣᥖᥱ ᥔᥣᥭᥰ ᥘᥨᥒᥰ ᥘᥢᥳ ᥟᥛᥱ ᥛᥤᥰ. ᥞᥤᥛᥰ ᥜᥣᥒᥱ ᥘᥛᥳ ᥖᥥᥳ ᥖᥨᥝᥳ ᥖᥥᥳ ᥛᥤᥰ ᥞᥣᥖᥱ ᥔᥣᥭᥰ ᥕᥧᥱ ᥟᥤᥖᥴ ᥟᥩᥖᥴ. |
| 145 |
ᥑᥥᥰ ᥘᥛᥳ ᥙᥥᥢ ᥞᥩᥒ ᥟᥢ ᥛᥤᥰ ᥘᥛᥳ ᥘᥭᥴ ᥘᥣᥭᥱ ᥕᥧᥱ ᥖᥣᥱ ᥔᥥᥱ ᥘᥢᥳ ᥕᥝᥳ. ᥘᥛᥳ ᥜᥨᥢᥴ ᥖᥨᥐᥱ ᥘᥨᥒᥰ ᥛᥣᥰ ᥘᥦᥲ ᥔᥒᥴ. ᥘᥛᥳ ᥛᥩᥖᥴ. ᥘᥛᥳ ᥞᥧᥰ ᥟᥢ ᥟᥩᥐᥱ ᥛᥣᥰ ᥘᥦᥲ ᥔᥒᥴ ᥞᥨᥛ ᥐᥢ ᥘᥭᥴ ᥘᥨᥒᥰ ᥙᥥᥢ ᥞᥩᥒ ᥟᥩᥢᥱ. ᥞᥩᥒ ᥟᥩᥢᥱ ᥖᥒᥰ ᥘᥛᥴ ᥘᥭᥴ ᥞᥨᥛ ᥐᥢ ᥙᥥᥢ ᥛᥣᥰ ᥛᥥ ᥘᥛᥳ. ᥛᥥ ᥘᥛᥳ ᥟᥩᥢᥱ ᥖᥒᥰ ᥘᥛᥴ ᥞᥨᥛ ᥐᥢ ᥔᥥᥴ ᥙᥥᥢ ᥛᥣᥰ ᥛᥥ ᥘᥛᥳ ᥘᥨᥒᥴ ᥕᥧᥱ ᥕᥝᥳ. |
| 146 |
ᥘᥛᥳ ᥘᥭᥴ ᥖᥒᥰ ᥘᥨᥒᥴ ᥘᥭᥳ ᥞᥩᥒᥳ ᥝᥣ"ᥘᥛᥳ ᥑᥥᥰ". ᥛᥫᥢᥴ ᥘᥒᥱ ᥘᥬᥰ ᥛᥫᥒᥰ ᥖᥭᥰ ᥔᥦᥢᥰ ᥘᥭᥳ ᥘᥛᥳ ᥖᥧᥲ. ᥘᥛᥳ ᥙᥣᥒ. ᥘᥛᥳ ᥖᥥᥒᥰ. ᥘᥛᥳ ᥘᥨᥭᥴ. ᥘᥛᥳ ᥘᥥᥢᥰ ᥓᥫᥰ ᥘᥢᥳ ᥙᥥᥢ ᥛᥥ ᥘᥛᥳ (ᥑᥥᥰ ᥘᥛᥳ)ᥟᥩᥢᥱ ᥔᥥᥴ ᥘᥛᥳ ᥑᥨᥒᥰ. ᥘᥛᥳ ᥑᥩᥒᥴ ᥔᥛᥳ ᥙᥥᥢ ᥛᥥ ᥘᥛᥳ ᥘᥨᥒᥴ ᥘᥢᥳ ᥕᥝᥳ. ᥙᥣᥒᥱ ᥘᥛᥳ ᥐᥣᥒᥲ ᥘᥨᥒᥴ ᥖᥤ ᥟᥢ ᥘᥛᥳ ᥞᥩᥒ. ᥘᥛᥳ ᥑᥥᥰ. |
| 147 |
ᥘᥛᥳ ᥛᥥ ᥕᥬᥱ ᥟᥩᥢᥱ ᥖᥒᥰ ᥘᥣᥭᥴ ᥑᥝᥴ ᥘᥭᥴ ᥑᥝᥲ ᥐᥣᥱ ᥞᥩᥛᥰ ᥘᥛᥳ ᥑᥝᥲ ᥓᥧᥰ ᥐᥢ ᥘᥢᥳ ᥞᥩᥒᥳ ᥝᥣ"ᥙᥣᥒᥱ ᥘᥣᥭᥱ" ᥘᥭᥴ ᥕᥝᥳ. ᥘᥛᥳ ᥞᥨᥭᥲ. ᥘᥛᥳ ᥘᥩᥭ. ᥘᥛᥳ ᥞᥩᥒ. ᥘᥛᥳ ᥑᥥᥰ. ᥛᥥ ᥘᥛᥳ ᥟᥩᥢᥱ ᥑᥝᥴ ᥘᥭᥲ ᥞᥩᥛᥰ ᥙᥥᥢ ᥛᥥ ᥘᥛᥳ ᥘᥨᥒᥴ. ᥐᥧ ᥛᥥ ᥘᥛᥳ ᥔᥛᥳ ᥘᥭᥴ ᥘᥨᥒᥰ ᥐᥣᥱ ᥑᥩᥢᥲ ᥑᥝᥲ ᥐᥢ ᥖᥤ ᥙᥣᥒᥱ ᥙᥥᥒᥰ ᥘᥨᥒᥴ ᥟᥢ ᥞᥩᥒᥳ ᥝᥣ ᥙᥣᥒᥱ ᥘᥣᥭᥱ ᥘᥢᥳ ᥕᥝᥳ. |
| 148 |
ᥙᥣᥭᥰ ᥛᥩᥢᥰ ᥟᥢ ᥝᥣ ᥘᥭᥳ ᥙᥥᥢ ᥚᥣᥒᥴ ᥞᥣᥒ ᥘᥩᥒ ᥕᥥᥢᥱ ᥒᥥ ᥐᥨᥢᥰ ᥘᥫᥒ ᥑᥫᥰ ᥕᥝᥳ. ᥖᥨᥭᥰ ᥞᥢᥴ ᥘᥩᥒ ᥕᥥᥢᥱ ᥒᥥ ᥐᥨᥢᥰ ᥑᥫᥰ ᥘᥢᥳ ᥔᥥᥴ ᥘᥩᥒ ᥝᥭᥳ ᥝᥣᥒᥰ ᥓᥬ ᥑᥝᥴ ᥛᥫᥢᥴ ᥞᥪᥴ. ᥘᥛᥳ ᥐᥖᥳ ᥑᥝᥴ ᥛᥤᥰ ᥘᥒᥱ ᥞᥪᥴ. ᥓᥣ ᥘᥦᥐ ᥑᥝᥴ ᥙᥥᥢ ᥞᥪᥴ. ᥘᥩᥒ ᥕᥧᥱ ᥔᥝᥰ ᥐᥤᥢ ᥔᥣᥒᥲ ᥑᥝᥴ ᥛᥤᥰ ᥓᥢᥳ ᥘᥬ ᥘᥭᥴ ᥐᥩᥲ ᥘᥣᥛᥰ ᥞᥧᥳ ᥘᥭᥲ ᥕᥧᥱ. |
| 149 |
ᥚᥧᥱ ᥛᥤᥰ ᥙᥪᥢᥳ ᥞᥧᥳ ᥑᥝᥴ ᥛᥣᥒᥴ ᥓᥫᥰ ᥖᥥᥳ ᥝᥣ ᥝᥭᥳ ᥙᥣᥭᥰ ᥛᥩᥢᥰ ᥘᥭᥳ ᥛᥢᥰ ᥕᥒᥰ ᥘᥥᥴ ᥙᥢ ᥘᥭᥲ ᥖᥣᥒᥰ ᥐᥖᥳ ᥑᥦᥢᥱ ᥑᥫᥰ ᥐᥨᥢᥰ ᥘᥫᥒ ᥑᥫᥰ ᥘᥫᥴ ᥔᥥᥴ ᥟᥢ ᥑᥝᥴ ᥞᥥᥖᥲ ᥔᥣᥒᥲ ᥘᥣᥲ ᥐᥣᥢ ᥑᥝᥴ ᥘᥢᥳ ᥑᥢᥴ ᥘᥭᥴ ᥕᥝᥳ. ᥙᥣᥭᥰ ᥛᥩᥢᥰ ᥟᥢ ᥝᥣ ᥘᥢᥳ ᥙᥥᥢ ᥙᥦᥒᥱ ᥕᥣᥱ ᥟᥢ ᥓᥣᥒ ᥞᥥᥖᥱ ᥞᥬᥲ ᥐᥨᥢᥰ ᥞᥝᥰ ᥓᥬ ᥖᥪᥢᥱ ᥖᥥᥢᥲ ᥑᥩᥢᥰ ᥝᥭᥴ ᥕᥝᥳ. |
| 150 |
ᥙᥥᥢ ᥙᥦᥒᥱ ᥕᥣᥱ ᥟᥢ ᥔᥨᥢᥰ ᥙᥢ ᥞᥬᥲ ᥓᥥᥱ ᥖᥢᥱ ᥘᥣᥱ ᥚᥧᥖᥱ ᥙᥨᥝᥱ ᥛᥣᥰ. ᥙᥥᥢ ᥙᥦᥒᥱ ᥕᥣᥱ ᥟᥢ ᥐᥨᥢᥰ ᥞᥝᥰ ᥝᥨᥢᥳ ᥔᥥᥴ ᥑᥨᥒ ᥟᥩᥐᥱ ᥙᥥᥢ ᥛᥣᥰ ᥔᥥᥴ ᥓᥫᥰ ᥟᥢ ᥘᥭᥲ ᥖᥨᥭᥰ ᥞᥢᥴ ᥘᥢᥳ ᥘᥭᥲ ᥛᥤᥰ ᥖᥣᥒᥰ ᥑᥧᥭᥳ ᥞᥢᥴ ᥓᥩᥛᥰ ᥘᥭᥲ ᥙᥥᥢ ᥖᥣᥒᥰ ᥞᥣᥢᥳ ᥓᥬ ᥓᥩᥛᥰ ᥕᥧᥱ. ᥐᥩᥙ ᥘᥭᥴ ᥙᥣᥭᥰ ᥛᥩᥢᥰ ᥘᥭᥳ ᥘᥭᥲ ᥝᥣ ᥙᥥᥢ ᥘᥛᥳ ᥝᥣᥢᥴ ᥙᥦᥒᥱ ᥕᥣᥱ ᥘᥭᥴ ᥐᥩᥲ ᥟᥛᥱ ᥚᥤᥖᥴ. |
| 151 |
ᥖᥤ ᥘᥬᥰ ᥚᥧᥢᥴ ᥘᥤᥐ ᥟᥣ ᥘᥒᥱ ᥐᥣᥱ ᥘᥢᥳ ᥘᥛᥳ ᥝᥣᥢᥴ ᥙᥦᥒᥱ ᥕᥣᥱ ᥟᥢ ᥝᥣ ᥘᥢᥳ ᥞᥨᥛᥴ ᥓᥨᥛᥰ. ᥑᥨᥝᥰ ᥑᥨᥛᥴ. ᥞᥣᥢᥳ ᥓᥬ. ᥟᥤᥴ ᥘᥧᥴ. ᥘᥤ ᥓᥒᥰ ᥘᥤ ᥛᥫᥱ. ᥓᥬ ᥑᥪᥢᥲ ᥛᥤᥰ ᥞᥦᥒᥰ ᥓᥬ. ᥖᥨᥐᥱ ᥓᥬ. ᥟᥣᥛᥰ. ᥘᥤᥛᥴ ᥛᥢᥲ ᥘᥭᥴ ᥔᥥᥴ ᥛᥤᥰ ᥐᥝᥲ ᥙᥫᥒ. ᥐᥣᥙ ᥙᥣᥢ ᥕᥣᥛᥰ ᥘᥥᥝ ᥓᥝᥲ ᥙᥣᥭᥰ ᥓᥬ ᥑᥝᥴ ᥖᥥᥳ ᥝᥣ ᥝᥭᥳ ᥘᥩᥒ ᥑᥧᥭᥳ ᥞᥢ ᥖᥤ ᥓᥬ (ᥟᥣ ᥔᥣᥱ ᥟᥢ ᥙᥥᥢ ᥛᥣᥰ ᥖᥤ ᥓᥬ)ᥘᥭᥳ ᥛᥤᥰ ᥝᥭᥳ 14 ᥙᥫᥒ ᥘᥭᥴ ᥕᥧᥱ. |
| 152 |
ᥙᥣᥭᥰ ᥛᥩᥢᥰ ᥟᥢ ᥝᥣ ᥘᥭᥳ ᥙᥥᥢ ᥙᥦᥒᥱ ᥕᥣᥱ ᥖᥣᥒᥰ ᥛᥨᥝᥴ ᥟᥝ ᥘᥩᥒ ᥟᥢ ᥙᥥᥢ ᥟᥢ ᥛᥤᥰ ᥝᥭᥳ ᥘᥬᥰ ᥓᥬ ᥘᥢᥳ ᥞᥥᥖᥱ ᥟᥩᥐᥱ ᥘᥥᥴ ᥞᥬᥲ ᥙᥫᥢ ᥞᥧᥳ ᥓᥩᥛᥰ ᥞᥢᥴ ᥓᥩᥛᥰ ᥕᥝᥳ. ᥙᥣᥭᥰ ᥔᥣᥭ ᥘᥭᥳ ᥖᥥᥳ ᥐᥦᥐᥱ ᥚᥥᥴ ᥘᥥᥴ ᥞᥬᥲ ᥙᥫᥢ ᥞᥧᥳ ᥞᥢᥴ ᥘᥩᥒ ᥖᥣᥒᥰ ᥗᥣᥖ ᥔᥣᥱ ᥚᥣᥱ ᥝᥣᥳ ᥛᥢᥰ ᥕᥝᥳ. ᥙᥣᥭᥰ ᥛᥩᥢᥰ ᥘᥭᥳ ᥖᥥᥳ ᥟᥝ ᥟᥢ ᥙᥥᥢ ᥘᥬᥰ ᥓᥬ ᥘᥢᥳ ᥟᥩᥐᥱ ᥘᥥᥴ ᥙᥫᥢ ᥞᥬᥲ ᥙᥫᥢ ᥞᥧᥳ ᥞᥢᥴ ᥙᥥᥢ ᥓᥩᥛᥰ ᥘᥢᥳ ᥕᥝᥳ. |
| 153 |
ᥙᥦᥒᥱ ᥕᥣᥱ ᥙᥣᥭᥰ ᥛᥩᥢᥰ ᥟᥢ ᥝᥣ ᥘᥢᥳ ᥘᥩᥒ ᥖᥦᥛᥲ ᥞᥣᥒ. ᥘᥩᥒ ᥑᥦᥐᥴ ᥓᥥᥢ ᥞᥣᥒ. ᥘᥩᥒ ᥛᥨᥝᥴ ᥔᥩᥢᥰ ᥘᥨᥝᥱ ᥞᥧᥢᥱ ᥞᥣᥒ. ᥘᥩᥒ ᥐᥣᥲ ᥘᥩᥒ ᥝᥦᥢᥴ. ᥘᥩᥒ ᥘᥤᥐ ᥘᥣᥭᥰ ᥓᥫᥰ ᥘᥭᥳ ᥐᥩᥲ ᥑᥝᥲ ᥙᥣᥰ ᥝᥭᥳ ᥕᥝᥳ. ᥐᥨᥢᥰ ᥛᥫ ᥐᥩᥢᥱ ᥑᥝᥴ ᥘᥢᥳ ᥛᥫ ᥓᥝᥳ ᥑᥝᥴ ᥟᥝ ᥖᥩᥒᥴ ᥐᥣᥙᥱ ᥘᥣᥴ ᥑᥦᥙᥴ ᥛᥣᥐᥱ ᥞᥤᥢᥴ ᥓᥫᥰ ᥘᥭᥳ ᥔᥥᥴ ᥞᥥᥖᥱ ᥙᥥᥢ ᥖᥤ ᥔᥬᥱ ᥐᥤᥢ ᥖᥣᥒᥰ ᥐᥤᥢ ᥑᥝᥴ ᥕᥝᥳ. |
| 154 |
ᥙᥫᥱ ᥝᥣ ᥘᥭᥲ ᥞᥧᥳ ᥘᥩᥐᥱ ᥘᥣᥭᥰ ᥕᥧᥒᥱ ᥖᥪᥰ ᥞᥥᥐᥱ ᥘᥥᥐᥴ ᥖᥩᥒᥰ ᥓᥫᥰ ᥘᥭᥳ ᥛᥣᥰ ᥐᥩᥲ ᥟᥝ ᥓᥫᥰ ᥘᥭᥳ ᥟᥩᥒᥱ ᥔᥥᥴ ᥞᥥᥖᥱ ᥙᥥᥢ ᥑᥫᥒ ᥕᥤᥙᥱ ᥑᥫᥒ ᥖᥪᥰ ᥑᥝᥴ ᥛᥣᥰ. ᥝᥣᥭᥰ ᥛᥣᥰ ᥑᥫᥒ ᥕᥤᥙᥱ ᥑᥫᥒ ᥖᥪᥰ ᥑᥝᥴ ᥘᥢᥳ ᥘᥒᥱ ᥞᥪᥴ ᥖᥤᥴ ᥘᥤ ᥕᥥᥛᥲ ᥘᥤ ᥖᥨᥭᥰ ᥐᥩᥲ ᥛᥨᥝᥴ ᥑᥨᥒ ᥔᥣᥒᥲ ᥞᥥᥖᥱ ᥛᥣᥰ ᥓᥩᥛᥰ ᥘᥒᥱ ᥐᥣᥒ ᥓᥬ ᥑᥝᥴ ᥑᥬᥲ ᥙᥥᥢ ᥘᥢᥳ ᥕᥧᥱ. |
| 155 |
ᥘᥧᥐ ᥖᥤ ᥘᥢᥳ ᥔᥥᥴ ᥛᥤᥰ ᥛᥣᥰ ᥘᥩᥒ ᥞᥣᥢᥳ ᥓᥬ ᥘᥫᥴ ᥑᥨᥝᥰ ᥑᥩᥒᥴ ᥞᥣᥒ ᥘᥤ ᥑᥝᥴ ᥔᥥᥴ ᥘᥒᥱ ᥞᥪ ᥙᥨᥝᥰ ᥖᥤᥴ ᥞᥣᥢᥳ ᥓᥬᥴ ᥘᥫᥴ ᥘᥢᥳ ᥘᥩᥒ ᥞᥥᥖᥱ ᥑᥨᥝᥰ ᥑᥩᥒᥴ ᥑᥝᥴ ᥐᥩᥲ ᥑᥖᥱ ᥓᥬ ᥞᥥᥖᥱ ᥛᥣᥰ ᥞᥬᥲ ᥘᥣᥐᥱ ᥘᥣᥭᥰ ᥞᥬᥲ ᥞᥣᥒ ᥘᥤ ᥞᥬᥲ ᥑᥦᥛᥳ ᥘᥦᥙ ᥘᥦᥲ ᥐᥣᥢ ᥙᥣᥭᥰ ᥛᥩᥢᥰ ᥟᥢ ᥝᥣ ᥘᥢᥳ ᥒᥝᥲ ᥞᥣᥐ ᥛᥢᥰ ᥘᥧᥐ ᥖᥤ ᥘᥬᥰ ᥓᥬ ᥑᥨᥒ ᥟᥩᥐᥱ ᥔᥥᥴ ᥛᥣᥰ ᥘᥥᥴ ᥙᥢ ᥞᥣᥒ ᥚᥣᥒᥴ ᥖᥣᥒᥰ ᥘᥩᥐ ᥛᥢᥰ ᥘᥢᥳ ᥕᥝᥳ. |
| 156 |
ᥘᥩᥒ ᥖᥦᥛᥲ ᥞᥣᥒ ᥘᥭᥳ ᥛᥤᥰ ᥛᥣᥰ ᥟᥩᥢ ᥖᥣᥒᥰ ᥛᥫ ᥐᥨᥢᥰ ᥞᥝᥰ ᥙᥭᥱ ᥛᥨᥝᥴ ᥖᥦᥛᥲ ᥘᥤᥐ ᥘᥢᥳ ᥕᥝᥳ. ᥐᥨᥢᥰ ᥛᥫ ᥐᥩᥢᥱ ᥓᥝᥳ ᥓᥫᥰ ᥕᥧᥱ ᥘᥬᥰ ᥗᥛᥲ ᥘᥢᥳ ᥙᥦᥒᥴ ᥘᥒᥱ ᥑᥝᥴ ᥞᥢᥴ ᥔᥥᥴ ᥘᥬᥰ ᥓᥬ ᥑᥝᥴ ᥛᥤᥰ ᥘᥒᥱ ᥞᥪᥴ ᥘᥭᥴ ᥘᥢᥳ ᥑᥝᥴ ᥓᥒᥱ ᥟᥝ ᥘᥤᥢ ᥘᥦᥒ ᥘᥤᥢ ᥘᥛ ᥘᥤᥢ ᥑᥣᥝᥴ ᥗᥣᥢᥱ ᥛᥤ ᥓᥫᥰ ᥘᥭᥳ ᥔᥥᥴ ᥖᥦᥛᥲ ᥞᥣᥒ ᥝᥭᥳ ᥓᥩᥛᥰ ᥖᥤ ᥕᥧᥱ ᥑᥝᥴ ᥘᥢᥳ ᥕᥝᥳ. |
| 157 |
ᥑᥥᥱ ᥑᥝᥴ ᥖᥥᥳ ᥝᥣ ᥞᥣᥒ ᥘᥫᥒ ᥞᥣᥒ ᥘᥭᥳ ᥔᥣᥱ ᥘᥫᥴ ᥔᥥᥴ ᥖᥨᥝ ᥘᥤᥐ ᥞᥥᥒᥴ ᥖᥨᥝ ᥘᥭᥴ ᥕᥝᥳ. ᥘᥣᥭᥰ ᥖᥦᥛᥲ ᥞᥣᥒ ᥐᥨᥢᥰ ᥛᥫ ᥐᥩᥢᥱ ᥑᥝᥴ ᥘᥢᥳ ᥑᥝᥴ ᥖᥤᥴ ᥖᥦᥛᥲ ᥑᥣᥢᥱ ᥔᥥᥢᥲ ᥘᥥᥝ ᥔᥥᥴ ᥕᥩᥛᥳ ᥟᥣ ᥕᥩᥒᥱ ᥛᥢᥰ. ᥝᥣᥭᥰ ᥛᥣᥰ ᥘᥩᥒ ᥕᥥᥢᥱ ᥒᥥ ᥑᥝᥴ ᥑᥪᥢᥲ ᥕᥬᥱ ᥛᥬᥱ ᥔᥧᥒᥴ ᥛᥣᥰ ᥔᥥᥴ ᥘᥣᥭᥰ ᥖᥦᥛᥲ ᥞᥣᥒ ᥑᥝᥴ ᥐᥩᥲ ᥑᥪᥢᥲ ᥕᥬᥱ ᥛᥬᥱ ᥔᥧᥒᥴ ᥛᥣᥰ ᥓᥩᥛᥰ ᥘᥦᥲ ᥘᥩᥒ ᥖᥦᥛᥲ ᥞᥣᥒ ᥘᥭᥳ ᥐᥩᥲ ᥙᥥᥢ ᥙᥣᥭᥰ ᥛᥩᥢᥰ ᥕᥝᥳ. |
| 158 |
ᥙᥣᥭᥰ ᥛᥩᥢᥰ ᥟᥢ ᥐᥝᥱ ᥐᥥᥱ ᥗᥦᥒᥲ ᥟᥢ ᥘᥫᥒ ᥘᥭᥳ ᥖᥥᥳ ᥙᥥᥢ ᥛᥨᥝᥴ ᥑᥦᥐᥴ ᥛᥨᥝᥴ ᥓᥥᥢ. ᥛᥨᥝᥴ ᥑᥦᥐᥴ ᥛᥨᥝᥴ ᥓᥥᥢ ᥘᥭᥳ ᥑᥝᥴ ᥖᥥᥴ ᥖᥨᥭᥰ ᥞᥢᥴ ᥘᥧᥐ ᥟᥩᥢᥱ ᥟᥥᥢᥲ ᥘᥤᥢ ᥘᥥᥝᥴ ᥙᥢᥲ ᥞᥥᥖᥱ ᥙᥥᥢ ᥞᥣᥒ ᥚᥣᥒᥴ ᥔᥒᥴ ᥔᥤᥒᥴ ᥔᥥᥴ ᥓᥒᥱ ᥖᥥᥴ ᥖᥩᥒᥲ ᥑᥦᥐᥴ ᥙᥧᥖᥴ ᥛᥭᥳ. ᥒᥣᥰ ᥓᥣᥒᥳ. ᥘᥧᥐᥱ. ᥛᥣᥐᥱ ᥞᥤᥢᥴ. ᥛᥣᥐᥱ ᥟᥧᥖ ᥓᥫᥰ ᥘᥭᥳ ᥕᥝᥳ. |
| 159 |
ᥛᥨᥝᥴ ᥖᥦᥛᥲ ᥞᥣᥒ ᥘᥢᥳ ᥛᥢᥰ ᥟᥝ ᥘᥛᥳ ᥕᥣᥲ ᥖᥦᥛᥲ ᥘᥥᥴ ᥙᥥᥢ ᥞᥣᥒ ᥚᥣᥒᥴ ᥖᥣᥒᥰ ᥕᥣᥝᥰ ᥖᥣᥒᥰ ᥙᥩᥖᥴ ᥛᥢᥰ ᥕᥝᥳ. ᥛᥨᥝᥴ ᥑᥦᥐᥴ ᥛᥨᥝᥴ ᥓᥥᥢ ᥘᥭᥳ ᥖᥥᥳ ᥔᥛᥳ ᥘᥥᥴ ᥙᥢ ᥞᥣᥒ ᥚᥣᥒᥴ ᥟᥢ ᥘᥩᥛ ᥟᥢ ᥐᥨᥛ ᥙᥩᥰ ᥛᥫᥢᥴ ᥘᥒᥱ ᥖᥨᥝ ᥖᥥᥳ ᥔᥥᥴ ᥞᥬᥲ ᥓᥣᥒ ᥕᥤᥙᥱ ᥘᥭᥲ ᥘᥧᥙ ᥐᥛᥰ ᥘᥭᥲ ᥘᥢᥳ ᥕᥝᥳ. ᥐᥩᥙ ᥘᥢᥴ ᥛᥨᥝᥴ ᥑᥦᥐᥴ ᥛᥨᥝᥴ ᥓᥥᥢ ᥘᥭᥳ ᥐᥩᥲ ᥘᥭᥲ ᥝᥣ ᥙᥥᥢ ᥙᥣᥭᥰ ᥛᥩᥢᥰ ᥙᥫᥒ ᥘᥫᥒ. |
| 160 |
ᥘᥧᥐ ᥖᥤ ᥘᥩᥒ ᥑᥨᥒ ᥔᥣᥒᥲ ᥚᥣᥒᥴ ᥞᥣᥒ ᥞᥬᥲ ᥙᥨᥝᥰ ᥞᥣᥒ ᥘᥤ ᥐᥧ ᥙᥫᥒ ᥙᥫᥒ ᥘᥦᥲ ᥐᥣᥢ ᥛᥨᥝᥴ ᥐᥨᥝᥱ ᥔᥣᥒᥲ ᥘᥢᥳ ᥐᥩᥲ ᥑᥝᥲ ᥙᥥᥢ ᥙᥣᥰ ᥐᥣᥢ ᥙᥣᥭᥰ ᥛᥩᥢᥰ ᥙᥫᥒ ᥘᥫᥒ ᥕᥝᥳ. ᥐᥨᥢᥰ ᥞᥝᥰ ᥘᥭᥳ ᥙᥨᥝᥰ ᥛᥤᥰ ᥘᥩᥒ ᥖᥧᥛᥳ ᥖᥫᥳ ᥓᥬ ᥛᥣᥰ ᥘᥭᥴ ᥛᥢᥰ ᥛᥨᥝᥴ ᥟᥩᥐᥱ ᥔᥥᥒᥴ ᥛᥣᥰ ᥔᥥᥴ ᥔᥥᥒᥴ ᥘᥢᥳ ᥘᥥᥴ ᥙᥢ ᥘᥩᥒ ᥓᥬ ᥑᥝᥴ ᥙᥥᥢ ᥞᥪᥴ ᥝᥭᥳ ᥘᥭᥴ ᥕᥧᥱ. |
| 161 |
ᥘᥫᥴ ᥔᥥᥴ ᥘᥢᥳ ᥟᥝ ᥖᥤᥢ ᥟᥝ ᥛᥪᥰ ᥟᥦᥒᥲ ᥟᥦᥝᥴ ᥐᥧᥛᥱ ᥑᥣᥴ ᥟᥝ ᥖᥨᥝ ᥖᥨᥒᥳ ᥘᥪᥒᥴ ᥘᥥᥴ ᥙᥢ ᥘᥩᥒ ᥘᥬᥰ ᥓᥬ ᥙᥥᥢ ᥞᥪᥴ ᥛᥤᥰ ᥞᥪᥴ ᥔᥥᥴ ᥙᥥᥢ ᥛᥣᥰ ᥙᥣᥭᥰ ᥛᥩᥢᥰ ᥘᥩᥒ ᥖᥣᥒᥰ ᥐᥣᥲ ᥖᥣᥒᥰ ᥛᥦᥙ ᥕᥧᥱ. ᥝᥣᥭᥰ ᥛᥢᥰ ᥛᥣᥰ ᥕᥩᥢᥳ ᥙᥫ ᥘᥩᥒ ᥕᥥᥢᥱ ᥒᥥ ᥘᥩᥒ ᥕᥧᥱ ᥔᥝᥰ ᥑᥪᥢᥲ ᥕᥬᥱ ᥛᥬᥱ ᥔᥧᥒᥴ ᥛᥣᥰ ᥘᥦᥲ ᥘᥩᥒ ᥖᥦᥛᥲ ᥘᥤᥐ ᥐᥩᥲ ᥛᥤᥰ ᥛᥣᥰ. |
| 162 |
ᥘᥩᥒ ᥞᥩᥢ ᥘᥛᥳ ᥑᥪᥢᥲ ᥘᥨᥒᥰ ᥘᥬ, ᥘᥩᥒ ᥙᥪᥢᥳ ᥙᥣᥒᥱ ᥘᥣᥭᥱ ᥖᥪᥢᥲ ᥘᥪᥐ ᥘᥬ. ᥘᥩᥒ ᥑᥨᥝᥰ ᥞᥥᥲ ᥟᥢ ᥟᥩᥐᥱ ᥖᥬᥲ ᥘᥛᥳ ᥙᥣᥒᥱ ᥘᥣᥭᥱ ᥘᥬ ᥓᥫᥰ ᥘᥢᥳ ᥕᥝᥳ. ᥐᥩᥙ ᥘᥭᥴ ᥐᥨᥢᥰ ᥘᥫᥒ ᥐᥨᥝᥳ ᥖᥣᥱ ᥖᥥᥴ ᥘᥥᥙ ᥞᥥᥢᥰ ᥘᥨᥒᥳ ᥘᥦᥢᥱ ᥚᥣᥭᥱ ᥙᥣᥭᥰ ᥘᥛᥳ ᥙᥣᥒᥱ ᥘᥣᥭᥱ ᥘᥭᥳ ᥛᥢᥰ ᥖᥥᥴ ᥘᥭᥲ ᥘᥨᥒᥳ ᥘᥦᥢᥱ ᥙᥣᥰ ᥙᥣᥭᥰ ᥓᥤᥱ ᥝᥣᥳ ᥔᥣᥭᥴ ᥓᥬ, ᥙᥣᥭᥰ ᥗᥣᥖ ᥙᥣᥭᥰ ᥘᥤᥢ, ᥙᥣᥭᥰ ᥞᥣᥒ ᥓᥫᥰ ᥘᥭᥳ ᥓᥩᥛᥰ ᥕᥧᥱ. |
| 163 |
ᥕᥧᥰ ᥞᥨᥙᥳ ᥘᥭᥳ ᥘᥬᥰ ᥐᥣ ᥘᥪᥛ ᥘᥤᥢ ᥓᥥᥖᥱ ᥟᥢ ᥘᥢᥳ ᥑᥝᥲ ᥙᥣᥰ ᥝᥭᥳ ᥙᥥᥢ ᥟᥢ ᥘᥫᥒ. ᥛᥢᥰ ᥛᥤᥰ 34 ᥖᥫᥒᥰ ᥐᥣᥰ ᥛᥫᥒᥰ ᥖᥒᥰ ᥖᥨᥝ ᥘᥙᥳ ᥞᥩᥙ ᥞᥨᥝᥴ ᥐᥨᥢᥰ ᥖᥒᥰ ᥔᥤᥒᥲ ᥛᥩᥐ ᥞᥤᥛᥰ ᥞᥩᥛᥰ 690 ᥘᥣᥢᥳ. ᥘᥬᥰ ᥖᥫᥒᥰ ᥐᥣᥰ ᥛᥫᥒᥰ ᥓᥫᥰ ᥘᥭᥳ ᥟᥢ ᥘᥫᥒ ᥟᥢ ᥙᥥᥢ ᥔᥨᥝᥰ ᥝᥤᥰ ᥕᥦᥖᥳ ᥕᥧᥰ ᥢᥤᥰ ᥕᥢᥰ(ᥞᥖᥳ ᥡᥣᥰ) ᥘᥭᥳ ᥙᥥᥢ ᥟᥢ ᥕᥬᥱ ᥔᥥᥴ ᥙᥫᥢ ᥖᥤ ᥔᥧᥖᥱ ᥘᥬᥰ ᥙᥧᥢᥳ ᥖᥤ ᥙᥣᥱ ᥘᥭᥳ ᥕᥝᥳ. |
| 164 |
ᥘᥛᥳ ᥔᥣ ᥛᥧᥖ ᥟᥣᥐ ᥖᥤᥐ ᥘᥭᥳ ᥛᥤᥰ ᥝᥭᥳ ᥚᥣᥭᥱ ᥞᥩᥒᥱ ᥘᥪᥛᥴ ᥕᥧᥰ ᥞᥨᥙᥱ ᥔᥥᥴ ᥚᥣᥭᥱ ᥓᥣᥢᥰ ᥔᥛᥳ ᥛᥤᥰ ᥙᥣᥒᥱ ᥘᥣᥭᥱ ᥛᥦᥖᥱ ᥖᥤᥱ ᥖᥬᥱ ᥞᥥᥰ ᥢᥤᥰ ᥕᥢᥰ. ᥔᥣᥭᥴ ᥜᥣᥒᥴ ᥘᥛᥳ ᥙᥩᥖᥴ ᥖᥣᥒᥰ ᥖᥨᥐᥱ ᥕᥧᥰ ᥞᥨᥙᥳ ᥔᥛᥳ ᥙᥥᥢ ᥖᥨᥝᥱ ᥘᥛᥳ ᥔᥣ ᥛᥧᥖ ᥟᥦᥖ ᥖᥣ ᥘᥣᥢᥰ ᥖᥤᥐ ᥕᥝᥳ. ᥘᥦᥢ ᥑᥦᥢ ᥖᥣᥒᥰ ᥟᥩᥐᥱ ᥖᥥᥳ ᥔᥛᥳ ᥙᥥᥢ ᥞᥣᥝᥰ ᥘᥩᥭ ᥘᥨᥒᥴ ᥕᥧᥰ ᥞᥖ ᥖᥤ ᥘᥬᥰ ᥓᥪᥒ ᥛᥫᥒᥰ ᥔᥨᥝᥰ ᥝᥤᥰ ᥕᥦᥖᥳ ᥕᥧᥰ ᥢᥤᥰ ᥕᥢᥰ(ᥞᥖ ᥡᥣᥰ). |
| 165 |
ᥐᥨᥢᥰ ᥛᥫᥒᥰ ᥘᥪᥛ ᥕᥧᥰ ᥞᥨᥙᥳ ᥑᥝᥴ ᥕᥧᥒᥱ ᥖᥪᥰ ᥑᥣᥛᥰ ᥘᥣᥖ ᥟᥛᥱ ᥛᥫᥢᥴ ᥐᥢ ᥛᥩᥐ 30 ᥛᥥᥝᥰ. ᥛᥫᥢᥴ ᥘᥒᥱ ᥜᥣ ᥞᥦᥢᥳ ᥠᥦᥳ, ᥓᥬᥱ ᥛᥢᥱ, ᥟᥤᥖᥱ ᥖᥣᥱ ᥘᥤᥰ ᥕᥢᥰ, ᥔᥣ ᥙᥦᥢᥰ ᥢᥤᥖᥳ, ᥖᥒᥰ ᥞᥖᥳ ᥡᥢᥰ ᥘᥬ ᥕᥝᥳ. ᥐᥨᥢᥰ ᥕᥧᥰ ᥞᥨᥙᥱ ᥑᥝᥴ ᥐᥛᥳ ᥘᥛᥴ ᥘᥛᥴ ᥙᥥᥢ ᥐᥨᥢᥰ ᥑᥫᥰ ᥛᥥᥝᥰ ᥑᥣ ᥞᥤᥖᥳ ᥖᥤᥰ ᥕᥢᥰ ᥕᥝᥳ. ᥖᥣᥱ ᥗᥦᥒᥲ ᥙᥩᥖᥴ ᥘᥫᥒ ᥔᥛᥳ ᥛᥤᥰ ᥖᥤ ᥘᥬᥰ ᥟᥥᥰ ᥡᥫᥝᥰ. |
| 166 |
ᥟᥥᥰ ᥔᥤᥰ ᥕᥬᥰ ᥘᥭᥳ ᥙᥥᥢ ᥘᥤᥢ ᥛᥫᥒᥰ ᥟᥢ ᥛᥤᥰ ᥚᥤᥒᥲ ᥕᥥᥢᥱ ᥒᥥ ᥖᥒᥰ ᥑᥣᥛᥰ ᥘᥣᥖ ᥘᥛᥴ ᥘᥣᥭᥴ ᥖᥥᥳ ᥘᥢᥳ ᥕᥝᥳ. ᥘᥪᥛᥴ ᥟᥥᥰ ᥔᥤᥰ ᥕᥬᥰ ᥘᥭᥳ ᥚᥥᥴ ᥙᥥᥢ ᥝᥭᥳ ᥘᥦᥢ ᥖᥩᥖᥱ ᥘᥨᥒᥴ ᥞᥨᥐᥱ ᥟᥢ ᥕᥝᥳ. ᥟᥥᥰ ᥔᥤᥰ ᥕᥬᥰ ᥝᥢᥰ ᥟᥩᥐᥱ. ᥟᥥᥰ ᥔᥤᥰ ᥙᥩᥖᥴ ᥘᥬᥰ. ᥟᥥᥰ ᥔᥤᥰ ᥓᥣᥢᥰ. ᥟᥥᥰ ᥔᥤᥰ ᥕᥬᥰ ᥓᥥᥒᥱ ᥓᥣᥢᥰ ᥝᥢᥰ ᥟᥩᥐᥱ. ᥟᥥᥰ ᥔᥤᥰ ᥕᥬᥰ ᥞᥩᥒᥱ. |
| 167 |
ᥟᥥᥰ ᥔᥤᥰ ᥕᥬᥰ ᥓᥥᥒᥱ ᥓᥣᥢᥰ ᥝᥢᥰ ᥖᥨᥐᥱ ᥟᥢ ᥙᥩᥖᥴ ᥟᥩᥐᥱ ᥖᥩᥖᥴ ᥐᥣᥒ ᥘᥭᥴ ᥐᥩᥲ ᥞᥩᥒᥳ ᥘᥢᥳ ᥕᥝᥳ. ᥚᥣᥭᥱ ᥐᥨᥢᥰ ᥕᥧᥛᥱ ᥕᥛ ᥘᥙ ᥗᥪᥴ ᥘᥨᥒᥴ ᥘᥧᥛ ᥜᥣᥳ ᥙᥧᥢᥳ ᥖᥤ ᥙ ᥣᥱ ᥖᥒᥰ ᥔᥤᥒᥲ ᥟᥢ ᥙᥥᥢ ᥚᥣᥭᥱ ᥙᥧᥐ ᥗᥣᥳ. ᥚᥣᥭᥱ ᥟᥤ ᥔᥣᥳ ᥘᥣᥛᥱ. ᥚᥣᥭᥱ ᥑᥣ ᥞᥤᥖᥳ ᥔᥣᥳ ᥖᥤᥰ ᥕᥢᥰ. ᥖᥒᥰ ᥚᥣᥭᥱ ᥓᥧᥰ ᥖᥬᥰ ᥟᥤᥰ ᥔᥛᥰ ᥑᥝᥴ ᥓᥫᥰ ᥘᥭᥳ ᥖᥥᥱ ᥐᥣᥱ ᥖᥤ ᥟᥥᥰ ᥔᥤᥰ ᥕᥬᥰ ᥘᥩᥢᥳ ᥘᥩᥢᥳ ᥕᥝᥳ. |
| 168 |
ᥖᥤ ᥘᥬᥰ ᥟᥥᥰ ᥔᥤᥰ ᥕᥬᥰᥘᥭᥳ ᥛᥤᥰ ᥑᥨᥝᥰ ᥒᥫᥢ ᥒᥝᥲ ᥖᥪᥢᥰ ᥙᥥᥢ ᥟᥢ ᥘᥛᥱ ᥘᥩᥒ ᥛᥫᥢᥴ ᥘᥒᥱ ᥗᥣᥢᥱ ᥜᥭᥰ ᥒᥫᥐ(ᥗᥣᥢᥱ ᥞᥤᥢᥴ ᥒᥫᥐ). ᥞᥥ ᥑᥛᥰ ᥚᥫᥐᥱ. ᥞᥥᥐᥱ. ᥟᥥᥐᥱ ᥘᥛᥳ ᥛᥥᥢᥴ ᥑᥝᥴ ᥘᥭᥳ ᥖᥒᥰ ᥔᥤᥒᥲ ᥛᥤᥰ ᥖᥤ ᥟᥥᥰ ᥔᥤᥰ ᥕᥬᥰ ᥕᥝᥳ. ᥟᥥᥰ ᥔᥤᥰ ᥕᥬᥰ ᥘᥭᥳ ᥙᥣᥭ ᥙᥥᥢ ᥘᥤᥢ ᥞᥫᥢᥰ ᥖᥣᥱ ᥖᥨᥝ ᥔᥖᥴ ᥗᥫᥢᥱ ᥑᥝᥴ ᥛᥫᥢᥴ ᥘᥒᥱ ᥔᥫᥴ ᥜᥭᥰ ᥘᥛᥴ ᥘᥬ. |
| 169 |
ᥐᥛᥱ ᥚᥣᥱ ᥘᥭᥳ ᥙᥩᥰ ᥘᥧᥐᥳ ᥖᥤ ᥞᥨᥭᥱ ᥘᥦᥖᥱ ᥟᥣᥢᥱ ᥛᥣᥰ ᥙᥥᥢ ᥓᥨᥝᥱ ᥘᥣᥛᥱ ᥙᥣᥖ ᥔᥣᥛᥴ ᥕᥝᥳ. ᥘᥬᥰ ᥖᥨᥒᥱ ᥝᥨᥒᥰ ᥘᥦᥖᥱ ᥘᥢᥱ ᥟᥢᥳ, ᥐᥛᥱ ᥚᥣᥱ ᥘᥭᥳ ᥙᥥᥢ ᥓᥨᥝᥱ ᥟᥢ ᥘᥥᥝ ᥟᥢ ᥖᥨᥝ ᥛᥤᥰ ᥟᥣ ᥔᥣᥐ ᥑᥝᥴ ᥔᥪᥙᥱ ᥔᥣᥭᥴ ᥓᥬ ᥘᥭᥲ ᥕᥝᥳ. ᥘᥣᥲ ᥘᥤᥢ ᥐᥛᥱ ᥚᥣᥱ ᥘᥭᥳ ᥛᥤᥰ ᥘᥛᥳ 71% ᥟᥢ ᥙᥥᥢ ᥝᥭᥳ ᥙᥣᥒᥱ ᥘᥣᥭᥱ ᥔᥛᥱ ᥛᥧᥐ ᥖᥣᥱ ᥕᥣᥱ, ᥘᥩᥒᥴ ᥘᥛᥳ, ᥛᥥ ᥘᥛᥳ, ᥘᥛᥳ ᥕᥥᥱ ᥑᥥᥰ ᥟᥫ. |
| 170 |
ᥞᥩᥒᥲ ᥘᥨᥛᥰ ᥟᥢ ᥛᥤᥰ ᥝᥭᥳ ᥖᥤ ᥐᥛᥱ ᥚᥣᥱ ᥘᥭᥳ ᥛᥤᥰ ᥟᥩᥐᥱ ᥔᥤᥱ ᥓᥤᥢᥱ ᥖᥒᥰ ᥘᥣᥭᥱ ᥗᥣᥱ ᥕᥨᥝᥱ ᥓᥤᥢᥱ ᥐᥢᥳ ᥘᥛᥴ. ᥘᥩᥒ ᥖᥣᥒᥰ ᥟᥧᥢᥱ ᥟᥢ ᥔᥣᥭᥴ ᥘᥦᥖᥱ ᥙᥢ ᥞᥝᥰ ᥘᥢᥳ ᥟᥩᥒᥳ ᥖᥤ ᥛᥭᥲ ᥘᥢᥳ ᥘᥭᥳ ᥞᥙᥳ ᥟᥝ ᥘᥛᥴ ᥔᥥᥴ ᥟᥩᥒᥳ ᥖᥤ ᥘᥒᥳ ᥘᥦᥳ ᥑᥪᥢᥰ ᥚᥥᥴ ᥙᥢ ᥐᥢ ᥑᥪᥢᥰ ᥘᥧᥐᥳ ᥖᥤ ᥞᥩᥒᥳ ᥘᥨᥛᥰ ᥘᥦᥳ ᥔᥣᥭᥴ ᥘᥛᥳ ᥔᥣ ᥛᥧᥐ ᥖᥣᥱ ᥕᥣᥱ ᥐᥣᥱ ᥘᥢᥳ ᥕᥝᥳ. |
| 171 |
ᥐᥩᥙ ᥘᥭᥴ ᥘᥦᥳ ᥙᥩᥰ ᥚᥦᥝᥴ ᥐᥣᥒ ᥑᥪᥢᥰ ᥛᥣᥰ ᥘᥭᥴ ᥟᥛᥱ ᥛᥤᥰ ᥔᥣᥭᥴ ᥘᥦᥖᥱ ᥔᥥᥴ ᥖᥣᥳ ᥐᥛᥱ ᥚᥣᥱ ᥞᥝᥰ ᥘᥭᥳ ᥖᥪᥐᥳ ᥛᥤᥰ ᥘᥩᥒ ᥖᥣᥒᥰ ᥟᥧᥢᥱ ᥝᥭᥳ ᥕᥝᥳ. ᥙᥩᥰ ᥕᥒ ᥛᥤᥰ ᥞᥩᥒᥳ ᥘᥨᥛᥰ ᥘᥦᥲ ᥔᥣᥭᥴ ᥘᥨᥛᥰ ᥟᥢ ᥖᥥᥴ ᥓᥧᥖᥱ ᥟᥝ ᥔᥣᥭᥴ ᥘᥦᥖᥱ, ᥙᥩᥰ ᥗᥪᥒᥴ ᥐᥣᥒ ᥝᥢᥰ ᥔᥛᥳ ᥖᥥᥳ ᥐᥪᥒᥳ ᥐᥣᥒᥳ ᥛᥭᥳ ᥞᥦᥒᥰ ᥘᥦᥳ ᥙᥩᥰ ᥗᥪᥒᥴ ᥐᥣᥒ ᥑᥪᥢᥰ ᥛᥢᥰ ᥖᥥᥴ ᥐᥪᥒᥳ ᥐᥣᥒᥳ ᥘᥣᥒᥲ ᥐᥣᥱ ᥞᥦᥒᥰ ᥞᥦᥒᥰ ᥟᥫ. |
| 172 |
ᥞᥩᥒᥲ ᥘᥨᥛᥰ ᥟᥢ ᥛᥤᥰ ᥝᥭᥳ ᥖᥤ ᥐᥛᥱ ᥚᥣᥱ ᥘᥭᥳ ᥛᥤᥰ ᥟᥩᥐᥱ ᥔᥤᥱ ᥓᥤᥢᥱ ᥖᥒᥰ ᥘᥣᥭᥱ ᥗᥣᥱ ᥘᥨᥝᥱ ᥓᥤᥢᥱ ᥐᥢᥳ ᥘᥛᥴ. ᥘᥩᥒ ᥖᥣᥒᥰ ᥟᥧᥢᥱ ᥟᥢ ᥔᥣᥭᥴ ᥘᥦᥖᥱ ᥙᥢ ᥞᥝᥰ ᥘᥢᥳ ᥟᥩᥒᥲ ᥖᥤ ᥛᥭᥳ ᥘᥢᥳ ᥘᥭᥳ ᥞᥙᥳ ᥟᥝ ᥘᥛᥴ ᥔᥥᥴ ᥟᥩᥒᥲ ᥖᥤ ᥘᥒᥳ ᥘᥦᥳ ᥘᥧᥐᥳ ᥖᥤ ᥞᥩᥒᥳ ᥘᥨᥛᥰ ᥘᥦᥳ ᥔᥣᥭᥴ ᥘᥛᥳ ᥔᥛᥱ ᥛᥧᥐ ᥖᥣᥱ ᥘᥣᥱ ᥚᥥᥴ ᥙᥢ ᥐᥢ ᥑᥪᥢᥰ. |
| 173 |
ᥔᥣᥭᥴ ᥘᥨᥛᥰ ᥛᥣᥒ ᥓᥫᥰ ᥙᥦᥒᥴ ᥑᥭᥳ ᥐᥣᥱ ᥙᥧᥢᥱ ᥖᥦᥒᥱ ᥟᥩᥐᥳ ᥔᥦᥐᥳ ᥘᥭᥳ ᥛᥨᥝᥴ ᥓᥧᥖᥱ ᥟᥝ ᥔᥣᥭᥴ ᥘᥦᥖᥱ ᥝᥭᥳ ᥟᥫ. ᥐᥩᥙ ᥘᥭᥴ ᥘᥦᥲ ᥙᥩᥰ ᥚᥦᥝᥴ ᥐᥣᥒ ᥑᥪᥢᥰ ᥛᥣᥰ ᥟᥛᥱ ᥛᥤᥰ ᥔᥣᥭᥴ ᥘᥦᥖᥱ ᥔᥥᥴ ᥖᥣᥳ ᥐᥛᥱ ᥚᥣᥱ ᥞᥝᥰ ᥘᥭᥳ ᥖᥪᥐᥳ ᥛᥤᥰ ᥘᥩᥒ ᥖᥣᥒᥰ ᥟᥧᥢᥱ ᥝᥭᥳ ᥕᥝᥳ. ᥙᥩᥰ ᥕᥒ ᥛᥤᥰ ᥞᥩᥒᥳ ᥘᥨᥛᥰ ᥘᥦᥲ ᥔᥣᥭᥴ ᥘᥨᥛᥰ ᥟᥢ ᥖᥥᥴ ᥓᥧᥖᥱ ᥟᥝ ᥔᥣᥭᥴ ᥘᥦᥖᥱ. |
| 174 |
ᥙᥩᥰ ᥗᥪᥒᥴ ᥐᥣᥒ ᥝᥢᥰ ᥔᥛᥳ ᥖᥥᥳ ᥐᥪᥒᥳ ᥐᥣᥒᥳ ᥛᥭᥳ ᥞᥦᥒᥰ ᥘᥦᥲ ᥙᥩᥰ ᥗᥪᥒᥴ ᥐᥣᥒ ᥑᥪᥢᥰ ᥛᥢᥰ ᥖᥥᥴ ᥐᥪᥒᥳ ᥐᥣᥒᥳ ᥘᥣᥒᥲ ᥐᥣᥱ ᥞᥦᥒᥰ ᥞᥦᥒᥰ ᥟᥫ. ᥖᥤᥲ ᥘᥬᥰ ᥓᥨᥝᥱ ᥞᥤᥢᥴ ᥔᥤᥱ ᥞᥨᥭᥱ ᥟᥢ ᥛᥤᥰ ᥝᥭᥳ ᥘᥬᥰ ᥛᥧᥱ ᥓᥧᥛᥰ ᥘᥦᥖᥱ ᥘᥢᥳ ᥐᥛᥱ ᥚᥣᥱ ᥟᥢ ᥞᥝᥰ ᥕᥧᥱ ᥝᥭᥳ ᥘᥢᥳ ᥙᥥᥢ ᥓᥨᥝᥱ ᥟᥢ ᥕᥬᥱ ᥔᥤᥴ ᥙᥫᥢ ᥘᥦᥲ ᥟᥢ ᥛᥤᥰ ᥖᥒᥰ ᥘᥐᥴ ᥔᥥᥴ ᥙᥫᥢ ᥟᥫ. |
| 175 |
ᥖᥣᥱ ᥔᥣᥭᥴ ᥘᥦᥖᥱ ᥖᥥᥴ ᥗᥪᥒᥴ ᥛᥣᥰ ᥘᥫᥴ ᥐᥛᥱ ᥚᥣᥱ ᥘᥢᥳ ᥘᥭᥲ ᥟᥝ ᥑᥣᥝᥰ ᥔᥣᥭᥴ ᥘᥦᥒᥰ 8 ᥛᥥᥖᥳ ᥘᥦᥲ ᥐᥛᥱ ᥚᥣᥳ ᥘᥭᥳ ᥖᥣᥱ ᥖᥥᥴ ᥙᥢᥱ ᥞᥩᥙ ᥘᥦᥖᥱ ᥘᥫᥒ ᥙᥩᥐ ᥘᥢᥳ ᥘᥭᥲ ᥟᥝ ᥑᥣᥝᥰ ᥕᥣᥛᥰ ᥘᥫᥒ ᥙᥤ (365.25 ᥝᥢᥰ) ᥟᥫ. ᥐᥛᥱ ᥚᥣᥱ ᥘᥭᥳ ᥖᥣᥱ ᥖᥥᥴ ᥙᥢᥱ ᥞᥩᥙ ᥖᥨᥝ ᥓᥝᥳ ᥐᥝᥱ ᥛᥢᥰ ᥘᥢᥳ ᥘᥭᥲ ᥟᥝ ᥑᥣᥝᥰ ᥕᥣᥛᥰ ᥘᥫᥒ ᥝᥢᥰ (23 ᥢᥣᥱ ᥕᥤᥱ, 56 ᥛᥥᥖᥳ) ᥕᥝᥳ. |
| 176 |
ᥙᥣᥭᥰ ᥘᥦᥒ ᥛᥫᥒᥰ ᥙᥥᥢ ᥙᥪᥢᥳ ᥞᥧᥳ ᥜᥣᥭᥱ ᥘᥩᥒ ᥖᥣᥒᥰ ᥓᥫᥰ ᥟᥢ ᥐᥙᥴ ᥐᥣᥭᥱ ᥖᥒᥰ ᥘᥤᥢ ᥛᥫᥒᥰ ᥖᥤ ᥐᥨᥢᥰ ᥞᥝᥰ ᥕᥧᥱ ᥔᥝᥰ ᥝᥭᥳ ᥘᥭᥳ ᥔᥥᥒᥲ ᥔᥥᥒᥲ ᥕᥝᥳ. ᥖᥤ ᥐᥨᥢᥰ ᥞᥝᥰ ᥕᥧᥱ ᥘᥭᥳ ᥙᥫᥒ ᥘᥨᥒᥴ ᥛᥢᥰ ᥙᥥᥢ ᥘᥫᥴ ᥘᥤᥢ ᥟᥢ ᥞᥩᥒᥳ ᥝᥣ ᥛᥫᥒᥰ ᥘᥭᥳ ᥕᥝᥳ. "ᥛᥫᥒᥰ" ᥘᥭᥳ ᥔᥛᥳ ᥙᥥᥢ ᥑᥨᥝᥲ ᥑᥣᥛᥰ ᥖᥭᥰ ᥐᥝᥱ ᥐᥥᥱ ᥟᥢ ᥘᥣᥖ ᥘᥨᥭᥲ ᥘᥩᥒ ᥘᥛᥳ. |
| 177 |
ᥘᥤᥢ. ᥞᥤᥢᥴ. ᥚᥣᥴ. ᥗᥫᥢᥱ. ᥞᥨᥭᥲ. ᥘᥩᥭ. ᥘᥣᥰ ᥖᥨᥝᥱ ᥗᥪᥒᥴ ᥐᥣᥢ ᥙᥩᥒ ᥐᥧ ᥘᥩᥒ ᥘᥩᥒ ᥘᥢᥳ ᥕᥝᥳ. ᥐᥩᥙ ᥘᥭᥴ ᥙᥣᥭᥰ ᥘᥦᥒ ᥛᥫᥒᥰ ᥘᥭᥳ ᥙᥥᥢ ᥖᥣᥒᥰ ᥟᥢ ᥘᥤ ᥞᥧᥳ ᥟᥢ ᥐᥙᥴ ᥐᥣᥭᥱ ᥝᥭᥳ ᥐᥨᥢᥰ ᥞᥝᥰ ᥘᥦᥲ ᥖᥤ ᥟᥤᥒ ᥐᥨᥢᥰ ᥞᥝᥰ ᥓᥫᥰ ᥘᥢᥳ ᥖᥒᥰ ᥔᥥᥒᥲ ᥘᥭᥴ ᥐᥩᥲ ᥝᥣ ᥘᥭᥲ ᥕᥧᥱ ᥕᥝᥳ. ᥐᥨᥢᥰ ᥞᥝᥰ ᥙᥥᥢ ᥖᥨᥝ ᥔᥖᥴ ᥖᥨᥝ ᥛᥤᥰ ᥓᥬ ᥓᥫᥳ ᥘᥫᥒ ᥟᥢ ᥕᥧᥱ ᥖᥤ ᥘᥨᥐ ᥘᥧᥛᥲ ᥜᥣᥳ ᥐᥛᥱ ᥜᥣᥱ ᥘᥭᥳ ᥕᥝᥳ. |
| 178 |
ᥙᥩᥒᥱ ᥝᥣ ᥙᥥᥢ ᥟᥢ ᥛᥤᥰ ᥖᥣᥒᥰ ᥙᥥᥢ ᥙᥥᥢ ᥘᥧᥳ ᥘᥧᥳ ᥕᥧᥱ ᥖᥣᥱ ᥔᥥᥴ ᥘᥢᥳ ᥕᥝᥳ. ᥘᥬᥰ ᥘᥨᥐ ᥟᥛᥱ ᥘᥢᥴ ᥘᥬᥰ ᥖᥬᥲ ᥖᥩᥒᥳ ᥜᥣᥳ ᥟᥢ ᥞᥩᥒᥳ ᥝᥣ ᥘᥧᥛᥲ ᥜᥣᥳ ᥟᥛᥱ ᥘᥢᥴ ᥐᥛᥱ ᥜᥣᥱ ᥟᥢ ᥛᥤᥰ ᥖᥤ ᥙᥩᥒᥱ ᥝᥣ ᥖᥤ ᥕᥧᥱ ᥔᥝᥰ ᥟᥢ ᥐᥝᥱ ᥐᥥᥱ ᥞᥪᥒᥴ ᥕᥣᥝᥰ ᥘᥣᥱ ᥘᥣᥱ ᥘᥭᥴ ᥛᥢᥰ ᥛᥤᥰ ᥔᥒᥴ ᥘᥣᥭᥴ ᥘᥣᥭᥴ. ᥑᥝᥴ ᥞᥥᥖᥱ ᥞᥪᥴ ᥔᥥᥴ ᥖᥨᥒᥳ ᥘᥪᥒᥴ ᥑᥣᥭᥳ ᥘᥣᥭ ᥕᥧᥱ. |
| 179 |
ᥑᥝᥴ ᥘᥭᥲ ᥟᥤᥒ ᥘᥒᥴᥚᥒᥴ ᥘᥩᥒ ᥓᥫᥳ ᥘᥒᥱ ᥞᥪᥴ ᥔᥥᥴ ᥙᥥᥢ ᥝᥭᥳ ᥓᥫᥰ ᥘᥭᥳ ᥐᥩᥲ ᥙᥥᥢ ᥘᥩᥒ ᥐᥩᥒᥳ ᥐᥣᥭᥱ ᥝᥭᥳ ᥖᥒᥰ ᥙᥣᥭᥰ ᥘᥦᥒ ᥛᥫᥒᥰ ᥜᥣᥭᥱ ᥘᥨᥐ ᥘᥧᥛ ᥜᥣᥳ ᥝᥭᥳ ᥕᥧᥱ. ᥙᥫᥒ ᥘᥨᥒᥴ ᥛᥢᥰ ᥐᥨᥢᥰ ᥞᥝᥰ ᥙᥥᥢ ᥖᥨᥝ ᥔᥩᥛᥴ ᥘᥨᥛᥰ ᥟᥢ ᥖᥥᥱ ᥘᥭᥲ ᥞᥣᥴ ᥐᥤᥢ ᥘᥥᥒᥳ ᥖᥩᥒᥳ ᥕᥧᥱ ᥐᥧ ᥛᥫ ᥘᥢᥳ ᥘᥦᥲ ᥕᥧᥱ ᥔᥝᥰ ᥝᥭᥳ ᥖᥤ ᥘᥥᥝ ᥕᥧᥱ ᥔᥝᥰ ᥝᥭᥳ ᥞᥣᥒᥰ ᥑᥨᥝᥴ ᥟᥛᥱ ᥘᥭᥲ. |
| 180 |
ᥚᥧᥱ ᥓᥩᥭ ᥟᥢ ᥝᥣ ᥘᥢᥳ ᥙᥥᥢ ᥐᥨᥢᥰ ᥟᥢ ᥞᥥᥖᥱ ᥛᥨᥝᥲ ᥞᥤᥢᥴ ᥘᥨᥒᥴ ᥟᥢ ᥛᥤᥰ ᥕᥧᥱ ᥘᥬᥰ ᥐᥥᥒᥰ ᥑᥣᥒᥴ ᥖᥨᥝᥱ ᥞᥣᥢᥳ ᥘᥭᥳ ᥘᥢᥳ ᥕᥝᥳ. ᥛᥫ ᥙᥣᥢ ᥖᥥᥱ ᥘᥢᥳ ᥟᥤᥢᥱ ᥖᥨᥝᥱ ᥢᥤᥰ ᥡᥦᥢᥰ ᥑᥝᥴ ᥟᥥᥢ ᥞᥦᥒᥰ ᥕᥬᥱ ᥖᥥᥳ ᥖᥥᥳ. ᥑᥝᥴ ᥕᥧᥱ ᥖᥤ ᥛᥫᥒᥰ ᥘᥣᥝᥰ ᥘᥭᥳ ᥔᥥᥴ ᥕᥤᥙᥴ ᥘᥥᥐᥴ ᥕᥤᥙᥱ ᥖᥩᥒᥰ ᥑᥦᥐᥱ ᥞᥥᥖᥱ ᥛᥨᥝᥲ ᥞᥤᥢᥴ ᥘᥨᥒᥴ. |
Комментарии